المساعد الشخصي الرقمي

مشاهدة النسخة كاملة : استفسارات عن ايران هالايام



فراشة zm
12-09-2011, 03:27 PM
السلام عليكم
عندي بعض الاسئله وقلت ماليي الا عروس القطيف واتمنى تفيدوني

ابغى اسئل عن مهد البراق وعروضه
الكل يعرف عروض مهد البراق واكيد فئه كبيره جربت تروح معاه
المهم ابغى اعرف كيف الفنادق السياحيه الا يسكنهم من جميع النواحي وهل هي بيعيده
ونفس الحال عن فندق الفرات
وكيف اكلهم
ولو رحنا في عرضه الا بدون اكل يوفر لينا اكل

طيب ابغى اسئل وين الافضل بما ان مو موسم نروح تابع حمله لو لحالنا
كم سعر التداكر هالوقت وكيف اسعار الفنادق او الشقق هالوقت
طبعا الى سويت

وادا دكرت اسئله برجع بكتبهم
اهم شي ماتخيبوني

فتفوته
12-09-2011, 04:52 PM
ما انصحش اختي تروحي مع مهد البراق دايما عندهم تاخير في الرحلات يعني في الجيه او الروحه لازم تأخير وانتي براحتش
وغير كده احس انش تروحي مع حمله افضل وفيه بعض الحملات عندهم عروض زينه واذا كنتي تمبي سعر زين لازم
تروحي فيي ايام المدارس لانه في الاجازات ترتفع الاسعار واجد لانه موسم عندهم
في كل الحالات احس انه تروحي مع حمله اريح بواجد من تجربتي من كم سنه وانتي شوفي الي يناسبش
اما بالنسبه للفنادق هناك ما عندي خبره فيهم
موفقه خيتو

فراشة zm
12-09-2011, 08:56 PM
يسلمو خيو عاالتعقيب ننتظر تجارب الباقي

وبالنسبه الى التأخير او التقديم مو مشكله عليه لو تقدمنه يوم وتأخرنه يوم
اهم شي المعامله هناك
وادا عندكم عروض على حملات تجي سبوعين بسعر حلييو دلونيي عليه في اسرع وقت ادا ممكن

عيون عسليه
12-09-2011, 11:57 PM
اممم مهد البراق رسلولي في الجوال عندهم عرض 11 يوم 1650 على ماعتقد بس مادري ويش شامل
وعندك نور الرضا في سيهات عرض 14 يوم 2000
ومكتب الشافعي احنا مانتعامل الا معاه اتوقع عنده عروض

صراط فاطمة
13-09-2011, 12:30 AM
فيه عروض لمهد البراق 10 ايام 8 ايام مشهد و 2 يومين قم بـ 1950 ريال تذاكر وسكن فقط

وفيه حملة العقيلة 8 ايام 1950 ريال شامله تذاكر وسكن واكل مشهد فقط ،، واذا اسبوعين 2500 ريال وبفندق سايه مو بعيد عن الحرم

افضل تروحو مع حملة لان اذا ماتعرفو احد هناك بتتبهدلوا ما بتحصلو سكن لان اغلب العمارات القريبة من الحرم تكون محجوزة للحملات ولو لقيتو بيكون غالي عليكم لان الحملات تتاجر بالادوار فيكون السعر عليهم ارخص

وبامكانكم تتأكدو بالاتصال ع الحملات والاستفسار اكثر

امنية حياتي
13-09-2011, 01:36 AM
بالتووووووووفيق خ ــــيــــــه

Gــلنار
13-09-2011, 02:24 AM
نور الرضا عندها عروض وطبعا رخيصه مقارنة بالاجازة وماانصحش تروحوا لحالكم

بالتوفيق :)

مركز أمواج التعليمي
13-09-2011, 07:24 AM
حمله العقيله راقيه جدا بصراحة واكثر من مرة اروح وياها حتى بالعراق
ماتخافين امورهم تمشي بسرعه
بالرغم ان العراق تحتاج جدا جدا متابعه ومتعبه بالعادة تكون الرحلات لأن ظروف العراق متقلبه

رسالة حزن
13-09-2011, 09:05 AM
عروض مهد البراق احسها احليوووه بس بالنسبه للفنادق السياحيه مااعرف
عنها شي لاني ماافضلها بس كل واحد وراحته

وكان على توفير الاكل تقدري تسأليه يوفر لو لا واكيد بكون المبلغ اكثر

اذا تبغي اتروحي مع حمله لاتروحي ويا مهد البراق لانه احسه مو مثل الحملات الثانيه

يعتبر كمكتب سياحي يوصلش المكان الي تبغيه بس غير جديه مافيه

اني جربته مرتين من زمان قبل 8 سنوات تقريبا اول مرة رحنا وياه سكنا في فندق بعيد واجد

ساعه كامله بسيارة الى الحرم بس الحين طبعا اتغير الفنادق كلها قريبه وعلى حسب اختيارش

حاليا يسكن في فندق الغدير اربع نجوم قريب من الحرم ..

اختي روحي وياحمله من الحملات المعروفه احسن

هذي وجهة نظري

اني جربت حمله من البحرين كان عندهم اهتمام كبير بالزاير حتى بالاكل يسأل عجبكم الاكل لو لا

واذا في مكان بروحوه ينتظرهم ويتصل عليهم اذا كانو بروحو لو لا ..حتى لو الجدول موجود .

اخر مرة رحت شهر شعبان الي طاف وياحمله كانت زينه عجبتني

وبالتوفيق ان شاء الله


لاتنسينا من الدعاء

رحلة السعاده
13-09-2011, 06:02 PM
اي والله كتبتي الموضوع عني واني كنت بحاجه الي اجابه لان فعلا ابي معلومات عن اي افضل حمله مع الاكل وابي اعرف كم رحله تشمل وكن السعر لاني سمعت ان ايام المدارس ارخص بوايد من وقت الاجازه فياليت لو تدلونا ع حمله عروضها وسعرها تكون حلوه ومناسبه

كلمة الحق
23-09-2011, 01:03 PM
أسأل عن فندق نورفي مشهد
من حيث النظافة ومميزاته
وكيف الأكل ؟ ولو ماعجبنا الأكل نقدر نطبخ ؟
وفيه انترنت لو لا ؟
وهل هو قريب من الحرم ؟
رحم الله والديكم ردوا عليي بسرعة
لأنه الجمعة الجاي طالعين
جزاكم الله الخير والتوفيق دائماً

النور14
23-09-2011, 03:52 PM
اللهم صل على محمد وآل محمد

موفقه خيه

حبيبي حياتي
23-09-2011, 10:29 PM
ياريت اللى يعرف عروض حملة كويسه يحطه لان نفسي اروح بس مدري مزانيتي اتكفي لو لا
سوري الى صاحبت الموضوع

مفآهيم الح ـب ~
24-09-2011, 07:29 AM
أختي كلمة الحق طالعين أسبوع الجاي الجمعة مع مهد البراق......؟؟؟؟

كلمة الحق
24-09-2011, 10:45 AM
لا
مع مكتب ثاني مو مهد البراق

زمرد وياقوت
24-09-2011, 11:11 AM
هلا اختي اني جربت مهد البراق مرتين ....مرة قبل سنتين وكان جيد وبدون اكل والاكل ماتتعطلي عليه في مطاعم واجد هناك ....ومرة قبل 12 سنة وكان رووووووووووووووووووووووعة اول مافتح المكتب كانت رحلة شاملة ...اذا تبي حملة زينة وسعر زين فيه مكتب الزين الي في تركيا جنب رغيف تاروت السنة رحنا اياهم حليو صراحة مرة وعروضه احلى كان اسبوع بالاكل 2500 للنفر بينما كان اللبراق في نفس الفترة 5 ايام بس وبدون اكل ب2100 وطبعا روحي وقت المدارس في عروض رهيبة يعني التذاكر في وقت الموسم ب2400 في هذي الايام ايام المدارس تصير ب1000 الله يوفقكم يارب ويرزقنا جميعا الزيارة

galamor
24-09-2011, 07:23 PM
خواتي اللي راح تروح ايران ترا من يوم الاربعا رفعو سعر الفيزا صار 380 تقريبا

فراشة zm
24-09-2011, 08:41 PM
شكرا*للجميع*الا*ردو*على*موضوعي*ورحم*الله*والديكم*ت م*الحجز*مع*مهد*البراق*والسكن*في*الفرات*مع*الاكل*بو فيه*

حبيبي حياتي
24-09-2011, 11:31 PM
خيه بكم طلع لش الحجز كامل ومع تكاليف الفيزا

galamor
25-09-2011, 03:34 AM
غناتي اختي حبيبي

بعد اذن صاحبه الموضوع
عروض مهد البراق اسبوع ب 1950 السكن في الفرات 3 نجوم مع استقبال و توديع بالمطار و بوفيه مفتوح 3 وجبات

واسبوعين ب2900 ريال

طبعا بختلف اختي من حجز الاخت فراشه الى الحجز الحالي عشان ارتفاع سعر الفيزه الى 380 مع اتعاب المكتب تنحسب ب450 ريال

حبيت افيدك :)

لان العرض موجود بصفحتهم بالفيس

رسالة حزن
25-09-2011, 10:03 AM
يعني الحين الفيزا ارتفع سعرها ؟؟

ومهد البراق بس عنده فنادق سياحيه ماعنده فنادق اربع نجوم ؟؟؟

galamor
25-09-2011, 02:18 PM
هلا اختي

اي ارتفع سعرها الفيزا

مهد البراق عنده 5 نجوم قصر الضيافه

وطبعا يتراوح عدد ايام السكن من 4 ايام ب 2350 الى 15 يوم 4950 شاكل الاستقبال و التوديع ووجبه فطور وغذا
و الغدير 4 نجوم
اسبوع ب 1850 و اسبوعين 2850 شامل الاستقبال و التوديع و وجبه فطور فقط
و الفرات 3 نجوم اسبوع ب 1950 و اسبوعين 2900 شامل الاستقبال و التوديع و 3 وجبات بوفيه مفتوح

وبعدين تبدا عروض الفنادق السياحيه

اللي تتراوح من اسبوعين ب 2150 ريال الى 5 ايام ب 1400

فقط استقبال بالمطار بدون اكل وبدون توديع

اتمنى افدتك

نهر الحياة
30-09-2011, 07:26 PM
اللهم صل على محمد وآل محمد

لا ياجماعه مارتفع سعر الفيزا
احنا تونا مفيزين والثلاثاء رحلتنا هالاسبوع
سعر الفيزا ١٠٠ ريال


الله يرزقكم جميعا

ام زينب الغالية
30-09-2011, 10:51 PM
نهر الحياة متى فيزتوا ؟ قلدناكم الدعاء والزيارة

سـَمـَر ْ
01-10-2011, 02:11 AM
الفيزا للان 100 توه اهلي مفيزين كانت اشاعة رفع الفيز

galamor
01-10-2011, 07:12 AM
هلا اختي سمر

اللي ورانا الاوراق هو مهد البراق و حمله العقيله ان ارتفعت سعرها والاوراق رسميه من السفاره الارانيه

بعدين راح واحد من طرف زوجي الرياض الى السفاره قالو اساسا ما رفعنا السعر ولا صار ذا كله

وفيزو لنا

لان العقيله طلبو منا 500 عشان الفيزا

وخلاص حاليا حجزنا و خلصنا امورنا والله يسهل لنا

ام زينب الغالية
01-10-2011, 07:31 AM
هلا اختي سمر

اللي ورانا الاوراق هو مهد البراق و حمله العقيله ان ارتفعت سعرها والاوراق رسميه من السفاره الارانيه

بعدين راح واحد من طرف زوجي الرياض الى السفاره قالو اساسا ما رفعنا السعر ولا صار ذا كله

وفيزو لنا

لان العقيله طلبو منا 500 عشان الفيزا

وخلاص حاليا حجزنا و خلصنا امورنا والله يسهل لنا
ماعليه غناتي يعني فيزتو بكم ؟

galamor
01-10-2011, 11:26 AM
فيزنا ب 50

:)

ام زينب الغالية
01-10-2011, 08:19 PM
زوجي اليوم راح مهد البراق عشان الفيزا وطلع علينا صاحب الجواز فيزته 100ريال والمرافق بـ 55 ريال

galamor
02-10-2011, 12:58 AM
يمكن مثل ما قالو اشاعه او كان قرار وراح يتطبق ولغوه لان هو ورانا الاوراق وحتى انصدمنا

موفقين غناتي انتو متى رراح تروحو يمكن نكون معاكم بنفس الرحله :)