المساعد الشخصي الرقمي

مشاهدة النسخة كاملة : (( قصص الولاده للامهات عروس القطيف 3 ))



الصفحات : 1 2 3 4 [5] 6 7

daniah
27-02-2012, 04:05 PM
ام غسان حمستينا ورحتي بإنتظار التكمله ولاتتأخري عليناوبرقووووعه باانتظار قصتك لاطولي علينا عااااااااد

محليتهم
27-02-2012, 05:24 PM
الحمدلله ع سلآمتكم جميعاً

أم غسآن آندمجت مع قصصتك آخر شئ تطلع موكآملة:o

بسسسسسسس لللآن مآشفت وحدة سوت سوآتي بالولآدة :D

آنشآءالله آجي آكتبهآ قريب عشآن البكريآت يآخذوآ العبرة مني :)

مثل القمر
27-02-2012, 05:28 PM
محليتهم لاتتاخري علينا خيتو اكتبيها بسرعه عشان ناخذ العظه والعبره حمستينا ياترى وش مسويه انتين عفر ههههههههههههههههههههههههه


بانتظارش انتي وام غسااااان

قطعه سكره
27-02-2012, 05:47 PM
شكلها ام غساان حابة تتغلى وتشوف حماسكم;)

ام غسان
27-02-2012, 06:07 PM
اسمحوا لي , البيبي فتح الإذاعــة و قمت له و انشغلت


و ايدي تعبت من الكتابة < 000 خلصينااااا



يالله


وصلنا المستشفى و اني اقول لزوجي حرام عليك تقول لأحد ما أبغى أحد يدري إلا المصيبة اخته في وجهنا عندها موعد و انتبه لينا زوجها و جا سلم على زوجي و راح قال لمرته , هني بغيت انتحر منهم بس زوجي قال عندنا موعد و غير كذا حتى عيالي مايدروا اني في أي شهر




المهم رحت سجلت و يسألني اللي في الرسبشن ويش فيش قلت ولادة قال ولادة !!!! أحد وياش و الناس يطالعوا قلت إيه زوجي وياي , شوي جا زوجي



دخلت للدكتورة إلا هي نفسها د. فاطمة شافتني و عرفتني قالت لي هاه مادخلوك قلت لها لأ الدكتورة مارضيت تستقبلني و قلت اليها خلاص ابغى عملية ما أبغى لف قالت ليييش قلت لها الدكتورة السودانية اللي بعدش خوفتني و حكيت لها وش صار , قالت مو صحيح أساساً مو منا و الطريق يسووا لش و لازم قبل ما يسووا لش يقولوا كل شي و يأخذوا موافقتش قالت خلاص استريحي بسوي أوراق دخولك بس إذا تعبانة بدخلش الحين العمليات قلت ليها لا مو تعبانة قلت انزين خلاص دخليني قالت لأ , الحالات الطارئة في أي وقت بس الحالات اللي ما تستدعي تكون عملياتهم الأحد أو الثلاثاء و رحت جلست انتظر و طولت و خوفي طبعاً أشوف أحد أعرفه



و هني راح زوجي يتبرع بالدم مع صاحبه و لين ما خلصت الأوراق دخلت فوق و صار وقت الصلاة و جت الممرضة بتحط ابر المغذي قلت لها بصلي أول راحت جابت لي تربة و مصلى و صليت على محمد و آل محمد و بعدها ركبت لي الأبر و جابوا لي غذا و حطوا لي جهاز الطلق



بعدها رحت سووا ليي سونار و ظليت فيه أكثر من ساعة و كانوا دكاترة اثنين د. عثمان سوداني و د. فادي لبناني و بغيت اموت من ريحة السجاير اللي فيه و بعد ماخلصوا قياسات البيبي يبغوا يعرفوا الجنس و واحد يقول بنت و الثاني ولد و راحوا نادوا استشاري لبناني نسيت اسمه على طوب قال لي انتي بكرا بتولدي خلاص بكرا بتعرفي و تتأكدي قلت انا مالي دخل بالموضوع و د. فادي قال لاااا أنا أنا اللي بدي أعرف و تأكد من الجنس و اتضح بأن كل شي سليم و البيبي أوكي لكن الوضعية مقعدي



و مشى الوقت و الغريب إن و لا وحدة من أهلي اتصلت لي حتى امي اللي كل يوم تتصل هاليوم ما اتصلت لأن جهازها مخترب و اختي انشغلت و لا اتصلت و زوجي جا لي وقت الزيارة جلس وياي و ضحك و سوالف بس عيونه فاضحة اللي داخله كان يحاتي و خايف مرة و اني نفسيتي مرة حليوة بس لما جا يطلع جتني الغبنة و رخى عليي وباس رأسي و مسك يدي بقووة هو ساكت و طلع عاد اني فقعتها صيحة بعد طلعته ما حبيت أصيح في وجهه



اللي جنبي كانت توها مسوية العملية و الحمد لله فادتني واجد و سألتها عن كل شي و طمنتني و ظليت طول الليل مو قادرة أنام و كل شوي تجي الممرضة تسوي شي , ساعات تركب جهاز الطلق و ساعات الحرارة و الضغط ماقدرت أنام و على الساعة 5 رسلت مسج لزوجي إني ابغى انام و إن المكان ازعاااج هذا و هو يدري إني بدخل العمليات الساعة 10 الصبح طبعاً هذا توقعي لأن كلما سألت الممرضات قالوا ماندري



قمت صليت على محمد و آل محمد الصبح و جت الممرضة عطتني لبس المجانين و تقول لي البسيه خخخخ قعدت أضحك و مسكت الجوال قعدت أصور اللبس و بعدين جت بتركب القسطرة فزعت الدنيا و اللي جنبي تقول لا تخافي والله ماتعور قلت للممرضة شوي بخذ نفس و بالفعل مااتعور بس تخوف و من خوفي شديت على نفسي و ما ركبتها عدل بس سكت قلت إذا خدروني يعدلوها بالطقاق و جابوا لي أوراق التوقيع على العملية



صارت الساعة 7 و زوجي قايل لي يصير أي شي تكلميني خير ان شاء الله


جت الممرضة اللي هي تقول يالله على العملياات !!!!


هاه وشو من الحين يعني اني اول ضحية اليوم ؟؟؟ قامت تضحك


قعدت افكر اقول اتصل لو ما اتصل لزوجي , لو اتصلت بيقعد يحاتي أكثر خليني اخلص دام الوقت بدري و بعدين يصير خير < 000 حدي مروقة كنت

ام غسان
27-02-2012, 06:09 PM
اخذوا جوالي بعدما صورت روحي بكل الوضعيات خخخخخ و دخلوني غرفة النقاهة اللي تسبق غرفة العمليات و جا لي أخصائي التخدير سأل عدة أسئلة و بعدها قرر تخدير نصفي و اني طلبت النصفي بعد و صار ملفي على السرير و جوا ليي الدكاترة فتحوا الملف قرأوا الحالة ماشفت إلا استنفااااار صار .. و اني بكل هدوء أقول للممرضة اللي جنبي أتوقع انهم مابسووا لي العملية قالت ليش قلت واضح لأني اسمعهم يتكلموا و مقومين الدنيا على حالتي



شوي و جوا اللي كللللهم يمكن عددهم أكثر من التسع والله التفوا عليي حول السرير


يسألوني : كيف دخلتي العمليات ؟؟!!


أساساً انتين المفروض مو عملية , المفروض لف لأن باقي من التاسع اسبوعين يعني فيه مجال تتغير الوضعية و غير كذا الدكتورة اللي ماسكة حالتش ماكشفت عليش كييف كذا


قالوا الحين نلغي العملية و نطلعش و نسوي لش اللف إذا توافقي عليه و من هالكلام و شرحت إليهم وش اللي صار من و إلى و إن أني جااية مستشفى القطيف المركزي علشاان اللف


اتصلوا للاستشارية حياة جمعة و جت اليي كشفت عليي قالت مافي مجال للف لأن الجنين وزنه كبير و عضلات البطن مشدوووودة لأن غبائي كنت أمشي علشان يلف و المشي غلط و اني ما أدري قالت خلاص عملية و قعدت أضحك و استانسوا عليي مرررة قالوا نفسيتش تهبل قليل اللي يجونا مثلش كلهم مبرطمين و يصيحوا قلت شدعوة اني داخلة بولد لو بموت خخخخ و مشوا قلت تعالوووووو من اللي بتولدني قالوا د. شيماء عبد الوهاب مصرية و د. وفاء المسكين طبعا هم يأشروا احنا قلت ليهم تولدوني بس أبغى أشوف البيبي قالوا أكيييييد بتشوفيه



و يالله سحبوا السرير لغرفة العمليات ماشفت لساني إلا ينطق نادى عليا مظهر العجائب تجده عونا لك في النوائب و قسما بالله حسيت برااااااااااحة عجيبة و اطمئنان و فرحة مو طبيعة و ابتسامتي مو قادرة أسيطر عليها لدرجة إن من الفرحة قعدت ارتجف , شفت غرفة العمليات تجنن الغرفة لونها حليووو و ديكورها حلو قلت بذمتكم هذه غرفة العمليااااات !! حليوة توقعتها تخوف



و يالله جوا الستاف و جا أخصائي التخدير اسمه هاني , توه بيبدأ ماشفنا إلا وحدة جات و تقول اميرجنسي و طلعواااا كلهم صارت عندهم ولادة طارئة و خلوني مع كم ممرضة و شوي رجع الاخصائي هاني و بدأ يعطيني إبرة الظهر و كان يشرح لي خطوة خطوة و طوّول و هو يحاول ماشفته إلا يقول خلاص بسوي تخدير كامل قلت لاااااااااااااااا كامل ما أبغى حاول في النصفي قال بتعبش تتحملي قلت عاااااادي بهالوقت دخل علينا مدير قسم الولادة د. طناطاوي وقال للأخصائي يغير وضعيتي , قالي صيري نفس الروبيانة , يعني وضعية القرفصاء والله يابنات رخت عليي الممرضة و قالت لي انتخي بأبو الفضل العباس ما يخيبش قلت ماخاب من تمسك فيهم و الحمد لله ثواني إلا وصلوات على محمد وآل محمد ضبطت التخدير و رجعوا الدكاترة و على طول قلت ليهم القسطرة مو عدلة خخخخخ خلاص مخدرة سووا اللي تبغوه , قال لي الأخصائي هاني مددي رجولش قلت خلاص مو قادرة نمّلت و بسرعة بسرعة أشوف الممرضات يلبسوا الدكاترة اللابكوتات المعقمة و حطوا لي حاجز علشان ما أشوفهم و هم يشتغلوا في العملية و فيه ممرضة مافارقتني قاعدة تتكلم معاي و الأخصائي هاني و فيه واحد جالس ورايي يسجل اللي يصير في غرفة العمليات



هالكلام الساعة 9 و هم يشتغلوا في العملية صرت ادعي لكل اللي سألوني الدعاء و أصلي على محمد و آل محمد و اسبح تسبيحة الزهراء و اني مرتاااحة , وقتها سألني الأخصائي هاني هاه وشو قالوا لش بتجيبي قلت ليه أصبر شوي و بتعرف كلهم قاموا يضحكوا قال يعني مفاجأة ؟؟ قلت الصبر زين قال زين ويش بتسمي قلت إذا ولد قاسم لأن يوم ثامن ولادتي و إذا بنت زينب قال يالله نصبر و كل شوي اسحب يد الممرضة اشوف الساعة و انتبه الى ساعتهم مخرفة قلت ليهم حطوا ليكم بتري والله فليتها فل خخخخخخ و الساعة 9 و 17 دقيقة ماشفت الأخصائي هاني اللي يقول وصل قااااااااااسم قال طلعي هناك , يا الله اني في حلم اشوف نتفة بيضااااا و هم بسرعة ينظفوا



و شوي اسمع صرااااخ البيبي يا علي يا علي يا علي



ربي ارزق كل محروم ربي ارزق كل من يتمنى والله ما تمالكت روحي قعدت أصيح زي الجهال و أمسح دموعي و الممرضة ماااسكة يدي بقووة و اني خلاااص مو قادرة قال لي الأخصائي هاني يالله الحمد لله على السلامة و مبرررك و الله يساعدش بدأ مشوار السهر و خليه بيقرأ لش الحين مصرع الحسين و العباس هههههههه



و الممرضة اللي جنبي قالت لي بصوره لش بس كيف أعطيش إياهم قلت ليها بسرعة صوري و بعدين نتفااهم راحت صورته وهو تووه بالدم و يصيح و جت راوتني الصور و بعدها جابوه إليي بعد مانظفوه و خلوني أبوسه شوي و ودوه الحضانة و بهالوقت قامت فنية أو أخصائية الجراحة مو متأكدة بس اسمها منات المشقاب تتكلم وياي وهي تخيط الجرح تقول هاه تبغيه سعيد المعاتيق لو مصطفى الموسى يا عمري عليها تهبل و اني أضحك قالت ابشري كل ليلة بيقرأ لش



خلصوا من الخياطة قالت ليي على البركة لعن الله يزيد و يالله قولي لأمش قلت ليها ماحد يدري بس زوجي و حتى زوجي مايدري إني دخلت غرفة العمليات كلهم فتحوا عواينهم !! اللي قاعد يسجل الأحداث حق العملية يقول زوجش مايدري انتين بتسوي عملية ؟؟؟؟ قلت له لأ يدري بس مايدري إني دخلت و اني قلت له بدخل على الساعة 10 و الحين 10 و اني خلصت قالت منات خذي جوالي اتصلي لأمش اخذته و تذكرت إني مو حافظة رقم بيتنا و لا جوال امي قمت اتصلت لزوجي سمع صوتي و الرقم غريب عليه



الووو


هلا , غناتي اني ولدت


هاه ؟؟!!


إيه ولدت وجوالي مو عندي و بتصل لك بعدين


انزين و و شخبار البيبي


البيبي و كل الأمور بخير


حبيبي لا تقول لأمي لا تخلعها اني إذا طلعت بتصل يالله باي


باي



طبعاً هو متبهدددددددددل و كل شوي يقول هاه إيه هاه خخخخخخخ و اللي وياي ماتوا ضحك عليه مسكين


قالت منات ياربي نبغى نشوف الفيلم العربي و يا امش قلت والله مو حافظة الرقم


و يالله جوا حملوني من سرير العمليات لسريري و اقول الله يعينكم 71 كيلو قاموا يضحكووا قالوا خلاص البيبي و المشيمة و الماي يعني بالراحة نزلتي 10 كيلو



و طلعوني لغرفة النقاهة و ظليت ساعة علشان يروح التخدير شوي و شوي شوي أحس بثقل بعدما كنت مصحصحة و خلاص ابغى انااااااام ماني قادرة من النعس طلعوني على الـ 11 و نص واني طالعة شافني الأخصائي هاني قام يقول بصوت عالي مبروك يا أم قاااسم اسمحي لي تعبتش قلت له انت اللي سامحني أخذت عليك

ام غسان
27-02-2012, 06:11 PM
رجعت الغرفة و على طول قلت ليهم جيبو جوالي قالت ممرضة هناك إي هذا انتون أول حاجة تسألوا عنها الجوال !! قلت ليها اهلنا يحاتو



و طولوا على بال ماجابوه و زوجي وقتها حارق الجوال من الاتصالات على طول اتصلت له مايرد يمكن أكثر من 10 دقايق و اتصل لأمي و ماترد و ما أبغى أبشر أحد قبلها و اتصلت البيت رد عليي أخويي قلت له وين امي قال في المسجد ماجت رجعت اتصل والله حرقت جوال امي خخخخ و أخيراً ردت


الوووو


الووو هلا غناتي وصلتواا <000 تقصد ديرة عمل زوجي , جوالي امس خربان و لا قدرت اتصل و سألت اختش إذا كلمتش قالت انشغلت


اماه ولدت


هاه وش حالش ام فلان تفضلي , و ايه هذه ام فلان, تفضلي < 000 امي كانت توزع ماي ورد لزفاف القاسم و تكلمني و مو مركزة وياي


اماه اووولدت


هاه


اماه اوووووولدت


تتلعبي عليي


والله صحيح , جبت قاسم حسن


تتلعبي


و قسماً بالله اولدت


خلااااص صوتها تغير و تقول للنسوان تقول ولدت و هي متغبنة مررررة


قالت ليي لا تتلعبي عليي هذاهي مرت أخوش كلميها


و كلمتني مرت اخوي هلا غناتي الحمد لله على السلامة هاه ولدتي طبيعي


عاد تلعثمت لأن ما أبغى امي تدري و تسوي فضيحة قلت هاه ايه ايه خخخخخ قالت يالله الحمد لله على السلامة


و اتصلت لأختي


الووووو


هلا نايمة


لا اولدت


حلفيييييييي


والله


حرام عليش ماخليتي للجاهل شي في شقتش كلهم جبتيهم بيت أهلش


لا اني ولدت في القطيف المركزي و ماسافرنا أصلاً و ولدت بعملية بس مو تخلعي امي


طبعاً سكرتها من عندي و راحت اتصلت لأمي و قالت اليها و امي من المسجد إلى البيت قااااتلة روحها من الصياح علشان ولدت بعملية و تروح تتصل لأمها و تبشرها و هي تصيح



و بعدين اتصل زوجي هاه شالأخبار قلت وينك قال اتعبت و انا اتصل و رحت اسبح قلت له قلت لأمك قال لأ ماقلت لأحد قلت خلاص اني قلت لأمي روح بشرهم



و انتشر الخبر السعيد و الاتصالات ما وقفت حتى خلص الشحن




و يوم ثاني جوا اليي الممرضات اللي كانوا معاي بالعملية عطوني الصور و الأخصائية منات جات تقول هاه شخبار الأفلام العربية مع أمش هههههه و سولفت وياي و بعدها جت الدكتورة اللي ولدتني و الستاااف كله و شكرتهم على تعاملهم الحلو و استانسوا حتى د. وفاء تقول خلاص مابنشتغل اليوم دام لقينا هالمدح




و الحمد لله جلست ليوم عااشر و قلت خلاص ابغى أطلع زهقت و طلعنا يوم عاشر و في طريقنا مرينا على تمثيل القديح و استانست إن ولدي يطلع للدنيا في يوم الحسين


الله يجعله من السائرين على نهج الحسين و آل الحسين



و اسمحولي طوووووووووووولت عليكم بس حبيتكم تشاركوني لحظاتي الحلوة


والله يرزق كل اللي يتمنوا بحق محمد و آل محمد

galamor
27-02-2012, 07:04 PM
ام غسان

الف حمد لله ع سلامتك

والله طاحت دموعي وانا اقرا


الف الف حمد لله ع سلامتك استمتعنا وياك

زهرة حياتي
27-02-2012, 07:52 PM
الحمد الله على سلامتش ام غسان

قصتش حليوه مع انها قيصريه بس حليوه

الذوق الرفيع
27-02-2012, 08:05 PM
ام غسان
تجنننن قصتش ماشاء الله
الله يخلي قاسم وبالغة فيه

روحي بين يديك
27-02-2012, 08:47 PM
كيف حسيني يعطوا بنج أني ولدت فيه وعطوني بنج وماحسيت بخياط
انتي مدمنة منبهات
لاوالله مش مدمنه وطلب ت من الدكتوره تعطيني بنج قالت مايحطووبنج

مثل القمر
27-02-2012, 09:15 PM
جميله قصتش يام غسان والله دخلت جو صحيح وعشت اللحظه والاحداث وطول ماني اقرا القصه وعيوني تدمع عفر تعرفي توصفي عدددددل

الحمدلله على سلامتش وسلامة النونو وبالغه فيه يارب والله يخلي لش ابو العيال واهلش واميمتش ان شاء الله وتسلم الايادي على هالقصه الجميله

حسيت انش خفيفة دم وروحش حلوه ربي يخليش لكل من تحبي وكل من يحبش

تحمست اني للولاده :)

حلاتي
27-02-2012, 09:33 PM
ام غسان الف الف الحمدلله على السلامه يتربى ولدك فعزك ياغناتي
اندمجت مع قصتش حسيتش من جد قويه صبرتي وماخبرتي احد وضليتي لحالش فالوقت
الي انتي بحاجه لزوجش واهلش مع هدا كانت روحش مره حلوه وكنتي مرحه :p
ياعلي خليتني اتخيل الموقف عدل --متاثره بقوه :rolleyes:
الله يحفضه لش انشالله ويسهل على كل الحوامل مادري وش بتكون قصصناااا
حليوه زيش لو كئيبه خخخخخ :D

برقوعه و محليتهم ---نبي قصصكم مالنا شغل مو تحمسونااا وتنحاشووووو :D

برقع ذهب
28-02-2012, 01:46 AM
ام غسان... قصتك روعة وعيشتنا جو..
وزي ماقلتي.. غرفة العمليات .. اني نفسي انصدمت منها ماحسيت انها غرفه عمليات..
رغم اني دخلت غرف واجد..
بس هالغرفة غير.. يمكن عشان طبيعة الناس اللي فيها..
ودكتور هاني<~ مسكين حطيت بنتي في ذمته.. وكان خايف بقوه.. عشان اني امنتها اياه.
.{ وفعلا ماخاب من توسل بهم}...


..{ عشان تتحمسوا اكثر..~ شفتوا التاريخ اللي تحت}.. هو اليوم اللي بكتب فيه قصتي..
:)
واعتذر منكم جميعاَ..

رقة مشاعر
28-02-2012, 02:16 AM
ام غسان
صلوات على محمد وآل محمد
احلى قصة عملية قيصرية قرأتها لحد الآن
اسلووبش ممتع ويشجع للقراءة حرف حرف
الله يجفظ لكم قاسم ياام قاسم

الفراشة الحمراء
28-02-2012, 02:53 AM
ام غسان

اسلوبش روعه ومايخوف من القيصريه معني احسها رعب

وذكرتيني بولادتي من اول يوم حملت فيه لحد يوم ولادتي واني ادعي يارب اولد وامي ماتدري

وبعد مااولدت اتصلت وهم يخيطوني وريلي ماسك الجوال

قلت الو الا ابوي اللي رفع جوال امي قال الوو قلت يباه وين امي ؟
قال امش تسبح بنت اختش ))اختي ولدانه قبلي بشهرين وانرضت رجلها وصارت في بيت اهلي
قلت قول ليها اني ولدت طبيعي وجبت ولد
مهلت امكن دقيقه االا هيه متصله وهي مو مصدقه وفرحانه (((((لاني اخر العنقود فالبنات وعمري 18
ودايم تقول لو يعطوني اولد من بدالش اولدت جعلني فدا لتراب رجلينها

ياااااااه يوم جميل الا تتصلي وتخبري الكل انش اولدتي بالسلامه

((((((قلت قصه حياتي

موفقه ياقلبي

والله يخلي لش قاسم

زهور مخمليه
28-02-2012, 03:42 AM
قصتك مرره حليووه
أني ماحب أقرا واااجد بس أندمجت مع قصتك
وقعدت أقراها للنهاية
الله يحفظ لك قاسم
ويجعله من السائرين على نهج الحسين و آل الحسين
ويتربى بعزك ياااااااارب

إنتظآر الرحمة
28-02-2012, 06:20 AM
تدري أم غسان على كثر قصص الولادة اللي انكتبت بهذا الموضوع

ما ادري كيف ريحتيني وانتِ تسردي قصة و لادتك على الرغم انها بعملية

جد غير عن باقي القصص كانت اغلبها تحسسني برعب الولادة

أغبطك و أتمنى أتمنى أني أكون بطلة مثلك و أتحمل لأني وحدة دلوعة على اقل شيء اخاف و اصيح

ربي يحفظ لك قاسم و يرزقنا ساعة السهالة يارب

الحمدلله يارب على كل حال

C R U S T A L
28-02-2012, 12:15 PM
ام غسان ..
الحمد الله ع السلامه ..
الله يحفظ لك قاسم ..
ويجعله من السائرين على نهج الحسين و آل الحسين..
بصراحه واني اقراء قصتش واني اضحك واصيح .. اني ابغي اولد ومحد يدري عني .. تخيلت كيف بتصل وباقول الى امي وابوي ..
واني حاطه في بالي اني اولد في الزهراء او القطيف المركزي بس متخوفه من القطيف المركزي واجد ..
قصتش حليوووه مع انهاا عمليه بس يلا اهم شئ قرت عينش بشوفه قاسم
ربي يسهل ع الحوامل في وقتهم ان شاء الله
وربي يرزق كل محرومه

daniah
28-02-2012, 02:18 PM
الحمدلله ع السلامه ام غسان قصتش مررررره روعه الله يخلي لش قاسم ويبلغش فيه

روحي بين يديك
28-02-2012, 02:57 PM
الحمدلله على سلامتك ام غساااان استمتع ت واني اقراقصتك
ووذكرتيني بولادتي
نفس المستشفى وغرفة العمليات صحيح لمادخلتها غرفه عاديه ماتخوف ونفس التعليق ساعتهم موقفه اقول اليهم على الاقل شغلووها ابغى احسب لحالي المده

يوم ولادتي كان احلى يوم بحيااااااااتي ....

مازال بذاكرتي

ودي اكتب ليكم قصتي

قطعه سكره
28-02-2012, 03:19 PM
الف الحمدلله على سلامتش ام غسان اقصد ام قاسم :d

دكرتيني بنفسي لكن اني بدموع وتردد مستمر في الدعاء بعد محاولات لطبيعي وبالاخير اللجوء لغرفة العمليات الحمدلله على كل حال

ادعولي هالمرة طبيعي وبسهولة مااطول :)

وردة الربيع
28-02-2012, 07:58 PM
الف الحمد لله على السلامة ام غسان
قصتش جدا مميزه وماثره الله يسهل على الجميع
وخلي لش القمر قاسم

الشوق عطري
28-02-2012, 08:52 PM
أم غسان ... خلآص صرتي آم قاسم

بصرآحة قصتش مرررة مؤثرة وآحس ولآدتش حليوة ^_^
وأطمنت وآيد لآنه بولد في القطيف المركزي

والله يخلي لش قاسم

محليتهم
28-02-2012, 09:36 PM
اللهم صلي على محمد وآل محمد
على آني لسسسه فريش صآر لي 3 آسآبيع بس من ولآدتي:o بس حبيت آفيد البكريآت عشآن لآيرتكبوآ خطآي وآفيد اللي بيولدوآ بنفس المستشفى بروكير;)
طبعاً من دخلت الشهر التآسع وآنآ كل يوم آدعي ربي يسهل علي وكل ليلة جمعة كنت لآزم آقرأ زيآرة عآشورآء وبعد كل صلآة سورة الزلزلة سبع مرآت المهم لمآ وصلت الآسبوع الثآني من شهري التآسع بدت تجيني طلوق وآستآنس كل يوم آقول اليوم ربي بيفرجهآ بس مآكو شئ تقريباً رحت 3 مرآت الطوآرئ ع بآلي ولآدة خخخخ ويرجعوني خآئبة يقولوآ لي في طلق بس الرحم قآفل وعآد آنوآع التحطييم وقتهآ الله لآيرآويكم النفسية الحلوة اللي كنت فيهآ بس مآآستسلمت كنت قآتلة روحي من المشي وبنآت وضعية القرفصآء سآعدتني وآجد كنت كل يوم آسويهآ عشر مرآت خمس الصبح وخمس المسآء المهم يوم الأحد كآن عندي موعد وكنت متفآئلة حيل قلت الرحم عن آفآدي آنشآءالله فآتح لو نص قآلت لي الدكتورة آسوي لك كشف قلت آوكيه سووت وآآه ع التحطيم يطلع قآفل عآد آنآ هنآ قفلت ويآي وحددت لي موعد حق الطلق الصنآعي طبعاً آنآ هنآ قمت آرجف قلت لهآ تكفين سوي لي تحريض مآبي يولدوني قآلت بسوي لك خفيف وطلعنآ وآنآ دموعي آربع آربع آقول لزوجي شكلهم بيولدوني حرآم والله حرآم وهو يقولي مرتي تعوذي من آبليس وتوكلي ع ربش ونعم بالله وطلعنآ رحنآ الظهرآن تغذينآ وظليت آمشيييييييي وكآنت عندي آلآم خفيفة مثل الدورة ورجعت الشقة وبنفس اليوم بالليل طلعت مع صديقآتي رحنآ تعشينآ وتونسنآ وهم يتمسخروآ يقولوآ كآن موبكرة تولدي:D خخخ وآنآ آضحك معآهم آقول لآ ردد يآليل لسه وقت رجعت الشقة وسهرنآ آنآ والحبيب ع فلم وهو يكلم ولده يقول له بآبآ آطلع تعبت المآمآ:oوالسآعة 3 الفجر دخلنآ بننآم تؤي حآطة رآسي ع المخدة بنآآم حسيت بشئ رطب نزل مني قلت لآآكيد يتهيآ لي ورجعت نمت وبعدين ع السآعة خمس صحيت من النووم ع آلم قووي في ظهري وبطني مثل الدورة بس على آقوى شوي قلت آيييه هذآ هو الطلق الحقيقي وصرت آحسب وكآن ع طول يجيني كل عشر دقآئق وصبرت لين السآعة سبع وخلآااااص صآر كل سبع دقآئق وحآآر رحت الحمآم تكرمون وشفت نزل دم قلت لآآجل ولآدة وصحيت رجلي وهو مفهي يقولي آرجعي نآمي يمكن من حركة ولدش نزل دم :mad: قمت آهزه بقووة لين مآآوتعى وقآم وصلينآ ع محمد وآله وآكلت لي سبع تمرآت وآخدت المآي المقري عليه وسرينآ ع المستشفى وآنآ طول الطريق آصلي على محمد وآله وآستغفر ربي ودآك اليوم ع حظي الطريييق مرره زحممة وصلنآ السآعة ثمآن وركبوني ع طوول غرفة الولآدة وجت كشفت علي دكتورة بآكستآنية وقآلت الرحم فآتح وآحد بس والطلق عندك قوي مرره بس تقدري تطلعي بس نتطمن ع نبض البي بي
بعد نص سآعة جتني دكتورتين وحدة هندية ووحدة بآكستآنية آختلعت قلت آكيد صآير شئ وفعلاً قآلوآ ضغطك مرتفع بنصبر عليك سآعة آذآ مآنزل لآزم نولدك خطر ع البي بي :(

وآنآ بيني وبينكم شآقة حلقققي من الونآسة عشآن آني بولد ورجلي على عمري متغبن كآن لآن مآيبيهم يعطوني طلق صنآعي ومرت السآعآت ولآتغير شئ وقآلوآ خلآص السآعة 2 بنركب لهآ طلق صنآعي وكآن وقتهآ السآعة 12 الظهر قلت لزوجي روح آنت حبيبي آرتآح وتغذى وبعدين العصر آوالمغرب تعآل قآل لي متآكدة قلت له آيه وآنآ بعد بنآم >>>طبعاً مومن قلبي قلت له بس آبيه يريح عآرفة آني بكرية وبطوول :(

برب شويآت بسسسس تحملوني نونوي مفززع الدنيآ :)

وردة الربيع
28-02-2012, 10:46 PM
محليتهم نستن البقية بس رجاء خلي الخط اكبر شوي انطزت عيوني واني اقرأ
يالله في الانتظار حمستيني للبقية

&&بسمة طفل&&
28-02-2012, 11:01 PM
الحمد لله على سلامتكم وسلامة نونواتكم والله يخليهم لكم ويبلغكم فيهم يارب

بنوتة الحسا
28-02-2012, 11:05 PM
وانا اقرة قصتك ياأم غسآن
طاحت ادموعي
ربي يخلي لك قسسسوم وربي يرزق كل محروم
بفضل الصلاة ع محمد وآل محمد

ذاكرة الكرز
28-02-2012, 11:57 PM
الحمد لله على السلامة ام قاسم

يتربى في عزش وتبلغي فيه معرس ان شاء الله

ماء الكوثر
29-02-2012, 12:31 AM
ام غسان الحمد لله على السلامة
حلوة ولادتك مع انها قيصرية يتربى بعزكم يارب قسووم
محليتهم لاتتأخري وكبري الخط عيونا توسعوا من كثر مافقعنا عواينا خخخخخخخخخ
لاتتأخري يمكن اتحمس واكتب قصتي

ستديو انوار ستايل
29-02-2012, 01:43 AM
نفس ولدتي بنتي فاطمة ماحد درى عني الى لم خلاصات العمليه اني بعد قيصريه وثانيه اختي درت عني وبنت اختى كانو عند باب غرفة العمليات لحمد الله اهم شي سلامة اليبي والحمد الله على سلامة

برقع ذهب
29-02-2012, 02:48 AM
محليتهم.. في الانتظار.
تحمست عفر.. ^.^

روحي بين يديك
29-02-2012, 09:33 PM
محليتهم بالانتظارالتكمله.......

ابتهال احمد
29-02-2012, 11:22 PM
الحمدلله على سلامتك ام قاسم
تاثرت بقصتش مررره
محليتهم الحمدلله على سلامتك وبنتظار البقية
وربي يبلغكم في اولادكم معاريس

daniah
29-02-2012, 11:33 PM
محليتهم وينش غناتي اختفيتي بانتظار التكمله ^_^

حلاتي
01-03-2012, 12:36 AM
محليتهم حمستيناااا بقصتش ماكنت بقراهاااا الاا لما تكمل عشان ماتتلخبط افكاري
واركز فكل شي خخخخ بس من خوفي من الولاده ماقدرت انتضر
بس خيتووو كبري الخط ماقدرت اقراه الاا لما حطيته فاللورد وكبرته ( :
لاتتاخري عليناااا الله يخلي لش كتكوتش انشالله

رقة مشاعر
01-03-2012, 02:36 AM
محليتهم
في
الانتظاااااااااااااااااااااار
بعده يفززززع ئه الله يحرسه :)

مثل القمر
01-03-2012, 03:15 AM
حلاتي ورقه عورتي افادي ههههههههههههههههه حسيتكم مره متحمسين وعايشين الجو


عقبال مانقرا قصصكم قريب :)

محليتهم تعالي حمستينا بما فيه الكفايه هههههههههههههههههههههه

بانتظارش

عاشقة خطيبها
01-03-2012, 04:01 AM
ن انحاشت ذلوني عليها من الحماس لا تلوموني

همس الموج
01-03-2012, 04:11 AM
الف الحمد لله عالسلامه

ام غساااان فعلا عشت الجو ودموعي اربع اربع الله يخلي لش قسووووم


محليتنهم يالله ننتظر الباقي بالخط الكبيررررررررررر:d

بوح انثى
01-03-2012, 07:32 AM
ياسلام قصصكم اتجنن حمستوني احط قصتي:D
المهم انا بدت قصتي من الشهر السابع كانت اتجيني ارياح استقبال شي طبيعي يعني بس داك اليوم صحيت من النوم الى الم مو طبيعي قلت عادي هادي ارياح المهم قعدت نضفت شقتي وسويت غداي وسبحت والالم كل ماجاه يزيد طنشت انا مادقيت خبر وفي الليل رحت انا والحبيب وتعشينا في مطعم وانا مو قادره اكل شي من الالم وهو حس لي وقال بيوديني المستشفى يطمن المهم ورحنا مستشفى عنك ودخلت عند الدكتوره الى تقول لي هادا طلق فبنحولك ع القطيف المركزي وحولوني ورحت القطيف المركزي دخلت الطوارى وكانت هناك دكتوره سودانيه شكلها يخوف المهم انا من شفتها خف وقلت اليها السالفه وقالت لي اجلسي ع السرير بتفحصني المهم وفحصت الى تقول الرحم فاتح 1سم ولازم نومك انا خفت وصار وجهي كدا:eek:وقمت ارجف وضغطي وصل مليون والممرضه الله يجزاها خير اتهدي فيني عشان ينزل ضغطي المهم والدكتوره قالت لي بنومك بس ماعندنا حضانه ف اذا تبي تطلعي ع مسؤليتك اطلعي وطلعت ع مساوليتي ورحت الشقه جهزت اغراضي واغراض البيبي ورحت الدمام الولاده والاطفال وانا مو قادره من الالم المهم دخلت سجلت وجلست استنى دوري وكانت هناك دكتوره هنديه قلت اليها السالفه وجت كشفت علي الى تقول لي الرحم مو فاتح شي وهادا الم طبيعي وعطتني مسكنات وقالت لي ارجعي بيتكم وادا زاد الالم تعالي ورجعت البيت وراح الالم الحمد لله
وبعدين اجي اكمل اليكم قصة الولاده

رقة مشاعر
01-03-2012, 08:36 AM
بوح انثى
يالله ننتظر الاكشن الباقي

وش سالفتكم عروسات القطيف

كله تحمسونا وترووحووو اففف تقهروو هههههه

daniah
01-03-2012, 11:20 AM
بوح انثى الحمدلله ع سلامتك بس مابقرا القصه الا اذا كملتيها ^_^

الفراشة الحمراء
01-03-2012, 12:56 PM
بنوتات حبايب

مو تحمسونا وتروحو

لين ماتقدرو اكتبوها فالوورد بعدين نزلووو القصه كامله


موفقين

ام علووه
01-03-2012, 01:18 PM
الله يسهل على الجميع
موضه جديده نص القصه وتختفو

برقع ذهب
01-03-2012, 03:26 PM
الله يسهل على الجميع
موضه جديده نص القصه وتختفو

بالضبط..
خخخ..
مابجي الا بعد اسبوع.. عشان كل القصص.. تكون كاملة..

galamor
01-03-2012, 03:43 PM
الله يسهل على الجميع
موضه جديده نص القصه وتختفو


بالضبط..
خخخ..
مابجي الا بعد اسبوع.. عشان كل القصص.. تكون كاملة..



رجاء ً الناس عندها ظروف و اللي مو عاجبها ان البنات يكتبووو ويختفوو ع قولتكم


ماله داعي تقرا القصه من اساس


وانا مقدره ان الاخوات اللي كتبو قصصهم و قالو بيكملووها بعدين ان ظروفهم منعتهم يدخلوو ويكملووها

ولا تنسو ان بعضهم توهم ولدانين وحبووو يذكروو تجاربهم لكم


فاتمنى اللي بتدخل الموضوع وتشوف قصه مو كامله لا تعب نفسها و تقراها بعدين تقووول البنات ما كملووها :rolleyes:

اتمنى كلامي واضح للجميع


:)

بوح انثى
02-03-2012, 06:23 AM
هلا صبايا رجعت لكم اكيد ماطولت^_^ المهم باكمل القصه بعد ماصارت لي القصه في الشهر السابع صرت احاتي وابي متى متى ادخل الشهر التاسع عشان مابي اولد ولاده مبكره ومرت الايام ودخلت الشهر التاسع ووعد ولادتي كان 23محرم وانا كل يوم ادعي ربي اني اكمل التاسع وبعدين اولد مابي اولد في البدايه وابي اتسمع العشره بعد المهم عديت اسبوع من التاسع ولافي شي الاسبوع الثاني كمان ماكو شي وبدا عندي الالم يوم 11 محرم عاد وانا اتسمع والالم يروح ويجي وبدل ماحاتي الولاده صرت احاتي الحفاف وتنظيف الجسم المهم بعد ماطلعت من المسجد ع طول اتصلت الى ابو الشباب وقلت له تعال وديني لكوافير شكلي بولد وانا بحواجبي المهم جاء الرجال وفترت ع 4كوافيرات يمكن كلهم مسكرين اف ام التحبيط المهم ورجعت الشقه ونظفت جسمي والالم لسى يروح ويجي بعدين نمت وصحيت الى ماكو الم راح المهم استنيت الى الليل ورحت لكوافير وحفيت والالم خلاص اختفى نهائي استنيت يوم ثاني مافي الم بعد الى هو يصير يوم 13 والحل فقلت الى ابو الشباب انى يوم ثاني يوديني مجمع الظهران منها اتمشى ومنها اشوف البضايع الصراحه الى يبي الرحم يفتح عنده يروح مجمع الظهران ينفع الى هالحاجات المهم رحت يوم ثاني ومشيت المجمع كله ولاتعبت ولاجاني الم ولاشي ورجعتنا صار الينا موقف بغينا نروح في خبر كانا بغى واحد يدخل فينا اعمى مايشوف طبعا زوجي ماسكت له بغت اتصير مذبحه ديك الليله وانا قلت من الخوف اكيد بولد الحين في السياره وزين داك كسر الشر وراح عن زوجي وزوجي طول الطريق متحلف فيه وانا ماني قادره من الخلعه المهم وصلنا الشقه وجهزت اغراضي قلت احتمال اولد ونمت وصحت الى ماكو الم اختفى وقمت نظفت الشقه وكل شي والم ماكو المهم سويت الغداء وجى زوجي من الدوام وتغدينا ونمنا شوي وقعدت الى نفسي في مكرونه بالبشميل قلت قومي يامره وشبري عن ساعديك وسوي داك العشى السنع المهم كلمت حماتي وقلت اليها تعطيني طريقة المكرونه وعطتني وياها وسويت لي عجينة فطاير المهم وانا اسوي العشى استوى نصه تقريبا الى ماشوف الى الم قوي جايني قلت عادي وكل ماجاه يزيد وبعدين صرت اسوي حاجه واقعد ادحن ع الكرسي وبس يخف اقوم اكمل لين زاد مره وصرت حتى ماقدر اقعد فصحى زوجي من النوم وشافني ماني قادره سالني ويش فيك الى اني اقول له شكلي بولد وفقعتها صيحه هو خاف ع عمري ماعرف شنو يسوي المهم جهز بته ووداها بيت اهله وسالني ادا ابي اروح القطيف المركزي لانه اقرب قلت له لو ماباقي في المستشفيات كلهم بس هالمستشفى مارحته قلت له وديني بس الولاده والاطفال قال لي تصبري قلت له اصبر وشغل الخطر وسحب ع الولاده والاطفال وانا دموعي اربع اربع موقادره من الالم المهم وصلنا وسجلوني ودخلوني يكشفو علي كشفت الى تقول فاتح 3 سم قلت اليها يعني ولاده قالت اي وعطوني الملابس وخلوني ابدل وركبوني فوق ودخلوني الغرفه وخلوني بلاوحدي ماحد جاني وابو الشباب كل شوي يدق قلت له حبيبي الرحم فاتح بس 3يعني مافي ولاده الى بكره روح ريح انته طبعا مارضى وسكرت من عنده الى الم زايد وانا باموت من الالم خلاص ماني قادره وانا انادي عليهم ولااحد داق خبري المهم بعدين حنت علي وحده وجت لي جت بتحط لي حق النبض وشكلها ماليها خلق عاد داك الوقت انا كنت معصوره قلت لها ابي اروح الحمام قالت لي قومي روحي اتخيلو لامسكتني ولا شي خلتني اغافص بلاوحدي المهم دخلت الحمام وانتو بكرامه قضيت حاجتي وطلعت قعدت ع السرير وانا ماني قادره من الالم شوي امد رجايلي وشوي اتربع وانا اصرخ ماني قادره وانادي عليهم وهم حاقرني ويهدرو ويه الدكتور ويضحكو وانا كل ماسمعتهم يضحكو زدت صراخ الين جت لي وحده وجت بتحط ع الجهاز الى احس روحي باروح الحمام فيني الكبيره قلت اليها قالت لي اول باشوف الرحم كم فاتح وقاست قالت لي ماقدر اوصل الى عنق الرحم المثانه مليانه مافضيتيها من شوي يوم اتروحي قلت اليها الى قالت لي قومي روحي فضيها وتعالي وقمت طبعا بلاوحدي توني جالسه ع المرحاض الى ينفتح علي كيس الماي وانا اغافص ابي اطلع الكبيره ماطلعت المهم وطلعت من الحمام وجت لي الممرضه الى تولد وقلت اليها ابي اروح الحمام ماني قادره وكشفت الى راس الجنين طالع وقالت لي دا راس الجنين طالع يعني خلاص ولاده اي مره يجيك الالم ادفعي ونادت ع الممرضات وجو حطو لي مغدي وابراه تخدير ونادت ع الدكتوره عشان تسوي لي توسيع وانا كل ماجى الالم دفعت وطلعت الحمد لله وقالت لي جبتي بت وحطتها ع حضني قمت وشرفت عليها لان انا قالو لي باجيب ولد وجهزت كل شي حق ولد بس الحمد لله ع النعمه بنت او ولد اهم شي السلامه وشالوها من عندي وراحو ينضفوها وجو خيطوني وبعد 3ساعات ودوني الغرفه وطبعا بنتي عندي وانا نعسانه ابي انام وهي تصيح لين جت الساعه 4 وطلعت من المستشفى

daniah
02-03-2012, 10:50 AM
بوح انثى الحمدلله ع السلامه حبيبتي وماطولتي علينا
قصتك مره حلوووووه وخلاص انا بالتاسع مو ناويه امشي الا بمجمع الظهران لان بيجي الصيف وماليي خلق امشي بالحرررررررر
الحمدلله ع سلامتك وسلامة البيبي مره ثانيه :)

مثل القمر
02-03-2012, 11:05 AM
بوح انثى قصتش مره جميله الحمدلله على سلامة البنوته وتتربى في عزكم ودلالكم يااارب

ياسمين الولاء
02-03-2012, 02:26 PM
بوح انثى الحمدلله ع سلامتج غناتي وسلامة البنوتة القمر

والله يسهل ع الجميع ان شاء الله

الفراشة الحمراء
02-03-2012, 06:22 PM
بوح انثى

الف الحمدلله على السلامه

وتتربى القمره فعزكم ودلالكم

والحمدلله ماطولتي وجت لش سهالات

والولادة والاطفال عندهم هالعاده الخايسه الجاهل طول الوقت مع الام

حماتي تعذبت مسكينه

ام عبدالعزيز
02-03-2012, 06:43 PM
بوح انثى جد خفت من قصه الولادة انا مخليتنه ع الله بس الحين بديت اقلق وانا حاطه في بالي اولد بالولادة والاطفال

ماء الكوثر
02-03-2012, 10:52 PM
بوح انثى الحمد لله على السلامة

وردة الربيع
03-03-2012, 01:21 AM
بوح انثى الحمد لله على السلامة وتتربى الصغيره بعزك
عشت اجواء القصه هههه

رقة مشاعر
03-03-2012, 01:41 AM
بوح انثى
الله يخلي لش البنات
ويعطيش العافية

بوح انثى
03-03-2012, 04:56 PM
تسلمووو حبيباتي والله يسهل ع كل الحوامل ياااااااااارب

Znaybah
04-03-2012, 01:22 AM
الحمدلله على سلامتك أم غسان قصتك مرة حلوة الله يخلي لك القمر قاسم

رفيقتي محليتهم كملي القصة باين انها مشووقة وحمستيني اكتب قصتي خخ

بوح انثى الحمدلله ع السلامة وتتربى في عززكم يارب ..

ام غسان
04-03-2012, 01:27 AM
ماشاء الله ردودكم تهبل

أشكركم كلكم , اسمحوليي طيحت دموعكم و ضحكتكم بنفس الوقت

بسبب ردودكم رجعت أقرأ قصتي مرة ثانية و ثالثة و عاشرة

حبيت نفسي وااايد و أنا أولد بس بعد الولادة تأزمت و جاني اكتئاب عجيب و السبب الناس المتخلفة اللي ماتفهم و لا عندا ذرة من الأدب و الإتيكيت و اللباقة , مواقف واايد صارت لي أزمت نفسيتي

فهم الناس لموضوع العملية القيصرية متخلف جداً جداً جداً , تهويل عظيم و يخلوك مسكينة و يا حرام ماتستاهلي !

ما كأنا وصلنا للعام 2012 و الدنيا و الطب تطوروا و العقول المفروض تكون متفهمة و واعية بس للأسف

قررت بعد اللي صار لي إن لما أحمل هالمرة على خير مستحييييل أستقبل الناس إلا بعد فترة يعني لما أصير قادرة على استقبالهم , أما بعد طلعة المستشفى و جو جديد و بيبي محتاجة عناية و أنا بنفسي أحتاج عناية أكبر لا والله لو شنهو يصير

حبيت أطمن الحوامل .. الولادة القيصرية صارت تنطلب في أكثر المستشفيات و مامنها خوف أبداً و حتى الأثار الجانبية فيما بعد تقدري بالإرادة تتغلبي عليها

الكل قال لي بأن بعد الولادة بيصير لك كرش و من هالخرابيط , الحين لما يشوفوني يقولوا جسمك أحلى من قبل مع إني ماسويت و لااشي فقط رضاعة طبيعة , ضبطت جسمي ع الآخر

و أثر شق العملية حبيته وااااااايد كلما أشوفه أتذكر الذكريات الحلوة و إني صرت ( أم )بمجرد ما انشق

و شي أهم لما أشوفه أتذكر بأن كم و كم و كم وحدة تتمنى جسمها يتقطع تقطيييع بس علشان تحمل ضناها و تصير أم ؟؟!! و في المقابل يجوا ناس ماتفهم شرقها من غربها و تقول لاااا انتي قيصرية ما يستجاب لك دعاء في الولادة و لا تتعبي مثل الطبيعي

كلام سفيه ما ينرد عليه , لكن لكل اللي تعبوا نفسيتي الله يعطيهم على قدر اللي يتمنوه و بس

حبيتكم و حبيت ردودكم , و إن شاء الله اجي لكم بعد سنتين أو ثلاث سنين أحط قصة ولادتي بأخو قسووم أو اخته



و يا حوامل عيشوا أحلى أحلى أحلى لحظاتكم مع الولادة

حرام لا تقضوها بالصراخ و الفزعات و أهم شي التهئية النفسية ..

ألقاكم على حب والله يسهل على كل الحوامل و يرزق اللي يتمنوا

برقع ذهب
04-03-2012, 02:13 AM
و شي أهم لما أشوفه أتذكر بأن كم و كم و كم وحدة تتمنى جسمها يتقطع تقطيييع بس علشان تحمل ضناها و تصير أم ؟؟!!



آثر فيني كلامك وايد.. الله يعطيك على قد نيتك خيوه..
وزي ماقلتي جرح العملية هين.. قدام شوفة الضنا..
الله يرزق كل محرومة وفاقدة يارب..
مايحول الحول الا كلنا حوامل..

مثل القمر
04-03-2012, 02:22 AM
ام غسان والله كلامش دا خلاني اصيح اكثر من يوم قريت قصتش

ياعلي قد ويش انتين انسانه واعيه وقويه ومتفائله ونظرتش متفتحه ومؤمنه

ربي يخلي لش قاسم يارب ويخليش ليه وصحيح اثر فيي كلامش واجد وريحني وطمني وااااااجد واااااجد


برقوعه قاعده اتابع التاريخ اللي تحت باشوف كم باقي وتحطي قصتش :)

الذوق الرفيع
04-03-2012, 05:35 AM
ام غسان
فعلا كلامش صحيح الناس دائما العملية بالنسبة لهم ان المستشفى مايفهموا ولعبوا عليش وفي الحالتين ولادة والم وامتحان من رب العالمين الحمدلله على سلامتش والناس الله يهديهم بس

الذوق الرفيع
04-03-2012, 06:39 AM
ام غسان
فعلا كلامش صحيح الناس دائما العملية بالنسبة لهم ان المستشفى مايفهموا ولعبوا عليش وفي الحالتين ولادة والم وامتحان من رب العالمين الحمدلله على سلامتش والناس الله يهديهم بس

احرار حسين
04-03-2012, 10:39 AM
اممممم قصصكم روعه خخخ
يالله اني باحط ليكم قصتكي من قبل 4 شهور
البدايه لم دخلت السابع قالوا ليي ان الجنين وضعيته مقلوبه يعني راسه بعدهوا فوق لازم تروحي تنزليه
واني خفت حدي وتعبتت نفسيتي وصرت كله اصيح وبعدين قلت لاامي قالت ليي لاتروحي لان في التاسع ينزل الراس
واني سمعت كلام الوالده ولارحت
المهم هم واعدوني اولد التاريخ 19 دي القعده
واني عديته وكل يوم اقول انشاء الله اليوم اولد ولا في فايده وكان في بدايه الشهر التاسع كانت تجيني ريح وتالي لم عديت الموعد اختفت
الالم كلهاوقاعدت احاتي وكنت خايفه مره من العمليه
المهم داك اليوم كان عيد ميلاد بنت حماتي وحماته كانت في اللمستشفى رايح تولد المهم يقولوا لليي الجالسين الحجاج بيحجوا وبيجوا وانتين بعدش ماتولدي ومن كلمتهم دي اتازمت نفسيتي وصرت كله اصيح وتاللي يوم 29 دي القعده قررت اروح المستشفى واشوف
ليش ماولدت الى الحين يمكن في شي الجنيناو رحت المهم دخلت على الدكتوره الولاده تقولي ويش فيش من اعراض
قلت ليها ولاشي بس طاف موعدي 10 ابام
قالت ول اواساكت على روحش سكت عنه قالت يالله قومي على السرير بافحصش الحين اني اتوترت اقول ليه ماني اخاف قالت ليي تخافي من الفحص كيف والولاده قلته ليه لان مافي ولاشي يدل على ولاده قالت في ناس تكون ماعندهما ريح ولاده يمكن انتي منهما
المهم اتوكل على الله واهل البيت ولاخيبوني وسوت الفحص وكانت ايده مره خفيف الى تقولي 3 فاتح يعني فيش ولاده
اللهم صل على محمد وال محمد
يعني تنويم قلت ليها لا باروح البيت وادا حسيت بالم بارجع قالت لي انتي خطيره ماتخافي على روحش قلت ليه ولا يلعبوا في
قالت تطلعي على مسئوليتش قلت عادي اوطلعت
على طول قلت لزوجي باروح اتمشى وداني الكورنيش ومشيته من بدايته الى نهايته ورجعته درته مره ثانيه[ مجنونه تفكر بتولد كدا خخ
كل هدا صار الصبح من يوم الخميس وبعدين رحت الشقه ونظفته وسبحت ونمت وتالي قعدت العصر ورحت بيت اهلي والكل
ول ماولدتي واني ساكته الى المغرب الساعه 8 مره وحده نزل ظغضي وانهار جسمي واغمي عليي
شوي ورجع وعيي المهم قالو ا ليي روحي المستشفى قلت ليهمم ماني رايح وحاولت امي فيي وفجرت صيحه وقلت ليهم رحت الصبح قالوا فاتح 3سم استغراب من الجميع وساكت عن روحش اقول ليهم ويش اسوي تمبوني
المهم صار يجيني الم خفيف ويروح ويرجع اتصلت الى زوجي وجا اليي ورحت المستشفى من الساعه 11 الى 2 واني تحت و دخلت كانتت الدكتوه سوده اشفيش قلت ليه ان هو فاتح 3 والحين احس يجيني الم ويروح قالت فحص توكلتت على الله وكان فاتح 3 وربع
ول كل هالتعبه و بس قالت تنويبم قلت يالله وركبوني وجت ليي الدكتوره قالت كثفيه قلت ماني توهم تحت كاشفين ماني لعبه قالت لازم عشان نسجل بياناتش امرنا لله قلت ليه عطوني طلق مارضت قالت باسوي لش تحريض ولاده مارضيت تالي اقنعتني انهو يساعد على فتح الرحم وقلت يالله وانتخيت بعلي نادي علي مظهر العجائب تجده عون لك في النوائب والحمد لله كانت ايده مره خفيف يعوره بس مو داك الزودا لى يوم ثاني
وكان يوم الجمعه الكل اجازه يعني ماحد يمر عليش الى الساعه 8 الصبح جت الدكتوره اي دكتور اسود وتقول كشفيه قلت ليه لا مستحيل وهدا وياش ههه الى بالغصب طلع وكشفت الى نفس الشي مافتح غير 3 ونص وقالت اليوم الجمعه مانقدر نعطيش طلق يعني الله يعينش الى السبت ادا ماولدتي بنعطيش طلق ول الى السبت باستنى وطلعت شوي جابوا الفطور كان تبعه كيس تمر اكلته كلها ومشيت ساعتين في المستشفى يعني من 8ونص الى 10 ونص واني انتخي باهل البيت الى الالم جى ليي ورحت الغرفه والالم كان مو طبيعي يروح ويجي الم ازيد منه وزي ماقلت كان يوم جمعه يعني ماحد يطل عليش وبدات اني كنت في قسم موقسم ولاده قسم النساء
المهم الى الساعه 3 الظهر جت ليي الهندي ل تقو ل باحط عليش طلق خفيف يمكن تستفيدي ويفتح الى اني اقول ليه ترى ماني قادره من الالم مو طبيعي الى تقول خلاص باجيب لش الثياب وباوديش قسم الولاده ودتني جت الممرضه واني متقطعه من الالم كان مايروح كلماجاه يزيد وحطته عليي مال نبض الجنين ق4لت ليه مو متحمله قالت شوي او باشيله المهم جت ممرضه ثانيه وكشفت الى فاتح 7
الله وناسه يعني اوشكت على الولاده وقالتت بتفتح كيس الماي الى تجي دكتوره وتشوف ان اني متاخره 10 ايام على الولاده الى تقول لا لازم عمليه هدي الحاله موطبيعيه مافي تفتحي الكيس قالت ليه الممرضه بصراحه كلشي طبيعي ماله داعي العمليه وجتى دكتوره ثانيه قالت فتحي كيس الماي انشاء الله ماتحتاج الى عمليه وفتحت الكيس بس وطلعوا الى حسيت اني ماني قادره ابغى الحمام وقعدت اصرخ وجت اقول ليه باولد كان فلبينيه تقول ماما لا مافي ولاده اقول ليه باولد ماني قادره وكشفت الى الراس مره بين وعلى ماشالوا العفسه الى عليي وودوني غرفه الولاده الساعه 3ونصف الساعه 4 اني خلصت من كلشي هع وجبت احلى ورده بعد خيتها هع وسميتها احرار حسين وتوته توته خلصت الحتوته
وبصراحه كانوا مره مره تمام الي يولدوني يعني واني اطلق كانت تسالني ويش اسمش ويش بتجيبي ويش بتسميها ولم ولدت وخلصت لازم يسوا كشفيه تقول ليي اشك ان فيش واحد ثاني هع
وبنتي جابوه ليي بعد ماخلصت الزياره ساعه وجوا اخدوها وجابوه الساعه 2 ورجعته 3 قلتع ليهم بانام لاتزعجوني تتحيمق هع ونمت اى الساعه 8 وتالي اخدت بتي وجا زوجي وطلعنا وسلامتكم

احرار حسين
04-03-2012, 10:44 AM
اااااااااااااااااااااااااااااااااااااااااااااا

ولاية مرتضى
04-03-2012, 02:49 PM
متاابعه لقصصكم

daniah
04-03-2012, 03:47 PM
الحمدلله ع السلامه احرااااااااار حسين
ومن حضش انش صبرتي عشره ايام وماصار خطر عليش والحمدلله ولدتي طبيعي ولااحتجتي عمليه
بس اللي قهرني الدكتوره تشوف كل شي طبيعي وتقول عمليه يعني لاشفت ضغط مرتفع ولاضعف النبض عشان تقرر العمليه مو سبب العشره ايام ,, الحمدلله على سلامتك حبيبتي
تتربى البنوته في عزكم
دعوااااااااتك لنا

ذاكرة الكرز
04-03-2012, 03:51 PM
و شي أهم لما أشوفه أتذكر بأن كم و كم و كم وحدة تتمنى جسمها يتقطع تقطيييع بس علشان تحمل ضناها و تصير أم ؟؟!! و في المقابل يجوا ناس ماتفهم شرقها من غربها و تقول لاااا انتي قيصرية ما يستجاب لك دعاء في الولادة و لا تتعبي مثل الطبيعي

كلام سفيه ما ينرد عليه , لكن لكل اللي تعبوا نفسيتي الله يعطيهم على قدر اللي يتمنوه و بس





فعلا كلامش

ياما ناس تتمنى تتقطع بس تشوف ضناها بين ايدها

والقيصري والطبيعي كلهم اجرهم على رب العالمين


واني وحدة خايفة من الاثنين والله يرزق جميع الحوامل السهالة

ام احلى بنت
04-03-2012, 11:28 PM
الحمد الله على سلامهتتربى في عزكم

مثل القمر
05-03-2012, 12:06 AM
الحمدلله على سلامتش خيتو قصتش حليوه بس عشت الجو وتعبتت واني اقرا

ربي يخلي لش البنوته يااااارب وتتربى في عزكم ودلالكم يااااااارب

المزيونة
05-03-2012, 11:41 PM
الف الف الحمدالله ع سلامتكم

احرار عجبني الاسم وش معناااه

أم سيد هاااشم
06-03-2012, 02:37 AM
الحمدلله على سلامتكم

عشت الجو معاكم واندمجت في القراءة

ودمعت نزلت على خذي

يتربوا في عزكم يارب

وربي يسهل على التواسع

الفراشة الحمراء
06-03-2012, 02:45 AM
احرار حسين

الف الحمدلله على السلامه

واسم البنوته مرررره حليو

وشكلها اسم على مسمى ^_^

جوريk
06-03-2012, 02:53 AM
الف الحمد لله على سلامتكم
والله يعطي الي ماعندهم ياربي

galamor
06-03-2012, 10:35 AM
احرار حسين الف حمد لله ع سلامتك يارب

وردة الربيع
06-03-2012, 04:56 PM
احرار قصتش رائع الف الحمد لله على سلامتك خيتوووو
وتتربى الكتكوته بعزك

ام راحيل
07-03-2012, 01:43 AM
هلا عروسات اليوم قررت اكتب لكم قصت ولادتي ببنوتتي وكانت في تاريخ 24 رمضان قبل ثلاث سنوات ونصف وكانت في الجش
قعدت من النوم تقريبا على الساعه اربع الا احس بزي الام الدوره قمت سويت الفطوروجاء رجلي اذن فطرنا و11 الليل دقيت على امي وقلت ليها قالت هذي ريح استقبال المهم قمت غسلت مواعيني وغسلت المطبخ ورتبت المكان واذن الفجر صليت جيت بانام الا احس بذالك الام تقلبت يمين يسار كان يروح ماراح الى6او 7 الصبح قال قومي اوديش المستشفى ..مسكين كان اجازه العيد الوطني ماخليته يهتني ...قمت مريت على امي ورحنا كشفت عليي وحده ما اذكر وش رنقها طلع بس واحد رجعوني قالوا المغرب تعالي ودينا مامي البيت ورحت على كورنيش دارين مشيته كله ورحت المخطط ومشيت لزين تقطعه ارجولي..<كان علييي نعال وانتون بكرامه مو جوتي اح
المهم رجعت الشقه ونمت وانواع الام واني ادحن على السرير رجلي طالع داش مو عارف ويش يسوي قام وسووا الفطور اذكر برياني البيض اهم شي خخخخ اذن وفطرت ورحت اتمشيت بعدين حوالي اسكان الجيش ورحت المستشفى كشفوا عليي الا هو فاتح 3 بس ناااااه طول اليوم بس 3 ؟؟!! ركبوني فوق وحطوني في غرفه المراقبه وحطوا جهاز التخطيط بعد مالبست فستانهم الجميل<توهقت ماعرفت تلبسه هع لبسوها اياه <وقامت الام تجي وتروح واني اتقطع واونون قاموا اللي ويايي في الغرفه عيطوا على الممرضات قوموني على اساس بيودوني غرفه الطلق ادق عليي امي اقول ليها بيودوني غرفه الولاده <<وخليت الجوال وقمت اللحين بيدخلوني ما دخلوني وقعدت اتمشى في الممر حوالي الساعه وكانت تقريبا حوالي الساعه 1 الفجر وكانت ليله القدر على مافضت الغرفه ودوني وقعدت اتعفرت على ذاك السرير ولا احد جايب خبر بين فتره وفتره يجووا يكشفوا كانت ممرضه هنديه الا ماسكتني ياشينهاوياشين نفسها ابغى مسكن شي مي راضيه تعطيني وفجاه حسيت بشي يطلع مني الا اصارخ الحقي عليي في شي يطلع جت تركض الا هي متوشه بوزها عليي اتاريه الماي طلع فكرتني اولد خلعتها هههههه وراحت عني ماادري ويش اللي حصل بس شكلي نمت وقعد الصباح عطشانه ابغى الماي ما رضت تعطيني ابغى مسكن قالت انتين في قريب ولاده مايصير عفست المستشفى صراخ على ال8 كشفت قالت 7 على التسع ودوني غرفه الولاده يبغوا يقوموني غصب من الكرسي ماني قادره اقوم قاموا يزمخوا عليي قمت واني ماني قادره وانسدحت على نصف السرير مديت اول ارجول اوكيه على الحديده الرجول الثانيه الحديده بعيده وبغيت اطيح خفت وصرخت شابقوني قالوا اذا جاء الالم ادفعي واني حزتها ما حسيت بلاالم ولا شي الا يقولوا ليي ادفعي قمت انحنح بوزي هع قالوا مانبغى بوزش ادفعي تحت الا هي في اياديهم وكان 9 وربع تقريبا الا اقول ليهم هذي بنت <<ماكنت ادري باللي فيي مسحوها وجابوها وحطوها على حظني الا هي تثاوب على قلبي وتلعب برجولها المهم بعد الخياط قوموني غصب وودوني غرفه الطلق ونمت هناك قعدت وتغديت بعدين ودوني الغرفه وديك الغرفه عذااااب اللي تصرخ واللي ترجع واللي تتمخط وتوبه ما اعود وارجع هناااك <<طبعا لا مغدي ولا اكسجين ولا حتى مسهل عفر اسمه قعدت هناك يومين وطلعت بعروستي للبيت
امم وبس اتمنى مازهقتوش دعواتكم ليي هالمره اولد طبيعي واجي اسدح قصتي هنا (الجنين معترض)والولاده هاليومين

نجوم مضيئة
07-03-2012, 01:53 AM
أم راحيل تتربى العروسة بعزكم ودلالكم يارب والله يسهل عليك ولادتك وتقومي بالسلامة

الحمدلله على سلامة الجميع

الفراشة الحمراء
07-03-2012, 02:00 AM
ام راحيل

تعذبتي فولادتش حريقة تشيل هالمقصب مرمطوني بولادتي لحد مارحت خاص
وان شاء الله ربي يسهل عليش وتولدي طبيعي وتجي تخبرينا وتكتبي قصتش
مايحطوش على السرير الا الجاهل طلع ^_^
موفقه

برقع ذهب
07-03-2012, 02:36 AM
الف الحمدلله على السلامة ام راحيل..
وسهالات ان شاء الله هالمره..

ابتهال احمد
07-03-2012, 06:04 AM
حمستوني بقصصكم اكتب لكم قصتي بولادتي والمعاناة الي لقيتها
حملي الاول وتقدرو تقولو عبيطه ^^ مافهمة ولاشئ وكلا امشي وااسال الاهل وكدا ومحد يصدق اياي بعدين اكتشفت يعني هههه
كنت اتابع بمستوصف الحكومة ربي لايعودني ليهم من جديد لاهم ولا الجش
كل وقت متابعتي تعب والام ونزف خفيف وتقول الي عادي مافي شئ بالشهر الخامس سالتها ليش للحين ماتحرك تقول الي كلا نايم >< مو معقول شئ مايتصدق وقررت اروح مستوصف خاص اقلها اخد اشعة تلفزيونية ورحت البطي وقالت الي كل شئ تمام قلت لها مايتحرك وكنت نهاية الشهر الخامس الا تقول الي يمكن معاق >< دي الي ازيد من الحكومة
وطلعت بغبنتي وماودي اعلم زوجي اغثة وهو طاير من الوناسة بحملي
وصليت على محمد وال محمد وظليت اتوسل بالاطهار ليل نهار انا كلامهم مو صج ولاعلمت احد ابد بالموضوع
ورحت موعدي بعدها بشهر للحكومة وقالت الي الوضع تمام وكل شئ تمام والي تحاليل ومدري شنو وكل شئ سويتة
بس النفسية صفر على الشمال طوال وقت الحمل الي متبقي
وبعدها عطوني موعد للجش اسوي اشعه ومارحت متخوفة حدي كنت وقلت مابي اسوي اي اشعه خلاص
ولارحت ومرت الايام وقالو الي وقت الولادة 16 صفر وانتظرت الوقت ولا ولدت والاسبوع الي بعدة ولا ولدت قالت ضروري تروحي الجش عطتني تحويل ولارحت قلت ماباروح الا لين احس بالم ولادة
وانتظرت الين تاريخ 1 ربيع بالفجر الساعه 2 حسيت بالم كانا وانتو بكرامة الم سهال ^_^ وقلت اكيد لاني مكثرة اكل لاني متوحمة على كل شئ حار وتعرفو نتيجه كثرتة هههه وقمت رحت الحمام وانتو بكرامة الا ينزل علي داك الدم ووويش كثرة خفت وقمت انادي زوجي بس مايسمعني الحمام بعيد ونا ارجف من الخوف اني اطلع وفتحت الباب وطلعت رحت اله على عمري وهو نايم وقلت الة بولد وقام مخترع بسرعه راح شغل السيارة بملابس النوم من الخوف
وقلت اله عادي بدل وخلص قال الي لا بروح قلت له اني ولادة بكرية باطول وغير وانا رحت سبحت لان مره حسيت نفسي مقرفة ونا الالم ذابحني مرره
ورحت الجش وصلنا في اقل من 10 دقايق طار طيارة بالشارع لاني ساكتة ولا اكلمة من الالم
وصلنا وكانت هناك دكتورة قطيفية كشفت علي قالت 2 ونص ولادة وخطر عليش دم وخوفتني اكثر
وخلصنا الاوراق وركبوني وخلوني بغرفة فيها 5 غيري.oo وني اول مره بحياني اشوف فوق وحطو علي تخطيطهم وني الالم مره قاتليني بقووووة مو قادرة اتحمل ابد
ووحده رايحه ووحده جاية كشفيات لعبو بي لعب وني ساكته عنهم مالي خلق من الالم من الفجر الين الظهر وني اتعذب ولا ابرة ولاشئ ولانوم
وبعدين ماشوف الا اييني 5 يمكن ويهدرو وني مادري ويش يقولو كل شئ اقول اي وربي ماسمعتهم ويش قالو هههههه
اخدوني لغرفة الاشعه قالو كل شئ تمام والولادة طبيعية والنين سليم هنا ماقدر صحت بقوتي كلها استغربو مني ليش وقلت ليهم
وبعدين ودوني غرفة الطلق ع الساعه 4 تقريبا وجا الي دكتور سوري طردتة قلت له مابي دكتور
قال بفتح كيس الماي وباروح وفتحه وراح وزاد الالم علي بعدها يمكن ساعه وجت الي دكتورة قالت فاتح 9 غرفة الولادة بسرعه وودوني ع كرسي وني من قالت ولاده حسيت الدم نشف فييي وحسيت بروده بجسمي وراح كل الالم ^^
ودوني وقمت عادي قلت لها ماحس بالم ولاشئ
قالت عادي طبيعي ناس واجد كدا وعطتني ابرا ويهدني الالم ولا درتي ويشئ الابعدين انها طلق
وكل ماقالت الي ادفعي اني ادفع ولافي فايده تعبت حدددددي وبعدها قررو يشفطوه لاني ابد ماقدرت اساعدهم تعبت من الفجر ولانوم ولا اكل
وشفطوها وجابوها الي على صدري بنوتي القمر كانت الساعه 7 المغرب ولاصاحت ههههههههه وضربوها وقامت اتصيح
وودوني غرفة الطلق بعد ماخلصو غفصتهم من تخييط وتنظيف ونمت 3 ساعات بعد ماكلمت اهلي
وودني بعدين الغرفة الي كنت بها والكل يتحمد الي بالسلامة وني النعس قاتلني ووينك يالسرير ونمت من الساعه 9 الليل الى يوم ثاني الصباح لمن قعدوني
وظليت الى يوم ثاني الصباح وطلعت .
اتمنى اني ماطولت عليكم بهدرتي^^ وربي يسهل عليكم وعلي ها الحمل الثاني

مضراوية
07-03-2012, 10:33 AM
الحمد لله على سلامتكم ويتربوا النونوات في عزكم ودلالكم وتشوفوهم معاريس والله يسهل على التواسع ويرزق المنتظرات

daniah
07-03-2012, 05:49 PM
الحمدلله ع سلامتك ابتهال وصحيح الجنين مايطلع الا بوقته بس مغامره منك صابره اسبوعين

الفراشة الحمراء
08-03-2012, 01:26 AM
ابتهال

قصتش حماسيه

الحمدلله على سلامة النونوه وسلامتش

بس ماذكرتي العيوب اللي بالمستشفى عشان ماتطبيه بعد هالمره^_^

برقع ذهب
08-03-2012, 06:28 AM
اللهم صل على محمد وال محمد..

قصة ولادتي بعد مرور 8 آشهر.. :$
بقسمها الا عدة مراحل..{ ماقبل الحمل.. فتره الحمل.. فتره المستشفى.. الولادة}..
ماقبل الحمل.. اول شهر بعد الزواج.. تأخرت الدوره. وصار عندي نزيف بعدها.. وقالوا لي احتمال انه حمل خارج الرحم ونزل.. وصارت عندي لخبطة هرمونات..
حملت بفتره ماتوقعت اني بحمل فيها.. وتأخرت الدوره.. وماحللت الا بعد 10 ايام... وطلعت حامل :$.. طبعا مو مصدقة .. لان مو في بالي اني بحمل.. ولاني حملت في فتره ماهي فتره تبويضي بسبب الهرمونات
خصوصا انها بعد شهرين بس من قالوا لي عندي لخبطة هرمونات


فترة الحمل : ترجيع اقل شيء مرتين يوميا استمر الى منتصف السادس.. بعدها صار عندي نزيف وفتح عندي الرحم 1 سم.... وانمنعت عن الحركة حوالي شهر لان كان عندي طلق مبكر استمر كم يوم .. وبعدها سمحوا لي بحركة بسيطة.. وكان هذا اول يوم في الثامن..
يوم الاثنين: 3 شعبان 1433.. رحت موعدي .. كان هذا كلام الدكتوره :كل شوي كويس وتمام.. بس الوزن قليل شوي.. والماء اللي حول الجنين قليل .. بس لسه عندك مجال ان الوزن يزيد باقي شهرين على موعد الولادة..
في الليل كان مولد الامام الحسين عليه السلام.. رحت واستانست.. وبنوتتي تترقص في بطني اول مره تتحرك بهالشكل اللهم صل على محمد وال محمد.. واني مستانسة.. بحركتها.. ورجعت البيت مشي.. وكنت احس بألم بس اقول انه ريح استقبال وشد .. وكان الالم مستمر معاي من قبل يومين..
4/ 8/ 1432
يوم ثاني الصباح
.. حسيت بانقباضات.. واني نايمة..وصرت اطنش على اساس هي ريح استقبال.. وتعودت عليها من السادس عندي .. حاولت انام.. انام شوي.. واصحى عالالم.. اقعد امسج رجايلي واتقلب ويخف الالم.. وارجع انام.. لي شوي .. وعلى هالحال طول الصباح.. صحيت الظهر.. وزوجي يقول لي ملامحك معفوسة.. وش فيك .. قلت له مانمت عدل الالم ذابحني.. قال زي كل مره اكيد..
دخلت الحمام.. الا في بقعه دم في الملابس الداخلية.. والبقعه جافة.. وبمجرد اني تبولت الله يكرم السامع نزلت مني قطعة دم كبيرة.. اني هنا قلبي وقف..
..{ توني في الثامن.. وينزل مني دم.. خايفة ان رجع فتح الرحم.. ماابغى اولد وزن بنوتتي مره صغير}..
طلعت وقلت له.. غناتي ترى ينزل مني دم.. خايفة اني.. قال اسبحي وبيخف.. ورحت سبحت.. بدل لايخف زاد الالم وصار يقطعني.. قال لي نامي وبيروح.. وطلع عني راح اتغذا وراح للديوانية فرفر الدنيا واني اتقلب على سريري الالم كل ماجاله يزيد.. واني مو عارفة احسب له عدل.. متوتره .. وحالتي حالة..
رجع لي بعد ساعة ونص كذا.. ويش الحين بتروحي المستشفى{.. راح الديوانية وهزئه واحد من اصدقائه كيف يتركني واني تعبانه}..
لبست عالسريع.. وطلعت وياه وكان يسرع في الطريق.. وكل ماجت مطبة.. يزيد الالم عندي.. ووصلنا للهاي وي .. يسألني أي مستشفى بتروحي.. قلت له أي مكان.{ واحنا متفقين يوديني الولادة والاطفال}.. قال اللي بتروحي الولادة قلت له بعيد.. تروحي الصادق.. قلت لا بيولدوني قيصرية .. وكنا عند القطيف.. قلت له نزلني خلاص اذا فيي شيء بروح الدمام...


نزلت ودخلت غرفة الطوارئ.. كشفت الا الرحم فاتح 1 سم ..
سوت سونار.. قالت لي الماي قليل.. قلت لهم ادري.. كنت امس مسوية سونار وقالوا لي الماي قليل شوي.. لازم مااتحرك واشرب سوائل واجد لايصير جفاف.. وصار التحقيق.. تعرفي كم الكمية وتعرفي ماادري ايش قلت لهم ماادري..
كلموا الاستشاري على طول تنويم.. قلت له بطلع.. بروح مستشفى ثاني على مسؤليتي.. قالوا مانقدر نطلعك حتى على مسؤليتك.. لازم تنويم.. ويشوفك الاستشاري..
طلعت لزوجي واني دمعتي على خدي.. يقول لي وش فيش.. قلت له خد الاوراق وقعها.. بتنوم خلاص.. بولد..
قال انزين ليش تصيحي.. بتصيري ام.. مانتين فرحانه.. قلت: ادري اني بصير ام بس خايفة على بنتي توها صغيره.. وباقي واجد على موعدها.. قال هي خلها تجي بالسلامة.. وبعدين تكبر..


طلعت فوق.. ودخلوني الغرفة.. وجلس زوجي جنبي.. سووا لي تخطيط.. يالله يالله رضى يزبط.. وزوجي جالس جنبي.. يهديني واني بين الفرحانه اني بولد.. واني خايفة من اللي بيصير.. طلع عني ويهددني لاتكلمي احد.. ولاتعلمي ااحد.. قلت له خلاص..
بعدها رحت الاستشاري.. وسوا لي سونار مره ثانية.. وجاب جيش دكاتره اياه.. اني من شفت 4 على راسي قلبي عورني.. قلت ماادري وش صاير..
كم عمر الجنين قلت له 31 اسبوع.. متى اخر مره سويتي سونار : امس.. وش قالت لك: الوزن قليل شوي والماي قليل شوي.. كم قليل يعني: قلت له ماادري..
كلمي زوجك بكرا يروح المستشفى يجيب التقارير..
رحت غرفتي .. ويوم ثاني جاب زوجي التقارير.. طلعت الكمية قلت واجد بشكل مخيف والفرق بين السونارين يوم.. بس..


يوم الخميس: 6 شعبان 1432..
في هاليوم كل ماجو يركبوا التخطيط التخطيط مايزبط.. الين بعدين صار اوكي وقت الزياره..{ لااحد يشوف شكلي حماتي وبنت حماتي شافوهم كيف يعفسوني بالجهاز..
طلع النبض قليل.. واني عندي طلق .. حطت علي الاكسجين.. وراحت الممرضةكلمت الدكتوره.. وعلى طول جت عطتني الفستان الجميل.. لبسته وودعت زوجي عند السرير ماابغاه يلحقني خايفة يشوف دمعتي في عيوني..
طول الليل الجهاز مركب في بطني.. والمغديات مانشالت .. يمكن 4 او 6.. واني خايفة.. شاالوا الجهاز مرتين بس اروح الحمام وارجع.. جت الدكتوره الصباح.. وقالت لي كل شيء سليم بس راقبي الحركة.. لان يوم الخميس ماحسيت بالحركة الا مره بس..



عدت الايام.. واني نفسيتي بدت تنهار.. اهلي مسافرين قبل ماادخل المستشفى بيومين.. خواتي مايقدروا يجوني.. بسبب اعمال ازواجهم.. بس اخت وحده جتني بعد اسبوع.. من دخولي المستشفى وصارت تجيني بشكل يومي..
حسيت نفسي مكسوره الخاطر.. خصوصا وقت الزياره.. اتغبن .. ابغى اهلي.. مااشوف احد الا زوجي واختي .. الكل يجوهم زوار الا اني مقطوعه..


واللي زاد نفسيتي انهيار..{ ان ولا مستشفى موجوده حضانه خدج متوفره}.. لان بنوتتي متوقف نموها في الاسبوع 28.. بسبب قلة الماي.. والكمية اللي موجوده بس عشان تعيش..


يوم الجمعه 14 شعبان..
تغذيت الظهر وقلت بريح شوي .. قبل لاتجي الزياره ومااقدر ارتاح من الازعاج.. وحلمت حلم..{ اللهم صل على النبي}.. ان الامام علي عليه السلام جا اللي في الحلم.. وصحيت واني اقول .. اشهد ان علي ولي الله..
الحلمة طويلة واذكرها بالتفاصيل.. بس ماحب اذكرها كاملة.. سلام الله عليهم..
وفسرن الحلم..وكان تفسيره خير.. بس لازم نسمي الجنين.. بأسم من اسامي اهل البيت. وكنت محتاره بين اسمين.. وبعدين ثبتنا على اسم .. ^.^..


السبت 15 شعبان..
كان ناصفة.. واني مقرره اقول للدكتور بطلع هاليوم... لو عالاقل كم ساعة بشوف الشارع.. الناس عيد واني محبوسة.. كلمته.. ومارضى.. قال ان حالتك خطيره ومانقدر نطلعك حتى من قسم الى الثاني..


الايام الباقي ..{ انهيار في انهيار.. بسبب عدم وجود الحضانه}..

برقع ذهب
08-03-2012, 06:30 AM
الثلاثاء 18 شعبان 1433..{ يوم ولادتي}...

الساعة 9 صباحاَ.. دخلوا علي الاستشارين.. لاجديد.. بس انهم اتخدوا قرار .. ان لازم تتوفر لي حضانه بأي طريقة.. وقالوا الولادة اما بكرأ..{ الاربعاء.. واقصى شيء السبت}..
استانست بشكل مو طبيعي واستبشرت خير.. وكان املي برب العالمين كبير..
نمت لي ساعتين راحة<~ هم الوقت اللي ارتحت فيه في كل فتره المستشفى..
وصحيت على صوت الدكتوره تصحيني.. { فلانه.. مبروك عليش لاقينا حضانه.. جهزي نفسك بنسوي لك تحريض.. عشان الولادة.. قررتي وش الحين طبيعي والا قيصري..
قلت لها ماادري اهم شيء اولد.. اذا في امل اولد طبيعي خلاص ولدوني..
..{ القيصري خطير علي لان حجم مره صغير .. مايتحمل تخدير..
والطبيعي مره خطير لان بنية ضعيفة نفس الشيء.. ولان الماي قليل.. ولو ماقدرت اولد طبيعي .. بيولدوني قيصري ..

كلمت رجلي.. ها غناتي متى بتجي اليوم... قال يمكن انا ماقدر اجي..
غناتي تعال لي بيولدوني اليوم..
وسكرت على اساس مارح يجي.. وفيي الصيحة.. يكفي مااشوف احد غيره.. بعد بيخليني اليوم..
الساعة 4 ونص دخلت الدكتوره.. وكشفت علي.. الا الرحم فاتح 1 سم .. وقالت ان شاء الله سهالات..
وحطت لي التحميلة الاولى..
وتوها الدكتوره طالعه.. الا بدخلة زوجي.. بدل لي ملابسي .. لان كنت ممنوعه عن الحركة ساعة كاملة..
وجلست وياه شويات.. الا جات الممرضة.. قالت ياللا لازم غرفة الولادة.. عشان تصيري تحت المراقبة..
جلست اودعه واني على سريري.. واقوله لاتجي وياي ماابغاك تشوفني..
اصر الا يوصلني على الباب..

جات الدكتوره .. تحسي بألم.. قلت لها محتمل.. وين.. في بطني وظهري..
متى اكلتي.. من الصباح مااكلت شيء من فطوري..
قالت ليش قررتي تولدي طبيعي.. قلت لها عندي امل اولد طبيعي.. دام ان الاثنين خطرين على حياتي.. خليني احاول.. قالت على هواش.. بس لاتلوميني.. انتين اللي قررتي..
قلت لها خلاص.
مرت ساعة وساعتين .. وبعد 3 ساعات..
بديت احس بطلق خفيف.. واني احاول قد مااقدر اتمالك اعصابي لاانهار.. واتنفس بعمق.. وكل ماجا لي الالم ..{ اقول ناد علي مظهر العجائب .. تجده عوناَ لك في النوائب.. كل هم وغم سينجلي بولايتك ياعلي ياعلي ياعلي}..
واذا شد الالم.. بزياده.. كنت اقول .. احضر لي ياعلي...
..{ جات لي غرفة الولادة بنت عمي.. حاولت تهديني شويات.. استانست لمن دخلت علي}.. وحسيت ان احد وياي..

الساعة 9.. بدأت مرحلة الترجيع.. كان كل مايخف الطلق.. اقعد ارجع..
حطت لي ابره عن الترجيع في المغذي ولافي فايده... صرت ارجع اكثر.. وبديت اتعب..
مسكينة العاملة.. كانت كل شوي تجي تنظف.. توها تدخل اقول لها برجع.. مايمديها تحط الكيس عندي الا رجعت عليها.. وعلى الارض..
حتى اخر شيء قالت لي ماما لايسوي ترجيع على الارض.. هذا كيس خليه عندك.. وماكملت كلامها الا رجعت عليها..لعوزتها مسكينة..

الساعة 10 ونص.. جات لي الدكتوره.. وفكت الجهاز من علي..
طبعا الجهاز مركب من 4 ونص العصر الين 10 ونص.. مافكيته الا لمن بدلت ملابسي عشان بروح غرفة الولادة..
وقالت لي اذا بتروحي الحمام روحي.. رحت الحمام.. ورجعت... جات لي دكتوره ثانية.. واستغربت انها جات.. لان انا ممنوع احد يكشف علي الا اذا كان اخصائي.. { لان كان في الليل وانا المفترض يولدني استشاري بس دكتورتي تنوب عن الاستشاري في الليل}.. قالت بتكشف.. قلت ياللا.. اكشفي.. من العصر لحد الان هذه المره الخامسة .. فرقت يعني دكتورتي او لا..
ماشفتها الا حطت التحميلة الطلق الثانية..{ اني سكت وداخليا متفأجاه منها... بس قلت يمكن صرحوا لها تعطيني التحميلة}.. بس الممرضة سألتها كم فاتح.. قالت لاتسأليني هالسؤال انا ماادري..
انا ماقالت هالكلمة الا انفجعت.. جاية تحط لي تحميلة ولاتدري اساسا كم فاتح..

ومن حطت التحميلة الثانية.. بدت الزلازل.. صارت تفرق بينها دقيقة.. وانا اتعفر عالسرير.. بس قد مااقدر مااصرخ.. بس اون.. واقول لاحقه .. جاي الاكثر.. خليني اتحمل ماابغى اصرخ.. بعدين اتعب ومااقدر اطلق..
وكنت كل ماجا لي الالم يزيد ويذبحني.. واني ماارردد الا ياعلي.. جت دكتورتي بعد ماتبدلوا الشفتين.. وصارت ممرضتي سعودية.. لان اللي قبل هندي..
ومادخلت عليي الا اني في نوبة ترجيع.. مستمر.. يمكن 3 مرات خلال اقل من نص ساعة..
وعصب لان الجهاز ماتركب علي مره ثانية.. المفترض بس 10 دقايق الوقت اللي بروح فيه الحمام.. اكرمكم الله وبعدين يرجعوه..
بس مع تبديل الشفتات.. نسيوني..
ركبوا التخطيط.. كل شيء كويس والحمدلله..
بس اني تعبانه.. ماكنت قادره اتنفس من كثر الترجيع.. ركبوا علي الاكسجين ونفس الشيء.. ماتغير شيء..
وكنت اصيح خلاص ولدوني قيصرية.. تعبانه مابقدر اولد بنتي.. اخاف يصير فيها شيء بسببي..
قعدت الدكتوره تقول لي م واني قلت لش لاتلوميني.. من البداية سألتش ليش ماخترتي قيصري..
قلت لها عندي امل اولد طبيعي.. واني اصيح.. قالت خلاص بوديش قيصري.. اساسا عمليتش اضرارية.. انتين مو قادره تتحملي.. وبديتي تختنقي..
قالت بس قبل بكشف.. كشفت الا فاتح 4 سم.. خلال ساعة بس.. من 1 وصل 4 ..
جهزوني للعمليات بدلوا ملابسي..وحطوا على رآسي القبعه.. وحطوا لي القسطره.. ومن حطوها حسيت شيء بينزل.. قلت لهم الحقوني.. خلاص شكلي بولد.. القابلة على طول دخلت ايدها.. الا الرحم بدأ يدخل عالـ 5.. ولا حجم بنوتتي مره صغير كيلو وشويات.. قالوا خلاص احتمال تولدي..
وفي هالوقت.. بدأ جهاز التخطيط.. يطلع نتائج مو كويسة..
النبض مره صار قليل.. تقول لي الدكتوره ياللا.. فلانه.. عالمعليات الحين.. الجنين لايصير فيه شيء..
قعدت هنا اصرخ.. ياعلي بموت وبنتي بتموت.. والقابلة تهدي فيي.. صلي على محمد مابيصير فيكم شيء.. انتخي بأهل البيت مابيخيبوش.. واني اصيح ادري عنهم مابيخيبوني بس خايفه على بنتي.. خايفه عليها..
وهم يمشوني بالسرير.. اقولهم بكلم رجلي.. بقوله بيدخلوني العمليات..{ كانت الساعة 1 الا ربع نص الليل}..
الدكتوره تقول: العملية اضطرارية مافي مجال تستشيريه خلاص.. قلت لها مابستشيره بقوله يدعي لي .. ماعندي احد اهلي كلهم سافروا وخلوني.. ماعندي الا هو..
كلمته : غناتي.. ترى اني ماولدت بيدخلوني عمليات.. ادعي لي ماعندي احد غيرك.. لاتنساني..

واحنا بالسيب.. الدكتوره كانت ماسكة ايدي وتقول لي ادعي لاولادي في غربة ولاادري متى يرجعوا لي.. انتين الحين في جهاد .. ادعي لي وادعي حق كل اللي تبغيه..{ ماجا في بالي الا شخصين.. زوجة حماي.. وشلوى}..

برقع ذهب
08-03-2012, 06:32 AM
دخلت غرفة العمليات.. وكان موجود دكتور هاني.. كلهم رجال.. يحاولوا فيي اقوم من سرير الى الثانية.. مو قادره.. اقول لهم ساعدوني مو قادره اتحرك.. شيلوني.. وجابوا لي ممرضة من برى ونقلتني للسرير..
انسدحت وجا دكتور هاني على رآسي.. واقوله: دكتور بنتي آمانه في رقبتك لايصير فيها شيء..
وهو يقول لي.. الا هالشيء مااقدر ائتمن عليه.. آمنيه رب العالمين..
ورفستني بنوتتي كم رفسة ببطني.. وغطت عيوني.. ماحسيت بشيء.. وكانت الساعة 1..
صحيت الساعة 3 الا ربع.. صوت الاجهزه في غرفة العمليات.. حسيت اني في حلم..
ابغى شييء يطمني ان كل شيء بخير..
الا بصوت الممرضة جايه.. تسأله بالانجليزي.. شخبارها قال اوكي.. بخير.. بس يمكن ماتصحى بدري من التخدير بسبب نقص الاكسجين اللي عندها.. واللي جابته..
قال بنوته... عاشت بس احتمال كبير تموت..
وتطمنت ان بنوتتي عايشة.. وغمضت عيوني<~ هالوقت كله على بالهم اني نايمة..
جات الممرضة تصحيني بينقلوني غرفتي.. فلانه اصحي.. خلاص ولدتي..
وجبتي بنوته قمر..
قلت:اكيد.. عاشت.. قالت اكيد وش فيش مو مصدقة..
مافيها شيء.. لا مافيها الا الخير..
وطول ماهم ينقلوني الى غرفتي .. اني دموعي تخر.. ومو مصدقة ان بنتي عايشة..


وكل شوي اسألهم عنها.. وهم يقولوا احنا ماندري هي عند عناية الاطفال الخدج ..
ابي جوالي ياناس.. ..{ ضاع بين الحوسة اللي صارت في غرفة الولادة}..
كل مايدقوا عليه مقفل.. وفي الاخير الصباح شافوه وجابوه لي..
وحطوه لي في الشاحن عشان ابي اكلم زوجي..
غمضت عيوني براحة.. الا زوجي مصحيني..
ا م فطوم.. الحمدلله على السلامة.. غناتي..
من فتحت عيوني.. ماقدرت اتمالك نفسي ومااصيح..
غناتي رحت اليها.. قال أي رحت .. زي القمر بس صغيرونه مره..
مافيها شيء.. لا مافيها شيء بس صغيره.. دعواتش اليها.. كم يوم بتطلع وبتعفس لش البيت..
بس انتي اهتمي في نفسش ورجعي صحتش.. وهي بتصير كويسة..
..{ كانت ملابسه مليانه ماي.. لان اغمى عليه لمن عرف اني لسه عايشة انا وفطوم}...


وسلامتكم..


حرر يوم 15 / 4/ 1433..
برقع ذهب



الشكر الجزيل لمن وقف الى جانبي في الفتره العصيبة..
خصوصا قروبي الجميل..
{ مس سويت.. جومانه.. ام رؤى.. ليل برايد.. شمعة وانطفت.. خوخه.. امووون}..
ولكم ايضاَ.. احبتي..
..{ ولكل من دعا لي بالشفاء والسلامة}..


وسامحوني على الاطالة.

الذوق الرفيع
08-03-2012, 07:28 AM
برقع غناتي
الحمدلله على سلامتش ... تأثرررت مررة واني اقرأ
لكن فاطمةطير في الجنة وشفيعة لش ولأبوها
الله يعوضش ويرزقش بأخوان وخوات ليها يااارب ياكريم ....

جنـآن
08-03-2012, 10:37 AM
برقع دهب
والله دمعت عيوني واني أقرأ
من جد كانت متعبة ولادتش اهم شي قمتي بالسلامه
وألف الحمدلله على سلامتش
وفاطمة طير في الجنة تشفع لش يااارب
والله يعووضش قرريب يارب ووتعوضي بالحمل السليم المعافى يااااارب

daniah
08-03-2012, 11:46 AM
برقع ذهب الحمدلله ع سلامتش غناتي
دمعة عيني وانا اقرا قصتش
الله يعوضش ياااااااااااارب عاجل غير اجل

galamor
08-03-2012, 12:31 PM
برقع .. علمتني قصتك كذا مره

بس ما توقعت تكون عندك القوه و تكتبيها



الله يعوضك قريب

ومشكوره ع دعواتك

رياحين الجوري
08-03-2012, 01:53 PM
برقوعة ..نزلت دموعي وانا اقرأ عانيتي وايد في الولادة وان شاء الله فاطمة بتكون شفيعة لك ولابوها في الجنة والله يعوضك ان شاء الله

ذاكرة الكرز
08-03-2012, 02:27 PM
الله يعوضش خير يا غناتي / برقع ذهب

ما قدرت اتحمل واني أقراها ،

يارب ما تحول عليش السنة الا بحضنش صغيرش اللي ينسيش الدنيا وما فيها

ياسمين الولاء
08-03-2012, 02:59 PM
برقع الذهب حبوبة الحمد لله ع سلامتج ياقلبي

والله يعوض عليج ان شاء الله والصابر له اجر وله خير كثير من عند رب العالمين

وربي نزلت دموعي تأثرت من قصتج بس الحمد لله ع كل حال

عاشقهـ M
08-03-2012, 05:04 PM
الحمد االله ع سلامتك برقع ذهب
قصتك مأثره وولادتك صعبه جدا...
والله يعوضك ياااارب..شفيعه لك .. فاطمه

لحناني روايــــــــه
08-03-2012, 09:01 PM
برقووع الحمد لله من يوم الله سلمش

وفاطمة طير في الجنه شفيعه لش ولي ابوها

وربي يرزقش بنيات وصبيان ويملوو عليش البيت و يونسوش


ادمعت عيني !_!

مثل القمر
08-03-2012, 09:27 PM
برقوعه الحمدلله على سلامتش وربي يعوضش ان شاء الله تشفع لش في الجنه ولش اجر عانيتي وصبرتي وان شاء الله ربي ينولش مرادش قريب يااااارب

دمعت عيني واني اقرا مره مؤثره قصتش وتعبتي واجد

الفراشة الحمراء
09-03-2012, 12:51 AM
برقع غناتي

الحمدلله على سلامتش وفطوم طير من الجنه
وتشفع لش يوم القيامه
والله يعوضش
اندمجت بالقصه حيـــــــــل
جعل ربي يوفقش

همس القلوب 2011
09-03-2012, 02:48 AM
برقع ذهب الله يعوض عليش و يعطيش مثل ما عطاني قصتش مشابهة الى قصتي و حتى اني سميتها فاطمة و جبتها في الثامن و قالوا لي ما بتعيش حتى ساعة بس ربي خلاها عشرين ساعة و بعدين اخد امانته ما نسيتها و ما بنساها طول عمري بس الحمد لله ربي عوضني ببركات ام البنين و عطاني محمد و الزهراء ربي يحفظهم و يهديهم
طاحت دموعي و اني اقرأ تذكرت كل شي صار في ذاك اليوم و بجد حسيت فيش

عاشقة خطيبها
09-03-2012, 05:43 AM
إلحمدالله علئ سلامتكم

مونيا
09-03-2012, 04:10 PM
غناتي برقع
الجهال انجيبهم مايجيبونا
واهم شي سلامتش
وفاطمة طير من طيور الجنه وهي عند الكريم اللي احسن منا كلنا
الله يرزقش ان شاء الله ويعوضش خير

عازفةاوتار الأمل
09-03-2012, 05:35 PM
برقع ذهب الحمدالله ع السلامة

والله يعوضك قريب يارب

وفاطمة طير في الجنة

طاحت دموووعي

الله يرزقش ويرزقني ويرزق كل المحرومين بحق محمدوآل محمد..

زهرة حياتي
09-03-2012, 07:04 PM
برقع اهم شي قمتي بالسلامه

وفطوم بتوقف لش على باب الجنه

ربي يعوضش ان شاء الله

الولائية
09-03-2012, 07:23 PM
برقوعه : دمعت عيوني وأني أقرا قصتك لاني حاسه فيك غناتي مريت بنفس التجربه مثل ما انتي عارفه أني بعد كنت مسميه بنتي فاطمه بس الفرق
أنه بنتي ماتت في بطني آخر اسبوع في التاسع وكان عذاب نفسي بالنسبة لي ربي يعوضني ويعوضك يارب

المزيونة
09-03-2012, 11:28 PM
قصصكم جميعااا مؤثرة في منهاا تخووف ومنهاا عادي بس اهم شيء السلامة


برقع ذهب ربي يعووضك فاطمة طير بالجنة

ماء الكوثر
10-03-2012, 01:41 AM
برقع دموعي طاحت وانا اقرا قصتك
الحمد لله على السلامة غناتي

ويارب نسمع خبر حملك وولادتك هالسنة بحق محمد وال محمد

قطعه سكره
10-03-2012, 07:50 AM
الله يعوضش خير برقوعه

اتحمست قبل لاتكتبي قصتش مرة ولما كتبتيها اثرت في نفسي

بس الله مايكتب الا الي فيه الخير والصلاح للعبد

وتشفع لش يوم القيامة يارب

Alma
10-03-2012, 09:51 AM
يآعمري برقوعة بجد صبورة ~
يآالله اندمجت بالقصة وعشت ويآك لحظآت صعبة خآصة إن الأهل مسآفرين وانت بأمس الحآجة لوجودهم ~
وفطوم القمر ياغنآتي طير في الجنة
هنيئاً لك الله اختآرك لهالامتحآن وكنتِ صابرة بالرغم من كل شي
يآرب نفرح قريب بأحلى بشآرة ويكون حملك سهآلة ونشآركك في يوميآتك يآأارب ~
( برقوعة ولدتي في نفس فترة حملي الحين 31 إسبوع )
أحس مآبقى شي ع الولادة إن شاء الله سهآلة :)

وردة الربيع
10-03-2012, 04:00 PM
ابتهال احمد قصتك حليوه ربي يسهل عليك هالمره غناتوووو
برقع ذهب قصة اولادتش ماثره الله يعوض عليك غناتوووو

~عروس~
10-03-2012, 11:07 PM
على قلبي برقوعة . .
كله بأجره يا غناتي ، و الله يرزقك يارب و يرزق خواتنا المنتظرات إن شاء الله . .

وردة وردية
13-03-2012, 12:45 AM
برقع
قصتش مؤثرة مرة
الله يعوضك يارب
ويرزقنا بالحمل قريب مو بعيد

همس الموج
13-03-2012, 01:40 AM
برقوووعه ياعمري

تنتظرش عند ابواب الجنان يارب المتني قصتك بشكل موجع لم اتصوووره

ان شاء الله تجي وتكتبي ياغناتي قصتش الحلووووةة بالنونو الي راح تجيبينه

حبيب الروح
13-03-2012, 02:23 AM
بسم الله الرحمن الرحيم
اللهم صلي على محمد وآل محمد


:)قصة ولادتي في مستشفى الرعاية بروكير
حددو ليي اني اولد تاريخ 18\3 وفي رواية اخرى 23\3 :p
واني قلت ان شاء الله اولد في مولد النبي اروح اتسمع وتالي اولد
وزوجي يقول ليي مستحيل مابتوصلي بتولدي قبل قلت اله تتحدي قال اييه
وتحدينا من 50 ريال خخ:D
المهممم
جى تاريخ 10\3جمعة بيت اهلي ورحت قعدت وياهم ولافيني ولا حاجه
وامي تقول ليي طلعتي الله يسهل عليش يابتي شكلش تعبانه منتين قادره تخفي روحش
قلت ليها ان شاء الله دعواتش:o
ورحت الشقه ونيمت بنوتتي وجلست اني وابو الشباب نكايس حق ولادتي
وتالي قال ليي مافي سهر على النت قومي نامي قلت اله بسحر لاني كنت ناويه اصوم
وصليت الفجر ونمت
تاريخ 11\3 جلست من النوم على الساعه 10 ونص الصباح وأحس شي ينزل مني
ما هتميت وقلت اكيد افرازات بس كلما احرك رجولي يزيد قمت رحت اشيك الا هو دم واجد:eek:
ورحت على طول صحيت ابو الشباب وقلت اله داكو طلع مني دم وهو يقول انزين ودم لاتخافي واني عادي اصلاً مو خايفه خخ
الا يقول ليي يمديني اروح احلق :cool:<<-- متفرغ خخ
قلت اله ايه يمديك وطلع يحلق واني رحت اسبح وسبحت بماي حار اخليه ينزل في ظهري وقعدت تقريبا نص ساعه
وتالي جلست ادور حصن الحصين كان اقرا الثمانون ايه ولا شفته
وفتحت النت وقريتها منه
والالم يروح ويجي
وبعدين ادن وصليت حاولت اصلي واني واقفه ماقدرت يجيني الطلق واتعوصر
صرت تالي اصلي واني قاعده
خلصت صلاه وقعدت امشي في الشقه
وجى ابو الشباب ويقول ويش بعدش مابتروحي المستشفى
قلت اله لا ماباروح الحين
وتالي دكرت اني اجهز الثياب وباقي الاغراض في الشنط
واني ارتب ويجي ليي الطلق واوقف ويروح واجلس اكمل
وجهزت ثياب لبنوتتي علشان بوديها لاختي
طبعاً قبل مايئدن الظهر كنت مكلمه اختي وقلت ليها الي صار
وقالت ليي اصبري مو تروحي من الحين
قلت ليها اكيد ماباروح باروح الساعه 2 وعلى المشوار الا صارت قريب 3 كدا
وقلت ليها ادا مداني بروح احف بعد قبل لا اروح المستشفى:rolleyes:
قالت يبغلش
وسكرناا
المهممم نرجع لمحور حديثنااا:p
وين وصلناا
اييه
وصلت الساعه 1 ظهراً
وقعدت البنووته علشان تتغدى ويا ابوهاا
ومن قعدت بتي وشفتها قعدت اصيييح صيااح واحضنها:(
واقول لزوجي انتبه لبنتي:(
وهو يهدي فيي
وتالي راح حط الغداا ويقول ليي تعالي تغدي
قلت اله ما ابغى شي ماليي نفس:(
قال انزين تعالي قعدي ويانا
رحت جلست وياهم ولا اكلو شي الا شوي
حتى هو صار ماله خلق ياكل
دكرت ان عندي علبة اناناس فتحتها واكلتها وتالي اكلت تمرر
وبشوي ما اشوف الا الطلق قام يجيني كل دقيقه او 3 دقائق
قال ليي رجلي خلاص قوومي المستشفى
قلت اله الحين 1ونص باقي نص ساعه
يقول علما نودي بتش لأختش وتقولي بتروحي تحفي
خلاص قومي بعد ويه
قلت اله يالله
وحمل اغراض المستشفى وبته ونزلو
واني حملت ويايي القران واغراضي عن لا انسى شي
ودفعت صدقه بنيه تسهيل ولادتي
وقريت سورة الفاتحه واهديتها لام البنين عليها السلام ونزلت
دقيت على اختي وقلت ليها دحنا في الطريق قريب نوصل لش
قالت لاويه تروحي من الحين قلت ليها خلاص مو قادره خيووه
صار الالم كل دقيقه او 3 دقائق
قالت صحيح خلاص عجل يبغلش تروحي
قلت ليها حتى الحفاف مو رايحه لان زاد الالم
وصلنا وعطيتها بتي
واني فيي الغبنه على بتي :(
وبما ان المشوار بعيد
طلعت القران وقعدت اقرا سورة مريم
وادا جى الطلق امسك مقبض باب السياره بقوة بدون ما اصورخ
علشان لا يتوتر زوجي
وخلصت من سورة مريم
وقعدت اقرا سورة الزلزله 7 مرات
وتالي سكرت القران
وقعدت اسولف ويا ابو الشباب
وهنا ذكر ابو الشباب التحدي خخخ
قال صحيح وينهي خمسيني قلت اله ماعندي صرف :Dخخ
قال اصرف الش قلت اله ماني عاطتنك شي
يقول لو انا من زمان فتحتي بوكي واخدتيها
قال يالله بسامحش هالمره
وتالي اقول اله تخيل يقولو ليي الرحم مش مفتوح ولا فاتح بس واحد
يقول ان شاء الله ازيد
قلت ان شاء الله
ووصلنا بروكير على خير
وقال بوقفش عند الطوارئ وبروح ابركن السياره
قلت اله لا بركنها وبمشي وياك لباب الطوارئ زين ليي المشي
وكان داك اليوم هواا قووي واني امشي يدفني خلاني كني قاعده اركض :Dخخ
ودخلنا داخل الطوارئ
وراح ابو الشباب وقال ليهم ولاده
واني دخلوني غرفه وجت ممرضه وقالت ليي تحسي بالم ووشي طلع منش ومن هالكلام
وتالي شافت الضغط والحراره
وراحت وجت وحده ثانيه ليي وسئلتني انتي بكريه قلت ليها لا
قالت في اي اسبوع انتي قلت ليها 28 اسبوع و6 ايام انصدمت:eek:
قلت يووووه اقصد 38 اسبوع و6 ايام:p
وسئلت بس دم طلع منش قلت ايه
وراحت
وجلسنا ننتظر يمكن عشر دقائق او ربع ساعه
وناد علينا ممرض وهو حامل ملفي وقال لينا تفضلوو
وراح فتح لينا الاصنصير وركب ويانا لفوق قسم الولاده وعطى ملفي هناك الممرضات وقال لينا تفضلو داخل
ودخلت قسم الولاده:)



تــــــــــــــابع

حبيب الروح
13-03-2012, 02:25 AM
وزوجي صادوه قالو اله تعال حط في رجولك كيس
ودخلوني الغرفه
وقعدت اشيك فيها <-- الي يشوفني يقول كني رايحه غرفه فندق مو مستشفى قاعده اشرف عليها خخ
وحليوه الغرفه نظيفه وفوق جهاز التخطيط قران كبيييير محطوط ويكون جنب السرير
وتالي جت الممرضه وعطوني اللبس الي مهوا من ورا خخ
فصخت عباتي ورحت لبسته
وزوجي يضحك على لبسي الجميل :D
وقعدت على السرير واخدو مني تحليل دم وتالي عطوني ابره الحساسيه
وتالي عطو زوجي ورقه صغير ونزل تحت يسوي الاجراءات
وبعدين الممرضه قالت بتعطيني الحقنه الشرجيه قلت ليها فضيت في الشقه
قالت انزين وين بيت انت قلت القطيف قالت لا عجل لازم حقنه
وعطتني وياها وبس دقيقه ورحت الحمام ورجعت وحطت عليي المغدى والتخطيط
وخلتني امطح على جنبي اليسار وحطت ليي مخده
تقول علشان تنفس البيبي
وقالت لينا نطفي جوالتنا ثنينا لان يئثر على التخطيط وطفيناهم
ولبستني الاسواره الي فيها اسمي وجابو ورقه ابصم فيها علشان لاولدت يبصمو رجايل البيبي فيها
وسئلت الممرضه قلت ليها وين التلفزيون ليش شلتوه
قالت خربان في التصليح
قالت تبغينا نوديش غرفه ثانيه فيها تلفزيون قلت ليها لا خلاص عادي
وبشوي الا جت دكتوره مناوبة قالت اسمها ربيعه وتسئلتني عن اخباري مره طيبه وحليوه
وقالو لزوجي تباعد مناك علشان بيقيسو كم فاتح




وقاست وماشاء الله عليها ايدها خفيفه ماحسيت ليها
وقالت فاتح 5 سم استانسنا اني وابو الشباب
وقال ليهم اعطوها طلق صناعي كان تولد بالسرعه :D
قامو يضحكو عليه
وطلعت الدكتوره ومرت ساعه واني اتئلم وجت وقاست الا هو نفس الشي 5 مو راضي يتغير
اتحطمت قلت كل هالالم وبعدهو 5 ماتغير
وبشوي الا انفجر كيس الماي
وقلت للممرضه انفتح المااي
وجت تشوف هل الماي نظيف ولا الجنين متبرز
الا طلع الجنين متبرز شوي
قال زوجي للممرضه وهل خطير
قالت مافي خوف ان شاء الله تولد بسرعه
قال ليها متى تقريبا تولد
قالت على المغرب
ويجي الالم ويروح
وزوجي يحاول يضحكني بس ابتسم على خفيف ماليي خلق:(
وجت عودت الدكتوره تقيس واشوف ادخل ايدها واجد ازيد
بس مع دلك ايدها خفيفه ماتعور
وبعدهو 5 ماتغير وقالت عنق الرحم طويل والجنين مو نازل عدل في الحوض:(
وتالي الممرضه ضربتني ابره في خاصرتي من فوق تقول هدي الابره علشان تقلص الرحم
ويضيق على الجنين علشان ينزل تحت عدل
وعطوني الشي الكريههههه جدااا والمخيييف
الطلق الصنااعي
الله لايضوقه احد
جتني الزلازل والبراكين وقعدت امقع شعري واضرب راسي بحواجز السرير
وزوجي يهدي فيي واني ولافي فايده ازيد
اضرب واهز حواجز السرير وزوجي يقول ليي شوي شوي على السرير لا تكسريه خخخخ
واني اطلع فيه بحقد:mad:
اني اتئلم وهو قاعد بدون الم:mad::mad:
وتالي اقول اله كل منك كل منك كل الي أني فيه منك:(
الا يقول سبيني قولي الي تبغيه طلعي الي في قلبش
انقهرت وسكت عنه


قلت اله باموت قال ليي مابتموتي بترجعي لينا ان شاء الله بالسلامه
وتالي قام يزيد الالم ازيد
وقعدت اصوووووووورخ بكل قوة وجو ليي الممرضات وقالت ليي مافي صريخ
تالي لما يجي الولاده مافي قوة
اخدي نفس احاول بس ما اقدر
وجت الدكتوره قاست الا هو صار 6سم
قالت تبغي ابره مسكنه
قلت ما ابغى:(
وطلعو عني
ويعود يجي ليي الطلق الحاااامي واعود اضرب راسي بحق السرير واقول ابغى اموت ابغى امووت
وامطح على ظهري قلت بلا تنفس الجنين بلا بطيخ خلاص مو قادره بس امطح على جهة اليسار
وارفع روحي بقوه وزوجي يقول الوايارات انتبهي
يقصد حق المغدي والطلق
قلت اله اسكت عني ماعليي :mad:
واني اصورررخ من الالم الي مو طبيعي
وتالي جت الممرضه تقول لاويه انتي ماتبغي مسكن
قلت ليها خلاااااااااص جيبي هالمسكن وقال زوجي متاكده تبغيه
قلت اله خلاص مو قادره
وراحت تجيبهاا واني اتقطع من الالم
واقول لزوجي روح ليهم بالسرعه ليش اتاخروو ابغى المسكن بسرررررعه
يقول توها رايحه الحين بجيبوه
وجت واني اقول ليها بسررعه جيبيهاا
وضربتني وياها بالعضل
والالم بعدهوو وقلت ليها متى هالالم بيروح
تقول انتي في ولاده لازم في الم
كانت حنونه واجد هالهنديه:o


تــــــــــــابع

حبيب الروح
13-03-2012, 02:26 AM
وزوجي يقول بنزل اشرب ماي واني ادري عنه ماتحمل يشوفني بهالحاله:( وطلع
وقلت للممرضه طفي الليتات عن حساب عطتني مسكن بانام ليي شوي:p
قالت ليي ادا تبغي شي اضغطي على الزر وطفت الليتات وطلعت علشان ارتاح
وني امطحت وتقنعت فرحانه اني بنام شوي:p
والله العظيم كنها مو عاطتني مسكن كنها عاطتني جرعه زائده من الطلق الصناعي
ما اشوف الا الالم صار كنه اعصاااااار لايستحمل
مافي الا اصورخ بقووة زعزعت المستشفى
واقول ياااااااااربي ياااااااااااعلي ياااعلي ياربي
خلصوووني من هالعذاااب
( ومن جهه اخرى خواتي يدقو عليي وعلى زوجي بس جوالتنا مطفيه قامت اختي ودقت على المستشفى
وقالو ليها الحين فاتح ليها 5 والحين فتح 6 كلما ادق ينقلو ليهم اخباري
صارو يطمنو عليي من الممرضه)
ولازال مسلسل الالم متواصل
مايعطيني فرصه اتنفس
وبعدين ما اشوف روحي الا زي الي بدفع مع الم قوي
وبدون شعور قعدت اعصعص على الزر بقوة
وجو يتراكضو ليي وشغلو الليت وقالت في دفع
قلت ليها ايييييه
وشرفت من تحت وختلعووو
وسوو حاله استفاار والممرضه ماسكه ليي الرحم من تحت لان الراس بيطلع خلاص
علما تجي الدكتوره
وجت الدكتوره وبسرعه تلبس لبسها
ويقولو ليي لا تدفعي
وقسمو السرير
وحطو فوق بطني فوطه
ودفعت دفعه
وطلعت بنتي للحياااة
تقريباً كانت الساعه 5:35
وحطوها فوق بطني وهي تصيح بعد عمري ورتحت قلت خلاص راح الم الطلق النحيس
وتالي اخدتها الممرضه وراحت تركض ابهاا
وبعدين شالو المشيمه
وبنجوني وحسيت بنغزة وتالي ماحسيت بشي ابدا
وقلت ليهم سويتو توسيع
قالو شويه بس
استغربت لاني ماحسيت وهم يوسعوني ابداً
خلصو خياط وحطو عليي قسطرة عفر مدري والله
بس لان قالو ليي بولي عزكم الله
وني مستحيه تالي مدكر بلت لو لا خخ
خلصو وطلعوو
وبعدين دخل رجلي وقال الحمدلله على السلامه
قلت الله يسلمك
قلت اله انت توك طالع وزاد الالم عليي وولدت
قال انا جيت الش بدخل ما اشوف الا يجهزوش للولاده
شان اسكر الباب وانحاش خخخ:D
قلت اله صحيح مانتبهت الك فكرتك توك جاي يوم خلصت ولاده
قال لا موجود واصلاً ماشربت ماي ولا شي ماليي خلق كان:(
وتالي دكرت اني عطشانه
وقلت لزوجي عطشانه وطلع وقال ليهم
وجابت ليي الممرضه غرشة ماي لعن الله يزيد
وزوجي دق على اهلي واهله وبشرهم
وبعدين قال انا بمشي تبغي شي ماشيات
قلت اله لا سلامتك
بس جيب جوالي جنبي
يقول خلي عنش الجوال ريحي
قلت اله جيبه عادي مرتاحه
وطلع وقعدت ادق على خواتي
وبشوي جو حقات النظافه ونظفوو وصار المكان نظيف بسرعه
وجت ممرضه وقالت ليي 6 ونص بنركبش فوق
وجت 6 ونص وجت ممرضه لبستني الكلوت
وقلت ليها بسبح اول هني قالت ممنوع فوق بس
وجابو ليي سرير وحطو اغراضي فيه وساعدوني اقعد فيه وركبوني فوق لغرفتي
وعلى طول من ركبت ساعدوني وقعدوني على السرير واغراضي حطوهم في الكبت
وعباتي علقوها في العلاقه
وقلت ليهم ابغى مخده بعد
وجابو ليي على طول
وقالت هدا الزر ادا تبغي اي حاجه اضغطي عليه
وبشوي الا جابو ليي عشى
كان عيش مع لحم وخضار + سلطة +شوربة + عصير وغرشة ماي
اكلت سلطه وشربت شوربه واكلت رز شوي واللحم ما اكلت لان ما ادري وش مصدره
وتالي جابو ليي منيوو
اختار منه وجبة الفطور والغدا والعشاء من القائمه الموجوده
وسجلت الي ابغاه وجابو ليي نفس الي اطلبه
وجيبو بعد الفطور عصير وفطيرة بيتزا وبعد الغدا عصير ودوناته
اكلهم عادي ماعجبني الا اخر يوم عجبني غداهم واجد
ويجو يقيسو الضغط والحراره 3 مرات صبح وعصر وليل ويعطوني حبة مسكن
وجابو ليي غسول مطهر وقالو اشطف ابه وفساره للجرح
والتنظيف يجو ينظفو في اليوم مرتين تقريبا
والحضانه لما اطلب بنتي على طول جيبوها ويخلوني اوقع
واليوم الثاني من ولادتي 12\3 جت ليي الصباح دكتورة ناديه
تتطمن عن احوالي وحسيتها حليوه حبوبة وطيبه
تسولف وتضحك ويايي
تالي جى دكتور الاطفال دكتور عبسي
وبعدين جو حقات مدري ويش حق ترضيع وحق مدري شنو
وفي العصر جى زوجي مع بتي ويوم بيطلعو خلاص يقول ليها ابوها سوي باي للماما
قالت ليي تعالي تبغاني اقوم اروح وياهم
وش بيدي نفسي اقوم واروح وياكم بس وش اسوي
تغبنت حزتهاا :(
وفي الليل جو ليي اهلي ولما طلبت بنوتتي جابوها على طول
ويوم 13 \3 يوم الخروج من المستشفى
جت دكتورة ناديه وكشفت على الجرح وقالت تمام
استمري على المرهم والمطهر
وقالت ان ليي موعد بعد سبوعين <-- وداني للحين مارحت ولا بروح خخ
ودقيت على رجلي قلت اله يجي يسوي اجراءات الخروج


تـــــــــــابع

حبيب الروح
13-03-2012, 02:27 AM
يوم جى وسوا الاجراءات
جت ليي وحده وعطتني دي الهدايا حقات بشاير
فيها سودو كريم سقط خخ وحفاظين بامبرز ومناديل جونسن وديتول وشامبو جونسن صغير بس عفر
ولما راح زوجي يسوي الاجراءات عطوه اوراق مكتوب فيها وش المفروض اسوي وما اسوي في فترة النفاس لي وللبيبي
وعطوني ادويه مسكن وفيتامين د لبنوتتي
وصلى رجلي الظهر والعصر واخدنا اغراضنا وطلعنا
ورحنا الحضانه
وجهزو بتي وقصو الاسواره الي في ايدي والي في رجول البنوته
وشالو ورقة الي على السرير الي مكتوب فيها اسم البيبي ووزنه و....الخ
وعطوني وياها وقالو احتفظي فيها للدكرى
وستنينا تجي حقت الامن
ونزلو ويانا لتحت
واخدت بتي وطلعناا
عجبني المستشفى والاهتمام من كل النواحي
والولاده كانت على التأمين
دفعنا بس 27 ريال
وخلصت وعذراً على الاطاله

حلاتي
13-03-2012, 02:50 AM
ابتهال احمد الف الحمدلله على السلامه غناتي صحيح طولتي فالطلق شويات بس ولاتدش حليوه
كنت دايم اقرا الولادات واتخيل نفسي بس لمااا جربت الم الولاده صرت احس فيكم وفكل الم تالمتوووه
الله يحفظ لك كتكوتتك وتتربى بعزك يارب ياكريم

برقوعه -ياغناتي الصبوره واني اقراااا فعلااا دمعت عيوني ماقدرت امسك حالي
بس هنيالش هنيالش على الصبر الي صبرتيه ومااستسلمتي حتى فالوقت الي ضعفتي فيه بشكل فضيع
الله يعوضش يارب وتكون ولادتش الثانيه كلهااا سهاله فسهاله ولو ما الله يحبش ويحب بنوتتش
مااختارهاااا له حتى تكون شفيعه لش فالجنه وهي الحين عند الزهرا ام الحسن سلام الله عليهااااا

حبيب الروح --الف الحمدلله على سلامتش شكلهااا قصتش حليوه
مابعلق الحين لاني ماقريت القصه انشالله بقراهاااا
عن قريب غناتوووو

ماء الكوثر
13-03-2012, 03:21 AM
حبيب الروح الحمد لله على السلامة

قصتك حلوة مع انها فيها طلق صناعي

بالغة فيها العروسة

مثل القمر
13-03-2012, 03:29 AM
حبيب الروح ماشاء الله عليش سردش لقصه مره مشوق وجميل وكاتبه كل التفاصيل حتى في شغلات واجراءات توني ادري عنها

استفدنا واجد منش :)

قصتش مؤثره خصوصا وقت الطلق الصناعي الحمدلله ارتحتي وولدتي بالسلامه وربي يخلي لش قمراتش وبالغه فيهم معاريس يااااااااارب

الفراشة الحمراء
13-03-2012, 03:50 AM
حبيب الروح

اني اول ماقريت القصه قلت اللهم صلي على محمد وال محمد ياليت اصير مثلها

بس من بعد الطلق الصناعي قلت يارب مااجربه

عجبني تفصيلش الى كللللللللللل شي

تمنيت ريلي مايشتغل حكومي واولد فخاص^_^ ((((((معنه مو مقصر معاي وقال لي انه عادي اولد فخاص

جعل ربي يقومكم بالسلامه انتين وبنتينشويخليهم لش والى ابوهم

غاليـة
13-03-2012, 10:32 PM
حبيب الروح مرررررره قصتك مؤثرة لحظات خليتي دمعتي تنزل ولحظات حسيت بألم الطلق معاك ولحظات خليتيني أبتسم وأضحك...

دمعت عيني معاك لما على قولتك بنتك صحت من النوم وقعدتي تصيحي وتقولي لزوجك إنتبه لبنتي ><

أنا على خير بولد ببروكير بعد...

بس سؤال ظليتي يومين بالمستشفى؟؟؟ هو كذا عندهم المده؟؟؟ حتى لو طبيعي؟؟؟

غاليـة
13-03-2012, 10:56 PM
برقع ذهب قصتك بكتني ودخلت معاك بالمعاناه والتعب...

الحمدلله على سلامتك...

حبيب الروح
14-03-2012, 12:41 AM
حلاتي

الله يسلمش

ونتي بعد الحمدلله على سلامتش


ماء الكوثر

الله يسلمش ياغناتي


مثل القمر

الله يسلمك

زين استفديتي منها ولو بالشئ القليل

احب اكتب بالتفصيل الممل خخ

والله يسهل عليش ياغناتي وتجي تكتبي لينا قصة ولادتش


الفراشة الحمراء

اني ببناتي ثنتينهم طلق صناعي :(

والله يسهل عليش ولاتحتاجيه

ومو شرط الخاص يكون عدل المستشفيات حظوظ

واهم شي السلامه :)


غاليه

الله يسلمك

ايه المستشفى نظامه كدا في الطبيعي يومين

والله يسهل عليش بوقتش

زهرة حياتي
14-03-2012, 01:21 AM
الحمد الله على السلامه

مبروك ماجاكم

تذكرت ولادتي ببنتي في نفس المستشفى

وطلق صناعي بعد

ŚώΞěť ĐяэaM «•
14-03-2012, 02:15 AM
غاليتي برقوع لا آقلل من حجم الالم الحاصل ولاكني
أيقن ان ماحدث من اكبر نعم الله فـ من منا لايتمنى ان تكون له ذريه تسكت الجنه هنيئآ لك عزيزتي ~


حبيب الروح : استمتعت كثيرآ بقصتك رغم الالم الذي عانيته ~
الحمدالله ع سلامتك وسلامه البنوته
شجعتيني وايد ع المستشفى لان اتابع هناك ولادتي بتكون هناك ع خير يآرب تجربتي فيه تكون مثلش
بس جا ع بالي سؤال بصمه البيبي عطوش وياها لو ؟
لان حآبه اخذ بصمه الرجل والايد حق البيبي وابغي اعرف هل لازم اطلبها ؟

galamor
14-03-2012, 02:53 AM
سويت معذره بجاوب البصمه تطلبيها ويعطوك اياها :)

حلاتي
14-03-2012, 03:40 AM
حبيب الروح ---ياعمري الماما جلست اقرا قصتش بكل رواقه ذكرتيني بقوه الم الطلق من جد الم فضيع لايطاق
بس الفرق اني طبيعي ماعطوني طلق صتاعي حمستيني بقوه اكتب ولادتي بكل تفاصيلهاااا --ياحبهااا للتفاصيل هههه
وعجبتني عنايه المستشفى مااااااااااااااااااااااااااره الله يخلي لش بنوتاتش الصغانين وتبلغي فيهم يارب ياكريم ( :

برقع ذهب
14-03-2012, 04:39 AM
الذوق الرفيع.. جنآن..daniah.. رياحين الجوري.. ذاكره الكرز.. ياسمين الولاء..عاشقهـM..لحناني روايـــه .. مثل القمر.. الفراشة الحمراء.. مونيا..زهرة حياتي..المزيونة.. ماء الكوثر.. قطعه سكره..وردة الربيع.. ~عروس~.. وردة وردية.. همس الموج.. حلاتي.. غاليه.. sweet dream
الله يسلمكم جميعاَ.. وتسلموا عالدعوات..

galamor.. القصة كل يوم آقول بكتبها.. مو عشان احطها هون..
لاني ماابغى انسى التفاصيل.. خصوصا الحوارات اللي بيني وبين زوجي.. واصعب المواقف.. والحلم:o
.. والجزء المظلم من قصتي ماقدرت اكتبه.. بس بيجي اليوم اللي بكتبه فيه.. الله يصبرني. الجزء هذا مااحب اذكره..
لاني بحتفظ فيه بمفكره.. وكل بين فتره برجع آقراه..:(

همس القلوب 2011.. هم في الاساس مستغربين.. ان لسه عايشة في بطني.. وتتحرك طبيعي وفوق الطبيعي.. والنبض طبيعي.. { ماخاب من توسل بهم}..
بس كان عندهم الامل الكبير.. عطوني وعطيتهم آمل اني اقدر اخوض التجربة.. وكانت مغامره لي وللدكتور..
بس لمن طلعت من بطني.. كان متوقف النبض.. في الفترة اللي هم يسووا الجراحة.. وسوو الانعاش.. وعاشت.. لـ 36 ساعة..

عازفة على آوتار الامل.. تسلمي خيوه عالدعوات.. وان شاء الله ماتحول السنة الا بحضنك البيبي..

الولائية.. ماادري ليش لمن شفت اسمك دمعت عيوني.. ربي يعوضنا عن الفاطمتين.. ويكونوا لنا شفاعه عند من سميناهم بآسمها.. سلام الله عليها..

Alma.. سفر آهلي هو اللي صعب الامر علي.. وترك آثر في نفسي كبير..
ولادتي كانت في الاسبوع 34 و6 آيام.. بس الجنين متوقف كان على 28 اسبوع وكم يوم..
الله يسهل عليك.. يارب..
وتسلمي عالدعوات..

ŚώΞěť ĐяэaM «•
14-03-2012, 06:04 AM
قلآمور ثآنكس غنآتي يعطيك العآفيه ~

حبيب الروح
14-03-2012, 05:11 PM
زهرة حياتي

الله يبارك فيش

وان شاء الله ماتحتاجيه مره ثانيه


سويت دريم


الله يسلمش ياغناتي

وان شاء الله تجربتش تكون افضل مني

والله يسهل عليش بوقتش

اما بخصوص البصمه عطوني وياها الورقه بدون ما اطلب منهم

حلاتي

الطلق الطبيعي اهون ياغناتي

وان شاء الله ماضوقيه هالصناعي ولا احد يجربه

وبنتظار قصة ولادتش :)

Znaybah
16-03-2012, 02:37 PM
برقوع
يابعد قلبي الله يعوضش ان شاء الله .. ويجعلها لش شفيعة بيوم المحشر
تأثرت وايد من القصة ..
وان شاء الله نسمع اخبارش الحلوة وتبشررينا ياارب ..:)

حبيب الروح
ماشاء الله سردش مفصل .. الله يخلي لش القمورات
عجبتني عناية المستشفى ماشاء الله عليهم .. فرق السماء والارض
بينهم وبين تداوي النصابيييييييين >_<

برقع ذهب
16-03-2012, 07:04 PM
znaybah..~
تسلمي خيوه عالدعوات..

محليتهم
16-03-2012, 10:52 PM
آعذرووني خوآتي والله والسمووحة منكم لآني مآكملت الجزء الثآني

كتبته مرتين مره طفآ جهآزي والمره الثآنية يوم جيت آحط آعتمد طلع لي آني مومسجلة دخول وآنحدف وربي وآنقهرررت لآني تعبآآآنة عليهآ وعشت المعآنآة مرة ثآآنية:(

ع العموم جآري كتآبتهآ مره ثآنية ع بعضهآ كآملة وبسسدحهآ قريب

والحمدلله ع سسلآمة الجميع

برقع ربي يعوضش يآآقلبي قريب بحق محمد وآله مآنسيتش من الدعآء وآنشآءالله ربي مجيب للدعآء يآغنآتي:)

daniah
16-03-2012, 11:02 PM
محليتهم لو حطيتي اسم الدخول والباسووورد كان انحط ردش ولانحذف كل يصير لي كذا
لمى اكتب الرد يطلع لي اسم المستخدم والباسوورد واسجل دخول وينحط الرد
هالمره سوي كوبي ع العموم بانتظار قصاش عسوووووووله

لؤلؤه سوداء
17-03-2012, 12:56 AM
برقع ذهب الله يعوضش يارب بالذريه الصالحه حاسه فيشش غناتي
وحبيب الروح قصه حلوة وتتربى بعزكم الكتكوته بالغه فيها يارب

الفراشة الحمراء
17-03-2012, 06:06 AM
بأنتظارتش محليتهم^_^

نهج علي
17-03-2012, 12:17 PM
الله يعوض عليش برقع ذهب انتي تجيبيهم مو هم

والله يصبرش ويرزقش الذرية الصالحه

حبيب الروح
17-03-2012, 04:46 PM
زينبيه

تسلمي

ويخلي لش كتكوتش الحلوه

وياغناتي المستشفيات حظوظ

ياما ناس ولدو ببروكير ويذمو فيه

اهم شي طلعتنا بالسلامه :)


لؤلؤه سوداء

تسلمي حبوبة

ويخلي غاليش


محليتهم

بنتظار تكمله القصه

برقع ذهب
17-03-2012, 05:58 PM
محليتهم .. تسلمي خيوه عالدعوات.. ربي لايحرمني من دعواتكم.. آنا وخواتي المنتظرات يارب..
في انتظار قصتك ..

لؤلؤ سوداء.. تسلمي خيوه.. العوض للجميع الفاقدات يارب..

نهج علي.. تسلمي غناتي.. ربي يسهل عليك.. ونشوف قصة ولادتك.. اللي بتكون سهالة بحق الباري..

نور الفاطمة
18-03-2012, 06:15 AM
الحمد لله على سلامة بروقوعة الغااااااااالية,قصتك مؤلمة ,:( ما شاء الله عليش صبورة :)
الله يرزقش في القريب العاجل النونو الي ينسيش الالم الي عشتية وتكون الولادة طبيعية يارب يا غناتي...

حبيب الروح -الحمد لله على سلامتش ,حلو سردش للقصة ,الله يخلي اليش البيبي وتبلغي فيها عروس:)

نور الفاطمة
18-03-2012, 06:16 AM
الله يهدي وليدي واكتب قصة ولادتي

برقع ذهب
18-03-2012, 07:49 PM
نور فاطمة ..
تسلمي خيوه عالدعوات.. ربي يخلي لك طفلك.. ^.^
وفي انتظار قصة ولادتك..

تويتي
18-03-2012, 09:11 PM
يأي شوقتوني اكتب قصة ولادتي المتعسره


ههههههههه

الله حليوه الولاده

بس يمه تعوور
سبحان الله كيف ننسى ولمن نتذكرها ننبسط و نمبى نولد مره ثانيه

لحياتي الوان
19-03-2012, 01:53 AM
الحمدلله على سلامتكم كلكم ويتربى النونو في عزكم
والله يعوض الفاقدات
انا باذن الله اذا ولدت بجي اكتب قصة ولادتي
ادعوووووا ليييي مره خايفه منت الولاده الله يسهل علينا يارب
انا الحين في الشهر الرابع واسبوعين

وردة الوفــاء
20-03-2012, 02:47 AM
قررت أكتب ليكم قصة ولادتي ..
برررررب طويل شوي لأن القصة طوووويله هــــــععع....

وردة الوفــاء
20-03-2012, 03:03 AM
برقوع ياقلبـــي... الحمدلله على السلامة...

وفطوم ذخر في الجنة ليكم ...

بداية قصتش شبيهه لقصتي ... آآآآه بس تعبببت من كثر ماحطوا جهاز التخطيط ... أني خذيت 5 ايام من التاسع ^_*,,
بعدين بكتب ليكم قصتي...

برقع ذهب
20-03-2012, 04:50 AM
وردة الوفاء..
تسلمي خيه.. والحمدلله على سلامتك وسلامة النونو..
بالغه فيها..{ ان شاء الله}..

في انتظار قصصكم..

وردة الوفــاء
20-03-2012, 05:25 AM
اللهم صلِ على محمد وآل محمد ....
موعــد ولادتي المقرر من 16 – 20 شوال...
تاريخ ولادتي..25- رمضان- 1432هـ

المرحلة الأولى...
يوم السبت تاريخ 13 رمضان.. رحت موعدي بمستوصف مضــر عند الدكتوره الجديده منى...كنت قبل اتابع عند جليلة وهذهِ أول مره أدخل على منى...
المهم من المغرب وانا انتظر دوري مادخلت إلا 9و نص ... دخلت قات تسألني عن الثقل والتعب ووسألتني الشهر اللي فات سويتي سونار قلت لها لا .. قالت أجل لازم سونار ..
قلت لها اوكي ..قالت ل لكن الجهاز اللي عندنا خربان لازم تنزلي للدكتور... قلت لها أجل هونت .. ( أني عداوة ويا هالدكتور مارضا يقولي شنو جنس البيبي)
أصرت عليي قلت لها اوكي ..ونزلت مع زوجي عند الدكتور ثقيل الدم..سوا السونار وهو ساكت كالعادة...
لما فتحت الباب بطلع قال لي المية ناقصة .. شفته فتح بوزه واتحجى.. قلت له شو جنس البيبي.. قام يطالع فيي ويضحك ..رجعت سألته وشو جنس البيبي قالي من اول سونار سويته لك (بنوتــه ) قلت أي كل مره اسأل ما تقول لي وششوو
ونط زوجي سأله.. قاله وشو الميه ناقصه واجد لو شوي..؟؟؟
قال النص تقريباً ... اركبي للدكتوره وحتقول لك كل حاجة..
هني بدأ الرعـــب عندي .. كنت مستانسه أكد لي انها بنوته بس خفت من الماي وش سالفته...
جلست قوق بالإنتظار على أعصابي لين نادتني الدكتوره..
قالت لي انتين وين مقرره تولدي قلت لها بالولادة والأطفال.. قالت حنعطيك تحويل مع تقرير بحالتك وضروري تروحي المستشفى .. قلت لها ليييش في شيء خطير..؟؟.
قالت لا بس هم عندهم جهاز ادق ولازم نطمن عالجنين .. ارتحت شوي ..
وطلعت قلت لزوجي السالفه قال لي ان شاء الله مافيا لا الخير..
رحت لأمي وخواتي في احتفال بمناسبة مولد الإمام الحسن ...دخلت وقعدت وأنا ساكته امي تسألني وشفيش قلت لها مافي شي
قالت للا فيش شي ووجهش أحمر..وش صار في الموعد.. قلت ليها الماي ناقص وقالوا لي اروح المستشفى اللي بولد فيه اطمن عالجنين...
قالت لي اخذتي التحويل قلت لها لا ...رجعنا البيت امي قالت بكره تروحي قلت ليها باروح يوم الأربعاء قالت مو بكيفش بكره بتروحي...
كان زوجي يشتغل مع الشباب تجهيزات للمولد.. كلمته امي قالت له احين تروح تجيب التحويل وبكره بنروح المستشفى ,,,راح اخذ التحويل والدكتوره قالت له اشياء ماقالتها لي...
قالت له ان الوضع خطير عالجيني والماي ناقص واااجد...
واحتمال ولادة مبكر...هو قال لأمي الموضوع ...وانا ياغافلين لكم الله...

وردة الوفــاء
20-03-2012, 05:26 AM
المرحلة الثانية...
يوم الأحد تاريخ 14 رمضان ....
الساعة 10 الصباح ركبنا السيارة نشغلها ماتشتغل ^_^
زعلانه عشاني هههه.... المهم زوجي كلم عمي وقام راح معانا مريت على امي ورحنا ..
دخلنا من البوابة الرئيسية سين وجيم .. قالوا لا مايصير تدخلي ماعندكم تحويل من مركز صحي وانتي مو من سكان المنطقة...
المهم قالت لي الموظفة روحي جهة طوارىء النساء وإذا حالتك تستدعي بيدخلوكم...
رحنا جهة الطوارئ .. وكتبوا اسمي ...شوي نادوني.. رحت قالوا لأمي تجلس ماتدخل معايي .. اني خفت ..
بس قلت يالله شوي وبرجع..
دخلت على دكتورة الإسعاف سألتني انتي ماشفتي مويه تنزل قلت لها شافت النبض بالجهاز عادي تكلمت مع السستر ...
ماسمعتهم شنو يقولوا..
جت ليي وقالت تعالي وياي منشوف بالجهاز الثاني ادق .. قلت لها اوكي..
رحت وربطوني بالجهاز طلع مايشتغل ... جابوا جهاز ثاني ... المهم من الساعه 11 ونص لين 12 الظهر..ناديت عالممرضة قلت لها تعالي مابتشيلية ..قالت اوكي طالعت في الأوراق تفاجئت قالت لي لا تقومي انتظري بتجي لك الدكتورة...
سألتها النبض تمام قالت أي أي احين بتجي الدكتورة..
جت جابت الأكسجين والمغذي قالت راح نعيده في خطأ.. قمت رحت الحمام وحطوه مره ثانيه ,, مع الإكسجين والمغذي ودقيت على امي وجت ليي قعدت معاي مع ان كان ممنوع بس دخلوها ...
المهم زوجي كل شوي يدق خايفين يصير علينا يوم ... المهم عادوه ونفس الشي النبض ضعيييييف جداً ...
قالوا لي تنويـــــــــم..كنت رافضة اتنوم بهاليوم ابغى اطلع واستانس بالمولد ..
قالوا لي بتطلعي على مسؤؤليتش وتوقعي لو يموت الجنين انتي المسؤولة,,
خفت ورضيت بقضاء الله وقدره.. امي راحت لزوجي خلته يوقع على التنويم .. عطوني الفستان الوردي الجميل بدلت ملابسي .. وعطيت امي اغراضي وصحت شويونه وحضنت امي..وجلست عالكرسي وركبوني قسم التويم ..
جابو لي استشارية سوت لي سونار مره ثانية وودوني الغرفة اللي بنام فيها على هالحوسى وصللت الساعه 1 نص والزيارة تبدأ 2 .. كلمتهم لا تمشوووا تعالوا لي .
المهم على طول حطوا علي جهاز التخطيط ..ومايشيلوه ألا بس للحمام..
اعتدل النبض شوي .. وفجأة نزل مره وحده.. جابوا الأكسجين وحطوه وقالوا لا تشيليه وجابوا لي اكل ...
اكلت قالوا اعتدل شوي منشيله راحة.. طبعاً كنت بغرفة المحظه اللي جنب غرفة الولادة...
اسمع صوت الناس يصرخوا ويولدوا واني على حالي .. تأزمت من اسمع صوت وحده دعيت ليها ربي يسهل عليها وعليي..
طبعاً ماكنت انام ابددددددددد.. ظليت على هالحال والممرضات وحده رايحة ووحده جايه يواسوني كانوا مررره اخلاق كلهم قطيفيات وحساويات,,,
يوم ثاني جو لي الفريق الطبي مجموعة استشارين ومعاهم دكتور معاوية .. هو اللي باشر حالتي...
المهم نقلوني من غرفة الملاحظه للتنويم العادي..
وظليت الأحد والإثنين والثلاثاء جا لي الدكتور قال خلاص تطلعي بس تجي يوم الأحد الجاي تنويم ولادة...
سالته ليش قال احنا نبغاش تدخلي التاسع .. ويوم الأحد تدخلي التاسع..
وطبعاً اخذوا مني عينات دم وجهزوا لي دم في حال ولدوني قيصيرية...
وكان دمي نازل 8 ,,, وماكنت احب اكلهم في هال3 ايام ماآكل شي غير الماي والعصير .. اللمرضات رأفوا بحالي وكتبوا لي ورقة مسموح دخول الأكل ليي من بره ههههه واسطات ....

وردة الوفــاء
20-03-2012, 05:29 AM
المرحلة الثالثة..
يوم الأحد رحت فحوصات وسونار وتخطيط قالوا الحمدلله الوضع مستقر لحد الآن خلاص اطلعي وتعالي يوم الأربعاء عشان تاخذي كم يوم كمان من التاسع...
المهم رحت الأربعاء باللي يصير ليلة الخميس ... رحت عالساعه 9 بالليل .. اخذوا اوراقي وعطوني الفستان الوردي الجميل .. لبسته وركبت عالتنويم وركبت معايي امي ..وجا زوجي..
طبعاً كالعاده علطول حطوا التخطيط والمغذي واخذوا دم.. هو اللي دمي ناقص وكل شوي يسحبوا
أياديي صارت خريطه ..
المهم الساعة 12 بدأو معايي بتحميلة طلق صناعي ...الدكتورة قالت فاتح 1 سانتي..
وظليت ياشايلين التخطيط ياحاطينه..
الساعه 6 الصباح من يوم الخميس بتاريخ 25 رمضان...
موعد التحميلة الثانيه جت الدكتورة وحطتها سألتها كم فتح الرحم قالت 1 سانتي ...
تضايقت قلت شكلي مطوله...المهم ظلييت اتمشى في الممرات ..
الساعه 9 جوا كشفوا قالوا ماتغير من البارحة للحين 1...


الحييين بيبدأ الأكشـــــــــن..
المهم امي كلمت زوجة خالي تكلم ختها .. ختها قابلة بالمستشفى...
وقالت ليها عني.. جت لي مسكينه وماقصرت معايي..
شرحت لي كل شيء وقالت لي لو بتضلي على هالوضع بتتعبي باسوي لش توسيع للرحم بحيث انها تدخل ايدها وتفت لي الرحم ..أني في وقتها قلت اوكي راضية بأي شيء ...( لو مارضيت بالتوسيع كانوا بيولدوني قيصيرية)
آآآآآآه يألـــــــــــم بشكل مو طبيعي.. المهم سوت لي التوسيع وفتحته ل 5 سانتي...طبعاً هذه مساعده منها الدكتورات مايرضوا بكده ...
طبعاً هالوقت جا الألم من قبل ماكنت احس بشي..
رحت الحمام شفت نزل مني دم رجعت قلت ليها قالت أي طبيعي احنا مسوه فتحنا الرحم فزم ينزل دم واحين بيبدأ اياش الطلق...
5 دقايق وجا الألم صار كل شوي تجيني الطلقه مو عارفة اقعد ولا امشي ولا أنبطح ...
الساعه 11 جوا ليي صار فاتح 7 ...
قالوا خلاص غرفة الولادة...عطوني الإبرة الشرجية..رحت الحمام .. سألوني خلاص قلت لهم ايي وتوها جايه ليي الممرضة بتقومني وأرجع عليها وعلى كل شي...أنقرفت أقولها كيف اولد جدي قالت بيعطوش ثوب هناك قلت ليها طيب باغسل قالت اوكي غسلت وجهي وشعري .. ورحت ودوني غرفة الودة... ..( في هالوقت كلمت زوجي قلت له خلاص بودوني غرفة الولادة .. استغرب هو يقول كان 1 كيف ولادة قلت له بعدين اقولك كلم امي وعمتي واشتغلوا يدعو ويقروا حديث الكساء)
وطبعاً الألم بازدياد ..عطوني ابره وحطوا ليي الإكسجين وكل ماجتا لطلقه مسكته ومسكت بالسرير بقوووة..
طبعاً كنت طول الوقت أقرأ سورة الزلزلة ... كل ماجا الألم قريتها ... وزلزلت فطومتي تزلزل...
هم لحد احين حاطين التخطيط ويراقبوا الوضع وبعده النبض ضعيف..
المهم القابلة جلست جنبي تدلك ظهري وتقرأ عليي سورة مريم وسور ثانيه وتقرأ أدعية...
الساعه 12 تركوني راحوا يصلوا وبعدين جتهم حالة ولادة قبلي..
وأني مو قادة الألم يزيد وموقادره اتحمله .. قعدت اصيح واصرخ ارجوووكم تعالـــوا باموووت .. جو لي كشفت القابلة ..
جهزت العدة قامت تنادي الدكتوره دكتورررره بسرعه تعالي الراس بين ...


قالت هالكلمه وزاد الرعب عندي خفــــــــت ... المهم على طول جت الدكتوره وفتحت كيس الماي بالحديده طبعاً اني ماشفتها إلا وهي تطلعها اقول لو ادري بتدخلها مارضيت ...
وقاموا يقولوا اضغطي وووو وووووووووووووو بعدين صرخت
يــــــــــــــــــــــا علــــــــــــــــــــــــــــــــــي...
حسيت بحاجه مدري كيف وفجأة نزل بطني..
وطلعت فطومتــي الساعه 12 و47 دقيقة..خلاص راسي يدووور بقوووة واشوف كل شي 3 مرات ..جابوها راووني اياها .. سالوني شفتيها قلت ليهم أي...
صاروا يخيطوني واني ماحس بشي ماحسيت بألم إلا خفيف لأني كنت شبه مغمى علي..( كل هالعفسه وجوالي تحت مخدتي ماتركته ثانيه ههه لما تركوني عشان المشيمه تنزل دقيت على زوجي قلت له ولدت خلاص وسكرت ..)
تركوني وجا دكتور الأطفال.. وقام يفحصها طبعاً بيني وبينهم الستارة..
المهم بس طلع قمت باقوم الحمام اغسل لأن مو طايقه نفسي ...
جابوا لي ثوب ثاني ورحت ابدل وكل شوي يدقوا عليي الباب .. اطلعي اطلعي توش والد ودمش ناقص لايغمى عليش ..
المهم غسلت وطلعت وهزوأوني ليش طولت..
جابو لي اكل غصب اكلي اكلت مهلبيه وشربت غرشة الماي عشان اروح الحمام ويركبوني غرفة التنويم العاديه عشان اشوف زوجي..
لآن بس قلت له ولدت جا المستشفى وعشان رمضان الزياره من 2 ل 4 العصر ..بعدين راح شاف البنوته وأني تأخروا ماركبوني إلا 4 وشوي وماشفته..
المهم ركبوني الغرفة اسألهم عن بنتي ابغاها ابغى اشوفها يقولوا شوي ومنجيبها كل شوي اسال وحده قالوا لي بعدين حبينا نطمن عليها وسوينا لها اشعه على بطنها انها ماشربت ماي ...
والحمدلله صارت بخير...
واحين مجننتني ادعوا ليها بالهداية....

طبعاً الجرح صار مره كبير وعانيت منه وبعد شهرعادي الوضع واستانست صرت اعرف اقعد وامشي يومين بس والتهب ورحت مستشفى الزهراء وعطوني مضاد وتحاميل والحمدلله بري بعد 50 يوم من ولادتي صرت امشي عدل..
وبس انتهت القصـــة..

برقع ذهب
20-03-2012, 05:49 AM
وردة الوفاء..
الف الحمدلله على سلامتك وسلامة فطوم.. بالغه فيها ان شاء الله..
غامرتي على نقص الماي.. زي ماغامرت..
والحمدلله يوم الله سلم بنت..
بيني وبينك احس ندمانه اني غامرت هالمغامره.. دايماَ.. يأنبني ضميري ليش مااخترت قيصري من البداية..

..{ انا الفرق كان الماي اقل من الربع}.. :(
..{ على فكره ولدتي بعد حوالي 5 ايام من التاسع}.. مش في الثامن ^.^..
..{ وفي موعد ولادتي المتوقع ^.^

وردة الوفــاء
20-03-2012, 05:54 AM
وردة الوفاء..

الف الحمدلله على سلامتك وسلامة فطوم.. بالغه فيها ان شاء الله..
غامرتي على نقص الماي.. زي ماغامرت..
والحمدلله يوم الله سلم بنت..
بيني وبينك احس ندمانه اني غامرت هالمغامره.. دايماَ.. يأنبني ضميري ليش مااخترت قيصري من البداية..


..{ انا الفرق كان الماي اقل من الربع}.. :(
..{ على فكره ولدتي بعد حوالي 5 ايام من التاسع}.. مش في الثامن ^.^..
..{ وفي موعد ولادتي المتوقع ^.^


الله يسلمش غناتي ..
يالله الحمدلله على كل حال الله رايد كده غناتي .. الله يختر صبرك..
يب يب اخذت 5 ايام من التاسع بس زحمتي كانت نهاية الثامن.. والدكتور لما تطمن على الوضع قال لي بيخلوني اخذ كم يوم من التاسع...

طبعاً بعد ماطلعوني في التنويمه الاولى ظليت كل يوم اروح المستشفى يراقبوا الوضع...

حلاتي
20-03-2012, 06:38 AM
ورده الوفاء الف الحمدلله على سلامتش وسلامه الكتكوته غناتي
اندمجت مع قصتش ;)
واهمشي ذكرتي لينا الم مابعد الولاده الي ابد ماتوقعته:( --مفكره نفسها بتولد وتقوم زي الحصان:eek:

جود علي
20-03-2012, 08:48 AM
عجبتني قصتش

daniah
20-03-2012, 09:05 AM
الحمدلله ع سلامتك وسلامة البنوته قصتك مؤثره

الفراشة الحمراء
20-03-2012, 10:04 AM
وردة الوفا

الحمدلله على السلامه

وكل شي يهون عشان خاطر عيون فطووومه الحلوه

وان شاء الله السنه تناصفي وياها ^_^

فراشة حبيبها
20-03-2012, 06:26 PM
الحمد لله على سلامتكم ويتربوا في عزكم ودلالاكم
بكتب قصة ولادتي بقمري الثاني بتاريخ16\2
بداية حملي كان متعب بشكل كبير من أرها ق وتعب ولوعه وترجيع وقلة الشهيه والبلغم عز السامع
وعطوني موعد الولادة كل مره غير عطوني تاريخ 21 و27 و2 ربيع الأول وكنت أقول بولد قبل وكل أدعي من ربي الله يسهلها وأولد قبل ما أبغى أولد في ربيع لأن(زواجي أختي)وظليت أدعي ربي كل ماشفت التعب الي أني فيه حتى الصلاة متى متى أخلصها واستراحه مابين الفرضين ودرج عندي محطات فيه من كثر التعب الي أعانيه
في تاريخ 15 من شهر صفر جلست بدري من6 الصباح جلست على منتدانا وبعدها جلست أدور للبيبي جزمات في النت وحفظ الصور وجلست فتره طووووويله لما تعبت قلت خليني أقوم أنام قبل ماجي زوجي من العمل وقفت أطفي لابتوب والي ماي نزل علي وتمنيت هالمره ماينزل ماي عشان ماأروح المستشفى بدري مثل الأول بس نزل بكثره وطبعا بدون ألم على طول دقيت على زوجي وكان وقت أختبارات ولا رفع جواله خفت دقيت كده مره ولا رفعه بعدها صرت أدق طلع مغلق خفت أزيد رتبت أشوي في الشقه وأستشورت شعري لا ينفش في الولاده ههههه فاضيه
بشوي دق خبرته تقدر ترجع بدري من المدرسه قال وش صاير فيش ألم قلت له نزل ماي سألني واجد قلت له أي قال خلاص جهزي حالش وبستأذن وبطلع جهزت حالي ولدي وصلنا المستشفى دخلت على الطبيبه وخبرتها قالت بتكشف وأني أدعي من نزل الماي إنشاء الله فاتح 3 أو 4 كشفت قالت فاتح من 3 إلى 4 حمدت ربي قالت ولاده بتولدي عندنا قلت ليها أي مابتولديني أنتين الي أتابع عندها الدكتوره هدى في مستشفى الزهراء قالت لا مو مناوبتها بس باوصيهم فيش طلعت لزوجي وأني خايفه مع مستانسه بولد وبرتاح ودوني قسم الولاده ودخلت في غرفة الطلق جلست فيها لحالي ماحد جى ليي وزوجي راح أسوي أجراءات الدخول وودي ولدي بيت أختي وأني أنتظر في غرفة الطلق لحالي ماحد وياي ومستغربه ماحد جى ليي بعدها جت ممرضه وجابت الفستان لتبديل خبرتها باصلي أول قالت أوكي صليت خلصت وجلست أقرء سورة مريم بعدها جت الممرضه ليي بدلت سحبوا دم وحطت المغذي وتخطيط وجت القابله تقيس كم فاتح ماتغير شي 4 مرة ساعات من الظهر وتغير الشفتات وكل وحده تجي تقيس يادافع البلا مو أيد ألموا بقوه ونفس الشي ماتغير عطوني طلق أصطناعي وماستجاب جسمي له وظلوا مستغربين من الوضع مافي شي تغير على الحال وعطوني أكبر جرعه ومافي فايده جت الليل ونفس الحاله تغير الشفتات وأني على حالي وتعبت نفسيتي لمتى باظل على هالحال بس كشف والألم الي يجو يكشفوا مو طبيعي قلت لزوجي أرجع الشقه نام وراك دوام وإنشاء الله مايأذن الفجر إلا ولدت قال لا بجلس وياش وكان يراقب حالتي استشاري وخبرهم خلاص يعطوني أكل وشيلوا عني المغذي وبكره أصير خير زوجي استمل مني ونعس ورجع الشقه وظلوا خواتي يتصلوا يفكروني ولدت وأني على حالي وأمي ماخبرتها لأن من النوعية الي تحاتي وتبغى تسمع أني ولدت على طول بعدها سمعت صواريخ الغرف الثانيه وهم أحسوا بالألم وأني أدعي ليهم والله يسهل عليي بعد وأتمنى أني مثلهم أحس بألم وأولد وأشوف غرفة الولادة ناس طالعه ناس داخله مافي إلا أني بعدها رجعوا كشفوا عليي يمكن تغير شي ولا فيه فايده خبرت الي كشفت عليي وش بتسوو إذا ضليت على هالحال قالت عمليه هني خلاص ضاقت فيني الوسيعه لأن نفسيتي تعبت كل ماشوف غيري أجو بعدي ولدوا وخلصوا وأني بعدني ضليت بس أسأل الممرضه الي تجي الغرفه وش جابت الي ولدت بعدها ماصبرت ناديت على الأستشاريه قالت متى بتولدي بتولدي الي في سعوديه وأنت جالسه وقلت ليها وش بصير وياي قالت أنت ينزل منك ماي( لأن ماوقف ظل ينزل )وهذا خطير على الجنين نخاف يصير فيه ألتهابات مع الكشفيات بنعطيش طلق أصطناعي مرة ثانيه وإنشاء الله تتجاوبي وياه قلت تعبت من الكشفيات ماأبغى أحد يكشف عليي قالت خلاص باخبرهم ماحد يكشف ظليت أدعي ربي وحط ليي أذان ونادي عليا وسورة مريم وأنخي بأهل البيت سلام الله عليهم أني استجيب لطلق وما حتاج لعمليه
خبروني الساعه6 الصباح بنعطيش وأني مستعجله متى بيعطوني وارتاح اتعبت نفسيا وجسديا عطوني وياه تقريبا 7 الصباح حسيت بألم بدء بعدها فتحوا الكيس الماي المتبقي بشوي جت الدكتوره الي كنت اتابع حالتي قالت ماولدتي قلت ليها لا شمرت عن ساعديها وقالت إنشاء الله تولدي على ايدي قلت إنشاء الله
بدأت مرحلة التعذيب جى زوجي وشافني ضل صيييييح ماقدر وأني ماني قادره من الألم وصرنا ثنينا نصييييح بقوه جت القابله قالت وش فيكم؟
أصر زوجي اكلم أمي تدعي ليي دعاء الأم مستجاب قلت له اتصل خلاص ماني قادره ضلوا عندي كله كشفيات صار من جهتين ألم الطلق وألم الكشفيه قالوا خلاص اعطوها ابرة تريحها عطوني ويها خلاص تخدرت صرت حتى ما تكلم أأشر عليهم بعدها حسيت بشي ينزل خبرت زوجي يقول ليهم قالوا خلاص غرفة الولاده فتح 9 ودوني وجهزوا حالهم كل ماجي الطلقه أدفعي صرت ادفع كده مره وطلع قمري (سيد مهدي) والحمد لله
بركة محمد وآل محمد وبركة دعاء الأم خبروا أمي 8 ماجت 9 و40 دقيقة ولدت سبحان الله دعاء الأم بس هي خافت وظلت تصييييح على عمري الله يخليها ليي

الكل افرح هناك أني ولدت طبيعي لأن ماضلت ممرضه ولا دكتوره ولا قابله ماشافتني وشخصت حالتي جت القابله تقول كلنا ولدنا وياش الحمد لله
جوا ليي العصر مع الأستشاريه ولكل مستانس أني ولدت طبيعي وشافت ولدي وستجنوا عليه ماشاء الله وبعدها جي الأستشاري يوم ثاني أقول ليي تعبتينا القابله روته ولدي يقول ماشاء الله لا هذا تجيبي بعده سبع بنات بعد الأربعين على طول أحملي >>>>>>>ماحس بشي
المستشفى بشكل عام تعاملهم حلييو يهتموا قبل الولاده وان كنت ضايقت من الي ولدتني أنت المفروض عمليه جلست تكررها واجد واني كنت في حاله مايعلم أبها إلا رب العالمين
بنسبه للمكان مابعد الولاده ماعجبني ذكرني بمستشفى الجش واشياء ناقصه واجد في الحمام تكرموا وإذا دقيت عليهم مايجوا وإذا يجوا مايجيبوا الشي إلا بعد فتره طويله ماهتموا في قياس الضغط والحرارة ماجوا ليي
والحمد لله

زهور مخمليه
20-03-2012, 07:08 PM
ألف الحمدلله على سلامتك وسلامه السيد
وبالغه فيه ياارب وتزفيه معرس
اني ماقرا وااجد بس من أدخل هالقسم أندمج مع قصصكم
ودعواتكم لينا كمان نوصل لتاسع ونتسهل
ونكتب قصصنا أن شاءالله

حلاتي
21-03-2012, 02:22 AM
فراشه حبيبها الف الحمدلله على سلامتش وسلامه وليدش
الله يخليه وتبلغي فيه انشالله غناتي الولاده مهما كانت سهله لو صعبه طويله لو قصيره اسمها ولاده لابد من التعب النفسي والجسدي ياغناتي -عفر دمعت عيوني تذكرت الي صار لي يوم ولادتي
بس كله يهون بشوفه هالقمارا بين اياديناااا
الله يسهل عالجميع ويرزق المنتضرات يارب العالمين

galamor
21-03-2012, 04:03 AM
ورده الوفاء الف حمد لله ع سلامتك غناتي

ههههههه كانه امس يوم تبشريني انك حللتي وحامل .. الايام تمر بسرعه الله يخلي لك القمر وبالغه فيها

daniah
21-03-2012, 05:41 AM
الحمدلله على سلامتك فراشة حبيبها وسلامة البنوته
قصتش مؤثره وتسهلت ببركة الدعاء الله يخلي لك الوالده

وردة الربيع
21-03-2012, 03:53 PM
وردة الوفا وفراشة حبيبها الف الحمد لله على سلامتكم
وعشت الاجواء معاكم بس خفت لان نسبت الهيموجلوبين ناقصه واخاف وقت الولادة لا سمح الله ياثر فيني

جوريk
21-03-2012, 08:48 PM
فراشة حبيبها يعنو ماتنصحينه بالولادة بمستشفى الزهراء والف الحمد لله على سلامتش
وردة الوفــاء الف الحمدلله على سلامتش ويتربو في عزكم

الفراشة الحمراء
22-03-2012, 12:56 AM
فراشة حبيبها

الف الحمدلله على سلامتش واهم شي شوفة الكتاكيت وسلامتهم

رقة مشاعر
22-03-2012, 04:32 PM
الحمدالله على سلامتكم اختي احرار حسين

رقة مشاعر
22-03-2012, 04:39 PM
ام راحيل
الحمدالله على السلامة والله يقومش بالسلامة

ياسمين الولاء
23-03-2012, 12:37 AM
الحمد لله ع سلامتكم ويتربون الكتاكيت بعزكم ودلالكم

همس الموج
23-03-2012, 02:50 AM
الف الحمد لله ع السلااامه

ويتربوا الحلوووين بعزكم ودلالكم يااارب

فراشة حبيبها
23-03-2012, 03:47 PM
الله يسلمكم كلكم ويحفظليكم أولادكم ويرزق المحرومين
جوري k أني مو ما أنصح بالولادة فيه بالعكس كان الطاقم من الممرضات والدكتورات والقابلات (ماعدا وحده )تمام الي ماعجبني فيه مافيه أهتمام مابعد الولاده حسيت نفسي في حكومي ومو مستشفى خاص كلشي مافييييه حتى تبديل ثياب مافييه أو جابوا واحد وسخ مادري يمكن حظي طلع كده يمكن غيري يطلع أحسن مني

Znaybah
24-03-2012, 07:51 PM
القصص مرة حلوة الف حمد لله عسلامتكم جميع وربي يحفظ لكم النونوات

كل يوم اقول بكتب قصتي بس مو لاقية الوقت ×_×

برقع ذهب
24-03-2012, 08:21 PM
الف الحمدلله على السلامة..
فراشة..
بالغه في السيد ..
وهالله هالله بـ 7 البنات<~ يدخلوش الجنة ^.^

رقة مشاعر
25-03-2012, 11:43 PM
ابتهال احمد الحمدالله على السلامة

رقة مشاعر
25-03-2012, 11:55 PM
برقع دهب
غناتي قصتش مرة أثرت فيي وجتني الغبنة
الله يجعل هدا الملاك الصغير شفيع لك بالجنة
ربي يرزقك الذرية الصالحه بحق محمد وآله

رقة مشاعر
26-03-2012, 12:05 AM
حبيب الروح
وردة الوفاء
الحمدالله على الســـــــلامة
الله يحفظ اطفالكم

رقة مشاعر
26-03-2012, 12:09 AM
فراشة حبيبها
الحمدالله على السلامة والله يحفظ لش البييبي

رقة مشاعر
26-03-2012, 01:50 AM
بسم الله الرحمن الرحيم
اللهم صل على محمد آل محمد


قصة ولادتي


بداية من الشهر الثامن


في الصباح رحت الرعاية (الشويكة) اعمل اشعه السونار للمرة الثانية الا الدكتورة تحوس تعفس ومهلت وتالي الا تقول
لازم تروحي تحويل طواريء للجش البيبي حجمه اصغر من عمره ..رحت الرعاية تبع شؤون القطيف على طول واخذت ورقة تحويل
ورحت البيت صليت وسبحت ورحت الجش وقالو لازم تنويم وتنومت 3ايام وعملت خلال اول يوم 3اشعه سونار وتالي ثاني يوم سويت
سونارين وكل يوم نفس الكلام البيبي حجمه صغير واخر يوم طلع بالسونار كل شي اوكي وطبيعي ببركات الصلاة على محمد وآل محمد
وانتهى الشهر الثامن على خير

الشهر التاسع
طول فترة حملي امي تنصحني لاتصرخي دائما قولي ياعلي بس ..
كان جدا متعب وكنت يوميا اتوسل بأهل البيت بتسهيل ولادتي.و زاد عليي الم البواسير بشكل مو طبيعي اصيح صياح يوميا ونفسيتي تعبت وتصخنت يوم الاحد 11/4/1433
وتعبت واتصلت لي امي وقمت اصيح وقالت تعالي نامي ويانا بالبيت مر عليي ابوي وقال تبغى المستشفى اوديش قلت لا مابسوو ليي شي
للبواسير لاني حامل ورحت البيت ونمت اسبوع واعاني الم الحمل والبواسير وادعي ربي واتوسل بأهل البيت كل يوم واني على سجادتي
تقربت منهم واجد خلال هالفترة مرت الايام

اليوم الموعود
وجاء يوم الثلاثاء 20/4/1433 صحيت الفجر للصلاة صليت مافي شي بس تعب والم مثل الدورة
وتالي رجعت نمت وصحيت الساعه 9 دخلت الحمام شفت خيوط دم مع افرازات والم وكنت وبالاسبوع 39و4ايام و كان عندي موعد بالجش
وكان محددين تاريخ ولادتي يوم 23/4/1433هـ .رحت الظهر الموعد الساعه 1الظهر واني مومتحمله الالم واني انتظر دوري اقوم واقعد
وامشي بالممرات وزوجي بالعمل كل شوي يتصل ها جى دورش اكلمه واني اصيح اقول لا تعبانه وزحمة اليوم وشوي نادو عليي وقلت للدكتورة فيي كده وكده
وقالت يالله كشف وكشفت عليي الا فاتح 1سم وقالت لازم تتنومي هدي اعراض
الولادة الا فيش قلت مابغى اتنوم قالت وين بيتكم قلت بالقطيف موبعيد ربع ساعه ونوصل للمستشفى قالت طييب ترى يمكن تولدي
في بيتكم قلت لا بولد عندكم وماباجي الا الليله ليكم ورجعت بيت اهلي تغديت وقلت لاختي مشتهية قهوة وتمر قومي سوي لينا
واكلت 18تمره وفنجانين قهوة وقمت طلعت للحوش امشي تقريبا نصف ساعه واني مومتحمله الالم يروح ويجي وطبعا خواتي يسووو رياضة المشي
يوميا ويمشو ويايي وكل شوي يقولو ليي خيو روحي المستشفى منتين قادره قلت لا بصبر ابغى اصلي المغرب اول وتالي اروح
وتحملت الالم اذن المغرب قمت سبحت وصليت على محمد واله وتالي الالام تشتد واني صابره لان ابغى زوجي يوديني المستشفى وزوجي
مايجي من دوامه الا الساعه 8المغرب وانتظرته يجي بعدين الساعه 9كلمته قلت له تعالي وديني المستشفى موقادرة من الالم
وجى ليي الساعه 9و45دقيقه وحمل شنطة المستشفى واني امشي بالموت ركبنا السيارة واني اون من الالم وكل مطبة تجي تزيد
الالم وهو يسولف يبغى ينسيني الالم ويسرع قلت ليه غناتي لاتسرع سوق على راحتك المهم وصلنا مستشفى الجش وسجلنا
وجلست انتظر دوري والدكتورة مهلت واجد على ماجت وتكشف عليي الا تقول فاتح من 1سم ونص الى 2سم قلت خلاص يالله ابغى اتنوم
قالت يالله اوكية وجهزو الاوراق ووقع زوجي وطلعت ليه اودعه وهو مسكين شكله يكسر بالخاطر وراح وخلاني ورحت غرفه عادية
فيها سريرين بس لحالي فيهاوانسدحت ولبست فستان السهره وكان مره كبير عليي وشوي جت الممرضه وسحبت دم وسوت ليي الدكتورة كشفيه
وتالي رحت سويت سونار

رقة مشاعر
26-03-2012, 01:53 AM
وقالت الدكتورة نفس الكلام الجنين حجمه صغير وعمره اكبر من حجمه قلت ليها الكبير يكبر واني حجمي صغير بيطلع
زيي الحمدالله رب العالمين وكشفت عليي بعد مره وحده وتالي رحت لغرفتي وضليت اعاني من الساعه 12 الليل والطلق يروح ويجي
واني اون من الالم واقرأ ادعية واشرب ماي زمزم المقري عليه الثمانين اية وكل شوي كشفية والرحم فاتح 3 وتالي الساعه
5خمس الفجر ناديت الممرضه تجي لاني تعبت وابغى كشف وجت الدكتورة كشفت الا تقول فاتح 4سم الى غرفة الطلق حالا وتالي ودوني
وضليت اتوجع واني ادعي واقرأ ادعيه وقرآن واشرب من الماي المقري عليه وجهاز تخطيط قلب الجنين عليي وشربت الغرشة كلها
وتالي عطوني حقنة شرجية ودخلت الحمام مرتين وتالي عطوني المغدي يمكن 6اغراش طول ماكنت بغرفه الطلق لاني ضليت 12ساعه
وتالي الرحم ماشافوه يفتح بسرعه الساعه 11الصبح عطوني طلق صناعي وفتحو كيس الماي وفتح 7ونص وعطوني الاكسجين
الانشف حلقي وتعبني وسوو ليي قسطرة بوليه و كان الطلق مؤلم ومتواصل واني قمت اشمخ شعري قصتي من قدام من شدة الالم واني اردد نادي عليا مظهر العجائب تجده
عونا لك بالنوائب كل هم وغم سينجلي بولايتك ياعلي ياعلي ياعلي وانادي يازهراء اغيثيني ولااصرخ واكتب على بطني بصبعي يازهراء وياعلي بن موسى الرضا
ابدا متحمله الالم بس الا يتعبني صوت وحده كانت بالغرفة الا جنبي تصارخ صراخ مو طبيعي واني قمت ادعي ليها ربي يسهل
عليها وفعلا الظهر تقريبا ولدت وافتكيت من الصوت :)وطول مااني بغرفة الطلق زوجي يتصل ليي من الدوام يهديني
وامي وابوي يتصلو ليي يصيحوو ةاني مره ارد عليهم ومره ماارد مابغاهم يسمعو صوتي تعبانة وتالي عطوني ابرة باسكوبان تخفف الالم
وعطوني ابرة تلين عنق الرحم عشان يساعدني على فتح الرحم غير اغراش المغديات وتالي الساعه 4 و 5 الدكتورات رايحين
جايين يكشفو عليي والرحم على حاله بس 8فاتح وتالي الساعه 5بالضبط العصر كشفو عليي الا يقولو الرحم فتح 9سم وكل شوي يسألو الممرضه
كم طولها المريضه تقول ليهم 143سم الا يقولو اي قصيرة ومدري ويش قامو يتناقشو مع بعضهم وتالي جو اليي يقولو
اسمعي ترى انتين قصيرة والبيبي راسه مو جاي عدل بالحوض لازم نولدش عمليه قيصريه قمت اصيح قلت لا مابغى عمليه
قلت اشفطوه سوو اي شي قالو مانقدر وقدامش نص ساعه فكري بنروح ونرجع قتلت روحي من الصياح واتصلت لزوجي
قلت يبغو يسو ليي عمليه عصب وقال لا توافقي ماعليش منهم قلت له ادفع صدقه واتصل لامك وامي وخواتي خليهم
يدعو ويتوسلو بأهل البيت عليهم السلام عشان تتسهل اموري واني اقول له يالله بس نص ساعه عطوني ويش اوافق سكر
الجوال ماسمعني وش اقول
واخر مكالمة دي بيني وبينة وتالي جت الممرضة جابت الورق تقول يالله وقعي قلت ماني موقعه ويالله روحي ودي الورق
اني عندي الله واهل البيت مابخيبوني الا تقول مابنسوي العملية بس بجهز الورق عشان كل شي جاهز اذا جت الكتورة
قلت لا لا مابوقع وضليت انادي ورد ياعلي ونادي عليا مظهر العجائب ويازهراء اغيثيني ويا ام البنين تعالو ا
احضرو وشوفووني جت الساعه 5ونص جو الدكتورتين وحده من الجماعه والثانية مصررية اسمها مروة
كشفت الا تقول 10سم يالله غرفة الولادة (اللهم صل على محمد وآل محمد) وتالي نقلوني غرفه الولادة وتوني بركب
على السرير حق الولادة الا القسطرة تفتح مدري وش صار ويطفر البول عليي وعلى السرير وحاله حاله وتالي
بديت مرحله الدفع والتنفس وضليت ادفع ساعه وانادي بقلبي ياعلي من الالم ماقدر اتكلم اصلا ووتالي الدكتورة
تهددني تقول يالله ادفعي بقوة لا اولدش قيصري واني اقول لا مابغى وتالي الا يقولو طلع شعر البيبي ويش تبغى نقص لش
شوي تشوفيه قلت ايه وقصو من شعره وشفته وتشجعت زيادة واصرت ادفع باقصى مااقدر وكل شوي اغفي
وتالي ماشفت نفسي الا بغفوة والكل ينادي عليي رقوووي رقووي شوفي ولدش افتح عيوني واشوفه بيد الممرضه
ولونه بنفسجي والحبل السري فيه بس راسه داير ماشفت وجهه قلت ياعمري واني اصيح واحمد ربي واشكره
اللهم صل على محمد وآل محمد ولدت واني غافيه ماحسيت بخروج الراس الا الكل يقول عنه اصعب واشد شي
بحمد الله وببركات الزهراء والامام علي وام البنين وصاحب العصر والزمان واهل البيت كلهم سلام الله عليهم اجمعين ولدت بسهاله ووولدي حجمه حلوو ووزنه 2600غرام
وتالي خيطوني وقلت ليهم طلعتو المشيمة الا تقول الدكتورة صح النوم من زمان طلعت طبعا ولاحسيت بها وهم يطلعوها قالت : تبغى تشوفيها قلن ايه وشفتها زي قطعه الكبدة بالضبط
ووهم يخيطوني سبحو ولدي واني اسمعه يصيح مو قادرة ابغى اشوف شكله لفوه بالفوطه وجابته ليي عطيته بوسه وقلت ليها
ودوه ودفووووه لان برد وتالي قمت بشرت زوجي واهلي وكلمت اختي الا تقول ليي هدي الزهراء سلام الله عليها حضرت لش وقمنا نصيح
صياح سلام الله على اهل البيت اكرموني ماخيبوني بظل طول عمري اذكر فضلهم عليي
وطبعا خلال وجودي بغرفة الولادة زوجي طلع من الدوام الساعه 7المغرب وطيران يسرع180وصادوته كاميرات ساهر
جاي ليي المستشفى يحاتيني يبغى يدخل مارضوو وقام يكلم السكرتيه يبغى يطمن ماحد عطاه وجه مسكين قام يدور ويحوس
وشاف صيدلانية وقال لها زوجتي من البارحه هنا ماادري عنها جبتها ولادة مدري ولدت ماتت :( ابغى اطمن مسكينة ماقصرت
اخدت اسمي واتصل قسم الولادة وجابو ليي التلفون قالو زوجش يبغى يكلمش وكلمني وتطمن مسكين وراح مارضو يدخلوه
طبعا جوالي كان بالشنطة والممرضه الفلبينوووو تعاندي انادي عليها تتصيمخ ولاجت عطتني الجوال واني مااقدر اقوم من السرير بسبب المغدي الا بيدي ..وبعدين جابت ليي شنطتي بالموت الا عمتي متصله تقول اني تحت بالمشفى اني وعمش نبغى ندخل لش مور اضيين قلت اي ممنوع طبعا النحيسين قالو لعمي روح جيب بامبرز للبيبي راح وشرى كيس مسكين وتالي دخلوهم للحضانه بس وشافو حفيدهم >>نحيسين اني جايبه اغراض للبيبي بس ماجو سألوني مدري ليش
وتالي بعد ولادتي بثلاث ساعات رحت الحضانه جبت ولدي بنفسي مومصدقه صرت أم قاسم واخيرا اشرقت حياتي بقدوم مولودي
حاولت ارضعه ماعرفت وعور بفادي وصورته كم صوره ووديته للحضانه
والدكتورة تقول رقوي انتين وحده صبورة المفروض نعطيش وسام الشجاعه لانش صبرتي كل هالمده ولاحتى لش صوت هادئه
ماشاء الله عليش وفي ممرضه تقول ليي انتي اهل البيت حاضرين وياش من جيتي غرفه الطلق ماشاء الله عليش صبورة
والممرضه الفلبينيه جت حضنتني بعد ولادتي تقول ليي ماما انتي واجد كويس اني حبيتش
طبعا كان بغرفه الولادة دكتورتين و3ممرضات من الجماعه وممرضه فلبينيه 6نفرات عليي ولاتكلمت بكلمه لاني مو حاسه بشي
اصلا يمكن لو وحده غيري مارضت
زوجي جاء ليي يوم الخميس الظهر وطلعني وشاف ولده وطار من الفرحه توه يشوفه لان ممنوع الجش احد يزورش بغير وقت الزيارة
وطلعنا رحت الصيدليه شريت قوطي حليب سيميلاك ورضاعه زجاج ورحنا بيت عيالي عشان جدة زوجي تشوف حفيدها وتالي رحت بيت اهلي
ماادخل الا البيت مجهز بالبالونات والزينة واستبشر الجميع بقدومي انا والمولود
على فكرة سمينا ولدنا (حيدر) لمده اسبوع فقط وحاليا اسمه قاسم


والحمدالله على سلامتي وسلامة ولدي قاسم
حياتي تغيرت بقدوم طفلي الحبيب وزوجي ابوقاسم تغير انقلب 180درجه الله يهديه يارب صار أب مسؤول ويخاف علينا واجد اني وولده الله يحفظهم ويحرسهم ليي
ولدت يوم الاربعاء 21/4/1433هـ الساعه 6و48دقيقه مساء
باالاسبوع 39و5ايام
في مستشفى القطيف المركزي
دخلت يوم الثلاثاء 20/4/1433هـ مساء وخرجت يوم الخميس 22/4/1433هـ ظهرا


كتبته وحررته
رقة مشاعر(أم قاسم )
3/5/1433هـ

galamor
26-03-2012, 02:47 AM
ام قاسم :)

طاحت دموووعي وانا اقرا القصه جد صبووره


والله يحفظه لك يارب و بالغه فيه غناتي

&&بسمة طفل&&
26-03-2012, 02:55 AM
الحمد لله على سلامتكم

رقة مشاعر
26-03-2012, 03:27 AM
ام قاسم :)

طاحت دموووعي وانا اقرا القصه جد صبووره


والله يحفظه لك يارب و بالغه فيه غناتي

تسلمي غناتي
والله يرزقش الذرية الصالحة بحق محمد وآل محمد
خيتو وقت الطلق دعيت لش انتي وبرقع دهب مانسيتكم

رقة مشاعر
26-03-2012, 03:28 AM
بسمة طفل
الله يسلمش غناتي

galamor
26-03-2012, 03:47 AM
تسلمي رقه من طيبك والله

رقة مشاعر
26-03-2012, 04:01 AM
تسلمي رقه من طيبك والله

الله يسلمك غناتي

دلوعة الغآالي
26-03-2012, 04:14 AM
ياغناتي رقاووووي الجميلة اللي وحشتنا الف الحمد الله على سلامتش والله يحرس لش قسسسسوم وبالغة فيه معرس يارب

والحمد الله اهل البيت مايخيبو احددد :) وعقبالنا نقوووم بالسلامة ونشوف الجمييييلين تبعاتنا ;)

رقة مشاعر
26-03-2012, 04:55 AM
ياغناتي رقاووووي الجميلة اللي وحشتنا الف الحمد الله على سلامتش والله يحرس لش قسسسسوم وبالغة فيه معرس يارب

والحمد الله اهل البيت مايخيبو احددد :) وعقبالنا نقوووم بالسلامة ونشوف الجمييييلين تبعاتنا ;)


تسلمي غناتي دلوعه الغالي
الله يسلمش يالقمــــــــر
والله يقومش بالسلامة ونجي نقرأ قصتش الجميله ونبارك لش

مثل القمر
26-03-2012, 05:23 AM
ياعلي رقووووي والله اصيح واني اقرا قصتش

صحيح اهل البيت مايخيبوا وان شاء الله يحضروا لي ديك الساعه

الف الحمدلله على السلامه ويربى قاسم بعزكم ودلالكم يارب

رقة مشاعر
26-03-2012, 05:51 AM
ياعلي رقووووي والله اصيح واني اقرا قصتش

صحيح اهل البيت مايخيبوا وان شاء الله يحضروا لي ديك الساعه

الف الحمدلله على السلامه ويربى قاسم بعزكم ودلالكم يارب

ياغناتي قمورة
الله يسلمش وربي يقومش بالسلامــة
ان شاء ولادتش سهالات من الله
واهل البيت سلام الله عليهم وياش

الشمس الدافئة
26-03-2012, 11:54 AM
يا عللللللللللللللي رقة...
صيحتيني...
خاصة يوم قلت يا علي بن موسى الرضـــــــــــــــا..

اي والله ما خاب من توسل بهم..
احنا في نعيم بوجود محمد وآل محمد في قلوبنا..
حمد لله على سلامتك..وبالغة فيه معرس..
دعواتك للمنتظرات..ولنا بالسهالة..

قطعه سكره
26-03-2012, 12:46 PM
الف الحمدلله على سلامتش رقووي

فعلا ماخاب من يتوسل ببيت ال محمد سلام الله عليهم

والله يسهل على التواسع يارب ويسهل عليي بوقتي واولد طبيعي يارب ببركة محمد واله وببركة دعاكم واجي اسرد لكم قصة ولادتي ان شاءالله

قشطة البنات
26-03-2012, 01:05 PM
ياعلي قصتش تعور القلب الله يزيدش حب محمد وآله
والله يسهل على الجميع يارب

Snow Angel
26-03-2012, 02:17 PM
رقة مشاعر
سلام الله على أهل البيت وولادتك سهالة الحمد لله على السلامة

شذى العمر
26-03-2012, 03:06 PM
الف حمدلله على السلامه رقاوي وبالغه فيه معرس يارب

clouds
26-03-2012, 03:18 PM
صحيتيني رقة مشاعر الحمد لله يوم الله سهل عليش
والله يخلي لش قسوم يارب وبالغين فيه معرس ^^
والله يسهل علينا وعلى جميع المؤمنات ياكريم =)

وردة الربيع
26-03-2012, 06:11 PM
ياعمري رقووووووووي قصتش تدمع العيون
وعشت الاجواء بقوة الف الحمد لله على سلامتك يالغاليه
ويتربى الكتكوت قسومي بعزك يارب والله يسهل علينا وعلى الجميع ببركة محمد واله الطاهرين سلام الله عليهم اجمعين

رقة مشاعر
26-03-2012, 06:24 PM
يا عللللللللللللللي رقة...
صيحتيني...
خاصة يوم قلت يا علي بن موسى الرضـــــــــــــــا..

اي والله ما خاب من توسل بهم..
احنا في نعيم بوجود محمد وآل محمد في قلوبنا..
حمد لله على سلامتك..وبالغة فيه معرس..
دعواتك للمنتظرات..ولنا بالسهالة..

اي صحيح من خاب من توسل بهم
سلام الله عليهم اجمعين
الله يسلمش غناتي
والله يقومش بالسلامة
ربي يرزق كل زوجين الذرية الصالحة

رقة مشاعر
26-03-2012, 06:34 PM
رقة مشاعر



سلام الله على أهل البيت وولادتك سهالة الحمد لله على السلامة


سلام الله عليهم
الله يسلمش غناتي من الشر

رقة مشاعر
26-03-2012, 06:35 PM
الف حمدلله على السلامه رقاوي وبالغه فيه معرس يارب

الله يسلمش خيتوو شذى العمر تسلمي يارب

رقة مشاعر
26-03-2012, 06:37 PM
صحيتيني رقة مشاعر الحمد لله يوم الله سهل عليش
والله يخلي لش قسوم يارب وبالغين فيه معرس ^^
والله يسهل علينا وعلى جميع المؤمنات ياكريم =)

الحمدالله رب العالمين
تسلمي غناتي
والله يسهل عليش ولادتش وعلى جميع المؤمنات ياربي

رقة مشاعر
26-03-2012, 06:39 PM
ياعمري رقووووووووي قصتش تدمع العيون
وعشت الاجواء بقوة الف الحمد لله على سلامتك يالغاليه
ويتربى الكتكوت قسومي بعزك يارب والله يسهل علينا وعلى الجميع ببركة محمد واله الطاهرين سلام الله عليهم اجمعين

تسلمي ياغناتي وردة :)
الله يسلمش وتقومي بالسلامة بحق محمد آله الاطهار
وتجي تكتبي قصة ولادتش هنا
ونجي نقرأها ونبارك لش بجية البيبي بالسلامــة

جنـآن
26-03-2012, 06:53 PM
رقة مشاعر
ماخاب من توسل فيهم سلام الله عليهم أجمعين
الحمدلله على سلامتش وسلامة قسوم يتربى بعزكم يارب

سٍـُميتك غلآتُـِيُ
26-03-2012, 07:04 PM
حمدالله على سلآمتش رقه صيحتني قصتش ><

الله يخليه لش قسسسوم وبالغه فيييه .

رقة مشاعر
26-03-2012, 07:32 PM
رقة مشاعر
ماخاب من توسل فيهم سلام الله عليهم أجمعين
الحمدلله على سلامتش وسلامة قسوم يتربى بعزكم يارب

الله يسلمش غناتي جنان
والله يقومش بالسلامة
سلام الله عــليهم أجمعين

رقة مشاعر
26-03-2012, 07:33 PM
حمدالله على سلآمتش رقه صيحتني قصتش ><

الله يخليه لش قسسسوم وبالغه فيييه .

الله يسلمش غناتي
وربي يحفظ لش احبابش وتولدي بالسلامة

daniah
26-03-2012, 08:43 PM
الحمدلله على سلامتك ام قاسم
قصتك مؤثره كنتي جدا صبوره وتحملتي الحمدلله ع سلامتك وسلامة قسوم
يتربى بعزكم ودلالكم ,,

Znaybah
26-03-2012, 09:45 PM
الف حمد لله ع سلامتك رقة ويتربى في عززززش الصغيرون
ماخاب من توسل بأهل البيت .. سلام الله عليهم ..

ام عبدالعزيز
26-03-2012, 09:47 PM
زينبه انا انتظظر قصه ولادتش وكيف البيبي ؟

The Princess
26-03-2012, 11:52 PM
قصتك تصيح رقوي
الحمد لله على السلامة
انا قوية بس طاحت دموعي :(

حبيب الروح
27-03-2012, 12:21 AM
رقه مشاعر

فعلاً اهل البيت مايخيبوو من انتخى بهم

سلام الله عليهم

الحمدلله على سلامتك

والله يخلي ليكم القموور وتبغلي فيه

رقة الفراولهـ
27-03-2012, 09:31 AM
السلامـ عليكمـ وَ رحمة الله وَ بركاته ..





اللهم صلَّ على محمد وآل محمد وعجل فرجهم ..؛

الحمد لله على سلامتك غاليتي رقة مشاعر ..

السلام عليهم اهل البيت .. ما يخيبوا ..

قصتك مؤثرة .. الله يحفظ لك الامير قاسم .. ويجعله بار فيك وبوالده ..

ويرزق المنتظرات ويعوض الفاقدات ..بحق محمد وَ آل محمد

اني ولدت قبلك باسبوعين تقريباً .. تاريخ 8 / 4 / 1433 هـ

بس نهاية قصتي مثل نهاية قصة الغالية برقع ذهب ..

طفلة جناوية .. " فـــاطمه " الله منحني و َ والدها شفاعة للجنان ..

لهذا احتاج شجاعة إني اكتب قصة ولادتي ..

الله ييسر على الحوامل يا الله يا كـــريمـ ..

ونسمع البشارات من الحوامل بولادتهم الميمونة .. وحمل المنتظرات يا الله ..

مونيا
27-03-2012, 11:37 AM
رقه عشت وياش الجو والف الحمد لله على سلامتج وسلامة قسوم
الله يسهل عليي واجي اكتب قصة ولادتي
واهل البيت ماخاب من انتخا بهم
هم لينا عزوفخر
مادري ويش خانتنا بدونهم

الفراشة الحمراء
27-03-2012, 02:10 PM
رقة مشاعر

الحمدلله. على السلامه

اهل البيت مايخيبو احد سلام الله عليهم

والمستشفى هذي سالفتهم مع البامبرز اسمع خواتي لين ولدووو هناك البكريات يفشلوهم وين البامبرز يادافع البلا بلد البترول وهذي سوالفهم

مبروك ماجاكم ويتربى بعزكم ودلالكم

روحي بين يديك
27-03-2012, 04:46 PM
الف الحمدلله عالسلامه رقه

ذكرتيني بحالي تعبت وقل نبض بنتي وقالوقيصريه ياعلي انشلت افكاري اني كنت مثللك بس اون واضغط على شفايفي

قالت القابله قولي نادي عليامظهرالعجائب واني ساهيه ماشفت حالي الاصرخت وغمضت عيوني قالت احضرالي يااااااااااااااااااعلي

شفطوبنتي وماحسيت حتى بحراره الراس وكانت تعبانه ماصاحت جابوليها دكتور ومن تحت الستاره اقول ياعلي في امانتتك

بعدين وروني اياها بس شوي وودوها

اهل البيت مايخيبوااحد

اني بعد فضحوني عالبامبرز بالرغم وديته مادري وش قصتهم

برقع ذهب
27-03-2012, 05:19 PM
رقة المشاعر..~
الف الحمدلله على السلامة.. ويتربى بعزك ان شاء الله..
رغم التعب اللي فيها.. طلق يوم كامل.. الا انها جت سهالة ولله الحمد..

غاليتي رقة الفروالهـ..{ نصيحتي ابتعدي عن هالموضوع.. ولاتحاولي تكتبيها في هالفتره.. قصص الولادة تركت بصمة سيئة ونفسيتي صارت زفت.. الين ابتعدت شوي عنها.. وتحسن وضعي}..
ربي يعوضنا آجمعين بالخلف الصالح..

ŚώΞěť ĐяэaM «•
27-03-2012, 06:10 PM
رقوي
الف الحمدالله ع السلامه ياعمري
بججد تأثرت وايد بقصتش وفعلآ اهل البيت مايخيبو احد سلآم الله عليهم
يآرب يكونو ويايي في ولادتي :)

حلاتي
28-03-2012, 01:42 AM
ياعمري رقوووي الف الحمدلله على سلامتش وسلامه قاسم الله يحفضه ويخليه لش يتربى فعزكم ودلالكم انشالله
عورني قلبي عليش غناتي طاحت دموعي حسيتش من جد صبوره اني عكسش لما شفت كيف الام الطلق
قعدت اصارخ عليهم مابي اولد سوني عمليه بس ماجابو خبري -تحفه اني عفر خخخخ
بس الحمدلله كل شي يهون لما شفتي قمرش قدامش وبين اياديش
وعلى فكره ولدي اكبر من ولدش بعشره ايام تقريبا ( :
حمستيني اكتب قصه ولادتي بس الوقت مو مساعفني ابداااا انشالله اكتبهااا عن قريب

غلاك بقلبي
28-03-2012, 06:24 AM
...رقـــــــــــة...

الف الحمدالله على السلامة غناتي ويتربى القمر بعزكم ودلالكم يااارب

واهل البيت مايخيبو احد الله يثبتنا على ولاية الامام علي ومحبة اهل بيتة ياااارب

على فكرة اني قريت كل اجزاء قصص الولادة هههههههه بس اول مرا ارد

في قصص ضحكتني وفي الي حزنتني وفي الي غبنتني بالوضع الي يمرو فيه او ادا نادو باهل البيت او كلامات يقولوها تغبني>>>كتشفت روحي حساسة ههههه

وفي قصص اثرت فيي وووواجد الي اليوم مانسيتهم ولا بنساهم ودايماً ادعي لهم من كل قلبي:(
>>> قلت قص حياتي ههههه

بما اني رديت الف الف الحمدالله على السلامة كل الي ولدو في كل الاجزاء ويتربو في عزكم يااارب وربي يعوض الفقدنات ويرزق المنتظرات ياااارب>>>تو الناس:d

حلم عاشق
28-03-2012, 06:54 AM
من جد قصتش مؤثرة ام قاااسم طيحت دموعي وحسيت بروحانية اللحظات اللي عشتيها
ادعي ليي غناتي اني في اخر اسبوع ليي ادعي ليي بالسهالة وحضور اهل البيت ويايي
ربي يسهل على كل ام بحقهم

وردة الوفــاء
29-03-2012, 02:23 AM
مشكورين بنات كل اللي ردوا على قصتـــي...الله يسلمكم ياررررب..

قلامور.. اي والله الأيام مشت بسرررررعة ... يارب ماتجي السنه القادمة الا انتي كاتبه قصة ولادتك بالتوينــز يارب ياكريم,,
أنتي وخواتي المنتظرات .. والفاقـــدات ... ربي يعوض عليهم بالأحسن إن شاء الله,,,

fatima ali
29-03-2012, 03:31 PM
ألف مبروك رقة مشاعر
كل ماأقرأ قصص غيري اقول اجل اني ولادتي كانت سهالة
الحمدلله

fatima ali
29-03-2012, 04:44 PM
قصة ولادتي
تبدأ يوم السبت الموافق 25 فبراير
رحت موعدي و قالت لي الدكتورة الماء حول الجنين زايد واجد
قلت ليها يعني خطير؟ قالت: اي خطير في حالة انفتح كيس الماء في البيت احتمال من قوة دفع الماء و كثرته يطلع الحبل السري قبل الراس و هذا خطر لازم خلال دقايق تطةني في المستشفى
طبعاً كنت في الأسبوع 37 و 5 أيام
طلعت من المستشفى و رحت اتمشى مع خواتي في مجمع الظهران و اقول ليهم ويش قالت الدكتورة
و هم يطلعوا عليي مستغربين يقولوا ليي و عادي عندش؟ منتين خايفة؟ و اني اقول مابيصير شئ اللي كاتبنه الله بيصير
بس رجعت البيت كلمت في التلفون دكتورة نساء و ولادة اعرفها و قلت ليها عن الموضوع قالت لي صحيح خطير و المفروض بما انش 37 اسبوع خلاص تحط عليش طلق صناعي و تولدش في هذي الحالات مفروض تنومش و تخليش تحت المراقبة لأنه خطير
بعد كذا خفت و كلمت زوجي في العمل طبعاً هو يغيب عني اسبوعين و ماكان بيجي إلا الخميس و أني ماأبغي اولد قبل مايجي
و قال ليي هو و أهلي و اقنعوني بكرة تروحي المستشفى و تقولي إلى الدكتورة تنومش و تولدش
الأحد 26 فبراير
الساعة 1:00 الظهر راحت معايي اختي و بنت خالتي المستشفى و قلت للدكتورة باللي قررته
و إن بيتي بعيد ماأقدر اوصل المستشفى بدري لو صار لي شئ
و قالت ليي اني ماأقدر احط عليش طلق صناعي اليوم لأن الحين بينتهي دوامي و هذا الشئ بيكون تحت مسؤليتي ابغي اكون موجودة وقت اللي ينفتح كيس الماء و وقت الولادة
و احتمال 80% تتحول الولادة قيصري لأن ممكن من شدة دفع الماء لو طلع الحبل السري قبل الراس بنحولك عمليه
و ممكن تتغير و ضعية البيبي و الماء ينفتح من كثرته
و أني اقول ليها: عادي عادي المهم ارتاح ما أبغي احاتي اكثر
قالت:
إذا مصرة على الموضوع اقدر احولش على دكتورة ثانية تسوي لش اللي بتكون اليوم مناوبتها بس اني مارضيت لأني ابغاها هي اللي كنت متابعة معاها
و قالت لي تعالي الأربعاء مناوبتي الساعة 3 الفجر
و على مايجهزوش و يحطو عليش الطلق يكون ابتدأ دوامي الساعة 8 و باجهز ملفش في قسم الولادة
قلت ليها خلاص إن شاءالله بس لو صار لي شئ قبل الأربعاء؟
قالت لي: هاليومين لا تتحركي و لا تسوي فيهم شئ علشان ماتتعبي
و طبعاً مارضيت تشوف لي الرحم كم فاتح خافت تحرض الرحم
مع إن الأسبوع اللي قبله كان مقفل مو فاتح و لا شئ
طلعت و اللي رايحين معايي معصبين كان رحتي لدكتورة الثانية كيف مو خايفة وكذا؟
بس قلت ليهم خلاص الأربعاء باقي يومين بس احسن علشن يمديني ارح احف و اخلص باقي أموري..........متفرغة
الثلاثاء 28 فبراير
كانوا خواتي مقررين يروحوا معايي الفجر المستشفى و أني اكثر شئ كان مضايقني ان زوجي مو جنبي
كان يقولي روحي و انا الأرعاء الصباح باجي من العمل و قعدت اصيح في التلفون
بعدين كلمني الساعة 5 العصر قالي انا جاي في الطريق
قلت: الحمدلله أكثر شئ كنمت احاتيه
و رحت الكوافيرة وحفيت و سشورت
بعدها كنت قاعدة مع بنات خالتي و كذا و اقول ليهم تعبانة احس بمغص في بطني يضحكو عليي و يقولوا لي تهيأت طلق كاذب
وصل زوجي على الساعة 11 الليل ورحنا الشقة بيرتاح شوي و أني ماعرفت انام
اكلت لي 5 تمرات و شربت كأس ماء لأن الدكتورة كانت قايلة لي من الساعة 12 لا تاكلي ولا تشربي شئ
و صلنا المستشفى الساعة 4 الفجر و ركبنا الطابق الثاني قسم الولادة
و خلوني اغير ملابسي و جت الككرضة عطتني الإبرة الشرجية و فضيت اللي في بطني و كنت احس بشوي مغص بس ما يألمني عادي
و بعدين ركبوا عليي جهاز التخطيط و المغدي
جت الدكتورة المناوبة و قالت لي باكشف اشوف اذا الرحم فاتح علشان الحين بنعطيش تحميلة لتليين عنق الرحم قبل الطلق الصناعي اللي في الوريد و الله طلعت روحي و هي تكشف و أني اصرخ
كل تقولي:
تحسي بألم قلت ليها عادي مو ألم واجد قالت لأن في طلق قوي و الرحم فاتح 1 سم
و عطتني التحميلة الساعة 5
بعدها بساعة بدأت أحس بالألم واجد ظهري ببطني
ماني قادرة انام على السرير و كل شوي اناديهم تعالوا شيلوا التخطيط ابغي الحمام
طبعاً اني ماكنت ابغي الحمام بس كنت ابغي امشي و افتح من جهاز التخطيط تقريباً كل ربع ساعة اناديهم و مسكين زوجي قاعد معايي و يقولي تحملي بعدش في البداية
الساعة 8 قالوا لزوجي يروح يعمل إجراءات الدخول و اني شايلين عني جهاز التخطيط على إني باروح الحمام و قمت ارجع و اصيح من التعب إلا بدخلة الدكتورة اللي اتابع معاها بتدأ دوامها
شافتني و قالت ليي تعبانةواجد؟؟؟
قلت ليها باموووت
و قعدوني على السرير و قالت لي بتكشف تشوف الرحم
و الله يدها خفيفة مرررررررررة و ماحسيت فيها ابداً و قالت لي 2 سم
و قالت لي ليش ماتاخذي إبرة الظهر؟؟
قلت ليها بافكر
طبعاً اني خواتي و كل اللي اعرفهم كانوا يقولوا لي اخذيها و أني معارضة اقول لأ ماباخذها اللي ولدوا بدونها مو احسن مني ابغي احس بشوية ألم بس و الله ماكنت افكره كذا
وسألتها متى بتحطوا ليي الطلق اللي في الوريد قالت لي: احتمال مانحطه لأنش تعبتي واجد من التحميلة بس و عنق الرحم بدأ يلين احتمال تولدي بدونه بنصبر و نشوف
المهم إلا بدخلة زوجي و أني اقوله خلاص باخذ إبرة الظهر روح قول ليهم مو قادرة و الله باموت
و هو يقولي: انزين تحملي شوي بعدش في البداية
و اني اصرخ اقول ماأقدر حرام اللي قاعد يصير ابغاها الحين
وراح و قال ليهم ودفع فلوسها وجى دكتور التخدير يبغي يتكلم لي عنها و كذا
قلت له: دكتور اني مررررررة تعبانة اعرف كل شئ عنها بس اعطيني وياها
على الساعة 9 خلاص عطوني الإبرة و الله فجأة راح الألم
طبعاَ اخذت الإبرة من 2 سم
ونمت إلى الساعة 1 الظهر جت الدكتورة و قالت لي باكشف اشوف الرحم كم فاتح إلا هو 4 سم
فقالت الحين بنفتح كيس الماء
و كانت معاها دكتورة ثانية و ممرضتين فتحت كيس الماء و قعدت معايي في الغرفة تقريباً 10 دقايق و قالت لي الحمدلله كل شئ تمام
طبعاً لما انفتح الماء الممرضات مستغربين مررررة و كل شوي يقولوا ماء واجد ماء واجد وكل ساعة يجي يغييروا ثيابي و شراشف السرير من كثر الماء اللي نزل
الساعة 3 بدلأت احس بشوي الم دفع من تحت وقمت اصيح واقول ليهم احس بألم جى دكتور التخدير و زود شوي الجرعة
الساعة 4 جو قاسوا الرحم كان فاتح 7 سم
و أني طبعاً كنت اصيح طول الوقت لأني احس بألم الدفع من تحت ماكنت احس بالطلقة و المغص بس ألم الدفع احس فيه خليتهم يجيبو دكتور التخدير مرة ثانية
و قالي انتين اول بيبي احنا مانقدر نعطيش جرعة واجد لازم تحسي بالدفع شوي علشان تقدري تدفعي بس يطلع البيبي
هم يخافوا ان الوحدة أول ولادة ماتعرف كيف تدفع فلازم يخلوها تحس شوي
والمهم الساعة 5 جت الدكتورة قاست قالت 9 سم الساعة 5:25 قمت اصيح و اصرخ اقول لزوجي باموووووت في شئ احسه بيطلع طبعاً كانت معايي ممرضة في الغرفة من فتح الرحم 9 سم و هي تقول عادي بس كذا
طلع زوجي و نادى الدكتورة جت قاست قال خلاص ولادة 10 سم فتح و فصلوا السرير و لبست لبسها و كانت معاها دكتورة ثانية بعد
و اني كل ماقالوا ادفعي دفعت طبعاً اني ماكنت احس بالطلقة هم كانوا يقولوا لي في طلق يالله ادفعي و اذا راحت الطلقة يقولوا لي خلاص ارتاحي
طبعاً اني لما كنت ادفع كنت اصرخ و هم يقولوا ليي لا تصرخي اذا صرختي مابيطلع البيبي
و زوجي يهوي عليي كنت مرررررررررة حرانة و مسكين يقعد يقولي ادعي للأسرى ادعي للمنسيين ادعي للمؤمنين و الكرضى
و اني مو وياه و ما أبغي احد يهدر جنبي\و اقوله: خلاص دعيت و الله دعيت مو كل شوي تعيد عليي تعبانة باموت اني
و اني كل شوي اقول نادوا علياً مظهر العجائب
و يالله و ياعلي
الساعة 6:10 الدكتورة كل شوي تقولي: برافوو برافوو كثير منيح شوي و بيطلع البيبي
قلت ليها: لأ خلاص مو قادرة ماأعرف اشفطيه اسحبيه سوي اي عمليه بس خلاص ارحميني
ماأقدر ادفع اكثر تعبت
وهي تقوليك تقدري لا تقولي كذا
و مع الدفع و كذا اني مو حاسة باللي قاعد يصير بس اسمع الدكتورة و هي تقول: برافو برافو
و مرة تقولي شفنا الراس باقي بس 2 سم و يطلع البيبي و مرة تقول
طلع شعر البيبي خلاص دفعة وحدة طويلة و بيطلع
دفعت دفعة اخذت فيها نفس طويل طلع راس البيبي مع الجسم بنفس الدفعة
الساعة 6:35 شرفت راحيل على الدنيا
و سمعت أول صرخاتها
و حطوها دقيقة على صدري اشوفها و شالوها ينظفوها
و قالت لي الدكتورة بعد دفعة بسيطة علشان تطلع المشيمة و طلعت المشيمة و قعدت تنظف و تخيط طبعاً اني حسيتها طولت في الخياط
بس استغربت لما قالت لي بس غرزة وحدة
طبعاً طول ماهي تخيط جابوا لي البيبي و خلوني احملها علشان انسى اللي الدكتورة قاعدة تسويه
خلوني في غرفة الولادة إلى الساعة 8:30 لين ماجى دكتور التخدير و شال الإبرة و بعدين ركبوني غرفة التنويم
تعشيت و جابوا لي على الساعة 10 البيبي شوي و اخذوها
و طلعنا من المستشفى يوم الجمعة الظهر
الولادة: في مستشفى بروكير
الدكتورة: رنا جمال
التاريخ: 29 فبراير 2012

زهورره
29-03-2012, 04:45 PM
رقه حمد الله على سلامتك
من جد صبورره يتربى قاسم في عزكم ياارب وعقبال تشووفوه معرس
غناتي دكرتني بحالي بولادتي لاولى والتانيه والله يسهل على الحين ونشاء الله لمااولد اكتب قصتي هنا

غلاك بقلبي
29-03-2012, 11:25 PM
الف الف الحمدالله على السلامة fatima
تتربى راحيل بعزكم يااارب

حلاتي
30-03-2012, 01:52 AM
الف الحمدلله على السلامه فطومه يعني استخدمتي
ابره الضهر وارتحتي من الم الطلق العبيط
قصتش حليوه جات سهالات من رب العالمين على التعب الي تعبتيه طول فتره حملش
تتربى راحيل فعزكم

مونيا
30-03-2012, 02:22 AM
فاطمه علي الف الحمد لله على سلامتش
وتتربى راحيل في عزكم ودلالكم

دلوعة الغآالي
30-03-2012, 03:35 AM
الف الحمد الله على سلامتش فطووووم والله يحرس لش راحيل القميلة وتشوفيها احلى عررروسة

اني بعد ناوية اخذ ابرة الظهر ان شا الله :) و يارررب تساهييييل

fatima ali
30-03-2012, 04:51 AM
الله يسلمكم جميع
حلاتي اي و الله تدري امي دايم كانت تقولي اللي تتعب في حملها و لادتها تكون سهلة الحمدلله
تعرفي اني قررت اخذ براية الظهر لان ٢ سم كنت احس بالموت مو قادرة
طلعت ما أقدر اتحمل و لا شئ
دلوعة الغالي:
و الله انصحش بقووووة تاخذيها و الله راحة و رحمة من رب العالمين

daniah
30-03-2012, 11:49 AM
فطووووووووم مبروووووووووك ماجاكم
الحمدلله ع سلامتك وسلامة النونو
تتربى راحيل في عزكم ودلالكم

برقع ذهب
30-03-2012, 03:42 PM
fatima ali..~
الف الحمدلله على السلامة..
وماشاء الله سهالات..

..{ الله يسهل على التواسع}..

&&بسمة طفل&&
30-03-2012, 04:42 PM
الحمد لله على السلامة وتتربى راحيل في عزكم ^_^

محليتهم
30-03-2012, 05:41 PM
رقآوي الحمدلله ع السسلآمة كنتي صبورة من جد ويتربى المعرس بعزكم ودلآلكم ..

فطووم علي قصة ولآدتش تشبه قصتي كثيييييييييير ع آختلآف بعض التفآصيل البسيطة وسبحآن الله نفس المستشفى ونفس الدكتورة ..وتتربى الكتكوتة بعزكم يآآرب ..

رقة مشاعر
30-03-2012, 11:08 PM
يا عللللللللللللللي رقة...
صيحتيني...
خاصة يوم قلت يا علي بن موسى الرضـــــــــــــــا..

اي والله ما خاب من توسل بهم..
احنا في نعيم بوجود محمد وآل محمد في قلوبنا..
حمد لله على سلامتك..وبالغة فيه معرس..
دعواتك للمنتظرات..ولنا بالسهالة..

فعلا ماخاب من توسل بهم سلام الله عليهم اجمعين
الله يسلمك ويسهل عليك بوقتك
والله يرزق المنتظرات الذرية الصالحة

غاليـة
30-03-2012, 11:36 PM
رقة المشاعر أو ( أم قاسم ) أحلى...

ألف الحمدلله على سلامتك وسلامة قاسم...

والحمدلله على السهاله والله يصبرني مثلك ساعة الولادة...

أنا بولدي كنت أصااااارخ بشكل...

إن شاء هالمره معاي زوجي ويعطيني القوه...

أنا أختي بقسم الولادة والحضانة يجوز تقابلتوا ^__^

رقة مشاعر
30-03-2012, 11:44 PM
الحمدلله على سلامتك ام قاسم
قصتك مؤثره كنتي جدا صبوره وتحملتي الحمدلله ع سلامتك وسلامة قسوم
يتربى بعزكم ودلالكم ,,

الله يسلمش غناتي دونا
الله يقومش بالسلامة وتفرحي بشوفة البيبي ياقلبي:)

رقة مشاعر
30-03-2012, 11:47 PM
الف حمد لله ع سلامتك رقة ويتربى في عززززش الصغيرون
ماخاب من توسل بأهل البيت .. سلام الله عليهم ..

الله يسلمك غناتي
ويحفظ لك الصغيرونة
سلام الله عليهم ماخاب من توسل بهم

رقة مشاعر
30-03-2012, 11:57 PM
رقة مشاعر

الحمدلله. على السلامه

اهل البيت مايخيبو احد سلام الله عليهم

والمستشفى هذي سالفتهم مع البامبرز اسمع خواتي لين ولدووو هناك البكريات يفشلوهم وين البامبرز يادافع البلا بلد البترول وهذي سوالفهم

مبروك ماجاكم ويتربى بعزكم ودلالكم

الله يسلمش ويبارك فيش غناتي فراشة حمراء
والسلام على اهل البيت هم غايتنا و وسيلتنا
الله يسهل عليش بوقتش

اي والله يفشلوو المستشفيات الحكومية كل شي عندهم موجود بس بخيليييين على المرضى
الله المعين

غاليـة
31-03-2012, 12:07 AM
فاطمه ألف الحمدلله على سلامتك وسلامة البنوته...

وبالغه فيها إن شاء الله ^__^

ودكتورتك نفس دكتورتي وإن شاء الله تكون موجوده بوقت ولادتي...

رقة مشاعر
31-03-2012, 12:08 AM
الله يسلمش عزيزتي زهورة
الله يسهل عليش ولادتش وتجي تكتبي قصتش هنا
ونقراها ونبارك لش

رقة مشاعر
31-03-2012, 12:20 AM
رقة المشاعر أو ( أم قاسم ) أحلى...

ألف الحمدلله على سلامتك وسلامة قاسم...

والحمدلله على السهاله والله يصبرني مثلك ساعة الولادة...

أنا بولدي كنت أصااااارخ بشكل...

إن شاء هالمره معاي زوجي ويعطيني القوه...

أنا أختي بقسم الولادة والحضانة يجوز تقابلتوا ^__^


الله يسلمش غناتي غاليه
الله يسهل عليش بالولادة خيتووو
مايندرى يمكن شفتها يصير ليش لا:)

شذى العمر
31-03-2012, 12:54 AM
الحمدلله على السلامه ويتربوا النونوات في عزكم ودلالاكم
بنات يالله ننتظر قصصكم لا تتاخرون علشان نعيش الدور

شذى العمر
31-03-2012, 12:54 AM
الحمدلله على السلامه ويتربوا النونوات في عزكم ودلالاكم
بنات يالله ننتظر قصصكم لا تتاخرون علشان نعيش الدور

رقة مشاعر
31-03-2012, 12:55 AM
محليتهم
تسلمي ياقلبي الله يسلمش ويحفظ لش احبابش

rabab
31-03-2012, 01:52 AM
مافي احد بيكتب قصة ولادته ؟؟؟؟؟؟؟




يلا حمسوني يمقن اكتب ..

حلاتي
31-03-2012, 04:15 AM
مرحبااااااااااااا شو االاخبار -اخلصي علينااا
بصراحه غرت من رفيقاتي الحلوات رقوي وفطومه وقلت لازم افضي وقتي الثمين
واكتب قصه ولادتي القميله :p
بامللكم شوي بتفاصيلي بس تحملوني :D
نبدا على بركه الله
بسم الله الرحمن الرحيم

احداث ولادتي
المكان –مستشفى الزهراء
موعد الولاده المتوقع 23 -4 -1433
تزوجت بعد زواجي بشهر حملت وكانت فرحتي اني وزجي بهالخبر
عظيمه كونه اول حفيد لاهلي واهله :rolleyes:
مرت شهور حملي بدون مشاكل الحمدلله ماعدا الوحم والترجيع والكابه الي رافقوني طول فتره حملي تقريبا
بدت معاي رياح الاستقبال تجيني من الشهر السابع بس كانت خفيفه جداااا ونادرا ماتجيني وزادت علي بشكل فضيع فشهري الثامن كانت تجيني فاليوم اكثر من مره والمها قوي بس يعتبر محتمل وماكنت اجيب خبرهاااا كونها شي طبيعي فالحمل
وقلت من دخلت التاسع تجيني بس مو مثل الثامن :o
فنص شهري التاسع وبالتحديد في يوم الجمعه بتاريخ 9-4 جلست من النوم الضهر صليت ونزلت اتغدا مع عمتي وحماتي وخاله زوجي الي كانو عازمينهااا فداك اليوم
وطبعا زوجي فالدوام مايرد الاا 7 المغرب
جلست معاهم للعصر عالساعه 4اتصلت لي امي قالت لي انهم بيطلعووو للملاهي تغير جو ادا بروح معاهم وبالمره فرصه عشان امشي قلت لهم أي تعالو مرو علي السالفه فيها طلعه ماتتفوت هههه
جهزت حالي وطلعت معاهم وصلنا اخوي ومرت اخوي واختي من لعبه للعبه واني اطالع فيهم متحسره ابي العب بس ماقدر اغامر اهى اهى :( حطيت حرتي فالمشي صرت امشي وامشي وامشي اريح فترات بسيطه وارد امشي ضليت على هالحاله 3 ساعات تقريبا لما جيمت رجايلي خلاص جلست وخليت امي تاخد لي بطاطس اكلتي المفضله طول فتره حملي خخخ
اكلت وردينا شقتي عالساعه 8 وربع تقريباااا مع اني كنت هلكانه من المشي وخاطري انسدح وارتاح بس مع هدا نزلت عند عيالي اتسمع مولد الزهراء –نذر على عمتي
تسمعت وطلبت حاجتي وعطوني سهمي مع تفاحه قالو لي اطلب حاجتي وانفخ عليها واكلهاااا وسويت الي قالو لي عليه :rolleyes:
بعدها ركبت شقتي خلاص مافي شده شي بس كان عندي احساس غريب بتفائل بفرحه مادري كيف اوصف حتى قبل ماانام اقول لرجلي حاسه بتفائل يمكن اولد قريب قام يقولي انشالله الله يسهل عليش ويوصل فضول بالسلامه :)
بعدها نمت نوم تعب من اليوم المتعب جدا بالنسبه لي :)

حلاتي
31-03-2012, 04:16 AM
في اليوم الي بعده يوم السبت بتاريخ 10 -4 بدا معاي مشوار الطلق والولاده
الي كان غير متوقع ابدا بالنسبه لي :confused:
بعد نوم التعب جلست الصباح صليت ووعيت زوجي للدوام سويت لي فطور وفطرت حسيت بنشاط ماخاطري انام قريت لي كم دعاء وقعدت احوس فشنطه الولاده واشيك على اغراضي والماي المقري عليه سكرتها وقعدت احوس فجوالي ليما نمت جلست عالضهر صليت ونزلت لعمتي اتغدا معاها –روتين يومي خخخ:p
ركبت شقتي بعد الغدا قعدت احوس شويات وانضف الشقه عالطاير فجاه حسيت بالم رياح الاستقبال وكانت الساعه 3 العصر تقريبا طنشته صار يتكرر لي كل مابين فتره وكان تقريبا الفترات منتضمه بس اني ماحسبت لانه اصلا ماجا على بالي انه بدايه طلق ولاني تعودت عليه من الشهر الثامن كان يتكرر عندي اطنشه ويروح من نفسه
المهم طنشته وبعد الحوس قلت بريح لي وانام ماعرفت انام من الالم فدخلت اسبح وتنقعت لي شويات فالماي الدافي الاا برده رجلي من العمل عالساعه 4 راجع بدري
كانه حاس اني بولد فهاليوم خخخخ
جلست اسولف معاه واني اتالم بس ماحسسته بشي كل ماجا لي الم اضغط على حالي وكاني مافيني شي صار الم يروح ويجي بين فترات متقاربه هني رجلي حس فيني قام يسالني ويش فيش قلت له مافيني شي بس ريح الاستقبال العبيطه ماديتني بس عادي شوي وتروح قام يقولي ويش رايش نروح نتعشااا برا الليله ونروح الكورنيش تتمشي لش شوي هني فرحت حدي الله طلعه –مصفعه خخخخ:D
جات المغرب والالام لازالت تروح وتجي وكل ماجا ليهااا تتقارب فالفترات جيت بصلي كل ماجا الم يعصرني وماعرف حتى اوقف فانسدح ومن يروح الالم وكانه مافيني شي واني مابين وبين احيان اقول يمكن طلق بس فداخلي راافضه هالشي واقول لاا بدري مو طلق ولو كان طلق اكيد بشوف دم او ماي أي شي وهالاشياء ابدا ماشفتهااا
المهم صليت وقتها واني جالسه من الالم شافني رجلي وهني ماقدرت اخبي الالم اكثر لانه كل ماجا له يزيد اكثر واكثر قام يحاول فيني للمستشفى واني اقوله لااا هالالم عادي وبعدين بدري على ولادتي باقي على 23 اسبوعين:eek:
يقولي متاكده عادي قلت له اي حتى ادا تبغى تتاكد بقوم اجهز حالي
حق نطلع المطعم –حدي فاضيه :Dهههه
وهو زي الي متخوف مايبي يكسر خاطري ومايطلعني ومايبي بعد نروح ويمكن فيني ولاده وفمطعم بعد ام الفشله هههه بس ماقال لي هالشي طبعاااا قالي خلاص جهزي حالش وراح يشاهد فالصاله واني فالغرفه البس العبايه ومن اتالم انسدح واون على خفيف ومن يروح الالم ارد اقوم اكمل الي اسويه وهكدا ليما خلصت وتجهزت طبعا خديت فتره طويله على لبس عبايه بس خخخ طلعت له فالصاله اقوله جاهزه يلاا نطلع ويرد الام لي وانسدح عالكنب واون خلاص مو قادره اتحمل ومن شده الالم صرخت لي صرخه الااا بماي الجنين كله يطلع حتى رجلي اختلع يقول لي وشووو دااا واني من الصدمه قعدت اصيح وارجف وهو ماسكني ويهديني ,اتصل لامه قال لهاااا ان الماي نزل علي قالت خير انشالله وركبت لي على طول واخدت شنطه الولاده حقتي ورجلي نزل يشغل السياره وطيران للمستشفى واني طبعااا طول الطريق دموعي اربع اربع وكل ماجا الالم اون واقول يازهراء ادركيني يازهراء لاتتكريني يازهراء احضري لي :( عطشت وتذكرت الماي المقري عليه طلعته لي عمتي من الشنطه وشربت منه شوي
وصلنا المستشفى عالساعه 7 ونص تقريبا ساعدتني عمتى ورجلي راح يصفط السياره دخلنا وعلى طول عالطوارئ قالت لهم عمتي حاله ولاده جابو لي سرير ونقلوني على طول للطابق الثاني غرفه التخطيط واني اتالم واتالم واصرخ من الالم لانه صار يجي كل دقيقه مايمديه يروح الااا يرجع مره ثانيه جات الممرضه وحطت لي التخطيط واني مو قادره اثبت كل ماتالم لفيت يمين ويسار وعلى ضهري وممرضه مو عارفه تثبت لي الجهاز وتقول لي ماما مافي كدااا اثبت واني طبعاا عمك اصمخ مالي خلقهااا ابدااا
جاتني الدكتوره هدى ولبست القفازات ودخلت ايدهاااا ا بعنف صرخت لي صرخه يمكن حتى الدورالارضي سمعها هعع
الاا تقولي 6 سم طبعاا من الالم ماكنت مستوعبه اصلااا وش قالت لبسوني الفستان الجميل وطلعو وخلوني بحالي اتالم واتعفر واصلاا من سوت لي هالكشفيه جات الزلازل اكثر واكثر وصرت بدل الون ا صرخ واصرخ والسستر تجي تطالع فالتخطيط وتروح
بعد ساعه من الالم دخل على رجلي مسكت ايده بقوه واني اصيح من الام اقوله حرام عليك مابي اولد مابي اولد قول لهم يسو لي عمليه تعبانه:( وهو يهديني مايصير غناتي خلااص بتولدي طبيعي سالت الدكتوره تقول 8 يعني ماباقي شي واني اصرخ عليه انت جداب قالو لي 6 قام يحلف يقولي والله قالت لي صار 8 الحين هي ماكشفت الاا مره وحده كيف عرفت 8 مادري :confused:
والله من حره الالم الي فيني قعدت اشمخ فاياديه وهو متحملني مسكين خخخخ شوي بس من دخله رجلي حسيت اني بدفع مو قادره قلت لرجلي ماني قادره قول لهم يجوووو احس شي بيطلع نادى بسرعه على الدكتوره وجات كشفت الاا تقول خلاص ولاده سالتهااا كم فاتح ماردت علي ونقلوني على طول غرفه الولاده :cool:
جاتني الدكتوره جهان ومعاها هدى بس واقفه وتطالع –صرت فرجه لهم عفر
وجهان تقولي يلاااا كل ماجاك الدفع ادفعي كانك بتتبرزي تكرموووو
واني من الالم ماسمعت الاا اخر كلمه قعت اقولهااا مابي مابي تقولي يماما كيف ماتبي يلااا ادفعي ساعديناااا واني اصرخ ماعرف وش تبي مابي اتبرز اقولش صار خاطري والله ارفسهاااا من القهر :mad:هع
قامت تصرخ علي مقهوره يماما انتي مابتدفعي ساعدينااا يرحم والديك
واني اصيح ماعرف ماعرف اشد بس ماني عارفه ومن الالم مو قادره حتى اخد نفس
ترد تقولي كيف مابتعرفي انتي ادفعي الجنين بيضعف نبضه هني خفت وقعدت احاول ادفع واشد وهي تقول أي يلاا بعد بعد استمري بس ماكنت اطول اتعب على طول واوقف
وهي منفرزه علي طول وقتهااا انتي ماتدفعي وماتساعديناااا-- قهرتني
كاني قاعده العب وياه هداني احاول :mad:
وترد تقولي هاااا ماجاك دفع يلاااا ادفعي هني خلااص جاتني الصيحه ماني عارفه قعت اصرخ عليهاا مابي اولد سوني عمليه والله قابله :eek:
قامت تقول يمامااااا مابقى شي الراس باين بس انتي مابدك تساعدينااااا رديت اشد وادفع وادفع الاااا بطلعه ولدي بالصلاه على محمد وال محمد على الساعه 9 بالضبط :o
ماشفته ولااا حطوه على صدري زي ماسمعت وقريت علطول شالوووو يغسلوه حتى المشيمه ماشفتهااا
كان كل همي ان الم الطلق راح واخيراااااااااااا :D
رجلي من سمع صوت البيبي دخل يشوفه
واني بديت بمشوار الخياط الكريه فالبدايه ماحسيت فيه حتى رجلي بعد ماشاف ولده جا لي ومسك ايدي قال الف الحمدلله على السلامه وعيونه فرح مو شايله ويقولي شفتي قمرناااا قلت له لااا ماروني اياه وصوتي طبعاا بالموت يطلع من الصراخ خلااص اختفى خخخخ
قال لهم يجيبوه وشفته من شفته ماحسيت بنفسي الاا اني اكرر الصلاه على محمد وال محمد كدا من غير شعور اكرر ورا بعض اخدوه وضل زوجي قلت له خبرت امي قال لي أي هداكي جايه وهي تصيح عليش خايفه :pبعد عمري امي مره خوافه من كدا ماحبيت يخبروها الاا لما اخلص ولاده ومع هدا قامت تصيح
وطلع زوجي عني وهم بعدهم يخيطووو حشاااا :confused:
بديت احس ببعض نعزات الغرز اقولهاااا دكتوره يالم تقولي ماعليش تحملي مابقى شي ضلت ساعه تخيط وكل شوي تقول مابقى شي تسكتي يعني :mad:
خلصت خياط وقالت لي الف الحمدلله على السلامه خلاص ارتحتي الحين قلت لها أي قامت تقولي مابدك تعيدي التجربه مره ثانيه قلت لهااا لاا دكتوره تكفي مابي خلاص تعبت كان كل جسمي يرجف مع اني ماكنت بردانه:(

حلاتي
31-03-2012, 04:19 AM
طلعوني لغرفه التخطيط مره ثانيه ودخلو لي اهلي وباركو لي وقعدو وياي وجابو لي قمري ولدي وحطوه جمبي عالساعه عشر قالو خلاص خلصت الزياره وطلعوا اهلي ماضل غير زوجي قلت له لاتروح عني مابي اجلس بروحي قال مايصير غناتي مايرضووو قلت له انزين قبل ماتطلع قول لهم ياخدو ولدنااا اخاف يطيح مني وانت مو موجود
واني من التعب مو قادره حتى اشيل عمري غير الرجفه الاا وياي
قال لهم وخدوه وطلع
جات لي السستر جابت لي اكل ماشتهيت اكل شي ماشربت غير الماي وبس
لان حلقي جف حده
شوي الاا داخله لي دكتوره ماعرفتهااا اول مره اشوفهااا الاا تقولي يلااا نشيل الشاش الحين :eek:صارت عيوني هالكبر أي شاش بعد ماخلصناااا الاا تقولي خلااص اخر شي لاتخافي قامت تضغط على بطني وطلعته ونضفت لي
شافت الاكل الاا تقولي ماكلتي شي قلت لها مو مشتهيه قالت لااا لازم تاكلي عشان تصيري قويه انتي قايمه من ولاده اكلي عشان ننقلش غرفتش خلاص قلت لهاا اوكي جلست احاول باكل مالي نفس اصلااا تركته وماجبت خبرها
جات لي السستر تقولي البسي عبايه عشان ننقلش للغرفه قلت لهااا جيبي شنطتي كانت بعيده عني
جابتهااا جلست ادور وادور فيهاا عن عبايتي مافيها شي اتصلت لرجلي اقوله وين حطيتو عبايتي الاا يقول خديناها ويانا توصخت :eek:
جاتني الغبنه كيف يودوني بدون عبايه قالي قولي للستر تغطيش باي شي
قلت لهاااا قعدتي عالكرسي وحطت على شرشفهم الابيض غطتني فيه وحطت شنطتي فوقي –صرت كاني خبابه عفر
وركبتي للطابق الثالث ماكنت اشوف شي طبعاااا من الشرشف بس كنت اسمع ضحكات السسترات الهنديات الي نمر عليهم -صرت مسخره ليهم اهى اهى :(
وصلت غرفتي حطيت راسي انام لي ساعه واقعد عشر ساعات ملل مره جلست يومين فالمستشفى الحمدلله عنايه المستشفى كويسه أي شي ابيه يجبو لي اياه وادا طلبت ولدي يجيبو لي اياه بعد بس عيبه الوحيد ان ماي الحمام بارد جدااا
ضاق خلقي ماقدرت اسبح فيه ابدااا :mad:
وبس توته توته خلصت الحتوته حلوه ولاا فتفوته :p
اهمشي ماملتكم بالتفاصيل الدقيقه :D

C R U S T A L
31-03-2012, 05:06 AM
الحمد الله على السلامه حلاتي ويتربئ فاضل بعزكم ودلالكم

مدري كيف قصتش احسهااا سهاله بس شكل الطلق متعب جداً

الله يرزقنا ساعه السهاله ان شاء الله ويرزق كل محرومه ياااارب

daniah
31-03-2012, 05:31 AM
قصتك حمااااااس حلاتي ^_^
الحمدلله ع سلامتك وسلامة فضول
ماملينا من التفاصيل بالعكس استمتعنا فيها
يتربى بعزكم ودلالكم

شذى العمر
31-03-2012, 07:38 AM
الحمدلله على السلامه حلاتي ومبروووك ماجاك قصتك حلوه لتفاصيلها

رياحين الجوري
31-03-2012, 08:55 AM
حالتي ....الحمد الله على سلامتك وسلامة البيبي ويتربى بعزكم ان شاء الله ....ولادتك حسيتها حلوة وسهالات ان شاء الله ولادتي تكون كذا يارب

fatima ali
31-03-2012, 11:35 AM
الله يسلمكم جميع
اي و الله سهالات كانت لو ما أخذت ابرة الظهر ما أتوقع بتكون كذا