المساعد الشخصي الرقمي

مشاهدة النسخة كاملة : ابغى رايكم (شهر العسل أين نقضيه؟)



العيون
02-04-2010, 06:12 PM
أخباركم إن شاء الله كلكم بخير

اللي عنده خبره في هالموضوع ياليت يساعدني

وين افضل بلده لشهر العسل احنا محتارين بين ماليزيا (وجوها الحار) وبين أوروبا وبالتحديد سويسرا ؟!

ناس تقول ماليزا أحلى للسياحه وسويسرا مافيها شي غير طبيعه !! وناس تقول ما في على أوروبا في شهر العسل أحلى بكثيييير

وانا محتاره لأن ما ابغى جو حار ورطوبه وفي نفس الوقت ابغى استمتع

وشي ثاني بالنسبه للأسعار ؟! كم تقريبا تكلفنا سفرة سويسرا ؟؟!(طبعا احنا رايحين شهر عسل فما نبغى نضيق على روحنا يعني ابغى الميزانيه اللي بتخلينا نستمتع بكل شي وبسعر معقول )؟



ضرووووووووووري تردون علي لأن نبغى نحجز

alnurse
03-04-2010, 01:23 AM
طبعا اوروبا

لان ماليزيا وشرق اسيا متوفره وعندنا عروض في البلد واجد اليها

اوروبا حلوه لشهل عسل

انا حددت رحلتي انشاء الله على خير
لثلاث مناطق اوربيه
وحددنا المصاريف وكل شي
اذ تحبي اساعدك برحله الى اوربا قولي لي
لان ماخليت تقرير بالدنيا ماقريته

وبالتوفيق

فلور
03-04-2010, 09:34 AM
اكيد اوربا بس كم ميزانيتش وكم المده وراي روحي النمسا جميله وروقان واذا تحبي بعطيش الاماكن الا رحناها

تحياتي

عرووسة حمودي
03-04-2010, 05:32 PM
اكيد أوروبا .. مافيه شي مميز لشهر العسل زي دول أوروبا ..
وثانيا مين قال مافيها الا طبيعة ؟ معقولة يعني ماليزيا الآسيوية متطورة أكثر من أوروبا ؟
ماليزيا حلوة بس تقدرين تروحينها اي وقت لإنها موغالية وبعد ماتطولين فيها اكثر من سبوع تتمللي .. بس أوروبا نااايس ..
سويسرا جنة الله في أرضه خيو ..
اني خطيبي رتب رحلتنا خلاص وحجز المنتجعات وسوا الفيز .. باقي بس تذاكر الطياران ..
بتكون للنمسا وألمانيا واسبانيا (مدريد وجزر الكناري )
موفقة :) وربي يتمم للجميع بخير ياارب

sweet tota
03-04-2010, 06:08 PM
طبعآ أوروبآ

مآليزيآ تقدري تروحي بعــدين

لكن حتى ماليزيآ جميله وممتعه في نفس الوقت

وتكاليف اوروبا غير عن ماليزيآ

موفقه

ستديو الفرح
03-04-2010, 07:28 PM
بصراحة اذا ماتحبي الجو الحار روحي اوروبا بس اوروبا غالية جدا
ماليزيا اذا بتروحي روحي تبع ( باكج ) يعني برنامج هو اللي يسويه المكتب وفيها تنقلات كثيرة ( كوالا لمبور - بيننج - لانكاوي ) وفيها طبيعة حلوة واللي احلى منها سنغفورة 00 انا رحت ليهم ثنتينهم بصراحة حلوين
و بالتوفيق غناتي والله ييسر امورك
لدينا اجمل العروض
تصميم البومات فاخرة للعرايس
10 صور مجانا للعروس عند الحجز الفوري في اي ليلة ترغب التصوير بها + هدية برواز

ياربي
05-04-2010, 01:41 AM
طيب التذكره الى اوروبا كم تكلف؟

اني عن جد ودي اسافر شهر عسل بس خطيبي مايقدر
متأزمه واجد بس ماابين له لان مابغى يحس ان بخاطري شي وهو مو قادر يسويه
فشكلي بسويها هديه له ونسافر بس كم تكلف تقريبا اوروبا

ستديو الفرح
05-04-2010, 02:49 AM
طيب التذكره الى اوروبا كم تكلف؟

اني عن جد ودي اسافر شهر عسل بس خطيبي مايقدر
متأزمه واجد بس ماابين له لان مابغى يحس ان بخاطري شي وهو مو قادر يسويه
فشكلي بسويها هديه له ونسافر بس كم تكلف تقريبا اوروبا
اوروبا غالية ماتقارن بماليزيا لأن اوروبا تتعامل بسعر الدولار000
اذا حابه غناتي تعرفي سعر التذكره او الباكج يعني البرنامج000 اتصلي بمكتب السفريات واستفسري منهم00 والمكاتب اشهرهم ( مهد البراق - الشافعي - السراج )
تقدري تأخذي رقمهم من النت
وموفقة عزيزتي والله يهنيك يارب

لدينا اجمل العروض
10 صور مجانا للعروس عند الحجز الفوري في اي ليلة ترغب التصوير بها + هدية برواز

AYAH
05-04-2010, 06:17 AM
جزر المريشوووز بافريقيا يقولون خيال وانا بنت خالي راحت خمس ايام وبعدها شرم الشيخ تقول ستانست مررره
طبعا قروب والرحله كانت كذا مقسمه بين هالمدينتين
وعندك سيرلانكا جنان وبحثي بالنت وبتستغربي اسعارها بسيطه وجو روعه وفي فنادق راقيه ومناظره خياليه
وفي باوربا ايطاليا فنيسيا بس اسعار نار
وعندك شمال ايران كمان حلوه
وتركيا جميله شلالات ومغارات حلوه
اتمنى افدتك

جوهرة القدس
05-04-2010, 08:15 AM
اكيد اوربا احلى اوبعدين ويش احلى من الطبيعه والجو الجميل عسى الله ايتمممممم لش ابخير

فلور
05-04-2010, 03:22 PM
بالنسبه لاسعار التذاكر الى اوربا يعتمد على الوقت يعني اذا هاي سيزون اكيد ترتفع الاسعار واذا تبغي راي اذا بتروحوا بشهر اكتوبر وطالع الاسعار تكون معقوله وطبعا كل ماحجزتي بدري السعر بيكون اقل

عرووسة حمودي
06-04-2010, 01:59 AM
[quote=ستديو الفرح;622658]اوروبا غالية ماتقارن بماليزيا لأن اوروبا تتعامل بسعر الدولار000
اذا حابه غناتي تعرفي سعر التذكره او الباكج يعني البرنامج000 اتصلي بمكتب السفريات واستفسري منهم00 والمكاتب اشهرهم ( مهد البراق - الشافعي - السراج )
تقدري تأخذي رقمهم من النت
وموفقة عزيزتي والله يهنيك يارب


لاخيوه أوروبا يتعاملون باليورو .. اليورو يعادل تقريبا 6 ريال ..
بس سويسرا يتعاملون بالفرانك كعملة اساسية وهي تقريبا تساوي الدولار او اقل منه بشوية لاتذكر
وباقي الدول اغلبها باليورو ..
بس سعر التذاكر ماله علاقة بعملة البلد .. له علاقة بخطوط الطيران .. يختلف السعر من خطوط لخطوط .. مثلا الطيران السعودي أغلى من الإماراتي وطيران الخليج ..
بس انصحك بالخطوط القطرية أفضل خطوط بالعالم واسعاره كويسة مش بطالة .. مريحة طياراتهم وطيارينهم محترفين .. مو مثل بعض الطيارين اللي يشدخ بالطائرة وهو نازل خخخخخخ
وترى سعر التذكرة يختلف من وقت لوقت وإحيان يسوون عروض الخطوط على اسعار التذاكر فأنتي أسألي ..
أنتي خيتو اعطيني الدول اللي في بالك وخاطرك تروحي وحدة منها واني اجيب لك سعر تذكرتها :)
عشان اقدر اساعدك .. لإنه مافيه سهر واحد او ثابت لإي دولة أوروبية ..

سكينة العوامية
06-04-2010, 05:50 PM
عندي تعليق بسيط ..

عن اسعار التذاكر فأن السعودية عندها عروض ما تتفوت ..

يعني أوربا تبدأ من 1000 ريال طبعا للحجز المبكر و يكون ستاندرد ..

واحد قريب لي حاجز فرنسا شهر 7 ميلادي .. 1900 ريال ..

لا تنسوا الوقود أرخص شي عند السعودية و الخطوط السعودية مؤسسة تدعمها الدولة فأكيد بتكون أرخص ..

و عروسة حمودي .. بقولك قصة عن الخطوط القطرية ..

أعرف وحدة راجعة من لندن .. و شارية هدايا لبناتها ( شنط و بدلات ماركات أصلية ) تكلفتها أكثر من 35 الف ريال تعرفي شصار عليهم ؟؟

رجعت البيت ما لقت و لا حاجة .. بغت تموت .. طبعا رفعت قضية و حوسة صارت لها كلها بسبب الخطوط القطرية و ريحة بلاويهم في الفترة الاخيرة فاحت ..

و الله يوفق الجميع ..

عرووسة حمودي
06-04-2010, 10:16 PM
غناتي سكينة العوامية هاذي تصير في أي خطوط ..
ياكثر هالحوادث حتى الخطوط السعودية نسمع ساعات أنه الإغراض انبلعت فيها ..
.. عمي توه نازل من تونس ع الخطوط القطرية يقول مررة تمام ..
اذا على فقدان الإغراض ترى تصير اللي حظه كان متنيل ذاك اليوم بيفقدهم حتى لو بمطار هيثرو ..

coconut-4
06-04-2010, 11:14 PM
انا عن نفسي رحت ماليزيا جنااااااااااااااااان
رحنا بروحنا كو تبع فروب
وعلى الجو تقدري تشوفي وقت زواجك ويش بيكون الجو عندهم
ترى جو لنغاوي وجنتنج رهيييييييييييب
لأن على مرتفعات

أما اوروبا الله يرزقنا

ملكوت الرحمه
07-04-2010, 01:48 AM
خيتوو ماليزيا طبيعتها حلووه

بس جوها رطب ومرهق جداً جداً وحااااار

انا توي راجعه ماكملت شهر .. تتعبي وااااجد في التمشيات

حتى الاماكن المرتفعه الجو فيها بعد حااار ومرهق

نصيحه روحي أوروباا حبيبتي ...

موفقه قمر :d

فلور
09-04-2010, 04:21 PM
اايد سكون لان جربت الخطوط القطريه فاشله بس هدره افضل شي في راي الاتحاد ممتــــــــــــــــــــــــازه

لــمسة حرير
09-04-2010, 04:38 PM
انا من رايي تروحين ايران جو وطبيعه واكبر من هذا كله الامام الرضا يبارك لكم

abeer.a
17-04-2010, 03:33 PM
على حسب الميزانية .. واذا كانت ميزانيتكم عاليه تقدرو تروحو اكثر من مدينة بالقطار .. المواصلات في اوربا بالقطار سهلة و أسعارها رمزية

اما اذا كانت مزانيتكم متوسطة وانتين تحبي التسوق روحي ماليزيا لان طبيعة روعه و تقدري تتسوقي في نفس الوقت

بالتوفيق اختي :)

زهرة تشرين
19-04-2010, 06:00 PM
اوربا طبعا
احنا حجزنا شهر العسل باريس 4 ايام وتالي بنطلع الى سويسرا جنيف وانترلاكن ولوقانو
اسبوع

seemoon1
19-04-2010, 07:03 PM
انا قريب لي راح سويسرا شهر العسل ب36ألف وقال كانه فقير هناك
إذا الميزانيه ما تسمح خليها لوقت ما تتعدل الظروف

عمان جدا حلوه عندك صلاله
الدول العربيه تونس الجزائر
ترى الهند مررررررررررره ه ه ه ه حلوه
فيه عندك اعمل شهر عسل

متنقل
هذي كانت فكرتنا في البدايه
دول الخليج "عمان ، الإمارات ، قطر ، الكويت مرورا باليمن ، الطائف ، مكه والمدينه جده ، ابها بعدين إلى الشرقيه

طبعا كله بالسياره
"عندي مزاج انا وزوجي على السياره "

بس يوم جاتني زيارة ضامن الجنه ماعفتها
رحت على إيران وتنقلنا فيها

يعني مو بس مشهد
شيراز واصفهان والشمال روووووووعه
عربيه
ما احب اتكلم إنجليزيهههههههههههههههه
اتمنى استفدت مني

بسمة بريئة
19-04-2010, 08:31 PM
كل دولة ليها جوها ولها طبيعتها
مافي وحدة أحلى من الثانية

ماليزيا والجزر (المالديف - بالي - موريشوس) وهالشلة
الجو معتدل يميل للحرارة ورطوبة
الطبيعة استوائية بتلقي فيها الجبال والغابات والشلالات ومزارع الأرز والشاي وسفاري الفيلة
والبحر ورياضات البحر (تقدري تلعبي بحجابش)
ورحلات الكروز وتاخذوا لكم فلا مع بركة خاصة وبعضهم معاهم الجاكوزي وتاخذوا لكم جلسة مساج حق زوجين ورومانسية (مع الاولاد ما بتحصلي هالاجواء)

أو سويسرا جنة الله على الأرض
باردة و وخضراء وبرض وبرضوا جبال بس هالمرة مغطية بالثلج واذا تعرفي تتزلجي او تحبي تجربي وشلالات وبحيرات مقلتة كل مكان والريف يجنن
الفنادق اللي اسعارها معقولة اغلبها ستايل ريفي
واحلى شي لو تستأجروا لكم سيارة مع جي بي اس
وعندكم مصانع للشكولاتة
اني عندي ممكن تنراح مع الاولاد مقارنة بالجزر والاسترخاء

وبس يظل لكل وحدة جمالها وسحرها .. كل وحدة شكل مافي وحدة تغني عن تجربة الثانية

روح الشرق
23-04-2010, 12:28 PM
هلا خيه
انصحش بأوروبا لأن زي ماقالوا البنات دول شرق آسيا كله جوهم حار بس احيانا يعتدل على حسب الشهر اللي بتروحي فيه ...وعلى حسب الميزانية
اذا ميزانيتكم ماتسمح ..روحي جزيرة بالي وماليزيا ..بالي مرة تنفع حق شهر عسل كلها استرخاء ورومانسية ..بس مشكلتها حلاوتها تسبحي في البحر والوضع مايسمح للمحجبات تعرفي ..الا اذابتاخذي لش مايوه اسلامي بس تظل صعبة
اذاميزانيتكم مفتوحة عندش النمسا رهيبة وفيها أماكن واجد وسويسرا بعد تقريبا نفس الشي ..ولا أحد يلعب عليش يقولش بس طبيعة..ترى مليانة أماكن ,..فيها متاحف وفيها حدائق حيوان وأسواق ورحلات بحرية يعني ونااسة والجو ولا أحلى ...وباريس بعد رهيبة فيها برج ايفل ومتحف اللوفر وفيها أماكن تسوق وديزني لااند أحلى شي هههههه :d
بس اذا بتحجزوا احجزوا بدري ولا تستعجلوا في اختيار الخطوط ..اني بالنسبة ليي أضمن شي طيران الإمارات او الإتحاد مرة حلوين وعندهم خدمات جيدة ...
احنا حجزنا على طيران الإمارات لأن كان أحسن شي السعر ووقت الرحلة بعد الى النمسا وبنروح فيها فيينا وزي لامسي ..وبعدين 3 ايام في المانيا (زيورخ ) وآخر شي 4 ايام في باريس ..ولو تدوري بس على الأماكن اللي تنزار في بلدان اوروبا بتشوفي اشياء واجد حتى ايامش اللي بتقعديها يادوب تكفي تروحي كم مكان من الأماكن اللي هناك :)

موفقة اختي واذا بغيتي اي استفسار خبريني :)

Pro Professional
23-04-2010, 12:43 PM
اعرف وحده راحت اوروبا وماليزيا اتقول ان ماليزيا في الجمال والطبيعة افضل بووااجد من اوروبا
بس انتي شوفي شنو ميزانيتك اذا تقدري على مصاريف اوروبا << روحي اوروبا
واذا حاسة انك بتصرفي وااجد وبتشتري وااجد وتبغي تستمتعي اكثر << روحي ماليزيا

thallj
25-04-2010, 09:00 PM
الله يبارك ليكم ويوفقكم

hmsah20
27-04-2010, 02:39 AM
ماليزيااا
جوها مو آحليوو وكله مطر وحررررررر
اورباا احسن
موفقة إن شاءالله

غرامي
02-05-2010, 12:11 PM
عمري انا رحت اوروبا ... جوها بارد وحلوووه مره

بس اذا من ناحية الاسعار فهي غااااااااااااااليه بقوووووووووووووووووه

اما ماليزيا .. سعرها جدا رخيص وتسكنين باحسن الفنادق بأرخص الاسعار

وتروحي السوق وتشترين الاكو والماكو ..

فنصيحه .. روحي ماليزيا .. وراح تعيشي زي الملكه

طفوله
02-05-2010, 04:53 PM
انا رايي روحي اوربا

طول انتي عروس ورايقه

العذاب الحلو
02-05-2010, 09:25 PM
ماليزايا ماليزيا
بلد العجائب

لمسةُ فن
02-05-2010, 11:10 PM
كل بلده ولها جمالها يكفيش انش بتروحي شهر عسل يعني لو تروحي وين بيصير المكان جميل ورايق بالنسبه لي انا رحت ماليزيا واندونيسيا وفعلا خيال ورحله كانت جميله وموفقه
الله يتمم لك على خيررر ويسعدك خيتوو

بيانتي
04-05-2010, 03:57 AM
انا رحت شهر العسل ماليزيا وانبسط واجد جميله بصراحه
والحين الشهر الجاي برجع اليها حبيتها واجد
وسعر الطيران والطيران الداخلي والفنادق واو عليهم عروض
انصحش تروحي

مجنونة السيد
04-05-2010, 10:50 AM
عاد اني انصحش تروحي ايران تبدي حياتش بمكان مقدس تطرح على حياتش البركه وصدقيني ايران وان رحتيها من قبل مع رجلش غير غير
وهي مكان جميل وطبيعه والله يهنيش يارب

عروسه البحر
04-05-2010, 02:15 PM
خيتووه اني رايي من راي معشوقه السيد هههه
مااافيه على ايراااان اني قلت زيهاا الى خطيبي نبدا حيااتناا بزيااره ضاامن الجنه وابرك لحيااتناا من هالدووول
ولااحقين على السياااحه ليهم وادا ماارحناا ماارااح نتحسر زي امااكن الزيااره

مجنونة السيد
04-05-2010, 04:36 PM
عروسه البحر قصدش معشوقه لو مجنونة السيد:p

عروسه البحر
04-05-2010, 05:47 PM
عجبتني اني معشوووقه احلى ههههه
الله يليكم لبعض ويحرسكم يااااارب:)

ام الدلع
04-05-2010, 07:41 PM
انا رايي من راي خواتي(مجنونه السيد )و(عروسه البحر)

تبدين حياتك بزياره الامام الرضا وفيها اماكن واجد حلوووه

LaZy-G
05-05-2010, 09:55 PM
طبعاااا سويسرا وبدون تفكير
الواحد لما يسافر شهر عسل يبغى منطقه حلوووه وفي نفس الوقت يكون التكدس السعوودي اقل

وبالتوفيق

مجنونة السيد
10-05-2010, 12:22 AM
عجبتني اني معشوووقه احلى ههههه
الله يليكم لبعض ويحرسكم يااااارب:)

فديت قلبك;)

روح علي
07-03-2011, 08:37 AM
أني رحت شهر العسل سويسرا
بس كانت حلوه لشهر عسل
هدوء واسترخاء

وأتمنى أزور ماليزيا

دلع وحبي ولع
09-03-2011, 10:10 AM
ماليزيا هدا الوقت ممتاز السفر فيه هدي الشهرين احنا سافرنا العام شهر العسل الجو حلو