المساعد الشخصي الرقمي

مشاهدة النسخة كاملة : والحل مع ارتفاع درجة الحرارة سااااعدوني



أم جوليا
12-01-2012, 04:12 AM
السلاماخباركم جميع
طبعا الموضوع مثل ماهو واضح بالعنوان
عندي بنوته ربي يحفظها لي من كل شرر
عمرها سنتين وشهرين
من يوم السبت ارتفعت حرارتها وصلت40.و شوي وديتها المستشفى وحطوا لها تحميله وشربوها فيفادول وكمادات نزلت شوي الحراره كتبت لنا الدكتورة وصفه واخدنا الادويه ورجعنا البيت،،،
الى هنا كل شي تمام
رجعت ارتفعت الحراره ونفس الشي اربعين ونص تقريبا وقمت عملت لها كمادات وسبحتها بماي فاتر الين نزلت ونفس الشي اليوم اللي بعده وقمت رحت بها مستشفى ثاني وغيروا لي الادويه
لكن الى هاللحظه ماتغيرت
طول النهار يومها طبيعي من يجي آخر الليل ترتفع الحراره توصل 40 ومادري ويش الحل اعطيها مضاد،، وخافض حراره،، وتحاميل،، وصرت احط لها فكس بس تنزل ترجع طبيعي طول النهار ومن تنام ترجع ترتفع في الليل
ياريت اللي عندها خبررره كيف ممكن اخفض حرارتها بشي غير الفكس او اعطوني طريقه مجربه للفكس اني احطه بصدرها وظهرها ورقبتها وراحة رجولها بس مافي اي تغيير كملت خمسه ايام وهي على هالحال والأدويه اليوم اخر يوم استخدمهم حسب ارشاد الطبيب طبعاً

أم علاوي و حمودي
12-01-2012, 04:30 AM
الله يساعدش اختي
اني اولادي اثنينهم نفس الحاله
شكله فايروس قوووووي و منتشر

الكبير عمره اربع سنين و الصغير سنتين و 9شهور

ولدي الكبير وديته المواساة و عطاه مضاد و بخار و دواء للكحه
و عطاه تحاميل فيفادول و تحاميل فولتارين كل اربع ساعات احط وحده
مره هذي و مره هذي مدة 3 ايام

و الحمدلله صار زين بفضل من الله

و ولدي الصغير لما بدت وياه الحراره 38 وديناه عنك ويش اقول خيه حتى حراره ماكشفوا عليه تقولي الدكتور حافظ الأدوية اللي بيكتبها للكل و الجميع
المهم عطانا مضاد و فيفادول و الله كحته قوية ما كلف على خاطره يكتب لها شي
المهم مرت 24 ساعه و اني كل ربع ساعه اقيس حرارته و احط له تحاميل و اسبحه و اشربه فيفادول
و الحراره ربع ساعه تنزل و ترد تطير 38 او 39
و بعدين وديته عندنا جمعية ام الحمام و على طول ركبوا له مغذي و حطوا له ابرة مضاد مع المغذي و مباشرة نزلت حرارته
و قالوا لي ارمي ادويتهم و كتبوا له مضاد و خافض حراره و دواء للكحة
و الحمدلله الحمدلله من نزلتما ارتفعت و هذاني معاه على المضاد

المهم الزبدة لا تسكتي عنها وديها مستشفى ثاني لأن الحرارة خطيرة على الأطفال
و ماتشوف شر ان شاء الله

نسمه
12-01-2012, 05:04 AM
ماتشوفو شر

بس فعلا هالايام الاجواء متعبه كل العالم مريضه

انا شخصيا من امرض اقرئ دعاء النور للحمى على طول اصير تمام

الذوق الرفيع
12-01-2012, 06:19 AM
ماتشووف شر بناتي قبل فترة نفس الشي تعبوا مرة على قلبي اسبوع كامل حرارتهم مرتفعة بس هو فايروس قوي منتشر هذي السنة والحين كلما بين فترة نفس الشي يرفعوا حرارة واوديهم المواساة الحمدلله يبروا على علاجهم وكانت حرارتهم ماتنخفض الا بالتحاميل ...
الله يشفيها ويشفي بناتي متسخنين

مونيا
12-01-2012, 06:45 AM
ولدي اللعام صابه هالفيروس لمدة 7 ايام وتنوم في مستفى الجش
وما استفاد شي كل يوم مغذيات وتحاميل وادويه النهار يخف ومن يجي الليل الحراره مولعه 40
بعدها طلعنا ورحت الزهراء لدكتور نبيه صراحه ولدي ماخف الا على ايده م بعد الله سبحانه وتعالى
تحسيه دكتور فاهم لشعله تمام
اخذو عليه تحاليل وقالي كريات الدم البيضاء زايده عن حدها الطبيعي بمرتين يعني المفروض تكون
10الاف وولدي زادت ل 30 الف فمو قادره تقوم بعملها
وتنوم ولدي يوم عندهم وماطلعنا الا ولدي بخير وصحه وعافيه
فأتوق الا في بتش زي ولدي يمكن التهاب في حلقها او اذونها او كريات الدم البيضا مرتفعه

سميتك حبيبي
12-01-2012, 06:47 AM
هلا خيتو ..
ماتشوف شر الصغيره..
عذرا منش ..بس اني بعد ولدي تعبانه وياه من الحراره
اني صار له شهر وشوي الحراره تروح وتجي مو راضيه تخف ابد:( شوي بصيح وياه
مو عارفه ويش اسوي تقعد وياه كم يوم وترد ترجع ..
اني مو في البلد عشان اقول فايروس ..
هني صحيح برد قوي بس اني ماطلع وياه مكان مفتوح ولااطلع واجد وملبس عدل
رحت كذا مستشفى مو واحد ولا في فايده ..
ياليت احد يساعدني :confused:

daniah
12-01-2012, 10:30 AM
ولدي مرض وارتفعت حرارته وعطيته المضاد والادويه اللي وصفهم له الدكتور ولاخف ولاخفت حرارته
وديته لااستشاري ووصف له ادويه ثانيه والحمدلله صار زين
وديها لدكتور ثاني يمكن الادويه اللي وصفها لها ماناسبتها والفايروس كان اقوى من الدوا عشان كذا مااستفادت

عروسه البحر
12-01-2012, 11:50 AM
الله يمن عليها بالصحه والعافيه خيه

سـَمـَر ْ
13-01-2012, 01:37 AM
غناتي اولا استخدمي التحاميل كخافض للحرارة اسرع من الشراب واقوى

ثانيا لاتثقلي عليها في الملابس اتركي الملابس الداخلية فقط الشبك الداخلي ادري بتبرد بس بتنزل الحرارة

ثالثا من تولع حرارتها 40 على طول سبحيها وبماي مو حار واجد

رابعا في لصقات تسحب الحرارة سمعت عنهم من دكتورة وفادوا معانا من صيدلية سر الشفاء في المجيدية

يقولوا غالية بس مايغلى على الضنا شي..

وماتشوفي شر ان شاء الله لاتنسيني من صالح دعائش

أم جوليا
13-01-2012, 02:43 AM
ا علاوي وحمودي،،يالله الله يعطيهم الصحة والعافيه بس بصراحه اني جربت ان كثر التحاميل تسبب اسهال لبنتي
نسمه،،،اني ماجربت دعاء النووور بس اقرأ عليها الفاتحه سبع مرات والحمدلله القرآن والأدعيه والتوسل بأهل البيت ماعليهم،،، بس الحراره مو راضيه تفارقنا
الذوق الرفيع،،، فعلا هو واضح انه فايروس لأن المستشفيات زحمه الله يكفينا الشررر
مونيا،،، الله يعين هي مو بس حراره والكحه ذابحتنها مسكينه وفعلا هي عندها التهاب في حلقها بس مو شديد،،،والمشكله انها طوول النهار تكون احسن بواجد بس من الساعه ثنتين الفجر تبدأ الحاله،،،

أم جوليا
13-01-2012, 02:48 AM
سميتك حبيبي،،،، يارب بحق صاحب الأربعين ومصيبته وغربته تتشافى بنوتتي وولدش،،،بس خيتووو شهررر واجد الله يعينش اني اسبوع وحتى الصياح اصيح عليها اذا ارتفعت حرارتها اخاف تروووح مني. الله لايقولها ان شاءالله
دانيه،، اني رحت معاها لدكتورين مختلفين وغيروا الادويه واليوم آخر يوم اعطيها الدواء ويارب ماتحتاج اروح معاها مررره ثالثه
عروسة البحر الله يسمع منش خيتووو ويبعد عن ايوووته كل مكروووه يارب

أم جوليا
13-01-2012, 02:52 AM
هلا سمورر،، اني مو مثيله ملابسها البسها دشداشة وبدون شبك داخلي عشان لاترتفع بس مافي فايده وادهنها بالفكس والبسها شراااب في رجولهاوالتحاميل احطهم اذا مررره مررره عند اللزوم بعني كل ليلة وحدة لانهم يسببوا ليها اسهااااال
بغيت اسألش عن اللصقات كيف طريقه استخدامهم ووين احطهم؟؟؟
سميتك حبيبي اتمنى تستفيدي من الردود
آخر اخبار بنوتتي الغاليه
اليوم ماجلست من النوم الا وسخ في عيونها وفيها نقط حمراء في بياض العين؟؟؟؟
مادري ويش هذا بعد والله تعبانه حامل وهي من شيء الى شيء الله يكفيها الشر والبلا
ااتنسونا من الدعاء

ملكت عيوني
13-01-2012, 03:12 AM
ماتشوف شر البنوته عندش وعدنا خير

الله يشافي الجميع

براءة أنثى
13-01-2012, 04:00 AM
ضروري توديها المستشفى يخفضوا حرارتها
مو زين تظل الحراره مرتفعه
اني الاسبوع الماضي ولدي نفس الشي حرارته كل مرتفعه لما وديناه المستشفى صاروا يعطونه ابره لمدة ثلاث ايام
ومن اول يوم حسيت حرارته أخف من قبل

أخر العنقود
13-01-2012, 08:05 AM
خيه من ترتفع حرارتها عاطوال تحميله أقوى من الدواء وبعدين عاطوال سبيحها بماء دافي وبعد ماتسبيحها نشفيها وحطي لها كمادات على الرأس وتحت الأبط ... وخيه مدام ترتفع حرارتها عاطوال مستمر أحتمال فيها ألتهابات قويه أو شي في ألاذواان أو الحلج شوفي مستشفى ثاني يمكن يعرف حالتها ... الله يعينك بصراحه تعب أني عانيت مع ولدي كذا تقريبا سنه الحراره ماكانت تفارقه عاطوال معه ورحنا كذا مستشفى والا عارفين له يعطونا باهادويه ومضادات وبعدين رحنا المانع وعاطوال الدكتور عرف حالته كان عنده ماااي في الأذن وااجد أهي اللي تسبب الحراره والحمد الله من تعالج بصلاه عن النبي ماجات له حراره الحمد الله .....
الله يشفيها ويعافيها ياررب وأنتبهي لها فتره وتعدي حاسه فيك الله يعينك :)*

بيداء
13-01-2012, 09:47 AM
نفس حالة ولدي للحراره كله مرتفعه وتوصل لل40 وادويه وخافت حراره وتحامل تنزل شوي وترد ترجع مره ثانيه اسبوع كامل وليه مافي تحسن ... يارب تفرج عن كل مريض ..

senes of Mohammed
13-01-2012, 12:09 PM
جـآيه ابـغى حلول

ولدي نفس الحــآله

تحـأميل كمادات فيفدول كل 4 ساعات ولا في فايده :(


ومن امس عطوه المستشفى ابره

واليوم له ابره بعد

واحس صار زين بس بعد فتره من الابره وبعدين رجع



الله يشآفيهم كلهم بحق اربيعينيه الاماام الحسسين :(

M!ss sweet
13-01-2012, 08:56 PM
مايشوفو شر إن شاء الله

سميتك حبيبي
14-01-2012, 12:55 AM
هلا ام جوليا..
والله اني اصيح عليه ماليي خلق شئ ابد ..وكل يوم ناطه المستشفى ليهم..:(
وكلمت الدكتور عن التحاميل بس يقول قوتهم نفس الدواء وهني مافي زي القطيف يعطوش ادويه غير خافض الحراره مافيه ..
بس تكلمت وياه لو ظلت وياه كم يوم عادي يقول عادي ماتاثر على مخه ..<<على كلام الدكتور
وان الجو الحين له دور في المرض وخصوصا هو في الحضانه مع الاطفال ينعدي وهو عمره اقل من سنتين ..الي اقل يمرضوا اكثر..
بس اظل الام تخاف على ولدها لو ويش :(
الله يشافيهم بحق محمد وال بيته
والله يحفظهم لينا يارب

سـَمـَر ْ
14-01-2012, 01:10 AM
هلا خيه الصقات تنحط في اماكن الحرارة الزايدة يعني الجبهة هذا اللي اعرفه روحي الصيدلية واسالي عنها

روح الاحساء
14-01-2012, 01:41 AM
نفس اللي صار مع بنتي بضبظ وآخر شي عملو ليها تحليل دم في مستشفى عنك قالو لي جرثومة في الدم وهالجرثومة تاخذ ليها عشرة ايام على ما اتروح يعني ظلت عشرة ايام وحرارتها طاااخه الاربعين ونص رجعت للدكتورة اللي الاولية اللي رحت ليها بالبداية رويتها روقة التحليل وقامت غيرت ليها المضاد وصارت تاخذ مضاد بالوريد وطبعا صرت انظم ليها التحاميل كل اربع ساعات اغير نوع التحاميل طبعا هو المفروض تترقد في المستشفى بس بما انها صار ليها اكثر من خمس ايام امصخنه فصارت تاخذ ابر في الوريد ووالله ما اصرت زينه الا لما كملت عشرة ايام والله صياااح عليها وخفت مرره وقلت اكيد بنتي بتموت ,, الله يعينش خيه حاااسه فيش والله عجزت كيف انزل الحرارة ولمصيبه لما اروح المستشفى يقولون لي حطي كمادات او حميميها وتنزل وفي النهاية اترد ترجع الحرارة وانرد انروح المستشفى اوووه لا شفنا نووم ولا راحه في ديك الايام
الله يكون في عونش وما اتشوف بنتش شر غناتي الله يشافيها يارب

بسكويتة حلوة
14-01-2012, 02:30 AM
شاويش صايرحتى بنتي اسبوعين الحين
ولاهي راضيه تخف زي ماقلت من يحي الليل
تزيدواني محتاره لادوى ولاشي فايد

أم جوليا
14-01-2012, 02:45 AM
ملكت عيوني الله يسمع منش والله يشفيها ويشفي كل من هو مريض

يارب بحق هالليله
براءة انثى فعلا اني بعداحس لو عطوها ابر افضل من الشراب والتحاميل بس ويش اسوي لو كانت تحتاج كان عطوووها
آخر العنقود الحمدلله على سلامة الصغير
بس اذا وديتها يكشفوا هلى اذونها مافيها شي حتى التهاب
بيداء نفس حالتنا يعني مالينا غير الدعاء بحق هالليله وصاحبها وبحق الرضيع الله يفرج عن بنتي وعن اولادكم وعن كل من هو مريض يااارب

أم جوليا
14-01-2012, 02:51 AM
Senes of mohammadنفس الحاله بس اني الى الحين ماعطووو بنتي ابر الله يسمع منش وبحق هالليله مايجلسوا الصباح الا المرض راااح وولى
مس سويت ياااارب الله يسمع منش
سممممر مشكورة غناتي يبغى لي اسأل الصيدلي عنها

أم جوليا
14-01-2012, 03:00 AM
سميتك حبيبي،،،حاسه فيش ياخيه بس دام طمنش الدكتور الحمدلله ويارب تبشرينا عن سلامته الله يبلغش فيه معرس يارب،،،روح الاحساء تصدقي ولا مررره اخذو عليها تحاليل من عمرها سنه ونص آخر مررره
الحمدلله يوم انش عرفتي اللي فيها
بسكويته حلوووه الله يشافي ولدش بحق هالليله
زين جربي حطي له فكس في رجوله ولبسيه دلاغ اذا نام
اني بعد ترتفع بس في الليل عشان كذا صرت انومها بملابس خفيفه مررره ولا اغطيها بثقيل واشوفها البارحه ارتفعت خفيف ماوصلت 40
والليله بعدنا ياغناتي الى الحين
وان شاءالله ماترتفع بعد
آخر دعائي من القلب ربي يشافي كل مريض بحق عليل كربلاء لاسيما ابنتي و ابن وبنت كل من ردت وشاركت في هالموضوع
يارب اقسم عليك برأس الإمام الحسين تشافيها وتشافي كل ذفل وكل مريض ب
وبحق رضيع الحسين يارررب العالمين

حساسه
14-01-2012, 03:06 AM
السلام عليكم

مرحبا عروسات من زمان عنكم بحكم ماعندي لاب تب بس صرت اقرا مواضيعكم في الجوال
والحين قاعده اكتب موضوعي في الايفون للاهميه

بنات انا عندي بنت عمرها 3 سنين ويمكن بعض البنات شافو موضوع انجابي لها وترتيبي لتجهيزها
المهم مثل ماتعرفون تغير الجو وكل الاطفال جاتهم حمى وبنتي تعبت علي يومين وديتها للمستشفى ولقيت اطفال الله لايحطنا في مواقف امهاتهم صار معهم تشنج اكثر من طفل طبعاً انا في الطواري

دخلت على الدكتور وقالي بكلمه واضحه اذا جات بنتك حمى لا تسبحينها الا بستشاره طبيب لان بعض الاحيان تجيها حمى داخليه تسبب تشنج المهم عطاني ادويه منها تحاميل والكل يعرف التحاميل قويه رحت للبيت بنتي مانزلت حرارتها شرطه وانا نفسيي تعبت حتى ماتاكل المهم قالت ام زوجي




حطي لها :
فنجال زيت زيتون دافي وملعقه صغيره زنجبيل مطحون وملعقه صغيره عود عويدي مطحون الي هو المسمار
ومسحي جسمها اهم شي ظهرها وبطنها
وفنجال ثاني ملعقه صغيره فكس وشوي مسمار ودهني رجلها من تحت ولبسيها شرابات


شفتو الانسان الي فاقد الامل ويبي اي نصيحه انا كنت كذا
بالفعل سويتها لبنتي ولبستها بجامه ونومتها مانومتهت هي نايمه صار لها 3 ايام يوم قامت بنات كانها كانت تكذب علي ما شاء الله مافيها شي

الحين نصيحتي لكم اذا عندكم اطفال تعبانين لا تخلون الطريقه

والله داخله من الايفون بس علشان افديكم اطلبو لي بالذريه الصالحه والله يهدي كل ما احب ولكم مثلها ان شاء الله
واعذروني بالاخطاء اذا حصل ..!!




أختي الكلام اللي فوق نقلته لش من منتدى عروس
صاحبة الموضوع هي نفسها
أنا عن نفسي ماجربته بس حبيت أفيدش به لو حبيتي تجربيه

حلوه يابلدي
14-01-2012, 04:12 PM
شوفي غناتي اني ماقريت كل لردود بس شفت كم خطأ سويتيه

عندي بنتين الله يحفظهم وعانيت وياهم والحين كبرو الله يحفظهم ويحفظ بنتوتش من كل شر


اولا ماتلبس الطفله شراب طوووووووول ماهي مسخنه يعني الشراب يحبس الحراره داخل الجسم وترتفع زياده
الفكس لاتحطيه اليها لان توها صغيره ومايصلح كثرته
لاتغطي شعرها بقبعه اببببدا الحراره تطلع من الرجول والراس
لاتثقلي عليها ملابس لبسيها شي اهمشي يكون الابط مفتوح ويتهوا ولاتعرضيها الى البروده
لما تسبحيها مايكون الماء بااااارد لالالا اكبر غلط لما يتسخن احد نروح نحط هالماء البارد ومعاه ثلج ونحط الطفل وتختلع السخونه زياده اكبر غلط

حطي ماء فاااتر من البلبله ونقعيها نص ساعه تكبي الماي من راسها الين تحت
وركزي على الابط والرقبه ضروري
لما تخلصي جففيها عددددددددل واهمشي راسها واذنها
لما بتنام ادهني جسمها بزيت الورد وغطيها بغطاء خفيف زي الشرشف واهمشي مايجيها هوا وتبرد
طبعا بتلاحظي البنت تعرررررررق لان زيت الورد يخلي الوحده تعرق

لاتأكليها اكل ثقيل
ولا تأكليها الاجبان
شربيها شوربة مرقة العيش الابيض
اكليها زبادي لان يبرد على المعده
شربيها عصير التفاح فقط
شربيها الدواء بعد ماتأكليها لاتعطيها وياه ابدا وبطنها فاضي خطييير

لاتستخدمي التحاميل بكثره لانها تسبب اسهال
لاتشربيها الفيفادول لان خفيف ويصلح الى عمر سنتين ونازل فقط واكيد لاحظتي مجرد تشربيها وياه تنزل الحراره وقتها ومرجد ينتهي المفعول ترجع ترتفع
فأنصحك
شربيها خافظ حراره مثل التمبرا او اي خافظ تكتبه الش الدكتوره
لما تكون حرارتها مرتفعه اعطيها الدواء كل 4 ساعات الشراب فقط
بعدين سويها كل 6 ساعات
كثرة المضادات وتغييرها يتعب الطفله وماتصلح
دوامي على مضاد تكتبه الدكتوره واهمشي انك ماتنسي ولا جرعه تمشي وياها بدقيقه لان لو نسيتي جرعه ماراح تستفيدي منه ولااشي ولا كانك سويتي شي ولاتزيدي ولا تنقصي الجرعه

أم جوليا
14-01-2012, 05:22 PM
حساسه مشكوووورة على نقل الموضوع في ميزان حسناتك ياااارب

حلوووه يابلدي
مسكووورة على النصائح وتعديل الأخطاء
اني قللوا لي حطي فكس وليسيها شراااب وقمت اسوي كذا
الماي ماسبحتها ابدا بماي وثلج اسبحها بماي فاتر شبه دافي
والتحاميل فعلا كثرتها تجيب لها اسهاااال
الفيفا دول هو اللي كتبه لي الدكتور بعدين يوم شاف مافي فايده كتب اها مضاد


اخر المستجدات اشوفهها البارحه كل ماتنام ترجع تجلس وتصاااارخ وحرارتها ماكانت قوووويبس يوم جليت اليوم شفت في لساااانها حب؟؟؟؟؟
هل هذا من الحراره وويش اسوووي؟؟؟
والله تعبت من المستشفيات
انتظر ابوها يجي من العمل وبوديها المستشفى

أم علاوي و حمودي
14-01-2012, 09:56 PM
الله يعينك نصيحتي وديها الى الولادة و الأطفال طوارئ بينوموها هناك
الله يشفيها ياااااااااااااارب

حلوه يابلدي
15-01-2012, 12:03 AM
اخر المستجدات اشوفهها البارحه كل ماتنام ترجع تجلس وتصاااارخ وحرارتها ماكانت قوووويبس يوم جليت اليوم شفت في لساااانها حب؟؟؟؟؟
هل هذا من الحراره وويش اسوووي؟؟؟
والله تعبت من المستشفيات
انتظر ابوها يجي من العمل وبوديها المستشفى



اي غناتي من اسخونه الحب معروفه

واداشفتي اي طفل فيه لسانه حب اعرفي انه بيمرض

لاتخافي فتره وتعدي
شوفي غناتي في كتاب مكتوب فيه ايات للشفاء والله معجزه ها الايات كنت اقراها على بنتي لما تمرض
بس مو ذاكره بضبط اي كتاب
لان بنتي اني عانيت وياها يوم هي صغيره محسوبه كانت الايام الي ماتمرض فيها
بس روحي خدي كتاب مكارم الاخلاق بتشوفي اكيد مكتوب ايات للشفاء فيه اقريهم ومسحي على راسها

صح حبيت اقولش شي ونسيت ماكتبته في ردي السابق
شببي بنتك 3 ايام بعد اذان المغرب وبعدين حطي مسمار داخل الشبه لما تخلصي والله تنفع
لان بنوتاتي اكثر مايمرضو من العين
وصرت اشببهم والحمد الله

أم جوليا
15-01-2012, 02:20 AM
ام حمووودي وعلاوووي ياختي اني ماودي اتنوم معاها تنومت معاها مررره وحده خلال هالسنتين عورت بفادي كل شوي تحميله كل شوي سحب دم المغدي عذبوها عداب لين شافواومكان للأبر تعبت نفسيتي مرررره من ديك التنويمه

حلوووة يابلدي
مشكووورة غناتي ماتقصري والله
اني رحت اشتريت ليها من الصيدليه جل اسمه دكتارين بس ماني عارفه احطه ليها اذا نامت وجيت بحط ليها توتعي وتقعد تصيييح
وعلى سالفة الشبه فعلاً امي قالت ليي بتشببها ثلاث ليالي بس اذا نزلت البلد لأن اني في الجبيل ساكنه
بس ويش سالفه المسمااار مسمار حديد ولا مسمار بهارات؟؟

حلوه يابلدي
15-01-2012, 09:24 PM
ماعرفه الجل غناتي يعني حق الجسم ؟ بس ادا تبغي تحطيه
حطيه اليها وهي نعسانه قبل لاتغمض عينها كانش تدلكيها

المسمار غناتي حديد اي مسمار عندش لما تخلصي من التشبيب حطيه في وسط الشبه وهي تغلي وبعدين حطيها في ماي وكبيها عند باب بيتكم
هادي طريقة الشبه الصحيحه اني بنوتاتي لما بيمرضو يمرضو جميع والكل قالي ان جايتنهم نظره ونصحتني مره ان لما اشببها احط المسمار بعدين علشان تطفي عين الحاسد
وقالت الي شببيها بسويده وحرمل ودهني جسمهم 3 ايام بزيت الورد
وسبحيهم بماء مقري عليه سورة يس وكبيه في زرع
هدا الدوا الي عطتني وياه ومعروف كل العلاج الي عطتني وياه عن الحسد والعين
اتمنى افدتش غناتي واي سؤال من عيوني
حاسه فيش لان مريت بنفس تجربتش وخفت عدددل

أم جوليا
15-01-2012, 09:40 PM
هلا خيهلا جل حق لسانها عشان الفطريات بس ماني عارفه احطه ليها وهي قاعده مافي امل واذا نامت بسرعه توتعي وتتخلع
ومشكووورة خيه ماقصرتي بالطريقه الصحيحه للشبه
اني امي تشبب بس لاتحط مسمار ولا تحطها في ماي تتركها في المبخر الى يوم ثاني ووترميها

حلوه يابلدي
16-01-2012, 12:25 AM
اها حق اللسانها
اي صحيح وهقه

اي امي بعد تخليها تقول تتبيت اشوي في المبخر تالي تطلعها بره البيت تحط ماي عفر علشان تقدر تقبعها من المبخر والله اعلم
اي صح وتاخدي في كفش اشوية ملح من لكبار قد الكف وتدوري على راسها وتصلي على محمد وال محمد 3 مرات وتكبيه في النار
والله حاله كل اشوي اتدكر نتفه ههههههههه


ماتشوف شر غناتي بنوتك وطمنينا عليها خيه

أم علاوي و حمودي
16-01-2012, 04:43 AM
عادي اختي حطي الجل في صبعش و افركي لثتها من داخل بسررررعه بتبرى
و فيه مضاد الى الفطريات اسمه ريانست معاه قطارة تقطري في فمها شوي على الفطريات
بس اختي لا تسكتي عنها لو تنومتي معاها تتعبي شوي بس تشوف العافية