المساعد الشخصي الرقمي

مشاهدة النسخة كاملة : اطباق اطفالنا من صنع ايدينا



الصفحات : 1 [2] 3 4 5

جـــــــود
11-01-2012, 01:59 PM
شوري
ما اقدر احدد الش بالضبط على حسب كمية الخضار
بس حطي ملعقتين شوفان وخضار الي تبغيها مبشوره وضيفي اليها ماي بس يغطيها واتركيها تتسبك بعدين اخلطيها في الخلاط واذا حسيتها جامده مره ضيفي شوية ماي في الخلاط

همسااات
12-01-2012, 02:54 PM
امهات ابغى كمية الي تحطوها في شوربة الخضار لأنه سويتها الى بنتي حطيت بطاطس وبوبر وكوسا وماعجبتها ابدا يمكن لأنه المقادير مو مضبوطة كيف تسووها ؟

وبغيت طريقة شوربة النشا الظاهر اسمها وعادي اعطيها الحين وعمرها 6 شهور ونص ؟

shori
12-01-2012, 04:38 PM
اليوم سويتها الشوربة زي ماقلتي جود و طلعت غليظة مو زي قبل سائلة و الحمدلله عجبته

ماي عيني
13-01-2012, 04:42 PM
حلو الموضوع

يعطيكم العافيه

نستفيد من اطباقكم الى بعدين

وعلى اطفالكم ألف عافيه

جوداء
14-01-2012, 06:20 AM
الا يبغوا يعرفو اكثر عن عصير الجح

مناسب جدا للي وياهم امساك هو مع عصير الجزر

حلا التوت
14-01-2012, 02:37 PM
سلام مامات اخبار الكتاكيت مع وجباتهم الحلوه
انا بديت اعطي بنتي الاكل مهروس بالشوكه هونت عن الخلاط لكن تجنني ماتاكل بسرعه
كملت 7 شهور لازم اعودها

Snow Angel
14-01-2012, 03:24 PM
بسألكم أنا توني بجرب الكوسا لولدي بس أخليه يغلي لحد مايلين بدون ماأضيف شي ؟

جـــــــود
14-01-2012, 05:20 PM
شوري الحمدلله عجبته الشوربه

حلا التوت
ما عليه اصبري عليه بعدين بتتعود

سنو
على عمري لسه ما اكلتيه
الكوسا بس قشريه وقطعيه مكعبات واسلقيه بدون شي بعدين اضربيه بالخلاط او بالشوكه لانه بسرعه يلين وينهرس

ترنيمة مطر
14-01-2012, 06:25 PM
.

> ياغآفلين ..

ما أقشر الكوسا أنا .. عادي ؟
بس التفاح والجزر . . *-*

.

.

الذوق الرفيع
15-01-2012, 05:02 AM
ترنيمة
عادي خيوة مفيد القشر حتى الجزر بعد بس اني اقشرهم ...

حلا التوت
15-01-2012, 03:16 PM
انا الكوسا اقشره شوي واخلي شوي

سراب نور
15-01-2012, 07:12 PM
مرحبا مامات

ملييييييييت من كثر ما اسوي الاكل لولدي ولا ياكل

وزهقت من كثر الطبخات اللي اكررها كل يوم وياكلها

من عمره 4 شهور نفس الاكل اللي ياكله ماتغير

خضار وتفاح وكمثرى وسيريلاك

اذا سويت غير هالاشياء مصيرها الزباله

واذا صار الاكل غليظ يغص ويرجع

مع انه كبر !

اعطوني وصفات جديدة رحم الله والديكم

محلبية النشا سويتها اول مرة عجبته وبعدين لا

ابغى مقاديرها بالضبط لأن مو كل مرة تضبط عندي ياجامدة ياسائلة

الليدي أوسكار
16-01-2012, 02:50 AM
اني ولدي الاولي نغنغته بالموز والروب كان مرررة يحبهم عليه بالعافية وساعات اسوي له افوكادو او اعطيه عنب او اعصر في فمه رمان كان مرررة يحبه واسلق له بطاطا وجزر واسلق له بعد تفاح واهرسه هالاكلة مرررة محببة للاطفال وتقدري تعطيه صفار البيض ولدي حبه اول شي تالي عافه والحين رجع يحبه الحمدلله وتقدري تاخدي سيريلاك من الصيدلية كإستعانة بسيطة لكن لا تعتمدي عليه اعتماد كلي اهم شي للطفل الحليب و الاكل اللي تقدمه الام لانها هي اللي تشرف على هالشيئ اما ادا صرتي عيارة بيصير ولدش او بنتش ضعاف و صحتهم مو اوكيه لما يكبو يصيروا هزيلين

سراب نور
16-01-2012, 11:14 AM
ماني عيارة يختي ماظلت طبخة ماجربتها ونهايتها الزباله

الشئ الوحيد اللي احسه يحبه السيرلاك وهالشئ مو عاجبني مابغاه يعتمد عليه كفايه الحليب صناعي بعد الاكل صناعي !

أم الميرزا حسن
16-01-2012, 11:48 AM
هلا امهات
بتي عمرها 6 شهور واسبوع , عطيتها خضار مهروسه كوسا بطاطس جزر , ابغى وصفات ليها
, صح عطيتها عصير تفاح , بسكوت ويا حليبها
مشكورين مقدما

جـــــــود
16-01-2012, 12:06 PM
ام الميرزا
ابدي دخلي الفواكه والشوفان في اكلها
مثل شوربة شوفان بخضار

ترنيمة مطر
16-01-2012, 01:00 PM
اللهم صلي على محمد واله

سراب
كم عمره ؟
اذا ياكل فواكه وخضار .. زين الحمدلله نعمه .. مفيده له .. لاتيأسي وتزهقي منها ..
اللي مايحبه جربي كل مره ذوقيه يمكن يتقبله .. وعليه العافيه

.
جربي عصيده .. ورز مهروس مع الخضار .. وبطيخ ..

.

ولدي نفس الشيء ماشاء الله يحب الموز والتفاح والخوخ .. لازم يحس بطعم الموزعشان ياكل ههههه ..
الجزر والكوسا والقرع والبطاطس ياكل بس مايكملها الا نادر ..
واذا ثقلته سويتها زي القطع صغيييره مايرضى يترفز .. يوم ثاني اسويها مهروسه كانها سيريلاك وياكلها ..
الدلوع .. اقوله خلاص انت رجال ..

.

صرت اعطيه وجبة سيريلاك .. ووجبة فواكه مشكله .. وعصير
او وجبة سيريلاك ووجبة خصار مشكله .. وعصير
ومره مهلبيه ..
ومره عصيده ..

فتيته ..
اليوم بسوي له شوووربه .. او رز بالخضار .. ان شاء الله ..

يعطيكم العافيه

ترنيمة مطر
16-01-2012, 01:02 PM
ينفع اعطيه مكرونه .. ؟ ودجاج ولحم .. ؟ وتوست ولبنه .. ؟ عمره بنص السابع .. ؟

جـــــــود
16-01-2012, 01:26 PM
ترنيمه حرام عليش
شوي شوي على معدته

اكلتيه متأخر فلا تجربي كل شيء ورى بعض خليه فتره على الخضار والفواكه وبعدين دخلي الشغلات الثانيه
وعادي هالفتره ما يبغى غير مهروس لأنه لسه في البدايه بعد فتره حاولي تعطيه وياه بدون ما تهرسيه

ولدي اكلته مكرونه بعد تقريبا" شهرين ونص من بداية اكله

ترنيمة مطر
16-01-2012, 01:40 PM
هلا جــود ..
..

اكيد اذا عطيته مابعطيه وجبه بس مقدار صغيير .. " تذوق "
منها يستفيد جسمه ومنها يتعود عليه شوي .. ^^
ومابعطيه هاللي سالت عنه كله اكيد ههههه شيء واحد بس وبعد فتره اذوقه شيء ثاني ..


هذا اذا اقتنعت الحكومه:p

.

بس اني ودي اعرف هل هو من شهره هذا هالاشياء المفروض ولا اكبر .. ؟
لان يوم اطعمه تقول لي سمك ومدري ايش ّ! قلت لها صغير وتوي اتدرج وياه ..
عطتني ورقه تقول شوفي وش مكتوب من السابع لحوم وسمك وو !! طبعا كانت وياي عمتي
ولا اقتنعنا سمعتها تقول " اول هالاشياء من التاسع اقل شيء يعطوه .. ؟

جـــــــود
16-01-2012, 01:50 PM
ترنيمه
احس هذي الاشياء تختلف من طفل الى الثاني
تقبله الأكل من متى ابتدأ ياكل
وعلى اللحوم كل مستشفى كلامهم غير اني في المواساه اتابع مع ولدي لما كمل سته الشهور قالت الي بعد شهر دخلي اللحوم في اكله
اني اكلته من كمل 4 شهور فلما كمل 7 شهور بديت ادخل الدجاج في اكله وعلى 8 اكل سمك في بيت عيالي

Snow Angel
16-01-2012, 02:28 PM
أنا أحس هالسالفة مضايقتني مرة :(
أنا بديت أأكل ولدي بعد ماصار له أسبوعين في السادس .. أول أسبوع بديت معاه بس سيريلاك
السيريلاك للحين أعطيه ع الظهر لما يجلس من النوم ,, وسويت له جزر مرتين وجربت معاه التفاح ,, وبعد مامرض ماسويت له لأنه ماكان ياكل
والليلة بسوي له كوسا ان شاء الله ومعور قلبي مررة لأنه مقصره معاه في الأكل :(
وأحتار ويش أسوي له غير الخضار!!
أقول لأمي شكلي مابصير مثل الناس اللي يبتدون بالخضار بعطيه كل شي وخلاص خخخخخ

الدموع الحمراء
16-01-2012, 05:17 PM
سلام مامات
اني بنتي الحين في السادس قريب بتدخل السابع
واسنانا يبو يطلعو ليها كل تبي تعض
فاذا سويت ليها اكل مهروس ماترضى تفتح فمها ااكلها بالغصب
لكن اذا اعطيها من الاكل اللي اكل فيه تستانس احسها تبى تاكل قطع حق تعضض فيهم
فما ادري عادي لو اعطيها جزرة او خيارة تعض فيهم
وهالايام ذوقتها زبادي فطيرة برتقالة وعجبها بقوة>_<
عادي لو ذوقتها بادنجان؟ لانه مليان حديد
..
سلام
^_^

حلا التوت
16-01-2012, 08:40 PM
انا امس عطيت بنتي صفار بيضه وخلطته مع كوسا وقرع وعجبها
انا اعطيها واقول مابيعجبها
وانا اتابع مع بنتي عند دكتوره مي في سعد قالت لي الدجاج واللحوم بعد الشهر الثامن

أم التوأم
16-01-2012, 09:33 PM
سلام مامات

اني بنتي الحين في السادس قريب بتدخل السابع
واسنانا يبو يطلعو ليها كل تبي تعض
فاذا سويت ليها اكل مهروس ماترضى تفتح فمها ااكلها بالغصب
لكن اذا اعطيها من الاكل اللي اكل فيه تستانس احسها تبى تاكل قطع حق تعضض فيهم
فما ادري عادي لو اعطيها جزرة او خيارة تعض فيهم
وهالايام ذوقتها زبادي فطيرة برتقالة وعجبها بقوة>_<
عادي لو ذوقتها بادنجان؟ لانه مليان حديد
..
سلام

^_^


ابتعدي عن الباذنجان يسبب حساسية للأطفال

واعطيها جزرة تعضضها عادي

واتدرجي ليها في الأكل حتى لو من أكل البيت بس انتبهي للبهار والأشياء اللي تسبب حساسية

دونته
16-01-2012, 09:57 PM
هلووو ...

عطيت ولدي يومين ثلاثه روب وقطعته .... قالوا لي ما يصلح قبل السنه لأنه يضر الكلى ....

وصار لي فتره اغديه من غداانا ... لأنه غدانا ماااصخ وبهاااراته قلبيله وبدون حماااص ... يعني ام الصحه

والعشا صرت اسوي له خضار في الفرن مقطعه مكعبات ... اللي موجود ... مبهر ومملح ... احلى من المسلوق

وشوربة الشوفان مع الخضار صرت ما استغني عنها .. وساعات احط فيها شوية مكرونه ...

وصرت اسوي له صالونه بدون حماص البصل ... يعني اقطع البصل كبار ... ولما تنضج اضربها بالخلاط ... واحطها على رز ابيض ....

وسمعت مره وحده تتكلم عن مهلبية صفار البيض ... بس ما ادري ويش طريقتها ؟؟!

جـــــــود
17-01-2012, 12:22 AM
كل ناس كلامهم شكل
اني الدكتوره قالت الي في السابع اعطيه زبادي بس ولدي ما يشتهيه:confused:
ولدي هالفتره كل شي من اكلنا اعطيه حتى المقالي:eek:

سراب نور
17-01-2012, 11:58 AM
ترنيمة مطر

ياكل فواكه بس تفاح وكمثرى مايبغى غيرهم واحيانا مايبغاهم بعد

الخضار يتقبلها اكثر

عمره 11 شهر

ترنيمة مطر
17-01-2012, 05:25 PM
الله يسلمه .. :)

.
مامات سؤال على السريع ..
سويت له اليوم قرع وجزر وبطاطس يرجعه .. وكأنه يسوي روحه يغص من كثر ماهو مو مشتهيه
مع انه قبل اسبوع حبه خخ ..
ضفت عليه موز وأكله !
بس خفت !!
يعني .. عادي مثلا .. قرع وموز !!
او جزر وموز
وهيك ؟
عفر إني تحفه ^^

جـــــــود
17-01-2012, 05:51 PM
ترنيمه عادي ما يضر &_*

غموض انسان
17-01-2012, 11:45 PM
امهات
انا عطيت صغيري كورن فلكس وحليب وعجبه قلت بخليه للفطور
بس عادي اعطيه اجبان ؟

كمل 6 شهور ودخل ال7

سراب نور
18-01-2012, 12:32 AM
الاجبان اتوقع من ال9 شهور

كيف سويتي الكورن فليكس مع الحليب؟

اني طحنت الكورن مره وحطيته مع الحليب لأن ولدي بسرررررررررعه يغص


امهات ان شاء الله يوم الخميس متوجهه الى زيارة الرسول عليه افضل الصلاة

ابغى اعطي ولدي وجبتين جاهزة ع الاقل في الباص

يعني وجبة سيريلاك والوجبة الثانيه وشو؟؟؟؟؟

شريت له زبادي بالفواكه مابغاه علطول رجع

الشبيعه ماعمري جربتها ولا في بالي اجربها

المشكله انه مايحب الاكل الا اذا كان دافي!

فيونكهـ ورديه ~
18-01-2012, 05:41 AM
استفدت وااجد منكم مامات
على الأقل اعرف حالياً شنو اأكل بنوتتي
عمرها الحين 5 شهور ماشيه في السادس

بديت معاها جزر خلطته لها بالخلاط مع بطاطس وتشة رز واشوفها حبته عاادي

وشنوو بعد اسوي له غير هالطبق ولازم يكون بدون بهارات لحالها مو من أكلنا ولا عادي

غموض انسان
18-01-2012, 01:04 PM
سراب
أنا سويت لصغيري كورن فليكس مع حليبه
سخنت الحليب وحطيته عليه وصار لين من حرارة الحليب
وعجبه الحمدلله

سراب نور
18-01-2012, 01:51 PM
مشكورة غموض انسان ماقصرتي جربت اكثر من مرة اسوي له طبخات بحليبه بس ماتقبلها ابددد علطول تلوع جبده ويرجع جربت المهلبيه والكورن مع حليب طازج اكلهم مرة وبعدين خلاص
البارحة شريت له حليب السعوديه خاص للأطفال من سنة الى 5 سنوات بطعم الفانيلا والعسل وقلت بجربه مع الكورن وان شاء الله يعجبه
فيونكة وردية..

تقدري تسوي ليها فواكه
تفاح وكمثرى
تفاح وكمثرى وموز
تفاح وكمثرى وتمر
تقدري تخلطي اشياء ثانيه زي الخوخ والمشمش
مثلا موز مع عصرة برتقال في الخلاط وعلطول اعطيها وياه بدون سلاق
رز مع تمر خلاص
خضار..
بطاطس وكوسا وجرز
بطاطس وكوسا وجزر وبوبر
وتقدري تضيفي ليهم رز او معكرونة
امممممم
وشو بعد مهلبيه نشا
اذا ذكرت شئ برجع لش

ملكت عيوني
19-01-2012, 02:44 AM
بسالككم

اني توني بديت اعطي نونوي خضار عادي اعطيه فواكه بعد ولا اصبر فترة

فيونكهـ ورديه ~
19-01-2012, 06:38 AM
سراب نور

مشكووره غناتي افدتيني واااجد
ماجربت اعطيها فواكهه بس ان شاء الله راح ابدي معاها
بس الموز عاادي لو اعطيها وهي الحين 5 شهور مايسبب لها امساك


ملكت عيوني

ولدش في عمر بنتي ^_^
اخذي نفس الكلام اللي قالته سراب نور بيفيدناااا لأنه نفس العمر

عاااادي عطيه فواكهه انا راح اجرب معاها اليوم

بالتفــــــاح

فراشة وردية
19-01-2012, 07:42 AM
اني اليوم عطيت ولدي اول وجبة تفاح مسلوق مع الشوفان
والوجبه الثانيه خضار مسلوقه مع الدجاج والشوفان ومررره عجبته الحمدالله
الخضار ( بطاطس- كوسة - بوبر)
وانشالله بكره على خير باسوي له خضار مع مكرونه او رز وانشالله تعجبه

بس عندي مشكله ولدي دخل الشهر العاشر وللحين مو راضي يشرب عصيراااات ابددددا
يشرب في اليوم ١٢٠ مل حليب بس !!!

وشو اسوي وياه ، فيه طرق تخليه يشتهي يشربهم؟؟

فراشة وردية
19-01-2012, 07:53 AM
امهاات عادي اعطي ولدي العدس؟؟؟

سراب نور
19-01-2012, 11:27 AM
كتبت رد وطااااار بس لعيونكم برجع اكتب ثاني


فيونكة..

الموز لحاله يسبب امساك اكيد بس اذا ضفتي له برتقال او كمثرى يصير عادي

والتفاح نفس الشئ

اكتشفت هالاشياء من التجارب على ولدي ههههه


ملكت عيوني..

بعد 5 ايام اعطيه فواكه

فراشة وردية..

ترى حالة ولدش زي حالة ولدي

مايحب العصيرات ابددددد

والحليب نفس الكميه اللي يشربها بس لما كمل 10 اشهر خليتها 150 لأن ماياكل الا قليل

العدس اهم شئ ماعنده امراض دم وراثية

برقع ذهب
20-01-2012, 04:21 AM
الموز لحاله يسبب امساك اكيد بس اذا ضفتي له برتقال او كمثرى يصير عادي





معلومة خاطئة مامات..
الموز مايسبب امساك..
ترى الموز اللي عندهم امساك.. اذا اكلوه بزياده.. يمشي البطن .. لان فيه الياف واجد..
واللي وياهم اسهال.. بعد يوقف الاسهال.. لانه لنفس السبب فيه الياف..

عن نفسي ماصار لي سنة من دريت عن هالمعلومة..
وانصفعت على وجهي:eek:

..
وجربت فعلاَ.. نفع..

يعني مامات.. اذا الطفل مايتحسس من الموز.. تقدروا تأكلوه مافي مشكلة حتى لو معاه امساك..

ترنيمة مطر
21-01-2012, 02:58 PM
برقع رد على السريع :

تصددددقي ..
يسوني يحب الموز والفاكهه بشكل عام ..
المهم .. اذا سويت له موز وشووية تفاح وشووية خوخ ..
ساعه الا هو خارب الدنيا !! ينزل كل اللي ببطنه
توني أقول لأبوه .. ولدك عكس الناس .. الموز يمسك البطن وهو يمشي بطنه !

مع العلم أني الموز كامل احط وتفاح شوي وخوخ شوي ..
حتى قمت اوسوس اقول لابوه مايجيه سكري هههه بعيد الشر .. > وش هالخبله .

.

سلام ..

حلا التوت
21-01-2012, 04:11 PM
كيفكم مامات
اليوم سويت لبنتي كورن فلكس مع حليبها والحمد لله عجبها
طحنت الكورن فلكس قبل وصار كأنه سريلاك جربت اعطيها من دون طحن مكسر صغير تقص فيه

برقع ذهب
21-01-2012, 09:09 PM
ترنيمة المطر.. من الخوخ خيوه..
معروف ان الخوخ فعاليته للامساك اكثر من البرتقال حتى..
:)
خصوصا لو الطفل اكل خوخ ونام بعدها مباشراَ..

..{ جلامور سوري خربت الموضوع}..

جـــــــود
21-01-2012, 10:26 PM
قبل فتره فرفرت في النت ادور طبخات فيها خضار ولحوم واجبان تكون صحيه ويقدر ولدي ياكلها معانا وجمعت اكثر من 20 طبخه بس اكثر شي حبهم ولدي قوارب البطاطس والكوسا :)


قوارب الكوسا بالدجاج
من عمر 9 شهور بشرط البيبي يكون فيه اسنان;)

المقادير
كوسا - صدر دجاج - صوص بشميل - جبن مبشور

الطريقه
نحفر الكوسا ونسلقها الين تنضج
نقطعها طولي
نحشيها بمكعبات دجاج مسلوقه ونرش عليه شوية صوص باشميل وقليل جبن مبشور
نحطها في صينيه داخل الفرن بس يذوب الجبن نطلعها

http://www.mobdi3ine.net/up/13271728801.jpg



قوارب البطاطس
من عمر 8 شهور

المقادير
بطاطس - جبن سائل - جبن مبشور - شوي ملح وبهار - لتزيين بقدونس او فليقله

الطريقه
نغسل البطاطس زين ونسلقه بالقشر
بعد ما ينضج نتركه شوي يفتر ونقسمه الى قسمين ونفرغه
ناخذ البطاطس الي شلناه ونخلطه مع الجبن ولبهار والملح
نحشي البطاطس بالخليط ونحط فوقه جبن مبشور وندخله الفرن الين يتماسك شوي
نزينه بفليفله او بقدونس

http://www.mobdi3ine.net/up/13271728802.jpg





دجاج بالخضار

تنفع الى الأطفال من عمر 9 او 10 شهور

المقادير
جميع الخضار المرغوبه
صدر دجاج

الطريقه
نقطع الخضار مكعبات ونقطع الدجاج وتبهر ومن ثم توضع في صينيه وتقصدر وتترك ساعه ونص في الفرن

http://www.mobdi3ine.net/up/13271728803.jpg

برقع ذهب
21-01-2012, 11:09 PM
مامات..~
عندي لكم شوربة.. تنفع للكبار والجهال..
وتنفع حتى للي توهم يأكلوأ..~
..{ شوربه البطاطا بنكهة الكاري}..
..{ بطاطستين وسط.. كوسا صغيره.. جزره صغيره}..
ينسلقوا .. لمده نص ساعة..
وبعدها.. اذا كان عندك بقايا صدر دجاج.. واذا لا صدر دجاج.. مسلوق.. ومنتف خخخخخخخ
حطي الخضار في الخلاط مع 3 كأسات ماي دافي.. وبس ينهرس حطيه عالنار من جديد..
وضيفي الدجاج له.. مع شوية ملح وفلفل اسود.. شوي بودره كاري..
واذا بيأكلوه الكبار..<~ ضيفي مكعب ماجي دجاج..
اقل من 9 شهور.. خلي الدجاج مره قطع صغار بحيث انه يقدر يأكله تقدري تقولي تفرميه.

وهذه صورتها..

http://img03.arabsh.com/uploads/image/2012/01/21/0e3f474c60f5.jpg

الدموع الحمراء
21-01-2012, 11:22 PM
سلام مامات
اليوم اكلت بنوتتي عمرها قريب بتدخل السابع محلبية تفاح بالتمر وعجبتها بقوة واكلتها كلها^__^

المقادير:
تفاحة مقشرة مقطعه
3 تمرات مذوبين في قليل من الماء ومشخولين عن القشر
تمرة
ملعقة نشا
نص كاس ماء للسلق
الطريقة:
اسلق التفاح في الماء واحط عليه ماء التمر واطفي النار
اذوب النشا في قليل من الماء الفاتر واضيفه للتفاح واحركة شوي
واهرسه بالخلاط مع التمرة
احطه على النار حق يصير سميك
اصبه في طاسة الطفل وبالهنا والعافية
...
سلام
^_^

MaryoOma
22-01-2012, 04:59 AM
فراشه ورديه

بنتي كملت سنه وماتشرب عصيرات ولا حتى ماي ابدااا وتشرب 3 رضعات في اليوووم

الموهم قريت في مواقع اجنبيه انو مو مهم تشرب عصير اذا كانت تاكل فواكه بتحصل الفايده منها

فصرت اعطيها كل يوم فواكه واحاول انها تشرب ماي بس مو راضيه تتقبله :)

غروب الشمس
22-01-2012, 10:59 AM
يعطيكم العافيه مامات وصفات لذيذه
مامات ابغى طريقة اعطاء الطفل المكرونه لعمر 7 شهور
سؤال اخر
اذا سويت لولدي اكله بحليبه تلوع شبده وماياكلها عادي اسويها بالحليب العادي؟

MaryoOma
22-01-2012, 12:29 PM
غروبه سوي له المعكرونه الصغار وخليه ينسلق لين يليييين عدل ،، اني بتي تحب المعكرونه اعطيها من نفس اللي اسويها لنا :d

والحليب اتوقع عادي اذا ماعنده حساسيه من مشتقات الحليب مثلا لو جربتي عطيتيه جبن وماتحسس منه فعادي

احنا نعطي الجهال محلبيه .. وكريم كراميل .. بحليب عادي والحمدلله ماصار فيهم شي

احس انه صحيح لووعة شبد انه نستخدم حليبهم في الشوربه مثلا لانه حااالي

مساكين هالجهال :D

جـــــــود
22-01-2012, 12:39 PM
مريومه
بتش عكس ولدي يعطش بسرعه من يوم هو صغير ما يقدر يواصل ساعتين بدون ما يشرب شي
الحين بس يرضع مني وقت النوم طبعا" بمعدل كل ساعه يصحى ويرضع
الحين عودته هذا الشهر على حليب ابو مزاز علشان ناويه افطمه
يشرب 4 مرات حليب على 100 مل ومرتين او 3 عصير 120 مل والماي ما احسب اله خلال جلسته في نهار

جـــــــود
22-01-2012, 12:47 PM
غروب الشمس
جربي اله المكرونه الصغيره قبل داخل الشوربه مثل مكرونة الحروف او لسان العصفور

بعدين اخذي اصغر نوع من المكرونه العاديه واسلقيه عدل الين يلين وجربي معاه اني ولدي ما حبه ابد مسلوق لوحده كنت في البدايه اضيف اله جبن والحين صلصة بشميل خفيفه ( طحين - حليب - جبن)

مثل ما قالت مريومه اذا ما عنده حساسيه من الأجبان استخدمي اله حليب عادي
ولدي هالفتره اخذت اله حليب ابو مزاز السعوديه مخصص من عمر سنه الى 5 سنوات وصرت استخدمه الى قريب من حليبهم الصناعي حتى ريحته خايسه وافضل اليهم من الحليب العادي

غروب الشمس
22-01-2012, 02:01 PM
مريووم&جود
يسلموو راح اجرب اسوي له مكرونه وان شاءلله يعجبه;)
الحليب صحيح خايس واني اسويه تلوع شبدي كيف هم:p

MaryoOma
22-01-2012, 04:21 PM
جــود : بنتي ماتشرب شي وهي نايمه وممكن تظل 12 ساعه بدون رضاعه .. بس هالرضعتين او 3 خلال النهار


مامات بسألكم

عادي اعطي بنتي سمك ؟ اني دايما اسمع انو مو زين مع الحليب ولا يندرى

مره عطيتها و رجعت .. مع انها ماكانت توووها راضعه

انتو عادي تعطون اطفالكم سمك ؟*

بيانتي
22-01-2012, 05:07 PM
مرحبا مامات
متى ابتديتوا تاكلوا اطفالكم
افكر اعطي علاوي سيريلاك
لانه مايستقر في النوم قلت بجرب
يمكن جوعان ومايشبع
وكم وجبه اعطيه وبعد عادي اعطيه البسكوت في ايده او لسه صغير*

برقع ذهب
22-01-2012, 05:33 PM
بيناتي..

مو علاوي صار عمره قريب 6 شهور..
خلاص اكليه.. ابدي معاه بالسيريلاك.. والبسكويت.. بس لاتأخدي اللي بالسكر.. عشان بعدين لايتعود انه ماياكل اللي بدون..
وااكليه بعد الخضار المهروسة.. ابدي وياه كل مره شغلة ..
خليها على 3 ايام.. وشوفي اللاكل اللي مايناسبه .. وبعدين سوي له خلطة منهم.. بس يتعود عالخضار..
اكليه فواكه.. وكل مره شغلة عشان تشوفي وش الاكل اللي يتحسس منه..وشربيه عصيرات
عالسابع اكليه مكرونات مسلوقه..
التاسع اكليه روب واجبان وحليب..


بالنسبة للحوم.. اني ماافضل تنأكل قبل التاسع.. بعدين افرميها فرم ناعم.. عشان لايغص فيها..

حلا التوت
22-01-2012, 07:01 PM
عشا ريماسي تفاح مسلوق بالتمر مثل طريقة الدموع الحمرا بس انا قللت النشا
http://im10.gulfup.com/2012-01-22/1327247882361.jpg

جـــــــود
23-01-2012, 12:50 AM
مريومه
اني اكلت ولدي سمك من زمان والحمدلله ما تحسس منه

بس اسمع يقولو المفروض ما ياكلو سمك قبل السنه

حلا التوت عليها بألف عافيه

بيانتي
23-01-2012, 06:31 PM
برقع باقي كم يوم ويدخل السادس
البارحه اكلته كوسه وصخينا
اثاريه واعلى قلبي جوعان
بس سؤال البسكويت لما ادوبه بماي وحليب العادي او الحليب البارد ؟

Snow Angel
23-01-2012, 07:35 PM
مريومه
اني اكلت ولدي سمك من زمان والحمدلله ما تحسس منه
بس اسمع يقولو المفروض ما ياكلو سمك قبل السنه

هالأسبوع لما طعمت ولدي وسألت الدكتورة تقول اذا طلعوا أسنانه تقدرين تعطينه لحم- دجاج .....
وعلى ماقلتي كل شخص له كلام غير .. وبالنسبة لي بعطي ولدي من أكلنا وبفك حالي :rolleyes: لأن حيــــــرة صراحة




بس سؤال البسكويت لما ادوبه بماي وحليب العادي او الحليب البارد ؟
اممممم أنا أعطي ولدي بسكوت الأطفال بدون شي لأنه يذوب لحاله

galamor
23-01-2012, 11:34 PM
الله يحفظهم يارب

الذوق الرفيع
24-01-2012, 12:24 AM
مريومة

لولو كذا مرة تاكل سمك وبس نقوم من الغذاء تشرب حليب الحمدلله ماصار شي ..


بيانتي
البسكويت ما اذوبه يذوب بسرعة مرة كسرته وحطيته مع الحليب سويته زي السيريلاك

حلوه وسكره
24-01-2012, 08:54 AM
الله يخلي ليكم اطفالكم

حلا التوت
24-01-2012, 04:41 PM
مامات بنتي ماحب تاكل البسكوت اخذت لها العادي واللي بالسكر
ماتاكلهم تصيح صياح اذا اعطيها مستغربه منه ا

ملكت عيوني
25-01-2012, 02:59 AM
مالحل امهات

ولدي مايرضى ياكل يصم بوزه وااذا عطيته غصب يتفله ليش

مايعجبه شيء معقوووله؟؟

وش الطريقه عشان ياكل كيف اولادكم يتقبلوو؟؟

غاليـة
25-01-2012, 12:32 PM
ملكت عيوني جربتي معاه كذا حاجه وكلهم مايرغب فيهم؟؟؟

أنا ولدي لما كان عمره شهور كنت أطبخ له بطاطس وقرع وجزر (إذا حابه تجربي نوعين أوكلهم براحتك) طبعا القرع مرررره زين لذكاء الطفل وطبعا لما أطبخهم تكون كميه وكان عندي حافظات صغار بعد من ينهرسوا اوزع بالحافظات وأحطهم بالفريز و وقت ماجا وقت الوجبه طلعت وحده وسخنتها وأضيف ذرة ملح عشان يرغب له أكثر والحمدلله كان يحب ولدي وياكله كله ^__^

أدعو له القمر بالهدايه...

الذوق الرفيع
25-01-2012, 12:44 PM
ملكت عيوني
ولدش زي بنتي لماكانت صغيرة كنتاجيب لها لعبةلو شي الهيها بيه ولازم تصبري عليه لاتيأسي ظلت تسوي هالحركة شهر كامل فوق انها تتفله تصيح صياح موطبيعي بس بعدين تعودت شوي شوي وبنتي الصغيرةريحت عمري وصرت اعطيها بالرضاعة يقولواتسوس الاسنان بس امي الاول تعطينا دائما فيالرضاعة ما اشوف اسنانا صار فيهم شي

غاليـة
25-01-2012, 12:57 PM
شوفوا حبابات الأطفال مثلنا ممكن يكونوا بالأكل مزاجين...

يعني أذا ولدي يشرب عصيرات مو شرط ولدك يشرب...

لازم ياكل أو ياكل برغبته وكلن و ذوقه...

طبعا كل ماكبر الطفل يتغير ذوقه ومزاجه بالأكل...

يعني ممكن في شغلات كان ياكلها ويحبها وهو صغير بعد مايكبر شوي يوقف عنها...

العكس ممكن شغلات ما كان يحبها وهوصغير بعد مايكبر يرغب لها...

وطبعا بعمر الأطفال اللي يرضعوا ماتحاتوا وااايد إذا كثروا أكل أولا لأن يرضع...

بس إذا أنفطم هذا اللي يخلي الوحده تحاتي لا حليب يشبعه ولا ياكل...

والله يكون بعونا إحنا الأمهات وأجر وثواب إن شاء الله (الجنة تحت أقدام الأمهات)...

وأسفه عالإطاله ^__^

Snow Angel
25-01-2012, 01:22 PM
مرحبا مامات
بسألكم عادي أحط لولدي في الأكل شوية بهارات أو مايصلح له الحين ؟ >> عمره يمشي في لـ 7
وأقدر أعطيه بسكوت شاي ؟

آنجل
25-01-2012, 09:55 PM
هلا مامات
بسألكم كيف طريقة التفاح المهروس وعادي اضيف له سكر وشوفان
بنتي بعد اربع ايام تكمل 6 شهور
وايش الفواكه اللي اقدر ااكلها الحين لاني بديت معاها من شهر وشوي خضار وابغى ابدا بالفواكه بس ما ادري ايش اللي يناسبها

برقع ذهب
25-01-2012, 10:07 PM
سنو..~ حطي شويات مو ثكتري..
والافضل انك ماتحطي تعتمدي عالمنكهات.. بقدونس وجزر وهالسوالف...~

آنجل..~ ابدي بالفواكه اللي مايتحسس منه الطفل.. زي التفاح..
وابدي 3 ايام.. وكل 3 ايام غيري الفاكهة..
..{ الموز- الخوخ- الفروالة- الكيوي- المنجا}..<~ يمكن يكون يتحسس منها الطفل..

غروب الشمس
26-01-2012, 12:03 AM
سنو انجل
مو تكثري اني ولدي ماحب الخضار حطيت بهار ولافاد:confused:
انجل
سهله التفاحه بس بشريها وحطي شويه ماي مو تكثري عشان تحتفظ بحلاها خليها تتسبك على نار هاديه وتقدري تظيفي الشوفان والسكر حطي بداله تمره

غروب الشمس
26-01-2012, 12:20 AM
مهلبية الارز لعمر 7 شهور وطالع
2 كوب ماء
1قشطه
4ملاعق سكر
4 ملاعق مسحوق الارز
4 ملاعق حليب بودره
شوية فانيلا&ماء الزهر او ماء الورد
الطريقه
نضع الماء في القدر مع الحليب تم القشطه والسكر والحليب والارز الفانيلا وماء الزهر ونخفقها جيدا"
ثم نضعها على النار ونضل نخلطها الين تتماسك وتصير مثل المهلبيه نسكبها في الطاسه
للاطفال الاكبر عمرا" تقدري تزينيها بالمكسرات وبالعافيه عالحلوين:)
http://im14.gulfup.com/2012-01-25/1327524958371.jpg

ملكت عيوني
26-01-2012, 03:02 AM
شكرا غاليه ةالذوق الرفيع

جربت معاه اليوم سيريلاك واشوف اكل طشونه ولايندرى بكرة يبغاه لو بس اول مرة يجربه\\

انشالله ياكل ويتقبل يااارب
دعواتكم

آنجل
26-01-2012, 07:47 PM
برقع ذهب
مشكوره على الافاده :)

غروب الشمس
عجبتني طريقتك بجربها

احلى فراشة
27-01-2012, 12:54 PM
ماشاء الله الاطفال جنووون بالاكل
زي بنتى ماتطيق الموز وماترضى تاكله صرت احط لها الاناشيد الي تحبها في الايباد واشغلهم لها وتسهى عليهم وتاكل ههههههه احسن طريقه بس ابوها يقولي لاتعلميها على هالحركة
وتحب الرز المهروس مع الروب
لللان ماكلتها اشياء فيها بهارات ولاضفت الملح ولا السكر باطعمتها
واكلتها الخضروات والفواكه بجميع انواعها ماعاد الخيار والطماط وعمرها الان 9 شهور
اتمنى انى افدتكم

رمــاد
27-01-2012, 03:12 PM
السلام عليكم

بسألكم بخصوص العصائر

كيف أصنع عصيرات الفواكه لطفل بعمر 4 أشهر

التفاح والبرتقال والموز وغيرها من الفواكه

أريد الطريقة كاملة بالمقادير لأن أول مرة بصنع عصير بعد نصائحكم

ومشكورين ويعطيكم الله العافية

Tutti Frutti
27-01-2012, 04:06 PM
غروب الشمس
مسحوق الأرز قصدش سيريال الأرز
والحليب البودرة . احط من حليبها الصناعي ؟ لانها ترضع صناعي
ودي اجربها بنتي عمرها سبعه شهور
ومشكورة

غروب الشمس
27-01-2012, 10:02 PM
توتي فروتي
لا مو سريال الرز هذا يختلف يبيعوه في البقالات والسوبر ماركت اسمه طحين الارز
اني احط حليب نيدو لان كده مره اسوي بحليبه ولايعجبه
وان شالله تعجب القموره;)

غاليـة
27-01-2012, 11:15 PM
snow angel
مايحتاج البهارات كميه ملح بسيطه بتضيف طعم للأكل وبيتقبله إن شاء الله...

أنجل
ليه تضيفي سكر؟؟؟ هو التفاح حالي مو لزوم سكر أما الشوفان أنا ماضفته قبل بس حاولي إنه مايثقل عليها...
يعني مو تكثري من الشوفان بدايةً...

الفراشة الحمراء
28-01-2012, 06:03 AM
البارحة سويت عشا ولدي

مكرونه ساده ويوم شخلتها ضفت ملعقتين جبت سايل وحركتهم وبس

حسيته حبه لانه يحب المكرونه

عمر ولدي سنه ونص^_^

Snow Angel
28-01-2012, 04:47 PM
السلام عليكم
بسألكم بخصوص العصائر
كيف أصنع عصيرات الفواكه لطفل بعمر 4 أشهر


نفس الطريقة اللي نسويها لنا بس يكون مخفف


snow angel
مايحتاج البهارات كميه ملح بسيطه بتضيف طعم للأكل وبيتقبله إن شاء الله...

هو عادي ياكل .. بس حبيت أسأل اذا أقدر أعطيه أو لا
مشكورة :)


البارحة سويت عشا ولدي
مكرونه ساده ويوم شخلتها ضفت ملعقتين جبت سايل وحركتهم وبس
حسيته حبه لانه يحب المكرونه
عمر ولدي سنه ونص^_^
وفيه أحد مايحب المكرونة هههههه


-أقدر أعطي ولدي مكرونة؟
- و مرة عطيته كمثرى وبعدها لما تبرز صار كأنه إسهال أتوقعه من الكمثرى .. أرجع أأكله كمثرى عادي أو لا ؟

سراب نور
29-01-2012, 07:33 PM
سنو انجل

اي الكمثرى يمشي البطن

تقدري تخلطي معاه تفاح او موز

Snow Angel
30-01-2012, 04:50 PM
سنو انجل
اي الكمثرى يمشي البطن
قدري تخلطي معاه تفاح او موز

يبغالي أجرب أخلط معاه شي .. مع اني جربته أمس مرة ثانية وأشوف تمام

beauty
31-01-2012, 07:52 PM
كيفكم أمهات وكيف البيبيز معاكم ..

ولدي نأكله خضار جزر وبطاطس وكوسى وأحيانا بوبر وما يعجبه والاحظ الجزر ماينهضم يطلع نفس الشي في البراز قطع عزكم الله
الفواكه يحب التفاح والموز مره

بسألكم أمهات متى يصير الطفل يأكل من طبخ الغذا والعشا ومتى نعطيه الدجاج وكذا ؟
ولدي قريب يكمل سنه ..

حلا التوت
31-01-2012, 08:44 PM
كيفكم أمهات وكيف البيبيز معاكم ..

ولدي نأكله خضار جزر وبطاطس وكوسى وأحيانا بوبر وما يعجبه والاحظ الجزر ماينهضم يطلع نفس الشي في البراز قطع عزكم الله
الفواكه يحب التفاح والموز مره

بسألكم أمهات متى يصير الطفل يأكل من طبخ الغذا والعشا ومتى نعطيه الدجاج وكذا ؟
ولدي قريب يكمل سنه ..
خلاص عطيه من السفره والدجاج من عمر 9 شهور
ان عيالي 10 شهور خلاص اكلهم معانا

حلا التوت
31-01-2012, 08:44 PM
مامات
متى اضيف الملح والبهار في الاكل بنتي بتكمل 8 شهور

سراب نور
31-01-2012, 11:14 PM
الملح اني ضفته لما حسيت ولدي صار مايتقبل الاكل

والبهار احط بس في الشوربة خفيييف فلفل حلو بس

بيوتي..

يعتمد على ولدش تحسيه يقدر يقطع الاكل؟

فيه اسنان؟

مايغص؟

ولدي قريب يكمل السنة بس للحين ماعطيته من السفرة لأن توه مسنن واسنانه مايبنشافوا حتى

ويغص من كل شئ

beauty
31-01-2012, 11:34 PM
لا ولدي ما شاء الله عليه بالصلاة على النبي في 4 أسنان فوق و4 تحت :D

يعني الموضوع بس اذا يقدر يقطعه او لا ؟

يعني الدجاج والبهار وكذا مؤ ثقيل على معده البيبي ؟

لان أمي اليوم عطته دجاج واني سويت سالفه وزعلت منها :eek:

اقول لها لا تعطيه بدري عليه وهي تقول خلاص كبير واني مره محتاره

ام حسن وفاطمه
01-02-2012, 12:54 AM
امبى طريقة النشا
طلبتها قبل ولااحد عبرني

الذوق الرفيع
01-02-2012, 11:08 AM
بيوتي
بناتي ثنتينهم نفس الشي مع الجزر بنتي الكبيرة سنة ونص وللحين ماتقدر عليه حتى لو قطعة صغيرة وبنتي الصغيرة اهرسه مع خضار ثانيةوماتقدر عليه يجيها اسهال ويطلع نفس ماهو وانتي بكرامة ..

سراب نور
01-02-2012, 11:52 AM
بيوتي..

اذا فيه اسنان عادي اعطيه دجاج ولحم

اهم شئ بهاره خفيف

اني الدكتور قالي اعطيه دجاج ولحم وسمك من 9 شهور

وجربت سويت له دجاج مسلوق مع بطاطس وجبن وماعجبه ههههههه

سراب نور
01-02-2012, 11:55 AM
ام حسن وفاطمة..

قصدش مهلبية النشا؟

تغلي الحليب مع السكر وبعدها تذوبي نشا في شوية ماي بارد وتضيفيه للحليب وتخليه يغلي على نار هادئة وبس


تقدري تسوي نشا مع فواكه بعد

جربتها لولدي ولا عجبته

خلطت خوخ مع سكر في الخلاط

وبعدها تركته على نار هادئة

لما حسيته نضج ضفت له ماي ونشا

beauty
01-02-2012, 02:45 PM
شكرًا أمهات ع الإفادة ..

عروس السكَر
03-02-2012, 06:22 PM
اللهم صل ِ على محمد وَ آل محمد
.
.


مساء الخيرر امهااات *
اني ولدي بعد 7 ايام بيكَمل 5 شهور
وَ جاي فيي باليي ابدأ وياه في الأكل
وَ ماعندي فكَره عن وَ لا شي خخخخ

.
.

ابغى اسألكَم بـ ويش ابدأ وياه ؟
وَ كَيف اسويه ؟

همسااات
03-02-2012, 07:18 PM
اللهم صل ِ على محمد وَ آل محمد
.
.


مساء الخيرر امهااات *
اني ولدي بعد 7 ايام بيكَمل 5 شهور
وَ جاي فيي باليي ابدأ وياه في الأكل
وَ ماعندي فكَره عن وَ لا شي خخخخ

.
.

ابغى اسألكَم بـ ويش ابدأ وياه ؟
وَ كَيف اسويه ؟


ابدأي معاه بالخضار وبعدين الفاكهة لأنه اني غلطت بدأت مع بنتي بالفاكهة والحين ماتحب الخضار
سوي اليه اول اسبوع مثلا كوسا او جزر او بطاطس وبعدين ابدأي اخلطي نوعين مع بعض

آنجل
03-02-2012, 08:39 PM
عروس السكَر
ابدي معاه بالخضار مثل ماقالت همسااات
والطريقه اسلقي (البطاطس - الجزر - الكوسا) ولما يلين حطيه في الخلاط وضيفي له ماي خليه شوي سائل بالبدايه
واذا ماتقبله اول وثاني مره غيري نوع الخضار انا بنتي ماتحب البطاطس والكوسا الا اذا كان معاه جزر
فصرت كل مره اسوي لها جزر مع بطاطس او كوسا ومرات الثلاثه وتحبه

مامات بنتي صارت تحب الخضار والتفاح اللي اسويه لها الحين كملت 6 شهور اخذت لها سيريلاك ارز ماتحبه
طبعاً انا ابغاها تاكله كوجبة فطور بس ماتقبلته
صرت احط لها معلقه سيريلاك في الرضاعه مع الحليب وعادي تشربه والحين مره اسوي لها بسيريلاك ومره بس حليب
واشوفها عادي
من رايكم عادي اعطيها كذا او لا

ترنيمة مطر
04-02-2012, 02:16 AM
.

السلام عليكم ^^

مين عندها فكره .. عن : الكيوي - الفرواله - البروكلي .. لطفل توه داخل شهره الثامن .. ؟

.

جـــــــود
04-02-2012, 02:31 AM
ترنيمه لا تأكليه الحين هذي الفواكه لأنه معظم الأطفال يتحسسو منها انتظري الين يكمل على الأقل 10 شهور

MaryoOma
04-02-2012, 04:06 AM
ترنيمه

اني بنتي عطيتها كيوي ، فراوله >> حبتهم مرااا > وهي بعمر ولدش يمكن

الحمدلله ماتحسست منهم > مادري اخاف اقولش جربي ويتحسس الصغير > يختلف من طفل الى الثاني

ملكت عيوني
04-02-2012, 05:32 AM
هلا اخباركم

السيريلاك يشبع الطفل لو لا؟؟؟

يعني كوجبة فطور لو غذاء

والوجبة الثانية خضار
ولدي مو راضي ياكل شيء مع اني انوع اليه مو عاجبه شيء عمر سته شهور داخل السابع ورا بكرة على خير

جـــــــود
04-02-2012, 11:03 AM
ترنيمه
خليها ثلاث وجبات
الفطور : سيريلاك - حليب وبسكوت
الغذاء : خضار لأنها تكون ثقيله
العشاء : فواكه - مهلبيه - شوربه

ملكت عيوني
السريلاك وجبه مشبعه لطفل لكن اعتبريها فطور لأنه لازم يتغدى جسمه بفواكه وخضار في هالعمر

همسااات
05-02-2012, 12:58 PM
امهات ابغى مقادير مهلبية النشا بالضبط واستخدم حليب بنتي ؟

وفي شوربة ثانية غير النشا لعمر 7 شهور ونص ؟

رنيم الريم
05-02-2012, 08:49 PM
هلا اخباركم

السيريلاك يشبع الطفل لو لا؟؟؟

يعني كوجبة فطور لو غذاء

والوجبة الثانية خضار
ولدي مو راضي ياكل شيء مع اني انوع اليه مو عاجبه شيء عمر سته شهور داخل السابع ورا بكرة على خير

بنتي مثل ولدك في البداية ماتقبلت ولانوع بعدين صرت اسلق الخضار مع رز او شوفان او عدس والحمدلله صارت تاكله

حائرة بدنيتي
05-02-2012, 11:49 PM
امهات ابغى مقادير مهلبية النشا بالضبط واستخدم حليب بنتي ؟

وفي شوربة ثانية غير النشا لعمر 7 شهور ونص ؟


نفس على علبة النشاء الذرة مقادير المهلبية للأطفال غناتي

نصحيتي بخصوص الحليب استخدمي حليبنا لانه بحليبها ما راح تتقبلها زي ولدي

عروس السكَر
06-02-2012, 02:31 PM
.
.


امهات *

باركوا لي بدأ ولدي علآوي اول طعام له اليوم
كوسا

ابغى اسألكَم اقدر افرزنه لأن صار واجد ..
وَ إذا مافرزنته لمتى يصير صالح للأكل ؟

الذوق الرفيع
06-02-2012, 03:54 PM
عروس السكر
اني افرزنه اريح اسوي كمية تكفي 3 ايام ....

عروس السكَر
07-02-2012, 09:40 PM
.
.


شكَراً ذوآقــة ..
طيب الحين لمتى يصير اظل وياه على الكوسا
وَ متى اغير وَ شنو أكَكَله بعد الكَوسا ؟

جـــــــود
07-02-2012, 10:10 PM
عروس السكر
اترك الأكل يومين في الثلاجه وفي لفريز عادي فتره طويله ما يتغير

اعطيه 3 ايام كوسا بعدها اعطيه نوع ثاني 3 ايام وكذا اني بديت كوسا بعدين بوبر بعدين جزر واخر شي البطاطس لأنه احسه ثقيل مقارنه بالباقي

عروس السكَر
07-02-2012, 10:48 PM
.
.
يعطيكِ العافيه جـــود ..
طيب الجزر .. احس طعمه مو حلو بروحه مسلوق وَ مهروس
مااقدر اضيف وياه شي ؟



وَ عقب مااخلص من تجربة كل نوع بروحه
يصير ابدأ اخلط نوعين ؟
وَ يصير اسوي له شوربه ؟
وَ اقدر اعطيه الحين بسكوت يمص مص فيه ؟
.
.

ملكت عيوني
07-02-2012, 11:12 PM
اهلين
عروس السكر اني ليوم طعمت ولدي حق 6 شهور وقالت الي الدكتورة ابدا معاه بالكوسا لمده 3 ايام كل صنف 3 ايام
او ادا مارغب اليه عادي اخلط نوعين مثلا واا ماتقبله مره اضيف معاه شوية كمون وملح مو تكثري يعني مشان النكهه وقالت الي ممكن اعطي زبادي او تمره منزوعه النواه وا قطع كيري بحيث تعطي قطع صغيرة مرة
وممكن اعطيه بسكويت اطفال او بسكويت شاي بالاضافه الى السيريلاك

ملكت عيوني
07-02-2012, 11:13 PM
صح بعد تقدري تضيفي رز الى الخضار

حائرة بدنيتي
08-02-2012, 01:47 AM
.

.
يعطيكِ العافيه جـــود ..
طيب الجزر .. احس طعمه مو حلو بروحه مسلوق وَ مهروس
مااقدر اضيف وياه شي ؟



وَ عقب مااخلص من تجربة كل نوع بروحه
يصير ابدأ اخلط نوعين ؟
وَ يصير اسوي له شوربه ؟
وَ اقدر اعطيه الحين بسكوت يمص مص فيه ؟
.

.


تبين راي

لاتسلقين ,, اذا توش تآكلي ولدش

في خلاط حق طبخ اكل الاطفال بالبخار مع خلطها انصحش فيه ما جربته

بس ما دريت عنه الا متآخرة

و هو الافضل الطهي بالبخار لانه ما يغير طعم الاكل ,, بعكس السلق الخضروات

اللحين خلال هالثلاثة ايام مع كل خضار سجلي ملاحظاتش

يمكن يتقبل بعضها ولدش و الاخر يفضلها و الاخر ما يآكلها نهائيا

و تصدقين اغلب الاطفال يحبون الجزر لانه حالي طعمه

و عقب ما تعدي هالمرحلة بتصيري تخلطي الاطعمة اللي حبها و فضلها ولدش

ربي يسعد قلبش فيه و تبلغي فيه معررس

و اي يقدرر تعطيه بسكويت مصمص فيه من اللحين

دعواتش يالغلا

إيثار الحب
08-02-2012, 03:23 AM
بنات عفوا عفوا امهات
كيفكم وكيف الكتاكيت معاكم
حابه اخد رايكم
تنصحوني ااكل عروستي الحين في الشهر الخامس بس زي مانتو عارفين جبتها في الشهر الثامن
عادي ااكلها خظار او اي شي مناسب لسنها على العلم ان حجمها مرررررررره صغنطوط
لو انتظر لين تعدي السادس
ويش قولكم

المغروورة
08-02-2012, 03:50 AM
عادي تأكليها بس خليه يكون مره لين وشبه سائل ولا تخافي الاكل النافع زين سوي لها خضروات مهروسه تنفعها
عشان تمتلي

juwan
08-02-2012, 10:38 AM
مامات شنو احسن عصيرات حق الاطفال المزاز ..

اني اخذت السعودية على تفاح وخوخ .. اخذته لان مكتوب عليه بدون سكر

بس شفت بعد كي دي دي و الربيع و سيزر ..

شنو الافضل برايكم ؟

Snow Angel
08-02-2012, 11:22 AM
عروس السكَر
الأفضل بالبداية تجربين الجزر بروحه وتشوفين اذا يتحسس منه أو لا .. وبعدين تخلطين نوعين مع بعض .. وتقدرين تعطينه شوربة شوفان مع خضار أو رز مع خضار .. وعادي تعطينه بسكوت الأطفال ..

الذوق الرفيع
08-02-2012, 01:06 PM
اتوقع عادي بنتي بعد جبتها قبل موعد الولادة بشهر بس اكلتها لما كملت ال4 بدي خضار وسيريلاك رز

عروس السكَر
08-02-2012, 02:41 PM
.
.


ملكَت عيوني
حائره ؛َ
سنو آنجل

يعطيكَم العافيه ..؛َ
بسألكَم بسكَوت الأطفال هذا ؟

http://hrr427.googlepages.com/tiramisu9.jpg

.
.


جوآن *
اني مااحب السعوديه
أفضل كي دي دي وَ سيزر
بس بالنسبة لـِ الأطفال
اخذي دائماً اللي مكتوب عليهم عصير
لا تأخذي ( نكَتار وَ لا اللي مكَتوب عليهم شراب )
لأن يكَون مع أضافات ..


وَ بالتوفيق

همسااات
08-02-2012, 05:14 PM
.
.


ملكَت عيوني
حائره ؛َ
سنو آنجل

يعطيكَم العافيه ..؛َ
بسألكَم بسكَوت الأطفال هذا ؟

http://hrr427.googlepages.com/tiramisu9.jpg

.
.


جوآن *
اني مااحب السعوديه
أفضل كي دي دي وَ سيزر
بس بالنسبة لـِ الأطفال
اخذي دائماً اللي مكتوب عليهم عصير
لا تأخذي ( نكَتار وَ لا اللي مكَتوب عليهم شراب )
لأن يكَون مع أضافات ..


وَ بالتوفيق



عروس السكر من وين اخذتي البسكويت ؟ لأنه رحنا كدا صيدلية مو موجود ؟

juwan
08-02-2012, 05:36 PM
عروس السكر .. مشكورة غناتي ع المعلومة تصدقي مانتبهت هل مكتوب عليه عصير ولا نكتار !! يبي لي اشيك عليه

و مانصحش بهالبسكوت لان فيه سكر ( كلهم فيهم سكر بس هذا مغطى بطبقه من السكر ) .. اخذي ميلوبا يذوب بسرعه ( وموجود حق 4 اشهر يكو ن خالي من الغلوتين و حق 6 اشهر )ولا انصحش في هيروز دام بيبيش بعده صغير لان خشن شوي ولا يذوب بسرعه ..

Bride 2008
08-02-2012, 06:30 PM
جوان جربت لبنتي السعوديه وكي دي دي

السعوديه لاحظت فيه طعم زي الصدأ مع اني فضلته
لان زي ماقلتي بدون سكر
والحين قلت ماباخذه بستمر على الكي دي دي طمعه احسن
وانتين قبل لاتقرري اشتري من كل نوع حبه وشوفي وش يرغب له الكتكوت

عروس السكَر
08-02-2012, 06:47 PM
عروس السكر من وين اخذتي البسكويت ؟ لأنه رحنا كدا صيدلية مو موجود ؟



موجود في عالم الحلويات .. وَ في مزايا ..
لسه ماعطيته ولدي اني اللي أكله ;) ..


عروس السكر .. مشكورة غناتي ع المعلومة تصدقي مانتبهت هل مكتوب عليه عصير ولا نكتار !! يبي لي اشيك عليه

و مانصحش بهالبسكوت لان فيه سكر ( كلهم فيهم سكر بس هذا مغطى بطبقه من السكر ) .. اخذي ميلوبا يذوب بسرعه ( وموجود حق 4 اشهر يكو ن خالي من الغلوتين و حق 6 اشهر )ولا انصحش في هيروز دام بيبيش بعده صغير لان خشن شوي ولا يذوب بسرعه ..


العفو خيه ..
يبغى لي اجرب ميلوبا ..
يعطيكِ العافيه ..

.
.

rabab
09-02-2012, 12:28 AM
اني بعد ولدت في الثامن :) واسال نفس السؤال ااكلها الرابع لوو السادس

غيم
09-02-2012, 01:03 AM
عروس السكر
اني عطيت بتي هيرو بيبي اخدته من صيدلية الدواء
يذوب في الماي بسرعة
احط عليه شوي ماي مغلي وشوي ماي دافي او بارد وبسرعة يدوب
عجب بنتي مرررره
ويوم كملت 6 شهور صرت اعطيها واحد في ايدها وتعفس الدنيا به هههههههه

جـــــــود
09-02-2012, 02:05 AM
عروس السكر

الفتره الأولى خليش على الخضار اول شي كل صنف لوحده وبعدين ابدي اخلطي

وبعدها بشهرابدي بالشوربه والشوفان والمهلبيه والرز علشان معدته تتحمل الأكل

جوان
ولدي في البدايه كنت استخدم الربيع وبعدين كله السعوديه
( الربيع - كي دي دي - سيزر ) كلهم تقريبا" نفس النسب في التركيب
السعوديه الوحيد بدون اضافة سكر

juwan
09-02-2012, 02:39 PM
برايد ..جود
مشكورين حبايبي

غيوومه ..
اني اخذت هيروز اللي جي يكرتون كبير وفيه اكياس واجد كل كيس فيه 6 حبات يمكن .. ( مكتوب عليه ينعطى البيبي من عمر 9 اشهر عفر !!)
اختي قالت لي ان اللي مو مغلف يجي صغير مو خشن واجد ويذوب بسرعه بس اني ماجربته ..

galamor
09-02-2012, 07:21 PM
http://hrr427.googlepages.com/tiramisu9.jpg

همسات انا احبه فاخذه لي دايم من مزايا او التميمي :p.

سراب نور
09-02-2012, 10:41 PM
اتوقع عادي تبتدي معاها اكل

دلوعة ملاكي
10-02-2012, 02:23 AM
مامات

اني شعره بيني وبين الجنون :(
ولدي مايحب الا السيريلاك والتمر وباي التفاح
اما الرز تعبت منه بس احط اللقمه في بوزه يطلعها
من اول ياكل زبادي خضار (الصالونه) والحين مو راضي ياكل شي
من عمر 9 شهور الى الان زاد 500 جرام بس !!
وكل ماجاه يصغر والعظامه تطفر العمود الفقري برز بششكل
جربت اسوي له الاكل بطريقه تفتح النفس بس لا حياة لمن تنادي
شوروا عليي اني احس حالي مقصره وياه

الذوق الرفيع
10-02-2012, 02:55 AM
دلوعة

الله يعينش جربي مكرونة بالجبن . بطاطس مقلي جربي تحطيه له بطبق وتعطيه شوكة تعلميه ياكل بنفسه جربي سلطه فواكه
في مكرونة تجي الوان توني ماخذة الى لولو ان شاء الله يعجبهها والله يعينش ويساعدش

ملكت عيوني
10-02-2012, 04:00 AM
اهلين كيفكم وكيف الدادوات

بسئلكم مامات متى تعطو زبادي النونوات قالت الي الدكتورة اعطيه عمره علاوي حاليا يمشي بالسابع من اسبوع طعمته 6 شهور يعني عادي اعطيه؟؟؟؟؟؟

برقع ذهب
10-02-2012, 04:22 AM
ملكت عيوني.~
الطب البريطاني..{ ماينعطى البان وروب }.. الا لمن يكمل 9 شهور
لان فيه خمائر..
بس عروسة مغتربة عطت صافي من عمره 6 شهور..

دلوعة ملاكي~
حسيت سيود يحب الاشياء اللي فيها طعم الحلى..
حاولي تدخلي له الكربوهيدرات بالكيك.. ومنها دخليها عليها الفواكه..
واللحوم.. جربي اكليه وياكم.. يعني لاتأكليه رز عشان لاينفر من السفره.. اكليه بس لحم ..
..{ وممكن في حالتك يحب السمك}..

دلوعة ملاكي
10-02-2012, 06:16 AM
ذواقه
يحب المكرونه زي ماقتي بالجبن يعني طبقة مكرونه فوقها لحم فوقها اغراض البيتزا أكلها كذا مره بس ماجربت سويتها مره ثانيه
واتكالي مستحيل ياكل لحاله حتى الشبس يقول أمبى اعطيه الكيه بس يطل يدخل ايده تشه واذا شال وحده رماها مستحيل يحط شي في بوزه بنفسه
سلطه الفواكه حباها بس اخر مره ما رضي ياكلها ساعات اقول من اسنانه


برقوع
جربت اعطيه دجاج او لحم بدون الرز نفس الشي يطلعه سويت له مره كباب قطيفي يجنن مافي احد مايحبه ونفس الشي
ساعات ياكل لين تصير جماعه .. والسمك يحبه لكن ,,, بس ياكله تجيه اكزيما
جربت وصفات جود في النهايه اني اكلهم ماله رغبه للأكل مع ان رضعاته قلت
ابغى اعطيه فاتح شهيه بس مارضيت الدكتوره بس قالت اقلل الرضعات

وردة الوفــاء
10-02-2012, 07:02 AM
هلا مامات..
بنوتتي باقي عليها اسبوع وتكمل السادس..
وتوني من اسبوع تقريباً صرت أأكلها..
عطيتها سيريلاك الأرز..ماحبته مره تاكل ملعقتين 3 وتهون..

وعطيتها بطاطس لحاله حبته مرررره.. عطيتها كوسا لحاله ماتقبلته أبد...

خلطت الإثنين كوسا وبطاطس يعني عجبها على خفيف ههه...

رايكم أضيف لها جزر ؟؟؟ وأخلطهم ثلاثتهم؟؟؟

وو شنو أعطيها بعد بهالعمر؟؟

إيثار الحب
11-02-2012, 12:47 AM
شووووووووووووووووركم والهدايه

جود علي
11-02-2012, 01:06 AM
صغيرة في السادس افضل

جـــــــود
11-02-2012, 03:03 AM
دلوعة ملاكي اني ولدي ياكل الشغلات بس بكميات قليله وقالت الدكتوره اقلل رضعاته بس ما قدرت
وبعدين قالت خلاااااااص افطميه اول 10 ايام سوى اضراب حتى على الشغلات الي يحبها والحين هذي 3 ايام بدأ ياكل

ملكت
ولدي من دخل السابع عطيته روب بس ما يحبه الى الحين ياكل شوي اذا مررره جوعان بس جربي معاه كمية قليله فيه اطفال يتحسسو منه

وردة الوفاء
اعطيها الجزر لوحده علشان تشوفيها تتحسس اولا وتقدري بعدي تجربي البوبر معاها
وبعدين ابدي سوي خلطات بالخضار نفسها وبعدها شوربة الخضار او شوربة شوفان بالخضار
وعلى الأقل ظلي 3 اسابيع خضار بعدين جربي الفواكه علشان لا تعيف الخضار وتاكل الفواكه

MANGO
11-02-2012, 05:19 AM
يعطيك ربي الف عافيه على الفاده

لاحرمنا لله منكم

Bride 2008
11-02-2012, 08:53 AM
مرحبا
امهاات بغيت اعرف وشو تسوو لاطفالكم اطباق للفطور
غير السيريلاك لان بنتي ماتفطر الابه او بيض مقلي بالجبن
والسيريلاك متى المفروض اقطعه صار عمرها سنه وشهر
للحين متعلقه فيه وتفضله على اي شي

غموض انسان
11-02-2012, 02:36 PM
كيفكم امهات

صغيري كنت اسوي له خضار انوع له بس هذي يومين مايبغى
صرت اعطيه توست مع كيري وجا له امساك
واذا عطيته فاكهه يفضل الموز وجا له امساك بعد
مع اني مو عارفه وش اسوي له اكل لان مايبغى اي شي

والعصيرات وش تنصحوني اعطيه ؟
جربت له برتقال طبيعي
بس اذا شافني اشرب عصير يبغى من عندي
فقررت اشتري له بس مادري اي نوع احسن؟
سيزر لو السعوديه لو الربيع ؟

عمر ولدي 6 اشهرونص

جـــــــود
11-02-2012, 03:03 PM
برايد

ولدي صاير هالفتره ما يحب فطوره الا بسكوت وحليب او كورن فليكس او بيض مقلي بالجبن

بس احاول احيانا" اعطيه بريد مع جبن او لبنه يحب ياكلها بالملعقه مع قطعة فاكهه صغيره

والسريلاك ما اقدر افيدش ولدي ما عطتيه غير 10 ايام في السفر كنت مضطره كان عمره اربعه شهور ونص
علشان كذا ما يعرفه اصلا"

غموض
المفروض العصيرات لمعلبه بعد السنه بس اولادنا ربي يهديهم من صغرهم يبغو العصيرات
ولدي جربت اله الربيع والحين كله السعوديه لأنه بدون اضافة سكر بس المواد الحافظه الأعظم لا بد منها

عروس السكَر
11-02-2012, 03:35 PM
.
.


مساء الخيرر ..

برآيد *
ليش تبي تقطعي السريلآك ؟
احسه عادي احسن من الخرابيط


.
.

تويتي
11-02-2012, 05:40 PM
بنات ولدي بيدخل السادس بعد عشره ايام
وش ابدي وياه في الأكل ويش اعطيه وكم الكميه
واذا هرست ليه جزر مثلا احط وياه ماي
والفواكه كيف اعطيهم اياه
وكم كمية السيريلاك
يعني وكم وجبه في اليوم اعطيه

شوكلاتة
11-02-2012, 05:57 PM
^^^^^^^^
بدي وياه بالخضار لأن لو أكل الفاكهة بيعيف الخضار والفائدة الكبيرة فيها
أول شي جربي سوي له كوسى أو جزر أو بطاطس أو قرع عسلي وأعطيه 3 ملاعق بس لمدة 3 أيام
وبعدها إدا ماشفتيه تحسس اخلطي له مثلا جزر وبطاطس ، كوسى وبطاطس حلوة
وبعدين سوي له فاكهة <<< لأن الجهال يرغبو ليها أكثر ..
:
وجبة وحدة في اليوم 3 ملاعق بس لين يكمل الشهر السابع اعطيه وجبتين وهكذا
الجزر بعد ماتسلقيه أهرسيه بالمطحنة الكهرباء وإدا أحتاج زيادة ماي ضيفي ع حسب يعني ..

Bride 2008
12-02-2012, 12:32 AM
جود مشكوره
للاسف موراضيه تاكل خبز وجبن او بريد ولاالكورن فليكس
مررره حيرتني
عروس السكر
لان احسها كبرت عليه واحيانآ اقول يمكن مايفيدها لان هو اللي اخذه من عمر ٨ شهور

غربة امل
12-02-2012, 01:00 PM
ولدي كمل 8 شهور
اعطيه روب عادي وجبه رئيسه اولا

عروس السكَر
12-02-2012, 02:07 PM
.
.


امهآت ؛َ
اني بديت مع ولدي بالجزر ..
بس امس وَ اني ابدل الحفاظ لقيت فيها جزر واضح
هل هذا يعني جسمه مايبغاه او وش السالفه ؟
هل الشي عادي .. اكمل وياه على الجزر او اوقف ؟
رغم اني سلقته عدل وَ هرسته عدل وَ حطيت وياه ماي مشان يصير سائل وَ خفيف عليه

.
.

آنجل
12-02-2012, 10:57 PM
أكلة اليوم (( مضروبه ))

ما ادري تعرفوا هالاكله ولا لا لأن متعوده اهلي يسوها بس عيالي مايعرفوها او يمكن يسموها بأسم ثاني

هي للكبار بس سويتها لبنتي قبل شوي وحبتها

المقادير
شوية رز
دجاج او (مرقة دجاج)
قليل زيت

الطريقه
سلقت الدجاج في ماي وبعدين شلته لان بنتي لساتها صغيره اخذت بس المرق الاطفال لكبار شويه عادي بس نتفي الدجاج
بعدين اضيف له الرز وقطعه صغيره من مكعب مرقة الخضار او تقدروا تحطوا شوية كمون وكزبره وملح
مع شوية زيت وصبغه (تقدروا تستغنوا عنها)
وبس اخليه يطبخ لين مايلين الرز مره واذا نشف الماي والرز بعده اضيف ماي حار واخليه لين يتنشف

وبالعافيه :rolleyes:

كان ودي اصوره لكم بس الحلوه تغرد :D

جـــــــود
13-02-2012, 04:39 AM
عروس السكر
ولدي كمل سنه وما ادري ليش الجزر دون الخضار لما اغير اله وانتين بكرامه اشوف القطع في الحفاظ

برايد
ربي يعينش ولدي بعد اكره شي عنده ( الروب - الرز - الخبز ) عكس الجهال
بس احاول اعطيه بريد احيانا" ياكله واحيانا"ما يبغى
لأنه حتى البيتزا والمعجنات ياكل الحشو ويرمي العجين

غربة
جربي اعطيه روب وشوفيه يتحسس منه او لا بس ما تعتبر وجبه لازم شي تكميلي معاه او تخليه بين الوجبات

انجل على العروسه بألف عافيه

جوداء
13-02-2012, 04:45 AM
غربه

ولدي بيكمل الثامن قريب وبديت وياه بالروب قبل اسبوعين وعجبه ،، استغربت انه أكله لاني مااحس انه يتقبل هالأشياء بسرعه

افكر اشتري له ابو نكهات ،،،

الذوق الرفيع
13-02-2012, 05:24 AM
عروس السكر
بنتي سنة و7 شهوور وللحين الجزر من تاكله يطلع نفس ماهو وانتي بكرامة


غربة بنوتتي قريب تكمل 8 اعطيتها زبادي بالفواكه في الفطور عطيتها بالمشمش ولما جربت العادي ماعجبها يمكن لان حامض

عروس السكَر
13-02-2012, 06:56 AM
صبآحكَم رحمه *

جـــود وَ ذوآقـــه ..؛

اي اني اختلعت حسبت ان شي مو عادي
رغم ان حب الجزر اكثر من الكوسا
وَ ماتوقعته يحبه كَنت متردده في الجزر واجد بس الحمد لله

.
.

رحم الله والديكَم عزيزآتي *

غربة امل
13-02-2012, 11:55 AM
مشكورين جود وجوداء والذوق الرفيع
بجرب اول وياة الروب العادي بعدين ابونكهات
الذوق الرفيع
روب الصافي مو حامض كنت استخدمه لبنوتتي يوم هي صغيره

جـــــــود
13-02-2012, 04:09 PM
جوداء وغربه
نصيحه اذا حبو العادي لا تجربو معاهم النكهات لأنه احسن وافضل من النكهات صحيا"

غيم
13-02-2012, 05:33 PM
غيوومه ..
اني اخذت هيروز اللي جي يكرتون كبير وفيه اكياس واجد كل كيس فيه 6 حبات يمكن .. ( مكتوب عليه ينعطى البيبي من عمر 9 اشهر عفر !!)
اختي قالت لي ان اللي مو مغلف يجي صغير مو خشن واجد ويذوب بسرعه بس اني ماجربته ..

الا اقصده يجي كرتون صغير فيه 30 بسكوته
مكتوب عليه لعمر 6 شهور
اذا دوبته مع الماي يصير كنه سريلاك
الا تقصديه نوع ثاني :cool:

الذوق الرفيع
13-02-2012, 07:40 PM
جود
ايه غلطت اني عطيتها بالفواكه المفروض اعطيها العادي


غربة
باشتريه وباجربه ليها

تويتي
13-02-2012, 08:42 PM
شوكلاته ألف شكر يالغلا
طيب والسيريلاك كيف اعطيه اياه

سلوة المهدي
13-02-2012, 10:31 PM
مرحبا مامات
بنوتتي كملت اربع شهور وحبيت ااكلها
وبديت وياها باللفيت بلس وبسكويت وحبوب الارز
ومتا اعطيها الخضار والفواكه
وكم وجبة في اليوم
وكيف انسق ليها الرضاعه والاكل

انتظر ردكم امهات*

غيم
14-02-2012, 03:09 AM
تويتي
سويه اليها سائل
واذا كبر شويات سويه اغلض

سلوة
في البداية اعطيها وجبه وحده في اليوم
وبعد شهر كذا اعطيها وجبتين
الحين سويه اليها الاكل سائل علشان ماتغص به
والخضار ابتدي وياها بعد فتره
ابتدي بالخضار
لانه اذا ابتديتي بالفواكه مابتتقبل الخضار
الفواكه حاليه والخضار ماصخ
اني بتي كنت ااكلها اذا شي حالي من اخلص اعطيها شوية ماي
بتي ماتقبلت الخضار ماعجبها شي
ومن كملت 5 شهور ونص قمت اعطيها من اكلنا
والحليب اذا صاحت وحسيتها تبغى اعطيها

العـلا
17-02-2012, 08:19 AM
galamor
مشكورة ع الموضوع .. روعة

من زمان دور ع موضوع كذا

والشكر للجميع ع الوصفات ..


بنتي ماترضى تاكل غير السيريلاك .. والارز << بالموت

اما الخصار ابدااااا ماترضى عداوه وياهم

هههههههههه

بس عجبتني كذا طريقة بجربهم قريب

وان شاء الله ينفع

galamor
17-02-2012, 01:02 PM
العلا العفو غناتي


وان شاءالله تستفيدي من خبرات الامهات :)

ملكت عيوني
18-02-2012, 12:15 AM
هلا امهات اخباركم

مرة ضايق خلقي

ولدي مايرضى ياكل ولا حاجه لا خضار ولا سيريلاك ولا تمر ولا اي حاجه

من اقرب الملعقه يصم بوزه ويش الحل معاه

بس من يشتم اكلنا يحرك فمه بس ماعطيه اني من اكلنا

Snow Angel
18-02-2012, 12:25 AM
مامات أنا بكرة بجرب مع ولدي مكرونة
اذا خليته يلين آخر شي كيف أعطيه ولدي أقطعه صغار ؟

الذوق الرفيع
18-02-2012, 01:52 AM
سنو انجل
قطعيه صغار مررة او اذا عندش مكرونة الحروف اعطيه حرف حرف :d:d

العـلا
18-02-2012, 08:08 AM
غناتي الذوق الرفيع عجبتني فكرتك الاحرف

هههههههههه

بشتري ليها اليوم ان شاء الله

ماقصرتي

:)

Snow Angel
18-02-2012, 06:04 PM
سنو انجل
قطعيه صغار مررة او اذا عندش مكرونة الحروف اعطيه حرف حرف :d:d


مشكورة :)
ويبغالي أشتري له الحروف ماعندي

غموض انسان
18-02-2012, 08:38 PM
مامات

وشتعطو اولادكم عشى ؟

اني اتحير
مره اسوي له معكرونه مع جبن
مره مهلبيه
مره فاكهه

والليله كان جوعان واني ماعندي افكار
سويت له سيريلاك وبس

اقتراحاتكم

Snow Angel
18-02-2012, 09:58 PM
مامات أقدر أعطي ولدي جبن كيري ؟
ومكرونة مع جبن متى أقدر أعطيه؟
>> ماعطيته أجبان للحين

رنيم الريم
19-02-2012, 02:58 PM
مرحباا مامات
بنوتتي بالصلاة على محمد وال محمد عمرها تسعة شهور ولاهي راضيه تاكل فاكه غير الموز جربت اهرس برتقال وتفاح وخوخ ومشمش وعنب بس كلهم ماتقبلتهم وجرب اعطيها باايدي بدون هرس ونفس الشي ماتقبلتهم ابغي حل الفاكهه مفيده لعمرها الحين مرره ياريت تقترحو عليي اكلات فيها فاكهه

ايه وشى ثاني ابغى اكلات بالحم او الدجاج جربت عطيتها شوربة بطاطس بالدجاج وعجبتها مره وهرست دجاج ورز ماعجبها وهرست لحم مفروم ورز ونفس الشي ماعجبها ياريت تقتروح عليي اكلات لذيذه

غموض انسان
19-02-2012, 04:54 PM
سنو انجل

انا عطيت ولدي اجبان من السابع

عروس السكَر
19-02-2012, 10:34 PM
.
.



في وقت معين لـِ الوجبه ؟
اني كَنت اعطي ولدي كوسا وَ جزر فترة الظهر
بس اليوم كَنت اهرس الاقرع بالليل وَ هو ساخن اشتهيته لولدي
وَ عطيته الوجبه بالليل ..



وَ سؤال ثاني لما افرزن الوجبه
تالي لما اجي اذوبه يصير اسخنهآ ..؟ احس ولدي عجبته الوجبه دافيه ..

آنجل
20-02-2012, 09:23 PM
سلام مامات

بنوتتي هالفتره صايره تحب الشوربات
اعطيها شوربة بطاطس
وشوربة العدس كل مره صياح من تشوفنا بناكل عطيتها وعجبتها مره
وصرت كل ما اسوي لنا اشيل لها
ومره اكلتها توست مع حليب
وقمت اذوقها الفواكه
عجبتني فكرة المكرونه الحروف بجربها لها

ملكت عيوني
21-02-2012, 03:55 AM
اهلين اخباااركم

ابي اسوي الى ولدي مهلبيه كيف الطريقه بالتفصيل؟؟؟

المقادير مع الطريقه

ماء الكوثر
21-02-2012, 09:34 PM
عوافي على البيبات باقي اسبوع ويكمل ولدي اربع شهور وببدي اكله ومتحمسة حددددددددي:d

ملكت عيوني
22-02-2012, 03:06 AM
ليش ماحد يرد عليي لهدرجه مو معتبريني شيء

كل مرة اسئل ولا تردو عليي

عفر تردو الي يجوز اليكم بس شكلي ماجوز ليكم :mad::mad:

سراب نور
22-02-2012, 11:28 AM
هلا امهات اخباركم

مرة ضايق خلقي

ولدي مايرضى ياكل ولا حاجه لا خضار ولا سيريلاك ولا تمر ولا اي حاجه

من اقرب الملعقه يصم بوزه ويش الحل معاه

بس من يشتم اكلنا يحرك فمه بس ماعطيه اني من اكلنا

ولدي بعد مجنني جايب ليي الضغط من قلة اكله

اسوي نعمة الله وارميها في الزبالة والله حرام

المشكلة اذا جيت اعطيه من اكلنا يغص ويرجع:confused::confused:



المهلبيه اسويها بس مو دايم تضبط عدل

اسوي تقريبا كاس حليب مع سكر اتركه يغلي وبعدها اخذ شوي حليب مع ملعقة كاسترد كبيرة اذوبها فيه واذا غلى الحليب اضيفه له

واخليه يستوي على نار هادئة

عروس السكَر
22-02-2012, 01:38 PM
ليش ماحد يرد عليي لهدرجه مو معتبريني شيء

كل مرة اسئل ولا تردو عليي

عفر تردو الي يجوز اليكم بس شكلي ماجوز ليكم :mad::mad:


شدعوه ..
يجوز ليكَم وَ مايجوز
هذا اني بعد احياناً يروح سؤالي في الصفحات وَ لا احد يرد علينا
وَ امهات الخبره يمكَن مشغولات بـ اولادهم وَ بناتهم بس دائماً هم يردوا علينا ..

ام حسن وفاطمه
23-02-2012, 04:50 AM
ملكت عيوني وش دعوه
طريقة المهلبيه
كاس ماي وملعقتين حليب وملعقه سكر وملعقتين كاستر وشوي ماء الورد
واذا شفتي لونها مرى فاتح ضيفي شوي كاسترد
وحطيها على النار مع التحريك لين قربت تغلط تقدري اضيفي قشطه تطلع لذيذه
اوبدون قشطه عادي لين تتماسك

جـــــــود
23-02-2012, 04:52 AM
يؤ يؤ
ملكت عيوني افا عليش ليش زعلتي لو البنات دخلو ما بيقصرو في الرد

في كذا نوع مهلبيه ( فواكه - كاسترد - نشا - سميد ) اي نوع تبغي يا قمر ابشري بكل خير
ومعظم الأنواع ذكرو البنات طريقتهم في الصفحات الي قبل

ملكت عيوني
23-02-2012, 06:49 AM
هههههههههه ماينفع معاكم الا كذا

المهم مشكورين وماتقصرو
الحليب كيف استخدم يعنو حليب اطفال لو حليب عادي؟؟
ماعندي خبرة منك مستفيد
جود شنو الافضل من ناحية الطعم؟؟؟
والا عادي اذدكري طريقتهم كلهم

همسااات
23-02-2012, 07:27 PM
اخباركم مامات ؟

اني بنتي عمرها 8 شهور ولا تأكل شي ابدااااااااااااااااا وماتشرب حليب الا قلييييييل وصارت مرة ضعيييفة :(

سويت اليها بطاطس وجزر وكوسا وقرع ماعجبها شي بس الموز تأكل بس مرتين وخلاااص !!!!!

ابغى اكلات غير مثل الشوربات وغيرها ؟

آنجل
23-02-2012, 10:35 PM
همسااات
هذي الشوربات اسويها لبنتي

شوربة عدس

اسلق الجزر و البطاطس ومرات احط طماطم مع ملعقتين شوفان
واخليه يطبخ عدل
بعدين اضيف له العدس و مكعب مرقة خضار مع كمون وشوية فلفل احمر
ولما يستوي العدس احط الشوربه في الخلاط

طبعاً انا بنتي قريب تكمل 7 شهور وماتتحسس من الطماطم والبهار
اذا كانت بنتك تتحسس منهم لاتضيفيهم للشوربه

شوربة البطاطس

بسيطه اسلقي البطاطس مع شوفان ومكعب مرقه خضار
ولما يلين البطاطس حطيه في الخلاط
وبس

ان شاء الله اكون افدتك

نــور
24-02-2012, 11:57 AM
مساء الخير أمهااات
متى نقدر نضيف الملح والبهارات لطعام الطفل ؟؟ بأي عمر ؟؟

همسااات
24-02-2012, 06:22 PM
همسااات
هذي الشوربات اسويها لبنتي

شوربة عدس

اسلق الجزر و البطاطس ومرات احط طماطم مع ملعقتين شوفان
واخليه يطبخ عدل
بعدين اضيف له العدس و مكعب مرقة خضار مع كمون وشوية فلفل احمر
ولما يستوي العدس احط الشوربه في الخلاط

طبعاً انا بنتي قريب تكمل 7 شهور وماتتحسس من الطماطم والبهار
اذا كانت بنتك تتحسس منهم لاتضيفيهم للشوربه

شوربة البطاطس

بسيطه اسلقي البطاطس مع شوفان ومكعب مرقه خضار
ولما يلين البطاطس حطيه في الخلاط
وبس

ان شاء الله اكون افدتك

مشكورة غناتي ماقصرتي :)
بس عادي اعطيها العدس من الحين لأنه البعض يقول من 9 شهور واكثر ؟

وبسألكم مامات عادي اعطي بنتي دبس وهي عمرها 8 شهور ؟

جـــــــود
25-02-2012, 02:18 AM
ملكت عيوني

مهلبية الكاسترد
المقادير :
1 كوب ماء - 1 ملعقه كبيره كاسترد - 2 ملعقه حليب اطفال - 4 حبات سكر نبات
الطريقه
اغلي الماء وذوبي فيه سكر البنات واتركيه يفتر بعدين ضيفي الحليب والكاستر وحركيه بالخفاق السلك اليدوي الين يذوبو وبعدين حطيه على النار وانتين تحركي الين يثقل الخليط

مهلبية النشاء
بصراحه ما اعرف المقادير بالضبط بس تقريبا"
كوبين او كبين ونص ماء مضاف اليه ماء ورد - 1 م كبيره نشا - 3 الى 4 ملاعق حليب اطفال
اخلطهم مع بعض الي يتجانس الخليط وبعدين على النار مع التحريك المستمر واذا حسيته جامد اضيف زياده ماء واحرك

مهلبية الفواكه ان شاء الله تستفيدي من هالرابط

http://3roosqatif.com/vb/showthread.php?t=124396&page=15

ملكت عيوني
25-02-2012, 03:23 AM
مشكورة جود الله يعطيش العافيه والله يهدي حسون انشالله

بجربهم الى ولدي ويااارب ياكل

rabab
25-02-2012, 04:03 AM
حبااااايبي بنتوتتي كملت 4 شهوووور
حابه اعرف وش ااكلها :>

ورحم الله والديكم;)

جـــــــود
25-02-2012, 04:16 AM
ليول
سويت الى ولدي اقراص التفاح بالشوفان اكل شوي وتركها وبعدين سويتها مره ثانيه وضفت اليها سكر عجبته

http://im25.gulfup.com/2012-02-25/133013234571.png

جـــــــود
25-02-2012, 04:26 AM
ملكت عيوني
تسلمي غناتي على الدعوه الحلوه
ان شاء الله يتقبلهم عموما" الأطفال يحبوهم

رباب
على حسب اذا ناويه تعطيها سيرلاك وهالشغلات
ابدي بسيريال ارز لـ 4 شهور وبسكوت اطفال لـ 4 شهور كذا اسبوعين وجبه في اليوم وبعدين ابدي معاها بالخضار
( كوسا - بوبر - جزر -هندال( بطاطا حلوه ) - بطاطس )
كل واحد ثلاث ايام تسلقيه او تطبخيه على البخار افضل وتهرسيه بالخلاط وضيفي شوية من ماي السلق علشان يصير قوامه لين وتعطيها وياه
وتشوفي تقبلها وياه وتحسسها منه وبعدين جربي النوع الثاني وكذا وبعدين ابدي اخلطي في الأنواع

اني ما عطيت ولدي اكل جاهز على طول من كمل 4 شهور بديت معاه بالخضار

rabab
25-02-2012, 05:37 AM
مشكوووووره اختي
اني شريت سيريال 6 شهور ماشفت 4 ,,,

وشريت اليها عصير + شوربة ارز بالكوسا

juwan
25-02-2012, 09:39 AM
جود :: ممكن طريقو اقراص التفاح و الشوفان :)

همسااات
25-02-2012, 04:55 PM
امهات ودي اسوي الى بنتي حليب بالتمر
عادي استخدم لها حليب المراعي ؟

جيتار
25-02-2012, 08:43 PM
..

ولدي عمره 9 شهوور

بديت ااكله من عمرة 4 شهووور ..
وكان حليو منتفخ ما شاء الله ..وملفت .,\

لما صار عمرة 8 شهوور صار يآكل معانا بالغذاء والعشاء
لأني خلاص مليت اسوي له اطباق ..

كنت أحاذر أأكله قدام أحد أحتياطاً الا اذا اطريت ..
وحتى اذا طريت اقرأ المعوذات وبعض الاحيان يرجججع كل اللي في بطنه ..
مع انه ما يرجّع واجد

ولا يقدر ينام بدون ما يآكل عشاء

صار عمرة الحين 9 شهووور فجاة مرض ,,
خمسة ايام بس ,,
ضععععععععععععععععععف
ضعف مو طبيعي .. نزل وآجد رآحت خدودة وفخوودة صار خفيييف ولا يرضى يآكل ولا حاجة ,,
حتى اكله وعمره اربع شهووور احسن بواااجد من الحين ..

ابدآ ما يآكل


كلما احاول بالحيللله ااكله يطلعه من بوووزة
لو يغغغص


يعني طول اليوم بس على الحليب واني ارضعه طبيعي واتعب بصرااحه


صدري وبس طووول اليوم


صحيح مرضه كان صخونة وكحة وبلغم وصدرة وزكام


كيف اخليه يرجع ياااكل :(

تعبت نفسيتي منه
وكيف صار شكله ..:(

الذوق الرفيع
25-02-2012, 09:02 PM
امم ما عندي فكرة بس يمكن للحين شهيته مسدودة من المرض واحس من تجربتي مع بناتي كلمايكبروا يقل اكلهم ما ادري ليش واكيد يوصلوا لسن معين ويرجع اكلهم طبيعي ...

جيتار
25-02-2012, 09:17 PM
مشكووورة اختي الذوق الرفيع ..

والله مادري بس تعبّني لأني لي اسبووع تقريبا احاول فيه ..
غير كذا كانت شهيته مفتووحه وحليو ..

الحين ابدآ ..ولا حااااااااااااااااااااااجه

ســـحرالقوافي
25-02-2012, 09:17 PM
ولدي بعد عمره 11 شهر ونفس الحاله بس يرضع
والمشكله ان بس يرضع طبيعي ما يبغا شي ثاني
انهلكبصح واقول الاطفال عادتهم كل يوم حال

ااهم شي ما فيه شي اذا رحتوا تراجعو وياه

لان انيكنت خايفه بس قالت ليي طبيعي

اهم شي يمشي هو في المعدل الطبيعي

جيتار
26-02-2012, 12:37 AM
سحر القوافي

ماحبّى للحين ولدي ..

بس فيه بوادر ..

ممممم
ان شاء الله نلقى حل يشجعهم على الاكل ,,

ابغى طرق كيف اخليه يآكل

جـــــــود
26-02-2012, 08:25 AM
جوان خيتو هذي الطريقه

http://3roosqatif.com/vb/showthread.php?t=124396&page=16


رباب
لا ما يصلح 6 شهور وهي لسه 4 شهور في صيدليات النهدي اكيد بتلاقيه
وبالنسبه للعصيرات متأكده الى 4 شهور لأنه اذكر الي شفتهم كلهم 6 شهور


همسات اذا بنتش اقل من سنه لا تستخدمي اليها غير حليب الأطفال وابتعدي عن المراعي وغيره

واذا اكثر من سنه واقل من سنتين الأفضل حليب الأطفال بس تقدري تستخدمي اليها حليب السعوديه جونيور مخصص من عمر سنه الى خمس سنوات

دلوعة قلبه
26-02-2012, 04:14 PM
الموضوع مرة حلووو
وان شاء الله اطلع بطبخه ياكلها ولدي
تعبت وياه كل شي ما يبغى :(

مونيا
26-02-2012, 07:52 PM
احس اطفال واجد في هالعمر من يمرضو ويبدو يحبو ويمشو خلاص تقل شهيتهم للأكل
ومن ضمنهم اولادي نراكض وراهم مريكض وماكو فايده
والبت الحين عمرها 6 سنوات واكلها مرررره قليل

lil bride
26-02-2012, 08:01 PM
من المرض يصيروا مايشتهوا ياكلوا وياخذ وقت يالله تتحسن شهيته
بس حطي في بالش كلام الذوق.. كلما يكبروا يقل أكلهم
عشان ياكل شوي جربي تقللي الرضعات جان يجوع وياكل

تويتي
26-02-2012, 10:03 PM
بنات ولدي دخل السادس بديت وياه جزر ثلاث ايام وبكره قلت بعطيه قرع عسلي والي بعده كوسا واللي بعده بطاطا حلوه كل واحد على ثلاث ايام
طيب وبعدين ويش اسوي
وكيف اعطيه عصيرات و ويشو هم العصيرات اللي اعطيهم وياه ومتى اعطيهم وياه
والتمر متى اعطيه وياه وكيف
والسيريلاك لازم اعطيه وياه والا مو لازم
وكم وجبه في اليوم اعطيه

ادري تعبتكم واحس كم كف منكم بيجيني الحين
بيس ماعليه تحملوني شويات

الفراشة الحمراء
27-02-2012, 04:07 AM
ولدي عمره سنه و7شهور وفاطمتنه ولايااااااااكل الا نادر

حتى خدوده راحت

بس ولدي من وهو صغير ماياكل واجد

وحاولي ماتأكليه قدام احد غريب

موفقه

سراب نور
27-02-2012, 06:32 AM
كنت بحط الموضوع قبل ك يوم

ولدي معذبني تعذيييييييييييب ويا الاكل جايب ليي الضغط

مايبغى اكل بالمررررة

عمره سنة

ومايقدر حتى على اكلنا بسرعه يغص ويرجع

تعبت وياه والله يصم بوزه وياخذ ايدي ويرميها

بس اشوى رضاعته صناعي

اتركه فترة بدون رضاعه بس مافي فايدة!

Snow Angel
27-02-2012, 03:16 PM
بنات ولدي دخل السادس بديت وياه جزر ثلاث ايام وبكره قلت بعطيه قرع عسلي والي بعده كوسا واللي بعده بطاطا حلوه كل واحد على ثلاث ايام
طيب وبعدين ويش اسوي
وكيف اعطيه عصيرات و ويشو هم العصيرات اللي اعطيهم وياه ومتى اعطيهم وياه
والتمر متى اعطيه وياه وكيف
والسيريلاك لازم اعطيه وياه والا مو لازم
وكم وجبه في اليوم اعطيه

ادري تعبتكم واحس كم كف منكم بيجيني الحين
بيس ماعليه تحملوني شويات


العصيرات تقدرين تعطينه طبيعي مخفف بالماي .. أو الجاهز اللي من الصيدلية (أنا أعطي ولدي بين الوجبات)
التمر أنا أعطيه اياه يمصصه
والسيريلاك مفيد تعطينه اياه .. أنا أعطيه ولدي في الفطور
اللي أسمعه المفروض 3 وجبات
أنا أعطي ولدي 3 وجبات أساسية وبين الوجبات مثلاً بسكوت - تمر - أو أي شي خفيف

Snow Angel
27-02-2012, 03:20 PM
مامات بسألكم بالنسبة للسيريلاك متى غيرتوا النكهة؟

من أول مابديت الأكل مع ولدي عطيته بالأرز لمدة شهرين تقريباً وقبل فترة شريت له بالقمح وخلصت العلبة والحين شريت له بالقمح والعسل مادري عادي أعطيه اياه أو كل نكهة أظل عليها فترة (شهر مثلاً) ؟؟

وأشوف مكتوب في العلبة المرحلة 1 - المرحلة 2 .. شو الفرق ومتى اغير للمرحلة 2 ؟؟
>> مع ان اثنينهم من عمر 6 شهور

ام ميرزا جواد
27-02-2012, 05:51 PM
نفس الحال خيه كانت بنتي دبدووووووووووبه لمن كانت صغيره تجنن مره وتاكل عدل
والحين لوتشوفيها غيييييييييير صارت ضعيييييييييييفه مرره ولاتاكل اصلا حتى على الوجبه تحجج مررررره
وتاكل شي طول اليوم حتى وجبات الروضه ترجع بهم نفسهم ماتلمسهم تعبت منها حتى
واخوها كان بعد ياكل عدل مره ومستانسه به الحين دي ثلاث اسابيع انسدت شهيته عن الاكل صار زيها مايااااااااااكل اصلا
اتوقع ان الجهالكبرو خلاص تقل شهيتهم

غروب الشمس
28-02-2012, 01:07 AM
سنو انجل
ان ولدي ماحب من السيرلااك الا القمح والتمر والقمح والفواكه جربت اللي بالعسل ماعجبني وحاااااالي واااجد
ومافي وقت معين يخلص واحد اشتري الثاني بنكهه غير
والمرحله الاولى اللي توهم ياكلو من السادس يعني والمرحله الثانيه بس يكبر شوي في السابع او الثامن يصير اثقل شوي لان مثلا" قمح وقطع تمر او قمح وقطع فواكه المرحله الاولى مو قطع يكون خفيف على اللي توهم ياكلو
احس هدرت وااجد بس ان شاْءالله وصلت المعلومه:p

جـــــــود
28-02-2012, 02:46 AM
تويتي
في البدايه كل نوع لوحده وبعدين ابدي اخلطي نوعين او ثلاثه مع بعض

عدد الوجبات
يعتمد على الطفل اعطيه وجبه وحده في البدايه وبعدين جربي اعطيه ثنتين على اوقات متباعده اذا حسيته اكلها اوكيه واذا لا ظلي على وجبه وجربي بعد فتره وجبتين

السريلاك والعصيرات الجاهزه مو ضروري اني ما استخدمتها الى ولدي اعتمدت على اكل البيت

والعصيرات لا تجربي اله اي نوع قبل لا تجربي الفواكه اله علشان تتأكدي انه ما يتحسس منها والتمر مفيد في اي وقت خليه يمص التمر الين يذوب

تويتي
28-02-2012, 09:41 PM
سنو انجل وام جود ألف شكر يالغاليات
مره استفدت منكم
يعطيكم ألف عافيه

MaryoOma
01-03-2012, 07:00 PM
بنات ، صبايا ، فتايا ، امهات :d

وش السواة مع بنوتي ؟ ماتشرب ماي ابدااا حاولت بكل الطريق بس ماااتبلعه اصلا :(

عندكم حل؟ واصلا هو ضروري تشربه؟

:)

jood
02-03-2012, 01:01 AM
امهااات .. بنتي في الرابع و بديت أاكلها سريلاك لعمر 4شهور و ابغى اعطيها اكل من البيت .. ويش ممكن اعطيها ؟

جـــــــود
02-03-2012, 01:24 AM
مريومه
اني ولدي ما كان يرضى يشرب الماي ابد وبس معتمد على الحليب
ولما فطمته وصرت اعطيه بس حليب مرتين في اليوم وامنع عنه العصيرات غصبا: عنه صار يشرب الماي لما يعطش
واكيد الماي ضروري خصوصا" بعد سته شهور

سميتي بالأنجليزي *_^
ولدي في عمرها بديت معاه بالخضار

ماء الكوثر
04-03-2012, 08:27 AM
مامــــــــات
ولدي دخل الخامس ومن يومين شريت له سيريلاك قمح وبسكوت الأطفال
هو من قبل كان يرجع من بعد كل رضعة يرجعها كلهاااا واخدت له حليب ضد الترجيع صار اخف الحمد لله
بس الترجيع يكون كمية قليلة
وبديت أكله من يومين بعد مايخلص أكل اشربه ماي واجشيه شوية ما اشوفه الا رجع كل شي
زهقت من الترجيييييييييع رحت معاه المستشفى الدكتورة قالت ليي اذا بديتي تأكليه بيخف بس ماحسه خف
قبل يومين طلعنا وربي سبح عباتي من الترجيع اتفشلت قدام العالم
اللي ولدها مثل ولدي خف الترجيع بعد ما أكلته لو لا أعطوني أمل
وعادي أعطيه بهالعمر بروكلي او لا

MaryoOma
04-03-2012, 10:27 AM
عادي خيتو بنتي كانت كذا اني اكلتها من الرابع بس عشان يخف ترجيعها بس مافاد

ماهونت عن الترجيع الا لما كملت 9 شهور يمكن ..

البروكلي لا ما ينفع لانه يسبب للطفل غازات .. وماينهضم بسرعه .. اصبري لين يكمل 8 شهور عالأقل

ماء الكوثر
04-03-2012, 04:50 PM
مريومة مشكورة غناتي
وزين قلتي لي عن البروكلي يسبب غازات لان شفت بمنتدى تاني وصفات للبروكلي لهالعمر زين ماتهورت لان رجعت له الغازات

حلا التوت
04-03-2012, 08:46 PM
مامات عادي اعطي بنتي مكرونه فيه شوية جبن المكرونه نوعه لسان العصفور
عمرها 8 شهور ونصف

آنجل
05-03-2012, 12:05 AM
ماء الكوثر
انا بنوتتي من قامت تاكل خف الترجيع وااااجد عن قبل
كانت مثل ولدك كل طلعه اغير لها 3 او 4 مرات بس الحين الحمد لله صار مره قليل
جربي تاكليه بطاطس او كوسا مهروس بدل السيريلاك

ماء الكوثر
05-03-2012, 01:39 AM
ماء الكوثر
انا بنوتتي من قامت تاكل خف الترجيع وااااجد عن قبل
كانت مثل ولدك كل طلعه اغير لها 3 او 4 مرات بس الحين الحمد لله صار مره قليل
جربي تاكليه بطاطس او كوسا مهروس بدل السيريلاك


اني قلت كذا لو يمكن اجرب له بطاطا او كوسا يمكن يمسك ببطنه ويخف الترجيع ان شاء الله مشكورة غناتي

جـــــــود
05-03-2012, 02:29 AM
ماء الكوثر

ان شاء الله يخف الترجيع
ولدي كان يرجع الحليب بشكل مو طبيعي وبعدين صار يرجع الأكل وحالتنا حاله بس ما وقف الا لما كمل تسعه شهور ونص

حلا التوت بالصلاة على النبي بنتش كبرت عادي تاكل من اكل السفره ومكرونه فيها جبن ولدي من السابع عطيته ومن كمل السابع اتحمق عليه صار ما ياكل غير الباستا

ماء الكوثر
05-03-2012, 06:03 PM
جود مشكورة غناتي والله يصبرني على الترجيع

عروس السكَر
05-03-2012, 08:23 PM
.
.

اللهم صل ِ على محمد وَ آل محمد
.
.


امهات الأطفال + 6 شهور خخخ
كيف تنظموا وجبات الطفل من بعد 6 شهور
طبعاً ولدي بدأت وياه بالخضار لحد الحين
وَ تقريباً باقي اسبوع وَ يكمل 6 شهور
وَابغى انظم وجباته وَ اقلل رضعاته .. علموني كَيف وش اسوي

مثلاً الظهر وجبة أيش ؟
العصر وجبة ايش ؟ المغرب ؟ الليل ؟

وَ شنو المفروض يأكل أكثرر
وَ شنو اللي يحتوي على حديد وَ كالسيوم اكثر
مع العلم انه للحين ماعنده حليب صناعي
فـ كيف اعوضه ؟

.
.


ليل
جوآن
جود
ذوآقة
وَ غيرهم من أمهات الأطفال + 6 شهور
ياليت تفيدوني بخبرتكَم :)

آنجل
06-03-2012, 01:47 AM
عروس السكر
انا بنتي كملت 7 شهور
وجباتها
الظهر سيريلاك
العصر او المغرب خضار مهروسه او شوربه
الليل فواكه
والدكتوره قالت لي خلاص ما اغير نظام الاكل واعتمد 3 وجبات كل يوم
واعطيها بسكويت بس مو من ضمن الوجبات

:) ان شاء الله باقي المامات يفيدونك

جـــــــود
06-03-2012, 03:08 AM
عروس السكر
من رايي تاخذي حليب صناعي مو لشرب بس تدخليه في الأكل لأنه مدعم بحديد وكالسيوم فزياده للقيمه الغذائيه للوجبه
كنت اسوي كذا ولدي كان يرضع بس طبيعي
بالنسبه للوجبات مثل ما قالت انجل
الفطور : سريلاك - حليب مع بسكوت اطفال - حليب وكورن فليكس مطحون

الغذاء: خليها الوجبه االثقيله عباره عن خضار وتقدري تضيفي مكرورنة الحروف اليها او رز لين مره

سناك بين الغذاء والعشاء وجبة تحليه : بسكوت - تمر - مهلبيه - تفاح مطبوخ مع شوفان ومهروس- عصير فواكه

العشاء : فواكه مع نوع شوربه

ولتنظيم الرضاعه للأمانه ما نفع معاي بس هو الأفضل تتركيه فتره بدون حليب على الأقل قبل الوجبه بساعتين علشان يجوع ويستبدل وقت الرضعه بوجبه ومع الوجبه اعطيه ماي وبعد الوجبه بساعتين اعطيه حليب

الذوق الرفيع
06-03-2012, 04:23 AM
عروس السكر


بنتي الصبح اول ماتجلس رسمي سيريلاك ماجربت شي غيره للحين


الظهر
رضعة صناعي او طبيعي غالبا طبيعي

العصر
بعد الرضعة ب3 ساعات تقريبا وجبة خضار او شوربة



المغرب
رضعة

الليل
لانها تنام متأخرة قريب الفجر
اعطيها روب او فواكه (كوكتيل ) وتوني هالفترة اعطيها خبز مع جبن او بريد

واذا جلست من نومها رضاعة طبيعي وبين الوجبات اذا زهقت وقامت تصيح اعطيها بسكوتة كيكة تمرة

بس بنتي الحين عمرها 8 شهور

galamor
06-03-2012, 10:59 AM
يعطيكم الف عافيه امهات

juwan
06-03-2012, 01:24 PM
عروس السكر ::

المامات ماقصروآ ..

هو المفروض كل ساعتين وجبه .. يعني مثلا الساعه 10 الصبح وجبة حليب - الساعه 12 وجبة أكل - الساعه 2 وجبة حليب - وهكذا ..

5 وجبات .. 3 وجبات رئيسية فطور - غذاء - عشاء
2 وجبات سناك خفيفه بسكوت - عصير

طبعا هالنظام يبدأ من عمر الـ 6 اشهر

فأنتي نسقي على حسب اهو متى يقعد من النوم و اذا عادي عنده يتحمل اكثر من ساعتين عادي مو لازم تعطيه اذا ماكان جوعان او عطشان ..

الماي طبعا اعطيه اياه مع الوجبات

ومثل ماقالت جود الحليب الصناعي ضروري تاخذيه عشان تدخليه في الاكل .. اصلا بعض الطبخات مثل المهلبية وكذا مايستووآ الا بالحليب :)


الوجبات بشكل عام نوعي اله مو كل يوم نفس الشي

وجبة الفطور :
سيريلاك - تفاح او كمثرى مهروس مع شوفان او رز - بسكويت مذوب في الحليب - او قطع توست بريد مذوب في الحليب

الغذاء :
خضار مهروسة وتقدري تحطي معاها رز او شوفان - شوربة - رز مهروس

العشاء :
فواكه - شوربة مع معكرونه الحروف - مهلبية - زبادي لوحده او تقدري تسوي اله زبادي مع فواكه مثل الموز بس اعطيه اياه علطول عشان لا يسود .. مرآ بيعجبه

الوجبات الخفيفه :
.. تقدري تعطيه بسكوت - تمر - عصير ..
و ترى لسآ صغير ولدش الخيارات محدوده.. بس يكبر شوي بتقدري تعطيه اجبان و بتلاقي له طبخات اكثر

:)

عروس السكَر
06-03-2012, 04:15 PM
.
.


آنجل
جود
ذوآقة
جوآن


يعطيكَم ربي الف عافيه ..
سويت جدول بناء على خبرتكَم ..

الفطور الساعه 10 : سيريلاك .. أو حليب مع بسكوت أطفال .. أو كورن فليكس مطحون

الظهر الساعه 2 : خضار / رز لين / معكرونه لينه

رضاعه بين الوجبتين وَ قبل بساعتين من الوجبه الثانيه

العصر الساعه 5 : وجبة تحليه .. بسكوت اطفال / تمر مهلبيه / تفاح مطبوخ / عصير فواكه

الليل الساعه 8 : فواكه ، شوربه / موز مهروس / مهلبيه

اخر الليل رضاعه .. وَ الفجر رضاعه ..


.
.

بالنسبة لنوعية الحليب الصناعي اخذ اي نوعيه ؟
وَ التمر كيف اعطيه وياه ؟
وَ الخضار اذا بخلط نوعين ويه بعض ..
مثلاً جزر مع كوسا عادي ؟ او اضيف وياهم شي او اسويهم شوربه ؟

juwan
06-03-2012, 05:13 PM
بالنسبة لنوعية الحليب الصناعي اخذ اي نوعيه ؟


انتين ماجربتي له حليب صناعي من قبل أبدا؟؟
اذا جربتي اخذي نفس النوعيه اذا كانت مناسبتنه
ولا تنسي تآخذي المرحلة الثانية من عمر 6 اشهر لـ سنة

وَ التمر كيف اعطيه وياه ؟

عادي قشريه و عطيه قطع صغيره ..


وَ الخضار اذا بخلط نوعين ويه بعض ..
مثلاً جزر مع كوسا عادي ؟ او اضيف وياهم شي او اسويهم شوربه ؟

اي غناتي اخلطي لـ متى بعد ههههه ..
تقدري تضيفي معاهم رز .. او سويهم شوربة وضيفي شوفان

سراب نور
07-03-2012, 12:44 AM
مامــــــــات
ولدي دخل الخامس ومن يومين شريت له سيريلاك قمح وبسكوت الأطفال
هو من قبل كان يرجع من بعد كل رضعة يرجعها كلهاااا واخدت له حليب ضد الترجيع صار اخف الحمد لله
بس الترجيع يكون كمية قليلة
وبديت أكله من يومين بعد مايخلص أكل اشربه ماي واجشيه شوية ما اشوفه الا رجع كل شي
زهقت من الترجيييييييييع رحت معاه المستشفى الدكتورة قالت ليي اذا بديتي تأكليه بيخف بس ماحسه خف
قبل يومين طلعنا وربي سبح عباتي من الترجيع اتفشلت قدام العالم
اللي ولدها مثل ولدي خف الترجيع بعد ما أكلته لو لا أعطوني أمل
وعادي أعطيه بهالعمر بروكلي او لا

ولدي عمره سنة ونص وزي حالة ولدش كلللللللل ترجيع تعبت منه

الحين اذا رجع صرت اعصب ماتحمل لأن يعفس ليي المكان

صرت ما امشي الا بالاكياس هههههههههه

ورى مخدتي اكياس وفي الشنطة اكياس

طبعا من كمل 6 شهور صار يرجع وللحين على حاله

ناويه اوديه لدكتور خلاص تعبت منه

توت
07-03-2012, 05:27 AM
السلام عليكم ياامهات

عندي سؤال للخبيرات ..,.

بتي بكرا بتكمل اربعه شهور وملاحظه عليها من اسبوع ماتشرب حليب عدل واحسها كل جوعانه .. وبالغصب تشربه زي اللي مو متقبلته ..وعايفته

وبالليل ماتنام زي الاول متواصل تقعد كل شووي ...

ناس واجد قالولي اكليها اوكي اني اقتنعت انها تاكل بس مو عارفه وش اكلها ووش ابتدي وياها ..

اقتراحاتكم وش اكلها ..؟؟

لحناني روايــــــــه
07-03-2012, 05:54 AM
نفس الحاله ياليت احد يفيدنااا
بنتي تاريخ 16 تدخل الخامس
مشكوره على الموضوع

حمراء الخدود
07-03-2012, 06:42 AM
من كم يوم سمعت اخصائية تغديه حق الطفال تقول ابدي معهم اول شي بالخضار قبل الفواكه ع شان ماتتعود على الطعام الحالي وتعيف الخضار ابدي معها بالكوسه الجزر البطاطس والبوبر سويهم مسلوقين

جـــــــود
07-03-2012, 07:01 AM
سراب النور

خيتو كل المستشفيات عموما" يقول الترجيع ما فيه مشكله اذا كان يزيد الوزن لعمر السنه بس

بس اذا اتعدى الطفل السنه وما زال يرجع على طول يسوو اله اشعه وفحوصات

وماعليه شر البطل ان شاء الله ما قدامه الا العافيه

شووق
07-03-2012, 07:11 AM
اني اليوم بنتي كملت ثلاثه شهور الله يحفظها ببتدي اعطيها اكل مثل ماقالت حمراء الخدود بطاطس مسلوقه مع جزر او لحاله شبيعه او البعض يقولها مغذي شوي يعني ملعقه ملعقتين الي ما تتعود معدتها.

بس مايمنع ان الاخوات يزيدوا الينا من خبرتهم

حمراء الخدود
07-03-2012, 07:22 AM
خواتي الحين جاي وقت الجح والبظيخ تقدرو تعطوهم يرويهم في هالحر وفي نفس الوقت يشبعهم

توت
07-03-2012, 08:23 AM
إسمعت البطاطس يسبب امساك ليهم وثقيل ع معدتهم

juwan
07-03-2012, 11:04 AM
البطاطس ثقيل شوي المفروض تبدأو بالكوسآ
البطاطس تقدروآ تخلطوه مع شوية عصير برتقال عشان لا يسبب ليهم امساك

سراب نور
08-03-2012, 12:36 AM
جود..

الشر مايجيش غناتي


ان شاء الله ناويه هالاسبوع اعرضه على دكتور

تنصحوني بمين؟
اشوف يمدحوا دكتور الزهراء قلت بجربه

اني عرضته قبل على دكتور الامتياز وعطاني دواء وماستخدمته لأن كان ذيك الفترة كل مريض وياخذ ادويه واجد

غيم
08-03-2012, 01:01 AM
سراب ونور
عذرا الموضوع الى استفسارات الامهات الى اكل اولادهم مو حق استفسارات عن المستشفيات

الفراشة الحمراء
08-03-2012, 01:40 AM
اني اليوم بنتي كملت ثلاثه شهور الله يحفظها ببتدي اعطيها اكل مثل ماقالت حمراء الخدود بطاطس مسلوقه مع جزر او لحاله شبيعه او البعض يقولها مغذي شوي يعني ملعقه ملعقتين الي ما تتعود معدتها.

بس مايمنع ان الاخوات يزيدوا الينا من خبرتهم

هلا غناتي

احس بدري عليها من الحين لو تتنظري بعد شهر احسن :)

سراب نور
08-03-2012, 11:28 AM
آسفين غيرنا مسار موضوعكم!

سلوة المهدي
09-03-2012, 02:48 AM
شوق..
غناتي بدري عليها خليها الين تكمل الرابع واكليها
الحين اعطيها منقوع التمر

اني اكلت بنتي من كملت الرابع
والحين بتدخل السادس وماغيرت الاكل
بلفيت بلس ارز+ذره
والمغدي على الموز او موز وكمثرئ او الفواكه
وبسكويت فارليز موز او قمح

وادا كملت السادس او اسبوعين منه ببدي بالخضار

Snow Angel
09-03-2012, 04:51 PM
- مامات بطاطس المهروس أقدر أسوي لولدي كمية وأخليه في الثلاجة أو يتغير ؟
- الماي أنا أعطي ولدي بعد كل وجبة كفاية أو أعطيه أكثر (بين الوجبات) ؟

ملكت عيوني
12-03-2012, 01:01 AM
هلا اخبااااركم

اتمنى تردو علي هالمرة

صفار البيض يناسب نعطي الطفل متى اي شهر
وبالنسبه للدجاج ولحم متى

غموض انسان
12-03-2012, 09:42 PM
اني الدجاج عطيت ولدي من السابع
واللحوم من الثامن

و الصفار اتوقع عادي من السابع بس للحين ماعطيته

سكر بنات
14-03-2012, 03:11 AM
مرحباااااااااااا

متى اقدر ابدا في اطعام طفلتي انامفكرة ابدا معاها نهاية الشهر الثالث

ايش رايكم؟؟؟

وبايش ابدا معاها ؟

ابغى نصائحكم وتجاربكم عشان الكل يستفيد


سلام

الفراشة الحمراء
14-03-2012, 03:40 AM
مرحباااااااااااا



متى اقدر ابدا في اطعام طفلتي انامفكرة ابدا معاها نهاية الشهر الثالث


ايش رايكم؟؟؟


وبايش ابدا معاها ؟


ابغى نصائحكم وتجاربكم عشان الكل يستفيد




سلام




هلا حبابه نهاية الشهر الثالث احس بدررري

اني اكلت ولدي نهاية الرابع مدري نص الخامس

اول شي تسلقي ليها خضار

كوسا بطاطس جزر قرع

اني على طول اكلتهم ولدي مخلوطين

اذا حابه تجربي جربي كل 3 ايام نوع واحد عشان تشوفيها تتحسس لو لا

اذا تتحسس من نوعيه معينه ابتعدي عنها

لما يصير عمرها سته شهور اخدي لها سيريلاك

وفيه نوعية ميلوبا من اربعه شهور اخدت لولدي

طبعا اول شي اخدي على نكهة الارز

بعدين بعد شهر كذا تقريبا اكليها فاكهه

موفقه

سكر بنات
14-03-2012, 04:05 AM
ثانكيو الفراشة الحمراء مستعجلة على بنتي ابغى بسرعة اكلها حبيت اسالكم عن الماي ما احب اعطيها دائما لاني اشوفها تشرق منه وتعاني وانا اعطيها اياه هل هالشئ ياثر عليها بعدين??!!!