المساعد الشخصي الرقمي

مشاهدة النسخة كاملة : (( تجمع امهات اطفال المستقبل 7))



الصفحات : 1 2 3 4 5 6 [7] 8 9 10

المزيونة
29-09-2012, 08:35 PM
امهااات اخباررركم واخبار اطفالكم ان شاءالله بخيررر

اخباررري
انااا مرره متتضاايقه خرقت أذن بنتي وقلبي عوررني عليهاا بس لي مضايقني انووو خرقة اذنهااا حليووه بس وحده قرريبه وحده بعيده شووي هو لي مايركز عليها مايلاحظهاا بس اناا ابي اغيرهاا واهلي وابوهاا موراضي يقللوون مو واضحه وخليهاا ويتأهيه لك حليووه ولاتركزي عليهاا خلاص مانتنحمل نعذبها مرة ثانيه



دلووعة الغالي... رفيقتي يااغلاتي ربي يعينك وانتبهي لنفسك والهشووم والف سلامة عليكم ياررررب وربي يكوون معك ويحفظه لك القمر ياررررب



حبيبي حياتي... اخبارك واخبار حلا ربي يحفظها لك يارررب من كل شررر وزنهاا حلوو ودامهااا بصحة وعافيه وكل شيء طبيعي والله خلي اخر همك هالنااس مايرحموون وربي لاتهتمي في احد هذي بنتك ومحد لها اي علاقه فيهااا ودايم عووذيهااا وسمي عليهااا

مثل القمر... هلا بهالطله وهلابش مرحبا بش وباهلش اخبار جوودي وكيف الووضع معاكم وكيف الصحة وحشتونااا

مستخلصة من زهرة ما... اخباررك واخبار حموود يالغلالا اذا رحتي فيه المستشفي ودخلتي ع الدكتور اساليه اذا تبدي تعطيه اكل لا لا ودام وزنه يزيد بالحليب اصبري عليه بس لانه الغاازات كريهه


اخباررر المامات واطفالهم..غيم...زهرة الاريج...ليل برايد..الذوق الرفيع...جود...حلاتي..محليتهم...فاطمة علي..زينبيه...وردة الربيع...رقة مشاعر... المغرررورة..جنان... كلكم اخباركم واخبار اطفالكم

الكاســر
29-09-2012, 09:58 PM
المزيونه اني بخير الله يسلمش
لاتفكري تسوي ليها الحين خليها تتسكر على الاقل بس مادري تقولي اللي يركز يلاحض يعني لاتدققي :)
اني ترى سويت اذن جودي ونفس الشي وحده فوق شوي عن الثانيه
واني ترى اذوني نفس الشي للحين مو في نفس المكان بالضبط بالضبط وتوني يوم سويت اذون بنتي ركزت في اذوني واكتشفت واختي بعد يبان الفرق لما تلبس حلق طويل مره يبين شوي حلق اطول من الثاني

عادي غناتي بس انتين سوي اللي يريحش

اني تابعت اهلي على اذونها وشفتهم عادي عندهم بس يوم عزمت وسويتها ارتحت واجد :)

دلوعة الغالي ربي يخلي لش هشوووم ويبلغش فيه مره وحشتنا طلتش واخبارش وسوالفش :)

ملكوت الرحمه
30-09-2012, 10:41 AM
مرحبا امهات :)

صباح الخير .. غبنا عنكم غيبه طويله بس انتو امهات وتقدرو الزحمه وخربطة النوم

المزيونه
لاتهلووسي على البنت ترى اني اذوني الخرقين من نفس المكان كل واحد بجهه :p بس عادي جداً الوضع طبيعي

قمري كبر وللحين مابديت معاه أكل :p بس يمكن أكله هالاسبوعين

مووفقين

الكاســر
30-09-2012, 01:21 PM
ملكوت الرحمه مره مره حماس موضوع الاكل ويا البيبي اني قبل لاتكمل اربعه شهور كنت ميته ابغى اعطيها اكل

وصورتها وحطيت صورها في براويز مع تعليقات :)

للحين ماتاكل عدل بس تلعب وتتفل تكرمي وتضحك اكلها خفييييييييييييف ومستعجله ابغى اشوفها لين قربت الملعقه تفتح بوزها هههههههههههه

ربي يخلي لش صغيرش ويبلغش فيه

Znaybah
30-09-2012, 04:26 PM
هلا مامات طمنتوني الله يطمن بالكم هيه فعلا لثتها مرة بيضاا وشكلها بتسنن
صايره عصبية واجد تعض اصابيعها وتعضني واي شي قدامها تعضه
هيه فيها ضرسين الحين تحت من زمان طالعين والحين شكلهم فوق بيطلعوو لان ابيض مكانهم

الاسهال لحين ماوقف بس خف يومين ورد رجع
وبنوتي على عمري مرضت سخونه واحتقان وكحه ماتعرف تنام منها رحت معها المركز الصحي
وعطوني ليها بخار احطه عليها وتصارخ مارضيت ولا استفدت شي وعطوني خافض وقطرة للانف
وداني اجاهد وياها متعبتني ماتبغا تاكل ولاشي وصايره لزقة وصيحوه
واخلاقها كل تصيح من تشوف احد غريب حتى اني تصيح مني امس لابسة الحرام مالي اجربه
وشافتني به وقامت تصيح مختلعة مني ماادري شفيها انحسدت عفر قبل هيه بشوشة الكل يشهد لها
والحين صاايره مرة اخلاقها ضيقة اتمنى تكون فترة وتعدي

محليتهم
30-09-2012, 07:58 PM
مررررررررررحبآ مآمآت

وحشتووووووووووووووووني مرررره بس صآيرة كل يوم عندي شغلة ومآكو وقت :o

زنآبية ..مآتشششوف شرر القمورة ع عمري هالجهآل التسنين حسسيتهآ آسوووء شئ فعلاً

ولدي آربع آسآبيع حرآرة وآسسسهآل تكرمي نفس الشئ وصيآآآآآآآآآآآآآآآآح كنت آجآفخ بروحي ذيك الفترة وبعدين شفت قآم له نتفة ضرس فوق يبين ع خفيف

سوآ لي هوآيل مع ولدي:eek:

فترة وتعدي آن شآءالله لآتحآتي بالنسسبة للمزآجية بس آخذي لهآ جل حق التسنين آشوف ولدي الحمدلله خف عليه وعضآضة آحط له بالفريز وآعطيه مرره ينسبط عليهآ ومن تستحر يرميهآ خخخخ:D

آخبآرنآ

يزوني كبر والحمدلله بس صآير مرره لزقة فيني يضحكني من يشوفني بقوم يمسك رجولي بقوة ههههههه ويعصب

وفي محآولآت للحبي آذآ في شئ بعيد عنه ويبغى يطآوله يسسوي وضعية الحبي

بس آنآ حآقرة الموضوع ولآآجشعه لآن مآلي خلق عفآيس هو من آلحين خآرب الدنيآ :rolleyes:

ووبس هذي كل آخبآرنآ

بآقي المآمآت آخبآركم وآخبآر كتآكيتكم :)

يااسمينه
30-09-2012, 08:21 PM
السلام عليكم
ولدي لما استخدم له زيت بيبي اويل ماحسه يناسبه وشعره اصلا ملفلف واذا استخدمت بيبي اويل يزيد التجعدات:confused: فأوقات كثيره استخدم نوع ثاني للكبار مثل دابر أملا فهل له ضرر ؟ للعلم بأن كمل 9 شهور الحين في نص الشهر العاشر ..

حنان12
30-09-2012, 08:48 PM
خيه الاطفال ماينصح انك تستخدمي لهم زيت شعر
الى حد عمر 4 سنوات هذا كلام الدكتور لما وديت له بنتي :)
والحين بس اغسلة بالشامبو وما ادهنه بشئ..

مركز اجمل النسائي
30-09-2012, 08:53 PM
اهلا اختي يااسمينه

انصحش اختي باستخدام السدر (مطحون) تجديه عن الحواج - اخلطيه مع الماء وطريقة استخدامه مثل الشامبو بمقدار مرتين او 3 في الاسبوع
بالاضافة لذلك بعد السباحة حطي زيت الخروع مع زيت السمسم (تجديه ايضا عند الحواج) اخلطيهم مع بعض على الأقل مرة في الاسبوع - ولا تغسلي الشعر الا بعد يوم على الأقل

هذي وصفة مجربة واكيدة لمثال حالت ابنك - الله يخليه لكم ان ش

حائرة بدنيتي
30-09-2012, 09:37 PM
حطي اليه مسحة بسيطة من بانتين بديل الزيت و شعره رطب و بيصير عدل ^^

دلوعة حبيبها
30-09-2012, 10:22 PM
بيبي اويل معروف انه يجفف سواء البشره او الشعر .. هذا كلام الاستشاريه اللي اتابع معاها مواعيد
اولادي ..

وابدا لا تستخدمي بديل الزيت لان لكبر يحتت شعورهم ما بالك لصغار ..

طفوله
30-09-2012, 10:40 PM
زيت الورد القدددديم تعرفيه؟



حلا شعر ولادي مره طول هم صغار



وانتبهي تجربي شي ثقيل ترا ادا اخترب شعره وكبر بيظل يعاتبك ويلومك

الجنه العلويه
30-09-2012, 10:52 PM
شعري ولدي كذآآآ استخدمت ليه زيت الحبه السوداء البارده السوريه من الصيدليه احط له بعد السبوحه ويصير سيده مايتلفلف

يااسمينه
01-10-2012, 12:52 AM
الله يعطيكم الف عافيه ..
يعني ماله تأثير سلبي ؟
بالنسبه لبديل الزيت مو ثقيل على فروة البيبي ؟
انا احط زيت املا بس مسحه جددددا خفيفه ..
مركز اجمل حبيبتي السدر المطحون اسمع فيه وااجد مدح لكن انه ينحط على الشعر لفتره مثل الحنه وبعدين ينغسل لكن اسمع انه يجفف الشعر ..
بالنسبه لزيت الخروع مو ثقيل على فروة الراس ؟ مشكوووره على الافاده ..

ملكوت الرحمه
01-10-2012, 02:24 AM
اول مره اسمع ان بيبي اويل يجفف .. كيف وهو زيت ؟
اني بصراحه مااستغني عنه لشعر ولدي وبشرته وماسمعت له مضار ابداً
واكيد كثرته ماتصلح بعد

ويوم اللي مااحطه الشعر تلافيييف تلافيييف

جـــــــود
01-10-2012, 04:22 AM
اخباركم مامات واخبار النونوات ان شاء الله بخير

وجشتوني هالفتره اقرأ على السريع ولا ارد من حجج ولدي زين اعرف اخباركم

حنونه ومزيونه
01-10-2012, 04:38 AM
مرحبا كيفكم
ودي اشاركم الحديث بس ماعندي وقت ابد.. اتابعكم بين فتره والثانيه..
بسالكم مامات ولدي كمل 3 شهور وش اعطيه اكل؟؟ ادري بدري بس احسه كله جوعان ويمصص ايده واااجد... وش تنصحووني.. والمرضعه بالموت يشربها .. فيه مراضع في الصيدليه حلماتها مثل الام ؟؟عشان ابغاه يشرب مرضعه اتعب واني ارضع..

وللحين ما اعطيه ماي مو عارفه كيف اعطيه لانه المرضعه يعيفها..
وسؤال ثاني تحملووني ولدي حسون عمره سنه و9 شهور وبين كل فتره يطله من انفه دم.. بس دم خفيف مره لونه بني فاتح...مو عارفه وش اسوي له..
هو ادا عصب كله يضرب راسه من الجهتين .. اقول عشان كدا ينزل منه دم.. محتاره في امره.. وللحين ماوديته مستشفى..

وش استخدم لشعره احسه كله جاف.. ولدي شعره طويل .. استخدم له سيباميد وغيرت لبيجون الشامبو واستخدم بلسم جونسون.. واحط له بلسم بعد ما اخلص بس ماينغسل من جونسون ونفس الشي جااااف..
وش الحل؟؟؟
هدرت وااجد كاني هههههههه ..
اتمنى القى اجوبه لاسئلتي.. ادري مابتخيبوني حبايبي..

حلاتي
01-10-2012, 04:51 AM
مرحبا مامات اخباركم
صار لي فتره امادخلت مافي وقت
وقتي كله اخده فضول الشيطون
ماقريت حس طافتني سوالف واجد متعيزه افر
اخبارنا
الحمدلله منيحين وفضولي قعد اخيرا بعد محاولات طويله معاه ( :
وكبر صار رجال وتقبل ياكل بالملعقه خلاص وصرنا نقعده معانا بالسفره
وناكله كم حاجه من اكلنا عن افاده وعاد كل شي قدامه يسحبه ويعفسنا ( :

حبيبي حياتي
01-10-2012, 05:17 AM
حلاتي
مو كانه كسول فضول المفروض قعد من زمان والحين يبيدي يحبي
وناسه بده يعفس هع احب الجهال يعفسو هههههه
حنونه ومزيونه
بدري غناتي على الاقل قريب نهاية 3 شهور بدي عطي عصيرات طبيعي مخففه مثل الجزر وتفاح وخوخ ومشمش بس مخففين
اني بديت اعطيه عصيرات 3 شهور ونص يوم كملت اربع شهور عطيته اكل
انصحش تروحي ابه المستشفى احسن اخاف من الدم ادا نزل من الانف ويمكن هو يظرب راسه في شي ايلمه او شي
اخباري :
تمام مع حلا ورجعت تهودر شببته طبعا وطلع فيه عيونين الشبه من شببته رجعت زي قبل بعد عمري
وبديت احول اقعدها تثبت دقايق وتفلت روحه بس شكله سبوع بس وخلاص تقعد عدل بتوتتي

حلاتي
01-10-2012, 05:36 AM
حبيبي حياتي
هههه متاخر في نضرش اني كنت مستعجله عليه فكنت اعلمه من الشهر الخامس بس كان مايثبت حده دقايق ويطيح
واحين توه داخل الشهر السابع يعني قعد عدل على نهايه الشهر السادس الي قريته والي اشوفه اغلب الاطفال يقعدو عدل فهالفتره ( :
ماتشوف شر القمر حلا ومشاء لله عليها شطوره القمر قعدت عقبال ماتحبي وتعفس ( :

ملكوت الرحمه
01-10-2012, 12:53 PM
حنونه ومزيونه

بالنسبه للاكل لاتستعجلي عليه .. في الرابع العاده توها المعده تشتغل عدل ويهدؤ عن المغص مساكين
خليه لنص الخامس او نهايته .. هذا افضل شي
بالنسبه للمصمصه عادي مو من الجوع هم في هالمرحله يبتدو يتعرفو على الاشياء عن طريق الفم
الملمس والشكل مو بالنظر زينا .. لازم في البوز
ويزيد شربهم للدبل تقريباً في هالسن صحيح تحسيهم مايشبعو
والحلمات في واجد شكل الصدر في الصيدليات شفت نوعين بس ناسيه اسمهم روحي النهدي والصيدليات الكبيره أو مذركير أو بيبي شوب حق الاطفال بتلاقيهم



بالنسبه للقعده اني ولدي دخل الخامس من اسبوعين بالضبط وللحين اصلاً مايحاول يقعد :d
حتى لو حطيت له خداديات يتزحلق ومااشوفه الامنبطح
فما أتوقع ان 6شهور وشوي او 7 متأخر

ام عبدالعزيز
01-10-2012, 02:55 PM
حنونه ومزيونه ترى بدري واجد تبدي الاكل بالشهر الثالث الحين رجعو ينصحو بالاكل اذا دخلو السادس بالنسبه للماي بنتي اليوم دخلت الثالث عطيته ماي من يومين بالمرضعه 10مل بالموت تشربه وممكن تحطي الماي في القطارة حقت الادويه

ام عبدالعزيز
01-10-2012, 02:57 PM
مامات بنتي من اول ماجبتها وهي كل تهز في رجولها اليمين احد سمع عن كذا في المواليد

كمادة
01-10-2012, 05:39 PM
مساء الخير مامات
انا حبيت انظم معاكم واشارككم
انا ام لثلاثه اولاد اكبرهم عمره 12سنه واصغرهم طفل 10 شهور
كنت اتابعكم من وراء الكواليس واستفدت منكم واجد مع اني ام قديمه ههههههههه:D
وكنت اشارككم ببعض الاستفسارات وكنتم ماتبخلون عليه :)
اشكرفيكم روح التعاون والاخوه من الاكشنات اليوم لطفلي كنت اجهز السلطه :pوطفلي سحب اغراض
السلطه وعفس المكان :Dوبعد ماحطيت السفره للغدا مد ايده على الصخن وعفس لي المكان عفاس ربي يحفظه:oوهوه لسى ماحبى بس يحاول يستند على حاجه ويرفع نفسه:rolleyes:
انشاء الله عن قريب اكتب قصة ولادتي باولادي الثلاثه هدية من لعيونكم:)

وردة الربيع
01-10-2012, 06:36 PM
هااااااااااااااااي مامات اخباركم ياحلوات كيف الكتاكيت هعساهم طيبين
كتكوتي كبر ربي يحفظة وصار يناغيني وسوي حركات حليوه كمل الثالث والحين في الشهر الرابع

lil bride
02-10-2012, 03:56 AM
حنونة ومزيونة
او ممكن تحطي شوي ماي بفنجان وتستخدمي ملعقة الشاي الصغنونة مرة
ولاحظت الجهال اللي حولي بما فيهم بتي ما يتقبلوا الماي بسهولة بالذات في المرضعة

حبيبي حياتي
02-10-2012, 05:28 AM
ام عبد العزيز
ليش توش تعطيه ماي غريبه ناس واجد اسمعهم مايعطو ولادهم ماي
اني بنتي من اول ماجبته اعطيه ماي والحين تموت فيه من اعطيه تلعب وتطرب اضحكنه من نشرب تتطفر تبي ماي وطلع فينا تحب الماي مره تشرب واجد ماي وهي عمره الحين اربع شهور ونص
بعد كل رضعه تعطيه ماي المفروض هذا الى اسمع من امي وعمتي

الفراشة الحمراء
02-10-2012, 06:21 AM
ام عبدالعزيز

اني ولدي اذا يتثاوب تهتز رجله شوي


امهات
ملاحظه على ولدي لما يطلع من على جمب مايدور الى الجنب الثاني الا خفيف
للعلم عمره شهرين ونص
بدا يرفع راسه بس جهة اليمين مايدور الا قليل وخايفه عليه طمنوني

الكاســر
02-10-2012, 08:38 AM
صباحكم سكر وكادي وكمون ايضن << خربتها اخر شي

شلونكم وكيف صباحكم ربي يجعل يومكم سعيد وجميل واحلى من العسل واخف من الريشه انتو والنونوات << رايقه

شلونكم مامات وشلون الجهالوه

الفراشه ام محمد شلونش غناتي وش اخبار قمرش . اني بتي كانت يوم هي صغيره بس تلف راسها وتطلع من جهه وحده وصرت الف راسها من الخوف للجهه الثانيه ويقولوا لي خليها لاتفريها بالغصب لان كله احاتي وكانت تفضل جهه معينه في النوم حتى خفت على راسها يصير شكله غير من كثر ماتنام على جهه وحده بس الحين لحالها صارت تمام وصرت اتعمد احط ليها ليها العاب واروح ليها من الجهه الثانيه واحاول اخليها تفر راسها والحين دكي تمام ان شاء الله الخبرات يطمنوش

ام عبدالعزيز مادري غناتي اول مره يمر عليي كدا ان شاء الله يفيدوش المامات

كمادة
02-10-2012, 09:31 PM
كيف حالكم مامات الي سئلت عن اهتزاز رجول طفلها هدا شي طبيعي:)
مايشوف شر الصغير
بسئلكم طفلي عادي لوسويت اله تحليل دم للكشف عن الامراض الوراثيه عمره عشره شهور:o

محليتهم
02-10-2012, 10:14 PM
الفرآشة الحمرآ..آن شآءالله البنآت يفيدوش غنآتي لللآسف مآعندي فكرة

آم عبدالعزيز..آطمني حبيبتي ولدي هيك بعد كل يهز في رجوله اليمين حتى يرفعهآ ويحطهآ في بوزه دون الثآنية وآخوآني الصغآر كآنوآ بعد فلآتحآتي

كمآدة ..غنآتي ع حسسب خبرتي آن مع تطعيمة السنة يسووآ تحآليل الآمرآض الورآثية للطفل فالكتكوت الله يحفظه بآقي له شهرين بس:)

كمادة
02-10-2012, 11:10 PM
للاسف مامات كتبت قصة ولادتي ولا ادري وين راحت:(
لعيونكم بكتبها مره ثانيه
مشكوره محليتهم على الرد:)

روحي بين يديك
03-10-2012, 02:38 AM
مرحبا مامات شخباركم جميع

من زمااااااان عنكم ودي اسولف لكن بنتي من تشوفني فاتحه الابتوب تركض ركيض وتبغى هي تضغط وتسكره بعد

اتاري البنات موهينين لاعبه لعب فيني ,,,,

بالنسبه للي تسسال عن الجلوس اوالحباي اني بنتي اول حبت بعدين جلست والحين تفكرتمشي تساري عالكنب اوتطاول الاشياء

الفراشه الحمراءء شكلك تنيميه عالجهه اليمين اكثر نيميه على جهه اليسار وحطي له مخده اوخلقه بحيث مايقدريتحرك

ولاتخافي بيدوراني بنتي كدا والكل لاحظ كان عمرها 3 شهور ومن قالولي باسبوع صارت تدور

الحين عمربنوتتي 10 شهور بسرعه مضت

والله يخليهم لينا يارب
طولت عليكم مامداني اقرا كل الصفحات

الفراشة الحمراء
03-10-2012, 11:11 AM
روحي بين يديك
اي اني دايم انيمه جهة اليمين
بس الحين الحمد لله بدا يحركها من الجهتين

كمادة
03-10-2012, 05:43 PM
هلا مامات :dاخباركم
اليوم ولدي قام اطلع اصوات غريبه :)تشبه الحروف قاف وايقول اغا :dشكله ايراني:d
ولدي لسا ماحبى بس يرفع روحه يبغى يقوم وتوه طلع له ضرسون صغير

دلوعة الغآالي
04-10-2012, 03:40 AM
صباح الخير مامات اخباركم ويش مسوووين ويا الاوادم اللي مايخلونا ننام :D

عندي ادمي مايحب النوم كلا قاعد :eek: ماينعس ابد بيجنني انام واقعد وهو مفتح وقاعد والمشكلة لا تخليني لحالي قعدي ويايي :cool: خير ان شا الله ماما عندها دوام نام ياولدي مايفيد


والله اني اليوم نمممممت في محاضرة الرياضيات :( دي يومين مانام الليل نهائي منه

وحشتوني بس ويا كرفة الدوام والسيد الصغنن مايبقى وقت للراحة والنت والتمشيات :o

مثل القمر اخبارش وكيف عروستنا الجميلة

ام هيثم اخبار صقيق ولدي صارو رجال وبيصيرو 4 شهور :) :eek: وبتجي تتطعيمتهم قررريب الله يعينننا ان شا الله مي دفشة زي الشهرين

باقي الماامات بدووون عدد ان شا الله تكونو انتووون والجميلووون بخير :p وماتستخفو زي حالتي

Znaybah
04-10-2012, 05:14 AM
وحشتوني مامات يسلمو الي سألو عني

بنوتي تعبتني هالاسبوع وياالاسهال واليوم بس خفت الله لايعوده وكله بسبة التسنين
كشفت على لثتها اليوم الا الاقي بياض بسيط من فوق شكله قرب يطفر هالسن الي طفررر عيشتي

غير كذا بنتي صايره حركية واجد بالصلاة على النبي اراكض وراها من مكان لمكان حتى ووزني نزل
وضغفت بشكل ×_× واحس روحي كل جووعانه .. وهالدبة مو راضية ترضع صناعي هلكتني واحاتي
مرة روحتي للحج حتى نزلت موضوع عل وعسى نستفيد

وعن تطوراتها بدت ماشاء الله توقف على الاشياء بس مو راضية تحبي شكلها ناوية تمشي بدون حباي
على قولة الي حولي اسلم لركبها لايسمرو هههخ

ووبس ..

رفيقتي محليتهم وحشتنااااااا اخبار يزونه ماهي تطوراته بدا يوقف عالاشياء لو لسه ؟؟ وعسى بس تنازل وزحف ههه

الكاســر
04-10-2012, 09:44 AM
صباحكم عافيه وخير من الله

شلونكم مامات

زينبه الله يعينش والله اشوف لش فتره وبنوتتش تعبانه من التسنين سلامتها والله ومبروك الضريس

دلوعة الغالي الله يعينش والله انتين سوبر ماما :) ربي يوفقش ويخلي لش هالقمر المشاكس

كمادة مبروك حركات نونوش الجديده ومبروك الضرسون وربي يخلي لش صغيرش واحنا ننتظر قصة ولادتش :) ومنوووره التجمع غناتي

جودي بخير الحمدلله وحركاتها تجنن وكله تهدر وتضحك واذا لعبت وياها تكركر بس صارت زي بت حبيبي حياتي من اجي اصورها تقلب جد مسويه روحها بتصور للجواز عفر خخخخ
صارت اذا عطشانه ماتصيح بس تتضايق وافهم ليها مو زي قبل تفزع الدنيا واني نايمه كبرت وصارت مره عاقله :)
خوافه حدها واي طقه او صوت تخليها تنقز تختلع من اقل صوت وداني احاول اعودها عالاصوات بس اي صوت يخلعها
صارت تقلب على بطنها توها واذا حطيتها على بطنها تزحف شويات
على 1 ذو الحجه تكمل الخامس على خير :)
بسرعه تمضي الشهور

كمادة
04-10-2012, 01:47 PM
هلا مامات منور بوجودش :)وبوجود جودي الجميله الله يخليها ويحفظها
مامات كتبت قصة ولادتي لعيونكم روحو تجمع الحوامل :)

جـــــــود
04-10-2012, 01:54 PM
اخباركم مامات وحشتونا ان شاء الله بخير

واخبار لصغار

ان شاء الله يكبرو وربي يهديهم

المامات صديقاتي في الحمل والولاده كلكم اختفيتو ^_*

زينبه

ربي يعينش

ولدي نفس الشي لكن ما كملت شهرين من الولاده الا صفق ظهري في بطني من الرضاعه ونزلت 21 كيلو وصرت هيكل عظمي

ولدي كان كل يومين او ثلاثه يشرب رضعه صناعي وفجااه عافها نهائي مو الحليب الرضاعه حاولت اشربه الحليب في الكوب ما اتقبله نهائي
وكان الحل افطمه نهائي اول اسبوع تمرد ما شرب حليب نهائي ومن الااسبوع الثاني صار يشرب حليب من الكوب


دلوعة الغالي
حرام عليش لسه صغيرون
ولدي سنه وثمانيه شهور ونومه قليل ولزقه فيني ولو انسدح على الكنب يفزع الدنيا ويجيب اي شي يشوفه قداميه يكفخني يخاف انام واتركه
وعلى نوم في المحاضرات فرصه لا تعوض اني ما كنت انام بس ما ادري ويش يقولو فيها بس اكرف ايام الأمتحانات ^^


مثل القمر
وحشتينا ربي يخلي الش جودي وعساها دوم مبسوطه ومروقه

الكاســر
04-10-2012, 02:33 PM
جود مايوحشش وحش غناتي انتين بعد وحشتينا :)

كماده داني باروح قصص الولادات لعيونش والحمدلله على سلامتش وسلامة صغيرش :)

جودي من شوي اسوي ليها لعبه قريتها في بيبي سنتر حقت فقاعات الصابون

وكل مانفخت ليها وحده وانفقعت قدامها تنقز خوااااافه هالبنيه حدها مادري وش اسوي فيها

حتى لين طلعنا بالسياره او في البيت اي شي يخلعها

ابوها فتح الشباك حق الصاله نقزت

انتون مامات كدا جهالكم عادي

مسكينه امشي واسمي عليها وبس دي حالتي وياها

سكره !
04-10-2012, 05:17 PM
اللهم صلِ على محمد وآل محمد
من فترة أحس بلووعه ومومشتهيه الأكل
أمس حللت منزلي وطلع لي خطين
والله مت من البكي اللهم لا اعتراض الحمد والشكر لك ربي
لكن كان نفسي اكمل رضاعة بنتي
بنتي عمرها الحين عشر شهور ونص
ومتعلقه فيني بقووة وما تنام الا ع صدري
وما تشرب رضاعه الا مره ف اليوم
إن شاء الله السبت بروح أحلل
ساعدوني يا بنات
لمتى اقدر ارضع بنتي ؟
وكيف اخليها تعيف صدري تدريجيا ؟

روح ايمي
04-10-2012, 05:51 PM
الله يعينش خيتو
وهذي حكمه من ربك سبحانه
اضربي اهم شي ابره تنشف الحليب منك لا تتعبي انت والبنوته
وحاولي النونو تلهيها بأي شي
حطي على صدرك لزقه او ميكرو وقولي لها فيه اح
وان شاء الله تفهم عليك

والله يسهلها عليش يارب

wala'a
04-10-2012, 06:35 PM
اول شي مبروووك ودي كتبت الله ورزقش ... الحمد لله .. حاولي زي ماقللت الاخت تقولي لها فيه جرح او حطي عليه اي طعم لاذع يخليها شوي شوي تعيفه ودعواتش ليي الله يثبت حملي ويسهل عليي يارب

ام عبدالعزيز
04-10-2012, 07:00 PM
مثل القمر اتوقع كل الجهال يخترعو لان بنتي كذا

الكاســر
04-10-2012, 07:04 PM
الله يعين والله

اي اني بديت احس ان خوفها مو طبيعي

تخيلي يعني مو تختلع من الصوت لانه فجاه لا كل شوي تختلع من نفس الصوت

ومره مره راسها خفيف لو انيمها في سريرها وانسدح في سريري اسحب البطانيه قعدت

مره تعبانه وياها على دا الموضوع :(

طفوله
04-10-2012, 08:08 PM
ناس يقولوا اول ثلاث شهور عادي
بس انتي تدرجي وياها بالفطام اريح لك ولها

وترا ورا بعض حليووووووين
يتعبوا شوي بالبدايه بس اذا كبروا بتستانسي بهم سوالف ومقالب وضحك


شوفي حولك كيف الاختين اللي اعمارهم متقاربه مشيتهم سوا

سبأ
04-10-2012, 11:37 PM
توني ماخده دورة عن الرضاعه الطبيعيه ،الرضاعه أثناء الحمل ماتأثر ابد على الحمل<<كلام مديرة لجنة الرضاعه الطبيعيه ، وفرصه بعد انش ترضعيها بعد لو شهرين ثلاثه عشان ماحد يعرف انش حامل والله يعينش ويسهل عليش

lil bride
05-10-2012, 01:36 AM
سكرة
ألف مبروك والله يتمم لش بخير وعافية
أني بعد مو من زمان قريت ان عادي الوحدة ترضع وهي حامل واستغربت ليش يفطموا الأمهات جهالهم اذا حملوا.. بس أتوقع اللي بيتأثر قيمة الحليب لأن الجنين بياخذ كل الأشياء اللي يحتاجها وتعب على الأم

مثل القمر
لا تخافي عادي.. كنش توصفي بتي بالضبط زي بتش كله تتخلع وتخاف من جبتها للحين.. وراسها خفيف مرة أقل صوت تقعد لدرجة ان أبوها يفتح قوطي البيبسي وهي في الغرفة تقعد.. فيه مرتين نامت لي بعمق بغيت أموت من الخلعة عليها
وكانت تتعبني لما أروح بيت أبوي تخاف من صريخ الجهال وصياحهم وتشتغل صياح.. بس مع الزمن جاها تبلد منهم صارت بس تتأثر أوتراشيهم اليوم هي مصيحة بت خالتها وتراضيها بعد هههه..

أم التوأم
05-10-2012, 10:22 AM
الله يعين والله

اي اني بديت احس ان خوفها مو طبيعي

تخيلي يعني مو تختلع من الصوت لانه فجاه لا كل شوي تختلع من نفس الصوت

ومره مره راسها خفيف لو انيمها في سريرها وانسدح في سريري اسحب البطانيه قعدت

مره تعبانه وياها على دا الموضوع :(

عادي خيوه فترة وتعدي لاتحاتي ولدي كمان كان يختلع حتى من العطسة ..او تسكيرة الباب ينشف

دمه من الصياح ... شوي شوي وخفت الحالة لين اختفت ...

أم التوأم
05-10-2012, 10:26 AM
توني ماخده دورة عن الرضاعه الطبيعيه ،الرضاعه أثناء الحمل ماتأثر ابد على الحمل<<كلام مديرة لجنة الرضاعه الطبيعيه ، وفرصه بعد انش ترضعيها بعد لو شهرين ثلاثه عشان ماحد يعرف انش حامل والله يعينش ويسهل عليش


اللي أعرفه الرضاعة تسسب تقلصات في الرحم وتساعد على رجوعه للوضع الطبيعي ..فلما

تكون الوحدة حامل ممكن تسبب ليها تقلصات وطلق ...

الأفضل تحاول تفطمها من ألحين لأن حتى الحليب يتغير وتقل فايدته ...

ابدي تدرجي وياها بالرضاعة وحطي لش معدل شهر تقللي الرضاعة لين تفطميها نهائي ...

وطبعا لابد من الصياح والسهر ...لأن حتى لو كانت كملت سنتين لازم تعاني وياها في الفطام ..

ربوبه
05-10-2012, 02:51 PM
هلا خواتي اخباركم وحشتوني
نفسي من زمان ادخل واسولف ويااكم
بس انشغلت شويات مع علاوي ورجعتي شقتي ..
مثل القمر حتى ولدي علاوي يختلع من اي شي حتى من العطسسه ...
وبسالكم خواتي علاوي فيه خيط في اللسان ؟؟؟
تعرفي مستشفى عدله ؟..
وناس يقولوا لاتشيليه عادي مايثير عليه محتاره بس دكتور عدل ؟؟
؟؟؟؟

أم التوأم
05-10-2012, 03:02 PM
هلا خواتي اخباركم وحشتوني
نفسي من زمان ادخل واسولف ويااكم
بس انشغلت شويات مع علاوي ورجعتي شقتي ..
مثل القمر حتى ولدي علاوي يختلع من اي شي حتى من العطسسه ...
وبسالكم خواتي علاوي فيه خيط في اللسان ؟؟؟
تعرفي مستشفى عدله ؟..
وناس يقولوا لاتشيليه عادي مايثير عليه محتاره بس دكتور عدل ؟؟
؟؟؟؟

راجعي دكتور جراحة أطفال عندش أحمد سالم يدوام في عيادة الدكتور باقر العوامي

وكمان يدوام في مستشفى الولاد والأطفال بالدمام ..

والجش فيها دكاترة جراحة أطفال ممتازين ...

ربوبه
05-10-2012, 03:32 PM
ام التوام غناتي تسلمي ..
رحت الجش يقول مايحتاج بس تعالي بعد سنه.. يمكن مايعرف بعض الحروف عدل
يعنى يحتاج يشيلوا ولا شاله ...

حزن روح
06-10-2012, 02:43 AM
السلام عليكم خواتي ..

مامات ...

ولدي كم يوم ويكمل 6 ششهور .. وبعدي اعطيه دواء الغاززات :eek:

وكلما اقول باخفف لو باهون عنه مافي فايدة .. إلى متى باظل اعطيه يعني ...

وبعد عنده مشكلة الإمساك .. ابغى أشياء طبيعية وأكلات تخففه ..

لأني بديت أعطيه خضار .. وقلت بعطيه تفاح مسلوق شوية ومهروس يقولوا يسبب امساك بعد :(

فمحتارة مرة

وردة الربيع
06-10-2012, 04:03 AM
ولدي صار ولد 4 اشهر
متى اقدر ااكله سريلاك ومغدي مادري ويش اشمه الي يجي بعلبه على فواكه اكيد عرفتوه
افيدوني يرح والديكم احس الحين الحليب ما يشبعه

حزن روح
06-10-2012, 06:20 AM
وردة الربيع ..

اني ماعطيت ولدي سيرلاك ولا مغدي من البداية .. بديت بخضار مسلوقة ومهروسة

قلت بعطيه إذا كمل السته شهور ... احس الطبيعي في البداية افضل وبعد حتى علب السيرلاك والمغدي مكتوب عليهم من 6 شهور

وبعد إذا بديتي بشي حالي بيتعود عليه وممكن مايتقبل باقي الأشياء فالأفضل تبدأي بشي مالح

والله يخلي لك ولدك وتشوفيه معرس

الكاســر
06-10-2012, 01:33 PM
مرحبا امهات شلوووونكم وش اخباركم

ربوبه ليل برايد ام التوام رحم الله والديكم طمنتوني والله :)

وردة الربيع اعطي حسون القمر خضار وفواكه مهروسه ومسلوقه واعطيه الرز اللي حق اربعه شهور وفيه معلبات بعد حق اربعه شهور وجربي وياه شوية شويه وشوفي موضوع اطباق اطفالنا من صنع ايدينا

بنوته قمر
07-10-2012, 04:25 AM
هلا والله امهات ! شخباركم وشخبار اطفالكم ! اناا اخباري تمام ! لكن عندي بنوتي راسها للحين ما انصطع مع ان شكل وجهه صغيرون ولا فيها جبهه لكن راسها فوق صاير طويل اناا ما ابي يكون شكل راسها ع وجهه طويل ابيه دائري ومرسوم شكله ! مو عارفه شسوي له حطيت فوق راسها كذا مره كتاب متين لكن بنتي تلف راسها دائما ماتثبت ع سيداه ! لازم تلفه واهلي قالو لي احط لها عصابه لكن ما اعرف شكلها اناا هالعصابه ! مدري وين يبيعوها ! والشيء الثاني مشكلتي معها الترجيع ياكثر ماترجع اناا استخدم لها نان وسمعت انه في حليب عن الترجيع يقولو اهون لكن مدري والله قلت حق زوجي هالمره شوف اسأل الصيدلي وقلت برجبه اشوف اذا فيه فايده او لا !

أهواك يامهدي
07-10-2012, 04:52 AM
هلا بأمهاااات منتدانااا الغااالي
كيفكم ؟ شوو علومكم ؟؟
ان شاءالله زينين
وأخبااار كتاكيتكم ؟؟
الله يخليهم ليكم وباالغيين فيهم يااارب

من زمااان مادخلت انشغلت بالاسواق <<< عندنا عروس وصرت اجهز وياها
عقبال حبايبكم ياارب
$$تفضلوا شرفونا كلكم زواجها ليلة السبت هالاسبوع تاريخ 26 في صالة سرايا الشرق$$

حزن وروح
العمر كله ياارب والله يخليه لش
الي عرفته عن التفاح يسهل الهضم مو يسبب امساك
بس ماادري للكل او البعض
اني اذا عطيت بنتي اكه فيها تفاح اشوفها تعملها على طول واوقات مرتين باليوم
في مرة سويت ليها طبق كاتبتنه اخت هني اسمه < اقراص الشوفان مع التفاح شفت بطنها يمشي على طول بس هي مو وياها امساك بس مو يوميا تسويها
وعندش الخوخ بعد زين يمشي البطن وعصير برتقال <<بس في ناس يقولوا حامض على الاطفال اني صرت اعطيه بنتي كانت اصغر من ولدش ومايمشي بطنها كله امساك

وردة الربيع
الله يخليه المعرس
ماعندي فكرة لاني ماعطيت بنتي اي اكل جاهز اشتريت ليها سريلاك ارز وقمح وعسل وماعجبها

الكاســر
07-10-2012, 07:09 AM
صباح الخير امهات شلونكم نفره نفره ان شاء الله منيحين وكويسين

اهواك يامهدي زاد فضلش غناتي وافراحكم دايمه ان شاء الله وربي يتمم على خير :)

التجمع صاير هدوووووء

الخميس غيرت رضاعات جودي شريت بلاستيك فيهم مقبض وصارت تمسك وتشرب لحالها يجنن شكلها خخخخخ
وخليتها تمص حبة اوريو عن افادها وصار فيها شنب ولحيه اسود من البسكوت وصورتها ووريتها صورتها وخافت على عمري اختلعت من شكلها خخخخخ
ليها فتره كله تتفل صايره وثرثاره اللهم صلي على محمد وال محمد
احاتي التطعيمه حقت ال6 شهور ان شاء الله تكون زي حقت ال4 شهور كانت خفيفه مررره عليها

lil bride
07-10-2012, 03:45 PM
حزن روح
الله يساعده الصغير.. حاولي توقفي عنه وتخففي عنه بطرق ثانية زي المساج
والتفاح ماظنتي يسبب امساك.. وعندش الشوفان غني بالألياف زين للامساك بس بعد 6 شهور

وردة الربيع
ابدأي اياه بالأرز أو سيريال الأرز والخضار المهروسة بدون اضافات وكل شي جربيه 3 أيام على الأقل قبل لا تنتقلي للنوع الثاني.. وتبداي بكمية صغنونة وتكون شبه سائلة ومع الوقت وحاجة الطفل تزيديها وبالتدريج تزيدي كثافتها .. وبعد ما يتقبلهم ممكن تخلطي كذا نوع .. وبعدها جربي الفواكه بنفس الطريقة.. ومايحتاج معلبات كلهم يستووا في البيت.. ماعدا السيريلاك بس القمح من الأطعمة اللي بعد 6 أشهر

بنوتة قمر
اذا بنوتتش صغيرونة عادي مع الوقت والحركة والتقلب في النوم يصير شكل الراس عادي.. وتدويرة الوجه تعتمد على طبيعتها وشكل خدودها.. اذا صغنونة بعد لا تحاتي ان شالله تكبر ويطلع ليها خدود

بنوته قمر
07-10-2012, 05:38 PM
لا بنتي الصلاه ع محمد فيها خدود من اول ماجبتها وبعدهم !

اي صغنونه باقي عمرها شهرين الحين بس !

طيب متى يبدأ شعر الطفل يظيح ويطلع لي من جديد

احس بنتي من قددام مافيها الا خفيف مرره

ابي يطلع لها شعر اكثر ورا فيه كان اكثر لكن طاح شوي

واوقات يكون عندها غازيات شنو استخدم لها

عادي اعطيها زيت الخروع لان اسمع زين ينزل اللي بالبطن كله ولا ادري

ومعليش كثرت عليكم اسئله !

رقة مشاعر
07-10-2012, 11:11 PM
هاي مامات
وش اخباركم.....

خيو مثل القمر
...كيفكم وكيف جووجوو الله يحفظها بسرعه ماشاء الله بتكمل 6شهور
اني ولدي لما طعمته تطعيمة 6شهور الحمدالله كانت خفيفه تسخن خفيف بس
وسالفة الخلعه حتى ولدي يختلع بسرعه للحين بس خف هالايام يعني كلما كبر يخفو الاطفال و راسه خفيف ه
مرررررررررره زي جوجو

بنوتة قمر
مدري عن زيت الخروع ...امم عطيها مرقدوش اني نفع ولدي واجد للغازات ويسهل بطنه بعد


اخبار قسسومي
ولدي اليوم كمل 7شهور وصار يقعد ويقلب ..ويعزي ويصفق هههههه
ويسولف ..ويصارخ ..ويمقع شعري ويشمخني اهيء اهيء

حزن روح
08-10-2012, 03:21 AM
:o مشكورين خواتي

واختي بنوته قمر يتعدل لحاله الرآس مع الزمن ...

و ع الشعر ... اني ولدي كان فيه شعر زين وشوي شوي بدأ يخف ... حتى في مفرشه كنت أشوف شعر واجد وخصوصا اللي من ورا صار مكان معين مافي

والحين بدأ يزيد لكن مو بكثافة لما ولدته

الغازات اني ولدي عطيته موقدوش الأطفال ماتقبله وشاي أطفال " الشمر "

ويشرب بس شوي ويتركه ..

والآن اعطيه دواء اسمه "ديسفلاتيل " وعندش بعد "دينتينوكس " اللي بالنعناع

ولما ترضعيها لازم تخليها تتجشأ علشان تطلع الغازات

وسلامتها والله يخليها وتبلغي فيها عرووس

حلاتي
08-10-2012, 03:50 AM
مرحبا بالمامات الحلوين اخباركم
صايره اقرا سوالفكم من فتره لفتره بس اتعيز ارد
اخبارنا منيحين فضولي هاليومين صار مسخن والسبه هالضرسون الي فوق الي مو راضي يطلع
وقاهرني بحركه متعلمنها انه طول الوقت يعض في شفته الي تحت حتى وهو نايم لدرجه
ان امس واليوم قام يطلع دم من شفايفه من كثر الضغظ تجرحو
ولا هو راضي يفك من هالحركه ماني عارفه وش الحل وياه
طبعا جربت معاه عضاضات وسهايات كلها مايبغاها يبالع من احطها فبوزه ) :

بنوته قمر
08-10-2012, 05:39 AM
مشكورين اللي ردو علي

عطيتها مقردوش وعطيتها بعد زموطه وماي ورد

وغير اسوي لها نباته واعطيها وامي شرت لها من الحسين للعطار

شيء مثل القلم وتشيل الحبيبات اللي داخله ونفس الشيء

واخليها تتقدى بنتي لكن احسه نفس الشيء

اوقات باليومين ماتبرز مثل امس باليوم كله مابرزت

لكن الحمدلله ماتتصيح بس اوقات لو جاها فجأه تصيح واعطيها ماي ورد

لان اعرف انه بطنها ولا ادري وش اعطيها بعد

مستخلصة من زهرة ما!!
08-10-2012, 05:59 AM
اخباركم مامات كيفكم كلياتكم ؟؟؟؟ ووووووودي كان ارد على الكل بس انا مثل حلاتي اتعيز ارد هههه..
سوالف ا لاطفال
ماتخلص يامغص يا بيطلع لهم اسنان او امساك او اسهال اوترجيع وانتوا بكرامه بس من كثر الخوف عليهم نحاتي واجد ولان حبنا لهم يخيلنا نراقبهم بزياده .. صبيا انا استخدم لولدي رونالاك بس الاحظ انه يررجع بزياده عن الللزوم بعد كل رضعه محتاره اغير نوع الحليب بكيفي از لازم باستشارة طبيب رحم الله والدين الابترد علييي ضروري؟؟
وشغله ثانيه بسألكم لو اخذت حليب من الصيدليه عادي ابدله واخذ نوع ثاني عندي ثلاث علب كبار من نفس الحليب
رونالاك جابهم عمي ابو زوجي صارلهم قريبا اقل من شهر عندي تتوقعوا عادي يبدلوهم بحليب ثاني ؟؟

lil bride
08-10-2012, 11:02 AM
حلاتي
مايشوف شر فضول.. ان شالله يشقوا بسرعة ويريحوه

بنوتة قمر
عادي خيوه اذا ماتبرزت يوم كامل يمكن طبيعتها تشديه وفيه جهال بالأيام بعد طبيعتهم .. أهم شي مايطلع -أكرمش لله- خشن ومكور ويأذي الجاهل.. دا يعتبر امساك

محليتهم
08-10-2012, 08:50 PM
مرررررررحبآ مآمآتو

زنآبية..كيفش غنآتي بششري وش صآر مع القمرة
قريت لش مشآركة من فترة وجيت برد وآنشغلت وتؤي آتذكرهآ
بالنسسبة لولدي مآحسس في تطورآت يعني يحآول يحبي يسسوي وضعية الحبآي ويطيح مسسكين خخخخخخ بس المآمآ تقول يعني قررب آن شآءالله :D
وفي حركآت يسسويهآ مآشآءالله تبآرك الرحمن يعني آذآ آقوله سسوي سلآم مآمآ يمد يده ويسسوي تعآل بيده وآذآ شآف آبوه يقول نآنآ >>>نينآ خخخخ:D
وكل شئ عنده كخ يحط في بوزه الآشيآء وبعدين يقول كخخ:rolleyes:

ووبس آن شآءالله يحبي هالفترة كنت مآبغآه يحبي بس آلحين عور بفآدي آذآ شفته يحآول ويقعد يصيح يتشدخ

حلآتي ..مآيشششوف شششر فضولي القمر الآسنآن مرره كرييه آن شآءالله يطلع بسسرعة
بسآلش اليوم رحتي القطيف ستي مول شفت وآحد يشبه فضول القمر شكيت آنهآ آنتينآ :D

مستخلصة..ولدي كآن يرجع بششكل مو طبيعي الرضعة كلهآ وزيآذة عليهآ بعد غيرت له حليبه آخذت حق الترجيع والحمدلله خف عنه شوي بس كمل 6 شهور آخذنآ رقم 2 ومآفي حق ترجيع رجع زي قبل ترجيعه وآلحين عمره8 شهور وشوي وللآن يرجع بس الحمدلله آخف من قبل بس في آطفآل مع الآكل يخفوآ آن شآءالله يخف عنه:)

كمادة
09-10-2012, 01:38 AM
هلا مامات الحلوات كيف حالكم جميع
والله استفدت منكم واجد مع اني ام قديمه:d
ولدي اليوم تعبانى عنده التهاب بلهاته ابوه راح الصيدليه واشترى له عصارة بس بلعه عادي مامات
وبسئلكم شنهو اسم البلسم الي تستخدموه لشعر اولادكم ولا ينغسل ينحط بعد تسبوح الجاهل :)
مثل القمر انبسط على رودودش :d وكل الامهات نفر نفر تحياتي

الولاء لعلي
09-10-2012, 04:14 AM
هلا مامات إن شاء الله تكونوا بخير
بنوتة قمر
حسب ماأعرف مايصلح ماي الورد واجد يسبب العقم .
أسألكم أن تحللوني وتبروا ذمتي فسوف أذهب لحج بيت الله الحرام ..

hanoona
09-10-2012, 10:06 AM
بنوتة قمر حالة بنوتتك مثل بنوتي غازات وبطنها مايمشي باليومين بس الحمدلله مثل ماقالت اختنا دامه مو خشن فالحمدلله مو امساك يمكن طبيعتهم چدي

انا سالفة الترجيع مررة مضيقة خلقي مافيه شي ينظف ابد

سُ ـبحان ~
10-10-2012, 02:53 AM
مرحبا مامات ..
أخباركم وأخبار أطفالكم الحلوين ؟
كل ما بين فترة أتابعكم بس قليل أشارك معاكم
.
وين بقية الأمهات ؟
سنو ، الذوق الرفيع ، عروسة البحر ، أنشودة المطر ..
مختفيين ،،
.
أخبارنا ..
الحمد لله ،، أني والأولاد بخير
.
:)

روح شفافه
10-10-2012, 03:19 AM
صباح الخيرات مامات
من تجاربكم ماعندكم علاج طييعي ومجرب للكحه
عمر ولدي اربعه شهور

ماء الكوثر
10-10-2012, 04:03 AM
صباح الخيرات مامات
من تجاربكم ماعندكم علاج طييعي ومجرب للكحه
عمر ولدي اربعه شهور
سكر نبات

سكر نبات مع نعناع

بنوته قمر
10-10-2012, 05:25 AM
صبااح الخير !

اي مثل ماقلتو مو زي المكور كله اسهال هوو

وحنونه ايي بنتي مثل بنتك

حييل صارت كل مابين رضعه ترجعه يعني لو شربته الحليب كله ترجعه

زهقت من كثر ماترجع هالبنيه .. مدري يعني من الحليب او كذا اي طفل لازم يرجع

هي هونت ورجعت مره ثانيه !

وابي اسأل كم احط بالرضاعه لو كانت صغيره الرضاعه او وسط !

انتو عارفين كم فيهم الرضاعات الارقام بس ما اقدر اكتب رقم لو كتبت يفصل ويطلع من المنتدى

لاني ادخل من جوال !

بالصغيره احط اناا ثنتين وشوي واعبي الماي لفوق والكبيره احط اربع وشوي

مدري عاد صح او خطإ لاني للحين ماسألت دكتور ولا بعد يجي موعدها بنوتي !
ياليت احد يجاوبني اللي يعرف

تشكراتي لكم

حزن روح
10-10-2012, 07:30 AM
الترجيع عادي للأطفال الصغار

أما الحليب فهو مكتوب ع العلبة كم .. واني استخدمت لولدي نوعين .. وكانوا ملعقة وحدة لكل 30 مل

الحلا كله..
10-10-2012, 11:28 AM
بنوته قمر ::

العلبه مكتوب عليها اللي عندي نوفلاك ملعقه لكل 30 مل .. يعني 120 مل 4 ملاعق

الذوق الرفيع
10-10-2012, 01:40 PM
اخباركم مامات واخبار اطفالكم ..


سبحان تسلمي غناتي للسؤال الفترة الاخيرة مايمدي ادخل النت حاليا مسافرة ..

اخبارنا
الحمدلله تمام البنوتات كبرو وطول يومهم هواش الله يهديهم بس افضل من لما كانو صغار :)

Snow Angel
11-10-2012, 12:37 AM
سبحان ~
يسلمو ع السؤال
وأنا وولدي الحمد لله
كيف كرار مشى وإلا بعده؟'

الذوق الرفيع
ترجعون بالسلامة والله يهديهم الحلوين
جيتي في بالي قبل كم يوم .. أختفيتي مرة وحدة :)

سُ ـبحان ~
11-10-2012, 03:12 AM
سلام ،،
كيفكم مامات ؟
.
الذوق الرفيع ..


سبحان تسلمي غناتي للسؤال الفترة الاخيرة مايمدي ادخل النت حاليا مسافرة ..

الله يسلمش .. وترجعوا بالسلامة
والله يحفظ لش البنوتات
.
سنو ..


يسلمو ع السؤال
وأنا وولدي الحمد لله
كيف كرار مشى وإلا بعده؟'

الله يسلمش
دوم إن شاء الله
أيي مشى من نهاية شعبان ^^
والله يخلي الكتكوت الجميل
.
.
;)

المزيونة
11-10-2012, 04:18 AM
هلا مامااات وحشتوننني اخباركم واخبار الاطفال الحلووووين

ادرري محد يتتذكرني ههههههههه نسيتوني هاه

وكل وحده بتروح بيت الله تدعي لنااا وتروح وترجع بسلامة ياررررب




اخبار الذووق الرفيع...ام هيثم..حلاتي...وردة الربيع...دلوعة الغالي..مثل القمر...محليتهم...رقة مشاعر...ليل برايد...سبحان...جود...بنوتة قمر...روح شفافه ..ماء الكوثر...زينبيه...اخبار اطفالكم وكيف الصحة



انا اخباري واخبار بنوتي


بخير الحمدالله وصاررت تناغي وتضحك بصلاة ع محمد وال محمد بسألكم امهاااات متى يبدووو يقلبووو؟. باي شهرر ع عمرررري للحين حبستها بالقمااااط مافكيتهااا

حلاتي
12-10-2012, 03:20 AM
مرحبا

ليل برايد -الشر مايجيش والله يسمع منش ويطلعو ويرتاح وارتاح معاه ( :

محليتهم --هلا وغلا بام يزون وحشتني سوالفش عن ولدش صرتي مختفيه هالفتره
كيف يزون انشالله بخير
الشر مايجيش يووو هههه اني رحت ستي مول ليله الثلاثا تقريبا مادري تقصدي هاليوم او لا ( :
كنت رايحه بيت اهلي ويصير في طريقنا المجمع ونزل زوجي لفرع موبايلي ونزلت معاه عن القعده في السياره
---كني قصيت حياتي
بس عفر ماشفتش مايصير ) : -- الي يسمع اعرفش هههه

مزيونه --هلا بالمختفيه مانسيناش ياغناتي بس كلنا مشغولين ويا هالبصاوه هع
كم عمرها صارت المحروسه عفر بدري عليها تقلب
اني ولدي صار يحاول يقلب تقريبا من الشهر الخامس بس ماكان يعرف عدل
وفالسادس مايمدي اتركه الا قلب وراح نهايه المكان المحطوط فيه خخخخ

مثل القمر --وحشتني اخبار الجودي الجميله وش اخر اخبارها طعمتيها لو لسى

باقي المامات اخباركم وكيف جهالكم ؟

الذوق الرفيع
12-10-2012, 02:52 PM
المزيونة
الحمدلله بخير :)

ما اعرف والله اي عمر يبدو يتقلبوو في اطفال من وهم صغار مرة يتقلبو هدوش بنتي يمكن ماعرفت تتقلب الا 9 او 8 شهور مو ذاكرة بالضبط بس اذكر انها تاخرت ...

دلوعة الغآالي
13-10-2012, 04:54 AM
اهلين مامات وحشتوني قميعاااا

مزيونو رفيقتي اخبارش اي والله مايمدينا نحك راسنا من هاليهالو
اني كان عندي اختبارت وعلى حظي ولدي كان تعبان اول شي جته انفلونزا وبعدين فايروس وبس اسهال وترجيع وصاير متحجج ويبغاني كلا جنبه
اشوفه اليوم احسن شويات بس بعده ماخف عليه عدل ملعوووز ليي الدنيا :(






اليوم طلعت وياه اخذت له ثيابات شتويه وجاكيتات لان على قلبي يكسر خاطري كل يوم من الصباحات اوديه الحضانة ويتجمد برررررد وصلت درجة الحرارة امس 2 تحت الصفر :eek: فجاة طب علينا البرد هالسنة بدون مقدمات

مثل القمر عطر الاريج مزيونو محليتهم ام هيثم حلاتي ورقة مشاعر وحشتوني وايد ووحشتني سوالفنا بس احس مرة مافي وقت زي اوول

سبحان سنو انجل الذوق الرفيع كمادة وباقي المامات بدوون عدد اخباركم وكيف الجميليييين

Zahrayousef
13-10-2012, 06:28 AM
اهلين. مامات
اخباااركم واخبار النونوات ؟

ولدي عمرره 6 شهور واسبووع
و صاار يزحف كل شي يروح له متعبني مرره !
بس مسوي لنا جوو بالبيت :d

شرينا له العربه حق المشي بس مايحبها !
اذا حطيته فيها يصيح !
مادري ليش !

طبعا الاسبوع اللي راح كان مريض اسهال وترجيع تكرمو
واتنومنا بالمستشفى ليله !
بس الحمد لله صار احسسن بكثير هالاسبوع

كمادة
13-10-2012, 06:56 AM
هلا مامات
كيف حالكم مشكوره دلوعة الغالي على السؤال :)احنا بخير والحمد لله يوم الخميس رحنا البحرين واولادي مره انبسطو بتغير الجو حتى صغيري مبسوط اطالع الناس بشبونغ :)انتبهو لاولادكم من تقلبات الجو موفقين

رياح الغربه
13-10-2012, 06:58 AM
السلام عليكم
كيف حالكم امهات
اسمحوا لي على هالغيبه غصبا عني والله
بديت دراسه وزوجي صارت له ظروف ونزل عني البلد بعد رجعتنا باسبوع وضليت
لحالي ويالجاهل وزحمتي زحمه
الحمدلله استقرت الاوضاع الحين
سيود ولدي مستانس حده في الحضانه وصار عمره 4 شهور وبدا ياكل وهالاسبوع عنده موعد وودي ااجله لان عندي اختبارات اتوقع له تطعيمات
اتمنى ان كلكم بخير وعافيه ودي اقرا الصفحات الي قبل بس مع الاسف مايمدي :(
وحشتوني مره

دموع السماء
13-10-2012, 09:07 AM
هلا امهات شخباركم؟؟… شخبار اطفالكم؟؟... اني متابعه معاكم بصمت…

الكاســر
13-10-2012, 10:14 AM
صباح الخير

شلونكم مامات

اعذروني مقصره وياكم وتواجدي قليل هالفتره

اني بخير الحمدلله بس موسم اهل وتجمعات وعروس وخرابيط والحمدلله على كل حال

جودي بخير وتسلم عليكم وتبوس جهالكم صارت خوش بنيه والله ربي يحفظها ويخليها بس تقهر لاتاكل ولاترضع عدل وعنيده شويات

بدخل ليكم قريب اعطيهم التفاصيل

اشوفكم على خير :)

الذوق الرفيع
13-10-2012, 04:00 PM
اخباركم مامات


دلوعة الغالي

تسلمي للسؤال غناتي الحمدلله انا بخير والبنوتات الحمدلله تمام ..


سنو انجل
اخبارش واخبار الصغنن ان شاء الله بخير


كمادة
عليكم بالعافية ينبسطو الاطفال بالسفر واجد ويغيرو جو ..


ام جودي

لازم تجيهم فترة يعيفو الاكل بشكل لدرجة ان تستغربي مايجوعو بس فترة مؤقتة ويرجعو لطبيعتهم


اخبارنا
رجعنا يوم الخميس من عند الامام الرضا سلام الله عليه انبسطو البنوتات واجد ماعدا ولوش مرضت :( اسهال وترجيع مرة داير هالفيروس الله يحمي اطفالنا و ظلت في المستشفى يمكن يوم كامل صابها جفاف ورجعت السكن وهي حالتها حالة مرة وتخيلو عاطينها ادواء حبوب :( وش عرفها تشرب حبوب دوبته ي ماي رجعته مارضت تشربه اخذهاابوها ووداها للضريح مسحها فيه وخاها تقبل الابواب كلهم ورجعت من عند الامام سلام الله عليه مافيها ولااااا حاجة ببركة الامام روحي فداه لاحرارة ولا ترجيع ولا اسهال ولا شي والامس قامت تصيح بعد عمري وتلبس جزمتها تقول ابي اروح للامام بابا وديني للامام مارضت تنام لا ابي الامام باروح له يارب تنكتب لنا زيارة ثانية ان شاء الله ..

Snow Angel
13-10-2012, 04:59 PM
دلوعة الغاآلي
تسلمين ع السؤال
وأنا وولدي الحمد لله .. ومايشوف شر الحلو

الكاسر
الحمد لله
انتوا كيفكم وكيف جودي .. ويش آخر تطوراتها؟
جلست وإلا بعدها؟ :)

الذوق الرفيع
الحمد لله على السلامة
وسلام الله عليه علي ابن موسى مايخيب أحد .. اللهم صلِ على محمد وآل محمد

كمادة
13-10-2012, 06:50 PM
الحمد لله على السلامة دواقة مايشوفو شر الجميلات الله يحفظهم الله يتقبل السته وكل سنه
بسئلش احنا يوم الخميس بنسافر ايران على خير كيف الجو اهناك
الله يكتب ليكم جميع تامرو على شي من اهناك
سلامي ليكم جميع والله يحقظ جهالكم :)
موفقين

زهره الاريج
13-10-2012, 08:31 PM
هلا كيفكم أمهات وحشتوني واجدًدًً
دلوعة الغالي مشكورة ام الهواشم علئ السؤال
بس مؤ كانه مرة بكير تآكلي ولدش احس لو تستني علئ الاقل خمسة شهور افضل

كمادة تروحي وترجعي بالسلامة للأسف ماعندي علم علئ الجو هناك بس أكيد بيكون بارد يعني دفي اليهالو عدل

الذوق الرفيع حمدلله علئ سلامتك غناتي وتقبل الله وماتشوف شر الوشه

الكاسر وحشتيني كيفك وكيف جودي العنيدة والله يدوم الأفراح يارب

باقي الأمهات أخباركم كلكم بدون اسماء

اخباري الحمدللهً وفروسي بخير بس قاهرني كله يبغئ يرمي روحه خاصتنا لم يصيح
رحت وياه السوق فشلني زين ناطاح من ايدي كانه ينتفض رحت اياه غرفة تبديل الملابس وهو يصرخ
حتئ دقت علي الباب الا تشتغل هناك تفكرني ضاربتنه خخخخخ عاد اني مرة خفت الأمريكان ماعندهم تفاهم في هذا الامور

الكاســر
13-10-2012, 10:56 PM
ذواقه عليكم بالف عافيه والحمدلله عالسلامه وربي يكتب ليكم ويانا زياره للامام سلام الله عليه سلامتها صغيرش ماتشوف شر والله وربي يحفظهم لش ويخليهم يارب


انجوله احنا بخير الله يسلمش بعدها جودي ماقعدت بس تنقلب على بطنها وتزحف واقعدها شويه بس بعدها ضهرها لين ماتمسك روحها خخخخ

زهور اني بخير الله يسلمش وربي يخلي لش فرووسي المشاكس خخخخخخ زين ماحاكموش على قفلة الباب يفكروا توحدتي في الولد وضربتيه صحيح الاجانب كل شي عندهم ولا الاطفال ودا اللي احبه فيهم حبهم برص وخمسين خرص


مزيونوه تسلمي والله عالسوال مره وحشتيني اني بخير الحمدلله كيف زينبه ؟ مره اشتقنا لسوالفش الجميله

مامات كلكم بدون ذكر اسامي شلونكم وحده وحده ان شاء الله تمامو

الذوق الرفيع
14-10-2012, 12:36 AM
كمادة
الجو ايران بارد احملي شتوي بس مو ثقيل واجد بلايز مكممة وبلايز رقبة وقبعات و جاكيتات خفيفة اذا بتروحو الشمال اتوقع الجو اكثر برودة ..
عليكم بالعافية تروحو وترجعو سالمين ..


زهرة الاريج & الكاسر
االله يسلمكم :)

حبيبي حياتي
14-10-2012, 04:46 PM
كيفكم مامات وحشتوني سوالفكم بس سوالفكم وانتو حوامل اكثر هع
من زمان ماسئلت عن احد منكم مافيي خير
اخباري
حلا جايب اليي سمرقع من عناده تبي تمشيني على كيف العنيدها وشكله بتسنن كل تعضني واذا قلت اي تقعد تضحك وتعض اعضم

الكاســر
15-10-2012, 10:54 AM
^^ خخخخخخخخخ

الله يخليها لش يارب تضحك عليش لان مايمشي عليها هالكلام يعني قدرتي عالحمل والولاده وماتقدري على عضه هههههههههههههههه


جودي لعابه حدها تلعب علينا تسوي نفسها تصيح وتصيح زي المنقهره بس صرخه وفجاه تقلب تبتسم وتضحك
تضحكني حركاتها كل يوم طالعه بحركه جديده وكل من شافت احد اخدت ايده وقامت تعض فيها وتمصها شكلها بتسنن كل شي تبغاه في بوزها

امهات متى اقدر استخدم الحلمات الرضاعه هذي؟؟؟

http://static.hawaacdn.com/PE/2009/01/25/12/nubycuillerebiberonfamillebebe33219-1.jpg

شريتها وطلعت وياها الحلمه هذي وحلمه عاديه
جربتها للعصير وبنتي عمرها خمسه شهور الحين بس ماحس تعرف ليها

وبعد هذي الرضاعه وش نوع الاكل حقها ؟ لان بنتي تاكل زي السيريلاك كله اتخيل انه مايعبر فيها ويسدها

جنا الروح
15-10-2012, 05:32 PM
مثل القمر
سيرلاك عادي سويه شوي سائل اعطي ولدي فيها اني عادي ماينسد

جنا الروح
15-10-2012, 05:35 PM
مرحبا ممات اني متابعتنكم من اول مافتح الموضوع كل يوم ادخل واتابع اخباركم خاصه مثل القمر وليلي برايد
استفدت منكم واجد

واكيد ماأنسى جود استفدت منك واجد واجد الله يعطيك العافيه


عندي نونو بالعيد علي خير يخلص 6 شهور صيوح ولا يسكت ولا يشاهد طه مايحبها مادري ويش اسوي له

الله المعين...

حبيبي حياتي
15-10-2012, 07:58 PM
مثل القمر
اتالم بس شنو اسوي اتحمل عضه بس اعقبه ماعطيه بس ماتتادب وعلى حركت بنتش حتى بنتي نفس الشي علشان بس يخرعونه ونجي نرقض اليهم فيهم عقل يشتغل هههههههه
جنا الروح
الله يعينش عند ولد اختي كذا الحين عمره 8 شهور من جيبته الى الحين الصيح بسبب وبدون كل صياح حتى امه كل ضايق خلقه منه حتى مستشفى راحو به شكو في بطن مغص او شي بس تالي طلع دلع كل يبي يصيح

كمادة
16-10-2012, 01:27 AM
هلا مامات كيف حالكم
مثل القمر هذا تستخدم فيه كل انواع اكل الطفل بس لازم اصير سائل حتى الزبادي استخدمها لولدي اخدو المقاس الصغير تقدري تتحكم فيه
الي سئلت من وين تقدري اتحصليها روحي قسم من اين اشتري لطفل وبتلاقين الرد :)

الذوق الرفيع
16-10-2012, 03:39 AM
كمادة
اذا بعدش مارحتي ايران احملي فازلين او كريمات مرطبة ومرطبات حق شفايف لان جفاف مرة نسيت ما احمل ..
وبس موفقين

دلوعة حبيبها
16-10-2012, 04:08 AM
سلاااااااام امهات .. تصدقوا لي سنين بهالمنتدى وتوني اكتشف ان التجمع هذا حق الامهات على بالي
تجمع الحوامل ..

اعرف عن نفسي ..
انا دلوعة حبيبها ..
ام لتوامين اولاد عمرهم سنتين ..
مشاغبين .. وعصبيين .. ومطلعين روح روحي ..


اتمنى تقبلوني بينكم ..

كمادة
16-10-2012, 04:58 AM
هلامامات
الدوق الرفيع تسلمي غناتي على النصيحه الله يخلي صغيراتش
عندي سوال ان شاء لليلة الجمعه بنسافر ايران وبتكون الرحله المغرب وبروح مطارين على مشهد صغيري عمره 11 شهر حابه اعرف ويش الوجبات الي اسويه لصغيري بحيث انها ماتخرب عليه لان على مانوصل بيكون الصباح
ابغي خبراتك
بحملي معاي سيريلاك وبسكويت
اختي دلوعة حبيبها حياش الله بتستفيدي واجد من خبرات المامات اتا عن نفسي صراحه استفدت واجد الدوق الرفيع وجود ومثل القمر تسلمو على ودودكم :)استفدت منكم واجد
وباقي المامات تحياتي ليكم:)

الذوق الرفيع
16-10-2012, 05:26 AM
كمادة
تسلمي غناتي كتبت رد بعدين انتبهت ان بتروحوا مطارين اكلات سيريلاك نفس ماقلتي روب مايخرب وو مثلا موزة فطيرة اشياء سريعة وحتى لما ياكلها مايوسخ حاله بناتي حملت رز ابيض حطيته في حافظة وحملت روب واكلتهم وجبة قبل طلعتنا من البيت وفي حال تاجلت الرحلة يكون في شي ااكلهم اياه وحملت بسكوتات وعصاير وماي و جهزي له رضعة للطائرة في الاقلاع شربيه عشان الضغط على الاذون مايحس فيه او مثلا اعطيه عصير او مصاص حلاوة كانت رحلتنا الفجر ومن الدمام نامو في المطار بس جلست وحدة في الطائرة ومارضت تاكل شي ووصلنا الصبح نامو على طول من التعب وهناك صيدلياتهم عندهم كل شي سيريلاك حليب للاطفال في انواع نفس اللي هنا موجودة واكل العلب الصغار كل شي متوفر امم بس لو احتجتي شي انا بالخدمة وموفقين عليكم بالعافية ..طبعا احملي ادوية احتياط وتحاميل خافض للحرارة ..

كمادة
16-10-2012, 05:42 AM
دواقة تسلمي غناتي كفيتي ووفيتي :)

الكاســر
16-10-2012, 10:56 AM
مشكورين على الافاده امهات واللي سالت عنها هذي نوبي ماركتها من سنتربوينت حطيتها بس عشان اعرف طريقة استخدامها والحمدلله ماقصروا البنات ويايي

بابدي وياها اعطيها فيها اكل سائل اريح لي ولها

مو راضيه تاكل زي الناس تقهر تبط القلب وحتى الرضاعه اعطيها وتلف راسها تطلع عليي وتضحك وتلعب :(

بعطيكم الاخبار بالتفصيل


دلوعة حبيبها ياهلا ويامرحبا نورتي والله ويانا

جنا الروح تسلمي غناتي واني بعد استفدت من المامات هووووون ربي لايحرمنا من بعض ويديم علينا هالجمعه الحلوه الطيبه يارب

جـــــــود
17-10-2012, 01:53 AM
اخباركم امهات

واخبار لصغار ان شاء الله بخير

ما قريت اخباركم هالفتره بس ان شاء الله تكونو بصحه وعافيه

كماده وجنا الروح ان شاء الله كلنا نستفيد من تجارب بعض


ذواقه
جعلها الله في ميزان اعمالكم الحمدلله انكم غيرتو جو وانبستطو

النبأ
17-10-2012, 02:46 AM
مرحبا مامات
اخباركم واخبار جهالكم الحلوين
كل اقول ابغى ادخل التجمع بس مايمدي
ان شاء الله اذا الله سهل بنروح ايران في عيدالغدير
ومرة اجاتي بنتي في الطيارة اخاف تصيح وتسوي ازعاج وانحرج
وهم خايفة انها تمرض من الجو
مع انها فرصة ماتتعوض للروحة لاني بعدين برجع اداوم ومابيمديني
صح بسآلكم يصير اني ارضع بنتي من صدري وقت ماتطير الطيارة ؟ لانها ماتشرب مراضع
وعلى روحتنا بيصير عمرهت 3شهور
دعواتكم لينا.بالتيسير ولبنتي بالهداية

جـــــــود
17-10-2012, 04:36 AM
تروحو وترجعو بالسلامه ودعواتكم

عادي خيتو ترضعيها في الطياره وترى مص الطفل اثناء الرضاه يخفف من الضغط الطياره على الأذن

وعلى لصياح عادي ^^

سافرنا وعمره اربعه شهور ونص كل الحمله في الطياره يسألو هذا ولد مين ^_*

حتى المضيفات اخذوه كان يسكت

غيم
17-10-2012, 05:09 AM
الا بتروح ايران الله ييسر اليها
وقلدناها الدعاء والزيارة
اخويي الحين في ايران يقول الججو بارد
المغرب البرودة ١٥
الجهال احملو اليهم شوي ثقيل يمرضوا

الكاســر
17-10-2012, 10:44 AM
صباح الخير والعافيه والصحه على عيونكم مامات ونونوات

وش اخباركم كلكم منيحين ان شاء الله

اللي مسافرين قلدناكم الدعوه والزياره وادعول لينا عاد لاتنسونا من دعواتكم الطيبه وعليكم بالعافيه وتروحوا وترجعوا بالسلامه يارب . انتبهوا لنفسكم وللنونوات

كماده تسلمي حبوبه واني والله مالي غنى عن هالمنتدى والبنات رحم الله والديهم من عرست واني استفيد منهم في كل حاجه ربي لايحرمنا ودوم على قلب واحد ويد وحده ان شاءالله :)

حلاتي ام فاضل وينش غناتي لش فجه وش اخبار فضولي القمر
ام قاسم رقة مشاعر ايضن وينش انتي الاخرى اختفيتي مؤخرا ( ماقدر على هالكلام) ههههه

دلوعة الغالي ويش؟ كيفكم وكيف السيد القمر وكيف الجو عندكم ثلجتوا لو بعدكم؟ الله يعينكم يارب وموفقين ان شاء الله

مزيونوه ام زينب شلونش قمره وش اخبارش انتين وصغيرش ان شاء الله تمامو

زهرة الاريج ام فارس كيفش؟ طلعتي من السجن على تقفيلة الباب على ولدش لو بعدش؟ خخخخخ وش اخبارش وش علومش ؟؟

وردة الربيع ام حسن شلونش وكيف النتفه كبر لو للحين صغيرون عالماما :)

مس سويت . اينجل . جود. دانيه . زينبه . الفراشه الحمرا. رياح الغربه. جود. الذوق الرفيع . دموع السماء
وباقي المامات كلهم وش اخباركم

اني ماعندي جديد العب وامرح ويا جودي يوميا وامورنا تمام التمام ولله الحمد
طلعتي وياها قليله من الشقه وماعرف ناس احتك فيهم فصايره ماتتقبل ناس غيري اني وابوها والشغاله حتى اهلي بدت تخاف وماترتاح عندهم وش بيدي لكن :(

وعود
17-10-2012, 07:07 PM
أخباركم مامات المستقبل ^_^
هذي أول مره عفر أدخل التجمع وعندي شي شاغل بالي
وماادري اذا انسأل قبل او لا
اني بكريه بالشهر السابع وادهن صدري بزبده الككاو يوميا واحيانا بزيت اللوز
وجابت لي حماتي شفاط الحليب وحكتني يدي واستخدمته ><
لاني ابغى الحلمه تبرز
ووجعتني لما استخدمتها وونزل من صدري سائل شفاف
هل عادي اشفط عشان ابرز الحلمه والا يضر
لاني بحثت توي ومكتوب ان الشفط بالحمل يعجل بالولاده

وعود
17-10-2012, 07:20 PM
يؤ هذا التجمع للمامات مو للحوامل توي منتبهه خخخخ
جاوبوني بعدين احذفوا الرد :p

جـــــــود
17-10-2012, 08:07 PM
الكاسر

احنا بخير الحمدلله وحسون يبوس جودي ^^


وعود

ربي يسهل عليش في وقتش خينو نصيحه لا تستخدمي الشفاط وانتين حامل

واستمري على لزيوت وتدليك باليد وسحب الحلمه الى بره بتبرز ان شاء الله

وعود
17-10-2012, 11:44 PM
ينطيش العافيه غناتي جود ماقصرتي
بدلك بس وآمري لله وان شآء الله خير
ربي يخلي لش يهالش وكل احبابش ي رب
مشكوره ^_^

بقلبي ابوحسن
18-10-2012, 12:07 AM
مرحبا مامات
أخباركم وأخبار أقماركم
امممىيمكن نسيتوني ﻷني ماىأشارك واجح معاكم
لكن كل يوم أدخل التجمع وأعيش معاكم أيامكم
النباء وكمادة علبكم بالعافية وتروحوا وترجعوا بالسﻻمة وﻻتنسونا منىدعائئكم
الكاسر أخبارك خية وأخبار جودي معاكم تدري أحب أشوف صور بنتك بالصﻻة ع النبي وآله قمر وضحكتها نفس ضحكت حساني
جود أخبارك غناتي وأخبارصغيرك تدري أني أستفدتىمنك أشياء واجد أنتي وليل برايد
والبقية خواتي أخباركم جميع
أخبارنا الحمد لله بخير يوم السبت طعمت ولدي تطعيمة اربع شهور وتسخن وتعب وعاف المرضعة والحليب الصناعي مرة وحدة والمشكلة حليبي مو مثل قبل مايشبعه وطوال يومي أرضعة مايرضى أشيله
وهداني أفكر ابدي أعطيه أكل كان يساعد شوي ﻷنه يعور بالقلب

ام علووه
18-10-2012, 05:58 AM
شحالكم مامات :)
جايه ليكم من تجمع الحوامل اني و ولدي علي عمره6ايام الله يخليه :)
من زمان متابعه اخباركم وكل يوم اقول بدخل باشارك بس ماني عارفه كيف ابدي

آنجل
18-10-2012, 08:08 AM
كح كح غبااااااااااااااااااااااااااااااااااااااااااار
هههههههه
كيفاتكم مامات واخبار النونوات
متابعه اخباركم على طول بس مايمديني اكتب شي من البرنسيسه زوبا
زوبتي كبرت بعد اربع ايام يصير عمرها سنه و3 شهور ومشت من شهرين والشطانه زايده من نقعد لين ننام ما اتركها صايره تتسلق طاولة التلفزيون وتلزق في الشاشه عاجبنها شعار طيور الجنه تبغى تاكله:D وكم مره تطيح او تضرب بوزها في الطاوله ويطلع دم والله خايفه تكسر اسنانها لان طاولتنا من فوق رخام او يطيح عليها التلفزيون بس ماتهون عنيده هالدوبه
وصايره مشاكسه حدها تقعد تطلع القدور الصغار تلعب فيهم وحق القهوه التركيه مفكرتنه لعبه توديه غرفتها وترميه كل ما اشيله ترجعه :cool:
والمعلبات حاجه ثانيه توديهم الصاله تخششهم ولثياب ترميهم في غرفتها والعابها في سلة لثياب :confused:
ومخربه نومي عدل كل ما اعدل نومها مافيه الا تسهر ننام العصر ونقعد اخر الليل وطبعا صار لها كم شهر كذا حابستني ما اعرف اطلع اول امس قومتها المغرب رحت السوق عشان تنام لما رجعنا اخذت غفوه وكملت ليوم ثاني العصر :eek:
والله ايام خلاص عيوني تغمض لوحدها اقعد روحي غصب امس انيمها وانا اللي نمت بغت تطيح من على رجولي وقعدت الاهي نايمه :(
واذا قعدنا الليل خلاص ما اعرف اسوي شي ولاترضى انظف الشقه تفزع الدنيا اذا جيت اكنس مرات انظف الشقه بفوطه تخيلو حتى السجاد اتكسر عدل متى بتعقل ما ادري
وكله تمثل تسوي حالها تصيح عشان نطالعها :p مع ان مبين ماتمشي علينا
اي وبعد صايره دلوووعه واجد
والطبخ حدي غذا خميس وجمعه والليل طبعاً نايمين مرات اموت من الجوع ما اعرف اطبخ اذا غفت سويت اي شي سريع غذاي الفجر :eek: وقت قيلولتها
والقهر ما احد يحس كله ليش ماتطلعي وليش مانشوفش كانهم مايدروا يعني اني ما انام معاها ايام حتى زوجي ما اشوفه لما يجي نايمين ولما نقعد هو ينام
واذا قلت من بنتي تدروا نومها ملخبط ومتعبتني يقولوا اي ماعندك الاوحده انتي احسن منا يقارنو بنتي باولادهم كبار في المدرسه حتى مره انقهرت رديت عليهم قلت اولادكم يفهموا بتكلموهم بتعطوهم ايبود اي شي يسكتو وكبار مابتقعدو مراقبينهم طول الوقت بنتي ماتفهم تلعب باشياء خطره ولازم اقعد معاها لاتركب على شي وتطيح هذا وهم يدروا ان بنتي طول الوقت معاي نادر اذا وديتها بيت جدتها وزوجي مشغول بالعمل والدراسه يعني ما احد يساعدني
وكله على لسانهم ماعندك الاوحده حتى قاموا يعلقوا يوم شافوها بدت تمشي والحين صايره كله تطيح :(

اليوم بعد عندنا مناسبه والله يصبرني على التعليقات

الفراشة الحمراء
18-10-2012, 09:21 AM
انجل

اه ذكرتيني بحمود يوم كان بعمرها نفس الحركات
توقعت البنات اهدأ هههه
ازيدش من الشعر بيت ولدي نفس الحركات بالضبط ويوم كان عمره مثل بنتش كنت حمل ونساه خخخخ
هونيها وتهون ولدي الحين عمره سنتين و3شهور
توه من 3شهور نومه بدى يعتدل رحمة من رب العالمين
اساهر بواحد والثاني يكون نايم
ينام واحد ويقعد الثاني الحمدلله
والناس مابتعذر الا اللي مر بنفس الظروف

فوفه
18-10-2012, 12:43 PM
بسألكم أمهات رحم الله والديكم
من تستخدم شفاط بيجون ..
أني ولدي رضاعته قليله وصدري على طول محتقن .. والشفاط جايب أجلي .. مايشفط عدل وينزل الحليب برا الشفاط على ثيابي مع انه جديد

يمكن يوم اغليه.؟
وش الحل اغيره يعني؟
ردو عليي بليز ترا مره منرفزه توني صافعه به الجدار من القهر

جـــــــود
18-10-2012, 02:40 PM
بقلبي ابو حسن

اهلين اخبارش وحشتينا


غناتي نصيحه لا تخليهم يرضعو على كيفهم ودخلي الصناعي لو بالغصب

ولدي في نفس هالسن عاف الصناعي وبس طبيعي وطول اليوم في بوزهم مو من عطش ماخذبين السالفه لهايه بس

ترى بعد ثلث ساعه يوقف نزول الحليب من الصدر مهما كان مليان

ولدي استمريت معاه الين السنه 24 ساعه في بوزه حتى لما اكلته ياكل شوي ويرضع قبل وبعد الين طلبو المستشفى افطمه لانه صابه انيما حاده من سوء التغذيه بعيد الشر عن اطفالكم


ام علوه
الحمدللله على السلامه خيتو ويتربى في عزكم ودلالكم وحياش معانا


انجل
ربي يعينش
مريت بنفس ظروفش ولدي من ولادته يحب نوم نهار ينام على 3 ويجلس على حدود 9 ليل وكنت اضحي بساعات نومي حدي ساعتين او ثلاث انام واصحه*ى واجهز العشاء علشان جية زوجي من العمل واستقبله على الاقل

ونفس الشي طول الااسبوع ما اروح بيت اهلي ولا عيالي الا مره من الف ومسئوليته كامل علي

من نص شوال تقريبا صارت نومتنا الصباح بعد ما هلكت واني اعدل في نومه

وعلى الشطانه والعفسه كلهم كذا وترى الطيحات والضربات اتعلمهم ما يسوو الشي لا تخافي عليها بزياده^^

وعلى اغراض المطبخ ما فيه حل غير تركبي قفول

وغلرفة النوم تقفليها ولا تفتحيها ابد ولدي عودته والحين يعرف انها من الاماكن المحضوره انه يدخلها

وربي يعينش وهدرة الناس شر لا بد منه


الفراشه الحمراء

اخبارش واخبار لصغار وان شاء ينتظم نومهم بسرعه وترتاحي


فوفه
ربي يعينش

اني جربت شفاط شيكو ما ادري عن بيجون ان شاء الله البنات يفيدوش

الحلا كله..
18-10-2012, 04:28 PM
فوفه اني شفاط بيجون مره تمام

زهره الاريج
18-10-2012, 08:00 PM
فوفة شفاط افنت خطيررررر مروة وبترتاحي عليه بقوة خاصتنا انه كهرباء يطلع الحليب الزايد كله
بس سعره شويه غالي ب٧٠٠ ريال

Znaybah
19-10-2012, 05:01 AM
هلو مامات وحشتوني من جد

اخبارنا

مزحومة حدي بتجهيزات الحج وبنتي مو مخليه لي مجال اتنفس احس كل شي صاير فوق بعضه
بنوتتي كبرت ماشاء الله وصارت تسولف وتقلد بعض الكلمات مثلا تقول طاح = توح وتقول داهو = دوو
وتأشر بإيدها على الشيء وتسوي بيباي تضحكني اذا سوولفت ماقدر عليها وتوها هالاسبوع بدت تحبي عدل ..
وشكلها ناوية توقف امس بس وقفت ثانيتن وطاحت خخخ ودايما تسالي على الكنب والطاولات وتطيح وتحصل
ليها فضخاات وخذلك صياح مايسكتها الا صدري ×_×

ومن الحين احسها بتوحشني وصاايره احاتيها بقووة .. واتمنى انها تتأقلم على غياابي وماتعذبهم
لانها صايره لزقة ومتعلقة فيني بشكل مو طبيعي تلاحقني من قرنه لقرنه خخ واذا شافتني
رايحة عنها تصيح وتصرخ تبغاني اشيلهاااااااااا لو اجلس جنبها >_<

..

مامات ابرو ذمتي وحللوني بإذن الله متوجهة يوم الاحد لبيت الله الحرام لأداء فريضة الحج
نسألكم السموحة والعفوو وان شاء الله مابنساكم من الدعاء ^_^

ام علووه
19-10-2012, 09:21 AM
ام زينب

مبريه الدمه حج مبرور وسعي مشكور


جود
الله يسلمش خيه ويخليش
ولدي فيه شوي من صورة ولدش الا في العرض: )


فوفه
اتوقع شفاطش زي حقي
اني مره تمام احسه و على التسريب خليه سيده مو مايل

ام علووه
19-10-2012, 09:43 AM
مامات

بسألكم
كم يحتاج الطفل يشرب حليب في اليوم الواحد (عمر ولدي اسبوع)وخلال كل كم ساعه اشربه؟

حوراء
19-10-2012, 11:20 AM
مساء الخير مامات اخباركم اني متابعة ليكم بس ما اعلق

بتي عمرها الان سنة و7 شهور ونومها معتفس ماتنام اله الظهر لين الليل

واني اظل اواصل من يوم ليوم ثاني وبعد حامل فمره تعبااااانة حتى الحديد عندي

نازل من قلة الاكل وشيطانة لابعد درجة مستحيل تقعد تلهي على حاجة واذا طلعنا بهااا

ماتبغى نمسكها تمشي على هواها وبس تبي تشوف حاجة وتعفسها

والي مضايقني اكثر الناس وبالاصح مره من العائلة اهي كبيرة من تشوف بتي تقول عنها

يوو ضعيفة ماتاكليها ؟؟؟!! واني اساسا ما اخليها في الجوع حتى لو ماسويت ليي حاجة اسوي

ليها حتى لو كنت تعبانة مع انه بتي وزنها زين وما احسها ضعيفة وااجد والله تقول اليي انتون ماتهتموا

في بتكم ما تخافوا عليها ؟؟!!! هذا القهر يعني اهي بت الجيران مثلنا مانخاف عليها

من جد تعليقاتها تبط الجبد بس شسوي كبيرة واحترمها وارد عليها بردود مقنعه بس ماتقتنع

فوفه
19-10-2012, 02:23 PM
إي شفاطي بيجون .. وكنت صحيح ماأعرف له بس مرات تضبط وياي هالمره خير شر ماشفط شي
أختي اشترت لي شفاط ميديلا وبعدنيما أستخدمه

والله على سالفة الصدر يصير لهايه للبيبي .. والله خوفي من هالشي .. من كم يوم عصبت قلت خيرتي بعطيه سهايه
بس ما أتوقع الحكومه ترضى .. أني ودي أعطيه رضعه وحده صناعي في اليوم بس بعد مو راضي :(
أحس أن الطبيعي بيقديني مره حتى في البيت :(

lil bride
19-10-2012, 06:08 PM
زينبية
مبرية الذمة غناتي وقلدناش الدعاء الله يردش ليها بالسلامة وما يحرمكم من بعض

أم علووه
الكمية اللي يحتاجها الطفل تنحسب على وزنه.. و الكميات المناسبة لكل عمر بتشوفيها مكتوبة على علبة الحليب بس مامشيت عليها لأن كان نص المكتوب يشبع بتي
وفي الأربعين تكون لسه مو منتظمة الكميات اللي يشربوها وبسرعة يكبروا وبسرعة يزيد احتياجهم .. بتي في البداية مرة كانت يدوب تشرب 20-30 مل وتشبع.. سوي له 60 مل وشوفي كم يشرب واذا شفتيه صار يشربها ويظل يحاول يشرب زيادة ويصيح اذا ما طلع له يعني ماتشبعه وزيديها 30 مل.. وهكذا كلما كبر شوي يزيد بالتدريج .. وشوي شوي حاولي تنظمي رضعاته خليها كل 3 ساعات تقريبا.. والطبيعي كل ساعتين >> اللي يرضعوا طبيعي ان شالله يفيدوش في هالموضوع

حوراء
لا تقهري روحش هم تشديه النسوان الكبار يحبوا الجاهل دب.. يعتبروها علامة الصحة
والله يدفع البلا هو بالعكس الجاهل السمين ممكن تستمر السمنة وياه للمستقبل ويدخل في مشاكل

الكاســر
19-10-2012, 10:43 PM
مساء الخير مامات وجمعه مباركه

هالويكند حافل مامداني ادخل النت ابد

مره انبسطت مع بنتي وقضيت وقت حلوووو وماودي اداوم من الوناسه استحليت القعده عفر

ام علوه هلا وغلا نورتي خيوووووه ماشاء الله لش قاعده جماهيريه كبيره في تجمع الحوامل بتفجي عليهم مرررره
حيا الله من لفانا والف الحمدلله عالسلامه ومبرووك جية صغيرش وربي يخليه لش

بقلبي ابو حسن ولكم باااااك ومعذوره غناتي الله يعينش والله


زينبه مبرية الذمة وقلدناش الدعوه والزياره وانتبهي لنفسش وااااجد بتوحشينا ولاتحاتي بتش استودعيها الله وان شاء الله ترجعي ليها بالسلامه وربي يتقبل ان شاء الله

انجوووله ياقلبي والله حسيت عدل باللي فيش لانه نفس الشي اعاني ومرات اكره اطلع من البيت اذا جودي انعفس مزاجها وخصوصا ويا صديقاتي واهلي وعندنا وعندش خير والله توني متهادره ويا وحده عشان التعليقات البايخه اللي مالها داعي
يتكلموا على كيفهم بس لو تقولي ليهم رد جد يزعلوا على طول يعني تعالي نفش خلقنا فيش وانتين تبسمي وجاملي واحرقي في قلبش عجب . طنشي طنشي لاتتعبي

ام علووه
20-10-2012, 12:15 AM
مثل القمر

تسلمي خيه على الترحيب كلش دوق ام جودي

ههه اني ماليي قلب اترك تجمع الحوامل تعودت عليهم

حوراء

طنشي خيه صدقيني لو بتش دبدوبه كان ماسلمتي منهم بعد الناس مايعجبها العجب



lil bride

تسلمي خيه على الرد الله يقويش

بس اعدريني مفهيه اني شوي
ادا في الرضعه 20_30 مل كم مره في اليوم كل كم ساعه؟


مامات الا رضعو بس طبيعي
كل كم ساعه ؟

زهره الاريج
20-10-2012, 06:09 AM
ام علوه علا فيش غناتي نورتي المكانات خخخخ اهمشي عندي اجمع
المهم غناتي اتي قالو ليي المستشفى كل ساعنين الى اربع ساعات بس تعرفي الجاهل في هالمرة ينام واجد صرت ما اسخي اقعده لين جاع هو بيصيح لان الجاهل يخف راسه اذا قعدتيه كل شوي

lil bride
20-10-2012, 01:25 PM
أم علووه
كل 3 ساعات تقريبا.. والكمية على حسب حاجته اذا 30 ماتشبعه.. اعطيه 60 اذا صار يشربها كلها ويظل جوعان يعني يحتاج أكثر.. سوي له 90.. وهكذا كلما يكبر بتشوفي الحاجة تزيد كلما بين فترة والثانية.. وبعد ماياكل يمكن تثبت كمية شربه

الكاســر
20-10-2012, 01:44 PM
هلو مامات

وش اخباركم ان شاء الله تمام

قاعده افكر في بتي زوجي يبغاني اسافر وياه عالعيد نغير جووو ولا ادري كيف باخلي جودي في بيت اهلي مو متخيله اروح بدونها ومو متخيله الوضع في السفر وياها ماعرف وش الحل مع اني مضغوطه احتاج شوي وقت لنفسي بس يوم جا وقت الجد احترت :(
البارحه رحت بها بيت اهلي ولعبت فيهم لعب ماتبغاهم وبس صياح ومزاجها معفوس وكم مره تسوي فيني كدا لمتى تتعود يعني . طلعت عنها رحت المجمع ورجعت وهي على حالها
ومازلت افكر :(

حوله بتركيز
20-10-2012, 02:40 PM
هاي امهاااات
عفر صرت ام والمفروض اسولف هون مو مع الحوامل
المهم حبيباتي
انا بنتي بتطلع من الاربعين التاريخ 8
ابي اشتري لها للعيد وكل ثياب السوق كبار عليها
للحين ماشريت لها الا لبستين
برايكم كم لبسه تحتاج للعيد .. وناوية اخذ بيجامات << انا العيد عندي تجديد من والى

ام عبدالعزيز
20-10-2012, 02:50 PM
ام جودي انا ناويه اسافر ايران بعد 4 شهور او 6شهور وزوجي مو راضي ناخذ بنتي ويانا وانا ماقدر استغني عنها لدرجه اني اماطله باجازة الامومه اذا تقدري انتي تسافري بدونها مع انه صعب مرة عشانها سافري

ام عبدالعزيز
20-10-2012, 02:52 PM
هاي امهاااات
عفر صرت ام والمفروض اسولف هون مو مع الحوامل
المهم حبيباتي
انا بنتي بتطلع من الاربعين التاريخ 8
ابي اشتري لها للعيد وكل ثياب السوق كبار عليها
للحين ماشريت لها الا لبستين
برايكم كم لبسه تحتاج للعيد .. وناوية اخذ بيجامات << انا العيد عندي تجديد من والى
كارترز تهبل ملابسه حق هالعمر وفيه سنتر بوينت بعد نصيحه مني خذي لها مقاس من 0الى 3 من نيو بورن لان حجم الكتكوته بيتغير واجد "اللهم صل على محمد وال محمد"

حزن روح
21-10-2012, 01:03 AM
أم علوه

ترا مو كل الاطفال يرضعوا في اوقات معينة

اني ولدت في الثامن وكان ولدي نتفة مرة وكان يشرب قليييييييل مرة ...

وينام واآجد ومايشرب طول الفترة اللي يكون فيها نايم واحيانا اقعده ويشرب بس شوي .. لأن يكون نعسان اصلا ..

ولحد الآن رضاعته مو منتظمة ... أوقات ما يرضع إلا قليل ولما يجي الليل يرضع واآجد ...

وانتي بعد فترة بتعرفي إذا كان صياحه لجوع أوشي ثاني


حولة بتركير

شوفي بنوتتش ... مثلا ترجع لو توصخ واجد وانتي بكرامة ...

إذا كانت هيك بتحتاجي واجد ... أما إذا عادي لبستين كفاية ..

وانتبهي يمكن يبرد الجو

سـَمـَر ْ
21-10-2012, 02:36 AM
الله يحفظ الكتكيت

نزلت بضاعة جديدة للاطفال النونوات من 0-6 شهور في موضوعي

ام علووه
21-10-2012, 05:43 AM
زهرة الاريج
ليل برايد

تسلمو على الرد

باحاول انظم له وانشالله انجح
على الاقل بقدر انام شوي


مثل القمر

احس صعبه تخليها
لاويه ماتاخديها وياكم في ناس يسافرو بجهالهم عمرهم شهرين ثلاثه
هو متعب صح بس احس بتروحي هناك ومابترتاحي لان بتضلي تحاتي وبتوحشش

الكاســر
21-10-2012, 07:39 AM
هلا حبيبتي ام علوه
اذا اخدتها بتدوخني تخيلي وضعي ويا زوجي في غرفة في فندق وبدال الاجواء الرومانسيه مامن الا حليب وصريخ :( مادري كيف
ان شاء الله خير يارب
ربي يقدم اللي فيه الخير وان شاء الله تتسهل الامور
بشوف وش يصير :(

شلونكم مامات وش اخباركم ان شاء الله منيحين

جودي تمام الحمدلله وصحتها كويسه حبيبتي

البارحه قامت تحرك وتفرك راسها بقوه في البطانيه يمين ويسار يمين ويسار لين تعلق في شعرها خيوط وانعقدوا شيطونه هالبنيه واضطريت اجيب مقص وافك العقد بس الحمدلله كلها كم شعره شلناها

ام علووه
21-10-2012, 08:20 AM
مثل القمر

هههههه الله يهديها
خيه دي ضريبة الامومه ودعي الاجواء الرومنسيه لفتره لين ماتكبر جودي شوي

آنجل
21-10-2012, 09:17 AM
الفراشة الحمراء
خخخ لا انا بنتي شيطونه طالعه على بابتها ههه
الله يعينش والله انا وحده ما اعرف اسوي شي منها
ولا افكر احمل ابدا توبه هع

جود
انا مرات بالاسبوعين ما اسوي عشاء منها ابوها يدبر حاله باي شي
وعلى الطيحات لو طيحات عاديه تهون بنتي كل فوق طاولة التلفزيون وتمسك الشاشه والشاشه كبيره بلازما الخوفه تطيح عليها او تبغى تنط من على الكنبات عاد شقتنا سيراميك فخطره الطيحات
ابوها حتى لو تمشي وتطيح يسوي سالفه خواف بزياده واصحابه يخوفوه بعد كل مايصير في اولادهم شي يقولوا له ويخاف عليها :(

الكاسر
اي والله وش نسوي مع هالناسات انتي لو بتتكلمي او بتعلقي على اولادهم مايرضوا بس هم بيهذروا على راسش وسكتي

اخبارنا :(
رحت الزواج ومثل ماتوقعت ما ارتحت من التعليقات تخيلو بنتي مانامت جالسه من 12 الليل ليوم ثاني الليل الساعه 10 مسكينه لان ابوها قعد يدور بها على ما اخلص ومانامت
رحت الصاله من وقت وكانت تبغى تنام ونامت من التعب وكل شوي تجي وحده نايمه ونايمه جات العروس غصب تعالي ارمي بنتش او قعديها غصب عشان توقفي معاهم على الكوشه
قلت لا بنتي تعبانه وضلو ساعه يحنو حتى ناس ما اعرفهم غصب خليها على الكنب وقومي بصراحه امسك بنتي اولى من اني اقوم على الكوشه وغصب قعديها اقول لهم بتصيح مانامت يقولوا ايه خلها تصيح بنتش دلوعه :mad: مافيه احساس ابد
قلت لهم وشو حرام عليكم من امس مانامت وتعبانه مابقعدها عواينها حمراااااا
ولاسكتو ابد يادوب نامت ساعه ونص وجلست بصياحها وارتاحو مو راضيه تسكت اتصلت لزوجي وطلعت
انقهرت حدي ياعلي وش هالناسات يقولوا بنتش وحشه وماتحب الناس
وانا كل اروح بها اعراس وعند صاحباتي كل مكان ماتصيح ولاشي بس اعراس العايله كل مره كذا
ولما تصيح صياحها مو طبيعي ابد حتى في الشقه لما تصيح ماتصيح كذا ابد ومتعوده على الاعراس والناس بس هم عايلتنا الله يهديهم يعلقوا بزياده

شكلي بحرم احضر اعراسهم وهي معاي :(

الكاســر
21-10-2012, 09:40 AM
ام علوه شكلي بودع الرومانسيه طول عمري كل ماكبروا الجهال كبر تعبهم وياهم بس عسل عالقلب والله هههههههههه

انجوله ياقلبي عليك لاتتضايقي ولاتحطي في بالش . الحمدلله حضريتي وباركتي ليهم وقمتي بالواجب
هدرة وتعليقات الناس ماتخلص من نولد لين اولادنا يروحوا الجامعه لازم كل وحده تقول اللي في قلبها
وكل وحده بتقول لش حاجه غير ولو سالتيها بعد ثواني تقول عكس اللي قالته من شوي
طنشي والله لاتشغلي بالش بهالامور وسوي اللي يريحش ولاعليش من احد

مستخلصة من زهرة ما!!
21-10-2012, 09:43 AM
مرحبا مامات اخباركم اتباعكم باستمرار واعرف اخباركم تعودت اني اشوف سوالفكم ..
انجل .. الوحده تتضايق صحيح من التعليق على ولدها لو بنتها والناس تطفش اني صرت ما احب اطلع من هالسبب كل وشفيه وليش كل يصيح ويبهدلوش زياده .. واذا قلتي مابتروحي مكان عرس او جمعه ماحد يعذرش الله يعين بس ..
ام علوووه..
اي والله مافي رومنسيه الحين اهم شي الدادو :p
الكاسر ..
احس صعبه تخلي بنتش صراحه لو اني مكانش اعيف السفر عشان بنتي بنتي اهم اني احس البنت مالها الا امها وابوها لومهما كان بتنتبهوا لها اكثر من اي احد وببتتتحملوها حرام تخليها غناتي بعدها جاهله ..
انتين وين بتسافري خيووه؟؟تدري دخلت التجمع عشان ارد عليش كسرت خاطري جوي مسكينه لاتخليها ههههه

مستخلصة من زهرة ما!!
21-10-2012, 09:47 AM
اخباري ..
الحمد الله تعوودت على حمودد حبيبي كبر وصار رجال هههه 4 شهور وشوي محتاره ااكلهه ولابدري احسه صغير مره بدري .. حده بس حليب احس كل يوم احبه اكثر واتعلق فيه ودي اكله من حبي له ههههه على قد ماهو مجننني يمون والله..
الللهم بس الترجيع الامفشلني بكل مكان يرجع على الناس

الكاســر
21-10-2012, 10:16 AM
مستخلصه ياعمري عليش :) دامش جيتي التجمع عشان تردي عليي خليش ويانا وسيري علينا من فتره لفتره
ربي يخليلش حمود . الحين رجعوا الدكاتره ينصحوا ان الماما تصبر لين يكمل البيبي سته شهور بس عن نفسي بديت ويا بنتي 4 شهور واقل بكم يوم بعد وللحين ماتحب شي زي عماتها وابوها بس لاحضت انها تحب الحالي
عطيتها جربر من الصيدليه على كاسترد وفانيلا وتتطمق فيه ههههههههههههه بس تعبت ابغاها تاكل صحي مامن فيده هي وابوها مجننيني على الاكل
ماقدر خيه اخليها دي مجرد افكار قاعده افكر وياكم بصوت مسموع. اني اذا نامت افتح جوالي واقعد اشوف صورها يقول رجلي استخفيتي مرتي؟
معاها بنتعب وبدونها بنتعب . اني باروح تركيا خيوه
المشكله من ولدت اربعين يوم ورجعت الدوام على طول لاتكشخت ولا تدلعت وعيد زواجي باقي عليه اربعه ايام :(

الله يكون بالعون اني بس اقول الحمدلله عالصحه والعافيه :)

تسلمي حبوبه على اهتمامش ولاربي لايحرمنا منش يارب

الذوق الرفيع
21-10-2012, 03:57 PM
مررحبا مامات

اخباركم


مثل القمر
اني كل اقول باسافر بدونهم مو عشان اجواء لو شي هههه بس بناتي كل يصيحوا ويتحججو انقهر فيهم الله يهديهم بس من اجي باسافر يعورو بفادي اقول حتى هم محتاجين يغيروا جو و اخذهم وياي ويجننوني واعيد نفس الاسطوانة ... بس خيرتهم يكبروا ويعقلوا ويستانسوا بالسفر ..

انجل
طنشي ولا تنقهري الناس مايملي عينهم التراب لو ويش يتكلموا في جميع الاحوال افضل شي تسوي اللي يريحش وتنطشيهم ..


اخبارنا ..
الحمدلله تمام بنوتتي مريضة هاليومين اسهال وسخونة الله يعين وبعد عمري امس تقول ابغي اروح للامام :(

الكاســر
21-10-2012, 04:09 PM
ربي يشفيها عورت قلبي :( الله يعطيها الصحه والعافيه وطمنينا عليها ذواقه

المغروورة
21-10-2012, 07:14 PM
هلو مامات

وش اخباركم ان شاء الله تمام

قاعده افكر في بتي زوجي يبغاني اسافر وياه عالعيد نغير جووو ولا ادري كيف باخلي جودي في بيت اهلي مو متخيله اروح بدونها ومو متخيله الوضع في السفر وياها ماعرف وش الحل مع اني مضغوطه احتاج شوي وقت لنفسي بس يوم جا وقت الجد احترت :(
البارحه رحت بها بيت اهلي ولعبت فيهم لعب ماتبغاهم وبس صياح ومزاجها معفوس وكم مره تسوي فيني كدا لمتى تتعود يعني . طلعت عنها رحت المجمع ورجعت وهي على حالها
ومازلت افكر :(
الافضل انك تسافري معها عشان قلبك يرتاح بوجودها انا سافرت لما كان عمر بنتي اقل من سنه والكل قالي لاتسافري لانها صغيره بس انا ماسمعت كلام احد وسافرت لاني كنت بروح مصر واهلي خافوا عليها والحمدالله رحنا صحيح تعب بس انبسطنا علاقل مابحاتيها وانتي وابوها تساعدوا عليها

بنوته قمر
22-10-2012, 01:02 AM
هلا والله مامات

شلونكم وشخباركم مع الجهال

مامات بغيت اسأل كم سؤال

اول سؤال !

بنتي احس رجلها زي المقوسه مدري هالشيء طبيعي او راح يكونو زي العوجانا

مع ان اختي قالت لي هالاسبوع عادي بتي يوم كانت كبرها كذا يوم كبرت صارو عدلين عادي

الحين عمر بنتين شهرين واسبوع

الشيء الثاني بنتي اليوم مسكينه مزكمه

وكل تعاطس وقلت بسوي لها ماي وملح هل عادي اسوي لها

واقطر في انفها والا يضرها !

واحط ملح ناعم او خشن ! ياليت احد يجاوبني الحين سريع قبل

ا انيم بنوتي مسكينه !

احسه مطفشنها الزكام مره ..

الحلا كله..
22-10-2012, 01:16 AM
اخديه من الصيدليه افضل..

طهر !
22-10-2012, 02:07 AM
أخبآركم مآمآت ؟!

مثل القمر ..

أني سآفرت بحمود وعمره قريب 3 شهور وما حس تعبني يعني مشوآر البآص وفي السفر حسيت الوضع عآدي

والحين إن شآء الله بنسآفر يوم الثلآثآء وبيكون عمره 5 شهور وإن شآء الله ما يتعبني

أخبآر حمودي ..

الحمدلله كل ما أكبر صآر يجنن

بس لآزم من التعب

الله يبلغنا فيهم !

:)

ملكوت الرحمه
22-10-2012, 02:25 AM
مرحبا مامات
صباح الخير=)

الكاسر

كيف تسافري وتتركيها لا لا لا لا ماعليش
خديها وخلها تغير جوو معاكم .. اصلاًً السفر معاهم له طعم ثاني
اني سافرت مع حمود وعمره 3 شهور ومره ثانيه حوالي خمس شهور... مرره انبسطت
ومستحيل كنت افكر ولامستقبلاً اني اسافر بدونه
توكلو على الله وسافرو غيرو جو كعايله كامله ولاتسمعي كلام اللي يقول روحي بدونها اريح
بجيش الحسره والهم ودائماً تفكري فيها .. ومن تشوفي طفل بتذكريها وتبغي بس متى متى ترجعو وتخلص السفره
وبعدين من قال مابكون في وقت لكم في الفندق .. نيميها وخذي راحتش
الكاسر احنا صرنا امهات ولازم نكون قد هالمسؤليه .. مو نقول صراخ وحفاظات وحليب
كلامي من خت لاختها وعووورني قلبي على بنونتش والله لما قلتي تفكري تتركيها
جيبيها عندي :'(


نصيحتي سافرو واستمتعوو ;)

جـــــــود
22-10-2012, 03:28 AM
سافرت بولدي وعمره اربعه شهور ونص

كانت السفره مآسااااااااااااااااااه بمعنى الكلمه هلكني عدل صياح وصريخ وحاله وحرمت بعدها اسافر وهو صغير من كثر الي شفته معاه في السفر

الحين قريب يكمل والى الحين متخوفه من السفر معاه

يمكن لما يكمل سنتين وشوي افكر اسافر به ^^

مستخلصة من زهرة ما!!
22-10-2012, 04:23 AM
الكاسر .. تسلمي لي حبيبيتي حسيت لكن عن جدتفاعلت مع هالنقطه بالذات ودخلت ع السريع ههههههههه .. فديتني صرت ماما حنوونه احس ان الام ممكن تفكر تاخذ اجازة اوفترة نقاهة من المسؤليه بس مسؤلية الاولاد ماحد يتحملها غير الام مالنا مفر ياغناتي هذي الحياه والحمدالله ع النعمه ..
تدري عاد اني عيد زواجنا كان واني قريب اولد بالثامن ومالي خلق كان احتفااال ابدا وزوجي تفهم الوضع كنت تعبانه هلكانه والثقل تاعبني ..
انشالله تستانسي بالسفر معاهاااا والله يكتب لنا سفره قريبا مع حماده حبيبي..
وصحيح في دكاتره ينصحوا بالاكل من 6 شهور ولكن بعضهم عادي ينصحوا بالاكل بدري ولايندرى وشوو الصح ..
صراحه اني ابي اكله يمكن يخف الترجيع تعبت تعبت احس حالي ما انظف ولاهو ينظف كل ثيابنا تتوسخ كم مره ابدل اني وهووو من الترجيع..
الله يكون بالعون الصباح بروح المستشفى بشوف وشو يقولي الدكتور .
خلاص مايهمش بدخل عشانش ياقمر ..
جوود ..
احس مهما كانت السفره متعبه بس بدونهم بتتتعبي اكثر الحمد الله ع كل حاال الجهال كلهم كذا ياستي

الذوق الرفيع
22-10-2012, 06:09 AM
بنوتة قمر

تقوس الرجل بيكون خفيف عادي شي طبيعي معظم الاطفال هيك جت فترة كنت ادقق في هالنقطة ولا قيت بعائلتنا معظم الاطفال وهم صغار كذا رجلهم بس من يمشوا عادي الوضع مو متقوسين ...


مثل القمر
الشر مايجيش غناتي


مستخلصة من زهرة ما
بناتي ثنتينهم هيك ترجيع حتى اذا أكلتهم ومايوقف الا قريب كمالهم السنة بس جهال وايد يخف او يوقف من ياكلو ذكرتيني بذيك الايام مرة تأذيت وياهم نفس الشي من يشربوا ذيك الرضعة سبحوني وسبحوا حالهم من الترجيع الله يكرمش ..

مستخلصة من زهرة ما!!
22-10-2012, 06:20 AM
الذوق الرفيع ..
قسم بالله احس ان هذا الشي الوحيد الامتعبني اكثر شي احسس انحرج بقوة اذا طلعت وياه وووسخ ثيابي ويابه ووثياب الاياخذذوه بالذات اذا وحده علقت اوحسيستيها تضايقت والقهر والايزود عليي ..
اهل زوجي توهم امس يقووولو لي مره ضعف رروحوا وياه الدكتور ووويقولووا لي لانك ماتاكليه كبر المفروض يااكل مع انه موكبير وانا مومستعجله عادي .. واساسا هوماضعف مقاسه يزيد ماينقص بالصلاه على محمد اخر مره من شهر وشوي يمكن رحت وياه المستشفى كان وزنه 6 كيلووهوكان عمره 3 شهور يعني وزنه كوويس صح؟؟..
احس الناس تجيب لي قلق ومرض وقولون وكل شي هههههههه

حزن روح
22-10-2012, 01:22 PM
الكاسر

هههههه ... تقدري تقولي ودعنا الرومانسبة ... والحركات

اني للحين وعمر ولدي 6 شهور مايمديني اكشخ زي قبل واكثر شي يقهرني لما يجي الرجال واني بحالتي ..

بس لازم نتحمل ولازم رجالنا يقدروا بعد

اني عيد زواجي كان بعد شهرين وشوي ولا مداني اسوي شي مع اني كنت مخططة لأشياء واجد ...

وحاطة أملي على السنة الجاية ...

حزن روح
22-10-2012, 01:26 PM
مستخلصة من زهرة ما ...

ماعليش من تعليقات الناس ع المتن .. اني لما ولدته كان جلد على عظم لأن في الثامن

وظل فترة هيك .. مايكبر بسرعة ... وكله يعلقوا .. ولدش صغييير وضعيييف

والحين الحمد لله كبر وصار وزنه مرة زين
:rolleyes:
لأن بعض الأطفال لما يطولوا يبينوا كأنهم ضعفوا

فانتي اسمعي مني وطلعي مني

الكاســر
22-10-2012, 01:54 PM
هلو مامات


مساكم ورد وعطر وسكر

مادخلت اليوم عليكم

امهات صحيح ترى ماتخيل نفسي اخليها بنتي بس دي افكار تجي وتروح :)

اليوم جبتها ويايي المستشفى عندها مراجعه وعفسوا مزاجها ربي يعفسهم صرخوا في ادونها وخضوها خض
والممرضات الندووووول عينهم على مضاعدها يقولوا ماما واجد فلوووس عشان يعني اللي في ايدها الدهب
حسبي الله عليهم وتالي يتراكضو كلهم جايين عند الميزان بيشوفوا وزنها قلت no need مابغى اوزنها هونت هههههههههه

وزنتها تالي يوم راحوا

صاقعه صقعتهم كلهم يقهروا


اني زينه وجودي كويسه الحمدلله رب العالمين

ام عبدالعزيز
22-10-2012, 03:55 PM
مامات بان اجازه امومتي شارفت على الانتهاء فشنو احط بشنطه بنتي اذا خليتها عند من يمسكها غير الحفاظ والحليب والفوطه والكريم وغيارات

الكاســر
22-10-2012, 04:13 PM
خيه يعتمد على الفتره اللي بتغيبي عنها والمكان اللي بتخليها فيه

يعني اخدي احتياط مفرش مثلا تنام عليه او شي تتغطى فيه لفه او بطانيه

على حسب بيسبحوها في غيابش لو لا؟؟

ملابس احتياط لو رجعت الله يعزش لو وسخت لو بردت لو احترت لو اي شي :)

يعتمد على عمره تحتاج شي يلهيها خرخشانه مثلا او لعبه

منشفه صغيره او فرشاة تغسيل الرضاعات

انتين شوفي وش تحتاجي ليها وانتين وياها وديه للي بيمسكها في غيابش :)

اذا حضانه شوفي وش يبغوا بعد واذا اهلش اساليهم وش يحتاجو

اني في بيت اهلي اغراض كامله اليها لدرجة اني صرت ماحمل ليها شنطه لين وديتها بس رضاعه ليها في شنطتي للطريق لين اوصل ليهم :)

ام عبدالعزيز
22-10-2012, 04:25 PM
عمر بنوتتي بيصير اربعه شهور وشوي قلت بحط لها بطانيه و3 شبكات وفوطتين صغيرة وكبيرة ومرضعتين وفرشاتهم وسائل استحمام وكريم ومناديل معطرة والحليب والحفاظ وسودوكريم ولعبه ومشط علما ان اللي بتمسكها عندها بنت تمسكها عمرها 3 سنوات وشوي ماسكتنها " متطفله وخايفه على بنتي منها "وانا مابي تسخدم لها شي الا من اغراضها

الذوق الرفيع
22-10-2012, 04:28 PM
مستخلصة منزهرة ما
بالضبط نفس حالتي كنت ما احب احد ياخذهم وفي ناس يهدرواويتقززوا ويرموا كلام اتضايق لان الشي مو بيدي فإذا احد بياخذهم اقوليهم ترا بنتي كل ترجع انتبهي ولا تهزيها و ... الخ وياكثر المواقف اللي تصير مثلا بطلع ولبست عباتي وكل شي الا الاخت مطلعة كل اللي ببطنها الله يكرمش ارد ارجع وهاك تنظيف وتغسيل وحالة و عادي تنعاد الحركة مرتين ثلاث لين تتكنسل الطلعة ههههه
واذا على الوزن طبيعي وزنه ماشاء الله اهم شي الصحة اوكي والحمدلله ...


مثل القمر

الله يحفظها جودي ويحميها من العين

lil bride
22-10-2012, 04:36 PM
أم عبدالعزيز
الشنطة أحط فيها ملابس داخلية 2-3 وثياب بيت وثياب طلعة بدلاغها وجوتيها ومشط وكريم شعر واكسسوارات شعرها حسب ملابسها
وباقي الأشياء اخليها ثابتة هناك: الفوط ومفرش التبديل لحفاظات وكريم الحفاظ واغراض الاستحمام (حتى لو ماتبغيهم يسبحوها ضروري لو رجعت او سربت او غيره) ومراضع غير حق البيت والحليب وفرشاة المراضع وجهاز التعقيم او المعقم والألعاب الجالوسية والمشاية والخرابيط دي..

حوله بتركيز
22-10-2012, 04:37 PM
الكاسر
ههههههههههههههههههههههههههاي
عجبني موقف المضاعد


صبايا متى بداتو تلبسو بنوتاتكم ذهب
انا ابي البسها بالعيد وماشريت لها الا تعليقه لان المضاعد والاساور مافي قدها توها صغنونه

جـــــــود
22-10-2012, 04:51 PM
مستخلصه من زهره ما

اني ما كتبت الى ام جودي قصدي تترك بنتها بس ابين اليها مو كل سفر مع اطفال مريح
احيانا بدل ما تكون تغيير جو تصير السفره اكتئاب
بس كل ام تعرف طفلها اني من البدايه عارفه ويش بيصير بس زوجي اصر على السفر لأنه ولدي وهو صغير مصروع وصياح 24 ساعه

ربي يخليه وزنه تمام وعلى الترجيع ولدي الى قريب يكمل 10 شهور وبعدها وقف وبعد ما اكلته انتقل من ترجيع حليب الى ترجيع اكل وانتين بكرامه ^_*
ما اتوقع فيه احد حمله وما رجع عليه بس للأمانه عمره ما احدد اتقزز من هالشي او قال الي كلمه


ام عبد العزيز
ان شاء الله البنات يفيدوش
عمري ما تركت ولدي وهو صغير فتره طويله فما ادري

Snow Angel
22-10-2012, 04:58 PM
هلا مامات :)
.
.

أخبارنا:
الحمد لله .، لاجديد غير ان ولدي صار يهدر ويقلد كلامنا :o
الله يحفظه ويحفظ أولادكم

ام عبدالعزيز
22-10-2012, 05:48 PM
حوله بتركيز انا لبست بنتي ذهب من اول اسبوع سلسال وحلق بس السلسال شلته عنها على طول لانه سبب لها حز برقبتها

ام عبدالعزيز
22-10-2012, 05:54 PM
أم عبدالعزيز
الشنطة أحط فيها ملابس داخلية 2-3 وثياب بيت وثياب طلعة بدلاغها وجوتيها ومشط وكريم شعر واكسسوارات شعرها حسب ملابسها
وباقي الأشياء اخليها ثابتة هناك: الفوط ومفرش التبديل لحفاظات وكريم الحفاظ واغراض الاستحمام (حتى لو ماتبغيهم يسبحوها ضروري لو رجعت او سربت او غيره) ومراضع غير حق البيت والحليب وفرشاة المراضع وجهاز التعقيم او المعقم والألعاب الجالوسية والمشاية والخرابيط دي..
صحيح هذة الاغراض المناسبه لكن بستغني عن ثياب الطلعه واكسسوارات الشعر وكريم الشعر اما المراضع انا استخدم زجاج افكر اخذ لها بلاستيك وشو رايكم جهاز التعقيم ماستخدمه اصلا لاني اغلي المراضع وقلت بودي الجالسه بس الدراجه لساتها صغيرة وودي اشتري لها لعبه فوشو اشتري لها غير الخراخشين ابي شي يتحرك ويطلع صوت

lil bride
22-10-2012, 06:23 PM
أم عبدالعزيز
اي صحيح بنوتتش صغنونة.. أني ما أضفت أشياء الشعر إلا بت 10 شهور يمكن لأن ما كان فيها شعر خخخ والكريم غصب عني ماكنت أحب أحط ليها بس هم مصرين ويحطوا ليها خرابيط حق كبار فأخذت ليها..
وماحتجت أودي ألعاب وجالوسية ومشاية لأن جوني هدايا واجد منهم وظلوا في بيت أبوي بس كلما مابين فترة أفتح شي والمراضع البلاستك أحسن .. شوي وبتبدأ تمسكها أخف ليها وأءمن لما تطيح.. أهم شي تستخدمي أنواع آمنة وموثوقة زي أفنت
اممم الألعاب شوفي ألعاب أبوالسعود والتعليم المبكر وتويز ار اس فشربرايس وهالشغلات ملفتة للأطفال

ام عبدالعزيز
22-10-2012, 08:49 PM
يسلمو ليل برايد عالافادة ، عندي مجموعه من مراضع افنت البلاستيكيه من مذركير بس ماحبيتهم حسيت فتحته الحلمه واسعه

فقاعة صآبون
22-10-2012, 09:07 PM
أني أحس السفر بالطفل وهو بعده مايتحرك اريح بوووواجد من انه يمشي

سافرت ببتي وهي بت سنه ونص ولا افكر اعيدها اصلا

يمكن لا صار عمرها ثلاث سنين تكون عقلت ونسافر :p

جنا الروح
22-10-2012, 09:20 PM
مرحبا مامات

ام جودي جربت السفر وولدي عمره 3 شهور مع انه صيوح ووين مارحت ضج المكان بس بالسفر صار كله نايم وهادي وريحني مراااا.... واستانسنا واجد

الله يخليها لك...

ام علووه
22-10-2012, 10:29 PM
يو عفر بديت اخاف من سالفة السفر

حاطين في بالنا صفر بعد ما اطلع من الاربعين بنروح ايران بولدي
كنت عادي ومتحمسه بس احين قعدت افكر جد في الموضوع
اني ولدي نتفه احين يعني بضل في المفرش ثلاثه شهور اربعه ولحين ما ادري عن وضعه ابو صريخ ابو سهر و الا بس اول الايام اني اشوفه جديه

شكلي باغير رايي او اول برجع شقتنا وباشوف اعرف له لوحدي لو

الذوق الرفيع
23-10-2012, 01:25 AM
رايي نفس راي فقاعة صابون احس السفر وهم صغار في المفرش اريح بوايد كبار وحجايج ويصيحوا ههههه
سافرت مع بنوتي كان عمرها 4 شهور كانت تمام السفرةماتعبتني مرة وهو لابد من التعب مع الاطفال

دمعة فجر
23-10-2012, 03:22 AM
ســلام ..

من زمان ما دخلت هوووون كل ربعي اختفووووا عفر :)

شدني موضوع السفر عن نفسي مابقطع رزقي بهياااته وتغير جووو علشان امورتي :)
جربت السفر معاها اكثر من مرة وبعمر مختلف مع ان اول سفرة جنوون مو طبيعي وكانت ام 5 شهور
حتى الناس ياخذوها كان تسكت وابد ولا فايدة تزيد حتى المطابقة والتفتيش واسطة الونان فاكون اول وحدة ويمشوني ههههههههههههههه وبالرغم من الهلكة ردينا نسافر بعد كم شهر <<مانستحي خخخخخخخ


حاليا ماشاء الله تغيرت بس نلعب الصيدة وراها بس سالفة الترجيع مطفشتني مخلتني مزبلة بالرغم
انها لسنة ونص مشاوير وياها ماترجع ابدا بس نكون فالسيارة تمسك خط ماادري ليش .؟؟<<احد عنده حل مرررة متأزمة من هالسالفة :(

جاي عيد ومشاوير اكيد :(


<<انتهت الحلقة 1 من مسلسل حياتي خخخخخخخخخ

جـــــــود
23-10-2012, 04:42 AM
فقوعه
اخبارش واخبار جوجو وحشتينا يا قمر وين هالغيبه


دمعة فجر

اخبارش واخبار الصغيره الله يرحم ايام تجمع الحوامل ^^


سنو انجل

ربي يخليه ويحفظه بحق محمد وآل محمد

احنا ما زلنا بالأشاره وربي راحم بحالنا ما يتكلم لانه بالأشاره وهالأيام زايد فتن اتخيلي لو احد من الجهال يمشي جنبه جا يشتكي انه ضربه وعظه وما ادري ويش سوى اله وهو ما لمسه لو يتكلم ما ادري ويش سوى

ام علووه
23-10-2012, 04:57 AM
دمعة فجر
يؤؤ يمكن مسكينه يدور راسها في السياره

دمعة فجر
23-10-2012, 06:07 AM
جــووود

اهلييين عاش من شافك :) تماااام ولله الحمد والصغيرة تمااام تسلم ع حسوون,,
اكيه تبغـى عشا بتاتس وكيكة لووووووووول


التجمع اييي الله يذكره بالخير :)

الا انتي شخباركم وكيف المعرس معاك,,<<يذكرني بكواثر احيانا اذا سولفتي عنه

ام علووووه

اييي شكله بس بعض الاحيان ماترجع احيانا نطلع مشاوير طويلة جداً ماتخالف
بس نروح السووق ترجع او الكورنيش :( وارجع مكان ماجيت
مرررة متعبتني ومأزمتني ع اعصابي اكون

الكاســر
23-10-2012, 09:10 AM
صباح الخير مامات :)

شلونكم وشلون اقماركم


يسلمو كل الامهات اللي ردو على استفساري كفيتو ووفيتو :) ورحم الله والديكم جميعا

حوله بتركيز دوم الضحكه يارب

امهات اللي يلبسوا بناتهم دهب . على حسب اني بتي كله تلعب في وجهها وتشمخ روحها يوم هي عمرها شهرين فصرت البسها المضاعد بس وقت الطلعه واشيلهم . والحلق للحين ماغيرته , والسلسال صحيح يسبب حز في الرقبه ولازم تنتبه الام لاتسبحه النونوه وتعور رقبتها او تفغص روحها او تبلع منه قطعه صغيره لين كانت التعليقه فيها حويجات وخرابيط :) بنوتتي من صغرها فيها بس انتبه ليها واذا حسيت ماليه داعي اشيله :)

الذوق الرفيع
23-10-2012, 02:28 PM
حولة بتركيز
ما اذكر بالضبط منمتى لبستهم الذهب بس الحلق عادي اي وقت بتلبسيهم والسلسال في البيت مو لازم عادي تلبسيها اني افضل وهم صغار استخدم بروش بدل التعليقة او السلسال وبس يكبروا شوي سلسلة لان اذا لسه ماوقفت رقبتهم تحز السلسة


دمعة فجر
الله يعينش .. ولوش بس لما كنت مسافرة مجرد نركب السيارة ترجع على طول فصرنا مانطلع مكان :(

lil bride
24-10-2012, 12:28 AM
جود
ياعلي حسون ههههه ضحكني.. هذي ما تشتكي بس مرة زفتة كل شي اااي ويعور وصياح وماتتدانى وعلى أقل كلمة تفلت روحها وتشدخ راسها بالسيراميك واذا الشدخة مو عدلة شدختين ثلاث وتتدحن صياح ويعور وتلاقي السالفة ومافيها ان بت خالتها قالت ليها "روحي" مثلا! :| أوزي قبل شوي راحت للجواتي بس قلت ليها لا ماما خلي الجواتي بس بجدية ما أصرخ.. قتلت عمرها صياح فحقرتها تالي ذكرت ان الناس نايمين اضطريت أقوم ليها ولا مابتسكت وبس هذا حالنا طول اليوم

دمعة فجر
يوه الله يعينش .. حاولي تخليها تطالع أشياء بعيدة في الشارع يمكن يخفف شوي.. أني أسوي تشديه اذا جتني حومة في السيارة ويهدأ الوضع.. والمشاوير القصيرة ساعات تدور الراس أكثر من الهاي وي لأن كلها اشارات ولفات.. ذكرتيني بمرة صيام وراجعة من الدمام ماقدرت اتحمل رجعت

موضوع الأسبوع.. السفر بالأطفال تحت السنتين كل عمر له مساوئه..
لما صغار مرة يمكن أريح ان يدوخوا في مشاوير السيارة بس اذا فزعوا خلاص مافي مجال تفاهم.. الكبير بتحاول تتحايل عليه ببسكوت أو لعبة او تراويه اشياء أي شي بس بعد حركي وعنيد ويقاوم بقوة الصغير...
والصغير يتعب ان كل شوي يحتاج رضاعة وتبديل واذا في عمر توه ياكل الأكل قصة ثانية.. الكبير أريح من دي الناحية..
واللي أكبر من سنتين اذا توه متعلم على الحمام ممكن يسوي اكشنات أو في نص لا مكان يقرر يبغى حمام.. زي وحدة تعلمني ولدها قرر يهد نمبر ون وهم في انتظار الباص :× مرة وهقة!
في النهاية السفرة كلها حظك نصيبك اللي يحصل له يروح ويجرب حظه d:

بعد روحي
25-10-2012, 05:22 AM
بسم الله الرحمن الرحيم

السلام عليكم
والله اني في هم مايعلمه الا الله
ابني حبيبي عمره 6شهور الله يحفظه واني اسبحه لما رفعته راسه صدم بالبلبله وصرخ شوي بعدين سكت سميت عليه بالرحمن
والحمدلله ماشوف فيه اي شي لكن خايفه يصير فيه شي الحمدلله لااستفرغ ولاجته حراره وهذا الكلام من يوم الثلاثاء
يعني ان شاءالله اطمن ولا لازم اروح للطبيب
طمنوووني
من صار لطفلها كذا وعدا على خيييير
الله يحفظ اطفالنا بحق هالشهر الفضيل يااااارب

أهواك يامهدي
25-10-2012, 05:44 AM
ان شاء الله ماعليه الشر الصغير
الله يخليه لش

ماصار وياي هالشي مااقدر افيدش بس اذا ماانتفخ راسه مافيه شي يمكن

وسلامته

نور الفاطمة
25-10-2012, 06:03 AM
اذا ما لاحظتي عليه اي ورمة ولا صار اليه ترجيع ، ما فيه الا العافيه
طلعي صدقة عنه
الله يحفظه اليكم ويبعد عنه كل مكروه

دلوعة الغآالي
25-10-2012, 06:07 PM
مامات اخباركم وحشتوني مافيي خير ماسال بس مرة انشغغغغلت ويا الجامعة دعواتكم لي

داخله سريع سريع باقي ربع ساعة على محاضرتي بس بسالكم سوال سرييييع
ولدي له قريب الشهر وياه كحة خفت كم يوم وردت رجعت والدكتورة تقول توه اقل من 6 شهور مانعطيه ادويه الكحة

مرة متضايقه عليه فاطس مافيه صوت بس يزن وحكته قويه احس صدره يطلع اصوات

قالت ليي احط له فيكس في رجولاته والبسه شراب طبعا فيكس الاطفال بس ماحسيته فاد وياه وايد صحيح خف الزكام والسخونة بس باقي الكحة الدفشة كل ماليها تزيد

اللي عندها طريقة تساعد اني اخفف عن ولدي هالكحة الدفشة تساعدوني
وشكررررا

دلوعة حبيبها
25-10-2012, 10:25 PM
سلام مامات ..
تقبل الله اعمالكم وطاعتكم .. وكل عام وانتوا بالف خير وصحه وسلامه ..


ابغاكم تساعدوني اولادي توهم مكملين السنتين ومن فتره احاول اعلمهم الحمام ومو عارفه
ولدي عزوز ابد مو مستجيب لي حتى لو اشوفه يعملها وادخله ما يرضى يسويها
وبس البسه الحفاظه يسويها :confused:
اما عبود فالبدايه استجاب لي من اشوفه على طول اقوله ماما حمام ويكملها هناك .. وبس يخلص
اصفق له و اعطيه قطعة شوكلا عشان يتحفز ..
بس هالفتره رافض رفض تام يسويها بالحمام من الاساس ما يرضى يروح معاي
وصار يندعس باي زاويه اذا بيسويها عشان لا ادخله الحمام ..
عزوز من اول ما شافني اشيله الحمام اذا سواها صار يندعس ..
اما البول تكرمون خييييييييييييييييييييير شر مو عارفه لهم ..
من خبرتكم وش رايكم وكيف تعالتوا مع اولادكم في حالة الرفض ..
اخاف يعاندوني اذا رصيتهم وتصير لهم ردة فعل و يتاخرون في التعليم من جد محتاره ..



دلوعة الغالي ..
انصحك بالعسل الاسود او عسل السدر على الريق ممتاز جدا للكحه اولادي ما استخدم لهم دوا
كحه ابد .. والحمد لله يستفيدوا عليهم واجد ..

ام عبدالعزيز
26-10-2012, 12:40 AM
دلوعه حبيبيها العسل ممنوع في السنه الاولى

دلوعة الغآالي
26-10-2012, 12:59 AM
لاااااااااا خيو انتبهي من العسل دكتورتي قالت ليي ان وايد اطفال ماتو :eek: من العسل
تقول اكثر اكلة تسبب شوك على قولها يعنو شرقات مدري غصات ^^ هي العسل

لان يوقف ليهم لان بعدهم مايقدرو هم السيريلاك وثقيل عليهم هالنتف :D

انصدمت اني توصل للموت :( عاد يخوفو هاليهالو والله

اني ولدي توه صغنن عمره 4 شهور اساسا ماكلته شي للحين

بس مرة متضايقة من هالكحة العبيييييطة
:confused:

جـــــــود
26-10-2012, 01:58 AM
ليول

نفس الحاله يصفق راسه في كل مكان ويقتل نفسه صياح بيجنني من هالحركه ربي يهديهم


دلوعة الفالي

عموما المشروبات الدافيه
النعانا والينسون وسكر نبات ومنقوع علك البان

بس نصيحه اذا طولت الكحه راجعي المستشفى لا تزيد وتنزل الكحه في الصدر بعيد الشر عن الصغير وفيه ادويه تنوصف حتى للصغار ما عليش منهم
واحيانا جلسات بخار خصوصا اذا الكحه معاها بلغم او صديد مره تريح الطفل

دلوعة حبيبها
كنت اتمنى افيدش
بس ولدي اعظم عمره سنه وتسعه شهور والحين شهر وشوي اعلمه وابد ما فيه اي استيعاب
بس الكل قال الي خليه لسنتين بس بستمر وياه الى نهاية الشهر اذا ما فيه تقدم بستنى الى ربيع

حتى الدكتوره قالت الي انه صغير وما عليه اي بوادر انه يتعلم

قالت بتعرفي انه في سن مناسب اذا بدأ يتضايق من حفاظه او من يسويها ينفرد بنفسه او يجي الش علشان تغيره اله

دلوعة حبيبها
26-10-2012, 02:29 AM
جود
هم يتضايقون اذا سووها وينفردون هالفتره بعد بس محاولاتي فاشله معاهم لانهم يعاندون
بالذات عزوز اقوله ماما يالله سو كذا يالله ماما سو كاكا هنا
يقول لي وهو معصب مانااااا:(
وعبود رافض يعملها بلحمام م انه كان يسويها :confused:


ام عبد العزيز & دلوعة الغالي ..
توني ادري والله عموما انا ما استخدمته الا بعد ما كملوا السنه لاولادي

حلاتي
26-10-2012, 02:31 AM
مرحبااااا
اخبار المامات الجميلات
وحشتني السوالف وياكم ودي اكون زي قبل اتابعكم اول باول بس مافي مجال مع الصنو الي عندي ) :
ولدي متعبني هالفتره كل صياح ولازق فيني لزق كل يبغا حمال عسى ماتركه لو باسوي
له مرضعته بس وبرجع يفقعها صياح حتى ضهري راح فيها من كثر ما احمله
وصاير يعيف الاشخاص اي احد وجهه غريب بالنسبه له مايبغاه يصيح من يشوفه ماكان كدا ابدا من قبل
كل من ياخده ينبسط فيه ويضحك معاه كبر وفهم خلاص
بس الشي الحلو انه صار يقول بابا و امبا واما
وقال ماما مره وحده اقلا فرحني بقولتها حتى لو ماعادها ( :
وصار يعزي احيان يضرب على صدره واحيان على رجوله واحيان على الارض
واحيان على اي احد قدامه يفكر العزا ضرب وخلاص وين ماكان هععع
اليوم فرختي القميل صار عمره 8 شهور والله الشهور تمشي مشي وين الايام الي اقول متى يكبر ولدي
ويسوي ويفعل احين احس الشهور تركض وفضولوه يكبر وتكبر معاه المسؤليه والتعب
بقرا سوالفكم عالسريع فاتتني صفحات الدنيا عفر ( :

حلاتي
26-10-2012, 04:36 AM
مرحبا مالي افاد ما ارد لو ردود قصيره خخخخخ وحشني التجمع والهدره فيه
مشاءلله انظمو مامات جدد واجد هلا وغلااا فيكم نفره نفره بعدني مااحفظكم عفر هع


دلوعه الغالي --مايشوف شر السيد الجميل وبصراحه صدمتيني ان العسل يسبب الموت
اني ادري انه ماينفع للطفل قبل السنه بس ماتوقعت لهدرجه


بعد روحي --لاتخافي ماعليه شر الصغير صارت لي نفس الحركه مع ولدي لما كان عمره اربعه شهور
صرخ له صرخه من الضربه خلعني عليه بس الحمدلله ماصار فيه شي وزي ماقالو البنات دام مافي ورمه ولا ملاحضه اي تغير فيه لاتخافي


ليل برايد وجود --ياقلبي على جهالكم قتلتوني ضحك على سوالفهم احس فعمرهم تطلع الحجايج على اصولها
وتعالي فهميهم عاد هالشي عيب لو غلط ههههههه

مستخلصه -الترجيع عندنا وعندش خير بس ويش نسوي اغلب الاطفال كدا والناس ماعليش من تعليقاتهم اسمعي وطنشي اني لليوم وبكرا كل مره تعليق بس صرت اطنش لا اجنن عمري خخخخ والوزن اوه ياما قالو لي ولدش سقط مو مصدقين دا كامل ما اهتم اهمشي اني اشوفه زين وخلاص هعععع

بالنسبه للسفر مع الاطفال ممم اني جربته لما كان عمر ولدي اربع شهور متعب صراحه بس الي تعبني اكثر مو صياح وزنه ولدي طول الطريق الي طفشني كثره اغراضه فالزحمه هعععع

باقي المامات مثل القمر -المزيونه -ام هيثم -محليتهم - وكل المامات احس هالكم يوم الي غبيتها نستني الاسماء زهايمر هع اهمشي لحد يزعل

الذوق الرفيع قريت سوالف بناتش ربي يحفضهم بالدات الصغيره لما مرضت وتعافت ببركه الامام سلام الله عليه اثرت فيني السالفه عفر ( :

fatima ali
26-10-2012, 06:06 AM
كل عام و انتوا بألف خير
صحيح صار لي فترة مادخلت بس قلت اليوم العيد لازم ندخل و نسلم
بس متابعتنكم كل فترة ادخل اقرأ اخباركم
ماعندي وقت حتى لنفسي صدق اللي قال: اذا حبى جاك الربى
مستينة من الحوسة و راها
و مثل ماقلتي حلاتي كله لزقه فيي و تبغي محمولة و الاول تبغي الكل الحين ماتبغي احد
الله يعينا يارب

ام علووه
26-10-2012, 09:09 PM
كل عام و المامات والجهال بخير :)
اخبار العيد ويه جهالكم

النبأ
26-10-2012, 09:31 PM
عيدكم مبارك مامات
احس اني ما استانست في العيدين
عيد الفطر بعدني ما اطلع من الاربعين وهالعيد بنتي كل ترجيع وماتشرب مراضع
ابغى حل للترجيع بنتي بكرة بتكمل 3 شهور وترجيعها صار لها شهرين مو راضي يخف مرة زايد
واسبوع الجاي بروح ايران اذا الله سهل ومرةة متآزمة من موضوع الترجيع والمراضع

زهره الاريج
26-10-2012, 11:00 PM
وانتو بالف خير مامات
كل عام وانتو بالف خير وكل سنة وانتو سالمين

حلاتي
27-10-2012, 01:40 AM
مراحب مامات وعيدكم مبارك

فاطمه علي - هلا وغلا فيش وحشتنا سوالفش صرتي ماتنشافي بس معذوره والله ( :
كيف راحيل حبت الصعنونه فضولوه لسى ماحبا بس في محاولات للحباي بس على قلبي كل تفشل محاولاته خخخخ

ام علوه --اسمش والصوره الرمزيه خفيفين دم ( : وانتي بخير وصحه وسلامه
اما العيد ويا جهالنا مو وجهه عيد اصلا ترجيع على الثياب الجدد وصياح هعععع

النبأ - عساش من العايدين والسعيدين
ادا على الترجيع مايروح عن الجهال ولدي احين عمره 8 شهور وهو لازم يعفسني من الترجيع بالدات فالطلعات
ويوزع هدايا على الي ياخدوه بعد خخخخ
الله يعينش والله وتتقبل بنوتتش المراضع

زهره الاريج - وانتي بخير وصحه وسلامه

ام علووه
27-10-2012, 04:12 AM
حلاتي

ههه تسلمي
اي والله
اني ولدي بعده صغير وثيابه ماسلمو رجع عليهم و مره انقهرت

فقاعة صآبون
27-10-2012, 05:24 PM
هلا جوود غناتي

الحمدلله عايشين صريخ ومراكض ورا جوين :p

شخبارش انتين وشخبار حسوون ! شفت رد لش ان قاعدة تحاولي تدربيه ع الحمام

ان شاء الله مايتعبش ويتعلم بسسسرعة .. اني ما افكر الا اذا صارت بت سنتين ونص ههههههههه :p

دلوعة حبيبها
28-10-2012, 04:50 AM
بليييييييييز ردوا علي

بقلبي ابوحسن
28-10-2012, 07:48 AM
صباح الخير
كل عام وانتو بخير
اخباركم خواتي واخبار العيد مع اطفالكم
اني عيدي بالبيت ننام من بعد صلااة المغرب :(
ومازلت اعاني مع الرضاعة ماهو راضي يرجع يشرب ولا رضعة وحدة
وصدري ماعاد فيه حليب كفاية فقلت ببدا اعطيه اكل
واذا جيت اعطيه حرب وصريخ اني وابوه نحاول فيه بس ابد مافي نتيجة
النبا اني مثلك بعد اسبوع وشي ان شاء بنسافر وكنا بنروح للرضا سلام الله عليه بس غيرت رايي
مع ان قلبي ذايب عليه بس مافي احد من الاهل بروح معانا واحس صعبة اروح لوحدي كيف بصلي وازور
مابعرف اخذ وقتي وراحتي فغيرنا الوجهة
دلوعة الغالي ماشوف شر الصغير اني ولدي من جبته زكام وكحة وعطيس استخدم له منقوع علك اللبان وسكر نبات
وينفع معاه كثير وفي مرة عطوني المستشفى دواء للكحة بس ما استخدمته
حلاتي الله يعينك نفس حالي طوال الوقت حامله ولدي وادور به في الشقة واذا جيت انام اصيح صياح من الم ظهري

الذوق الرفيع
28-10-2012, 03:42 PM
دلوعة حبيبها
اني لسا ماعلمت بنتي عمرها سنتين و 3 شهور كنت ابغى اعلمها ومرضت وهونت و احسها لسا ماتفهم على الحمام قلت بصبر لسنتين ونص والله يسهل الامور مرة احاتي هالنقطة ..اذا تحسيهم مو متقبلين ابدا اصبري لسنتين ونص بس اذا تحسيهم عرفوا بس يعاندوا اصبري عليهم احس السالفة يبغى ليها صبر ووووقت الله يكون بعونش

ام علووه
28-10-2012, 09:13 PM
دلوعة حبيبها
عادة البنات اشطر من الصبيان في التعلوم
بدي من سنتين ونص او لما تحسي انهم مستعدين
اخدي ليهم دي الا يسموها قيصره مادري وشو(موجوده في سنتر بوينت)
عشان يتشجعو فيه انواع فيها اشكال و موسيقى.نفعت ويه جهال واجد

دلوعة الغآالي
29-10-2012, 02:43 AM
اخباركم بنات ويش مسسسوين

ام علوووة الف الحمد الله على سلامتش والله يخلي لش النونو صرتي ماما ;)


اني بستخف من الناس وتعليقاتهم يعني حتى واني اخر الدنيا يوصلني كلامهم البايخ ودي ادوس في بطنهم فردا فردا :D

ياربي ويش اسوي في عمري قووولو ليي كل شوي وقالو اول مرة نشوف جاهل مايبغي صدر امه الجهال كلهم يموتو على حليب الام بس انتين ماتبغي ترضي

عسى كل وحدة تفلسفت عليي وطلعتني خراطة ولادها مايرضعو منها :(:mad: علشان يعرفو ان في جهال مايبغو صدر الام والله اقولها من كل قلبي يطلعوني دلوعة ومايعه وخايفه على صدري
مايدرو ان اني احترق عليه الف مرة لان اكيد حليب الام احسن بمليون مرة من الصناعي

الناس صارت لا تطاق تقط كلام وبس وناس وايد احترمهم علشان ريلي ولا كان من زمان قتلتهم
اني نفسيتي واخلاقي مرة تغيرت بعد الولادة الاول اتغاضى واسكت واكبر راسي الحين لا والف لااااااااااا صرت ارد واشعم بعد لان والله مايحسو بتعب التربية والدراسة والغربة والبيت والرجل ويجو يزيدوها وهم كل وحدة جهالها في حضن امها وطالعة وداخله على كيفها :mad:

خلصت الفضفضة بس مرة معصبببببة من هالحركات :cool:

ام علووه
29-10-2012, 03:29 AM
ام سيد هاشم

الله يسلمش خيه : )
الله يساااعدش ويعينش على كلام الناسس مابتخلصي وياهم

لو بس ترضعيه من صدرش بقولو مايكفيه اعطيه مرضعه واادا عطيتيه بقولو ايي تعوده على المراضع والمخاسر

بس هههههههه ضحكتيني لكن واني اجبي مافيي شده اضحك

طنشي طنشي خيه و ارمي وراش والا تقدري عليه سويه ماعليش من احد

ام عبدالعزيز
29-10-2012, 10:26 AM
صدقتي دلوعه الغالي في ناس بس تهدر بدون احساس انا كنت زيش ماارد سابقا على شي بس الحين ارد وماخلي شي في قلبي لا انفجر

ام عبدالعزيز
29-10-2012, 01:37 PM
مامات ساعدوني في مشكلتي مع كميه الحليب بنتي كملت 4 شهور ولازال كميه الحليب عندي قليله ماتتجاوز 25 مل حتى لو ظليت ماشفطت منه بالساعات الطويله وشو الحل هل فيه علاج لهالمشكله

الذوق الرفيع
29-10-2012, 03:48 PM
دلوعة الغالي
الله يعينش الكل يعاني لازم يهدروا بنتي الاولى مارضت ترضع و لكل يهدر عليي وحدة تقول لي قطعتي رزقها :( واني في داخلي اتقطع هي عافت صدري من بعد الولادة على طول من اقربها لصدري تفقع في الصياح وتفر راسها وشربته يمكن بس اسبوعين لو شهر مقطع بعد وبعدين عافته مرةوحدة ..الناس في جميع الاحوال يهدروا مايعرفوا يسكتو وجننوني على سالفة اني حملت على بنتي وبعد ما ولدت والله انواع الاحراجات حتى اللي ما اعرفهم زين يقولوا لي يلا عاد امسكي روحش واللي تقول قعدي 10 سنين لا تحملي ..والا تسالني عن الموانع تبغي عفر تتطمن علي استغفر الله وناس يقولوا اكيد زعلتي لماحملتي وقسم بالله يجيبوا الهم بس خلاصصرت اطنشهم وحقرهم خلهم يقولوا اللي يبغوا الله حسيبهم لان مو لهدرجة مايحسوا ان الوحدة تتضايق من هالكلام ...


ام عبدالعزيز
اشربي لبن وحليب وايد وعصيرات عصير المانجو اسه يجيب الحليب و اكلي رهش سمسم وتمر ..

Tutti Frutti
29-10-2012, 04:27 PM
السلام عليكم ورحمة الله وبركاته
كل عام وانتو بخير
والله يخلي اطفالكم الحلوين .. والله يهديهم يارب
بنتي عمرها سنه وأربعة شهور وهي ترضع صناعي
فحبيت استفسر متى اقدر اشربها الحليب المعلب المبرد ؟؟ وأي نوع ؟؟
وبالنسبة للفطام من الحليب الصناعي .. متى تنصحوني ؟؟ وكيف ؟؟
مره احاتي هالشي
ومشكورين مقدما ٌ

زهرة الياسمين
29-10-2012, 05:06 PM
لزياده الحليب المكسرات روووعه

ام عبدالعزيز
29-10-2012, 06:21 PM
انا مو مقصرة اشرب حليب واجد وعصير مانجو بعد وماي بس المكسرات ماقدر لانه بنتي عندها جي ٦بي دي

دلوعة الغآالي
30-10-2012, 02:21 AM
ام سيد هاشم

الله يسلمش خيه : )
الله يساااعدش ويعينش على كلام الناسس مابتخلصي وياهم

لو بس ترضعيه من صدرش بقولو مايكفيه اعطيه مرضعه واادا عطيتيه بقولو ايي تعوده على المراضع والمخاسر

بس هههههههه ضحكتيني لكن واني اجبي مافيي شده اضحك

طنشي طنشي خيه و ارمي وراش والا تقدري عليه سويه ماعليش من احد


اي والله صدقتي في الحالتين بيهدرو بايخييييين :mad: خليها على ربش

اخبار ولدنا :) طهرتيه لو بعدش القميل


مامات ساعدوني في مشكلتي مع كميه الحليب بنتي كملت 4 شهور ولازال كميه الحليب عندي قليله ماتتجاوز 25 مل حتى لو ظليت ماشفطت منه بالساعات الطويله وشو الحل هل فيه علاج لهالمشكله


اني اذكر اول ماولدت الحليب كان قليل عندي لان ولدي كان منوم في الحضانة وكنت اشفط له ومايطلع الا قليييييل مرة فالدكتورة قالت ليي كل ساعتين اشفطي لان الجسم يستوعب ويزيد افراز الحليب قالت حتى لو 10 دقايق بس علشان تسوويي تحفييز ومع الايام يزيد وحاجة ثانية كانت تقول ليي اكلي توت مدري ويش الاحمر عرفتيه الصغنن وحلبة :p هني في حليب على طعم الحبلة وووويلي الله لا يرويش طعمه :eek: وسمسم وبس هذي اللي اعرفه
واذا مرة مازاد عندش تقدري تاخذي حبوب روحي لاخصائية رضاعة وتعطيش لان اشوف البنات هني اللي يرضعو وقليل حليبهم يعطووهم ادوية




دلوعة الغالي
الله يعينش الكل يعاني لازم يهدروا بنتي الاولى مارضت ترضع و لكل يهدر عليي وحدة تقول لي قطعتي رزقها :( واني في داخلي اتقطع هي عافت صدري من بعد الولادة على طول من اقربها لصدري تفقع في الصياح وتفر راسها وشربته يمكن بس اسبوعين لو شهر مقطع بعد وبعدين عافته مرةوحدة ..الناس في جميع الاحوال يهدروا مايعرفوا يسكتو وجننوني على سالفة اني حملت على بنتي وبعد ما ولدت والله انواع الاحراجات حتى اللي ما اعرفهم زين يقولوا لي يلا عاد امسكي روحش واللي تقول قعدي 10 سنين لا تحملي ..والا تسالني عن الموانع تبغي عفر تتطمن علي استغفر الله وناس يقولوا اكيد زعلتي لماحملتي وقسم بالله يجيبوا الهم بس خلاصصرت اطنشهم وحقرهم خلهم يقولوا اللي يبغوا الله حسيبهم لان مو لهدرجة مايحسوا ان الوحدة تتضايق من هالكلام ...




اي والله جبتيها الله حسيبهم اللي يسمعهم يهدرو ويهدرو بيدرو عنش لو احتجتي مساعدة في تربية بناتش يوم من الايام والله ماحد يعاون فالحين يحنو ويزنو :(
قالو ويش بيصير ماعنده مناعة ليش اذا مرض وتعب بتجو تساهرو الليالي لو بتخافو عليه قدي فخلو مناعتكم ليكم احسن :cool::mad: شريريييين

الله يخلي لش بنوتاتش وبالغة فيهم عروسات ماعليش والله يجنن اني وخواتي الاثنتين اللي بعدي ورا بعض على طول ومررررة حليو بتحسي فيه اذا كبرو وصارو يخافو على بعض ويعينو بعض في كل شي


السلام عليكم ورحمة الله وبركاته
كل عام وانتو بخير
والله يخلي اطفالكم الحلوين .. والله يهديهم يارب
بنتي عمرها سنه وأربعة شهور وهي ترضع صناعي
فحبيت استفسر متى اقدر اشربها الحليب المعلب المبرد ؟؟ وأي نوع ؟؟
وبالنسبة للفطام من الحليب الصناعي .. متى تنصحوني ؟؟ وكيف ؟؟
مره احاتي هالشي
ومشكورين مقدما ٌ


خيوو اللي اشوفه جاراتي وصاحباتي هني اول مايصير سنة بالضبط (12 شهر ) يبدو وياهم حليب معلب ويتركو المراضع ويصيرو يستخدمو الكاسات العادية على كلام دكاترتهم بس انتين شوفي واسالي الدكتور ويش احسن حليب ليها
والله يخليها لش ياررب

ام علووه
30-10-2012, 10:32 AM
دلوعة الغالي

الحمدلله علاوي بخير

وعلى تطهيرته الحمددددددلله افتكيييت ثاني يوم من جبته طهروه ماطلعت من المستشفى الا مطهر و اربعة ايام و ألتأمت

اللهم صلي على محمد وال محمد

اخبار تطوران هشوم كم صار عمره

ام علووه
30-10-2012, 10:34 AM
السلام عليكم ورحمة الله وبركاته
كل عام وانتو بخير
والله يخلي اطفالكم الحلوين .. والله يهديهم يارب
بنتي عمرها سنه وأربعة شهور وهي ترضع صناعي
فحبيت استفسر متى اقدر اشربها الحليب المعلب المبرد ؟؟ وأي نوع ؟؟
وبالنسبة للفطام من الحليب الصناعي .. متى تنصحوني ؟؟ وكيف ؟؟
مره احاتي هالشي
ومشكورين مقدما ٌ

الا اعرفه خيه من عمر السنه عادي تعطيها اي حليب اشوف ناس المعلب (حليب السعوديه او صافيو و انواع واجد فيه)او حتى نيدو

lil bride
30-10-2012, 05:37 PM
توتي فروتي
من عمر السنة انتين مخيرة بين انش تستمري على الحليب المدعم أو تبدليه للعادي
الحليب العادي اذا بتعطيها قبل السنتين تعطيها كامل الدسم ما عدا اذا كان الطفل معرض للسمنة وقصير الأجل أكيد أفضل من طويل الأجل اذا تقدروا توفروه بشكل دوري.. أما الحليب المدعم الأنواع المتوفرة كلها بودرة ماعدا السعودية جونيور يجي منه سائل أبومزاز
وعمر بتش مناسب للفطام من المرضعة بس مو لازم تغيري حليبها اذا مو حابة
واذا قررتي تغيريه غيريه بالتدريج حطي في البداية 3 ارباع أو أكثر من حليبها والباقي من الحليب الجديد اذا ماستساغت الطعم من اول مرة لا تيأسي استمري وبعد ماتتقبله زيدي كمية الحليب الجديد وهكذا بالتدريج لين تخليه كله من النوع الجديد..

حلاتي
31-10-2012, 01:13 AM
دلوعه الغالي --ياقلبي ام السيد لاتزعلي وطنشي ياغناتي حاسه فيش لاني نفس الشي مارضعت وكل اللوم طاح علي
ومن اقرب الناس ولليوم وبكرا عندهم اني الي مابغا ارضع مع اني حاولت وحاولت من غير نتيجه
صرت اطنش واحيان ادا احد قط علي كلمه اقولهم لاحقين المولود الثاني انشالله تسكيته بس هعععع
لاتحري نفسش وانتي في الغربه واساسا ماحد له حق يتكلم هدا ولدش
وانتي بكيفش رضعتيه من صدرش صناعي حره بس تفهمي من يحسره

زهره الاريج
31-10-2012, 02:32 AM
كيف حالكم أمهات جميلات وكيف الصغنونات الحليوين
وحشتوني أوي أوي
والمختفين مثل القمر ومزيونة وأم يزن اممم وأمهات واجد
اخباري لا جديد يذكر بس النتفه الاعندي مرررة جبنه يخاف من كل شي
عطست برطم وصاح كلمت أهلي اختلع وفقعها صيحة
مادري ويش اسوي وياه اذا نزلت البلد الله يستر
صحيح أمهات متى الطفل يبدي يمسك الاشياء ؟

ام عبدالعزيز
31-10-2012, 10:14 AM
هرة الاريج انا بنتي صارت تمسك قبل لاتكمل الرابع

الذوق الرفيع
31-10-2012, 03:55 PM
زهرة الاريج
يختلف من طفل لآخر بناتي تقريبا نهاية الخامس يبدوا يمسكوا عدل ..

فراشة وردية
31-10-2012, 10:53 PM
هلا مامات كيفكم وكيف جهالكم ان شالله بخير

عندييي مشكله ويا ولدي اااخ متعبني عمره سنه و٧ شهور وصاير عنيييييييد
ومتعيلف عساني لو ضحكت له او تكلمت له بكلمه يرمي حاله ويفقعها صيااااح تخيلوو
ولااادري وش علته ومااياااكل حده يشرب حليب
وكلل شي يشوفه قدامه يشدخه على الارض بعصبية
وووقت النوووم العذاب الثاني. بالموت ينام وذا نام وديته سريره مااايلحق ساعتين بس يقعد يفزع الدنيا
الا ينام ويانا واجيبه ويظل يرفسني ويشدخ بعمره طووول النومة هذا حالنا
واني ممو متحمله صرت اعصب بزيادة خصوصا أني حامل وأخاف على الجنين من رفساته وشديخه
شوروو عليي رحم الله والديكم تعبت ودعواتكم له بالهداية

جـــــــود
01-11-2012, 01:35 AM
اخباركم مامات ....واخبار جهالكم ....


زهرة الأريج
معظم الأطفال نهاية الرابع بداية الخمس يبدو يمسكو ما يكملو خمس شهور الا يمسكو كويس


فراشه ورديه
عندش وعندنا خير ولدي اكبر بشهرين

صياح وعناد وحجج ويكفخ راسه في السيراميك والجدران اذا قلنا اله لا

ونومه يصحى كل ساعتين او ساعه ونص واحطه في حضني الين ينام وارجعه سريره من جديد

فراشة وردية
01-11-2012, 02:20 AM
جود. بالضبط نفس الحركات وخصوصا كلمة لاا كأنش ضاربتنه
وصحييح كل يضرب راسه في الجدار واذا شاف الفرن يشتغل يروح يحط ايده على باب الفرن وهو حااااار يحترق ولايجوز يعيد الحركة
كأنه يتأكد من الحرارة ولا يبغى نتكلم له ونقول لا :(
انشالله باقي المامات يفيدونا

lil bride
01-11-2012, 02:54 AM
فراشة وردية
الله يعينش.. اللي عندي نفس النمونة..
الحجايج والعناد ماليهم إلا الحقران.. والأكل حددي كمية الحليب وأوقاتها يمكن ينفع يمكن لا.. ما نفع طنشي.. والنوم الله يصبرش جربي كل شوي ترجعيه والله يعينش.. المشكلة احنا نتعب وهم مايتعبوا.. والله يتمم لش ويسهل عليش وادعي ليهم بالهداية وقت ولادتش

فراشة وردية
01-11-2012, 06:00 AM
ليل برايد. اخ يعني هالجيل كله مثل بعضه الله يصبرنا
الحليب محدده له اوقات ولا فايد وياه عادي طول يومه ماياكل شي
وعلى النوم مااقدر كل شوي اقوم اتعب عشان كدا اضطر أخليه ويانا بس تعبببت من حركاته
يارب الله يسمع منش. والله يهديهم.

وردة الربيع
02-11-2012, 01:05 AM
هلا مامات اخباركم بدون استثناء
ولدي بخير والحمد لله بس اني متزكمه زخايفه اعديه وهو طول وقته لازق بحلقي وكل صريخ ربي يعين
اشتقت لكم كفيرا ههههههههه

دلوعة الغآالي
02-11-2012, 05:01 AM
دلوعه الغالي --ياقلبي ام السيد لاتزعلي وطنشي ياغناتي حاسه فيش لاني نفس الشي مارضعت وكل اللوم طاح علي
ومن اقرب الناس ولليوم وبكرا عندهم اني الي مابغا ارضع مع اني حاولت وحاولت من غير نتيجه
صرت اطنش واحيان ادا احد قط علي كلمه اقولهم لاحقين المولود الثاني انشالله تسكيته بس هعععع
لاتحري نفسش وانتي في الغربه واساسا ماحد له حق يتكلم هدا ولدش
وانتي بكيفش رضعتيه من صدرش صناعي حره بس تفهمي من يحسره


اي والله مايحسوو صدقتي ديلين ماحد له حق يتكلم لازم يستوعبو مااحد يخاف عليه قد امه لا جدته ولا عمته وخالته بس قلق يجيبو العلات :mad:


كيف حالكم أمهات جميلات وكيف الصغنونات الحليوين
وحشتوني أوي أوي
والمختفين مثل القمر ومزيونة وأم يزن اممم وأمهات واجد
اخباري لا جديد يذكر بس النتفه الاعندي مرررة جبنه يخاف من كل شي
عطست برطم وصاح كلمت أهلي اختلع وفقعها صيحة
مادري ويش اسوي وياه اذا نزلت البلد الله يستر
صحيح أمهات متى الطفل يبدي يمسك الاشياء ؟


هلا حبابة نفس صقيقه هشوم نفس النمونه جبنات مو بس جبنه عاد اني مزكمة والحين كل شوي اعطس وكل شوي فقعها صيحه ولو يرن مسج لو جوال لو جرس سوا زلزال ويش يعنو نهجد :cool:
يكبرو ويعقلو يقولو عادي هالعمر كلا يخافو وجبنات :D
وبالنسبة للمسكه هني الامريكان غيرنا لا تقارني بهم لان ولادهم سبحان الله غيرنا في كل شي تخيلي ان واحد اصغر من ولدي بثلاث اسابيع يمسك ويهربد ويقعد ويزحف وطلعو له ضرسونات بعد ماشا الله عليهم وولدي بعده مايمسك رقبته :p


هلا مامات كيفكم وكيف جهالكم ان شالله بخير

عندييي مشكله ويا ولدي اااخ متعبني عمره سنه و٧ شهور وصاير عنيييييييد
ومتعيلف عساني لو ضحكت له او تكلمت له بكلمه يرمي حاله ويفقعها صيااااح تخيلوو
ولااادري وش علته ومااياااكل حده يشرب حليب
وكلل شي يشوفه قدامه يشدخه على الارض بعصبية
وووقت النوووم العذاب الثاني. بالموت ينام وذا نام وديته سريره مااايلحق ساعتين بس يقعد يفزع الدنيا
الا ينام ويانا واجيبه ويظل يرفسني ويشدخ بعمره طووول النومة هذا حالنا
واني ممو متحمله صرت اعصب بزيادة خصوصا أني حامل وأخاف على الجنين من رفساته وشديخه
شوروو عليي رحم الله والديكم تعبت ودعواتكم له بالهداية


قلتيها ولاد الحين كلهم عفاريت كلا متحججين اذا ولدي توه نتفه وطلع ليي قرون اني اخرتها بشدخ بروحي في الجدران مو هو :eek: والله مرة صياح هالولد الله يهديه ويهدي ولدش وولادنا جميييع


هلا مامات اخباركم بدون استثناء
ولدي بخير والحمد لله بس اني متزكمه زخايفه اعديه وهو طول وقته لازق بحلقي وكل صريخ ربي يعين
اشتقت لكم كفيرا ههههههههه


وردة وحشتيني صقيقتي اخبارش كيف النونو كانه كان قد ولدي لو اني مضيعة يعنو بينهم فرق شويات بس ;) صح ؟
اني عكسش هو اللي يعديني يروح ياخذ جرثومات من الحضانة واني زي الجهال ماعندي مناعة من دخل الشتا واني كلا مريضة صار ليي شهر ونص :Dمافيي صوت
حتى عندي برزنتيشن واختبار شفوي ماختبروني لان مافيي صوت وللحين مو راضي يطلع :o

دلوعة الغآالي
02-11-2012, 05:04 AM
مثل القمر وام يزوون صقيق ولدي وين مختفيييين؟؟ ماليكم حس ابددد

رقة مشاعر بعد وووووووايد فجيتي عليي وينش ماتنشافي

والحاجه زينب ماشفناها للحين :d

الذوق الرفيع اخبار كتكوتاتتش الحلوات تصدقي والله مررة خاطري اشوفش في ناس ترتاحي ليهم قبل لا تشوفيهم سبحان الله المحبه من الله

فراشة وردية
02-11-2012, 06:35 AM
دلوعه الغالي.
إيه والله هالجيل خربان الله يهديهم.

صحيح زي ماقلتي الى زهرة الأريج سبحان الله أولادهم غير مو زينا
مااشااءالله بسسرعه يتعلمو شفت جاهل اصغر من ولدي توه يمشي شكله ويتكلم
مو زي جهالنا لازم يقولو الصبيان مايتكلمو الا بعد السنتين البنات اشطر
واحنا صارت عندنا هالقاعده
الله يحفظهم ويهديهم يارب.

الذوق الرفيع
03-11-2012, 01:19 AM
دلوعة الغالي

أنا منيحة غناتي الحمدلله وبنوتاتي الحمدلله كويسين وتسلمي غناتي صار خاطري اشوفش كمان :)
اخبار صغنونش ...


فراشة وردية
الله يعينش غناتي عندنا وعندش خير هدوشة مو مقصرة زعولة بقوة بس ماترمي حالها تجي ركض وتحضني وتصيح :(
والكلام حتى هدوشتي كلامها مو مرة ماتتكلم اغلب الوقت ساكتة بس ماما وبابا وعوووة هههههه وباقي كلامها خربوطات بالفارسي مانفهم ليها ههههه ..

الشوق عطري
03-11-2012, 02:18 AM
كيفكم مامات

اخبآركم ...

أخر آخبآرنا أني وكتكوتتي

قمورتي كبرت وقريب تدخل السادس .. حركآتها تجنن .. وصاايرةكله تعضض المرضعه والآ السهاية شكلها بتسنن
وطبعا فرحت الباباا وقآلت بببببه ^_^ مع جرعات من الريري طبعا هههههههههه


رفيقاتي في الحمل وينكم ! شخبار كتاكيتكم

ذاكرة الكرز
03-11-2012, 03:16 AM
هلا مامات

شخباركم

شخبار جهالكم ان شاء الله بخير


بغيت اسالكم

من فطمت ولدها وهو بالشهر السابع

واذا فطمته ويش الاشياء اللي تعوضه

لان علاوي ناوي يفطم نفسه

من اقرب له صدري يعفر من الصيااح ما يبغاه

وما ادري حاستنه صعبة

ربوبه
03-11-2012, 01:13 PM
هلا والله
وحشتوووووووووووووووووووووووني وحشتني السوالف وياكم كلكمممممممم
صاير ماعندي وقت من علاوي طول الوقت معاه
وصيوووووووووح كله يصيح شغلته ههههه
وبسالكم خواتي متى الطفل يمسك رقبته ؟؟؟
كمل 3 شهور واحسه بعده ؟؟؟؟
وكم المفروض يكون وزنه وهو 3 شهور ؟؟؟؟؟؟؟؟

الكاســر
03-11-2012, 01:54 PM
مرحبا مامات شلونكم شخباركم

عيدكم مبارك ومتباركين بعيد الغدير


مشكورين كل اللي سالوا عني وفقدوني عساكم ماتفقدوا عزيز وغالي

اني موجوده وكويسه بس انشغلت ويا الاهل والبيت عشان الاجازه والعيد

مره مره وحشتوني

اخباري كويسه وجودي تمام بس اليوم مرتفعه حرارتها وخايفه عليها ابغى متى متى اخلص الدوام واروح اشوفها :( معوره قلبي حبيبتي

كانت فينا انفلونزا كلنا ولعبت فينا لعب من واحد لواحد واختي مسكينه صغيره في العنايه المركزه ماتحملت تغيير الجو :( دعواتكم ليها


جودي ماعندها جديد بس صارت اشوى ويا بيت اهلي قبل كله وياهم صياح ونياح الحين خفت شوي وصارت تتقبل العصيرات تشربها بس للحين الاكل كله تلعب فيه ولا تحب الا السيريلاك بالرز وقليل :( الحمدلله على كل حال

فاتتني صفحات واجد بقراها وبرجع ليكم

ربوبه
03-11-2012, 06:16 PM
مافيه جوااااااااب :(

زهره الاريج
03-11-2012, 08:56 PM
ربوبة ولدي خلص الاربعه وداخل الخامس بعده مايمسك رقبته لا تخافي عادي

دلوعة الغآالي
03-11-2012, 10:14 PM
دلوعة الغالي

أنا منيحة غناتي الحمدلله وبنوتاتي الحمدلله كويسين وتسلمي غناتي صار خاطري اشوفش كمان :)
اخبار صغنونش ...




الحمد الله صغننوني بخير تسلمي خيوو عالسؤال :)


كيفكم مامات

اخبآركم ...

أخر آخبآرنا أني وكتكوتتي

قمورتي كبرت وقريب تدخل السادس .. حركآتها تجنن .. وصاايرةكله تعضض المرضعه والآ السهاية شكلها بتسنن
وطبعا فرحت الباباا وقآلت بببببه ^_^ مع جرعات من الريري طبعا هههههههههه


رفيقاتي في الحمل وينكم ! شخبار كتاكيتكم


قدييييييييمة وين رحتي اختفيتي خيووو اخبارش وناسات صارت عروسة قربت تدخل السادس اني ولدي قريب يدخل الخامس :rolleyes: بعد اسبوعين على خير تركض الاياماات والله


هلا مامات

شخباركم

شخبار جهالكم ان شاء الله بخير


بغيت اسالكم

من فطمت ولدها وهو بالشهر السابع

واذا فطمته ويش الاشياء اللي تعوضه

لان علاوي ناوي يفطم نفسه

من اقرب له صدري يعفر من الصيااح ما يبغاه

وما ادري حاستنه صعبة


خيوو اني ولدي فطم روحه وعمره كم يوم ابدا ماتقبل صدري حاولت وحاولت ومافاد جربي تشفطي وتعطيه بالمراضع اني اسوي له شذي وبعدين وقف حليبي وصرت اعطيه صناعي وانتين 7 شهور خلاص بديتي اكلتيه يعنو ياكل ويرضع صناعي وحاولي قد ماتقدري تشفطي له كل شويات



هلا والله
وحشتوووووووووووووووووووووووني وحشتني السوالف وياكم كلكمممممممم
صاير ماعندي وقت من علاوي طول الوقت معاه
وصيوووووووووح كله يصيح شغلته ههههه
وبسالكم خواتي متى الطفل يمسك رقبته ؟؟؟
كمل 3 شهور واحسه بعده ؟؟؟؟
وكم المفروض يكون وزنه وهو 3 شهور ؟؟؟؟؟؟؟؟


ربووووبه الماما وحشتني وايييييد اخبارش كيف النونو اكيد جنون زي اللي عندي صياااااااااح مو طبيعي حتى وهو يضحك يزن :(
بالنسبة للرقبة كل طفل يختلف اني ولدي قريب يدخل الخامس ولا مسك رقبته للحين اني لان رشييييق ولدي فعادي مو خايفة لان ماعنده وزن يمسك روحه

ولدي وزنه 5 مرررة رشيق لانه جا اخر الثامن وكان وزنه كيلوين:D نتوووف يعني زيادة وزنه غير صاير اقل الحمد الله اهم شي صحته تمام

انتين اسالي دكتورته لان طل طفل وزنه غير يحسبو من انولد وكم زاد في هالفترة اني عاطيني جدول له :)

موووفقة ماما


مرحبا مامات شلونكم شخباركم

عيدكم مبارك ومتباركين بعيد الغدير


مشكورين كل اللي سالوا عني وفقدوني عساكم ماتفقدوا عزيز وغالي

اني موجوده وكويسه بس انشغلت ويا الاهل والبيت عشان الاجازه والعيد

مره مره وحشتوني

اخباري كويسه وجودي تمام بس اليوم مرتفعه حرارتها وخايفه عليها ابغى متى متى اخلص الدوام واروح اشوفها :( معوره قلبي حبيبتي

كانت فينا انفلونزا كلنا ولعبت فينا لعب من واحد لواحد واختي مسكينه صغيره في العنايه المركزه ماتحملت تغيير الجو :( دعواتكم ليها


جودي ماعندها جديد بس صارت اشوى ويا بيت اهلي قبل كله وياهم صياح ونياح الحين خفت شوي وصارت تتقبل العصيرات تشربها بس للحين الاكل كله تلعب فيه ولا تحب الا السيريلاك بالرز وقليل :( الحمدلله على كل حال

فاتتني صفحات واجد بقراها وبرجع ليكم


قمووووره وحشتيني اخبارش ويش مسوووية لش فجه والله
ماتشوف شر الجووودي القميلة اني بعد السيد الصغنن مسخن مطعمتنه ومرة تعبان على قلبي :( امس مانمت منه ان شا الله اليوم احسن

دلوعة الغآالي
03-11-2012, 10:17 PM
طعمت هشوووم الامس والحمد الله طمنوني في الموعد كل شي تمام طولة ووزنه وحجم الراس

على قلبي قعد يصرخ ويصرخ من التطعيه وقالت ليي ابدي اكليه :D رجال الولد وعطوني له سيريلاك ريحته تجنن ;) وببدي اليوم اليوم خضار النهار والليل سيريلاك

وقالت ليي بين الاكله والثانيه خلي بينهم 4 الى 5 ايام علشان تعرفي اذا وياه حساسيه من نوع تصيري ماتعطيه وياه

ومرة متحمسه اخذت له صحونات وملاعق صغننه ام الوان :p شكلي باكل فيهم حبيتهم قدددا

اخباركم مامات ويش مسووووين واخبار الكتاكيت دعووواتكم ليي اختباراتي النهائية عالابواب باقي 3 اسابيع وكارفييييينه عدل :eek:

دلوعة حبيبها
04-11-2012, 12:58 AM
دلوعة حبيبها
اني لسا ماعلمت بنتي عمرها سنتين و 3 شهور كنت ابغى اعلمها ومرضت وهونت و احسها لسا ماتفهم على الحمام قلت بصبر لسنتين ونص والله يسهل الامور مرة احاتي هالنقطة ..اذا تحسيهم مو متقبلين ابدا اصبري لسنتين ونص بس اذا تحسيهم عرفوا بس يعاندوا اصبري عليهم احس السالفة يبغى ليها صبر ووووقت الله يكون بعونش

انا بعد قلت اذا مره مره بصبر بعد الشتا على طول ببدا بس تعليقات عمتي ام زوجي باطه جبدي
شوي وتقول عني خايبه :confused: واحس يوما ما بتقطها علي ..
انا الحين تقريبا حاقرتهم لي شهر لان محاولاتي فاشله وماكو اي استجابه بالعكس عنادهم زايد
والله يعين فعلا الموضوع شاغل بالي مره ..


دلوعة حبيبها
عادة البنات اشطر من الصبيان في التعلوم
بدي من سنتين ونص او لما تحسي انهم مستعدين
اخدي ليهم دي الا يسموها قيصره مادري وشو(موجوده في سنتر بوينت)
عشان يتشجعو فيه انواع فيها اشكال و موسيقى.نفعت ويه جهال واجد

اخذت لهم القيصريه العاديه اللي تتركب عالمرحاض .. لانهم يخافوا يقعدوا عليه بدون
بشوف اللي فيها موسيقى كان تنفع

فراشه ورديه ..
بالنسبه لصياحه وعناده الحقرااااااااااان ثم الحقران خليه يصيح لين تطيح من راسه اولادي عنادهم فضييع بس مستحيل اخضع لهم عشان لا يتحكموا فيني .. غير انه لا صاح وكفخ راسه ولا كانك تشوفيه لان بحركاته هذي يلفت انتبهاك و عارف انك يا بتحمليه او بتراضيه او بتنفذي اللي يبغاه

بالنسبه للاكل جوعيه والمراضع حددي وقتهم اول ما يجلس و قبل لا ينام فقط
الحين هو يحتاج فايتمنز و حديد اكثر .. اولادي كانوا كذا لعمر سنه و نص وهم يشربون 4 رضعات باليوم لغيت رضعين اللي بنص اليوم و وصرت احاول ااكلهم كانو يرفضون وما كنت استسلم واعطيهم
ضليت كم يوم لين تقبلوا وكنت اروح واجي احاول فيهم اذا ما حسيت في فايده شلت الاكل وارجع لهم بعد ساعه والحمد لله نجت معاي هاطريقه حاليا عمرهم سنتين اساسي اعطيهم حليب اول ما يصحون
وخلاص احيانا اعطيهم قبل النوم اذا حسيت انهم ما تعشوا عدل ..

اما النوم اذا كان ياخذ له غفوه بنص اليوم حاولي تقلصي مدتها لين تلغيها لان ما يحتاجون الاطفال من بعد السنه ونص لغفوة النهار .. وممكن انه ما ينام عدل لانه ما يشبع عدل نصيحه من واقع تجربتي جربي رضعة الليل تحطي فيها بسكوت فارليز حق الاطفال مجرد حطيها بالحليب وتخضيها تذوب بشرط تكون الحلمه فتحتها اوسع بشوي من اللي تستخدميها تشبعه وتثقل راسه ..
جربي وبشريني بالنتايج

بنوته قمر
04-11-2012, 04:47 AM
صبااح الخيرر مامات

سلونكم وشلوون البيبياات ..

وحشتوووني كثييير وصرت ما ادخل. كثيرر المنتدى

من جبت هالبنوته .. وصياحها ودلع وحاله

لكن اكثر صياحاها بطنها لان وياها امساك

حبيت اسأل وش اعطيها اذا جاها امساك وديتها المستشفى قبل البارحه

عطوها تحمله لكن صعبه كل مره اروح مستشفى عشان تحميله

وعطوني دواء لها حق الامساك مدته ثلاثه ايام

عطيتها منه اليوم ونفس الشيء مابرزت مسكينه

وعطيتها نباته وماي ورد لكن مافي فايده

ابي نصايحخكم مامات وش اعطيها عشان. تبرز

ربوبه
04-11-2012, 05:16 AM
صباح الخير
تسلمي غناتي دلوعه الغالي وانت بعد وحشتني وحشتوني كلكم ..
اي والله كله صياح وحتى هووو يشرب الحليب يزززززن
...
بنوته ..
ماتشوف شر الصغيرونه اني اعطي ولدي شاي الاعشااااب وينسووون مع سكر نبات
ويمشى بطنه ..

زهره الاريج
04-11-2012, 07:03 AM
بنوتة القمر ماي الغريب كويس حق الاطفال
واذا ماتحبي الادوية نقعي تمرة ويا ماي مرررررة زين للجاهل

الكاســر
04-11-2012, 12:07 PM
مساء الخير

ربوبه شلونش . اذكر فيه جدول هون لوزن الاطفال بادوره وبلطشه لش ولاتحاتي ان شاء الله نونوش طبيعي


دلوعوه الله يكون بعونش وان شاء الله يخف صغيرش وربي يعافيه . اكليه وصوريه وانبسطي وياه بهاللحظات الجميله . في البدايه عيينات الاكل شويه شويه بالتدريج لين يدخل عالثقيل :)

اني اختي مره تعبانه في العنايه ومالي بال شي كلللش وبنتي تعبانه مسكينه حرارتها مرتفعه وفيها التهاب حلق . وش هالجو استغفر الله الكل مريض ربي يشفيهم ويعافيهم يارب
عطوها قطره وعطوها تحاميل ادول ومضاد حيوي في حال مانزلت الحراره اكثر من 48 ساعه
الله يكون بالعون :(

الكاســر
04-11-2012, 12:36 PM
---------الطول بالسنتميترات--------------- ---------الوزن بالكيلوجرامات--------

العمر-------------بنت------- ولد----------- العمر------------- بنت----------- ولد

عند الولادة-------50------- 52----------- عند الولادة-------- 3.250----- 3.500

شهر-------------52------- 53----------- شهر-------------- 3.600----- 3.900

شهران-----------55------- 56----------- شهران----------- 4.500----- 4.800

3 شهور---------58------- 59----------- 3 شهور---------- 5.400----- 5.600

4 شهور---------61------- 62----------- 4 شهور---------- 6.00------ 6.400

5 شهور---------62------- 63----------- 5 شهور---------- 6.600----- 6.900

6 شهور---------64------- 65----------- 6 شهور---------- 7.00------ 7.500

7 شهور---------65------- 68----------- 7 شهور---------- 7.500----- 7.900

8 شهور---------66------- 69----------- 8 شهور---------- 8.00------ 8.500

9 شهور---------68------- 71----------- 9 شهور---------- 8.400----- 8.900

10 شهور--------70------- 72----------- 10 شهور-------- 8.700----- 9.200

11 شهر---------71------- 73----------- 11 شهر--------- 9.00------ 9.500

سنه--------------72------- 74----------- سنه-------------- 9.300----- 9.800

سنه ونصف------78------- 80----------- سنه ونصف------- 10.500--- 11.00

سنتان------------84------- 86----------- سنتان------------ 11.500--- 12.00

سنتان ونصف----89------- 90----------- سنتان ونصف----- 12.600--- 13.300

3 سنوات---------93------- 94----------- 3 سنوات--------- 13.500--- 14.100

4 سنوات---------100----- 101--------- 4 سنوات--------- 15.00----- 16.00

5سنوات---------106----- 107--------- 5سنوات---------- 17.00----- 18.00

زهره الاريج
04-11-2012, 06:22 PM
الكاسر ماتشوف شر اختش والله يحرس عمرها وتقوم ليكم بالسلامة
مشكورة علئ الجدول