المساعد الشخصي الرقمي

مشاهدة النسخة كاملة : احس شي زي الاكل واقف بحلقي يعني بلعومي واحيان احس واقف بصدري ساااااعدوووني بحق الزهره



الملاك الوردي
22-06-2012, 09:42 PM
بنات مادري شفيني هالاسبوع انا
اخر مره اكلت فاكهه
وخلاص بعدها حسيت اكل واقف بحلقي زي اللي ساد حلقي
واذا اكلت اكل بالموت ينزل الاكل حتى بالماي بالموت ينزل
حتى لبلعلت ريقي احسه ماينبلع
ومضايقني هاللي بحلقي
قريت الرقيه الشرعيه بمنتدى الفاطمي ونفس الشي ماطاب
وقريتها على زيت زيتون وماء الماء اشربه وزيت الزيتون اشرب منه وامسح على حلقي وصدري قبل النوم
ونفس الشي ماتغير شي ظليت يمكن يومين 3 على كذا ونفس الشي
قريت سورة البقره على ماء ونفس الشي
قريت الفاتحه 70 مره و7 مرات ونفس الشي
وقرات المعوذات كلهاعلى ماء وادعيه دعاء القدح وكل شي ونفس الشي

ماخليت دعا ولا سوره قريتها ولا شي

واليوم كله مع امس مااكليت شي مجرد ماء اشرب قلت يمكن ارجع تكرمو
ونفس الشي رجعت وطلعت روحي وطلع كل الاكل والماء واللي بحلقي نفس الشي ماراح
احس شي واقف بحلقي وساده يعني شلون اوصف يعني كنه شي غاص ببلعومي او كنه الوحده لاجتها غبنه مدري شلو ناوصف ومضايقني واحيان احس بختناق احس كنا شي ضاغط على حلقي
بنات ساعدوني ابي حل ؟
ودي اروح المستشفى بهالفتره بس مافي احد يوديني :mad:
وخطيبي مرقد بالمستشفى ولاابقي اقوله اخوفه وهو حالته حاله بحالة عمره
شسوووي بنات في شي اشربه او اكله او اسويه يروح هاللي بحلقي ؟ ساعات احس بختنق واخاف اموت وانا ماتهنيت بشبابي :(
بقولكم الاعراض
احس شي واقف بحلقي زي اكل واشرب ماء ماينزل
وساعات احس الاكل جالس بصدري او على كبدي يعني مثل الوحده للأكلت اكل دسيم يجلس على كبدها
وساعات لا احس معدتي ترجع الاكل للفوق او مدري شلون احس معدتي وكبدي زي اللي جالس فيها اكل او زي ثقيله مثقله علي مدري شلون وحلقي زي المسدود زي الواقفه لقمه او حلاوه فيه
لشربت ماء ارتاح دقيقه وبعدها يرجع ثانيه احس نفسي بينكتم ونفسيتي صارت زفت وزدت زياده
هذي اعراض ويش ؟
وانا ماآكل اسكريم ولا مثلج يعنيي مب حيل مع المثلجات ممكن مره كل بين شهرين آكل
من صارلها مثلي وراح منها بشي علاج ؟
انا اخاف من المستشفى يلعوزوني لانهم بلشه المستشفى ماينعطو وجه

ريآن
22-06-2012, 09:59 PM
اختي ما ابغى اخوفش بس يمكن فيش الغده

صاحبتي صار عندها نفس اعراضش و لما راحت المستشفى طلع عندها تضخم في الغده

الملاك الوردي
22-06-2012, 11:35 PM
يوووووه
في واحد اعرفه صغير كانت عنده الغده وسووله عمليه ومات يمه خايفه
ويش سوولها صديقتك شلون العلاج عطوها ؟
ولمن راحت المستشفى شنو قالت لهم بالضبط وشلون فحصو عليها اشعه او كيف؟
خايفه اني :( ياربي ارفع عني البلا

ترنيمة الصباح
22-06-2012, 11:52 PM
لا تخافي ممكن يكون الحامض المعدي يرتفع ويسبب لش دي المشاكل لازم تروحي المستشفى حتى تعرفي السبب وتعالجيه قبل ما يكبر
اخذي لش ميكرو وروحي المستشفى لا تححجي بما في احد السواقين معبين الدنيا

أحلامي
23-06-2012, 12:05 AM
أسمله عليك غناتي والله حزنت من سمعت قصتك الله يشفيك أنتي وخطيبك
روحي مستشفى يمكن فيش فقر دم
لان صديقتي كانت كدا يجيها أختناق ماتقدر تاكل تالي طلع فيها فقر دم
ماتشوفي شر وأخر السوء
طمنينا عنك

اروع لحظاتي اقضيها
23-06-2012, 12:47 AM
رروحي مستشفى وتااكدي افضل انتي تعبااااانه ولارحتي غريبه

ام الشهد
23-06-2012, 01:00 AM
روحي المستشفى افضل اوقات تصيبني هالحاله بس تروح لوحدها

فشوفي احد يوديش لو ميكرو وتطمني وان شاء الله مافي الا الخير

نفحآآت أيمانيهه
23-06-2012, 01:01 AM
سلامتك .. الف سلامهه عليك ماتشووفين شرر والله يعافيك ياررب بحق الصلاهه على محمد وال محمد انتي وخطيبك


لاتخافين توكلي ع الله وروحي المستشفى ... والله يبعد عنك كل سوووووووء

دعواتي الصادقهه لككك ولخطيبككـ بالشفاء العاجل

بما انو انا سيدهـ لعل وعسى ربي يحقق دعائي ويعافيك بحق محمد وال بيته الاطهار :):)

جورجينـا
23-06-2012, 01:06 AM
خيتووو ما عليج شر ان شاء الله
وانا ما ابي اقولج شي وأخوفج .. لان اللي تحسين فيه او مثل ما شرحتي له اسباب عديدة
وانا مثل ما قلت ما ابي اخوفج .. الافضل تروحين المستشفى وان شاء الله مافيج الا العافية
وتجين وتطمنينا ..

ونصيحة لا تخافين وتحاتين قبل لا تعرفين شنو اللي فيج لان هالشي هوو اللي يزيد عليج المشكلة
لان احتمال ان مافيج شي وهذي كلها اوهام او خوف وانتي خايفة ع الفاضي ..

ما تشوفين شرر خيتوو

حنونه ومزيونه
23-06-2012, 01:06 AM
متشوفي شر انتي وخطيبك غناتي بس روحي المستشفى افضل لك ولا تهملي صحتك

رقه انثى
23-06-2012, 01:10 AM
اولا ماتشوفين شر يالغلآآ
الله يشفيك انتي وخطيبكـ خيتوو
ولزوم تروحين المستشفى وتعرفين مرضكـ
وانا اول مره اسمع عن كذا بس بلييز رووحي المستشفى حاولي اي احد يودييكـ

شريرآ
23-06-2012, 01:10 AM
أختي يمكن الغدة / والحين الغدة مآيسوون جراحه منظار بس

الله يشفيك بحق محمد وآل محمد

اۉستازة نعناع
23-06-2012, 01:19 AM
ساعات تصير هذه الحالة واحس باختناق شديد ماقدر انام واجلس بس اشرب ماي بس بعد فترة تروح لوحدها
انتي طولت معاكي روحي المستشفى تطمني على حالك يمكن شئ بسيط والله يعافيش من كل بلاء ^^

ياقوت الحلوه
23-06-2012, 01:22 AM
ان شاء الله مايكون فيك الا الخير روحي انزين المركز الصحي الي قريب منكم

عشق ذاتي
23-06-2012, 01:24 AM
ماتشوفي شر غناتي
للاسف ماعندي فكره
لله يسهل عليك

عيون باسم
23-06-2012, 01:44 AM
ويمكن ماكله انت مثلج والتهب حلقش

ما تشوفي شررررررررررر اخر السوء يارب

!!..m!šš ρ!ηк..!!
23-06-2012, 02:24 AM
روحي المستشفى أحسن هم يقولوا لش وشو فيش ويعالجوش

وربي يشافيش وي خطيبش

سعودية موت
23-06-2012, 03:06 AM
ما تشوفي شر ان شاءالله
بس لازم تروحي المستشفى عشان تعرفي شنو فيك
وان شاءالله خير وتقومي بسلامه

جنة البقيع
23-06-2012, 03:19 AM
اني عندي الغدة وهادي مي من اعراض
الغده يمكن عندش صديد في الوزتين راجعي انف واذن وحنجره
ماتشوفي شر

وحدى بدنيتى
23-06-2012, 04:02 AM
ماتشوفى شر خيه والله يفرجها عليكم ومافيكِ الا العافيه ان شاء الله روحى المستشفى وتطمنى وطمنينا عنك

الذوق الرفيع
23-06-2012, 04:03 AM
هالشي له عدة اسباب غناتي من فترة صار معي نفس الشي حتى الماي بالغصب ينبلع كان عندي تضخم في اللوز و التهاب الجيوب الانفية يعني شي بسيط مع المضاد والمسكنات الحمدلله صرت اوكي وممكن يصير هذا الشي من الحالة النفسية المهم انتي لا تهملي صحتش روحي اقرب مستشفى اومستوصف وماعليك شر والله يشفي زوجك

ام كميل
23-06-2012, 04:25 AM
انا بعد تجيني هالحالة
زقالوا لي احتمال قولون عصبي
وبعضهم قالوا من نقص فيتامين د لان عندي فيه نقص
والحالة النفسية تأثر بعد التفكير والقلق والتوتر يسييوا هالشي

سلامتك ودعواتك

أميرهـ بكلمتي
23-06-2012, 04:45 AM
ما عليج شر خيه ..

زي ما قالو الأخوات .. الأفضل أنج تروحي المستشفى

و ما تتأخري ..

الله يفرج لج ولجميع المؤمنين والمؤمنات

إن شاء الله تطمنينا عليج

:)

ملاك الطفولة
23-06-2012, 04:49 AM
ماتشوفي شر انتي وخطيبك
أختي روحي المستشفى افضل لك ولا تهملي صحتك
ومثل ماقالوا الخوات يمكن خوف او شيء بسيط
وان شاء الله نسمع عنكم كل خير

أم علوي 2
23-06-2012, 06:51 AM
مالش الا المستشفى واذا ماعندش سياره روحي المركز الصحي اللي عندكم ع الاقل

وطمنينا عنش اختي

وماتشوفو شر ان شاء الله

شمس المستقبل
23-06-2012, 08:38 AM
ماتشووفي شرر ياارب

المستشفى أحسن حل

إذا ماتقدري روحي اي صدليه وقولي الى الدكتور الا هناك <<< لازم اي صدليه فيها مرشد مثل الطبيب العام

روزي شوب
23-06-2012, 09:17 AM
السلام عليكم
ما تشوفي شر لا انتي ولا خطيبك ... الله يقومك بسلامة يا رب
في معلومة أن لسان المزمار هو المسؤل عن جريان الطعام في البلعوم ...يعني يفتح كلما بلعتي الطعام بس التفكير فيه يخل من حركته ....وهذا الشيء صار لصاحبتي
أبعدي تفكيرك عن حلقك وقت البلع .... وإن شاء الله يسهل عندك البلع
وسلامتك ما تشوفي شر

دلوعهـ ج ـآسم
23-06-2012, 10:01 AM
هلا خيةة ماتشووفي شرر والله يفرج عنك
وعن خطيبك يارب بحق مواليد ابطال كربلاء
بس لازم تروحي المستشفى لانو حنا مانقدر نفيدك
بشيء غناتي لازم الدكتور يكشف عليك
وانشالله مافيك الا العافية ..:)

إيمان1
23-06-2012, 10:08 AM
خيووو روحي المستشفى وان شاء الله مافيش الا العافية يارب

مثل القمر
23-06-2012, 10:21 AM
سلامتش والله الف سلامه وربي يعطيش العافيه انتي وخطيبش ماعليكم شر ان شاء الله



بصراحه ماقدر اشخص من كيفي لازم تروحي للدكتور وتساليه


يمكن المريء عندش او المعده ماقدر اعرف


ربي يشفيش ان شاء الله وحاولي تروحي المستشفى ويا اي احد من اقاربش او حتى تاكسي بس لاتسكتي عن روحش


طمنينا عليش خيوه

عاشقة حيدرة
23-06-2012, 11:50 AM
صعب غناتي تلاقي عدنا تشخيص لان احنا مو اكباء والاطباء نفسهك حتى مع الكشف يمكن يغلطوا في الشتخيص فافضل انش تروحي مستوصف او مستشفى
فيه مية الف سبب يمكن التهب لوز يمكن غدة يمكن قولون ويمكن اساسا شي نفسي وهذا اللي احسه
فراجعي الطبيب احسن واذا ماشاف شي عضوي فالسالفة احساس وقلق نفسي فقط لاغير
الف سلامة عليش وعلى خطيبش

عاشقة حيدرة
23-06-2012, 11:51 AM
صعب غناتي تلاقي عدنا تشخيص لان احنا مو اكباء والاطباء نفسهك حتى مع الكشف يمكن يغلطوا في الشتخيص فافضل انش تروحي مستوصف او مستشفى
فيه مية الف سبب يمكن التهب لوز يمكن غدة يمكن قولون ويمكن اساسا شي نفسي وهذا اللي احسه
فراجعي الطبيب احسن واذا ماشاف شي عضوي فالسالفة احساس وقلق نفسي فقط لاغير
الف سلامة عليش وعلى خطيبش

الجنه العلويه
23-06-2012, 02:57 PM
مثل ماقالوا روحي المستشفى أحسن وانشاء الله مافيش الا العافيه

هواي
23-06-2012, 03:10 PM
الله يدفع البلا عنج بحق هالايام وفضلها
ماخااااب من تمسك ولتجأ بأهل البيت عليهم السلام

الفداء
23-06-2012, 06:20 PM
روحي المستشفى اطمني ماتشوفي شر

وسيلة
23-06-2012, 10:21 PM
يا قلبي ما شوفي شر ان شاء الله شدة وتزول بس لازم اتروحي المستشفى يمكن بقايا اكل عالق الله اعلم ماابي اخوفش ان شاء الله مافي الا كل خير وطمنينى عليش ومعافات ان شاء الله

الغـ صدى ـربة
23-06-2012, 11:03 PM
بما انش قادره تاكلي وكل شي تمام فالموضوع مايخوف
بس روحي المستشفى هم يشوفوا المشكله بالزبط
ممكن متجرح لش من الفاكهة او غده ولو غده مضخمه فبس ادويه ولا تخافي ولاهم يحزنون بس لازم تروحي الصحه ماينسكت عنها
ولو مكلمه دكتور ووصفتي ليه بيقولش تعالي اشوف بنفسي ماينفع كلام وشرح في هالحالات

وماتشوفي شر ان شاء الله

جنة البقيع
24-06-2012, 01:23 AM
هلااعرض الغده التعرق دقات سريعه بالقلب العصبيه عدم انتضام الدوره الوزن الزائد خشونة الشعرالخمول الكسل بس لازم اتروحي الركز الصحي وتخبريهم بحالتش وتقولي ليهم بتسوي تحليل الغده
ماعليش
من اعراضي اني والاغيري روحي الستشفى واتاكدي اني الغده كسل ومااعرف اعراض النشاط الله يعطيش العافيه طمنينه عليش يالغاليه

مجنونة السيد
24-06-2012, 02:34 AM
ماعليش شر خيتووووو
اتوقع الي فيش نفسي
بس اختي من قبل اسبوع كانت زيش صعوبه فالبلع وماتعرف تتنفس وطلع عندها تضخم بالغده!!
فالافضل تروحي مستشفى وتتطمني افضل
وللمعلوميه مرض الغده الحين زي الانفلونزا ويتعالج عادي ولايخوف وان شاء مافيش الا العافبه

اخت حوراء
24-06-2012, 07:10 AM
اختي ما ابغى اخوفش بس يمكن فيش الغده

صاحبتي صار عندها نفس اعراضش و لما راحت المستشفى طلع عندها تضخم في الغده

نفس الرد الا بقوله
واسم الله عليج
لازم تراجعي الطبيب وأان شالله مآفيكِ الا العآفيهـ
بس أظمن الى صحتج
مايخوف ي قمر
فقط تشخيص
وبعدين ان قالو شيـ
بيعطوج حبووب
لانهآ تسبب فقدآن كبير للوزن ><
أنتبهي على نفسج حبيبتي
وربي يوفقج ويسعدج ويسهل كل أمورج

رحلة السعاده
28-06-2012, 01:52 AM
هلا خيه ماتشوفي شر ربي يفرج همش ويعافيش ويشافي خطيبش المهن خيه الي فيش جا امي من فتره ماخلا مستشفي ماراحته واختي بعد تخيلي ويش طلع عندهم عندهم نقصً فيتامين د. ماقص واااجد كانت تحسً بزي الغبنه واقفه في حلقها ماتروح وواحنا نهديها وحتي عدره سووا اليها قلنا يمكن مختلعه شي ونقرا عليها قران وادعيه وجابوا ايها ماي من كربلا ولا فاد بس لما سوت تحليل طلع عندها نقص حاااد فيتامبن د انتي روحي الرعايه واطلبي منهم يحللوا الش ويعطوش الادويه

فقاعة صآبون
30-06-2012, 01:47 AM
طمنينا عليش غناتي

الفنان المبدع
04-07-2012, 11:48 PM
شكلش ماكلة كيوي
انا بحياتي كلها اكلت كيوي 3 مرات بسسسسس
كل مرة آكله يصير لي كذا
جربي اعصري ليمون ببوزش على طول
شيلي الحب منها واعصريها كاملة ببوزش
او جربي سوي شاي و حطي فيه 3 ليمونات خضران واشربيه
وبترجعي كل شي ان شاء الله

الملاك الوردي
13-07-2012, 04:44 PM
هلا خواتي
الحمدالله خف اشوي مع العلاج بس بعده
طلع عندي ارتجاع حامض المريئ مع نقص فيتامين د الله يعافيني ويشفيني ادعولي
مع العلاج يخف بس اذا اكلت شي يهيج المعده يزيد مااتحمل لاحوامض ولاحار توابل ولا موالح ولا زيوت بذا مااكلت كل ذولي يخف بس اذا اكلت تشب النيران من معدتي ويصعد للمريئ وللحنجرتي بلعومي حلقي يعني
وصرت اخذ علاج طبيعي اعشاب قشر الرمان اعجنه بتمر واكوره مثل قرص حبوب واخذ 3 مرات يوميا قبل الاكل
ادعولي بالشفاء

ام كميل
14-07-2012, 07:07 AM
الله يعافيش ويعينك على العلاج

ياقوت الحلوه
14-07-2012, 11:12 AM
الله يشافيك .. بحق النبي

ندى الفجر
17-07-2012, 12:24 PM
الله يشفيك و يقضي حوايجك بحق محمد و آل محمد

دلع العشاق
19-07-2012, 09:04 PM
ماتشوفين شر...مالك الا تروحين المستشفى افضل وطمنينا ع صحتك

وحيدهـ
20-07-2012, 10:00 AM
ماتششوفين شر

أحلامي
20-07-2012, 06:13 PM
ماتشوفي شر ياغلا

اسرار المدينة
23-07-2012, 04:33 AM
الحمد لله ع سلامتك..
والله يشفيك ويلبسك لباس العافية.