المساعد الشخصي الرقمي

مشاهدة النسخة كاملة : أحبه وخايفة أرتكب معه الحرام .. بس خطيبي ؟؟!



رَوُحْ
29-06-2011, 03:25 AM
بسم الله الرحمن الرحيم
السلام عليكم ورحمة الله وبركاته




عندي مشكلة أبيكم تساعدوني والله محتارة وما أدري وش أسوي !!
أني بنت عمري 18 سنة مخطوبة إلى ولد خالي من ستة شهور
كنت أكلمه وأجلس معه من قبل الخطبة وكل الأهل يدروا عن الشي هذا وعارفين أنه بيخطبني
بس لما جا تقدم رسمي وصار الموضوع جدي عند الرجال ترددت قمت أفكر بجدية وحسيت أنه مو الرجال اللي يناسبني ولا أبيه لكن خفت أرفض وأجرحه بعد كل اللي صار بيننا وخفت أرفض وتصير مشاكل بين أمي وخالي عشان كذا وافقت وأني مترددة ومو مرتاحة خصوصاً أن عنده عيوب من خلقته لكن غضيت النظر عنها ووافقت تمت الخطبة والحين أحس أني مو مرتاحة معه ولا أبيه مع أنه ملتزم ويحبني ويحترمني ومايرفض لي أي طلب لكن ..
مشكلتي أني أحب رجال ثاني غيره وهذا الرجال متزوج وعنده بنت صغيرة عمرها 8 شهور وهو يحبني ويبي يتزوجني عاندت خطيبي وسويت كل شي مايعجبه ويضايقه أبيه يزهق وينفصل عني لكن مو راضي نفك الخطبة ولا أبي أقول له بوجهه صريحة ما أبيك أبي الشي يجي منه هو وجالسة أحاول بكل الطرق ما أقدر أعيش معه وأظلمه معي وأنا أحب رجال ثاني وبقلبي رجال ثاني
والمصيبة الأكبر من كذا خايفة أني أرتكب معه الحرام وأني والله العظيم أحبه حب صادق وأبيه على سنة الله ورسوله وهو يبغاني ومستعد يضحي عشاني بأي شي لو يخسر أي حاجه بس يأخذني
محتارة ما أدري وش أسوي !!
ساعدوني تكفوا محتاجة أحد يوجهني مو عارفة أقرر ولا أتصرف بشي :(

omhadooi
29-06-2011, 03:51 AM
اسمحي الي يمكن ردي ما يعجبش بس انتي حطيتي مشكلتش وتبغى حل
انتي ويش بتستفيدي ادا خربتي بيتك وبيت وحده ثانيه تزوجت علشان تستر على نفسها وتعيش ؟؟
انتي ايش يضمن الك ان هده الرجال المتزوج ما يغدر فيك ويترك زي ما انتي تبغى تتركي خطيبك؟؟
ويش تحسي وانتي تخوني رجال حبك وخطبك حتى لو كان فيه عيوب ؟؟
ويش بتقولي الى ربك ادا متي وانتي تكلمي رجال وانتي مخطوبه وعندك زوج ؟؟؟؟ ياريت تري على اسألتي وبعطيك الحل الي يريحك ان شاء الله

أم علاوي و حمودي
29-06-2011, 03:57 AM
ما ادري اختي انتي كيف تفكري
تبغي تتركي اللي يحبش و تاخذي اللي انتي تحبيه
ترى هالمعادله خسرانه
و لا رجال متزوج و عنده بنت صغيره يعني توه جديد و حتى ما استقر في حياته الأولى عشان يفكر في ثانية
و كيف تثقي فيه اذا كان بايع مرته بهالسهوله تتوقعي تصيري عنده اغلى منها ؟؟؟؟؟
اسأله وااااااااااااجد خيه
انتين عمرك صغير و منشان هيك الحياة ماوضحت لش و تفكيرش مو منطقي
اختي عيدي التفكير
انتين ماكرهتي ولد خالتك الا يوم عرفتي الثاني صح؟؟؟؟
و ماوضحتي العيوب اللي في خطيبك شنهي منشان نقدر نحكم ان كانت عيوب منطقيه و الا لا؟؟؟؟
أختي الوحده تاخذ واحد شارينها و يعزها و يحبها و هيه ماتضمن وش توريها الدنيا
كيف تبغي تاخذي نصف انسان >>>> معذرة على هالكلمة بس المتزوج يفرق كثييييييييييييييييييييييير عن الولد اللي ماجرب و عاش الحياة الا بس معاش انتين
اصرفي النظر عن هالرجال و انتين الحين مخطوبة ركزي على حياتك
و لو قررتي انك تتركي خطيبك لا يكون منشان الثاني
خليش منطقيه
و عيدي النظر في الموضوع
ترى اللي انتين تفكري فيه مو سهل ابددد
تخيلي عمرش بعمر الزهور و تاخذي رجال متزوج و منجب يعني مافيه حماس في حياتش ابدددد
كلامي ملخبط خيه
بس احسك بتهدمي حياتك
لا تتسرعي و فكري قبل كل خطوة
انتين من حقش تعيشي مع الانسان اللي يحبش و يقدرش و يعطيش قيمتش
مو مع انسان تشوفيه يوم و يوم لا >>>>ترى هالشي ابدددد مو سهل
أصلا كيف عرفتيه ؟؟؟
من النت
تأكدي انه عارف غيرش و غيرش
ابد لا توثقي في رجال يخون مرته
و لا توثقي بالعيوب اللي يحطها فيها منشان يبرر عمايله
ترى حتى الرجال الزينين اذا يبغوا يتزوجوا على نسوانهم يروحوا البيوت من ابوابها مو بهالطريقة
اختي انتين حطيتي مشكلتك و اني هدفي ابين لش شي يمكن غايب عن نظرش
اسمحي لي لو جرحتك

AnharYousuf
29-06-2011, 03:58 AM
خلـش مع الي يبحش ويبغـآ مو مع الي تحبيه وآنتي تبغيه صحيح هو((قـآل:confused:))والاغلب يقولون مـآلايفعلون فـ آنتبهي لو يبغـآش بيكون سعيد لـمجرد انش تكوني سعيده بحياتش مو تضحي بحيـآتش وتنفصلي وشش بيقول بعدين ضحت بزوجهـآ وهو قريبهـآ ولد خالها وتركه عشـآني آكيد بـ يجي اليوم الي تتركني فيه ع شـآن غيري فـكري عدل وخلـشش ع خطيبشش آحسسن ..ّ
والعيوب الخلقيه ع قولشش ليش مآطلعت قبل توهـآ طـآلعه ؟؟
فكري بعقـلشش مو بقلبشش:cool:

مركز الليالي
29-06-2011, 03:58 AM
وأني مترددة ومو مرتاحة خصوصاً أن عنده عيوب من خلقته لكن غضيت النظر عنها
امرك غريب !!!!! تجلسين معاه قبل الخطوبه وكان عاجبك
ويوم جا يخطبك التفتي لعيوبه ؟؟
مشكلتي أني أحب رجال ثاني غيره وهذا الرجال متزوج وعنده بنت صغيرة عمرها 8 شهور

انتي جالسه تدورين فيه عيوب علشان بس حبيتي واحد غيره!!! يعني طول هالفتره مخليته احتياط؟؟
لا واللي تحبيه متزوج؟؟ لاحول ولاقوه الا بالله *

مادري وش اقوووول* يعني انتي الحين تبي تطفشي الرجال علشان يطلقك وتتزوجي حبيبك ؟
اذا صار هالشي في قدامك خيارين
1- انك راح تتزوجيه وتهدمي حياه اسره *وزوجته راح تسوي فيك الهوااااايل من حرتها غير المشاكل الا بتجيك وتندمي على هالزواج وادخلي في دوامه شكه فيك
2- انه اذا صار الصج ماراح يتزوجك بيرميك *ماراح يقبل يتزوج وحده خانت اهلها وفكت الخطوبه علشانه يعني ماراح يوثق فيك**لا باعت غيري بتبيعني !! وانتي اندبي حظك بعدها

الخيارين مرين* خلك مع خطيبك وانسي الا تقولي عنه *

عالمي (حسين)
29-06-2011, 04:00 AM
استغفر الله ربي واتوب اليه

وش فيك ؟؟ صابك شي؟؟

ليش مافكرتي عيوب ولد خالك من قبل لا تقرري انك تحبيه ؟؟
ليه عيشتيه على امل حبك ؟؟؟
لو كان نزوى وخلاص؟؟؟

اهتمي فيه دامه شاريك
وش لك بواحد متزوج ؟؟؟
وتخربي بيوت غيرك علشان سعادتك

استغفر الله
استغفري ربك ليل ونهار لانها تعتبر خيانه
حطي ولد خالك محلك يحب غيرك ؟؟؟ وش بيكون موقفك
انتبهي لنفسك والله يحميك

عروس شعبان
29-06-2011, 04:13 AM
موضوع انك تحبيه وعلاقه من قبل الخطوبه ولما جا الكلام في الجد اترددتي والحين مو مرتاحه وتبغي تفكي.. هذا كله انا اتقبله عادي وتحصل..

لكن... انش تجي تبغي تفكي عشان انتي مع علاقه بواحد غير خطيبش.. هذي الي احط تحتها الف خط احمر

اول شي.. الشخص الي تحبيه متزوج.. ويش يضمنش انه فعلا بياخذش؟
ويش يضمنش انه مو قاعد يلعب على الحبلين بس يبغى يجرش دامش وحده على ذمة رجال يعني كأنش "متزوجه" اذا فهمتي قصدي.. واستغل صغر سنش وسذاجتش وقال صيده سهله!!

هذا الي انتي تحبيه ماسألتي نفسش شلون قبل على نفسه يكلم وحده متزوجه وعلى ذمة رجال؟
ولو كان فعلا يحبش, شلون يقبل عليش بالخطأ والذنب العظيم هذا؟؟ تخوني خطيبش وياه.. بكره بتخونيه مع غيره.. الخيانه شي عظيم يا اختي والله انه ماراح ينساها لش لو ويييش

لو اتعرفتي عليه وحبيتيه وانتي لساتك مو مرتبطه كان كلامي بيختلف في بعضه.. لكن انتي متزوجه..وهذي خيانه.. اساسكم غلط في غلط!!

الي قاعده تكلمش الحين "الي هي انا" وحده عقليتها متفتحه واتقبل امور قبل الزواج من الحب الشريف.. لكن هنا وحالتش غلط في غلط مااحد يرضاها

انتي بعدش صغيره وباين انه عواطفش ومشاعرش بعدها تحت النضوج بمراحل..
فنصيحتي لش من اخت لأختها لا تتسرعي
انتي لسه مانضجتي واذا اتسرعتي في هالقرار بالذات بتندمي

الي عليش تسويه الحين:
افصلي بين موضوع خطيبش و الشخص الي تحبيه

قيمي خطيبش لحاله وبينش وبين نفسش قيميه وقيمي حياتكم مع بعض.. وشيلي من المعادله الرجال المتزوج نهااااااااااااااائيااااااااااا

شوفي انتي تحبيه؟.. مرتاحه وياه؟.. تشوفيه هو الشخص الي بيسعدش ويهنيش ويريحش ويعزش ويصونش؟ ولو ويش ماراح يتغير عليش؟... انظري لبعييييييد لا تنظري في نطاق ضيق من الزمن.. وسعي افق تفكيرش

ترى الراحه النفسيه والتوافق بينكم اهم بواجد من الحب صدقيني.. ان انوجد الحب القوي في البدايه وواجهته مشاكل عويصه وهم وعدم راحه وعدم توافق بينش وبين زوجش صدقيني الحب بيصير على جنب وقتها وبتحسي انش مخنوووقه ومستعده تسوي اي شي عشان تشتري راحة بالش..

اما موضوع علاقتش بالرجال المتزوج.. اتركيه اختي صدقيني اسمعيها مني نصيحه.. الرجال عنده حياة كامله خاصه فيه وعنده بنت وزوجه وقاعد يخون زوجته وياش.. انتي ترضيها على نفسك زوجك يخونك؟؟ اجل لاترضيها على بنات الناس!.. لا تخربي بيوت الناس ترى الدنيا دواره وبكره تجي من تخرب بيتش

راجعي نفسش اختي وراجعي حساباتش زين مازين
وحطي في بالش انه الله مايضيع عمل العبد ان كان خير او شر.. كل شي بحسابه

آهات حنونه
29-06-2011, 04:15 AM
غريبه بالحرام كان حلوو ولافيه اي عيب
بالحلال طلع اله عيب خلقي..!!
حرااام عليك تبني سعادتك على تعاسة اشخاص واولهم الشخص الي حبك ووث فيك
والمرءة والطفل اي ذنبهم تشتتي شملهم لجل سعادتك ..
لاتكوني انانيه ..!!

الرجال متزوج وعنده بنت صغيرة عمرها 8 شهور ...........................!!!!!!!!!
زمن يخووف بجد مرءة متزوجه تلاحق رجل متزوج ..
يارب ابعد عنا بنات السؤؤؤؤ

حتى لو ردي كان قاسي ولو حذف بسسسسسسسسس هادا الواااقع

وردة الجرح
29-06-2011, 04:17 AM
كلامك كله متناقض
كنت احبه واجلس معاه >> بالحرام عاجبك
ولما تقدم ليي حسته ما يناسبني >>> لما صار بالحلال ما عجبك
خفت تصير مشكلة بين امي وخالي وافقت>>> وافقتي علشان ربط الاسره
وصرت اعانده واسبب له المشاكل وهو مو راضي يفك>>>ما خفتي على ربط العائلة والمشاكل بين امك وخالك

خفت اجرح برفض>> تراعي مشاعره
اعاند واسبب له مشاكل >> جاف بدون مرعاة مشاعر
الطامة العظمى
على ذمة رجال وتكلميني رجال غيره والأعظم متزوج وعنده ولد عمره 8شهور


ان كنتي تحبيه بالفعل وتم الزواج بينكم هل تقبلي ان تأتي امرأة وتكلمه من وراك وتاخده منه؟؟؟؟؟؟؟؟؟؟؟؟
ليش تسوي مال لا تقبليه بالحرام

انتي الحين تقولي هو يبيك...كل الرجال اللي يخونوا زواجتهم يبغوا المرأة الغير شرعية بس وقت الجد ما يبغا يتزوجها بيقول لك زي ما خنتي خطيبك بكرة تخونيني
او يعيش معاك بجحيم


نجي لخطيب تقولي فيه عيوب من خلقته ... من منا ما فيه عيب من خلقته


شعر مجعد - بدين -قبيح -قصير
مو أحسن من عيب بأخلاقه
ابو بنات-نصاب -محشش-ما يصلي

انتي بذات نفسك ما نتي ناقصة اكيد شايف عيوبك وصابر عليها اصبري عليها يا بنت الناس
وشي الثاني هو متمسك فيك الرجال ما جالس يلعب وانتي تدورين اللي ما هو متمسك فيك

الرجال المتزوج لو يحبك ويحترمك ما كلمك ...ولا وعدك بزواج ولا طلب منك الفك



انتي مسلمة
ووتعرفي الحرام من الحلال
ووتعرفي واجبات الزوجة على زوجها
اتركي عنك هالطريق وريحي زوجك
واشتري اخرتش بدنيتش والله بيعوضك بحب خطيبك واسعاده لش


ملاحظة:

متأكدة أنك عارفة الكل بيصير ضدك بس السؤال وش تبغي بتحديد؟؟
حل لحب خطيبك لو حل لترك علاقتك بالمتزوج؟

هــدوء
29-06-2011, 04:21 AM
صدقيني وقت ماتتركي خطيبش فلان مابيضحي بحياته عشانش ,, ولو فكر يرتبط فيش بتكون نزوه عابره وبيرجع لزوجته الأولى أم اولاده
وبيضل يفكر ويفكر انش حبيبتي وانتِ مرتبطه ونفسيه بتعيفش
الحين مجنن عشانش لانش صعبة المنال وتحلي بعيونه

تعوذي من الشيطان وخلش مع زوجش الي يحبش

Gــلنار
29-06-2011, 04:22 AM
اول مرة في حيآتي ارد ع موضوع بهالقسم ..

لكن لأني عآيشت هالحاله و تقريبا حسيت فيها مع وحده من صديقآتي المقربآت ..

حبيبتي هالكلام من تجربة وشايفتها بنفسي و اعرف كل تفاصيلها تقريبا ..

والبنت اللي اعرفها من نفس عمرك بالضبط
الزبدة حبيبتي ..

الرجال اللي تحبيه متزوج ماابغى اجرحش لكن مصيرة لزوجته يمكن هذا مجرد حب عابر مصيرة بيرجع لزوجته وبنته لا تحطي نفسش في موقف تندمي عليه ..

ولد خالش اللي فهمته انه يحبش ومو مقصر عليش بشي , انتي بس افتحي هالقسم و شوفي مشاكل المخطوبين والمتزوجين واحمدي ربش على النعمه اللي عندش ..

العيوب اللي تشوفيها في ولد خالش ممكن تكون تافهه او حتى مو موجودة بس انتي تحبي ذاك الشخص ومو طايقة ولد خالش بسببه ف انتي جالسه تنبشي عن اي عيب او صفه ما تحبيها عشان تكرهيه اكثر ..

طيب تخيلي معي انتي انفصلتي عن ولد خالك وهالرجال طلع صادق في كلامه وتقدم لك , اهلش بيوافقوا يزوجوش لواحد متزوج وعنده بنت وانتي عمرك 18 سنه ؟؟؟

طيب نقول اهلك وافقوا مع إني استبعد هالشي , انتي راح تتحملي انه تشاركك في زوجك وحدة ثانيه ؟؟؟؟

تتحملي يسوي لوحدة ثانيه نفس اللي يسويه لك بالضبط ؟؟؟

ممكن يوم تركبي معه السيارة وتشمي ريحة عطرها او تشوفي شي لها بتتحملي هالشي ؟؟؟

اكيد لا

وفي النهاية حكمي عقلش مو قلبش و زي ما قلت لك ( الرجاااااال متزووووووج )

ممكن يكون كلامي ملخبط لكن لاني شفت وحدة زي حالتك وماهان علي اطلع بدون ماارد عليش ..

صدقيني مع الايام بتحبي خطيبش وبتحمدي ربش مليون مرة انش ماتهورتي وخربتي ع نفسش :)

ضحكة حياتي
29-06-2011, 04:22 AM
شوفي اختي انا بقولك شي
ان حبيتي تسمعيه كان بها ماحبيتي يمكن الادارة تحذف ردي
انتي ليش كنتي تجلسي مع ولد خالك؟
عشانك تحبيه صح؟
طيب ليش علقتيه فيك؟
والحين جا يثبت لك حبه
وتفكري كذا
واسمحي لي اختي انتي ماطلعي في الموضوع من جوانب الخطبة
طلعتي من جانب شكله وعيييبه الخلقي الي الله خلاه على كذا
وبعد ماتم كل شي
حبيتي غيره
ولا ومتزوووووووج بعد
ولاااا وعنده بنت
بس بسألك سؤال وابيك تجاوبيني بصراحه لو درا خطيبك انك تحبيه غيره وتحبي واحد متزوج وعنده بنت وش بتكون ردة فعله في البنت الي حبها وردة فعل اهلك
بيرضو انك تفكي خطبتك على ولد خالك وتتزوجي واحد عنده بنت؟
وانتي اصلا واثقة من هالرجال الي عنده بنت انك لو فكييييتي الخطبة بيتقدم لك؟
برايك بيترك زوجته وبنته وبيتقدم لك؟
اناا راي اختي تتركي عنك هالرجال المتزوج
خليه لزوجته وبنته
وخلك مع الي يحبك وانسي العيب الي بشكله الي مضايقك
الله يمهل ولايهمل
واسف ع الرد اذا جرحك

أم علاوي و حمودي
29-06-2011, 04:23 AM
خيه شوفي كلام عروس شعبان
مررره منطقي و واضح كنها قاعده بقلبي
فكري عددددددل
ترى اللي يروح مايتعوض
و كله من عمرش

خيوط ملونه
29-06-2011, 04:31 AM
اختي العزيزه استغفري ربك احسن لانه سالفتك معقده من كل الجهات فكري في مصلحتك وحياتك مع ولد خالك افضل لانها هي الاصل واللي حبيه تراه وهم ولا تصدقيه ابد ولاتتقبلي انه تفكيرك يكون في زاويه وحده وبغض النضر عن كل شي وحتى لو كان صادق تضمني انه اهلك يرضو فيه فكري الف مره والله يهدي الجميع

مركز آي شدو ستايل
29-06-2011, 04:35 AM
لا حول ولا قوة الا بالله العلي العظيم

AnharYousuf
29-06-2011, 04:37 AM
ممكن سؤؤؤال آخوآتي آني ابغى اعرف آلحين العيوب ليش الحين بدآت طلعت
وثـآني شششي الي يحب مابيطـآلع في العيـوب .. عليـه من الجوهر الي موجود يسـآر صدره ؟؟
وروحه الطيبه وآلاخلاق العاليه؟!!:eek:

ام يعقوب
29-06-2011, 04:37 AM
اني امبا منش حاجه تحطي نفسش مكان خطيبش يحب وحده ثانيه وقاعد يسوي كل الطرق علشان تقولي اليه خلنا ننفصل بس انتي اعظم منه لانه اللي تكلميه متزوجوتوه بدايه حياته يعني حطي بعد نفسش مكان زوجته اللي زوجها يخونها وهي توها عندها بنت صغيره يعني انانيه درجه اولى سوري على هالكلمه بس ماقدرت اوصف موقفش غير جدي اني مامباش تعيشي مع واحد ماتحبيه مع انش مفروض لما اخذته مقتنعه فيه مليون بالميه هالسوالف مافي زعل لان هذه حياه وعشره عمر لكن دوسي على قلبش واحترمي مشاعر غيرش وشو يعني ويش تقولي مستعد يضحي ترى اللي يبيع زوجته ولاوده بهالبساطه يبيعش بعد مع اني اشك بياخدش او يفكر حتى لو انفصلتي اتمنى توزني الامور عدل وتفكري وخلش على اللي يحبش مواللي انتين تحبيه لابعدين يعاملش زي ماتسوي لخطيبش اللحين لان الدنيا دواره واسفه اذا غلطت اوقسيت عليش في الكلام بس بعدش صغيره واجد وانتين زي اختي الصغيره لازم احد يوعيش لاتندمي

أحلامي
29-06-2011, 04:40 AM
غناتي أنتي في سن مراهقة وتفكري نفسك تحبي الثاني يمكن ثاني مو شاريش وبعدين حرام عليكي تخوني خطيبش هو على ذمتك يمكن لو أخدتي متزوج على قولتش يمكن تشوفي فيه صفات ماتعجبش بتخسري خطيبش على شانه أبتعدي عن العاطفة فكري بعقل وهادي حياة وراجعي تفكيرش عدل قلتي أنش تحبي خطيبش ويش لي غيرش عليه وأنتي صغيرة ماخدة واحد أعزب وبتاخدي متزوج فكري زين وأتمنى لك حياة سعيدة والله يهديش وتحبي خطيبش

gadeer
29-06-2011, 04:40 AM
الصرااحه لا تعليق

بشاره
29-06-2011, 04:47 AM
والله يختي ماعندش سالفة تزوجي الايحبش ولاتتزوجي الاتحبيه هذا اول شي
ثاني شي عنده بس بنت عمرها اشهر يعني ماصار له متزوج غير سنة وشوي
خير بتخربي عيشة بنت الناس وتصيبش حوبتها
والله لو اشوفش قرصت اذونش
خيه خليش ويا خطيبش وحرام الاتسويه لان تصدقي والله العظيم مابتتوفقي ابدا ابدا
خنتي خطيبش واخذتي رجال من مرته
والله اتحسر على بنات امهات مستقبل مااحد يجيهم ولايخطبهم وبنات يجيهم رزقهم لعند بابهم ويدفروا النعمة
حطي عقلش براسش وخلش ويا خطيبش واتركي المتزوج لاينكب فيش وتروحي فيها
لان الرجال اذا صارت له مشاكل من زواجه الثاني ينفصل ويرجع لمرته
والله يوفقش واسمحي لينا اذا زعلناش بس انتين بغيتي اراء وهذا رايي.

أحبآب الروؤوح
29-06-2011, 04:54 AM
رأيي من رآي البنات

مع احترامي لك أحس انك طايشة !!

ولسه مراهقة

و ما بتحسي بهالشي الا متأخر بعد ما تخسري كل شي

فكري بجدية وانتبهي لنفسك واتركي الي تكلميه هذا و صدقيني بتشوفي انك غلطانه في الي تفكري فيه

ما تدري يمكن تنفصلي عن خطيبك ويقول لك هذا خلاص انا بطلت ما ابيك بعيش مع بنتي وزوجتي

وقتها وش بتسوووي !!

انا ما احب ارد في هذا القسم اخاف اقول شي ويكون غلط

بس مشكلتك استفزتني صراحة

موفقة

عبق الرياحين
29-06-2011, 05:00 AM
استغفر الله العظيم
مابزيد على كلام البنات شي زياادة
بس باختصاار شديد حطي نفسش مكان خطيبش مرة
وحطي نفسش مكان زوجة (حبيبش) مرة ثانية
وشووفي قد وش المرارة اللي يحسوا فيها بس لو عرفوا بخيانتش
بعدين سؤال يبطح نفسه كيف تعرفتي عليه وانتي مخطوبة؟
كيف تسمحي لنفسش تتعرفي على رجال وانتي على ذمة رجال غيره؟
ماقلتي لنا طريقة تعارفكم؟؟؟

سيدة الاعمال
29-06-2011, 05:03 AM
لسسسستك في سنه المراهقه تعوذي من الشيطان وستري نفسك واهللك وخلك مع خطيبش وتركي العائلة الثانيه وعند بنت وتزوجي وكملي مع خطيبك

أح ــلام ملونه
29-06-2011, 05:05 AM
اممممممممممممم

موعارفه شقول لج الله يهديج بس

خليج على خطيبج اللي يحبج وينفذ لج كل طلباتج ولاتفكري في المتزوج اصلا حرام عليج تخربي بيت المره

ترضي احد يخرب حياتج ترضي زوجك يكلم وحده ويتزوجها وانتي لسه متزوجه

وبعدين انتي قلتي تحبي خطيبك قبل وش الي غيرج عليه المتزوج ووين اصلا تعرفتي عليه لاتقولي شات

وهالاشياء ابصم بالعشره انه ماراح يتقدم لج لو فكيتي واهلج ماراح يرموج هالرميه لسه صغيره

وانتي اصلا مابتقدري بعدين تعيشي وي متزوج الغيره بتاكلج انتي تقولي هالكلام لانج ماجربتي

الحياه الزوجيه تبي تاخذي واحد متزوج لاكن لو تعيشي سنه وحده بس مابترضي زوجك ياخذ وحده ثانيه

وترى هو قاعد يتسلى فيج خافي ربج بس واي عيوب الي تتكلمي عنها وينها من قبل توج شايفتنها

ولو كنتي تحبيه بتتغاضي عن عيوبه لو ويش ماتكون بيكون عندج اهم شي تعيشي وياه تحت سقف واحد

تركي عنج هالسوالف وهالخرابيط وخلج مع خطيبج واستغفري ربج ولاتنسي الدنيا دوراه

لو مابيصير لج بيصير هالشي لبناتج حتى لو بعد 30 سنه

قطـرة مطـر
29-06-2011, 05:20 AM
ياعلي ويش فيش انتي مو صاحية ؟

الله يهديش

ترى كما تدين تدان

والي تقولي يحبش وعنده بنت

مابياخذ وحدة تطلقت وتركت زوجها عشانه

لان مابيضمن انش ماتسوي اياه نفس الحركة

تعالي واجهيني اذا تطلقتي من خطيبك

الثاني خطبك

انتظر المواجهة وشعورك بعدها

دلوعة ملاكي
29-06-2011, 05:21 AM
:eek::eek::eek::eek::eek::eek::eek::eek::eek:

ويش هالزمن !!

اني اتفق مع كلام الاخوات
من قبل بالحرام حبيتيه وخليتيه يتعلق فيش
ولما صار بالحلال مابغيتيه طلعت له عيواب ؟؟ :confused:

انتي وحده مراهقه :mad:

وكلامش كله يناقض نفسسسسسسسه

حطي روحش مكان المره الي عندها بنت ترضي وحده تجي وتشاركش حياتش
وترضي لنفسش انش تتزوجي نصف رجاااااااااااال :confused::confused:

روحي توضي وفرشي السجاده وصلي واتركي كل هالخرافات
واقري قران هذا دليل على انش بعييييييييييييييييييييييده عن رب العالمين

استغفر الله ماكنت اتوقع اني في زمن بيراوينا العجب !!

والمثل يقول : ان لم تستحي فافعل ماشئت
ما ادري كيف قدرتي تحطي هالموضوع هذي قلة حيا

لو اهلش واعيين ماكان خلوش تكلميه وانتين بعدش ما انخطبتي هذا يعتبر زنا
وكيف تعرفتي عليه في الاصل ؟؟؟

احمدي ربش لقيتي من يستر عليش الله الستار وانتين فاضحه حالش
وبكل قوة عييييييييييييييييين تعترفي انش بترتكبي الحرام << عصبت

مو عيب عليش تنكسي راس اهلش

واصلا هالرجال لاتوثقي فيه لانه توه جديد فهو حاب انه يلعب بش فقط لاغير مو قال لش احبش صدقتي
والرجال مايحب الخفيفيه الي يفرها بكيفه يقول يمين تروح يمين يقول شمال تروح شمال
والرجال لو مها صار يظل يحب الاولـــــــــــــــــى اكثر من الثانيه يالعاقله

بنات هالزمن الله يبعدنا عنهم
وبعدين يقولوا ليش البنات شهر شهرين وتفصخ الخطبه الا هم ****** مشفره

الحين كيف اذا الوحده بتخطب لأخوها و ولدها والدنيا فيها امثااااااااااالش
ويش شعورش وانتين تقرئي الكلام الي ينقال في حقش فرحانه مثلاً !!

ظلمتُ نفسي
29-06-2011, 06:23 AM
هلا خيه

بعطيش الاحتمالات و انتين شوفي بنفسش

اول احتمال فكيتي من ولد خالتش و الله وفقه مع وحده ثانيه
بس انتين الي يحبش تقدم لش و اهلش رفضوه
بظلي تاكلي اصابيعش ندم لأنش خسرتي الطرفين
و افرضي انه اهلش وافقوا و مرت الرجال سوت له سالفة و صارت بينهم مشاكل
و قرر يطلقش وش مصيرش فاكه و مطلقه و الناس بتسميش مطلقة مرتين
و ممكن تتوفقي وياه و تعيشوا حياة سعيده رب العالمين اعلم بس لا تنسي حوبة ولد خالتش
و ممكن بكل بساطة بعد ما تفكي يطلع على حقيقته لأن الكلام ببلاش
و النزوة يومين و تخلص و يتركش هنا انتين خسرتي الطرفين

غناتي روح الرجال تلاقيه هربان من مسئولية بيته و مرته و بنته
و جاي يسمعش الكلام الحلو و كلام الحب .. ترى الكلام بسيط جداً
و اي رجال بيكلم بنت بقول ليها احبش ؟ ما عمري سمعت رجال كلم بنت ما قال ليها يحبها

تلاقي فترة يغير جو و بعدين يرجع لمرته
و مهما تكلم عنها بعيوب و مهما قال ترى كلها حجايج عشان يكلمش
بس ترى الي عايشتنه الحين كله سرااااب
لو تلاحظي ان اغلب الاحتمالات نهاية مو سعيده
انتين الحين طايره بالمتزوج و حبه و انه ميت فيش
فكري بالمستقبل اكثر .. انتين كبيره و فاهمه و عاقله
فكري بعقلش

و ولدش خالش لا تفرطي فيه انتين تقولي مؤمن
و خير الرجال الي محترمنش و جى خطبش بعد ما كان يحبش
ما لعب عليش و اخذ الي يبغى و فلح

بعدين ويش سالفة خايفة ارتكب وياه الحرام
ليكون يتكلم وياش في اشياء غلط و رغبه جسديه ؟
اذا كان هالشيء موجود ترى احتمال كبير ان الرجال ناوي بس ياخذ الي يبغى
و بعدين يرميش

ادري انش تحبيه و ما ترضي عليه
بس فكري زين .. اكيد تشوفيه رجال زين و كل الصفات الحلوة فيه
بس بعد في اشياء لازم تفكري فيها مرته و بنته وش ذنبهم

افرضي بعد ما اخذش قال بعد يبغى الثالثه ؟
مو مستبعده يمكن رجال ما تكفيه وحده

فكري زين غناتي و لا تخليه حاجه لا تحسبي حسابها

و اذا تحبيه اختبريه بأختبار معين ؟ و شوفي ويش ردت فعله ؟
بس لازم يكون الاختبار قوي علشان تعرفي معدنه

اتمنى انش تتصرفي بحكمه و ترى الحياة و الاستقرار فرصة ممكن ما تتعوض

لا تدمري حياتش بيدش

نص دكتورة
29-06-2011, 06:52 AM
السلام عليكم


اختي انتين مع انش تعتقدي انش ناضجه بس انتين ماشفتي شي من الحياه ولسه صغيره


حطي نفسك مكان الزوجه

ترضي زوجك بعد ماتزوجتيه وحملتي وولدتي يخونك مع وحده ويبغى يتزوجها؟


مستحيل ترضيها على روحش


واللي ماترضيه على روحش لاترضيه على غيرش ابدا


لانه الايام دواره


وغير هذا مادام خطيبش انسان زين خلش وياه

ولاتفكري بتفاكير زي جديه ترى الوحده اذا عقدوا لها على رجال المفروض ماتفكر في اي احد غيره


ترى الخيانه حرام ولا تتوغلي في الحرام وبعدين ماتقدري تطلعي منه

اقري قرآن وادعي ربش يغفر لش

ترى الدنيا يومين وانتبهي من الشيطان ترى يجمل لش الحرام ويقبح لش الحلال

ملاك صفوى
29-06-2011, 07:02 AM
اني مستغربه منش
بالحرام تبغيه
وبالحلال ماتبغيه
خصوصاً أن عنده عيوب من خلقته لكن غضيت النظر عنها ووافقت تمت الخطبة والحين أحس أني مو مرتاحة معه ولا أبيه مع أنه ملتزم ويحبني ويحترمني ومايرفض لي أي طلب لكن ..
انتين وش عليق من خلقته زي ماهو عنده اعيوب انتين عندش اعيوب
صج دنيه غريبه البنيه وش تبغه غير واحد يحبها ويحترمها

مشكلتي أني أحب رجال ثاني غيره وهذا الرجال متزوج وعنده بنت صغيرة عمرها 8 شهور وهو يحبني ويبي يتزوجني
كيف اتعرف عليش؟كيف تقبلي على نفسش تاخدي واحد متزوج وعنده اطفال
ابن ادم مايترس عينه الا التراب
ولا تخلي العاطفه تاخدش ولا تخربي على نفسش

جنات عدن
29-06-2011, 07:06 AM
سمحي لي شكلش لحين انتي ياهله عمرش 18 الزواج والخطوبه مولعبه هذا شي والشي الثاني الي سوينه غلط وحرام اتحبين واتفكرين او اتكلمين واحد ثاني وانتي مخطوبه على ذمته رجال هذا شي عود وثالث شي اتاكدي ان الي تحبينه وتكلمني ماييزوجش ولابياخدش لو صار اخذاش مابيثق فيش وانتي كلمتينه وحبتينه وانتي مخطوبه من واحد ثاني ومثل ماخنتي خطيبش بتخونينه ومثل ماخان زوجته وكلمش بخونش

أسآمي
29-06-2011, 07:14 AM
اقول خلش مع خطيبش ولا تطالعي غيرهـ

الله يهديش الرجال متزوج تبي تهدمي بيت توهـ جديد

الله يهديش

رازي
29-06-2011, 07:20 AM
عذرا ...

احس انك تتكلمين ببساطة وبثقة ...

انتي مازلت طفلة تعبثين بالالعاب تفكين وتركبين مايحلوا لك...

لكن ثقي تماما مشاعر البشر ليست دمية توضعيها كيف ماتشاءين ..

ازين لك ركزي على خطيبك واهتمي بأمووره ...

ياريت يتزوج عليك خطيبك عشان تحسين بالحسرة والمرارة ...يمكن تتعلمين من دروس الحياة

أورجينال
29-06-2011, 07:59 AM
كتبت رد طويل بس مسحته وباختصر كلامي

لو تفكي خطوبتش وتظلي ايا اللي متزوج وتقولي تحبيه .. صدقيني بكرة تتعرفي على غيره وبتملي منه وبتقولي نفس الكلام
اللي قلتيه عن خطيبش الحين
ياغناتي ( القابض على دينه كالقابض على الجمر ) صلي على النبي ولاتخربي حياتش بايدش وتقولي ياليت اللي جرى ماكان

مثل القمر
29-06-2011, 08:08 AM
كنت داخله ارد عالموضوع بس شفت الاعضاء قالوا كل اللي باقوله وزووود ونظروا للمشكله من جميع الجوانب


اعتقد انهم كفووووواااا وووفوووا والله يقدم اللي في الخير ويهديك خيه

عاشقة الجوري
29-06-2011, 10:56 AM
بس كلمه بقولها انتي ماقبلتي بولد خالتش علشان خوفه على مشاعره وماشاعر اهلك لو خايفه على مشاعرهم ماسويتي الي تسويه الحين ولا انجريتي للحرام وركضتي وراه انتي بس تبي تحوشي الدنيا كلمن بيقول لش احبش وراه لو استمريتي على الي انتي فيه ماراح تكوني عائله بتعيشي في دوامه اسمها هوى النفس اتقربي لربش جالسي مجالس التوابين اقري قران التزمي في امور دينش لتخلي الشيطان يوسع طريقه وياش ترا الخط الي ماشيه فيه ماوره الا الفضيحه تحيااااااااااااااااااتي

خادم أمير المؤمنين
29-06-2011, 11:35 AM
الواحد يحزن اذا شاف مثل هالقاضايا

احنا كنا نشوف هالقاضايا تحصل عند غيرنا ونقول الله لا بيلانا

لكن اشوفها قامت تحصل عندنا واكثر والله يستر من القادم

انا كنت اعتقد ان جميع بناتنا مثال للأ خلاق والشرف والطهر وما يوصلون الى هالمستوى ومافي احد مثلهم بالعفاف وقدوتهم فاطمة الزهراء عليها السلام

لكن بعد مااشوف مثل هالمشاكل اتضح ان هناك بعض الشواذ واتمنى ان الله يهديهم ومااقول الا لاحول ولاقوة الا بالله والله اني اتألم حزنا على ماوصلنا اليه

اما بالنسبة لمشكلتك فلا تعليق لأنك قاعدة تتكلمي من دون احساس بالمسؤولية كأنك تلعبي

وبأختصار فأنتي :

اولا:خاينة لأنك متزوجة و تكلمي وتحبي غير زوجك

ثانيا:لو كانت بنت اللي تسوي مثلك لكانت مصيبة وانتي متزوجة فالمصيبة اعظم

وبعدين هذا اللي يحبك بالله شلون تعرفتي عليه ؟؟ لا وبعد زواجك؟؟

وشنهو اللي يضمنلك انه بيتزوجك بما اني رجل فأنا اعرف مايفكر به الرجال صدقيني ماراح يتزوجك بعد مايطلقك رجلش بيقول الحين خانت رجلها وكلمتني وش يضمنلي انها ماتخوني صدقيني هذا تفكيره وعذرا لكن هو يشوف انك رخيصه وسهله وهو مااخذك تسلية لااكثر ومعروفين اللي يلعبون على البنات انا اشوف انك اذا استمريتي على هالطريق بتكون نهايتك حزينة لأنك متعلقة بالسراب وبالتالي لابتبلغين لابلح الشام ولاعنب اليمن وبتتحسفين قد شعر راسك
واضح انش مراهقة ولاتفكرين بعاقبة الأمور
ويوم انك تحبي واحد ثاني ليش وافقتي على ولد خالش هو لعب جهال

وتذكري مابني على باطل فهو باطل ولا تتعلقين بالسراب وتوبي الى الله قبل مايفوت الفوت

وعذرا اذا كان كلامي شديد شوي لكن ابي اصحي ضميرك الميت واسأل الله ان يهديك بحق محمد وآل محمد

اخوك
خادم أميرالمؤمنين

عروس صغنونة
29-06-2011, 11:46 AM
والله غريب ..

من قبل كنتي تقعدي معاه وشرعا حرآم ..!! وماكنتي تشوفي اي عيب وتحبيه !

والحين يوم مسكين تعلق فيش وجا واثبت لش حبه وخطبِش ..؟ شفتي عيوب ...؟

والله إن زمن اغبر ...

انتي بعدك مراهقه وتفكيرك مخربط ومشاعرك مو حقيقيه كلها جت من فرآغ كان داخلش .

لو كانت مشاعرش حقيقيه وطاهره .. كان ماكلمتي اصلا واحد غيره وانتي حبيبتيه . .

وكان اصلا ماشفتي فيه عيوووب .. الا يحب مايشوف عيوب الطرف االثاني مهما كآنت

الأدهى .. قاعده تكلمي واحد وانتي على ذمة واحد ثآني ؟ هدا شي حرآم واسمه خيآنه

والأمر من هذا .. أنه متزوج وعنده بنت .. ؟

اصلا كيف تسمحي لنفسش تكلمي واحد وانتي متزوجه .. وكيف تسمحي لنفسش تخربي بيت وحده ؟

حطي نفسش مكانها توش متزوجه وعندش بنت حياة جديده .. وتكتشفي ان وحده تكلم رجلش

وهو واعدنها بالزوآج ..

وبكل واقحه جايه تقولي خايفه ارتكب معاه الحرآم ..؟

عندش عادي تاخدي واحد متزوج ؟ يوم لش ويوم لوحده غيرش ؟؟

والأشياء الا يسويها لش الكلمات المسات الهمسات والغزل ... كلها يسويها لغيرش ؟

وانتين بعدش صغيره .. المفروض تحلمي في واحد زيش مو متزوج من قبل

وزي ماقالوا البنات نصف رجال ..

خآفي ربش .. وانتبهي لنفسش وانسي أمر هدا المتزوج الا يشدب عليش شافش وحده مراهقه ومستجيبه ليه

بكمل وياش باقي اللعبه اكيد ..

شوفي الا يحبش .. مو الا تحبيه .. الايحبش بعزش وبرزش

الا تحبيه انتين ماتدري هو يحبش زي ماتحبيه او لآ ...

ولعيوب هدي الا شفتيها هدي حججج واهيه طلعت يوم تعرفتي على هدا المتزوج ..

فكرررررررري زين ولا بتندمي طول عمرش .. فكري في قلب واحد شارينش وعلى ذمتش

الحلا كلـــه
29-06-2011, 12:01 PM
الاعضاء كفوا ووفوا وكلامهم صحيح

انتي لسة صغيرة وتفكري بقلبش اكثر من عقلش


احسبيها صح راح تلقي انش انتي الي بتخسري بالنهاية راح تخسري ولد خالك الي يحبش ومستعد يسوي اي شي عشان يرضيش

ولا تتوقعي لو انفصلتي راح تلقي انسان صادق معاش وهذا الرجل المتزوج شيلي من بالش انه راح يتزوجك

اسمعي الكلام ولا تخربي حياتك وحياة غيرش

زوجة-يائسة
29-06-2011, 12:23 PM
يالله حسن الخاتمة
كل يوم أعيش فيه في هذه الدنيا اكرهها اكثر و ارى انها تنطمس بالقذارات بسبب أفعال اهلها ... واصبحت الناس كشياطين تلبست شكل البشر ..وبات الانحراف مطلوبا لمواكبة سير الحياة!
فكم وكم هناك امراءة طاهرة تكون مرفوضة فقط لتدينها وتكون العنوسة مصيرها
وكم هناك امراءة لن اقول منحرفة ولكن متحررة تكون مطلوبة بين الشباب
يريدها ان تكون مثقفة في الامور الزوجية
لا ادري عزيزتي هل هي غلطتك ام غلطة ابن عمك ولكن هم اهل الدنيا مواكبون في مسيرتهم التطور المزعوم وثقي عزيزتي انك في مقدمة الصف
اللهم عافني واعفو عني ولاتبليني في نفسي واولادي

عدبني الشوق
29-06-2011, 12:24 PM
يالله عند جد دنيا تغيرت

بلى احب بلى خربيط ليش ماتفكروبالعقل دائما تفكر في راحت نفسكم


مافكرتي بخطيبك ويش بيكون موقفه

اتمنى انش تفكري ماتسرعي يمكن لي تحبيه بياخد منك الغرض الجنسي ويترك

لانه مستحيل بيترك زوجتة عشانك وخصوصنا انه عنده بنت

الله يهديش نشالله

غربة الاحساس
29-06-2011, 12:48 PM
والله واضح أنك بعدك مرهقة وتبغي تلعبي بحالك وشو جالسة وياها ويوم خطبك ورجال مافيها عيب طيب
ومايرفض لك طلب وماّحبه وشو الكلام لعبة أطفال هذا ..وبعدين تحبي رجال متزوج وعندها أولاد ...هذا
موهو حبة ولا تلعبي على حالش ترى والله بتندمي ندم مو كل شي فسرتوا حب الحب أحترام قبل كل شي
وخلي مع خطيبش بحبك وبيحافظ عليك وحافظي على نفسك وشرفك ترى شرف غالي وأني مستغربة منك
كيف كنت بعلاقة مع خطيبك قبل مايخطبك وبعدين تروحي دوري واحد أنت تلعبي بنار ولانتي عارفة
خافي من الله قبل ماتخافي من المجتمع ولا تفكري بلحرام ترى بتدمري حالك أشرف غالي ودنيا ..دنيت أوحوش
ماتعرفي وشو يضمرلش حافظي على نفسك للأجل ربك ونفسك مو علشان رجال هذا رجال مابينفعش أذا ضاع شرفك

مجنونة السيد
29-06-2011, 12:48 PM
لحظه
لحظه
الحين انتين متى تعرفتي ع هالمتزوج الخاين؟
بعد خطوبتش لو قبل
كيف سمحتي لنفسك تخونيه
اسمحي ليي اقولك انتي لسه صغيره ع الزواج مو عشان سنك لا عشان عاطفتش الي كل مره واحد حرام عليش وش ذنب خطيبش ادا بتفكي بالعكس كدا احترمتيي مشاعره لانه ماستحق الخيانه وادا ناويه تاخدي المتزوج بكره يخونش زي ماخان زوجته لاتقولي ثقه وخربوطه داهو خطيبش وثق فيش وكيف جازيتيه ترا الرجال نزوات بكره يقطش ويرجع لام بنته وش حزتها بتستفيدي

ترا اول مره ارد رد قاسي بس والله سالفتك تقهر
والمشكله واثقه واجد وتبغينيا نساعدش !!!
امرش عجيب

مجنونة السيد
29-06-2011, 12:49 PM
والله يهديش

محبة لاهل البيت
29-06-2011, 01:00 PM
اللي قاعد يصير يألم قلب صاحب العصر والزمان
طهر الفساد في البر والبحر بما كسبت ايدي الناس
ماعندي اي تعليق الا انة الله يهديك ويصلح حالك قبل الفوت بحق محمد وآلة

الغريبة
29-06-2011, 01:18 PM
الزمي يابنت حدودش ولا تخلين بليس يلعب عليك
واستغفري ربك وتوبي اليه وردي لخطيبك وعامليه معاملة حسنة هذا جزاه انه حبش وينفذ جميع طلباتش
ابتعدي عن الرجل المتزوج وخليه يعيش حياته يسلام مع زوجته وبنته ماذنب زوجته المسكينة وبنته البريئة تدمرين حياتهم
هذا يسمى طيش مراهقة اما بالنسبة للحبتيه فهي نزوه وتعدي بيأخذ منك الى يبيه وبيرميك ويرد لبيته وزوجته
لا تتسرعي واقطعي علاقتك المحرمة بالرجل المتزوج وفتحي صفحة جديدة مع خطيبك وتذكري انه ابن خالك
فأنت بفعلك المشين هذا ستقضين وستحطمين عائلات لاذنب لهم
ستحطمين عائلتك وتسببين في نشوب حرب بين امك وخالك
وستحطمين قلب من أحبك وهو ابن خالك
وتحطمين اسرة من احببتي
عودي الى رشدك وتقي الله وستغفريه

ملح الحياة
29-06-2011, 01:25 PM
لو عبرت عن مشا عري تجاه هذا النوع من البشر بينحذف لذلك افضل اني ما ارد اسمعي كلا م باقي الاعضاء وما اقول غير اعوذ بالله من

هالاشكال

مثل القمر
29-06-2011, 01:28 PM
صحيح وش احترام المشاعر اللي كدا؟؟حطي نفسش مكانه وتحبيه وهو من وراش يسوي كدا وش بيكون موقفش؟
طيب حطي نفسش مكان المراه اللي تخوني زوجش ويا زوجها وش بيكون موقفش؟

حطي نفسش مكان البنت الصغيره اللي ابوها يخون امها مع متزوجه على ذمة واحد وش رايش؟

حطي نفسش مكان اهلش لو عرفوا ودروا عن السالفه ولو تطلقتي حبيبتي وش يضمن لك بيجي يخطبك هذا اللي تحبيه ويحبك زي ماقلتي اللي يحب يتمنى الخير مو يهدم بيتك ويقول يحبك؟ هالزمن صار الواحد مايفرق بين الحب والنزوات والشهوات

كيف تقولي احبه واخاف اطيح في الحرام؟؟؟ تخاااافي؟ يعني هذا اللي يصير الحين مو حرام؟

وش قصدك اخاف من الحرام؟؟ وش الحلال في نظرك؟؟

انتين ترى والله تفكري الدنيا كلها تمشي زي مانتين تحبي وعلى فكره ترى انتي مستسهله اللي قاعده تسويه ووواااااجد

متى حبيتيه وليش حبيتيه وكيف وصلتي له؟؟ وهذاك ولد خالتك من اهلك ويحبك وعلى ذمته انتين وتقولي عيب خلقي؟؟ على الاقل عيب ماله اي دخل هو فيه بس انتي شوفي العيوب اللي سويتيها؟ استغفر الله مااقول كذا اغلط عليك لكن فعلا ترى الرجال مايستاهل والله والله لو يدري عنك هو بنفسه بيتركك والمفروض تتمسكي في واحد زي كذا مو تدوري اي شي عشان تتطلقي ويابنت لو تطلقتي ترى لاتفكري الموضوع سهل خصوصا لانه ولد خالتك ولو تزوجتي واحد متزوج حطي احتمال بكره يتزوج عليك لان كما تدين تدان واذا انتي رضيتي تاخذي الزوج من زوجته لازم ترضي ياخذوه منك بكره حبي للناس اللي تحبيه لنفسك وعاملي الناس زي ماتحبي تتعاملي

الله يهديك ويصلحك

عروس السكَر
29-06-2011, 01:36 PM
اللهم صل ِ على محمد وَ آل محمد
.
.

استغفر الله .. وش هالزمن
صارت هالسوالف عادي ان الواحد يعتبرها مُشكَله
وَ يجي يطلب حل لها .. بدل لا يروح يتوب إلى ربه على الافكار الغلط اللي عنده


.
.

مجروحه من أعز ناسي
29-06-2011, 01:49 PM
استغفر الله العظيم!
ماشفتي عيوبه الا بعد ماخطبش وتعرفتي ع الثاني الا حبيتيه ع قولتش
واذا تقولي انه فيه عيوب فهذي العيوب خلقة ربه الشي مو بيده..
لكن العيب هو الا فيش انتي !
المفروض خطيبش هو الا يدخل هالقسم هذا ويكتب المشكله ويدور ليها عن حل ...

ام ميد
29-06-2011, 01:58 PM
لعابه على الحبلين

barbie
29-06-2011, 02:08 PM
أكتب بإيدي والغصه بقلبي ليييييييش لييييش
الزواااج صاار كله خيانات وخدااع وقلوووب هايته
حرااام والله يابنات خلوو البيوت مستقره وخلو االازوااج ينعمو بالحب مع زوجاااتهم
ماتبيه فكي لا دمري عيليتيين عيلتش بعد الاولااد وععيلة الا تحبيه
أستغفر الله
الله يصلح حال المسلمييييين العجل العجل يامولااااي

**نور الولاء**
29-06-2011, 02:09 PM
تفكيرش غلط غلط غلط مليون في المئة ومحدود جدا

تخيلي ان المتزوج ما طلع في الخط ياترى كيف بتكون مشاعرش إتجاه ولد خالش ؟
أكيد بتضلي تحبيه ومابتشوفي أن فيه اعيوب

بس للأسف الشيطان لعب بعقلش وافتكرتي أن الثاني يحبش لان المتزوج أو إللي يتعامل مع البنات تكون عنده خبرة ويعرف كيف يتعامل مع عاطفة البنات فقط كلمة عسل بتذوب فيها
وحتى لو يحبش !!
تفتكري زوجته بتخليه في حاله إذا سمعت ؟
إذا كان صادق وقت الجد بيطلع ألف سبب وسبب يمنعه من الزواج بأخرى
وتفتكري أن أهلش بيوافقوا ؟

انتبهي لنفسش ولاتخلي الشيطان يلعب بعقلش وبعاطفتش ويوديش في الف داهية موستين
أخاف بكرة تخسري الإثنين وبعدين ماينفع الندم
جنون إللي تلقى إللي يحبها ويحطها في اعيونه وتلعب بهالنعمة
مسكين إللي خطبش وثق فيش وفي عقلش وقلبش

السماء الصافية
29-06-2011, 02:16 PM
اول مره ارد في هالقسسم ْ~


يآآربي خآآدعه خطيــ ــبش ,,! http://www.coolq8y.com/vb/images/smilies/F5.gif


كيــ ــف تقدري تطآلعــ{ــي في عيونه بدون مــ ‘ــآيأنبش ضميرش ؟؟


خلآص انسي الرجآل المتزوج ومسسحي رقمه وك ــل شي يخليش تتوآصلي معآه ~

روح المودة
29-06-2011, 02:21 PM
أستغفر الله ربي العظيم
معقولة وصلت لهالدرجة؟!!

قبل أي شي مافكرتي بربك؟تذكرتي ان فيه رب موجود وان فيه حساب وعقاب؟
ولا نسيتي هالشي بسبب مشاعر كاذبة وووهم وسراب
انظري لموضوعك من الناحية الشرعية وشوفي ان كان رب العالمين يرضى بفعلك أو لا
وأظن ان الله سبحانه وتعالى اهم من أي أحد

وبعدين ألف بنت تتمنى تتزوج انسان يحبها ويحترمها ويقدرها
احمدي ربك ألف مرة على النعمة الا عطاش إياها
أول مرة أشوف شخص يرمي حاله للهلاك يترك السعادة والحب الحقيقي ويروح للوهم والكذب والخيانة ومستنقع الرذيلة

تعرفي شنو معنى إنك تخوني إنسان كان صادق معك وعند كلمته وأخذك بالحلال مالعب عليك؟؟
بذمتك ماتستحقري نفسك؟؟!!!

لاتخلي الشيطان يلعب بعقلك واذكري الله في كل خطوة تخطينها
اذكري النار اذكري ان الدنيا ماتسوى وان الأيام تمضي بسرعة عيشيها مع الانسان الا يحبك لاتضيعي حالك
لسآتك صغيرة

ليه تعصي ربك وتغضبيه على مجرد نزوة وفكر مراهقين لاتفكري إن مشاعرك لهالرجال المتزوج حب لأنه مستحيل يكون حب
الحب الحقيقي أسمى وانبل من الي قاعدة تقوليه وتسويه ليه تشوهوا صورة الحب بأفعالكم

مافيه أحلى ولا أروع من حب الزوجة لزوجها لشريك حياتها الي اختارها تعيش معه طول العمر مافيه أحلى إنك تكوني الأولى بحياة زوجك والأخيرة
وكل حبه واهتمامه يكون منصب عليك لحالك ماأحد يشاركك فيه
هذا اهو الحب الصادق والا يرضي رب العالمين

فكري زين بالموضوع وشيلي من بالك هذاك الرجال وخلك مع الا يحبك
وشآريك..
الله يهديك ويستر عليك

حلال المشاكل
29-06-2011, 02:43 PM
انا بختصر لك الموضوع
دور على الي يحبك ولا تدور على الي تحبه
الي يحبك بيضحي ليسعدك
لكن الي تحبيه من الممكن يتركك بايت لحظة

حلم النفس
29-06-2011, 02:46 PM
السلام عليكم ورحمة الله وبركاته
الاخت الكريمة روح المحترمة
اعرف أن الحب في بلدي جريمة لا تغتفر واعرف ان الحب في بلدي جحيم لا مفرن وكل من حب ويحب غير نفسه تعتبر نهاية مشوار سحيق، أختي لا امن بكل هذا وأنا على يقين أن الحب هو اسمى شيء في الكون!!
ولكن لا اريد ان امنعك من الحب ولا اريد ان اشتت افكارك بالحب ولا اريد أن ازين صفاحات الشرع واقول أن الحب حرام في عالم التشدد والانصياع للدين!!
بل ساقول حبك هذا لا يعقل وحبك هذا لا يزين في مرحلة الحب الذي سيكمن منه انقضاء عائلة باكملها ومن السبب هنا غيرك، لا تقولي يحبنبي واحبه ولا تقولي ان الحب يفعل المعجزات، إذا كان الحب لك علية فلابد ان تتصرفي بحكمة الحب وتضحية الحب وكيان الحب والحب هو الذي يطلب منك أن تستقيلي من حياة هذا الرجل..
كيف تحبين رجل وأنت تعرفين بعد أن يتزوجك سيصبح مجرما في حق أولاده وزوجته؟!! وهل تضمنين حبه لك؟!! وكيف يأتي بالشعور الذي يسمية حب وهو غافل كل الغفلة عن حب طفلة المسكين وزوجنه التي ما عرفتي يوما ما شعورها؟!!
افترضي أنك في مكانها أفترضي انك عندك طفل وسار زوجك بهيام أمراة أخرى ماذا سيكون موقفك منه؟!! وماذا سيكون موقفك منها؟!! أعتقد ان الذي يحب لنفسة لا يحب لغيره!!
اما عن زواجك من قريبك فلا شيء يدعو للمكوث على عتبات عاطفة تجرينها باسم الحب وريعان الحب، لا اشتكي من الحب هنا بل اشتكي مما امرك به فكرك وتيقني أن الفرصة الالهية بين يديك أما أن تخربي بيت أسرة كاملة أو أن تضحين باسمى آيات الحب بقولك فقط اراجع التفكير وتفكيرك الصحيح انك تباشرين الطريقة الصحية بدون اي عناد أو أنانية!!
أسالكم الدعاء
اخوك

عروس صغنونة
29-06-2011, 03:07 PM
ونقول ليش ظاهرة فك الخطوبه منتشره ..

دام هالأشكال موجوده وين ماتنتشر ؟؟؟!!!

رحلت انتظار
29-06-2011, 03:08 PM
تفكيرش غلط البنات ماقصرووو برددود لاكن نصيحه لاتخسري خطيبش الا يحبش عشان واحد مزوج وعنده بنت بتهدمي حيات زوجته حرام عليش بعدش مراهقه اتبعي عقلش مو قلبش صراحه نرفزتيني الدنيا دوار ماتدري ويش يصير فيش ادا تركتي خطيبش ورحتي الى المزوجه انتين تطمني انه يزوجش وتعيشي مرتاحه مافي امل وانتين مخربه حيات زوجته وطالمه خطيبش اتقي الله وتوبي وفكري بعقل بعدش جاهلا الله يهديش ويصلحش

الـدلـوعة
29-06-2011, 03:12 PM
يــاربي من هـدنيا الي مافيها أمان
ع فكـرة خية لا تظني اي رد بيكون بصفك ؟؟
كلها راح تكون معااارضة لـك
وكلها راح تكون قاسية عليك بحجم مبادئنا وقيمنا
لانـه الي نشوفة أكبر ان نقول عنة مشكـلة
هـذا خراب ودمار
ضياع للقيم والمبادىء
فكـري مع نفسـك وخـذي ردود الأعضاء بحـب
وربي يهديـش أن شاء الله

هيام الحب
29-06-2011, 03:24 PM
وبعدين افرضي لين انفصلتي وانخطبتي الى الرجال المتزوج اللي ابليس موهم لش انش تحبيه يمكن بعد تحبي غيره اصحي يابنت واحمدي ربش بعد مخطوبة ومن واحد يحبش ورافضة النعمه وحطيمكانش مكان اللي عندها بنت عمرها 8 شهور من جد قهرتيني اخر زمن

طـهر
29-06-2011, 03:26 PM
ترى من خان لاجلك يخونك
ماقصرو البنات الله يجزاهم خير

مجنونة السيد
29-06-2011, 03:35 PM
استغفر الله العظيم!
ماشفتي عيوبه الا بعد ماخطبش وتعرفتي ع الثاني الا حبيتيه ع قولتش
واذا تقولي انه فيه عيوب فهذي العيوب خلقة ربه الشي مو بيده..
لكن العيب هو الا فيش انتي !
المفروض خطيبش هو الا يدخل هالقسم هذا ويكتب المشكله ويدور ليها عن حل ...
100٪ ....،،

عروسة العزيز
29-06-2011, 03:39 PM
استغفر الله العظيم من كل ذنب عظيم بتخربي بيتش انت حرة بس لاتخبي بيت وحدة مالها ذنب خافي الله
وبعدين اني مستغربة من هالامة الوحدة مجرد يصير عقدها حتى قبل ماتشوف خطيبها يصير اعز واغلى مالها وناس زوجها يحبها وتناظر وحدة ثني ومتزوج

متجر نور
29-06-2011, 03:50 PM
انا مع كلام البنات
خيه انت جالسه تناقضي حالش
صحيح الزمن يخوف وش ذنب المره المسكينه تخربي بيتها والطفله المسكينه
وخطيبش هالمسكين
صدقيني بتتحسفي بعدين
اذا يعاملش اوكي ومو مقصر عليش في شي وكان عاجبش من البدايه ليش تمبى تتركيه وش دراش يمكن اللي تقولي تحبيه يمكن يكلم وحده غيرش العلاقات اللي كذا مستحيل تستمر

M!ss sweet
29-06-2011, 03:50 PM
توش صغيره وحرام تسوين فنفسش كذا
خلش مع اللي يحبش . بتجيبين لنفسش دوامه أنتي بغنى عنها
ماتدرين بكره يدور الزمن ولي تبغين تاخذينه يسوي لش نفس ماتبغين تسوين لخطيبش
وبعد عنده بنت أم شهور :confused:
فكري بعقلش
:)

Victoria
29-06-2011, 03:53 PM
الله يستر عليش ان شاء الله
بس تفكيرش ماهو ناضج ويفكر بعاطفيه اكثر من عقلانيه!!
واضح انش تحبي المغامره وكل مافزتي في مغامره دورتي غيرها
كنتي تحبي ود خالش وتتمنيه يوم خطبش حقيقي رحتي لغيره وانتبهتي لعيوبه .. وواضح انش تتمني تفوزي بالثاني بعد

الحياه مو جدي .. الحياه معادله صعبه والبنات يدورو الستر الجين
لاتخربي حياة بت الناس لو كنتي مكانها وش بتسوي ؟ خايفه من الحرام وانتي الا تسويه حرام العين تزني والاذن تزني كل الحواس تزني .. الزنا ماهو الفعل المعروف فقط لهذه الكلمه
لاتظلمي نفسش وغيرش والله مايضرب بعصا باجر تدور الدنيا و تندمي على كل الا صار

التفتي الى اللي يحبش وشاريش .. حتى انش تحاولي تطفشيه وبعده متمسك فيش وش تمبي اكثر من هالامان والحب

اجلسي مع نفسش جلسة صريحة وفكري .. ولاتنسي تدعي الله يهديش وينور قلبش بنور الايمان
المؤمن اللي ماينسى ربه .. الله ماينساه ولازم تتدكري ان في كل خطوه تسويها انتين محاسبه ووراها ثواب وعقاب لاتفكري الدنيا دايمه لاحد .. بعدش صغيره والله يحفظش بس ماتعلمي متى بتلاقيه سبحانه ولازم تفكري في الاعمال اللي بتحمليها وياش قبرش هي الشي الوحيد اللي بينفعش

الله يهدينا ويهديش ويوفقش ان شاء الله الى خير السبيل

رائد 2011
29-06-2011, 03:55 PM
اقول خيوه خليك زي منتي ويه ولد خالتك اطيب لك وازين وترى عن تجربه والله شايفها بعيوني وحده كانت متزوجه وعندها اولاد بعد شوفي النكبه حبت واحد على زوجها وتطلقت واخذت اللي تحبه على قولتها بعد شوي والا اهي مطلقه علشان شافت ليها واحد وطردت اللي تزوجته ثاني مرة ليش لأنها عودت نفسها على كل يوم حبيب والحين مطلقه ترى مو حلوة البنت كل يوم ليها حبيب وزوج خلاص هذا ولد خالتك يعني دمك على طول مو تقولي بشوف حبيبي المتزوج لا وعنده اولاد والله صعبه خيوه حكمي عقلك وخلي قلبك بس لواحد

بالتوفيق اختي

حلم عاشق
29-06-2011, 04:50 PM
انا اشوف ان الأهل هم اولا واخيرا السبب الرئيس في تدمير ابنائهم
وترسيخ عادات وافكار غريبة ماليها اصل في دين ولا مذهب
يعني انتون بدأتوا بالغلط من البداية
من لما سمحوا ليكم تقعدوا مع بعض وهو حرام عساه لو ويش ماكان المفروض تقعدوا مع بعض بس لانكم عارفين انكم لبعض
فدائما الشخص اللي ينحرف عن الشرع ويبدأ بالغلط حياته بتقوم على الغلط
والباقي ماباقول اكثر من اللي قالوه غيري
صدقيني الخسارة انش تخسري شخص يحبش مو انش تفقدي شخص تحبيه

الله يسر اموركم

نكتار الدلع
29-06-2011, 05:00 PM
حلم مو صحيح آلكلام آلاهل غآآآلبا مآلهم شغل !
وآنا من رآي البنآت..
والله بتندمين اخذيهآ مني نصيييحه لاتفكرين بقلبك فكري بعقلك , وبتشوفين وش لون آلدنيا تدور!
"والله يمهل ولا يهمل " آلكل بيآخذ حقه من هآلدنيا لاتتهآونين بــ هآلششي ..
وآنتبهي ع نفسك يآحلوه ..


.
.

s.hashim
29-06-2011, 05:00 PM
ما دام أنخطبتي على ولد خالتك بالحلال...لا اتفرطي بنفسك أختي واتخربي بيتك
واترك الرجال المتزوج لا اتخربي بيته وخصوصا عنده طفله
فكري فقط بخطيبك..واترك عنك الخرابيط
الله يهديك بس..

نفيسه
29-06-2011, 05:15 PM
كيف اساسا سمحتي لنفسك تتعرفي على رجال وانتي مخطوبة بغظ النظر انه متزوج وعنده وبنت ؟؟!!!!!!

الورد والربيع
29-06-2011, 05:25 PM
:(سؤااال كيف تعرفتي عليه ؟ من النت ولا بالشارع ؟

المهم توه متزوج وقرر يكلم بنت والله أعلم كم وحده يكلم بعد !

بكل بساطه راح يتزوج وعنده عروس تو عروس وجايبه له بنوته

وين عقله لما خطبها اذا مو مقتنع فيها وليش جاب منها

بنت ؟؟؟ أيش فيك زود عليها ؟؟؟ جمال ؟ تزوجيه وأهدمي

حياة زوجته :( وبكرا يلاقي وحده أجمل منك مليون مره حتى لو جبتين

أولاد مايهمه يطلقك ولا يخليك زيادة عدد ويتزوجها وانتي بعد

الزواج راح تكتشفين فيه عيوب مدري خلقيه بالفتح ولا خلقية بالضم خخخ

وراح تكلمي غيره لأن الخاين مالم يصحى ضميره تظل الخيانة

تجري بدمه ومايشوف السعاده وراحة البال الا بالغلط :eek:

وترى الدنيا دواره اليوم تظلمي بكرا تنظلمي وربك

يمهل ولايهمل

ح ـنآن أنثى
29-06-2011, 05:25 PM
اني مع البنوتات

تاخذي رجال يحبش ويموت فيش ولاتاخذي رجال انتي تحبيه وتموتي فيه لان بيعذبش ...ويخليش تلاحقيه وقت مايزعل وقت مايتضايق منش...

لذلك خلش على خطيبش افضل لش...

واني اشوف العيوب الخلقيه مو مثل عيوب الاخلاقيه

وياما رجال فيه عيوب في خلقته افضل من مليون رجال سليم ومافيه شئ ...

الله يستر على الجميع يارب...

همسة براءة
29-06-2011, 05:32 PM
ابغى ارد عليش
بس اخاف ينحدف الرد و تتوقف عضويتي

ام نواره1
29-06-2011, 05:33 PM
نصيحة >>>>> خلك بحياتك واتركي حياة غيرك

رأيي من رأي البنات ....

دلوعة حساني
29-06-2011, 05:55 PM
مااقول الا الله يهديك البنات كفوو وفوو
خلاص احس الردود مكفيه خلو صاحبة الموضوع تدخل وتشوف الردود
وانشاءالله ربي يهديها

u4me
29-06-2011, 10:49 PM
مشكلة الشباب لما يفكر يخطب ياخذ جاهله ويقول بيربيها وتالي ياكل تبن من وراها ... ولما نقول اخطب بنت كبيرة وناضجة يقول بنت العشرين كبيرة وااااجد

سكره مالحه
29-06-2011, 10:59 PM
الصراحة انتي بتهدمي حيااتش بيدش وانتي لسة صغير وش اللي يضمن لش انه الرجال الثاني راح يااخدش مو يمكن يلعب عليش وحرام تظلمي شخص يحبش حرااااام

فكري في بعدين نصيحه لاتتركي ولد خالتش عشان انسان حبيتة ويمكن هو اصلا ما يحبش وحتى لو قالش لش انه مستعد يسووي اي شي عشاانش ولو كاان صادق ويااش لا تخربي بيت انساانة ثاانية وعندها بنت منه حررا م

راجعي نفسش وفكري في بكرا وخليش مع اللي يحبش لانة يحبش وراح يستر عليش مو اللي اتحبية لانة الحين هو متزوج ويكلمم وحده ثاانية يمكن بكرا يصير اللي في راسش وبعد يحب وحده ثاانية غيرش
الله يهديش بس

The Angel
29-06-2011, 11:06 PM
كلامك كله متناقض
كنت احبه واجلس معاه >> بالحرام عاجبك
ولما تقدم ليي حسته ما يناسبني >>> لما صار بالحلال ما عجبك
خفت تصير مشكلة بين امي وخالي وافقت>>> وافقتي علشان ربط الاسره
وصرت اعانده واسبب له المشاكل وهو مو راضي يفك>>>ما خفتي على ربط العائلة والمشاكل بين امك وخالك

خفت اجرح برفض>> تراعي مشاعره
اعاند واسبب له مشاكل >> جاف بدون مرعاة مشاعر
الطامة العظمى
على ذمة رجال وتكلميني رجال غيره والأعظم متزوج وعنده ولد عمره 8شهور


ان كنتي تحبيه بالفعل وتم الزواج بينكم هل تقبلي ان تأتي امرأة وتكلمه من وراك وتاخده منه؟؟؟؟؟؟؟؟؟؟؟؟
ليش تسوي مال لا تقبليه بالحرام

انتي الحين تقولي هو يبيك...كل الرجال اللي يخونوا زواجتهم يبغوا المرأة الغير شرعية بس وقت الجد ما يبغا يتزوجها بيقول لك زي ما خنتي خطيبك بكرة تخونيني
او يعيش معاك بجحيم


نجي لخطيب تقولي فيه عيوب من خلقته ... من منا ما فيه عيب من خلقته


شعر مجعد - بدين -قبيح -قصير
مو أحسن من عيب بأخلاقه
ابو بنات-نصاب -محشش-ما يصلي

انتي بذات نفسك ما نتي ناقصة اكيد شايف عيوبك وصابر عليها اصبري عليها يا بنت الناس
وشي الثاني هو متمسك فيك الرجال ما جالس يلعب وانتي تدورين اللي ما هو متمسك فيك

الرجال المتزوج لو يحبك ويحترمك ما كلمك ...ولا وعدك بزواج ولا طلب منك الفك



انتي مسلمة
ووتعرفي الحرام من الحلال
ووتعرفي واجبات الزوجة على زوجها
اتركي عنك هالطريق وريحي زوجك
واشتري اخرتش بدنيتش والله بيعوضك بحب خطيبك واسعاده لش


ملاحظة:

متأكدة أنك عارفة الكل بيصير ضدك بس السؤال وش تبغي بتحديد؟؟
حل لحب خطيبك لو حل لترك علاقتك بالمتزوج؟
فعلا انتي وش تبين بالضبط؟؟!!!!!
انتي نفسك موعارفه وش تبين ولا كان ماحطيتيها مشكله ودورتي حل!
اقصري الشر يابنت الناس وفكري بعقل انتي قبل ماتأذينهم تأذين نفسك
فكري لبعيد بالمستقبل موفي لحظه حلوه تعيشينها وتنتهي لذتها في ثواني وتخسرين نفسك قبل كل شي !
وهذا الي تحبينه مستحيل لو ايش يضحي ببيته وبنته عشان وحده ارخصت نفسها له وكلمته وهي بعد على ذمة آخر هذا هدفه حقير اسمحي لي
هل عندك ضمان انه فعلا بيتزوجكي؟!
انا اجاوبك لاااا لأن لو عندك ماعتبرتيها مشكله يبغالها حل!
الله يهديك انشالله ويبعد عنك الحرام بحق هالشهر

دلال بنت
29-06-2011, 11:14 PM
السلااام

واضح انك لسه صغيره ومشاعرك بعدهااا

بقوولك شي غمضي عيوونك عن غير خطيبك ولا تسمعي كلااامه

اتوقع ها لمتزوج عاارف يلعبها صح عليك وقانعنك واكييد جذبك بأسلووبه وكلااامه المعسووووله

لكن وقفي لحظه

وامسحي الكلااام إللي تسمعيه منه ولا تكلميه ,,, وبعد ابتعدي اشوي عن خطيبك

خذي لك وقت مستقطع و أنتي من نفسك بتشووفي الأمور صح وبتوضح لك الرؤيا الصح

وبتشووفي كيف هذا قاعد يلعب على الحبلين ,,, وبعدين كيف عرفتيه وكيف سمحتي له يدخل حيااتك ؟!

والله حراام خطيبك هو يحبك ... مو كل يوم بتشووفي انسان يقدرك ويحترمك ويحبك

وترى شكلك تحبي خطيبك عشان كده خاايفه عليه وخاايفه على مشااعره وتبيه هو إللي يكرهك

لكن هو مُصر عليك ويحبك رغم كل شي ... شفتي كيف حبه لك صاادق وقوي .. والله وااحد غيره قبضك الباب

ومو تنسي في لحظه أنك إنساانه مؤمنه ولك سيدة وهي فاطمة الزهراء عليها السلآام

ربي يسدد خطاكو ويوفق لك

أتمنى قلت شي فيه الصلاااح

نسألكم الدعاآاء

أختك

روح و ريحان
29-06-2011, 11:17 PM
كنتي تكلميه وتجلسي معه والأهل يدروا

وتعرفي انه بيتقدم لش ,, !!!!!

متى الرجال الثاني صار في قلبش؟

أحس ان الدور بينعاد لو تركتي ولد خالش

يمكن تكرهي الثاني بعد

خلش مع اللي شاريش , دام انه صاحب دين وأخلاق لا تتركيه , الشيطان يعرف يلعب بالقلوب

إنتبهي ! لا تندمي .

وماتوفيقي الابالله
29-06-2011, 11:22 PM
انا رايي انه مثل ماخان مرته علشانكـ
يعني اكيييييد انه بيخونكـ علشان وحده ثانيه
لاوعنده منها بنت مافكر ولافكرتي فيها
لو انتي كنتي بدال هالزوجه المسكينه او بدال خطيبكـ المسكين وش ذنبهم؟؟؟؟؟؟؟
انا من رايي انكـ تستغفري ربكـ وتتركيه يولي وتحافضي على حياتك مع خطيبكـ

ركب المنايا
29-06-2011, 11:53 PM
هذا الشيطان أعوذ بالله منة
داومي على قراءة سورة الناس
لان صدقيني كل يوم الشيطان بطلع لك عيب في خطيبك
علشان يزين لك الحرام

كلي شعور
30-06-2011, 01:00 AM
أختي فكري بعقلـــك بعقلــك اكررها لك بعقلك مو بقلبك وعواطفك كدا بتخسري
كثييير سوالف وقصص نسمعها او حتى نشوفها بالمسلسلات شنو ماتشوفين شنو اخرتها دااائما
ادا تركتي خطيبك بكرا تكبري وتتحسفي على اللي سويته تعيشي مع واحد يحبك . يقدرك. يحترمك. انتي قبل اي انسان عندة . يخاف ربه فيك ولا انك تعيشي مع واحد تشوفيمعه جهنم في الدنيا مايحبك ولا يقدرك ومايخاف ربه خاين عشرة اي اهو خان زوجتة اللي عاشت معه على الحلوه والمره ليييش!!!! انتي شلوون تسمحي له بهالشي اصلا تخيلي انتي مكان زوجته تحبيييه وعندك منه بنوته لسة ماوعت ع الدنيا تجي وحدة وتهدم بيتك وتخرب كل شي حلو كنتي تحسي فيييه نصيحة اختي تعييييشي مع اللي يحبك ولا مع الللي تحبيييه واللي تكلمية نصحيه هالطريق حرااام ويعتبر زنا اي زنا والزنا انواع مهو نوع لنك تكلميه بالحرام وعقابك وعقابه رح يكون مضاعف لانك متزوجة وهو متزوج وعندكم من يشبع رغباتكم "عذرا لا تفهميني غلطّّّ حافضي على بيتك بكرا تنتضرك حياة سعيدة انشاءالله مع خطيبك اللي يحبك ويرعاك ولا تهدمي بيت غيرك بكرا ينهدم بيتك لاسمح الله واللي يبدا بالحرام مااارح تتهني فيه لو شنو يصير وصدقيني ادا اخترتي الاخرة على الدنيا والحلاال على الحرام بتشوفي كيف الله بيوفقك ويهنيك
استغفري لربك وتوبي له على اللي سويتيه"

هديل الحب
30-06-2011, 01:21 AM
ياغناتي اتركي هالرجال الثاني وانتبهي الى نفسسسك نصيحة
ولا ترجعي اله وتسأليه وتقولي له خايفة ماتتزوجني او شي لأنه اكيد بيقول مليون شغلة يخليك توثقي انه بيتزوجك وشاريك وبالآخر ماراح تشوفي ولا شي
انتي الحين تحلمي احلام وردية لما تهدمي بيتك مابتلاقي ولاشي ينتظرك ير الهم والنكد والندم
حراااام عليك وربي زوجك وين تحصلي لك مثله تروحي تبيعيه وتشتري غيره
يابنت هذا كنز ماراح تحسي فيه الا وقت تفقديه
تذكري ايام قبل كيف حبكم الى بعض وصفي جوكم مو تعكريه بدخول رجل غريب بينكم
لاتحاولي له يتقرب اكثر بعديه ,,
حاربي عشان تحافظي على حياتك ماتدري شقد راح ينجرح خطيبك وقت يعرف ليش تخلقي مشاكل وتخلقي داخله الم؟؟
ضحي يابنت عشان اللي يحبك عشان الأيام اللي كانت بينكم ماتدري مع الأيام ممكن تحبيه بشكل خيالي
وماتدري وقت تتركيه حوبته ماراح تتعداك وماراح تتهني في حياتك وبتظلي ندمانة طول عمرك
فكري وفكري وفكري مليووووون مرة ولا تتسرعي
انتي تبغي الحب والأمان والا تبغي الشك والمشاكل والكره من كل جهة
انتبهي الى حالك وبعدي عن الطريق اللي انتي فيه ...

ملكة الدموع
30-06-2011, 01:27 AM
والله زمن مسفل باهله تسفيل وشهالحاله وش هالاوادم


الله بيعطيش ظربه مابتتوقعيها وبتندمي

فيه قصه في هالقسم عن وحده خربت حياة وحده معاها في العمل وربها عطاها ضربه انه صار الحرام مع واحد وهرب عنها

استغفري ربش بس لاتصيري مراهقه زياده

عيوون المها
30-06-2011, 01:46 AM
استغفر الله العلي العظيم
يا اختي مدام زلد خالتش يحبش ومحترم وخاطبش لو فيه تشوه ويش ماكان وهوه تزوجش وحسيته رجال محرتم اصل حطي في بالش ان الله بعاقبش لانش رفضي زين؟ ومحترم تقولي انش عمرش 18 وتحبي رجال متزوج وعنده بنت 8 سنه شنو الي يخليش توقعي بحب رجال متزوج وانتي بنت؟ صدقيني اهتم بنفسك وحطي ابن خالتش بعيونش وعصبني نفسك تقبلي فيه حتى لو كان معاق؟ لاتوثقي برجال الي يحبش ومتزوج اكيد يخدعش ونتبهي الى نفسك وعلى قولتش تخافي ترتكبي الحرام
البنت الي متربيه احسن تربيه وتخاف الله مستحيل توصل للحرام لو يحطونها في غرفه فيها مليون رجال ماتحرك نمله؟
اهتمي بنفسك وطلعي مع خطيبش وحبيه ولا تتطفشيه ولاتعانديه لان والحسين الله بعاقبش وصدقيني لو طلقش ابن خالتش حطي في بالش انش لو تزوجتي الي تحبيه والله والله انه يوم من الايام بطفش عيشتش وبمرمر حياتش عشان تتطلقي وكما تدين تدان انتبه يابنت انتبهي عقاب الله كبيرررررررررررررررررررررررررررر

smile.
30-06-2011, 02:24 AM
آالله يهديكم يآبنات
آستغفر آالله ربي وآتوب اليه

Gazwiah
30-06-2011, 02:26 AM
ماادري انا وش فيهم البنات ؟ كل وحده فصخت عقلها زي مافصخت حجابهـا
فيه بناااات يدوروا ريحة الرجال حتى لو فيه الف عيب و عيب خلقي المهم يستر عليهم و يستقروا
و ناس الله عطاهم النعمه و يرفسوهــا برجايلهــم و اللي يقهـر ان الله مايرزق هالاشكال الا رجال تنحط على الجرح يبرى
عمومـــــــــــــــــــــا
انا ابغى اعرف انتي وش تبغي ؟
تبغي واحد يلعب فيك و يسويك بيزه ماتسوي ؟
تبغي واحد يلعب بشرفك و يرميك رمية الكلاب؟
تبغي واحد ياخذك لحم و يرميك عظم؟
تبغي واااحد يتسلى فيك و يشبع رغباته فيك و اذا فضى كل رغباااته تركك ؟
و بعدهــا اذا خسرتي الطاق و التيله وش تستفيدي؟
تحسي بمتعه و تجي بموااال جديد تقولي ندمــانه حبيت واحد و تركت زوجي عشانه و اخر شي لعب فيني ؟
انــــــــــــــــا بصراحه اقول لك اقري قصص غيرك و خذي العظه و العبره !!
خذي عبره قبل لاتصيري عظه
ولا اللي اهــــــــم من هذا كله انتي يعني قابله على نفسك تصيري بنظري و نظر غيري زااانيه ؟
تعرفي وش معنى زااانيه بالمصطلح العااامي عندنــا؟
في ذمتك ترضيها على نفسك ؟
اي ترضيهـــا
اكيد ترضيها
تدري كيف حكمت عليك ؟؟!!!
لانك تقولي احبه و خايفه ارتكب معه الحرااام
خخخخخخخخخخخخخ وش خايفه ترتكبي معه الحرااام طيب و المكالمات اللي بينكم ؟
هذا اذا مابغينا نظلمك و نحسن الظن و نقووول ان مابينكم لقاااء
بتقولي كيف افتيت من عندي و قلت لك زاانيه ؟
لا ياقلبي هذي مو فتوه من عندي هذا كلام الله سبحانه و كلام رسوله
العين تزني و زناها النظر و الاذن تزني و زناها السمع ..............

قال رسول الله صلى الله عليه وسلم: "إن الله كتب على ابن ءادم حظه من الزنا أدرك ذلك لا محالة فالعين تزني وزناها النظر واليد تزني وزناها اللمس والرجل تزني وزناها الخطى واللسان يزني وزناها المنطق والفم يزني وزناه القبل والنفس تمنى وتشتهي والفرج يصدق ذلك أو يكذبه".

طيب فرضـــأ انك مو عارفه مصلحتك ؟
لو مانت عارفه مصلحتك ماكان فكرتي اصلا تطرحي الموضوع و عارفه وش تختاري الموضوع يعني ماشاء الله مدبره حالك و تعرفي كيف تلفتي الانتباه حتى في مواضيعك
هههههههههه الحمدلله و الشكر

و اللي يقهر و يغيض اكثر ان الكل يرد بذمه و ضمير و انتي في النهااايه تتسلي و اذا هم قبلوا انك تتسلي فيهــــــم انا مااقبل انك تتسلي لكن حبيت بس اوضح لك مدى وقااااااحتك

لكن اللي مستغربه منه انك الى هالحد قابله انك تكوني على الفضله
و قابله انك تكوني وعاااء للتفريغ يكلمك و يفضي رغبااته فيك و متعته و اذا شبع رماااك !!
الى هالحد نفسك رخيصه ؟
ترى ياجاهله >>>الجاهل اللي مضيع دربه ومايعرفه
المهم كنت ابغى اقول لك ترى الرجال يحبوا البنت العزيزه مايحبوا الرخيصه
يحبوا البنت الثقيه مايحبوا البنت الخفيفه يحبوا البنت اللي تكون لهم خصوصي مايحبوا السفري و العمومي
و اذا تبغي تتركي ولد خالتك اتركيه ماارح اقول حافظي على حياااتك لا والله حرااام تقعدي مع واحد طيب و تظلميه معك اتركيه حرااام تخونيه خليه يشوف رزقه و انتي شوفي رزقك وين
لان بصراحه كلمة الله هي العليا
الطيبون للطيبات و الخبيثون للخبيثات
يعني مستحيل الله سبحانه و تعالى ينااقض نفسه و مستحيل الله بيظلم ولد خالتك بوحده زيــك
و مصيرك تتحسري على النعمه اللي لعبتي بهـــا و يوم شبعتي فلتيها

سيدة النخيل
30-06-2011, 02:31 AM
استغر الله بس تعالي تكفي ردي على اسئله الاخوات.......؟ أنتين يعقلش لو بنص عقلش لم تفكري

مصفوعة بطابوقة
30-06-2011, 02:33 AM
أستغفر الله ربي و اتوب اليه

الله يهديكي ان شاء الله

~عروس~
30-06-2011, 02:45 AM
حرآآآآآآم عليش خيتوه . .
حرام تظلمي الرجال و تفكي منه و تظلمي زوجة حبيبش ..!
حاولي تفكري بعقلانية ، و اتخذي القرار الصائب لأن ما تعرفي
بعدين وش يصير لما تظلمي شخصين . .
هل أنتين واثقة من حبيبش إنه ما يخذلش و يطلق مرته !
لا تنسي عنده بت و الضنــا غالي . .
حاولي تفكري و تتغلبي على عاطفتش و تظلي مع زوجش
إلا يحبش و ما يفكر يتخلى عنش و إن كانت فيه عيوب خلقية .. !
الناس ما تقاس بالمظهر بل بالجوهر . .
اتمنى إن الله يسعدش و يوفقش لكل خير

كرميلا
30-06-2011, 03:30 AM
حرام عليش تحبي رجال متزوج يخون زوجته حلاله عشانش
تبغي تخربي بيت انتين
تفهمي يعني وشو تخربي بيت
و من قال لش هالرجال يحبش و مادري ويش
غناتي زي ما خان زوجته بكرا يخونش
خليش مع ولد خالش احسن لش انتين حاطه ببالش انش ما تبغيه عشان جدي تشوفيه بعيوبه
انصحش استغفري ربش و اتركي عنش احب رجال متزوج و عنده بنت ماتدري لو اخدتيه حوبة زوجته و بنته بتجي فيش خافي ربش

شوق الوسمي
30-06-2011, 03:37 AM
اسمحي لي بالكلمه اللي بقولها لك...
انتي مراهقه ومابتصحي لنفسك الا اذا جتك ضربه تعقلك عدددددل
حلوه دي مو انتي تقولي انك كنت تحبي خطيبك قبل طيب ايش التناقض الحين تحبيه لما صار الشي جد وتقدم لك تسوي كذه
يابنت الناس اللي ماترضيه لروحك لاترضيه على غيرك الحين انتي جالسه تخوني خطيبك وهذا الشي حرااااام طيب ترضي هو يخونك وربي تقلبي الدنيا عاليها واطيها عليه ليه يعني انتي من جهتك غفور رحيم ومن جهته شديد العقاااب
اصحي لنفسك غناتي وانتي كبيره بلا حركات المراهقه واحب لي واحد ومتزوج كمان لاو الله يعني تخربي بيت الرجال وتحري قلب زوجته ترى اللي يصير في بيته الدنيا دواره ومصيره بيصير في بيتك تراااااااااااه حرام ولا تنسي عنده طفله تشتتي عائله عشان حبك المراهق
طيب وفقير الله اللي مأمن عليك وعاطيك ثقه تخونيه كذا عيني عينك وبكل قوايه عين اني احب واحد ثاني والامر من كذا انه متزوج
شوفي انتي مابتحسي الى روحك الا اذا جتك ضربه وش مدريك يمكن يعرف خطيبك انك تخونيه وديك الساعه ابرزي عاد من المشاكل اللي بتصير عشان مراهقتك
وشي ثاني تعالي حبيبتي بسألك ليه انتي تشوفي الرجال تطلعي معاه ؟؟؟ ليه يعني خايفه من ان يصير بينكم شي حرام؟؟؟؟؟؟؟ يكون في علمك انتي اللي جالسه تسويه هذا اكبر حرااااام بحق خطيبك اللي جالسه تستغفليه بس انتي ماتستغفلي غير نفسك وبس ومثل ماقلتلك الدنياااااا دواره ومصيرك تندمي لاتخربي حياتك وتهدمي حياه غيرك معك
واصحي لنفسك

عموما كلامي زعلك ولاضايقك براحتك انتي حطيتي مشكلتك هنا واني رديت عشان تعرفي بس حجم الغلط اللي انتي جالسه تسويه

واسمحي لي اقولك خطيبك مايستاااهلك ولاتعبي الرجال معاك لانه حرام
اتمنى ترجعي لعقلك واحنا خواتك واذا قلت لك كلام قاسي فهذا لمصلحتك انتي وبس

ابتهال احمد
30-06-2011, 03:45 AM
عيب عليك الي جالسة تسوية
وفوق انه عيب حرااام الرجال واثق فيك وعاطيك اسمه وانتي تلعبي على الحبلين من وراهـ
عذرا ماتستهلي خطيبك ااابد ..
وكما تدين تدان ان شاء الله تجيك حوبة المرءة الي جالسة تخونيها مع زوجها فيك بكره لتحسي بالمرار عدل
والله حرام تهدمي بيتها وعندها طفلة بريئة لسى ماوعت لدنيا.

اصحي من غفلت الشيطان الي جالسة تعيشيها
وفي ويشو تبغي انساعدك كيف ترتكبي الحرام معاه ..ليش الي تسويه حلال مثلا؟؟
والله ياليت خطيبك يوم يشووف مشكلتك لان بجد ماتي بكفوووو

النحلة البريئة
30-06-2011, 03:49 AM
الله يهديش ان شاء الله
وخواتي قالو الا عندهم وكفو وفو ..
:(

كرميلا
30-06-2011, 03:57 AM
ماادري انا وش فيهم البنات ؟ كل وحده فصخت عقلها زي مافصخت حجابهـا
فيه بناااات يدوروا ريحة الرجال حتى لو فيه الف عيب و عيب خلقي المهم يستر عليهم و يستقروا
و ناس الله عطاهم النعمه و يرفسوهــا برجايلهــم و اللي يقهـر ان الله مايرزق هالاشكال الا رجال تنحط على الجرح يبرى
عمومـــــــــــــــــــــا
انا ابغى اعرف انتي وش تبغي ؟
تبغي واحد يلعب فيك و يسويك بيزه ماتسوي ؟
تبغي واحد يلعب بشرفك و يرميك رمية الكلاب؟
تبغي واحد ياخذك لحم و يرميك عظم؟
تبغي واااحد يتسلى فيك و يشبع رغباته فيك و اذا فضى كل رغباااته تركك ؟
و بعدهــا اذا خسرتي الطاق و التيله وش تستفيدي؟
تحسي بمتعه و تجي بموااال جديد تقولي ندمــانه حبيت واحد و تركت زوجي عشانه و اخر شي لعب فيني ؟
انــــــــــــــــا بصراحه اقول لك اقري قصص غيرك و خذي العظه و العبره !!
خذي عبره قبل لاتصيري عظه
ولا اللي اهــــــــم من هذا كله انتي يعني قابله على نفسك تصيري بنظري و نظر غيري زااانيه ؟
تعرفي وش معنى زااانيه بالمصطلح العااامي عندنــا؟
في ذمتك ترضيها على نفسك ؟
اي ترضيهـــا
اكيد ترضيها
تدري كيف حكمت عليك ؟؟!!!
لانك تقولي احبه و خايفه ارتكب معه الحرااام
خخخخخخخخخخخخخ وش خايفه ترتكبي معه الحرااام طيب و المكالمات اللي بينكم ؟
هذا اذا مابغينا نظلمك و نحسن الظن و نقووول ان مابينكم لقاااء
بتقولي كيف افتيت من عندي و قلت لك زاانيه ؟
لا ياقلبي هذي مو فتوه من عندي هذا كلام الله سبحانه و كلام رسوله
العين تزني و زناها النظر و الاذن تزني و زناها السمع ..............

قال رسول الله صلى الله عليه وسلم: "إن الله كتب على ابن ءادم حظه من الزنا أدرك ذلك لا محالة فالعين تزني وزناها النظر واليد تزني وزناها اللمس والرجل تزني وزناها الخطى واللسان يزني وزناها المنطق والفم يزني وزناه القبل والنفس تمنى وتشتهي والفرج يصدق ذلك أو يكذبه".

طيب فرضـــأ انك مو عارفه مصلحتك ؟
لو مانت عارفه مصلحتك ماكان فكرتي اصلا تطرحي الموضوع و عارفه وش تختاري الموضوع يعني ماشاء الله مدبره حالك و تعرفي كيف تلفتي الانتباه حتى في مواضيعك
هههههههههه الحمدلله و الشكر

و اللي يقهر و يغيض اكثر ان الكل يرد بذمه و ضمير و انتي في النهااايه تتسلي و اذا هم قبلوا انك تتسلي فيهــــــم انا مااقبل انك تتسلي لكن حبيت بس اوضح لك مدى وقااااااحتك

لكن اللي مستغربه منه انك الى هالحد قابله انك تكوني على الفضله
و قابله انك تكوني وعاااء للتفريغ يكلمك و يفضي رغبااته فيك و متعته و اذا شبع رماااك !!
الى هالحد نفسك رخيصه ؟
ترى ياجاهله >>>الجاهل اللي مضيع دربه ومايعرفه
المهم كنت ابغى اقول لك ترى الرجال يحبوا البنت العزيزه مايحبوا الرخيصه
يحبوا البنت الثقيه مايحبوا البنت الخفيفه يحبوا البنت اللي تكون لهم خصوصي مايحبوا السفري و العمومي
و اذا تبغي تتركي ولد خالتك اتركيه ماارح اقول حافظي على حياااتك لا والله حرااام تقعدي مع واحد طيب و تظلميه معك اتركيه حرااام تخونيه خليه يشوف رزقه و انتي شوفي رزقك وين
لان بصراحه كلمة الله هي العليا
الطيبون للطيبات و الخبيثون للخبيثات
يعني مستحيل الله سبحانه و تعالى ينااقض نفسه و مستحيل الله بيظلم ولد خالتك بوحده زيــك
و مصيرك تتحسري على النعمه اللي لعبتي بهـــا و يوم شبعتي فلتيها

جزاش الله خير بردتي حرتي خيه

محبوبتي
30-06-2011, 04:29 AM
:eek::eek::eek::eek:
:mad::(:(:mad::mad::mad:
الله يهديك

قلب أحمر
30-06-2011, 04:36 AM
عليكي بذكر الله كثيرا لكي تنسي الذي تحبيه وتخافي ربكي كثيرا

ضفاف 1
30-06-2011, 04:56 AM
خية الله أغناش بحلاله عن حرامه
وتفكري فيه بعد ؟
وتعرفي إنه حرام وتقولي تخافي ترتكبيه ؟
شوفي غناتي الحلال بيّن والحرام بيّن

انتين وحدة محصنة
وهو محصن
واللي تسووه اثنينكم حرررررررررررام
هاذي خيانة والمتضرر شوفي كم طرف في هالموضووع
مافي شي اسمه اني مخطوبة وأحبه
وهو متزوج و يحبني

لنفرض انش صدقتيه وطفشتي هالمسيكين خطيبش لحد مافكش
تتوقعي بيتزوجش الثاني ؟

يمكن حاليا لأن الحبيب توه عنده بنوتة صغيرة وزوجته مشغولة وياها
يمر بفتور في علاقتهم ومتوهم إنش طوق النجاة
لكن لما يوتعي ويفكر كيف بيضيع حياته اللي توه بدأها
وبيضيع بنوتته عشان نزوة ووهم
ساعتها بيقول لش باي وبتخسري كل شي

حطي عقلش براسش وتذكري إن خفت هالسالفة على خطيبش
فهي ماتخفى على اللي يعلم خائنة الأعين وما تخفي الصدور
ولاتضيعي حياتش بأيدش
وتمسكي في الرجال اللي شارينش ومتحملنش رغم كل شي

غندورة القطيف
30-06-2011, 05:00 AM
ماتفعلينه هو الحرام بعينه كيف تفكرين برجل آخر وانتي على ذمة ابن خالك فكري جيدا انتي تخطئين بحق نفسك اولا وبحق من احبك واخلص لكي في حبه تفكرين برجل متزوج ولديه ابن الا تخافين على شعور زوجته الا تخافين هدم حياتها لما لا تفكرين جيدا هل تحبين ان تحزن وتسعدي هذا وان كان هذا الرجل صادقا في كلامه فكري جيدا لا تهدمي حياتك وتفكري باشياء لا معنى لها به عيوب خلقية وان اظن ان العيوب الخلقية افضل من العيوب الاخلاقية انه يحبك ومستعد لان يلبي كل ماتريدينه هل ستحصلي على مثله لو انفصلتي فكري جيدا جيدا

جنـآن
30-06-2011, 05:03 AM
وش ذنبها مرته المسكينه الي ماتدري بشي ..
وش ذنب بنتها ام شهور !

وش تبغي بالضبط تبغي تخربي حياة الناس على حسابش ليش

كيف قدرتي تسوي هالشي وخطيبش الي اخذتيه عن حب وين رآح ذآ كلة

هذا دليل على انش مآتقدري تصبري مع شخص وآحد !!

الله يهديش بس

العجل يآمولااااااااااااااااااااااااااااي

آم عبووودي
30-06-2011, 06:20 AM
الحل المثالي بنسبه الي انك تتعالجي عند طبيب نفسي حتى يشوف لك حل
استغفرالله بس

وردة الحسا
30-06-2011, 06:29 AM
مدري ليش تدورين الحراااام


وبعدين تخيلي حالش على ذمة زوجش وانه يكلم وحدى ثانية بترضيها على نفسج،،،
اللي ماترضيه لحالش لاترضيه لوحدة ثانية وخافي ربج...

أم أريج
30-06-2011, 12:26 PM
استغفر الله

وش في مخش انتين؟
اكيد موصاحيه اكيييييد
و العيب فيش مو في ولد خالتش
العيب فييييييش أنتين
تكلم رجال متزوج وواثقة بعد انه بيتزوجش

الله يهديش موضوعش ينرفز

ام ياسين
30-06-2011, 12:58 PM
اختي البارحه مارديت لاني خفت اكون معصبه وارد رد قاسي

انتي قاعده تظلمي نفسش .. اول شئ كلمتي قريبش وجلستي معاه وكنتي تقدري وقت الي تكلميه لو ماعجبش تقولي له انكم مو من نصيب بعض

لما خطبش ترددتي .. طيب ليش وافقتي مدام نيتش انش تتطلقي ؟ نفس الشئ لو صار الانفصال سواء منش او منه بيصير مشاكل وحزازيات

واكيد انتين السبب لانش تزهقي الرجال بدل ماتسعديه وتخدميه بعيونش .. الحين انتين على ذمته وتعرفي غيره !! وهو ماقصر وياش لو يعرف هالشئ اكيد هو الي بيرفضش وبطيحي من عينه

الرجال الي يكلمش ابصم لش انه لعاب وماعنده شرف .. لانه اول شئ انتي على ذمة رجال وماحترم هالشئ وجالس يشجعش على الطلاق ؟ ليش ماتحرك من البداية وليش اصلا انتي راضيه تكوني المرأة الثانيه ؟ الي يخون زوجته وياخد ثانيه تاكدي بياخد ثالثه ورابعه او بياخد الي يبغاه ويرميش

الرجال مايعيبه شئ فلا تكوني سبب في تعاسه خطيبش ترى انتين الي بتخسريه
هو لو تركش قدامه بنات الدنيا يوافقو عليه ويسعدوه واي وحده بتشوف رجال ملتزم ويدلعها بتوافق خوب هذا عز الطلب

اتمنى تفيقي من هالغفله وتتباعدي عن طريق الخطأ .. وانتبهي من هالرجال الي تعرفيه
بكرة يهددش لو يسوي لش شئ ... !!

رحلت انتظار
30-06-2011, 01:27 PM
وينش ليش ماتردي علينا

الزين كله
30-06-2011, 01:47 PM
زمن اغبر صحيييييييييح صارت الدنيا تخوف كل يوم نسمع ونشوف العجائب

قعدتي معاه بالحرام حبيتيه وصار الشي حلو تزوجك صار عنده عيوبك مو عاجبك

حبيتي رجال متزوج ونتين متزوجه وعنده توه بنت صغيرونه ياعلي يعني تبغي تخربي بيتش وبيت المره الي بتبوقي رجلها منها

يمه من هازمن يمه خليتيني جد الحين اخاف ودنيا ماهي بخيييييير خلاص كلشي تغير

يبغى الش علقه على قولتهم تصحيش من الي انتي فيه ادا هادا عمرش ونتين تفكري كدي اشحال ادا مشى بش العمر

الزين كله
30-06-2011, 01:58 PM
صح عندي لك حل
موانتي تبغي تفصخي خطوبتك وقلتي انك قاعده تطفشي زوجك علشان يجيب طاري الانفصال وللحين ماجابها

اني اقولش الحل وبيتركش على طوول

قولي اليه اني ترى احب واحد متزوج ومايهون علي اني اقعد وياك وافكر فيه
واني ماستاهلك لانك صنتني وحافظ علي بس اني تفكيري غير

وبيتركش على طوووووووووووول
اني عندي انك تقولين اليه الصراحه ولا يعيش وياك مخدوع
وخليه يعرف معدنك احسن
لان باين عليه الرجال ادمي وصدوق ويستاهل وحده مثله
فالاتعيشيه في سراب

ستديو M&Z
30-06-2011, 03:10 PM
متابعه بصمت ...........

سكينة حسين
30-06-2011, 04:10 PM
استغفر الله ربي واتوب اليه ..
نااااس ترررركض وراااا الحررررام وتعيف الحلال...
والله حرررررام ان الولد ينظلم مع وحدة خاينة مثلك..
انتي الي راح تندمي في الاخير .. لان مستحيل الثاني يتزوجك .. هوه حب يستغلك ويستدرجك لانك صغيرة وماعندك خبرة في الحياة حاب يتسلى شوي..!!
انتبهي لنفسك واستغفري ربك .. وقدري النعمة الي عندك ..
نعيش ونشووووف ياربي :confused:

لازوردي
30-06-2011, 04:17 PM
الرجال الثاني يلعب بمشاعرش خليه يولي بس تفكي بيسحب عليش

ومابانت عيوب خطيبش ألا بعد العقد ؟

عبق الرياحين
30-06-2011, 04:55 PM
ننتظر رد صاحبة الموضوع الكل عطاش رايه ويش قررتي الحين

حلم عاشق
30-06-2011, 06:30 PM
حلم مو صحيح آلكلام آلاهل غآآآلبا مآلهم شغل !



.
.


غناتي انا قصدي من ناحية انهم سمحوا ليهم من البداية يجلسوا مع بعض
فهي انعطت حرية زائدة وصار عندها عادي تستهين وتكلم اي احد ثاني فقط لاغير
وبالعكس انا اخر شيء احمل المسؤولية للأهل بس في حالة زي هذي اكيد ليهم يد

الله يصلح حال الجميع

آهات حنونه
30-06-2011, 06:42 PM
ماردت ولاراح ترد صاحبة الموضوع لان ماعندها رد 100% الغلط راكبنها من راسها لين رجلها
ويشوو تبي ترد علينا ..
بس اكيد تشوف كزائر
ومدامها ماردت يعني تبغي تكمل طريقه الي اهي ماشية فيه ولاكن ردت من زمااان شووف كم صفحه الان..؟؟
مانقول الله ربي يستر على بيوتنا من ها الاشكال احنا واياكم يا اللي تحبو الستر

galamor
30-06-2011, 09:15 PM
راح اغلق المووضوع

لان صاحبة الموضوع غير متابعه الى مشكلتها و البنات كفو ووفوا بالردود