المساعد الشخصي الرقمي

مشاهدة النسخة كاملة : تجاربكم وخبراتكم بالولاده



الصفحات : [1] 2

أم سيد دانيال
06-03-2010, 06:17 PM
بسم الله الرحمن الرحيم
اللهم صل على محمد وآل محمد




السالفه ومافيه ياطويلات العمر
اني شايله هم الولاده من الحين
وانا اول حمل لي
وانا توني بالشهر الثاني
يعني كل اللي جربوا الولاده
يقولوا تعور وماتوقعها كذا
والحين طالعين بموضة الجراحه او التوسيع
هاذي بصراحه تموووت من الخوف
هي بس كلمة موس وخيط وابر وانتي موتعيه تكفي
وياليت مخدره بعد...يقولوا تشوفيهم وهم يخطوك والابر والخيط تروح وتجي
امممم بصراحه هذا الشيء ما كان موجود بالاول
الكل يولد ولاده طبيعيه
حتى لو تشققوا بعدين يلتحموا بوحدهم
ولايحتاج لا توسيع ولاشيء

انا بصراحه هذا اللي خايفه منه


بس الكل يقولوا تعور وتعور واخر شيء ماتجي السنه اللي بعدهم الا عندهم المولود الثاني

طيب رأيكم بمستشفى مايسوي توسيع
وقولوا لي عن تجربتكم بالولاده
بتوسيع وبدون

M!ss sweet
06-03-2010, 06:42 PM
انابعد احاتي مرة

ياليت حد يوصف لنا كيف الالم قوي وكيف ياربي خايفة :(

النحلة البريئة
06-03-2010, 06:52 PM
لا تخوفوا اعماركم الله يسهل علييييييييكم يارب
وان شاء الله ماتحتاجوا توسيع يارب
دخلت اخفف من روعتكم ^^ ربي يسهل عليكم امين

دلوعة الحب
06-03-2010, 06:58 PM
من الحين خايفه غناتي
لاتفكري واجد في الولاده والمها
وشوفي اجيال من امهاتنا من قبل ولدوا بدل الواحد عشره
وماعليهم الا العافيه
مااقول لش اني ماافكر في الولاده
بس الافضل ماتخوفي نفسش من الحين
والله يسهل علينا وعلى الجميع

Om-Baneen
06-03-2010, 09:54 PM
نصيحة مني لا تسمعي كلام احد

الناس يحبو يزودو ويهولو في الأمور .. الولادة على حسب كل وحده وقدرة احتمالها يعني في ناس يحبو يصورخو ويتدلعو فيقولو لش تألم وقصص مالها نهاية ..

والتوسيع لا بد منه .. على قولتش يتشققو .. بس التشقق مشكله عويصه ومش سهله والتوسيع افضل وهو يكون وانتي مخدره يعني مش راح تحسي ..

نصيحتي لاتفكري واجد انتي توك عيشي مراحل حملك واستمتعي فيها ..

بيداء
06-03-2010, 11:10 PM
مثل ماقالت om-Baneenلا تحاتي من الحين والولاده من وحده لوحده تختلف والله يسهل عليش وعلينا إنشاء الله ...

Om Bandar
06-03-2010, 11:12 PM
يؤ لا تفكري من ألحين
أجل أنا وش أقول اللي مابقى شي علي وأنا بدون شي جبانه حدي
بس مصبره نفسي
أقول اللي أصغر مني ولدوا ومماتوا هههه
وبعدين لو بجلس أفكر بتجيني حاله نفسيه
وفي النهايه غصب بولد ولا هالدبه وين بتروح :o >> تصبر روحها هذي
ولا تسمعي كلام أحد مثل ماقالت الأخت
أصلاً يختلف من وحده لوحده
الله يسهل على الجميع ياااارب
...

فراشة الزهور
06-03-2010, 11:13 PM
عيل اذا دخلتي الشهر الثامن ع خير ان شاء الله ويش بتسوين كلراح تفكرين

انا من دخلت الثامن وانا كل افكر وخايفة وكل احلام عن النونو واحس هالشهر طويل غير عن باقي الشهور

الله يسهل عليش وعليه وع جميع الكروشات يارب

حبيبي التوت
06-03-2010, 11:29 PM
الله يتمم عليج بالخير ويسهل عليج وعلى كل حامل
ان شاء الله تولدي طبيعي الكل يقول بس تشوفي النونو
ويكون بصحة زينة
تنسي كل حاجة اني الى الحين متحسرة على وقت
الولادة لان الله ماكتب اولد طبيعي وماشفت بنتي الا بعد يوم
الحمد لله ...........
السهالة من عند رب العالمين ماعليج من احد
اقري ادعية تسهل الولادة اذا وصلتي التاسع

أم سيد مهدي11
06-03-2010, 11:30 PM
لاتفكرو واجد

ادعو الله يسهل ويهسل عليكم ان شاء الله

وبالنسبه ان كل وحده تقول يالم وبعدين السنه الجايه تحمل هذي سنه الحياه

رغم الالم والتعب والتربيه مو بس الولاده
بس هذا الشي مكتوب ان احنا نجيب ونربي اجيال بعدنا

الله يسهل عليكم يااارب وانا وياكم بعد

نايس ومن
06-03-2010, 11:41 PM
ترى الولاده مررررررررررررره سهله
لاتحاتوووووووووووون
ابداً الالم بس في الطلق اهم شي اذا جاك الطلق لازم تدفعين ع تحت
علشان تتسهل لك الولاده بأذن الله
ومن تشوفين البيبي تنسين الالم
وحتى اياام الحمل بتسنيها
بتحسي كل اللي صارحلم ههههههههههههههههههه

والله يسهل ع الجميع
اذا جيت تولدي اقصد اول ماتحسي بالطلق اقري سورة مريم ودعاء جبريل
لتسهيل الولاده
اما بالنسبه للتوسعه اهم انك تهتمين فيها خليها دايما جافه
انا كنت كال يوم اتنقع في ماي وملح 10 دقايق
وماصار اسبوعين الا وطاح الخيط وبعدين صرت اتنقع في ماي ساخن بدوووون ملح

أريج الواحة
07-03-2010, 12:16 AM
مرحباا
شوفي اختي ما فيه شي يجي من غير تعب ،، وعلى المحاتاة شي طبيعي الواحد يحاتي بس احنا نحاول قد ما نقدر ما نفكر وايد كل شيء في وقته وعيشي حياتش عادي
حاولي تشغلين وقتج بأشياء ثانية وفكري بأشياء حلوة مثل البيبي كيف راح يكون؟ شلون بتجهزين له ؟
واقرأ كتب عن الطفل لانها فرصتك بعدين اذا ولدتين ما بيمديج وهيك يعني
بالنسبة للخياطة اكيد فيه تخدير موضعي يعني ما بتحسين بشي او يتحسين مرررره خفيف
انا بولادتي عطوني كمام وريحيني وايد وحسيت اني شبه مخدرة وما احسيت بألم لخياط او التوسعة
وبعدين التوسعه احيانا ضروري اذا كان حجم راس البيبي كبير
ونصيحة مني
توكلي على الله في كل شيء وتوسلي بأهل البيت في وقت الولادة وفيه اذكار ومجربات تسهل عليج الولادة سوي لها بحث في المنتدى او شوفي البنات يمكن عندهم
الله يسهل عليج وعلينا يااارب

نور سيهات
07-03-2010, 12:29 AM
توكلي على الله اختي وصيري شجاعه والله ذكرتني بحالي بحملي الاول اسمع الف كلام بس خليك عاديه ولاتخافي

لانه الخووووووف اهووه الايجيب الالم صدقيني بي ها الكلام وبعدين الم الولاده مايجي الك الا بتدريج مثل ويش اقولش كانك راكبه سلم اول عتبه مابتتعبي والثانيه بعد والثالثه واشووووووووي اشوووي يجي الالم وانتي وصبرك وشجاعتك تخففي على روحك الالم وعليك برياضه اختي للحامل واقرائي الادعيه وادعي لي انا بعد الشهر الجاي شهري للولادهوعلى الله كل شي مافيه حلاوه من غير نار تبقين اولاد اوبنات على الجاهز مافيه الم وتعب وسهر وصبر وتربيه وبعدين كل مايكبر البنت او الولد وتحسني تربيتهم تحسين سوويتين شي بدنيا والك شي باقي فيها

اسفه اختي طووووووولت عليك

بحر بلا مرفأ
07-03-2010, 02:02 AM
مراحب اختي
الحمل والولادة سنة الحياة ومافيه شي يجي بسهولة
ولمافيه اصعب من خروج الروح الا خروج الروح منها
والله يسهل عليش وتولدي طبيعي
وترى الحين المستشفيات كلها في السعودية تسوي توسيع
شي لابد منه
ولاتفكري ولاتخافي
انا وحدة دخلت المسشتفى وكان معاي نزيف ماء ودم
وادري عن نفسي بيعطوني ابر الطلق الصناعي
بس ماخفت الا لما جوا عطوني الابرة لانه الم الطلق تعبني
بس لما شفت زهرتي على طول ارتحت نفسيا ونسيت الم الطلق
وعلى التوسيع والخياط ترى يخدرو الموضع تخدير موضعي
ولاتحسي بالابر واساساً من التعب مابتشوفيهم وهم يخيطوش
والخياط ولاشي تحت الطلق
والله يسهل على حامل ولادتها

KABI
07-03-2010, 02:30 AM
انصحش لاتفكري غناتي ابد والولاده تختلف من وحده الى وحده
وسهاله من رب العالين ,,وان شاءلله تولدي طبيعي ,,,
اني عمليه اول الايام عذاااااااااب والحمدالله احين بخير ,,,,

ام ياسمين
07-03-2010, 09:30 AM
هلا
انا بداية حملي كنت مرررررررررره خايفه بس ليش اخوف روحي عن شي انا ما عرفه
قلت اخليها على الله كل الناس يولدو كنت اتصفح بالنت على شكل الجنين في شهر وكم صار طوله واقيس بالمسطره بعد خخخخخخخخخ وحركات الجنين
ويوم صرت بالتاسع مره مره مليت كنت ابغى اولد بسرعه وكان ما يجيني نوم من الثقل
كنت استغل الوقت واصلي صلاة الليل و اقرى قران كان نفسي اختم القران بس اسبوعين وولدت
وكنت اكل كل يوم تمر مو اقل من سبع تمرات
وكل يوم امشي مع التسبيح والصلاة على محمد وال محمد وكنت اختار الي اسم من اسماء الله وكرره واقول نادى عليا مظهر العجائب يعني كنت امشي مع الاذكار
واسوي تمارين كيجل عشان تساعد على التمدد
ويوم جاني الطلق كنت اركب الدرج وانزل احسه يخفف ما ابغى اروح المستشفى بسرعه
بس ماقدرت رحت المستشفى وشافت مفتوح 3
هذا الساعه 2 ونص والساعه 8 ونص وصل عشره
وفي دكتوره علمتني كيف اولد قالت بمصري انا مش عاوزه اه لانه طاقتش بتروح في الصريخ
وما تقدري تدفعي كل ما حسيتي بالطلق ادفعي
وحاولت واخيرا اولدت الساعه 9 وطلعت ياسمين لله الحمد
الله يرزق كل محروم يارب

أم سيد دانيال
07-03-2010, 02:27 PM
مشكورين

بصراحه رفعتوا معنوياتي

بس الناس يقولوا التوسيع بدون تخدير

خوخه
08-03-2010, 12:25 AM
خيتوو ,,,

لاتحاتين ولا شيء وهذي سنة الحيااة

وبالنسبة للتوسيع لا بد منه عشان يسهل عليش اكثر

ولازم يكون مخدر تخدير موضعي ,,, وماراح تحسي بالخياطة

وخلي ايمانك بالله قوووي ولا تخافي ...

كلها ساعات وتنقضي بفرحتش بالمولود وتنسين كل شيء ..

ودي أموت
08-03-2010, 09:21 AM
هههههههههه ما يصير توسيع بدون تخدير
بدون التوسيع احسه ما بيطلع الشئ يخوف صحيح لكن انتين مغطية ما تدري ويش يسوا
وكله بيرجع زي اول ..لا تخافي والله يسهل عليش

الشيخه 1
08-03-2010, 10:06 AM
ياختي خليها على الله
اجل انا يوم كنت بنت قبل لا انخطب حضرت ثلاث ولدات ايام دراستي
ويوم انخطبت واحملت اقول كيف ماتخيل نفسي هههههههههههه
واكتئبت وتحطمت كم يوم بعدين قلت وش بيصر خلها على الله وعشت ايامي لين حزت والدتي
وسوووت لي توسيع واجد حتى ماقدر اقعد لمدة اسبوعين واحين راح الالم بس تجيني نخزات
بس عندي احلى معرس وعمره اليوم 40 يوم
ورفعت ضغط دكتوره وقت الولاده بالاسئلة هههههههههههه
واهم مايعطو مخدر يعطو مسكن وتحسي بدخول الابره ولما تطلع
بس لاتخافي حزتها تكوني هادئة لانه مو زي الم الولاده يعتبر مو شئ بعد المجهود الي بذلتيه
والله يسهل عليكم




عندكم اختي بمستشفى اسطون ماسوو ليها توسيع الا من داخل غرزتين
لانهم يسألوا اذا تبين توسيع او قالت ليهم اختي مابي الا اذا استعصى الامر سووو

وجودي
08-03-2010, 11:18 AM
الله يسهــــــــل عليش يارب

M!ss sweet
08-03-2010, 03:33 PM
الله يسهل ع الجميع يارب

انا من الي اسمعه ان الايتعب الطلق بس آلامة مثل الدورة بس اعظم يعني

ممممم ان شالله مافية الالخير يارب

أجمل أحساس
09-03-2010, 12:33 AM
ام سيد دانيال خديها نصيحه مني خدي كل شي ببساطه وبسهوله اني بولدي اول واحد ماكنت ادري بشي
وكنت اسمع كلام الناس تعور الولاده والخياطه تعور بس صرت اشتكي عند زوجي اقول اليه الولاده يقولو تالم
بس قعد يقول اليي لا ماعليش منهم وكل شي يجي بسهاله من عند رب العالمين
والحمدلله لما رحت اولد الي تعبني اكثر شي الطلق وبالنسبه للخياطه ماتحسين لها بشي
يخدرو الموضع اصلا ويوم على يوم يلتحم وتصيري اوكي
بس في حملي بنتي قعدت احاتي واجد لاني صرت اعرف ويشو الي بيصير الي والحمدلله كل شيء جا سلامه وسهاله من عند رب العالمين
كثري خيتو من قراة سورة مريم والبقره ويس
وادعية تسهيل الولاده كثري منها بالشهرين الثامن والتاسع
واكلي تمر واشربي حليب ولبن
ادري هدرت واجد بس حبيت اقولك انه الولاده مثل الحلم تشوفي النونو وتنسي التعب

لزيم الروح
09-03-2010, 12:54 AM
الله يسهل عليش وعلينا ولا تخافي ترى يخدرو مكان التوسيع ولا تحسي فيه ابدا

ولايه علي
09-03-2010, 07:46 AM
هلا حبيتي لاتحاتي ولاشي السهالات بيد رب العالمين
انا في اول حمل لي الا اهو العام الماضي كنت خاااايفه حدي واحاتي وكل ماشوف المسلسلات ويموتون لا انا اموت خوف حتى بشهري يقولون شكلك بتولدي هاليومين اقول لا ماراح اولد عطوني نهاية الشهر ماتمنيت اولد من الخوف كل خايفه اموت بالولاده
وجى يوم الولاده صحيت من النوم الا اشوف دم خفيف اقول لا عادي ولاجبت خبر طلعت مع اهلي رحت الدمام نقضي اغراض الولاده وفيني الآم بس اقول عادي حامل لازم تجيها الآم واروح بيت جدي الا اقول لهم ترى فيني دم يقولون وساكته ليش قومي روحي المستشفى المهم كنت اتابع في مستشفى الصادق وعند الدكتوره زينب اتصل الا الدكتوره عندها ولاده المهم قلت اكلم الدكتوره الموجوده الا تتطلع الدكتوره عزه اقوله انا بكريه ونازل مني دم تقول تتابعي عند منو قلت زينب تقول ابئ كلميه
واستنى الدكتوره زينب واكلمه ووتقول تعالي وكلمت زوجي ورحنا المسشتفى برفقة امي وخالتي وكشفت قالت
2 سم قلت ماراح اجلس عندك لاني اخاف يدخلوني غرفة الطلق للحالي قلت بطلع بتمشى رحت تمشيت شووووويات يزيد الم واروح وتكشف تقول 3 سم تقول خلاص ركبي فوق بس قلت لها مابي اجلس بغرفة الطلق قالت معاليه اعرفك خوافها فدخلتني غرفة التنويم العاديه ومعاي زوجي وامي وخالتي وانا اطلق بس ماكنت اصارخ لان لو صارخت اعرف بجهد نفسي وما يصير عندي طاقه للولاده بس صراحه وجودهم معاي ناسني الخووف كلها فاي وحده بتولد لازم يصير معاها احد لان يخفف عليش ويقرون عليك آيات وادعيه تسهيل الولاده وان جهزت معاي اوراق لتسيهل الولاده الزقهم بفخدي وصار الرحم مفتوح 10 سم يلا غرفة الولاده طبعا مستشفى الصادق مايدخلوا الزوج معاكي وهذا عيبهم والحمد الله دخلت ولا صحت ولاصارخت ولاشي طبيعي جدا يقولون ادفعي ادفع وبين دفعه ودفعه تاخذي راحه وانا اخذت لي ماي مقري عليه نادي عليا وكل ما ارتاح اشرب لين ماطلعت فطووووووووووووم بالسلامه حتى اسئل الدكتوره انا صرخت لاني ماذكر
وسلامتكم ادري طوووولت عليكم بس عشان اقول انا الولاده سلهيها بتسهل وصعبيها بتصعب طبعا السهالات بيد رب العالمين
اسمحوالي

أم سيد دانيال
09-03-2010, 10:05 PM
مشكورين ماقصرتوا
ريحتوني شوي

ابيكم بعد تنصحوني وين احسن مستشفى لاني محتاره

"؛ ذوق و ابداع ؛"
29-03-2010, 12:52 AM
:o
هلا حبيتي لاتحاتي ولاشي السهالات بيد رب العالمين
انا في اول حمل لي الا اهو العام الماضي كنت خاااايفه حدي واحاتي وكل ماشوف المسلسلات ويموتون لا انا اموت خوف حتى بشهري يقولون شكلك بتولدي هاليومين اقول لا ماراح اولد عطوني نهاية الشهر ماتمنيت اولد من الخوف كل خايفه اموت بالولاده
وجى يوم الولاده صحيت من النوم الا اشوف دم خفيف اقول لا عادي ولاجبت خبر طلعت مع اهلي رحت الدمام نقضي اغراض الولاده وفيني الآم بس اقول عادي حامل لازم تجيها الآم واروح بيت جدي الا اقول لهم ترى فيني دم يقولون وساكته ليش قومي روحي المستشفى المهم كنت اتابع في مستشفى الصادق وعند الدكتوره زينب اتصل الا الدكتوره عندها ولاده المهم قلت اكلم الدكتوره الموجوده الا تتطلع الدكتوره عزه اقوله انا بكريه ونازل مني دم تقول تتابعي عند منو قلت زينب تقول ابئ كلميه
واستنى الدكتوره زينب واكلمه ووتقول تعالي وكلمت زوجي ورحنا المسشتفى برفقة امي وخالتي وكشفت قالت
2 سم قلت ماراح اجلس عندك لاني اخاف يدخلوني غرفة الطلق للحالي قلت بطلع بتمشى رحت تمشيت شووووويات يزيد الم واروح وتكشف تقول 3 سم تقول خلاص ركبي فوق بس قلت لها مابي اجلس بغرفة الطلق قالت معاليه اعرفك خوافها فدخلتني غرفة التنويم العاديه ومعاي زوجي وامي وخالتي وانا اطلق بس ماكنت اصارخ لان لو صارخت اعرف بجهد نفسي وما يصير عندي طاقه للولاده بس صراحه وجودهم معاي ناسني الخووف كلها فاي وحده بتولد لازم يصير معاها احد لان يخفف عليش ويقرون عليك آيات وادعيه تسهيل الولاده وان جهزت معاي اوراق لتسيهل الولاده الزقهم بفخدي وصار الرحم مفتوح 10 سم يلا غرفة الولاده طبعا مستشفى الصادق مايدخلوا الزوج معاكي وهذا عيبهم والحمد الله دخلت ولا صحت ولاصارخت ولاشي طبيعي جدا يقولون ادفعي ادفع وبين دفعه ودفعه تاخذي راحه وانا اخذت لي ماي مقري عليه نادي عليا وكل ما ارتاح اشرب لين ماطلعت فطووووووووووووم بالسلامه حتى اسئل الدكتوره انا صرخت لاني ماذكر
وسلامتكم ادري طوووولت عليكم بس عشان اقول انا الولاده سلهيها بتسهل وصعبيها بتصعب طبعا السهالات بيد رب العالمين
اسمحوالي




ما تعرفي لأي درجة كلامش ريح بالي ... لأني وحده من اللي يحاتوا الولادة بهوس مو طبيعي ... رحم الله والديش اختي الله يحفظ الش فطومه ان شالله ...


اني عندي سؤال :o ألحين لما يسووا التوسعه :( !!! يخدروا الموضع لو لا ؟؟ يعني الوحده تحس بالمقص :( ؟؟؟

طفوله
29-03-2010, 01:02 AM
اهلا
والله سوالفكم ذكرتني بحملي الاول
كنت اخر الشهور ما انام

واوتعي نص الليل كله اخاف اولد واني نيمه هههههه كيف التفكير بس

لا تحاتي التوسعه ولا المقص بعد ما تشوفي الولد بتهدا نفسش

يوجلينا
29-03-2010, 01:18 AM
والله انا زيك شايله هم الولاده وعاد انا خوافه وجبانه من غير شي
واقولهم هذا اول وآخر اجيب اولاد تووووووووووووبه
امي تقولي هذا كلام الحين بعدين بتجيبي ههههه :(

فرح
29-03-2010, 01:27 AM
هلا حبيبتي
اول شي الله يتمم لج على ألف خير ان شاء الله
وبعدين تو الناس انج تفكرين بهالموضوع واذا تبين تنظرين لها نظري لها من الجانب الإيجابي بس يعني الولادة كلها فترة وبتعدي وشوفة ولدج جنبك يهون وينسيج كل التعب اصلا يا سبحان الله اول نظرة للطفل كفيلة انها تعطيج شعور براحة مو طبيعية راحة اول مرة تحسينها بحياتك ..
تعرفين بالرغم من كل التعب الا انه كله يروح فجأة وابشرج بينزل عليج نوم غريب ههههه
الولادة سهالات وكل وحدة تختلف عن الثانية والحالة النفسية لها دور كبير المرحلة اللي بتمرين فيها مرو فيها ملايين غيرج ولو الوضع مخيف ومهول محد جاب الثاني والثالث والرابع وامهاتنا وصلوها للثامن :) على قولتهم الولادة وجعة منسية:)
هدي بالج وادعي لنفسج وجميع الحوامل بالسهالة ان شاء الله
وربي يسهل على كل الكروشات يا رب
الهم مو بالولادة الولادة يوم وتنتهي الهم بالتربية مع هالزمن

"؛ ذوق و ابداع ؛"
29-03-2010, 02:08 AM
اهلا
والله سوالفكم ذكرتني بحملي الاول
كنت اخر الشهور ما انام

واوتعي نص الليل كله اخاف اولد واني نيمه هههههه كيف التفكير بس

لا تحاتي التوسعه ولا المقص بعد ما تشوفي الولد بتهدا نفسش


هههههههههههههههه تولدي وانتين نايمة هذي ماعليه بس انتي شوفي وشو تفكيري كل الناس تحاتي عدل الا اني تفكيري كله منهو اللي بيوديني المستشفي في ذيك الحزه :D ....

يعني وشو ما بحس بالمقص ؟؟:rolleyes: ان شاء الله ... أتمنى ربي يسهل عليي وعليش وعلى كل الحوامل يارب :)

سُ ـبحان ~
29-03-2010, 02:22 AM
م ـرحبا ؛
ذوق وإبداع ~
.

يعني وشو ما بحس بالمقص ؟؟:rolleyes:
ما تحسي به أصلاً .. يمكن تحسي شوي بالخياط ؛ بس عادي ما يألم مرة ،، ^^
.
والله يسهل عليش وعلى جميع الحوامل إن شاء الله ..!

جوليان
29-03-2010, 02:33 AM
هلا خيه
الله يبارك لك باالحمل ويثبت اليك انشاء الله
واقولك لاتفكري من الحين باالولاده ولاتحاتي
خلك مغمض احسن لان اللي بتسمعي شي والى بتشوفيه شي تاني
ومن وحده الى وحده الولاد تختلف
والخياطه لازم يحطون تخذير موضعي
الله يسهل عليش يارب وعلى كل حامل
دعواتش لي
موفقين

"؛ ذوق و ابداع ؛"
29-03-2010, 02:38 AM
م ـرحبا ؛
ذوق وإبداع ~
.

ما تحسي به أصلاً .. يمكن تحسي شوي بالخياط ؛ بس عادي ما يألم مرة ،، ^^
.
والله يسهل عليش وعلى جميع الحوامل إن شاء الله ..!



:o تسلمي غناتي ... خففتي من هوسي ... اتمنى هالشهرين يعدوا على خير يارب ...
الله يقضي حوائجك يارب ... ;) بحق محمد وآل محمد ...

دانة الروح
29-03-2010, 02:40 AM
هلا خيه
الله يبارك لك باالحمل ويثبت اليك انشاء الله
واقولك لاتفكري من الحين باالولاده ولاتحاتي
خلك مغمض احسن لان اللي بتسمعي شي والى بتشوفيه شي تاني
ومن وحده الى وحده الولاد تختلف
والخياطه لازم يحطون تخذير موضعي
الله يسهل عليش يارب وعلى كل حامل
دعواتش لي
موفقين


اني مع اختي جولنا

مو بس من وحدة الى وحدة الحمل والولادة تختلف
حتى انتي من حمل الى حمل يختلف

اني في فرق كبير بين حملي ولادتي الاول مع الثاني

والله يسهل عليكم ولا تخلو احد يخوفكم من الولادة

طفوله
29-03-2010, 09:00 AM
هههههههههههههههه تولدي وانتين نايمة هذي ماعليه بس انتي شوفي وشو تفكيري كل الناس تحاتي عدل الا اني تفكيري كله منهو اللي بيوديني المستشفي في ذيك الحزه :D ....

يعني وشو ما بحس بالمقص ؟؟:rolleyes: ان شاء الله ... أتمنى ربي يسهل عليي وعليش وعلى كل الحوامل يارب :)





اهلا

لا لا تكفي
(لا اعتراض علئ حكم ربي)


اني مو حامل ولا ابغا احمل الحين لعشر سنين قدام
الله يسهل عليكم :D
وتجيبوا ثنينا ع راس زيي وتشوفوا نجوم الليل بعز الظهر
:eek:

حبيبة قمرها
30-03-2010, 11:33 PM
اختي خليها على الله ولا تخوفي روحك انا من النوع الجبان موت من كل شي اخاف ولما حملت من احد يتكلم عن الولاده اجلس اصيح بس لما جاوقت ولادتي واحنا في السيارة زوجي كل شوي يطالع فيني يقول ما صحتي انا كنت خايفه بس كنت افكر فاللي بيصير لي وانا في المستشفى وصبرت روحي وظليت يومين وانا اطلق طبعا الالم يجي ويرح مثل الام الدورة بس اقوى شوي وهو طبعا يختلف من وحده لوحده واسمع الكل اللي معاي صراخ وانا مصبرة نفسي الممرضه كانت تشوفني وانا خايفه بس تهديني تقول سوي نفسك ما تسمعيهم عشان لا تتوتري ولما جا وقت الولاده خلاص ما حسيت بشي كاني في حلم والا كيف مادري ماعرف اوصفلك كاني بيغمى علي التوسيع سوو لي طبعا كنت رافضه بس قالو لي لازم الكل يسوون له توسيه عشان جدار الرحم لا يتمزق او ولدت بالسلامه جبت ولد هالشهر بيكمل سنتين الله يخليه لي طبعا شعور اول ماتولدي ويعطوك البيبي ما ينوصف والتخيط لانه مع الطلق والاولاده المنطقه اساسا تكون متخدرة فما تحسي بالتوسي اساسا والا الخياطه بس انا اللي اذكرة انهم عطوني ابرة لما جاو يخيطون الجرح واختي ممرضه في قسم الولاده تقول انهم يخدرو بس طبعا ما يعور واجد وبعدين رجولك تكون مرفوعه وتغطيه بشرشف يعني ماتشوفيهم
كتبت قصه حياتي بس الله يسهل عليك وعلى كل حامل يارب ونسمع انك ولدتي عاد قولي لنا كيف تجربتك يمكن انتي تسوي افلام

قطرة الماء
31-03-2010, 12:47 AM
الله يسهل عليكم كلكم وانتي ياعزيزتي زي ما قالو لش لاتحاتي ولا تفكري وتوكلي على الله صحيح الولاده فيها بعض الالام وكل هذا طبيعي والاكيف الجنه تحت اقدام الامهات وما تصيري ام الالين مريتي بهالمرحله اني عندي صديقتي تقول المها بطنها اشوي وولدت يعني الله سهل عليها فكل وحده وتحملها وبالنسبه الى التوسيع هي اسهل من العادي لاني اعرف وحده ولت طبيعي بدون توسيع اتقول تتمنى تسوي توسيع الحين وهي مي حامل لانها تحس ان المنطقه صارت واسعه فالتوسيع رحمه وراحه لان البعض مايسوو ليهم لكن ينجرحو ويظطرو يخيطوهم

فديتها بروحي
31-03-2010, 01:53 AM
ياالله ذكرتوني بحملي الاول من كثر ما كنت ابغى أولد بالسرعه صرت أقول حتى لو تعورت بقوه

أهم شي أولد ومن كثر الانتضار صرت أقول شكلي ما بولد كانت حزتها بالنسبه اليي مأساه حقيقيه

ويش أقول الحين الا خايفه منه وشايله همه الطلق بس لا ولاده ولا مشرط ولا جرح ولا شي بس

الطلق :eek::eek::eek:

والله يسهل علينا وعليكم :p;)

,منى الروح,
31-03-2010, 02:38 AM
ياعمري,,
انا من اسمع سالفة ولادة اموت من الخوف,,
وبااولادي ثنينهم كنت حدددددي خايفه من الولادةوالا تقول البنت اصعب والولد مادري وشووو
كانت ولاداتي ولله الحمد مو متعبه وسهاله من رب العالمين
وكل وحدة وتجربتها,,يعني ولادتي غير عنش وعن غيرش ومو كل الولايد مثل بعض
وحاولي تقرائ دعاء يستشير يوميا وان شاءالله ربي يسهل عليش وعلى الجميع يارب
بحق محمد وال محمد

دروب المحبه
31-03-2010, 03:02 AM
الله ايسهل عليكم بحق محمد وال محمد
وانشاء الله تتسهل اموركم ومااتحسوا بشي

"؛ ذوق و ابداع ؛"
31-03-2010, 11:16 PM
لا اله الا الله ... كلامكم زي الماي البارد ينزل على القلب ...
الله يبرد قلوبكم ... في الدنيا والآخرة ... :)

ان شاء الله اذا ربي سهل عليي وولدت بقول اليكم عن تجربتي :o
شكلي بغمض عيوني قبل لا أدخل غرفة الطلق ... عشان ما أشوفهم ويش يسووا :D
بس يعني اذا مثل ماتقولوا ان آلام الطلق تشبه آلام الدورة ... يعني يمديني أطلب منهم يجيبوا اليي قطعه او فوطة مبلله بماي دافي ..:rolleyes:. أو أشرب كوب حليب .. عشان يمكن يخف الألم .:confused:.. ..
لأن اذا جتني الدورة أسوي كذا :o .. أقدر لو لا ؟؟

أم سيد دانيال
01-04-2010, 02:50 AM
خيه مابيكون لك باله ديك الحزه تشربي حليب
خخخخخخ

"؛ ذوق و ابداع ؛"
01-04-2010, 02:56 AM
ههههههههههههههههههههههه .. ما تدري يمكن تصنف عندي و أسويها :)

زهقانه
02-04-2010, 10:11 AM
الله ايسهل عليكم كلكم يارب حبيبتي الاتخافي تكلي على ربك الولادة فيها الم بس مو زي ما قالو يختلف من وحده الى ثانيه

تراتيل روح
02-04-2010, 03:08 PM
كروشات كيفكم
في احد ولد بمستشفى الزهراء ؟؟ او الدمام للولادة

(وردة)
04-04-2010, 11:00 PM
ههههههههههههههههههههههه .. ما تدري يمكن تصنف عندي و أسويها :)

ههههه يحليلك اختي

اساسا يمنعو عنك حتى الماي اثناء الطلق

ماهمني
05-04-2010, 01:29 PM
بنااات احد منكم ولد بمستشفى القااعده العسكريه بالظهرااان

اني بالتااسع وخاااااااايفه مرره

دعواتكم,,

أم سيد دانيال
05-04-2010, 05:47 PM
بنااات احد منكم ولد بمستشفى القااعده العسكريه بالظهرااان

اني بالتااسع وخاااااااايفه مرره

دعواتكم,,


مرت حميي ولدت فيه مرتين هناك
بصراحه ماسمعتها لاتمدحه ولاتذمه
عادي

عروسة الشرق
05-04-2010, 06:07 PM
خواتي حبيت استفيد من خراتكم عن مستشفاء المواساه بدمام
من حيث متابعت الحمل((ويش اسم الدكتوره ))والولاده

دلوعه بس حنونه
05-04-2010, 07:14 PM
هلا حبايب فلبي امهات دبات..........
خواتي حبيت استفيد من خراتكم عن مستشفاء المواساه بدمام
من حيث متابعت الحمل((ويش اسم الدكتوره ))والولاده <<<<<<<<<<متابعه الحمل فيه كويسه وانا تابعت عند حنان طيوبه وااااااااااااجد...........

الحين ابتدي لكم القصه الحلوة والمؤلمه في نفس الوقت:confused::)
بس مو حابه احد يقول خوفته من الولاده اانا مالي شغل
اوكي دبدوبات....
طبعا انا وصلت الى الشهر التاسع وخلصته كامل الى الوقت اللي حدددته الدكتوره ولا ولدت .....
الدكتوره قالت خلاص تنويم ولاده طبعا كشفت علي تقول مفتوح واحد <<< واحد ولاده مخرفه الدكتوره شوي...
المهم نوموني.......وعلى طول طلق صناعي ......
وانا اقول عادي مافيني شي ولا احس اصلا بألم انا ابغى اجرب الالم هذا الكلام الساعه 12 الظهر لغايه المغرب 7ونص ولاشي
وبعدين 8 طلق صناعي ثاني طبعا ولاشي وانا اضحك واقول لزوجي مافيني شي .....لغايه 12 بالليل ابتدى الفيلم اول شي
طردوا زوجي وجلست اصيح بتخليني لحالي ..........
راح جاب اختي <<<وناسه الحمدلله مو لحالي ......
المهم بديت احس بالالم واون بس كان عادي شوي............
لغايه الصباح وانا على هالحاله اصيح واتالم.....جاء زوجي ويقول بعدك الساعه 8 الصباح ...... الين 12 الظهر وطلق صناعي ثالث.........
الين 2 الظهر جات الدكتوره تقول طولت لازم نشق الماي ..
وفتحت كيس الماي ......وبدت المعاناه الالم صار لايحتمل صراخ مو صاحي قومت المستشفى ولا قعدتها.....ههههه.....
طبعا معي زوجي وعضيته واصارخ عليه واقوله ماابغى اولد خلاص مالي دعوة خلهم يسون لي عمليه ولاراضي ينفتح الرحم بسهوله تعبت بقوووووووووووةيالله على ماطلع ولدي ......

المهم حبايب اللي خايفين من الجراحه لما يشقوا اساس ماتحسي بشي لانك من الالم تعابنه وثاني يكون المكان املس من الدم والماي وهو يكون لما بيطلع الدادو ......
واساس لازم يسوالك توسعه افضل عشان يضيق...
.... تخيلوا ورقه شقتنها بالمقص اعدل ولا ورقه شقتنها بايدك ....وشوفوا من اعدل...
في الخياط ممكن تحسي فيه شوي نقزات ...بس انا ماتحملت لانو كنت منتهيه ومو حابه اي الم زياده يكفي ماجاني اقولها خلصت ماني قادره ......معصبه طبعا....
ولاحتى لما يطلع الدادو تتالمي واجد.....
المشكله بس في الطلق اللي قبل الولاده عشان ينفتح الرحم بس ....

والحمدلله ولدت بالسلامه ولدي صار عمره سنه وشهر بس ماافكر اعيدها مره ثانيه بسهوله ...........ههههههههههههههههههههههه

الله يقوم كل حامل بالسلامه ياحبايب ......
اتمنى اني ماطولت عليكم وافدتكم وسلامتكم ........

ماهمني
05-04-2010, 07:38 PM
بنوتاااااااااااااااااات اخبار سركم اثنااء الحمل سري لايحتمل يفشل ويعور بعد ههههههههههههههه

وفيه نقط سودااء

دفا الروح
06-04-2010, 12:03 PM
الله يسهل ع الجميع يارب

انا من الي اسمعه ان الايتعب الطلق بس آلامة مثل الدورة بس اعظم يعني

ممممم ان شالله مافية الالخير يارب


بنااات احد منكم ولد بمستشفى القااعده العسكريه بالظهرااان

اني بالتااسع وخاااااااايفه مرره

دعواتكم,,

هلا خيتو غناتي اني ولدت هناك مرررررررررررره تماام ارتحت واجد بولادتي عنايتهم مافي منها
وحتى التوسعه مايسووها لش الا ادا اضرو له مره
يعني مو لازم التوسعه عندهم

لااحد يخاف من الولادخه ويفكر كلها يوم واحد وتشوفو الجاهل تنسوا كل الالم
اصلا شعور لايوصف
الولاده حلوه والله مع انها متعبه


:) انا ربي رزقني بقمر نستني الم الولاده والحمل

أم سيد دانيال
06-04-2010, 03:26 PM
مشكورين على مروركم

بأنتظار باقي الامهات

عروسة الشرق
06-04-2010, 03:35 PM
شكراا اختي دلوعه
الله يعطيكي العافيه

حرم الشاعر
06-04-2010, 04:18 PM
ما تقوم به المرأة الحامل من مستحبات
1- البقاء على وضوء دائماً.
2- الصلاة أول الوقت دائماً.
3- ذكر الله دائماً.
4- التسبيح لله دائماً.
5- الاستماع لصوت القرآن دائماً.
6- ختم القرآن بتمعن في كلماته بنية أو إهداء للإمام صاحب الزمان عج.
7- قراءة 40 يوم زيارة عاشوراء مع 100 مرة اللعن و100 مرة السلام ودعاء علقمة.
8- قراءة 40 يوم سورة يس على رمانة تنفخ عليها وتؤكل.
9- قراءة 40 يوم سورة يوسف على تفاحة وينفخ عليها وتؤكل.
10- قراءة 40مرهدعاء كميل.
11- قراءة مره40دعاء الندبة.
12- قراءة 40مرهالزيارة الجامعة.
13- قراءة 40مرهدعاء السمات.
14- قراءة 40مرهدعاء التوسل.
15- قراءة 40 ليلة قبل النوم سورة الحديد – التغابن – الجمعة – الصف.
16- قراءة 40 مرة تسبيح الزهراء بعد الصلاة وفي الليل في موقع النوم.
17- على الأقل 40 مرة صلاة الليل.
18- قراءة 40 مرة حديث الكساءوزيارة صاحب الأمر والزمان عج.
19- قراءة 40مره دعاء العهد بعد صلاة الصبح مع وضع اليد على البطن.
20-
قراءة سورة محمدوالنصر لكي يكون الولد صبوراً. 21-
مره يوم الجمعة غسل الجمعة.
22-
قراءة 40مره دعاء آل ياسين .
23-
أكل علك اللبان 40 مره يومياعلى الريق في 3 شهور الأولى.

24-
قراءة 4 السور التي تبدأ بـ {قل} كل يوم.
25-
قراءة كل يوم 6 مرات سورة التوحيد (قراءتها تفيد توحيد الجنين لله.(

26-
الصلاة على محمد وآل محمد مع كل حركة للجنين وهي تفيد في حب الجنين لأهل البيت
27- تسمية الطفل وهو في البطن قبل 4 أشهر وعشرة أيام حتى يلصق اسمه بروحه.
28-
يستحب ألا تنظر المرأة في المرآة في الليل. <<خاصة بالشهر الاخير
29-
الابتعاد عن المعاصي الصغيرة والكبيرة.
30-
الحفاظ على الهدوء وعدم العصبية.
31-
إعطاء صدقة كل يوم باسم الأم والجنين .
32-
إذا ولد الابن يؤذن في الأذن ويقام في الثانية.
* فإذا قمتِ بهذه الأعمال ستلدين ولد صالح يفيد المجتمع

حرم الشاعر
06-04-2010, 04:23 PM
وهناك جدول لتسهيل الاعمال وكل وحده على حسب ظروفها راح اكتبه للي يبي الاستفاده

يوم السبت حديث الكساء



يوم الاحد زياة الجامعه



يوم الاثنين زياره ال ياسين



يوم الثلاثاء دعاء التوسل



يوم الاربعا قراء سوره يوسف وسورة يس



الخميس دعاء كميل



الجمعه دعاء الندبه الاغتسال زياره صاحب العصر والزمان دعاء السمات قبل المغرب



اما دعاء العهد مع زياره عاشورا وقراءة القران يوميا



وغيرها من الاعمال المخصصه لكل شهر

*الشهر الأول





. أكل التمر مع سورة القدر كل يوم



.كل خميس وجمعه تقرا سوره يس والصافات



.صباح كل يوم يؤكل تفاح وكل جمعه يؤكل رمان قبل الافطار



.الصلاة اليوميه تصلي اول الوقت وقبل الصلاة تقرا الاذان والاقامه وعند قراءئهم توضع اليد على البطن







*الشهر الثاني




أكل العنّاب مع سورة التوحيد كل يوم



.كل خميس تقرا سوره المللك والجمعهوكل يوم جمعه تقرا سوره الملك



.كل يوم خميس تردد 140 مرهالصلاة محمد وال محمد



كل جمعه تردد 100 مره الصلاة محمدوال محمد.



وبعدها تقول اللهم صلي على محمد وال محمد وعجل فرجهم واهلك اعدائهم من الجن والانسمن الاولين والاخرين


*الشهر الثالث




/ أكل تفاحة مع آية الكرسي



وكل يوم الخميس والجمعة قراءة سورة آل عمران وترديد 140 مرة صلواتعلى محمدواله .



صباحايؤكل قليلامن العسل



قبل الصلاة توضع اليد على البطن وتقرا الصلوات الكبيره (اللهم صلي على محمد وال محمد وعجل فرجه واهلك اعدائهم منالجن والانس من الاولين والاخرين)


يتــــــــــــــبع

حرم الشاعر
06-04-2010, 04:28 PM
راح اكمل لكم الباقي الليلة انشاءالله الى باقي الاشهر



واسألكم الدعاء



الله يسهل عليي وعليكم انشاءالله

ماهمني
06-04-2010, 04:49 PM
تسلمي يالغاااليه على مجهوودك الرااائع

ماهمني
06-04-2010, 04:51 PM
هلا خيتو غناتي اني ولدت هناك مرررررررررررره تماام ارتحت واجد بولادتي عنايتهم مافي منها
وحتى التوسعه مايسووها لش الا ادا اضرو له مره
يعني مو لازم التوسعه عندهم

لااحد يخاف من الولادخه ويفكر كلها يوم واحد وتشوفو الجاهل تنسوا كل الالم
اصلا شعور لايوصف
الولاده حلوه والله مع انها متعبه


:) انا ربي رزقني بقمر نستني الم الولاده والحمل


طمنتييييييييييييييني الله يطمن قلبك يالغاااليه


ان شااء الله مايسوو ليي تووسعه اني من اللحين وخاايفه

صررت اعد الااياااام مو رااضيين يمشوو بسرررررررعه وخاصه هالشهرر طوول وااجد

خيتوو كنتي عند اي دكتور او اي دكتوره تتابعي

سولفي ههههههههههههههههه والله ابغي احد يسولف لي اكثر عن الولاده بالعسكري

دلوعه بس حنونه
06-04-2010, 04:55 PM
الله يعطيك العافيه عروس الشرق ........
:d:d

حرم الشاعر
07-04-2010, 12:20 AM
*الشهر الرابع



/ أكل التين مع سورة التين


، ويوم الخميس والجمعة قراءة سورة الغاشية والانسان


، وكل يوم ترددصلوات 140 مرة.


في الصلوات اليوميه تقرا في ركعه واحده سوره القدر


بعد كل صلاة توضع اليد على البطن وتقرا سوره القدر والكوثرمع الصلوات الكبيره


قول (ربناهب لنا من ازواجنا وذريتنا قرة عين واجعلنا للمتقين اماما)


بعد ذلك يستغفر 7 مرات (استغفر ربي واتوب اليه )


كل يوم ترديد 140 مره الصلاة على محمد


قول (اللهم ارزقني ولد صالحا عالما متقيا شاهد لما سميته باسم نبيك محمد صلى الله عليه وسلم )


مداومه على صلاة الليل فاذا لم يكن بالاستطاعه اداءها قضاء بالنهار




*الشهر الخامس




/ أكل بيضة مع سورة الحمد


، ويوم الخميس والجمعة قراءة سورة الفتح.


في احدى الصلوات تقرا سوره النصر


بعد الصلاة يمسح باليد على التربه الحسينيه وبعد ذالك يمسح على البطن


كل يوم صباحا يؤكل تمر


الاكثار من اكل الزيتون والتفاح والتمر


في كل ليله توضع اليدعلى البطن وتقرا الاذان والاقامه


*الشهر السادس





/ أكل الرمان مع سورة الفتح


، وكل خميس وجمعة قراءة سورة الواقعة


في احدى الصلوات تقرا سورة التين ويفضل بالليل


بعد الفطور اكل تين وزيتون


التقليل من البهارات


بعد كل صلاة المسح بالتربه الحسينيه على البطن.

حرم الشاعر
07-04-2010, 12:23 AM
*الشهر السابع



/ أكل السفرجل مع سورة يس

، وإقامة صلاة الليل

، وقراءة سورة النحل يوم الاثنين

، ويوم الخميس والجمعة قراءة سورة يس وتبارك

، وترديد 140 مرة صلوات كل يوم.
المداومه على قراء الاذان والاقامه

في الصلوات اليوميه تقرا سوره القدر والتوحيد

الاكثار من اكل البطيخ الاحمر والاصفر والشمام



*الشهر الثامن/

أكل كباب مع سورة يس وسورة النصر

، وكل سبت قراءة سورة القدر 10 مرات بعد صلاة الصبح

، والأحد قراءة سورة التين مرتين بعد صلاة الصبح

، والاثنين قراءة سورة يس

، والثلاثاء سورة الفرقان

، والأربعاء سورة الغاشية

، والخميس سورة محمد وص

، والجمعة سورة الصافات

الاكثار من اكل الزبادي والعسل

كل يوم جمعه تؤكل رمانه قبل الافطار.

*الشهر التاسع

/ أكل الدبس مع قراءة سورة المؤمنين وسورة الغاشية

، ويوم الخميس قراءة سورة الحج، والجمعة سورة فاطر

اكل البهارات بكمية قليله

التقليل النظر الى المراه والصور.

حرم الشاعر
07-04-2010, 12:25 AM
ملاحظة:
بعض الأكلات المستحبة للحوامل ليكون الولد صبور وشجاع
التفاح – السفرجل لجمال الطفلل – الرمان – البطيخ – الكمثرى – العنب – المح – السمك – الكبدة – الكباب – الخضار بأنواعها – الخس – السبانخ – الحليب – العسل – العدس – اللوبية – الحمص – اللوز – البندق – زيت الزيتون – التمر.
تقليل الجماع بالاشهر الاولى لثبات الحمل --واكثاره بالشهر الاخير لتسهيل الولاده
وسلامتكن

نسالكم الدعاء

حرم الشاعر
07-04-2010, 12:28 AM
تسلمي يالغاااليه على مجهوودك الرااائع


الله يسلمك يارب ويسهل عليش يالغلا

أم سيد دانيال
07-04-2010, 01:05 AM
حرم الشاعر

رحم الله والديش

في ميزان حسناتك

فراشة الزهور
07-04-2010, 01:44 AM
مشكورين خيوووة
في ميزان حسناتش

يعطيك الف عافية وعساج ع القوة

حرم الشاعر
08-04-2010, 01:48 AM
تسلمو يالغاليات

"؛ ذوق و ابداع ؛"
13-04-2010, 05:18 PM
بنوتاااااااااااااااااات اخبار سركم اثنااء الحمل سري لايحتمل يفشل ويعور بعد ههههههههههههههه

وفيه نقط سودااء


كأنش حاسه فيي :D يالله كلها شهر و بنخلص من التعب
كل من شافتني تقول اليي شكلش هالايام بتولدي ...شكلش ماباقي شي عليش ...:mad: مع ان توني في وسط الشهر الثامن
ادعوا ما أولد الا في وقتي و أواني
لأن كلهم مجربين الولاده حتى النسوان الكبار يقولوا اليي هالكلام ...
لا وزوجي مستانس يسمع كلامهم .. يقول يعني آخذ اجازه ؟؟؟:D
الله لا يقولها ...

"؛ ذوق و ابداع ؛"
13-04-2010, 05:22 PM
هلا حبايب فلبي امهات دبات..........
خواتي حبيت استفيد من خراتكم عن مستشفاء المواساه بدمام
من حيث متابعت الحمل((ويش اسم الدكتوره ))والولاده <<<<<<<<<<متابعه الحمل فيه كويسه وانا تابعت عند حنان طيوبه وااااااااااااجد...........

الحين ابتدي لكم القصه الحلوة والمؤلمه في نفس الوقت:confused::)
بس مو حابه احد يقول خوفته من الولاده اانا مالي شغل
اوكي دبدوبات....
طبعا انا وصلت الى الشهر التاسع وخلصته كامل الى الوقت اللي حدددته الدكتوره ولا ولدت .....
الدكتوره قالت خلاص تنويم ولاده طبعا كشفت علي تقول مفتوح واحد <<< واحد ولاده مخرفه الدكتوره شوي...
المهم نوموني.......وعلى طول طلق صناعي ......
وانا اقول عادي مافيني شي ولا احس اصلا بألم انا ابغى اجرب الالم هذا الكلام الساعه 12 الظهر لغايه المغرب 7ونص ولاشي
وبعدين 8 طلق صناعي ثاني طبعا ولاشي وانا اضحك واقول لزوجي مافيني شي .....لغايه 12 بالليل ابتدى الفيلم اول شي
طردوا زوجي وجلست اصيح بتخليني لحالي ..........
راح جاب اختي <<<وناسه الحمدلله مو لحالي ......
المهم بديت احس بالالم واون بس كان عادي شوي............
لغايه الصباح وانا على هالحاله اصيح واتالم.....جاء زوجي ويقول بعدك الساعه 8 الصباح ...... الين 12 الظهر وطلق صناعي ثالث.........
الين 2 الظهر جات الدكتوره تقول طولت لازم نشق الماي ..
وفتحت كيس الماي ......وبدت المعاناه الالم صار لايحتمل صراخ مو صاحي قومت المستشفى ولا قعدتها.....ههههه.....
طبعا معي زوجي وعضيته واصارخ عليه واقوله ماابغى اولد خلاص مالي دعوة خلهم يسون لي عمليه ولاراضي ينفتح الرحم بسهوله تعبت بقوووووووووووةيالله على ماطلع ولدي ......

المهم حبايب اللي خايفين من الجراحه لما يشقوا اساس ماتحسي بشي لانك من الالم تعابنه وثاني يكون المكان املس من الدم والماي وهو يكون لما بيطلع الدادو ......
واساس لازم يسوالك توسعه افضل عشان يضيق...
.... تخيلوا ورقه شقتنها بالمقص اعدل ولا ورقه شقتنها بايدك ....وشوفوا من اعدل...
في الخياط ممكن تحسي فيه شوي نقزات ...بس انا ماتحملت لانو كنت منتهيه ومو حابه اي الم زياده يكفي ماجاني اقولها خلصت ماني قادره ......معصبه طبعا....
ولاحتى لما يطلع الدادو تتالمي واجد.....
المشكله بس في الطلق اللي قبل الولاده عشان ينفتح الرحم بس ....

والحمدلله ولدت بالسلامه ولدي صار عمره سنه وشهر بس ماافكر اعيدها مره ثانيه بسهوله ...........ههههههههههههههههههههههه

الله يقوم كل حامل بالسلامه ياحبايب ......
اتمنى اني ماطولت عليكم وافدتكم وسلامتكم ........



ياعليييييييييي :( ... في وين صارت ولادتش ؟؟؟
الحمدلله يوم ان ربي سلمكم انتين والنونو ... الله يخليه الش :o اختي تشتغل في المواساة اللي في الدمام تقول حنان زينة بس في دكتورة جديده نسيت اسمها تقول انها اثبتت جدارتها
وفي بعد دكتورة فاطمة الزهراء .. تقول هذي مره عدل بس دايما مزحومة

"؛ ذوق و ابداع ؛"
13-04-2010, 05:25 PM
ههههه يحليلك اختي

اساسا يمنعو عنك حتى الماي اثناء الطلق

يوو :( ليش يمنعوه ؟؟ فرضا الوحده عطشانة ...

دانه في عيون غالي
15-04-2010, 06:59 AM
هلا اختي
اني اولدت بمستشفى التداوي بالدمام (حليو مرررره الولاده عندهم)
توكلي على الله ولاتخافي
اني كانت لماتجيني الأم اللي حق الطلق الصناعي (كنت اصبر حالي واتوسل باهل البيت سلام الله عليهم وماخيبوني واقول كل هاالالام ميه امرمن الدنيا ومافيها وكنت اشغل حالي بالتفكير بولدي من يشبه وووش باسوي ....................و)اهم شي تحملت وصبرت ووولدت ببركه اهل البيت سلام الله عليهم فلالالالالالالالالالالا تحاتي

سوما
18-04-2010, 12:51 AM
الله يسهل عليكم

على خطى الزهراء
18-04-2010, 01:35 AM
بالنسبة ليي

ولدت مرتين والثالت جاي بالطريق

ولاداتي 2 بمستشفى سعد التخصصي والاكيد الثالث فيه بعد

راحه نفسية بالنظافة والعناية

بحملي الاول والثاني راجعت في معظم المستشفيات والمستوصفات عفر فقرت الشركة هههه

كل المستشفات زبالة ... ماتريح البال شكل المستشفى مهم بالنسبة ليي وهدي وجهه نظري لا تعصبوا عليي


بالنسبة لولدي الاول ... سلام الله عليه من كلووو ... حمله شوي ثقيل لكن ولادته سهلة


ماكنت حاطه في بالي الولادة والاهم لاني ماجربتها فماكنت خيفة اصلا رحت بكل شجاعة


رحت المستشفى الساعه 5 وولدت 8 ونص

لا صرخت ولا سويت شي وككنت فتاة مطيعه سوي .. واسوي .. افعلي .. وافعل

لكن ولدتي الثانية دخلت فليم رعب من كل شي

حملي كان متعب جدا من ضغظ مرتفع وزيادة املاح في البول وزلال وانتوا بكرامه وزيادة الماي بالجسم وزاد وزني 26 كيلوو

وولدتي كانت جدا مؤلمة في اخر ساعة ونص ماوقفت دقيقة وحده من لصراخ والعصبية وهلكت الممرضات والدكتورة .. تحملوني وايد لاني ارفض طلاباتهم .. ويسقوني ماي والحالة حاله

كانت ولادتي بالثاني الصباح .. مر استشاري جنب غرفة الولادة وسمعني اصرخ وكمل مشواره لزيارته للولدانين على العادة وخلص دوردين كاملين ومر مرة ثانية وسمع صوتي على ماهو عليه وسال عني قالوا له هدي ضغظها مرتفع والبيبي مانزل كان مرتفع بالحوض وبعدين ولدت ويوم ثاني قام بالزيارت ومرني وقالت له الممرضة هدي فلانه الي مرينا امس جنب غرفتها وهي تطلق ... قال آهاااا دنتي دوختي جميع ممرضات القسم بعصبيتك ههههه ... بصراحه تفشلت لاني ماتوقعت سويت كل هدا وكله كوم وضغظي الي ظل مرتفع كوم ثاني



اما حملي هالمرة لسى ببدايته لي الشهر ال6 وان شاء الله اجي بعد 4 شهور اكتب لكم الي بيصر ليي

ربي يسهلها عليي وعليكم


اهم مافي ولادتي انه ابو ولادي حاضر وياي مايفارقني دقيقة شافني واني اقاسي بالولدين لكن عيشته الرعب المرة الثانية وناوي مايحظر ويايي المرة الثالثة لكن مو بكيفه مايحظر فديته ياعمري عمره الولادة اتهون وايد اذا كان حاظر وياش زوجش

أم سيد دانيال
18-04-2010, 12:06 PM
بالنسبة ليي

ولدت مرتين والثالت جاي بالطريق

ولاداتي 2 بمستشفى سعد التخصصي والاكيد الثالث فيه بعد

راحه نفسية بالنظافة والعناية

بحملي الاول والثاني راجعت في معظم المستشفيات والمستوصفات عفر فقرت الشركة هههه

كل المستشفات زبالة ... ماتريح البال شكل المستشفى مهم بالنسبة ليي وهدي وجهه نظري لا تعصبوا عليي


بالنسبة لولدي الاول ... سلام الله عليه من كلووو ... حمله شوي ثقيل لكن ولادته سهلة


ماكنت حاطه في بالي الولادة والاهم لاني ماجربتها فماكنت خيفة اصلا رحت بكل شجاعة


رحت المستشفى الساعه 5 وولدت 8 ونص

لا صرخت ولا سويت شي وككنت فتاة مطيعه سوي .. واسوي .. افعلي .. وافعل

لكن ولدتي الثانية دخلت فليم رعب من كل شي

حملي كان متعب جدا من ضغظ مرتفع وزيادة املاح في البول وزلال وانتوا بكرامه وزيادة الماي بالجسم وزاد وزني 26 كيلوو

وولدتي كانت جدا مؤلمة في اخر ساعة ونص ماوقفت دقيقة وحده من لصراخ والعصبية وهلكت الممرضات والدكتورة .. تحملوني وايد لاني ارفض طلاباتهم .. ويسقوني ماي والحالة حاله

كانت ولادتي بالثاني الصباح .. مر استشاري جنب غرفة الولادة وسمعني اصرخ وكمل مشواره لزيارته للولدانين على العادة وخلص دوردين كاملين ومر مرة ثانية وسمع صوتي على ماهو عليه وسال عني قالوا له هدي ضغظها مرتفع والبيبي مانزل كان مرتفع بالحوض وبعدين ولدت ويوم ثاني قام بالزيارت ومرني وقالت له الممرضة هدي فلانه الي مرينا امس جنب غرفتها وهي تطلق ... قال آهاااا دنتي دوختي جميع ممرضات القسم بعصبيتك ههههه ... بصراحه تفشلت لاني ماتوقعت سويت كل هدا وكله كوم وضغظي الي ظل مرتفع كوم ثاني



اما حملي هالمرة لسى ببدايته لي الشهر ال6 وان شاء الله اجي بعد 4 شهور اكتب لكم الي بيصر ليي

ربي يسهلها عليي وعليكم


اهم مافي ولادتي انه ابو ولادي حاضر وياي مايفارقني دقيقة شافني واني اقاسي بالولدين لكن عيشته الرعب المرة الثانية وناوي مايحظر ويايي المرة الثالثة لكن مو بكيفه مايحظر فديته ياعمري عمره الولادة اتهون وايد اذا كان حاظر وياش زوجش


يسلموا على مرورش
انشالله تزوريني بعد الولاده الثالثه
الله يسهل عليك

ماهمني
23-04-2010, 06:08 PM
يللا ننتظر دور فراااشه عشان تحكي لنا قصة الولاده وعقبال التوااسع كلهم ومن ضمنهم اني هههههه

عاشقة حبيبها
23-04-2010, 08:49 PM
اجل اني عانيــــــــــــــــــــت بشكل مو طبيعي اني عندي ولد واحد الله يخلي ليي عمر سنتين وشهر ولا افكر اجيب ليه الا اذا كبر وصار رجال بسبب الا شفته من حمل ولاده وسهر اني دخلت الشهر العاشر خخخخخخخ

اول شي كانت ليله الجمعه الساعه 2 ونص حسيت بشوية الم قلت هذا شي طبيعي الوحده من توصل النهايه الالم ماتفارقها صبرت شوي والا يزيد نبهت زوجي الساعه 3 اقول له قوم تعبانه شكلي بولاد الا يقول لي متاكده قلت له اي قال لي لكن ماشكلش خخخخخخخخ فشلني

قلت له الالم مايجي مره وحده قام وداني وجت تكشف الا اصرخ خاااااااااف فكرني بولاد خخخخخخخخخ مايدري انها قاعده تكشف عليي كشفت الا تقول واحد سم قالت ليي يعني بعد 12 ساعه بولاد كونها ولاده بكريه لازم بتتاخر رحت الشقة والا تنزل عليي ماده بيضة مثل الخيوط وادق ع الدكتورة وقالت ليي شي طبيعي هذه توسعه للرأس وزاد الم رحت المستشفى الا بولد فيه الساعه 3 العصر يوم الجمعه وبغيت اموووووووووووت الساعه 4 الفجر اصياح ونحيب من شدة الالم واشوف ثنتين جاتبوهم بعدي ولدوا قبلي وتحطيم مو صاحي جى الدكتورة الا تقولي الساعه 7 الصباح راح تولدي جت الساعه 7 ولا في شي الرحم 7 سم بس قالت ع 9 بتولدي ولا في فايده وصل الرحم 9 سم ولالالالالالالالالا في شي جت وفتحت كيس الماي وصراااااااااااااااااااااااخ انتوا بقتلوني انت بتموتنوني اني ابغى عمليه خلاص ماقدر اتحمل قالت ليي تنفسي في الاكسجين وبتولدي اتنفس ولا في فايده ادوخ جت الساعه 12 الا ربع الضهر ومسكت الدكتورة لا تروحي عني ولديني اني بموت خلاص قالت ليي خلاص بندخلش غرفه الولاده ماقالت ليي كذا الا اطير من الفرحه ودخلت 12 ونسيت الم كله ولا صراخ ولالالالالالالا شي لاني حطيت لفي بالي ان الامل نص ساعه وكله بيروح والحمد الله ولدت وارتحت بس مافي شي احلى من الولاده بجد رغم تعبها والامها الا تضل الولاده شي لا ينسى

روابي22
24-04-2010, 04:02 AM
هلا دبدوبات بقول اليكم عن سالفتي بولادتي ببنتي الأولى ..... طبعا اني فيي عادة ما اخليها وهي اني مستحيل اروح من احس بالطلق يعني كان عندي طلق من الصباح و كان يوم جمعة بس ما قلت لزوجي و هو كان يشتغل تخيلوا ما جا الا 5 المغرب و كان عندي الم بس ما قلت ..أذن و صلى و هو انتبه اني مو قادرة اركع استنى الين خلصت صلاة و سألني تعبانة قلت له لا ...خخخ مسوية فيها شجاعة يعني
المهم الساعة 7 زاد الألم شوي ....جا ابو الشباب يقول : حبيبتي بروح وية الشباب الكورنيش ......بس مسكت بريك .....لالالالالالالا لاتروح وياي الم خخخ
كان يبقق عيونة وليش ساكتة ... و اني الأبتسامة شاقة حلقي ....هههه
قال: يالله عالمستشفى ما رضيت قلت لا بروح بيت جدي .... المهم بعد المشاورات اني اصريت اروح بيت جدي و الألم يزيد و اني ساكتة دخلت بيت جدي جيت بجلس عالأرض ما قدرت حسيت ان بنتي بتطيح ..... قمت قعد تعلى الكرسي و الألم كل مالة يزيد اتصلت على الغالي و قلت لة ابغي اروح اتمشى في المخطط اللي جنبنا و بالفعل جا و رحنا نمشي تالي قال يالله اوديش قلت لا بسبح اول انت روح و بتصل عليك .... ما رضي اني اصريت انه يروح و تالي دخلت الشقة و كان عندي اغراض رميتهم عاغسالة الا شوي احس بشيء حاااار ينزل على رجايلي تخيلوا شنو ...كيس الماي انفجر ..... اني انسطلت مكاني ولا قلت لة خفت يجي مسرع مسكين ..... دخلت الحمام سبحت و خلصت جهزت اغراضي اللي بآخذهم وياي و اتصلت عليه قلت له خلاص باروح و رحت المستشفى على 2 بالليل كشفت الا تقول فاتح 4 و نص طبعا الألم زاد بشكل مو طبيعي لكن توسلت بأهل البيت و ما خيبوني الساعة 4 و نص زاد الألم و قلت للنيرس حاسة اني بولد جت الدكتورة و كشفت الا تقول فاتح 9 و نص خلاص ولادة و بنتي كانت مرة صغير كيلوين ما تعبتني في الولادة ولا حسيت بالألم اصلا .... توتة خلصت الحتوتة

و الله يسهل عليكم باقوم الحين بكرة اقول اليكم قصة ولادتي الثانية طبعا كانت يوم الجمعة بعد يالله باي
احلام سعيدة و كوابيس بعيدة

أم سيد دانيال
24-04-2010, 05:09 PM
عاشقه حبيبها

روابي22


شكراً على المشاركه

والله يخلي لكم عيالكم

ضحكة ألم
25-04-2010, 12:51 AM
والله انك صبورة روابي
ماشاء الله عليك
الله يرزق كل محروم ومحرومه بحق محمد وال محمد
والله يسهل ع الجميع

روابي22
25-04-2010, 01:54 AM
والله انك صبورة روابي
ماشاء الله عليك
الله يرزق كل محروم ومحرومه بحق محمد وال محمد
والله يسهل ع الجميع


مشكورة ...و الله يرزق كل المحرومين بحق محمد و آل محمد

أم علاوي و حمودي
25-04-2010, 03:15 AM
بقول لكم قصة ولادتي بولدي الأول علي

طبعا انا اول مرة و ما ادري وش بيصير:eek:

كان يوم الخميس و كنا طالعين انا وزوجي و لما جينا عند باب الشقة
الا اقول له حاسة بآلام غير شكل شكلي بولد بكره
الا يلف بالسياره و يقول مدام بتولدي بروح و اشتري اغراض المعكرونه بالباشميل
>>>>>>> لأنه يحبها
و صدق و قام و اشترى الأغراض الناقصة
و بس وصلت الشقه عشيته و انا مو قادره اتحرك ابدددددددددددددددددد:confused:
و كل ما قلت اله قوم ننام يمكن عندي ولاده على الأقل ارتاح شوي
يقول بعد هالفلم
و يمكن هذيك الليلة شاهدنا اربعة افلام
و انا خلاااااااص
اشوي من التعب و اشوي من الألم

و بعد صلاة الصبح هو حط راسه على المنام من هنا
و انا استلمته من هنا
كل شوي اغفي و ارد اوتعي
اقول له قوم ظهري يعورني
و بعدين الساعه 9 و ربع
ما شفته الا ناقز من المنام قومي خلاص حتى لو ما فيك ولاده بوديك و ارتاح وجعتي راسي
و رحت المستشفى الألمان طبعا>>>>القطيف المركزي
و قالت الي مفتوح نصف سانتي و باقي على الولاده
طلعت من المستشفى و رحت بيت اهلي
سبحت و بدلت و سلمت على امي و عند الظهر الساعه 1 خلاص قام الألم يزيد
فرحت المستشفى
و ابتدت رحلة العذاب
الى الساعه 11 و شوي الليل و انا بموووت
صرخت صريخ و كسرت طاولاتهم
ما توقعت الولاده كذا
بس لا تخافوا مني
ههههههههههههههههههههه

المهم طبعا هم تركوني بالساعات
تخيلو الرحم مفتوح 10 سم و اقول لها بروح الحمام و تصاارخ علي
و قمت و رحت بروحي
الحمد لله الله سلمني و سلم ولدي
و بعدها جت معصبة لأنه فستانهم اللي يلوع الجبد مشقق و حالته الى الله توسخ
متخيلين
و طبعا من الألم و قله النوم كان يغمى علي و ارد اوتعي اصرخ
حاله كنت اترجى الممرضات وحده تجلس جنبي و تمسك ايدي و ما احد رحمني
تالي جت ممرضة و جابت اوراقها و قعدت تشتغل عندي بالغرفه مع انه ممنوع و ريحت نفسيتي و صارت تمسك ايدي و تقرأ علي قرآن
و الشي اللي استغربت منه اني طول ولادتي و طلقي اتكلم معاهم انجليزي بلبل :p
مع اني في حياتي اخجل اني اتعامل باللغة الانجليزيه
بس وش نسوي طلعت المواهب عفر
ههههههههههههههههههههه

و بعدين جتني ممرضة و كشفت و مره اختلعت لأن الجنين واصل
و اتخيلوا اقول ليها روحي جيبي كرسي خلتني واقفه بالمغذي حاملتنه و تقول لي انتي تعالي من فوق السرير :eek:
المهم ودوني غرفة الولاده و لا فيه دكتورة ولا ممرضات لأنه عندهم حاله بغت تموت يادافع البلا
و اني احتسبتها عند الله
و جتني ممرضه و لا تعرف عدل و بوحدها مسكينه تورطت
و تالي خيطت و يطلع غلط و جت الدكتورة على آخر شي و فكت الخياط و خيطت مره ثانيه
تخيلو:eek:

و كل ما اعتذرت لي اقول لها عادي اهم شي اني ولدت اخذي راحتك
كل شي يهون قدام الولاده
ههههههههههه

و طبعا ولدي ظلوا يدوروا فيه يمكن قريب الساعة و شوي و الله طلعت من غرفة الولاده على طول ادور ورى الممرضه منشان تلبسه و ينظفوه و ماحد معطيني وجه
و طبعا ما سحبوا الوسخ من فمه و انفه
و يوم ثاني حطوه في العناية المركزه ثلاثة ايام >>>>صرت مثل المجنونه
الحمد لله على كل حال
و صابه الربو

الحمدلله
الحين عمره سنتين و نصف
الله يخليه و يخلي ولدي الثاني محمد و يخلي ابوهم
و يرزق المحرومين يااااااااااااااااااااااااارب

روابي22
25-04-2010, 03:30 AM
أم علاوي و حمودي (http://3roosqatif.com/vb/member.php?u=6196)
وي دار رأسي و اني اقراء في قصتك ...ياعمري شفتي الويل
عقبال ما تفرحي فيهم معاريس يا رب

أم علاوي و حمودي
25-04-2010, 03:44 AM
أم علاوي و حمودي (http://3roosqatif.com/vb/member.php?u=6196)
وي دار رأسي و اني اقراء في قصتك ...ياعمري شفتي الويل
عقبال ما تفرحي فيهم معاريس يا رب

تسلمي ياعمري
بس كل شي يهون لما الوحده تشوف ولدها

أم سيد دانيال
25-04-2010, 11:30 AM
كل هذا صار لك

اعادوا الخياط مره ثانيه

و ولدك جابوا له الربو

الله يعينك

والله يحفظه لك

بأنتظار قصة ولادتك الثانيه

وردة الأحلام
25-04-2010, 06:08 PM
ويلي وش هذا اهم شي قمتي بالسلامه ام علاوي وحمودي
وصراااحه خايفه من الولاده اقول مابصااارخ بتحمل بس شكله مافي تحمل

أم سيد دانيال
25-04-2010, 06:21 PM
أم علاوي وحمودي

انتي ولدتي في الجش؟؟؟

thallj
25-04-2010, 09:11 PM
بصراحه اني وحده عجبتني الولاده مع اني كنت خايفه من اول ولاده ليي لاكن بعد ماجربت وشفت عجبتني الولاده كثثثثثثير بس التوسيع والخياطه في الزمن ده لابدمنه اني تأذيت من الخياطه في ال يومين بس وهو على حسب الدكتور الشاطر

ألماسة حساسة
25-04-2010, 09:31 PM
بصراحه اني وحده عجبتني الولاده مع اني كنت خايفه من اول ولاده ليي لاكن بعد ماجربت وشفت عجبتني الولاده كثثثثثثير بس التوسيع والخياطه في الزمن ده لابدمنه اني تأذيت من الخياطه في ال يومين بس وهو على حسب الدكتور الشاطر

:eek::eek::eek::eek: ياعلي عجبتش الولادة اول مرة اسمع وحدة تعجبها الولادة
هي رعب زلازل تشوفي الموت وانتين خيه تقولي عاجبتنش
:rolleyes:ان شاء الله هالمرة تعجبني الولادة

حلم عمري
25-04-2010, 09:46 PM
سؤال يجول في بالي صحيح الولادة تغيرصوت الوحد ة اني صحيح شفت كذاوحد ة تغيرليش ؟كل ذامن الصياح تتغيرالاحبال الصوتية ؟

أم علاوي و حمودي
25-04-2010, 10:07 PM
تسلمو حبيباتي

و اللي تسألني في وين ولدت
اقول ولدت في الجش الجميل
ههههههههه
و حرمت طبعا قلت لو اولد في البيت ما اولد عندهم

لأني احسه حظوظ

و اللي تقول الولاده اتغير الصوت
اكيد لأنك بتصارخي من قمة قمة راسش
هههههههههههه

بس تراها لحظه حلوه
خصوصا و انتي تشوفي زوجك يحاتيك
ههههههههههه

الله يسهل على الجميع يااااااااااااارب

أم علاوي و حمودي
25-04-2010, 10:09 PM
أم سيد دانيال >>>>>>>ان شاء الله الليلة اكتبها لكم

ماهمني
25-04-2010, 10:27 PM
ياعلييي

خوفتوني خيه شكلي باولد الليله والسبب قصتش ههههههه

ألماسة حساسة
26-04-2010, 12:31 AM
سؤال يجول في بالي صحيح الولادة تغيرصوت الوحد ة اني صحيح شفت كذاوحد ة تغيرليش ؟كل ذامن الصياح تتغيرالاحبال الصوتية ؟

هههههههه اي والله يتغير الصوت من الصريخ
يعني الصوت مو صوتش صوت وحدة ثانية ماادري ليش
يمكن زي ماقلتي من الاحبال الصوتية
من اول احسب بس اني طلع ناس واجد زيي:d

كانت أيام حلوة
26-04-2010, 02:31 AM
الله يسهل يارب على كل حااااااامل من اشوف هالمواضيع تجيني صيحه ماتحمل يمر براسي شريط ذكريات مادري شدخلني هنا متعقده بعنف ولو اكتب قصص ولاداتي بتتعقدوا كلكم هههههههههههههههههههههه الله لا يراوي الي شفته لاحد .. موفقين .. وااال صرت ارجف صحيح الولاده شي عويص انا سمعت بابر الي تصير بالظهر ناس تمدح وناس تذم الي جربتها بولادتها تفتي للحوامل ..يارب تحفظ الي عندي ومابي اجيب عيال < عقده بعنف .. يارب الله يسهل يارب.. < خاشه جوو هههه

أم علاوي و حمودي
26-04-2010, 02:34 AM
الله يسهل يارب على كل حااااااامل من اشوف هالمواضيع تجيني صيحه ماتحمل يمر براسي شريط ذكريات مادري شدخلني هنا متعقده بعنف ولو اكتب قصص ولاداتي بتتعقدوا كلكم هههههههههههههههههههههه الله لا يراوي الي شفته لاحد .. موفقين .. وااال صرت ارجف صحيح الولاده شي عويص انا سمعت بابر الي تصير بالظهر ناس تمدح وناس تذم الي جربتها بولادتها تفتي للحوامل ..يارب تحفظ الي عندي ومابي اجيب عيال < عقده بعنف .. يارب الله يسهل يارب.. < خاشه جوو هههه

يالله اكتبي لينا قصتك

عاشقة حبيبها
26-04-2010, 07:38 AM
نصيحة لكل وحده حامل وخصوصا التواسع



اذا تبغو السهالة من رب العالمين عليكم بزيارة الامام الحسين لو مرة وحده وحتى لو الزيارة الصغيرة مو شرط الطويلة الي فيه الزيارة والدعاء 200 مرة وراح اتشوف السهالة كيف ببركة شيخ العشيرة ابوعلي ( الحسين ) عليه السلام


وبصراحه هالزيارة مجربة من معظم بنات العيلة وكل الي زاروا الامام في التاسع شافوا السهالة ولا داك الالام ولا التعب الي يقولوا عنه ولعن الله الشاك والمشكك في فضائل اهل البيت عليهم السلام

بلسم
26-04-2010, 09:49 AM
اني في السادس و من الحين احاااااااااتي ..

احاتي الالم واحاتي المستشفى اللي بولد فيه مقرره الولاده والاطفال اللي بالدمام وكل خوفي تطلع معاملتهم زفـت زي الجش او احاتي يصير ليي او للبيبي شي واحاتي من بيوديني ههههههههه لأن زوجي يغيب فتره في العمل واخاف اولد وقت اللي يكون في العمل ما ادري كيف بتصرف ...

بس بنفس الوقت اتمنى متى اوصل التاسع و ان شاء الله بتحمل الولاده وآلامها >> مسويه فيها شجاعه :p
لأن حملي عذاااااااااااااااااااب معاناه لأبعد حدود كل تعبانه ودايخه واوون من شدة التعب وآلام بجسمي مو طبيعيه و حاررروق ما يفارقني وبلغم متواصل الله يكرمكم و لا انام و جفاف شديد بحلقي ما اقدر حتى ابلع ريقي لدرجة اني ما اقدر اتكلم ابد ابد ابددددددد :( حتى الصلاه مو قادره اصلي ولا قادره اقرأ قرآن :( بلاووووووي لو اعدها لكم منا لبكره ماتخلص ,,, عشان كذا اتمنى متى اولد حتى لو آلام مو طبيعيه عادي بتحمل لأن احس اهون من اللي انا فيه ...





,,,,,,,,,

ام علاوي وحمودي .. الله حفظهم و يخليهم لك يارب
بانتظار التكمله بالثاني ..

sweet tota
26-04-2010, 09:55 AM
أيام حلوه حمستينا يالله قولي

ماهمني
26-04-2010, 11:37 AM
يللا عااد سولفو لنا عن ولادتكم ههههههههه
<< اتسوي روحها قويه

أم سيد دانيال
26-04-2010, 12:43 PM
اني بصراحه لا اني خايفه ولاشيء

بالعكس متحمسه


وجاي في بالي اتحمل لين اخر شيء........ابي اروح المستشفى وانا جاهزه

ماابيهم لا يفتحوا الكيس...ولايسسوا لي توسعه

وانشالله سهاله من عند رب العالمين

حلم عمري
26-04-2010, 06:04 PM
اني اموت في الاطفال لكن بصراح صابتني عقدة كفاية جسمي راح يتغيرمابيرجع مثل قبل وحت ئ صوتي راح يتغيرياعلي وش اسوي ؟

حلم عمري
26-04-2010, 06:06 PM
تدرون طموحي اجيب تؤائم عشان اربي اثنين مع بعض اشرب لي منشجات عشان اجيب اثنين اتاري اول اجيب بس واحد عشان الصياح حق اثنين اللة يقومك بالسلامة يام السادة انشاءاللة

روابي22
26-04-2010, 08:54 PM
تمام يا أم سيد دانيال ...خلي النفسية دوم هالشكل ..... و الله يسهل عليش يارب بحق أم البنين

كانت أيام حلوة
27-04-2010, 12:06 AM
صبايا تخيلوا هذي المره الثالثه اكتب .. المره الاولى فصل النت بعد ماخلصت قصة ماقبل النوم جيت بعيد اكتبها توي ببدي الا يعلق الجهاز بقده هههه احين جيت جهاز ثاني عشانكم:D ببدا قصة الرعب
البوب كورن(الفشار ) جهزوه او شاي او عصير << قراءه ممتعه :D

طبعا الحمل كله عندي متعب كله نوم وغثيان ودوخه وئرف من كل شي كووول كووول شي:D

نجي للاكشن الولاد ه الاولى >> ها مركزين :D
ولادتي كانت بمشفى تداوي بالدمام الولاده عادي بالغالب مع اغلب الحريم طلق سناعي وكذا وألم وماندري شالسالفه حتى لو خبرونا الاهل وكذا والصاحبات بس الواقع غير الكلآم :(

عملوا ليي توسعه وانا بالاربعين الجرح انفتح وطلع ليي فيه لحميه وماكنت عارفه الي شسمه كان تبع نفاس او من الجرح فطول الفتره ماوراي غير اغتسل والسالفه هذي اخذت شهرين تقرييا رايحه جايه المشفى والدكتوره بس تقول خليش على الماي والملح ..
غير انها بأحد المواعيد عملت ليي كوي . <<الشريط مشتت ومغبر احاول اذكر :rolleyes:


المهم رحت مستوصف الامل عند النسائيه وكان زحمه يوم فحصتني عقمت وقالت الي خربش يصلحش <<< هيك ش ي حكت ....قطع غيار مافي :D ماعالجتني

رحت بنفس اللحزه الى الدكتوره العامه ديزون فلبينيه خوش دكتوره ..عطتني بودره رشه ومادري شنو مرهم اظن. المهم ضبطتني:p


الولاده الثانيه هاااا مركزين مانبي ازعاج تركيز خليكم معاي:D


ولدت قبل موعدي ماكملت الثامن رحت المشفى (الخليج) سابقا

الي ولدتني مصريه ما اعرف اسمها خبركم الولاده تنسي كووول شي:D

المهم رحت وكان اتساع البتاع 7 سم ودوني غرفه الولاده بحكم مابقى شي الا الاتساع يوقف ومركب عليي طلق سناعي :confused:

مافي غير ايد داخله ايد طالعه >>> تحطيم :confused:


رجعوني غرفة الراحه النفسيه مافي تقدم بانه يتسع:D
وانا هناك دخلت ممرضه قلت شسوي كيف يتوسع قالت ليي امشي عشان يتوسع

قمت سمعت كلامها <<< شتوره اسمع الكلآم :D

وصرت امشي حسيت بالم ناديتهم قاسوا الشسمه توسع << جاء الفرج:p

وودوني الغرفه عن بولد مافي غير الطلق رايح ونفس الشي ماينفتح اكثر
وانا بالغرفه وصولوا 4 صبايا حالات ولاده هم يولدوا وانا مثل ما انا << قمت التحطيم هنا انا سراحه تحطمت بشكل مو طبيعي صاروا يهدوني كذا دكتوره ولاده موجوده ودكتوره الجراحه معاهم وربي في دكتوره سودانيه معاهم كانت تدعي :( المهم قلت للي تولدني اعمل اي شي ابي اولد ... كان وانا بالطلق يرتفع خلاص واهي تدخل شي مثل المسطره عشن يتوسع <<< وانا اكتب تحطيم:( المهم ولدت ما احتجت توسعه بس انفتح شوي الجرح السابق ..بس ما طاح الخيط

رحت اشيله << لاتعليق (صبايا عسى متخيلين وعايشين جوو):D

الولاده الثالثه (بمستشفى المواساه القطيف) عند الدكتوره وديده .

هذي من جد ايدها والقبر كان يوم اروح الاتساع اظن 2 او 3 سم دخلت ايدها :eek:

فلم رعب :eek:


بشهر رمضان ع فكره بنتي احين عمرها 8 شهور الله يحفظها

هذي بالولاده ماطولت لانها دخلت ايدها وكانها مادري شلون كأنها تحشي كوسه:D كيس الرحم انفتح ....


وولادتي بالثالث يادوب اخذت من الشهر التاسع يومين ثلاثه..

عملت ليي توسعه وطاح الخيط احمد الله بعد الاربعين يمكن 42 او 41 من الولاده..


احين هذا الي اذكره قبل يفصل ادعسه لكم كل مره اكتب يروح تعبت ههههه مشاهده ممتعه:D

يارب الله يسهل لكم . في شغلات كتبتها بس ظرافة النت تنسي شوي مايحمس زهقني ..ويارب يحفظ يهالنا ويرزق الي يبي ..:D

أم سيد دانيال
27-04-2010, 01:34 AM
كانت ايام حلوه

خليتيها تصير شيء ثاني<<هع

بصراحه كل ولادتكك معاناه

انشالله الولاده الرابعه تكون سهله عليش يارب

شكراً على مرورك

بلسم
27-04-2010, 09:34 AM
وربي شي يخوف
فيه حركات جديده على مخي
شكلي ما باخليهم يسوو اللي يبغوه
يعني اذا نزل الماي والدم على ما اسمع منكم ينزل ماي ودم وبعدين تجي آلام الطلق
انا بصبر كم ساعه وبتحمل الطلق و بروح متاخره علشان لا شسمه يآخذو راحتهم وشو يدخلو ويطلعو مو بكيفهم خخخخخخ
وقبل ما اروح بمشي وااااااااااجد عشان يتوسع >> اخاف واني امشي اولد هههههههه
والله ماني عارفه ويش اسوي من الحين احاتي

امممم بنات .. علموني الحين الوحده اذا بتولد اول ينزل الماي اذا انفجر الكيس وبعدين تجي آلام الطلق بين فترات ... او اول تجي آلام الطلق و آخر شي ينفجر الكيس وينزل المااااي ؟؟؟؟؟؟

اختي : كانت ايام حلوه : ان شاء الله تصير سهاله من رب العالمين بولادتك الرابعه

ماهمني
27-04-2010, 01:00 PM
مايصير الوحده تولد وهي نايمه هههههههههههههههه

صرااحه بطني عورني من قريت قصة الرعب خيه

كانت أيام حلوة
27-04-2010, 01:48 PM
ام سيد دانيال والاخت الي بعدها واي وحده تجي :confused: ..صلوا ع النبي لا احد يقول ولاده رابعه


مابي هههههههههههه ماهقيتها منكم >>> خلاص ما بكتب << اضراب :D

قالوا الرابعه هههههه قولوا الله يحفظ الثلاثي المرح لا احد يدعي على الناس هههه

احلى دعاء قولوا.. يارب ارزق الي يبي ويحفظ عيال الي عنده ... قال رابعه قال:mad:

عاشقة حبيبها
27-04-2010, 01:54 PM
وربي شي يخوف
فيه حركات جديده على مخي
شكلي ما باخليهم يسوو اللي يبغوه
يعني اذا نزل الماي والدم على ما اسمع منكم ينزل ماي ودم وبعدين تجي آلام الطلق
انا بصبر كم ساعه وبتحمل الطلق و بروح متاخره علشان لا شسمه يآخذو راحتهم وشو يدخلو ويطلعو مو بكيفهم خخخخخخ
وقبل ما اروح بمشي وااااااااااجد عشان يتوسع >> اخاف واني امشي اولد هههههههه
والله ماني عارفه ويش اسوي من الحين احاتي

امممم بنات .. علموني الحين الوحده اذا بتولد اول ينزل الماي اذا انفجر الكيس وبعدين تجي آلام الطلق بين فترات ... او اول تجي آلام الطلق و آخر شي ينفجر الكيس وينزل المااااي ؟؟؟؟؟؟

اختي : كانت ايام حلوه : ان شاء الله تصير سهاله من رب العالمين بولادتك الرابعه



لا حبيبتي اذا كنت ولاده بكرية لازم تروحي اول مايجيش الطلق لان ماتعرفي شي لازم تكوني تحت عيون الاطباء افضل لش والى الجنين واذا انفتح كيس الماي ضروررررررري تروحي يمكن ياثر ع الجنين يسبب ضيق تنفس لا سمح الله

والله يسهل عليش وع جميع المؤمنات وتقومي بالسلامه

نور الولاية
27-04-2010, 02:52 PM
سلام حوامل ..

اني شخصيا ماانصح احد يسمع تجارب احد من وحده الى وحده تختلف قوة تحملها وغير هيك تختلف تجربتها بعد
مهما احد قال ومهما سمعتوا لما تعشوا الشي غييير
والسهالة من رب العالميين..

والتوسع شي لا بد منه .. ومجرد تشوفي البيبي راح تنسي كل التعب والالم..

بس يظل تجربة وشعور حليو ..

والاهم ان ماتحاتي من الحين المحاتاة لحالها تعب نفسي .. استمتعي بشهور حملش..

وسبحان الله مافي شي يجي بالسهال عشان نعرف كيف قيمة الضنا ..

تجربتي طبعا عندي ولد واحد عمره الحين سنة و5 شهور ولدت في مستشفى المواساة القطيف وولدتي وديدة ماحبيتها ابدا وايديها ثقييييلة بالمره ..واسلوبها ابدا مو حليو ..وكانت معاها دكتوره سودانيه اسمها حنان اسم على مسمى بلسم وعندها طولة بال ..
عانينا وقت الطلق من الصباح الى 8 المغرب وطبعا رايحة جاية للمستفى اول مارحت الصباح قالوا ليي مافي ولادة الرجم مو فاتح ورجعت وبعدين زاد لالم رديت رحت المستفى العصر وحطوا ليي جهاز تخطيط الطلق وطلع عندي طلق قوي وفتح الرحم بس 2 سم ورديت رجعت البيت والمغرب خلاص زااااد الالم لدرجة مااقدر اتحمله رجعت المستفى طلع الرحم فاتح 5 ونص قالوا ليي خلاص مافي طلعة ولادة طبعا على الالم الا كنت احس فيه الا ان ماتصوروا شقد فرحت لما قالوا ليي ولادة ..

والساعه 8 الا ربع دخلت غرفة الولادة وفتحت ليي كيس الماي الدكتوره شويات لاا شفت النونو قدامي صراحة شعور في قمة الروعة وانتين تشوفي البيبي قدامش تنسي كل التعب ..

وهذه كل القصة وخلصت الحكاية ..

تقبلوا تحياتي ..
نور الولاية

بلسم
28-04-2010, 12:18 PM
لا حبيبتي اذا كنت ولاده بكرية لازم تروحي اول مايجيش الطلق لان ماتعرفي شي لازم تكوني تحت عيون الاطباء افضل لش والى الجنين واذا انفتح كيس الماي ضروررررررري تروحي يمكن ياثر ع الجنين يسبب ضيق تنفس لا سمح الله

والله يسهل عليش وع جميع المؤمنات وتقومي بالسلامه


تسلمي خيتووو
ان شاء الله بروح اول مايجيني الطلق والله يسهل

,,,

ماجاوبتوني ؟
وش اللي يصير قبل : اول ينزل الماي وبعده تجي آلام الطلق لين الولاده ؟
ولا يجي الطلق اول و بعدين ينفجر الكيس وينزل الماي ؟

وعندي بعد سؤال : بويش تفتح الدكتوره كيس الماي ؟ وهل تحس الوحده بألم ؟ >>> ادري سؤال غبي بس ودي اتأكد

(وردة)
28-04-2010, 02:23 PM
تسلمي خيتووو
ان شاء الله بروح اول مايجيني الطلق والله يسهل

,,,

ماجاوبتوني ؟
وش اللي يصير قبل : اول ينزل الماي وبعده تجي آلام الطلق لين الولاده ؟
ولا يجي الطلق اول و بعدين ينفجر الكيس وينزل الماي ؟

وعندي بعد سؤال : بويش تفتح الدكتوره كيس الماي ؟ وهل تحس الوحده بألم ؟ >>> ادري سؤال غبي بس ودي اتأكد



اختي مو شرط لما تجيك الالام الولادة ينفتح الكيس او حتى ينزل دم

ممكن بس الالام طلق تروح و تجي

و في المستشفى هم اللي يفتحوه الكيس ( اني هذا اللي حصل معاي بالاول )

من وحده الى وحده تختلف

انتي من تحسي الم بالظهر و اسفل البطن ويروح و يجي على طول اتوقعي ولادة

والله يقومنا يارب بالسلامه

بقايا
28-04-2010, 10:57 PM
الله يسهل عليكم أن شاء الله بحق محمد وآل محمد
ويقومكم بالسلامه

توي والده من شهر ونص تقريبا بكتب لكم قصه ولادتي
أن شاء الله بس افضي

ماهمني
28-04-2010, 11:24 PM
ننتظر قصتك خيتووو بقاياا

والف مبروك ع المولود ويتربى بعزكم

"؛ ذوق و ابداع ؛"
29-04-2010, 05:08 AM
نصيحة لكل وحده حامل وخصوصا التواسع



اذا تبغو السهالة من رب العالمين عليكم بزيارة الامام الحسين لو مرة وحده وحتى لو الزيارة الصغيرة مو شرط الطويلة الي فيه الزيارة والدعاء 200 مرة وراح اتشوف السهالة كيف ببركة شيخ العشيرة ابوعلي ( الحسين ) عليه السلام


وبصراحه هالزيارة مجربة من معظم بنات العيلة وكل الي زاروا الامام في التاسع شافوا السهالة ولا داك الالام ولا التعب الي يقولوا عنه ولعن الله الشاك والمشكك في فضائل اهل البيت عليهم السلام


:) تسلمي عالنصيحه اختي ريحتيني الله يريح بالش دنيا و آخرة

عاشقة حبيبها
29-04-2010, 11:38 AM
,,,

ماجاوبتوني ؟
وش اللي يصير قبل : اول ينزل الماي وبعده تجي آلام الطلق لين الولاده ؟
ولا يجي الطلق اول و بعدين ينفجر الكيس وينزل الماي ؟

وعندي بعد سؤال : بويش تفتح الدكتوره كيس الماي ؟ وهل تحس الوحده بألم ؟ >>> ادري سؤال غبي بس ودي اتأكد

حبيبتي ع حسب من وحده لين وحده يختلف يعني اني اول جاني الطلق ليله الجمعه الساعه 2 ونص ومافتحوا كيس الماي الا المستشفى يوم السبت الساعه 9 الصبح

ويفتحوا الكيس بعصى بلاستيكيه طويلة شوي واذا انفتح الكيس تحسي ان الماي حااار بس مايألم لانش في الاساس تتألمي

غناتي اني ماخوووووفش بس بصراحه احلى شي الالم والطلق والاوده ايام بصراحه لما اتذكرها احن ليها بس اني مابغى الحين جهال

الله يسهل عليش انشالله

بلسم
29-04-2010, 01:19 PM
وردهـ .. عاشقة حبيبها
تسلموو حبيباتي

اشوا بعصاهت اني افكر يفتحو الكيس يشقووهـ بشفره حديديه مثل ماقالت وحده هنا بالمنتدى
اذا السالفه سالفة عصاه وبلاستيك عاااادي اشواااا ههههههه
والماي حار اتوقع لأن عادة كل شي يطلع من الجسم يكون حار من حرارة الجسم

اني كلا خايفه وكلا احاتي ينفتح الكيس والماي والحاله في وين ؟؟؟؟؟؟ .............>> في السياره واني رايحه المستشفى هههههههههههههه
المشكله ان ابوي او اخوي هو اللي بيودوني لأن وقت ولادتي بيكون زوجي في العمل لأن يغيب شهر ..

يالله الله يسهل علينا يارب

ام حسون
29-04-2010, 03:10 PM
ادعوا لييي ان الله يهدي رجلي ويخليني احمل
خاطري اجرب الولاده والمها كله بس اصير ام ويصير عندي جاهل

الوردة المخملية
29-04-2010, 05:46 PM
كيفكم ياحلوين
بختصر وبدخل في الموضوع أنا كان عندي موعد لاني كنت داخلة بأول اسبوع بالتاسع وحسيت برفسة قوووووويه من البيبي وخفت أقوم من السرير بس جاني فضول أروح( تكرموا ) دورة المياه ومن قمت الا والماي ينزل مني بصراحة انقهرت حددي لاني كنت سهرانه ومونايمه :mad: يعني نعسانه حدددي >>>>>هههه المهم الله لايوريكم شكلي طبعا وقفت مكاني ولاتحركت وصحيت أبو الشباب علشان يمسكني لاني على الوقفه لو يهفوووني أطيح بس ماكان فيه ألم أبدا انتابني خوف بسيط لاني مو مستعدة أبدا بس ولي العهد مستعجل شكله المهم رحنا المستشفى وخلوني طبعا لانه كان منفتح الرحم 1,5 بس بعد ساعه تقريبا بدأ الالم ماأقدر أوصفه طبعا ابتدأ خفيف وصار يزيد ويزيد (ألم لايحتمل ) يعني لو يقولوا ليي اوصفه بكلمة أقول عنه (عذااااااااااب ) ومع ذلك أحس ولادتي سهالات الحمد لله أخذت سبع ساعات وولدت مع أنهم يقولوا البكريه تطول لكن كله كوم وصريخي كوم ثاني وأبو الشباب يسمع وهو ساكت <<<<<<<<<<خخخعع لاتعليق
الحمد لله جبنا ولي العهد خلاص وداهو كمل سنتين وشهر الحين خلاص صار رجال <<<ههع
ردي لش الخاص الله يسهل عليش ان شاء الله واستمتعي بالحمل لانه جد روووعه والولادة لاحقه على همها اذا دخلتي التاسع فكري تصدقي أنا دايم كنت أسأل عن الولادة وعلى كل اللي اسمعته ولامرة حسيت بأي كلمه يقولوها عن الولادة الا لمن جربتها لاتخوفي حالش عادي والله على فكرة الولادة ماتعور أبدا الطلق اللي يعور ,
اذا طلع البيبي بتنسي كل تعب الحمل والولادة بس تودعي من النوم المتواصل <<<ههعع
موفقه خيه :)

فراشة الزهور
30-04-2010, 01:28 AM
هلا كروشات اخباركم

وحشتوني واجد

ان شا ءالله جميع اموركم طيبه يارب

بقول الكم قصة ولدتي طبعا انا كنت اتابع والولادة في مستشفي الصادق

عند الدكتورة زينب

طبعا من ولدت الي الحين صار لي 10ايام الحمدلله ع كل شي


طبعا انا جاء لي الطلق من يوم الاثنين ورحت المستشفي وقالوا لي مفتوح 1سنتي ونقهرت حذي

ورجعت البيت وانا مو قادرة من الوجع والساعه 4الفجر بصلي الا اشوف دم وردي

واموت من الخوف وكل اشوي اروح الحمام اشوف اذا في شي وبعدين ماشفت وذاك اليوم والله

ماعرفت انام واتصل الي اختي وتقول لي روحي المستشفي احتمال ولادة وانا مو راضيه

وع الساعه 10واشوي اروح الحمام وينزل مني افرازات بنيه وانا ما ابغي اروح خايفة وبعدين

اتصلت الي ريلي وقلت له تعال خلاص مو قادرة شكلي راح اولد

وع مايجي من الدوام الا ينزل من الماي ودم هالكلام ع الساعه 11الظهر وانا خلاص كل ماينزل

ماي اصيح واقول لا راح فيها البيبي وبعدين جاء ريلي ونروح المستشفي الا تقول الدكتورة مفتوح

2سنتي وانا خلاص اصيح وقول كل هالوجع بس مفتوح 2سنتي وتقول الماي في لون اخضر لازم

انام عندهم احتمال في البيبي شي لان هالونه براز البيبي اذا في البيبي شي احتمال يسون لي

عمليه وانا اصيح وبعدين رحنا الاشعه وقالوا كل شي اوكي وضع النونو تمام وركبنا فوق وحاطوا

تخطيط الطلق ودقات قلب النونو وانا اموت من الوجع اشوي الا تجي الدكتورة زينب وتقول لي كل

شي اوكي ومفتوح 3سنتي وانا خلاص اصيح واتوسل باهل البيت وبعدين خلاص ماقدرت اتحمل

الوجع وقلت الي الممرضه خلاص مو قادرة عطيني اي شي تقول تحسين في شنو قلت الها احس

في شي بينزل وتجي الدكتورة وتشوف الا تقول خلاص ولادة ولادة وانا مو مستوعبة لاني اصلا

ماتوقعت اولد ويودوني غرفة الولادة وتجي الدكتورة وع الساعه 3 يشرف ع الدنيا جواد نور عيوني

بس بصراحه انا اكثر شي كنت خايفة منه الخياطه والحمدلله ماحسيت في اي شي لان ايدي

الدكتورة مره خفيفه الحمدلله

والله يسهل الكم ولاتخافون ترا سهالات من ربكم الحمدلله ولاتنسوا تتوسلون باهل البيت عليهم السلام انا كنت في الطلق اتوسل بهم والحمدلله ماخيبوني

روابي22
30-04-2010, 02:01 AM
مبروك غناتي ما جاكم و يتربوا بعزكم و عسى ربي يبلغكم فيهم معاااريس يارب

جوريk
30-04-2010, 09:24 AM
لاتسمعي كلاك احد كل وحده ولدته تختلف عن الثاني
والسهاله من الله

M!ss sweet
30-04-2010, 02:53 PM
الف الحمدلله ع سلامتك فراشة

ياربي قمت اتخيل نفسي كيف

الله يسهل يارب

فراشة الزهور
30-04-2010, 09:16 PM
الف الحمدلله ع سلامتك فراشة

ياربي قمت اتخيل نفسي كيف

الله يسهل يارب


الله يسلمج غناتي

ترا الولادة ايام وتنسى كل شي

والله يسهل عليش يارب

وع جميع الكروشات يارب

نجمة الليل
30-04-2010, 10:01 PM
الله يسهل على كل وحده حامل يارب في يوم سهاله في ساعة سهاله ولا تخافووووووووو

أم سيد دانيال
30-04-2010, 11:07 PM
فراشه الله يعطيك العافيه

والحمد لله على سلامتك

ويتربى بعزكم

بسكوت فراوله
02-05-2010, 11:07 PM
اللهم صلي على محمد وال محمد

نايس ومن
04-05-2010, 01:14 AM
الف الحمدلله ع سلامتك فراشه
توي ادري انك ولدتي لي زمان ماتصفحت المنتدى
بوسي لي جوااااااااااد الله يخليه لكم ويتربى في عزكم حبيبتي
والحمد لله جات سهاله

ام حسون
05-05-2010, 10:38 AM
الف الحمد لله على السلامه فراشة
ويتربى جواد في عزش وعز ابوه
والله يحفظه من العين ومن كل شر:d

coconut-4
06-05-2010, 01:18 AM
الكلام اللي سمعتيه مو صحيح
من يقول انهم يعملوا توسيع بدون تخدير وتشوفي وحالة
اصلا يخدروا وماتشوفي شي مغطى
والتوسيع للبكرية افضل من بدون
لأن احتمال التمزقاات اتأذيها طول عمرها
وحتى الغير بكرية يعملوا ليها توسعة معظم الأحيان
والتوسعة هي شق صغييير
على فكرة الولادة ماتعور اصلا
الطلق هو اللي يعور
بس انتين لاتصارخيواجد تتعبي ولا تقدري تسوي انجاز<<<<<هههه

سوٍسوٍيتَ..!
06-05-2010, 02:10 AM
مرحبااا :D < من زمممممممممان مآكتبت شي بالمنتدى احس اني قديمه كح كح :p
المهم حآبه اقووول لكم عن تجربتي في الولاده :rolleyes:
يوم ولادتي كآن يووم اختباااري وكنت تعبانه ومذاكره وحالتي حاله :( كنت بيت اهلي لاني كنت تعبااانه وهيك
المهم :
كنت من الليل احس بالم فظظظظظظظظظظظظظيع بس مكااابره وساااكته بيني وبين نفسي الا ان جاات الساعه 5 الفجرر خلاص احس الالم نو واااااااااي زااد وصرت ياطالعه ياداخله التويليت ( اكرمكم الله ) بهـ اللحظه قلت خلاص يابت صااار لازم تخبري المآمآ عشان تشوفك ناديت امي( الله يخليها لي ) وامي من شافتني خافت علي بمآ اني اول بنت عندهآ تحمممل كااانت تبكي وخاايفه علي مووت عآد تعرفون شغل الآمههااات جلست تبخرني بالعووود ( عشان يتوسع الرحم اكثر واكثر ) وانا خلاااااااااااااااااااص احس اني وصلت حدددددددي :( وصلني ابوي مع امي المستشفى ( ربي يخليهم لي ) وعلى طوول بعد الكشف قالو لي متوسع 9 :eek: ولالالالالالالالالالالالالالالالالالالالالالالالاد ه :D
انااا في هـ الحاااله انتآبني شعور الخوف والرعب < اتعب ع الفصحـــــــى:rolleyes:
صعدووني فوووق وحطووو ع جهآز التخطيط للطلق ودقات قلب البيبي ( اذكر انه بطني كآن مشدود بقوووه والجهآز مضايقني بقوووه اذا احد جآي يشوفني اخليه ومن يتركوني سحبته :p) المهم في اقل من نص ساعه الحمممد لله ولدت وطبعاااا لما وصلت مآنزل عندي لا مويه ولا دم اهم الي نزلو المويه مني
وطبعاااا شلت المستشفى بالصررررررررررآخ من الالم بس تجرربه فيهااا اكشششن بقوووه وحلووه :D
الحين بنتي عمرررهآ 5 سنوآت ( الله يخليههاااا لي)
وانآ الحييين حآمل من جديد في شهري الثامن :D واحس اني نااااسيه الالم بس دآيم افكرر في الولاده وخااايفه بقووووه ومع هـ الخوف الا اني متحمممممسه لهآ :p< تناااقض :rolleyes:

الله يسسسسهل علي وعلى جمييييمع الحوووآمل ويرزق الي مآعنده بحق محمد وآله الاطههههههههآر
وبس هذرت كثيررر ع رآسكم سآمحووونآ :p:D

أم سيد دانيال
07-05-2010, 04:33 PM
سو سويت

الله يخلي لك بنتك

والله يسهل عليك

أنا دائماً اتمنى اني مااروح المستشفى الا انا جاهزه يعني الرحم مفتوح

عشان لا اتنوم هناك

بأنتظار تجربتش الجايه انشالله

"؛ ذوق و ابداع ؛"
08-05-2010, 02:20 PM
مرحبااا :D < من زمممممممممان مآكتبت شي بالمنتدى احس اني قديمه كح كح :p

المهم حآبه اقووول لكم عن تجربتي في الولاده :rolleyes:
يوم ولادتي كآن يووم اختباااري وكنت تعبانه ومذاكره وحالتي حاله :( كنت بيت اهلي لاني كنت تعبااانه وهيك
المهم :
كنت من الليل احس بالم فظظظظظظظظظظظظظيع بس مكااابره وساااكته بيني وبين نفسي الا ان جاات الساعه 5 الفجرر خلاص احس الالم نو واااااااااي زااد وصرت ياطالعه ياداخله التويليت ( اكرمكم الله ) بهـ اللحظه قلت خلاص يابت صااار لازم تخبري المآمآ عشان تشوفك ناديت امي( الله يخليها لي ) وامي من شافتني خافت علي بمآ اني اول بنت عندهآ تحمممل كااانت تبكي وخاايفه علي مووت عآد تعرفون شغل الآمههااات جلست تبخرني بالعووود ( عشان يتوسع الرحم اكثر واكثر ) وانا خلاااااااااااااااااااص احس اني وصلت حدددددددي :( وصلني ابوي مع امي المستشفى ( ربي يخليهم لي ) وعلى طوول بعد الكشف قالو لي متوسع 9 :eek: ولالالالالالالالالالالالالالالالالالالالالالالالاد ه :D
انااا في هـ الحاااله انتآبني شعور الخوف والرعب < اتعب ع الفصحـــــــى:rolleyes:
صعدووني فوووق وحطووو ع جهآز التخطيط للطلق ودقات قلب البيبي ( اذكر انه بطني كآن مشدود بقوووه والجهآز مضايقني بقوووه اذا احد جآي يشوفني اخليه ومن يتركوني سحبته :p) المهم في اقل من نص ساعه الحمممد لله ولدت وطبعاااا لما وصلت مآنزل عندي لا مويه ولا دم اهم الي نزلو المويه مني
وطبعاااا شلت المستشفى بالصررررررررررآخ من الالم بس تجرربه فيهااا اكشششن بقوووه وحلووه :D
:p:D



هههههههههههههههههههههههههههههه ... عجبتني تجربتك مع الولاده .. أحس كأنها فلم :D ...
الحمدلله يوم ان ربي سهل عليك ... والله يسهل علينا وعليك وعلى جميع المؤمنات ..
أتمنى ما أروح المستشفى الا يقولوا لي على الاقل مفتوح 6 أو 7 :rolleyes: ...
كان كشششخخه :p ... بس كيف انفتح عندك الى 9 سم وما نزل منك شي لاماي ولادم ؟؟ يصير يعني:confused:؟؟ وقبل هليوم اللي صارت فيه هالسالفه >>>متأثرة :D
جى لك المخاض اللي يسموه كاذب ؟؟؟
لأني أحس بآلام صار لي تقريبا نص اسبوع وكل يوم أقول شكلي بولد :( ويروح الألم ويرجع :mad:

Om Bandar
10-05-2010, 03:17 AM
الله ماني مصدقه أني ولدت وبقولكم قصتي مع الولاده وماأدراك مالولاده هههه :D
تخيلوا أنا قالوا لي أولد في 10/5 يوم السبت
وكان أول يوم بعد إجازة الربيع وكان عندي إختبار وذاكرت على أني بروح أختبر
ولمن جلست الفجر كنت مره تعبانه وقالي زوجي لاتروحي الكليه ومارحت بعد أخاف أتوهق هناك
بعدين رحت المستشفى وعطوني إجازه السبت والأحد ويوووم الأحد جلست الساعه 12 الظهر صليت ورجعت نمت إلى 3:30 العصر>>زين نمت والله
ولمن جلست أحس بموت من ألم ظهري ونزل عندي دم شوي قال زوجي قومي أوديك المستشفى
قلت مستحيل أروح بصبر اذا زاد بروح
وظليت أتألم بس مصبره نفسي وجالسه ع المنتدى بعد
ولمن جاء الليل والألم يروح ويجي بس مكابره والساعه 9 رحت شقة عمتي أسلم عليها جايه من العراق
ومن أول مادخلت قالت لي وجهك متغير وبطنك نازل شكلك بتولدي
وكانت عمتي أم زوجي هناك وقالت اي شكلك بتولدي قلت لها اي شكلي خلاص بولد
بس أنا بروح شقتي واذا زاد الألم بجيك تروحي معي المستشفى>>تدروا خوواااافه
ورجعت الشقه وأمي تقولي بجيك أروح معك قلت لها لا لاتجي وأنا أصيح
وعلى الساعه 12رحت لعمتي شبت لي عود وطرنا ع المستشفى
وسووا لي كشف قالت مفتوح 5 ونص :eek: يلا ولاده وأقوم أصيح
وصعدوني فوق على الساعه وحده ونص وحطوا لي التخطيط والألم يزيد
وشلت الغرفه من الصراخ واذا قالوا يلا كشف أصرخ عليهم
بس تعذبت ظليت الى الساعه 4 الفجر بس مفتوح 7
وعلى الساعه خمس الفجر جات الدكتوره سوت كشف قالت مفتوح 9
قلت لها يلا ولدوني خلاص بموت قالت اي أنتي خلاص ولاده ألحين
وودوني غرفة الولاده ولمن ودوني قلت لهم خلاص ماأبي أولد هونت هههههههه
جننتهم والله وصرخت عليهم
وولدت الحمدالله الساعه 5:40 تقريباً وجبت بنــدر القمر شطور ولدي مع المدارس جاي
بس صحيح الطلق العذااااب ولا الجراحه والخياطه ماتحسي بهم الا شوي بس من كثر التعب
وهذي قصتي كلها
والله يسهل على الحوامل يارب...

روابي22
10-05-2010, 08:34 AM
الحمد لله على السلامة بتربى بعزك و تبلغي في معرس يارب

sweet tota
10-05-2010, 09:30 AM
الف مبرووك للجميع .

صآحبتـــي توهآ وآلــد عقدت الدكتوووورهـ عقدهـ >> لانهآ كانت مجنونه مخوفــــه حآلهآ وماتوقف من الاسئله مره متجمعين مع البنات وحده مجربه الولاده من لمن كنآ بثاني ثانوي وصفته وصف مو طبيعي يخووووووووووووووووووووووووووووووووووووووف . المهم جت تولد قالوآ ليهآ توسعه قآآمت الدنيآ مافي توسعه مابغى لاتسووو وبعد التي والاتي سوو ليهآ قالت ليهم: بس هدا هو سويتو خلصتو المهم خلصت من الولاده الا يقولو خيااط قالت مااااااااااااااااااااااااااااااااااااااااااااااااا اابغى خياااط قالو ليها بتطلعي كدآ قالت اي بطلع كدآ مو لازم خيآآط وبعد التي والاتي سوو ليهآآ خياط وتقول ماحست الا بنغزهـ وصاحبتنا قالت ليها بتحسي بكل شيي حتى والخيط ينسحب وحاله ..

فقاعة صآبون
10-05-2010, 09:34 AM
ههههههههههههههه صاحبتكم سويتووووو تبغى تخووفكم :p

ألف مبروووك لكل الوآلديييييين وعقبالش سوووووويت :)

أم سيد دانيال
10-05-2010, 10:10 AM
الامل المجروح الحمد لله على سلامتك وسلامة البيبي ويتربى بعزكم

sweet tota
بجد فيه ناس يخوفوا ويهولوا ويكبروا في الموضوع...ويحسسوش انك بتدخلي مجزره مو غرفة ولاده
وكل شيء سهالات من عند رب العالمين

الله يسهل عليك وعلينا وعلى جميع المؤمنات...

"؛ ذوق و ابداع ؛"
10-05-2010, 01:48 PM
الله ماني مصدقه أني ولدت وبقولكم قصتي مع الولاده وماأدراك مالولاده هههه :D
تخيلوا أنا قالوا لي أولد في 10/5 يوم السبت
وكان أول يوم بعد إجازة الربيع وكان عندي إختبار وذاكرت على أني بروح أختبر
ولمن جلست الفجر كنت مره تعبانه وقالي زوجي لاتروحي الكليه ومارحت بعد أخاف أتوهق هناك
بعدين رحت المستشفى وعطوني إجازه السبت والأحد ويوووم الأحد جلست الساعه 12 الظهر صليت ورجعت نمت إلى 3:30 العصر>>زين نمت والله
ولمن جلست أحس بموت من ألم ظهري ونزل عندي دم شوي قال زوجي قومي أوديك المستشفى
قلت مستحيل أروح بصبر اذا زاد بروح
وظليت أتألم بس مصبره نفسي وجالسه ع المنتدى بعد
ولمن جاء الليل والألم يروح ويجي بس مكابره والساعه 9 رحت شقة عمتي أسلم عليها جايه من العراق
ومن أول مادخلت قالت لي وجهك متغير وبطنك نازل شكلك بتولدي
وكانت عمتي أم زوجي هناك وقالت اي شكلك بتولدي قلت لها اي شكلي خلاص بولد
بس أنا بروح شقتي واذا زاد الألم بجيك تروحي معي المستشفى>>تدروا خوواااافه
ورجعت الشقه وأمي تقولي بجيك أروح معك قلت لها لا لاتجي وأنا أصيح
وعلى الساعه 12رحت لعمتي شبت لي عود وطرنا ع المستشفى
وسووا لي كشف قالت مفتوح 5 ونص :eek: يلا ولاده وأقوم أصيح
وصعدوني فوق على الساعه وحده ونص وحطوا لي التخطيط والألم يزيد
وشلت الغرفه من الصراخ واذا قالوا يلا كشف أصرخ عليهم
بس تعذبت ظليت الى الساعه 4 الفجر بس مفتوح 7
وعلى الساعه خمس الفجر جات الدكتوره سوت كشف قالت مفتوح 9
قلت لها يلا ولدوني خلاص بموت قالت اي أنتي خلاص ولاده ألحين
وودوني غرفة الولاده ولمن ودوني قلت لهم خلاص ماأبي أولد هونت هههههههه
جننتهم والله وصرخت عليهم
وولدت الحمدالله الساعه 5:40 تقريباً وجبت بنــدر القمر شطور ولدي مع المدارس جاي
بس صحيح الطلق العذااااب ولا الجراحه والخياطه ماتحسي بهم الا شوي بس من كثر التعب
وهذي قصتي كلها
والله يسهل على الحوامل يارب...



ههههههههههههه الحمدلله عالسلامه ... يتربى بندر في عزكم :D
قصتك والله عجيبه ... احس كلكم حركات وأكشنات في الولادة :p
الله العالم ويش بتكون قصتي مع الولادة مليت من الانتظار << تو الناس ..اعقلي :o
ما ادري ليش متخوفه وفي نفس الوقت :rolleyes: أتحمس لما أسمع عن تجاربكم ::


صآحبتـــي توهآ وآلــد عقدت الدكتوووورهـ عقدهـ >> لانهآ كانت مجنونه مخوفــــه حآلهآ وماتوقف من الاسئله مره متجمعين مع البنات وحده مجربه الولاده من لمن كنآ بثاني ثانوي وصفته وصف مو طبيعي يخووووووووووووووووووووووووووووووووووووووف . المهم جت تولد قالوآ ليهآ توسعه قآآمت الدنيآ مافي توسعه مابغى لاتسووو وبعد التي والاتي سوو ليهآ قالت ليهم: بس هدا هو سويتو خلصتو المهم خلصت من الولاده الا يقولو خيااط قالت مااااااااااااااااااااااااااااااااااااااااااااااااا اابغى خياااط قالو ليها بتطلعي كدآ قالت اي بطلع كدآ مو لازم خيآآط وبعد التي والاتي سوو ليهآآ خياط وتقول ماحست الا بنغزهـ وصاحبتنا قالت ليها بتحسي بكل شيي حتى والخيط ينسحب وحاله ..

هههههههههههههههههههههههههههههه الحمدلله على سلامتها ... لو هم ساكتين واجد احسن اليهم ..:D هذيك شكلها تبغى تنتقم وصاحبتك مصدقه
يعيني على شلاخها :D

تسبيح
11-05-2010, 06:12 PM
الولادة حليوة بس أهم شي لا تصرخوا اللي تصرخ بتروح طاقتها فالصريخ و بتتعب
بدل ما تضيعي طاقتش فالصريخ طلعيها على شكل قوة دفع للأسفل
وزي ماقالوا الأخوات اللي يعور هو الطلق أما الولادة ما تأخذ غالبا وفي الأحوال الطبيعية حتى 5 دقايق
وماعليكم من كلام أحد تراها مغامرة ممتعة و تجربة حليوة
الله يسهل عليكم جميعا

شوق القطيف222
11-05-2010, 06:26 PM
ومنكم نستفيد:)

الله يسهل علي وعلى كل الحوامل ويتمم لنا على خير ويقومنا بالسلامة

آمين يارب الع ـآلميـن:) ..

sweet tota
12-05-2010, 07:09 PM
ههههههههههههههه ان شاء الله فقآآآعـــه


وعقبآآآلش يآآآآآرب.

سوٍسوٍيتَ..!
13-05-2010, 02:51 PM
هههههههههههههههههههههههههههههه ... عجبتني تجربتك مع الولاده .. أحس كأنها فلم :D ..هههههههههههه بقووه فلم واكشنآت بعد :D
الحمدلله يوم ان ربي سهل عليك ... والله يسهل علينا وعليك وعلى جميع المؤمنات ..
اللهههههههههم آميــــــــن
أتمنى ما أروح المستشفى الا يقولوا لي على الاقل مفتوح 6 أو 7 :rolleyes: ...
كان كشششخخه :p
ان ششششششششششاء الله وانااا بعد اتمنى هيك :p
... بس كيف انفتح عندك الى 9 سم وما نزل منك شي لاماي ولادم ؟؟ يصير يعني:confused:؟؟ ايه وآللهي هذ111 الي صااار :rolleyes:
وقبل هليوم اللي صارت فيه هالسالفه >>>متأثرة :D
جى لك المخاض اللي يسموه كاذب ؟؟؟
الا والله كنت طووول الاسبوع تعباااانه والم فضيع بس كنت شاغله نفسسسسي بخطووبه اخوي :D ولا الله العآلم كنت حتى نوم مآنآم بس اكااابر :p
لأني أحس بآلام صار لي تقريبا نص اسبوع وكل يوم أقول شكلي بولد :( ويروح الألم ويرجع :mad:
الله يسسسسسسسسسهل عليج ياقلبووو ويسهلها علي ( لسآتني بداايه الثامن والالم مو قاره اتحملهااا خآطري اولد اليوم قبل باكرر :() وع جميع الحوآمل ياااارب

روابي22
13-05-2010, 04:02 PM
هلا دبدوبات با قول اليكم قصة ولادتي ببنتي الثانية
طبعا يوم الخميس قبل لا أولد بيوم كان عندي موعد في مستشفى سعد وية الدكتورة لأن بنتي ما نقلبت يعني كان مفروض قيصرية طلعت من عندهم متأزمة و رحت البيت و توسلت بأم البنين و ما خاب ظني يوم ثاني كان يوم الجمعة حسيت بألم قوي الصباح و رحت المستشفى و تفجأت الدكتورة لأن بنتي صارت في وضعية الولادة الطبيعية يعني انقلبت و صار االراس تحت ...ما رضيت اجلس عندهم رجعت البيت و خلصت اغراضي و الألم يزيد و تالي سبحت و جهزت اغراض المستشفى اللي بآخذهم معاي .... وديت بنتي الكبيرة بيت أهلي وأمي حست مسكينة قالت لزوجي أكيد بنتي بتولد و هو على طول قال اليها ايه .... لقافة
المهم طلعت من البيت بعد صلاة الظهر و كان الألم يزيد مارحت المستشفى قلت له بروح مجمع الظهران ما رضي بس اصريت ..ورحنا و لفيته مرتين للساعة 4 و شوي خلاص حسيت مو قادرة أجلس ..قلت له بروح المستشفى و الألم قطع ظهري رحنا سعد و طلعت من السايرة مو قادرة أمشي ماسكة الجدار و خلاص حاسة حالي بولد شافوني الممرضات و اخذوني على اقرب غرفة .... جت الدكتورة و كشفت و شهقت تقول كيف صابرة 7 سم و نص ولاااادة خلاص عادي اني استانست حددددي خخخخخخخ
ركبوني لغرفة الولادة بسرعة ..... و اني من بداية حملي كلة عندي هبوط بالضغط ..... المهم وقت خروج الرأس أغمى عليي يعني اسمعهم بس كأني في حلم .... تالي اوتعيت على صوت السستر تقولي يالله مدام بس شوية و كانت الغرفة مليانة ممرضات و دكتورتين لأنه أغمى عليي و اطلع في زوجي مسكين حاط يدة على رأسة و يصيح قطع قلبي .....
شوية بس و سمعت صراخ بنوتي رباب ....خخخخخ طولت عليكم شكلي
الزبدة :
لا تخافي من الولادة تساهيل من رب العالمين
لا تسمعي كلام أحد يقول يألم و مدري وشووو .... من هالكلام ,,,,, ترى ناس تتوهم الألم من الخوف يعني هو صدق فيه الم بس ناس تبالغ من الخوف مو بقصد ...
وشووووو بعد ..... ايه تذكرت ..
انصح الزوجة تخلي زوجها يدخل وياها اني زوجي بولاداتي ثنتينهم يدخل و صراحة احس بالآمان اذا كان وياي .. وسلامتكم

حمرة الورد
13-05-2010, 05:22 PM
الامل المجروح
تحمست اولد بس بنفس الوقت خايفه موووت
اتمنى اني اقدر اتحمل الالم ومااروح المستشفى على طول خخخ
الله يسهل يارب
ويتربى بندر بعزكم

أم سيد دانيال
13-05-2010, 07:45 PM
هلا دبدوبات با قول اليكم قصة ولادتي ببنتي الثانية
طبعا يوم الخميس قبل لا أولد بيوم كان عندي موعد في مستشفى سعد وية الدكتورة لأن بنتي ما نقلبت يعني كان مفروض قيصرية طلعت من عندهم متأزمة و رحت البيت و توسلت بأم البنين و ما خاب ظني يوم ثاني كان يوم الجمعة حسيت بألم قوي الصباح و رحت المستشفى و تفجأت الدكتورة لأن بنتي صارت في وضعية الولادة الطبيعية يعني انقلبت و صار االراس تحت ...ما رضيت اجلس عندهم رجعت البيت و خلصت اغراضي و الألم يزيد و تالي سبحت و جهزت اغراض المستشفى اللي بآخذهم معاي .... وديت بنتي الكبيرة بيت أهلي وأمي حست مسكينة قالت لزوجي أكيد بنتي بتولد و هو على طول قال اليها ايه .... لقافة
المهم طلعت من البيت بعد صلاة الظهر و كان الألم يزيد مارحت المستشفى قلت له بروح مجمع الظهران ما رضي بس اصريت ..ورحنا و لفيته مرتين للساعة 4 و شوي خلاص حسيت مو قادرة أجلس ..قلت له بروح المستشفى و الألم قطع ظهري رحنا سعد و طلعت من السايرة مو قادرة أمشي ماسكة الجدار و خلاص حاسة حالي بولد شافوني الممرضات و اخذوني على اقرب غرفة .... جت الدكتورة و كشفت و شهقت تقول كيف صابرة 7 سم و نص ولاااادة خلاص عادي اني استانست حددددي خخخخخخخ
ركبوني لغرفة الولادة بسرعة ..... و اني من بداية حملي كلة عندي هبوط بالضغط ..... المهم وقت خروج الرأس أغمى عليي يعني اسمعهم بس كأني في حلم .... تالي اوتعيت على صوت السستر تقولي يالله مدام بس شوية و كانت الغرفة مليانة ممرضات و دكتورتين لأنه أغمى عليي و اطلع في زوجي مسكين حاط يدة على رأسة و يصيح قطع قلبي .....
شوية بس و سمعت صراخ بنوتي رباب ....خخخخخ طولت عليكم شكلي
الزبدة :
لا تخافي من الولادة تساهيل من رب العالمين
لا تسمعي كلام أحد يقول يألم و مدري وشووو .... من هالكلام ,,,,, ترى ناس تتوهم الألم من الخوف يعني هو صدق فيه الم بس ناس تبالغ من الخوف مو بقصد ...
وشووووو بعد ..... ايه تذكرت ..
انصح الزوجة تخلي زوجها يدخل وياها اني زوجي بولاداتي ثنتينهم يدخل و صراحة احس بالآمان اذا كان وياي .. وسلامتكم


الله يسهل علينا زي ما سهل عليش
حمستيني اولد:d
والله يخلي لك بنوتاتك

Om Bandar
13-05-2010, 11:27 PM
الامل المجروح
تحمست اولد بس بنفس الوقت خايفه موووت
اتمنى اني اقدر اتحمل الالم ومااروح المستشفى على طول خخخ
الله يسهل يارب
ويتربى بندر بعزكم
الله يسلمك خيتو
لاتخوفي روحك وتصبري أول مايجيك الألم أحسن لك
أنا صبرت نفسي لأني أكره الكشف
وهذاني لمن أروح مفتوح 5 ونص وسووا لي كشف يمكن 6 مرات
شلون لو مفتوح عندي أقل كان عشرين مره
بس الله يسهل عليك وإن شاءالله يكون الرحم عندك بسرعه ينفتح
وتولدي بسهوله وتجيبي أحلى نونو...:)

عاشقة حبيبها
14-05-2010, 02:31 AM
الخوف لابد منه قبل الولادة لكن اذا الوحده دخلت غرفة الولادة دخل الجد والاستسلام للامر الواقع فيصير الوضع طبيعي


اختي ماشاء الله عليها يوم ولدتها ببنتها وهي بكرها .. ماولدت بطلق طبيعي راحت موعد وهي متاخرة عن الولادة اسبوع وحطوا ليها تحاميل طلق صناعي الساعه 11 الظهر ولا حست بأي شي حتى 7 المغرب حتى كانت تكلمني وعادي وتضحك واتقول ماني حاسة بشي ابدا ماشكلي بولد الا بكرة الليل واقول ليها ويش حاطين عليش اتقول التخطيط بس وعلى الساعه 12 الا ربع دخلوها غرفة الولادة وهي مستغربة ليش مدخلينها مو حاسة الا بشويه الم ببطنها كنها الالام الدورة وكشفوا عليها ولا اتكلموا ولا هي سألت ... بكريه ماتدري عن شي ... والساعه 12ونص جااها طلق قوي وقالوا ليها ولاده خلاص يالله شدي والساعه 1 وربع جابت بنتها وماشاء الله اتقول ماحست بالطلق الا ساعه وحده بس وعلى فكرها بنتها جابتها فيها 3 كيلو و700 غرام يعني ماشاء الله دبدوبة ومتربية المفروض تتعب امها ,,, لكن سهالة من رب العالمين جتها وعلى عكس ولادتها الثانية بولدها كان صغيرون نتفه وتعبها وطلقه استمر عندها 6 ساعات متواصلة على ماولدت




الله يسهل على حامل

أم سيد دانيال
15-05-2010, 03:39 PM
الله يسهل على الجميع

روابي22
16-05-2010, 01:08 AM
تسلمي غناتي ام سيد دانيال على دعواتك و الله يسهل عليكم يارب بحق محمد و آل محمد

لازوردي
16-05-2010, 02:13 PM
قريت كل الصفحات يعطيكم ألف عافيه

حمستوني ههههههه


بتغدى وبرجع أكتب ليكم قصة ولادتي بالتفصيل لمن يحبون قصص الولادة

لازوردي
16-05-2010, 05:40 PM
قبل الولاده بأسبوع كانت تجيني ألام أكثر من أي فتره معروف الشهر التاسع متعب جدا
لانوم عدل ولا أكل عدل وقلق وخوووف

ليلة الولاده وجع قوي يروح ويجي زي ألم الدوره

ماغمضت عيوني ولادقيقه طول الليل حتى زوجي قال مابروح الدوام اليوم شكلش مره تعبانه
ونام وأني أتقلب وصار الوجع يجي فترات متقاربه وأني أقول لا الدكتوره قالت باقي عليي
10 أيام أكيد مو ولادة:confused:

دقت عليي أمي الحنونه وقالت بتسافر وماحبيت أخوفها وسويت مافيي شي وسألتها قالت
بتسافر أسبوعين مكه والمدينه وقالت ليي علامات الولاده دم وماي +وجع لايحتمل
كانت الساعه 7لحد هني الوجع بدا يزيد وأعض المخده ومستحيه أقعد زوجي


سكرتها من عندها بعدساعه




هجم عليي وجع قعدت أوووون آي آآآآآآآآآآي أماه حسيت نفسي نونو وأبغى أمي ههههههه

وخايفه أدق عليها وأنغص عليها سفرتها

قعدزوجي فكرني حلمانه وقاعده أصرخ شوي خخخخخ

قلت ليه أني مونايمه وقال يالله يالله شكلش بتولدي
قلت ليه ماطلع لادم ولاماي

قال كلمي أمش قلت لا

خلاص كلمي أختش الكبيره
كلمتها وجاني الوجع القوي وأني أكلمها من ردت عليي وأني أوووون
أقول خيه ألحقيني

من البارحه مانمت تعبانه ووجع يروح ويجي قالت ويش تستني روووووحي
المستشفى مولازم يطلع لاماي ولادم يمكن نوعيتش كذا وكلمت أختي أمي وكنسلت سفرتها الله يجازيها بالجنه يارب وكلمتني وهي تصيح خايفه عليي لأني لحالي وهي بعيدعني:)

وفوق هاالوجع جتني البواسير من الحمل وتعبت دبل :(الظهر والبطن والبواسير
وجسمي عرقان

حتى أسناني دقو عليي وعظامي ترجف رجججججججف:eek:

قمت أدعي وأطلب من ربي وأهل البيت بالسهاله

وقفت ورجولي موشايلتني ماعرفت حتى ألبس العباه مرتبكه وتعبانه وهو الغالي الله يخليه ليي ماقصر
رحنا ومن وصلت جو ليي الممرضات عند الباب ودخلوني كشف على طول لأن شافوني
أمشي وماسكه بطني:o
وحطوني على السرير وجت الدكتوره تكشف ومارضيت بعد أقول ليكم

الحيا دابحني دباح خخخخخخ
وبعد اللتي واللتيا والصياح خخخخخخ من كشفت
وذيك الحزه شفتها تبتسم ألا يطلع في أيدها دم وقالت للمرضات

تعالو بسرعه ولاده ولاده وأني تدوروني ماتلقوني
كان فاتح الرحم 7حسيت بيغمى عليي
وجو فصخوني مولاي كما خلقتني ولبسوني مال المستشفى وأخذو شنطتي وخلوني بس

أكلم زوجي يجيب دفتر العائله وأخذو وقفلوه وحطوه في كيس

وهم يركضو بي لغرفة الولادة وأني أتشهد على روحي خفت أموت
من القصص اللي أسمعها لكن الحمدلله الحمدلله

ظليت أعاني من الساعه 11يوم جت الساعه 1 حطو طلق صناعي\ومغذي
وجت دكتوره ثانيه وحطت شي زي المسطره وفتحت الماي وكان حار مره

ومايحتاج أوصف الحال لين ربكم فرجها عليي الساعه 3 جت الدكتوره والقابله
وممرضات و2متدربات مايستحو على دمهم قاعدين يتساسرو وهم يطلعو يضحكو ليتني طردتهم:mad:
لم تقولي أدفعي أدفع قالت سوي كأنك تتبرزي وأنتو بكرامه لأني ماعرفت كيف أدفع قال كذا
تقول أيوه يابطله ياشجاعه ياقمر ههههههه وأني طالبه مطيعه أنفذ الكلام
بعد عناء طلعت ميمي الغاليه
ومارضو أمسكها حطوها على بطني وهي تصيح وكلها دم لحظه يعز اللسان عن الشرح:p:D:)
وراحو ينضفوها قدامي
وبعديمكن ربع ساعه رجع الطلق وقالت الدكتوره لاتخافي هذي المشيمه
وطلعت تعور طلعتها بعد كنها ولاده ثانيه:o
وتالي جت الممرضه ودقتني أبره وخيطت التوسيع وودوني قسم الولاده التنويم
وظلت مكان المقص يعورني 4شهور
بعد ال40رحت
أشيك قالو لازم كي لأن طلع ليي نفخ مكان الغرز ورجعت بيت أهلي ألين طبت الحمدلله

ما أبالغ والله تعبت وااااااجد والبواسير في النفاس حسيت بستجن منها
ومانزل ليي حليب غير نقط ووقف حاولت بشفاط والحلبه 3شهور ومافادت معي
وعانت بنتي من الحليب الصناعي كله صياح ومغص


سامحوني هذرت واجد




بس أتذكر الهوايل اللي صارت أروح أحضن الورده وأنسى شوي الحمدلله رب العالمين

الله يخليها لينا ويرزق كل من يشتهي البنين والبنات يااااارب

وأي أستفسار أنا حاضره

حمرة الورد
16-05-2010, 06:28 PM
يااه خيتو لازوردي كأني خفت مره من القصه
بس كيف يعطوك طلق صناعي وانت اساسا عندك طلق وفاتح 7 سم حرااام
ليه ماخلوك على راحتك لين فتح
وابي اسألك كمان في وين ولدتي
انا ماباقي شي على ولادتي ومره خايفه كوابيس تروح وتجي وتجيني هواجس
اخاف اموت خخخ مثل الاطفال وربي
الله يسهل علي وعلى الكروشات كلهم بحق الآل

على خطى الزهراء
16-05-2010, 08:08 PM
يااه خيتو لازوردي كأني خفت مره من القصه
بس كيف يعطوك طلق صناعي وانت اساسا عندك طلق وفاتح 7 سم حرااام
ليه ماخلوك على راحتك لين فتح
وابي اسألك كمان في وين ولدتي
انا ماباقي شي على ولادتي ومره خايفه كوابيس تروح وتجي وتجيني هواجس
اخاف اموت خخخ مثل الاطفال وربي
الله يسهل علي وعلى الكروشات كلهم بحق الآل
حبابة لا تخافي ترى تجهي سهالة من رب العالمين بقولة لولا يمينك ياعلي باب خيبر ماندحى وثقي انه الله مابيحملش تعب وشقى فوق طاقتش وربي يسهل عليش وعلى جميع المؤمنات

بلسم
19-05-2010, 06:32 PM
ياعلي لازوردي قصتش واني اقرأها شوي تدمع عيوني باصيح ,,,, وشوي اضحك
واخذت منها فايده مابسمح لمتدربات يشوفوني
وانتي وين ولدتي بأي مستشفى ومن هي الدكتوره ؟

لازوردي
20-05-2010, 01:41 AM
يااه خيتو لازوردي كأني خفت مره من القصه
بس كيف يعطوك طلق صناعي وانت اساسا عندك طلق وفاتح 7 سم حرااام
ليه ماخلوك على راحتك لين فتح
وابي اسألك كمان في وين ولدتي
انا ماباقي شي على ولادتي ومره خايفه كوابيس تروح وتجي وتجيني هواجس
اخاف اموت خخخ مثل الاطفال وربي
الله يسهل علي وعلى الكروشات كلهم بحق الآل


بسم الله عليش خيتو

وهم ماشاوروني بشي تصرفو من راسهم يمكن عشان المستشفى زحمه



ولدت في مستشفى الولاده في الدمام والدكتوره روسيه ناسيه أسمها
والقابله قطيفيه ومساعدتها سيهاتيه



لاتخافي خيتو الله يسهل عليش

وحاولي تكثري من التمر والمشي وال ##### مع زوجش:Dعشان ماتعوشري




أيه المتدربات جدا وقحات حسبي الله عليهم

تصوري أنش بوضعية الولادة ويطالعو هناك ويتساسرو ويضحكو


وصيهم قبل لايحمى الطلق متدربات ماكو



تدري مره وحده جابو دكتور متدرب علموه فيها كيف يقيسو الرحم كم فاتح

والمصيبه سعودي :eek:




أقول في خاطري المره الجايه بروح أولد بنقابي لاحد يشوفني تالي ويعرفني

لازوردي
20-05-2010, 01:44 AM
ياعلي لازوردي قصتش واني اقرأها شوي تدمع عيوني باصيح ,,,, وشوي اضحك
واخذت منها فايده مابسمح لمتدربات يشوفوني
وانتي وين ولدتي بأي مستشفى ومن هي الدكتوره ؟


كل ولاده ياغناتي تدمع العيون :p

هيهات من هالمتدربات:mad:

في مستشفى الولاده بالدمام

الدكتوره روسيه وزوجها دكتور سوري خخخخ ناسيه أسمها يمكن أنجلينا
عموما هي الوحيده روسيه هناك

الحمدلله أيدها صغيره:rolleyes:



أي أي أستفسار أني حاضره سواء هنا أو بالخاص



حياكم الله

Dr.S.ALQuraish
20-05-2010, 01:55 AM
بسم الله الرحمن الرحيم
اللهم صل على محمد وآل محمد الطيبين الطاهرين

أني مشكله أقعد اقرأ قصص واخاف وتو الناس خخخخ
أنا ودي أولد في الولاده والأطفال إن شاء الله بس اللي مو مشجعني سالفه المتدربات :(

لازوردي
20-05-2010, 10:23 PM
بسم الله الرحمن الرحيم
اللهم صل على محمد وآل محمد الطيبين الطاهرين

أني مشكله أقعد اقرأ قصص واخاف وتو الناس خخخخ
أنا ودي أولد في الولاده والأطفال إن شاء الله بس اللي مو مشجعني سالفه المتدربات :(


لاتخافي خيتو هو يوم وبيعدي وبيكون النونو القميل بحضنش ويهون كل شي

المتدربات تقدري توصي القابله أنش ماتبغيهم

وسوي نفسش عصبيه وقولي بنفخه:mad:مابغاهم يتعلمو فيي خخخ
هم بيكونو في نفس غرفة الولاده وبيخافو يدخلو لش هههههه

بلسم
21-05-2010, 01:37 AM
الحمدلله لقيت وحده اسألها
لازوردي غناتي .. اني مقرره اولد في الولاده والاطفال الجديد

انتي ولدتي بالقديم ولا الجديد ؟
وش رايك فيه من ناحية الاهتمام ؟ يعني لما تطلبي شي او تكلميهم تحسي يهتمو علطول ولا باردين ويحقروش ؟
و وقت الولاده تحسيهم لطيفين ولا عصبـيـيـن ؟
وكيف العنايه بعد الولاده ؟ سمعت ان فيه مستشفيات يعتنو بالوحده لدرجة انهم يسبحوها ويلبسوها حتى ملابسها .. كانت عنايتهم كذا او لا ؟
و سمعت انهم يخلو البيبي معاش بالغرفه صحيح ؟
اما الخياطه سالفتش تخووف الله يستر بس احاتي واجد من الحين
وكيف قدرتي تفهمي على الدكتوره وهي روسيه ؟ تعرف عربي يعني ؟
وهل فيه ممرضات واجد من البلد ؟ لأن ودي اشوف بنات من البلد ع الاقل بعرف اتكلم وياهم
وسؤال اخير : يسبحو البيبي قدامش ؟ - لأن اني ودي يسبحوه قدامي لني شفت فيديو يسبحو بيبي يمممما يصرخ صريخ و هي ضرب تفرك فيه ساعه / ودي يسبحوه قدامي علشان اتطمن عليه

^
^

ألف سؤال ههههههههههههههه جاوبي اللي تقدري عليه غناتي و رحم الله والديش
واذا يمديش تضيفي معلومات اكثر بعد ضيفي زيادة الخير خيرين هههههههههه

M!ss sweet
22-05-2010, 07:44 PM
ياربي انااحاتي مرة الله يسهل ياااارب

كيف لمايسوو توسيع باحس :confused: وكيف اتخيل نفسي من الم الطلق باقدر ادفع

senes of Mohammed
22-05-2010, 08:26 PM
نفس احسااااسي صاايره افكر وايد

الولااده والخيااطه والتوسيع والطلق


الله يسهل علينااا ياااارب

أم سيد دانيال
22-05-2010, 08:31 PM
لازوردي...الله يكون بالعون

أنا بعد ناويه اروح الولاده والاطفال.....

فيدينا عنه اكثر...

آقدع نفرهـ
22-05-2010, 08:45 PM
الله يسهل عليكم حوامل
ويارب يرزقكم اولاد صالحين معافين تقر به اعينكم
..
:)

مرتبطة
22-05-2010, 10:45 PM
من جربت الزهراء او سمعت احد والد فيه تفيدني

العروسهA
23-05-2010, 07:40 AM
يآآقلبي الله يسهل عليي وعليكم يآرب

بلسم
23-05-2010, 10:19 PM
آلام الطلق .. التوسيع .. والخياط >> نفس الهواجيس

بس اني اقول شي يهون علي : ( زيما كل هالعالم والحريم يولدو اني بولد )

يعني بيصير لي شي جديد ما صار لأحد من قبل ؟ >> اكيد لا

الولاده نفسها

ان شاء الله بالسهاله والتيسير علينا كلنا ياااااااااااارب

بلسم
23-05-2010, 10:22 PM
بس بسألكم عن شغله ..

كيف الطلق الصناعي ؟؟

اسمع فيه وااااااجد يحصل بس ما اعرف كيف او ايش يكون ؟؟؟
واخاف يصير لي لا قدر الله و اتفاجأ بأشياء جديده علي واتوهق ما اعرف اتصرف

ياليت تعلموني لو ع الخاص عن لا اتبهدل حزة الحزه ..

وان شاء الله اولد طبيعي و الطلق يجيني طبيعي يارب ,, انا وانتو يارب

بلسم
28-05-2010, 01:47 AM
اهئ اهئ

ماحـد جاوبني !!

كلي احساس
28-05-2010, 03:51 PM
يا بنات لاتخافوا ولاتهولوا الموضوع
ترى ناس واجد من كثر الخوف والتفكير يوصلو لدرجة انهم يرفضوا الولادة الطبيعية وحتى التوسيع
أنا جربت الولادة يعني أنا ولدت وولدت حريم واجد ومن خبرتي اقول هالكلام
لاتخافوا ابدا والتساهيل بيد رب العالمين والتوسيع في الولادة الاولى لابد منه ولا بيصير ليكم جروح وبلاوي ماتتخيط الا تحت تخدير كامل
واصلا مابتحسي بالتوسيع لان بيكونو عاطينش كخدر موضعي وحتى عند الخياط يردو يعطوش مخدر مرة ثانية هدا بالنسبة لمستشفانا (مستشفى الولادة والاطفال )

أما بالنسبة لألم الولادة يختلف من وحدة لوحدة ولاتخافوا يعطوكم ابر مهدئة نريحكم شوي


أهم شي لما تروحي تولدي لاتخافــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــي
وأما الطلق الصناعي فألمه نفس ألم الولادة يعني ماباقول لش مايعور شي طبيعي بيعورش يعني ولاكيف بيطلع النونو اذا ماتقلص الرحم

وإذا تبغوا تولدوا تعالوا كلكم مستشفى الولادة والاطفال هع حياكم الله

أم سيد دانيال
28-05-2010, 04:43 PM
يا بنات لاتخافوا ولاتهولوا الموضوع
ترى ناس واجد من كثر الخوف والتفكير يوصلو لدرجة انهم يرفضوا الولادة الطبيعية وحتى التوسيع
أنا جربت الولادة يعني أنا ولدت وولدت حريم واجد ومن خبرتي اقول هالكلام
لاتخافوا ابدا والتساهيل بيد رب العالمين والتوسيع في الولادة الاولى لابد منه ولا بيصير ليكم جروح وبلاوي ماتتخيط الا تحت تخدير كامل
واصلا مابتحسي بالتوسيع لان بيكونو عاطينش كخدر موضعي وحتى عند الخياط يردو يعطوش مخدر مرة ثانية هدا بالنسبة لمستشفانا (مستشفى الولادة والاطفال )

أما بالنسبة لألم الولادة يختلف من وحدة لوحدة ولاتخافوا يعطوكم ابر مهدئة نريحكم شوي


أهم شي لما تروحي تولدي لاتخافــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــي
وأما الطلق الصناعي فألمه نفس ألم الولادة يعني ماباقول لش مايعور شي طبيعي بيعورش يعني ولاكيف بيطلع النونو اذا ماتقلص الرحم

وإذا تبغوا تولدوا تعالوا كلكم مستشفى الولادة والاطفال هع حياكم الله




هلا خيه

يعني انتي تشتغلي بمستشفى الولاده والاطفال؟؟؟؟؟؟؟؟؟؟

عاشقة حبيبها
28-05-2010, 04:56 PM
الطلقي الصناعي عبارة عن ابر والا تحاميل وطبعا الابر تنحط اكثر شي بالمغذي واحيانا تنحط بالرحم بأبره بلاستيكه والتحاميل اكيد مابتنحط الا بالرحم

يهيجوا فيها الرحم للطلق .. لتقلص الرحم لولادة الجنين والطلق الصناعي حاله حال الطلق الطبعي

وع فكرة مافي وحده اتروح ولادة مهما كان وضعها لازم يحطوا ليها لو ابرة وحده للطلق في المغذي يعني الامر طبيعي

آسينات
28-05-2010, 05:11 PM
خيوه الطلق الصناعي الله يعين الا تاخذه
جربته اول مرة وذبحني الالم وانهارت اعصابي وقام ضغطي ينزل ويرتفع
طبعا هو نفس الطلق الطبيعي بس حرارته والمه ازيد
والا تقول محتمل مااصدقها الا اذا كانت من النوع الصبور على الالم

وربي لايحوجش للصناعي وتطلقي طبيعي يارب.

فديتها بروحي
28-05-2010, 06:45 PM
كيف الكل ....

مادري عندي سؤال فيه أحد بجاوب عليه او لا
من اسبوع كان عندي موعد بالمستشفى كنت هلكانه من الالم .......لما فحصتني الدكتوره قالت الي الرحم لس ما فتح وبين قوسين قالت(النص سانتي او السانتي مانعتبره فاتح)
فيه ناس نصحوني اتبخر بما ادري حاجه اسمها ياويه وبالصراحه خايفه ........فيه أحد عنده خلفيه بالموضوع
واني عن جد محتاره

كلي احساس
29-05-2010, 01:19 AM
مساء/ صباح الوردالطلق الصناعي مايبدوه الا لين فتحوا كيس الماي اللي يحيط بالجنين ولقوا بعد ساعة على الاقل انو مابدأ عندك ألم فعلي يفتح معه الرحم ديك الحزة يبدوا طلق صناعي عن طريق الوريد ويبدأبجرعة خفيفة وينزاد بالتدريج حسب اوامر الطبيبة طبعاوأما التحاميل فهي كنها حبوب يعطوش اياها لما تعدي موعد الولادة ومابدأ عندش الالم ومافتح عندش الرحم وناس يستجيبوا له وناس ماينفع وياهم بعدوأنا سمعت وشفت أن ناس واجد أ1ذا جاهم طلق حتى لو خفيف يتبخروا بعود طبيعي يساعد على فتح الرحم واقرأي سورة مريم باستمراروعذرا باقول حاجة اللي تبغى تولد بسرعة من تدخل التاسع تخلي زوجها يشتغل وياها لان اصلا سائل الرجل يحتوي على هرمون البروستاقلاندين اللي يحفز الرحم على التوسع وهو نفسه الهرمون المستخدم في صناعة تحاميل الطلق وكثروا من المشي على الكورنيش يخلي الراس ينحشر في الحوض والله يسهل على الجميع

فديتها بروحي
29-05-2010, 02:38 PM
كلي أحساس تسلميلي..... بجرب العود على الاقل يمكن ادا ما نفع ما ضر
مشكوره خيه

بلسم
30-05-2010, 02:05 AM
عاشقة حبيبها , آسينات
كــلــي احـســــاس

مشكورين حبايبي ماقصرتو , اني افكر الطلق الصناعي حاجه تخوف طلع ابراه او تحاميل هههههههه
الله لا يحوجنا له ويارب كلنا نطلق طبيعي يارب

كلي احساس : مشكوره اختي ع المعلومه المفيده , والله لو ماقلتي كان ما بدري بهالشي

"؛ ذوق و ابداع ؛"
02-06-2010, 03:18 AM
سلام اخوات كروشات وامهات وغيرهم :D يوم الاحد اللي فات مو هذي الاحدانية رحت السوق ومشيت لي مايقارب لثلاث ساعات :o ورجعت البيت وانيهلكانة من الثقل والتعب ورجايلي مو حاسه فيهم من الانتفاخ والوجع...
يوم ثاني اللي هو الاثنين :rolleyes: جيت أنام الصبح بعد صلاة وحسيت بأوجاع الدورة :confused: قلت لا هذا طبيعي لأني مشيت واجد وجسمي هلكان يعني طبيعي بيجيني هذا الوجع مثل ريح الاستقبال ... بس هالمره غير
تروح وتجي .. وما وقفت .. وحتى النوم مو عارفه انام لاعن يميني ولا عن شمال :( خفت أصحي زوجي وأخرب عليه نومته وهو عليه دوام قلت يبت الناس تحملي شوي :o وجت الظهر وانا عالحال ما تغير .. رحت الحمام وانتو بكرامة ولا أشوف الا نزل مني دم ... :eek: بغيت أموت ... صحيت زوجي ورحنا المستشفى قالوا مفتوح واحد بس :eek: :cool:
انتظرنا لحد الساعة 5 المغرب ولا تغير شي ... قالت الي الدكتوره زينب انتي روحي تمشي ولما تحسي بتعب أكثر وأقوى تعالي ..
رحت البيت وانتظرت لحد الصباح ... وعالساعة 7 تعبت حسيت بالريح أقوى وطبعا الوالده الله يطول بعمرها :o تهوست عليي حدها قالت قومي نروح وطبعا بخرتني وحاست ولاست تعرفوا شغل الامهات :D
ورحنا المستشفى الا يطلع بعده مفتوح واحد ونص :mad: قالوا لي لازم تنتظري الدكتورة زينب تجي عشان تقرر وشو تسوي ...
المهم ... الدكتورة زينب قالت لازم تتنومي حتى نتابع حالتك ... وجت المغرب وما انفتح الا اثنين :( فخافت عليي وقالت لازم نسوي لك طلق صناعي طبعا لما عطوني الابرة وقف عني الطلق لمدة ساعة كاملة فخافت عليي زيادة .. وقالت انو لازمني تحميلة وطبعا ياكروشات لاتخافوا منها هذي تهيج الرحم للطلق ومفعولها أقوى وأسرع ... :rolleyes: بس بتتعبوا لكن أسرع ..
جاني الطلق الساعة 8 طبعا يجي قوي ... وحار شوية ..
وعالساعة 9 انفتح عندي ثلاثة .. وعلى طول نقلوني غرفة الطلق ...
بعدها بساعة جتني الدكتورة زينب وفتحت كيس الماي:rolleyes: .. لحد ماجت الساعة 12 انفتح 5 .... جت الساعة وحده وانفتح 6 ...وحسيت ان حاجتي للحمام صارت ضروري .. والممرضه خايفة مترددة قالت لها الدكتورة زينب ما يخالف ... وكلما جاها حالتي تزيد .... تالي خافت ومنعتني منعا باتا :D من دخول الحمام وانا اقاسي مو قادرة جت الساعة 3 ونص وانا اصرخ عليها ابغى أروح الحمام مو قادرة :D ( لا تلوموني ما أدري ان هذا طلعة الراس كذا ) وصفت لها باللي احس فيه وشافت التخطيط وراحت على طول دقت الجرس وجوا الممرضات ولا يكشفوا عليي الا مفتوح 10 سم :eek: وسريع السريع نقلوني غرفة الولادة حتى غطى ما غطوني عدل من بهدلتهم ( ما تنلام زهقتها من كثر ما اصرخ عليها ابغى الحمام:D )
وفي غرفة الولادة صارت هناك الملاكمة :D الدكتورة زينب جاية في الطريق .. جتني الدكتورة عزة بعبايتها تركض ولبسوها هذاك الكيس وهي تقول اصبري لا تضغطي وانا اقول مو قادرة احس بالراس بيطلع غصب عني :( وجت الدكتورة زينب وحاولت معاي .. طبعا من شدة الالم ماراح تحسوا بالمقص ;)... وعالساعة 4:1 شرف حسام عالدنيا ... الله يخليه يارب ويحفظه ويسلمه من كل شر ..
الحمدلله رب العالمين ما تصعبت أكثر ربي سهلها وهونها ..
أما بالنسبة للخياطة حسيت بنغزات خفيفة .. بس كله كوم وأوجاع الطلق كوم ثاني ..
الآن صدقت كل اللي يقولوا ان الطلق عذاب وطلعة الجنين راحة .. بس اللي توجع أكثر هي طلعت الراس أما باقي جسمه بيطلع بالراحة لا تخافوا :D
الله يسهل عليكم ياكروشات وتجوا وتبشرونا وتعلمونا بقصتكم
واسمحوا لي على الاطالة

فقاعة صآبون
02-06-2010, 07:15 AM
سلام اخوات كروشات وامهات وغيرهم :D يوم الاحد اللي فات مو هذي الاحدانية رحت السوق ومشيت لي مايقارب لثلاث ساعات :o ورجعت البيت وانيهلكانة من الثقل والتعب ورجايلي مو حاسه فيهم من الانتفاخ والوجع...

يوم ثاني اللي هو الاثنين :rolleyes: جيت أنام الصبح بعد صلاة وحسيت بأوجاع الدورة :confused: قلت لا هذا طبيعي لأني مشيت واجد وجسمي هلكان يعني طبيعي بيجيني هذا الوجع مثل ريح الاستقبال ... بس هالمره غير
تروح وتجي .. وما وقفت .. وحتى النوم مو عارفه انام لاعن يميني ولا عن شمال :( خفت أصحي زوجي وأخرب عليه نومته وهو عليه دوام قلت يبت الناس تحملي شوي :o وجت الظهر وانا عالحال ما تغير .. رحت الحمام وانتو بكرامة ولا أشوف الا نزل مني دم ... :eek: بغيت أموت ... صحيت زوجي ورحنا المستشفى قالوا مفتوح واحد بس :eek: :cool:
انتظرنا لحد الساعة 5 المغرب ولا تغير شي ... قالت الي الدكتوره زينب انتي روحي تمشي ولما تحسي بتعب أكثر وأقوى تعالي ..
رحت البيت وانتظرت لحد الصباح ... وعالساعة 7 تعبت حسيت بالريح أقوى وطبعا الوالده الله يطول بعمرها :o تهوست عليي حدها قالت قومي نروح وطبعا بخرتني وحاست ولاست تعرفوا شغل الامهات :D
ورحنا المستشفى الا يطلع بعده مفتوح واحد ونص :mad: قالوا لي لازم تنتظري الدكتورة زينب تجي عشان تقرر وشو تسوي ...
المهم ... الدكتورة زينب قالت لازم تتنومي حتى نتابع حالتك ... وجت المغرب وما انفتح الا اثنين :( فخافت عليي وقالت لازم نسوي لك طلق صناعي طبعا لما عطوني الابرة وقف عني الطلق لمدة ساعة كاملة فخافت عليي زيادة .. وقالت انو لازمني تحميلة وطبعا ياكروشات لاتخافوا منها هذي تهيج الرحم للطلق ومفعولها أقوى وأسرع ... :rolleyes: بس بتتعبوا لكن أسرع ..
جاني الطلق الساعة 8 طبعا يجي قوي ... وحار شوية ..
وعالساعة 9 انفتح عندي ثلاثة .. وعلى طول نقلوني غرفة الطلق ...
بعدها بساعة جتني الدكتورة زينب وفتحت كيس الماي:rolleyes: .. لحد ماجت الساعة 12 انفتح 5 .... جت الساعة وحده وانفتح 6 ...وحسيت ان حاجتي للحمام صارت ضروري .. والممرضه خايفة مترددة قالت لها الدكتورة زينب ما يخالف ... وكلما جاها حالتي تزيد .... تالي خافت ومنعتني منعا باتا :D من دخول الحمام وانا اقاسي مو قادرة جت الساعة 3 ونص وانا اصرخ عليها ابغى أروح الحمام مو قادرة :D ( لا تلوموني ما أدري ان هذا طلعة الراس كذا ) وصفت لها باللي احس فيه وشافت التخطيط وراحت على طول دقت الجرس وجوا الممرضات ولا يكشفوا عليي الا مفتوح 10 سم :eek: وسريع السريع نقلوني غرفة الولادة حتى غطى ما غطوني عدل من بهدلتهم ( ما تنلام زهقتها من كثر ما اصرخ عليها ابغى الحمام:D )
وفي غرفة الولادة صارت هناك الملاكمة :D الدكتورة زينب جاية في الطريق .. جتني الدكتورة عزة بعبايتها تركض ولبسوها هذاك الكيس وهي تقول اصبري لا تضغطي وانا اقول مو قادرة احس بالراس بيطلع غصب عني :( وجت الدكتورة زينب وحاولت معاي .. طبعا من شدة الالم ماراح تحسوا بالمقص ;)... وعالساعة 4:1 شرف حسام عالدنيا ... الله يخليه يارب ويحفظه ويسلمه من كل شر ..
الحمدلله رب العالمين ما تصعبت أكثر ربي سهلها وهونها ..
أما بالنسبة للخياطة حسيت بنغزات خفيفة .. بس كله كوم وأوجاع الطلق كوم ثاني ..
الآن صدقت كل اللي يقولوا ان الطلق عذاب وطلعة الجنين راحة .. بس اللي توجع أكثر هي طلعت الراس أما باقي جسمه بيطلع بالراحة لا تخافوا :D
الله يسهل عليكم ياكروشات وتجوا وتبشرونا وتعلمونا بقصتكم
واسمحوا لي على الاطالة


الف الحمد لله على سلااامتك غنآتي :cool:

ويتربى حسآم في عزكم يآآآرب ;)

أم سيد دانيال
02-06-2010, 06:19 PM
دوق وابداع
الحمد لله على سلامتك وسلامة البيبي

لعيون حبيبي
03-06-2010, 01:38 AM
سلام اخوات كروشات وامهات وغيرهم :d يوم الاحد اللي فات مو هذي الاحدانية رحت السوق ومشيت لي مايقارب لثلاث ساعات :o ورجعت البيت وانيهلكانة من الثقل والتعب ورجايلي مو حاسه فيهم من الانتفاخ والوجع...

يوم ثاني اللي هو الاثنين :rolleyes: جيت أنام الصبح بعد صلاة وحسيت بأوجاع الدورة :confused: قلت لا هذا طبيعي لأني مشيت واجد وجسمي هلكان يعني طبيعي بيجيني هذا الوجع مثل ريح الاستقبال ... بس هالمره غير
تروح وتجي .. وما وقفت .. وحتى النوم مو عارفه انام لاعن يميني ولا عن شمال :( خفت أصحي زوجي وأخرب عليه نومته وهو عليه دوام قلت يبت الناس تحملي شوي :o وجت الظهر وانا عالحال ما تغير .. رحت الحمام وانتو بكرامة ولا أشوف الا نزل مني دم ... :eek: بغيت أموت ... صحيت زوجي ورحنا المستشفى قالوا مفتوح واحد بس :eek: :cool:
انتظرنا لحد الساعة 5 المغرب ولا تغير شي ... قالت الي الدكتوره زينب انتي روحي تمشي ولما تحسي بتعب أكثر وأقوى تعالي ..
رحت البيت وانتظرت لحد الصباح ... وعالساعة 7 تعبت حسيت بالريح أقوى وطبعا الوالده الله يطول بعمرها :o تهوست عليي حدها قالت قومي نروح وطبعا بخرتني وحاست ولاست تعرفوا شغل الامهات :d
ورحنا المستشفى الا يطلع بعده مفتوح واحد ونص :mad: قالوا لي لازم تنتظري الدكتورة زينب تجي عشان تقرر وشو تسوي ...
المهم ... الدكتورة زينب قالت لازم تتنومي حتى نتابع حالتك ... وجت المغرب وما انفتح الا اثنين :( فخافت عليي وقالت لازم نسوي لك طلق صناعي طبعا لما عطوني الابرة وقف عني الطلق لمدة ساعة كاملة فخافت عليي زيادة .. وقالت انو لازمني تحميلة وطبعا ياكروشات لاتخافوا منها هذي تهيج الرحم للطلق ومفعولها أقوى وأسرع ... :rolleyes: بس بتتعبوا لكن أسرع ..
جاني الطلق الساعة 8 طبعا يجي قوي ... وحار شوية ..
وعالساعة 9 انفتح عندي ثلاثة .. وعلى طول نقلوني غرفة الطلق ...
بعدها بساعة جتني الدكتورة زينب وفتحت كيس الماي:rolleyes: .. لحد ماجت الساعة 12 انفتح 5 .... جت الساعة وحده وانفتح 6 ...وحسيت ان حاجتي للحمام صارت ضروري .. والممرضه خايفة مترددة قالت لها الدكتورة زينب ما يخالف ... وكلما جاها حالتي تزيد .... تالي خافت ومنعتني منعا باتا :d من دخول الحمام وانا اقاسي مو قادرة جت الساعة 3 ونص وانا اصرخ عليها ابغى أروح الحمام مو قادرة :d ( لا تلوموني ما أدري ان هذا طلعة الراس كذا ) وصفت لها باللي احس فيه وشافت التخطيط وراحت على طول دقت الجرس وجوا الممرضات ولا يكشفوا عليي الا مفتوح 10 سم :eek: وسريع السريع نقلوني غرفة الولادة حتى غطى ما غطوني عدل من بهدلتهم ( ما تنلام زهقتها من كثر ما اصرخ عليها ابغى الحمام:d )
وفي غرفة الولادة صارت هناك الملاكمة :d الدكتورة زينب جاية في الطريق .. جتني الدكتورة عزة بعبايتها تركض ولبسوها هذاك الكيس وهي تقول اصبري لا تضغطي وانا اقول مو قادرة احس بالراس بيطلع غصب عني :( وجت الدكتورة زينب وحاولت معاي .. طبعا من شدة الالم ماراح تحسوا بالمقص ;)... وعالساعة 4:1 شرف حسام عالدنيا ... الله يخليه يارب ويحفظه ويسلمه من كل شر ..
الحمدلله رب العالمين ما تصعبت أكثر ربي سهلها وهونها ..
أما بالنسبة للخياطة حسيت بنغزات خفيفة .. بس كله كوم وأوجاع الطلق كوم ثاني ..
الآن صدقت كل اللي يقولوا ان الطلق عذاب وطلعة الجنين راحة .. بس اللي توجع أكثر هي طلعت الراس أما باقي جسمه بيطلع بالراحة لا تخافوا :d
الله يسهل عليكم ياكروشات وتجوا وتبشرونا وتعلمونا بقصتكم
واسمحوا لي على الاطالة


الحمدلله عسلامتك خيوو
ويتربى في عزكم
شكرا لأنك كتبتي قصتك وعطيتينا معلومات مهمه :)
بس حابه أسالك ايش رأيك في الدكتوره زينب ؟ ايدها خفيفه في الولاده ؟
وتحسي صبرو عليك ولا تضايقو من الصريخ والصياح ؟
وهل عطوك مهدء للألم ؟
وهل كان الأستشاري الدكتور صلاح موجود معاهم ؟ ولا بس الدكتوره

انا ولدت فيه من قبل بس بعمليه ؟ وحاليا اتابع فيه بس خايفه اولد ... تشائمت رغم انهم صبرو علي واجد بس الله اراد والحمدلله .
كنت عند الدمتوره عزه ,, حاليا انا عند زينب مدحوها وااجد وهي مره مريحه بس مادري كيف في الولاده بصرراحه .

أسفه للهدره الزايده
وماتشوفي شر . الله يخلي الكـ النونو

همبوبه
03-06-2010, 01:47 AM
ذوق وابداع الحمد لله على سلامتش

انا بعد بسالش زي لعيون حبيبي ايش رايك بالدكتوره زينب

لاني اتابع في الصادق وراح اولدفيه

وكيف من ناحيه الاهتمام

sweet tota
03-06-2010, 08:12 AM
سلام اخوات كروشات وامهات وغيرهم :d يوم الاحد اللي فات مو هذي الاحدانية رحت السوق ومشيت لي مايقارب لثلاث ساعات :o ورجعت البيت وانيهلكانة من الثقل والتعب ورجايلي مو حاسه فيهم من الانتفاخ والوجع...

يوم ثاني اللي هو الاثنين :rolleyes: جيت أنام الصبح بعد صلاة وحسيت بأوجاع الدورة :confused: قلت لا هذا طبيعي لأني مشيت واجد وجسمي هلكان يعني طبيعي بيجيني هذا الوجع مثل ريح الاستقبال ... بس هالمره غير
تروح وتجي .. وما وقفت .. وحتى النوم مو عارفه انام لاعن يميني ولا عن شمال :( خفت أصحي زوجي وأخرب عليه نومته وهو عليه دوام قلت يبت الناس تحملي شوي :o وجت الظهر وانا عالحال ما تغير .. رحت الحمام وانتو بكرامة ولا أشوف الا نزل مني دم ... :eek: بغيت أموت ... صحيت زوجي ورحنا المستشفى قالوا مفتوح واحد بس :eek: :cool:
انتظرنا لحد الساعة 5 المغرب ولا تغير شي ... قالت الي الدكتوره زينب انتي روحي تمشي ولما تحسي بتعب أكثر وأقوى تعالي ..
رحت البيت وانتظرت لحد الصباح ... وعالساعة 7 تعبت حسيت بالريح أقوى وطبعا الوالده الله يطول بعمرها :o تهوست عليي حدها قالت قومي نروح وطبعا بخرتني وحاست ولاست تعرفوا شغل الامهات :d
ورحنا المستشفى الا يطلع بعده مفتوح واحد ونص :mad: قالوا لي لازم تنتظري الدكتورة زينب تجي عشان تقرر وشو تسوي ...
المهم ... الدكتورة زينب قالت لازم تتنومي حتى نتابع حالتك ... وجت المغرب وما انفتح الا اثنين :( فخافت عليي وقالت لازم نسوي لك طلق صناعي طبعا لما عطوني الابرة وقف عني الطلق لمدة ساعة كاملة فخافت عليي زيادة .. وقالت انو لازمني تحميلة وطبعا ياكروشات لاتخافوا منها هذي تهيج الرحم للطلق ومفعولها أقوى وأسرع ... :rolleyes: بس بتتعبوا لكن أسرع ..
جاني الطلق الساعة 8 طبعا يجي قوي ... وحار شوية ..
وعالساعة 9 انفتح عندي ثلاثة .. وعلى طول نقلوني غرفة الطلق ...
بعدها بساعة جتني الدكتورة زينب وفتحت كيس الماي:rolleyes: .. لحد ماجت الساعة 12 انفتح 5 .... جت الساعة وحده وانفتح 6 ...وحسيت ان حاجتي للحمام صارت ضروري .. والممرضه خايفة مترددة قالت لها الدكتورة زينب ما يخالف ... وكلما جاها حالتي تزيد .... تالي خافت ومنعتني منعا باتا :d من دخول الحمام وانا اقاسي مو قادرة جت الساعة 3 ونص وانا اصرخ عليها ابغى أروح الحمام مو قادرة :d ( لا تلوموني ما أدري ان هذا طلعة الراس كذا ) وصفت لها باللي احس فيه وشافت التخطيط وراحت على طول دقت الجرس وجوا الممرضات ولا يكشفوا عليي الا مفتوح 10 سم :eek: وسريع السريع نقلوني غرفة الولادة حتى غطى ما غطوني عدل من بهدلتهم ( ما تنلام زهقتها من كثر ما اصرخ عليها ابغى الحمام:d )
وفي غرفة الولادة صارت هناك الملاكمة :d الدكتورة زينب جاية في الطريق .. جتني الدكتورة عزة بعبايتها تركض ولبسوها هذاك الكيس وهي تقول اصبري لا تضغطي وانا اقول مو قادرة احس بالراس بيطلع غصب عني :( وجت الدكتورة زينب وحاولت معاي .. طبعا من شدة الالم ماراح تحسوا بالمقص ;)... وعالساعة 4:1 شرف حسام عالدنيا ... الله يخليه يارب ويحفظه ويسلمه من كل شر ..
الحمدلله رب العالمين ما تصعبت أكثر ربي سهلها وهونها ..
أما بالنسبة للخياطة حسيت بنغزات خفيفة .. بس كله كوم وأوجاع الطلق كوم ثاني ..
الآن صدقت كل اللي يقولوا ان الطلق عذاب وطلعة الجنين راحة .. بس اللي توجع أكثر هي طلعت الراس أما باقي جسمه بيطلع بالراحة لا تخافوا :d
الله يسهل عليكم ياكروشات وتجوا وتبشرونا وتعلمونا بقصتكم
واسمحوا لي على الاطالة


يممممممممممه مآدري ليش خفت بقوهـ بعد


الف الحمد لله ع السلامه يآأم حسآم والله يخلي ليكم حسآآآآآم يآرب

وردة الأحلام
03-06-2010, 10:43 AM
الحمد لله على السلامه ويتربى في عزكم حسااام
بس والله معااانه كل هالوقت عشان ولاده
اني اتمنى من يجي الالم ايقولو انفتح الرحم حتى لو اشوي بس ينفتح كامل في نفس اليوم
ادعوو لي بالسهااله

فاقدة غالي
03-06-2010, 01:08 PM
سلااااااااااام
قريت الموضوع من اوله
انا من اول ما قال حامل قلبي يعورني من الولاده
ولا اقرى قصصكم واصيح
مشاركة وجدانيه
اقول الى زوجي اذا مت هالله هالله في النونو>>> خبله
عندي هوس مو طبيعي
بس قصصكم ريحتني
بس ما احس انه عندي صبر زيكم والله يستر

صمت البحار
04-06-2010, 07:38 PM
لا بلعكس الولادهموا مثل ماتتوقعو مافيها هل اشياءالي تخوف اصلن وقت الولاده الوحده بس تذكر اهل البيت مايخيبوه والله بجد من تذكريهم يروح الالم ولاتحسي باالخوف وربي يسهل عليكم انشاءالله

حوراء إنسيه
05-06-2010, 03:05 AM
قرات الموضوع من اوله الى النهايه
اول شي ام الساده على ويه تخافي الي كاتبنه الله بيصير ربي يسهل عليك ان شاء الله في وقتك وتبشرينا عنك
اما الباقي الي ولدوا الحمد لله على سلامتكم والي بعدهم الله يتمم ليهم على خير ويقومهم بالسلامه والي حكوا قصص ولاداتهم يعيشوني في فلم اكشن وكوميديا >>>>>>>>>>ومن كله
ابحكي ليكم قصة ولادتي بكتكوتي بس خلص الليل وانا اقرا الردود والنت يفصل ويشبك
موعدكم مع فلمي الزياره الجايه تقبلو مروري وربي يسهل على الجميع

لعيون حبيبي
06-06-2010, 12:57 AM
في أنتظارك اخت حوراء انسيه ..
اني بعد فلمي طوويل ومتعب :/
بس ماودي اقلب مواجعي من جديد خخخخ

تحياتي

"؛ ذوق و ابداع ؛"
11-06-2010, 01:49 AM
فقاعة صابون .. ام سيد دانيال ...وردة الاحلام
الله يسلمكم ويسلم اعمار حبايبكم ...وعساني اسمع عنكم الاخبار الطيبة :)

الحمدلله عسلامتك خيوو
الله يسلمك اختي ..:)
ويتربى في عزكم
عزك الله بمعزته غناتي
شكرا لأنك كتبتي قصتك وعطيتينا معلومات مهمه :)
بس حابه أسالك ايش رأيك في الدكتوره زينب ؟ ايدها خفيفه في الولاده ؟
اي .. الدكتورة زينب بصراحة مافي منها انا سمعت عنها كثير بس ما صدقت الا لما جربتها ... صبورة حدها وتعتني في الوحدة ما تتركها ... اما ايدها في الولادة بصراحة مرة خفيفة ..ماشاء الله عليها ..
وتحسي صبرو عليك ولا تضايقو من الصريخ والصياح ؟
لا ما تضايقوا ولا حاجة معاملتهم مره حليوه.. بس في غرفة الطلق في ممرضة هندية مره نحيسه ثقيلة دم .. قلبها مره قاسي لو ويش يصير ما تدق خبر وشايفة حالها ... ولما سألت عنها قالت لي الدكتورة زينب ترى هذي ممرضه جديده .. بس بعدين جت ناوبت ممرضة ثانيه كذى عالساعة 2 الليل مرة تمام هي قاعدة وهي خايفة عليي كل شوي تجيني تشربني ماي .. و تعلمني تقول لي لا مدام مافي يصرخ لازم ياخذ نفس خخخخخ
وهل عطوك مهدء للألم ؟
اي لازم يعطوا مسكن للألم
وهل كان الأستشاري الدكتور صلاح موجود معاهم ؟ ولا بس الدكتوره
لا بس الدكتورة لأن الاستشاري ما يحظر الا في حالة طارئة مثلا الراس مارضي يطلع او اللي بتولد قيصرية لا سمح الله

انا ولدت فيه من قبل بس بعمليه ؟ وحاليا اتابع فيه بس خايفه اولد ... تشائمت رغم انهم صبرو علي واجد بس الله اراد والحمدلله .
لا لاتخافي ..الله يسهلها عليش ان شالله .. انتي أسألي الدكتورة زينب قولي لها ان كنتي بتولدي مثل المره الاولى ولا هالمره طبيعي ؟؟
هم يعرفوا من الشهر التاسع يقيسوا الحوض وعفسه هم يعرفوا اليها:o
كنت عند الدمتوره عزه ,, حاليا انا عند زينب مدحوها وااجد وهي مره مريحه بس مادري كيف في الولاده بصرراحه .
اي .. عزة ما تصبر على الوحدة ..بنت خالتي جربتها ..
لاتخافي ان شالله هالمره تولدي طبيعي يارب وعقبال نسمع عنك بشارة الخير ;)

أسفه للهدره الزايده
وماتشوفي شر . الله يخلي الكـ النونو
اني الهداره :d الشر مايجينا ولاا يجيك .. الله يخلي لك حبايبك يارب ..

ذوق وابداع الحمد لله على سلامتش
الله يسلمش ويبقيش .. عقبال نسمع عنش الخبر الطيب:)

انا بعد بسالش زي لعيون حبيبي ايش رايك بالدكتوره زينب

لاني اتابع في الصادق وراح اولدفيه

وكيف من ناحيه الاهتمام
مثل ماقلت الاهتمام مره روعه مافي منهم ..بس اذكر وحده قالت ان هم ياخذوا الوحده يدخلوها الحمام ويسبحوها ومن هالكلام بصراحة هذي مبالغة كبيرة منها .. بس اهتمامهم لا يعلى عليه ما يتركوا الوحده لحالها ..



يممممممممممه مآدري ليش خفت بقوهـ بعد

:confused::confused: لا .. لا تخافي غناتي من وحدة لوحدة يختلف ... وبعدين اني ما مشيت واجد في شهر التاسع .. ينعدوا على الاصابع .. لأن حماتي راحت قالت لزوجي انه ماله داعي المشي وم له دخل فيالولادة وكلام الدكاترة لا يودي ولا يجيب وتقول انها حملت وولدت اربع مرات بدون ما تمشي في شهرها التاسع وتهلت عليها :rolleyes: ورجلي صدقها وقال اليي ممنوع المشي منعا باتا .. وصمن بعد محاولات عديدة فاشلة صرت امشي في الشقة بس طبعا لا يعتبر مشي ..
خصوصا البكر تحتاج للمشي في شهرها التاسع او من الاسبوع الثالث من الشهر الثامن عشان البيبي ينزل الحوض ... ;)


الف الحمد لله ع السلامه يآأم حسآم والله يخلي ليكم حسآآآآآم يآرب
الله يسلمك غناتي .. عقبال اسمع عنك ولدي والله يسهل عليك يارب .. متشوقة اعرف وشو بتجيبي سوييت :d وعلى فكرة من اول مشاركة لي في الموضوع وانا في بالي انك في التاسع :d الله يسهل عليش وتقومي بالسلامة يارب ولا تخافي

وردة الأحلام
11-06-2010, 12:14 PM
حوراء انسيه ولعيون حبيبي
لاتبخلو علينا بقصة ولادتكم بالعكس اتريحنا اتخلينا نتخيل نفسنا اشوي يوم الولاده بدل ماننصدم وانسوي اشياء ماصارت
تقبلوو مروري وفي انتظاركم

حمرة الورد
11-06-2010, 09:26 PM
اللهم صلي على محمد وال محمد

اول شي بقولكم تفاصيل قصتي من طأطأ لسلامو عليكم وان شاء الله الكل يستفيد

اممم انا من بداية حملي وانا اتابع بمستشفى المواساه بالقطيف وكان كل شي ماشي عند دكتوره كريستينا
وخلاص كنت ناويه اني بولد عندهم وكذا الموهيم لما دخلت التاسع قلت بتأكد منها لو طلبتها وقت ولادتي تجيني او لا
قالت لي على حسب المناوبه , من قالت لي كذا انا خقيت وخفت وقلت لزوجي انا حاسه ان حظي بيكون وديده
واذا صدق احساسي ماني ولادنه عندهم لاني مااطيق هالدكتوره
الموهيم نرجع لقصتنا انا من نهاية الثامن او نصه زوجي يحن علي يبيني اروح بيت اهلي لانه دايم خايف يجيني طلق
او شي وانا لحالي بالشقه وهو بالدوام وانا اقوله لاتخاف انا متأكده اني باخذ التاسع كله لا ويمكن اعوشر بعد << واثقه الأخت
لانهم عطوني موعد ولادتي 18 او 20 جمادى الثاني فكنت مطمنه
ومع الحاحه وخوفه اخذت اسبوع ونص بالشقه وقلت خلاص بروح بيت اهلي
يوم الأحد 2 جمادى الثاني لميت اغراضي واغراض نونوتي ورحت نمت هناك وبعدها يوم الاثنين مضى علي عادي
ماحسيت بشي ابد طلعت اول شي رحت موعدي عند كريستينا وقالت كل شي اوك لا وكان يوم مناوبتها كمان خخ وزرت عمتي وبعدها رحت الكورنيش امشي كالعاده وقلت لزوجي كمان مشتهيه سلاش عنابي هع هع
واخذ لي وجلست اكله بس ماقدرت اكله كله لانه كبير رجعت البيت وحطيته بالفريز وجيت جلست
معاكم بالمنتدى اشارك لين الساعه 2 الفجر من يوم الثلاثاء 4 جمادى الثاني وبعدها رحت نمت وجلست للصلاه
وصليت ورجعت كملت نومي <<< ماسك معي النوم بقوه ذيك الليله خخخ
الموهيم الساعه سبع الصبح بعد ماراحو اخواني المدرسه صحيت من نومي وانا احس ان فيني دخلة حمام وانتو بكرامه
رحت الحمام توني ادخل الا اشوف مويه خفيفه تنزل قلت يمكن هذي افرازات عادي لان صارت معي قبل
بأشهر حملي الاولى فمادقيت خبر ورجعت كملت نومي هع هع
توني منسدحه الا احس بشي حار ينزل مني قمت فزيت للحمام الا المويه زادت تقولو رشاش ووقفت بالحمام محتاره وخايفه
ماني عارفه اطلع اخذت جوالي ودقيت على امي وانا بالحمام لانها نايمه بغرفتها فوق وانا نايمه تحت مااقدر اطلع الدرج وانا بجالتي
هذي واتصلت عليها ردت وهي مختلعه وشفيش قلت لها انزلي ابغاش جات ركض مسكينه
وانا واقفه بالحمام قلت لها السالفه كذا وكذا قالت شكلك بتولدي يابنتي قلت لا ماابغى اولد الحين وجاتني برديه
وخوف موطبيعي حتى طفينا المكيفات وجلسنا وانا ارجف واكلت لي خمس تمرات ولبنه بالزعتر كمان
وطبعا طول هالوقت بس ماي ينزل ومافي الم وجلست اقرأ سورة مريم وسورة يس ودعاء التوسل ومن قريتهم وريي
بدأ الألم يجي ويزيد من يجيني الطلق امشي بالغرفه ومن يوقف جلست وانا طول الوقت اردد نادي عليا مظهر العجائب
و طبعا القهر في هذا كله انه امي تتصل على زوجي وجواله مغلق من الحظ الردي كل يوم يتصل فيني الا هاليوم مااحصله وعرفت بعدين انه رايح تبع دوامه الخبر وماعنده ارسال
وظليت لين الساعه تسعه وانا اقاوم والالم يزيد واخر شي نزل دم خفيف قالت امي خلاص مافيها جلسه قومي نخلي
اخوش يودينا المستشفى لين نحصل زوجش قالت لي وين تبغي تروحي قلت اليوم مناوبة وديده ماابغاها
ودوني مستشفى الزهراء ورحنا طيراان دخلنا طوارئ وصلنا على تسع ونص وماقصرو البنات اللي هناك اخذوني على طول
عالكرسي وهم يهدو في وجات الدكتوره رندا سالتني وين تتابعي قلت لها بالمواساه قالت لازم تجيبو
صوره من الملف قلت لها طيب بس استنى زوجي يجي وكشفت علي قالت فاتح واحد قلت لها يعني
اروح بيتننا خخخخخخ قالت لااااا لان المويه تنزل لازم نطلعك فوق غرفة الطلق وركبت فوق ولبسوني هذاك الثوب الازرق
اللي مايستر شي ابد وحطوا علي جهاز الطلق مدري النبض وانا اتأوه كل ماله الالم يزيد وامي مسكينه تهدي فيني
وانا اشوي واصيح من الالم بعدها بشوي جات الدكتوره وكشفت علي قالت ده انتي هايله فاتح 3 قلت الحمدلله
وراحت وجلست اطلق وعلى الساعه 12 ونص وصل زوجي بعد ماكسرت امي تلفونه اتصالات وجاب معه ملفي كمان
وجات كشفت علي قالت فاتح 6 خلاص حتولدي وامي طبعا راحت وظل معاي بس زوجي وانا الالم وصل معاي حد
جات بعد دقايق كشفت قالت فتح سبعه وحطت لي ابره بالمغذي تقول خلاص بندخلك غرفة الولاده لازم الطلق مايوقف
وعطتني ابره مضاد حيوي كمان ونقلوني على السرير وانا اصرخ من الالم ودخلوني غرفة الولاده بس مارضو يدخلو زوجي معاي
وحسيت حالي داخله مقصب مو غرفة ولاده من الخوف وكل ماجت الطلقه قالت لي ادفعي وانا حضرتي مو عارفه
مع اني متدربه قبل بس مدري كيف حزة الحزه ماعرفت ادفع والدكتوره تقولي مش من بؤك من زورك وانا ادفع على خرطي http://pregnent.yoo7.com/users/2312/36/95/30/smiles/794394.gif
اخر شي قامت الممرضه تضغط على بطني بقوه وانا ادفع اشوي لحد ماطلعت بنتي على الساعه 2 الا عشر الظهر كذا وسمعت صوتها تصييح وارتحت نفسيا
وطبعا نتفت ايد الممرضه مسكينه من الضغط وطلع منها الدم لما حسيت لعمري اعتذرت منها وهي تقول لو ادري عنك
قبل كان قصيت اظافرك خخخ
وحزت الخياط ماتألمت كثير لكني كنت احس بالخيط وهو يدخل ويطلع والحمدلله على كل حال بدا يبرئ الحين
والحمدلله حسيت ان ولادتي كانت سهالات وماطولت ببركات ال البيت وحلال المشاكل
والمستشفى كويس من ناحية النظافه والاهتمام واهم شي اني ولدت وافتكيت
عقبال باقي الكروشات يارب يبشرونا بساعة السلامه

أم سيد دانيال
12-06-2010, 12:10 AM
حمرة الورد الحمد لله على سلامتك

بصراحه قصتك تشجع الوحده تولد

مو زي باقي القصص تسد النفس...هع

الحمد لله على سلامتك وسلامة البنوته

لعيون حبيبي
12-06-2010, 12:25 AM
الحمدلله عسلامتك غناتوو
قصتك مرره تفتح النفس .. أدعي لي ولادتي تكون سهله مثلك
وتتربي بعزك البنوته :)

حمرة الورد
12-06-2010, 02:02 PM
حمرة الورد الحمد لله على سلامتك

بصراحه قصتك تشجع الوحده تولد

مو زي باقي القصص تسد النفس...هع

الحمد لله على سلامتك وسلامة البنوته

الله يسلمك خيتو
ويكتب لك ساعة السلامه
اهم شي لاتخوفين حالك وتسمعين كلام فلانه وعلانه ترا الخوف يزود الالم
انا اول شي خفت بعدين خلاص سلمت امر لربي ولاتنسي التوسل بالائمه وحلال المشاكل
ترا لها اثر كبير في النفسيه والسهاله

موفقه

حمرة الورد
12-06-2010, 02:03 PM
الحمدلله عسلامتك غناتوو
قصتك مرره تفتح النفس .. أدعي لي ولادتي تكون سهله مثلك
وتتربي بعزك البنوته :)

الله يسلمك عنوني
وان شاء الله قصتك تكون احلى واسهل كمان
الله يسهل عليك بوقتك وتبشرينا يارب

موفقه خيتو

M!ss sweet
12-06-2010, 02:41 PM
الف الحمدلله ع سلامتكقصتك ريحتني واااجد وان شاء الله ربك يسهل

حمرة الورد
12-06-2010, 07:15 PM
الف الحمدلله ع سلامتكقصتك ريحتني واااجد وان شاء الله ربك يسهل

الله يسلمك عنوني
توكلي على الله
ويارب سهالات عليك وعلى الكروشات كلهم

موفقه

*مهاد*
13-06-2010, 09:35 AM
قريت قصصكم والله اصيح من سوالفكم واني لسى ماجربت
ربي يرزقني واجرب ..ربي يسهل على المنتضرات ويقومهم بالسلامة
والله قلبي تقطع على طفل ابي اضمه
مع كل قصة وحده اتخيل اني ... ربي لاتشفي ضامي وترزق كل محروم يارب
بحق عبد الله الرضيع ....

كلي احساس
14-06-2010, 04:47 AM
مرحبا تشجعت اكتب قصتي مع انها قديمة وبنتي كبرت عمرها 3 سنوات والحين انا حامل بس مو ايفة من الولادة احسني
انا كملت شهري التاسع ودخلت العاشر هعهع باسبوع فكان متوقع ولادتي 24 شوال بس ماولدت
وفي يوم 30 الساعة تسع بالليل نزلت عليي موية خفيفة مرة وعرفتها من ريحتها من كثر مو شامة ريحة موبات الحريم هع هع بس بون الم قلت يللا خليني لين يجي الالم
والله ورحت الكورنيش اتمشى ومشين ليي ساعه ونص تقريبا ورجعت البيت ونمت وانا نايمة احس بتدفق دافي
صحيت الفجر وسبحت وصليت وتالي استشورت شعري بعد استعدادا لليوم الموعود خخخخخ هذا وزوجي نايم طبعا
تالي صحيته الساعة خمس الفجر وقلت له عشان اروح المستشفى وللآن ماعندي الم
وطلعنا بالسيارة الساعة خمس وربع الفجر وبينما نحن في السيارة جاني الالم فجأة واقول لزوجي اسرع بولد بولد ويخاف مسكين ويدق الخطر ويسرع ووصلنا في وقت قياسي ودخلت الطوارئ في مستشفى الجش وانا اتألم قوي بس ماسكة حالي ولاصحت ولاشي مستحية منهم والساعة 6 فحصتني الدكتورة وقالت فاتح عندك 3 سم وطلعوني غرف الطلق بغرفة الولادة وكل هذا وانا ماسك اعصابي لان كل اللي هناك يعرفوني واستحي اصيح قدامهم بس بغيت اكسر الستاند حق المغذي هع هع
والله واهتموا فيي ماقصروا البنات هناك عسولات وقاعدين يقروا قرآن عندي وادعية وحركات
لين جت الدكتورة الساعة سبع وقالت 4 سم وفتحت كيس الماي وارتحت مرة يوم فتحته وقلت ليها ابغى ابرة مهدئة الحين الحين
واله ولاخالفت عطوني لان الام عندي كان متواصل يعني مو يروح ويجي ومن اخدت ديك الابرة كني شاربة ليي غرشة خمر والعياذ بالله واني نايمة على السريراقول ليهم باطيح امسكوني ودخت مرة ونمت ماصحيت الا الساعةعشر الصبح وفحصتني اا تقول ماشاء الله فاتح 10 وركض ع غرفة الولادة وشدي وادفعي وادفعي وشدي لين ما طلعت بتي الساعة عشر وثلث صباحا بكل سهولة ويسر من رب لعالمين يعني ولادتي من بداية الام لين طلعة الراس بس اربع ساعات (الله يعطيكم)
والخياط ماحسيت الا بنغزات بسيطة بس
وتوتة توتة خلصت الحدوتة حلوة ولا فتفوته هع
وانتظروا قصتي بولادتي الثانية بعد 3 شهور ان شاء الله

الله بسهل علينا وعليكم ويرزق كل محروم يارب بحق محمد وآل محمد

فقاعة صآبون
14-06-2010, 07:13 AM
الف الحمد لله على سلااامتك كلي احسساس

وان شاء الله تكون ولادتك الثانية ميسسسسسرة ياررب

:)

أم سيد دانيال
14-06-2010, 02:05 PM
كلي أحساس الله يسهل علينا وعليش
بحق محمد وآل محمد

ليال/ام سيد علي
15-06-2010, 08:32 AM
اسمحوا لي اشارككم بقصتين ولادة بس قديمين خخخ

الاولى بتي من 4 سنوات طبعا عديت الموعد مايصير مااخد التاسع كله ههه

حددوا لي 3 ذو القعدة وماولدت الا 14 خخخخخخخخخ

طبعا اني احس بالم خفيف وكان عندي تحويل للجش لاني طفت موعدي

ومارحت ليهم الا على طول كلبشوني هههه >>مايصير مدام بيبي يتاخر <<الهندية تقول لي هع

الموهم طبعا حطوني بغرفة فيها امهات يعني خبرة اخدت منهم معلومات وبرضو مو عارفة كيف

الولادة والسوالف هذي >>غشيمة كنت والا تجيني الدكتورة المصرية تكشف علي

واني ضرب ترفس فيها عطتني تحميلة طلق وقامت محمقة مني لاني رفستها

ومن حمقها قالت اعطوها بعد ساعتين وحدة بعد قلت الله لا يجيبها

وقعدت اتوسل باهل البيت وقلت ان شاء الله ماحتاج شي ولا اشوف هالدكتورة

وفعلا عطتني التحميلة الساعة 12 وماصارت 12 ونص الا الزلازل جت واعض المخدة

واون داخلي والحريم يقولوا اخدي راحتش صيحي صرخي لا تستحي هههههههههه

تالي 4 الفجر جت المصرية ورفستها وقلت مو قادرة وكشفت واخدوني قسم الولادة

وخسارة كان ياذن ماقدر اصلي من الالم هع تالي 7 الصبح فتجوا الكيس وبديت

اكسر و اضرب السرر وجهاز التخطيط ههههه لان البنت مو زي الولد تروح وتجي الريح

وكان عندي فقر دم اخدوا من زوجي واصحابه اكياس وصافوهم قدامي و11 ونص انا

والدة ويا الاذان خخخخخخخخخخ >>قصتي والاذان هع

اما الثانية بولدي هذي حدث ولا حرج قصة هندية لان كل اسبوع اقول بولد هههه

المهم طبعا طفت موعدي بس مو واجد ههه المهم اكمل التاسع افصفصه خخخخ

بولدي غسلت الثياب الظهر يوم الخميس والعصر سبحت قلت يمكن يخف التعب ابد

المغرب صليت بالموت وقعدت انشف شعري واني اون وخليت رجلي يشاهد فلم كوميدي

واني رايحة جاية يوم خلص فلمه لبست عباتي وقلت خلاص بولد ههههههه طبعا فز وهو يسخر

يفكرني زي كل مرة نضرب مشوار عالفاضي والالم كان من ليلة الخميس كل ربع ساعة

تالي الخميس كل 10 دقايق والمغرب كل 5 دقايق تالي وصلت المستشفى بشق الانفس 11 الليل

عالرغم اني طالعة 9 ونص بس اخدت كل الاشارات هههههه مادخلت الا كشفت الا تقول 5 ليش كدا

وبسرعة صار الشي ماجت 1 وشوي الا ولدت وجتني بردية وطبقوني ب5 بطانيات هههههههه

وتالي ماخيطتني على طول قالت المشيمة انفجرت يعني لو مالحقت عحالي مت بالبيت خخخخخخخخخخ

ادري فقعت راسكم بس جبيت تشوفوا في ولادات افلام مرعبة وفي وقعة كربلا الصغرى ههه

وفي سهالات من رب العالمين خخخخخخخ بس تالي تصير تنسي الالم هههههههههه

أم سيد دانيال
15-06-2010, 10:46 AM
أم سيد علي

يسلموا ع المرور عقبال القصه الثالثه

والله يخلي لك اولادك

ليال/ام سيد علي
16-06-2010, 06:22 AM
ان شاء الله سهالات من رب العالمين

مايندرى لين حملت هالمرة الفلم اكيد اكشن هههههههههه

الله يسهل عالجميع يارب بحق محمد وال محمد

لعيون حبيبي
18-06-2010, 09:45 PM
الحمدلله عسلامه غناتي
ومن جد كل مره فلم غير هههههه
الله يسهل على الجميع يارب
ويسلمووو على مشاركه قصتك :)

M!ss sweet
26-06-2010, 06:16 PM
الحمدلله ع سلامتك ,,

والله يسهل ع الجميع يارب

أم الهواشم
26-06-2010, 07:34 PM
الله يسهل ع الجميع أنشاء الله
قريبا بقول ليكم قصة ولادتي بس شجعوني أستحي ههههههههه:d:d

M!ss sweet
26-06-2010, 09:06 PM
يالله ام الهواشم

احنا بنتظارك :p

بلسم
26-06-2010, 09:50 PM
يالله ام الهواشم .. اسدحي قصتش و نبغاها بالتفصيل بعد ههههه

همبوبه
27-06-2010, 02:54 AM
بانتظار قصتش ام الهواشم


والحمدلله على سلامتش

والله يسهل علي يارب ويسهل على باقي الحوامل

Om Bandar
27-06-2010, 03:06 AM
أكشنات القصص والله
الحمدالله ولدنا وارتحنا
عقبال الكروشات يارب
الله يسهل عليكم...

ليال/ام سيد علي
27-06-2010, 11:23 AM
يلا قصتش ام الهواشم

وشوللا الحيا ما كلنا حريمات منا لبعض خخخخخخخخ

خلاص صرتي حرمة مالو لزوم الخجل خخ<<<اقول لحالي اول هع

بالانتظااااااااااااااااااار

أم الهواشم
28-06-2010, 09:04 PM
هلا وغلا خواتي
بكتب قصتي بالتفصيل بس ها لا تستملوبسرعه :D
ها تبغوها كامله أو أجزاءهههه
ترا كتبتها مرتين بس ولدي طفى الجهاز أنتظروني بكرة أوكي :rolleyes:

M!ss sweet
28-06-2010, 11:00 PM
ننتطر :d .......

أم الهواشم
30-06-2010, 05:29 PM
بسم الله الرحمن الرحيم
اللهم صلي على محمد وآل محمد
يا الله بنبدا القصة أربطوا أحزمة السلامة :cool: :eek::eek:
كنت باقي لي 10أيام وأدخل التاسع كان يوم خميس تاريخ 17\2
تعبت من الألم إلي أني متعودة عليه من السابع وأصر زوجي يوديني المستشفى وطبعا ما قدرت أتهرب وداني مستشفى القطيف إسعاف وكالعادة الزحمة إلى الباب وظليت أنتظر تقريبا ساعة وبعدين جتني الممرضة إلي نفسها في خشمها ودخلت على دكتورة ما تعرف وين الله حاطنها تسألني السؤال ثلاث أربع مرات بعدين قالت لي أطلعي على السرير بكشف عليك طبعا أول مره أجرب الكشف وطلعت عالسرير
الله لايراويكم كشفها كأنها تتهاوش صرخت بصوت عالي من الألم
فقالت لي ويش هالدلع موهالقد أيألم قلت إليها بلى ألمتيني بعدين جلست وأني طبعا أبغى أقوم إلا وأشوفها راجعه بتقيس عجبتها السالفة :mad:
وفعلا قاست مره ثانيه ورجعت جلست وقالت إلي الرحم مفتوح 1سم
ويمكن أظل إلى نهاية التاسع لأنك بكر أذا شفتي دم أو ماي تعالي
وطلعت من عندها ماني قادرة أمشي زين ورحت البيت وظليت إلى يوم الأحد الألم يروح ويجي ويوم الأحد صابتني أنفلونزا وهني لازم أروح المستشفى لان خطر عالبيبي وكان زوجي بيروح يسمع الأربعين بس لما شافني تعبانه لزم علي نروح المستشفى قلت له روح أتسمع وبعدين تعال وديني ما رضى وطلعنا متجهين إلى مستشفى الصادق لأني متابعة فيه
أول ما وصلت الإسعاف قاسوه الحرارة وكانت 39.5وجات الدكتورة زينب هي إلي كنت أتابع عندها وكشفت علي وكان في فرق بين كشفها وكشف الدختورة الي في الجش المهم قالت لي الرحم مفتوح 1.5سم
ما تفأجات وعطوني إبرة حق الانفلونزه بعدين سحبوا مني دم
ورحت إلى الدكتورة وطبعا كالعادة تسألني زاد الألم قلت إليها أي قالت تعالي أكشف عليك مره ثانيه ولما كشفت قالت الرحم مفتوح 2 سم
عطتني ورقة للتخطيط و ورقة للأشعة ورحت سويت التخطيط المقرف لان لازم تكوني على جنب وممل حطوه نص ساعة وبعدين رحت الأشعة
كانت الدكتورة بتطلع وما رضوا أيسوا لي الأشعة فقلت لهم أني جايه عن طريق الإسعاف دخلوني والدكتورة تتحرطم علي وبعد ما سوت الأشعة أتصلت الى دكتورتي تقول اليها كيف جيبه الي مريضة تمشي على أرجولها وتقولي ولادة تبغاني محموله علشأن تصدق أني ولادة
المهم رحت إلى دكتورتي وقالت إلي عندك ولادة لازم تتنومي لأنك أنشاء الله على بكرة الليل أنتي والده قمت أصيح ما أبغي أولد توا الناس قالت أنتي حره بس خلاص أنتي راح تولدي طلعت الى زوجي وأني أصيح ما فهم ولأحاجه بهدلته مسكين يحاول أيهديني علشأن يفهم مني السالفة المهم عطيته الورقة وقلت له السالفة سكت بعدين سألني وأنتي أيش رأيك قلت له خلينا نروح نتسمع بعدين بشوف تبغي تتهرب البنت قال لاما في طلعه وجلس يقرأ الورقة ويستفسر لان فيها أن لو أاحتجت عملية أيسوها بنأ على توقيع لهم وبعد المناقشات والمشاورات تم التوقيع وتنومت الساعة 10الليل وكل شوي يجوا يحطوا جهاز الين الصبح ما في نوم
الصباح الساعة 9جات الدكتورة وكشفت علي لقته مفتوح 2.5 جاني إحباط كل هالا لم و2.5سم قالت بعدين برجع لك وراحت
جاء زوجي وجلس معاي إلى الساعة 11وأني تعبانه مو قادرة من الألم وأبو الشباب جالس أنكت الين حس أني عن جد تعبانه جلس يقرا لي أدعية وقرآن وجات الدكتورة وكان بعده 2.5سم وقالت راح نعطيك تحميله تخفف الألم خبركم أول مره أولد ما أدري عن شيء وطردت زوجي بره وعطتني التحميله وقالت لاتروحي الحمام الا بعد ساعة وأني شاطره سمعت الكلام وما رحت الأبعد ساعة وبعدين رجع زوجي وجلس يسولف لي شوي وإلا الزلازل تشتغل وأني أحس الألم يزيد كل هذا وأني بس أتوسل بأهل البيت بصوت ما ينسمع قلت إليكم أستحي :o:oههههههههه
وأبو الشباب يقول لاتصارخي فشلتينا يستظرف وشوي يسمع وحده تصارخ بره سألني هذي بتولد قلت له لابتلعب جلس يضحك بعدين سألني ليش ماتصارخي حقيقي حق ولادة شكلش ما بتولدي تتوهمي ههههههه
بعد ساعة ونص رجعت الدكتورة وكشفت لقته3 سم قالت راح أفتح لك الكيس بس أول راح نعطيك إبرة شرجية الله يكرمكم وجات ممرضة وطردت زوجي مسكين كم مره يطردوه وهو يقول لها مابطلع هذي زوجتي وهي تقول بابا لازم يطلع بره قال لها أذا زوجتي قالت لي أطلع بطلع قلت له أطلع مو وقتك وبعد ما طلع عطتني الإبرة وأشتغل الم البطن
المهم بعدها بنص ساعة جات الدكتورة وكشفت لقته ماتغير 3 سم
قالت بفتح كيس الماي وتجيب شيء طويل تبغي تدخله تفتح الكيس قلت إليه لا ما أبغي بعدين يتعور رأس ولدي قالت لاماتخافيش وفتحت الكيس وما شاء الله كان ماي واجد وبعد ساعتين كشفت الدكتورة لقته 4سم قالت ياالله على غرفة الطلق وإحنا رايحين ودعت زوجي وقالت له الدكتورة روح بيتكم لأنها ما راح تولد قبل الليل وراح زوجي وظليت أعاني وكل شوي أقول لهم بروح الحمام أكرمكم الله أحيانا صحيح وأحيانا تهرب من جهاز التخطيط حق الطلق وظليت الى المغرب وأني كل مازاد ناديت الممرضة تجي تشوف وهي لاحياه لمن تنادي لان شايفتني ما أصارخ تفكر لسه مطوله بعدين قلت لها في شيء بيطلع هني جات كلفت على حاله وكشفت سألتها كم سكتت وراحت نادت الدكتورة وجات الدكتورة وكشفت سألتها قالت 7سم أانبسطت مررررررره وقلت هانت وراحت عني وخلوني بعد يمكن ربع ساعة قلت لها أبغي الحمام قالت مافي قلت لها محتاجه مره ما رضت نادت الدكتورة وكشفت علي وقالت ولادة سألتها كم قالت 8سم
ونزلتني على الكرسي وقالت ماما ما في أدفع لان في مشكلة بعدين ودوني غرفة الولادة ولما جيت أطلع ع السرير ماقدرت حسيت في شي بيطلع والحمد لله مسكت نفسي وبعدها الحمد لله طلع أحلى قمر الى الدنيا الساعة 6.50المغرب بتاريخ 21\2\1430يوم الأربعين والحمد لله على السلامة
والحين ولدي عمره سنه وخمس شهور تقريبا
هدرت واجد أي نسيت ترى الولادة صحيح متعبه بس تجربه جدا رائعة لانها معجزه ألهيه وصدقوني رغم الألم أول ما تشوفين ضناك تنسي كل شي لحظة مافي أي شيء يعوضها وربي ما يحرم أحد أنشاء الله بحق محمد وآل محمد
يا الله قولو ما شاء الله وعطوني رأيكم طلبتوا التفاصيل عطيتكم مسلسل تركي مو بس تفاصيل ههههههههههه:)
:)

لعيون حبيبي
30-06-2010, 06:10 PM
ماشاء الله تبارك الله
الحمدلله على سلامتك
والله يخلي الك ولدك انشاء الله.
تعتبر ولادتك سهاله .. رغم التعسر في البدايه
دعواتك اليي خيوو .. والى جميع الكروشات

أم الهواشم
30-06-2010, 08:48 PM
ماشاء الله تبارك الله
الحمدلله على سلامتك
والله يخلي الك ولدك انشاء الله.
تعتبر ولادتك سهاله .. رغم التعسر في البدايه
دعواتك اليي خيوو .. والى جميع الكروشات


هلا وغلا
الله يسهل عليكم ويفرحكم بشوفة أولادكم بحضنكم يا رب بحق محمد وآل محمد

وردة الأحلام
01-07-2010, 05:01 PM
حمرة الورد مرررره قصتش اثرت فيني ودمعت عيوني وريحتني حسيتها سهاله من رب العالمين
الله ايسهلها علينا

كلي احساس ولادتش بعد كانت سهله وتشجع الواحد على الولاده بدون خوف وعقبال باقي ولاداتكم ان شاء الله في سهاله اكثر

سعادة قلبي
01-07-2010, 05:51 PM
هلا الصراحه تفتح النفس قصتش وجلست اتخيل روحي متى
اشوف هالشعور واش بيصير
هل بصرخ او لا
يلا الحمد الله على سلامتش وتبلغي فيه معرس
ودعواتش اقوم بالسلامه في شهر رمضان المبارك
يعني ماخديت التاسع

M!ss sweet
01-07-2010, 09:16 PM
الف الحمدلله ع سلامتك

والله يسهل علينا يارب

أم سيد دانيال
02-07-2010, 12:08 AM
ام الهواشم الله يخلي لك ولدكبس عندي سؤال..؟؟وشو يعني ابره شرجيه

جزيرة الاحلام
02-07-2010, 03:02 AM
الحقنة الشرجية هيه عبارة عن سوائل تدخل داخل فتحة الشرج لافراغ الامعاء من الفضلات عشان ما تطلع الفضلات وقت الولادة

لعيون حبيبي
02-07-2010, 03:08 PM
بصراحه اني تفاجئت بها في اول ولاده لي
ماحد قالي عنها
كانت مرررررره تضايق :(

وردة الأحلام
02-07-2010, 04:19 PM
ضروري ياخذو الحقنه الشرجيه ؟؟؟
اني اول مره اسمع فيها
يعني يخلوش تروحي الحمام وانتو بكرامه بعد ماتاخذيها
وكيف طريقة اخذها

فراشة حبيبها
03-07-2010, 03:06 PM
بكتب ليكم قصة ولادتي
اللهم صل على محمد وآل محمد
ولادتي محددة تاريخ 4/7
من أول ماعرفت أني حامل وزوجي طبعا" مو راضي أولد بهدا التاريخ يقول بتولدي 10/7 لأنه يصير عيد ميلاده وعيد زواجنا فيريد ولده نفس التاريخ
دخلت الشهر التاسع وتمنيت أني أولد قبل لأني صراحة تعبت واجد وستمليت وخاصة أني ماأدري ولد لو بنت لأن المكان الي أتابع فية ماعرفت إله الجنس الجنين فتحمست يوم دخلت التاسع أريد أشوفة خلاص
المهم
كان زوجي يمشي وياي من دخلت التاسع واليوم المحدد الي الموعد 4/7 كان يوم الثلاثاء وكان يمشي وياي وأني أمشي وياه كل أحس في بطني شي تحرك حركة غريبة وقول لزوجي
وكان على الغدا يقول إلي شكلش مابتولدي اليوم مو بين قلت إله ماتدري كلش يتغير
بعد ماخلصنا المشي رجعت الشقة وصليت وصار الي فترة ماطبخت قلت خليني أطبخ تصلت لأختي آخد من عندها طريقة لطبخه معينه جاي فبالي أسويها وهي تسئلني كيف صحتش ؟؟
قلت إليها عندي آلام خفيفة تروح وجي بس أني حاقرتنها لأن من بداية التاسع كل ألآم
سكرت زوجي ما رضى أطبخ حاولت فيه مارضى
بعدين طلعنا نشتري لينا من المخبز شي عشان نآكله وداني الكرنيش ومشينا فية مرة ثانية .يعني مشيت داك اليوم مرتين بس المرة الثانية المشية أقل
رجعنا الشقة والساعة 12 أجهزنا بنام زوجي تمدد وأني توني داخلة الي أحس






بماي نازل وااااااااااااااااو
قلت إله ماي نزل مني قالي لي موتشلخي وطبعا" أني جمدة في مكاني قلته والله نزل مني قال بتروحي المستشفى قلته أكيد أنروح ونروح أقرب مستشفى وأني في السيارة أضحك أقوله ما في ألم ولا شي بس ماي كان الماي كل ماجه أله أزيد
وصلنا المستشفى أسعاف شافتني ممرضة قالت ولادة رديت أي طبعا" أني خفت وتغيرتي ألواني أول مرة
برغم عايشة في بيت أهلي بس ماقلت لأمي ولا احد
ركبوني فوق في غرفة الطلق وياي زوجي وجت التقيس كل نزل ماي أكثر بس مادكر كم كان فاتح طبعا" قالوا مافي ترجعي البيت ولا تمشي عشان الماي وطبعا" بدأت الحفلة وألآم وبدأوا أجهزوا التخطيط والمغدي والأبر وني دوروني ماتحصلوني من ألآلآم وكنت أسمع صوت وحدة تولد وهي تصارخ بقوة وقول لزوجي شكل الولادة تالم
طبعا" طلعت الوحدة إلي تولد أعرفها ومحددين ليها نفس موعد ولاتي وسبحان الله صرنا في نفس المستشفى وبعدين جوا أهلها كلهم باص كامل وعرفوا أني موجودة دخلوا علي تخيلوا الوضع عاد
جت الطبيبة وقالت الولادة بكرة الساعة 7 الصباح
وأني كل ماجاه ألام يزيد بغيت أفلت روحي من نافدة المستشفى من كثر الآم وسير التخطيط يزيد الشي
وضليت اله الصباح الساعة سبع ودوني غرفة الولادة لكن ولادتي مي سهله كانت موجودة دكتورة بس شكلها مو داك الزود فجابوا إلي دكتور(أستشاري) مايدخل الي إدا كان الوضع يحتاج هو الي ولدني معاه الدكتورة
صارت الولادة بدل الساعة 7 صارت 9.45 صباحا" وأول ما عطوني ياة قعدت أصييييييييييييييح الحمد لله
(سيد جواد ) الله يخلية عمرة الآن سنتين وأسبوعين تقريبا"
بعدين خلاص ماقدرت اتحمل من التعب لأن طول ماني اطلق من الليل إلى النهار ترجيع حت الدكتورة دقول في الحمل كده قلت إليها لا وهدا تعبني تعب فوق تعب فقال الطبيب مانقدر انخيط الجرح ماتتحمل
غرفة العمليات طبعا" زوجي كان طول الفترة وياي ماعد يوم دخلت غرفة الولادة مادخل بس من قالوا غرفة العمليات دخل يشوفني طبعا" طول هدا الوقت زي الي يغمى علي وعود أوتعي لأن حاطين بنج في الأوكسجين
وما طلعت من غرفة العمليات وجابون الغرفة إلا الساعة ثلاث العصر
طبعا" أمي وأخوي وأختي جوا المستشفى كل قالوا ليهم دخلناها غرفة العمليات دوروا على أمي ماتحصلوها في ديك اللحظة
بس الحمد لله على كل حال
وعقبال سلامتكم إنشاء الله
ترى حلوة الولادة لم تكون مع الزوج

M!ss sweet
03-07-2010, 03:11 PM
الحمدلله ع سلامتك

احيانا احس نفسي شجاعه :p واحيانا احس بخوف

الله يسهل علي يارب

أم سيد دانيال
03-07-2010, 09:51 PM
فراشة حبيبهاالله يخلي لك ولدويتربى بعزكم

ام الدلع
04-07-2010, 02:57 AM
فراشه الله يخلي اليك ولدك ان شاء الله ويتربى في عزك

فقاعة صآبون
04-07-2010, 06:59 AM
الله يخلي لك ولدك فرآآشة ان شاء الله

وتششوفيه معـرس

فراشة حبيبها
04-07-2010, 09:51 AM
الله يسلمكم
وقباااااااااااااكم يارب

وردة الأحلام
07-07-2010, 04:52 PM
فراشة حبيبها
الحمد لله على سلامتش ويتربى في عزكم
والله ايقوم الجميع بالسلامه

فراشة حبيبها
09-07-2010, 11:53 AM
الله يسلمش وردة
وعقبال الباقي

بلسم
10-07-2010, 10:40 AM
فراشة حبيبها .. الحمد لله على السلامه
اني اقرأ قصة ولادتش ودموعي تخرخر من الخوف لأني على وشك ولادة وخايفه موووووووت


بنات من جد نفسيتي مو متقبله الولاده .. آلام الطلق والولاده تخلي الوحده تتعب نفسياً قبل الولاده وهي تحاتي
بس الاعظم من الآلم الاشياء المحـــرررجــه اللي تحصل بالمستشفى وقت الولاده واللي كل يوم اكتشف شي جديد

يعني بس افكر في الحقنه الشرجيه واتخيل وضعي احس اعصــب مو متقبله هالشي
والاعظم .. الكشف و القياس // مررره اتأزم لما اتخيل كيف بتجي الممرضه او الدكتوره تدخل اصابعها او يدها فيي
او حتى لو الوحده منظفه المنطقه يتعمقو وينظفو لها اتخيل لو تجي ممرضه بموس بتنظف ما اتقبل

وغيره اشياء محرجه ,, بصراحه
استحي اصلاً افتح رجولي ياربي وش اسوي شوي واصيح


:(:(:(

فراشة حبيبها
10-07-2010, 02:42 PM
هلا ومرحب فيش بلسم
إنشاء الله تكون ولادتش بلسم
إني مثلش خاااايفة كنت ومرة رحت لصديقتي وأني حامل وقعدت تحكي عن الولادة وكتشفت إشياء ماأدري عنها يوم رجعت البيت قعدت أصيح زوجي عصب وقال خلاص لاتروحي لأحد
وكنت كل ماأقول لخواتي قول لي وش يصير مايرضوا قولوا خليش ماتدري أحسن
وكنت خااايفة مرة أفكر نفس تفكيرش كيف أفتح وكيف بشوفوني بس كنت ماأدري عن أشياء واجد
بس الحمد لله على كل حال
في لحظة الولادة كلشي بتسوية أهمشي تولدي
والله يقومش بالسلامة وتبشرينا

flower20
10-07-2010, 03:08 PM
http://www.kholdoasis.com/vb/images/smilies/vip/sm242.gifانتظروني مع اليوم الذي لاينسى في حياتي مابذكر ولادتي البكر لأنها ولا شيئ تحت ولادتي باالتوائم انتظرو اليوم اللي وروني فيه الويل وتمنيت اموت ديك الحزة الله يسامحهم لعبو بي http://www.kholdoasis.com/vb/images/smilies/sma/sm78.gif http://www.kholdoasis.com/vb/images/smilies/sma/sm78.gifhttp://www.kholdoasis.com/vb/images/smilies/sma/sm78.gif

flower20
10-07-2010, 03:15 PM
صاحبة الموضوع لاتخافي ولاشيئ السهالة من رب العالمين وكل الحوامل لاتخافو ترى االولادة ساعات وتمر وبعدها بتشوفي الولد وتنسي كل شيئ خصوصا إذا حملتية اول مرة شعور لايوصف وان بقول تجربتي ليس للتخويف لأن هذه الولادة الثانية لكن شيئ خاص لأنهم توائم والمستشقى الله يسامحم ماقصرو علي

كنت متخوفه من الولادة من المستشفى اللي اتابع عنده لكن ماتوقعت اني اروح الى واحد يلعبو بي زين طلعنا باالسلامة

flower20
10-07-2010, 03:25 PM
فراشة حبيبها .. الحمد لله على السلامه
اني اقرأ قصة ولادتش ودموعي تخرخر من الخوف لأني على وشك ولادة وخايفه موووووووت

بنات من جد نفسيتي مو متقبله الولاده .. آلام الطلق والولاده تخلي الوحده تتعب نفسياً قبل الولاده وهي تحاتي
بس الاعظم من الآلم الاشياء المحـــرررجــه اللي تحصل بالمستشفى وقت الولاده واللي كل يوم اكتشف شي جديد
لاتخافي ولاتحاتي وخليها على ربك وأكثري من الدعاء
يعني بس افكر في الحقنه الشرجيه واتخيل وضعي احس اعصــب مو متقبله هالشي
والاعظم .. الكشف و القياس // مررره اتأزم لما اتخيل كيف بتجي الممرضه او الدكتوره تدخل اصابعها او يدها فيي
او حتى لو الوحده منظفه المنطقه يتعمقو وينظفو لها اتخيل لو تجي ممرضه بموس بتنظف ما اتقبل

وغيره اشياء محرجه ,, بصراحه
استحي اصلاً افتح رجولي ياربي وش اسوي شوي واصيح
حبيبتي اني ماعطوني حقنه هي على حسب
والوضع عادي ولاتخافي وعند الكشف أخدي نفس عميق
وعند الطلق واالولادة تمسكي باالله ورسوله وأهل البيت وكرري الأيه ( أن مع العسر يسر ) والله كنت أردده طول ولادتي والحمدلله وتحسي براحة
والسهالة من رب العالمين

والله يقومك باالسلامة وهو يوم ويعدي وتالي تشوفي طفلك بين يديك ولاتخافي

:(:(:(


سلااااااااااااااااااااااااااااااااااامي لك

نور في وسط الظلام ...صبري
10-07-2010, 05:32 PM
السلام عليكم
الله يسهل عليش وانتين بتعرفي الحقيقه كل وحد منى قوة احتمالها تختلف عن الثانيه وتقدير الالم من وحدة لثانيه تختلف في ناس يقولو موت موت وفي ناس يقولو سهاله وصحيح السهاله من ربي
في ولادتي الاولى ماني عارفه وافكر وي الاولادة وكيف بعرف اني بولد لاني كان عندي الالم ومغص من اول الحمل لين الشهر التاسع واني متحيره وشي ادا ني كل اتالم كيف اعرف اني بولد
وفي اليوم الي يهل ربي عليي جاني الم مثل الشد العضلي في جهة من بطني وكنت راجع البيت امشي واول ما وصلت البيت تمدت على السرير ربع ساعه يمكن مالسمع الا صوت طق من تحتي وكميه كبيرة من الفرازات وتحيرت وشي الحين ولاده لو بس كدا قلت ا في اصلي واروح المستشفى وكانت سعد التخصوصي وزوجي يقوليي اول مرى اشوف وحدة بتولد تسولف وتضحك (كأنه شاف احد بيولد من قبل)
ويقول شكلني بروح مشوار وبنرجع على الفاضي بعدين رحت السعاف وسالوني وشي تحسي وادا تقدري تمي لو بحطوني على كرسي قلت عادي بمشي ودوني غرفه مجهزه اضواء مثل الي في العمليات وجهاز تخطيط وحركات
شي جت الدكتوى كشفت وقاست الرحم الا هو مفتح 3سم
قالت خلاص ولادة اليوم ان شاء الله سبحان الله توقعت اني بولد على الساعه 3 الفجر وصدقةواني ماني مستوعببه شي وشي يعني بولد يصير عندي بيبي خلاص وعشوني وستحيت ماتعشيت والا كان ودي بعدين صار المغص مثل الدورة الشهريه يزيد بتريج بعدين وقت الجد صار عند ارغبه في الدفع بعدين سهاله من ربي ما حسيت الا شي طلع مني ماتخيلت اني ولت واله ما شوف الا حاطينه على صدري واني مذهوله ولدة هذي ينتي صحيح ولد ت والحمد لله ربي سهل
وانتي بعد ربي بسهل عليش وعقبال ما تبشرينى بسلامتش ولا تخافي الخوف هوالي يهول الاشياء

عاشقة حبيبها
10-07-2010, 09:01 PM
فراشة حبيبها .. الحمد لله على السلامه
اني اقرأ قصة ولادتش ودموعي تخرخر من الخوف لأني على وشك ولادة وخايفه موووووووت


بنات من جد نفسيتي مو متقبله الولاده .. آلام الطلق والولاده تخلي الوحده تتعب نفسياً قبل الولاده وهي تحاتي
بس الاعظم من الآلم الاشياء المحـــرررجــه اللي تحصل بالمستشفى وقت الولاده واللي كل يوم اكتشف شي جديد

يعني بس افكر في الحقنه الشرجيه واتخيل وضعي احس اعصــب مو متقبله هالشي
والاعظم .. الكشف و القياس // مررره اتأزم لما اتخيل كيف بتجي الممرضه او الدكتوره تدخل اصابعها او يدها فيي
او حتى لو الوحده منظفه المنطقه يتعمقو وينظفو لها اتخيل لو تجي ممرضه بموس بتنظف ما اتقبل

وغيره اشياء محرجه ,, بصراحه
استحي اصلاً افتح رجولي ياربي وش اسوي شوي واصيح


:(:(:(


وقت الولادة مايجي في بالش هالاشياء كلهاااااااااا

والحقنه الشرجية اصلا ماتعور ابدا . واذا صار عندش اسهال قبل الولادة زيي مايعطوش اياها وهي . عباره عن انبوب قصير يحطوا لش في فتحة الشرج وانتين منسدحة ع جنب .. دقايق وتحسي انه خلط بطنش وتروحي والحمام وتفضي بطنش بسهالة احسن من انش تسويها عليهم .. هنا قمة الاحراج وهم ينظفوا هههههه ..وبالنسبة للكشف .. اول 4 سم بس يعور بعد 5 حتى لو كشفوا مايعور خلاص توسعت المكانة وولبش على الم الطلق بالبطن والظهر حزام ..وعلى طاري تنظف المنطقه من الشعر قبل ماتروحي تنظفي عدل بصراحة لا اني ولا خواتي ولا حتى نسوان اخوتي لما رحنا سوو لينا تنظيف بصراحة ماسمعت سالفة الممرضة تجي تنظف بالموس الا هنا بالمنتديات

لا تفكري وايد .. اعرف وحده زيش من كثر ماتفكر انها مو متقبله ولاد طبيعية .. ولدت عملية قيصرية .. ومهما كان انوثة المراه تولد طبيعي مو عمليه

عاشقة حبيبها
10-07-2010, 09:03 PM
اقصد ماسووا لينا تنظيف للمنطقة بالموس

عصفوره1
10-07-2010, 10:35 PM
فراشة حبيبها .. الحمد لله على السلامه
اني اقرأ قصة ولادتش ودموعي تخرخر من الخوف لأني على وشك ولادة وخايفه موووووووت


بنات من جد نفسيتي مو متقبله الولاده .. آلام الطلق والولاده تخلي الوحده تتعب نفسياً قبل الولاده وهي تحاتي
بس الاعظم من الآلم الاشياء المحـــرررجــه اللي تحصل بالمستشفى وقت الولاده واللي كل يوم اكتشف شي جديد

يعني بس افكر في الحقنه الشرجيه واتخيل وضعي احس اعصــب مو متقبله هالشي
والاعظم .. الكشف و القياس // مررره اتأزم لما اتخيل كيف بتجي الممرضه او الدكتوره تدخل اصابعها او يدها فيي
او حتى لو الوحده منظفه المنطقه يتعمقو وينظفو لها اتخيل لو تجي ممرضه بموس بتنظف ما اتقبل

وغيره اشياء محرجه ,, بصراحه
استحي اصلاً افتح رجولي ياربي وش اسوي شوي واصيح


:(:(:(

خيتوو لا تخوفي نفسش انشالله سهالات ياارب

ترى حزت الولادة انتي الي بتفتحي رجولك بدون ما يقولو ليش بتقولي بس ابي اولد

وبتقولي بعدين قالت عصفوره
ههههههههههههههههههه

عصفوره1
10-07-2010, 10:44 PM
بكتب ليكم قصة ولادتي
اللهم صل على محمد وآل محمد
ولادتي محددة تاريخ 4/7
من أول ماعرفت أني حامل وزوجي طبعا" مو راضي أولد بهدا التاريخ يقول بتولدي 10/7 لأنه يصير عيد ميلاده وعيد زواجنا فيريد ولده نفس التاريخ
دخلت الشهر التاسع وتمنيت أني أولد قبل لأني صراحة تعبت واجد وستمليت وخاصة أني ماأدري ولد لو بنت لأن المكان الي أتابع فية ماعرفت إله الجنس الجنين فتحمست يوم دخلت التاسع أريد أشوفة خلاص
المهم
كان زوجي يمشي وياي من دخلت التاسع واليوم المحدد الي الموعد 4/7 كان يوم الثلاثاء وكان يمشي وياي وأني أمشي وياه كل أحس في بطني شي تحرك حركة غريبة وقول لزوجي
وكان على الغدا يقول إلي شكلش مابتولدي اليوم مو بين قلت إله ماتدري كلش يتغير
بعد ماخلصنا المشي رجعت الشقة وصليت وصار الي فترة ماطبخت قلت خليني أطبخ تصلت لأختي آخد من عندها طريقة لطبخه معينه جاي فبالي أسويها وهي تسئلني كيف صحتش ؟؟
قلت إليها عندي آلام خفيفة تروح وجي بس أني حاقرتنها لأن من بداية التاسع كل ألآم
سكرت زوجي ما رضى أطبخ حاولت فيه مارضى
بعدين طلعنا نشتري لينا من المخبز شي عشان نآكله وداني الكرنيش ومشينا فية مرة ثانية .يعني مشيت داك اليوم مرتين بس المرة الثانية المشية أقل
رجعنا الشقة والساعة 12 أجهزنا بنام زوجي تمدد وأني توني داخلة الي أحس







بماي نازل وااااااااااااااااو
قلت إله ماي نزل مني قالي لي موتشلخي وطبعا" أني جمدة في مكاني قلته والله نزل مني قال بتروحي المستشفى قلته أكيد أنروح ونروح أقرب مستشفى وأني في السيارة أضحك أقوله ما في ألم ولا شي بس ماي كان الماي كل ماجه أله أزيد
وصلنا المستشفى أسعاف شافتني ممرضة قالت ولادة رديت أي طبعا" أني خفت وتغيرتي ألواني أول مرة
برغم عايشة في بيت أهلي بس ماقلت لأمي ولا احد
ركبوني فوق في غرفة الطلق وياي زوجي وجت التقيس كل نزل ماي أكثر بس مادكر كم كان فاتح طبعا" قالوا مافي ترجعي البيت ولا تمشي عشان الماي وطبعا" بدأت الحفلة وألآم وبدأوا أجهزوا التخطيط والمغدي والأبر وني دوروني ماتحصلوني من ألآلآم وكنت أسمع صوت وحدة تولد وهي تصارخ بقوة وقول لزوجي شكل الولادة تالم
طبعا" طلعت الوحدة إلي تولد أعرفها ومحددين ليها نفس موعد ولاتي وسبحان الله صرنا في نفس المستشفى وبعدين جوا أهلها كلهم باص كامل وعرفوا أني موجودة دخلوا علي تخيلوا الوضع عاد
جت الطبيبة وقالت الولادة بكرة الساعة 7 الصباح
وأني كل ماجاه ألام يزيد بغيت أفلت روحي من نافدة المستشفى من كثر الآم وسير التخطيط يزيد الشي
وضليت اله الصباح الساعة سبع ودوني غرفة الولادة لكن ولادتي مي سهله كانت موجودة دكتورة بس شكلها مو داك الزود فجابوا إلي دكتور(أستشاري) مايدخل الي إدا كان الوضع يحتاج هو الي ولدني معاه الدكتورة
صارت الولادة بدل الساعة 7 صارت 9.45 صباحا" وأول ما عطوني ياة قعدت أصييييييييييييييح الحمد لله
(سيد جواد ) الله يخلية عمرة الآن سنتين وأسبوعين تقريبا"
بعدين خلاص ماقدرت اتحمل من التعب لأن طول ماني اطلق من الليل إلى النهار ترجيع حت الدكتورة دقول في الحمل كده قلت إليها لا وهدا تعبني تعب فوق تعب فقال الطبيب مانقدر انخيط الجرح ماتتحمل
غرفة العمليات طبعا" زوجي كان طول الفترة وياي ماعد يوم دخلت غرفة الولادة مادخل بس من قالوا غرفة العمليات دخل يشوفني طبعا" طول هدا الوقت زي الي يغمى علي وعود أوتعي لأن حاطين بنج في الأوكسجين
وما طلعت من غرفة العمليات وجابون الغرفة إلا الساعة ثلاث العصر
طبعا" أمي وأخوي وأختي جوا المستشفى كل قالوا ليهم دخلناها غرفة العمليات دوروا على أمي ماتحصلوها في ديك اللحظة
بس الحمد لله على كل حال
وعقبال سلامتكم إنشاء الله
ترى حلوة الولادة لم تكون مع الزوج



ياربي تقريبآ ولادتش نفس ولادتي اني بقيت يوميين طلق وفعلآشفت الموت قدامي وماتوقعت اني اعيش
وزي ماقلتي جهاز النبض كررريه

بس يوم ولدت وحطو ولدي على صدري نسيت كللللل الالام الي صارت

ليال/ام سيد علي
11-07-2010, 12:54 AM
قصص ولاداتكم الله يسهل على الحوامل كلهم يارب

ويرزق المحرومات بحق محمد وال محمد

فراشة حبيبها
11-07-2010, 03:10 PM
عصفورة
الحمدلله على سلامتنا
ويتربى في عزش وعز أبوه أنشاء الله

flower20
11-07-2010, 03:35 PM
بحكي اليكم قصة ولادتي كانت 8|2 كنت سهرانة طول الليل أساساً في الشهر التاسع خلاص كنت ماأعرف أنام وكنت كل ليلة اقعد في الصالة وانام وأني وجالسة لأنا بس أنسدح خلاص يروح النفس وفي صباح داك اليوم دخلت أنام والساعة سبع على روحة زوجي الدوام راح فبدأ الألم أفتكرت ألم بطن فحسيت كل شوي يزيد كل خمس دقايق فقلت أكيد هذا رياح ولادة فرسلت الى زوجي وقلت اليه فتصل اليي وسألني كيفية الألم قلت اليه كل شوي يزيد وكنت مجربه اني لأنا هذا ولادتي الثانية فقال لازم نروح المستشفى وكانت بنتي مسكينة نايمة وجلستها من النوم ورحنا المستشفى على طول على الأسعاف دخلوني وعلى طول كشفت قالت فاتح ستة اني استغربت ستة بسرعة لأني بببكري انفتح بس أثنين ورجعوني المهم على طول سوت الي أجراءأت الدخول ماأنسى داك اليوم وكانو بركبوني فوق بنتي تصيح خداها ابوها وطلع وصحت عليها وكنت أحاتيها لأنها صغيرة سنة ونص وركبوني خلوني في غرفة الطلق ركبو عليي الأجهزة وجابو جهاز السونار ليفحصو وضعية التوائم فكانت واحدة نازلة والثانية معارضة راسها فوق لكن النحيسن عذبوني ففي هذا الحالة المفروض تكون عملية قيصرية فسألتها ليش مو عملية وخلاص قالت يمكن أثناء الولادة تفر فجاني ألم الولادة ونقلوني الى غرفة الولادة وبعد التعب ولدت بأول وحدة طبيعية وشوي الا يجي الي طلق ثاني أساسا الثانية والمشكلة أنها مافرت حاولت الدكتورة تفرها فطلعت أيدها وكل شوي النحيسين يعدلو في جهاز النبض عشان يشوفو نبضها وخفت لأني ماسمعت النبض واني اتعذب من الألم وشوي الا يقولو خلاص عملية حالة طارئة لأنا مهلو عليها وخلاص وأني منهارة ,أخدوني ركض الى العمليات من وصلت على طول خدروني لأنا مهلو ولا أوتعيت الا اني في غرفة الملاحظة وحسيت الدنيا اتفر بي وماحسيت بروحي الا يوم ثاني قعدت وجى زوجي سألته عن بنتي الثانية قال في الحاضنة لأنا تنفسها ضعيف لأانا طولو عليها في الولادة تخيلو الفرق بين الثنتين 45 دقيقة
يوم لا ينسى أبد جربت الثنتين الطبيعية والقيصرية وصرت مشهورة في المستشفى وقعدو يجو الي يقولو مسكينة والله تعذبتي جربتي الثنتين :(:(:(:(:(:(
ماأنسى معاملتهم الزفت كنت أتعذب من العملية أبغى مسكن وهم بس يحقرو وكنت مااعرف اقوم من السرير عشان اروح الحمام باالغصب تجي وحدة وتقومني

وردة الأحلام
11-07-2010, 03:56 PM
بسم الله عليش والحمد لله على سلامتش
واهم شي خلصت على خير ويتربو في عزكم ان شاء الله
احكي لنا عن ولادتش الاولى (لو قلتيها بس اني ماادري)

M!ss sweet
11-07-2010, 06:31 PM
الف الحمد لله ع سلامتك

بس عورتي قلبي والله ,, الله يسهل علي يااارب

عاشقة حبيبها
11-07-2010, 07:49 PM
ياعلي والله عورتي قلبي عليش لا

اهم شي انش قمتي بالسلامة وان البنات سليمين هذا اهم شي والحمد الله على كل حال

flower20
11-07-2010, 10:23 PM
مشكورين حبايبي الله كريم والحمدلله على كل حال
وردة الأحلام ماذكرت ولادة بكري لأنا ولا شيئ من صار لي في ولادتي الثانية
خلاص كرهت المستشفى اللي ولدت فيه معنا الأولى ولدت فيه والله تعب لحين مانسيت هم الولادة معنا صار لي ستة أشهرولحين أدكرها