المساعد الشخصي الرقمي

مشاهدة النسخة كاملة : استفساراتكم المتعلقه بمستشفى المانع بالدمام و الخبر



galamor
25-07-2011, 08:03 AM
السلام عليكم

هذا الموضوع بيكون خاص بمستشفى المانع بالخبر والدمام

يعني استفساراتكم اسائلتكم تجارب البنات فيه

راح يكون بذا المووضوع

واللي تقدر تفيدنا بمعلومات خاصه فيه

رقمهم .. اسماء الطبيبات اخصائيات و الاستشاريات للنساء و الولاده .. سعر المتابعه .. سعر الولاده


طبعا اي كلام خارج الاستفسار راح يحذف لان المواضيع الباقيه تحولت الى ساحه سوالف وكذا عندكم سوالف غناتي موجود تجمع الحوامل

بس هنا استفسارات وطبعا الموضوع راح يتجدد بشكل دايم ..

واي موضوع يندرج في القسم تحت مسمى المستشفى ذا راح يحذف عشان يكون ذا المووضوع مرجع لكم جميع

صرخة السماء
25-07-2011, 04:43 PM
مستشفى المانع بالدمام
رقمهم..8262111
أعرف بعض منهم ..الدكتوره زينب..صبيحة..بريما..سلوى..سميراء..هدول الااعرفهم
سعرالمتابعة والولاده <<<ماعرف عنها شي <<<على حساب الشركة

galamor
26-07-2011, 04:11 PM
يسلمووو غناتي

شوق الوسمي
26-07-2011, 05:27 PM
تسلمي شلوى عزيزتي على الموضوع
اني اعرف عن اللي في الدمام بس الخبر الله اعلم
رقمهم .. هذا الرقم حق قسم النساء والولاده 8262111
اسماء الطبيبات اخصائيات و الاستشاريات للنساء و الولاده .. فيه صبيحه واني اتابع عندها تمام وفيه زينب وسحر بس يمكن هذي طلعت لاني اشوف محطوط على اسمها اسم دكتور الحين والله اعلم وفيه بعد وحده رابعه بس ناسيه اسمها
سعر المتابعه .. يمكن 1900 يمكن لان البرنامج كامل ب 5400 بالولاده
سعر الولاده .. تقريبا 3500 الطبيعي بس القيصري ما اعرف

galamor
27-07-2011, 07:39 AM
العفو غناتي شوق وانتي تسلمين على المعلومات

نجوم مضيئة
27-07-2011, 01:58 PM
مانع الخبر

038987000

fatemah_nor
28-07-2011, 01:19 AM
اني بالنسبة ليي جربت الدكتورة ناهد في المانع الخبر استشارية مممتازة جدا حاولت معايي بكل ماعندها عالشان تولدني ولادة طبيعيه بالتوأم والحمد لله كانت ولادة ميسرة واخلاق الدكتورة تجنن

صدفة
11-08-2011, 04:39 AM
حبيت أسأل من أفضل دكتورة بالمانع الخبر ( لأن دكتورة أميمة سافرت ) وهذا شهري !!
وكيف مستوى النظافة والتعامل اثناء الولادة والخياطة ..... إلخ ؟؟

مصممة أزياء
11-08-2011, 06:29 AM
انا بعد في الثامن وناوية اولد في المانع الخبر

عطونا تفاصيل الله يرحم والديكم


النظافه والمكان والولاده والخياطه واسماء الدكتورات وافضلهم واسواءهم وطريقة حجز المواعيد

وهل يدخل الزوج غرفة الطلق والولاده ولا ممنوع؟

وكيف مساءلة الرضاعه بالمستشفى يجيبو البيبي عشان الرضاعه ولا لا؟

ومشكورات جميعا

أم دانة
11-08-2011, 01:53 PM
انا ابي اولد بالمانع
بس محتارة وين الافضل الدمام ولا الخبر؟؟
من حيث المستوى
الولادة سمعت ان الاثنين ممتازين
بس غرفة بعد الولادة كيف حلوة وفخمة ولا كيف
لأن زواري بعدين ناس هاي ولازم يكون شي نظيف واوكي مو غرف تفشل يعني


مع العم اني بولد على حساب شركة زوجي
بس محتارة بالدمام ولا الخبر افضل

مصممة أزياء
16-08-2011, 07:17 AM
كان محد معبرنا ؟؟؟؟؟؟؟؟؟؟؟؟؟؟

ياسمينا
16-08-2011, 05:22 PM
روح القوافي لو تتصلي عليهم احسن لان اغلب البنات علاجهم على التأمين

نور الـبتول
16-08-2011, 09:43 PM
اني في التاسع والى اللحين ماحطيت ببالي مستشفى للولاده :d

بالنسبه لاسئلتي نفس اسئله الاخت مصممة




النظافه والمكان والولاده والخياطه واسماء الدكتورات وافضلهم واسواءهم وطريقة حجز المواعيد

وهل يدخل الزوج غرفة الطلق والولاده ولا ممنوع؟

وكيف مساءلة الرضاعه بالمستشفى يجيبو البيبي عشان الرضاعه ولا لا؟

وشنو الاغراض اللي يوفروها للبيبي ولي

ومشكورات جميعا


وهل يصبروا على الوحده لو لا ع طول يقولوا عمليه مثل بعض المستشفيات ماعندهم صبر :(

ربيعه
05-09-2011, 10:38 AM
نفس اسئلة ممصمة ازياء يعطييكم العافييه

مصممة أزياء
10-09-2011, 01:56 PM
مرحبا بنات

من جد محد معبرنا @_@ غربيبه

المهم انا خلاص قررت اروحه خصوصا اني دخلت التاسع ومافي عندي وقت

كلمتهم اليوم وعرفت بعض المعلومات

عندهم نظام المواعيد سويت موعد الاسبوع الجاي مع الدكتوره عرفانا ، قالت لي حاليا مافيه مجال الا عند الدكتوره عرفانا هنديه ، والدكتوره راوية سودانيه ، اخترت عرفانا قريت عنها واجد بالانترنت وقديمه جدا بالمانع كانت بالجبيل 10 سنوات وبعدين نقلت للخبر

رقم تلفونهم 8987000

اللي ردت عليا حبوبه وعطتني المعلومات اللي ابيها نوعا ما ، وسالت عن الغرف التنويم عندهم

فيه عندهم 3 انواع غرف ، غرف مشتركه ، غرف خاصه صغيره ب 250 لليوم ، سويت غرفه وصاله وحمام ب 550 ريال لليوم

ع فكره انا ع الشركة فما سالت عن الاسعار كلها :D

الاستشاريين كلهم رجال ورئيسهم دكتور علاء كمان خبير وقديم اهو ولد اختي من قبل 13 سنه تقريبا ومازال موجود :D

سالتها مافيه دكتورات مصريات ، قالت لي الفتره ذي كل المصريات اجازه
:rolleyes:
وبالنسبة لدخول الزوج غرفة الولاده لازم يكون باتفاق مع الدكتوره اثناء المراجعات

بس بشكل عام عادي يدخل الزوج غرفة الولاده مع زوجته

هذا اللي عرفته

وان شاء الله ما اطول واولد قريب واجي اخبركم تجربتي فيه


دعواتكم بالسهاله

:)

السماء
11-09-2011, 04:58 AM
أنا ولدت بمانع الخبر عند الدكتوره ميرڤت وخيرتني وقت الولاده وكانت تبغاني أولد طبيعي وماعندها مشكله تحاول معي بس أنا طلبت العمليه لأني حامل بتوأم وواحد منهم معترض فخفت واخترت العمليه

تعاملها راقي جداً عاملتني كأني بنتها يدها خفيفه ماشاء الله في الكشف وحتى عمليتي الحمد لله جت سهالات وراجعت مرتين عند الدكتوره عرفانا مرره تجنن وخفيفة دم طول الموعد وهي تضحك معي
وبعد الولاده اخترت غرفه خاصه تعتبر كويسه

وقت الولاده عادي يدخل الزوج ماعندهم مشكله أنا حتى والدي كان معاي قبل مايدخلوني العمليه بس طبعا وقت مادخلت غرفه العمليات ماحد دخل معي

بالنسبه للأغراض شامبو وصابون وفرشاه أسنان ومنشفه

وبالنسبة للرضاعة أنا أولادي كانو بالحضانه المركزه فكنت أنا اللي اروح لهم ارضعهم وقبل ما أولد لما كنت بالسادس تنومت عندهم بغرفه مشتركه وكانو يجيبو البيبي الى اللي كانت معاي علشان ترضعه

تجربتي تعتبر ممتازه بمانع الخبر وأي سؤال أنا حاضره :)

/

روح كوكو
12-09-2011, 12:07 AM
هلا والله ..
أحم أحم >> توهآ والد فيييــه ..~
:
المستشفى رآئع جداً وعنآيه ولا أروووعُ ..!
يصبرو على الوحدددهـ ..

:

انآ تابعت معآهم من السابع ..
كلفني مع الولادهـ وتنويم شهودي تحت الاشعه البنفسجيه
بسسب الصفيرا ..9000 ريال ...واذا تعرفو أحد هنآك راح يساعدكم
وينزل السعر ..!

:

الكادر الطبي تابع الولاده راااااااااائع ..
نظافه - حنيه - صبررر..
ويرفعو معنوايتاكم..ومابعد الولادهـ شي ثاني
يعاملوكم كانكم اميرات والله...
تجي لك اخصائيه رضاعه كل شوي ...شفاط ووو..
وبعدها تجي لك اخضصائيه الغدا كل يوم تسالك شو حابه تاكلي ..

:

الساعه 8 تجيك الدكتوره تطمن عليك واحاينا تكشف على الجرح ..~

:

مره مره عالي اعطيه 10- 10 ...
ومابتلاقوو احد يذم فيه ..

علما هذا مانع الخبر ..:)


اي سؤال او استفسار حاضره عندي صور للمستشفى راح انزلهم ..:)

روح كوكو
12-09-2011, 12:10 AM
وقت الولادهـ كان يرضو ...بس الحين مايستقبلو الرجال بسسبب لمشاكل الي صارت
وحاطين طبعا ارواق على الباب يمنع منعا باتاً دخول الرجال ..

:

وقت الولاده دخلت معاي 2 من خالاتي وضلو معي لين ولدت ومابعد الولاده
نامو معاي تؤامي في غرفه خاصه 3 ايام

:

يعطوك شامبو وصابون ومعجون وفرشاه وفوطه ..وملابس داخليه بلاستك ...وفوط صحيه ..

:


بنسسبه للدكاتره ...انا كنت اتابع عند أميمه ...بس ولدت عند ستاف هنود..الصرااحه
كنت خيفه .!!!!!!

بس ماشالله عليهم ينحبو من قلب ...وسااااااعدوني بقوة لاني تعسرت :( في خروج الراس..
بس كل يوم تجيك دكتورك تتطممن وتكشف..
:

يعني مو شرط بنات الي تابعي عندها تولدك...

بس الله الشاهد كلهم كلهم اوككي

برب راجعه

Rose story
12-09-2011, 01:48 AM
بعد جبدي روحو

^____^

ننتظرك

ليال/ام سيد علي
12-09-2011, 10:51 AM
حمستوني ارجع اولد بمانع الخبر

ولادتي فيه كانت من 4 سنوات تقريبا

مساكين شهري كانوا يبغوا يرفعوا دمي باي طريقة كان 7

وممتاز جدا جدا

وزي ماقالت روح ان الرجال حزة الولادة يطفروهم برة >>اني توقعت بيخلوه تالي طردته خخخ

الحين انا مترددة بين مانع الخبر ومواساة القطيف !!!

السماء
12-09-2011, 02:29 PM
/

انا نسيت ماتكلمت عن الستاف

مثل ماقالت روح يعاملونك كأميره مو بس اميره الا ملكه اتذكر من بعد العمليه حتى الماي يشربوني اياه ومره وحده من الممرضات مشطت شعري :p

وكل شوي يجو يتطمنو علي والاكل كان احيانا مايعجبني وتجي اخصائيه التغذيه واقول لها وتغيره ويجيبو لي وجبه ثانيه خصوصا في الفطور جننتهم

وفيه شيء مهم ذكرته الاخت روح الا هو الحنيه بذكر موقفهم معي بعد ولادتي صرت اروح الى توأمي الحضانه المركزه علشان الرضاعه او اشوفهم ولدي كنت ارضعه عادي بس بنتي صغيييره مره ويعطوها الحليب بأنبوب في خشمها ماقدرت لما شفتها جذي رجعت الغرفه واني بس صيااح وجت ليي الممرضه تهديني وتحاول تسكتني بعدين قلت ابغى زوجي وكانت الساعه 12 ونص الليل سألتها اذا عادي يجي قالت ما اقدر ممنوع قسم نساء والزياره منتهيه بعدين شافتني برجع اصيح قالت خلاص كلميه يجي بس يطلع الساعه 6 ينزل المصلى او يروح اي مكان قبل ماتجي رئيستها وفعلا جا زوجي على الساعه 1 وربع وقعد ويايي لين الصبح


/ *

روح كوكو
12-09-2011, 04:16 PM
الي متردده اكيد امانع الخبر ...الصرااحه ماعليه كلام ..=)

أنا برضآعه مره كآنو وياي الممرضه تمسك صدري:( وتمسك فم بنتي ...
ما يأست كل يوم تجيني مرتين ..وتجيب لي شفاط وخلته ..وبعدين جابت واحد ثاني ..
:

كل شوي يجو يسالو تبي شاي لو حليب لو كوفي ,,,’


/

:] الله يسسسهل عليكم بنآت ,

ليال/ام سيد علي
13-09-2011, 08:56 PM
يعني اقلها واتوكل على خير انا لاخر نفس من قبل ما احمل حاطتنه ببالي لان جربته بعلاوي ^^

بس لمن ترقدت بالمواساة وشفت معاملتهم تشبه لمعاملة المانع تحيرت ^^

رجلي حاليا مصمم عالمانع الخبر بس يقولي على راحتش

الله يستر حزة الحزة الوحدة تحتار ههههههههههههههه

مصممة أزياء
15-09-2011, 12:56 PM
مشكورين ع التفاعل من جد طمنتوني

روح كوكو ، السماء ، ليال

الله يحنن قلوبهم علينا حزت الولاده

fatemah_nor
15-09-2011, 06:52 PM
لاتترددو على مانع الخبر وااااااااااااجد مريح والدكاترة عسل

ليال/ام سيد علي
16-09-2011, 10:01 AM
صحيح كنت متحيرة بين مواساة القطيف والمانع الخبر

لكن الان اخترت المانع بما ان لي فيه تجربة من 4 سنوات ^^

ام ربيع وفرح
17-09-2011, 03:27 AM
تجربتي انشاء الله ماتأثر على احد وغير رايه بالنسبه لمانع الخبر
بولادتي بولدي تقريبا 3 سنوات وشويه كنت اتابع عندهم ماعجبني بالمره في المتابعه كل شهر يدخلوني عند وحده بس كان الاكثر يعني مرتين او ثلاث اميمه
طبعا تعاملهم الزفت الممرضات خاصة الي كانوا يداموا اخر ليل لدرجة اني كنت بكر مادري ان الواحد لازم يبول بعد الولاده ولاقالوا لي قومب بولي اوشيء وغير كده لاني ماكنت احس بالبوال جاني انحباس بالابوال اقولهم بطني يعورني الا تجيني ممرضه الله يسامحها تقولي وشفيك انتي كل الحين جرس انت والد طبيعي يسوي كده هادا غرف جنب انتي كلو قيصري مافي سوي سيم سيم انتي وتطلع عني لدرجة اني ظليت 5 ايام عندهم بالمستشفى واني ما ابول ولا احد جا افتكر يسأل او شيء وطبعا هادا الشيء خلاني اضل بالمستشفى من بعد ولادتي شهر وشوي لين مالله فرج علي برحمته طبعا غير العمليه الي سووها الي منظار
غير حولوني على المسالك البوليه غير انه ولدي ماشفته ابد ماشفته الا يوم طلعت من المستشفى كل كان عمره شهر وشوي
بصراحه حالتي الله انشاء الله مايوريها احد لاصديق ولاعدو
بالنهايه اكره المستشفى بالي فيه
واسفه طولت عليكم بس هادا جزء بسيط من اشياء وايد ماذكرتها
واتمنى ردي ماينحذف

نجمةالشرق
28-09-2011, 12:31 PM
حبوبات ايش رايكم في الدكتورة زينب في مانع الدمام من حيث العلاج والمعامله

Angel
01-10-2011, 05:23 PM
الله يسهل عليكم وعليي يااارب
دخلت التاسع وافكر اولد في المانع الخبر
كم السعر الولاده بدون تأمين؟؟وابغى غرفه خاصه
اني حاليا اتابع في مستشفى حكومي

جود علي
26-10-2011, 02:18 PM
المانع الخبر افضل من الدمام

Alma
26-10-2011, 06:43 PM
سؤال عن المانع الخبر

عندهم التوسيع او الخيوط تذوب من نفسها او لأ
وفي عندهم بالليزر اللي يكون الخيآط بالعكس بحيث مايبين الخياط من برآ بس طبعا بدون استخدام اشعة الليزر بس نفس الخياطة هذا اسمهآ ~
ياليت اللي جربت ولادة في مانع الخبر تفيدنا :)

Rose story
27-10-2011, 01:17 AM
قبل اسبوعين رحت موعدي في المانع الخبر عند دكتوره اميمه

بصراحه الدكتوره تجنن ارتحت لها وااااااااجد كفايه ابتسامتها
المستشفى نظيف وتعاملهم راقي وما يأخروا الوحده ساعه .. في نفس موعدي دخلت عالدكتوره

هذي تجربتي
وكل موعد بكتب لكم الملاحضات

أح ــلام ملونه
28-10-2011, 12:51 AM
نجمه كويسه

اني رحت ليها اخر شهر التاسع بس ماكانت تعطي اجوبه كافيه

يعني سوت لي سونار الا تقول الماي زايد اسألها ليش حاقره مع العلم كذا مره أسألها قهرتني

وبعدها سوت سونار الا تقول وزنج زايد بزياده خففي اكل بنتج وزنها 3 و100 واجد كبير

مع العلم ناس يوصلوا 4 قلت ليها شننو احرم روحي اكل قالت لاتاكلي زيوت وعطتني لسته بس حقرتها

ماعجبتني لديك الدرجه يعني لو تساليها شي ترد عليش بجواب مايشفي غليلج ولاتسكت

وغير لما سوت كشف المني اقول ليها يألم تقول شي طبيعي يألم إذا الحين بتصرخي بعدين وش بتسوي وقت الولاده

قلت ليها طيب هذا اول كشف شي طبيعي يألم وسكتت مانصحج تروحي ليها اني توبه اطب ليها مره ثانيه

جنة علي
29-10-2011, 01:53 AM
هلا بنات الله يسهل عليكم بحق محمد وآله
اني ولدت في مانع الجبيل قبل ثلاث سنوات
وطلع كامل سعر ولادتي بكل شي بتطهير ولدي 4200
واللي تسال عن الخياطه اي من الداخل مايبين شي كأن مافي خياطه
وبعد ماولدت في غرفة التنويم كل شوي يجو يسالوني ماما في بول في براز ,, وانتوا بكرامه
مثل ماقالت روح كوكو الله يعطيها العافيه
في النهايه افضل شي مستشفيات المانع
واتمنى اني افدتكم

حنونه ومزيونه
30-10-2011, 01:03 AM
هلا حبايبي
من جربت المتابعه والولاده في المانع الدمام
ومن افضل دكتوره؟؟
والدكتوره صبيحه وش رايكم فيهااا؟؟
اتمنى تفيدوني لانه ابي اتابع عندهم وماعرفت عنه شي للحين؟؟

شوق الوسمي
30-10-2011, 01:47 AM
هلا حبايبي
من جربت المتابعه والولاده في المانع الدمام
ومن افضل دكتوره؟؟
والدكتوره صبيحه وش رايكم فيهااا؟؟
اتمنى تفيدوني لانه ابي اتابع عندهم وماعرفت عنه شي للحين؟؟


هلا خيه
اني حاليا اتابع في المانع الدمام وعند الدكتوره صبيحه وولادتي راح تكون عندهم انشاء الله
والدكتوره حلو وتعاملها حلو واني مارحت لها الا عن تجربه من قرايبي والدكتوره ماشاء الله عليها ماتفضى
ادعي لي بالسهاله عشان اكتب عن الولاده كمان

نجمةالشرق
07-11-2011, 06:57 PM
انا ابي اتعالج في مستشفى مانع الدمام عن الأجهاضات المتكررة من الدكتوره الشاطره عندهم وفاهمه ونفسيتها مع المريضه تكون تمام انا افكر في الدكتورة زينب ايش رايكم فيها وفي تعاملها وعلاجها

حنونه ومزيونه
13-11-2011, 05:58 PM
اني دخلت ع الدكتوره صبيحه احسها زينه بس لسه ماجربتها واجد دخلت عليهااا مره بس مادري عن زينب ان شاء الله احد يفيدك

النبأ
26-11-2011, 04:52 PM
مساء الخير ع الجميع
سؤال من يتابع حاليا في مانع الخبر
ومن هي افضل دكتورة عندهم ؟؟
هالسبوع ان شاء الله بروح اول مرة للمتابعة هل في زحمة ولا لا ؟؟

Rose story
26-11-2011, 05:46 PM
مساء الخير ع الجميع
سؤال من يتابع حاليا في مانع الخبر
ومن هي افضل دكتورة عندهم ؟؟
هالسبوع ان شاء الله بروح اول مرة للمتابعة هل في زحمة ولا لا ؟؟

مساء النور خيتي

انا اتابع في مانع الخبر صار لي شهرين افضل دكتوره {{اميمه}}
اممم فيه زحمه واجد وكلللله اجانب {{هذا اكثر شي يضايقني }} بس ما يأخروش يدخلوش على موعدش

انتي دقي وخذي موعد .. يمكن ما تحصلي موعد عند اميمه الا بعد شهر وشوي كله زحمه عندها

انا بنقل لسعد لأني ابغى اولد هناك ..ولأن بصراحه طريق المانع الخبر يطففففش داخل زرانيق .. هم شوارع ضيقه وااااجد بس يزهق ويدوخ غير ان المستشفى كله اجانب تحسي نفسش رايحه مستشفى هنود ومصاروه
بس من ناحية الدكتوره جدا ممتازه بترتاحي لها اذا تابعتي معاها .. انا للأسف مواعيدي كله آآآآآخر الدوام الساعه سبع وتكون الدكتوره تبغى متى متى تطلع فأحس ما اخذ وقتي حدها تسمعني نبض الجنين وتوصيني بالحبوب وبس كل ما اقول لها شي تقول طبيعي انا احب ان تشرح لي مو بس طبيعي وانتهينا

هذي ملاحظاتي

موفقه خيتي

النبأ
26-11-2011, 06:36 PM
روز ستوري يعني تتوقعي ما احصل موعد عندها في هالفترة ؟؟
كان ودي في سعد بس ماعندنا تبع التأمين
وزوجي يقولولي بروكير بس اني حابة المانع
طيب الي جربو مانع الدمام ومانع الخبر شنوو افضل ؟؟

Rose story
26-11-2011, 07:18 PM
النبأ
الاكيد انش ما تحصلي موعد في ذي الفتره لأن موعدي وياها قبل 3 ايام والمفروض اخذ موعدي الجاي بعد شهر ما حصلت الا بعد شهر وشوي يعني مادري كيف بيصير لو اكمل واوصل للشهر التاسع كيف باخذ موعد كل اسبوع وهو كله زحمه
اللي يقهرني ان في اغلب المستشفيات الدكتوره هي تعطيش موعدش اللي بعده .. في المانع ما اشوفها تعطيني موعد
ولما اسألها متى اخذ الموعد تقول لي روحي لمكتب السكرتاريه وهي تعطيش ولما اروح تعطيني اقرب موعد .. يعني ما تعطيني حسب احتياجي فهمتي عليي كيف.. وشوفي عاد متى اقرب موعد

بالنسبه ان التأمين ما يغطي سعد انا تأميني التعاونيه .. شالوا سعد فتره لذلك ما قدرت اتابع من اول الحمل والحين رجعوه .. يمكن انتي مثلي خلي زوجك يسأل

اما بالنسبه لبروكير
انا ما جربت شخصيا بس الاراء متناقضه بشكل كبير
وانا ما احب كذا .. لذلك استبعدته نهائيا وما ارتحت له اصلا
يعني اهلي اللي جربوه كلهم يذموه .. وهنا في المنتدى يمدحوه ومادري اصدق من

انتي تأكدي من سالفة سعد .. واذا ما كان وياكم خلش على المانع وتحملي ريحة الهنود والمصاروه خخخخ

النبأ
26-11-2011, 08:33 PM
ولل بعد شهر ونص يعني اذ خلصت الثاني وبدخل في الثالث :eek:
واحنا تأمينا ميدغلف ما اتوقع فيه لان من البداية مافيه بس نسأل
وبروكير مثلش اني ناس تذم وناس تمدح فا ابتعدت عنه نهائيا
بتصل بكرة وبشووف
طيب من افضل دكتورة بعد اميمة يمكن الاقي عند غيرها موعد
والله يسهل يارب

Rose story
26-11-2011, 11:43 PM
ما اعرف دكاتره غيرها خخخخخ

انا حجزتها على اساس مدح اهلي وصديقتي لها

بس سمعت ان كل الدكاتره كويسين ^^

النبأ
27-11-2011, 01:07 PM
كلمتهم اليوم قالوو لي اذا تبغي تتدخلي عليها من 8 الا ربع تكوني موجودة عشان تاخذي لش رقم وتنتظري

انيس الروح
27-11-2011, 01:20 PM
صحيح الكلام تروحي تاخدي رقم بدري من الجهاز الا موجود هناك
بس عني كتجربة مافي زي دكتورة سلام اني ارتاح ليها وااجد

شوق الوسمي
27-11-2011, 05:03 PM
عن تجربه مانع الدمااام روعه في الولاده اللحمدلله ولادتي فيه كانت قبل اسبوع
وبكتب قصة ولادتي وبتشوفون الاهتمام اللي عندهم

النبأ
27-11-2011, 08:12 PM
شوق غناتي الف الحمد الله ع سلامتش وسلامة البيبي

امم في زحمة بعد واجد زي الخبر ولا لا ؟؟
ووالي تتابعي عندها هي الي تولدش ؟؟
ومن افضل دكتورة عندهم

جمان
27-11-2011, 08:52 PM
مانع الخبر طفشووني اروح كذا مره ويقولوا ليي في مجال واخذ رقم وانتظر دوري واخر شي مافي مجال اذا تبون موعد روحوا كلموا الدكتورة لأن اليوم ماتقدر حلووة دي واروح للسكرتارية تعطيني موعد بعد شهر او اكثر

حاليا اتابع في مانع الدمام عند الدكتورة زينب المستشفى احسه تعبان نفسيا خخخ والرسيبشن احس مافيه اخلاق ابدا وكله هنود اعظم من اللي في الخبر بس ادخل على موعدي على الاقل وفي نفس الوقت هذي حسنة تعتبر وتقدروا تاخذوا موعد عن طريق التلفون بعد

بس اللي بيروحوا على التأمين المانع المستشفى الوحيد اللي تنتظري تجي الموافقه على الادوية والتحاليل يدقوا عليش بعد يومين او اكثر عشان جت الموافقه طبعا هذا كلام رسيبشن عندهم

انا اذا الله راد ناوية اولد في الخبر يعني باحول على الاشهر الاخيره على الخبر ابغى اولد فيه يقولوا افضل من الدمام


اللي عندها اي سؤال حااضرة :)

شوق الوسمي
28-11-2011, 09:08 AM
شوق غناتي الف الحمد الله ع سلامتش وسلامة البيبي

امم في زحمة بعد واجد زي الخبر ولا لا ؟؟
ووالي تتابعي عندها هي الي تولدش ؟؟
ومن افضل دكتورة عندهم

هلا خيه
الله يسلمك غناتي وعقبالك ياااارب
اي زحمه واجد بس اني اذا رحت قبل أحجز لي. موعد عشان من أوصل اجلس بس دقايق وادخل
لا مؤ هي اللي ولدتني بس كانت تتابع معاي في ولادتي وقبل ما تطلع ينتهي دوامها جتني وبعدين في الولادة اكثر من دكتوره تكون معاك واللي ولدتني ايدها مره كمان خفيفه كلهم اصلا أياديهم خفاف وكلهم أخلاق ويصبروا عليش هم والممرضات ماشاء الله عليهم
اني عن نفسي جربت المتابعه صبيحه تمام وعن تجربة الأهل كلهم عندها
وربي يوفق لك انشاء الله

جمااااااااان
غناتي ترى انتي تشوفي المبنى حق المانع الدمام حالته حاله بس الشهادة لله فوق قسم الولاده نظيف وحتى غرفه نظيفه وهم اهتمامهم بالنظافة كمان وماتوقعته اصلا كذا بصراحه جداً جداً ارتحت فيه

حنونه ومزيونه
28-11-2011, 09:02 PM
شوق غناتي الف الحمد الله علىى سلامتك وتتربى البنوته في عزكم ودلالكم

مدام انتي والده فيه بسالش كم سؤال<<تحمليني خخخخ

متى سوو لك التحاليل لانه اني للحين ماسوت لي شي صبيحه اني في نهاية الشهر الثاتي؟؟

احد جرب صبيحه في الولاده؟؟

وقت الولاده يصبرو عليك انه اني قيصريه واخاف مايصبرو علي وولدوني قيصري مره ثانيه؟؟
والغرفه اللي تجلسي فيها نظيفه واسعه لو ضيقه؟؟ اني باخد مشتركه؟؟
*
واسمحي لي على كثرة اسئلتي ؟؟

حنونه ومزيونه
28-11-2011, 09:11 PM
والزوج يدخلوه غرفة الولاده لو لا؟؟

النبأ
29-11-2011, 04:37 PM
اليوم رحت مانع الخبر في الاجواء الماطرة وكان رقم 2 عند دكتورة اميمية
يالله شقد حبيت هالانسانة من دخلت لين طلعت هي تضحك ومبتسمة وتخلي الواعد يبتسم
ارتحت بقوة ليها
وكل شي قالته ليي وسوت ليي تحاليل
وموعدي الشهر الجاي من الحين انتظر الموعد الجاي خخخ



اي صح شووووكرا بحجم السماء روز ستوري دليتيني على خوش دكتورة

Rose story
29-11-2011, 05:20 PM
النبأ

الحمد لله انك ارتحتي لها
هي فعلا بسومه وحبوبه بس اهم شي لا تاخذي موعد اخر الدوام نصيحه {{تكون مستعجله وتبغى تخلص }}

لا شكر على واجب غناتي ^_____^

النبأ
29-11-2011, 05:30 PM
رووز موعدي الشهر الجاي الساعة 11
هي متى ينتهي دواامها ؟؟

ms.caramilla
29-11-2011, 05:35 PM
اليوم كان موعدي عند اميمه ماخذته من شهر وخفت اروح من الاجوااء
وكلمت خذيت لي موعد ع الشهر الجاي :(
والحين تندمت لو ادري كان رحت

Rose story
29-11-2011, 06:14 PM
لا تحاتي كويس 11 غناتي

ينتهي دوامها 7 ونص او 8 كذا

شوق الوسمي
02-12-2011, 12:55 AM
شوق غناتي الف الحمد الله علىى سلامتك وتتربى البنوته في عزكم ودلالكم

مدام انتي والده فيه بسالش كم سؤال<<تحمليني خخخخ

متى سوو لك التحاليل لانه اني للحين ماسوت لي شي صبيحه اني في نهاية الشهر الثاتي؟؟

احد جرب صبيحه في الولاده؟؟

وقت الولاده يصبرو عليك انه اني قيصريه واخاف مايصبرو علي وولدوني قيصري مره ثانيه؟؟
والغرفه اللي تجلسي فيها نظيفه واسعه لو ضيقه؟؟ اني باخد مشتركه؟؟
*
واسمحي لي على كثرة اسئلتي ؟؟

هلا غناتي اسمحي لي صار لي يومين لان مادخلت
اني غناتي ماسوت لي تحاليل واجد بس عفر في الثالث سوت لي تحليل بول اكرمك الله وما ادري تحليل عن الامراض وفي السادس عفر سوت لي سكر الحمل بس ماسوت لي تحاليل واجد
صبيحه رحت لها عن تجربة اهل زوجي والى الحين مايروحوا ليها الاهي يقولوا تمام واني شفت ايدها مره خفيفه بس اني انتهى دوامها فولدتني سلوى واجد تمام بعد
يصبروا غناتي وقت الولاده تصوري لما رحت الفجر كانت وحده صار ليها يومين عطوها فرصه وطلق ومسكينه بعدين ماولدت الاقيصري لان من الاساس حجم البيبي كبير بس صبروا عليها
الغلافه نظيفه اني كمان عن حساب مشتركه فيها سريرين بس ماجابوا معاي احد ونظيفه فيها تلفزيون بعد تسلي وحدتك فيها وطبعا عندهم اهتمام بالنظافه عفر 3 مرات باليوم يجوا يغيروا الزبالات ويجيبوا لك ثوبين في اليوم تبدليهم

لا عادي غناتي اسألي واني اجاوبك لان عن تجربه
وربي يتمم لك يارب بخير

شوق الوسمي
02-12-2011, 12:57 AM
والزوج يدخلوه غرفة الولاده لو لا؟؟


اني زوجي دخلوه لي غرفة الطلق والولاده لان ودوني غرفة الولاده وفاتح الرحم 5 وبعدين سألتني في ولادتي لما جيت بولد تبيه يكون معاك بعد بس اني قلت لا

ms.caramilla
02-12-2011, 12:14 PM
شوق الوسمي
الف الحمدلله ع السلامه وتتربى بعزكم يارب

طيب اذا ع حساب التأمين تتوقعو في غرف مفرده؟

galamor
03-12-2011, 01:22 PM
خواتي الموضوع مش الى قصص الولاده رجاءً في موضوع مختص فيها

هنا فقط الاستفسارات

اي رد عن قصه ولاده راح ينحذف تذكرو القصه بموضوع المخصص لها وهنا استفسارات عن المستشفى فقط ماله داعي التفصيل بذكر تفاصيل القصه

دانة ابريل
06-12-2011, 04:56 PM
بنات يعطيكم العافيه فيدوني مين افضل دكتوره لعلاج الالتهابات المهبليه في المانع الدمام
واذا بروح لازم حجز بالتلفون والا لا؟وكيف نظامهم زحمه والا منظمين بالارقام ؟
ردو علي جزاكم الله خير

حنونه ومزيونه
07-12-2011, 12:52 AM
مشكوره شوق على الرد


بنات يعطيكم العافيه فيدوني مين افضل دكتوره لعلاج الالتهابات المهبليه في المانع الدمام
واذا بروح لازم حجز بالتلفون والا لا؟وكيف نظامهم زحمه والا منظمين بالارقام ؟
ردو علي جزاكم الله خير

هلا غناتي اتوقع لازم تحجزي لك موعد لانه اني لما بتابع دقيت عليهم بحجز بس ماعندي ملف وقالو لازم اجي افتح ملف واسجل لي موعد
والزحمه على حسب الدكتوره ادا عندها زحمه او لا بس اني من اروح يدخلوني في موعدي على طول ما استنى واجد
عندهم نظام بصراحه
افضل دكتوره مادري ان شاء الله البنات بفيدوك اكثر

النبأ
07-12-2011, 11:22 AM
الحجز حضورياا
ولازم تروحي بدري علشان تحصلي لش رقم
ثاني شي اني استفدت من مستوصف البطي لانه كانت عندي التهاابات وجربت مستشفيات واجد وما استفدت الا على بطي
وانتي براحتش

ورد وياسمين
23-12-2011, 01:03 PM
هلا اخواتي كيف حالكم اني قررت اولد في مستشفى المانع الدمام عند الدكتورة زينب
بس حابه اسألهل يدخلو غرفة الولادة الزوج ولا لا لان زوجي يبي يدخل معاي
ولي عندها تجربه او معلومه ياليت تفيدني اول مره باولد فيه ياليت اخواتي اتفيدوني

شوق الوسمي
23-12-2011, 09:26 PM
وردة ياسمين هو مايدخلوه بس اذا طلب يدخل يكلمهم ويشوف
اني دخلوه غرفه الطلق والولاده بس لما جيت بولد سألتني تبيه يكون معاك اني قلت لها لا

مصممة أزياء
24-12-2011, 01:47 PM
السلام عليكم اخباركم ياحلوات

حبيت اسدح لكم تجربتي في المانع الخبر بعد ما وعدتكم اني اذا ولدت هناك اخبركم

طبعا اللي عارفيني عارفين اني ولدت ولادتي الاولى في مستشفى المواساه القطيف والله لا يحوجني لذاك مستشفى وذاك كادر طبي الى اليوم متحسفه اني جربته ولمليون سبب وسبب

المهم الله اراد وولدت ببنتي الثانيه في المانع الخبر

تقيمي ، المبنى والديكورات 8 من 10
الاطباء 10 من 10
الممرضات 9 من 10
العناية والنظافة 8 من 10
الخياطه 10 من 10
الرضاعه 10 من 10

بصراحه عجبني المستشفى مره رائع ، طبعا انا اخذت جناح ملكي غرفه ومجلس وحمام اليوم ب 550 ريال رااائع جداا
العناية والاهتمام ممتازين جدا
وش اعدد ووش اقول خلوني على كفوف الراحه ممتازين جدا حسيت انه مستشفى حقيقي مو الخايس المواساه تجارب

- انتظرو عليا اولد ماعطوني لا صناعي ولا غيره
-زوجي وامي خلوهم يتناوبون على الدخول
-غرفة الولاده والطلق والكشف هي نفسها وحده معاها حمامها عكس المواساه القطيف الكشف في الطوارئ والطلق في غرفة الطلق ولما يقرب البيبي يطلع وانتي في قمة التعب ينقلوكي غرفة الولاده _ ام التعذيب_
-ممرضة خاصه فيني متواجده معي
-مساج اثناء وبعد الولاده
-عطوني مسكن بعد ماوصل الرحم 6سم ونمت ساعتين
-الخياطه ذابت لحالها حتى مااضطريت اراجع المستشفى في الاربعين على عكس ولادتي الاولى الخيوط شالتهم الدكتوره في الاربعين
- طلبت ارضع بنتي بعد الولاده ومايعطونها حليب صناعي ، وكتبوا على سريرها بالخط العريض بالانجليزي ( رضاعه طبيعيه ) فكل ساعتين يجيبونها لي ارضعها وجات لي علمتني الرضاعه كيف بالضبط
- عطوني ورقة فيها تمارين الرياضيه الخاصه بالوالد

الدكتوره اللي ولدتني ( شكريه صوماليه ) معاها 6 قابلات وممرضات ودكتوره نسائيه باكستانيه ماعرفت اسمها

حسيت الطاقم ممتاز جدا عارفين شغلهم كويس ما يجربون ناس فاهمين

* اذا رايحه ولاده بس من غير متابعه زي حالتي خذي معاج الملف كامل من مكان المتابعه مع صور للسونار راح يسالوكي عنه ولا تدخلي قسم الطوارئ ، روحي مباشرة مبنى التنويم الدور الثالث *

راح اكتب قصتي قريبا ان شاء الله

فطوم العوامية
24-12-2011, 07:53 PM
مرحبا خواتي

حبيت استفسر اني قررت اولد في المانع الدمام كنت متابعة عند الدكتورة سميره بس لما رحت اليوم قالو سافرت

وعطوني موعد لبكرى عند الدكتورة سحر

احد جرب دي الدكتورة وكيف الولاة عندهم والتنويم

ياااريت تفيدوني اني بكريه ومرررررررررررره خاااااايفة

متجر غلا سنابس
24-12-2011, 08:17 PM
انا ولادتي كانت في المانع الدمام
صراحة مرة مرة تمام
ماكنت محاتيه وانا عندهم ابد
صبرو علي وايد
المبني يعتبر عادي مو جديد
بس العناية والاهتمام فوق صراحة
والي سالت يدخل الزوج او لا
زوجي دخل معاي غرفة الطلق
اما غرفة الولادة ممنوع
الا بتروح تروح وهي مطمنة وربي هناك خبرة

الليدي أوسكار
11-01-2012, 04:08 AM
اممممممممممممممممم شكلي ناوية عليه هو او المواساة للحين ما قررت

الليدي أوسكار
11-01-2012, 04:12 AM
السلام عليكم اخباركم ياحلوات

حبيت اسدح لكم تجربتي في المانع الخبر بعد ما وعدتكم اني اذا ولدت هناك اخبركم

طبعا اللي عارفيني عارفين اني ولدت ولادتي الاولى في مستشفى المواساه القطيف والله لا يحوجني لذاك مستشفى وذاك كادر طبي الى اليوم متحسفه اني جربته ولمليون سبب وسبب

المهم الله اراد وولدت ببنتي الثانيه في المانع الخبر

تقيمي ، المبنى والديكورات 8 من 10
الاطباء 10 من 10
الممرضات 9 من 10
العناية والنظافة 8 من 10
الخياطه 10 من 10
الرضاعه 10 من 10

بصراحه عجبني المستشفى مره رائع ، طبعا انا اخذت جناح ملكي غرفه ومجلس وحمام اليوم ب 550 ريال رااائع جداا
العناية والاهتمام ممتازين جدا
وش اعدد ووش اقول خلوني على كفوف الراحه ممتازين جدا حسيت انه مستشفى حقيقي مو الخايس المواساه تجارب

- انتظرو عليا اولد ماعطوني لا صناعي ولا غيره
-زوجي وامي خلوهم يتناوبون على الدخول
-غرفة الولاده والطلق والكشف هي نفسها وحده معاها حمامها عكس المواساه القطيف الكشف في الطوارئ والطلق في غرفة الطلق ولما يقرب البيبي يطلع وانتي في قمة التعب ينقلوكي غرفة الولاده _ ام التعذيب_
-ممرضة خاصه فيني متواجده معي
-مساج اثناء وبعد الولاده
-عطوني مسكن بعد ماوصل الرحم 6سم ونمت ساعتين
-الخياطه ذابت لحالها حتى مااضطريت اراجع المستشفى في الاربعين على عكس ولادتي الاولى الخيوط شالتهم الدكتوره في الاربعين
- طلبت ارضع بنتي بعد الولاده ومايعطونها حليب صناعي ، وكتبوا على سريرها بالخط العريض بالانجليزي ( رضاعه طبيعيه ) فكل ساعتين يجيبونها لي ارضعها وجات لي علمتني الرضاعه كيف بالضبط
- عطوني ورقة فيها تمارين الرياضيه الخاصه بالوالد

الدكتوره اللي ولدتني ( شكريه صوماليه ) معاها 6 قابلات وممرضات ودكتوره نسائيه باكستانيه ماعرفت اسمها

حسيت الطاقم ممتاز جدا عارفين شغلهم كويس ما يجربون ناس فاهمين

* اذا رايحه ولاده بس من غير متابعه زي حالتي خذي معاج الملف كامل من مكان المتابعه مع صور للسونار راح يسالوكي عنه ولا تدخلي قسم الطوارئ ، روحي مباشرة مبنى التنويم الدور الثالث *

راح اكتب قصتي قريبا ان شاء الله


اختي ننتظر قصتش
هل كنتي كاش او تحت شركة ؟
وهل يسمح بدخول الزوج في نفس الغرفة معاك

النبأ
13-01-2012, 09:14 PM
مرحبا للجميع
ومـــــآجورين

سؤال اني اتابع في المانع تبع التآمين ولما سويت سونار دفعنا مبلغ مو كامل جزء منه
هل انتو نفس الشي يدفعوكم ولا كامل المبلغ ع التآمين

Rose story
14-01-2012, 12:29 AM
النبأ

ايه تدفعي نسبه لما تدخلي عالدكتوره ولما بتسوي تحاليل ولما بتسوي سونار
يعني كل شي يخص العيادات الخارجيه تدفعي عليه نسبه

بس الولاده يغطيها التأمين كامله ..طبعا هذا اغلب التأمينات
ويمكن فيه غير خخخخ

ليلكية
14-01-2012, 02:06 AM
بنآآآآت
بسألكم عن الأشعه الرباعيه بالمانع كم تكلف ؟
وربي يعطيكم العافيه

التفاح الأخضر
29-01-2012, 02:04 AM
بسألكم بنات انا اتابع في مستشفى الزهراء وحابه الولاده في المانع هل يستقبلو حالات ولاده بدون متابعه عادي يعني او لازم نحمل ملفي او صورة من ملف المتابعة عشان يعرفو عن الجنين ووضعيته

المزيونة
30-01-2012, 08:53 PM
طبعاااان اهلي موراضين عن البروكير وزوجي مومقتنع ولا راح يوديني

اهلي يبوني اروح الخبر الماانع طبعاان انااا اعرف دكتورة هناك سودانية اسمها راوية واحسها اخلاق وطيوبة من راحت وجربت ولاتدتهااا؟ وفي غير راوية اسمع اميمية وش جنسيتها وكيف اخلاقها؟ لانه خلاص رسيناا ع الخبر

بيونه الحلوة
04-02-2012, 04:14 PM
يعطيك الف عافيه بنات
انا افكر اولد في مانع الدمام
اذا في معلومات عن الدكتورات يريت بس لا تبخلو علينا
لاني بكرية وخااايفه مع اي دكتوره :confused:
والله يسهل عليكم يارب

جود علي
04-02-2012, 04:25 PM
في المانع الدمام صبيحة تمام شاطرة وفاطمة وزينب بس سحر ماعجبتني

حنونه ومزيونه
04-02-2012, 04:46 PM
يعطيك الف عافيه بنات
انا افكر اولد في مانع الدمام
اذا في معلومات عن الدكتورات يريت بس لا تبخلو علينا
لاني بكرية وخااايفه مع اي دكتوره :confused:
والله يسهل عليكم يارب


اني اتابع عند الدكتوره صبيحه مرره تماام وطيبه وبولد عندها بأذن الله

جمان
06-02-2012, 10:34 PM
تفاح اخضر ايي يستقبلوا بدون متابعة الظاهر تقدري تروحي على طول او تاخذي موعد اهم شي الملف يكون عندش اتصلي تأكدي منهم افضل

المزيونة اميمة مصرية يمدحوها وااااجد السودانية ماسمعت فيها

بيونة اني كنت اتابع عند زينب ايدا ماعجبتني الناس يمدحوها وابدا ماعجبتني ماتجاوب على اسئلتي وصوتها مررره وااطي ماينسمع ودايما تطلب اشياء ماليها داعي حولت عند صبيحه احسها مررره تمام وطيييبه سحر ولا مره دخلت عندها

النبأ
10-02-2012, 07:27 PM
اميمة مصرية بس ماشاء الله عليها رووعة اول ماتدخلي عليها تشوفي الابتسامة الي تريح القلب
بس نصيحة اذا بتابعي عندها خلي مواعيدش كل صباج العصر ماينطب المشتشفى وزززحمة

C R U S T A L
11-02-2012, 05:13 AM
كم سعر الولاده في مستشفي المانع الدمام ؟؟؟

جود علي
11-02-2012, 04:15 PM
المتابعة والولادة 5400