المساعد الشخصي الرقمي

مشاهدة النسخة كاملة : لكل من له خبرة في اقمشة السهرات يدخل



وردة ناعمة
10-08-2009, 02:55 PM
هلا حبايب

زواج اختي في ربيع الثاني وبنفصل لينا اني واختي وامي ونبغى محلات اقمشة ماتكون غالية لأن نبغى كل وحدة فستانها مايزيد عن 2000 القماش بالتفصيل او اذا زاد 2500 بس لأن الميزانية مش ولابد

وابغى تنصحوني متى نبدأ نشتري ونفصل لأن زواج اختي كان قبل 4 او 5 سنين وتعرفو كيف قبل والحين


انتظركم حبايبي بأسرع وق لاتخيبو ظني فيكم



موفقين لكل خير

pure
10-08-2009, 03:07 PM
غناتي على حسب المكان الي بتفصلوو فيه

بعضهم يقولو قبل العرس بشهر بعضهم شهرين

ومحلات القماش كلهم غاليه

بس روحو الخبر موول وروحو السويكت وشارع الحب ومارينا موول

هناك محلات وايد

فروو عليهم وشووفو

لان قبل شهرين اختي شرت ليها قطعه صدر بس بـ 1700

اتوقع القماش غالي بقووه

بس جربو فروو ع المحلات وماراح تخسروو

سـَمـَر ْ
10-08-2009, 03:11 PM
هلا غناتي روحواا افراح القطيف اللي في سوق مياس قطعه راقية جدا زي الدمام واسعاره ارخص

وفاصلوه في السعر واذا مارضى سووا روحكم مابتشتروا وبينزل ليكم

بعدين عندكم الخيار اما تروحوا لافراح البشراوي..مركز لولو وتاخذوا تصميم وتودوه لخياط الشعلة

اللي في السويكة وينفذه ليكم وشغله روعة

او انكم تخيطوا كامل عند افراح البشرواي..

في بعد خياطة فنانة اسمها ام جاسم يمكن تطلع عليكم ارخص من افراح

موفقة خيوه

فديت حمودي
10-08-2009, 03:43 PM
تقدري تروحي شارع الحب و فنيسيا مول

انا قبل شهرين اخذت قماش صدريه جاهزه

كرستال مره فخم ب 2000 و فصلته ب 300

كان الشغل بس على التنوره اللي فصلتها

بس و شريت لي قطعه كسرت فيها اللون من القطيف

ب 100

طلع كل الفستان ب 2400

وفي فساتين جاهزه كمان مره خيال ومتجدده

باسبوع واحد يغيروا وفي محلات رخيصه ومحلات

اسعارهم فوق اذا رحتي لا تستعجلي اخذي طله ع الكل

لان في قطع ما تستاهل لسعر اللي يحطوه واذا حبيتي

اعطيك رقم واسم المحل اللي شريت منه انا حاضره

لان قالي مافي الا هو عنده ذي القطعه وفعلا دورتها

ولا لقيتها الا عنده :)

::

مارينا مول غالي بساحيان تلقي شغلات موجوده بلواحه

اذكر شريت منه فستان ب 1200 ولقيته بالواحه ب 950

::

مجمع الظهران تلقي قطات فيه وفؤاد وجمعه سنتر بالخبر كمان

::

نصيحتي لك انتظري لا تفصلي الحين لان بعد شهر او شهرين

بتنزل موديلات 2010 فاخذي موديلات وقطع جديده :)

::

والله يبارك لاختك ويوفقكم جميع;)

وردة ناعمة
10-08-2009, 11:40 PM
بيور

سمر

فديت حمودي


الف شكر لكم وانتظر اراء باقي البنات والا عندهم خبرة

يعطيكم ربي ألف عافية


موفقين لكل خير

لامار
11-08-2009, 12:13 AM
أهلين ورده ناعمه...
بالنسبه للأقمشه وبسعر مناسب عندك المارينا مول، فينيسيا مول، الجمعه سيتي سنتر
سوق الحب بالدمام ممكن تلاقي أحيانآ بس الأغلبيه أقل مستوى
أحسن شئ بالمارينا تلاقي قطع مرررررره رهيبه والشك فيها جاهزه تكون بحدود 1000 إلى 2000 وبعدين تاخذيها تخيطيها بمبلغ جدآ بسيط مايزيد عن 500 لأن موديلها يكون فيها
وحده من صاحباتي سوت فستان موديله لزهير مراد راحت محل في المارينا وأخذت كل القطع من عنده "تقريبآ 3 أنواع من القطع" وطلعوا عليها أقل من 1000 ريال وبعدين ودت الموديل والقماش لمركز لازورد بسيهات خيطولها إياه بـ 1200 ريال، يعني كل الفستان أقل من 2500 وكان رهيييييييييييييييييييييييييييب
كلمة رهيبه قليله في حقه، أنصحك تروحي للازود لأن شغلهم مررررره مرتب
وبالنسبه للمده.. روحوا قبل بفتره لأن أغلب الخياطات إذا ماباقي إلا شهر أو أحيانآ حتى شهرين مايستقبلوا أحد لأن يكونوا مشغولين.. يعني أبتدوا اشتروا القطع قبل الزواج ب 3 شهور وعلى طول ودوها الخياط

موفقين إن شاء الله وأتمنى أكون أفدتك

ملصقات الجروح
11-08-2009, 01:52 AM
اني زواج خالتي في شوال وتوني البارحه شاريه قطعه قماش من السويكت اليافعي كان سعرها 2100 سواها لنا 1400 وموديلها فيها بس الحين ابغى اوديها الى مصممه كل الي كلمتهم مافي مجال والله يعينك وعلى فكره لاتشتري من بازار هو صحيح قطعه حلوه بس غاليه وتشوفي مثلهم او شبيه لهم بأسعار اقل

وردة ناعمة
11-08-2009, 04:25 AM
لامار

تسلمي عيوني ع مرورك اكثر من رائع

ملصقات الجروح

المشكلة ان الميزانية هي الا معقدتني مافي الا اني في البيت الكبيرة يعتبر عندي اخت اكبر مني بس متزوجة وحامل وبتولد قبل زواج اختي بشهر يعني الحمل والمسؤولية كلها عليي احس هذا الا معقدني وكلما افكر بسالفة التجهيز يدور راسي ويضيق خلقي

نسيت اقولكم صاحبتي الغالية نصحتني بسوق مياس في القطيف اذار حت ليها بروح وياها اخذ فكرة عن الاسعار والموديلات وكل شي لأن اخر مرة رحت محل اقمشة قبل 5 سنين في زواج اختي الكبيرة


ادري هدرت واجد بس لأن كل ماافكر بحوسة التجهيزات تجيني كآآآبة احس


موفقين لكل خير

مسالة وقت
11-08-2009, 04:52 AM
انا واختي اخدت قماشي حق زواج اخوي
من مارينا مول .. محل بنت نجد
طبعاً اخدي بس القطعه الاساسية من هناك
المشغوله بس! :d
لان تكملة القماش تكون هناك 3 أضعاف السعر في القطيف
انا اخدت بس البطانة وكم متر من الشيفون طلع بـ 350 وهنا في القطيف ماطلع لي بـ 100 ريال

فـ اختي اخدنا لها بس القطعه المشغوله
وباقي القماش والتكملة اخدناها لها من محل افراح القطيف اللي في الخنيزي

بخصوص المشاغل لفيت على مشاغل وكل وحده تعطيني سعر خيالي واللي تتطلب اشياء وانا اصلاً صديقتي مصممة في مشغل بس طلعت منه تقول ترى يلعبوا عليك

بعدين رحت الى مشغل اسمه سيدتي في المجيدية جنب غريب طوس
شغلها نظيف واسعارها معقولة
وغير كذا تعطيني افكار وبروفه وشغلات كذا
بعكس المصممه اللي رحتها من قبل - احتفظ بااسمه لي -

وردة ناعمة
11-08-2009, 05:07 AM
هلا خيتو مسألة وقت

يعني تقصدي القطيف ارخص لو ؟؟؟

احنا نفكر نشتري القماش ونوديه لمي الزهيري تصمم لينا موديل


انتظر ردش غناتي

خوخه
11-08-2009, 05:24 AM
بالنسبة للاقمشة عندك السويكت وشارع الحب

واسعارهم معقولة وعندك المارينا موول والخبر موول

واحلى شيء بشارع الحب اليافعي والعامودي والاصيلة

مرااا فخمين اقمشتهم وتواكب المووضة ...

والاسعار على حسب الشغل والكرستال الي فيهاا

واما المدة على حسب المصممة اتصلوا عليها وعطوها

الموعد وهي بتقول لكم متى تاخذوا القماش ..

اما اذا كان مصمم فاتوقع قبل العرس بثلاث او شهرين ..

وموفقين

وردة ناعمة
11-08-2009, 02:44 PM
تسلمي غناتي على مرورش

موفقة ان شاء الله

مسالة وقت
12-08-2009, 04:59 AM
القطيف ارخص بواجــــــــــــــــــــــــــد

انا واختي اخدنا بس القطعه الاساسية من المارينا
اما الباقي من البطانة الى الشيفون الى الستان والجبونة والى كل هالسوالف
اخدناها من القطيف

انا حتى قطعتي لما اخدتها من بنت نجد وجيت اكمل باقي القماش اللي تحت عند افراح القطيف
سألته كم تعطيها سعر
عطاني سعر اقل لها
:(

انتي روحي اول واخدي فكرة عن الاسعار

u4me
12-08-2009, 10:40 AM
توي جايه من مارينا وفعلاً الاسعار حريقة صدريات مشكوكة ولو قلبتوها طلعت ................ حتى السيور حقها مو مشيوله من الملل

رحت محل وعجبتني صدريه لحالها ب 1500 ريال واللي جنبه كامله مع القطع اللي تحت ب 1450 ريال وهي نفسها نفسها

قمت النصب مارينا

وردة ناعمة
12-08-2009, 01:42 PM
هذا الا يقولو مارينا رخيص بعد طلعو غاليين

اني الأسبوع الجاي بروح لصاحبتي وبروح وياها نفرفر ع المحلات الا في مياس ع الأقل اخذ فكرة مو ضروري اشتري لأن مابشتري الحين بشتري في شوال او ذي القعدة برايكم عدل ؟؟ لو اشتري قبل ؟؟ عشان التفصيل لأنقاعدين نفكر نفصل عند مي الزهيري عشان تصمم لينا موديلات ونفتك


ماعليه طفشتكم والله بس ماعندي غيركم الاعراس الا فاتت كل اجار والحين زواج اختي لازم نفصل مو معقول بنستأجر بعد

وردة ناعمة
13-08-2009, 03:04 AM
انتطر ردوووووووووودكم يابنات

ملصقات الجروح
13-08-2009, 03:55 AM
مي الزهيري رحت لها قبل لا اشتري القماش وقلت لها بحجز قالت ليي بدري على الزواج مايحتاج تدفعي عربون قبل الزواج بشهرين تعالي واني اعتدمت عليها واشتريت قماش ووديته لها تقول ليي اسفه مافي مجال قلت لها انتي قلتي لي اجيبه لك قالت بس الحين ماعندي مجال

وردة ناعمة
13-08-2009, 04:00 AM
يؤؤ

طيب احنا نبغى نودي لمصممة عشان هي تصمم لينا الموديل عماتي جربوها ونصحونا فيها ومانبغى افرح البشراوي خياطها مو لهناك كل تلزيق وغالية واجد

احنا بنشتري وبنوديه لها ع طول

موفقة غناتي

u4me
13-08-2009, 02:53 PM
يؤؤ

طيب احنا نبغى نودي لمصممة عشان هي تصمم لينا الموديل عماتي جربوها ونصحونا فيها ومانبغى افرح البشراوي خياطها مو لهناك كل تلزيق وغالية واجد

احنا بنشتري وبنوديه لها ع طول

موفقة غناتي

حبيبتي أنتي وبنات المنتدى الباقيين اللي حاطيين في بالهم كابوس أسمه مصممة ...

أصلاً الكل شايف الحين القطع تجي جاهزة من فوق مشكوكة وماعليك الا تشتري الدانتيل والشيفون والجبونة للباقي وكل الموديلات معرفه لطريقة الفستان وحتى اذا شريتيه يصور لك صاحب المحل الصورة واضحة وملونة وتروحي تستلميها .. يعني حتى المصممات اللي لاعبين عليكم مايسووا شي للثوب اللهم يركبو القطعه

تو عندي زواج ونقريبات العروس مفصلين فساتينهم لازورد وابتهاج السلمان ومي الزهيري وخليني باقولك رايي بكل وحدة

مشغل لازورد : كان فستان أم العروس فااااااااااااضي مرة مخمل وعليه شويه شيفووون ولاشي يلمع فيه الا اللهم بروشه مركبتنها ام العروس خياطة ب 1300 ريال ( وقسم بالله اي هندي بخياط عادي يسووي هالموديل ) استغربت وش هالنصب وعلى ويش 1300 ريال وام العروس ليومش هذا تسب فيهم .. وغير ذا تدفعي عربون عشان تصميم (كلمة ملعوب فيها على بنات ) وتعالي ترمي القطعه عندها بالشهرين وتعالي تقولش ابعطيش موعد .. ولما تروحي عالموعد الحجج يامسافرة ياطالعه ............... خوش ذمة



مي الزهيري :: اذا رايقه سوت لش مثل ماتبغين واذا مالها خلق تلزيق بتلزيق وعندي فساتين لي ول قريباتي تندموووووووو لانهم قربوها بيوم

قريبه ثانيه ودت لها قطعتين قيمه كل قطعه 2500 ريال الاولى مااستوت الا قبل العرس بليلتين مع انه موعد استلمهم قبل الزواج باسبوعين- المهم وعدتها بعد الزواج تجيها عشان تسوي الثانيه للزواج الثاني وتتفجأ البنت بأنها مسافره

ابتهاج السلمان .. اوكي تمام بس هم تعتبر غاليه شوي .. شفت فستان عروس ناعم وفخم بنفس الوقت ماهو فوضى مثل موديلات هاليومين بس لازم تلاحقيها عشان تخلصيها ..

u4me
13-08-2009, 02:56 PM
هذا الا يقولو مارينا رخيص بعد طلعو غاليين

اني الأسبوع الجاي بروح لصاحبتي وبروح وياها نفرفر ع المحلات الا في مياس ع الأقل اخذ فكرة مو ضروري اشتري لأن مابشتري الحين بشتري في شوال او ذي القعدة برايكم عدل ؟؟ لو اشتري قبل ؟؟ عشان التفصيل لأنقاعدين نفكر نفصل عند مي الزهيري عشان تصمم لينا موديلات ونفتك


ماعليه طفشتكم والله بس ماعندي غيركم الاعراس الا فاتت كل اجار والحين زواج اختي لازم نفصل مو معقول بنستأجر بعد

المحل اللي بوجهه عروس القطيف عنده حاجات رهيبه ماتتعدى 1000 حتى لو غيرتي شي مايزيدش واجد اللهم اذا كان اللي بتغيره من تحت القطعه مشكوك ويكلف

وردة ناعمة
14-08-2009, 11:50 PM
مشكورة غناتي على مرورش

بس احنا نفكر نخيط عند مي ع الأقل خياط مضمون وشايفينه ومستحيل نعتمد ع الكلام بس لأن ميزانيتنا مو ذاك الزود ومانبغى نتوهق حزة الحزة صراحة خطري بقوةافصل ليي فستان لزواج اختي

بكرة ان شاء الله بروح مع صاحبتي اخذ فكرة عن الاسعار وكل شي


والله يوفق للجميع يارب

روزابيض
15-08-2009, 04:25 AM
ادا تبغي فستان يطلع ميه ميه ونتين ماتحاتينه

روحي الى الخياطه والمصممه افراح الخاطر وعطيهاا ميزانيتش قولي اليهاا ماابغى اكثر من كدا

بعدين بتخليش تختارين المديل الي يعجبش وخاطرش فيه وبتقولش جيبي هالقماش الي يناسبه وبدليش في وين
بس هي ساعات ماتقول كم اتكلفه صراحه الا لما تخلص من الفستان بس انتين اكدي عليهاا انش ماتبغيه اغلى من كده
لكن اضمن الش خياطهاا كان الفستان جاهز ولا احلى بعد
بس مشكلتهااا انهاا تكون محجوزه الى اسنتين الجايين ماتفضى ابدا


وادا تبغي اخياط اقل سعرا من افراح انصحش روحي الى مركز كريزما اني ماجربت خياطهم لكن خالتي سوت فستانهاا حق عرس اخوي عندهاا

وطلع خياااال كان جاهز
بس ودي اليهاا صوره وقولي ابغى مثله وهي بسويلش مثله باضبط لان خالتي ودت اليهاا صوره وسوت اليهااا مثله ولا غلطه

وبتوفيق يارب

بنت الأصول
16-08-2009, 02:04 AM
هلا خيتو مسألة وقت

يعني تقصدي القطيف ارخص لو ؟؟؟

احنا نفكر نشتري القماش ونوديه لمي الزهيري تصمم لينا موديل


انتظر ردش غناتي

أهلا ً أختي :ـ
وردة ناعمه أنا زواجي إن شاء الله في ذي الحجه وبخيط فستاني عند مي الزهيري لأنها من ناحيه فستان العروس تهتم به ويصير جنان بس الفساتين الباقي ماأنصح بها بالمره مو حلو بعكس فساتين العرايس

وردة ناعمة
16-08-2009, 02:11 AM
هلا غناتي بنت الأصول

مشكلة ان مي الزهيري شايفين خياطها ومانبغى نغامر نخيط عند احد واحنا مو شايفين الخياط لأن مانبغى نتوهق حزة الحزة

طيب وين تنصحينا نخيط لأن ميزانيتنا كل وحدة حد قصى 2000 القماش بالتفصيل

u4me
17-08-2009, 07:30 AM
أهلا ً أختي :ـ
وردة ناعمه أنا زواجي إن شاء الله في ذي الحجه وبخيط فستاني عند مي الزهيري لأنها من ناحيه فستان العروس تهتم به ويصير جنان بس الفساتين الباقي ماأنصح بها بالمره مو حلو بعكس فساتين العرايس


رحم الله والديش جبتيها صح :d

u4me
17-08-2009, 07:38 AM
ادا تبغي فستان يطلع ميه ميه ونتين ماتحاتينه

روحي الى الخياطه والمصممه افراح الخاطر وعطيهاا ميزانيتش قولي اليهاا ماابغى اكثر من كدا

بعدين بتخليش تختارين المديل الي يعجبش وخاطرش فيه وبتقولش جيبي هالقماش الي يناسبه وبدليش في وين
بس هي ساعات ماتقول كم اتكلفه صراحه الا لما تخلص من الفستان بس انتين اكدي عليهاا انش ماتبغيه اغلى من كده
لكن اضمن الش خياطهاا كان الفستان جاهز ولا احلى بعد
بس مشكلتهااا انهاا تكون محجوزه الى اسنتين الجايين ماتفضى ابدا


وادا تبغي اخياط اقل سعرا من افراح انصحش روحي الى مركز كريزما اني ماجربت خياطهم لكن خالتي سوت فستانهاا حق عرس اخوي عندهاا

وطلع خياااال كان جاهز
بس ودي اليهاا صوره وقولي ابغى مثله وهي بسويلش مثله باضبط لان خالتي ودت اليهاا صوره وسوت اليهااا مثله ولا غلطه

وبتوفيق يارب

ابغى وصف مكانها بالضبط ورقم التلفون وهل هل عندها مشغل لو في بيتهم ؟

دانة علي
17-08-2009, 09:08 AM
هلا أختي

بالنسبة لأماكن الأقمشة المجربة عندي واحسها حلوة:

- بازار بالخبر.
- في المارينا محمد العيسائي مع أن إللي يبيع هناك ثقيل دم ويزيد الأسعار لازم تفاصلوه بس أقمشته حلوة مرة.

تقدري بعد تشوفي باقي الأماكن بالمارينا أحيناً يكون عندهم أشياء حلوة.

متى تشتروا القماش؟ باقي على ربيع واجد وبتنزل أقمشة أحلى. بس نصيحة كلمي المصممة إللي تريدي تودي لها القماش قولي لها أنك بتحجزي إلى 3 فساتين تريديهم يخلصوا في صفر وقولي لها تحجز لكم مكان بس ما تريدي تشتري قماش يصير قديم. أهم شيء تحجزوا لأن بعدين يمكن ما تحصلوا أحد يفصل لكم.

بالتوفيق

وردة ناعمة
19-08-2009, 01:15 AM
اليوم كلمنا مي الزهيري قالت ندفع ليها عربون حجز علشان في ذي القعدة او ذي الحجة نشتري القطع ونوديهم ليها

يعني قررنا نشتري القطع بعد شهرين بس من وين ماادري

الله يسهل الأمور

وألف شكر لمروركم


موفقين لكل خير

u4me
19-08-2009, 07:27 AM
بناااااات أنا الزواج آخر ذي القعدة !! وأمس رحت السلمان في سوق الحب والأميرات ورجعت رحت مارينا مرة ثانيه .....

شفت عند السنديانه شي على جلد حلووو بس مو راضي ينزل الصدريه ب 1500 ريال ولاشفت نفس هالموديلات بمحلات ثانيه

وردة ناعمة
19-08-2009, 02:18 PM
اهاا حاولي تشوفي شي ثاني ارخص منها

احس حرام 1500 عشان بس صدرية


واذا ماعجبش شي مالش الا تحاولي فيه مرة ثانية يرخصها

موفقة غناتي

u4me
19-08-2009, 02:27 PM
اهاا حاولي تشوفي شي ثاني ارخص منها

احس حرام 1500 عشان بس صدرية


واذا ماعجبش شي مالش الا تحاولي فيه مرة ثانية يرخصها

موفقة غناتي

برا مارينا من 750 الى 1300 حد الصدرية ؟؟؟

الا بسئلكم الخبر مول فيه شي ؟؟

وردة ناعمة
19-08-2009, 02:31 PM
مادري والله غناتي

اني من زواج اختي قبل 5 سنين ماطبيت محلات الأقمشة واكيد كل شي تغير

اذا رحت اشوف الاسعار كيف

اكيد نار

الله المعين