المساعد الشخصي الرقمي

مشاهدة النسخة كاملة : مشاكل الشعر واسبابها وعلاجها بطريقة طبيعية مع اخصائية التغذية



ع.الهواشم
07-03-2013, 05:38 PM
السلام عليكم
اللهم صلِ على محمد و آل محمد
بعد تفكير طويل قررت إني افتح هالموضوع للإجابة عن بعض الاسئلة اللي تكثر بهالقسم عن مشاكل الشعر واسبابها وطرق الوقاية منها وبما اني اخصائية تغذيه وكذلك لدي خبره ولله الحمد قرابة 10 سنوات في مشاكل الشعر خصوصا اني استطعت ولله الحمد من حل مشاكل كثيره واجهها شعري من بداية علاجي بالزيوت الى يومكم الحالي لذلك راح اعطيكم الحلول من الناحية الغذائية وناحية الزيوت وحمام الزيت ومايتبعها بما اني طول السنوات اللي راحت جربت كثير من الزيوت وتجارب من حولي لها قد تفيد اشخاص محتاجين لها
واتمنى هالموضوع فعلا يفيدكم ويجيب عن بعض التساؤلات اللي تطرحوها بهالخصوص
راح يكون هالموضوع بس مخصص لمشاكل الشعر واذا لقيت تفاعل منكم راح نكمل ان شاء الله
بسم الله نبدأ :)

ع.الهواشم
07-03-2013, 05:47 PM
اليوم راح اجيب عن السؤال التالي :
هل فقر الدم ونقص العناصر في الجسم يسبب تساقط الشعر ؟
نعم يسبب تساقط الشعر حيث الشعر اذا لم يمد بالعناصر الاساسيه التي تحافظ على قوته وحيويته سوف يصاب بالضعف وينتج عن ذلك سرعة تكسره وتلفه حتى من اشعة الشمس وبالنهايه تساقطه بشكل كبير
هل تناول الفيتامينات وتوابعها يقلل من تساقطه ؟
للاسف الكثير من الاشخاص يصفوا بتناول الفيتامينات وقد يذكروا فيتامينات معينه قد اعطاها الدكتور لهم ليتناولها الاخرين بطريقة عشوائيه متناسين ان لكل جسم حالته الخاصه وليس بذلك العشوائيه وهناك بعض الفيتامينات تناولها بكثره قد يسبب بامراض وتسمم وهذا مايغفل عنه كثير من الناس
لذلك لا ننصح بتناول الفيتامينات بدون استشارة الطبيب
والحل الافضل :
تغيير نمط الطعام والوجبة وطريقة تناولها بحيث يكون تنوع بالوجبه لاخذ الجسم مايحتاجه بطريقة سليمه دون التعرض لمشاكل صحيه اخرى نحن بغنى عنها
ملاحظة:
استفادة الجسم من الماخوذ الغذائي الطبيعي افضل بكثييير من الحبوب والفيتامينات لانها الغذاء الطبيعي يوجد فيها نسب متوازنه من العناصر عند دخولها الجسم يتفاعل معها بطريقة صحيه اكثر
انتظروني للاجابة عن تساؤلات اخرى
الى ذاك الوقت كونوا بخير عزيزاتي

الجـوهره
07-03-2013, 07:46 PM
يعطيك العاااافيه على هالموضوع
من المتابعين:)

أم إرم
07-03-2013, 08:18 PM
متابعينج ع الهواشم

وردة
07-03-2013, 08:47 PM
موضوع رائع وقيم استاذة ع. الهواشم
طيب عندي سؤال
هل ممكن يفيد الغذا بتقوية وبصيلات الشعرمما يؤدي الى كثافة الشعر بطريقة او بأخرى سواء بتركيز على نوع معين من الاطعمة او الخضار؟

ورد جوري احمر
07-03-2013, 09:19 PM
ع الهواشم من المتابعين
الله يعطيك العافيه

ريحة مطر
08-03-2013, 01:04 AM
سلمت يمين خـطّت فأفادت

ع.الهواشم
08-03-2013, 02:19 AM
تسلموا حبايبي هالتشجيع :) الله يعافيكم يارب
بالنسبه لسؤالك عزيزتي :
هل ممكن يفيد الغذا بتقوية وبصيلات الشعرمما يؤدي الى كثافة الشعر بطريقة او بأخرى سواء بتركيز على نوع معين من الاطعمة او الخضار؟
يوجد الكثير من الاغذيه المفيده للشعر والجسم والبشره ولو بحثتي بالشبكه العنكبوتيه لن تجدي طعام واحد ينصح فيه ولو دققتي اكثر لتجدين انه كل الطعام الصحي مفيد ليس فقط لشعرك بل لكل شيء بجسدك لذلك عزيزتي يجب عليكي اتباع نظام صحي متوازن حتى يكون جسمك بأكمله بصحه جيده وتحافظين ايضا على سلامة شعرك والحقيقه تقال من الصعب الالتزام بنوع معين لفترة طويلة من الزمن ولكن التنويع بطريقة سليمه افضل :) والمحافظه على تناول الفواكه والخضار يوميا مفيد جدا لاجسامنا وللشعر كذلك
وهذا السؤال يتبعه سؤال اخر وهو :
هل يوجد علاقه بين اتباع الحميات والريجيمات وتوابعها بتساقط الشعر ؟
نعم اذا كانت الحمية خاطئه ومصممه بطريقة عشوائيه او قد يلجأ البعض الى استعمال حبوب او طرق لسد الشهيه فيفقد الجسم الكثير من العناصر المهمه في جسده فيصاب بمشاكل صحيه كثيره منها تساقط الشعر وللاسف منتشر بشكل كبير بمجتمعنا الذهاب لطريقة خاطئه للوصول الى الوزن المثالي بشكل اسرع دون ان يهتموا بالجانب الصحي وما النتائج المترتبه عليه
والحل الافضل الرجوع الى اخصائي التغذيه للحصول على حمية مناسبة له وبطريقة صحيه وآمنه حيث لا يوجد حمية واحد مناسبة للجميع فلكل شخص حالته الخاصه


كونوا بخير :)

ع.الهواشم
08-03-2013, 12:09 PM
يسعد لي مساكم
اتمنى تكونوا بخير
كيف يمكنني المحافظه على شعري ولدي دوام اضطر لتغطية شعري فترة طويله في اليوم ؟
الجواب هو كالتالي المحافظه على عدم ترك الشعر مبلل عند وضع الحجاب فتره طويله وكذلك ان يكون الشعر لايحتوي على كمية كبيره من الزيت يعني التقليل من الزيوت بحيث لو وضعتوا تكون كمية جدا بسيطه لانه وضع الحجاب وهو مبلل وكذلك محتوي على كمية من الزيت من الاسباب اللي تساعد على تساقطه وكذلك تظهر رائحه غير محببه للشعر وقد يسبب الحكه في بعض الاحيان
استخدمت الكثير من انواع الشامبو المتواجده في السوق والتي مكتوب انها مناسبة لحالة شعري ولكن لم استفد عليها ما السبب ؟؟
الكثير من الناس تستخدم الشامبو بطريقه غير صحيحه بأن تضعه وتغسل الشعر مباشره بينما الطريقه الصحيحه ترك الشامبو بمدة لا تقل عن عشر دقائق حتى يستفيد الشعر من المواد الموجوده بالشامبو وتحصلين على النتائج المبتغاه
_ ومن يعاني من القشره شديده هناك بعض الشامبو بالسوق المخصصه لذلك وتكون المده الذي يوضع فيها الشامبو عالشعر قد تصل الى ثلاث ساعات بالبدايه حتى تبدأ فروة الرأس بالتجاوب معه بشكل كبير والتخلص من القشره بشكل اسرع
_ بينما ذوات الشعر الجاف من الخطأ غسل الشامبو مباشره لانه سوف يسبب بجفافه بشكل كبير مما يسبب العناء الكبير عند تسريحه بسبب جفافه بينما تركه لمدة لا تقل عن عشر دقائق تساعد ان تجعل الشعر كماذكرت سابقا بالاستفاده من الشامبو ومميزاته
_ وأما من يمتلكن الشعر الدهني قد تكون هذه الطريقه تستفز الغدد الدهنيه ولا تجعل فروة الرأس نظيفه تماما لذلك يلاحظن أن شعرهم بسرعه رجع وكأنه لم يغسل بينما تركه بمدة لا تقل عن عشر دقائق يعطي الشعر مظهر صحي

كونوا بخير عزيزاتي

ع.الهواشم
08-03-2013, 12:17 PM
ياليت اللي يتابعوني ومستفيدين من كلامي يردوا بالموضوع بين فتره وفتره ولو عندكم سؤال
رجاء خاص لا تبخلوا علينا فيه حتى تساعدوني اجاوب على كل الاسئله المهمه لكم
واشكر ورد جوري احمر على أسئلتها وبأحاول أن اجيب عليها في الأسئله القادمه لكن بالبدايه راح اذكر الاسباب
وبطرح بعدها طرق العلاج
يعطيكم العافيه

بريق ثلجه
08-03-2013, 05:53 PM
معلومات جديده
بنسبه لغيل الشعر يعطيش العافيه على المجهود الجميل ,,,

ع.الهواشم
08-03-2013, 09:35 PM
الله يعافيك عزيزتي
ومشكوره على تواجدك
كوني بخير

أم إرم
08-03-2013, 10:17 PM
ع الهواشم ماذكريتي كيف أغسل الشعر الجاف

ع.الهواشم
08-03-2013, 10:55 PM
ذكرته خيه
بالنسبه للنقاط الثلاث اللي ذكرتهم كلها تتكلم عن لو غسلتي الشعر مباشره بينما لو تركتيه لمده لاتقل عن عشر دقائق راح تحصلي النتيجه المطلوبه من الشامبو المخصص لنوعية شعرك او مخصص لمعالجة مشكله في شعرك

ع.الهواشم
08-03-2013, 11:25 PM
اخباركم جميعا
مالفرق بين الزيوت والشامبوهات اللي تكون مخصصه للعنايه بمشكله معينه وهل جميعها تاتي بالنتيجه ام هي مجرد دعايات فقط ؟؟
هذا السؤال خلال الفتره اللي كنت اعاني فيها من مشاكل في شعري ماحصلت اجابه عليها الا بعد التجربه والجواب هو أن الزيوت والشامبو التي تكون مخصصه لحل مشكله معينه مثل القشره او ضعف الشعر او تساقطه او تكسره او او او تأتي بنتيجه للشعر كونه يعاني من احد هذي المشاكل في الشعر
لكن تختلف في الوقت الذي يستغرقه الشعر للحصول على النتائج المبتغاه من منتج الى اخر فهناك منتجات ترين النتيجه سريعه وهناك منتجات تستغرق مده طويله الى ان تجدين هناك تحسن بالشعر وبالغالب توجد اعلانات مبالغ فيها في بعض المنتجات فقد استخدمت منتجات كثيره كتب ان شعري سيحصل على نتائج مذهله من اول استخدام ولم اجد ماقيل بالفعل وهناك منتجات شعرت بالفرق الكبير من اول الاستعمال
كيف اعرف مصداقية الأعلان ؟
إما عن طريق التجربة وهذا مكلف جدا او عن طريق سؤال شخص له خبره بهذه الامور او عن طريق رؤية تحسن شعر شخص يعاني من نفس مشكلة شعرك
لكن توجد مشاكل بالشعر لا تشعرين فعلا بالفرق الكبير بمدة جدا قصيره مثلا الشعر التالف جدا او يعاني من تساقط جدا كبير يحتاج قرابة ثلاثة اشهر حتى تشعرين ان هناك شعر جديد قد ظهر بشكل واضح وبدا الشعر بالنمو بينما من الشهر الاول تلاحظين توقف تساقطه وفي بعض الرجال يكون شعره قريب من الصلع وهذا يحتاج مده طويله الا ان يرى أن رأسه امتلا بالشعر لان هناك بعض البصيلات قد اصبحت مثل الخامله وقريب أن تموت بمعنى ان الشعر لن يظهر مجددا لذلك الى ان تتنشط البصيله ويبدأ الشعر من جديد للظهور ياخذ حوالي من 6 اشهر الى سنه ليتساوى الشعر ويشعر بالفرق على حسب تجاوب شعره لذلك
أما الشعر التالف جدا اذا كان المنتج فعال جدا تستغرق مدة ثلاث اشهر الى ست اشهر لتحصل على النتيجه واضحه وترا تغيير ايضا بالشعر الذي ظهر مؤخرا لذلك تحتاج الى المداومه وعدم التوقف عن العلاج للوصول الى الافضل أن شاء الله
كونو بخير

suky ro7y
09-03-2013, 01:08 AM
سلام خيه
انا شعري خفيف ويتساقط وايد
فيه طريقه تخليه يكثف و يخف التساقط ؟
نوريني خيه لأني متأزمه حييييل :(

ورد جوري احمر
09-03-2013, 01:26 AM
الله يعطيك العافيه من المتابعين
وان شالله في ميزان اعمالك
في معلومات اول مره أسمعها خصوصاً طريقه غسل الشعر

كيف اعرف الشامبو المناسب الى شعري
اني جربت صانسلك ودوف والآن استخدم فتكا

راح اجرب ألطريقه الي شرحتيها عن طريقه غسل الشعر
وباشوف

مووووووفقه ببركه الصلاه على محمد وال محمد

حبيب فلبي
09-03-2013, 01:32 AM
يعطيش العافيه اختي من المتابعين

تِمنيتَك
09-03-2013, 01:49 AM
خيه بالنسبه لمشكلتي

انا شعري ناعم وخفيف لدرجة يتقصف بسرعه ويتساقط

وانا كثير اضطر اني اجففه بالاستشوار لاني مستعجله او غيره + لما يكون عندي عرس ومع شغل الكوافير شعري م يتحمل

وش الحلول الي ممكن تقويه وتحل مشكلة التقصف والتساقط ؟

ع.الهواشم
09-03-2013, 02:15 AM
سلام خيه
انا شعري خفيف ويتساقط وايد
فيه طريقه تخليه يكثف و يخف التساقط ؟
نوريني خيه لأني متأزمه حييييل :(
ان شاء الله راح اجاوبك عن هالشي بالردود القادمه :)

ع.الهواشم
09-03-2013, 02:17 AM
خيه بالنسبه لمشكلتي

انا شعري ناعم وخفيف لدرجة يتقصف بسرعه ويتساقط

وانا كثير اضطر اني اجففه بالاستشوار لاني مستعجله او غيره + لما يكون عندي عرس ومع شغل الكوافير شعري م يتحمل

وش الحلول الي ممكن تقويه وتحل مشكلة التقصف والتساقط ؟
ان شاء الله راح اجاوبك على هالسؤال خيه تابعيني بالردود عشان اعطيكم المشاكل وبعدها الحلول وكيفيه علاجها :)

ع.الهواشم
09-03-2013, 02:38 AM
بالنسبه لسؤال ورد جوي أحمر بما انه يتبع الاسئله اللي طرحتها راح اجاوب عليه
كيف استطيع معرفة ماهو الشامبو المناسب لي ؟
كل شامبو يكون مخصص لمشكلة معينه وايضا الى نوعية من الشعر بعطي مثال عشان جوابي يكون واضح
شخص ما كان يعاني من القشرة وشعره من النوع الجاف عند الذهاب الى المنتجات اجد الكثييير من المنتجات التي تكون مخصصه للقشره ولكن ماهو المنتج الذي يتناسب مع شعري الجاف وهل المنتج فعال بحيث اشعر بالنتائج بوقت قصير ؟ ابدأ بأختيار منتج قد يكون اعجبني المحتوى او الكلام او الشكل او السعر
عند استخدامي للمنتج وعندما اتركه على فروة راسي لمدة من الزمن (( كنت دائما عندما اتركه على شعري اكثر من عشر دقائق اضع قبعه او كيس حتى يعطي نتائج افضل )) عند انتهاء هذه المده ابدأ بغسل شعري عندما اجد شعري اصبح ملمسه خشنا وجافا بطريقة غير محببه تعني انه لا يتناسب مع شعري واذا كان العكس فإنه جيد لي
اما من ناحية هل هو فعال في حل المشكله عندما يمضي شهر من استعماله ولم الاحظ ان القشره بدأت تقل او مثلا كنت اعاني من الحكه من كثرتها ولم يوقف الحكه الا شيئا بسيطا اذا هذا المنتج ليس ذو فعاليه كبيره ويحتاج وقت طويل الى ان تظهر النتائج على شعري وهكذا بالنسبه الى باقي مشاكل الشعر
هل الشامبو الذي يكون مع مجموعة كامله لحل مشكله معينه مفيد الى كل أنواع الشعر ؟
بالغالب نعم ولكن على حسب طريقة الاستعمال مثلا المنتج الذي وضعته بالمنتدى يحوي حمام كريم بعد الشامبو يوضع وهو مفيد جدا للشعر الجاف حيث يجعله سهل التسريح وعند تجفيفه من الاستشوار يحميه من التلف ويعطي منظرا جميلا ولكنه لا ينفع للشعر الدهني ان يوضع بعد الشامبو فيوضع مع الزيت حتى لايسبب ذلك مضايقات في الشعر ويصبح الزيت فيه كثيرا بما ان اساس الشعر دهني ولكن بنفس الوقت يفضل عدم التخلي عنه لانه مع المجموعة كامله يعطي نتائج افضل وسريعه وهكذا في بقية المنتجات لكن هناك بعض الشامبو يكون فيه ترطيب عالي ولا ينفع للشعر الدهني لانه بعد استخدامه يبقى الشعر محتفظا بالزيت كل منتج يختلف على حسب تركيبة الشامبو
كونوا بخير عزيزاتي

ظلمتُ نفسي
09-03-2013, 03:14 AM
يعطيج العافيه ع الموضوع الروعه
والمجهود الجميل

متابعين و مستفيدن منك بإذن الله

ع.الهواشم
09-03-2013, 11:34 AM
الله يعافيك عزيزتي
تسلمي عالمتابعه

ع.الهواشم
09-03-2013, 12:04 PM
اليوم راح اتكلم عن رأيي الشخصي او بالاصح عن تجربتي في العلاج بالبروتين او الكيراتين او او او والكثير من المسميات التي تعطي نتيجه واحده وهي شعر ناعم ومظهر صحي ببداية الأمر هل انصح به ؟
لست من المؤيدين لذلك راح اقولكم معاناتي بهالشي من يوم كنت صغيره وانا شعري كان متعب بالتسريح وكنت اعاني وبعض الاحيان ابكي من منظره وكيف ان شكله يفشل وامي الله يحفظها قالت لخالتي توديني معاها لكوفير يسوي تسييح للشعر عشان ارتاح من هالشي وفعلا جربته وكان شعري جميل وحلو والامور تمشي الى أن يظهر شعر جديد ونرجع لنفس المعاناه لانه شعر الجديد يشوه منظر القديم وغير كذا يصير القديم شبه ميت وزي التالف مع العلم اني اهتم فيه ومن ذاك اليوم لمدة 6 سنوات تقريبا وانا فقط سالفتي اتحمل انه يطول شوي وتتعب نفسيتي لين ارجع استخدم من الانواع الجديده عشان يرجع شعري مقبول وهكذا الى أن قلت خلاص تعبت ببقى طول حياتي بهالشي ماعندي سالفة الا احاتي انه شعري الجديد يطلع ويشوهه الشكل غير انه شعري صار مايتجاوب كثير مع الزيوت لانه تعب من هالشي انتظرت قرابة سنتين لين يطول شعري وتحملت مع الازمه والتعب النفسي لين قصيت كل الشعر اللي كنت اسوي له هالشي وبديت فقط زيوت وحمامات كريم وشامبو وانواع كثيره ماقصرت بشعري ثلاث سنوات كان شعري كل ماله يصير احسن وبدا شعري يصير مقبول والان حاليا صار شعري ولله الحمد مايتعبني وبالعكس مريحني ومازلت اشوف شعري يصير افضل ولو سويتوا مقارنه بين قبل وبعد راح تلاحظوا فرق جدا كبير اخذ الموضوع تسع سنوات الى يومكم الحالي وحصلت نتائج جدا مرضية ماكنت اتوقع راح احصل شعر بهالشكل ابدا لدرجه بعض البنات يحسبون ان شعري ناعم أنا ما انصح بالعلاجات اللي تصير بالكوفير من تنعيم للشعر وووو لانه وقت قصير جدا وتكلف مبالغ باهظه والشعر مايبقى الا فترة بسيطه ويرجع الشعر الطبيعي بالنمو طيب ليش ما تعتنوا بشعركم الطبيعي وترتاحوا من هالشي ؟
خواتي كانوا بالبداية مستمرين عليهم لكن يوم لاحظوا تغيير كبير بشعري تحمسوا وتركوهم لانه الموضوع متعب تفرحين بشعرك شهر او شهر وشوي وترجعين تشوفين الجديد وتبدأ مره ثانيه الازمه
هذا من تجربتي لاحد يتحسس من كلامي ولكن الحق يقال الواحد يبي يرتاح على طول وله يجلس يسوي حلول مؤقته ؟:confused:
وهذا السؤال يتبع تجربتي اللي فوق سألتني اياه وحده من المتابعين معي
هل يوجد خلطات لتنعيم الشعر الكيرلي ؟؟
الزيوت والخلطات الطبيعيه اللي مافيها مواد كيميائيه تنعم الشعر بشكل ملحوظ لكن ماتخليه حرير بمعنى انا شعري كيرلي يخلي الشعر صحيح قوي منظره مقبول لما اسرحه يكون سهل التسريح ولما اتركه يجف يبقى منظره حلو وتخف شوي من تموجاته لانه صار انعم هذا اللي تحصلين عليه لانه الخلطات الطبيعيه تحسن من مظهر ونمو شعرك الطبيعي ويبقى شعرك حلو وكذا خبيرة شعر وانا كمان اقول ومؤيده لكلامهم حلاة البنت بشعرها الطبيعي الكيرلي له ايجابيات غيرك يتمناها والشعر الناعم له ايجابيات غيرك يتمناها وهكذا انتي اعتني بشعرك اللي عندك وابدعي فيه بتساريح تناسب شعرك ماتناسب شعر غيرك وراح تلاحظين شعرك حلو بس محتاج فقط تقتنعي بشعرك وتبدين بالاهتمام ;)
هل لو كنت مهتمه بشعري فترة طويله وتركته فتره راح يتأثر ؟
الفتره اذا كانت بسيطه يعني جاتك ظروف اهملتيه شهر شهرين بس مو كثير راح تلاحظين شعرك عادي لانه اصلا الشعر صار قوي ويتحمل شوي او كثير على حسب وين وصل شعرك له يعني مثلا انتي كنتي تعانين من التساقط وجلستي فتره طويله وانتي تهتمين فيه وجا وقت اضطريتي تهملي شعرك ماراح يرجع زي قبل ولكن لا تتركيه مده طويله لانه معروف حاليا صعب يبقى الشعر حلو بدون اهتمام حتى الشعر الحرير يتلف لو ما اهتميتي فيه
كونوا بخير

خُلُق
09-03-2013, 02:54 PM
متابعين لكِ اخيه ولطرحك المميز وفقك الله لخدمنتا واعانك على كثرة الاسئلة :)

لذي سؤال

هل الصلع يأتي وراثي اما فقط ناتج عن نقص فيتامينات ؟؟ وما هي طريقة علاجه ؟؟

بكآء
09-03-2013, 03:20 PM
الف شكرا لكِ غاليتي على طرحك الرائع والمفيد

الصراحه اني اعاني من تساقط مستمر لشعري حتى بدء يضعف بشكل ملحوض :( مرت الايام واكتشفت انو عندي انميا وتعالجت عنها في فتره طويله الى ان ارتفع نسبه دمي والحمدلله وصل لين 11 ويعتبر ممتاز بس مع الاسف ماتغير شي من التساقط مازال على نفس الوضع تساقط بكثره وغزاره بس المسه يطيح بالهبل طبعن اني قلت الى الدكتور عن التساقط بس في البدايه قال من فقر الدم .. طيب الحين دمي ارتفاع بعد ليش التساقط ..!! :(:(:(

حزن روح
09-03-2013, 05:03 PM
جدا جدا روووعة.الموضوووع ..

واعجبني كلامك عن التمليسات وكذا ..

اني كنت نفس الشيء .. من أيام.متوسط لحد زواجي واني من تمليس لتمليس وكيراتين وكذا ..

والآن تعبت من هالشيء وقررت ابدي اعتني فيه بالزيووت والخلطات ..

لكن مشكلتني الآن .. الرضاعة.والتساقط ..

شعري كلن متيييين بشكل أما الآن فهو ربع شعري القديم o_O

فهل تحسين التغدية فقط يخفف من التساقط ؟؟

وهل الاستشوار يزيد التساقط ؟؟!

وربي يعطيش ألف عآفية

زهراء حسن
09-03-2013, 05:28 PM
موضوع بجد رووووعه تسلم ايدك
الله يعطيك العاافية

كفآني عذآب
09-03-2013, 06:36 PM
هل تنصحوني بمستشفى او عياده لعلاج مشاكل الشعر ( تساقط - تقصف - ضعيف - قصير )

ع.الهواشم
09-03-2013, 08:32 PM
تسلموا على المتابعه والردود المشجعه
بالنسبه لسؤال الصلع راح اجاوب عليه لكن لانه محتاج اجاوبك اجوبة من الناحية العلميه لذلك يحتاج تنسيق وان شاء الله راح اجاوب عليه قريب :)
بالنسبه لاسئله الباقيه
تعاني من فقر دم او حتى لو كانت تعاني من عناصر وفيتامينات وسببت تساقط بشعرها والان تعالجت ليش ماوقف التساقط ؟
بما انه شعرك تساقط معناها وصل شعرك لمرحلة مجهد جدا انتي عالجتي المشكله ولكن شعرك فقد عناصر مهمه مايتوقف بسهوله وتقدري تستخدمي منتجات من الزيوت فعاليتها ممتازه لوقف تساقط الشعر وراح يرجع شعرك افضل من قبل ولا تخافي لو استمر لفتره وانتي تستخدمي المنتج لانه الشعر يتخلص من التالف عشان يطلع لك الشعر الجديد الافضل
هل الرضاعه والحمل يسبب تساقط الشعر ؟
بالغالب نعم لان غالبية الحوامل يصابوا بفقر الدم وقد يصيبهم خلل في ماخوذهم الغذائي وكذلك في فترة الرضاعه البعض يهمل تنظيم الاكل وقد تجبر نفسها التقليل من كمية الاكل عشان يرجع جسمها زي قبل او تصير لخبطة معاها بالاكل والحاله النفسيه تساعد ايضا وهالشي يساعد على تساقط الشعر بشكل كبير والحل مع الاهتمام بالاكل المتنوع الصحي واستخدام منتجات فعاله راح يساعد من التخلص من المشكله ولكن مايكون المنتج صناعي ومن مواد كيميائيه لانك بمرحلة رضاعه يعني استخدمي منتج آمن
هل تنصحوني بمستشفى او عياده لعلاج مشاكل الشعر ( تساقط - تقصف - ضعيف - قصير ) ؟؟
تسوي فحوصات بالمستشفى تتاكدي ماعندك نقص بالعناصر او الفيتامينات او تعاني من فقر الدم ايوه عشان تعالجي من الداخل والخارج ولكن عيادة لعلاج المشاكل اللي ذكرتها لا انصح لانه مكلف جدا و فيه حلول افضل لا تكلف ربع المبالغ اللي راح تصريفها بالمستشفى غير الوقت الطويل اللي راح يكون بين الانتظار ومشوار السياره ووو وايضا كلما عودتي نفسك بالاهتمام بشعرك والمداومه على الزيوت وتستخدميها بطريقه فعاله راح تحسين بالفرق الكبير وتقدرين تحلين اي مشكله قد تواجه شعرك مستقبلا لانك صرتي متعوده على الاهتمام بشعرك والموضوع صار روتيني مع الاهتمام تقل مشاكل الشعر وتقدري تسيطري عليها
لانه شعر زوجي كان يعاني من تساقط جدا كبير يعني الصلعه على وشك خلاص خصوصا في مقدمة الرأس غير انه شعرته ماهي قويه وكان غاسل يده انه شعره يرجع يطلع او التساقط يوقف ولو هو من النوع اللي يحب المستشفيات كان سوا له زراعة شعر ولكن مع الاستمرار بالمنتج تغييرت القناعات وصار موضوع الاهتمام بالشعر او استخدام المنتج شي عادي بينما بالبدايه لقى صعوبه :)
يعني خلاصة الكلام كله انتي وشطارتك كلما داومتي واستمريتي بالمنتج راح تلاقين تجاوب بشعرك وتلاحظين النتئجه سريعه وان اهملتي شي طبيعي مشكلتك ماراح تتعالج

كونو بخير :)

ع.الهواشم
09-03-2013, 08:42 PM
هل الاستشوار يسبب التساقط ؟او السؤال الافضل هو كالتالي
استخدام استشوار الشعر كثيرا يسبب اضرار كثيره للشعر مالحل ؟
واقعا مانقدر نسيطر على عدم استخدام الاستشوار لانه المناسبات الاجتماعيه كثيره لكن اذا كان فيه عناية للشعر بزيوت وكريمات وشامبو ماراح يتأثر كثير بالاستشوار وراح يحافظ على قوته ويفضل استغلال الفرص اللي نقدر نخلي شعرنا يرتاح من الاستشوار لكن عموما الشعر التالف مع الاستشوار راح يزيد من مشاكل الشعر اذا لم يعتنى به
كونوا بخير

دمع ذكراك
09-03-2013, 10:43 PM
.. موضوع جميييل ومحمس .. استمري ..
يعطيش العافيةة ..

ع.الهواشم
10-03-2013, 07:40 PM
الله يعافيك
تسلمي عالمتابعه

ع.الهواشم
10-03-2013, 08:06 PM
مساؤكم ورد محمدي
هل الصلع يأتي وراثي اما فقط ناتج عن نقص فيتامينات ؟؟ وما هي طريقة علاجه ؟؟
الصلع مرض منتشر بين الرجال بالغالب ولكن حتى النساء يصابوا بهذا المرض وهي تعبر بفقدان متدرج للشعر
اسبابه عديده
منها خلل بالهرمونات منها عامل وراثي ومنها الاصابة بامراض معينه او التعالج من مرض معين ومنها ايضا سوء التغذيه وكذلك قلة الاهتمام بالشعر ومن رايي الشخصي منتشر بالغالب بالرجال لانه من المعروف المراه تهتم اكثر من الرجل بالامور الجماليه لذلك تلاحظون مشاكل الشعر منتشره بين الرجال
علاجه
يختلف على حسب السبب ان كان وراثي عموما الامراض الوراثيه لا يستطيع لا الغذاء ولا الدواء علاجها لانها تكون داخليه منذ الصغر والعامل الوراثي موجود في الشخص المصاب بالمرض وتكون بعلاجات بديله مثل زراعة شعر او او او يعني لازم يزور الطبيب
اما من ناحية الامراض فإن العلاج من المرض او انتهاء العلاج من المرض يتحسن ظهور الشعر بالتدريج عند بدء الاعتناء به
واتوقع الغالبيه تكون بسبب سوء التغذيه وقلة الاهتمام بالشعر ولماذا قلت الغالبيه ؟؟
لانك لو ذهبتي ليوم واحد الى المستشفيات لنظرت هناك امراض كثيره جدا بالمستشفى تكون المسبب لها الغذاء السيء تراكم مع الزمن في الجسم و ظهرت هذه الامراض بشكل ملحوظ حتى مرض السرطان له علاقه بالتغذيه واما قلة الاهتمام فالاعذار كثيره ليس لدي وقت -اعمل -الحجاب -لدي طفل -ووووو امور كثيره قد تستطيع حلها ولكن تفضل دفع مبالغ جدا باهظه للحصول على نتائج جدا سريعه ومؤقته على ان تجعل جزء بسيط من يومها تهتم بصحة بشرتها وشعرها وجسمها وتجد الوقت الى امور لاتشكل بحياتها اي اهميه فما العذر ؟؟
فالعلاج له ان كان من ناحية سوء التغذيه وعدم الاهتمام فإن الشعر يستجيب الى الزيوت الطبيعيه والمحافظه على التغذيه السليمه الصحيه ومع تدليك فروة الراس عند وضع الزيت بمدة لا تقل عن خمس دقائق لتنشيط الدوره الدمويه ستلاحظون الفرق بشكل ملحوظ وقد يشعر بعضهم عند التدليك بألم برأس او الحكه وهذا بالغالب يكون بسبب تنشيط بصيلات الشعر وكذلك الدوره الدمويه للرأس وتلاحظون بعدها بفتره بسيطه ظهور شعر جديد بمناطق مختلفه بالرأس

اتمنى افدتكم بالشكل المطلوب
كونو بخير

وردة الربيع
10-03-2013, 09:17 PM
موضوع رائع جدا
سؤال :
كيف استطيع القضاء على الجفاف والتقصف مع اني استخدم زيوت وحمامات زيت

ع.الهواشم
11-03-2013, 12:05 PM
كيف استطيع القضاء على الجفاف والتقصف مع اني استخدم زيوت وحمامات زيت؟
في انواع من الزيوت ماتكون مفعولها مره قوي وساعات الشعر مايستجيب بسرعه لها فيعتمد على نوعية الزيوت اللي تستخدميها وطريقتك بالاعتناء بشعرك يعني هل انتي مداومه عليهم او بين فترات طويله وهكذا وشعرك الى اي مدة جاف ماراح تستغني نهائي عن الزيوت بحكم طبيعة شعرك جافه لكن تقدري تقللي من جفافه ولما يقل رح يقل التقصف معاه :)حتى راح تحافظي على شكله لمدة طويله بدون ماتحتاجي الى انك تقصيه
كونوا بخير

ع.الهواشم
11-03-2013, 12:09 PM
راح ابدأ بطرق العلاج لكل نوع من انواع الشعر اذا لقيت تفاعلكم معاي
يعطيكم العافيه

خُلُق
11-03-2013, 02:55 PM
شكرا جزيلا لك على المعلومة كفيتي وفيتي :)

اكملي فنجن لك من المتابعين ومنكم نستفيد

وردة الربيع
11-03-2013, 07:01 PM
واصلي جزاك ربي الف خير

شوكلاتة
12-03-2013, 05:10 PM
شعري قبل 5 سنوات كان وش حلاته والحين مرة متأزمة منه مع الحمل والرضاعه صار ضعيف وكله ناشف
،،
الأول كنت استشوره واخليه 5 ايام مايزيت والحين حده يومين وعلى طول يصير مزيت :(
شنوو الحل معاه وويش افضل الزيوت عشان اقويه ويكثفه ؟؟

ورد جوري احمر
12-03-2013, 11:35 PM
من المتابعين الله يعطيك العافيه

وفي ميزان الاعمال انشالله


عندي سؤال
هل في بعض الزيوت تأثر على الحامل والجنين او لانها بتكون طبيعيه ما تأثر
لأني حابه ابتدي بكوس علاج وأبي اعرف ياثر او لا عشان اطمن

تعرفي شي عن التونك الماليزي

موفقه ببركه الصلاه على محمد وال محمد

ع.الهواشم
13-03-2013, 12:05 AM
شعري قبل 5 سنوات كان وش حلاته والحين مرة متأزمة منه مع الحمل والرضاعه صار ضعيف وكله ناشف
،،
الأول كنت استشوره واخليه 5 ايام مايزيت والحين حده يومين وعلى طول يصير مزيت :(
شنوو الحل معاه وويش افضل الزيوت عشان اقويه ويكثفه ؟؟
هلا خيه
الشعر اذا اهملتيه فتره وكذلك اكلك ماكنتي مهتمه فيه راح تصير لك هالمشاكل

وساعات الوحده ماتقدر تسيطر على هالشي وقت الحمل والرضاعه ولكن الحين لو اهتميتي باكلك واعتنيتي فيه بزيوت مخصصه لتكثيف وتقوية الشعر راح تلاحظي شعرك رجع لطبيعته وصار افضل
ومن ناحية يزيت طريقة استخدامك للشامبو كثرة غسل شعرك بالشامبو يسبب هالشي
من ناحية الزيوت راح اخصص لها رد خاص فيها عشان اشرح عيوبها ومميزاتها

ع.الهواشم
13-03-2013, 12:17 AM
هل في بعض الزيوت تأثر على الحامل والجنين او لانها بتكون طبيعيه ما تأثر
لأني حابه ابتدي بكوس علاج وأبي اعرف ياثر او لا ؟؟
الزيوت اذا ماكانت طبيعيه ماتضمني انه مالها ضرر عالجنين ولكن الزيوت الطبيعيه مالها اي ضرر اسألي اي طبيب اعشاب بقولك نفس الكلام الشي الطبيعي ماله ضرر لكن الصناعي هو اللي تكون فيه ببعض مكوناته اشياء قد ماتتناسب مع الجسم وتسبب مشاكل
اذا الزيوت ضامنه انه محتواها طبيعي واذا وحده بتسوي لك تكوني واثقه انه كل المنتجات طبيعيه عادي لكن تعتمدي عالكلام ما انصحك اول شي انتي حامل ومو حلو المجازفه الشي الثاني الغالب يتكلم بمجرد دعايات ويبهرك بالنتائج ويترك لك العيوب على جنب
التونيك الماليزي
سمعت عنه لكن برأيي الشخصي ماتوقع انه طبيعي مئه بالمئه لذلك كونك حامل ما انصحك تستخدميه حاليا عندك زيوت طبيعيه كثيره تعطيك النتيجه اللي تبيها بدون اضرار او تخوف انه احتمال تضرك

موفقه غناتي

ع.الهواشم
13-03-2013, 12:20 AM
تسلموا حبايبي اللي تابعوني
مع اني كنت متردده كثير بالبدايه افتح هالموضوع بس ردودكم ريحتني خصوصا انكم مستفيدين من الموضوع
خلال هاليومين راح اقولكم طرق العلاج

الهيمانه
13-03-2013, 12:42 AM
الله يعطيش الصحه والعافيه
تحمست وووواجد لباقي الموضوع
بسئلك شعري جاف وفيه قشره ووواجد وتسبب ليي حكه
سمعت عن الخل بس ماجربته هل الخل ينظف الشعر من القشره
ومشكوووره
ورحم الله والديش

خفيفة دم
13-03-2013, 01:37 AM
سلام خيتو الله يوفقك يعطيك العافيه
سؤال الاول شعري طوله محدد ويقولو كل ماقص الاطراف يطول وجربت هاطريقه ونفس شي:( طول ويوقف وش الحل عشان يطوول اكثر :rolleyes:
.وهل صحيح ان طحن حــًبوب منع الحمل ووضعه مع شامبو او مع اي زيت اخر يطول ..وهل له اضرار؟:confused:

ع.الهواشم
13-03-2013, 03:18 PM
القشره بالشعر تتواجد بشكل طبيعي بالفروه في بعض الاشخاص ولكن بمعدل طبيعي
لكن القشره اللي تكلمتي عنها انها مع حكه بالغالب تجي اذا انتي ماتجففي شعرك وتجلسي فتره طويله بالحجاب او حتى بدون حجاب لكن شعرك ماتجففيه زين او طريقة استعمالك للشامبو خاطئه وبالتي الزيوت اللي بفروة راسك ماتتخلصي منها لانه ماتركتي الشامبو ينظف فروة الشعر بمدة مناسبه فتسبب هالشي
تقدري تستخدمي شامبو مخصص للقشره وتتركيه بالشعر بالبداية لمدة ثلاث ساعات
لين تحسي فروة شعرك بدت تتجاوب وتقل وبعدها عادي استخدمي اي شامبو بس اهم شي تستخدميه بالطريقه الصحيحه اللي قلتها قبل بأجوبتي وراح يكون شعرك عادي والقشره راح تخف كثير
موفقه غناتي

ع.الهواشم
14-03-2013, 12:20 PM
سؤال الاول شعري طوله محدد ويقولو كل ماقص الاطراف يطول وجربت هاطريقه ونفس شي:( طول ويوقف وش الحل عشان يطوول اكثر :rolleyes:
.وهل صحيح ان طحن حــًبوب منع الحمل ووضعه مع شامبو او مع اي زيت اخر يطول ..وهل له اضرار؟:confused:
اذا بتقصين شعرك بفترات قصيره مستحيل يطول اكثر لما تعتني بشعرك وتحطي فيه حمامات زيت وووو هذا راح يخلي شعرك بمدة طويله الاطراف ماتتقصف وانتي بين فترات متباعده جدا قصي الاطراف عشان الشعره تحافظ على صحتها وراح تشوفين انه شعرك يطول بس ماتتركي له فرصه يطول اكثر من كذا
أما الطريقه اللي قلتي عنها عن حبوب منع الحمل ابدا ما اايدها ليش تروحي لطرق غريبه وتكون احتمال تسبب ضرر وعندك زيوت طبيعيه تعطيك النتيجه اللي تبيها
لما تعتني فيه وشعرك يكون كثافته حلوه وصحته جيده لو تتركيه اكثر من ست اشهر ماراح يتغير وبيظل محافظ على شكله وحاولي لو قصيتيه ماتقصي الا اطرافه او فقط التالف اما اذا ظليتي تقصيه كل ست اشهر او مده اقصر ماراح يتغير طول شعرك وبيبقى مثل ماهو اذا ماصار اقصر اكثر واذا على انه يطول اسرع او يطول هالكلام مو صحيح لانه الشعر طبيعيا يطول لكن البعض لما يهمل الشعر تصير الشعره من تطول تتساقط او تتلف بشكل كبير فمحتاجين يقصوه باستمرار ومع استخدام زيوت راح يتحسن نمو شعرك ويعطيك النتيجه المطلوبه
يعطيك العافيه

ع.الهواشم
14-03-2013, 12:34 PM
متى ااستطيع معرفة ان الزيت الذي استخدمه قد اوقف التساقط ؟؟؟
الغالبيه هنا يقولوا انه شعرهم يعاني من التساقط ويمكن يستخدموا منتجات كثيره بس مايستمروا عليها لانه مالاحظوا تغيير ولكن الشعر الذي عانى من التساقط مايوقف التساقط مباشرة بالتدريج واذا تلاحظوا غالبيه الزيوت مكتوب بطريقة استعمالها يوضع يوميا لمدة عشرة ايام ويحددوا عدد من الساعات اللي يتركوه عالشعر والسبب بهالشي عشان يستعيد شعرك صحته بشكل اسرع وتشوفي النتائج بمدة قصيره لكن البعض مايقدر يلتزم بهالمده كلها او بالساعات المعينه ويستخدم الزيت بفترات متباعده مو معناه ماراح يحصل نتيجه بس محتاج وقت اكثر عشان يلاحظ الفرق مشكلة تساقط الشعر وتقصف الشعر وضعف الشعره ياخذ فتره يعني لمدة اشهر لين تلاحظي بتحسن كبييير بشعرك خصوصا لما تكوني مداومه عليه وليش قلت اشهر لانه الشعر الحالي تالف لكن بعد اشهر راح ينمو شعر اقوا ومع العنايه والتخلص من التالف راح تلاحظي شكل شعرك صار افضل والغالب ماعندهم الصبر الكافي الى هالمده ويصيبهم الملل ويقطعوا فتره ويرجعوا له وهكذا عشان كذا تلاقوا ناس كثير تقول استخدمت المنتج الفلاني والكل يمدحه لكن ماحصلت مثل ماقالوا اذا مجموعه كبيره استخدمته واستفادت عليه وانواع كثيره من الشعر جربته وعطاها نفس النتائج معناها المشكله بطريقة استخدامك وليس من لمنتج نفسه
كونوا بخير

حزن روح
14-03-2013, 02:08 PM
مشكوووورة غناتي على المعلووومات ..

وننتظر طرق العلاج بأحر من الجمر ..

وياليت تكتبي تجربتش في هذا المجال بأن تذكري ويش كنتي تستخدمي لشعرك

ع.الهواشم
14-03-2013, 04:01 PM
ان شاء الله خيه من عيوني
خلال هاليومين راح ابدي بطرق العلاج
وكل الكلام اللي بقوله من تجربتي الشخصيه بداية من معاناتي والمأساة اللي كنت اعاني منها
الى يومك الحالي

ع.الهواشم
14-03-2013, 04:15 PM
راح اقولكم تجاربي بالتفصيل لكن بتكون على اجزاء لضيق الوقت وعشان اقولكم كل تجربه وشنو لقيت من نتائج خخخخخ ترا بتلاحظون اني اقول قصه بس مثل ماطلبتوا هذي كانت تجربتي
اول مابديت بالاهتمام الكبير بشعري كان بعد ماقصيت كل الشعر اللي تلف من كثر التمليس بجميع مسمياته وانواعه
وللأسف عرفت انه مجرد فرحه مؤقته وارجع للمعاناه يوم قصيته الكل قال ملسيه مره ثانيه احسن خصوصا كانوا يشوفوني متازمه وشكله مو مقبول حتى مع الاستشوار باين انه الشعر تعبان
بديت بالبداية احاول اتخلص من القشره بفروة الراس وشفت دكتور بالتلفزيون يقول الشامبو لازم يترك لمدة معينه بالشعر عشان تنظف فروة الراس ويتخلص من القشره ونصح نستخدم هيد اند شولدرز
فعلا استخدمته وكنت دايم استخدم بالنعناع وكان هو اللي احس فعلا براحه لما اخليه بشعري وكنت اتركه لمدة ثلاث ساعات وبعدها احط لي فاشكول شعري خفت قشرته بشكل كبير فعلا لكن باقي شعري تالف وماساه لما بمشطه بعد الاستحمام وربي ما اكذب لدرجه ساعات ينكسر المشط بشعري من كثر ما انه خلاص معدوم وبقوه
والفاشكول مجرد فقط ملين للشعر بس مفعوله لايذكر مايغذي بشكل قوي الشعره يعني لو اجلس استخدمه كثير وشعري جدا تالف بمجرد ما اتركه او اليوم اللي ما استخدمه شعري يصير منظره لايوصف
كنت متخوفه بالبداية اغير الشامبو او لا بحكم اني ماجربت غيره اتركه بشعري لفتره لكن اللي عرفته بعدين بعد ما استخدمت كذا شامبو انه مو شرط ابقى على شامبو واحد لكن طريقتي باستعمال الشامبو هو اللي يخلي فروة الراس نظيفه بدون قشره وساعات مع تغيرات الجو تصير فيه قشرة بسيطه وهذي عاديه طبيعيه بفروة الراس
لكن اهم شي مايكون الشامبو مرطب بشكل كبير لانه بعض الشامبوهات ترطيبها عالي لو مهما تغسلي شعرك تلقي فروة الرأس ماتخلص من الزيت وراح تزيد القشره بفروة الراس وقد تسبب بحكه
لي عودة للتكمله

ع.الهواشم
15-03-2013, 01:19 PM
مساء الخير :)
بعدها صرت استخدم الزيوت الطبيعيه اغسله استخدم شامبو اغسله استخدم فاشكول
يعني اليوم المخصص لشعري تلقون القبعه طول اليوم علي :D
استخدمت زيوت كثيره
زيت الخروع والجرجير والحبه السوداء والسمسم واللوز الحلو واللوز المر و أملا ووووووو
كل هالزيوت تجي بنتيجه وهالشي ماحد يخالفني عليه بس كنت اعاني من ناحية ريحتها :(
كانت روائح بعضها جدا قوية الى درجه لا ينفع الشامبو وله حمام الزيت اللي استخدمه بعد الشامبو انه الريحه تخف من شعري وحتى لو ما استخدمه بعد يومين وغسلت شعري ريحة شعري تبقى فيها
ولما استشوره ماساه بجد بسبب الروائح بس لاني ماكان عندي بديل الى هالزيوت
وصرت فترة استخدم الخلطات الطبيعيه اللي تحطي بيض مع زيت زيتون وووووو يعني كل خلطه وتحطي شي معين وهذي كمان غير ريحتها صرفيه :D الوالده الله يحفظها تقول لي انتي بتفلسين ابوك اذا بتظلين كذا خصوصا كان شعري طويل والكمية اللي بحطها بالشعر الطويل غير الشعر القصير
و صرت استخدم الزيوت الطبيعيه مستمره عليها وبين فتره وفتره احني شعري واحط مع الحنا خلطة الزيت زيتون ووووو موجوده بالنت نسيت بالضبط شنو احط معاها وشعري كان يتحسن بشكل ملحوظ الكل لاحظ فرق حتى بعضهم يحسبوني باقي تمليس وسوالفه حتى لما قلت لهم ما استخدم يتفاجاو
المهم الحين ولله الحمد لقيت زيوت موجوده بالسوق رائحتها عاديه لكن تعطي نتائج جدا مرضيه والحمدلله الحين ارتحت على مجموعة اللوتس اللي هو حمام كريم وزيت وشامبو ساعات اخلط مع زيت اللوتس زيت السمسم وزيت الورد
احط زيت الورد معاه ضروري لانه قريت بكتاب انه مفيد للدماغ والذاكره ويزيت من قوة الحفظ وتحمست وشريت لي سعرها بالسوق ثلاث بعشرة ريال :rolleyes:
لما صبغت شعري قبل لا استخدم المجموعة كنت استخدم انواع كثيره من الفاشكول بس ما احسه يعطي ترطيب ملحوظ لكن استخدمت بعدين نوع بزيت اللوز الحلو عجبني مرررره ترطيبه حليو خصوصا للشعر المصبوغ واستفدت منه كثير بس للاسف مو لاقية منه بالصيدليات مدري انقرض وله وش سالفته :confused: ان شاء الله اللاقيه قريب لانه فيه ناس تسأل عنه
لكن حاليا حمام الكريم اللي بمجموعة اللوتس احسه يكفي يغذي الشعر بالشكل المطلوب
وشفت حمام كريم بالكرياتين تحمست عليه خخخخخ خصوصا اسمه كرياتين وقريت وش فوائده للشعر فقلت بجربه وبعطيكم النتائج ;)
يتبع

ع.الهواشم
15-03-2013, 01:35 PM
من المساويء اللي عشتها خلال التسع او العشر سنين من التجارب
اني كلفتني كثير خصوصا بعضهم غالي عالفاضي لدرجه فيه بعض الشامبوهات اللي استخدمها كلفتني فوق المئه ونتائجها نفس نتائج شامبو سعره ربع القيمه وهكذا
وساعات اطيح على بائع يبيعني بسعر غالي واكتشف بعدين فيه اللي ارخص منه :D بس بعد ماطارت الطيور بارزاقها
فيه نصائح لازم تحطونها بعين الاعتبار لما بتستخدمون الزيت :
تبدؤوا من فروة الراس وتتاكدوا انه كل المناطق فيها الزيت وتبدؤوا بالتدليك لمدة خمس دقائق عشان تتنشط الفروه والبصيله وراح تحسوا بالراحه مع التدليك لما تخلصوا من الجذور بعدها تمسحوا الزيت على باقي الشعر
لاتنسوا القبعه او تقدروا تستبدلوا بالكيس لو ماعندكم قبعه عشان يصير حمام بالبخار ويترطب شعركم وبكذا امتصاص الزيت يصير احسن لكن انا افضل القبعه بحكم انه بتكون ماسكه بالشعر ولا تطفشك لو كنتي تشتغلي بالبيت او بشي غير كذا يكون الترطيب اعلى بحكم مافي مكان يدخل منه الهوا
كل شي بالحياه محتاج صبر عشان توصلي لشي انتي تبيه كثير من اللي حولي يتشكون على انه فيه مشاكل كثيره بشعرهم وشعرهم راح من كثر التساقط ووووو لكن من تقولي لهم اهتموا او شي قالوا مافيه وقت اجل ليش تتشكون :D وله مايعجبهم يدفعوا مئتين على زيوت وتوابعها ويقولوا غالي لكن ماعندهم مشكله يروحوا لمستشفى يدفعوا بالجلسه الوحده مبلغ وقدره وماهي جلسه وحده جلسات كثيره والله اذا كان لما تدفعوا الفلوس بيريحكم اهم شي راحتكم:confused:
و اللي حابه فعلا بالتغيير تحافظ على اهتمامها بشعرها بقدر الامكان عشان تظل تشوف الشي بالمستوى المطلوب
اتمنى تتقبلوا كلامي برحابة صدر
موفقين جميعا
كونوا بخير ;)

ع.الهواشم
15-03-2013, 09:22 PM
في وحده رسلت لي هالكلام برساله
انا اللي اعرفه ان اذا اي شخص بيستخدم زيت لشعره لازم يستمر عليه للآبد

لان رايح يلاقي نتيجه فعلآ لكن اذا توقف عن استعماله راح يتساقط الشعر بشكل فضيع لان الشعر بيكون تعود

على هذا الزيت : )
وكان ردي هو
المعلومه غلط
اذا الشخص حافظ على الاهتمام بجسمه وشعره وووو عادي اذا تركه فتره من الزمن بدون عناية لانه شعرته قويه
تمر علي ظروف بالاشهر ماهتم فيه واذا مره حطيت حمام كريم بعد الشامبو خمس دقائق وغسلته لكن وضع شعري عادي يصير
لكن اللي يحصل في غالبية اللي يعانوا من المشاكل هذي يكونوا مومهتمين باكلهم وله يعتنوا بشعرهم عدل ومعتمدين فقط على الزيت لو بمجرد تركوا الزيت راح يلقوا ردة فعل سلبيه لانه الشعر مو متغذي من الداخل بالشكل المطلوب الشعر ماتعود عليه لكن يحاول يحافظ على نفسه بالزيت فقط
ملاحظه :
اذا ماهتميتوا من الداخل يعني بالتغذيه السليمه فيه بعض انواع الشعر يحتاج مده جدا طويله عشان يبان عليه التغيير لانه الاساس حق الشعر ضعيف لذلك لازم تهتموا من الناحيتين
كونوا بخير

حزن روح
16-03-2013, 12:51 AM
طيب غناتي من وين تشتري حمام الكريم ؟؟؟

ع.الهواشم
16-03-2013, 01:33 AM
تقصدين اي واحد ؟

ملاك الروح القطيف
16-03-2013, 04:52 AM
الله يعطيك العافيه
ابغ شي يطول شعري؟

ع.الهواشم
16-03-2013, 01:04 PM
عندك زيت الخروع وزيت الزيتون وزيت الصبار وزيت الحبة السوداء فيه كثير زيوت طبيعيه تفيد
وفيه مجموعة اللوتس تطويل وتكثير وتقوية للشعر حاليا انا استخدمه وبنت عمتي استخدمته وعجبها كثير
ياليت اللي جربوه بعد يعطوك رايهم عنه
وابحثي عن فوائد جذور زهرة اللوتس للشعر
اذا انتي تتحملين الروائح القوية استخدمي الزيوت اللي كتبتها بالبدايه واذا تبين الرائحه مقبوله زيت زهرة اللوتس ريحته مقبوله وهو زيت طبيعي بعد زيت السمسم نفس الشي ريحته مقبوله ويعطيك نتيجة بس مع زهرة اللوتس تصير النتيجه اسرع
بالنسبه لحمام الكريم اي افضل قلت لكم انا عجبني حمام كريم بزيت اللوز الحلو وحمام كريم زهرة اللوتس
وراح اجرب حمام الكرياتين قريبا واعطيكم رايي فيه

ع.الهواشم
16-03-2013, 01:27 PM
بالنسبه الى سؤال اختي من وين اشتري حمام كريم
من قبل عادي اروح الصيدليه واشوف نوع ما استخدمته واجربه لكن حسيتهم نفس الشي مايعطوا نتيجه جدا قويه مجرد فقط ملين للشعره ويصير سهل التسريح ماحسيتهم يغذوا بالشكل المطلوب
حمام كريم اللوز الحلو رحت لكذا صيدليه مالقيته للان بشوف الدمام وان شاء الله القاه واحط صورته هنا واحتمال اوفره بكميات اذا لقيته
حاليا استخدم حمام كريم زهرة اللوتس خصوصا لما يكون شعر جاف ويعاني من زيادة الشحنات فيه بعد الاستشوار لما تحطي حمام كريم وتغسليه بعدين تستشوري شعرك يطلع منظره حلو هذا كلام حتى بنت عمتي انه شعرها صار منظره افضل وتخلصت حتى من الشحنات اللي تضايقها دايم بشعرها
وهو حاليا ابيعه لانه طلبوه مني ناس كثير بعد ماشافوا النتائج المرضيه منه لذلك اشتريت كمية كبيره منه واذا لقيت تشجيع راح اجيب كمية اكبر وابيعه ارخص من سعر السوق
حمام الكرياتين حاليا طالبته مع مجموعة اللوتس واذا وصلت راح استخدمه وعطيكم النتائج على طول
ليش اقتصرت على هالاثنين لاني زي ماقلت قبل اذا كان الزيت ريحته قويه ماينفع لا للمتزوجات وله للي عندهم دوامات لانه ريحته تبقى قويه وفيه بعض المنتجات تكون اوكي لكن سعرها مبالغ فيه او حجمه مايسوا حق استخدام بسيط بالنسبه للخلطات الطبيعيه تكلف خصوصا اذا بتستخدمي باستمرار وغالبيه الخلطات ريحتها قويه وقلت لكم قبل جربتها فترة مو شويه لدرجه امي اعلنت حالة استنفار لانه احتجت ميزانيه لحالي في المطبخ من هالخلطات:d
هذا سعره حلو وحجمه حلو وريحته حلوه
على فكره جربت برنامج العروس ومن ضمنها حمام زيت للشعر بصراحه ماحسيت له لزمه لانه اللي احطه بشعري افضل من اللي حطوه بشعري مجرد دفعت فلوس على شي اقدر اسويه بالبيت بنتيجه افضل
لكن كل وحده والقناعات والراي الشخصي لها
يعلم الله ماكتبت هالموضوع الا عشان افيدكم باللي عندي لانه عانيت لفتره مو شويه كيف اني استحي من شعري وله عارفه الحل له وحلاة البنت بشعرها انجاز حلو انه تلقين بعد هالتعب نتائج حلوه وتشوفين من تعاليق وفلسفه على كيف تعتني بشعرك الى الكل يسالك كيف صار شعرك كذا :)
افضل شعور لما تناظرين بالمرايه وتلاقين وصل شعرك لمرحلة اكثر مما كنتي تتمنينها ولله الحمد
وان شاء الله حتى انتوا توصلوا الى هالمرحله :)
كونوا بخير

ورد جوري احمر
16-03-2013, 10:44 PM
الله يعطيك العافيه
ببركه الصلاه على محمد وال محمد

جوهره علويه
17-03-2013, 02:25 AM
اللهم صل على محمد وآل محمد
مشكوووره خيتو على هالمعلومات بصراحه استفدت واجد منها
بس بسال كريم زهرة اللوتس اللي توفريه الحين هو المجموعه كامله صح ؟وكم سعره؟ وكيف لو بغيت اطلب منك؟
معليش غناتي اعذريني على كثر الاسئله بس تفاعلت واجد مع الموضوع
موفقه بحق الآل

ع.الهواشم
17-03-2013, 12:43 PM
بالعكس خيه انبسطت كثير انك استفدتي من الموضوع
بالنسبه للكريم اي المجموعه كامله اوفرها وكاتبه موضوع بالمنتدى عنها بالتفصيل :)
وتسلموا على دعواتكم الجميله
اليوم راح اعطيكم بعض الارشادات الغذائية الاساسيه اللي المفروض نطبقها يوميا عشان صحة اجسامنا وكذلك صحة الشعر اللي هو موضوعنا الاساسي هنا :
1- الحرص على تناول الوجبات الثلاث يوميا ولا يوجد اشكال ان تكون هناك وجبات خفيفه فيما بينها
2- الحرص على احتواء الوجبه الواحده على تنويع بمعنى تحتوي على خضار فواكه نشويات بروتين منتجات حليب القليل من الدهون بكميات محدده
3- يفضل استخدام منتجات البر والنخاله لشعور الشخص بالشبع بكمية اقل من المنتجات الخاليه منه
4- من الخطأ الامتناع عن الدهون نهائيا لانه هناك فيتامينات لايمتصها الجسم الا بوجود الدهون ولكن يفضل استخدام الزيوت النباتيه عن الزيوت الحيوانيه
5- الحرص على تناول الخضار والفواكه يوميا وللاشخاص الذين يتبعون الحميه يحرصون عدم الاكثار من الفواكه لانها تحتوي على سكريات بينما الخضار قليله بالسعرات
7- يفضل تناول الفواكه طازجه وليس عصيرها للاستفاده من الالياف الموجوده بها .
6- الحرص على وجود الرياضه جزء من حياتنا اليوميه او عالاقل اربع مرات اسبوعيا لمدة لاتقل عن نصف ساعه مهمه ليس فقط للمحافظه على وزن الجسم ايضا لانها تساعد على امتصاص الجسم للكالسيوم بكفاءه اكبر وبذلك عظامنا تصبح اقوى وتقينا من امراض الذي تصاب الكثير من الناس عند الكبر

قد يستهين البعض بمسألة الغذاء ويلجأ للريجيمات العشوائيه دون اللجوء لاخصائي تغذية للحصول على حمية مناسبه بطريقه صحيحه اعتقادا منه ان مايقوم به صحيح ولكن للاسف الكثير ياتي للعياده طالبا حميات بعد ان عانى من مشاكل صحيه بسبب الريجيمات العشوائيه وكأن الصحه ليس لها قيمة لنحافظ عليها
اتمنى لكم دوام الصحه والعافيه :)

سآرونه
17-03-2013, 01:17 PM
موضوع جدآآآ رآئع ، آستفدت منه كثير ؟، خصوصآطريقة غسل الشعر
ب الشآمبوو ،، آستمري متآبعه الموضووع ، :)

نور عيني فاطمة
18-03-2013, 04:07 AM
السلام عليكم ....اني عندي مشكلة عندي بنتين وحدة عمره خمس سنوات شعره مرة ضعيف ولا ينمو بسرعة على رغم تاكل عدل تحب الخضرة والفواكة واني اعتني فيه وكل مابين شهرين اقص الاطراف وكلششي اسويه استخدمت زيت الحية وزيت حبة البركة وزيت الخروع وزيت الوز وزيت الزيتون وزيوت واجد مافي فيدة واعتني في اكلهم وشكل اليهم .....وبتي تانية عمره سنة نفس اخته مرة الى الحين مو راضي ينمو ما شاء الله تاكل عدل وعندي مشكلة هي تعرق على طول وصير شعره مبلل وغسلة كل يوم بس ما غسلة بالشامبو كل يوم في اسبوع بس مرتين ساعديني ...طبعا بتي الاولى مافيه فقر دم ولا سكنسل ولا ضعف في الدم وصغيرة فيه جي 6 بي دي ارجوكي ساعديني اني شعري زين ينمو بسرعة وابوهم ماشاء الله ساعديني ارجوكي

بتول علي
18-03-2013, 05:03 AM
السلام علبكم اخواتي
قريت الموضوع وقلت احط مشكلتي ع اساس استفيد من تجاربكم ..مشكلتي سيعري ضعيف وخفيف ودائما احاول مابين كل شهر وترك اقص من اطرافة بس مايتغير حالة ابدا وخصوصا ادا جيت غسلتة بالشامبواشوفه في الماي صاير ناعم وجرد مأطلع من الماي اثناء تمشيطة احط فية زيت الفازلين يطلع تمام واخلية لبوم ثاني ولمن اجي افله ع اساس امشطه من جديد دائما يطلع لي يابس ماكانة محطوط فيه شامبو من الاول وادا استشورتة يطلع تمام بس احاول مأأمثر من للاستشوار.. يس ابغى حل يغنيني عن هدا كلة ويروح الجفاف عنة يعني ابغاه طبيإي مثل ماكن لايحتاج يوميا شامبوه ولاشي

خفيفة دم
18-03-2013, 05:57 AM
يسلمو ع رد خيتو :)

ابي اعرف اكثر فتامين يطوووول شعر تنصحيني بشنو..؟قريت عن فتامين بي سكس :confused:وووش رائيك فيهـ ؟او اد عندك فتامين محدد وفوائده اكثر ممكن تخبريني وشكـرآ بنتظار الاجابه؟

مثل العسل
18-03-2013, 06:06 AM
خيه اني شعري دهني ويتساقط بقوه ابغى استخدم زيوت عشان توقف التساقط بس احس الزيوت تزيد من التساقط وخصوصا ان شعري دهني بشنو تنصحيني
وبالتوفيق

نور عيني فاطمة
19-03-2013, 05:42 AM
[quote=نور عيني فاطمة;3525389]السلام عليكم ....اني عندي مشكلة عندي بنتين وحدة عمره خمس سنوات شعره مرة ضعيف ولا ينمو بسرعة على رغم تاكل عدل تحب الخضرة والفواكة واني اعتني فيه وكل مابين شهرين اقص الاطراف وكلششي اسويه استخدمت زيت الحية وزيت حبة البركة وزيت الخروع وزيت الوز وزيت الزيتون وزيوت واجد مافي فيدة واعتني في اكلهم وشكل اليهم .....وبتي تانية عمره سنة نفس اخته مرة الى الحين مو راضي ينمو ما شاء الله تاكل عدل وعندي مشكلة هي تعرق على طول وصير شعره مبلل وغسلة كل يوم بس ما غسلة بالشامبو كل يوم في اسبوع بس مرتين ساعديني ...طبعا بتي الاولى مافيه فقر دم ولا سكنسل ولا ضعف في الدم وصغيرة فيه جي 6 بي دي ارجوكي ساعديني اني شعري زين ينمو بسرعة وابوهم ماشاء الله ساعديني ارجوكي[/quo اااريد جواب غناتي

MrMr
19-03-2013, 08:07 AM
الله يعطيك العافيه خيه ...بالنسبه لشعري طويل بس متقصف وجاف يتساقط بس بشكل معقول
من اجي اعالجه واحط فيه زيوت او حمام زيت يتساقط بالهبل ويصير مزيت ومتقصف
اجرب يومين او اسبوع باالكثير يزيد اخاف عليه واتركه تعبت واني اجرب ...ساعديني

ع.الهواشم
19-03-2013, 12:43 PM
السلام عليكم ....اني عندي مشكلة عندي بنتين وحدة عمره خمس سنوات شعره مرة ضعيف ولا ينمو بسرعة على رغم تاكل عدل تحب الخضرة والفواكة واني اعتني فيه وكل مابين شهرين اقص الاطراف وكلششي اسويه استخدمت زيت الحية وزيت حبة البركة وزيت الخروع وزيت الوز وزيت الزيتون وزيوت واجد مافي فيدة واعتني في اكلهم وشكل اليهم .....وبتي تانية عمره سنة نفس اخته مرة الى الحين مو راضي ينمو ما شاء الله تاكل عدل وعندي مشكلة هي تعرق على طول وصير شعره مبلل وغسلة كل يوم بس ما غسلة بالشامبو كل يوم في اسبوع بس مرتين ساعديني ...طبعا بتي الاولى مافيه فقر دم ولا سكنسل ولا ضعف في الدم وصغيرة فيه جي 6 بي دي ارجوكي ساعديني اني شعري زين ينمو بسرعة وابوهم ماشاء الله ساعديني ارجوكي
وعليكم السلام
عذرا اختي بس انشغلت هاليومين وماقدرت ارد عليكم
الاطفال ساعات يكون شعرهم خفيف بالبدايه لكن مع الاستمرار بالعنايه راح يتحسن مع الوقت بالنسبه انك تقصي الاطراف كل شهرين مايحتاج كل شهرين تقصيه اتركيه فتره يعني ست اشهر او اكثر
وراح تلاحظي انه يطول لاتقارني شعرك بشعرهم ولا تتازمي كثير حتى لو كان شعرهم خفيف ومايطول مع الاهتمام والعنايه بيكون شعرهم افضل مع الايام الجايه والزيوت اللي تستخدميها راح تعطي لك نتيجه وتقوي شعرتهم بالتدريج :) الى الان الاطفال ما استقر شعرهم اعرف اطفال الى ثمان سنوات وشعرهم يتغير مايستقر الا اذا كبروا يعني بعضهم يكون ناعم كثيير وهم صغار من يكبروا يبان شعرهم ماهو ناعم لين يستقر شعرهم على درجه معينه من النعومه لكن اهم شي فيه عنايه عشان تحافظي على منظر شعرهم ومايكون جاف او متقصف :)
يعطيك العافيه غناتي

طيف المحبة
19-03-2013, 02:19 PM
يعطيك العآفية

مجهووود رآآئع

مووفقه بإذنه تعالى

ع.الهواشم
19-03-2013, 02:28 PM
السلام علبكم اخواتي
قريت الموضوع وقلت احط مشكلتي ع اساس استفيد من تجاربكم ..مشكلتي سيعري ضعيف وخفيف ودائما احاول مابين كل شهر وترك اقص من اطرافة بس مايتغير حالة ابدا وخصوصا ادا جيت غسلتة بالشامبواشوفه في الماي صاير ناعم وجرد مأطلع من الماي اثناء تمشيطة احط فية زيت الفازلين يطلع تمام واخلية لبوم ثاني ولمن اجي افله ع اساس امشطه من جديد دائما يطلع لي يابس ماكانة محطوط فيه شامبو من الاول وادا استشورتة يطلع تمام بس احاول مأأمثر من للاستشوار.. يس ابغى حل يغنيني عن هدا كلة ويروح الجفاف عنة يعني ابغاه طبيإي مثل ماكن لايحتاج يوميا شامبوه ولاشي
هلا خيه وعليكم السلام
بالنسبه لمشكلتك زي ماقلت لك غسل الشعر حاولي يبقى بس يومين بالاسبوع واستخدمي الزيوت اللي قلت عليهم مع الاستمرار عليهم بالنتظام راح يقوا شعرك ويصير مظهره افضل من ناحية الاستشوار
يتحمل شعرك كثرة الاستشوار مع الاهتمام لكن اهم شي ماتستخدمي الاستشوار الكبير اللي يستخدموه الكوفيرات لانه يتلف الشعر لكن الاستشوار العادي والانواع الجديده من مكواة الشعر شعرك ماراح يتلف عليها بتبقى محافظه على صحة شعرك لكن يفضل تتركي شعرك فترة يرتاح منها
من ناحية القص فقط يتخلص الشعر من التالف لكن مو هو اللي يقويه فقط يتخلص من التقصف اللي بالاطراف عشان لا يوصل الى باقي الشعر بينما الشعر يقوا ويصير افضل بالتغذية الشعر من الداخل والخارج وتستمري عليه
تحتاج وقت عشان تلقين شعرتك صارت اقوا طبيعيا وانا ما انصح تروحوا تجربوا طرق ثاني لانه كل شي يجي طبيعي بالاهتمام والزيوت الطبيعيه راح يدوم معاهم اكثر من الطرق الثانيه
اتمنى اجبتك بالشكل المطلوب
موفقه خيه

ع.الهواشم
19-03-2013, 02:44 PM
يسلمو ع رد خيتو :)

ابي اعرف اكثر فتامين يطوووول شعر تنصحيني بشنو..؟قريت عن فتامين بي سكس :confused:وووش رائيك فيهـ ؟او اد عندك فتامين محدد وفوائده اكثر ممكن تخبريني وشكـرآ بنتظار الاجابه؟
فيتامين يطول الشعر ارجع اقولك الزيوت الطبيعيه افضل حل
زيت زهرة اللوتس حلو وزيت السمسم كمان حلوين
فوائد زهرة اللوتس بعد بحث طويل دائما يمدحون فيه في الشبكه العنكبوتيه ولقيت نتائجها بنفسي وهذا ماذكر عنها
اضفاء لمعان قوي وثابت للشعر يدوم لفترات طويلة وكما انه عند خلطه مع زيت اكليل الجبل والسمسم يكون مفعوله في تجميل الشعر ونضارته كبير جدا وكذلك يكثف ويطول الشعر بشكل ملحوظ
انا استخدمه ساعات مع زيت السمسم واساسي احط معاهم زيت الورد وذكرت هذا قبل بكلامي
اذا حابين اوفره بكميات ابشروا وراح يكون سعره ارخص من سعر السوق لانه لقيته بالسوق غالي بس علي انا صرت ما استغني عنه لاني بجد لقيت فائدته وعجبني كثير
بالنسبه لزيت السمسم معروفه فوائده غني عن التعريف
اتمنى افدتك بالاجابه موفقه اختي لكل خير

ع.الهواشم
19-03-2013, 02:50 PM
الله يعطيك العافيه خيه ...بالنسبه لشعري طويل بس متقصف وجاف يتساقط بس بشكل معقول
من اجي اعالجه واحط فيه زيوت او حمام زيت يتساقط بالهبل ويصير مزيت ومتقصف
اجرب يومين او اسبوع باالكثير يزيد اخاف عليه واتركه تعبت واني اجرب ...ساعديني

هالشي طبيعي لانه لما تبدي تحطين زيوت وتهتمي بشعرك طبيعيا راح تتخلصين من الشعر التالف اللي موجود عندك ويتساقط عشان ينمو لك شعر اقوى ولما تستمري عليهم راح تلاحظي بعد فتره صار ينمو شعر افضل من الشعر اللي عندك حاليا مع القص بين فتره وفتره راح تلاقين منظر شعرك افضل واللي ينمو عندك منظره افضل من اللي موجود عندك حاليا
وتقدر بعد ماتستشوري شعرك تمسحينه بشكل بسيط بزيت الحيه او زيوت اخرى تكون خفيفه ماتزيت شعرك بشكل كبير عشان يعطيك منظر حلو ويبقى شعرك فتره طويله بمنظره خصوصا لما تكون عندك مناسبه وتبين شعرك يبقى فتره طويله يثبت بشكله
ومع الاستمرار راح تستغني عن استخدام زيت بعد الاستشوار وتكتفي فقط غسل شعرك بالماء بعد حمام الكريم وتستشوريه راح يعطيك منظر حلو
يعني انتي وشطارتك بالاستمرار بالاهتمام :)
موفقه خيه

ع.الهواشم
19-03-2013, 02:51 PM
تسلموا حبايبي المتابعين اهم شي انكم مستفيدين من اللي اقوله ولقيتوا نتائج حلوه
موفقين خواتي

الهيمانه
19-03-2013, 09:43 PM
الله يعطيك العافيه
ورحم الله والديش استفد واااجد من معلوماتش
اذا توفرت عندك مجموعة زهرة الوتس اعطينا خبر

اسيلل
20-03-2013, 12:34 AM
السلام عليكم ورحمة الله و بركاتة
جميل جدا موضوعك جعلة في موازين حسناتك


عندي كم سوال و مشكلة ي ليت القي حل عندك


استخدمت حبوب (هيردال ) صار لي شهرين للاسف شديد قريت عنه كثير ونصحتني بة دكتورة ولاكن لم القى نتيجة في تكثيف او تقليل تساقط

في وحدة تقول استخدمية مرة ثانية لانة شهرين ماتكفي !
تقول يبي له تقريبا 6 اشهر لين تبان نتيجة فهل هذا صحيح ؟

___________________

وهل يوجد حبوب مغدية تفضليها للشعر ؟ بحيث انها تطول شعر وتكثفة وتقلل تساقطة



_________________


استخدمت زيوت هندية (نارجيل . ترشوب . كيشور )

بعد مابحثت عنها وقريت وشفت لها فوائد

ولكن عند استخدامي لها اصبح لدي تساقط كثير جدا و شعري ضعف ولم القى اي فائدة تذكر ف وقفت عن هل زيوت


مع علم انة شعري شديد شديد جفاف عند جزء السفلي من شعر اما فروة راس دهنية و متقصف و ضعيف :(

فماهي الزيوت المغدية للشعري :(
_______________


ماهي الاكلات الصحية المغدية للشعر ؟

___________


مارايك ب زيت بول الناقة او زيت الوزار الموجود في الاسواق ؟





+المعذرة على الاطالةةة :( ولاكن لدي امل ان القى حلول عندش :)

و شكرا جزيلا



اللهم صل على محمد و ال محمد

ع.الهواشم
20-03-2013, 01:05 PM
الله يعطيك العافيه
ورحم الله والديش استفد واااجد من معلوماتش
اذا توفرت عندك مجموعة زهرة الوتس اعطينا خبر
ان شاء الله حبيبتي قريب راح توصل :)

ع.الهواشم
20-03-2013, 01:40 PM
السلام عليكم ورحمة الله و بركاتة
جميل جدا موضوعك جعلة في موازين حسناتك


عندي كم سوال و مشكلة ي ليت القي حل عندك


استخدمت حبوب (هيردال ) صار لي شهرين للاسف شديد قريت عنه كثير ونصحتني بة دكتورة ولاكن لم القى نتيجة في تكثيف او تقليل تساقط

في وحدة تقول استخدمية مرة ثانية لانة شهرين ماتكفي !
تقول يبي له تقريبا 6 اشهر لين تبان نتيجة فهل هذا صحيح ؟

___________________

وهل يوجد حبوب مغدية تفضليها للشعر ؟ بحيث انها تطول شعر وتكثفة وتقلل تساقطة



_________________


استخدمت زيوت هندية (نارجيل . ترشوب . كيشور )

بعد مابحثت عنها وقريت وشفت لها فوائد

ولكن عند استخدامي لها اصبح لدي تساقط كثير جدا و شعري ضعف ولم القى اي فائدة تذكر ف وقفت عن هل زيوت


مع علم انة شعري شديد شديد جفاف عند جزء السفلي من شعر اما فروة راس دهنية و متقصف و ضعيف :(

فماهي الزيوت المغدية للشعري :(
_______________


ماهي الاكلات الصحية المغدية للشعر ؟

___________


مارايك ب زيت بول الناقة او زيت الوزار الموجود في الاسواق ؟





+المعذرة على الاطالةةة :( ولاكن لدي امل ان القى حلول عندش :)

و شكرا جزيلا



اللهم صل على محمد و ال محمد
لا انصح بأي فيتامين تاخذيه لان حتى الفيتامينات هذي حتى لو كان الجسم يحتاج لها راح تلاقين فيه اعراض جانبيه له ليش تاخذون فيتامينات وفيه طرق افضل الى هالشي بدون ماتاثر باجسامكم سلبا
من ناحية التساقط فيه بعض الزيوت قوية بمحتواها عالشعر او ماتناسب الشعر فتسبب بتساقطه يعني يكون العلاج عكسي مبدل مايوقفه يتساقط اكثر ولكن عموما زي ماذكرت بالرد السابق انه ردة فعل الشعر لما تبدئي بالاعتناء به يتخلص من التالف عشان يطلع لك شعر قوي افضل من اللي قبل الغالبيه تخاف وتوقف مع انه زيت طبيعي مضمون وفيه ناس ماعندها صبر لين تشوف النتائج بعينها وبالغالب راح تنتظرين ثلاث اشهر عشان تلاحظين نمو الشعر الجديد
وكيف تفرقين بين الزيت اللي يناسبك واللي مايناسب شعرك راح تلاحظين التساقط ماوقف حتى مع استخدامك له بمدة اكثر من شهر يعني التساقط اللي اتكلم عنه مو الطبيعي اللي يكون فوق المعدل الطبيعي
بالنسبه لزيت بول الناقه سمعت ناس كثير تمدحه ولكن ماجربته شخصيا والسبب لقيت سعره غالي وانا بصراحه كنت ادور شي سعره مقبول بالنسبه لي لانه ماراح استخدمه فتره بسيطه يعني مدة طويله محتاج لها تكلفه عاليه اذا فعلا يبيعونه بالسعر :confused:
وانا ما استغني عن حمام كريم بعد الشامبو خصوصا لما يكون عندي مناسبه وابي استشور شعري عشان يبقى مظهره حلو غير الشامبو اللي بستخدمه
يعني حسبتها لقيت يحتاج لها ميزانيه :D
لكن لو حابه تجربيه خيه سمعت كثير من اللي حولي انه عجبهم وناس كثير جربته وتقول استفادت منه
ولاني لقيت زيوت تعطي نفس النتيجه المطلوبه بسعر معقول فصرت استخدمها وله فكرت اني اجربه
زيت الوزر لما قرييت عنه اتوقع نفس زيت بول الجمل ماجربته هذا ولا سمعت احد جربه
عموما خيه لازم تكوني واثقه من الخطوه اللي تمشيها وتركي الخوف عنك لانه لو دققتي على كل شي راح يصيبه شعرك وتخافين تكملي على الزيوت ماراح تحصلين نتيجه مشكلة التساقط عشان يبدا شعرك بالنمو بحيث تلاحظين شعرك بدأ يتغيير للاحسن محتاج مداومه ومسألة وقت والكثير من الناس تستثقل هالشي تبي حل بالفانوس الشعري تنام تصحى تلقى شعرها حلو بدون تعب :confused:

بالنسبه للاكل اعطيتك النصائح العامه اللي تسوينها بحياتك بتكون افضل فيتامين تقديمنه لشعرك من ناحية الاكل
وحاليا راح اوفر زيت اللوتس بحجم اكبر ومعاه فيتامين لكن هالفيتامين يوضع بالشعر مو عن طريق حبوب هو يعتبر مثل الزيت اللي مع المجموعة لكن تركيزه اعلى وكميته اكثر راح اجربه واعطيكم النتيجه
اتمنى ماحد يفهمني غلط من ناحية السعر بس بجد عانيت من المبالغ اللي اصرفها بشكل كبير على شعري كلفتني ميزانيه خاصه بسبب الاسعار المرتفعه لذلك تكلمت عن هالنقطه لكن كل وحده ووجهة نظرها ومقدرتها وقناعتها بالنهايه

اتمنى افدتك بالاجابه
موفقه خيه :)

ع.الهواشم
20-03-2013, 01:43 PM
فيه ناس كثير سألتني عن المده اللي تحتاجها عشان توصل للي تبيه وهل لو قطعت عنه راح يأثر
هي تعتبر مجرد مسألة وقت مع المداومه حتى ماراح تحتاجين كل اسبوع تسوين حمام زيت يعني حتى انك تحاتين شعرك وتشيلين همه بتقل لانه شعرك بيكون قوي ومنظره حلو وماراح يتلف بسرعه لانك استخدمتي الطرق الطبيعيه وهذا اللي يميزها عن غيرها مالها اثار جانبيه وتعطي نتائج قويه صح مفعولها ياخذ فتره اطول من الطرق الثانيه لكن نتيجتها تدوم معك
موفقين يارب

ع.الهواشم
20-03-2013, 01:47 PM
بالنسبة للحوامل في فترة الرضاعه قد تتعرض لتساقط شعر وهالشي طبيعي حتى لو اخذت احتياجاتها الغذائية لانه الغالبيه مع تغيير الهرمونات عندها تسبب بهالمشكله بس زي ماقلت قبل مع الاهتمام راح تتخلص من هالمشكله يعني تعتبر مجرد وقت وراح يرجع شعرها بالتدريج الى شكله الطبيعي ومع استخدام الزيوت الطبيعيه راح يوقف التساقط ويرجع الشعر للنمو لكن لو ظلت مهملتنه طول هالفتره راح تلاقي شعرها شبه اختفى ولين يرجع محتاج وقت اكثر
بمعنى انه الشخص لو بدا بالعلاج من بداية المشكلة راح يكون حلها سهل افضل من لو تاخرتي بياخذ فتره اطول لين تحصلون عالنتائج
موفقين لكل خير

اسيلل
22-03-2013, 02:56 PM
لا انصح بأي فيتامين تاخذيه لان حتى الفيتامينات هذي حتى لو كان الجسم يحتاج لها راح تلاقين فيه اعراض جانبيه له ليش تاخذون فيتامينات وفيه طرق افضل الى هالشي بدون ماتاثر باجسامكم سلبا
من ناحية التساقط فيه بعض الزيوت قوية بمحتواها عالشعر او ماتناسب الشعر فتسبب بتساقطه يعني يكون العلاج عكسي مبدل مايوقفه يتساقط اكثر ولكن عموما زي ماذكرت بالرد السابق انه ردة فعل الشعر لما تبدئي بالاعتناء به يتخلص من التالف عشان يطلع لك شعر قوي افضل من اللي قبل الغالبيه تخاف وتوقف مع انه زيت طبيعي مضمون وفيه ناس ماعندها صبر لين تشوف النتائج بعينها وبالغالب راح تنتظرين ثلاث اشهر عشان تلاحظين نمو الشعر الجديد
وكيف تفرقين بين الزيت اللي يناسبك واللي مايناسب شعرك راح تلاحظين التساقط ماوقف حتى مع استخدامك له بمدة اكثر من شهر يعني التساقط اللي اتكلم عنه مو الطبيعي اللي يكون فوق المعدل الطبيعي
بالنسبه لزيت بول الناقه سمعت ناس كثير تمدحه ولكن ماجربته شخصيا والسبب لقيت سعره غالي وانا بصراحه كنت ادور شي سعره مقبول بالنسبه لي لانه ماراح استخدمه فتره بسيطه يعني مدة طويله محتاج لها تكلفه عاليه اذا فعلا يبيعونه بالسعر :confused:
وانا ما استغني عن حمام كريم بعد الشامبو خصوصا لما يكون عندي مناسبه وابي استشور شعري عشان يبقى مظهره حلو غير الشامبو اللي بستخدمه
يعني حسبتها لقيت يحتاج لها ميزانيه :d
لكن لو حابه تجربيه خيه سمعت كثير من اللي حولي انه عجبهم وناس كثير جربته وتقول استفادت منه
ولاني لقيت زيوت تعطي نفس النتيجه المطلوبه بسعر معقول فصرت استخدمها وله فكرت اني اجربه
زيت الوزر لما قرييت عنه اتوقع نفس زيت بول الجمل ماجربته هذا ولا سمعت احد جربه
عموما خيه لازم تكوني واثقه من الخطوه اللي تمشيها وتركي الخوف عنك لانه لو دققتي على كل شي راح يصيبه شعرك وتخافين تكملي على الزيوت ماراح تحصلين نتيجه مشكلة التساقط عشان يبدا شعرك بالنمو بحيث تلاحظين شعرك بدأ يتغيير للاحسن محتاج مداومه ومسألة وقت والكثير من الناس تستثقل هالشي تبي حل بالفانوس الشعري تنام تصحى تلقى شعرها حلو بدون تعب :confused:

بالنسبه للاكل اعطيتك النصائح العامه اللي تسوينها بحياتك بتكون افضل فيتامين تقديمنه لشعرك من ناحية الاكل
وحاليا راح اوفر زيت اللوتس بحجم اكبر ومعاه فيتامين لكن هالفيتامين يوضع بالشعر مو عن طريق حبوب هو يعتبر مثل الزيت اللي مع المجموعة لكن تركيزه اعلى وكميته اكثر راح اجربه واعطيكم النتيجه
اتمنى ماحد يفهمني غلط من ناحية السعر بس بجد عانيت من المبالغ اللي اصرفها بشكل كبير على شعري كلفتني ميزانيه خاصه بسبب الاسعار المرتفعه لذلك تكلمت عن هالنقطه لكن كل وحده ووجهة نظرها ومقدرتها وقناعتها بالنهايه

اتمنى افدتك بالاجابه
موفقه خيه :)








اشكرك الشكر الجزززززززيل

رحم الله و الديش و عطاش الله صحة و العافية


بنسبة للشامبو لي بتوفرينة ان جربتية خية و فادش صدز اديني خبر :)



استغفر الله ربي واتوب اليه

فانوس
22-03-2013, 11:27 PM
مرحباً ..

موضوع قيم بصرآحه ، نحتآج مثله لمعرفة كثير من تسآئلاتنا

لي عودة للقراءة ..

وَ لي عووده أيضاً مع بعض الأستفسآرات
أتمنى بأن لا أطيل بذلك ..

كوني بالقرب دائماً

الله يعطيكِ العآفية عزيزتي :)

ع.الهواشم
24-03-2013, 12:09 AM
اشكرك الشكر الجزززززززيل

رحم الله و الديش و عطاش الله صحة و العافية


بنسبة للشامبو لي بتوفرينة ان جربتية خية و فادش صدز اديني خبر :)



استغفر الله ربي واتوب اليه
ان شاء الله حبيبتي بعطيككم تجربتي قريب :)

ع.الهواشم
24-03-2013, 12:11 AM
مرحباً ..

موضوع قيم بصرآحه ، نحتآج مثله لمعرفة كثير من تسآئلاتنا

لي عودة للقراءة ..

وَ لي عووده أيضاً مع بعض الأستفسآرات
أتمنى بأن لا أطيل بذلك ..

كوني بالقرب دائماً

الله يعطيكِ العآفية عزيزتي :)
مرحبتين
وانا اتمنى اكون افيدكم باللي اقدر عليه
وانتظرك بعد ماتقرين الموضوع
اسعدني تواجدك وتواجد كل من كان لي متابع ومازال
وان شاء الله استطيع خدمتكم وافيدكم باللي تحتاجونه:)
موفقين لكل خير

كرزآ حمرا
25-03-2013, 06:00 PM
السلام عليكم
مشكوره خيه على طرح الموضوع مره استفدت منه
امم عندي مشكاكل بشعري واجد
وياليت اذا تقدري تفيديني
اول مشكله مسببه لي ارق
اني عمري 26 وشعري مليان شيب حتى اختي تقول شيبش اكثر من شيب امي:(
ما ادري وش اسوي عشان اقلل من انتشاره اروح المستشفى ما ادري شسوي
وهل الفتيمنات الي بالصيدليه تفيد لو لا
وشعري مره جااااف لان الماي عندنا مالح والجفاف الي فيه مو طبيعي رغم اني استخدم حمام زيت
ابغي شئ يكثف الشعر لان احس شعري مره يتساقط
اني ماعندي عنايه بشعري
حدي اغسله واحط حمام زيت او بلسم
واذا طلعت من الحمام بعض الاحيان احط كريم او زيت
ومرات اخليه بدون شي
ممكن تردي ع استفسارتي

بشاير أم علي
26-03-2013, 02:48 AM
يعيطش العافيه سيدة على هالموضووع الجميل والمفيد

بسلك عن زيت دابرا املا ؟؟؟ ويش تنحصينا به ?


والشعر المصبووغ مثل تجارب الشعر العادي في استخدام الشامبو والزيووت ؟


وهل كثرة صبغ الشعر يتاثر الشعر وواجد ؟


مثلا اني صابغه شعري بشهر شعبان وابي اصبغه هذا الاسبووع عاادي لو استنى الصبغه تنزل من نفسها


واذا فيه شامبو لو زيت غير الا ذكريته للشعر المصبوغ تنصحينا به


وياليت غناتي تذكري لينا نصايح لشعر الاطفال


قواش الله رحم الله ووالديش

ع.الهواشم
26-03-2013, 06:03 PM
السلام عليكم
مشكوره خيه على طرح الموضوع مره استفدت منه
امم عندي مشكاكل بشعري واجد
وياليت اذا تقدري تفيديني
اول مشكله مسببه لي ارق
اني عمري 26 وشعري مليان شيب حتى اختي تقول شيبش اكثر من شيب امي:(
ما ادري وش اسوي عشان اقلل من انتشاره اروح المستشفى ما ادري شسوي
وهل الفتيمنات الي بالصيدليه تفيد لو لا
وشعري مره جااااف لان الماي عندنا مالح والجفاف الي فيه مو طبيعي رغم اني استخدم حمام زيت
ابغي شئ يكثف الشعر لان احس شعري مره يتساقط
اني ماعندي عنايه بشعري
حدي اغسله واحط حمام زيت او بلسم
واذا طلعت من الحمام بعض الاحيان احط كريم او زيت
ومرات اخليه بدون شي
ممكن تردي ع استفسارتي
هلا خيه عذرا تاخرت بالرد بس لانه هالايام منشغله شوي
راح اجاوبك من ناحية الشيب
البعض قد يكون وراثي سرعة ظهور الشيب وطبيعة شعرهم له قابليه الى هالشي
والبعض الاخر يكون بسبب الضغوط النفسيه الكثيره وعدم التفريغ او تحميل الجسم طاقه اكبر من طاقته يسبب بظهور مشاكل مثل كثرة الشيب وووو وفيه بعض الاحيان يرجع الشعر للونه الطبيعي بمجرد مايتم تخفيف هذه الضغوط اقصد برجوع الشعر يعني الشعر اللي ينمو الجديد راح تلقينه رجع للونه ولما تتخلصي من الابيض بالقص يرجع شعرك الى مظهره السابق
كيف تخففين من الضغوط ؟
الرياضه بمدة لا تقل عن نص ساعه لذلك الرياضه مو مجرد المحافظه عالوزن والرشاقه زي مايعتقد البعض لكن وجود الرياضه مهم جدا حتى لتخفيف الضغوط وتفريغ الشحنات السالبيه من ضغوط الحياه وتلقين الجسم بعد الرياضه بحاله نفسيه افضل وطاقتك ترجع لك بشكل افضل
اول شي راح تحافظين على صحتك اذا داومتي عليها وهي الاساس اللي الكل يبيه انه صحته تكون افضل وثاني شي بما انه صحتك تمام وفرغتي من الضغط اللي عندك راح ترتاحي نفسيا ومع الايام راح تلاحظين حتى انجازك لمهامك اليوميه افضل
لذلك جدا مهمه تكون جزء من حياتنا اليوميه :)
كذلك جلسات المساج مفيده تنشط الدوره الدمويه وتساعد كثير من التخلص من الضغوط خصوصا لما تكون عند وحده شاطره راح تحسين بالفرق
وتمرين الاسترخاء كذلك من الامور اللي نتائجها مفيده من هالناحيه كذلك
الكلام راح يطول عن هالموضوع لكن خلاصة الحديث انه كثرة الضغوط قد تسبب بظهور الشيب والكثير من الاشخاص اعرفهم معرفه شخصيه لما استطاعوا التخفيف منها رجع لون شعرهم الاصلي بالتدريج
:)
الاسئله الثانيه غناتي راح اجاوب عليها قريب
الى ذاك الوقت كونوا بخير

galaxy*
26-03-2013, 08:53 PM
مررررررة مشكووورة على هالموضوع القيم >> الله يجعله بميزان حسناتك ويقضي حوائجك يارب

بالنسبة لي شعري متين والشعرة نفسها قوية وناعمة >> كنت اعاني من الجفاف بعد ماولدت لكن اللحين بعد 10 شهور من الولادة رجع ناعم وحلو لكني صبغته وتغير ملمسه عالطول من بعد ماتغسل من الصبغة

صار خشن وناشف ويتشربك مايرضى يتمشط>> صار لي اسبوع من صبغته وهذا وضعه

صرت كل يوم ازيته بعشرة انواع زيوت واغسله بشامبو مرتين واحط حمام زيت لعل وعسى يرجع ناعم ونفس الشي

وش اسوي :(؟؟

ع.الهواشم
27-03-2013, 02:30 AM
شعري مره جااااف لان الماي عندنا مالح والجفاف الي فيه مو طبيعي رغم اني استخدم حمام زيت
ابغي شئ يكثف الشعر لان احس شعري مره يتساقط
اني ماعندي عنايه بشعري
حدي اغسله واحط حمام زيت او بلسم
واذا طلعت من الحمام بعض الاحيان احط كريم او زيت
ومرات اخليه بدون شي
ممكن تردي ع استفسارتي
جفاف الشعر محتاج زيوت قوية المفعول وتصبري على شعرك تعتني فيه مثل ما كتبت بالاجوبه السابقه وراح تلقين شعرك خف من جفافه بشكل كبير خصوصا مع المداومه
من ناحية الماء المالح تقدرين بعد ماتخلصين من الاستحمام تعبين كاس او غرشة ماي يكون عادي مو مالح وتبلين شعرك فيها يعني اخر شي قبل لا تطلعي من دورة المياه الله يكرمك
وحمام كريم او البلسم يساعد على انه شعرك يصير ملمسه افضل
بس زي ماقلت لك لازم تستخدمين زيوت قوية المفعول عشان تعطي نتيجه للشعر بالشكل المطلوب وذكرت الزيوت اللي استخدمتها ولقيت نتيجه فيها والمداومه حطي عليها مليون خط لان ماراح يتحسن شعرك ويوقف التساقط الا اذا داومتي وصبرتي عليه
اتمنى افدتك
كوني بخير

ع.الهواشم
27-03-2013, 03:05 AM
يعيطش العافيه سيدة على هالموضووع الجميل والمفيد

بسلك عن زيت دابرا املا ؟؟؟ ويش تنحصينا به ?


والشعر المصبووغ مثل تجارب الشعر العادي في استخدام الشامبو والزيووت ؟


وهل كثرة صبغ الشعر يتاثر الشعر وواجد ؟


مثلا اني صابغه شعري بشهر شعبان وابي اصبغه هذا الاسبووع عاادي لو استنى الصبغه تنزل من نفسها


واذا فيه شامبو لو زيت غير الا ذكريته للشعر المصبوغ تنصحينا به


وياليت غناتي تذكري لينا نصايح لشعر الاطفال


قواش الله رحم الله ووالديش
هلا عزيزتي
زيت دابر املا هو يعطي نتيجه حلوه لكن مو لكل انواع الشعر يعني الشعر المتضرر كثييير فيه زيوت مفعولها اسرع غير كذا بصراحه ريحته شوي مزعجه خخخخخخ الوالده لما كنت احطه كانت كثير تنزعج من ريحته
استخدمته فتره لوحده حسيت شعري اوكي بس لحاله مايعطي النتيجه اللي ابيها مو زي لما اخلط معاه كذا زيت يعني ماحس قوته بالشكل المطلوب خصوصا لما يكون الشعر تالف ومحتاج عنايه كبيره
بالنسبه للشعر المصبوغ يبيله اهتمام اكثر لانه مهما كانت الصبغه ما اثرت بالشعر ومازال محافظ على قوته يظل بتقل صحة الشعره وهذا ملاحظ بشكل قوي جدا للي شعرهم تالف كثير وصبغوا شعرهم بينما الشعر الناعم مايكون ملاحظ عليه ارجع واقول مهما كانت الصبغه ماركتها حلوه ووووو يظل الشعر يتاثر ولو بشيء بسيط
من ناحية الاهتمام اكيد محتاج عنايه بشكل اكثر عشان يظل الشعر محافظ على لمعته وصحته وتظل الصبغه حتى لو نزلت باقي محافظه على شكلها
من ناحية التجارب نفس الشي المصبوغ والغير المصبوغ لكن المصبوغ تحاول تختار الزيوت المغذيه اكثر خصوصا للي شعرهم جاف
انك تصبغي بفترات قريبه ما انصح انتي حابه تجددي وبنفس الوقت ماتخسري شعرك وصحته يعني انتظري الصبغه تنزل اكثر وبعدها ارجعي اصبغيه وتجارب كثيره قد تكوني سمعتي عنها انه تحمسوا للتغيير ويصبغوا الشعر بفترات قصيره وبالنهايه كرهوا شي اسمه صباغ لانه شعرهم انعدم هالمده لين تنزل الصبغه يحتاجها شعرك عشان مع اهتمامك وعنايتك فيه بالزيوت يرجع الشي اللي فقده حتى لو كنتي مو ملاحظه انه تغيير
الزيوت اللي انصح فيها ذكرت لك الزيوت الطبيعيه مفيده واللي ذكرته باجوبتي السابقه هي الزيوت والشامبو و الحمامات الكريم اللي جربتها على شعري واستفدت منها كثير ماقدر اقول لك اسماء ماجربتها شخصيا المشكله مو على الزيوت فيه كثير منها بالسوق لكن شنو الشي اللي يعطيك النتيجه المضمونه وكذلك السعر مقبول ورائحتهم ووووو :confused:اللي موجودين بالمحلات يعطوا نتيجه لكن اللي ذكرتهم اعطت نتيجه افضل من انواع كثيره جربتها لاني جربت كثير كثيييير منها ولو اعدد لك شنو استخدمت راح تضيعي بكثرتها بس غالبيتها نتائجها شبه متساويه القليل منها اللي نتائجها مميزه وايجابيتها اكثر من المساويء
بالنسبه للاطفال شعر الطفل نفس شعر الكبير تقدري بالعنايه والاهتمام فيه تحافظي على صحة الشعر وكذلك يصير شعرهم للافضل واحرصي تكون زيوت طبيعيه لانه الطبيعيه مامنها ضرر لكن اي منتج حتى وان كان مكتوب عليه طبيعي بس ماتعرفي هو وش محتوي عليه وشنو ضايفين له ابتعدي عنه افضل لانه بعض المنتجات كاتبين زيوت طبيعيه الى الشعر كذا او او او بدون ذكر شنو الزيوت اللي موجوده يعني وهكذا ... قد يقول البعض انه مامنها ضرر لكن يفضل الابتعاد عنها انتي كذلك ماتبين تسوي تجارب بشعر الطفل :) بدون ماتعرفي شنو مصدرها وله حابه تسببي ضرر له
اتمنى افدتك خيه

ع.الهواشم
27-03-2013, 03:16 AM
مررررررة مشكووورة على هالموضوع القيم >> الله يجعله بميزان حسناتك ويقضي حوائجك يارب

بالنسبة لي شعري متين والشعرة نفسها قوية وناعمة >> كنت اعاني من الجفاف بعد ماولدت لكن اللحين بعد 10 شهور من الولادة رجع ناعم وحلو لكني صبغته وتغير ملمسه عالطول من بعد ماتغسل من الصبغة

صار خشن وناشف ويتشربك مايرضى يتمشط>> صار لي اسبوع من صبغته وهذا وضعه

صرت كل يوم ازيته بعشرة انواع زيوت واغسله بشامبو مرتين واحط حمام زيت لعل وعسى يرجع ناعم ونفس الشي

وش اسوي :(؟؟
هلا خيه
مشكلة شعرك عندك مجموعة اللوتس استخدميه
استخدمي زيت اللوتس مع زيت السمسم والشامبو مره وحده لا تغسلي شعرك مرتين الا اذا مررره اضطريتي
وحمام كريم اللوتس اخر خطوه ومع الايام راح تلاحظي يرجع شعرك بالتدريج
لكن مبدئيا تلاحظي ملمسه افضل صح بتلاقي شوي صعوبه بالتمشيط لكن استمري عليهم وراح تلقي شوي شوي يرجع شعرك افضل
حاليا تحتاجيه لانه شعرك يبيله تغذويه قويه بحكم انعدم من الصباغ لكن اذا استمريتي راح تلاحظي حتى المصبوغ صار منظره اوكي وتبدي اللخبطه اللي صارت لشعرك تنحل
اهم شي ماتتركي حمام الكريم لانه هو اللي بيساعدك بالتمشيط ويخفف من خشونته :)
وحاليا حاولي تجففي شعرك بالاستشوار عشان تحسي مظهره اوكي ولا يتعبك لما ينشف لين تحسي بدا يتجاوب معك ويصير عادي لو ظل بدون استشوار
موفقه خيه

زوبه دلع
27-03-2013, 03:39 AM
اهلين ،،
عندي سؤال .. اني شعري مايتساقط بس فيه فراعات مع انه مايتساقط والفراغات تزيد كان اول شي عندي جهة اكثف من جهة والحين الجهة الكثيفة بدت تخف مادري وش اسوي ..
مشكورة ..

galaxy*
27-03-2013, 11:30 AM
مشكووورة غناتي مرررة

هوه اني قلت مابستشوره اضره اكثر ..

وين القى مجموعة اللوتس؟؟

ع.الهواشم
27-03-2013, 01:43 PM
اهلين ،،
عندي سؤال .. اني شعري مايتساقط بس فيه فراعات مع انه مايتساقط والفراغات تزيد كان اول شي عندي جهة اكثف من جهة والحين الجهة الكثيفة بدت تخف مادري وش اسوي ..
مشكورة ..
بما انه فيه فراغات معناها شعرك يتساقط حتى لو على خفيف مو بغزاره لكن يتساقط وماينمو جديد غيره
ساعات تكون بسبب الاهمال وعدم الاهتمام وبعض الاحيان يكون بسبب انك عودتي شعرك على حركه معينه بشكل معين ماتغيريها فالشعر بالتدريج تزيد الفراغات خصوصا للي يشدو عالشعر كثير
العلاج استخدمي مجموعة لعلاج تساقط الشعر وتكثيف الشعر واحرصي على تدليك الفروه خمس دقائق عند وضع الزيت وحمام الكريم ولاتتركي شعرك مبتل وتغطيه لفترات طويله حاولي يكون مجفف مايبقى مرطب
وراح تلقي بالتدريج شعرك استجاب واذا انتي فعلا من الناس اللي تسريحة شعرك وحده حاولي تغيريها
وراح تلاحظين لما تبدين بالاهتمام الم في الفروة معناها الدورة الدمويه بدت تتنشط وراح تلاحظي نمو شعر جديد بعد فتره
موفقه خيه

ع.الهواشم
27-03-2013, 01:50 PM
مشكووورة غناتي مرررة

هوه اني قلت مابستشوره اضره اكثر ..

وين القى مجموعة اللوتس؟؟
هلا غناتي
بما انه شعرك صار صعب التسريح لما تستشوريه اريح لك هالفتره لين يرجع لوضعه
وبما انك تستخدمي شي يغذي شعرك ماراح يضر شعرك بهالفتره اهم شي انه يتغذا شعرك عدل ويرجع بالتدريج
المجموعه خلال هاليومين راح توصل وعدت العضوات اوفرها بسعر ارخص والتوصيل مجاني :)

راح اعطيك خبر اول ماتوصل
موفقه غناتي

احلى قموره
27-03-2013, 03:43 PM
يعطيك العاااافيه

ع.الهواشم
28-03-2013, 11:22 AM
الله يعافيك عزيزتي

يارا مصطفى
29-03-2013, 03:07 AM
حبيت اسألش عندي مشكلة بسيطة في شعري اني شعري من النوع الدهني امباه يصير متين من تحت احسه من تحت اضعف من فوق يعني من تحت متقصف مو كل الشعرات بنفس الطول هو طويل بس امباه يصير كثيف وطويل فهل من حلول ؟؟
ومشكورة على المساعدة:)

ع.الهواشم
29-03-2013, 11:44 AM
مع الاهتمام والزيوت راح يخف التقصف وتلاحظين شعرك يتحمل ومو بسرعه يتقصف
وبين فتره وفتره تقصينه يعني ماتتركين شعرك اطرافه تالفه او فتره جدا طويله بدون ماتقصينه
حتى نوعية القص ياثر في بعض القص يخلي الشعر كانه خفيفه بينما قصات ثانيه تعطي كثافه للشعر
البعض يقول بسرعه شعري يتقصف واذا قصيته كلما صارت اطرافه متقصفه ماراح يطول وهو حقيقة الشعر لما يكون سهل تقصفه معناه محتاج تغذيه تحميه من عوامل الجو والاستشوار ولو استخدمتي زيوت باستمرار راح تلاحظين المده بين القص وانه الشعر يتقصف راح تطول وبصير كل ست اشهر او اكثر يعني ثمان اشهر وهكذا تقصين اطرافه وبتلاحظين تغيير بشعرك بالتدريج وبصير حتى الشعره متينه
حاليا لا تهتمي بطوله اهم شي تحافظي على شعرك ماتكون اطرافه متقصه لما تلقين شعرك بعد الاهتمام تجاوب معك بدي بالمرحله الثانيه انه تخلينه يطول اكثر وراح تحصلين النتيجه اللي تبينها
موفقه غناتي

ام نرجس
29-03-2013, 11:20 PM
مشكوره اختي استفدت واايد من النصايح خصوصا وضع الشامبو ..

عندي بنتي شعرها دهني وحتى لما تغسله من يوم ثاني يزييت على قولتها مع انه الشامبو على ليمون ويناسب مشكلة شعرها وابتدت تخليه عشر دقايق بس على قولتها نفس الشي يمكن مع الاستمرار يصير احسن برايش ؟؟

واني شعري مشكلته صار خفيف يمكن من خلطة الاعشاب الي استعمليها الي تنعم اظن ..هوه مع الاستعمال يمكن صار خفيف يعني ماحسيت بتساقط ..بس فتره حسيت شعري يتقصص ما يتساقط كأنه الشعر مقصوصه بمقص ..واستخدمت زيت زين وطول الشعر والحين احسن بس حابه احافظ عليه اكثر لا ترجع المشكله وابغاه يمتن زي اول ..وبعد فيي حكه في جهه من شعري بس ومضايقتني وخصوصا لما تكون عليي اللفه لما اكون طالعه يعني تجيني الحكه اكثر شي مادري من ويش

وبنتي الصغيره شعرها جاف احط فيها زيوت دووم بس مافي فايده جاف مدري تنصحيني بزيت معين استمر عليه ؟؟

ومشكوره كثير على النصايح المفيده والله يعطيك العافيه :)

ع.الهواشم
30-03-2013, 01:21 AM
مشكوره اختي استفدت واايد من النصايح خصوصا وضع الشامبو ..

عندي بنتي شعرها دهني وحتى لما تغسله من يوم ثاني يزييت على قولتها مع انه الشامبو على ليمون ويناسب مشكلة شعرها وابتدت تخليه عشر دقايق بس على قولتها نفس الشي يمكن مع الاستمرار يصير احسن برايش ؟؟

واني شعري مشكلته صار خفيف يمكن من خلطة الاعشاب الي استعمليها الي تنعم اظن ..هوه مع الاستعمال يمكن صار خفيف يعني ماحسيت بتساقط ..بس فتره حسيت شعري يتقصص ما يتساقط كأنه الشعر مقصوصه بمقص ..واستخدمت زيت زين وطول الشعر والحين احسن بس حابه احافظ عليه اكثر لا ترجع المشكله وابغاه يمتن زي اول ..وبعد فيي حكه في جهه من شعري بس ومضايقتني وخصوصا لما تكون عليي اللفه لما اكون طالعه يعني تجيني الحكه اكثر شي مادري من ويش

وبنتي الصغيره شعرها جاف احط فيها زيوت دووم بس مافي فايده جاف مدري تنصحيني بزيت معين استمر عليه ؟؟

ومشكوره كثير على النصايح المفيده والله يعطيك العافيه :)
مشكلة الشعر الدهني للاسف ناس كثير تعتقد غسل الشعر يوميا هو حل لشعرها بينما الافضل ماتزيد عن غسله مرتين بالاسبوع لانه هي تخلي الشعر يتعب من كثر غسلة بالشامبو فيكون ردة فعله يدافع عن نفسه بزيادة افراز الزيت للشعر عشان يحافظ على نفسه
لكن لو غسلته بالمعقول زي مقلت بالبدايه بتعاني وتحس شعرها مزيت كثير لكن شوي شوي راح تلقى شعرها او بالاصح فروة راسها تجاوبت معاها وقل الزيت اللي كان بكثره يصير معاها
الاستمرار على الشامبو بالمده اللي قلتها تمام لانه هي تحافظ على نظافة الفروه عشان لا تعاني من مشاكل مستقبليه هي مجرد مسألة وقت تتسوي اللي قلته ولا تطفش بسرعه وبتلقى نتيجه

بالنسبه لمشكلة شعرك قد يكون شعرك من الاساس ضعيف ولكن وجود بعض التعرجات بالشعر الطبيعيه تعطيه كثافه لكن مع استخدام زيوت التنعيم تقل هذي التعرجات ويبدأ مظهر الشعر انه ضعيف بينما ماقل كثافته فقط قلت تعرجاته وكثير من الناس تلاحظ هالشي خصوصا اللي يسوي تلميس او كيرياتين وغيرها من المنتجات انه قبل شعرها غليظ بشكل غير مقبول وبعدها شعرها كثافته عادي لايقارن بين المنظرين
تقدري تزيدي من كثافته بالستخدام الزيوت الممتازه لكثافة الشعر وراح تلاقين مع الاستمرار الشعره صارت قويه وصار يطلع شعر جديد بشكل كبير استمرارك بالزيوت راح يحافظ على شعرك مايرجع زي قبل ويساعد على انه يصير افضل من وضعه الحالي
بالنسبه للحكه احتمال عندك قشره او شعرك لما تغسليه بالشامبو مايتخلص من كل الزيت اللي متواجد في فروة الشعر لذلك لما تغطيه تبدأ الحكه والمضايقه واذا استمر هالشي بيزيد
نصيحتي غيري الشامبو اللي تستخدميه وجربي منتج ثاني يناسب شعرك اكثر وكذلك لا تغطي شعرك فترات طويله بالحجاب وهو فيه زيت يعني حاولي اليوم اللي بيكون لبسك للحجاب مده طويله مايكون واضعه بشعرك لا زيت ولا كريم
بالنسبه لشعر بنتك الجاف في البدايه استخدمي معاها زيوت تغذيتها جيده مثل زيت اللوتس وزيت السمسم وعندك كمان زيت الخروع وزيت اللوز الحلو وزيت الصبار
زيت اللوتس مع زيت السمسم راح يعطي نتيجه مطلوبه بدون رائحه مزعجه خصوصا لانها طفله وحركتها كثيره واحتكاكها مع الناس بكثره والزيوت الطبيعيه غالبيتها تكون روائحها مزعجه ولك حرية الاختيار عزيزتي :)
استمري عليه وعندك حمام كريم اللوتس او حمام كريم زيت اللوز الحلو
هذول اكثر اثنين شخصيا ارتحت لهم خصوصا شعري جاف
مهم عزيزتي انه بعد الشامبو تحط حمام كريم لمده عشر دقائق اقلها او مررره اذا مستعجله خمس دقائق وتغسله بالماي
ليش مهم ؟؟ عشان تحمي الشعره وراح تلقى ملمسها احلى ومتغذيه حتى مع الاستشوار شكله بيطلع احسن فيه لمعه حلوه لكن مو مزيت واذا اضطريتي تستخدمي بعد الاستشوار او مثلا في التمشيط القليل من الكريم او زيت خفيف بعد الاستشوار مافيه مشكله بس لا تكثري حاولي زي ماقلت لك تسوين اللي قلت عليه
زيت بعدها شامبو بعدها حمام كريم ومع الايام راح تلقين شعرها تمام وشكله احلى حتى التعرجات راح تخف والشي الحلو بمجموعة اللوتس اذا استخدم بطريقه سليمه انه الشعر يحافظ عليه ويكثفه ويعطيه ملمس حلو وبعد لو فيها قشره يعالجها
الزيوت الطبيعيه تغذيتها للشعر ممتازه جدا ولا تضر للاطفال ومع الاستمرار تلاقين الطفله حتى لو تركته لفتره مضطره او شي ماراح يتاثر شعرها بشكل كبير ويتحمل شعرها لانه غذتها من الاساس من الجذور بطريقه سليمه وطبيعيه
مسالة الجفاف مع الوقت بالتدريج راح تلاحظين فرق كبير ولو حابه تقدرين تصورين شعر بنتك الان وبعد سنه لما تستمر على اللي قلته تصورينه مره ثانيه راح تلاقين فرق كثير ونتيجه جدا مرضيه ويمكن حتى ماتتوقعين شعرها راح يوصل الى هالنتيجه
اتمنى اجبتك بالشكل المطلوب موفقه غناتي :)

ع.الهواشم
30-03-2013, 01:31 AM
ملاحظه مهمه
لاتتوقعون بتلقون نتيجه بسرعه كبيره كل شي يجي بالسرعه عادي يروح بسرعه ولا تحسين بشي
لكن لما تداوموا وتصبروا النتائج بتجي بالتدريج بس ماراح بسرعه يتراجع شعركم للورا لو انشغلتوا و غصبا عنكم اهملتوه لفتره
ناس كثير تقول استخدمناالشي الفلاني ومالقينا نتيجه بينما لو تسالون كم المده مجرد اشهر جدا قليله
احنا مانستخدم العصا السحريه بالحلول نستخدم منتجات طبيعيه مالها اعراض جانبيه او ضرر
شي طبيعي تحتاجي للوقت عشان توصلي للنقطه اللي تبين توصلين لها
محتاج صبركم عزيزاتي ومع الايام راح تلقون الموضوع جدا سهل وبسيط بس يعطي نتائج كنتي تنتظرينها من زمان :)
موفقين لكل خير

ام نرجس
30-03-2013, 02:47 AM
مشكوره غناتي كفيتي ووفيتي .. بحاول اوفر الزيوت الي قلتي عليهم وان شاء الله بنتي تستفيد عليهم .

زيت اللوز استخدمه لشعر بنتي وزيت الخروع بعد استخدمته قبل كدا ..وحمام زيت الخاص للاطفال الي استخدمه هوه يصير حلو لنفس اليوم بس.. بس يوم ثاني يرجع الجفاف واني اسيطر عليه بالكريمات ..ان شاء الله اجرب الي ماجربتهم واحصل نتيجه مرضيه

مشكوره والله يعطيك العافيه ..:)

ع.الهواشم
30-03-2013, 01:45 PM
الله يعافيك عزيزتي اهم شي استفدتي ودعواتك لي بالموفقيه تكفيني
موفقين لكل خير

ام نرجس
30-03-2013, 04:05 PM
اكيد استفدت واايد ..
بس ياريت تحطي صوره لمجموعه زهرة اللوتس الي تستعمليها :)

رياحين الجوري
30-03-2013, 11:41 PM
هلا اختي ... انا شعري خفيف واجد وصارت تظهر فيه فراغات ويتساقط بعد بصراحة الوضع مضايقني شنو ممكن استخدم عشان وضعه يتحسن وهل مجموعه زهرة اللوتس تفيد لحالتي وبكم توفرينها ؟

ع.الهواشم
31-03-2013, 12:32 AM
المجموعة راح تنزل بموضوع انتظر الموافقه عليه وبتكون فيها الاسعار وشوفوا اللي يناسبكم
بالنسبه لسؤالك اختي المجموعه تغذيه قويه ولو كمان تاخذين زيت السمسم وتحطينه مع زيت اللوتس يكون افضل كمان بس لو استخدمتي زيت اللوتس يكفي لوحده بس نتيجه افضل اكثر تضيفين زيت السمسم معاه وماهو غالي زيت السمسم تلقينه بعشره ريال ولو تبون عادي اوفره مع المجموعه هو متوفر باماكن كثيره وتلاقونه بسهوله
ان شاء الله راح يرجع زي قبل شعرك واحسن بعد باذن الله بس دائما اقول لكم اهم شي تستمروا وراح تلقون يرجع اللي تساقط وكمان ينمو شعر جديد بعد
انا شعري من الامام كان متساوي هالايام صار يطلع لي شعر زياده بعد وانا مستمره عليه ولو جا فترة تقلب الجو بين الشتا والربيع وبين الصيف والخريف يكون الشعر يتساقط بشكل بسيط وهالشي طبيعي تلقين بعد فتره يطلع لك شعر جديد وتحسينه كانك ماخذه مقص وقاصه من شعرك بشعر عشوائي ومع القص والترتيب يتساوى مع الشعر ويصير الشعر كثيف اكثر ومنظره افضل
وزوجي شعره جدا ضعيف والحين مظهره صار افضل وبدا يظهر له بمناطق من سنين اختفى الشعر منها
يعني مع المداومه تلقين الشعر يتجاوب معك وتلاقين تحسن لا تستعجلوا وتفكروا انه الموضوع باسبوع بتحصلوه نما الشعر ياخذ وقت شوي شوي وتلقون النتيجه لكن اهم شي يخف التساقط بالتدريج
وياليت تستخدمون لشعركم زيت الورد هو ماهو مغذي بشكل قوي للشعر بس قريت عنه بكتب ركز عليه انه من الاشياء اللي مفيده للذاكره وفروة الرأس وتلقون ثلاث اغراش بعشره ريال وانتوا بتحطون منه كميه بسيطه جدا فقط عشان تحصلون على فوائده يعني ماراح يكلفكم كثير وتلقونه بكل مكان يبيعونه
لكن لو مو حابين تستخدمون كل هذا وتكتفوا بزيت اللي موجود بالمجموعه عادي ماياثر فقط لمجرد الفائده اكثر
موفقين عزيزاتي لكل خير

ع.الهواشم
04-04-2013, 03:08 PM
كريم الكيرياتين جربته
تغذيته حلوه ويناسب الاشخاص اللي مايبوا يستشوروا شعرهم
او مثلا الاطفال بحكم انه قليل اذا بيستخدموا الاستشوار او الاطفال الذكور لحماية شعرهم من اشعة الشمس
مغذي جدا للشعر خصوصا للشعر الجاف
ومكتوب عليه للتكثيف والتغذيه القويه هذا ما اقدر احكم الان لانه ماصار وقت عليه من استخدمته
موفقين لكل خير

نجوم الارض
04-04-2013, 10:50 PM
مررة استفدت من موضوعك
الله يسعدك <3
شعري كان كيرلي وفيه نفشة شوي بعدين جربت الكيراتين وصار الشعر اللي يطلع يصير مجعد مو نفس شعري قبل :/
ف قلت ماراح أسويه راح أخليه يرجع زي قبل وأحسن ان شاء الله :)
أول مرة أسمع أن الشامبو نخليه ع الشعر ساعتين وبالذات هيد آند شولدرز اللي واجد يذموه وشكلي باجرب طريقتك وبالذات للتساقط ..
والزيوت اللي ذكرتيها كيف استخدمها يعني مثلاً بالأسبوع خمس مرات ؟ أو يضر ؟ يعني كحد أقصى كم مرة أستخدمهم ؟
وأقدر أستخدم كل يوم نوع غير عشان آلاقي النتيجة اللي أبغاها من كل واحد .. ؟
واذا ممكن ترسلي لي رقمك وسعر المجموعة والشامبو و .. بسألش أٌدر استخدمه مع استخدامي لزيت الخروع وهالطقه ؟!
حابة أجربه وان شاء الله يفيدني :))

وردة الربيع
04-04-2013, 11:13 PM
كم سعر مجموعة اللوتس لوماعليش امر
ويش تشمل وهل تنفع للشعر الجاف والمتقصف
وعذرا لو كان السؤال مكرر لانه مايمديني اقرء كل الصفحات

ع.الهواشم
05-04-2013, 12:48 AM
مررة استفدت من موضوعك
الله يسعدك <3
شعري كان كيرلي وفيه نفشة شوي بعدين جربت الكيراتين وصار الشعر اللي يطلع يصير مجعد مو نفس شعري قبل :/
ف قلت ماراح أسويه راح أخليه يرجع زي قبل وأحسن ان شاء الله :)
أول مرة أسمع أن الشامبو نخليه ع الشعر ساعتين وبالذات هيد آند شولدرز اللي واجد يذموه وشكلي باجرب طريقتك وبالذات للتساقط ..
والزيوت اللي ذكرتيها كيف استخدمها يعني مثلاً بالأسبوع خمس مرات ؟ أو يضر ؟ يعني كحد أقصى كم مرة أستخدمهم ؟
وأقدر أستخدم كل يوم نوع غير عشان آلاقي النتيجة اللي أبغاها من كل واحد .. ؟
واذا ممكن ترسلي لي رقمك وسعر المجموعة والشامبو و .. بسألش أٌدر استخدمه مع استخدامي لزيت الخروع وهالطقه ؟!
حابة أجربه وان شاء الله يفيدني :))
انا كنت اخلي الشامبو على شعري ساعتين لانه كنت اعاني من قشره قويه بالشعر تعبتني
كبداية تقدري تستخدميها كل يوم لمدة ساعتين بعدين مرتين بالاسبوع او مره بالاسبوع
عادي تخلطي الزيت مع نوع ثاني من الزيت ولو تستخدمي معه زيت اللوز المر وزيت السمسم وزيت الورد يكفيك والريحه عاديه يعني مو قويه و راح تلاحظي النتيجه وكوني واثقه انه راح تحصلي على نتيجه ولا تكوني عجوله اهم شي بالنهايه راح تلقي اللي يرضيك
والمعلومات راح ارسلهم لك عالخاص موفقه غناتي

ع.الهواشم
05-04-2013, 12:50 AM
كم سعر مجموعة اللوتس لوماعليش امر
ويش تشمل وهل تنفع للشعر الجاف والمتقصف
وعذرا لو كان السؤال مكرر لانه مايمديني اقرء كل الصفحات
هلا خيه
ايوه تغذيه حلوه كثير للمتقصف وللجاف وحتى اللي شعرها مايعاني من تساقط بس مو غليظ مره راح تلاحظ ينمو شعر زياده ويغلظ شعرها اكثر

ع.الهواشم
05-04-2013, 01:16 AM
هل الزيوت المعطره المخصصه للشعر مضره له ولاتعطي النتيجه المطلوبه ؟؟
فيه ناس كثير يعتقدوا انه الزيوت المعطره يعني مو عدله وكلما كانت ريحة الزيت جدا قويه يعني النتيجه اللي راح يعطيها للشعر جدا ممتازه لكن هذا الشي مو صحيح
لانه بعض المصانع تسحب الرائحه القويه من الزيت وتضيف له رائحه عطره عشان المستخدم يتقبل ريحتها
الموضوع ماتجي بالرائحه كثر ماهو تركيز الزيت نفسه ومدى استفادة الشعر منه
وهذا الكلام يندرج على الشامبو وكذلك حمام الكريم وغيرها من الاشياء اللي تستخدم للشعر
موفقين لكل خير

تاج محل
06-04-2013, 02:06 PM
ممكن صورة كريم الكرياتين وطريقة الاستخدام
وين احصله

امل بالله
06-04-2013, 06:09 PM
السلام عليكم ,

الموضوع جدا رائع ومفيد الله يعطيك الف عافية ..

عندي مشكلة بشعري وحابة استفسر منك , اني شعري خفيف وجاف وصعب ان يطول بسرعة مع العلم ان ما اقصه واجد

واضطر اني استخدم مكواة الشعر بدل من الاستشوار لاني جامعية واضطر لهالشي بسبب ان شعري خفيف ولما اغسله يجف بشكل

كبيييير والتموجات فيه تكون واضحة فالاستشوار مايساعدني بالعكس ينفش لي الشعر مع العلم ان مقدمة راسي الشعر بدون تموجات

ف حابة اعرف شي امشي عليه ويساعدني خصوصا مع استخدام المكواة اغلب الوقت وهذا مازمني لاني عارفة النهاية مع التساقط

اللي بدا يزيد مع الوقت .. ولو بستخدم زيوت في حد اوقف عنده مثلا كم زيت استخدم وكم مرة في الاسبوع خصوصا ان شعري

يتاثر بشكل كبير باي شي احطه فيه وهذا سبب لي مشاكل من ناحية ان التساقط زاد .. شعري متوسط النعومة مو متعب في التسريح

بس التموجات تعطيه شكل ثاني وكانه خشن

عذرا على الاطالة بس ومنكم نستفيد مشكوورة وربي يوفقك على الافادات

زهراء من النور
06-04-2013, 07:47 PM
السسلام علييكم

حابه استفسر مننك ..

شعري دهنني وخفييف ويتساقط وهدا الشي يتعبني

يعنني لازم اغسسله كل يوم ولاا اقدر استخدم الستشوار او المكوى

ويش الحل معااة !!

ع.الهواشم
06-04-2013, 09:32 PM
السلام عليكم ,

الموضوع جدا رائع ومفيد الله يعطيك الف عافية ..

عندي مشكلة بشعري وحابة استفسر منك , اني شعري خفيف وجاف وصعب ان يطول بسرعة مع العلم ان ما اقصه واجد

واضطر اني استخدم مكواة الشعر بدل من الاستشوار لاني جامعية واضطر لهالشي بسبب ان شعري خفيف ولما اغسله يجف بشكل

كبيييير والتموجات فيه تكون واضحة فالاستشوار مايساعدني بالعكس ينفش لي الشعر مع العلم ان مقدمة راسي الشعر بدون تموجات

ف حابة اعرف شي امشي عليه ويساعدني خصوصا مع استخدام المكواة اغلب الوقت وهذا مازمني لاني عارفة النهاية مع التساقط

اللي بدا يزيد مع الوقت .. ولو بستخدم زيوت في حد اوقف عنده مثلا كم زيت استخدم وكم مرة في الاسبوع خصوصا ان شعري

يتاثر بشكل كبير باي شي احطه فيه وهذا سبب لي مشاكل من ناحية ان التساقط زاد .. شعري متوسط النعومة مو متعب في التسريح

بس التموجات تعطيه شكل ثاني وكانه خشن

عذرا على الاطالة بس ومنكم نستفيد مشكوورة وربي يوفقك على الافادات
بالنسبه لمشكلة شعرك الواضح انك ماتعتنين به بالشكل المطلوب وهالشي مسبب كل هالمشاكل بشعرك
تمر علينا اوقات من كثر المناسبات او الجامعه او شي ثاني ما نستغني عن الاستشوار بالمره لكن مع اهتمامك المستمر بالشعر ماراح يكون ضرره كثير
تقدرين تخففين من الاستشوار عندك الاجازات استغليها ولاتستشوري بزياده الا اذا فعلا مضطره
عندك خميس وجمعه ماعندك ارتباط اتركي شعرك بدون استشوار
بالنسبه للزيوت
عندك زيت االخروع وزيت الحبه السودا وزيت السمسم وزيت اللوز الحلو وزيت اللوز المر وزيت الصبار وزيت الجرجير فيه زيوت كثيره تفيد وتغذي الشعر
وفيه مجموعة اللوتس ويفضل تستخدمي زيت اللوتس مع زيت السمسم عشان التغذيه تكون اقوى بحكم شعرك تعبان كثير مع التدليك خمس دقائق عند وضع الزيت عشان ينشط الدوره الدمويه ورائحته عاديه
اذا تبين من المجموعة راسليني عالخاص وحاطه الاسعار بموضوع بالمنتدى والنتيجه مجربه شخصيا ومضمونه بيحل لك المشاكل اللي عندك
واذا مو حابه كل الزيوت اللي ذكرتهم تفيد لشعرك تستمري فيهم راح تلقين نتائج حلوه لكن البعض روائحهم قويه ابتعدي عنهم بحكم انك بمجتمع الجامعه لانه ريحتهم تظل بالشعر ومزعجه حتى بالاستشوار
كم مره بالاسبوع ؟ بالغالب كل الزيوت بالبدايه تحطيهم كل يوم لمدة اسبوع بمدة يفضل لاتقل عن نص ساعه وبعدها مرتين بالاسبوع لمدة شهر وبعدها مره بالاسبوع
بالنسبه انه صعب يطول شي طبيعي وهو تعبان مهما طول ماراح يبان عليه لانه الشعره لما تكون تالفه ماتحسيها تطول بالشكل المطلوب بس لما تبدي بالعنايه والاهتمام راح تلقين شعرك يطول ومنظره افضل

اتمنى افدتك غناتي:)

ع.الهواشم
06-04-2013, 09:38 PM
السسلام علييكم

حابه استفسر مننك ..

شعري دهنني وخفييف ويتساقط وهدا الشي يتعبني

يعنني لازم اغسسله كل يوم ولاا اقدر استخدم الستشوار او المكوى

ويش الحل معااة !!
وعليكم السلام
اول شي خيه وقفي انك تغسليه يوميا حتى لو حسيتي ماينفع
راح تكون فقط بداية الامر صعب بعدين راح تلقين شعرك يتجاوب معك ويقل الزيت اللي فيه
لانه شعرك من كثر الغسيل يحاول يحمي نفسه بزيادة الافرازات الدهنيه لذلك وقفي هالشي واغسليه مرتين بالاسبوع فقط
بالنسبه للتساقط في الرد السابق قلت علاج هالشي وذكرت وش تسوي له بالضبط
بتقولي شعرك دهني والزيوت ماتنفع له ؟
بقولك انه شعرك محتاج تغذيه والزيوت اللي تفرزها فروة الرأس مالها دخل بالزيوت اللي بتحطيها بشعرك عشان تغذي شعرك والشامبو ماتستخدمي الا نوع واحد مايقل عن عشر دقائق واذا مستعجله خمس دقائق في فروة الرأس
المهم انه ماتنسي تدلكي فروة الشعر وتستمري عليه مو فتره وتقطعي راح تلقين شعرك تحسن ووقف التساقط وينمو لك بشكل ملحوظ شعر جديد
موفقه غناتي

وردة الربيع
09-04-2013, 04:30 PM
هلا غناتي
حبيت اسال لو اني اخلي الزيت اي نوع يعني من الزيوت على شعر يوم كامل هل ياثر على الشعر ويتلفه ويسبب تقصف اكثر

ع.الهواشم
10-04-2013, 12:00 AM
هو ياثر على الشعر ويسبب له مشكلة التساقط
والسبب لانه الزيت يسد مسام الشعره مع تكرار هالشي وماتنظفين فروة راسك من الزيوت اللي تحطينها بشكل جيد يسبب ضعف بالشعره وبالتالي تساقطها
اذا تبين تحطين شي لشعرك بحيث يسهل تسريحه وتغذيه عندك كريمات كثيره متنوعه تحطينها بعد ماتغسلين شعرك بحيث يمتصها الشعر ولايضرها بالعكس يغذيها اكثر
اتمنى افدتك عزيزتي موفقه

وردة الربيع
14-04-2013, 11:53 PM
هلا غناتي عندي استفسار صغير
زيت اللوتس ثقيل وزيت السمسم نفس الشي اذا خلطناهم جميع بصير ثقيل بالمره ؟؟؟
كيف طريقك لو ماعليش امر

ع.الهواشم
15-04-2013, 12:09 AM
تحطين زيت اللوتس عالشعر وبعدها تحطي قليل باليد زيت السمسم وتوزعيه عالشعر مع التدليل خمس دقائق لفرة الرأس وبعدها تحطين القبعه
مع الاستمرار راح تلاحظين الشعره صارت انعم ومتغذيه بشكل جيد وينمو لك شعر جديد
بالنسبه للشامبو تستخدميه مره وحده بعد الزيت واذا حسيتي الشعر باقي فيه زيت وما انغسل عدل عادي تحطي الشامبو مره ثانيه
لما توصلين لمرحلة مره بالاسبوع راح تلاحظين شعرك افضل وشكله افضل وحتى لو انقطعتي اسبوع او شي شعرك يظل محافظ على شكله
بالنسبه انه الزيت ثقيل عموما الزيوت الثقيله تعطي نتائج ايجابيه للشعر بشكل اسرع
موفقه غناتي

zainab y
15-04-2013, 05:34 PM
آهلآ آختي ..

مو فقه لكل خييير و حب ..

آني شعري يتسآقط بكثرة مآتتصوريهآ ع آقل شي يطيح

و سمعت عن حبوب زيت كبد آلحوت آنه يعوضني عن الفيتمينات بس الى آلآن مآجربت خآيفه من آلنتيجه

و مو عآرفه وش آلحل معآه صآير ضعيف مرآ .. اتمنى آنك تفيديني

وآلله يوفقكِ <3

ع.الهواشم
17-04-2013, 11:18 AM
هلا خيه
اذا كنتي ناقصنك فيتامينات وتغذيتك سيئه شي طبيعي الشعر بيتساقط وبيتلف
غير الاعراض الجسمانيه اللي بتحسي فيها
لذلك قبل لا تبدي بعلاجه من الخارج بالزيوت
بدي رتبي وضعك من ناحية الوجبات والتنويع بالكميات اللي جسمك يحتاجها
الخطوه الثانيه استخدمي زيوت تعالج التساقط وتساعد على تقوية الشعر اذا بديتي من هالناحيتين راح تلاحظي تغيير كبير بشعرك من والى
والغالبيه تهمل الجانب الغذائي وهالشي اكبر خطأ لانه شعرك اذا كان سبب تساقطه من الناحية الغذائيه فاعرفي انه تساقط الشعر اول مشكله راح تليها مشاكل ثانيه وانتي ماتبين هالشي
لذلك لازم تسوي موازنه بين تغذية الداخل والخارج
لانه الاثنين مكملين لبعض ماتقدري تعتمدي على واحد دون الثاني
موفقه خيه لكل خير :)

انتظار الفرج
06-05-2013, 06:09 AM
خيه آنا المكوى هلك شعري صار يتقطع والله قلبي معورني على شعري ابي اعتني فيه عنايه مكثفه ساعديني خيه صار مقصف بقوه ومتقطع قوي

زهره اللوتس
06-05-2013, 06:46 AM
هلا خية اني شعري كل مااغسلة كلة جاف ماكني حاطة فية شامبو وكلة مزيت

ع.الهواشم
06-05-2013, 04:54 PM
خيه آنا المكوى هلك شعري صار يتقطع والله قلبي معورني على شعري ابي اعتني فيه عنايه مكثفه ساعديني خيه صار مقصف بقوه ومتقطع قوي
هلا غناتي بالنسبه لشعرك بالنسبه للمكوى الحين طلعت انواع جديده من المكوى تعطي شعرك منظر حلو لكن الاثار اللي تتركها عالشعر اقل من المكوى العادي
الحين انتي محتاجه تبعدي قدر الامكان عن الاستشوار والمكوى
خذي لك مجموعه اللوتس معاها زيت السمسم وبدي اعتني فيه اول اسبوع يوميا تحطي المجموعه بعدها شهر مرتين بالاسبوع بعدها مره بالاسبوع
وراح تحسين بتغييير كبير على شعرك
الشي الثاني حاولي انك اكلك يكون فيه تنويع وفيه فواكه وخضار يوميا عشان تساعد على تحسن في شعرك
وانتي تعتني فيه بين فتره وفتره قصي الاطراف وراح تلاحظين شعرك اللي ينمو اقوا من شعرك الحالي وراح تلاحظين كذلك انه فيه شعر جديد ينمو
بالنسبه هل لو تركتي المجموعه راح يتضرر شعرك ؟
لا ماراح يتضرر لو استمريتي على العنايه فيه انتي حالياه محتاجه تغذيه مكثفه الى بصيلات الشعر عشان ترجع لقوتها اكثر واهتمامك بشعرك وعنايتك له راح يقلل المشاكل اللي تظهر للشعر ويحميه بمده اطول
لكن حاليا تحتاجي تغذيه مكثفه لذلك نصحتك فيها وبعدها لما تحسين شعرك تحسن وصار افضل وخلصت المجموعه ومو حابه تاخذين غيرها تقدرين تستخدمي زيوت اخرى عادي لانه شعرك بيكون وضعك افضل ومع العنايه راح تلاحظي تغير كبيير بشعرك ونتائج مرضيه
بالبدايه راح تلاحظي الاطراف بسرعه تتكسر ماتاخذ فتره طويله بين الوقت اللي قصيتي فيه شعرك وبين الاطراف تتقصف وهالشي طبيعي لانه شعرك بنيته ضعيفه شوي شوي راح تلاحظين شعرك مده طويله مايتقصف غير انه تزيد كثافته
اتمنى تتابعي موضوعي عن الكيراتين راح يفيدك فيه معلومات تخليك تفهمين بنية الشعره وكيف العنايه بها بشكل اكثر
ومع الايام بيكون العنايه مريحه لانه بيكون شعرك خلاص صار صحي وقوي فقط تحميه من انه يتلف
اتمنى افدتك باللي اقدر عليه
موفقه غناتي لكل خير

ع.الهواشم
06-05-2013, 04:57 PM
هلا خية اني شعري كل مااغسلة كلة جاف ماكني حاطة فية شامبو وكلة مزيت
هلا غناتي
شعرك اذا جاف مع الزيوت والاهتمام راح يقل جفاف بس اهم شي تهتمي بتغذية الفروه بالشكل المطلوب
اما بالنسبه للشامبو اللي فهمته انه مشكلتك معه انه ماتتركيه فتره على طول تغسلين شعرك بعد ماتحطين الشامبو والطريقه الصحيحه تتركين الشامبو على شعرك خمس دقائق على الاقل عشان تستفيدين من اللي موجود في الشامبو وكذلك عشان فروة الراس تنظف من الزيوت المتراكمه فيها واللي تخلي تراكمها تسبب لك مشاكل بالشعر من ضمنها التساقط وضعف في بنيه الشعره
موفقه غناتي لكل خير

عروس صغنونة
06-05-2013, 07:42 PM
مشاء الله عليك , الله يجزيك خير ع هالموضوع القيم فعلا
أنتظر رقمك ع الخاص خيه ,

موفقه ,

انتظار الفرج
07-05-2013, 06:30 PM
خيه زيت اللوتس وين ينباع الله يسلمش خيه

ع.الهواشم
07-05-2013, 10:50 PM
خيه انا اوفره غناتي بحكم اني استخدمه كثير
راح اتواصل معك عالخاص غناتي

ع.الهواشم
07-05-2013, 11:04 PM
مشاء الله عليك , الله يجزيك خير ع هالموضوع القيم فعلا
أنتظر رقمك ع الخاص خيه ,

موفقه ,
تسلمي غناتي اهم شي تستفيدي ويكفيني دعواتكم الصادقه لي بظهر الغيب :)

يااسمينه
08-05-2013, 01:36 AM
الله يعطيك الف عافيه مشكووره على جهودك معانا ..
مافضل زيوت للشعر اذا ممكن تساعدينا بالاسماء ووين تتوفر وافضل مكان ممكن نتعامل معاه منتجاته مضمونه طبيعيه غير مغشوشه
وش رايك بالمحلب للشعر سمعت انه ينعم وكذالك السدر
شنو افضل منتج يساعد على تقوية بصيلات الشعر وانبات الشعر
شنو افضل خلطه طبيعيه للشيب وياريت لو فيه منتج والا خلطه تساعدفي عدم ظهور الشيب
شنو رايك بحبوب من جي ان سي ؟

ع.الهواشم
08-05-2013, 02:21 AM
الله يعطيك الف عافيه مشكووره على جهودك معانا ..
مافضل زيوت للشعر اذا ممكن تساعدينا بالاسماء ووين تتوفر وافضل مكان ممكن نتعامل معاه منتجاته مضمونه طبيعيه غير مغشوشه
وش رايك بالمحلب للشعر سمعت انه ينعم وكذالك السدر
شنو افضل منتج يساعد على تقوية بصيلات الشعر وانبات الشعر
شنو افضل خلطه طبيعيه للشيب وياريت لو فيه منتج والا خلطه تساعدفي عدم ظهور الشيب
شنو رايك بحبوب من جي ان سي ؟
هلا غناتي
بالنسبه للمحلب للاسف ماجربته سمعت ناس قالوا عنه بس مو متاكده هل فعلا يعطي نتائج ملحوظه وقويه او لا مدري
السدر يخلي الشعر جاف وكذا وحده جربته ومن ضمنهم انا حسيته يجف الشعر كثير وفيه وحده من الزباين قالت تلف شعرها بسبب السدر لانه صار جاف بشكل مو طبيعي
من ناحية الشيب انه يرجع الشعر لونه اسود هذا يعتمد على الاسباب اللي خلت الشيب يطلع
اذا كان من كثر الضغوط النفسيه لما تتخلصي من الضغوط وتحاولي تبعديها عنك ونفسيتك تصير اوكي يرجع لون شعرك بالتدريج
اذا كان مثلا تستخدمي عطور في الشعر من الاسباب اللي تساعد بظهور الشيب فتوقفي عنها
وقد يكون طبيعة شعرك بسرعه الشيب يطلع فيه وهذا ماتقدري تسيطري عليه لانه وراثي هالشي او طبيعة شعرك قابله انه بسرعه يروح اللون منها

افضل الزيوت من اللي جربته من زيووت كثيره لايسع الوقت لذكرها
افضل شي حتى المتخصصين بطب الاعشاب مايختلفوا عليها
زيت الخروع والسمسم والحبه السوداء والجرجير وزهرة اللوتس وزيت الصبار وزيت اللوز الحلو زيت اللوز المر هذا افضلها وفيه غيرهم كذلك

لو بتسألني عن افضل شي من بينهم بقولك كلهم حلوين لكن افضل زيت اللوتس وزيت السمسم وزيت اللوز المر والحلو كذلك لاسباب اللي هم ريحتهم عاديه وتعطيك نتائج مررره حلوه الباقي روائحهم قويه كثير
افضل مكان تتعاملي معاه منتجاته اوكي بصراحه مقدر ارشح لك احد لاني تعاملت مع كثير من المحلات والغالب ماتلقين كل الزيوت اللي تبينها من محل واحد يعني على حسب بس ما انصح تاخذين من الزيوت اللي بالصيدليه لاني قارنت بين الاسعار حسيتها غاليه ولو لقيت محل يوفر كل هالاشياء واسعاره حلوه راح اعطيك خبر غناتي
بالنسبه لزيت اللوتس صرت اوفرها المجموعه كلها شامبو وحمام كريم وزيت اللوتس وكذلك اوفر زيت السمسم كما ذكرت لاني صرت استخدمها انا وزوجي ولقيت نتائج افضل مما توقعت خصوصا على شعر زوجي اللي قريب يصلع
و الزيت طبيعي وتلاحظين انه ثقيل وتغذيته جدا ممتازه الزيت ينفع للي عندهم الصلع والثعلبه واللي عندهم القشره واللي يعانوا من تقصف او ضعف بالشعره ومانزلت المنتج بالمنتدى الا بعد ما استخدمت المنتج لمدة تسع اشهر من زيت وشامبو وحمام كريم
الخلطات الطبيعيه الموجوده بالمنتديات تفيد للشعر بس مو مره كثير يعني تحتاجي وقت اكثر لين تحصلي نتئجه مرضيه غير انه روائحها قويه ومكلفه
قد يعتبرها البعض اني اسوي دعايه بس الحقيقه انا عانيت بشكل كبير بشعري وجربت كثييير اشياء
عانيت من الروائح القويه من بعض الزيوت وكذلك من التكاليف الباهظه لبعض المنتجات بدون نتئجه مرضيه غير استخدامي للخلطات الطبيعيه من بيض وزبادي ووووووو
عالم الاهتمام بالشعر متشعب وكثيييير يتكلموا عن الخلطات والدعايات اللي غالبيتها ماتكون صادقه
لذلك حاولت اني اساعد اللي يبون نتائج مضمونه اعطيهم المنتجات اللي فعلا لقيت شي مرضي وخلاصه ماجربته على شعري خلال التسع او العشر سنين اللي طافت
اهم شي انكم تستفيدوا وتلقون النتيجه المطلوبه :)
موفقه غناتي

ليلكية
08-05-2013, 02:31 AM
مرحبا
ياليت اتفيديني بمشكلتي غناتي
انا شعري يتساقط كثييير وباهت
لما ولدت رضعت بنتي 4 شهور وخلالها كان الوضع ماشي
من بعد ماكملت 4 شهور صار شعري يهر بشكل موطبيعي
لدرجه اني وقفت الرضاعه
ورجع شعري الحمدلله بس التساقط مازال مستمر مقارنه بقبل الولاده :(
والحين مضت سنة وماني عارفه ايش اسوي
ع العلم ان الحمدلله ماعندي فقر دم
كيف اعتني بشعري واوقف التساقط
ولو تعطيني حلول غير الزيوت

ع.الهواشم
08-05-2013, 03:11 AM
هلا غناتي
بالنسبه لوضعك طبيعي لما ترضعي يبدأ شعرك بالتساقط
ووضع شعرك يتساقط قد يكون من سببين اولهم من ناحية الغذاء
وثانيه تغيير الهرمونات والزحمه سببت هالشي
تبين علاج بدل الزيوت من وجهة نظري انتي حتى لو اكلتي زين واهتميتي باكلك
محتاج لفتره تستخدمي الزيوت لين يخف التساقط وبعدها لو تركتيه وصرتي تهتمي فيه مثل قبل
لانه الحين شعرك محتاج تغذيه بهالفتره عشان تطلع الشعر قويه وتقاوم التكسر والتساقط
شعرتك اعتبريها من الشجره اذا ذبلت اوراقها وتساقطت محتاج اهتمام من الخارج والداخل بحيث انك تحمي اوراقها من الخارج انه ماتتعرض للشمس القويه وكذلك تعطيها الماي بانتظام شعرك كذلك محتاج حمايه من الخارج بالزيوت ومن الداخل بالاكل لين تقوى الشعره من الداخل والخارج ويرجع منظرها افضل
ووضعك طبيعي تمري فيه خصوصا حمل ورضاعه وتغيير في الجسم وبما انك وقفتي رضاعه معناها الحين محتاجه تهتمي بتغذيه جسمك اكثر وتعتني بشعرك لين يوقف التساقط ويرجع زي قبل واحسن
لا تتوقعي انه محتاج جهد كبير مررره لما تهتمي بالزيوت يكفي مره بالاسبوع نصف ساعه تحطين الزيوت لكن اهم شي زيت مغذي بالدرجه المطلوبه تنتظمي وتلقين نتائج حلوه وترضيك ولا تنسين الشامبو اللي تستخدميه تتركيه بشعرك خمس دقائق عشان تحصلين فائدته ولا يجف شعرك وكذلك الفروه تنظفينها من الزيت اللي يبقى بفروة الراس
اتمنى افدتك غناتي

دلوعة حبايبها
08-05-2013, 11:23 AM
ما شاء الله موضوع جدا رائع ويحتاج التثبيت
جلست أقرأ الصفحات كلها المعلومات روعه وأفديتنا بصراحة ما قصرتي وعساك ع القوة

إذا ما عليك أمر تجاوبين ع سؤالي ^^
أنا بحكم شغلي على طول بالحجاب وتقريبا نصف اليوم وهو علي لا حظت تراجع للشعر من الأمام
لو استخدمت مجموعة اللوتس هل في مجال يطلع شعر قدام مكان الا تراجع ؟
وهل بالأمكان استخدام نوع من الكريم بعد هذي المجموعة يكون بشكل مستمر ع الشعر بدون غسله
لتمكن من السيطرة عليه تحت الحجاب ولا يسبب اي ضرر كالقشرة ... ؟ وأي نوع تنصحي به ؟

يعطيك العافية وموفقة وياليت لو ترسلي لي رقمك مع سعر المجموعة لأني أمبى أشتريها منك :)

ع.الهواشم
08-05-2013, 03:39 PM
ما شاء الله موضوع جدا رائع ويحتاج التثبيت
جلست أقرأ الصفحات كلها المعلومات روعه وأفديتنا بصراحة ما قصرتي وعساك ع القوة

إذا ما عليك أمر تجاوبين ع سؤالي ^^
أنا بحكم شغلي على طول بالحجاب وتقريبا نصف اليوم وهو علي لا حظت تراجع للشعر من الأمام
لو استخدمت مجموعة اللوتس هل في مجال يطلع شعر قدام مكان الا تراجع ؟
وهل بالأمكان استخدام نوع من الكريم بعد هذي المجموعة يكون بشكل مستمر ع الشعر بدون غسله
لتمكن من السيطرة عليه تحت الحجاب ولا يسبب اي ضرر كالقشرة ... ؟ وأي نوع تنصحي به ؟

يعطيك العافية وموفقة وياليت لو ترسلي لي رقمك مع سعر المجموعة لأني أمبى أشتريها منك :)
هلا غناتي بالنسبه للحجاب فيه بعض الامور تحطينها بالاعتبار :
انه شعرك مايكون مبلل وانتي حاطه الحجاب لانه يسبب تساقط الشعر وكذلك بتحلاظين وجود روائح غير محببه بشعرك بشبب هالشي
الشي الثاني بالنسبه لمشكلته انه الشعر اللي قدام بدا يخف
بالبدايه حاولي ماتضغطين على شعرك كثير لانه هالشي يساعد على رجوع الشعر لورا ويزيد الفراغ في الامام الشي الثاني حاولي ماتخلي الخصل اللي قدام او القصه دايم على ورا غيري بحركتها مره على جنب مره المنتصف لانه اذا دايم تخليها على ورا مع وجود الحجاب طول اليوم عليك يساعد بزيادة الفراغات بهالمنطقه حتى لو ماكنتي لابسه الحجاب نفس الشي وقد الامكان لما ترجعين من الدوام فكي شعرك وخليه يتنفس ودلكي الفروه شوي
بالنسبه لمجموعة اللوتس ايوه غناتي هي تعالج هالمشكله ومشاكل اخرى قلتها بالردود السابقه
بالنسبه للكريم هو مو زيت كريم يعني يمتصه الشعر ويصير داخل الشعره مو زيت
اهم شي شعرك مايكون مزيت لما تحطين الحجاب وتحرصين على نظافة الفروة من الزيت
وبكذا راح تحافظين على شعرك من التساقط وامور اخرى قد تحصل بحكم وجود الحجاب عليك غالبية اليوم
اتمنى افدتك غناتي موفقه لكل خير :)

ع.الهواشم
08-05-2013, 11:52 PM
شنو رايك بحبوب من جي ان سي ؟
عذرا خيه تو انتبه لسؤالك
عموما انا ما اايد اي حبوب تتناوليها الا اذا مضطره لانه هالحبوب غالبيتها لها اعراض ان كان مو حاليا مستقبلا وقليل جدا الا تكون مالها اعراض
حاولي غناتي تتجهي لشي طبيعي افضل لانه انتي حابه توصلين لنتيجه لكن تكون بطريقه صحيه
مو نصلح شي ونخرب شي والصحه لو راحت غناتي ماراح ترجع
قد يتهاون كثير من الناس من ناحية الحبوب لكن حقيقة لو تقرين الدراسات تلقين حبوب كثيييره وادويه كثيييره اكتشفوا انه لها اعراض جانبيه وبعضها اثرها مايروح حتى بالعلاج وبعضها امراض خبيثه سببت والعياذ بالله يعني من شي بسيط لشي كبير
والقرار الاول لك اكيد غناتي :)
موفقه لكل خير

نور في السماء
10-05-2013, 03:09 AM
اختي يعطيك العافيه على الموضوع
بس حابه اعرف هل الثوم مفيد لشعر وكيف طريقة استعماله

ع.الهواشم
10-05-2013, 07:52 PM
اختي يعطيك العافيه على الموضوع
بس حابه اعرف هل الثوم مفيد لشعر وكيف طريقة استعماله
هلا غناتي الثوم مفيد جدا للشعر والدليل منتجات كثيره للشعر فيها ثوم لانه معروفه فوائده
وانا من احد تجاربي الثوم لكن بالحقيقه الرائحه جدا قويه ويظل ريحة شعرك قويه لفتره طويله ولا تروح حتى لو غسلتيه
غناتي اذا حابه تعالجين شعرك او تعتني فيه عندك زيوت طبيعيه روائحها معقوله وتعطيك النتيجه اللي تبينها مثل زيت اللوز وزيت السمسم وزيوت اخرى ذكرتها بالردود الاخيره
طريقة استخدام الثوم : تخلطيه بالخلاط مع المكونات الثانيه اللي راح تحطينها بشعرك لين يصير سائل وبعدها تحطينها بشعرك لمدة نص ساعه او اكثر وبعدها تغسلين شعرك
والخلطات كثيره الموجوده اللي تحتوي عالثوم
لكن من تجربتي غناتي فيه خيارات افضل من الثوم وتعطي نتائج اقوى واسرع
ولك حرية الاختيار

وردة اللؤلؤ
16-05-2013, 12:40 AM
موضوع مرره حلو والله يعطيش العافيه ويجزاش خير وفي ميزان حسناتش ان شاالله والله ييسر لش كل عسير بجاه النبي وآله
وياليت لو الاداره تثبت الموضوع
امم. عندي اقتراح اتوقع سوق الجمله بالدمام راح يكون مكان مناسب بحكم ان احنا بنحتاج كميه. وبيطلع ارخص والله اعلم اني ماجربتهم بس اتوقع
وخيه طلبتش جاوبي على سؤالي
مجموعة اللوتس الاقيها في سوق مياس؟
بصراحه الله يرزقش ويزيدش من خيره ابغى اشتريها من محل
اعذريني على هالكلام
ووش افضل كريم تنصحي به للشعر يعني بس مااسبح ولما اجي امشط شعري وش افضل كريم استخدمه؟؟
ومشكوره ورحم الله والديش

ع.الهواشم
16-05-2013, 04:31 PM
موضوع مرره حلو والله يعطيش العافيه ويجزاش خير وفي ميزان حسناتش ان شاالله والله ييسر لش كل عسير بجاه النبي وآله
وياليت لو الاداره تثبت الموضوع
امم. عندي اقتراح اتوقع سوق الجمله بالدمام راح يكون مكان مناسب بحكم ان احنا بنحتاج كميه. وبيطلع ارخص والله اعلم اني ماجربتهم بس اتوقع
وخيه طلبتش جاوبي على سؤالي
مجموعة اللوتس الاقيها في سوق مياس؟
بصراحه الله يرزقش ويزيدش من خيره ابغى اشتريها من محل
اعذريني على هالكلام
ووش افضل كريم تنصحي به للشعر يعني بس مااسبح ولما اجي امشط شعري وش افضل كريم استخدمه؟؟
ومشكوره ورحم الله والديش
هلا غناتي
من ناحية انك تحتاجي كميه مافهمت قصدك من اي ناحيه غناتي بس يفترض اي احد بتاخذي من عنده بالكميه الكبيره غير الكميه الصغيره يعني يراعوا المفروض بالسعر
لا تعتذري غناتي الناس مو مجبورين ياخذوا من عندي وكل واحد وله وجهة نظر وانا وفرتها زي ماقلت لك لانه اشياء انا استخدمها شخصيا وكثير سألوني عنها فصرت ابيعها ارخص من السوق والتوصيل مجان مع انه الكل لما تسأليه عن التوصيل متعب جدا لكن تكفيني الدعوات الحلوه اللي اسمعها من حولي لانه غرضي الاول المساعده لانه عانيت فتره مو شويه
و كل واحد وله حرية الشراء من اي مكان مثل ما انتي تفضلي بمحل غيرك يحب بشتريها من عندي
:)
كريم الكيراتين المنتج موجود هنا باحد مواضيعي تلقين صورته شوفيه عشان لو شفتيه بالسوق تعرفينه هذا استخدمه بعد ماخذ شاور او ابلل شوي شعري واحطه وامشطه لما ينشف ليش قلت لك ابلل شعري لانه الكريم كثيف ولما تحطيه على شعر المبلل تمتصه الشعر ولما ينشف وتمطيه راح تلاحظين منظره حلو خصوصا للشعر الجاف لانه كثير يشتكوا انه الكريم مايظل فتره بالشعر وينشف ويصير الشعر معاناه في التمشيط بس هالكريم يبقى لين تغسلين شعرك ومايزيت الشعره وكذلك اللي يبي تغذيه حلوه للاستخدام اليومي ويستخدم بدون استشوار

وكذلك فيه كريم فاشكول بالفيتامينات عجبني بحثت عنه بنفس الصيدليه مالقيته ورحت كذا صيدليه مالقيته :confused: هذا الكريم اخف من كريم الكيراتين بس حسيته حلو خفيف مايعتبر تغذية مكثفه ولكن تحسي شعرك منظره افضل ومايزيت الشعره ودورت على صوره له كثير مالقيت بالنت صوره له
برشوت فيه كذلك بالفيتامينات بس ماعجبني حسيت نتيجته لاتذكر خصوصا للشعر اللي محتاج تغذيه مكثفه
هو عموما الكريمات اللي تحطينها بعد الاستحمام كثييره والغالب اللي بالسوق نتائجها مقاربه وجهة نظري لا افضل الكريمات اللي فيها زيت مكثف لانه احس الشعره منظرها مو حلو هذا شي والشي الثاني كثرة وجوده بالشعر مده طويله قد تسبب تساقط الشعر لانه الزيت زي ماقلت باحد الردود اذا ظل فتره طويله يسبب بضعف الشعره وتساقطها غير انه تشوفين منظر شعرك مو طبيعي لمعته بزياده
مجموعة اللوتس ما ادري اذا فيه محل بسوق مياس يبيعها وله لا لانه المنتجات اللي نزلتها قليل اللي يبيعها بالمنطقه الشرقيه بسأل لك وبرد عليك خبر
موفقه غناتي لكل خير وتسلمي عالدعوات الحلوه ولك مثلها غناتي

وردة اللؤلؤ
16-05-2013, 07:04 PM
مشكوره غناتي ورحم الله والديش

وردة الربيع
17-05-2013, 07:17 PM
ويش رايش في حنا الشعر الطبيعي
ناس تقول يقوي الشعر وناس تقول يجفف الشعر

ع.الهواشم
18-05-2013, 12:27 AM
ويش رايش في حنا الشعر الطبيعي
ناس تقول يقوي الشعر وناس تقول يجفف الشعر
الحنا مفيد جدا للشعر وفيه احاديث تاكد هالشي ماحد يقدر ينكر فوائد الحنا
من ناحية يجفف الشعر هو فعلا يجفف الشعر وهالشي ملاحظ للي شعرهم جاف يجف زياده
واللي شعرهم دهني كثير يساعد على تخفيف الزيت وينظف الفروه
انا كنت اخلط معاه ملعقتين زيت زيتون وملعقتين زبادي واحطه بشعري لاني احب الحنا كثيير واحس شعري افضل عليه لكن مثل ماقلتي يجفف الشعر بس لما خلطته مع زيت الزيوت والزبادي صار وضعه افضل
حتى لو استخدمتي الحنا لوحده بعدها بتعتني فيه بالزيوت والكريمات فالوضع عادي بس لو كان شعرك جاف وبتتركيه بعد الحنا راح تلاحظي انه صار جاف اكثر خصوصا لو حطيتي بالحنا ليمون
لانه الاشياء اللي تضاف للحنا اما تساعد بجفافه اكثر او تليين الشعره اكثر
لكن مو معناه انه ماتحني شعرك لانه فوائده حلوه للشعر وفروة الراس بس زي ماقلت لك لو على الجفاف تقدرين تسوين اللي قلت لك عليه يا زيت الزيتون او زيت السمسم او فيه خلطات بالمنتديات كاتبينها كذلك حلوه وتستفيدي من ناحيتين من الحنا والخلطه اللي حاطتها فيه
اتمنى افدتك غناتي بالاجابه
موفقه لكل خير :)

وردة اللؤلؤ
18-05-2013, 01:33 AM
مشكووره اختي رحم الله والديش والله يحقق كل الا تتمنيه ويسهل كل امورش المتعسره بمممد وآل محمد
ابد لاتأخرتي ولاشي
ماقدرت ارسلها لش رساله خاصه فقمت كتبتها هني
والله يوفقش

ع.الهواشم
18-05-2013, 02:09 AM
تسلمي غناتي وربي يوفقك كذلك ويقضي حوائجك

وردة الربيع
18-05-2013, 04:17 PM
ياريت يتثيت الموضوع
يااااامشرفات

أم علوي 2
18-05-2013, 09:14 PM
موضوع جى في وقته :)

قبل ثلاثه شهور سويت ريجيم ونزلت تقريبا ١٨ كيلو ويمكن اكثر وهالفتره لاحظت ان شعري يتساقط بشكل جنووووني

لما اسبح خصل تطيح مو شعره او شعرتين ونفس الشي لما امشطه او امسكه بس يطيح في يدي وبشكل مخيف :(

ع.الهواشم
18-05-2013, 10:28 PM
موضوع جى في وقته :)

قبل ثلاثه شهور سويت ريجيم ونزلت تقريبا ١٨ كيلو ويمكن اكثر وهالفتره لاحظت ان شعري يتساقط بشكل جنووووني

لما اسبح خصل تطيح مو شعره او شعرتين ونفس الشي لما امشطه او امسكه بس يطيح في يدي وبشكل مخيف :(
هلا غناتي انا اللي فهمته انك باقي حامل غناتي
الشي الاساسي اللي تحطينه بعين الاعتبار انه الاكل اللي تاكلينه فيه تنوعيه ويحتوي على العناصر اللي محتاجها جسمك خلال فترة الحمل
غير انك تنتظمي على حبوب الحديد اللي يصرفها لك الدكتور وتهتمي الحديد عندك ماينزل عن المعدل الطبيعي لانه احد الاسباب لوجود المشكله
لما تسوين هالشي
بعدها نتجه للزيوت والاهتمام للشعر لكن مهم جدا التغذيه بالموضوع خصوصا لانه وضعك حساس ان كنتي حامل او مرضع
لانه هالفتره الهرمونات تختلف عشان جسمك يتاقلم مع مرحلة الحمل والرضاعه كذلك
والزيوت اللي انصح فيها غناتي كاتبتها بالردود الاخيره
اتمنى افدتك بالحل :)

نهاية الكمال
20-05-2013, 07:05 AM
موضوع رائع جدا
يسلموا خيه
بجد استفدت كثييير من تجربتش
وان شاء الله جاري شراء الزيوت المطلوبه:D
أبي أشوف كريمالكرياتين لأني شفت صورته في اعلانات بس ماني ذاكره اسم المحل يبيعوه ب160 تقريبا بس متحيره هو نفسه اللي تقصدينه أو لأ:confused:
تمنياتي لك بالتوفيق.

ع.الهواشم
20-05-2013, 12:46 PM
موضوع رائع جدا

يسلموا خيه
بجد استفدت كثييير من تجربتش
وان شاء الله جاري شراء الزيوت المطلوبه:d
أبي أشوف كريمالكرياتين لأني شفت صورته في اعلانات بس ماني ذاكره اسم المحل يبيعوه ب160 تقريبا بس متحيره هو نفسه اللي تقصدينه أو لأ:confused:

تمنياتي لك بالتوفيق.

هلا غناتي مجموعة اللوتس سعرها عندي 170 ولو حبيتي مع زيت السمسم يصير ب 180 ومسويه عرض لو تشترين ثلاث مجموعات يصير سعر المجموعه الوحده ب 160 ريال
كريم الكيراتين سعره عندي ب 45 ريال ولو حابه تشوفين شكله منزلته بموضوع غناتي
وان شاء الله اسمع منك اخبار طيبه ونتائج حلوه ;)

وردة اللؤلؤ
28-05-2013, 12:45 AM
سيروم كرستال شرايش فيه؟

ع.الهواشم
28-05-2013, 03:37 PM
هلا غناتي
السيرم الكرستال حلو للشعر ويساعد على حماية الشعره خصوصا من الاستشوار ويعطيها لمعه حلوه
خصوصا للشعر الجاف يساعد على انه يخلي منظره حلو فتره طويله بعد الاستشوار وتبان الشعره حيويه اكثر :)

وردة الربيع
01-06-2013, 05:30 PM
والله مواضيعك تعطي جرعت حماس مو طبيعي ربي يوفقك ويقضي حاجتك
وبما اني احب اقراء كلامك حبيت تنورينا شوي
المشط الخشب الي من شجرت الزيتون ويش فوائده للشعر ؟؟؟
وكمان هل تبيعيه من غير المجموعه يعني لحاله ؟؟ وبكم ؟؟

ع.الهواشم
07-06-2013, 12:35 PM
هلا غناتي عذرا على التاخر بالاجابه
مشط الخشب معروف انه يمنع الكهربا من الشعر ويقلل من تقصفه او بمعنى اخر مايسبب تقصف الشعر مثل الانواع الاخرى
من شجرة الزيتون فيه البعض يقول يساعد على لمعانه خصوصا لما يبلل بالماء
مشط شجرة الزيتون لما يسوونه يتركوه فتره منقوع بزيت الزيتون وتشمين ريحته تلقين فيه ريحة زيت الزيتون على خفيف وفيه البعض مره بالشهر ينقع الخشب بزيت الزيتون لمدة ساعتين ثم يغسل والبعض ينقعه وبعدها يستخدمه لتمشيط الشعر وتوزيع الزيت بكل الشعر وبعدها يغسلون المشط طبعا ماتتركين المشط بدون غسل لانه بيسبب تلوث للمشط وبيصير سهل يمسك الغبار او اي شي حوله وهالشي يضر الشعر لو استخدم للشعر مره ثانيه
مممم باعتقادي فيه دعايات جدا مبالغ فيها على المشط وساعات وانا اقرا الدعايات احسه زي الفانوس السحري من استخدمه على شعري صار حرير
هو المشط الخشب معروف فوائده سواء كان من شجرة الزيتون او غيره لكن زي ماقلت لك الفرق بطريقة تصنيعه
وفيه انواع تكون اسنانه عريضه وهذي ماتساعد كثير في فك التشابك والبعض اسنانه رفيعه انواع كثيره منه ويعتبر من افضل انواع المشط المشط الخشب عشان اللي ذكرته في بداية الرد والمنتشر الان من بين المشط الخشب مشط شجرة الزيتون لذلك اللي تعالج شعرها ويعاني من تقصف جدا كبير وشحنات زائده بشعرها هالمشط يساعد على انه يخفف من هالمشكله
لا غناتي ما اوفره لوحده المشط
موفقه لكل خير وشكرا على تشجيعك لي بالموضوع واستفساراتك تساعدني اكثر اني اجاوب على اشياء كثيره قد ماتكون ببالي
موفقه غناتي لكل خير

همس العشاق
07-06-2013, 11:36 PM
موفقه عزيزتي

ع.الهواشم
08-06-2013, 11:27 AM
ربي يوفق الجميع ان شاء الله

سمر العشق الممنوع
19-06-2013, 09:13 AM
انا كان عندي شعر مستقيم وتحول كيرلي واطرافه مقسومه وادلكتورة في المستوصف عطتني مكسافيت مع ان افي تحليل يثبت ان عندي نقص فيتاميانات وقالت لي احلل هرمون وقالت اقص اطراف شعري ولاابي اقصها
خلاص طولت بردي
سعطيك العافيه اختي

وردة الربيع
20-06-2013, 08:04 PM
كم الفتره الي استمريتي فيها على مجموعة اللوتس
انا بكمل الشهرين في تحسن بس عندي مشكله غريبهىالطبقة الي فوق مازالت بحال سيئ من تقصف وضعجات كثيره بينما الطبقة ا
لسفليه صحية ومستقيمة نفسي اقص الطبقه العلويه بقدها بس شعري راح يخرب ويش الحل برايش ؟؟؟
الطبقة العلوية هي الي نالت نصيب اكبر من الصبغات ولا زالت موجوده الصبغة ابغى اتخلص منها بس كيف ؟؟

ع.الهواشم
20-06-2013, 09:05 PM
انا كان عندي شعر مستقيم وتحول كيرلي واطرافه مقسومه وادلكتورة في المستوصف عطتني مكسافيت مع ان افي تحليل يثبت ان عندي نقص فيتاميانات وقالت لي احلل هرمون وقالت اقص اطراف شعري ولاابي اقصها
خلاص طولت بردي
سعطيك العافيه اختي
هلا غناتي
اذا انتي شاكه بان عندك نفص هرمونات لازم تفحصي اول وتشوفي اذا عندك نقص او لا
لانه هالشي له تاثير على الطبقه الداخليه للشعر ومن اسباب تقصف الشعر وتلفه التغذيه السيئه فلازم تتاكدي وتفحصي
اذا فحصتي وطلع عندك فركزي على الفيتامينات اللي ناقصه عندك واذا كان بعد الهيموجلوبين ناقص
وتبدي تتجهي باكلك للاغذيه المركزه فيها الفيتامينات والحديد عشان يرجعوا للمستوى الطبيعي
ومحتاج تهتمي فيها بالزيوت لانه شعرتك ضعيفه والزيوت والاهتمام يساعد انه الشعر اللي ينمو يصير اقوى والشعر اللي عندك تحميه لفتره اطول من لو انك تركتيه كذا
القص انح انك تقصي كل ست اشهر عشان تتخلصي من المتقصف او الوقت اللي يتقصف اطراف شعرك تقصي لانه وجوده بشعره راح يضرك وراح يزيد من تقصف شعرك اكثر
انتي لما تسوين كل هذا بالتدريج راح تلاحظي شعرك بتحسن وراح يطول شعرك بس منظره افضل
موفقه غناتي لكل خير

ع.الهواشم
20-06-2013, 09:14 PM
كم الفتره الي استمريتي فيها على مجموعة اللوتس
انا بكمل الشهرين في تحسن بس عندي مشكله غريبهىالطبقة الي فوق مازالت بحال سيئ من تقصف وضعجات كثيره بينما الطبقة ا
لسفليه صحية ومستقيمة نفسي اقص الطبقه العلويه بقدها بس شعري راح يخرب ويش الحل برايش ؟؟؟
الطبقة العلوية هي الي نالت نصيب اكبر من الصبغات ولا زالت موجوده الصبغة ابغى اتخلص منها بس كيف ؟؟
غناتي اذا شعرك تعبان محتاج صبرك لين توصلين للي تبينه
ملاحظتك للتحسن بشعرك هالشي نقطه ايجابيه ومعناها شعرك تجاوب بشكل ملحوظ مع عنايتك واهتمامك
نجي للصباغ شي طبيعي اذا الصبغه تلفت شعرك راح تلاحظي الشعر الجديد افضل من المصبوغ بس انتي مضطره تنتظري لين تنزل الصبغه بحيث تقدري تتخلصي من المصبوغ بشكل كامل
صار لي الحين فوق ال 11 شهر عالمجموعه واللاحظ شعري بتحسن افضل مع الاهتمام والعنايه وبحكم شعري مصبوغ قبل لا تنزل الصبغه كنت اشوف شعري اوكي لمعته حلوه ومنظره تمام بس لما نزلت الصبغه لاحظت انه الشعر الجديد اللي طلع لي افضل من المصبوغ وبدا يبان بالاستشوار ولما ينشف انه المصبوغ ناشف شوي وفيه تلف بسيط وهالشي مالاحظته الا لما نزلت الصبغه
الحين انا اقص شعري بين فتره وفتره
الشي اللي ابيك تحطينه ببالك انه ماتقولين خلاص هالوقت يكفي انه شعري يصير افضل
انتي استمري وراح تلقين كل شهر تغيير افضل من اللي قبله واذا شعرك قبل فيه تموجات بزياده راح تلقين تخف التموجات وينمو له شعر جديد وهالتغيرات تلاحظيها مع الايام حتى مع الاستشوار تلقين منظره يطلع افضل
اتمنى عطيتك الجواب مثل ماتبين موفقه غناتي لكل خير

وردة الربيع
22-06-2013, 01:01 AM
تسلمي خيتوووو على الرد المشجع وراح اواصل
الشامبو والحمام الكريم خلصوا وطريت اشتريه من اقرب مكان لي لاني ناوية اواصل على المجموعة
والف شكر لك وربي يقضي حاجتك وعذرا على كثرت اسالتي :o

ع.الهواشم
22-06-2013, 01:33 AM
تسلمي خيتوووو على الرد المشجع وراح اواصل
الشامبو والحمام الكريم خلصوا وطريت اشتريه من اقرب مكان لي لاني ناوية اواصل على المجموعة
والف شكر لك وربي يقضي حاجتك وعذرا على كثرت اسالتي :o
تمام غناتي اهم شي تستمري
وبالعكس اسئلتك تسعدني
موفقه غناتي لكل خير ;)

محبة المنتظر
23-06-2013, 01:23 PM
اختي شعري اني سويت فيه كيرتاين وظبط والحمد الله بس الحين ماقدر اسوي كيراتين لأأن سعره غالي والمجموعه الا وياه غالي بعد مافيني اسويه لما اتصلت عليها قلت ليها اني خلص الشامبو كيراتين الا عطيتياه قلت له اني اخدت شامبو ثاني بس هو للكيراتين قلت لها عن اسمه قال اني ماقدر احددش لشش ادا مناسب ع شعرش لو لا وقالت في مستقبل يمكن تساقط وهالشيي مخوفني صراحه

الحين باقول لش مشكلة شعري متقرمط من فوق بس من تحت لسا ماخترب ومسبب لي مشكله كبيره اختي انصحيني وش استخدم وش اسوي تعبت واني اكوي فيه والاستشوار مايفيد وياه الحل اختي

ع.الهواشم
24-06-2013, 12:36 AM
هلا غناتي
الحل انك تبدي تسوي لك برنامج عنايه للشعر بالمنزل صح راح تتعبي معاه بالبدايه لين تبان النتائج المرضيه بحكم شعرك تعبان لكن نهاية الشي راح تحصلي نتيجه والتكلفه لشعرك راح تقل مع الوقت
كتبت اكثر من رد عن الزيوت اللي انصح باستخدامها وطريقتها كبدايه للعنايه بالشعر اتمنى تقريها لضيق الوقت ما اقدر ارجع اكتبها بالتفصيل فعشان لا انسى شي ارجعي للردود وراح تلقينها واذا تبين شرح اكثر قولي لي وراح اكتبه لك بالتفصيل بوقت ثاني عشان ما انسى شي
لما يوصل شعرك لمرحله مرضيه لو غيرتي الزيوت الى زيوت اخف منها وهكذا
راح تلاحظي الشعره شوي شوي راح تتغير للاحسن ومنظرها يصير افضل حتى بدون استشوار
بس اهم شي تنسي شي اسمه معالجه بالكيراتين وانواعه لانه لو بعد فتره من الاهتمام قررتي ترجعي تسويه راح ترجعي بكل بساطه للصفر وله كانك مسويه شي
مع العنايه قد لا تستغني عن المكواه لفتره ولكن اتمنى لو تقدري فترة علاجك للشعر تقللي منه قدر الامكان وحتى لو ماقدرتي بحكم الزيوت اللي قلت عنها مكثفه وتغذيتها قويه راح تعطين نتائج وشوي شوي تشوفي شعرك مقبول حتى بدون استشوار وبكذا تقدري تتركيه بين فتره وفتره بدون استشوار او مكواه فقد الموضوع يحتاج صبر وحماسك وراح توصلين للي تبينه غناتي واحسن بعد ;)
اتمنى افدتك غناتي موفقه لكل خير

الإيثار
24-06-2013, 01:54 AM
موضوع جميل صراحه وجاي بوقته

صار لي من ولدت سته اشهر اعاني من التساقط الشديد لدرجه اني صرت صلعه قدام
الكل يقول لي انه طبيعي بس انا احس ان الشي مو طبيعي
مااقدر اترك شعري بدون سشوار
سبق وسويت كرياتين وعدم شعري
تغذيتي سيئه
مااكل لحوم ابد ولاخضار ولا فواكه




ايش تنصحيني اسوي بالضبط
للعلم لحوم مااكل صار لي سنين طويله ولما احلل يقولوا كل شي سليم

حووووور
24-06-2013, 03:38 AM
مرحبا

اني عندي معاناه مع شعر بنوتتي

الحين عمرها سنتين

بنوتتي شعرها مرررره رقيق :(

يعني لما استشوره ليها بالهواء يطلع حرير يجنن ماشاء الله

وثاني يوم يقلب عكاريش وخشن ماني عارفة وش الحل معاها :confused:

مع انها صغيره يتعبها السشوار واجد بس ما اعرف اخليها عكاريش تتعب نفسيتي :(

ياريت لو تفيديني

مع العلم شعرتها ناعمه ولونها بني وجاف


عكس شعري اني اسوود ومتين ودهني

ع.الهواشم
24-06-2013, 03:41 AM
هلا خيه
بالنسبه لموضوع الرضاعه وتساقط الشعر انا معاهم انه الشي طبيعي بسبب اختلاف الهرمونات اللي يفرزها جسمك والتغيرات اللي تحصل من المشاكل اللي تسببها تساقط الشعر
ولكن هذا مايعني انك ماتهتمي فيه او تعتني فيه لانه حتى لو كان شعرك يتساقط مع عنايتك له يساعد على التقليل من هالمشكله ورجوع شعرك الى شكله الطبيعي انتي بما انك من ست اشهر ولدانه يعني عدا مده على ولادتك وجسمك بدا يستقر اموره خصوصا اذا كنتي ترضعي الطفل طبيعي فالان بتكوني مدخله له بعض الاغذيه فبقل عدد الرضعات وبكذا راح يتجاوب شعرك بشكل اسرع طبعا مع العنايه والاهتمام راح تحسين بتحسن بشعرك ورجوعه بالتدريج
نجي لسالفة اللحوم والخضار والفواكه
انتي اذا ماتاكليهم فتره طويله وتحاليلك سليمه هذا راح يكون بوضع طبيعي وجسمك طبيعي
لكن انتي كنتي حامل والان بفترة رضاعه والجسم يحتاج بشكل كبييير من المواد المغذيه بشكل متوازن لانه الطفل راح ياخذ احتياجه سواء اكلتي وله لا واذا انتي كان وضعك الغذائي مو مره راح ينأخذ من جسمك عشان يكون فيه تغطيه لاحتياجات الطفل
فأنتي اذا كنتي مازلتي مستمره انك ماتاكلي الاكل المتوازن هذا راح يسبب لك مشاكل ثانيه مستقبلا
لانه حتى لو كان عندك مخزون كافي راح يخلص بسبب انك ماتعوضيه ومن احد اسباب تساقط الشعر للشخص الطبيعي التغذيه السيئه فما بالك وانتي مرضع
لذلك غناتي لازم تهتمين بشكل كبير الى اكلك وتوازنيه حتى لو كنتي ماترغبي له كثير فيه اشكال مختلفه تخليك تاكلين الاكل بطريقه مختلفه والطعم تستصيغيه يعني تفنني بالطبخ وغيره عشان بالنهايه تحصلي الفائده من مأكولات متنوعه اذا انتي من النوع النباتي الاكل النباتي مصدر البروتين فيه مو مثل اللحوم الحيوانيه فجسمك عشان يحصل احتياجه اليومي من البروتين تحتاجي كميات اكبر من لو كنتي تاكلي بوجباتك لحوم وهالشي قد يسبب لك زياده بعناصر غذائيه بشكل كبير انتي بغنى عنه
وتدخلي بأمور انتي بغنى عنها
لما تخلصين من ناحية الاكل تجين ناحية المشكله اللي تعاني منها شعرك لازم غناتي اهتمام بشعرك وتحطين حمامات زيت وعنايه وتدليك من والى لانه حتى لو الناس اخذوها انه طبيعي مشكلتهم يهملوا الشعر على انه الوضع طبيعي والشي هذا غلط لازم يكون فيه عنايه عشان يرجع يتجاوب الشعر معاك ويرجع بالتدريج الى ماكان عليه وأفضل من قبل لذلك لا تهملي شعرك وبدي بالعنايه
هالشيئين مكملين لبعض يعني مو تركزي على جانب وتتركي الثاني اهتمي بجسمك من الداخل والخارج وراح يتجاوب شعرك معك وحتى ابتعادك عن التمليس هالفتره يسرع من حل المشكله وشعرك يصير منظره افضل

اتمنى افدتك غناتي موفقه لكل خير

ع.الهواشم
24-06-2013, 03:49 AM
مرحبا

اني عندي معاناه مع شعر بنوتتي

الحين عمرها سنتين

بنوتتي شعرها مرررره رقيق :(

يعني لما استشوره ليها بالهواء يطلع حرير يجنن ماشاء الله

وثاني يوم يقلب عكاريش وخشن ماني عارفة وش الحل معاها :confused:

مع انها صغيره يتعبها السشوار واجد بس ما اعرف اخليها عكاريش تتعب نفسيتي :(

ياريت لو تفيديني

مع العلم شعرتها ناعمه ولونها بني وجاف


عكس شعري اني اسوود ومتين ودهني
هلا غناتي
وضع بنتك المفروض تبتعدي عن الاستشوار وهي بهالعمر واذا مررره تستخدميه باوقات قليله
اذا طبيعة شعرتها رقيقه وماتتحمل الحل لها تستبدلي الاستشوار بكريمات مرطبه تخلي شعرها متغذي يعالج جفافه وراح تلقين الشعره صارت اقوى ومنظرها افضل
عندك الكريمات العاديه المتواجده بالصيدليه لكن لو حابه كريمات ثانيه عندك كريم الكيراتين ينفع لعمر بنوتتك استخدامه يومي بعد ما تخلص من الشاور تحطي شويه من الكريم وتمشطيه وراح تلقين منظره حلو بدون استشوار
وجود الجفاف والشعره مو متينه هذا يحتاج لها عنايه ومثل ماقلتي شوي معاناه يصير للأم من ناحية شكل شعرها وكيف يبقى مرتب فتره طويله بس اذا عالجتي جفافه واخترتي كريمات للشعر تساعد تبرز جمال شعرها وتخفف من مشكلة الجفاف راح تلقين شوي شوي راحت المشكله منها ولما تكبر شعرها منظره يصير افضل ولو كبرت بعدين تتجهي معاها لحمامات الزيت والعنايه بالشعر وشوي شوي يصير شعرها افضل مما كان عليه لكن عنايتك الحاليه زي ماقلت لك وهالشي يساعد انه مستقبلا شعرها يصير افضل من الآن
اتمنى افدتك غناتي موفقه لكل خير

محبة المنتظر
24-06-2013, 11:12 AM
اني قريت موضوع بس مو كله
حبيت اقول لش اني ابغى اشتريها المجموعه
بس عندي اسئله
هي مناسبه لجميع انوع شعر لأن شعري تالف اني وبعد ماطلع من الحمام يصير جاف وبعد مأكويه بعد كم يصير مزيت مره مناسب لي مجموعه لو لا ؟

انتين كاتبه انا استخدمها في الاسبوع وبعدين شهر وبعدين مره ؟ مافهمت طريقه
يعنيي قصدش استخدمها اسبوع كامل وبعدين في في شهر مرتين
ممكن توضييح ؟

اني بكوي شعري 4 مرات في شهر في ضرر للأن شعري لو تشوفيه ماينطلع به مو حلو ف اظر اكويه يوم في الاسبوع ؟

اني باخد مجموعه اللوتس وزيت اللوتس المطور وحمام زيت الكرايتين بكم سعرهم يطلع ؟

ع.الهواشم
24-06-2013, 08:13 PM
اني قريت موضوع بس مو كله
حبيت اقول لش اني ابغى اشتريها المجموعه
بس عندي اسئله
هي مناسبه لجميع انوع شعر لأن شعري تالف اني وبعد ماطلع من الحمام يصير جاف وبعد مأكويه بعد كم يصير مزيت مره مناسب لي مجموعه لو لا ؟

انتين كاتبه انا استخدمها في الاسبوع وبعدين شهر وبعدين مره ؟ مافهمت طريقه
يعنيي قصدش استخدمها اسبوع كامل وبعدين في في شهر مرتين
ممكن توضييح ؟

اني بكوي شعري 4 مرات في شهر في ضرر للأن شعري لو تشوفيه ماينطلع به مو حلو ف اظر اكويه يوم في الاسبوع ؟

اني باخد مجموعه اللوتس وزيت اللوتس المطور وحمام زيت الكرايتين بكم سعرهم يطلع ؟
هلا غناتي المجموعه مناسبه لجميع انواع الشعر
وطريقتها اول شهر تحطي المجموعه يوم وترك لما يخلص اول شهر خلاص تصيري تحطيها مره بالاسبوع
بالنسبه انك تكوي شعرك عادي ماراح يضره كثير وراح تحسين بتحسن بشعرك حتى وانتي تكويه كثير لكن ماراح يكون اسرع من لو قللتي الكواي بس مره بالاسبوع يعتبر تمام كبدايه بحكم تقولي شعرك تالف انتي بعدين لما تلاحظي بتحسن راح تخففي اكثر من الاستشوار
باقي المعلومات غناتي راح ارسلها لك عالخاص غناتي
موفقه لكل خير

حووووور
24-06-2013, 09:15 PM
هلا غناتي
وضع بنتك المفروض تبتعدي عن الاستشوار وهي بهالعمر واذا مررره تستخدميه باوقات قليله
اذا طبيعة شعرتها رقيقه وماتتحمل الحل لها تستبدلي الاستشوار بكريمات مرطبه تخلي شعرها متغذي يعالج جفافه وراح تلقين الشعره صارت اقوى ومنظرها افضل
عندك الكريمات العاديه المتواجده بالصيدليه لكن لو حابه كريمات ثانيه عندك كريم الكيراتين ينفع لعمر بنوتتك استخدامه يومي بعد ما تخلص من الشاور تحطي شويه من الكريم وتمشطيه وراح تلقين منظره حلو بدون استشوار
وجود الجفاف والشعره مو متينه هذا يحتاج لها عنايه ومثل ماقلتي شوي معاناه يصير للأم من ناحية شكل شعرها وكيف يبقى مرتب فتره طويله بس اذا عالجتي جفافه واخترتي كريمات للشعر تساعد تبرز جمال شعرها وتخفف من مشكلة الجفاف راح تلقين شوي شوي راحت المشكله منها ولما تكبر شعرها منظره يصير افضل ولو كبرت بعدين تتجهي معاها لحمامات الزيت والعنايه بالشعر وشوي شوي يصير شعرها افضل مما كان عليه لكن عنايتك الحاليه زي ماقلت لك وهالشي يساعد انه مستقبلا شعرها يصير افضل من الآن
اتمنى افدتك غناتي موفقه لكل خير

مشكوره خيه

بشوف الكريمات وبشتري ليها وان شاء الله أحصل نتيجة مرضية


رحم الله والديك والله يسهل عليك يآرب وويوفقك

ع.الهواشم
28-06-2013, 10:15 AM
ووالديك غناتي جميعا
وانتي كذلك موفقه وان شاء الله تلقين النتيجه اللي تبينها

عشقي المهدي
01-07-2013, 02:20 PM
ماشاء الله
ربي يوفقش ان شاء الله
استفدت وايد من بعض النصائح يعطيش العافيه
والله ان نفسيتي زفت من شعري
ضعيف وخفيف وقصير وسويت لي كيراتين وتساقط بشكل يخوف
اني سويت الكيراتين قالوا لي علاج أي علاج دا ذبحني والله هم شعرتين وشكلهم يروحون بعد اصياح
وابي اللحين اعالجه عن هالاشياء
اني قلت بسخدم مجموعه اللوتس بس وين محلك او كيف طريقة التوصيل
وابي ضروري مشط خشب رحم الله والديك وين يبيعوهم

ع.الهواشم
01-07-2013, 03:07 PM
ماشاء الله
ربي يوفقش ان شاء الله
استفدت وايد من بعض النصائح يعطيش العافيه
والله ان نفسيتي زفت من شعري
ضعيف وخفيف وقصير وسويت لي كيراتين وتساقط بشكل يخوف
اني سويت الكيراتين قالوا لي علاج أي علاج دا ذبحني والله هم شعرتين وشكلهم يروحون بعد اصياح
وابي اللحين اعالجه عن هالاشياء
اني قلت بسخدم مجموعه اللوتس بس وين محلك او كيف طريقة التوصيل
وابي ضروري مشط خشب رحم الله والديك وين يبيعوهم
هلا غناتي
فرحت كثير انه انتي استفدتي من الموضوع
بالنسبه لشعرك كبدايه محتاجه حماسك وحبك للاستمرار وراح تلقين نتيجه زي ماقلت ببعض الردود هو مو فانوس سحري انتي شي تبين تغيريه من الاساس لذلك لازم بالبدايه عنايتك تصير مكثفه لما يصير شعرك اوكي ووضعه تمام ويبدي بالتحسن بعدها بيصير مريح بالاهتمام والنتائج بكل حالاته بيصير حلو سواء بدون استشوار او مع استشوار حتى اذا صبغتي شعرك طبعا صبغه مافيها امونيا ولا تحرق الشعر راح تلقين منظر شعرك حلو وفيه لمعه
هذا كله مو مستحيل يصير لشعرك لكن انتي تحددي كم المده لين توصلين الى هالشي اذا اهتميتي فيه وانتظمتي بسرعه راح تلقين تغيير وكبدايه اذا ملمسه تغييير وشوي شوي خف التساقط نقطه جدا ايجابيه بعدها راح تلقين مع الاشهر التغيرات بشعرك افضل وافضل
المعلومات الثانيه غناتي ارسلت لك عالخاص
وهذا الموضوع حطيت فيه المنتج
http://3roosqatif.com/vb/showthread.php?t=174662 (http://3roosqatif.com/vb/showthread.php?t=174662)
وتقدري تتواصلي معاي برقمي موجود بالموضوع واي سؤال واستفسار انا حاضره وراح اكون متابعه معك لو حابه لين تحصلين النتائج اللي تبينها
موفقه غناتي لكل خير