المساعد الشخصي الرقمي

مشاهدة النسخة كاملة : شنو الاكلات اللي تزيد وزن الجنين



galamor
07-12-2011, 06:42 PM
مرحبا حوامل


حبيت اسال شنو الاكل اللي يزيد وزن الجنين بالشهر الثامن و التاسع ؟؟

وكم الوزن المناسب الى هالشهرين بالذات ؟


وشنو المضاعفات او السلبيات اللي تصيب الجنين لو انه انولد وهو وزنه قليل ؟

em reem
07-12-2011, 07:13 PM
أني سمعت ان التمر والحليب يوميا يزيد وزن الجنين وعلى كلام الدكتور ان أحسن شي مايقل وزن الجنين عن كيلوين ونص وقت ولادته والله اعلم

galamor
07-12-2011, 07:24 PM
ام ريم غناتي تسلمي يالغلا بس المشكله اذا ما تشرب حليب :(

مافي شي ثاني يعوض

ياسمينا
07-12-2011, 07:27 PM
في الشهر التاسع يزيد وزن الجنين كل اسبوع 250 جرام والوزن الطبيعي عند الولادة يبدأمن كيلوين ونص

طبعا في الشهر الثامن يمكن يكون الوزن قليل يعني كيلو وشوي لكن الرقم يقفز فجأة في التاسع

التمر يزيد من الوزن بس المشكلة انه احتمال كبير يسبب سكر للام والجنين

سمعت ان الموز بعد يزيد الوزن

طبعا الافضل انها تسال الدكتورة عن وزن البيبي وهل هو طبيعي او لا يعني لما لما كنت في الثامن حسيت ان وزن البيبي مررة قليل لكن عند الولادة في التاسع كان وزنه طبيعي مررة

galamor
07-12-2011, 07:30 PM
هلا اختي ياسمينا

المشكله الدكتوره قالت لها ان وزن البيبي مره صغير هو الوزن حاليا كيلو و 600 قرام


وهي بنص الشهر الثامن

عشان كذا متخوفه كثيررر والقهر ما تشرب لا حليب ولا غيره من منتجات الالبان :(

الله كريم ويارب ما تدخ ل التاسع الا زاد

ياسمينا
07-12-2011, 07:35 PM
عجل نفس وزن ولدي لما كنت في نص الثامن وزعلت مررة وتازمت نفسيتي مع ان الدكتور يقنعني ان الوزن طبيعي

ولما رحت الموعد الي بعد اسبوعين الا وزن زاد وصار اوكي بس ما اذكر كم

المهم اني لما ولدت في نص التاسع كان 3 كيلو

بس باقولك على شي انا احس اني لما ما اهمل الفيتامين يكون وزن الجنين اوكي وهذا الي سويته بين الموعدين وشفت الفرق في الوزن خليها تاكل فيتاميناتها كل يوم وما تهملها وبتشوف الفرق طبعا المفروض تاخذ الفيتامين في النهار مو قريب تنام عشان يصير لها مفعول

الذوق الرفيع
07-12-2011, 08:19 PM
المفروض توصل التاسع ووزن الجنين على الاقل كيلوين خليها تداااوم على الكالسيوم وتهتم في العصاير الطبيعية مش المعلبة بنتي كان وزنها قليييل وقالت لي الدكتورة الجنين اكثر غذاءه واللي يكبره الجلوكوز موجود طبعا في الفواكه والتمر وداومت على الفواكه والتمر والسلطات وطبعا النشويات رز ومكرونة والموز اذا تحبه جربوا معاه موز بالحليب اذا تحبه لذيييذ ويزيد الوزن بشكل سرييع وطبعا اللحوم تهتم فيها ...وان شاء الله يزييد

galamor
07-12-2011, 10:03 PM
يسلموو حبايبي بحاول اخبرها :) ويارب خير دعواتكم

روحي بين يديك
07-12-2011, 11:56 PM
هلاغناتي

طبعا حالي بعد مثلها وزن النونوصغيرلماسوت السونارافتكرتني بالشهرالسابع موالتاسع انصدمت حدها انومازاد

لابالشهرالثامن ولااتاسع وباقي اسبوع على موعد ولادتي

حتى تخيلي قالت لي لاتمشي مشان ماتنحفي اكثر

ضاق خلقي مره وقالت لي حاتتعذبي معاه مابتعرفي له

والوزن الطبيعي يزيد

دعوووااااااتكم

حلوه يابلدي
07-12-2011, 11:58 PM
اني لاحظ شي في ولدتيني الثنتين

الاولى اكلت تمر وااااجد مع حلللللليب وااااااااجد وجبت بنوتي 3 كيلو اللهم صلي على محمد واله بيضه وحلوه ومخدخده

ولدتي الثانيه غفت جبدي من التمر والحليب وخصوصا اني حملت بدري على بنتي الاولى فماشربت لاحليب ولااكلت تمر ولا حت حبوبي
فجبت بنتي صغيييره كيلوين وشوي بس مره طلعت نتفه كانها كيلو لدرجة ان من صغارت وجها تغص بريقها وصرنا مانطفي اليت علشان نراقبها

وتقولي الدكتوره وزنها زين كيف زين اجل الي وزنهم كيلو كيفه يادافع البلاء
حتى صاحباتي يوم شافوها يقولو ياربي بنتش كانها سقط ههههههههه


نسيت اقول شي
علما بان الدكتوره الي اتابع عندها تقولي وزنش زااااااااااااد وايد عشره كيلو من جيتي واني دبه مافيني مايطلع الي وضعيفه
بس تقول لاتاكلي واجد تالي مابيطلع واني ماكل واجد وكنت اكل كل خرابيط ربيانات وشوكلاتات اخر الليل
وخفت من كلامها ولا اكلت وتالي طلع كل ماي وبنتي صغيييييييييييييييره

galamor
08-12-2011, 12:33 AM
روحي قلبوو الله يسهل عليك يارب ويزيد وزن النونو


حلوه يا بلدي .. هي يا غناتي الترجيع ما وقف عنها من اول ما حملت الى الان وبطنها كانها ب الخامس محد يصدق اذا شافها انها بالاشهور الاخيره
بس الغريب انها المفروص اليوم تدخل الثامن ولما راحت قالت لها لا انتي دخلتي من اسبوع وشوي الشهر الثامن

وهذا الشي خلاها تتوتر اكثر وتخاف اكثر بعد ما قالت لها وزن البيبي مو تمام وكذا

يارب يزيد لها هالفتره وترتاح نفسيتها

غرور الورد
08-12-2011, 01:22 AM
انا الحين بنص الثامن وآخر زياره لي عند الدكتوره من يومين

وزن البيبي 1900 .. وقالت لي انه تمام كذا

وعلى حسب كلامها يبدا يزيد في التاسع

رقة مشاعر
08-12-2011, 02:54 AM
خيوو
عليها بالاكثار من اكل البروتين الحيوانى والنباتى ( البقوليات )
موفقين

ماي عيني
08-12-2011, 10:51 AM
روحي قلبوو الله يسهل عليك يارب ويزيد وزن النونو


حلوه يا بلدي .. هي يا غناتي الترجيع ما وقف عنها من اول ما حملت الى الان وبطنها كانها ب الخامس محد يصدق اذا شافها انها بالاشهور الاخيره
بس الغريب انها المفروص اليوم تدخل الثامن ولما راحت قالت لها لا انتي دخلتي من اسبوع وشوي الشهر الثامن

وهذا الشي خلاها تتوتر اكثر وتخاف اكثر بعد ما قالت لها وزن البيبي مو تمام وكذا

يارب يزيد لها هالفتره وترتاح نفسيتها


احس انك تتكلمي عن زوجة حماي لان في مشكلتها بالضبط
بطنها صغييير بالمره ماكأنها في الثامن وولدها قالوا انه حجمه صغير وضايق خلقها مره
وماتحب الاشياء المفيده ابد والاشياء اللي تزيد وزن الجنين مثل ماقالوا البنات الحليب والتمر هي ماتحبهم

الله يعطيهم الصحه وان شاءالله مايولدوا الا اولادهم وزنهم طبيعي يارب

galamor
08-12-2011, 12:16 PM
غرور ورقه يسلموو حبايبي


ماي عيني .. هي كذا ما تحب شي مفيد يعني لا لبن لا زبادي لا لبنه لا حليب لا قشطه لا جبن انا صحيح مثلها ما احبهم بس اللبن والزبادي عادي عندي اغصب على نفسي واخذهم

الله كريم ويصير وزن النونو تمام يالغلا

ووزن نونو مرت حمييك بعد يصير تمام ويسهل عليهم جميع يارب

Gــلنار
08-12-2011, 12:26 PM
خلي الدكتورة تعطيها حبوب الفيتامين وكل يوم تبسط على الفواكه موز و تمر وتفاح كل الانواع وتشرب لبن حتى لو ماتحبه تغصب على

نفسها عشان البيبي وعلى فكرة وزن الجنين عند الولاده يكون طبيعي اذا كان في حدود الكيلوين امي ماتجيبنا الا كذا و خواتي اولادهم نفس

الشي ومافيهم الا العافيه ..

MaryoOma
08-12-2011, 12:30 PM
عادي غناتي احس وزنه طبييييعي وزي ماقالو البنات في التاسع يزيييد

اني بعد ماكنت اشرب حليب بس لازم اشرب حبوب فيتامينات

و جبت بنوتي كيلوين ونص بس صغيييييره تلبس ثياب سقووط :p عندي مو مهم اهم شي صحتها زينه وماعندها نقص

galamor
08-12-2011, 04:50 PM
تسلموو حبايبي مشكورين ما تقصرو

اللي يقهر الدكاتره اذا يخوفو الوحده :(

~عروس~
26-12-2011, 02:50 PM
أني بعد حالي من حالها . . بس كان في نهاية الشهر السابع هالكلام . .
وزن الجنين كيلو و 300 و الدكتورة قالت الأمر عادي بس حاولي تاكلي عشان يكبر و ما يتعبش حتى في وقت الولادة . .
بس كان بسبب أني ما التزمت في وجبة الفطور ، كله يجيني أرق و ما أنام عدل و الصبح ما أقدر أقعد . .
بس الحين أحاول ما أترك وجبة الفطور و في موعدي الجاي بسوي ليي إشعة و يارب زاد إن شاء الله . .
الله يتمم لنا على خير

لؤلؤه سوداء
26-12-2011, 04:49 PM
هلا جلامور لماكنت حامل كان البيبي صغير وقالت لي الدكتورة اكثر من اكل البقوليات والفواكه والحمد لله لما ولدت وزنه وصل 3 كيلو
الله يقومها بالسلامه

ياسمين الولاء
26-12-2011, 05:01 PM
التمر والحليب والموز وخاصة الموز يكبر الجنين ثلاث مرات باليوم تاخذه

والله يسهل علينا جميع

RoRa
28-12-2011, 02:42 PM
طيب البقوليات ماتسوي للبيبي فقر دم او ماشابه بعد ولادتة ؟
اني من حملت اكتشفت ان فيي جي سكس بي دي