المساعد الشخصي الرقمي

مشاهدة النسخة كاملة : عجائب الوحم ....وتعبه >>> على ايش توحمتي ؟؟؟



omhadooi
19-10-2011, 12:33 AM
اول شي سلام صبايا و حوامل الله يتمم عليكم شهوركم وتقومو بالسلامه

عاد اليوم جا في بالي سالفه >>> اخلصي
الوحم >>> يعني اغلبنا مرينا بهادي السالفه يعني ساعات واجد يصير الموضوع متعب جدا والوحده مي قادره حتى ترفع راسها بس بعدين بس يخف الوحم تستغرب كيف انا كان حالتي كده

وطبعا بعض السوالف تضحك طبعا مو خزتها بس بعدين بعد ما تخف المعمعه ... بابتدي بنفسي
في حملي بنتي صرة ما احب الماء نلعن الله يزيد احس انه في ريحه حتى زوجي يفكرني ادلع لان ما مرة عليه السالفه هدي
غير كده ما احب ريحة المكوى تتخيلو ما اقدر اكوي تلوع جبدي

في حملي بولدي توحمت على بسبوسه من الطازج >>> وحده فاضيه

اما الحين الكارثه الكبيره ..... ما احب الشمس ياعلي تلوع جبدي بموت ماني قادره تخيلو ما افتح النوافد حتى في الكلاس اخاف ان احد تسول اله نفسه ويفتحهم .... الحمد الله ان الاسبوعين الي راحو كان غيم بس اليوم طلعت الشمس وانا كنت طالعه الصباح و لبسه نظاره شمسيه سسسوده بس طول الوقت تعبانه ورجعت ولا مليون مررره اليوم معدتي خلاص تستغيث
<<< مره سالفتي جايده

طبعا انا قلت احط الموضوع منها سوالف ومنها ادا احد عنده حل حق لوعة الجبد >> الغثيان او الترجيع المتواصل
ومن تجاربكم بعد كم وقفت الحاله الزفته دي

يا الله صبايه كل وحد تقول على ايش توحمت ايش اشي الغريب الى توحمت عليه وكم استمرت الحاله وكيف كانت تعالج السالفه >>> يعني في اكله معينه تهدي المعده او شراب معين ؟؟؟

زهره البنفسج
19-10-2011, 12:59 AM
إههههههههه موضوع جميل بجد الواحد يضحك لما يسمع هالسوالف اني وحمي ببنتي كان شديد كنت اكرهه ريحه النشافه ادا شغلتها وكرهت الشقه عندي ريحتها جيفه خياس كل ماطلعتود ماطلعت ودخلت ارجع هههههههه اما الاكل حدث وألا حرج طول حملي عايشه على العيش والبن

ستديو انوار ستايل
19-10-2011, 01:03 AM
توحمت على الرمان وفرول والبرتقال وشراب السي اموت فيه خاصه قبل النوم احس انه يريح
وطبعا الترجيع من بدية الشهر الثلاث ال الشهر التاسع والله حتى الرجع دم والله ماكذب عليش اكره عمري

omhadooi
19-10-2011, 01:13 AM
إههههههههه موضوع جميل بجد الواحد يضحك لما يسمع هالسوالف اني وحمي ببنتي كان شديد كنت اكرهه ريحه النشافه ادا شغلتها وكرهت الشقه عندي ريحتها جيفه خياس كل ماطلعتود ماطلعت ودخلت ارجع هههههههه اما الاكل حدث وألا حرج طول حملي عايشه على العيش والبن
تسلمي غناتي
جان على ريحة الشقه حملي في بنتي اول الشهور ما اقدر اجلس في الشقه كل خايسه وتضيق خلقي ما احبها وبعدين صار العكس صرة ما احب اروح بيت ابوي احسه زحمه ويعورني راسي >>> مو عارفين اليي

والي يضحك في السالفه اني حملت بعد زواجي بشهر وخواتي بعد زوجي اخدو غرفتي وما غيرو شي فيها بس حطو سرير وصرت من قبل لا اعرف اني حامل من ادخل الغرفه اقول اليهم وففففففف ريحتها خايسه سوو بخوره وهم متحمليني طبعا ماخديني على قد عقلي
>>> يعني مالحقت تصير الغرفه خايسه

omhadooi
19-10-2011, 01:17 AM
توحمت على الرمان وفرول والبرتقال وشراب السي اموت فيه خاصه قبل النوم احس انه يريح
وطبعا الترجيع من بدية الشهر الثلاث ال الشهر التاسع والله حتى الرجع دم والله ماكذب عليش اكره عمري

تسلمي خيه على وجودك وردك ... على سالفة الرمان هده قبل لا احمل حلمت اني اكل رمان مادر عاطيني رمان المهم السالفه فيها رمان ومن قبل لا اعرف عن الحمل وانا نفسي في رمان قالو الي عن محل هنا يبيع ورحت مشوار بس علشان ها الرمان

بس تعالي السسسسسسسسسسسي قبل النوم ؟؟؟ ما لومك تلاقيك كنتي تحسي بحرقه طول الوقت

والله حتى انا من كثر الترجيع ساعات ارجع دم خصوصا في الايام الي ازودها في الترجيع

سٍـُميتك غلآتُـِيُ
19-10-2011, 01:24 AM
انا في بدااايه حملي كنت ما اشتهي اكل حاااااااجه كانت انـــــــــــام من صبح الى العصر يقعد رجلي

يرووح العمل اقعد بدوووون اكل الى رجعته الفجر يجيبلي فطيرة زعتر وجبن الطووويله من سلطان وبس

هذا اكلي بعدين ما ستحملت صرت اكل جح كان يخفف لي لوعه مع فواكه كنت ما اشتهي ريحه الزيت

اذا احد سوى قدامي بطاطا اشمه خايس من ززيت .. ورجلي عنده بجامه من يلبسه تلوع جبدي اشمها

ريحتها مرقه عيش هههههههههههههههههههههههههههههههههههه


توحمت اني احبببببببببببه وكله ابغى اتلزق فيه ولا ابغااه يطلع عني خخ خ خ خ => وطلعت بتي شبهه بزبط



توحمت على نوووم انام 12 ساعه باليوم او كثر بعد خخخخخخخخخخخخخخخخخخخ
وبس عفررر

ليموونه
19-10-2011, 01:31 AM
توحمت بداية حملي على صبعبلي ابولبن ودار راسي في البقالات مافيهـ

الكل يقول انقطع .. صرت اخد لي زبادي الريان حق المطرود اثلجه واكله

ونهاية حملي رمااان

وقبل الولادة بكم اسبوع التربة ريحته تدوخني مااقدر اقاومها لازم بعد الصلاة قضمه
اححح لذيذه كانت

وكانت بالذات حقت امي الي تصلي عليها ليها طعم خاص

ههههههه

ماعلمتهم الا بعد ماولدت وامي مقهوره تقول مافيه جهال يقرضوا الترب .. هع

ام ربيع وفرح
19-10-2011, 02:14 AM
اني توحمت بولدي على جح وكان بداية الشتاء عفر مافي جح وزوجي ماخلى مكان مافب جح
عفر ابوي حصل جح وجابها الينا الشقه عباره بيسويها الي مفاجئه وعلى طول افتحها الا والله الجح تقوب جوز هند خخخخخخخخخخخخخخخخ بيضه حده ولا فيها حلاوه بس اكلتها خخخخخخخخخخ
وبع كان زوجي مسكين عنده عطر ماسيه اسمها زكان غالي ماخدنه 550 ريال عاد اني ما اقدر على ريحنه مع انه اول ماجابه مدحنه عليه وتالي قلبت مسكين لما يبغى يروح العمل ويحط اليه اسوي فضيحه ماتحط منه وانت في الشقه تتخيل لي الريحه كأنها رصاص عفر زوجي قال خليني احطها في السياره ورشش لي على راحتي مسكين ماراح اليها يوم ثاني الا العطر ولا قطره فيه عباره تبخر من حرارة الشمس خخخخخخخخخخخخ
وبعد كنت من احمص بصل اقعد ارجع ماحب الريحه لين زوجي قالي خلاص لاتطبخي خير شر خخخخخخخخخخ
وبس سلامتكم

مونيا
19-10-2011, 02:15 AM
ولدي الكبير توحمت على رجلي ما احبه ولا اطيقه وطول فترة حملي في بيت اهلي
ما اروح الشقه الا يوم في الشهر وارجع بيت اهلي وصرت ما احب ريحة الربيان والدجاج
وكنت ارجع من الشهر الاول للخامس
اما حملي بنتي توحمت على الروائح بكل انواعها واعظمها ريحة معطر الغسيل الا على خوخ
للأن ما اطيق ريحته وكنت ما اطيق حاجه اسمها لحم مفروم من يطروه تلوع جبدي وزي الا بارجع
اما حملي بالثالث كنت ما اطيق حاجه اسمها سمك في الفرن خلاص ما اتحمل ريحته
وكرهت زوجي كره العمى خخخخخخخخخخخخخ مسكين عور بفادي وماحب حتى يقرب جنبي
وريحة الدجاج والربيان هم ماطيقها وكنت احب اشرب الغازيات مررره ارتاح لين شربتها

حمالي الحين ما اطيق البزرات بكل انواعها وبعض الروائح واحب الغازيات
واكل المطاعم واللوز دابحه نفسي عليه خلاص باموت كل يوم شرحه والنوم لاعب فيني لعب هالمره
كل نوم في نوم

omhadooi
19-10-2011, 03:34 AM
انا في بدااايه حملي كنت ما اشتهي اكل حاااااااجه كانت انـــــــــــام من صبح الى العصر يقعد رجلي

يرووح العمل اقعد بدوووون اكل الى رجعته الفجر يجيبلي فطيرة زعتر وجبن الطووويله من سلطان وبس

هذا اكلي بعدين ما ستحملت صرت اكل جح كان يخفف لي لوعه مع فواكه كنت ما اشتهي ريحه الزيت

اذا احد سوى قدامي بطاطا اشمه خايس من ززيت .. ورجلي عنده بجامه من يلبسه تلوع جبدي اشمها

ريحتها مرقه عيش هههههههههههههههههههههههههههههههههههه


توحمت اني احبببببببببببه وكله ابغى اتلزق فيه ولا ابغااه يطلع عني خخ خ خ خ => وطلعت بتي شبهه بزبط



توحمت على نوووم انام 12 ساعه باليوم او كثر بعد خخخخخخخخخخخخخخخخخخخ
وبس عفررر

يووووه على سالفة النوم حملي الي راح كل ابغى انام في الكلاس صرة احس اني مفهيه كل نعسانه والمشكله ما اقدر اشرب قهوه صرة ما احبها ياعلي في اليل اداكر ومن تجي 11 خلاص ما اقدر ارفع راسي من النعس انام حتى لو ما خلصت بس الحمد الله

اما سالفة انك توحمتي انك تحبي رجلش عجبتني الله يجهله وحم دئم الك واله ويجعل حياتك افراح وسعاده

omhadooi
19-10-2011, 03:37 AM
توحمت بداية حملي على صبعبلي ابولبن ودار راسي في البقالات مافيهـ

الكل يقول انقطع .. صرت اخد لي زبادي الريان حق المطرود اثلجه واكله

ونهاية حملي رمااان

وقبل الولادة بكم اسبوع التربة ريحته تدوخني مااقدر اقاومها لازم بعد الصلاة قضمه
اححح لذيذه كانت

وكانت بالذات حقت امي الي تصلي عليها ليها طعم خاص

ههههههه

ماعلمتهم الا بعد ماولدت وامي مقهوره تقول مافيه جهال يقرضوا الترب .. هع
ذكرتيني بالدي مضى ... انا بعد ويوم فقدة الامل قلت اجل ابغى لبن من الاحمر >>>حدي مغبره
جان تدكريه الي من المطرود الي علبته كرتون احمر الحاض >>> تره جالسه اوصف بحامي قوتي لا تقولي ما عرفتيه :confused::confused:
بس الحمد الله لقيته في بقاله متغويه في الناصره عفر مخزن عنده من سبعين سنه وانا مبسوطه عليه

omhadooi
19-10-2011, 03:43 AM
اني توحمت بولدي على جح وكان بداية الشتاء عفر مافي جح وزوجي ماخلى مكان مافب جح
عفر ابوي حصل جح وجابها الينا الشقه عباره بيسويها الي مفاجئه وعلى طول افتحها الا والله الجح تقوب جوز هند خخخخخخخخخخخخخخخخ بيضه حده ولا فيها حلاوه بس اكلتها خخخخخخخخخخ
وبع كان زوجي مسكين عنده عطر ماسيه اسمها زكان غالي ماخدنه 550 ريال عاد اني ما اقدر على ريحنه مع انه اول ماجابه مدحنه عليه وتالي قلبت مسكين لما يبغى يروح العمل ويحط اليه اسوي فضيحه ماتحط منه وانت في الشقه تتخيل لي الريحه كأنها رصاص عفر زوجي قال خليني احطها في السياره ورشش لي على راحتي مسكين ماراح اليها يوم ثاني الا العطر ولا قطره فيه عباره تبخر من حرارة الشمس خخخخخخخخخخخخ
وبعد كنت من احمص بصل اقعد ارجع ماحب الريحه لين زوجي قالي خلاص لاتطبخي خير شر خخخخخخخخخخ
وبس سلامتكم
هده عفر اني اتوحمت زيكم كلكم عفر وحمي جايد ..... لي سالفه زيش هده من شهرين رجلي شرى عطر وطبعا على دوقي على اساس انه حلو وانا احبوووو الحين ياعلي بن بي طالب ريحته حدهاااااااااااااا خايسه وكل عطوراته نفس السالفه كل يوم الصباح يسمع اله كلمتين ولا تحرطم

وعلى سالفة الطبخ اطبخ شوي وارجع شوي ... هده الويك اند رجلي شافني يقولي وشي دي بعد حركه جديده كان لا طبختي قلت له ويش اسوي لو السالفه انا وانت بنمشي حالنا بس مساكين هالجهال يبغو ياكلو زي الناس

omhadooi
19-10-2011, 03:47 AM
ولدي الكبير توحمت على رجلي ما احبه ولا اطيقه وطول فترة حملي في بيت اهلي
ما اروح الشقه الا يوم في الشهر وارجع بيت اهلي وصرت ما احب ريحة الربيان والدجاج
وكنت ارجع من الشهر الاول للخامس
اما حملي بنتي توحمت على الروائح بكل انواعها واعظمها ريحة معطر الغسيل الا على خوخ
للأن ما اطيق ريحته وكنت ما اطيق حاجه اسمها لحم مفروم من يطروه تلوع جبدي وزي الا بارجع
اما حملي بالثالث كنت ما اطيق حاجه اسمها سمك في الفرن خلاص ما اتحمل ريحته
وكرهت زوجي كره العمى خخخخخخخخخخخخخ مسكين عور بفادي وماحب حتى يقرب جنبي
وريحة الدجاج والربيان هم ماطيقها وكنت احب اشرب الغازيات مررره ارتاح لين شربتها

حمالي الحين ما اطيق البزرات بكل انواعها وبعض الروائح واحب الغازيات
واكل المطاعم واللوز دابحه نفسي عليه خلاص باموت كل يوم شرحه والنوم لاعب فيني لعب هالمره
كل نوم في نوم

مسكين رجلش عور قلبي عفر >>>> شكله رجلي جاينه ادور بس عاد هنا هو الي بيشوف اله مكان

تدري حتى انا احس مالي خلق الحوم بجميع انواعها لا دجاج ولا ربيان ولا لحم اكل عيش ابيض وزين شفت لبن في بقاله عربيه صرة ارش شوي على العييييش كا اقدر ابلعه >>> هده ادا سكن في معدتي

ام كميل
19-10-2011, 04:54 AM
ههه تصدقي توه هالسالفة في بالي
اقول ماادري اني اتوحم لو يتراوى ليي؟؟

حملي بولدي من حملت لين ولدت من اروح بيت اهلي تجيني كل اشكال الكئابه واللوعة ..
بعد الولاده صار الشي عادي مااكتشفت الا بعدين .. يعني توحمت على بيت اهلي خخخخ


اما هالحمل غريب عجيب
من اركب السياره تلوع جبدي صايره مااقدر على المشاوير الطويلة !!

أم دانيال
19-10-2011, 06:09 AM
للهم صل على محمد وال محمد
اني توني في الشهر الثالث والله يسهل علينا
ماأأأأأأأأأطيق لحم استغفر الله واشم الماي خايس
ومره في الصباح توحمت على اندومي ههههههههههههه على غفلة اندونسي

قلب زينب الصبور
19-10-2011, 07:19 AM
ياعلي احس الاوحام يشابه عن النسوان
من قبل اذا سمعت وحدة متوحمة على زوجها اسبل واتمسخر
وتالي طاحت على راسي اني الحين في الشهر الثالث وماني قادرة
على زوجي ما اشتهي رايحتة من يقرب اسد خشمي وهو يفهم يعنو
ويتباعد عني بس يعور بفادي وكل اعصب علية ما اتحمل كلمة منة
وتنسيت على الفواكة خاصة الرمان ما يمدية ينقطع من البيت الا كن زوجي جاب الي ههه
واتنسيت زي الاغلبية على العطور وخاصة الصباح اذا رشو بناتي قبل المدرسة تلوع جبدي
وطبعا على النوم بس الحين خف عني والله اني استغربت من نفسي لاني ما احب انام واجد
وتالي اربع وعشرين ساعة نايمة حتى زوجي يسالني متى قعدتي من النوم؟؟ اقول اله حدد
متى الليل لو الصبح لو الظهر لو العصر ههههه بس الحمد الله رجعت الى طبيعتي

ام عسل
19-10-2011, 07:37 AM
حلو الموضوع انا حملي الاول كهرت زوجي ومن اسمع صوت باب الشقه احس بكدر اقول اف جت الريحه والريحه ماتروح منه مهما سوى وتوحمت على لوز اشترى ليي سحاره واكلتها كلها نفس اليله اشوه ماصار فيي شي وحملي ال2 اموت على شي اسمه زفر وسمك ياااااااااي ادحن عليه وحتى احب انضفه واستمتع با الزفاره هههههه وماشتهي الجح ابدااا ابدا واموت على التربه حدي منهشتنها تنهش وعن جد كل وحده ليها طعم غير عن ال2 بس تربه وحده في بيت اهلي هي الي اموووت فيها والي في الشقه مو زود بس اطر انهش ليي منهم واموت في لغبار والرمل سعات ابغى اشم غبار اروح لتول النافده هههههههههههههههههه

عاشقهـ M
19-10-2011, 08:14 AM
اللهم صلي على محمد وال محمد..
اني توحمت على اللبن كل يوم اثلج لي علمت زوجي كل يسوي لي..
كنت اكره الطباخ مااطيق ريحهه البهارات تزيد اللوعه.. احب السمك..
كنت اكره ريحه زوجي.. بس مااقول اليه مسسكين :) لكن احبه يكون معي بس بعيد هههههه
الحمد الله عدا الوحم .. صرت طبيعيه الحين.. بس كل نوووم زهق مني رجلي كل نايمه
الله يتمم علينا ونولد بالسسلامه..

فقاعة صآبون
19-10-2011, 10:02 AM
كررهت المقالي كلهااا

و تووحمت على الشقف لازززم كل يوم اكله :p

برقع ذهب
19-10-2011, 10:15 AM
توحمت على اشياء كثيره..~ وصار الوحم على مراحل..~
اللي لازمني كل الشهور.. مااحب افرش اسناني:D
اللحم المفروم.. تلوع جبذي منه واحسه رمل..~ ومن اكله ارجع
ريحة انفاس زوجي.. كنت مااطيق يقرب وجهه مني ولاينام جنبي:p
نوم ليل نهار ايام توصل انام 15 ساعة
مااعررف انام الا النهار.. في الليل لو يصير ويش ماغمضت عيوني
مااتحمل صوت ازعاج.. واي صوت ينرفزني وصرت مااحب اطلع
ريحة الشقة اول ماارجع من برى واشمها ارجع.. بس بعدين اتعود عليها

..
اول 3 شهور.: مااحب اسبح << حمل وصاخة
وماكنت اسبح الا اذا قال لي زوجي مابتسبحي .. اسااسا تعود كل يوم يقولها لي:o
مااحب الودامات.. وكنت اكل بس رز .. وكنت نفسي بسمك.. واكله وامرض على طول..
الماي ماكنت احب اشربه اشم ريحته مستنقعات

..
الشهور الـ 3 الوسطى.. صرت مجنونة توت..
زي الهبلة حتى الصياح اصيح ابغاه.. اروح بيت اهلي وابوي يجيب لي شرحات
والسيد بعد يجيب لي
والمنجا كنت ابغاه من بداية حملي.. وانتظرت الين وصلت الاشهر والوسطى واكلت
3 ارباع كرتون في اسبوع:p وبعدين صار بطني يعورني وخفت منه
..
الشهرين الاخيرين
صرت احب الورق عنب والمشاوي..
ومن الخامس الين ولدت.. اني شغلتي بس اكل شكليطات.. اكلي بس شكليطات

بس هذا اللي اتذكره<< ليش هو بقى فيه شيء

الذوق الرفيع
19-10-2011, 11:20 AM
حملي الاول كرهت كل حاجة في الحياة ههه حتى صاحباتي صرت ما اطيقهم والناس كلهم ما اطيقهم بس احب زوجي وعلى طاري الشمس نفس حالتي كررهتت الشمس وكنت بالكلية حالتي حالة تصير ترجيع وحالة و اول 3 شهور عايشة على خبزوماي حتى العصاير كرهتها والترجيع من البداية للشهر السادس والوحم للتاسع استمر الغثيان ولوعة الجبد ومطبخي صرت ما ادخله نهائيا 9 شهور كرهته واحس ريحته خايسة والرز ما اشتهي اشوفه وحزة الاكل كانت حزة عصيبة بالنسبة ليي بس كنت كل اكل عسل طبيعي وتفاح هذا اكلي بس ....وبنتي صارت زيي ماتطيق تشوف الاكل حتى الخرابيط اللي الجهال يستانسوا عليها ماتبغاها كل صايمة


حملي الثاني عكس الاول تمااااما سبحان الله صرت استانس على الطلعة زي الجهال وبس ابغى اطلع واستانس على الجمعات والقعدة مع الناس وماتوحمت واجد بس تقريبا اسبوعين وشهيتي كل مفتووووحة وطول حملي ادمنننت كبسة الدعبل خخخخخ ومن اسمع طاري الاكل استانس زي المصفعة وكل شي اشوفه اشفي عليه ادمنت البيبسي والشوكلاتة والفترة اللي توحمت فيها كنت في الكويت ادمنت على مطعم هناك مشوياته مو صاحية صرت فطور غذاء عشاء مشويات وللتاسع الناس يصيروا مايقدروا ياكلوا من الثقل واني طول الوقت جوعانة حددي حتى لما رحت بولد كان حزة غذانا ماتغذيت ولما قالوا لي ولادة تحسسسسفت عددل لاني فوت الغذاء هههههههههههه بالنسبة لي حملي الثاني الوحم احسن لاني الحمدلله ماكنت ارجع .....

ذكرتيني بذيك الايام هههه

omhadooi
19-10-2011, 06:40 PM
ههه تصدقي توه هالسالفة في بالي
اقول ماادري اني اتوحم لو يتراوى ليي؟؟

حملي بولدي من حملت لين ولدت من اروح بيت اهلي تجيني كل اشكال الكئابه واللوعة ..
بعد الولاده صار الشي عادي مااكتشفت الا بعدين .. يعني توحمت على بيت اهلي خخخخ


اما هالحمل غريب عجيب
من اركب السياره تلوع جبدي صايره مااقدر على المشاوير الطويلة !!
الله يتمم حملك على خير .... تره هده اكتشاف خطير .... حتى ما نتبهت الى نفسي اول شي
على سالفة السياره توني الحين انتبهت الى نفسي حتى انا تلوع جبدي حتى من لون سيارتنا >>> انتحر احسن

omhadooi
19-10-2011, 06:44 PM
للهم صل على محمد وال محمد
اني توني في الشهر الثالث والله يسهل علينا
ماأأأأأأأأأطيق لحم استغفر الله واشم الماي خايس
ومره في الصباح توحمت على اندومي ههههههههههههه على غفلة اندونسي

اندومييييييييييييييي لا قولي ؟؟؟؟؟ اهم شي ما عندكم شغاله في البيت لا تفكر مسويتنه اليها من الصبح ؟؟
على سالفة الحم اشوف كل البنات نفس السالفه ما يحبوه الله يعين ... الله يتمم حملك على خير وتشوفي الصغير وتفرحي به ويتربى في عزكم ودلالكم انتي وابوه

omhadooi
19-10-2011, 06:49 PM
ياعلي احس الاوحام يشابه عن النسوان
من قبل اذا سمعت وحدة متوحمة على زوجها اسبل واتمسخر
وتالي طاحت على راسي اني الحين في الشهر الثالث وماني قادرة
على زوجي ما اشتهي رايحتة من يقرب اسد خشمي وهو يفهم يعنو
ويتباعد عني بس يعور بفادي وكل اعصب علية ما اتحمل كلمة منة
وتنسيت على الفواكة خاصة الرمان ما يمدية ينقطع من البيت الا كن زوجي جاب الي ههه
واتنسيت زي الاغلبية على العطور وخاصة الصباح اذا رشو بناتي قبل المدرسة تلوع جبدي
وطبعا على النوم بس الحين خف عني والله اني استغربت من نفسي لاني ما احب انام واجد
وتالي اربع وعشرين ساعة نايمة حتى زوجي يسالني متى قعدتي من النوم؟؟ اقول اله حدد
متى الليل لو الصبح لو الظهر لو العصر ههههه بس الحمد الله رجعت الى طبيعتي
سالفت رجلي انا صارة الي بس كان بسبب لان كان يدخن على خفيف مع انه مو واجد ويغسل ويحط عطر ويسوي الهوايل بس احس ان نفسه في دخان طبعا توني معترفه بالسالفه من فتره <<<كنت استحي عفر
تدري انا في حملي هده ما احب انوم واجد اخاف اجلس لايعه جبدي صرة اخاف حتى من النوم

الحمد الله على كل حال ..... ربي يرزق كل من هو متأخر الله لا يحرم احد هده الشعور >>>مو يعني الوحم اقصد الحمل تره

omhadooi
19-10-2011, 06:56 PM
حلو الموضوع انا حملي الاول كهرت زوجي ومن اسمع صوت باب الشقه احس بكدر اقول اف جت الريحه والريحه ماتروح منه مهما سوى وتوحمت على لوز اشترى ليي سحاره واكلتها كلها نفس اليله اشوه ماصار فيي شي وحملي ال2 اموت على شي اسمه زفر وسمك ياااااااااي ادحن عليه وحتى احب انضفه واستمتع با الزفاره هههههه وماشتهي الجح ابدااا ابدا واموت على التربه حدي منهشتنها تنهش وعن جد كل وحده ليها طعم غير عن ال2 بس تربه وحده في بيت اهلي هي الي اموووت فيها والي في الشقه مو زود بس اطر انهش ليي منهم واموت في لغبار والرمل سعات ابغى اشم غبار اروح لتول النافده هههههههههههههههههه
مسكن رجلش دكرتيني بوحده تقول الي توحمت على رجلها هي اصلا حملت بعد زواجها على طول ... تخيلي تقولي شوفي الفشيله من الرجال تونا متزوجين ومن اسمع صوته في التليفون اروح ارجع من اول شهر في بيت ابويي >>> يا علي احنا النسوان سوالفنا جايده بس بعد مو بيدنا

وبعدين تعالي شهيتيني الى زفرة السمك دكرة ريحت السمك الي جابوه الينا في خطوبة اختي >>> ماخده تاروتي
وشتهيت بعد سمكه هامور داخل الفرن حاااااااااااامضه الحين بتطلع سمكه في ولدي ما في سمك اوادم هنا
بس والله صار الاكل رعب

omhadooi
19-10-2011, 07:02 PM
اللهم صلي على محمد وال محمد..
اني توحمت على اللبن كل يوم اثلج لي علمت زوجي كل يسوي لي..
كنت اكره الطباخ مااطيق ريحهه البهارات تزيد اللوعه.. احب السمك..
كنت اكره ريحه زوجي.. بس مااقول اليه مسسكين :) لكن احبه يكون معي بس بعيد هههههه
الحمد الله عدا الوحم .. صرت طبيعيه الحين.. بس كل نوووم زهق مني رجلي كل نايمه
الله يتمم علينا ونولد بالسسلامه..
لبن مثلج وحااااااااااااااااامض ويش تحسي فيه حزتها ؟؟؟؟؟ جتني الحاله عفر
صحيح ريحة البهارات مرررره كريهه وين نروح احنا ياربي
تعالي قلتي الى رجلش بسالفه لو ما عترفتي زيييي
على النوم حتى انا بحملي في بنتي كنت كل انام تخيلي اجلس الساعه 2 الظهر بس احاول افتح عيوني ما تنفتح وروح اكمل نومي على الكنبه وقبل لا يجي رجلب بربع ساعه اروح اسبح كان اصحصح وطبعا يجي يبغى يريح واقوم اسوي نفسي بريح بعد وانام واجلس المغرب واصلي وحاول اكل الي شي واروح بيت ابوي وانام ودا ما نمت كله متسطحه ومتبطحه >>> اسوي بروفه قبل الولاده ورجلي ساعات يقلب وجهه من كثر ما انام >> يعني تونه متزوجين حسي شوي

omhadooi
19-10-2011, 07:06 PM
كررهت المقالي كلهااا

و تووحمت على الشقف لازززم كل يوم اكله :p
شقف ؟؟؟؟ هده ولدش من الهايات الله يهديه ويطلع صحي زيش
ياعلى المقالي ما احبها ما اقدر على ريحة الزيت >>> بس نفسي في بطاطس مزيت في كيس بني مع صاص وكشب وبيبسي باااارد >>> بس يخف الوحم بسوي الي لا تستوي الي فضيحه في الكمينتي الحين من الترجيع ادا اكلته >>> نصبر ويش ورانا

غموض انسان
19-10-2011, 07:11 PM
أنا كان وحمي كل احب الليمون اكله بدون مااغمض لذيذ كان
واحب الاشيا المالحه
وأموت في الزعتر مع عصير ليمون
واذا أنظف السمك استأنس لريحة الزفره تجنن

ودايم تضايق اذا طلع زوجي وتاخر ابغاه وياي
وكل ليلة جمعه اسوي مناحه مادري ليش

وازعل من اي كلمه

بس الحين عقلنا هههههههههه

omhadooi
19-10-2011, 07:13 PM
توحمت على اشياء كثيره..~ وصار الوحم على مراحل..~
اللي لازمني كل الشهور.. مااحب افرش اسناني:d
اللحم المفروم.. تلوع جبذي منه واحسه رمل..~ ومن اكله ارجع
ريحة انفاس زوجي.. كنت مااطيق يقرب وجهه مني ولاينام جنبي:p
نوم ليل نهار ايام توصل انام 15 ساعة
مااعررف انام الا النهار.. في الليل لو يصير ويش ماغمضت عيوني
مااتحمل صوت ازعاج.. واي صوت ينرفزني وصرت مااحب اطلع
ريحة الشقة اول ماارجع من برى واشمها ارجع.. بس بعدين اتعود عليها

..
اول 3 شهور.: مااحب اسبح << حمل وصاخة
وماكنت اسبح الا اذا قال لي زوجي مابتسبحي .. اسااسا تعود كل يوم يقولها لي:o
مااحب الودامات.. وكنت اكل بس رز .. وكنت نفسي بسمك.. واكله وامرض على طول..
الماي ماكنت احب اشربه اشم ريحته مستنقعات

..
الشهور الـ 3 الوسطى.. صرت مجنونة توت..
زي الهبلة حتى الصياح اصيح ابغاه.. اروح بيت اهلي وابوي يجيب لي شرحات
والسيد بعد يجيب لي
والمنجا كنت ابغاه من بداية حملي.. وانتظرت الين وصلت الاشهر والوسطى واكلت
3 ارباع كرتون في اسبوع:p وبعدين صار بطني يعورني وخفت منه
..
الشهرين الاخيرين
صرت احب الورق عنب والمشاوي..
ومن الخامس الين ولدت.. اني شغلتي بس اكل شكليطات.. اكلي بس شكليطات

بس هذا اللي اتذكره<< ليش هو بقى فيه شيء
اشوه في احد زيي الوحم عنده على مراحل >> اصلا انا اتوحم على مدار اسنه حتى رجلي يقول ما تفرق عنده سالفة الحمل لاني كل شوي اشتهي شي وبسرعه تلوع جبدي

تعالي بسألش كم يوم تجلسي بدون تسبوح هاااااااااااا ؟؟؟؟ ما احد يدري تره >>> مادر ويش بستفيد بس حتى انا ما احب الحمام يدكرني اني برجع الحين واحس انه اله ريحه خايسسسسه وكتمه مررره تعبني بس ويش اسوي من كثر ما ارجع لازم اسبح غصبا عني يعنووو >>> تخيلي اليوم الصباح جالسه البس ولدي الى المدرسه الا يقول الي ماما ريحتش ترجيع حسيت نفسي تفشلت بالقوه وعلى طول بس وديته الباص وينك يالحمام

تدكرة بعد حتى امي نفس حالتش ما تحب تسبح لان ما تقدر على الماء والصبون وتدخل الحمام تسوي الينا سوالف وهي تسبح وتوها من فتره عترفت انها ساعت ما تسبح او تسبح وما تغسل بالصابون >>> ان شافت امي الرد بروح فيها

omhadooi
19-10-2011, 07:21 PM
حملي الاول كرهت كل حاجة في الحياة ههه حتى صاحباتي صرت ما اطيقهم والناس كلهم ما اطيقهم بس احب زوجي وعلى طاري الشمس نفس حالتي كررهتت الشمس وكنت بالكلية حالتي حالة تصير ترجيع وحالة و اول 3 شهور عايشة على خبزوماي حتى العصاير كرهتها والترجيع من البداية للشهر السادس والوحم للتاسع استمر الغثيان ولوعة الجبد ومطبخي صرت ما ادخله نهائيا 9 شهور كرهته واحس ريحته خايسة والرز ما اشتهي اشوفه وحزة الاكل كانت حزة عصيبة بالنسبة ليي بس كنت كل اكل عسل طبيعي وتفاح هذا اكلي بس ....وبنتي صارت زيي ماتطيق تشوف الاكل حتى الخرابيط اللي الجهال يستانسوا عليها ماتبغاها كل صايمة


حملي الثاني عكس الاول تمااااما سبحان الله صرت استانس على الطلعة زي الجهال وبس ابغى اطلع واستانس على الجمعات والقعدة مع الناس وماتوحمت واجد بس تقريبا اسبوعين وشهيتي كل مفتووووحة وطول حملي ادمنننت كبسة الدعبل خخخخخ ومن اسمع طاري الاكل استانس زي المصفعة وكل شي اشوفه اشفي عليه ادمنت البيبسي والشوكلاتة والفترة اللي توحمت فيها كنت في الكويت ادمنت على مطعم هناك مشوياته مو صاحية صرت فطور غذاء عشاء مشويات وللتاسع الناس يصيروا مايقدروا ياكلوا من الثقل واني طول الوقت جوعانة حددي حتى لما رحت بولد كان حزة غذانا ماتغذيت ولما قالوا لي ولادة تحسسسسفت عددل لاني فوت الغذاء هههههههههههه بالنسبة لي حملي الثاني الوحم احسن لاني الحمدلله ماكنت ارجع .....

ذكرتيني بذيك الايام هههه

الدوق الرفيع ما ادري قلت الك ولا لا بس مادري ليش احسك فعلا دوق رفيع واحسك مررره شيك ومرتبه واتخيل اني لو ادخل بيتك بشوف شقه هادئه مرتبه ونظيف ودوق عالي >>>> شفتي عطيت نفسي وجهه ورحت بيتكم بس تره ما خلصت من خيالاتي باقي بعد البنات اتخيلهم جميلات وانيقات بس ارجع بجي بشوفهم عفر تحمست

احس شوي حملك يشبه حملي لان بالبنت اول شي تعبت مرره بس بالولد الحمل الثاني مع الحبوب حق الغثيان صرة اقدر اكل بس وانت تتكلمي انك تحبي الاكل اشتهيت اصير كد يوم واحد علشان اكل بطاطس مزيت >>> جاني رعب

الله يخلي الك بناتك وتشوفيهم عرايس ويكبرو يجيبي اليهم اخ او اخت وقت الي انتي تبغي

omhadooi
19-10-2011, 07:27 PM
أنا كان وحمي كل احب الليمون اكله بدون مااغمض لذيذ كان
واحب الاشيا المالحه
وأموت في الزعتر مع عصير ليمون
واذا أنظف السمك استأنس لريحة الزفره تجنن

ودايم تضايق اذا طلع زوجي وتاخر ابغاه وياي
وكل ليلة جمعه اسوي مناحه مادري ليش

وازعل من اي كلمه

بس الحين عقلنا هههههههههه
ياعلي لا تقولي ليمون احبوووه حملي الي راح كل شوربة عدس وليمون حتى رجلي يقول الي عدس وليمون الين طفر الرجال من بطنش ويش يجلسه مع هالحاله

اشوه انتي حركات على رجلش الله يخليه الك ويخليكي اله ويجعل يحاتكم سعاده يارب >>> احس روحي انقلبت شحاته باقي شوي اقول لله يا محسنين

بس عن جد الله يخليكم الى بعض

سالفة الزعل شمعنى ليلة الجمعه يعني ؟؟؟؟؟ تدري صارة الي قتره كل ليلة جمعه لا زم صداع واحس نفسي ما اركز من كثر الصداع تخيلي لما جيت هنا ساعات ما انتبه الى الايام علشان اختلاف الويك اند بس يجي الصداع اقول اكيد اليله الجمعه

دلوعهـ ج ـآسم
20-10-2011, 12:51 AM
موضوع نايس
انا وحمي كان ع مطبخي مااشتهي ريحته ولا ريحة
البهارات وماحب اللحم ولا المشاوي وللآن ماحب المشاوي
وكنت أموت بالتوت واحب السمك بجنوون
واحب رجلي وماخليه يطلع مكان أبدا الى الان هههه
وكرهت المعجون وماحب اتسبح وماحب اكل في شقتي
بس اذا رحت بيت اهلي اكل كل شي حتى رجلي يحسب اتدلع
وطبعا من حملت للان ماطبخت وهالشهر اشتهيت عسل و ورق عنب
ومااقدر أنام اذا مااكلت شوكولاتة و ايس كريم جالكسي او بوظة روج
شكلي هدرت واجد خخخخ يلا اسمحولي بيبااي

ماخليتو لي اسم
20-10-2011, 01:23 AM
مررة حبيت الموضوع
حملي الاول ببنتي كنت امووت في شئ اسمه خس صرت غنمه على قولتهم اي شئ اخضر احبه واكرة ريحت الدرمات مااتحمل زباله حتى لو نظيفه ولاريحه الدجاج بدون سوى وطلعت بتى تحب الحشايش ههههه

حملي الثاني بولدي ماشاء الله ماكنى حامل ماحسيت بش خالص

حملي حاليا ترجيع واموووت في شئ اسمه لوز اتهاوش لمن اشوف لوز هههههه
الله يسهل عليكم وعلينا

~عروس~
21-10-2011, 03:46 AM
خووووووووووووش موضوع !
بصراحة معاناتي أني متوحمة على زوجي و للحين و كله متلزقة فييييه لزاااق حتى أحس حالي عروس من كثر التلزق و إذا طلع من الشقة أقعد ارش في العطر الا أحبه و هو يحطه . . أرش في المطبخ و الصالة و غرفة النوم بس عشان أحس إنه موجود . . !

و توحمت على اللوز و الجح و السمك . . :) بـــس هذا إلا أتذكره حالياً خخخخ تسلمي ع الموضوع و الله يسهل علينا يارب

jood
21-10-2011, 12:35 PM
موضوع حلوووو ..
اني عاد ماخليت شي ما توحمت عليه ..!!
اول شي الأشياء اللي كرهتها ..
الصلصات الحمراء في الأكل .. عطر كان يستخدمه زوجي كنت اعصصصب اذا حطه و ماقعد وياه ههه لين مسكين صار ما يستخدمه .. ريحة الشامبو والصابون مو اي نوع اقدر عليه .. حتى الحمصة لما اطبخ من اشمها ارجع .. كلا ضايق خلقي و ابغى انسدح .. حتى اهلي لما اروح اليهم ما يشوفوني كلا دايخة هههه ..كل شي آكله ما يظل في معدتي ..من اطلع مشوار طويل ارجع طبعا الين السادس ..
الأشياء اللي اشتهيتها ..
الحوامض و الموالح .. خصوصا الخيار و الليمون .. الورق عنب .. عصير البرتقال الطبيعي .. هذا في البداية بعدين صرت متووحمه على اللوز امووت عليه ولا كان اوانه .. و للحين كلا أكل فيه .. السفن أب احسه يهدي معدتي و يروح اللوعه خصوصا اذا باااارد .. واخيرا و ليس اخرا صايرة احب شقف منجا فراولة و صالونة اللحمه ..:) ماخليت شي هههههه ..

ادعو لي اولد بالسلامة و اتسهل يااارب ..

لحناني روايــــــــه
21-10-2011, 10:22 PM
اني وحمي كرييييييييه في البدايه ما أشتهي ارجع
ولا اشتهي الاكل خصوصا اللحم والدجاج لمدة شهر كاامل ا وبعدين صرت ارجع غصبا عنييي من الشهر الثاني لين الرابع كله ترجيييييييييييييع وحاااروووق
وكله طايحه في البطاطس طيحه فطوري وغدايي وعشايي بطاطس لحد الآن خخخخ
ورجلي مسكيين على حسب المزاج ساعات ابغاه كله وياي وساعات ما اطييييييييقه
وكرهت طبخي ما احب اكل من طباخي ولا اشتهي اكل في الشقه شيي تنسد نفسيي
وكرهت الشاورما ما اقدر حتى على اسمه
وماحب مطعم القلعه توحمت عليه عدددددل
ماضل شي ما اشتهيته خخخ
وفي البدايه احب كل موالح وما اطيق الحالي
والحين العكس اموووووووت في الحلى خصوصا التويكس مع برينقلز الحااار لدييييييد
والأسكريمات ...
وغير النوم بعد كلللللللله نوم اقعد ساعه لو سااعتين وارجع انام حتى رجلي انقهرمني يقول ليي اخر مره تحمليي هههه
لو اظل لبكره ما بخلص هع
الله يسهل علينا وعلى الحوامل يااارب

مونيا
21-10-2011, 10:45 PM
صحيح تذكرت حاجه
الحين صايره كل بردااانه حتى مع المروحه احس ببروده
وعلى سالفة المنقى
حمالي بولدي الكبير
رجلي صار كل يوم يجيب لي كرتون ويخلص حتى هو مستغرب ان ماصابني شي الحمد لله
وعلى سالفة اكل الشكاليط
حمالي ببنوتي طحت في الشكاليط طيحه
اما حمالي بولدي الكبير والصغير وحمالي هذا ما اطي حاجه اسمها شكاليط تحوم افادي

omhadooi
22-10-2011, 12:34 AM
موضوع نايس
انا وحمي كان ع مطبخي مااشتهي ريحته ولا ريحة
البهارات وماحب اللحم ولا المشاوي وللآن ماحب المشاوي
وكنت أموت بالتوت واحب السمك بجنوون
واحب رجلي وماخليه يطلع مكان أبدا الى الان هههه
وكرهت المعجون وماحب اتسبح وماحب اكل في شقتي
بس اذا رحت بيت اهلي اكل كل شي حتى رجلي يحسب اتدلع
وطبعا من حملت للان ماطبخت وهالشهر اشتهيت عسل و ورق عنب
ومااقدر أنام اذا مااكلت شوكولاتة و ايس كريم جالكسي او بوظة روج
شكلي هدرت واجد خخخخ يلا اسمحولي بيبااي
تسلمي عنانتي انتي الي نايس
اكتشفت ان حتى انا ما احب المشاوي ...من فتره رايحين مطعم قبل لا تصير هدي حالتي ما شتهيت اكل مع ان لدكر كنت جوعاااااانه ... اول ما حملت بحملي هده وحملي الي راح قبل لا ادري اني حامل اشتغل في الاسكريمات اروح اقضي نص السله اسكريم

omhadooi
22-10-2011, 12:37 AM
مررة حبيت الموضوع
حملي الاول ببنتي كنت امووت في شئ اسمه خس صرت غنمه على قولتهم اي شئ اخضر احبه واكرة ريحت الدرمات مااتحمل زباله حتى لو نظيفه ولاريحه الدجاج بدون سوى وطلعت بتى تحب الحشايش ههههه

حملي الثاني بولدي ماشاء الله ماكنى حامل ماحسيت بش خالص

حملي حاليا ترجيع واموووت في شئ اسمه لوز اتهاوش لمن اشوف لوز هههههه
الله يسهل عليكم وعلينا
تسلمي غناتي
ضحكتيني على سالفة غنمه بس يعني صحيه خس وحشائش اكيد طبعا تبوله بعد مووووو؟؟؟؟

حتى انا حملي بولدي كان اخف بواجد من بنتي ومن هده الحمل

omhadooi
22-10-2011, 12:40 AM
خووووووووووووش موضوع !
بصراحة معاناتي أني متوحمة على زوجي و للحين و كله متلزقة فييييه لزاااق حتى أحس حالي عروس من كثر التلزق و إذا طلع من الشقة أقعد ارش في العطر الا أحبه و هو يحطه . . أرش في المطبخ و الصالة و غرفة النوم بس عشان أحس إنه موجود . . !

و توحمت على اللوز و الجح و السمك . . :) بـــس هذا إلا أتذكره حالياً خخخخ تسلمي ع الموضوع و الله يسهل علينا يارب
نورتي الموضوع
حركات الله يخليه الك ويخليكي اله .... خلصتي عطر الرجال على ها السالفه !!!!!
تخيلي صار نفسي في سمك مشوي ... هده الصغار و رز ابيض ودهنه ابو كرسي ؟؟؟ بس مو الحين ادا صارة معيدتي احسن

omhadooi
22-10-2011, 12:44 AM
موضوع حلوووو ..
اني عاد ماخليت شي ما توحمت عليه ..!!
اول شي الأشياء اللي كرهتها ..
الصلصات الحمراء في الأكل .. عطر كان يستخدمه زوجي كنت اعصصصب اذا حطه و ماقعد وياه ههه لين مسكين صار ما يستخدمه .. ريحة الشامبو والصابون مو اي نوع اقدر عليه .. حتى الحمصة لما اطبخ من اشمها ارجع .. كلا ضايق خلقي و ابغى انسدح .. حتى اهلي لما اروح اليهم ما يشوفوني كلا دايخة هههه ..كل شي آكله ما يظل في معدتي ..من اطلع مشوار طويل ارجع طبعا الين السادس ..
الأشياء اللي اشتهيتها ..
الحوامض و الموالح .. خصوصا الخيار و الليمون .. الورق عنب .. عصير البرتقال الطبيعي .. هذا في البداية بعدين صرت متووحمه على اللوز امووت عليه ولا كان اوانه .. و للحين كلا أكل فيه .. السفن أب احسه يهدي معدتي و يروح اللوعه خصوصا اذا باااارد .. واخيرا و ليس اخرا صايرة احب شقف منجا فراولة و صالونة اللحمه ..:) ماخليت شي هههههه ..

ادعو لي اولد بالسلامة و اتسهل يااارب ..
الحلوه انتي ... الله يسهل الك وتولدي بالسلامه ؟؟ شيلي الي من حلاوة السلامه باجي بعد سنه باخده
حتى انا جاني هده الشعور ما ضل شي ما توحمت عليه ... بس اكثر شي متعب سالفة الترجيع والدوخه .... خلاص احس اني احتظر باموت من التعب بس ابغى حل الى هالحاله اليوم ادكتور كتب الي حبوب بس ما سوت شي اصلا خلتني انعس زياده
الله يعين وتخف هالحاله ويتمم الحمل على خير

omhadooi
22-10-2011, 12:50 AM
اني وحمي كرييييييييه في البدايه ما أشتهي ارجع
ولا اشتهي الاكل خصوصا اللحم والدجاج لمدة شهر كاامل ا وبعدين صرت ارجع غصبا عنييي من الشهر الثاني لين الرابع كله ترجيييييييييييييع وحاااروووق
وكله طايحه في البطاطس طيحه فطوري وغدايي وعشايي بطاطس لحد الآن خخخخ
ورجلي مسكيين على حسب المزاج ساعات ابغاه كله وياي وساعات ما اطييييييييقه
وكرهت طبخي ما احب اكل من طباخي ولا اشتهي اكل في الشقه شيي تنسد نفسيي
وكرهت الشاورما ما اقدر حتى على اسمه
وماحب مطعم القلعه توحمت عليه عدددددل
ماضل شي ما اشتهيته خخخ
وفي البدايه احب كل موالح وما اطيق الحالي
والحين العكس اموووووووت في الحلى خصوصا التويكس مع برينقلز الحااار لدييييييد
والأسكريمات ...
وغير النوم بعد كلللللللله نوم اقعد ساعه لو سااعتين وارجع انام حتى رجلي انقهرمني يقول ليي اخر مره تحمليي هههه
لو اظل لبكره ما بخلص هع
الله يسهل علينا وعلى الحوامل يااارب
ياعلي سالفة الوحم سالفه .... نفسي احمل بدون وحم ولوعة جبد دخيل الله بدون ترجيع بس ويش دخل مطعم القلعه تتوحمي عليه ..... ؟؟؟

omhadooi
22-10-2011, 12:54 AM
صحيح تذكرت حاجه
الحين صايره كل بردااانه حتى مع المروحه احس ببروده
وعلى سالفة المنقى
حمالي بولدي الكبير
رجلي صار كل يوم يجيب لي كرتون ويخلص حتى هو مستغرب ان ماصابني شي الحمد لله
وعلى سالفة اكل الشكاليط
حمالي ببنوتي طحت في الشكاليط طيحه
اما حمالي بولدي الكبير والصغير وحمالي هذا ما اطي حاجه اسمها شكاليط تحوم افادي
عاد انا من بدابة حملي ما احب الحلى وانا اقراء ردك شتهيت شوكلاته ابو ملعقه كان تعرفيه !! هداك القديم من وين اجيبه الحين
بس رحت طلعت الي حلاويه عن قولت ما ميش
ان شاء الله تقومي بالسلامه وتشوفي النونو ونا كل شوكلاتة السلامه

إنتظآر الرحمة
22-10-2011, 01:07 AM
تجربة الحمل كانت بالنسبة لي كأول مرة كلللللللللللللللللل شيء لآ يُطاق
مآ أشتهي اللحووووووم و الحلييب مجرد شوفته يسبب لي غثيااان
ومن المضحك اني كنت ادرس وقتها صرت اذا طولت الدكتورة بالهدرة تلوع جبدي
وركيض لدورة المياة من لوعة الجبد
الترجيع كان عندي بزيادة وحمي كان متعب
ومن امشي مشوار خفيف احس برجفة بجسمي كله وراسي كانه كورة معدنية ثقيييل
وصرت اكره مطعم من المطاعم المشهورة بالقطيف وليومكم مااشتهي اطبه
و انتهى الحمل بتسقيطي
والله يعوضني عاجل إن شاء الله

لحناني روايــــــــه
22-10-2011, 01:09 AM
أم هدوي
المطعم سلمش الله من حملت ما اطبخ وما من الا هو قريب لينا
وكله طيحين فيه طيحه لين ما كرهته

الهيمانه
22-10-2011, 02:17 AM
اليووم ثالث من بدا وحمي
ومووو قادره من الترجيع
وما اكل شي في الشقه ابد وكله تعبانه
ومن اروح بيت اهلي احس اني اصير شبه طبيعيه اكل واحس اني اصير احسن
ومااقدر اشم في رجلي عطر
ومشتهيه اللووز
وجاب لي رجلي بس شكله مو مغري :(

Rose story
22-10-2011, 02:26 AM
انا الشهر الاول حتى قبل ما اعرف اني حامل توحمت على سمك صويفي بشكل جنوني .. كنت ادق على امي نص الليل اقول ليها ابغى سمك صويفي
بعدين توحمت على ستيك من البحرين :( وطبعا ما قدرت اكله {{الله يفرج عنهم }} وتوحمت على ريحة رجلي بعد صرت ما اطيق عطوراته كللللهم
الحين ملازمه على الفواكه
يوميا اكل شقف
وهاليومين اشوف نفسي كله ابغى بليله هههههه

سبأ
22-10-2011, 02:31 AM
نسألكم الدعاء واجي اقول لكم:)
اني من تجي الدوره لين تنتهي على طول شوكلاتات 4، 5، باليوم غير ايس كريمات الشوكلاته
والله خايفه على نفسي من السكري

عيون عسليه
22-10-2011, 02:52 AM
انا توحمت على عده اشياء
اول شي ماحب حمصات ولا الكبسات كل رز ابيض بس
السمك كرهته مع ان احبه الخيار ماحبه الباستا مااشتهي اشوف شكلها ولا احد يطري اسم باستا على طول ارجع
المعجون الاسنان يجيب لي لوعه وصرت عصبيه واجد واني في الاصل بارده ههههه:d
توحمت على شاورما التنور وعلى البطاطس من البوفيه وايسكريم لندن السطل وجميع انواع الفواكه احبه وكل يوم زوجي يجيب لي شقف وللوز والرمان اكثر شي صرت اشرب بيبسي من ورا رجلي صرت فتره توحمت على شيبس ليز الحار

~عروس~
22-10-2011, 03:14 AM
:d


نورتي الموضوع
حركات الله يخليه الك ويخليكي اله .... خلصتي عطر الرجال على ها السالفه !!!!!
تخيلي صار نفسي في سمك مشوي ... هده الصغار و رز ابيض ودهنه ابو كرسي ؟؟؟ بس مو الحين ادا صارة معيدتي احسن
هههههههههها ترى فعلاً اخلص عطوراته من هالسالفة . . :d

تناهيد ألمي
22-10-2011, 03:41 AM
اني مايجي شهر وحملت على طوول من زواجي

كنت اروح بيتنا وفي ناس يباركو واني اكل ليموون ومن يحطو المكروونه اول شي على السفره الليمون وصار رفيقي طوول فترة حملي

وتوحمت على هداك الحلاوه الاحمر على فواكه هوووو يمي لزيز

وصرت ماقدر على عطر من يحطه رجلي تلوع شبدي ومسكين صار مايحط منه ومن اولدت صار يحط منه بسس للحين مااااااااااحبع ويع ويع ريحته لاتطاااق

وادا تدكرت حاجه بقوليكم هههههههههههه *_*

رقة مشاعر
22-10-2011, 04:15 AM
اني كرهت اللحـوم وخصوصا الدجاج ماطيق اشووفه ادوخ خصوصا اذا نيء او مسلوق
البيض ..والحليب والجبن والالبان
الروائح العطور الرجاليه النسائية والبودرة والكريمات والبخـور والشامبو والصابون ومنعم الملابس وييع
والمعجون للحين ابالع من غسل اغسل اسناني

حبيت البطاطس المقلي والمشروبات الغازية
والرز الابيض بالروب
والفواكهه والسلطات الخضراء عادي احبهم
ونزل وزني من بداية حملي 7كيـلوو
والحين رجعو لي من اسبوعين 2كيلو بس ههههه طبعا مامتنت بس صدري الله يدفع البلى صار كبير والكل ملاحظ هالشي :) خخخخ كل واحد كيلو شكله
خخخخخ واني الحين بمنتصف الشهر الخامس

حلاتي
22-10-2011, 04:31 AM
اني نفس حاله تناهيد علطول حملت من تزوجت وصرت اكره اكل اي شي من غير ليمون
لدرجه لما اروح بيت اهلي وماعندهم ليمون مااكل وتجيني الغبنه خخخخخ
وبعد حبيت اللوز بقوه بقوه بقوه خخخخ والرمان بعد والعيش واللبن رفيقي فالحمل
وجاتني فتره اقطع لي خيار وطماط واحط فيهم ملح وليمون واجد وفلفل اسود اسويه كانه مرقه
مو سلطه واكله بس تازمت معدتي وجاني القولون وهونت هععععع
وكرهت المكرونه البيضا بقوه ماطيق حتى اشوفها حتى لو فالتلفزيون اشوف طبخ مثلا
وسو صلصه بيضا اقعد ابالع اكرههااااااااااااا بقوه وع
عطوراتي وعطورات زوجي ماكرهتهم ماعدا عطر واحد بس حق زوجي ماطيق اشمه ابدااا
وتركه من عرف اني مااحبه
فبدايه الاشهر كرهت شقتي بقوه وجلست فبيت اهلي شهر ونص تقريبا
وكل من سمع شهق عروس وجالسه فبيت اهلش مايصير خيرررر بكيفي هو يعني خخخخ
وبس تقريبااااا ( :

ورد الحنين
22-10-2011, 07:49 PM
موضوع نااايس عفر
اني الحين في الشهر الثاني واول وحام لي كان على زوجي احب ريحته حتى لو خايس واحب اكون وياه دايما ومتلزقه فيه وكل مشتهيه الجماع وزوجي ما يرضى يقول ما يصلح لش في هالفتره
واشتهيت فاكهه مو موسمها ودار رجلي لين اعجز في محلات الخضره وراح بنده ومزايا وما فيهم واني خلاص بصيح ابغاها
وتوحمت ععلى لبن احمر حق الاول المطرود
ونفسي في بوظة اللبن والشيبس الاخضر مستر كريسبي وشيتوز اللولبي و
كل يوم نفسي في شي غير شكل
حتى زوجي يقول اتوحمي على شي موجود وحامش عجيب غريب انا خيرتي بانتفش لاني دورت راسه هههههههه

omhadooi
22-10-2011, 08:05 PM
تجربة الحمل كانت بالنسبة لي كأول مرة كلللللللللللللللللل شيء لآ يُطاق
مآ أشتهي اللحووووووم و الحلييب مجرد شوفته يسبب لي غثيااان
ومن المضحك اني كنت ادرس وقتها صرت اذا طولت الدكتورة بالهدرة تلوع جبدي
وركيض لدورة المياة من لوعة الجبد
الترجيع كان عندي بزيادة وحمي كان متعب
ومن امشي مشوار خفيف احس برجفة بجسمي كله وراسي كانه كورة معدنية ثقيييل
وصرت اكره مطعم من المطاعم المشهورة بالقطيف وليومكم مااشتهي اطبه
و انتهى الحمل بتسقيطي
والله يعوضني عاجل إن شاء الله
الحمد الله رب العالمين على كل حال

بظبط هده هو الوصف الحقيقي الى الي جالس يصير في راسي الحين احسه كأنه كوره معدنيه ثقيييل احس اني كل ابغى اسند راسي وما اقدر اطلع واجلس في مكان زحمه مررره تعب
الله يعوضك خيه وتحملي وجيبي اولاد وبنات دامك موجوده وزوجك موجود ان شاء الله بتحملي الله يخليكم الى بعض ويطول عمركم

omhadooi
22-10-2011, 08:06 PM
أم هدوي
المطعم سلمش الله من حملت ما اطبخ وما من الا هو قريب لينا
وكله طيحين فيه طيحه لين ما كرهته
دكرتيني بحملي بنتي كنت ما اطبخ فا ناكل من مطعم الفنار الحين من امر عليه ادكر ايام الوحم وما احب اكل منه خلاااااص

omhadooi
22-10-2011, 08:09 PM
اليووم ثالث من بدا وحمي
ومووو قادره من الترجيع
وما اكل شي في الشقه ابد وكله تعبانه
ومن اروح بيت اهلي احس اني اصير شبه طبيعيه اكل واحس اني اصير احسن
ومااقدر اشم في رجلي عطر
ومشتهيه اللووز
وجاب لي رجلي بس شكله مو مغري :(
الله يعينك ... و الله حاسه فيك
انا بعد كنت ادا رحت بيت اهلي اصير احسن شوووووي اما هنا ما عندي احد اروح اله ومن اطلع اصلا تزيد الحاله
الله يتمم حملك على خير وتفرحي بالمولود

omhadooi
22-10-2011, 08:10 PM
انا الشهر الاول حتى قبل ما اعرف اني حامل توحمت على سمك صويفي بشكل جنوني .. كنت ادق على امي نص الليل اقول ليها ابغى سمك صويفي
بعدين توحمت على ستيك من البحرين :( وطبعا ما قدرت اكله {{الله يفرج عنهم }} وتوحمت على ريحة رجلي بعد صرت ما اطيق عطوراته كللللهم
الحين ملازمه على الفواكه
يوميا اكل شقف
وهاليومين اشوف نفسي كله ابغى بليله هههههه
ويش قصتكم بنات المنتدى على الشقف والسمك المشوي
صايرين صحين شوي

بليلههههه لا بعده ما يجي نفسي عليها

omhadooi
22-10-2011, 08:15 PM
نسألكم الدعاء واجي اقول لكم:)
اني من تجي الدوره لين تنتهي على طول شوكلاتات 4، 5، باليوم غير ايس كريمات الشوكلاته
والله خايفه على نفسي من السكري
حتى انا ادكر تجيني هالحاله بس مو اكل بس احس نفس اعراض الوحم حتى قبل لا اتزوج حتى الترجيع ارجع

omhadooi
22-10-2011, 08:17 PM
انا توحمت على عده اشياء
اول شي ماحب حمصات ولا الكبسات كل رز ابيض بس
السمك كرهته مع ان احبه الخيار ماحبه الباستا مااشتهي اشوف شكلها ولا احد يطري اسم باستا على طول ارجع
المعجون الاسنان يجيب لي لوعه وصرت عصبيه واجد واني في الاصل بارده ههههه:d
توحمت على شاورما التنور وعلى البطاطس من البوفيه وايسكريم لندن السطل وجميع انواع الفواكه احبه وكل يوم زوجي يجيب لي شقف وللوز والرمان اكثر شي صرت اشرب بيبسي من ورا رجلي صرت فتره توحمت على شيبس ليز الحار
اشوه انتي شوي صحيه بس عاد مررره شتهيت بطاطس من البوفيه مع بيبسي باااارد

بقلبي ابوحسن
22-10-2011, 09:51 PM
اني لماكنت حامل كنت امووت في زوجي لدرجة ان كل يوم هواش
ماابغاه يطلع يروح العمل او الحمام ابغاه كل لازق فيني
وكنت طوال الوقت اتشمم في رقبته واي شي اشتهيه اشمه في رقبته
بعدعمري تعبته وااجد

استقلال
23-10-2011, 06:07 AM
وحدة من معارفنا توحمت على فحم تنقعه في قاز :eek:
ماتوقع مثل وحامها في ثنتين :D
المهم ترجت امها تروح تشتري قاز من عند وحدة ولعبت عليها أمها قالت هونت ماتبيع الحين
ياعلي ياعلي عفر ناوية تحرق الجنين فحم وتنقعه في قاز وش النتيجه = هلاك ودمار

محليتهم
23-10-2011, 03:19 PM
موضوع نآآآيس مآآره

آنآ آوقآت آحس إني غير البششر يعني كل شهر آتوحم على حااجة:p

بالبدآية آمووت ع اللبن كوول آثلجه وآشربه مثل المجنونة كنت عليه وبعدييين كرهته كره العمى

وصرت آحب اللوز بس الآسكندري وكنت من كثر مآآكله آرجع منه لين مآتآتزمت وتركته

وبعدين صررت آمووت في الرمآآن ومآزلت بس آخف من قبل بس حآلياً آدمآن شقف والحليب >>>لدرجة آنه سبب لي آسهآل تكرمون من كثرته والشيبسآت خصوصاً ليز..

وآكررره شئ آسسسمه مشآوي قسسم بالله من آشوف آسمه بسس آلووع مآقدر والربيآن والسمك مآقدر على ريحتهم وووبس:rolleyes:
ربي يتمم لنآ على خير آنشآءالله

كل الحنان
23-10-2011, 09:07 PM
انا توحمت على النوم في بدايت حملي كل ابغا انام وصرت ماضيق شي اسمه فرشاة الاسنان من ادخل الحمام وانتو بكرامه نفسي اكسرها بس مكرها اخاك لا بطل استخدمها وارجع بس شعور يلوع الجبد والى الحين عندي بس اخف اشوي وكنت اتوحم على ورق عنب حامض ومحترق (بس شايط شوي ) والوزشكله بينقطع واني الى الحين ماشبعت منه يعني كنت اكل السحاره كلها بدون شعور وكنت ماقدر على ريحة الحماص خصوصا اذا احد من الجيران يحمص حتى لو اني نايمه اقوم ارجع منها صرت ماتحمل ريحة الشقه اسوي بخور ثلاث مباخر في الشقه وثلاث مرات في اليوم وكل عندي خايسه وياخساره على عطوراتي كلهم ماركات وغالين الى اليوم ماتحمل ريحتهم يمكن بس عطرين الى اقدر عليهم كل كوم ولا عطر جفينشي بانواعه كوم ثاني ماقدر عليهم يلوعو جبدي وفي الشهرالسادس صرت اموت على شي اسمه دونات مال المطرود او سويسرول يعني انقلبت الايه صرت اموت على الاشياء الحاليا كنت اتحسس من كل شي حتى من احساسي باني حامل كنت كل اصيح بدون سبب وكنت اتحسس من كل حركه او تصرف يسويه زوجي احسه انه مضايق مني والحين في الشهر السابع صرة مزاجيه زياده دقيقه تشوفيني مثل الاطفال اضحك وامزح وهذي شخصيتي الحقيقيه وساعات تشوفيني موضايقه نفسي ولا احد حتى امي مسكينه ساعات احس اني مابغ اكلمها ودايم تعبانه ومالي خلق شي واسولف وايد وي نفسي عن شي بخاطري وفي قلبي بس موقادره اتكلمه الى احد بصوت مسموع حتى ساعات اذا نتبهت الى نفسي اقول شكلي بستخف المهم انها ايام ونشالله الله يسهل علي وعلى كل الحوامل يارب ويرزق الى ماعنده يارب

حنونه ومزيونه
24-10-2011, 02:58 AM
ههههه موضوع حلو
ذكرتوني باللذي مضى
اني في بداية حملي كله نووووم وترجيع ولا اشتهي اكل
ولا اشتهي الهمبرجر ما اطيققققه ولا اشوف شكله ولا رحته ما احبه صرت
وتوحمت على اللوزالأسكندررري هههههه اتوحمت على شيبس قدددديم من زمن جدي يبيعوووه بس في المدينه واني متحسرررره ابغااااه نفسي فيه ولا حصل لي<<<وطلعت في ولدي شاااامه في فخده ههههه اشوه مو في وجهه<<قالت قصة حيااااتها
اي وشنو بعد توحمت على البسبوسه الله اموووت عليها والزيتوووون الاخضر في اليوم غرشه او غرشتين اكل والله ما اجدب ادححححححن عليه والمخللات بانواااعها لين ماجاني تسممم من كثر الموااااح خخخخخخ
وبث:d

ام حسن وفاطمه
24-10-2011, 04:26 AM
بنت خالتي توحمت على ريحت البانزين كل ليله رجلها يوديها محطة البانزين ويفتح نوافد السياره
تشم البانزين
ههههههههه
امى اني اموت على الرطب في حملي ويكون ماهو وقته لين حصلنى عند عيالي مثلجينه

omhadooi
24-10-2011, 11:53 PM
بنت خالتي توحمت على ريحت البانزين كل ليله رجلها يوديها محطة البانزين ويفتح نوافد السياره
تشم البانزين
ههههههههه
امى اني اموت على الرطب في حملي ويكون ماهو وقته لين حصلنى عند عيالي مثلجينه
ياعلي ام حسن حتى انا ابغى رطب بس نو وييييييي ما في هنا واصلا مو وقته فاصايره اكل معمول عن فادي

أح ــلام ملونه
25-10-2011, 12:26 AM
في حملي كنت ماطيق الحلا بتاتا ومو بس الحلا ماشتهي الاكل بس كنت اكل غصب

بس الحلا اعظم

وبس عدت الثلاثه شهور لو يمر يوم ماأكلت شوكولاته ولاكيكه اعصب واتنفرز خخخخخخخ

شفايفك كرز
25-10-2011, 01:15 AM
بنات بحملي الاول بس مالله كتب يتم معاي ونزل الله عوضني بالاحسن هالمرة طبعا كنت متوحمة على العيش والبن وطبعا مو اي لبن لازم الريان خخخ بس عفر وماكرهت شي

حور الشرقية
25-10-2011, 08:27 PM
مافيه شي ماتوحمت عليه صايره رزيله حدي
اتوحمت على بيبسي مكينه
وحلاوة اسكتلز الحامض
والدجاج اللي اشبعت منه اشوي وماولد ابيض عفر
حلاوه ابو للسان
روب حامض
بطيخه حاليه
اسكريم
لو اعدد من الحين لباشر ماخلصت هذي واني توني كيف لو لشهور الجايه

نجمةالشرق
25-10-2011, 09:22 PM
انا في حملي الأول توحمت على الحامض واللوز
في الحمل الثاني توحمت على الرهش

كل الغلا لعيونك حبيبي
25-10-2011, 10:41 PM
وحامكم غريب عجيب خخخخخخخخ

اني لما كنت حامل الحمدلله ولدي ريحني لا توحمت ع شي ولا تجيني لوعه ولا ترجيع

الله يرحمه ريحني في حملي وراح بعد ولادتي

الله يخلي اولادكم ان شاءالله وييسر ع الحوامل يااارب

بعد روحي
26-10-2011, 12:24 AM
وحامكم غريب عجيب خخخخخخخخ

اني لما كنت حامل الحمدلله ولدي ريحني لا توحمت ع شي ولا تجيني لوعه ولا ترجيع

الله يرحمه ريحني في حملي وراح بعد ولادتي

الله يخلي اولادكم ان شاءالله وييسر ع الحوامل يااارب

الله يعوضك حبيبتي بكاني توقيعك :(


اما انا وحامي كل يوم شكل اول ماحملت رويد خخخخ حتى اتحلم نص الليل اني اقروضه
واحيانا ليمووووووووووون كل شي آكله لازززززم ليموووون
والحين صاير كل حلا والمعجون ماقدر عليه لدرجة قلت بستخدم سواك خخخ
الله يتمم حملنا يااااااااااااااااااااارب

omhadooi
26-10-2011, 02:29 AM
مافيه شي ماتوحمت عليه صايره رزيله حدي
اتوحمت على بيبسي مكينه
وحلاوة اسكتلز الحامض
والدجاج اللي اشبعت منه اشوي وماولد ابيض عفر
حلاوه ابو للسان
روب حامض
بطيخه حاليه
اسكريم
لو اعدد من الحين لباشر ماخلصت هذي واني توني كيف لو لشهور الجايه
هده نفس احساسي صايره مررره زيله كل شي ابغاه واني اصلا ما ني قادره اكل من الوعه

شموخ في زمن الإنكسار
26-10-2011, 03:30 AM
ياااكثــتر الأشيــاااء اللي توحمتهااا
في البدااايـــــــــــــــــة اللــوز و شراب عمـار طحين السوري ع فراولة>>> أحنا نسميه خطوط
وفـــراولة وسمك مشوووي >>> وبالأصل السمك ما أكله
و رز محموص صرت مدمنته

والأشيــااء اللي كنت أحب أكلهااا ألحين حتى ريحتها ما أتحملهااااا مثل المشويااات و الشورمــا


أي صــوح صــااايرة أشم ريحة أبوالي >>> أكرمكم الله >>> سمـــك و مانجــــو =( >>> وهذا نفس وحااام أمي
وبــس >>> والله يساااعدكــم يالحوامل

mlake
26-10-2011, 05:11 AM
حلووو الموضوع وقرات الردود حلوه
اشتهيت رمان جبت لي واكلتها <<< مطلقه الفواكه والخضار << مو حامل بس طبيعتي كذا قليل اكل ذي الاشياء
اني توحمت ع الحوامض بشكل عام
الشي الغريب اللي صار
كرهت الشكشوكه
ذاك اليوم ابي ارجع مو قادره واقفه بحلقي جبت المقله والملعقه عطيتهم زوجي قلت له حركهم كانك بتسوي شكشوكه
قام يحركهم ويقول كلمات نسيتها المهم انها عن الشكشوكه يوصفه وكذا والكيس ماسكته ورجعت على طولhttp://3roosqatif.com/vb/images/icons/icon10.gif
ناسيه كمان ايش توحمت عليه
اذكر كل شي توحمت عليه اكلته يمكن شغله بس م كانت موسمها مو ذاكره والله

mlake
26-10-2011, 05:12 AM
ياااكثــتر الأشيــاااء اللي توحمتهااا
في البدااايـــــــــــــــــة اللــوز و شراب عمـار طحين السوري ع فراولة>>> أحنا نسميه خطوط
وفـــراولة وسمك مشوووي >>> وبالأصل السمك ما أكله
و رز محموص صرت مدمنته

والأشيــااء اللي كنت أحب أكلهااا ألحين حتى ريحتها ما أتحملهااااا مثل المشويااات و الشورمــا


أي صــوح صــااايرة أشم ريحة أبوالي >>> أكرمكم الله >>> سمـــك و مانجــــو =( >>> وهذا نفس وحااام أمي
وبــس >>> والله يساااعدكــم يالحوامل
شهيتيني بالخطوط(عمار)
شكلش من ديرتي احنا بس نسميه خطوطhttp://3roosqatif.com/vb/images/icons/icon10.gif

Gadeer saeed
26-10-2011, 09:09 AM
هلا حبااايبي
أني توني بداية حملي
توحمتت ع النوو كل ناااايمهـ >معني ماكنت انام واجد
وتوحمت ع اللوز <<مجنننهـ زوجي وصديقتي كل يوم أبغ
وتوحمت ع الروب أحط في الفريز واخلية يجمد وأكلهـ
بعض اعطور كنت احب ريحتهاا الحين ارجع منهاا
رجلي مسكين اول الاياام مااأحبه وكل أتشاابق ويااه
وكل معصبببة مرةةة بقوة <<تحمست
ومدري اللة يستر من الاشهر الباااقي<< توني شهر وشوووي ودي اللة يعين ف الباقي
واللة يسهل علينااا جميعععع
ياااارب
استمتعت با الموضوع وعجبني مرة

شموخ في زمن الإنكسار
26-10-2011, 11:22 PM
شهيتيني بالخطوط(عمار)
شكلش من ديرتي احنا بس نسميه خطوطhttp://3roosqatif.com/vb/images/icons/icon10.gif


ههه عفر فديتش

أزهارالولايه
26-10-2011, 11:35 PM
انا توحمت بالليمون الاخضرالبلدي وربي بس اقشرواكل فيه وزوجي يقول خلاص خفي عن نفسك اشوي وانا بس اقشرواكل فيه وطلعت بنتي ماتطيق الليمون ولاتاكل شئ فيه ليمون عفر كرهتها فيه

دلوعتك حبيبي
27-10-2011, 12:06 AM
اني وحمي بالاول موالح وحامض وتوحمت على كعك وكان مو موسمه وجبت ولد

الحمل الثاني كلشي سكر رهش عسل مربى شكلاتات وحلويات بانواعهااا حلوووى لسه ماجابو لي وسممسم اللي يقرمش ماعرف كيف اوصفه بس يبيعوه بالسوق المتجوله
ومادري وش فيي للحين مارحت اشوووف

شلال عطر
13-11-2011, 11:38 AM
اني توني بالبدايه واحس بلوعه وماني طايقة ريحة الشقه خياااااااااس وماطيق اكل فيها وماطيق ادخل المطبخ من ادخل احس اني برجع : ( متى افتك من الوحااام مسبب لي ازمه نفسيه هههههه

الحنــ^ـ^ـــونه
13-11-2011, 02:31 PM
خوووش موضوع والله
اني في الثالث وحامي بدأ من شهر تقريبا ومستمر ليومكم هدا ومادري متى بيروح عني وافتك متعبني تعاب :D
24 ساعه جبدي لايعه كنت من اكل او اشرب شي على طوووول ترجيع استخدمت حبوب والحمدلله فادوني صرت ارجع مره او مرتين باليوم بس :p
اتمنى اتوحم على اكل اشوف اهلي ياكلووو واني اطلع عليهم كلا ماليي نفس
صرت احب اظل منسدحه طول الوقت ماابغى اقوم ومااطيق المعجون وصابون لوكس الازرق حق الايادي مااطيق ريحته والمطبخ مااقرب منه ومااشتهي اروح الكليه مادري كيف بكمل هالترم شكله بيطلع فيي قروووون :confused:

حزن المطر
13-11-2011, 03:44 PM
أني في حملي الأول والثاني أكره شي أسمه بهارات

ام يوسف القمر
13-11-2011, 05:06 PM
انا بحملي الاول كرهت شي اسمه لون احمر هههههه: ايسكريم لونه احمر والحبحب ( بطيخ الاحمر ) اذا مجرد ايصير في بالي اتلوع جبدي وبعد ريحة المطبخ احس تدوخخخني وتخيلوا السمك اللي اموووت فيه ما حب اشم ريحتة واللحم اللي مو كلش معاه صار المفضل عندي الضاهر فيوزي ضربت هههههههه على العموم الايسكريم صرت ماحب طاريه والشاي اللي كنت اشريب دلة كرهته ما حب اشم ريحته لما يغلي فوق النار.:(

بحملي الثاني اهون وحامي لكن يعني الشاي كالمعتاد كرهته بس الغريب في الامر ولدي عمره سنة وعشر شهور بس للحين ما احب الهيل في الشاي كرهته وبس .

احس طولت عليكم ههههههههه ودمتم يا احلى امهات.:d

شوق الوسمي
13-11-2011, 05:18 PM
ماتوحمت على شي
بس صرت اكره في البدايه ريحة زوجي اقوله ابي اشوفك بس مابيك تقرب مني وعطورات صرت ما اشتهي اشمها ولا اتخيل ريحتها وكم لعبه في الجوال ونغمات صرت اتعب اذا سمعتهم
وصرت اكره المشويات والشورما والورق العنب وخاصه من مطعم القمرين والساحل
والطماطم بعد ما احبه
واللي يمكن صرت احب اكله الرمان والبطاطس حبيب قلبي واللوز هذا بس
اما وحام وحام ماحسيت فيه

omhadooi
13-11-2011, 10:02 PM
الله يعين كل النساء الي يتعبو في الحمل وخصوصا في الوحم .... احس ان هدي الاربعه شهور الاولى عداب كأني اموت بالبطيء ياعلي الوضع مررره متعب ان شاء الله كل الحوامل يصيرو احسن والي بيحملو يتوحمو بدون ترجيع ولوعة جبد ...
ادعو الي خواتي احس اني خلاص مرررررره تعبانه ماني قادره ارفع راسي