المساعد الشخصي الرقمي

مشاهدة النسخة كاملة : ابغى شعري يصير ناعم؟؟



معزوفة القمر
11-03-2010, 01:39 AM
هلا بنات كيفكم
اني شعري مو ناعم ويتعبني في السشوار كثيييير
وتعرفون كيف الشعر الغير ناعم كيف يصير شكله من غير سشوار كلش مو مرتب
واني ما ابغى اسوي له تمليس لانه يتعب الشعر واذا سويته ما اقدر اصبغ واني احب اصبغ شعري لانه لونه اسود ومو حلو علي
اللي تعرف حاجه اتسوي الشعر ناعم من غير سشوار لاني سمعت عن خلطات بس ما ادري من وين احصلها
والله يجزاكم خير

عاشقة ولدحزام
11-03-2010, 03:38 AM
اني اعرف عن زيت السمسم خيه انه ينعم الشعر

pure
11-03-2010, 03:41 AM
غناتي عشان انتي تبغيه يصير ناعم لازم

تستغني عن شيء لاتصبغي فتره

وسويه ريلاكس او تمليس في محل مضموون

وبتشووفينه يجنن بدون سشووار

انا صديقتي كذا شعرها وماشاء الله عليها تهتم فيه

صار احلى من شعري وانا ناعم

وان شاء الله يصير مثل ماتبغي واحلى

ملاك السلام
11-03-2010, 08:29 AM
انا بصراحة استخدم زيت الزيتون وزيت السمسم وزيت اللوز اخلطهم واحطهم بشعري طول الليل
وشعري صااااااار روعه الكل مايصدق اني بدون استشوار


طبعا الزيوت طبيعبيه من الحواج بالقطيف

دانة ابريل
11-03-2010, 11:19 AM
سوي كيراتين اوتمليس .اشوف ناس وايد يسوو شعرهم وبعد فتره يصبغو شعرهم ولايبان عليه ان في الاصل موناعم
مع اني شعري حريييييييير الا ان صحباتي اللي مسوين تمليس شعرهم الحين احلى من شعري وصابغينه ولايبان عليه مملس ابد

همسة حبيبها
11-03-2010, 12:07 PM
http://3roosqatif.com/vb/picture.php?albumid=60&pictureid=445
يحل مشاكل شعر يمنع تقصف يعطيه شكل رائع يطول شعر وينعم شعر سعرها 10ريال عليها عرض خاص

معزوفة القمر
11-03-2010, 01:54 PM
مشكورين وما قصرتو
بس انا اهتم بشعري من ناحية الزيوت الطبيعية بس تعرفون الشعر المجعد لابد من السشوار
واني اخاف عليه يعدم من كثر السشوار
اني ابغى اعمل اللي قلتون عنه الكراتين او تمليس بس هل هذا يتعب الشعر او لا وهل اقدر اصبغه؟
ووين هذا يسوونه ؟
يعني يمكن تفاصيل اكثر؟

احرار علي
11-03-2010, 01:57 PM
احس مكان يسوي تمليس حق الشعر الماسه بس غالي

Fatimah Ahmad
11-03-2010, 04:40 PM
خلطة أم سعود طبيعية 100 % .. تعيد الحياة للشعر الميت من استخدام الكيماويات .. بـ 120 ريال فقط .

الماسة الوردية
11-03-2010, 06:28 PM
مشكورين وما قصرتو
بس انا اهتم بشعري من ناحية الزيوت الطبيعية بس تعرفون الشعر المجعد لابد من السشوار
واني اخاف عليه يعدم من كثر السشوار
اني ابغى اعمل اللي قلتون عنه الكراتين او تمليس بس هل هذا يتعب الشعر او لا وهل اقدر اصبغه؟
ووين هذا يسوونه ؟
يعني يمكن تفاصيل اكثر؟
هلا اختي افضل مكان لعمل الكرياتين هو مركز ملاك في الناصرة ج وبكل امانه والكرياتين يعالج الشعر وينعمه ومادة طبيعيه ما تخرب الشعر وما تحتاجي سشوار بعدين والله يوفقك

أم حسنين
12-03-2010, 08:20 PM
كلام اختي الماسة الوردية صحيح وانا امجربه
وبتوفيق يارب

نورة القطيف
13-03-2010, 01:35 AM
هلا واني بعد اضم صوتي للبنات ولا تقولوا دعايه لأني مجربه وحبيتكم تستفيدوا من تجربتي ترى واجد ناس ما يحبوا يفيدوا بس اني الحمد لله شفت انه فادني واجد لشعري وانصحك اختي تروحي مركز ملاك في الناصرة ج صاحبة المركز خبرة 15 سنه في الشعر وعندها خبرة في الكرياتين وهذا مادة طبيعيه تخلي الشعر حرير وصحي واني توي سويت شعري عندهم بالكيرياتين المطور الجديد وصار شعري الحمد لله يهبل ولا يحتاج سشوار اختي لاتضيعي الفرصه ولا تروحي تسوي تمليس بمواد كيميائيه تعدم الشعر وتخليه يتساقط سويه كيرياتين طبيعي وحافظي على شعرك صحي وهاذي نصيحتي من وحدة مجربه كل شيء لحد ما سويت كيرياتين وهو افضل شيء سويته لشعري والله يوفقش

الأوركيدة
14-03-2010, 09:21 AM
خيو نورة يعني الحين ما تحتاجين السشوار ولا كيف ؟؟؟

انا ودي اعالج شعري وف ينفس الوقت ابي افتك من السشوار
انا قريبه لي سوت الكيراتين وعطاها بس لمعه ونعومه

ام البنين
14-03-2010, 05:44 PM
في حنا لفرد الشعر الكل يمدح فيه في وحده تبيعه بس موذاكره اسمها في المنتدى

جيتار
14-03-2010, 11:32 PM
خالتي تقول جربت الحنا ومافاد فيها مادري هو نفسه الحنا اللي عند البنات لو لا بس اللي اعرفه ان اللي عند البنات اغلى لانها شرته بـ 30 ريال والبنات هنا يبيعونه 150 لو 120 مادري ,,\\
تبيعه هوت شقليطة يمكن ..


المهم ..
أنا انصحك بالكيراتين لاني كلمت مركز ملاااك وحجزت لي صراحة ما ابي استشور اول ايام زواجي وابغى اسبح وأطلع وأنام على كيفي ,,وافتك من الاستشوار

وغناتي اذا تحبي زي ماتقولي تصبغي شعرك ..

ترى هي قالت لي تصبغي شعرك قبل الكيراتين يطلع احلى واحلى

وهو اصلا علاج للشعر مو مواد كيماوية بس اهم شيء غناتي تآخذي اصلي لا ينعدم شعرك وتتاكدي انه كيراتين اصلي والبرازيلي احسن نوع لان نسبة الكيراتين فيه أعلى من الانواع الباقية ,.,


وابحثي عنه في النت وبتشوفي .. وشعرك اذا كبر بيطلع احلى من اول :) صحيح بيصير غير عن اللي سويتيه كيراتين لكن أحسن من اول وكلما سويتي اعتدل ..ازيد وازيد ..

وشكرآآآ


وبعد مركز ملاااك لما كلمتهم قالوا لي ان ع العروس خصم 20%

قمرة
14-03-2010, 11:57 PM
هلا بنات شخباركم
ممكن احد يقول لي بكم يسوو الكيراتين مركز ملاك

قمرة
15-03-2010, 02:34 AM
ممكن تعطوني رقم مركز ملاك ابغى اشوف سعر الكيراتين
شكرا جزيلا

روج فوشي
15-03-2010, 07:57 AM
الله اعلم لكن انا سمعت عن وحدة تدمر شعرها والسبب هوو

شهرين 3 وبعدين يبدأ الشعر يطيح

وان شاء الله ربي يوفق لك

قمرة
15-03-2010, 10:06 AM
ياعلي .........
اني خايفة اسوي الكيراتين لاني سمعت كذا وحدة طاح شعرها يادافع البلا

جورجي
15-03-2010, 10:09 AM
اني سويت كراتين منزمان قبل سنه تقريبا
سويته في مركز رانيا
وب 1500 احس انه فاد فيني وااااااجد اني شعري زين فيه نعومه بس يتلفف واجد
ولمن سويت الكراتين كنت ابغى شعري يصير ناعم بدون استشوار واني مابغاه مثل التمليس سيده يبين انه محروق قالت لا بيصير على شعري مثل المتموج وفعلا صار حليو متموج مايحتاج استشوار
واذاحبيت استشور مايطول زي اول بسرعه في 10 دقايق او ربع ساعه يستشور كله وشعري فيه طول وكان يتعبني الحين تمام بعد 6 شهور اختفى تقريبا مفعوله وافكر اسوي مره ثانيه

أريج الزهور
15-03-2010, 11:22 AM
اني سويت كراتين منزمان قبل سنه تقريبا
سويته في مركز رانيا
وب 1500 احس انه فاد فيني وااااااجد اني شعري زين فيه نعومه بس يتلفف واجد
ولمن سويت الكراتين كنت ابغى شعري يصير ناعم بدون استشوار واني مابغاه مثل التمليس سيده يبين انه محروق قالت لا بيصير على شعري مثل المتموج وفعلا صار حليو متموج مايحتاج استشوار
واذاحبيت استشور مايطول زي اول بسرعه في 10 دقايق او ربع ساعه يستشور كله وشعري فيه طول وكان يتعبني الحين تمام بعد 6 شهور اختفى تقريبا مفعوله وافكر اسوي مره ثانيه


اختي كان شعرك جاف وتالف؟ ومن العاملة الي سوته؟ وإلى وين طول شعرك؟

مركز الاميره
15-03-2010, 04:08 PM
هلا اختي انا بصراحه اختي سوت كرياتين في مركز الدانه بصفوى وشعرها طلع يجنن وبصراحه صاحبة المركز ماقصرت بكل امانه ورتها علبة الكرياتين وانه خالي من الفورمالديهيد لان الكرياتين اللي فيه نسبه اعلى من 2%يطيح الشعر ويحرقه اما الدانة ماشالله اخلاق وذوق وطلعت النتيجه جنان واسعارها حلوووه وعندها امانه في كل شي ومجربينها في التاتو توريش الاغراض باكياسها ...هي مسجله بالمنتدى باسم الدانة اساليها اختي مابيضرك ...موفقه يارب

**ملاك النور**
15-03-2010, 05:44 PM
عذراً من صاحبة الموضوع
اذا ممكن اخوات رقم مركز ملاك الي تقولوا عنه
ومشكورين

نورة القطيف
16-03-2010, 01:13 AM
تفضلوا اخواتي هذا رقم مركز ملاك 8527735 الناصرة ج
اختي الأوركيدة شعري بعد ما سويته ما يحتاج سشوار واذا حبيت اسوي سشوار ياخذ مني 10 دقايق بالكثير
ومن قال يخرب الشعر الحمد لله مو صحيح هالكلام يمكن استخدموا ليهم مقلد عادي كل شيء يصير الحين

**ملاك النور**
16-03-2010, 02:30 AM
مشكورة اخت نورة القطيف على الرقم
ويعطيك العافية

شوق1
16-03-2010, 07:10 AM
هلا خواتي اني جربته في مركز الدانه وطلع جنان مايحتاج استشوار ...وسعره حلو بعد..