المساعد الشخصي الرقمي

مشاهدة النسخة كاملة : للخبيرات بأفضل أماكن بيع قماش فساتين الزفاف وأماكنهم



strawberry111
07-12-2009, 04:52 PM
للخبيرات بأفضل أماكن بيع قماش فساتين الزفاف وأماكنهم مساعده بليز


والله عجبني تعاونكم وابيكم تتعاونو معاي :D


للحين متحيرة استأجر اليي فستان زفاف او أفصل :confused:


اي احسن التفصيل ولا الجاهز

المهم ابي شوركم لو فكرت أفصل :rolleyes:



فأبي مساعدتكم ويش أحسن أنواع اقمشة للعرايس وين يبيعونهم


وين تنصحوني أخذ القماش وشو افضل الاقمشه ؟؟


ابي كل التفاصيل وين أفصل بعد
اول مرة افصل اليي فستان فما عندي خبرة ابداً


ابي شوركم حبيباتي بأسرع وقت

فكتوريا سكريت
07-12-2009, 06:00 PM
انصحك نفس المكان الي تفصلي فيه خليهم يوفر لك قماش
يطلع عليك انسب واحينا نفس السعر

فوفري الجهد والوقت

بالتوفيق

المزيونة
07-12-2009, 06:11 PM
موفقه يالغاليه

والله انا رحت البارح وفصلته بالدمام وهو الي بيتكلف بكل شيء وغيرر انو لو خديتي اقمااش احيانا مايركب عليه اي مديل بالافضل تخلي يتكلف بكل شيء عشان لاتعبين نفسك وبصراحة التعامل معه حلو واي شيء تبينه يسويه وغير كذا مثل انتي تبين شيء وعجبك اذا مومناسب ينصحك ويخليك براحتك القرار لك

بنسبة لي فصلت
بس الاجار والتفصيل اسعارهم متفاوته بين 1500 وما فوق

انا وحده من صحباتي اتاجرات فستان على طول بدون ماتقرر شيء ب 5000 ونذمت قلت لو فصلت احسن بس القرار لك يالغاليه شوفي وش يناسبك

بحر بلا مرفأ
07-12-2009, 08:08 PM
الاماكن الي في شارع الحب وفي السويكت عندهم اشياء مرة حليوة
واسعارهم فيه الغالي وفيه الرخيص
ويفصلوا لك زي ماتبغي حتى لو بتغيري في الموديل عادي
وادا تبغي تشتري لك قماش بيصير غالي مرة
وفيه اماكن واجد حق القماش
بس افضل شي وا حلى شي عند البازار وهو موجود في اغلب المجمعات
فيه في المارينا وفيه في الخبر مول وفي فينيسا
وفي شارع السويكت
وبالنسبة لي افضل خياطة افراح الخاطر
ادا بتفصلي عندها تقدر تفيدك في نوع القماش والسعر وحتى بعض الاحيان توفر لك على حسب ميزانيتك

صمت الدموع
07-12-2009, 09:46 PM
آخر مرة رحت المارينا شفت قماش يجنن عند مودون

وكله شك رهييييب

والخياطة انا تعجبني افراح الخاطر بس لازم تحجزيها قبل فترة طويلة

NoOoORy
07-12-2009, 11:56 PM
خيوه انا ابيع فساتين زواج جاهزه اذا تحبي تشوفي

ودي أموت
08-12-2009, 04:33 AM
أذا عاجنبك موديل وفيه شك وكرستال وديه اي محل من محلات القماش ويسوي لك مثله
بس لا تروحي البازار لانه حرامي اي محل غيره يسويه لك بسعر أرخص
قصدي موديل لمصمم

strawberry111
08-12-2009, 12:22 PM
مشكورات على المرور والرد غالياتي

بس ممكن تدلوني على اسماء محلات الخياطين في الدمام والسويكت لاني اول مرة افصل
وما عندي خبرة نهائياً
وفي حدود كم يفصلو الفستان وكم المدة ؟؟

حبيبتي المزيونة شنواسم المحل الي فصلتي فستانك فيه ووين ؟؟

موفقين

ThE $eCReT
08-12-2009, 12:32 PM
خيتو تقدري تروحي العمودي بسوق الحب....يصير بالضبط عند مجمع اللؤلؤة...
منه القماش ومنه التفصيل....وبعد بينصحك :)


موفقة قلبو

روح الشرق
08-12-2009, 01:18 PM
اني أشوف ان أفخم الأقمشة في البازار لأن ينزل قماش حق مصممين زي زهير مراد
وفيه عندك العيسائي بس غالي شوي

هذي الأماكن اللي شفت أقمشتهم..ومرة شفت فستان صديقتي في زواجها كان مرة فخم وكانت ماخذة القماش من مارينا بس مو ذاكرة اسم المحل..تقول ان هو الوحيد اللي عنده قماش بهالشكل :)

بالنسبة لأماكن التفصيل ماعندي خبرة بس اللي أعرفه فوزية النافع في الخبر بس يبغى ليها ميزانية عالية جددددا جدااا ..تصاميمها شي واااااااو بس صراحة الواحد مايبغى يصرف مبالغ كبيرة على ثوب

سمعت فيه مشاغل في السويكت حلو تصميمهم..زي مشغل هي ومشغل فن بس ماشفت خياطهم بنفسي

ومن سيهات عندش كذا مصممة..فيه مها الرميح خياطها جنااان بس شوي غالية اسعارها
فيه ابتهاج النصر وأفراح النصر

هذا اللي أعرفه
أحسن أنواع الأقمشة وأفخمها لثوب العروس هو التول..طبعا انتين واللي تحبيه بس اني اشوف ان التول أفخم شي وبالذات لما يكون فيه كريستال أو يكون مدخل فيه دانتيل شي مررة رائع :)
ولا تملي ثوبش كريستال بشكل كبير لأن الثوب يصير ثقيل والحين موضة الناعم
ادخلي على مواقع المصممين وشوفي موديلات ..عندش موقع زهير مراد مرة حليوة فساتينه :)

جنا الروح
08-12-2009, 03:56 PM
افضل محل وعن تجربه من كل عروسات عايلتنا

البازار
بلا منافس
شي راقي وخيااااااااالي
كلمة يجنن ماتوصف قماشه
ومثل ماقالت روح الشرق
افضل شي التول فخم فخم
بس البازار يبغاله ميزانيه كبيــــــره
يعني القماش لحاله ممكن ب 15 الف

:)



ومبروك عروســــــــــه

wada3
08-12-2009, 08:22 PM
انا فستاني بصممه في شارع السويكت محل اسمه بحر العرايس
انا كنت حاطـه لنفسي ميزانية لثوبي 8000 ريال
بس رحت وشفت المعروضين عجبني واحد وبفصله بـ 4500 ريال
الفستان دخل مزاجي واقتنعت فيه وآحلى شي اني وفرت في السعر بعد :)
وان شااء الله فستاني يضبط..

عروس القمر
09-12-2009, 03:59 AM
الحين اكثر قماش يستخدموه محلات فساتين العرايس التول لان الشغل فيه عدل يقدروا يتحكموا فيه
انا فستان حفلتي تول اقدرت حتى اتحكم بمقاسه لان ماكان عندي وقت اضيقة وهو بالاساس فستان عروس وان محتارة مره ابغى قماش غير وموديلات غير الا بالسوق بس المشكلة هذه الموضة ولا شفت موديلات 2010 تغيرت عن موديلات 2009 متورطة حدي بالفستان بالقماش والموديل

strawberry111
09-12-2009, 12:58 PM
طيب محلات الاقمشة مثل العيسائي وباراز يعملو تخفيضات او عروضات على الاقمشة واذا فيه متى يكون ؟؟

((دانية))
09-12-2009, 01:11 PM
هلا حبيبتي ..
أنصحك تروحي للأخت مي الزهيري وما راح تتعبي تقوم لك بكل الموضوع لخياط+لقماش ..

ريتــــــــــــــــــاج
09-12-2009, 08:11 PM
مشكلة مي الزهيري انها تحط كل شئ بالصمغ

ملاك في الارض
11-12-2009, 10:32 AM
فوزية النافع في الخبر بس شو اسم محلها ومن وين اصل فوزية النافع...فضول

strawberry111
12-12-2009, 04:53 PM
ممكن اسماء المحلات الي في شارع الحب او شارع السويكت ؟؟

الي يفصلو فساتين زفاف ويكونو مضمونيين في الدقة والتفصيل وفي حدود كم اسعارهم ؟؟

وهل القماش من عندهم يكون والموديل ؟؟

روح الشرق
12-12-2009, 07:39 PM
فوزية النافع في الخبر بس شو اسم محلها ومن وين اصل فوزية النافع...فضول


اسم محلها النافع
وهي من الخبر :)
ادخلي قوقل واكتبي اسمها وبتشوفي صورها وممكن صور لبعض فساتينها بس مو حلوين الا في النت أبدا اللي تسوييهم للناس بالذات فساتين العروس مررررررة أحلى بمليوون :) :d

على فكرة عندها الفرع الأصلي لمحلها في البحرين.. في مجمع الشيراتون :)

ّالدنيا ولا تسوىّ
12-12-2009, 10:15 PM
خيتو اني انصحش تروحي الى مصممات او محلات شارع الحب او السويكت يكون افضل لانهم يوفرو لش القماش والتفصيل واسعارهم حلوووة

والله يوفقش ويتمم لش على خير ان شاء الله

كحيلة الرمش
13-12-2009, 11:18 AM
انا افضل انج تتأجرين . في فستانين حلوة وماتتجاوز 4 الالف, بس اذا بتفصلي وعند احد راقي وقماشات راقية مابتقل عن 25 الف .
انا فستان حفلتي كلفني 8000 ...وهو تفصيل .وقلت بأجره ب 2000 .. واللي فصلته لي مها الرميح و قماشي من البازار واليافعي .موفقة عيوني.,

Hadil
15-12-2009, 10:08 AM
السلام عليكم

سؤال ياليتكم تفيدوني اللي فصلوا ليهم فستان

لما رحتوا الخياط طلب منكم عربون أولا؟
وكم طلب منكم كامل المبلغ؟أو نصف السعرأو....

أفيدوني

وشكراً

اصناف
24-12-2009, 08:41 AM
لاتتعبي وتروحي بعيد
روحي محل افراح القطيف اللي بمجمع الخنيزي---الدور الاول
عندهم مصمم ومطرز يسوي لك القطعه اللي تبغينها يعني لو شفتي فستان بصورة لمصمم يسوي لك نفس الخامة والتفصيل ويودية عند اكبر المشاغل
جربي مابتندمي وراح تدعي لي لان اسعارهم رهيبه

Tamy
24-12-2009, 09:46 AM
أنا بعد أبغى أعرف أفضل محلات الأقمشة
لأن عندي موديل ، وما بغى المصممين يتلعبو عليي بموديل عادي و 30 ألف
أبغى محلات الأقمشة الممتازة ، واسماء المشاغل اللي تفصل على طلبي ، يعني ابغاه بس يخيط ، من غير تصميم ويكون شاطر مرة ويستوعب ، ويفضل يكون رجال لأنهم اشطر في الخياط واركز في الاسعار من النصب اللي يصير في مشاغل الحريم :d

قطرة
24-12-2009, 10:55 AM
عندي قماش فستاني الزفاف اعرضه للبيع
اشتريته وبعدين ماصار في وقت للخياط ومع الاسف خسرته واستأجرت فستان في اخر لحظه
راح ارسل الش الصور
اشتريته من محل راقي في جدة بالطرحه والشك والبطانه كامل ومعاه بعد دانتيل فرنسي
اذاعجبش مبروك عليش
واذاما عجبش عزيزة وغالية

SöKàRá
09-01-2010, 04:19 PM
صحيح بنآآت ابغى اماكن يبيعوو قماش حليوو وفخم و يرآعي في الاسعار ..
وش رايكم في تفصيل المصممات أو الخياطيين الرجال اي ازبط في الموديل والشغل ؟
ويكون مرتب .. :rolleyes:
موفقآآت يآآحلوآآآت

بنت ابوها
11-01-2010, 12:30 AM
انا كان قماشي من العيسائي