المساعد الشخصي الرقمي

مشاهدة النسخة كاملة : (( تجمع امهات اطفال المستقبل 7))



الصفحات : 1 2 3 4 5 6 7 [8] 9 10

المزيونة
04-11-2012, 09:40 PM
مرحباااا امهااات اخباركم واخبار اطفالكم عساكم بخيررر

وحشتوني كلكم كلكم وسوالفكم وحشتني

الحمدالله تأقلمت مع بنوتي كملت 3 شهور وتمشي بشهر 4 وننفسيتي تحسنت الحمدالله وكل ماتكبر هالقمووره تجنن بحركاتهااا

بس اليوووم رحت ابي اصحيهاا من النوم عشان اعطيها رضعه جلستها من النوم موقادره تفتح عيونهاا وحده صايره حمرا وتددمع خفت وتجننت عليها ورحت ع طول المستشفي وقال لي ماتخافيش يمكن خابطه عينهااا بالغلط يعني دخلت اصبعهاا وجرحت او شيء وعطاني معقم مدري مطهر قطره كل اربع مرات باليوم زقال اجيبها بكره يشووفهااا تحنت ولا لا وانا خايفه عليهااا احسها عينها مثل المنتفخه وفيها احمرار خايفه يطوول معهااا طمنوني حبايبي انا كل مره احط القفازات بيدهااا الا هالمرره ماحطيتهم بس الحمدالله امورنا تمام وبخيررر

انتم اخباركم فديتكم

ام هيثم ودلوعة الغالي والكاسر والذوق الرفيع وجود وشوق عطري وليل برايد وزينبيه رقة مشاعر وزهرة الاريج وبنوتة قمر وحلاتي ومحليتهم وكلكم لاحد يزعل ع البال

فراشة وردية
04-11-2012, 10:56 PM
الذوق الرفيع ،، ياقلبي هدوش الدلوعه الله يصبرنا عليهم هالجهالو الله يهديهم يااارب يسلمو على الرد خيتوو

دلوعه حياتها ،، مشكووووره ياقلبي استفدت من ردش مره الله يعطيش العافيه
ويخلي لش الكتاكيت ويهديهم ماقصرتي

بنوته ،، ماي دافي وسكر نبات ينفع عدل او اغلي تمره وشربيها اياها ماي الغريب اني مانفع ويا ولدي اللي نفع وياه سكر نبات

الكااسر ،، ياقلبي مايشوفو شر بنتش واختش الله يحفظهم ويعافيهم ويارب تقوم بالسلامه اختش بحق محمد وال محمد ،

المزيونه ،، ماتشوف شر البنوته انشالله مافيها الاالعافيه

Elan
05-11-2012, 02:10 AM
امهات بنتي عمرها شهر وسبوع وعندها غازات ونتفاخ في البطن وديتها الصادق عطوها سالينال
مااحس فيه تحسن دورت ماء غريب في الصيدليات ماحصلت الي شرت تخبرني من اي صيدليه
رحم الله والديكم

رقة مشاعر
05-11-2012, 03:18 AM
مرحبا مامات وش اخباركم وكيف اطفالكم مع هالجو المتقلب الكل اخذ نصيبه و زود من الانفلونزا..الحمد الله رب العالمين الله يعطيكم الصحة والعافية...مثل القمر ..كيف صحتكم وش حال اختك الله يفرج عنها بحق محمد وآله ..ويعافي بنتك القمورة يارب.....اخباري الحمدالله ..تونا متعافيين من هالانفلونزا ولدي اسبوعين صار تعبان.من مستشفى الى مستشفى ومانطلع الا بغرشه الفيفادول ..الحمدالله عدت على خير ...مشكورين الر سألو عني خصوصا المزيونة ياقلبي 😀وحشتيني وش حال بنتك صارت احسن ان شاء الله ولاتصيري هوسيه واجد الله يعافيها يارب

رقة مشاعر
05-11-2012, 03:20 AM
مماي غريب في المهنا موجود

بنوته قمر
05-11-2012, 03:26 AM
الحمدلله بنوتي برزت اليوم مرتيين

وارتاحت يوم برزت كثيير

سويت لها نباته وحطيت فيه شوي ماي ورد والحمدلله

بغيت اسأل فيه بالصيدليات يكون ماي دافي

حق وقت النوم احس مشوار اقووم وادفي ماي حار

ودي يكون يمي عند السرير أعدل من القومه والقعده خخخخخ

النوم حلوو ولا اصدق خبر تنام عشان اناام اناا لكن لما تصيح اجلس اسوي لها حليب

واقوم عشان اصب بالرضاعه ماي دافيء ..

فراشة وردية
05-11-2012, 04:15 AM
بنوته ،، اخذي لش حافظه للماي الحار اني اخدت من سنتر بوينت ماركه السيف مره حليوه تحفظ الماي حار
وحطيه جنب السرير وعلبه الحليب والمرضعه كدا اريح
بالنسبه للبس ماعندي خبر ،،

وانشالله ماتكون ردودنا مخالفه

الكاســر
05-11-2012, 07:46 AM
http://2.bp.blogspot.com/-yqqu_mKjWZ0/UDIY9vVPqkI/AAAAAAAABE4/EBXZN-YN4fs/s1600/0120.gif

شلونكم مامات

ماعليهم شر نونواتكم وفعلا تغيير الجو تعبنا كلنا والله :(

المزيونه ان شاء الله يارب تتحسن بنتش وطمنينا عليها وربي يعافيها ان شاء الله عورت افادي هالصغيره

رقه هلا غناتي مره مره وحشتيني يام قاسم شلونش وشلون اميرش . الحمدلله على سلامتكم ماتشوفوا شر والله يعينش صحيح تعب السهر والمستشفيات اخر الليل بس يالله اهم شي صحة جهالنا

مشكورين اللي سالوا عني واللي دعوا لاختي ربي يسمع منكم ويعافيكم وليي يخليكم :)

بنوتة قمر اخدي لش ترمس كويس صناعته واغلي الماس وخليه فيه بيضل لش يوم واكثر او اشتري غلاية اللي تصخن الرضاعه تكون سريعه وتخليها جمب السرير . عندش موضوع من اين اشتري لطفلي يفيدوش الامهات هناك مايقصروا :)

أهواك يامهدي
05-11-2012, 12:22 PM
مسااااء الخير
اخباركم جميعا
وكيف الحلوين ؟؟ وشو مسوين وياهم اكيد جنون
كلما يكبروا تزيد حركتهم ويزيد التعب وياهم
بنتي كملت سنه هالشهر للحين مامشت بس ماتخلي حاجه واني وراها وراها مايمديي ارتاح ولا اعرف اشتغل عدل الا اذا نامت
طبعا بنفس الوقت حليوة حركتها بالبيت وهدرتها الي ماينفهم ليها وش تقول ماعندها الا دادا - تاتا - تح - دح - دا - تا
وصارت تعزي تستعد لشهر محرم << الله يبلغنا وياكم

امهات ابغى كل وحده تقول لي متى يمشوا اولادكم ؟
ادري انه من طفل لطفل غير وكل طفل وقدرته بس قاهريني هالناس كل وحده تشوفها مامشت بنتش الاتقول خايبة او كسلانه
ماكانه عندهم اولاد وشافوا الفرق بينهم

وعندي سؤال بعد وشو تعطوا اولادكم من عصيرات ومن اي نوع كي دي دي او اي بس سي
وكيف شربوهم اياه لانه بنتي ماتخليني اعطيها تبغى هي تمسك وتشيل المزاز
وابغى اعطي بنتي حليب ابو مزاز مو عارفه اي نوع او برايكم اعطيها الحليب العادي المراعي احسن

المزيونة
05-11-2012, 02:17 PM
هلا والله وغلا باحلى امهات

رقة مشاعر... الف الحمدالله ع سلامتكم وانتبهي لنفسك ولقسوووم ربي يخليه لكم يارب


فراشة وردية... الله يسلمك ويخلي لك احبابك غلاتي الشرر مايجيك


Elan.... ماعليها الا العافيه اول شيء نضمي رضعاتهااا يعني اذا ترضعيها طبيعي كل ساعتين واذا صناعي كل 3 ساعات عشان الغازات بتخف كثير وبتلاحظي وحاولي بعد ماتشررب الحليب تشجيها عشان تتطلع الغازات وحاوولي بعد تحطي بطنها ع فخدك وطبطبي ع ظهرها خفيف بترتاح كثيررر مااي غريب انا مالقيت ولا بصيدليه جابو لي من الكووويت ولازم كذا الاطفال اول 3 اشهر الله يعني انتفاخ بالبطن وغازات بشررينا عنهاا
جربي شاي الاطفال ولا يانسووون ناس يرتاحون عليه




بنوتة قمر... الحمدالله انتبهي للبنوته ربي يحرسهااا


الكاسر... الله يسلمك ياغلاتي انتي اخبارك واخبار جووودي فديتها والف سلامة ع اختك ماتشوووف شر ربي يقومها لكم بسلامة طمنينا عليها يالغلا


أهواك يامهدي... العمر كله يارب وتبلغي فيها عروس ياررب ماعليك من كلام النااس يالغلا ناس ماعندهم الا القيل والقااال طنشي عندي وحده من اقاربي صار عمرها تاخرت بالمشي والحمدالله مشت لاتخاافي يالغلا



اخباري انا وزينبيه... الحمدالله بخير وتحسنت عيونها وصارت احسن والحمدالله






باقي المامات اخباركم واخبار اطفالكم عساكم بخير وصحة وعافيه

الذوق الرفيع
05-11-2012, 05:03 PM
الكاسر

ماتشوف شر اختش وبنتش الله يعطيكم الصحة والعافية يارب ..


المزيونة
انا كويسة الحمدلله والبنات كمان انتي اخبارش ..وتسلمي للسؤال :)


اهواك يالمهدي
عادي خيوة لا تحاتي والناس لازم يهدروا طنشيهم بناتي ثنتينهم تأخروا لبعد السنة بنتي الكبيرة كملت سنة وهي ماتحبي ولا تزحف ولا تتحرك بس تقعد بس كانت امورها كلها كويسة الحمدلله
ترا مابتشوفيها الا مننفسها قامت ومشت والعمر كلووو للحلوة ..

اخبارنا
الحمدلله على كل حال ...:)

جـــــــود
05-11-2012, 05:59 PM
مساء الخيرات

اخباركم مامات

الكاسر
ما يشوفو شر وربي يحفظهم اليكم


المزيونه

بخير غناتي وحسون بخير وتسلمي يا قمر على السؤال


اهواك يا مهدي

عادي اسمعي وطنشي

ولدي الي في عمره جلسو وحبو وهو حتى ما يجلس

خطى اليوم الي كمل فيه سنه ومشى عدل وعمره سنه وشهرين

بنوته قمر
06-11-2012, 02:00 AM
هلا والله مامات

اخباركم واخبار اطفالكم !

اخباري كلها تمام ومشكورين اللي ردو علي

الله يعطيكم العافيه

لكن مسكينه بنوتي اليوم مرضت حراره واسهال

وصايره كل دايخه عطيتها ادول وشوي اخف من الظهر

لكن بعدها شوي جسمها حار لكن كل ما اقيس درجه حرارتها كويسه سبعه وثلاثين

تككشر الخاطر مسكينه وديتها بيت اهلي وبدت كل تصيح

وامي ماقصرت سببتها وسوت لها حديده لان شكله وياها نفس مسكينه

لكن الحمدلله عدت الامور ع خير ..

اهواك يامهدي ,

ماعليك من كلام الناس هفف منهم ماتخلص تعليقاتهم

وبالذات اهل الزوج هفف ازهههق لما ارووح لهم اناا واقول حق زوجي

يقولي طنشي اسمعي من هالاذن وطلعي من الاذن الثانيه لكن الواحد والله مايتحمل
هالسحنه والطحنه

مايخلو الواحد في حاله كانهم هم اللي بيجلسو حق عيالنا كلها كم ساعه بس

التعب كله ع الام وهي اللي بتقعد حق عيالها وبتسهر عليهمن حق وش السحنه والهذره مدري

المهم ماعليك من كلام الناس وطنشي وبنت اختي اخذت سنه و سته شهور يمكن وبعدين مشت

يعني مايعرفو يقولو متن جاهل الا جاهل يفرق ابد هالناس بقر والله

بنوته قمر
06-11-2012, 02:22 AM
امهات بغيت اسأل بعد

هل كثره الاسهال يسب لها جفاف او التهاب

يعني اوديها المستشفى حق يعطوها شيءء حق الاسهال

او هالشيء عادي

الكاســر
06-11-2012, 07:04 AM
بنوته قمر

الاسهال تكرمي يفقد الجسم السوائل ويجيب جفاف وديها عشان يشوفوا وش سبب الاسهال ويعطوها شي يوقفه وماعليها شر ان شاء الله

دلوعة حبيبها
06-11-2012, 10:13 AM
امهات بغيت اسأل بعد

هل كثره الاسهال يسب لها جفاف او التهاب

يعني اوديها المستشفى حق يعطوها شيءء حق الاسهال

او هالشيء عادي

اي يسبب جفاف لو ما عوضتيها السوائل اللي تفقدها ..
عطيها ماي واجد والافضل تعطيها بيبي لايت ماي الاملاح حق الاطفال يعوض الاملاح
والمعادن اللي يفقدها الجسم اخذيه من الصيدليه ..
اعطيها موز وزبادي ..
ابدا لا تعطيها دوا يوقف الاسهال مو زين لان لو فيها فايروس يطلع مع الاسهال ..
ويخف لاسهال متى ما طلع الفايرس ..

بنوته قمر
06-11-2012, 04:01 PM
زوجي قالي اعطيها زبادي لكن مدري يصلح لها او لا

لان لسه ماكملت ثلاثه شهور كامله توها شهرين و نص

الكاســر
06-11-2012, 04:20 PM
كلمي الدكتور غناتي دقي على عيادة اطفال واسالي

ربي يشفيها ان شاء الله وسلامتها صغيرتش

بنوته قمر
06-11-2012, 05:52 PM
جبتها المستشفى خلاص

لان ما اقدر اعطيها اكل وهي توها صغيره

وامي قالت لي اعطيها مره لكن قلت لهم خلاص وديتها المستشفى

نشووف شنو يقولو لها لكن هففف منهم من متى للحين مانادو اسمها

دلوعة حبيبها
06-11-2012, 10:30 PM
زوجي قالي اعطيها زبادي لكن مدري يصلح لها او لا

لان لسه ماكملت ثلاثه شهور كامله توها شهرين و نص

لا لا تعطيها زبادي بعدها صغيره انا فكرتها اكبر ..
بهالعمر مالك الا تستخدمي لها الحليب المخصص للاسهال لين تخف

حلاتي
07-11-2012, 01:53 AM
مرحبااااا
شو الاخبار مامات
مزيونه يالمختفيه من زمان عنش اخبارش لاتخافي على الزوبه ماعليها شر انشالله تلاقها شامخه عمرها
ولدي فعم بتش كان وجههه تقولي مخطط شوارع من كثر الشماميخ وعيونه ماتسلم منه كل يشمخها وتضل تدمع
كل مالبسه القفازات يقبعها العكروت

اهواك يامهدي --طنشي لاتسمعي لاحد بنوتتش لساتها صغيره اغلب الي اشوفهم يمشو سنه وشهر سنه وشهرين
اني ولدي فالثامن وتوه يزحف ولازم التعليقات كسول والمفروض يبدا يخطي مو توه يزحف حتى ماحبى الخ اطنش
لازم يحسسونا ان اولادهم الشاطرين واولادنا كسولين :mad:

باقي المامات قريت عالسريع ونسيت وش كلامكم بس دا الي ادكره مستمله اعيد:p

اخبارنا
فضولووو بدا يزحف وياريت على قدام الا بريويس كل على ورا ولما احطه فالدراج يوقف فيها ويدفر حاله على ورا بعد
ماعنده شي قدام ولدي هععع
بس صار عكروت مشاغب كل شي يحوس فيه لو بالغلط اترك شي زحف له وعيار مع انه يزحف مع هدا يستمل ويزنزن
يبغاني احمله اقول متى متى يمشي بس يمكن يهون عن الزنزنه واحملوني :rolleyes:

Elan
07-11-2012, 05:44 AM
بنوتتي الحمدلله بخير بس ماحصلة ماء غريب لا هنا وله في البحرين
وقلت بشتري شاي بابونج من ميلوبا من جربته وستفادت عليه بنتها او ولدها
وعواينها بنتي مضيقين خلقي القناه الدمعيه مسكره وكلها فيها اوصاخ احط اليها قطره وعمل مساج بس مااحس في تحسن
الله ويه هل الجهال
وبنتي الي عمرها سنه وشهر مجننتني عافت الحليب من جاها سهال وانتون بكرامه ومو عارفه كيف اتصرف ويها تبغى في الرضاعه بس عصير وادا حطيت حليب تفلتها وتصيح وطول نومتها صياح وبلغصب تاخد المرضعه وتشرب 90 او 120
اني ابغى حزت النوم دخيل الله تشرب رضعه كامله وتنام عشان لا تصيح الي وتقعد ختها
ويش تنصحوني امهات

أهواك يامهدي
07-11-2012, 08:05 AM
يسلموووو مامات على الرد
وهذا الحل اصلا مع هالناس التطنيش وبس والله المعين

الذوق الرفيع
مثل ماقلتي هي من نفسها بتقوم وتمشي وهذا الي اقوله ليهم وقت الي تبغ تمشي بتقوم

حلاتي
اني بعد بنتي تاخرت بالزحف فبتتأخر اكيد بالمشي قعدت عدل بدون طيحات وززحفت يوم تكمل تسعه شهور
وحتى اسنانها طلعوا بالتاسع كل شي في هالشهر


,,,, اليوم بسافر لمدينة الرسول ص ,, ادعوا لبنتي ان شاء الله ما تعبني وتصير حليوة
هو لازم من التعب لانه يومين بس لانه حابيين نغير جو من زمان ماسافرنا ...دعواتكم ,,

محليتهم
07-11-2012, 03:08 PM
مرحبآ مآمآت وحشتوي مرررررررررررره آغلب الآمهآت مختفيين خخخ:D

لفت آنتبآهي موضوع التعليقآت والله مآآآآحد سآلم منه ولدي عمره 9 شهور وبالصلآة ع محمد يحبي ويوقف ويمشي ع الكنب ويقولوآ عنه خآيب وكسسسسسسسلآن :rolleyes:

وآذآ سآلتهم آنتوآ آطفآلكم متى يقعدوآ قآلوآ يالله على سبعة شهور :mad:

المهم آولآدنآ بصحة وعآفية والحمدلله ع كل حآل

آهوآك ..تروحوآ وترجعوآ بالسسلآمة آن شآءالله وآن شآءالله مآتخآلف القمورة وتنبسسطوآ:)

Elan..آنآ مآي الغريب آخذته لولدي من صيدلية اللي ع شآرع الهدلة نسسيت آسمهآ خخخخ
بس مآنفع ولدي آبددددددد
وبالنسسبة لبنتك الكبيرة آذآ مآتبغى حليب لآتجبريهآ آريييح لك آصلاً آذآ عآفت المرضعة آفطميهآ سنهآ كويس عشآن توآصلك حزة النوم وآذآ صحت آعطيهآ في كوب آو آستبدليه بحليب مزآز العصير آسمع آنه يجيب تسوس آسنآن حزة النوم مآيصلح

حلآتي..هلآ بالقمرة آم القمر:D
ولدي بالدرآجة كآن كيذآ بدآيتهم هيك عفر خخخ ع ورآ
حتى آول مآحبي تخيلي على ورآ وبعدين صآر يعرف يوجه نفسسه :D
ومثل ولدي قلت بيحبي برتآح منه شوي لززززززززقة فيني كل يتسلق فوقي آو يجي يجلس ع حضني :cool:

Snow Angel
07-11-2012, 03:12 PM
الكاسر
الله يعافي أختك وتقوم بالسلامة

أهواك يالمهدي
ولدي مشى سنة وشهرين

أخبارنا:
الحمد لله على كل حال

ام علووه
09-11-2012, 02:40 AM
اخباركم مامات؟

واجد امهات مختفيين

عسى المانع خير يارب

رقة مشاعر
09-11-2012, 05:38 AM
صباح الخير و جمعة مباركة ياربي ...ان شاء البه اموركم طيبة والاطفال بخير
..الله يحفظهم.

حلا التوت
09-11-2012, 08:14 PM
سلام مامات اخباركم وحشتوني اخبار ريماسي الحمد لله بخير

المغروورة
10-11-2012, 12:08 AM
أمهات ايش الاشياء اللي تذر الحليب أنا أرضع بنتي طبيعي وصناعي لكن احس الحليب جدا قليل وخايفه يقل تدريجيا
ابي نصايحكم

Elan
10-11-2012, 01:00 AM
هلا امهات كيفكم ؟
اني الي اعرفه سمسم ورهش وشراب اليانسون
ولبنه والجبن والحليب وكثري من السؤال عصيرات وماء وكثرة الرضاعه الطبيعيه تدر الحليب بعد

المغروورة
10-11-2012, 01:22 AM
هلا امهات كيفكم ؟
اني الي اعرفه سمسم ورهش وشراب اليانسون
ولبنه والجبن والحليب وكثري من السؤال عصيرات وماء وكثرة الرضاعه الطبيعيه تدر الحليب بعد
مشكوووره غناتي ماقصرتي بجرب اللي قلتي فيه

الكاســر
10-11-2012, 08:18 AM
http://n4hr.com/up/uploads/8ceab104af.gif

شلونكم مامات وش اخباركم واخبار نونواتكم

لي فتره طويله طويله ماتابعت وياكم بسبب انشغالي

جودي صارت احسن الحمدلله رب العالمين نزلت الحراره عنها بس باقي الكحه تسعل على قلبي وتكسر خاطري احسها صغيرونه ماتتحمل ربي يعافيها
باقي عشرة ايام على تطعيمة السته شهور ان شاء الله يارب تكون خفيفة عليها
للحين ماقعدت بتي بس تتسند وصارت مشاكسه كله تصرخ وترفع صوتها بنغمات ماشاء الله ههههههههههههه
وتزهق لحالها تبغى كلنا حواليها طول الوقت هالدلوعه والترجيع تكرموا للحين عندها مع انها ماتشرب مسكينه عدل
والاكل للحين لاتحب لا الخضار ولا الفواكه ولا شي بس ماي وحليب وسيريال بالرز وشوي عصيرات
هذا جديد بنتي :)

دلوعة . ليل برايد. جود. محليتهم.حلاتي. رقة مشاعر. الفراشه الحمرا من زمان عنها ام محمد وينها وحشتنا
المزيونه . وردة الربيع. الشوق عطري اختفت وينها وحشتنا مره مره
زينبيه. دانيه. اهواك يامهدي. باقي المامات كلهم لايزعلوا علينا شلونكم حدكم وحشتوني

مستخلصة من زهرة ما!!
10-11-2012, 08:43 AM
الكاسر (ام جودي ) اخبارنا والله بخيرر ووللله الحمممد ولدي امس كمل 5 شهور بس زوجي موراضي اكله ولاشي عنده عصيرات من الصيديليه عادي اعطيه وش العصسرات الاجربتيها مع جودي؟؟باقي المامات اخبااااااركم وكييف جهالكم
؟؟؟

الكاســر
10-11-2012, 12:36 PM
مستخلصه هلا غناتي وحشتيني دوم يارب بخير وربي يبلغش في ولدش معرس يارب

اني بتي من يوم هي صغيره اسوي ليها من فتره لفتره منقوع التمر ل60 مل تمرتين ويكون فيها دبس ول120 مل 4 تمرات اهرسهم في مويه مغليه وابرده واصفيه واعطيها ومره تحبه ويريح بطنها
ومنقوع الكمون مع النعناع
والحين اسوي ليها برتقال مخفف اني اعصره ليها
واعطيها من الصيدليه عصيرات جاهزه عنب وتفاح والجزر مو مره حبته
اني بنتي ماتحب الخضار والفواكه بعد مو مره
من قبل لاتدخل اربعه شهور واني اخليها تذوق حويجات وبما اني ارضعها صناعي قدرت اعطيها زبادي ماتحسست من الروتين البقري واربعه شهور عطيتها بسكوتات واحط ليها قطع فواكه في كيس الفواكه واخليها تعضه

تقدري تصبري للسادس مايخالف اذا كان الحليب وياه اوكي ويشبعه ووزنه تمام

هدرت واجد عفر

كنت اسال عن العمر المناسب للمشايه وانقهرت من ردود البنات الهبلان
اللي تقول بنتش عجوز خلاص وكلحين تعيد هالكلمه واللي تقول علميها تقعد بتش كسوله واني اصلا بتي اعلمها بس هي كدا مو تقصير مني يبغوني اكسر رجايلها بالغصب امشيها واقعدها اعوج ظهرها يعني :( عصبوني
بنتي 1 محرم تدخل السابع ويقولوا بنتش المفروض توقف لحالها
على اي اساس حددوا العمر وعمموا على كيفهم مادري المشكله امهات وعندهم خبره المفروض لانهم امهات لاكثر من طفل. الحمدلله والشكر

ام عبدالعزيز
10-11-2012, 12:58 PM
ام جودي اصلا اذا الطفل وقف ومشى بدري يضرة يسبب تقوس للرجول والدراجه خليها فيها تستانس بنتي اول مادخلت الرابع حطيتها بالدراجه وعيال اختي يدفوها وتنبسط

مستخلصة من زهرة ما!!
10-11-2012, 12:59 PM
الكاسر ..
مايوووحشك غالي ياقللبي ومشكوره كفيرا على الهدره هههههه
بس على فكره ترى ماعرف اسوي له لامنقوع التمر ولاه نعناع وهالاشياء لكذا ريحت حالي وشريت له جاهز.. من ناحية كلام النااااس لاتهتمي وظظظنشي شكلك تتتحسسي وتعصبي زي حالتي ..
بس الناس مالهم الا الحقران صراحه يحبوا يتفلسفوا..
زي تخيلي اني ولدي كل يرجع شافووه اهل زوجي يقوولوا ل ي ياعلي ولدش مره ضعععف روحي وياه المستشفى شوفي ورحت قالي الدكتوور ولدش مافيه شي وزنه تماام وكل شي اووكيه ..
لمارحت وياه اربعه شهور ونص عمره وكان وزنه 6800جرام
يعني باقي شوي ويوصل 7 كيلووو يقولي الدكتور وزنه زي الفل واكثر من الطبيعي حتى لعمره ف صار رجلي يطنشششش كلام الكل ولايييهتم ..
اني ودي ابدي ااكله خفيف بس احتار وش يعطوا بهالعمر احسسه صغيرون

الكاســر
10-11-2012, 02:09 PM
غناتي ام عبدالعزيز لش وحشه والله
صحيح كلامش واني ادري وعشان كدا انقهر منهم مطنشه اني بس استغربت من هالافكار الله يدفع البلا


مستخلصه عادي خيه لاتخافي بس شوي شوي بالتدريج ابدئي خليه في البدايه يتذوق بس وشوي شوي زيدي وابدئي باشياء خقيقه وشبه سائله
فيه خيه موضوع اطباقنا من صنع اطفالنا بيعلموش المامات زي ماعملوني وعندش موقع الجهالو ههههههههههه بيبي سنتر مالينا غنى عنه مفيد للمامات

:) علمينا الاكشنات اللي تصير مع الاكل ولاتنسي صوره جميله للذكرى :)

أم التوأم
10-11-2012, 04:19 PM
أم جودي غناتو لاتسعجلي عل المشاية أصلا الدكاترة ينصحوا بتقليل فترة جلوس الطفل في المشاية لأنها تسبب

له تأخر في المشي أحيانا ... لما تحسيها سندت ظهرها عدل حطيها بعدين في المشاية شويات مشان تلهى عنش ..

والبنات شطورات بتقعد وتمشي قبل لاتحبي :)

ام عبدالعزيز
10-11-2012, 06:18 PM
اول ماابدأ ااكل بنتي كم وجبه اعطيها باليوم ؟ وكم مقدار الوجبه انا ناويه ادخل الاكل بعد شي 10 ايام قريب الخامس

Zahrayousef
10-11-2012, 08:03 PM
هلا مامات
كيفكم ؟

ولدي ماشااء الله عليه من الرابع يتقلب ويزحف والناس هذروا وقالو ولدش مستعجل :eek:
الناس مايعجبها شي حتى الميت يتكلمو فيه :eek:
المهم انا اطنشهم وماعلي منهم :D
ولدي كمل السادس ودخل السابع من 3 ايام وللحين ماجلس عادي تحسو ؟

انا مستعجله عليه وابيييه يجلس
هو بس يززززحف ويرووح للاشيا الغلط :p مثل الستاره ورا الباب والمطبببخ > شكله بيصير زي منال العالم :D

الشوق عطري
10-11-2012, 09:52 PM
http://n4hr.com/up/uploads/8ceab104af.gif

شلونكم مامات وش اخباركم واخبار نونواتكم

لي فتره طويله طويله ماتابعت وياكم بسبب انشغالي

جودي صارت احسن الحمدلله رب العالمين نزلت الحراره عنها بس باقي الكحه تسعل على قلبي وتكسر خاطري احسها صغيرونه ماتتحمل ربي يعافيها
باقي عشرة ايام على تطعيمة السته شهور ان شاء الله يارب تكون خفيفة عليها
للحين ماقعدت بتي بس تتسند وصارت مشاكسه كله تصرخ وترفع صوتها بنغمات ماشاء الله ههههههههههههه
وتزهق لحالها تبغى كلنا حواليها طول الوقت هالدلوعه والترجيع تكرموا للحين عندها مع انها ماتشرب مسكينه عدل
والاكل للحين لاتحب لا الخضار ولا الفواكه ولا شي بس ماي وحليب وسيريال بالرز وشوي عصيرات
هذا جديد بنتي :)

دلوعة . ليل برايد. جود. محليتهم.حلاتي. رقة مشاعر. الفراشه الحمرا من زمان عنها ام محمد وينها وحشتنا
المزيونه . وردة الربيع. الشوق عطري اختفت وينها وحشتنا مره مره
زينبيه. دانيه. اهواك يامهدي. باقي المامات كلهم لايزعلوا علينا شلونكم حدكم وحشتوني



ياعمري أم جوودي ...آني موجودة بس أتابعكم بصمت آحياناً واغلب الوقت ماقدر آدخل أطل حتى ...

شخبآرها جودي القمر ...

آني بطتي كبرت اليوم دخلت الشهر 6 وصارت تقعد فترة طويلة ..وخليتها ع المشاية من فترة بس توها تتحرك فيها تمشي خطوات على ورآ ^_^

الشوق عطري
10-11-2012, 09:56 PM
قدييييييييمة وين رحتي اختفيتي خيووو اخبارش وناسات صارت عروسة قربت تدخل السادس اني ولدي قريب يدخل الخامس بعد اسبوعين على خير تركض الاياماات والله

دلوعة الغآلي

موجودة غنآتي بس ع السايلنت خخخ ^__^
أي كبرت العروسة وصارت شيطونه .. ياعمري سيد هشوووم ..شخبآرش معاه

المغروورة
10-11-2012, 09:57 PM
أمهات حابه أسألكم
أنا ولدت وبكره اكمل عشره ايام وعندي موعد لي عند الدكتوره
محتاره اروح لو لا
لان أكيد تبي تسوي كشفيه للجرح واني أخاف هههه خبر وني اروح لو ما يحتاج

رقة مشاعر
10-11-2012, 11:35 PM
هلا حبوبات
وش اخباركم وكيف النونوات

ام عبدالعزيز..
في البداية اعطي طفلك وجبه واحده باليوم .مثلا سيريلاك الارز سوي ملعقتين بس
لان ماراح يتقبل الاكل في البداية ..وشوي شوي راح تزيدي الكمية وعدد الوجبات راح تعرفي طفلك متى جوعان

المغرورة
الحمدالله على سلامتك اني عملت كشفيه عقب اسبوعين تقريبا ترى عادي الكشفيه ما تألم بس بالنظر راح تلمس مكان الخياطه من الخارج تشوف ادا فيه التهاب مثلا..وبس لاتخافي روحي افضل


..اخباري

قسومتي يزحف على ورى ...ويشقلب لين يوصل للغغرضض الا يبغاه وويوقف وهو متسند
ويصفق وو ويعفط ويعزي هههههههه
وش اخبار باقي المامات والاطفال الحلووين

الكاســر
11-11-2012, 09:52 AM
صبحكم الله بالخير يالاجواد

شلونكم اليوووووووم



رقه مشاعر وحشتيني ه

ياعمري قسووووووم ماشاء الله عليه عقبال مايمشي ويراكض ويكسر اغراضكم خخخخخخخخ


جودي قاهرتني هالمشاكسه كل يوم تطلع بحركه تقهر
افتكينا من العقد اللي سوتها في شعرها ورجعت تسوي نفس الحركه
من قبل امس وهي تفرك وجهها في اي كتف اي شخص يحملها وتحوس في عواينها وتفرك لحيتها في البطانيه
والبارحه في الليل انتبهت ان لحيتها حمرا متلهب الجلد وزي الوارم
الله يهديها مايمديني اقعد وياها طول الوقت وهي مو راضيه تعقل وتصير خوش طفل هههههههههه

حطيتها البارحه في مشايه اصغر حجم بس ماتوصل رجولها للارض اصلا فديتها هههههههههه
بدري عليها بنوتتي الدلوعه

فديتش الشوق عطري خلش على العام ماينفع الصامت او على الاقل خليش هزاز زي هالمره هههههههههه
ام التوائم كلامش صحيح تسلمي غناتي
واني مرات احب اسال وافكر بصوت عالي عشان يشاركني الجميع واشوف ارائهم واستفيد منها . دايما احب اسال واتعلم واستشير واستفيد :) لاحرمناكم

زهره الاريج
11-11-2012, 11:16 AM
هلا أمهات جميلات
الله يخلي ليكم جهالكم الجميلين وعقبال ماتفرحو فيهم
اخبار فروسي الجميل يضحك ويناغي فديته بس امس رحت اياه المستشفى وضاق خلقي
قالت لي أخصائية التغذيه ان وزنه اقل من النورمل ومرة صغيرة طيب ويش الحل عشان يمتن مرة ضعيف كانه ولد شهرين ماكانه ولد ٥ شهور

النبأ
11-11-2012, 04:31 PM
الكاسر
الله يخلي لش البنوتة
بنت اخوي كانت مثل بنش مل تحك وجهها باي شي وفي النهاية طلع عندها اكزيما
دايما رطبي وجهها بكريم مرطب

lil bride
11-11-2012, 05:58 PM
مزيونة - مثل القمر
سألت عنكم العافية :)

مثل القمر
ماعليش منهم كله مستعجلين على الجهال.. العمر المناسب للمشاية 6 شهور فما فوق

مستخلصة من زهرة ما - ام عبد العزيز
تقدري تبدأي بسيريال الأرز ملعقة وتخليه شبه سائل وبالتدريج تغلطيه وتزيدي الكمية اذا صارت ماتشبع.. وبعدها الخضار المهروسة.. بنفس الطريقة واذا غليظة تخففيها بماي.. وكل نوع لحاله لمدة 3أيام على الأقل.. وبعد ماتجربوا كل نوع لحاله ممكن تخلطوا الأنواع مع بعض.. والفواكه نفس الطريقة والأفضل تبدأوا الخضار قبل الفواكه.. والأكل قبل العصيرات لا يفضلوها على الحليب والأكل.. وبعد الستة أشهر تدخلوا سيريال القمح .. والشوفان.. وممكن تخلطوا الارز او الشوفان مع الخضار والقمح مع الفواكه

زهرا يوسف
عادي في جهال مايقعدوا إلا 8 شهور.. واذا هو ماشالله حركي عادي مايتوازن بالقعدة بسرعة

Zahrayousef
11-11-2012, 09:12 PM
lil bride مشكووره حبيبتي =)

المغروورة
12-11-2012, 12:11 AM
هلا حبوبات
وش اخباركم وكيف النونوات

ام عبدالعزيز..
في البداية اعطي طفلك وجبه واحده باليوم .مثلا سيريلاك الارز سوي ملعقتين بس
لان ماراح يتقبل الاكل في البداية ..وشوي شوي راح تزيدي الكمية وعدد الوجبات راح تعرفي طفلك متى جوعان

المغرورة
الحمدالله على سلامتك اني عملت كشفيه عقب اسبوعين تقريبا ترى عادي الكشفيه ما تألم بس بالنظر راح تلمس مكان الخياطه من الخارج تشوف ادا فيه التهاب مثلا..وبس لاتخافي روحي افضل


..اخباري

قسومتي يزحف على ورى ...ويشقلب لين يوصل للغغرضض الا يبغاه وويوقف وهو متسند
ويصفق وو ويعفط ويعزي هههههههه
وش اخبار باقي المامات والاطفال الحلووين
الله يسلمك
اليوم موعدي لكن مارحت لان ما عندي مواصلات وان شاء الله بعد اسبوع باروح عشان اطمئن

حلاتي
12-11-2012, 12:30 AM
مرحبااااا مامات
ماقريت اخباركم لابتوبي طيحه الشاطر فاضل ومات اهى واحس حالي ضايعه من دونه
فاتحه بالجوال والوضع ابدا مو عاجبني ) :
اخبارنا فضولو مضيق خلقي متحسسه بشرته بالدات وجهه كله حبوب صغيره
وماني عارفه هل هو من اكل او من الجو وكل مره اقول باروح المستشفى معاه يصير شي

الكاســر
12-11-2012, 07:06 AM
صباحكم ورد وعطر مامات

ان شاء الله يارب تكونوا في اتم صحه وعافيه انتوا ونونواتكم

احنا بخير وماعندنا جديد بس حبيت اطل اصبح عليكم واعرف اخباركم لاحرمناكم

ليل برايد تسلمي غناتي عالمعلومه

حلاتي ياقلبي وحشتيني ووحشني فضولي القمر. يفداه اللاب توب بس كيف الحين تتواصلي ويانا هههههههههه

جودي بعد كله تفرك وجهها في الارض او البطانيه ويتعقد شعرها والحين صارت تفرك وجهها وتشمخ لحيتها وتسعبل ودكي التهبت لحيتها صارت حمرا ومتورمه وقاعده احط عليها كريم :(

الله يعيننا على هيك جهالوه وربي يخليهم لينا

أم هيثم
13-11-2012, 05:37 AM
هلو مامات
اخباركم واخبار كتاكيتكم
ادري من زمان ما شاركت بس هالموضوع ما اخليه ابد
على طول اقرأ أخباركم من ورا الكواليس
ويادلوعة الغالي يسلموو ع السؤال بس كنت مسافرة واقرأ أخباركم ع السريع
مامداني أرد
والله ودي أرد عليكم وحده وحده
شرايكم بنات ننضم لنا جمعه ع الطبيعة ههههه متحمسه مو

المهم
لما كنت بالامارات خلص حليب يزون
كنا مخططين نقعد فترة بسيطة لكن طولنا شويات
ولما دورت الصيدليات طلع ماعندهم بالامارات نفس الحليب اللي اعطيه وياه
فاضطريت أخذ نوع ثاني
ومن عطيته وياه جاه اسهال وترجيع على عمري
من وصلت السعودية على طول اشتريت حليبه
الترجيع وقف بس للحين وياه اسهال
صحيح مايسويها الا مرة او مرتين باليوم
لكن الحفاضة بس افتحها كلها ماي وانتوا بكرامة
فمادري وش اسوي
على فكرة هذاك الحليب استخدمته يومين
بس للحين عافس بطنه
وصار ليي من جيت 5 أيام
الحليب اللي اعطيه وياه حق الامساك
تنصحوني اخذ نفس نوعية الحليب حق الاسهال
والا وش اسوي ؟؟

الكاســر
13-11-2012, 07:25 AM
صباح الخير مامات \

كيف حالكم اليوم

ام هيثم الحمدلله عالسلامه وش اخبارش اني اقوووول وين رحتي لاني فقدتش صراحه بس لان اني بعد ماقرا الصفحات عدل من قبل العيد واني على الحال دا
الله يعافي يزون ويشفيه يارب والله يعينش ياخيه . الحليب فيه انواع للمغص والاسهال والترجيع والغازات بس ماعرف كيف تبدلي من نوع لنوع اسالي الدكتور او على الاقل الصيدلاني . اني يوم سالت قال الصيدلاني لازم تسوي ليها رضعات تدريجيه قلت اصلا حليبها مخلص ماباقي شي واخدت رونالاك العادي ورونالاك عن الترجيع ومن عطيتها اول رضعه منه الله يعزش الحفاضات ماتقعد من الاسهال تكرمي وفعلا خف الترجيع بس وش الفايده وهونت وغيرت الحليب

الله يعين :(

الكاســر
13-11-2012, 02:29 PM
البارحه جودي تشابق ويايي ومتحمسه الا تبغى تمسك الملعقه وخليتها عن افادها تمسكها ولا هي قد الثقه
اخدتها ودخلتها كلها في بوزها اتوقع وصلت لفم المعده هههههههههههه وسحبتها منها

فرحت اني مره يوم اكلت زبادي اخيرا اكلت زي الاطفال وفتحت بوزها عدل اللهم صلي على محمد وكانها بعد قريب بتحبي

الحين تقعد بس اعلمها شوي شوي مابغى اعور ظهرها واسوي ليها قعدات زي هارون الرشيد مخدات وتكايات على جمب وورى ظهرها مدلعتنها وطبعا بدت هدرت الناس عليها المفروض بتش قعدت من زمان وعلميها توني اليوم محصله هدره ولقافه والمفروض بتش تمشي زين ماقالوا المفروض تعرس بعد خخخخخخ فضاوه جد

صايره من تركب سياره تبغى تسوق مادري وش هالجيل دا

باقي كم يوم على تطعيمها وان شاء الله تكون خفيفه عليها

ماعندنا جديد غير كدا

زهور مخمليه
13-11-2012, 02:32 PM
ولدي كمل 4 شهور
وبديت اعطيه سيريلاك
والدكتوره لما رحت اطعمه قالت المفروض اعطيه بعد 6 شهور
وقالت ابدي اعطيه خضار وقالت بما اني بديت اعطيه سيريلاك قالت خلاص خليك عالسيريلاك علشان معدته

والنوع اللي استخدمه اسمه بلفيت بلس هو من 4 شهور

فمحتاره اعطيه خضار او لا لاني ماعطيته من السيريلاك الا اربع مرات تقريبا

افيدوني امهاات

حزن روح
13-11-2012, 03:42 PM
شحوالكم :)

أختي زهور مخملية ...

اعطيه وجبة خضار ووجبه سيرلاك ...

مع اني افضل الأشياء الطبيعية زي الخضار والفواكه ...

أختي الكاسر ... اني ولدي كمل 7 شهور من كم يوم وللحين ماقعد عدل ولاحبى ...

بس يقلب ويحاول يرفع نفسه ولا يعرف ... واكثر من وحده سألوني قعد ماقعد وهيك اسئلة واني احقر

وقت إلا يبغى يقعد بيقعد ...


وبسألكم ..... عبودي مشكلته مع الإمساك مشكلة ...

مع اني اسوي له أكل فيه تمر ومع ذلك مو فايد وياه ...

ما ادري ويش اعطيه بعد ..

:(

الكاســر
13-11-2012, 03:55 PM
حزن روح اي عدل كلامش خيه احنا نممكن ندربهم شويات بس اصلا اذا لسه البيبي مو مستعد راح يضره ماينفعه .
ربي يخلي لش صغيرش . اني بنتي جودي في 1 محرم تكمل سته شهووووور

البارحه شريت ليها حليب رقم 2 من 6-12 والله يعيين ان شاء الله التغيير مايتعب بطنها

خيه سوي مساج لولدش بزيت الزيتون ودلكي بطنه بزيت زيتون دافي وبعد ارفعي رجايله شوي شوي ونزليهم كانه يسوي تمارين

واعطيه عصير برتقال مخفف بماي او اعطيها ماي لوبا وسمعت ماي اللقاح كويس بس ماعرفه صراحه

لو عرفت شي تمام باعلمش به وسلامته صغيرش :)

رقة مشاعر
14-11-2012, 05:32 AM
صباح الورد...كيفكم وكيف الحلوين الصغاريه ..الله يحفظهم..
مثل القمر..مايوحشك غالي..غناتي.....يمكن القموره فيها حساسيه. في وجههها عشان كده تحك..
..اني قسومي ا

شوف طالع له حساسية في وجهه مدري من ويش
و:)الحساسية تروح وترجع مدري وش..سببهها

..
ولا عليكم من كلام الناس..لقافه بس
يدخلو في كل شي مامشى ولدكم ..ماحبى..ما تكلم.ماقعد..مابلع..مازق ههههههه....أم الحاله خخخخ حقروهم ماحد بيتعب الا ام الطفل..



دمتم بود

دلوعة الغآالي
14-11-2012, 05:57 AM
ويادلوعة الغالي يسلموو ع السؤال بس كنت مسافرة واقرأ أخباركم ع السريع
مامداني أرد
والله ودي أرد عليكم وحده وحده
شرايكم بنات ننضم لنا جمعه ع الطبيعة ههههه متحمسه مو



تنصحوني اخذ نفس نوعية الحليب حق الاسهال
والا وش اسوي ؟؟


هلا ام يزون ووووحشتينا لا حبيبتي مافي جمعات قعدو مكانكم :p استنوني انزل وبعدين نتفق :) خلش عاقلة

اني انصحش تروحي لدكتورته وتقولي ليها السالفة من الى وترويها الحليبات وهي تقرر
اني هشوم صار عنده امساك وغيرو له حليبه وصار وياه اسهال :eek: في اليوم 10 مرات واكثر يوصخ تخيييييلي ومرة ماي وصرت اعطيه ماي ومحلول وبعدين ردو غيروه والحين اشوفه احسن الحمد الله
مايشوف شر صقيق ووولدي
اخباره ويش مسوي طعمتيه حق الاربع شهور


وكانها بعد قريب بتحبي

الحين تقعد بس اعلمها شوي شوي مابغى اعور ظهرها واسوي ليها قعدات زي هارون الرشيد مخدات وتكايات على جمب وورى ظهرها مدلعتنها وطبعا بدت هدرت الناس عليها المفروض بتش قعدت من زمان وعلميها توني اليوم محصله هدره ولقافه والمفروض بتش تمشي زين ماقالوا المفروض تعرس بعد خخخخخخ فضاوه جد





الناس مايبلعوها ويسكتو لو ويش سويتي خرفان متخرفنه :) متعوب عليها الجمله
والله يبطو الشبد اني اذا قالو ليي شي اقول ليهم مو صحيح كلامكم خلوه ليكم :p لاني اقرا كتب عن التربية والاهتمام بالطفل ماني خبلة تخرطو عليي :rolleyes: يروحو يولو

المهم سالفة القعدة كلها تعووويد اني شريت لهشوم كرسي ظريف فيه العابات مرررة جميل ويحبه ودكو صار يقعد رجال فديته واذا قعدنا عالكنبات اقعده ويانا وبدا يقعد بس طبعا لازم وياه اخاف عليييه يطيح

اني بديت اقعده لان دكتورته قالت قعديه حق يمسك جسمه لان بعده متطعطع :D وهو قريب الخمس شهور فلاحظت من قعدته يمسك ظهره وراسه احسن واللي ساعده اكثر انه في الحضانه يعلموه يقعد وعملوه يمسك رضاعته وعلموه يسوي باي :D يضحكني من يشوف احد مر رفع اياديه لا ياماما بس باي مو كل مامر واحد رفعت اياديك
يعنو الحضانة فادته تعلم منهم حاجات ظريفة واحسني مرتاحه ليهم الحمد الله


ولدي كمل 4 شهور
وبديت اعطيه سيريلاك
والدكتوره لما رحت اطعمه قالت المفروض اعطيه بعد 6 شهور
وقالت ابدي اعطيه خضار وقالت بما اني بديت اعطيه سيريلاك قالت خلاص خليك عالسيريلاك علشان معدته

والنوع اللي استخدمه اسمه بلفيت بلس هو من 4 شهور

فمحتاره اعطيه خضار او لا لاني ماعطيته من السيريلاك الا اربع مرات تقريبا

افيدوني امهاات


اني بديت اكلت ولدي وهو 4 شهور دكتورته قاالت اعطيه الظهر خضار او فواكه وبالليل اعطيه سيريال الارز واشوفه بدا يتقبلهم لان في البداية ماعجبه الموضوع


صباح الورد...كيفكم وكيف الحلوين الصغاريه ..الله يحفظهم..
مثل القمر..مايوحشك غالي..غناتي.....يمكن القموره فيها حساسيه. في وجههها عشان كده تحك..
..اني قسومي ا

شوف طالع له حساسية في وجهه مدري من ويش
و:)الحساسية تروح وترجع مدري وش..سببهها

..
ولا عليكم من كلام الناس..لقافه بس
يدخلو في كل شي مامشى ولدكم ..ماحبى..ما تكلم.ماقعد..مابلع..مازق ههههههه....أم الحاله خخخخ حقروهم ماحد بيتعب الا ام الطفل..



دمتم بود


هاي رقوي اخبارش وحشتينا اخبار قسوووم الظريف اما ضحكتيني وانتين تردي احسش معصبة من قلب على هالاوادم الباصقة وفلسفتها

Znaybah
14-11-2012, 02:06 PM
مساء الخير مامات اخبارركم مررة وحشتوني من جيت من الحج مامداني ادخل ولا ارد مرة زحمة
رجعت بمرضي وعديت بنتي على عمري وغير الضيوف الي لليوم يجوني مررة مزحومة ومو عارفة اتنفس

اخبار اطفالكم شاء الله بخيرر

اخبارنا
الحمدلله على كل حال
بنتي على عمري مريضة صارلها اسبوع زكام والحين صار معاها كحة ماتعرف تنام منها الليل معاناه وياها كل شوي تصحى
حتى صرت انيمها جنبي والبارحة سويت لها يانسون واشوف خفت شوي بس لازالت تساعل ادعوالها بالشفاء

الله يعديهالشتوية على خيرر ويبعدالمرض عنا وعنكمت

المزيونة
14-11-2012, 05:53 PM
هلا وغلا مامات اخباركم واخبار اطفالكم وحشتوووني

اخبار الكاسررر...ورقة مشاعر..ومحليتهم...وحلاتي...وزينبية..وليل برايد...جود...الذووق الرفيع...زهره الاريج...بنوتة قمر...دلوعة الغالي....


اخباررري انا وزينبية.... بخير الحمدالله الامور طيبه بس اللحين بنتي تمشي بالرابع ومابقى شيء وتكمل الشههر الرابع وتدخل الخامس ع خير اشووفها بزياده تحط اي شيء في فهمهااا تمص اصابعها وتحطهم في فهماا بزياده ؟ طبيعي هالشيء..؟ ومتى تبدا تمسك الرضاعه او اي شيء ماترضه تمسك الا اصابع اليد هههههههه وغير كذا احسهاا تضغط ع نفسها وانتم بكرامة اذا بتتبرز بس مواخشـن بس تشه ناشفه يعني عادي موامساك؟

وللحين انا اعطيها الرضاعه 120 احيانا وواحيانا 125 واحيانا 180 عادي؟ يعني زيادة الحليب طبيعيه ولا لا

حزن روح
15-11-2012, 01:39 AM
اختي المزيونة ...

عاآدي كل شي يحطوه في أيدهم هالجهال ... ويقولوا هم بعد فترة يهوون من نفسه

لا تستعجلي عليهآ .. بعدهآ صغيرة حاولي تعطيهإ الألعاب اللي فيهم مسكة يكونوا ضعيفين مثل الأصابع ويقدروا يمسكووهم

أما الرضاعة احس صعبه ويمكن تكون ثقيلة ..


ع التبرز ... أهم شي في النهاية تعملهآ يعنو ..ةحاولي تعطيهآ ماي بعد مو بس حليب

وع الحليب ما ادري اني استخدم صناعي قلييل ...

والله يخلي صغاركم وتشوفوهم معاريس

حبيبي حياتي
15-11-2012, 01:39 AM
هلا مامات
طمنوني الى عنده خبره في ذا الشي
اليوم طعمت بنتي 6 شهور
2 تطعيمات كل وحده في فخد وثالثه نقاط في فمها وذي المشكله النقاط الى عطوه وياهم لسان بنتي زي الى نقر من الطرف ومقتل
ومانتبهت ليه الى العصر مادري ليش صار كذا وكيف اعلجه لو يخف من نفسه الله يخليكم طمنوني
كفايه انه صخونه تطلع اليي سالفه ثانيه لسانه

رقة مشاعر
15-11-2012, 02:51 AM
هلا ماماتوووو

مأجورين بمصاب الحسين واهل بيته واصحابه عليهم السلام

وش حالكم

ياعمري
دلوعه الغالي..المزيونة ..وش اخباركم والنوانوات الحلوين
مزيونة ..عادي الاطفال كل شي يحطو بفمهم عشان يتعرفو على الاشياء
اعطيها خرخشانه خفيفة وصغيرة تقدر تحملها او اعطيها عضاضه من النوع الربل في الصيدله في من سن 3شهور

زنابيه
تقبل الله خيوو ماتشوفو شر غناتي

مثل القمر(الكاسر)
وش حالكم غناتي وش حال جوووودي الامورره الا كبرت صارت تاكل روب وترقص ههههه الله يخليها
صحيح لاتكثري ليها روب اني ادا عطيت قسومي احسه يغث بالحلق اكثر المرات يرجع شويييييه مع اني اسوي له روب ورز ما اعطيه لحاله احسه ثقيل

حبيبي حياتي
ماتشوف شر البنوته بس مااعتقد ان سبب التكتل الا بلسان طفلتش من نقاط شلل الاطفال
يمكن طالعه لها حبه ملتهبه او شي فطريات مثلا ..ادا تطلع لسانها وتحسي يألمها وديها الطبيب

واخباركم بقيه الامهات .....الخ


اخباري
ولدي القسمي عمره صار 8شهــور :) كبر هالبزر
ومن هواياته المفضله تمقيع الشعر والفلاليص وو تقطيع النشاف وتذوقه :)
يبغى بس امسك اياديه وامشيه يبغى كله واقف بس مستعجل على المشي

للحين مازحف ولاحبى على بطنه بس يزحف وهو جالس ويفتر ويشقلب
و ويرقص ويصفق ويعزي ويسلم يمد ايده توها حركة اليوم دي هههههه
و متعلم ليي ينطح بجبهته ويصاقع فيي ...ووووواخ حركات لصبيان دي
طبعا ماطلعوو له اسنان للحين :) احلى شي لايقروضني ويعضضني واني ارضعه بس هيهات هيهات
لاحقين على خـــــــــير

واحلى شي ان يسهي على قناة طه ..:) وعنده اناشيد مفضله بعد ههههه

لا ويضحك ضحكه خنفشاريه هههههه زي الصخله أههههئ ماعرف اوصفها خخخخخخخخخخخخخخ ويلي مت ضحك على قسوم ابو الحركات

محليتهم
15-11-2012, 01:23 PM
مرررحبآ مآمآتو

آخخخخخخخ كتبت ردددد وش طووووله وعلق الآب الززززززززززززززززفت

المهم بكتب بعدين ع روآقة بس عندي آستفسآررررر

ووولدي ومآآدرآك مآولدي صآآآآآآآآآآآآآآآىير لززززززقة علووووووووووووووج كآنه آنآ قلت بيحبي بفتك منه شششوي

هو لآلآلآ صآآآير ورآي من مكآن لمكآن ويزززنززن وبسسرعة يستمل من آلعآبة حتى طه صآر مو مثل قبل يحبهآ

يبغى طول يومه بس يخرب في الوآيرآت ولآبزنزن

والله شقول آدخل الحمآم وآنتوآ بكرآمه وهو برآ البآب يزنزن ويددق في البآب خلآص مآنآم آلآ رآسي فآقع

وآلحين وآنآ آكتب وهو يشآبق ويزنزن

آبغى آعرف جهآلكم آنتوآ كيذآ ولآ ولدي مو طبيعي *_*

Snow Angel
16-11-2012, 01:47 AM
مأجورين مامات .
.
.
محليتهم
حتى أولادنا يزنوووون ، ولدك طبيعي لاتحاتين :p
الله يهديهم

أخبارنا:
الحمد لله ع كل حال :)

الذوق الرفيع
16-11-2012, 01:59 AM
مأجورين مامات


المزيونة
تسلمي غناتي للسؤال انتي اخبارش واخبار الصغيرة ..
أنا بخير الحمدلله


محليتهم
لا تحاتي خيتوو كلهم هيك لزقة وزن وحجايج :)




اخبارنا
الحمدلله على كل حال :)

ام علووه
16-11-2012, 07:44 AM
مأجورررين مامات


اخبارنا

الحمدلله على كل حال :d

الكاســر
16-11-2012, 11:22 AM
مساكم الله بالخير مامات مواليات << حبيتها

مأجورين ومثابين

جمعه مباركه علينا وعليكم يارب

اللهم اشفي اختي وقومها بالسلامه وفرحنا برجعتها البيت سليمه معافاه بحق محمد وال محمد وبحق عطش مولايي وسيدي الحسين عليه السلام يالله ياكريم


شلونكم امهات وش اخباركم وكيف النونوات

مزيونوه تسلمي غناتي عالسؤال وان شاء الله يفيدوش المامات

غناتي زينبيه وحشتيني ماتشوف شر صغيرش على عمري حاسه فيها تعب والله مساكين لين مرضوا ربي يشفيها قريب وتروح عنها الكحه ان شاء الله وتتعافى

ام هيثم نورتي التجمع غناتي وحشتينا وش اخبار يزون القمر

مغروروه شلونش وكيفش مع الامومه

محليتهم اخبارش غناتي توني ماقريت مشاركتش عدل :)

رقة مشاعر خليتيني اموت ضحك على تعليقش ضحكة صخله هههههههههههههههههههههههه صحيح جوديو تضحك هيك مرات تخليني اسكر عليها ضحك

حبيبي حياتي مادري صراحه لاوي كدا لسانها بنوتتش ماعندي فكره اسالي الدختره تاكدي لو بالتلفون او روحي الطواريء شوفي وماعليها شر الصغيرونه وتمام طعمتيها وافتكيتي

اخباري واخبار جودي

نفسي اخليها تكشخ زي باقي الاطفال بس حدها عنيده ماتبغى شي في راسها ولا قبعه ولا شباصه ولا شي والدلاغات ينفصخوا من ترفيسها وكل ماتلبس ترجع تكرموا وتوصخ بسرعه وكله سعابيل ولحيتها للحين ملتبه وحمرا واستخدم ليها دوا عن الحساسيه بس اخاف تلحسه عشان كدا احط وهي نايمه . عشقها الكلينكس زي قسوم ولد رقة ههههههههه . باطعمها ال6 شهور بعد يومين

الحين كملت السادس ودخلت السابع الحمدلله بسرعه تركض الشهور ربي يخليهم لينا

رقة مشاعر
17-11-2012, 02:22 AM
مرحبا مامات مواليات,,.حبيتها :)
الكاسر
الله يقوم اختش بالسلامة ويمن عليها وعلى جميع المرضى بالشفاء العاجل بحق مصيبة الامام الحسين عليه السلام
والله يحفظ البنوتة الا كبرت ان شاء الله تطلع تطعيمتها باردة ززي قسوم تسخن خفيف
والله يعين المامات

ولدي زيش يرفس لين تنفصخ الجوتيه هههههه مو لدلاغ مايقدر عليه ده ولا يبغى قبعات فوق راسه
زي البارحه طلعت من السموعه وفصخها وراماها بالشارع وانتبهت ليه نص الطريق رجعت ولقيتها هههه جديده حرام ما ارجع ليها خسارة خخخخخ

بشاير أم علي
17-11-2012, 03:22 AM
سلام مامات جميلات ماجورين. مثابين
عاد اول مره ادخل التجمع بس كنت اتابعكم


ابغاكم تساعدوني لو بدعوة لولدي كحته مو طبيعيه كل شي سويت ليه بخار واحط عليه
ادفي زيت الزيتون ادهن صدره ونعناع اعطيه يشرب خلاص مو صابرة اشوفه كذا مقطع قلبي.
غير الادويه. الا يشربها وتكرمو يرجعه كله ما يتحمل.
يكح. بقووته لين يطلع البلغم.


تعبت معاه ويش اسوي ليه بعد ساعدوني


الله يخلي اطفالكم يحفظهم

الكاســر
17-11-2012, 07:19 AM
السلام عليكم ورحمة الله وبركاته

صباح الورد

حياش الله ام بشاير نورتي التجمع غناتي شلونش شلون صغيرش ان شاء الله صار احسن

ماعرف حبيبتي ان شاء الله البنات يفيدوش بس نصيحتي روحي للدكتور وربي يعافيه بحق محمد وطمنينا عليه

محليتهم
17-11-2012, 01:42 PM
سنو..الحجآيج والزن شر لآبد منه بس مسستغربة من لزقته :eek:مشكورة حبوبة ع الرد وربي يخلي لك الآمورة:)

الذوق..مره آنصدمت آحس كل مآكبروآ صآر تعبهم آكثر ع بآلي العكس :cool:
مشكورة غنآتي ع الرد والله يخلي لك العروسآت :)

آم جودي..الله يشآفيهآ آن شآءالله بحق مصآئب آهل البيت في هذآ الششهر ومآيرردكم خآيبين آن شآءالله
آحنآ بخير آخبآر القمرة ويآش :)

بشآير..سلآمته مآيشوف شر كل اللي سويته كويس آنآ ولدي بسم الله عليه آذآ جته كحة آو زكآم آدفي له زيت زيتون وآدهن رجوله وآلبسه شرآب حزة النوم ويخف وآآآآجد
ولدك شكله فيه بلغم غنآتي الآفضل تروحي به المستشفى عشآن يعطوه آدويه طآردة للبلغم يمكن مشآن هيك يكح عشآن يطلعه

زنآبية ..الحمدلله ع السسسلآمة حبيبة آلبي ومآتشوفوآ شر ودي آعرف كيف كآن اللقآء بينكم:p

الذوق الرفيع
17-11-2012, 03:42 PM
الكاسر
الله يشفي اختش بحق ابي عبدالله الحسين عليه السلام
الله يخلي لش الصغيرونة


محليتهم
اممم هو تحسي ترتاي من شي ويطلع لششي ثاني وهم صغار تبغي متى يكبروا عشان يخف المغص عنهم و يخف صياحهم يكبرا شوي يصير صياحهم من الزهق بتقولي بيكبروا وبيمشوا وبترتاحي لا هم يكبروا ويمشوا ويبدوا فيالحجايج والصياح مما ادري لمتى هههههههههه


بشاير علي
سلامته الصغير ماي اللبان مع نبات كويس للكحة هو بعد يطرد البلغم يمكن يشربه ويرجع عادي بالعكس شي كويس انه يطلع البلغم تكرمي لانه اذا ينزل في الصدر يتعب ..

جـــــــود
17-11-2012, 11:37 PM
اخباركم مامات واخبار اولادكم

من زمان عنكم اقرأ اخباركم بس ما يمديني ارد

ومراحب بالأمهات الجدد

وما يشوفو شر المريضين

بشاير أم علي
18-11-2012, 02:56 AM
ياهلا فيكم كلكم امهات جميلات يعطينا الله وياكم الصحة والقوة لاطفالنا القمارى

هلا ام جوودي تسلمي على الترحيب وعلاووي صار احسن بس كحته تخف بصير تمام


محليتهم الشر ما يجيش سويت له الحين ان شاء الله يخف رحت به الليله المجمع العسكري يقول لي الدكتور ما فيه التهاب !!!لا باذنه ولا صدره بس في الحلق هو مسبب له كذا عطانا مضاد ثاني غير الدكتورة الا بالصادق تقول كلام ثاني


اخر شي اني بستجن من الدكاترة محد يعرف يشخص حالات ،!


هلا بالذوق الرفيع سوت له امي ومثل ما قلتي رجعه ان شاء الله يخف ويريحني


يلا الحمد لله على كل حال حتى التسموع ما طلعت اتسمع :(

رقة مشاعر
18-11-2012, 03:31 AM
هلا حبوبات
وش حالكم وش حال الجهال

خيو بشآير أم علي
واضح انه طفلك عنده احتقان بالحلق وبلغم ...
زين ادا رجع وطلعه للخارج

استخدمي زيت السمسم افضل علاج للبلغم من العطار اشتريه عن تجربة اختي نفع ولدها من استعماله مرتين بس
قبل النوم
ادهني جسمه صدره وظهره ورجوله ودفيه زين لبسيه شرابات بالنوم
وشربيه قليل بس منه راح يرجع ويطلع البلغم من صدره
مايشوف شر

بشاير أم علي
18-11-2012, 03:51 AM
هلا فيك غناتي رقه مشاعر اي البلغم مضيق صدره بخلي ابوه اليوم يشتري ليه زيت السمسم
الحين بالصلاة على محمد واله دهنت صدره وحلقه ورجله لبست شراب اشوفه ما كح ياربيً يصير زين بحق هلايام العظيمه عند الله


تسلمو كلكم الله يحفظ جهالكم




،،،،،،،،
بسال سؤال هههه. ويش الا يخلي شعر الطفل كثيف. ووواجد ابغا شعر ولدي يغلظ عدل

الكاســر
18-11-2012, 10:27 AM
صباحكم خير وعافيه

شلونكم مامات شلون جهالكم

جود الفراشه الحمرا دانيه سويته وينكم وحشتوني غيم ام فطومه وباقي المامات القديمات والجديدات

رياح الغربه وردة الربيع وينكم ومامات واجد ماذكر اسمائهم حاليا بس فقدتهم جدا


اني كويسه

بنتي باطعمها الاربعا عشان اقعد وياها خميس وجمعه

جودي مريضه تعور القلب بدا وياها البارحه سهال تكرموا كل شوي ومتصلخه عورت قلبي واني مو قادره اضل وياها طول اليوم عشان اعرف انضف ليها واريحها واهتم فيها على عمري معوره قلبي :(
مادري وش سببه هل هو نوع اكل جديد عليها ولا عشان فترة تسنين وشغالتي تقول لانها بتبدا تجلس وهالمعلومه اول مره اعرفها وماعرف مدى صحتها صراحه

ام غايب
18-11-2012, 02:58 PM
مراحب مامات مثابين ومأجورين
اني وياكم أم جديدة صار ليي من اولدت 46 يوم وصرت ام زينب
رحت ويا بنتي المستشفى البارحة عشان عندها حرار في منطقة الحفاظ ويوم وزنتها قالت وزنها قليل على عمرها
وزنها الحين ثلاثة كيلو وثلاث مئة غرام
ويوم اولدها كيلوين ونص يعنو حتى كيلو مازادت طبعا اني ارضعها من صدري وما أعطيها مرضعة معارضة المرضعة بشدة
بس خايفة على بنتي مادري ويش اسوي ساعدوني رحم الله والديكم
وادا ابغى اشفط ويش اخد اي نوع وهل اشفط وتالي ارضعها لو ارضعها الي اشفطة
مادري ويش اسوي محتارة حدي
وهي لما ارضعها تتجشا وتالي ترجع
صايرة ترجع وايد

أم هيثم
18-11-2012, 05:28 PM
مرحبا مامات
مأجورين حبيباتي

مثل القمر
اول مره اسمع انه اذا بيجلسوا يجيهم اسهال !!
يمكن عشان بتسنن أو بسبب تغيير الجو .. غالبية الاطفال الحين مرضى
حتى انا تسخنت اليوم .. ووديت يزوني لأمي عشان لا اعديه
الليله بس وان شاء الله بكره اصير احسن واجيبه
من الحين وحشني :(
كيف بنام بدوونه اهئ اهئ

ام غايب
الحمد لله على سلامتك غناتي
لو تستخدمي صناعي كنت بقولك خذي حق الترجيع
هي لأنها ترجع واجد عشان كذا ماهو راضي يزيد وزنها
ما اقدر افيدك في هالناحية
ان شاء الله الامهات اللي معتمدين على الطبيعي يفيدوك غناتي
بالنسبة للحرار تبع الحفاظ .. انا وصف لي الدكتور باقر مرهم اسمه (دكتارين)
مره تمام .. احطه عليه واسكر الحفاظ وبس افتحها مره ثانية ما القى شي
واذا تبغي تاخذي شفاط انصحك بشفاط ميديلا .. هو يشتغل على كهرباء وعلى بطارية
وهو افضل الانواع .. تلاقيه في صيدلية النهدي بـ380 ريال تقريبا
بس ماعرفت انتي ليش تبغي تشفطي لها؟
عشان صدرك متجرح مثلا (لاسمح الله)
والا عشان اذا طلعتي وياها تعطيها الرضاعه (اللي شفطيه لها) والا وشو
تقدري تشفطي لها وتخزنيه بالثلاجة وبس تطلعيه تسخنيه وتعطيها وياه
واذا كان صدرك ملتهب .. اشفطي لها واعطيها اللي شفطتيه
وماتشوف شر البنوته وان شاء الله يخف عنها الترجيع
ويرتفع وزنها

ام غايب
18-11-2012, 07:15 PM
مشكوورة أم هيثم غناتي
اني سلمش الله اجلس ويابنتي فترة طويله واني ارضعها وقالت ليي الدكتورة اشفطي ليها واعطيها من الرضاعة عشان تشرب كفايتها لانو كذا هي بتتعب تشرب طشة وتنام وتعود طشة وتنام وتالي ترجعه
المشكله ان تعودت على الرضاعة بيصير اسهل ليها ومابتشرب من صدري
وأحس انو صدري مايمدية يتحجر ويصير فية حليب اذا معظم الوقت ياحاطتنها في الأول يا في الثاني
على قلبي احسها ماتشبع عشان تنام مرتاحة
والأهل الصراحة الكل يقول اعطيها صناعي وأني مو راضية
وحتى ابوها بعد صار يقول بياخد ليها صناعي وحدي متأزمة على هالسالفة
هو حتى احس في عرق بصدري يألمني مو الحلمات يألموني
أحس ضايقة في الدنيا وحتى السموعة باعيفها وبقعد في بيتي عشان لاحد يقول ليي بنتش ماكبرت
___ّّ فيس حزين

أم هيثم
18-11-2012, 08:15 PM
قصدك ان حليب صدرك مايكفيها؟
طيب ادرسي موضوع انك تدخلي ليها حتى لو رضعتين بس في اليوم صناعي
اصلا لو دخلتي الصناعي بترتاحي ع الاقل اذا طلعتي ماتصير لك حوسه
وتقدري تطلعي تتسمعي <<< بتخربها هههه
هو اكيد الطبيعي افضل بس اللي فهمته من كلامك انها ماتشبع
الله يحفظها لاتخافي عليها بيزيد وزنها وبتكبر وبتشوفيها عروس ان شاء الله
بس شوفي وقرري وش بتسوي

ام علووه
18-11-2012, 08:34 PM
ام الساده

صحيح كلام ام هيثم
فكري في الصناعي لان الطبيعي يمكن مايكفي ومايشبعهم
اني دخلت الى ولدي رضعه رضعتين في اليوم صناعي و ارتحت واجد و وزنه زاد ماشاءالله بسرعه
شوفي حليب سيميلاك يزيد الوزن بسرعه
و الله يخليها لش

امي جابت اختي كيلو و ٣٠٠ و استخدمته و صارت كرتون بعدين بسرعه بالصلاه على محمد

الكاســر
18-11-2012, 10:15 PM
هلا ام علوه شلونش خيوه

هلا ام يزن وحشتيني مره ووحشني ولدش القمر ماعليش شر يالغلا وربي يعافيش وتاخدي بكره يزن وانتين بصحه وعافيه بس زين سويتي اني يوم مرضت عديت جودي والبيت كلهم مرضى ماعرفت وش اسوي وجاتها العدوه ودكي اختي مريم اخر العنقود من انعدت وهي في العنايه مره رئتها تعبانه على عمري ربي يشفيها

اني بعد ماعمري سمعت اللي بيقعد او يحبي يجيه اسهال

اتوقع تسنن وان شاء الله يطلع الضريس بسرعه لايتعبني وياها

ومن الاسهال تكرمي فيها تصليخ جلدها احممممممر تعور القلب داني باجرب دكتارين

الله يكون بالعون

جـــــــود
19-11-2012, 01:13 AM
اخباركم مامات

بشاير
ما فكرت في شعر ولددي جبته بشعرتين وبعدين طاحو وما ططلع اله الا في السابع والحين قريب يكمل سنتين وما زلنا على شعرتين ومعاهم حاله نفسيه
بس شعره مره خفيف ولا يكثف مع انه حلقته سبع مرات ولا كثف ابد


الكاسر

ما تشوف شر جودي وان شاء الله ما تتعب من التطعيمه وعلى الأسهال ربي يعينها

ام غايب
اني احس وزنها زين مقارنه بولادتها
بس الدكتوره اعلم في هالأمور

بس اذا كان الحليب ما يكفيها لازم تدخلي الصناعي

واذا بتستخدمي طريقة الشفط مع الفتره الطفل بيعيف الصدر

بالعكس المفروض يظل يرضع من الصدر مباشره الين يتعود

وما فيه قاعد انه حليب الأم او الصناعي يمتن

ولدي كان يرضع بس طبيعي وكان ماشاء الله زيادته ولما فطمته وصار يشرب سيميلاك صار ما يزيد ابد

والترجيع عادي ولدي يرجع بعد كل رضعه وكذا مره وظل الى عشره شهور بس كان يزيد وزنه

الشوق عطري
19-11-2012, 01:58 AM
مثل القمر

اني ستخدمت لبنوتتي عن الحرآر عصارة اسمها كيناكومب ..معروفة ومفلتة بكل الصيدليات

لآنه حسيت آنه سودو كريم مانفع بشي آصلآ ..

سـَمـَر ْ
19-11-2012, 02:19 AM
مراحب مامات مثابين ومأجورين
اني وياكم أم جديدة صار ليي من اولدت 46 يوم وصرت ام زينب
رحت ويا بنتي المستشفى البارحة عشان عندها حرار في منطقة الحفاظ ويوم وزنتها قالت وزنها قليل على عمرها
وزنها الحين ثلاثة كيلو وثلاث مئة غرام
ويوم اولدها كيلوين ونص يعنو حتى كيلو مازادت طبعا اني ارضعها من صدري وما أعطيها مرضعة معارضة المرضعة بشدة
بس خايفة على بنتي مادري ويش اسوي ساعدوني رحم الله والديكم
وادا ابغى اشفط ويش اخد اي نوع وهل اشفط وتالي ارضعها لو ارضعها الي اشفطة
مادري ويش اسوي محتارة حدي
وهي لما ارضعها تتجشا وتالي ترجع
صايرة ترجع وايد

هلا خيه

شوفي كنت زيش و3 شهور وبنتي فطمت روحها واتجهت للصناعي

ماابغاش تغلطي غلطتي

اولا اسالي نفسش هالاسئلة

تشربي 3 لتر يوميا سوائل منوعة عصير وحليب ولبن وماي؟

اكلش سليم خالي من الشقاليط والغازيات وفيه حديد؟

تشربي فيتامينات؟

وعادي الترجيع بنتي كانت جدي نوااافير وماكبرت الا لما دخلت الصناعي وجربت كذا حليب الين

استقريت على جولدن بلس , بالنسبة للترجيع نظمي الرضعات كل ساعتين رضعة لا قبل ولا بعد

ساعتين بالضبط وبيخف الترجيع اذا صاحت اعطيها ماي او شوي نعناع مخفف بماي مايزيد عن 20

مل

الحين انتي حاولي تشربي سوائل وتتغذي زين لو لاسبوع مااتغير وضع بنتش لازم تدخلي صناعي

هذي مسؤلية خيه بين يدي الله لو حليبش مايكفيها تجوع؟

والله يوفقش خيه


هلا ام علوه شلونش خيوه

هلا ام يزن وحشتيني مره ووحشني ولدش القمر ماعليش شر يالغلا وربي يعافيش وتاخدي بكره يزن وانتين بصحه وعافيه بس زين سويتي اني يوم مرضت عديت جودي والبيت كلهم مرضى ماعرفت وش اسوي وجاتها العدوه ودكي اختي مريم اخر العنقود من انعدت وهي في العنايه مره رئتها تعبانه على عمري ربي يشفيها

اني بعد ماعمري سمعت اللي بيقعد او يحبي يجيه اسهال

اتوقع تسنن وان شاء الله يطلع الضريس بسرعه لايتعبني وياها

ومن الاسهال تكرمي فيها تصليخ جلدها احممممممر تعور القلب داني باجرب دكتارين

الله يكون بالعون


خيه الاسهال ممكن يكون نزلة معوية او جرثومة مو لازم تسنين ويعتبر الاسهال بهالمسمى

اذا كان سائل مرة واكثر من مرتين يوميا اذا ويها هالشي لازم تحللي ليها براز تتطمني

ويعطوها محلول تشربه لايجيها جفاف

اساليني بنتي خبرة اسهال كل الانواع:(


مثل القمر

اني ستخدمت لبنوتتي عن الحرآر عصارة اسمها كيناكومب ..معروفة ومفلتة بكل الصيدليات

لآنه حسيت آنه سودو كريم مانفع بشي آصلآ ..


خيه اسعفيني زينب كله احمرار وماينفع سودوا كريم وياها هذا الكريم عندك صورة له؟

وهل هو كريم مرطب او بوصفة طبية؟

lil bride
19-11-2012, 02:53 AM
مثل القمر
سلامتها جودي.. اذا اسهال خفيف يمكن تسنين أو ملتقطة شي بسيط من الأكل أو اللعب كل شي في البوز.. واذا كان اسهال شديد انتبهي ليها من الجفاف.. وانتبهوا من العدوى .. وماعليها شر ان شالله

أم غايب
اممم هو اللي أعرفه ان الطفل تحسبي له من بعد مرور أسبوع من الولادة ان يزيد حوالي 250غ في الأسبوع = تقريبا كيلو في الشهر (أول أسبوع ماتحسبيه لأنه يسترجع فيه وزن الولادة)..
بس ماعندي فكرة وشو الحل.. يمكن نوعية غذائش ليها تأثير على الوزن؟ ما بعرف.. لو تكلمي الدكتورة تسأليها يمكن تفيدش

lil bride
19-11-2012, 02:56 AM
سمر
من زمان عنش ماتجي اهني .. كنت أكتب الرد نفس وقت اللي تكتبي وطلع مشابه بس ردي مختصر جدا
عندي اسم كريم زين بارسل لش اسمه.. وتستخدميه بس 3-4 أيام مرتين في اليوم لأن فيه كورتيون

سينابون
19-11-2012, 03:20 AM
مأجورين امهات

ونسألكم الدعاء ..

وردة الربيع
19-11-2012, 04:25 AM
هلا مامات اخباركم جميعا
ماجورين

ام غايب
19-11-2012, 06:56 AM
صباح الخيرات امهات
اني من ولادتي عندي ضغط وسكر حمل فما كنت آكل شي كل شي ممنوعة عنه
الضغط بعيد الشر عنكم راح عني بس السكر لحد الآن مو منتظم عندي يامرتفع يانازل
والدكتورة قالت ليي بعد الولادة بموعدي الثاني انو وزني نزل 14 كيلو مسوى ما آكل عشان خايفة من السكر انو يصير عندي يظل ويايي
وقالت لازم آكل زين عشان ارضعها
ويوم كنت في بيت اهلي اكلي قليل مرة
ورجعت شقتي صار اكلي اقل بس صرت لازم وقت الي ارضعها انو اشرب ليي عصير او لبن
آحاول انو آكل
لانو كل خوفي من السكر يظل عندي وهم خايفة على بنتي

طيب لو اشفط ليها واعطيها رضعتين من الي شفطة بدل الصناعي وهم ارضعها تظبط ويايي
وعلى انو كل ساعتين ارضعها احسها على راحتها ادا فيها النوم لو افللها واحاول اقعدها ماتقعد

ام علووه
19-11-2012, 06:57 AM
مثااابين مامات




الشوق عطري.اسمحي ليي على المداخله

ام زينب
ده الكريم

www.kmhk.kmu.edu.tw/medhome/Intra_med/med_o/search/images/k1/Kenacomb%20cream2.jpg

ام علووه
19-11-2012, 07:02 AM
صباح الخيرات امهات
اني من ولادتي عندي ضغط وسكر حمل فما كنت آكل شي كل شي ممنوعة عنه
الضغط بعيد الشر عنكم راح عني بس السكر لحد الآن مو منتظم عندي يامرتفع يانازل
والدكتورة قالت ليي بعد الولادة بموعدي الثاني انو وزني نزل 14 كيلو مسوى ما آكل عشان خايفة من السكر انو يصير عندي يظل ويايي
وقالت لازم آكل زين عشان ارضعها
ويوم كنت في بيت اهلي اكلي قليل مرة
ورجعت شقتي صار اكلي اقل بس صرت لازم وقت الي ارضعها انو اشرب ليي عصير او لبن
آحاول انو آكل
لانو كل خوفي من السكر يظل عندي وهم خايفة على بنتي

طيب لو اشفط ليها واعطيها رضعتين من الي شفطة بدل الصناعي وهم ارضعها تظبط ويايي
وعلى انو كل ساعتين ارضعها احسها على راحتها ادا فيها النوم لو افللها واحاول اقعدها ماتقعد

ماتشوفي شر خيه وانشالله يروح عنش

القصد من الصناعي زيادة الرضعات لان يمكن حليبش مايكفي
حاولي زي ماقالو البنات تنظمي ليها كل ساعتين لمدة سبوع وشوفي وزنها ادا زاد لاتدخلي صناعي على راحتش
ادا مازاد الزياده المطلوبه انصحش تدخلي صناعي
ولو كانت نايمه حاولي تقعديها فليها حوسي في رجايلها عشان توتعي وتشرب

ام علووه
19-11-2012, 07:08 AM
مثل الثمر

ماتشوف شر جودي
يمكن تسنن او ماكله اكله جديده ماناسبتها
ادا تحسيه زايد روحي المستشفى وييها تطمني احسن







امههات : (

اني بعد ولدي قالو ليي فيه بلغم
عمره شهر وسبوع
مو ثقيل عليه.زيت السمسم ؟ احسه خايس كيف بيتحمله

ام غايب
19-11-2012, 07:14 AM
ان شاء الله
الدكتورة عطتنا موعد للخميس اذا مازاد وزنها للنص بنشوف ويش الأجراء الي بتسوية الدكتورة

سمر كيف بنتش اتجهت للصناعي انتين زيي ماكانت ترضع زين لو ويش السالفة
ونبهتيني للفيتامين اني ما اشرب فيتامينات ولا كالسيوم هل ضروري انو اشرب
وبالنسبة حق فيتامين د للأطفال عادي اي نوع آخد لانو الي عطونا اياه في المستشفى ماشفناه بالصيدلية
صار ليها اسبوع تقريبا ما اشربها وياه

بالنسبة لسودا اكريم اني بعد بنتي ما استفادت علية والمرهم لعطتها اياها الدكتورة لسة ما اشوف تغيرات

الكاســر
19-11-2012, 07:26 AM
صباح الورد مامات

مشكورين كل اللي ردوا عليي تسلمي سموره وام علوه وليل برايد

بشوف اليوم وباخدها الطواريء هي المفروض ليها تطعيمه اصلا

الله المعين

الشوق عطري اني اخدت دكتارين واني نفسي من سنين استخدم كيناكومب عجيب صراحه يكون جلدي يطلع دم واحط ويوم ثاني مافي شي

وسودو كريم جربته ليها وهي صغيره بس عند تبديل الحفاض

مشكورين مامات يعطيكم العافيه :) وربي يشفي اطفالكم ويعطيهم العافيه

زهره الاريج
19-11-2012, 10:04 AM
هلا أمهات مأجورين ومثابين
ام غايب اني بعد ولدي مضيق خلقي مررررة عمره 5 شهور وما زاد وزنه من ولادته الا 3 كيلو
للحين يلبس ملابس من 0 الئ 3 مادري ويش اسوي ورحت اياه موعده قالو ليي وياه سوء تغدية وزنه اقل من الطبيعي بواجد
أمهات اذا عندكم اي خبرات كيف أزيد رحم الله والديكم اتقول لي

مستخلصة من زهرة ما!!
19-11-2012, 02:01 PM
مرحبا مامات اخباركم كيف حال الكتكاكيييت ؟؟ودي ارد عليكم وحده وحده ..
بس لفت نظري كلام زهرة الاريج شكلها متضايقه على ولدهاا غناتي ولدش كم عمره وكم زوزنه بالضبط يعني صغير واجد تحسيه ؟؟ طيب وكيف طووله ؟؟
اني ولدي عمره 5 شهووور ووزنه 7 كيلو وووطوله يمكن 62 يعني جسمه مره زين
وامي تقولي تحسه مومتين وضعف مع انه وزنه يزيد
صرت مماهتم ع العموم للقيل والقال اهم شي الصحه غناتي
وتاكلي ولدش لو بس حليب؟؟

جنا الروح
19-11-2012, 03:09 PM
مستخلصه ولدك ماشاء الله يعتبر متين
ولدي عمره 7 شهور ووزنه 8 كيلوغرام

مستخلصة من زهرة ما!!
19-11-2012, 03:53 PM
جنا الروح ..
اي احس جسمه زين وماعليي من كلام احد ابدا ..
اساسا مدري ليش احس جهال هالايام كل ضععااف موزي الاول

أم هيثم
19-11-2012, 04:10 PM
مستخلصة بالعكس وزنه مره حليو
ولدي وزنه 8 ونص بالصلاة على النبي
لأنه فيه طول ماشاء الله

نور الفجر 2011
19-11-2012, 04:13 PM
مرحبا مامات ،، مأجورين ومثابين إن شاء الله

دائماً أتابعكم خلف الكواليس واستفدت من خبراتكم وااااجد

لفت انتباهي رد أم غايب و زهرة الأريج

انا صار لي من ولدت تقريبا 4 شهور وارضع بس طبيعي ومو حابه ادخل الصناعي قبل لا يكمل السيد 6 شهور

أتابع معاه عشان وزنه مع استشاري كل أسبوعين أروح معاه لان زيادته تعتبر قليله بس الحمد لله للحين ضمن المعدل الطبيعي

قال لي الدكتور أن من الطبيعي على الأقل يزيد الطفل 150 جرام في الأسبوع 750 جرام في الشهر

لغاية ما يكمل 4 شهور لو صار الزيادة اقل من الطبيعي بيخليني ادخل الصناعي لو ظلت مثل ماهي حد بحد بيخليني أبدء ادخل الأكل وجبه وحده في اليوم والحمد لله أن زيادته ماقلت عن الطبيعي

سألته عن تنظيم الرضعات قال في هالحاله المفروض أرضعه قدر الإمكان أي وقت يبغى يرضع أرضعه بس انا ولدي اللهم صلي على محمد وآل محمد ما يرجع إلا قليل فما ادري عن حالة بنتك

وعشان تزيدي الحليب لازم تشربي 2 لتر ماء + عصيرات ومشروبات أخرى

وتقدري تستخدمي الحلبه + الرهش + السمسم هذي كلها تساعد في إدرار الحليب

حزن روح
20-11-2012, 12:30 AM
خواتي ... ع الوزن .. باققول ليكم

اني ولدت في الثامن وكان ولدي وزنه 2.400 ويعتبر زين مو قليييل

لكن.كان فيه طوول ... وكان جلد ع عظم ... وفرق كبيير وبينه وبين الاطفال اللي في عمره ..

اني كنت عادي .. بس الكلام اللي اسمعه وكلام الدكتور مرة خوفني .. وكان مايزيد إلا قلييل ..

حسيته كبر فترة وبعدين وقف ... وكنت ارضعه طبيعي وصناعي رضعه إلى رضعتين في اليوم ..

ووقفت الصناعي فترة .. ورحعت له بعدين وحسيته كبر صحييح .. لكن ظل في فرق في الحجم بينه وبين اللي في عمره ..

وبعد فترة عاف الصناعي من نفسه .. والناس بعدها لما تشوفه تعتقد انه اصغر من عمره مع اني كنت أشوفه زين

ولما أكل حسيت انو صار يكبر أكثر من قبل .. والحين عمره 7 شهور ووزنه 8 كيلوو واحسه زين الحمد لله

واني ما آخذ حبوب كالسيوم وحديد

انتو ماعلييكم من كلام الناس وويش تقوول .. ومهم جدا تهتمو بأكلكم

وحتى الدكاترة احيانا يبالغو .. روحوا لدكتور ثاني

والله يخلي كتايتكم

دلوعة الغآالي
20-11-2012, 01:22 AM
مراحب مامات مثابين ومأجورين
اني وياكم أم جديدة صار ليي من اولدت 46 يوم وصرت ام زينب
رحت ويا بنتي المستشفى البارحة عشان عندها حرار في منطقة الحفاظ ويوم وزنتها قالت وزنها قليل على عمرها
وزنها الحين ثلاثة كيلو وثلاث مئة غرام
ويوم اولدها كيلوين ونص يعنو حتى كيلو مازادت طبعا اني ارضعها من صدري وما أعطيها مرضعة معارضة المرضعة بشدة
بس خايفة على بنتي مادري ويش اسوي ساعدوني رحم الله والديكم
وادا ابغى اشفط ويش اخد اي نوع وهل اشفط وتالي ارضعها لو ارضعها الي اشفطة
مادري ويش اسوي محتارة حدي
وهي لما ارضعها تتجشا وتالي ترجع
صايرة ترجع وايد


اووول شي وزنها بالصلاة على محمد وال محمد وايد زين مو بس طبيعي يعني ولا هووو نازل هذي خبلة هي لو انولدت 3 كيلو ماعليه نقول نازل هي انولدت كيلوين ونص
اني ولدي انولد كيلوين وبعدين بعد اكثر من شهرين وصل ثلاث تاخر وايد والحين كمل 5 شهور وداخل السادس وتوه 5 كيلو حتى 6 ماوصل
مو كل طفل زي الثاني هم يحسبو على وزنه عند الولادة ولا تنسي ان اول اسبوع يقل وبعدين يرجع يزيد وهي توها شهر وشوي ماعليش من كلامها ولا توسوسي :) قولي ليها دلوعة تقولش خلي شهادتش لش قال ويش نازل تروح مناك
ثانيا الترجيع طبيييييييعي ولدي وصلل 6 شهور وللحين يرجع وخابص الدنيا مو مخلي ليي حجاب ولا لبسة نظيفة متعبني والله بس دكتورته تقول عادي والترجيع ماله دخل بزيادة الوزن اصلا لان الجهال نصهم مدري اكثر يمشو ويرجعو بعد كل رضعه حتى واحنا نجشيهم
واذا صحتش ماتسمح لش اني اقول لش دخلي الصناعي عادي مافيه شي ادري الطبيعي احسن بس مو معناها الصناعي يضر جهالنا اني ارضع ولدي صناعي بس لان ماتقبل الطبيعي
حاجة ثانية الشفط احسن لان اول ماولدت كان ولدي في الحضانة بما انه جا مبكر وقالو ليي اشفط واجيب الحليب علشان يشوفو كم شرب يعني 40 لو 60 ويعرفو بالضبط كم اخذ غير اذا ارضعه من صدري مايعرفو كم
فكانو يخلوني 10 دقايق او اقل شويات من كل صدر وبعدين اعطيه من اللي شفطته علشان اعرف كم شرب واقدر اراقب زيادة وزنه يعني لو شرب كفايته ومازاد وزنه هني يبدو يسوو تحاليل وسوالف
سوي في البداية شذي ادا خايفة من وزنها بس اني ااقول لش طبيعي

الكاســر
20-11-2012, 08:01 AM
صباح الخير مامات

شلونكم النهار ده ؟؟ اخباركم


دلوعه كلامش صحيح دا اللي احاول افهم الناس عنه بس مافي فايده مره رحت الطواري والدكتور يقول الترجيع طبيعي والسباله الفلبينيه تقول ليه دكتور يمكن ماتجشيها بعد الرضعه طالعتها باحتقار ورديت على الدكتور

اني بعد كل رضعه ومرات حتى نص رضعه واجشيها وارجع اكمل ليها وهي كدا غيرت الحليب وقللت رضعات وجشيتها وبعد ترجيع ويقولوا طبيعي

نزل وزنها مسكينه داني اعطيها سوائل فيها اسهال تكرموا وحراره وماتاكل ومتصلخه مره وداني رحت عشان الادويه وقاعده اعطيها وخفت شوي الحمدلله

بكره تطعيمتها ومالي خلق اطعمها الحين احسها تعبانه مسكينه :(

انتون شلونكم وش اخباركم ؟؟؟؟

جنا الروح
20-11-2012, 02:15 PM
الكاسر اني قبل اسبوعين ولدي صار معاه اسهال حاااااااد واضطرو ينوموه بالمستشفى لانه تقريبا 17 مره يوصخ وانتي بكرامه وحطو عليه مغدي وصارو يعطوه كل 5 دقايق بيبي لايت وطلع ولا استفاااااد من شي غير ان وزنه نزل من الاسهال وصار 6 ونص وهو وزنه اساسا 8

ولا طعمته تطعيمه ست شهور الا امس من هالاسهال والحمد لله تسخن بس صرت اعطيه فيفدول وصار تمام

وصار وياه حرر الحفاظ ماستفاد على سيباميد ولا ميناكومب كان يطلع الدم من قوه الحرر وطول اليوم يصاااااارخ يعور القلب
بعد يومين وديناه سعد الطوارى عطوه محلول زي العصير فيه مزاز بنكهه التفاح حبه ولدي مره عن الجفاف هو
وعطوه عصاره من اول مره روحت حرر الحفاظ اول مره اشوفها بزيت الخروع وزيت الزيتون

بجيب اسمها بعد شوي وبسدحه هنا.....


مشكلتي مامات ولدي ارضعه طبيعي وصناعي
والصناعي اعطيه حليب اس قولد 26 ممتاز وولدي يموت فيه بس بما انه كبر اخذنا له من عمر 6-12 وعاااايفنه ويتفله مستحيل بيقتلني مايشرب ولا شي منه مو حابنه جربت اعطيه اللي من عمر 0-6 شرب الرضاعه كلها

والحل برايكم تعبببببت منه

عمره الحين بعد كم يوم بيخلص 7 شهور

ولدي الحين يزحف سرييييع سررررريع ههه بكل البيت ويبغا يوقف على الاغراض


ماعليه كلامي مو مرتب من ولدي وحنته

اشوفكم بخير وعافيه

محليتهم
20-11-2012, 02:26 PM
الذوق الرفيع..فعلاً غنآتي في آشيآء آلحين آشووه بوآآجد آول 3 شهور تحسسي طول يومش بس تغيري وتسبحي وتغسلي ملآبس وترضعي ههههههه

بس الزن والحجآئج آلحين يآآآربي تفقع الرآآآس حآطه آملي من يمشي يهدأ والله يستر خخخخ لآني كل مره آخيب

آم جودي..مآتششوف ششر القمورة الآسهآل كرييه مرره آهم شئ آنتبهي ليهآ آسم الله عليهآ من الجفآف
آعطيهآ زبآآدي مررره كويس لللآسهآل
وآذآ فيهآ حرآرة بالغآلب مآبيرضوآ يطعموهآ و الآفضل مآتطعميهآ لآن ع قولت دكتورتي آن الطفل آذآ كآن متسخن وتطعم مآيستفيد شئ من تطعميته لآن جسمه قآعد يحآرب الفيروسآت المرض

جنآ الروح..آخر السسسسسسوء آن شآءالله

وبالنسبة للحليب في بعضهم غنآتي من ست شهور بنكهآت بالفآنيلآ جربي خذي له يمكن يتقبله

آخبآرنآ

الحمد لله ع كل حآل الآخ بيطلع له سسن جديد ومررره دآيخة ويآه مزآآجية لآبعد حد ونوم متقطعععععع وآسهآل ع عمرري الله يعين

الكاســر
20-11-2012, 04:06 PM
تسلموا خواتي عالمعلومات المفيده

محليتهم اي داني اقول ماقدر اطعمها الحين على قلبي مره تعبانه تصليخ واسهال وترجيع وحراره وماتاكل وكله صياح باخليها شوي والتاخير ان شاء الله مايضر

بعطيها زبادي بس اروح البيت حبيباتي هي واختي معورين افادي ربي يشفيهم ويشفي جميع المومنين والمومنات اللهم امين

جنا الروح
20-11-2012, 04:43 PM
الكاسر
اعطيها زبادي قليل الدسم
وتسلقي الرز ومايه تخلطيه مع الجزر
تشربيها بعد ماي الرز المسلوق
تفاح مسلوق
موز
دي كلها علاجات للاسهال
بنتك حالتها نفس حاله ولدي يوم كان مريض ترجيع واسهال وصيااااااااح ولا ياكل ولا شي

الكريم اللي عطوني وياه مستشفى سعد اللي عن حرر الحفاظ اسمه
زنك اوليف لعلاج الحساسيه والتهاب الجلد الناتجه عن استعمال الحفاظات مرسوم على كرتونتها بيبي والكرتون وردي صناعه مصريه بزيت الخروع وزيت الزيتون


اتمنى افدتكم

الكاســر
20-11-2012, 04:57 PM
رحم الله والديش جنا الروح مره استفدت من مشاركتش :) ماننحرم منش يارب باسوي ليها اليوم بس توني اعرف قليل الدسم زين للاطفال اني كله اتباعد عنه

بعطيها بعد شويات باجرب وان شاء الله يفيد

وداني باخلي ابوها يجيب الكريم

الف شكر غناتي رحم الله والديش :)

نورفاطمة
21-11-2012, 01:17 AM
هلا مامات

عندي استفسارات واتمنى تجاوبوني ماتطنشوني

اني بتي الحين 3شهور ونص

كنت ارضعها طبيعي ومتقبلة واعطيها رضعه وحدة صناعي بس اختها من تشوفني ارضعها تغار وتعصبها لين تقوم

واحين صارت ماتقبل صدري الا في اليل وبعد اذا انتبهت ترفض

وحتى الصناعي الحين ترفضه وتشربه ادا جاعت ولا تشرب وهي معصبة غيرته ومافي فايدة

تبغى تشرب بس ماي

ويش اسوي وياها واذا رحت اتسمع اعاني وياها احس الكل يطلع فيني بس يامطلعة الماي ياالحليب وهي تشيل روحها بعصبية

ابغي اعلرف كيف الجهال يرضعو بهدوء ؟

والشي الثاني هي بالنهار اذاشربت صناعي يكون عدد الرضعات من 3 الى 4وهي 90 مل الدكتورة تقول لي قليل الرضعه

وباليل ترضع مني مرتين او3 واحس الحليب عندي بدى ينشف

وسؤال متى اقدر احطها بوضعية الجلوس ؟

ومشكورين

جـــــــود
21-11-2012, 04:29 AM
صباح الخيرات ...

اشوفكم تتكلمو عن الأوزان
اني عكسكم ولدي وهو صغير دائما يقولو الي انتبهي اله من زيادة وزنه

ولدته وزنه كيلوين و900 جرام لما كمل سنه كان وزنه قريب 11 كيلو بالصلاة على النبي والحين بيكمل سنتين وزنه ما وصل 12 وغير انه طويل ماشاء الله وكل الي يشوفه من طوله يتوقع عمره ثلاث سنوات

الكاسر

ما تشوف شر الصغيره وربي يقوم اختش بالسلامه وتقرعينكم بشوفتها

بس انتبهي الأطفال اقل من سنتين ما نعطيهم شي قليل الدسم الا اذا كانت معاهم سمنه


نور فاطمه

خيتو في هالسن محتاجه الحليب اكثر من الماء سواء صناعي او طبيعي

حتى لو جلست بثلاث ساعات ما تشرب شي بعدها بتشرب حليب

وبالعكس تشرب رضعات مشبعه على فترات متباعده احسن اليها

واهم شي يزيد وزنها فيه اطفال طبيعة شربهم مره قليل مع ذالك يزيد وزنهم فما فيه خوف عليهم

وعلى الرضاعه
هذي مشكلتي كانت مع ولدي ما يرضى يرضع في حر او ازعاج

وحاولي تجوعيها اكثر وقت تقدري وبعدين اعطيها صدرش لانه اذا استمريتي على ثنتين او ثلاث في الليل بيجف الحليب مع الوقت


وامهاتنا يقولو في الرابع ربعو ه ^_^
من تكمل اربعه حاولي تجلسيها
بس انتبهي تقدر تشد راسها وترفعه وتحركه او لا

اذا كانت لا استني الين تشد رقبتها لأنه ما بتستفيدي شي ويمكن تتأذى من وضعية جلوسها

lil bride
21-11-2012, 04:54 AM
جنا الروح
بدلي له 30 مل من الكمية اللي يشربها من الجديد والباقي من اللي يحبه.. واصبري عليه لين يتقبل.. وهكذا زيديها بالتدريج لين يصير كله من الجديد

جنا الروح
21-11-2012, 02:42 PM
الكاسر
عفوا ولو هذا واجبنا.. اني اللي كتب لي قائمه اطعمه الاكل الخاصه بالاسهال دكتور ولدي مختص بامراض الاسهال والامساك طبعا ماخفي عليكم استغربت زبادي قليل الدسم بس قال اي يوم سالته بس في حالات الاسهال يفيد البيبي نعطيه قالي بعدين نقطعه اذا راح الاسهال


ليل برايد
اليوم قررت اغير نوع حليبه بس متحيره ابغا شي خفييييف زي اس قولد شكلي باخذ نان سمعت انه خفيف
صابني يأس من حالته اسوي الرضاعه ولا يشرب ولا قطره حرام ودي اصيح

حلاتي
21-11-2012, 04:39 PM
مرحبا امهات من زمان عندكم من اخترب لابتوبي ماقدر اتابعكم واليوم جيت بيت اهلي قلت فرصه ادخل بس للاسف مابقدر الحق على سوالفكم فاتني وااااااااايد:(
اخبارنا
تعبانه من فضولو مريض صار له فتره كحه شديده وبلغم وزكام صار له اسبوع وشوي واني بس مستشفيات وياه ولا في فايده كله صياح وزنه حتى لو نام يكح من قوه كحته يخاف ويفزع الدنيا
وامس حاطته في الدراج كان يسهي عن هالصياح على قلبي انقلب هو بالدراج من فوق الدرج لتحت
بس الحمدلله الله حفضه ببركه شهر الحسين سلام الله عليه
وماصار فيه كسور ولا شي

زهرة حياتي
21-11-2012, 11:10 PM
حلاتي الحمد الله على سلامة فضول وانتبهي له عور قلبي ماقدرت ماارد. متابعه من زمان بس على الصامت

بقلبي ابوحسن
22-11-2012, 12:48 AM
مرحبا مامات
ماجورين بمصاب مولانا ابي عبدالله الحسين
وحشتوني كثير متابعتكم ع طول بس مايمديني اسولف بالجوال
الكاسر ماتشوف شر القمر والله يقوم اختك بالسلامة
حلاتي الحمدلله ع سلامة الصغير والله يحفظه من كل مكروه
جنا الروح اخبارك غناتي اممم تذكريني والا:d
غناتي اني قبل كنت استخدم نان وبعدين ولدي عاف الصناعي والحين غيرته ل ابتاميل ويشرب رضعة
وبالغصب بعد والمشكلة حليب صدري مو مصل قبل خف واجد اما بالنسبة لحليب نان اني احسه ثقيل
بالنسبة للانواع الثانية بس انتي جربي يمكن يعجب صغيرك
اخبارنا الحمدلله بس حسوني متعبني طوال ماهو قاعد مايرضى يشرب وبس ينام طوال وقته يشرب من صدري
ويجف صدري واذا شلته يصرخ ومايسكت وهذا حالي غير ظهري ونفسيتي مدري شفيها واكلي الخربوطه
وخايفة ياثر على ولدي هالشي
وموضوع الاكل مازمني ماهو راضي يتقبل الاكل بس اقرب له الملعقة يصارخ بقوة من قمعة راسه:(
جربت له كل شي ولافاد حتى البسكوت اللي الاطفال يحبوه هو مايتقبله
حتى خليت غيري ياكله قلت يمكن اني ما اعرف له ونفس الشي ماكو فايده:(

lil bride
22-11-2012, 04:11 AM
جنا الروح
الدكاترة يأكدوا على كامل الدسم قبل السنيتن لأن بهالعمر لسه يحتاج الدهون مو لأن قليل الدسم يضره.. وفي حالة الاسهال الطفل يحتاج أشياء مسلوقة وخفيفة بدون دهون عشان شديه يوصوا بقليل الدسم خلال هالفترة

حلاتي
الحمدلله على سلامة فضول

الكاســر
22-11-2012, 11:30 AM
صباحكم خير وتوفيق من الله

كيف حالكم مامات وش اخبار نونواتكم

انتبهوا ليهم ودفوهم عدل الجو تغير الجو والبرد يتعب :( والحين منتشر فايروس يادافع البلا يغيب ويرجع اقوى من قبل صاقعه اخدته

مشكوره ليل برايد على توضيح المعلومه الحين عرفت ليش يقولوا قليل الدسم وماقصرت جنا الروح رحم الله والديها سويت لبتي زي ماقالت وصارت زينه الحمدلله رب العالمين وعطيتها بعد دوا ثلاث مرات في اليوم شراب يوقف الاسهال تكرموا

ماطعمتها خفت عليها على قلبي ان شاء الله السبت اطعمها

البارحه نامت في حضني واني في سريرنا وحطيتها في النص وحولها مخداتنا ودخلت الحمام تكرموا سريع بس اغسل وجهي وايدي وطلعت واختلعت ماشوف الا هي على بطنها وقاعده ومفتحه عواينها وتضحك ومتكيه على حافة السرير يعني لو تكه بس كان طاحت عالسيراميك عورني قلبي من المنظر وشلتها بسرعه لحقت عليها مره مره يخوف هالعمر وقمت شلت سريرها لان خلاص كبرت صارت تحوس في الستاره وتحاول تمسك طرف السرير وتقوم
باشيل سريرها الكبير من غرفتها واجيبه عندي :( الحمدلله ربي ستر وتوبه اعيد هالحركه مع انها في سابع نومه وحركه غير متوقعه منها

صارت تزحف جودي وتلعب واجد بالصاة على محمد وكله تتأمل ابوها وتطلع عليه ههههههههههه ومن تقعد الصبح تصبح عليها بابتسامات وضحكات تجنن فديتها وكله تطلع على اكلنا لين حطينا السفره تضحك

من فتره ضحكتني امس تتعشى والا تاخد الصحن منها واذا شافت اكل كبار تهجم عليه واذا عطيتها اكلها ماتبغاه هالمشاكسه ربي يحفضها
امي اشترت ليها سنور يطلع اصوات وانوار ومصته وسعبلت عليه لين اخترب خخخخخخخخ وخربت مشايتها بعد سعبلت ورجعت فيها تكرموا وعلى طول اختربت كيماوي دا مو سعابيل هههههههههههههههه

باقي ليها شويات وتحبي عدل وصارت تبغى احد يوقفها تنبسط وكله تمشع شعري وتعضني وتشمخني كل ماروح بيت اهلي يفكروني متهاوشه ويا ابو العيال كله كشه وشماميخ ههههههههههه

حلاتي عورني قلبي على صغيرش انتبهي خيه من الدرج وحاولي تسكريه بقفل يبيعوا حاجه كدا للدرج وانتبهي يروح اماكن خطيره لو يسحب وايرات واسلاك او تحف او كهربا يخوفوا الجهال في هالعمر الحمدلله على سلامته وزين جات سليمه الحمدلله

بقلبي ابو حسن مثابه غناتي تسلمي خيوه انتين بعد وحشتينا واجد وربي يخلي لش صغيرش

زهره الاريج
22-11-2012, 12:02 PM
الكاسر نفس سالفتي حطيت فروس كان نايم بعز نومه رحت بس الصاله دقايق الا اشوفه في طرف السرير
والسرير مرة رفيع الموقف كل ما اذكره يعورني قلبي صرت يومين اتخيله اقول لو طاح لا سمح الله وصار فيه شي كان قتلت روحي
بس الحمدللهً

بديت اكل الفصعون شوربة مرة أستنانس عليها البطاطس والكوسا أبدا ما عجبه يتعفرت من اكله
عاد تعرفو ابغى كل شي احط في بوزه كان يورود شوي بس شكله ولدي من الأساس سكيني

زهره الاريج
22-11-2012, 12:04 PM
حالاتي حمدلله علئ سلامة فضول عورني قلبي عليه انتبهي ليه يخوفو الجهال في هالعمر

الذوق الرفيع
22-11-2012, 04:50 PM
حلاتي

انتبهي له :( في هذاا السن يبغي ليهم مراقبة دقيقة ولا تغفلي عنه ابدا وحاولي اذا عندش تحف كبار تشيليهم بعد :(
شقتي ماااافيها ولا حاجة كل شيي شلته مع ذلكمن كم يوم جيت شفتهم يحاولوا يزيحوا طاولة التلفزيون تخيلت في لحظة ان التلفزيون طاح فوق وحدة منهم :(
الله يهديهم ويحرسهم ..


أم جودي
سلامتها جودي ماتشوف شررر صار هذا الموقف لبنتي وهي في عمرها كنت بطلع وهي نايمة ع سريرنا بس بلبس عباتي الا بشدختها تخيلي نايمة مسكينة وانشدخ راسها ع السراميك واختلعت الحمدلله يوم الله سلمها :(

مستخلصة من زهرة ما!!
22-11-2012, 05:45 PM
مرحبا ياااحلووين ..
على طاري الطيحات احس لو يطيح ولدي ع السيراميك مدري وش يصير فيني بس سبحان الله الاطفال الله يحميهم رغم كل هالطيحات والايصير فيهم ماعليهم شر ان شالله ..
بنات يصير اغير حليب ولدي بدون استشارة طبييب احس سالفه اروح المستشفى عشان استشاره بس
وبعدين الدكتور كذا مره قلت له ابي اغير الحليب عشان الترجيع بس هوموفاهم علي يقول اهم شي ولدي يزيد وزنه

طيب والترجيع الاموطبيعي وش معناته تعبت صراااحه كم مره اغير له باليوم وابدل
الممهم تنصحوني بنوع معين من الحليب خفيف ومايسبب ترجيع او امساك ؟؟ اوويزيد الوزن
بليز طلبتكم حبايبي

محليتهم
22-11-2012, 06:16 PM
حلآااتي ..سلآلآلآمته فضووووولي القمر لحمدلله يوم ربي سسسلمه ومآيشوف شر ع عمري مآيستآهل القمر طمنينآ عنه آن شآءالله يخف بحق هالآيآم الفضيلة

ولدي مسكين بعد من حبى وكل شدخآآت وآخر صصرعة آحترقت آيده ع عمررري

مستخلصة..عآآآآنييت من الترجيييييييع مع ولدي بشكل رهييب غيرته حليبه آلى حليب خآص بالترجيع والحمدلله خف وآآآجد يرجع بس مو نوآفير مثل قبل وفي آطفآل من يآكلوآ يخف بس ولدي الله يسلمه آلحين عمره قريب 10 شهور ولللآن يرجع آوقآت بس خف وآآجد الحمدلله
وبالنسبة لزيآدة الوزن آنآ مآحب الآشيآء اللي تنفخ خيرته يكبر الجآهل آهم شئ هو بصحة وعآفية والحمدلله :)


مآجورين ..مآمآت وش مسسوين مع آولآدكم في التسسموع..؟

>>>ولدي يسسوي لي حفلة هنآك

جنا الروح
22-11-2012, 09:58 PM
ليل برايد
تسلمي على المعلومات المفيييييده



مثل القمر
تمام فرحتييييني يوم خفت جودي من المرض.. ربي يخليها قمرتنا

محليتهم
سلامة نونوك عورني قلبي عليه ..اخر السوء يارب ويحميه من كل مكروه

مامات خلااااااص بستتتتتتتتتتتتجن ولدي بالتسمع يسوي لي حفلات يزحف بكل مكان
موته الجهال حتى لو اكبر منه بواااجد يروح ليهم لا ويسحب شبساتهم وهو فرحان
ويصيح بالسموعه وااااجد ويتحجج والله اتفشل من شطانته كل الناس تطالع فيني منه والحل وياه حركي حركي حرررررررركي مايقعد

شقتي قايمه قاعده منه يعفس بكل مكان
العابه مايبغاها ابد

الله المعين

محليتهم
22-11-2012, 10:53 PM
جنآ الروح..الله يسسلمك حبوبة والله يحفظ لك القمر

نفسس حآلتي مع ولدي آشتهيت آخآويش في التسموع ههههههه لآن ولدي يحبي ويخرب لي الدنيآ هنآك ويآخذ شنط الآوآدم ولآيصرخ ولآحجآئج والمشكلة النآس كلهآ تطآلع فيني مع آن في جهآلو وآجد بس مآحد مسوي سوآته الله يحفظه آبغى جآهل وآحد يبرد فآدي زيه مآكو خخخخ

من شوي في التسسموع بالصلآة ع محمد وآله نآام وفكني هجد صرت آوقت قيلولته ع حزة القرآية بس مآيخلص الشيخ آلآ رجولي وجسمي منههد من التعب خخخخخخ

جنا الروح
22-11-2012, 10:59 PM
محليتهم
اي يفتح شنط المامات هناك ويمصمص فيها وياخذ فطايرهم من شنطاتهم بعد تعبت منه خلااااااااااااص ولا يبغا العاب خلاص تعالي صرتي صديقتي من فعايل نونواتنا

اممم مامات وشو تحسو نوع حليب ممتاز احس متحيره بقوه اكيد اللي يناسب ولدي مايناسب غيره في احد جرب بيبيلايك؟؟

كنت بجرب نان بس يوم هنا وحده جزاها الله خير قالت ثقيل وتحيره ابغا شي خففففيف ويموت فيه الياهل


بقلبي ابو حسن

اي اذكرك غناتي ..الله يحفظ نونواتنا

بقلبي ابوحسن
23-11-2012, 02:17 AM
مرحبا
ماجورين اخواتي
جنا الروح اني اللي قلت ان نان ثقيل
بس انتي جربيه يمكن مايكون ثقيل على صغيرك اشوف زوجة اخوي تستخدمه لبنتها ومن قبل لولدها
ومرة عاجبها
امهات بسالكم من بعد كم من ولادتكم نزلت لكم الدورة
اني بعد اسبوعين بكمل 6 اشهر من ولادتي بصغيري ولسه مانزلت لي
وكنت محتارة اروح انزلها والا لا بس اليوم وحدة من اهلنا خوفتني تقول مايصلح وله اضرار
وفي ناس سببت لهم حمل خارج الرحم الله يبعدعنا وعن كل المومنين السوء
بس خوفتني واجد
اللي عندها اي فكرة عن الموضوع تخبرني مامات

زهرة حياتي
23-11-2012, 04:08 PM
بقلبي ابو حسن يختلف من وحده لثانيه ناس بعد الاربعين تجيهم على طول وناس تنقطع فتره اغلب اللي يرضعو طبيعي تنقطع عنهم وكل وحده على حسب طبيعة جسمها بس ليش تنزليها و وش دخل حمل خارج الرحم مافهمت خلي كل شي طبيعي احسن

أم هيثم
23-11-2012, 04:22 PM
بقلبي ابو حسن
ماعليك من هالخزعبلات
اللي ترضع طبيعي عادي تتاخر عليها الدورة
مرت اخويي ماجت لها الدورة الا بعد سنة من ولادتها

ام الشهد
23-11-2012, 06:26 PM
هلا امهاااااااات

بسألكم بنتي عمرها 11 يوم وصايرة تخوفني فجأه تسود وعيونها تدمع ولاتقدر تتنفس

والسبب الغازات مع اني بعد كل رضعه احاول ارفعها تطلع الغازات بس ماتطلع شيء الا نادرا

صرت اخاف وحتى النوم ماقدر انااام

المزيونة
23-11-2012, 11:22 PM
مرحبااا مامات اخباركم واخبار اطفالكم
مأجــــــــــوريـــن
متابعتكم بصمت مايمديني ارد

بس كلكم ع بالي يالغالين


انا بخير الحمدالله ومن يوم طعمت بنتي حق 4 شهوررر كبررت وصارت عرروس بصلاة ع محمد وال محمد الحمدالله كانت التطعيمة خفيفة عليهاااا


الكاسر..حلاتي...رقة مشاعؤ..ليل برايد...الذوق الرفيع...دلوعة الغالي..زهره الاريج... بقلبي ابو حسن..بنوتة قمر..جودي ....كلكم اخبارككم

lil bride
24-11-2012, 03:26 PM
أم شهد
تخوف هذي الأعراض ان الطفل يصير ازرق ومايتنفس وديها الطبيب تطمني وان شالله مافيها الا خير وعافية

Elan
24-11-2012, 05:59 PM
ام شهد
هده كله من الغازات عطيها رضعة يانسون والله شاي بابونج حق الاطفال حتى تقدر طلع الغازات وترتاح
وهي تنام وانتين تنامي مرتاحه

اني بنت كانت مثل بنتش بس صرت اعطيها يانسون او شاي اطفال رضعتين وحده الصبح وحده الليل وصارت ترتاح ويطلع الهوايل من الغازات وتنام وهي مرتاحه
جربي اعطيها وماتشو شر القمر

ام الشهد
24-11-2012, 08:54 PM
أم شهد
تخوف هذي الأعراض ان الطفل يصير ازرق ومايتنفس وديها الطبيب تطمني وان شالله مافيها الا خير وعافية

وديتها وسوو اشعه للصدر والحمدلله مافيها شيء بس الظاهر ان الشراب يتجمع ليها في الصدر وتجيها الغازات فتصير ليها هالحاله على كلام الدكتور




ام شهد
هده كله من الغازات عطيها رضعة يانسون والله شاي بابونج حق الاطفال حتى تقدر طلع الغازات وترتاح
وهي تنام وانتين تنامي مرتاحه

اني بنت كانت مثل بنتش بس صرت اعطيها يانسون او شاي اطفال رضعتين وحده الصبح وحده الليل وصارت ترتاح ويطلع الهوايل من الغازات وتنام وهي مرتاحه
جربي اعطيها وماتشو شر القمر

الشر مايجيك غنااتي

اعطيها يانسوون ونعناع بس شسوي اخاف كل شوي ارفعها كان تطلع الغازات

ان شاء الله ببركات الله وبركات محمد وال محمد اطفالنا مفيهم الا العافيه

ام علووه
25-11-2012, 06:26 AM
صباااح الخير

عظم الله اجوركم بمصاب ابي عبدالله الحسين سلام الله عليه



مثل القمر

طمنينا عن جودي و مريم





داخله بسألكم عن الغازات

اني اشرب ولدي ينسون وشاي
وتطلع الهوايل بس ماراحت ولاخفت

مافيه حل ثااني؟

اروع الايام
25-11-2012, 11:41 AM
عظم الله اجوركم

جنا الروح
كل طفل يختلف عن الثاني
بيبلاك جربته وماناسب بنتي بس ناسب بنت خالتي مره
وصرت استخذم لها رونالاك مررره تمام

وكانت نفس صغيرش كل ترجيع
وغيرته لها بليميل بلس الخاص بالترجيع
وخفت وااااااااااااااجد
وعلى 6 شهور افتكينا منه
ورجعنا لرونالاك لان بنتي عافت الحليب رقم 2
ماخليت نوع الا جربته مو عاجبها تبغا رقم 1
ورونالاك فاد شوي وبعد فتره تقبلتبه لان بنكهه الفانيلا

ام الشهد
25-11-2012, 02:25 PM
ام علووه

البارحه جربت المرقدوش حق الاطفال وخفت شوي

عندش الصيدلي قولي له تبغى دواء عن غازات الاطفال وهو يعطيش

ومايشوف شر علاوي

((الفراشة))
25-11-2012, 04:14 PM
السلام عليكم
أخباركم واخبار أطفالكم
عظم الله أجوركم

من متى وأني أقول بدخل هالتجمع بس مايمديني من هالسيد الله يحفظه
بكره ع خير يكمل الشهرين وبروح أطعمه ان شاء الله تكون خفيفه عليه

اما ولدي وياه أمساك واحس الينسون مانفع وياه
أستخدمته له دوآء عن المغص هو غليض
وشاي الاطفال بعد زين

الشوق عطري
25-11-2012, 04:27 PM
ماجورين مامات ..
كيف حالكم .. آخبآر قمراتكم واقماركم ..

آني وبنوتتي تمام ..
تطعيمة الست شهور قربت بعد سبوعين >< حازبه

لاحظت على بنوتتي حزة النوم ماترضع واجد .. ساعات تواصل بالنوم وتقعد مرة بس ترضع وتنام o_×
آني أعطيها طبيعي وصنااعي ..
الطبيعي 3 رضاعات وأغلب الأحيان أقل والباقي من صدري ...ومع الاكل طبعا

تحسو طبيعي تواصل بالنوم وتوتعي ترضع برضعة وحدة بس او رضعتين !!!!!!

وشي ثاني ابغى اقطع السهاية عنها .. خلاص عزمت بس مو عارفة كيف أبدأ وياها

ام الحسنين 2
26-11-2012, 02:57 AM
امهات ولدي عمره سته شهور
وعنده كحه مو طبيعيه طول الليل يكح مايعرف ينام ولا يخليني أنام
رحت معاه المستشفى وعطوه أمبولار واستخدمته يومين ولا خف
عطوني حل لان بجد معور قلبي يصيح نعسان ومايعرف ينام من هالكحه

جنا الروح
26-11-2012, 04:10 PM
اهلن مامات
لان استخدمت له بروميل قولد26 من قبل بنكهه الفانيلا فكان مايحبه ابدااااا لو يشرب لو نقطه يرجعها يرجعها من كثر كرهه له

شرينا له امس فيبي ميلك واشوفه اشوا يشربه شوي بس من يشوفني قدامه يرمي الرضاعه يبغا صدري

الله المعين... شكرا لكل اللي فادوني

جنا الروح
26-11-2012, 06:12 PM
الغازات والامساااك افضل دوا هو ديونتكس ممتاااااز جدا
الطفل بعده يرتااااح وينام

C R U S T A L
26-11-2012, 11:31 PM
امهات كيف اخلي بنتي تنام في الليل وتجلس النهار

صايره تعبني .. نوم النهار يتعب .. ابغي اعلمها تنام في الليل

إنتظآر الرحمة
27-11-2012, 12:00 AM
نفس مشكلة كرستال

ولدي المحروس بالله ينام نهار وهالشيء مزهقني

صار له شهر و اشوي وهو نومه كذا مو راضي يعتدل

ينام 8 الصباح و يقعد العصر وكل اشوي يقعد يرضع و غفواته بعدين متفرقة

واني صايرة معاه انام لأني ما بعرف انام حزت قعدته في الليل وهالنومة متعبة تكسر البدن

اعطونا خبراتكم كيف انظم نومه واخليه يقلب ينام في الليل

ام غايب
27-11-2012, 12:03 AM
مثابين ومأجورين جميعا
أخباركم امهات وأخبار أطفالكم ماعليهم الا العافية والله يعينا على تقلبات الجو و الأمراض الي بتصاحبها أنتبهو لأطفالكم
مشكووووووورين رحم الله والديكم على الرد
زينبي على قلبي لسة ماتغير عليها شي المرهم الي عطوها وياه نفس الي قلتو عنة الي على زيت الزيتون والخروع
وغيرنا الحفاظ من هجيز الى بامبرز ونفس الشي ماتغير الي فيها تعور بقلبي
الحب الي طالع ليها والحمرة يحرها بس ابلها بالماي ترتاح مادري ويش الحل
ويوم اروح موعدها مازادت الا مئة جرام خلال اسبوع صار وزنها 3كيلو و400 جرام
ويوم السبت تطعيمة الشهرين وخايفة عليها مرة انها تمرض

والترجيع الي مايخلص وتخاف ادا طلعت غازات تختلع وتصيح احس بطنها مليان غازات اذا حركت رجايلها وطقعت تختلع وتصيح
الحل ويا التسلخ والترجيع والغازات

C R U S T A L
27-11-2012, 12:17 AM
نفس مشكلة كرستال

ولدي المحروس بالله ينام نهار وهالشيء مزهقني

صار له شهر و اشوي وهو نومه كذا مو راضي يعتدل

ينام 8 الصباح و يقعد العصر وكل اشوي يقعد يرضع و غفواته بعدين متفرقة

واني صايرة معاه انام لأني ما بعرف انام حزت قعدته في الليل وهالنومة متعبة تكسر البدن

اعطونا خبراتكم كيف انظم نومه واخليه يقلب ينام في الليل


بنتي كم يوم وتكمل سبعه شهور

ومتعبني نومها نفس انتظار الرحمه بالضبط

وطول ماهي جالسه تزنزن وتصيح تبغي في الحضن

الي عندها حل تقول

لاتقولو حاولي ماتنيميه الصبح حاولت .. في الليل تفرك عيونهاا وتصيح بس ماتنام

اساعه 6 الصبح تنام .. غفوات وتجلس ترضع وتكمل نوم

إنتظآر الرحمة
27-11-2012, 12:48 AM
مثابين ومأجورين جميعا
أخباركم امهات وأخبار أطفالكم ماعليهم الا العافية والله يعينا على تقلبات الجو و الأمراض الي بتصاحبها أنتبهو لأطفالكم
مشكووووووورين رحم الله والديكم على الرد
زينبي على قلبي لسة ماتغير عليها شي المرهم الي عطوها وياه نفس الي قلتو عنة الي على زيت الزيتون والخروع
وغيرنا الحفاظ من هجيز الى بامبرز ونفس الشي ماتغير الي فيها تعور بقلبي
الحب الي طالع ليها والحمرة يحرها بس ابلها بالماي ترتاح مادري ويش الحل
ويوم اروح موعدها مازادت الا مئة جرام خلال اسبوع صار وزنها 3كيلو و400 جرام
ويوم السبت تطعيمة الشهرين وخايفة عليها مرة انها تمرض

والترجيع الي مايخلص وتخاف ادا طلعت غازات تختلع وتصيح احس بطنها مليان غازات اذا حركت رجايلها وطقعت تختلع وتصيح
الحل ويا التسلخ والترجيع والغازات

ما عليها شر إن شاء الله القمر بس بتخلص الشهر الثالث بترتاح الصغيرونة من الغازات والامساك
اني بعد ما تدوهنت مع ولدي بسبب الغازات و الامساك امي اخذت يانسون و غلته
و شربته ولدي وارتااااح مفعوله بان و نام مرتاح بعدها صرت كل مابين فترة وفترة ارضعه يانسون
وما انتهى الشهر الثالث الا نفسيت الولد صارت حليوة و افتكينا من الصياح و الزنزنة
حاولي تمسحي على ظهرها وتطبطبي عليها غصب طيب عشان تطلع الغازات المتوحشة
ابطحيها على بطنها سوي لها مساج ينفع بعد وتشوفي الطريقة مرميه بالنت

وبالنسبة للمرهم اني استخدم سودا كريم مررره تمااام مفعوله جربيه يروح الحرر و يبيض المنطقة
من توسخ نظفي لها وجففي المنطقة وحطي الكريم لاتخليها رطبة الرطوبة تزيد عليها يعني بس ترتاح كم دقيقة و بعدين يحرها

lil bride
27-11-2012, 02:06 AM
كرستال
جربي كل يوم خليها تنام قبل الوقت المعتاد بنص ساعة.. وعشان تنام قبل بشوي أخر قيلولة بعد خليها قبل.. وهكذا كل يوم اسحبي شوي حتى لو ربع ساعة.. وفي ايام يمكن مايفيد بس لاتستسلمي اصبري لين توصلي.. العملية تطول يمكن تاخذي شهر لو أكثر لين توصلي للوقت اللي تبغيه.. والله يعينش ان شالله تفيد اياها الطريقة
أني جربت أعدل نوم بتي في عمر بتش وأخذت شهر تقريبا.. وجربت بعدها بسنة تقريبا.. كان أصعب واجد لأن ما ترضع ولا تقيلل.. طلعت عوايني أخذت شهرين ونص يالله انسحب.. فرصتش اللحين كل شي أسهل وهم أصغر من سنة

رقة مشاعر
27-11-2012, 02:23 AM
مرحبا امهات م
الله يعظم لنا ولكم الاجر مصاب الحسين واهل بيته واصحابه عليهم السلام

وش حال الجهال ربي يحفظهم ويشافي المرضى

قسوومي الحمدالله صار زاحف يزحف ويحاول الليله يحبي معصب مررره لازم يبغى يرفع نفسه يحبي
الله يعينه

سؤؤؤؤؤؤؤؤؤؤؤؤؤال

موعد تطعيم ولدي تاريخ 21محرم حق تسع شهور
وقالو ليي تعالي يوم الاحد او الثلاثاء عشان لقاح الحصبه
ويوم الربوع يصادف تاريخ 21
عادي اطعمه قبل بيوم لو لا

الذوق الرفيع
27-11-2012, 02:31 AM
رقة مشاعر

موو عادي قبل بيوم بس تقدري تأخريها للاسبوع اللي بعد ..

إنتظآر الرحمة
27-11-2012, 06:30 AM
هلا مامات

زوجي عنده اسبوعين إجازة و روحي ملهوفة ابغى ازور الحبيب رسول الله
و ناوينها طيران لكن خايفة كيف راح يكون الوضع مع ولدي وعمره الحين
اربعة شهور و اسبوع يعني يمشي في الخامس
اروح و الا اخليها وقت ثاني لأن الحين برد و ما ادري بتعب مع ولدي و الا عادي اذا اخذت احتياطاتي
فيدوني

ام علووه
27-11-2012, 07:22 AM
مشكورين الا ردو عليي

جربت الينسون والنباته والشاي
الوضع اهون لكن لازال :(

الحمدلله

جنا الروح
27-11-2012, 10:21 AM
انتظار الرحمه
اني سافرت وعمر ولدي ٣ شهور. وكاااان ابو صريخ حده لكن بالسفر الله هداه عند النبي


على حسب وشو انتين بعد تتحملي تسافري فيه او لا
بس انتين بتروحي المدينه فالوضع مريح يعني لو ايران ينخاف بس المدينه الحين تقريبا مو زحمه والوضع مريح بيكون
اني كنت بروح ايران مع زوجي بس لغيت السفره خفت صراحه اقوم بالمسؤليه بروحي

ولاني يوم اروح المدينه مع اهلي فتشجعت ان امي وخواتي بيساعدوني لاني وحده ماتحمل الجهااااال علئ اقل شي اعصب واصيح منه

أم هيثم
27-11-2012, 02:03 PM
ليل برايد
كيف الطريقة غناتي
انا تعبانه مع ولدي من ناحية النوم
قيلولاته قليله مره يمكن مرتين باليوم
كيف اقدم وقتها اذا هو مايبغى ينام كيف اجيب النوم
هو اذا بغى ينم مافي شي يوقفه واذا بغى يقعد يلعب ما اقدر انيمه
فيديني غناتي

انتظار الرحمة
انا قبل فترة رحت ويا ولدي الامارات وطلعنا ورحنا على قطر
وكان عمر ولدي اربع شهور وكم يوم
ورحنا بالسيارة بعد يعني مشووووار
بس عادي انتي اهم شي خذي احتياطاتك لكل شي
حطي له ملابس للبرد وخذي العابه المفضلة
موفقة حبيبتي

جنا الروح
27-11-2012, 02:07 PM
انتظار الرحمه

اهم شي احملي معاش فيفدول مع قطره افالون لزكام الرضع لان هناك هوا قوي
اني كان الجو حااار بس ولدي مرض هناك زكم حده وصخن لان بالظهر نمشي بالحر وندخل الحرم برد علطول ماتحمل تقلب الجو

lil bride
27-11-2012, 04:04 PM
أم الهيثم
اللي فهمته منش انه يقيلل وقت اللي هو يبغى مو بانتظام.. يعني مو ترضعيه وقت معين ويقيلل؟
اذا تشديه التعديل يصير أصعب شوي.. بتي اللي ساعدني في عمر 7 أشهر انها كانت تتخدر بالمرضعة وأني منظمة أوقات رضعتها وعلى أساسها صار تنظيم القيلولات أسهل..
امم حاولي تنظمي قيلولاته.. وحتى لو ماقدرتي راقبيه بعد اخر قيلولة بكم ساعة ينام!؟ .. وعلى أساسها حطي آخر وقت مسموح له يقيلل فيه.. اذا تجاوزه خلاص لا تخليه يقيلل لوقت النوم.. ولا تخليه يطول واجد اذا حسيتي طولها يأثر..
هذا اللي كنت احاول أسويه ايا بتي..هي ماتطول بالقيلولة يدوب 10-20 دقيقة.. ولاحظت اذا تطول تتأخر نومتها الليل.. وعشان لا تطول.. كنت أخليها في الصالة وأخلي الأجواء زي ما هي الانوار والتلفزيون وكل شي مشغل.. ومرات اذا طولت أخفف راسها اشيل الغطا ألمسها و أبوسها تنزعج وتقعد
وعملية التنظيم مو سهلة زي الكلام.. يبغى لش وقت تراقبي طبيعته في النوم ووش يأثر على نومه وتخططي على أساسها وتطولي بالش لأنهم مو كل يوم يصيروا زي ما تبغي وان شالله الله يسهلها

hohoOo
27-11-2012, 05:16 PM
مرحببآ جممميلآت
أنا ماما جديده لي ٣شهور
وبنتي طفلة خديجة
جايتنها تطعيمه الشهرين وش تنصحوني فيه
اسمع عنها حارة
و حازبة حددي :(

زهره الاريج
27-11-2012, 08:30 PM
Hoho الله يخليها لش العروسة
لا تحاتي ولا شي ترى من طفل لطفل يختلف اني سمعت عنها حارة بس لم طعمت ولدي الحمدللهً ماكانت عليه قويه
بس حق ٤ شهور دوخته
ان شاء الله تكون عليها خفيفة

أم هيثم
28-11-2012, 01:31 AM
ليل برايد
صحيح الي فهمتيه
وقيلولاته مو منتظمة .. يعني في ايام تمر ماياخذ فيها الا قيلولة وحده ولمدة 5 او 10 دقايق
اذا جته النعسه خلاص مزاجه ينقلب واقعد نص ساعة انيم فيه
ويقهرني لما ينام كم دقيقه ويقعد احس تعبتي راحت ههههه
دخيل الله ينام ربع ساعة
لما ينام بالليل يواصل بس احس نومه قليل يعني تقريبا من 8 الى 10 ساعات ينام
وهو الحين 5 شهور.. تحسيه كافي؟
وانا اللي الاحظه عكسك
اشوف تجيه ايام كله قيلولات ويطول فيها يجي نص ساعة
وفي الليل ينام وش حلاوته
فصارت عندي قاعدة .. لما ماينام النهار ماينام الليل
ولما ينام عدل النهار ينام عدل بالليل
بحاول ارتب نومه بس مره صعب :(
مشكورة غناتي

Hoho
عادي لاتحاتي قمر
ولدي ما اثرت فيه تطعيمة الشهرين ابد
وان شاء الله بنتك بعد
الله يخليها

حزن روح
28-11-2012, 02:01 AM
أم علوة ..

جربي دينتينوكس .. دواء للمغص .. أو ديسفلاتيل ..

أني ولدي مانفعت وياه الاشياء الطبيعية ..

وغير ذلك راقبي أكلك ترا كل شي يوصله من الحليب إذا كنتي ترضعي طبيعي ..

ابتعدي عن كل شي يسبب الغازات

hoho

اني ولدت في الثامن .. وولدي صابته حرارة من تطعيمى الشهرين ..

وكنت اعطيه الدوا كل 6 ساعات وكان معظم وقته نايم

إن شاء الله سهالات والله يخلي كتايتكم

lil bride
28-11-2012, 03:19 AM
أم الهيثم
ههههه الله يساعدش.. اني بعد ما فطمتها صار صعب أنيمها ولازم أدخل بها الغرفة جان تقيلل وعلى قولتش ساعة تنييم عشان 10-15 دقيقة فصرت أزهق أطلع عنها لأن ما ألحق أطلع قعدت.. وساعات ماترضى تقيلل أبدا اهني أتنرفز على ضياع الوقت..
حتى بتي لما ما تقيلل أبدا تصير جنووون.. بس لما كانت صغيرة تقيلل اكثر من قيلولة فكانت الأخيرة سر المشاكل وتأثر على الليل بقوة
ونومه الليل زين بس القيلولات عفر في عمره يبغى له أكثر من قيلولة والأغلبية على السنة ونص تصير وحدة.. بس بعد على حسب الطفل.. بتي سنة وشهرين صارت قيلولة وحدة
هو اذا تدوري في مواقع الأطفال بتختلعي من الأرقام الخيالية يعني يقولوا لش 12-14 ساعة في اليوم ( قيلولات + الليل) بس دا بشكل عام و كل طفل غير.. يمكن جهالهم الاجانب تشديه p:.. بس الله يحفظهم اللي عندنا زين يوصلوا 10 في الليل وقيلولاتهم ربي يحرسهم بالدقايق وهم يتكلموا عن أطفال قيلولاتهم ساعة وساعتين..
فيقولش عشان تعرفي ان طفلش ينام كفايته اذا تشوفيه يصحى الصباح مروق ونشيط ويكون مرتاح في أول النهار مو ذبلان وتعبان يعني هذي طبيعته وما يحتاج أكثر

((الفراشة))
28-11-2012, 04:20 AM
مثابين ومأجورين جميعا
أخباركم امهات وأخبار أطفالكم ماعليهم الا العافية والله يعينا على تقلبات الجو و الأمراض الي بتصاحبها أنتبهو لأطفالكم
مشكووووووورين رحم الله والديكم على الرد
زينبي على قلبي لسة ماتغير عليها شي المرهم الي عطوها وياه نفس الي قلتو عنة الي على زيت الزيتون والخروع
وغيرنا الحفاظ من هجيز الى بامبرز ونفس الشي ماتغير الي فيها تعور بقلبي
الحب الي طالع ليها والحمرة يحرها بس ابلها بالماي ترتاح مادري ويش الحل
ويوم اروح موعدها مازادت الا مئة جرام خلال اسبوع صار وزنها 3كيلو و400 جرام
ويوم السبت تطعيمة الشهرين وخايفة عليها مرة انها تمرض

والترجيع الي مايخلص وتخاف ادا طلعت غازات تختلع وتصيح احس بطنها مليان غازات اذا حركت رجايلها وطقعت تختلع وتصيح
الحل ويا التسلخ والترجيع والغازات
ماعليها شر الجميله
اني جربت مع ولدي كذا مرهم مانفعت وياه الا المرهمه الصفراء المرهمه الطينيه
استخدمتها له كم يووم وراح الحرار الا فيه

اما الترجيع عندنا وعندك خير
حاولي بعد كل رضعه تجشيه

اما عن الغازات استخدمت لولدي دواء حق المغص مرره تمام
حتى ادا استخدمته له يرتاح ويمشي بطنه بعد بشوف لش اسمه

تطعيمت الشهرين امس طعمته تاخرت عليها يومين
الحين تطعبمت الاربعه شهور اتاخر عليها يومين بعد؟؟
اممم كتبتي ليي دواء عشان ادا تصخن
اول ماجيت عطيته حسيت عافيته صاخنه
وسويت له كمادات لرجايله
احس للحين تمام الحمد لله

نهج علي
28-11-2012, 04:36 AM
سلام امهات
حبيت اقول ليكم اخت الكاسر (مثل القمر ) توفت الله يرحمها ويصبر اهلها

حبيت اعطيكم خبر

عذرا قلامور اذا مشاركتي مو في محلها

إنتظآر الرحمة
28-11-2012, 04:43 AM
عظم الله اجرهم و الله يرحمها ويسكنها فسيح جناته يارب

أم هيثم
28-11-2012, 05:31 AM
سلام امهات
حبيت اقول ليكم اخت الكاسر (مثل القمر ) توفت الله يرحمها ويصبر اهلها

حبيت اعطيكم خبر

عذرا قلامور اذا مشاركتي مو في محلها

:( :( :( صدمني الخبر وزعلني بقوة
هذي ارادة رب العالمين
الله يرحمها ويصبر قلوب اهلها :(

ام علووه
28-11-2012, 06:00 AM
لاحول ولاقوة الا بالله
انا لله وانا اليه راجعون
:(
الله يرحمها ويصبر اهلها
عظم الله اجرش ام جودي

ام الحسنين 2
28-11-2012, 06:17 AM
ويش هالخبر الي يفجع من الصبح
الله يرحمها ويتغمد روحها الجنه
لله يصبر اهلها ويمسح على قلوبهم

زهره الاريج
28-11-2012, 06:18 AM
مثل القمر عظم الله أجرك والله يمسح علئ قلوبكم بالصبر
ويعوض شبابها الجنة يارب
خبر جداً محزن

الذوق الرفيع
28-11-2012, 06:21 AM
الله يرحمها برحمته ويعظم لهم الاجر والثواب ..
هم السابقون ونحن اللاحقون

وعود
28-11-2012, 06:45 AM
سلام امهات
حبيت اقول ليكم اخت الكاسر (مثل القمر ) توفت الله يرحمها ويصبر اهلها

حبيت اعطيكم خبر

عذرا قلامور اذا مشاركتي مو في محلها

يَ الله اشقد فجعني الخبر
مع آني أدخل بس أخذ خبره منكم ولاأكلمها ولاشي
بس دايما اشوفها وهي تقول انها بالعنايه وتحاتيها

عورت قلبي أمها والله .. الله يعينها ويمسح على قلبها ويصبرها
وعظم الله اجرك خيه مثل القمر
عساها شفيعه لأمها وأبوها ان شآء الله

جنا الروح
28-11-2012, 07:41 AM
يالله صدمني الخبر
عظم الله اجرك مثل القمر.... وصبركم

بقلبي ابوحسن
28-11-2012, 08:40 AM
عظم الله اجرك غناتي مثل القمر ومسح الله على قلوبكم بصبر زينب

hohoOo
28-11-2012, 10:30 AM
عظم الله آجركم ويمسح عليكم بالصبر
في جنان الله الواسعة أن شاء الله
..
:(

الحلا كله..
28-11-2012, 11:22 AM
مانتبهت الى كلمه اخت :( وانفجعت بقووه

مثل القمر عظم الله اجرش واخر الاحزان انشالله
والله يعوض شبابها بالجنه :(

((الفراشة))
28-11-2012, 01:51 PM
عظم الله أجرك مثل القمر الله يصبركم

ام غايب
28-11-2012, 04:35 PM
عظم الله اجرش ام جودي الله يرحمها برحمته ويصبركم ان شاء الله

ام عبدالعزيز
28-11-2012, 06:37 PM
عظم الله اجرش مثل القمر وان لله وان اليه راجعون لاحول ولاقوة الا بالله صدمني الخبر

Elan
28-11-2012, 06:38 PM
عظم الله لك الاجر مثل القمر ويمسح على قلبكم بالصبر والايمان
اخر السوء انشاءالله

lil bride
29-11-2012, 03:17 AM
إنا لله وإنا إليه راجعون :(
وفدت على كريم.. الله يمسح على قلوبهم بالصبر والمغفرة

جـــــــود
29-11-2012, 03:25 AM
عظم الله اجركم وربي يمسح على قلوبكم بالصبر

حنان12
29-11-2012, 10:26 AM
مرحبا امهات
اخباركم وكيف البيبيات ان شاء الله بخير ..
عظم الله لكم الاجر اختي والله يلهمكم الصبر والسلوان..
بغيت اسألكم عن فيتامين د كيف اعطيه بنتي عمرها 7 شهور
اخلطه مع حليب او مايي؟؟ او شئ 2
ياليت تفيدووني..

ام علووه
29-11-2012, 11:18 AM
حنان١٢
اني سإلت الدكتور قال اخلطيه ويه حلييب عادي

بس اهم شي تحطي حليب شوي عشان تضمني تشربه كله
حطي١٠مل في الرضاعه

وردة وردية
29-11-2012, 11:21 AM
عظم الله اجرك مثل القمر ..
الله يصبركم يارب

الكاســر
29-11-2012, 12:34 PM
اجرنا واجركم

عليها بالعافيه زفوها في هالليله العظيمه

الله يرحمها

راحت وخلتني

http://3roosqatif.com/vb/showthread.php?t=158827

مستخلصة من زهرة ما!!
29-11-2012, 02:21 PM
الكاسر ..
عظظم الله اجرش حبيبيتي وربي يمسح على قلوبكم بالصبرر

دموع السماء
29-11-2012, 03:18 PM
عظم الله أجرش مثل القمر وآخر الاحزان يااااارب…

سينابون
29-11-2012, 06:40 PM
مثل القمر

عظم الله اجركم والله يرحمها برحمته ويسكنها فسيح جناته

الحلا مبتليها
30-11-2012, 09:48 PM
اختي مثل القمر عظم الله اجرش واسكنها الله فسيح جناته

امهات حبيت اسألكم انا طفلي عمره ٨ شهور وللحين اكله
خضار مهروس " بطاطس - كوسا - جزر "
ولا يرغب للفواكه كثير مثل الخضار

ممكن تخبروني شنو اقدر اضيف لأكله وانوع له غير اللي ياكله

أم فاطمة وكرار
01-12-2012, 12:59 AM
اختي مثل القمر عظم الله اجرش واسكنها الله فسيح جناته

امهات حبيت اسألكم انا طفلي عمره ٨ شهور وللحين اكله
خضار مهروس " بطاطس - كوسا - جزر "
ولا يرغب للفواكه كثير مثل الخضار

ممكن تخبروني شنو اقدر اضيف لأكله وانوع له غير اللي ياكله

تفضلي هنا
في القسم يوجد موضوع
اطباق اطفالنا من صنع ايدينا

حبيبي حياتي
01-12-2012, 08:05 PM
عظم الله اجرش ام جودي الله يرحمها برحمته ويصبركم ان شاء الله

ام غايب
02-12-2012, 01:02 PM
مساكم الله بالخير أخباركم مع هالأجواء الجميله البرد جميل بس على أطفالنا الحلوين ينخاف عليهم
طعمت زينبي امس وعلى قلبي تعور بالقلب تتألم من التطعيمة أقل شي ينقزها
الحمد لله خفت اشوية من الحرار بس الدكتورة قالت اغير الحفاظ الى بيبي جوي لأن بشرتها حساسة
وزنها الحين 3 كيلو و600 غرام تقول تحتاج متابعت وزن لان وزنها بزدياد بس ببطء لان القدف مو طبيعي حتى من خشمها يطلع على قلبي
قالت يمكن في بطنها حاجة خلعتني بكلمتها
وقالت لازم متابعة والله كريم وان شاء الله ماعليها الا العافية

أم هيثم
02-12-2012, 05:37 PM
ام غايب
ان شاء الله مافيها الا كل عافية

امهات بسألكم
سمعت يقولوا اول اكل تأكلوه النونو لازم يكون قمح
صحيح هالكلام واذا صحيح ليش؟؟
انا بديت ويا ولدي بخضار مهروسه
وسؤال ثاني .. انا من تركت ترضيع ولدي من صدري لحد الان اكثر من اسبوعين
بس للحين ماجف الحليب فيه شوي
متى المفروض يجف؟؟

مستخلصة من زهرة ما!!
02-12-2012, 06:49 PM
ام هيثم .. انا ما اتقيد بنوعية الاكل بديت معه كووسا حسيت ماعجبه صرت اكله من الصيديله الاكل الجاهز وموكل يوم بانتظم اكل يوميا لمااا يكمل 6 شهوور لان احس ولدي يبي بس يشرب يعصب لماا اقرب له الملعقه ويختلع
سلامات ليش صرتي ماترضعي يزون؟؟

أم هيثم
02-12-2012, 07:57 PM
ايه غناتي حتى انا اكلته خضار
بس قصدي اول اكلة
خالتي تقولي المفروض تبدي بقمح قبل اي شي عشان بطنه
فقلت استفسر من البنات
ولدي من طعمته تطعيمة الاربعة شهور صار مايبغى صدري
مادري زعلان مني والا ويش هههه

الذوق الرفيع
03-12-2012, 12:02 AM
ام هيثم
بالعكس الخضار مفروض قبل احس القمح ثقيل بس الخضار خفيفة وسهلة الهضم ..
وبالنسبة للحليب اصبري عليه وبيننشف اني تقريبا شهر ورجعت اموري طبيعية ..

الذوق الرفيع
03-12-2012, 12:18 AM
ام هيثم
بالعكس الخضار مفروض قبل احس القمح ثقيل بس الخضار خفيفة وسهلة الهضم ..
وبالنسبة للحليب اصبري عليه وبيننشف اني تقريبا شهر ورجعت اموري طبيعية ..

أح ــلام ملونه
03-12-2012, 12:46 AM
مرحباً جميعاأخباركم؟


أني طبعا ام قديمه مادري وش صار فيني ودخلت طليت عليكم


ام هيثم كنت اسمع الأمهات الي وياي يقولو المفروض القمح تبديه بعد الخضار مادري ليش بس عادي لو اكله قبل




وبالنسبة للحليب عادي يظل فتره ع ما ينشف لاتحاتي

أم هيثم
03-12-2012, 01:03 AM
الذوق الرفيع
أحلام ملونة
زين طمنتوني
لانها تقولي مايصير أأكله خضار على بطنه قبل القمح
بس ماسألتها ليش
يعطيكم العافية

بقلبي ابوحسن
03-12-2012, 03:31 AM
مرحبا امهات اخباركم واخبار اطفالكم مه هالجو
استغفر الله الكل مريض وحساني على عمري ماينام الليل من هالكحة
مثل القمر اخبارك غناتي واخبار جودي ان شاء الله كلكم بخير
ام غايب ماتشوف شر الصغيرة ومافيها الا كل العافية يارب
ام هيثم اني عكسك لما طعمت ولدي تطعيمة 4 اشهر تسخن وصار طوال الوقت في حضن ويرضع مني
وبس صار زين ماشفته الا عاف المرضعة والحليب الصناعي

دموع السماء
03-12-2012, 01:37 PM
هلا امهات شخباركم ؟؟؟… وكيف اطفالكم؟؟… وحشني الموضوع…

hohoOo
03-12-2012, 02:51 PM
هلا والله دموع انتي أخبارك ؟
أخباركم وأخبار صغاركم؟
..
جديدي اليوم طعمت فطومتي تطعيمه الشهرين
و ع قلبي كل أجي ادلكهم ليها تصرخ وغير كدا مزكمه
عطيتها اول مارجعت خافض حراره ٢مل وصرت أعطيها كل اربع ساعات
كمدتها بماي بارد مرتين لسه ماكمدت لها بالدافي
حرارتها لحد الحين ٣٦.٦ وتوصل ٣٦.٩ وان شاء الله ماتتسخن
تعور قلبي هي تصيح وأنا ورآها :(

غموض انسان
03-12-2012, 02:53 PM
أخباركم مامات وأخبار اطفالكم

أنا ولدي مرض حراره والتهاب بحلقه وأخذ مضاد
المضاد جاب له اسهال بس قالي الدكتور لاتوقفي
المهم كملت العلاج بس الاسهال ماخف احس زاد
وتسلخ جلده منطقة الحفاض
حطيت له سودوكريم ولا تغير
حطيت فازلين نفس الشي
وهو يصيح بقوه لان يألمه ويطلع منه دم بعد
فيه علاج او مرهم اقدر أخذه من الصيدليه ؟
زهقت من المستشفيات واحس ابوه مارتاح

وبس

جـــــــود
03-12-2012, 04:32 PM
اخباركم امهات واخبار اطفالكم
ام هيثم
ولدي ما عطيته اكل جاهز ابد على طول خضار

وعلى الصدر نقريبا من بعد اسبوعين احس فيه حليب بس ما يتحجر والحين قريب اكمل عشره شهور لو اضغط على صدري تنزل ماده لونها ابيض على اصفر وفي السباحه تحت الماي الدافي احيانا ينزل شوي

بقلبي ابو حسن
اني ولدي عاف الرضاعه على هالعمر بس لانه من كمل شهرين ما يرضى يشرب من ايدي لازم احد يشربه الرضاعه غيري
فصار يشرب بالكثير مرتين في الااسبوع رضاعه وبعدين عافها


غموض انسان
ما يشوف شر الصغير

بس العام مره عطوه مضاد سبب اله اسهال على طول طلب مني الدكتور اتركه ووصفو اله نوع ثاني

والحين اله عشره ايام احتقان وكحه قويه بكره اخر يوم للمضاد والبخار استمر عليه اسبوعين قدام

ام علووه
03-12-2012, 04:39 PM
مايشوفو شر الجهاال

غموض انسان جربي كيناكومب مره تمام

أم هيثم
03-12-2012, 05:30 PM
بقلبي ابو حسن
ياعمري هالكتاكيت .. كل واحد طالع لنا بشكل
الاول كنت اسمع ان التطعيمة تأثر فيهم وتغير مزاجهم
الحين صدقت هههه

دموع السماء
هلا غناتي احنا بخير
كيفك انتي وكيف علاوي صار رجال؟

hoho
ماتشوف شر البنوته
وان شاء الله مابتسخن

غموض انسان
انا وصف لي الدكتور باقر مرهم من اول استخدام راح حرار الحفاظ
اسمه دكتاكورت اذا حابه تاخذيه
مايشوف شر الصغير

جود
اها يعني موضوع حليب الصدر يطول
انا شهرين افكرها واجد ههههه طلع عشر شهور ياويلي
مشكوره حبيبتي على الرد

اخباري
شقتي ثلج في ثالث دور ومضرب الهواء عندنا .. هذا بعده مايجي البرد عدل
بكره وش بسوي
خايفة على يزوني الدب .. افكر كيف بسبحه وكيف بغير والخ
احيانا اشغل المكيف على الدافي بس احسه يخنق وارجع اطفيه
الله يعين

إنتظآر الرحمة
03-12-2012, 09:40 PM
أم هيثم شقتك مثلي و البيت صاير بوسط مزارع والله برددد مو طبيعي من ابرد ازيد الثياب على ولدي
على عمري ما اعرف هو حران بردان الله يعيين
و التكييف لا تشغليه على الحار جداً ضااار
شغلي دفاية بمكان قعدتج افضل


مامات .. ولدي الحين يمشي بالخامس وبديت ااكله اسبوع اكلته تفاح مسلوق مهروس و هذا الاسبوع موز مسلوق ومهروس
و اسبوع الجاي ناوية اعطيه جزر مسلوق واللي بعده بطاطا و في الشهر السادس بعطيه
سيريلاك رز و في السابع ببدأ اتفنن له بالطبخات وماشيه معاه وجبة أكل وحدة باليوم
ما شاء الله احس ولدي متقبل الأكل ليش يقولوا البيبي ماياكل الا اذا خلص السادس احس مره صعبة
خاصة اللي ترضع طبيعي اوقات يجف الحليب و يكسروا الخاطر
امهاتنا من الرابع يأكلوونا قبل وماصابنا شر

يقيني
03-12-2012, 10:58 PM
مرحبا أمهات
ياريت تجاوبوني
أنا والدة لي ثلاث شهور والدوره جت أمس بس يوم و وقفت !!
مع العلم ذي أول دوره من ولدت
مادري طبيعي لو ويش

سؤال ثاني
ولدي يقعد من ثلاث الى خمسة ايام ما يمشي بطنه
المستشفى وصفو له ملين وتحاميل
الملين ما اثر فيه
والتحاميل ماحب استخدمها كثير
ويش الحل
تعبت معاه

جنـآن
03-12-2012, 11:17 PM
هلا امهات ..
بنتي عمرها ستة اشعر وترضع بس صناعي
كنت اعطيها حليب رونالاك وغيرت لها الا حليب بروميل جولد قبل سبوعين تقريبا علشان الترجيع وانتو بكرامة
وصحيح صارت ماترجع
وهذي يومين ماترضى تشرب حليب معنننننده اجنني جنن وقت الرضااعة
حدها في اليوم ان كثرت رضعتين وبالموت
والله تعبتني وش اسوي وياها علشان تشرب عدل ؟؟؟
رجاااء ابغي منكم رد لاني متحطممة

lil bride
03-12-2012, 11:55 PM
يقيني
اذا ترضعي طبيعي عادي.. بس قليل الدورة 3 أيام يعني دي الأقرب انها استحاضة مو دورة

أم الهيثم
الخضار أول.. القمح عادة ينصحوا به بعد 6 أشهر.. والرز خفيف يعتبروه اذا تبغي تبدي به

محبوبة حبيبي
03-12-2012, 11:58 PM
مرحبا مامات
حبيت بس اقول ملاحظة بما ان كثير منكم بدأوا في الاكل للاطفال من عمر 4-5-6 اشهر
المفروض تبدأوا ارز لانة اخف ع معدة الطفل من الخضار
وتبدأي شبة سائل مع الوقت تثقلية شوي شوي لان الجهاز الهضمي لسى علية لاتستعجلوا
والقمح في الاخير لما يكبر البيبي شوية لان يمكن يسبب حساسية للطفل

نقطة جدامهمة مو مهم كم عمر الطفل لما يبدا ياكل المهم تقبل الطفل نفسة وصحتة ويقدر يمسك راسة لو لسى لان اولاد اربعة اشهر يكون صعب عليهم يمسكوا راسهم فترة طويله وبكذا يمكن يغص البيبي
فلا تستعجلوا في االاكل اكيد مرحلة مرة ممتعة وحليوة بس بعد الصبر زين

الله يبلغكم فيهم ومايشوفوا شر

إنتظآر الرحمة
04-12-2012, 12:27 AM
لكن مامات اني قرأت ان الرز ماينفع قبل الشهر السادس
احترت!!

يقيني
04-12-2012, 12:27 AM
lil bride
شكراً^^

جنا الروح
04-12-2012, 01:33 AM
مامات قولو لي ويش اسوي ولدي بيجنني غيرنا حليبه من برميل قولد26 الى فيبي ميلك ولحد الان يتفل الحليبه ولا يرضا يشرب ولا شي من الرضاعه عايفنها بشكل خيالي خلاص موصله حدي منه ومتحطمه كان ببالي بعطيه رضاعه مده طويله بس شكله الله مو كاتب

وشو الحل معاه مايبغا الا صدري بس والمشكله ماقدر اجوعه عن صدري واحرمه لاني اشرب حبوب الرضاعه كمانع للحمل

مره محتااااره بالحل معاه

محبوبة حبيبي
04-12-2012, 02:24 AM
انتظار الرحمة
بالعكس الرز اخف من القمح " اقصد السيريلاك طبعا " مو الرز الي ناكله
اكيد انتي فاهمة علي من اول ويش اقصد بس للتذكير
حتى لو تشوفي الانواع السريلاك النوع الي للعمر 4 او 5 اشهر دائما رز والقمح للاعمار الاكبر


جنا الروح
جربي غيري الحلمات
او غيري الرضاعة نفسها
واكشفي ع فمة يمكن عندة فطريات ويتالم ويكون السبب مو من الحلمات ولا الحليب
الله يشافية ويعينك

حزن روح
04-12-2012, 03:13 AM
يقيني ..

اني كنت ارضع طبيعي وصناعي .. وبعد 4 شهور جت الدورة وأول يوم جت وبعدين زيش وقفت ولما أكشف مافي .. ولما جيت بغتسل ما اشوفها إلا رجعت .. وكملت ع عدد الأيام المعتادة ..

ونفس مشكلة ولدي الإمساك .. اني استخدمت له حليب رولاناك للإمساك .. وبس يشربه يعملها وانتي بكرامة ..

لكن تحول عنه الموضوع لشبه اسهال ووقفته ..

سوي له كمية من النعناع قليلة .. جربي كم يوم وشوفي .. اني كان يفيد ولدي ..

ومايشوف شر الصغييير

أم هيثم
04-12-2012, 03:42 AM
مرحبا مامات

انتظار الرحمة
ايه اصلا ما احب المكيف ابد
بس احيانا لما يكون زوجي بالبيت يشغله
بس اذا لحالي ما اشغله هههه
ان شاء الله يبغى لي افتح الدفايه وانظفها واشغلها
تصدقي كنت ببدي ويا ولدي فواكه بس نصحوني الامهات ابدأ بخضار
لأن يقولوا الفواكه بالعادة تكون حلوة .. لو اكلها بالبداية يمكن يرفض الخضار بعدين
فأنا بديت بالخضار وبس يكمل شهره هذا ويدخل السادس ببدي وياه بسيرلاك وفواكه ان شاء الله
الافضل صحيا غناتي ان البيبي ما يأكل الا بس يكمل السادس
لأنه معدته ماتزبط عدل الا بعد السادس
بعض الاطفال يتحسسوا ويتعبوا لما ياكلوا قبل السادس وبعض الاطفال عادي

يقيني
اتوقع عادي لأن بالعادة الدوره تستهبل بعد الولادة هههه
وبالنسبة لولدك .. هل اذا خرج يكون البراز (تكرمي) جاف والا عادي؟
اذا عادي يمكن تكون طبيعته كذا
بس اذا جاف حرام يتعذب وممكن يسبب له اشياء ثانية
حاولي بين كل رضعة والثانية تعطيه ع الاقل 10 الى 20 مل ماي
عشان يلين بطنه شوي
واذا تعطيه صناعي خذي له الحليب الخاص بالامساك
ومايشوف شر ان شاء الله

جنان
الله يعينك غناتي
بديتي تأكليها ؟ وكيف تقبلها للأكل ؟

ليل برايد
تسلمي حبيبتي
افدتيني رحم الله والديك

جنا الروح
04-12-2012, 04:04 AM
انتظار الرحمة
بالعكس الرز اخف من القمح " اقصد السيريلاك طبعا " مو الرز الي ناكله
اكيد انتي فاهمة علي من اول ويش اقصد بس للتذكير
حتى لو تشوفي الانواع السريلاك النوع الي للعمر 4 او 5 اشهر دائما رز والقمح للاعمار الاكبر


جنا الروح
جربي غيري الحلمات
او غيري الرضاعة نفسها
واكشفي ع فمة يمكن عندة فطريات ويتالم ويكون السبب مو من الحلمات ولا الحليب
الله يشافية ويعينك


الرضاعه والحلمات استخدم افنت الذهبيه وجربت بيجون له من كم يوم مايبغا بعد

والفطريات مافيه كشفت على لسانه الحمد لله


ماتقصري حبابه

محبوبة حبيبي
04-12-2012, 07:01 AM
الرضاعه والحلمات استخدم افنت الذهبيه وجربت بيجون له من كم يوم مايبغا بعد

والفطريات مافيه كشفت على لسانه الحمد لله


ماتقصري حبابه

العفو ماسوينا شي
عندي اخر حل لان هذا حالي مع البيبي وقت الرضاعة
خلي احد غيرك يرضعة وانتي روحي انخشي عنه
انا هالحركة تزبط معاي وقت المرضعة

((الفراشة))
04-12-2012, 11:03 AM
أهلين مامات
أخباركم

مايشوفو شر جهآلكم
ولدي بعدصار له 3 ايام مريض
ع عمري ماينام عدل من الزكام فاطس منه
أني ولدي ولد شهرين وشوي وأتمنى اني اعطيه طبيعي ويش الحل وياه
ادا رايق يشرب شوي ويتذكر ويفزع الدنيا
لاني في البدآيه ماطلع فعشان هيك عطيته صناعي ويوم طلع عافه:(

جنـآن
04-12-2012, 01:12 PM
ام هيثم
ايه اكلتها وتعبني شوي في الاكل

مشكورين ولااحد يرد طبعا ..

جنـآن
04-12-2012, 01:17 PM
ام هيثم
ايه اكلتها وتعبني شوي في الاكل

مشكورين ولااحد يرد طبعا ..

محبوبة حبيبي
04-12-2012, 05:48 PM
جنان
اسمك واسم جنا الروح متشابة ومشكله البيبيات متشابهة عشان الرضاعة
بدلي الرضاعات افنت مرة مريحة للاطفال
يمكن عندة فطريات في الفم او بطنة يألمة
او يمكن زعلان مايبغاك تشربية رضاعة يبغا رضاعة طبيعية
فحاولي احد ثاني يشاركش ويشربة رضاعة وانتي لا تخلية يشوفك
انا هالطرق كلها تنفع معاي وقت الرضاعة
ونقطة مهمة الطفل يحس بمشاعر امة اذا متوترة او معصبة مابيرضى يشرب ولا ياكل
خليك هادئة لابعد حد حاولي حاولي واصبري
وبشرينا بالنتائج الموفقة

أح ــلام ملونه
04-12-2012, 06:03 PM
يقيني

هذي الي جتج تعتبر استحاضه أني صار لي مثلك ثلاث شهور تقريبا وبعدين نزلت عدل دوره


وع بطن البيبي لاتعطيه ادويه توه صغير شربيه نعناع يلين البطن او يانسون

نور ام البنين
04-12-2012, 06:09 PM
سسلام امهات
طفلي عنده امساك ابي حل

أم هيثم
04-12-2012, 06:18 PM
نور
كم عمر طفلك؟
انا ولدي عانى من الامساك فقالوا لي الدكاتره اعطيه ماي بين كل رضعه والثانية عشان تلين بطنه
وغيرت نوع الحليب اخذت له الخاص بالامساك
وحاولي تعملي له مساج في ظهره وبطنه .. انا احيانا استخدم زيت الزيتون واحيانا استخدم زيت جونسون
يساعده المساج واجد ويطلع الغازات ويخفف عنه الالم
ومايشوف شر الصغير

المغروورة
04-12-2012, 07:13 PM
متابعتكم بصمت بس صايره مره ما عندي وقت ارد بالمنتدى حدي ادخل اقرا بس من ولدت
وبنوتي من امس مريضه من هالجو كحه وزكام واليوم رحت عالجتها واعطاني الدكتور مضاد حيوي وقطرات للانف والفم وان شاءالله تتحسن تعور القلب بعد قلبي توها صغيره ماتتحمل الكحه والمرض

بقلبي ابوحسن
04-12-2012, 07:58 PM
اهلين امهات أخباركم وأخبار أقماركم الصغيرة
حسوني لساته مريض وأني بعد مريضة وأمس لا أني ولاهو نمنا
الدكتور عطاه دوا حق السعال ولماجيت الشقة أقرأ النشرة مكتوب منىعمر السنتين
فخفت أستخدمه هو لونه وردي
عطيته علك لبان وسكرنبات وأن شاء الله يصير أحسن
بسألكم كيف أسوي النعناع وهل استخدم نعناع طازج وإﻻ اللي في أغراش
المغرورة ماتشوف شر القمر
حنان جربي سوي مثل ماقالت محبوبة هو أني هالحركة مانفعت اياي ﻷني اليوم اللي أخليه عند أحد يرضعة وأكون مو موجودة يوم ثاني :cool
::ع طول يعيف المرضعة خ

حزن روح
05-12-2012, 12:56 AM
بقلبي أبو.حسن ..

خذي كمية من الماي .. كوب مثلا .. وأغليه وحطي فيه شوية سكر

خذي نعناع .. ساقين مثلا واغسليه وقطعي الورق ولما يغلي الماي طفي عليه وخلي النعناع فترة فيه وببس

وماتشوفوا شر

أح ــلام ملونه
05-12-2012, 01:12 AM
بقلبي ابو حسن مثل ماقالت حزن روح

أخذي الطازج وتقدري تجففيه وتخليه لج في علبه لان بسرعه يخترب


ماذكر من قالت ولدها عنده إمساك أتوقع نور هيك شي


اعطيه نعناع او يانسون وإذا يشرب حليب صناعي يمكن منه او كان ياكل فا من الأكل سبب له إمساك


انتي شوفي إذا من الأكل غيريه ومايشوفو شر النونوات

المغروورة
05-12-2012, 02:01 AM
اهلين امهات أخباركم وأخبار أقماركم الصغيرة
حسوني لساته مريض وأني بعد مريضة وأمس لا أني ولاهو نمنا
الدكتور عطاه دوا حق السعال ولماجيت الشقة أقرأ النشرة مكتوب منىعمر السنتين
فخفت أستخدمه هو لونه وردي
عطيته علك لبان وسكرنبات وأن شاء الله يصير أحسن
بسألكم كيف أسوي النعناع وهل استخدم نعناع طازج وإﻻ اللي في أغراش
المغرورة ماتشوف شر القمر
حنان جربي سوي مثل ماقالت محبوبة هو أني هالحركة مانفعت اياي ﻷني اليوم اللي أخليه عند أحد يرضعة وأكون مو موجودة يوم ثاني :cool
::ع طول يعيف المرضعة خ

تسلمي غناتي وانتي وحسون ماتشوفوا شر

إنتظآر الرحمة
05-12-2012, 02:14 AM
مشكوراااااات على التوووضيح ما تقصروا والله

عاشقهـ M
05-12-2012, 03:28 AM
السسسلام عليكم مامات جميلات ..
شمسسويين مع اطفالكم في هالبرد ..!! جو متعب موو ..:)
عندي سؤؤال ..؟ <<< ياكثر أسئلتي ^-^
ولدي صار ليه فتره معه سهال 6 ايام متواصل ولا خف
خلال فتره مرضه لاحظت ان كل رضعه يسسسهل ضروري
وقررت اقطع عنه الحليب يوم واجرب ونفس اليوم خرج بس موسائل قلت بدايه خير
لاني نفس اليوم شريت له حليب نوفولاك حق الاسهال والحمد الله وقف الاسهال تماما
والزبده ... حليبه نان 3 لان من اسبوع كمل سنه هل تتوقعو منه ...!!
للعلم اني نان 1 ونان 2 ماسبب له هذا الشي..
رأيكم أغير حليبه *_*..؟
يعطيكم العافيه

الذوق الرفيع
05-12-2012, 03:32 AM
عاشقة
اذا مرتاح على النوفولاك انصحش لا تغيريه ييمكن نان 3 ماناسبه او يمكن لان كان مريض ووقت الا غيرتيه بالصدفة صار اوكي
عن نفسي بناتي كانوا يشربوا رونالاك بس حق السنة كان يجيب ليهم اسهال او ترجيع حسيته قوي عليهم ..

مستخلصة من زهرة ما!!
05-12-2012, 04:55 AM
مرحبا امهات
بسآلكم سؤال محيرني ولدي كل يبي ينام على جنب او على بطنه ولمااعدله على ظهره يوتعي ويصيح هل النومه على البطن عادي انني اخاف عليه

الذوق الرفيع
05-12-2012, 05:00 AM
مستخلصةمن زهرة ما
اني سمعت النوم ع البطن للاطفال الصغار الا مايقدروا يتقلبوا خطير بس حاليا بناتي يناموا على بطنهم وجنب وظهرهم يعني يتقلبوا احس الموضوع عادي ..

إنتظآر الرحمة
05-12-2012, 07:41 AM
مستخلصة حاولي تخليه على الجنب مرة يمين و مرة يسار لا تخليه يتعود على جنب واحد

ولدي نفس ولدك بعد يقعد من عز نومته الا غصب يبغى ينقلب على بطنه
صرت اخاف انيمه على سريره لانه يقلب على البطن و الوجه مايعرف يعدل راسه
ابد ما ينغفل عنهم حتى بنومنا كل اشوي موتعيين الله يعينا و يقدرنا على هالمسؤولية

يقيني
05-12-2012, 08:19 AM
احلام أنا اللي ذكرت ان ولدي ما يمشي بطنه
جربت معاه اليانسون والنعناع والمرقدوش و منقوع التمر
وشاي الشمار ميلوبا
ما تغير شي

مستخلصه
النوم ع البطن ما منها خوف الا لو كان الطفل بعده ماعنده القدره على رفع راسه
او التقلب
بس دائماً اتأكدي ان مكان نومه مستوي

أح ــلام ملونه
05-12-2012, 05:59 PM
يقيني الله يعينك غناتي

مستخلصه إذا صغير واجد خطير عليه ينقلب ع بطنه لأكن لوكبير ويعرف يعدل روحه ويرفع راسه عادي


عاشقه يمكن الحليب ماله دخل لان الجو الحين يمرض اغلب الاطفال وياهم سهال وترجيع


او يمكن من الحليب نفسه بعد

آنجل
05-12-2012, 11:14 PM
اخباركم مامات واخبار الصغار

اخباري
زنوب مطلعه ليي قروون والحمد لله
بسألكم انا اول مره بسافر بها بنروح ايران ان شاء الله وعلى ماسمعت ثلوج هناك
وش تنصحوني اخذ لها من اغراض اخذت لها افرول وجاكيت طقم ثقال وما ادري بعد وش اخذ
اخذ ادويه معاي ؟

يقيني
05-12-2012, 11:41 PM
انجل
الجو مره برد ع الجاهله هناك
خذي كله شتوي
بجايم قبعات جاكيت لفاف قفاز هلهوب
و الادويه من باب الاحتياط خذي خافض و قطرة زكام

آنجل
05-12-2012, 11:52 PM
انجل
الجو مره برد ع الجاهله هناك
خذي كله شتوي
بجايم قبعات جاكيت لفاف قفاز هلهوب
و الادويه من باب الاحتياط خذي خافض و قطرة زكام

اي اخذت لها شتوي واخذت جاكيتات ثقال ومبطنين
امم زين ذكرتيني على قطرة الزكام باخذ لها بخاخ
:) شكرا
باقي المامات فيدوني بنصايحكم

أم فاطمة وكرار
06-12-2012, 02:36 AM
آنجل نسيتي بطانية صغيرة وعشان لما تطلعي وياها للزيارة أو السوق
والعربة أريح لك من الحمال ..
بس هذا إلا طلع معي ألحين

ربوبه
06-12-2012, 03:04 AM
هلا خواتي
بسالكم متى الطفل يقعد ؟؟
ولدي الحين كمل 4 شهور ويمشي في الخامس ...

الذوق الرفيع
06-12-2012, 03:22 AM
انجل
نسألكم الدعاء ...


ربوبة
يختلف من طفل للثاني بناتي يقعدوا على 8-9 شهور

أم هيثم
06-12-2012, 07:12 AM
انجل
لاتنسي مقياس الحرارة تاخذيه للاحتياط
وان شاء الله تغير جو وياكم ومايصيبها اي مكروه

ربوبه
زي ماقالت لك الذوق الرفيع
انا ولدي قريب يكمل السادس صحيح يقعد بس مايسند ظهره
لو اتركه يطيح على طول

زهور مخمليه
06-12-2012, 07:15 AM
مامات متى يقلب الطفل ؟

ولدي اشوفه زي اللي يبغى يقلب ويعود يرجع