المساعد الشخصي الرقمي

مشاهدة النسخة كاملة : تصويت لافضل حليب صناعي



ماهمني
31-05-2010, 03:06 PM
هلااا بصبايا احلى منتدى

ياريت لو كل وحده تكتب لنا شو احسن حليب صناعي اعطته لطفلها من الولاده حتى عمر السنه ومافوق.. حليب ممتاز وما سبب للبيبي اي مشاكل....

انا استخدمت لبنتي اس 26 وسبب لها مشاكل وغيرته لسيميلاك واشوفه احسن

thallj
31-05-2010, 03:31 PM
بيميل بلس هذا اقل من السنه
بعد السنه استخدمة نيدو والحين استعمله
من 3 سنوات لين4 والحين ولادي واحد عمره
4 سنوات والثاني 3 سنوات
وبالتوفيق يا عسل

ماهمني
31-05-2010, 03:42 PM
يسلموو يالغلاا باانتظار باقي الاخوات

بلسم
31-05-2010, 03:48 PM
امممم

اني نسيت بس اللي اذكر ان أمي استخدمت حق اختي هذا الاخضر سيميلاك
ولما كبرت تغير الى سيميلاك غين بلص

سبب لها امساك بس على خفيف ,, واستمرت عليه لأنه افضل من الانواع الثانيه اللي جربتهم

بقايا
31-05-2010, 03:53 PM
ياهلا اختي
اني بنتي عمرها 3 شهور اعطيها سميلاك وناسبها

بيت الاحزان
31-05-2010, 04:04 PM
اطفالي مايناسبهم سيملاك ابدا .. دائما يقذفوا لما يشربوه ..

فاستخدمت لهم بيبلاك .. مرررره تمام احسه خفيف ولا يسبب امساك لهم .

ومره من المرات لما ولدت ماحصلنا بيبلاك .. فاستخدمت نوفلاك .. وحسيته مثل بيبلاك .. مرررره تمام .

ولما يكملوا السنه احول على حليب نيدو ..

&ام علاوي&
31-05-2010, 04:04 PM
من الولاده الى عمر سته شهور ماييل ماما
ومن سته شهور وفوق عطيته نوفالاك
وثنينهم وصفتهم لي الدكتوره

ماهمني
31-05-2010, 04:05 PM
والله كل حليب وله اضرار ومنافع بس شنو نسوي لو مالحاجه

اس 26 كان قوي على معدة بنتي وطول وقتهاا ترجعه كله

وجاها اسهال وانتو بكرامه

وغيرته لسيميلاك الكل مدحه لي وبشوف نتايجه

بنتي ضعييفه مرره ابغاها تتخن ويقولو سيميلاك يتخن الاطفال

أح ــلام ملونه
31-05-2010, 05:28 PM
والله ماذكر خواتي شنو يستخدموا الى اولادهم

يسلموا على العموم

ماهمني
31-05-2010, 05:50 PM
يسلمو خيتو ع المرور

سوزي
31-05-2010, 06:28 PM
انا الدكتوره كتبتلي على اس 26 وكان مره مناسب مع ولدي ومستمره على

فرح
31-05-2010, 07:09 PM
جربي لها نوفولاك او ابتاميل مرة خفيف ..
استخدمتهم لبنتي وحسيتها ارتاحت عليهم مرة ..
ربي يخلي لك الكتكوتة

ماهمني
31-05-2010, 07:37 PM
تسلمي لي يافرح خلاص اذا ماطلع اوكي سيميلاك بجربهم والله تعبت من التجارب خخخخ

نايس ومن
01-06-2010, 05:15 AM
انا واختي وبنت خالي جربنا الى اولادن انواع وايده ومانفع معاهم الى نوفالاك
احس خفيفه مررررررررررررره
ها عطيتك 3 تجارب وش رايك

ماهمني
01-06-2010, 03:57 PM
يسلمووو نايس ومن ع المرور عطرتي الموضوع يالغلاا

اشووف معظم البنات نوفولاك يبغالي اجربه واشوف ان شااء الله ينفع

أم علاوي و حمودي
02-06-2010, 04:09 AM
انا ولدي الكبير استخدمت له نوفالاك و هو باطنيته من النوع اللي دااايم امساك و ناسبه مررررررره لأنه خفيييف
أما ولدي الثاني ضعيييف و باطنيته عكس اخوه على طول اسهال
يمكن في اليوم 6 مرات >>>> على عمري
و تالي قررت من كيفي و عطيته سميلاك بدياشور لزيادة الوزن ممكن شهرين و الحمدلله زاد وزنه كيلو و نصف و بعدها حولت الى سميلاك العادي و مررره تمام يسويها مره أو مرتين في اليوم
و زاد وزنه عددددل و الكل لاحظ عليه هالشي
فباختصار كل طفل و اللي يناسبه
الله يعين الجميع ياااارب

ماهمني
02-06-2010, 12:33 PM
انا متأزمه عدل من وزن بنتي ضعيفه مرره

ما أحد إلا أنا
02-06-2010, 03:17 PM
هلا امهات بالنسبة للحليب مافي حاجه اسمها افضل حليب لان كل طفل وجهازه الهضمي يختلف عن الثاني فقبل لا تشربيه اي حليب لازم اتوديه الى الدكتور وهوه يكتب لك احسن الانواع التي تناسب طفلك والحليب اله مده مثل حليب من 0-6 وحليب من 6-12 وهيك فالافضل استشاره طبيب الاطفال واني ارشح اما الصادق او مضر ماشاء الله عليهم بالنسبة للاطفال .

حكايه بنكهة السكر
02-06-2010, 03:26 PM
خيوو أني ما أعرف لهالسوالف وما جربت
بس أدكر الماما كانت تعطي أختي السعنونه ( بيوميل ) مره تمااام كانت ضعيه وما شالله من شربته زااد وزنها

moOon
02-06-2010, 05:28 PM
اني استخدم الا بنتي ببيلاك ومرره تمام
بس ضعيفه بنتي ابغى وزنها يزيد امي تقول اخد لها سميلاك بس اخاف مايناسبها شو رايكم

ماهمني
02-06-2010, 11:08 PM
انا اشوفه تمام سيميلاك مع بنتي للآن بس ابغي الاحظ وزنها يزيد لسى

أم علاوي و حمودي
03-06-2010, 12:00 AM
انتظري شوي بتلاجظي الفرق بعد شهرين
و بتشوفي فرق عدددددددل بعد 3 شهور
بس يميلاك قبل كان يجيب امساك بس الحين طوروه و بالعكس صار مساعد للهضم

صمت البحار
04-06-2010, 07:35 PM
انا بس اول شهرين استخدمت رونالك جنتل بس تمام للاطفال الي عندهم غازات

فريشكا
04-06-2010, 10:18 PM
رولاناك روعه

حالمه
05-06-2010, 12:33 AM
اني عطيت ولدي وبنتي نان 1
هذا في اول الشهور وبعدالسنه نان2
وبعدين تركو المرضع لوحدهم حتى ماكملو السنتين
بس اني اشوف على حسب الطفل الي يناسبه
يتفاوت من طفل الى طفل وحساسية الحليب مو كل طفل يتقبله جسمه
كأن انسوي تجارب على الطفل اني افضل استشارة الطبيب اول

رحيل الماضي
05-06-2010, 09:01 PM
هلا خيتو
اذا بنتك ضعيفه مرررررة
في حليب حق ناقصين الوزن انا استخدمت صراحه تعالي شوفي ديك لخدود صرااااحه ينفخ عدددل
اني احب الاكتاكيت المدخدخه بس وصفه لي الدكتور عشان وزن ضعيف بس اللحين امتلىء وقال ليي وقفي عنه
اكيد تبغي تعرفي اسمه ههههههههه
اسمه ياطويلة العمر يلميل بلس بروتيرم مكتوب عليه لناقصين الوزن في الشهر الواحد يزيد كيلو ونص الى كيلوين مفعووول قوي
مسوي دعاية اللي يسمع حق ابوها هههههههه

رحيل الماضي
05-06-2010, 09:02 PM
الاسم كتبته خطا
بلميل بلس بروتيرم

ام الدلع
07-06-2010, 05:24 PM
اني استخدمت الى بناتي سيميلاك ادفانس من الولاده الى 6اشهر وبعدين سيميلاك غين الى عمر سنه وبعدين فوق السنه حليب نيدوو واحسس انا نظامي مره حلوو

اتمنى افدتك خيتوو

ريما فيصل
07-06-2010, 06:01 PM
هلا اختي

اني في البدايه كنت استخدم سيميلاك.. وطولالوقت ماكان يناسب بنتي..

رحت لدكتورةاطفال.. ونصحتني بحليب ( فبي ميلك) فيه من عمر شهور للسنه ويمكن للسنتين بعد

ومرا مرتاحه له وماسيبب اي شي.

ولحدالأن 2 من العايله يستخدموه.. طبعا من بعد مانصحتهم به.. ومرتاحين عليه

بالتوفيق

ماهمني
07-06-2010, 06:55 PM
يسلمووو حبيبااتي طيب من فيكم وزن بنتها او ولدها كان 2 ونص اول ماجابتها ومتى تغير وزنه ولاحظت هالشي فيه

**زهرة التوليب**
07-06-2010, 07:32 PM
نان افضل حليب

ام شهووود
08-06-2010, 11:04 AM
سيميلاك ونونا مدري نون مدري وش اسمه خخخخخخ

ضمة غلآ
08-06-2010, 04:39 PM
انا جربت اول سيميلك ماعجبني
وبعدين اخذت بيوميل وكااان مررره زين والحين رجعت لــ سيميلاك وماشي مع ولدي

بحر بلا مرفأ
08-06-2010, 04:56 PM
انا استخدمت انواه كثيرة
كلهم سببوا لبنتي امساك وتجريع
من بينهم بريمير كير ازفت وأسوأ نوع
وهيب ونوفلاك ونان وفيميل لاك وانواع كثيرة
وناسبها السميلاك لاامساك ولابطيخ وللحين اتسخدمه لسى ماكملت سنه
بس تكمل سنه بترك الحليب الصناعي وبستخدم لها حليب طبيعي
المطرود كامل الدسم لانه مغذي ومقوي ويفيد حتى في تقوية الذاكرة

ماهمني
08-06-2010, 10:55 PM
انا مازلت على سيميلاك واليوم بنتي كملت الشهررر

والله يوم امساك ويوم اسهال وهي على طول ترجيع حتى من الطبيعي

شسوي معاها

coconut-4
15-06-2010, 09:21 PM
هلا ماهمش

اني ولدي كان مثل بتش بالضبط ترجيع بشكل مو طبيعي
ووصف لي الدكتورذ

coconut-4
15-06-2010, 09:25 PM
اوووووووووو من ولدي ضغط ونرسل
وصف لي الدكتور نوفالاك لأن فيه انواع للترجيع والانتفاخ والإسهال وغيره
واستفاد عليه مرة لأن ولدي كان عنده غازات واااااااااجد فعشان كذا كان يرجع
وخف بشكل ملحوظ مع الاستمرار عليه
بس ولدي الله يهديه رفض الصناعي من السابع
وهو كان ضعييييف مرة والحين شفتي وش حلاته

(وردة)
12-03-2011, 10:43 PM
رفع للفائدة ....

إم عبود
13-03-2011, 01:37 AM
أنا استخدمت سيميلاك وما عجبني
وبعدين رونالاك مره تمام

روزا
13-03-2011, 02:41 AM
استخدمت ولدي نان وكان كله ترجيع وغازات
غيرته لرونالاك
مررررررررررررة تمام

قطعه سكره
13-03-2011, 03:26 AM
جربت لبنتي من وصفة الدكتور رونالاك اول حق المغص وبس خلص للي للمغص ارجع لرونالاك 1 وماشاءالله ارتاحت له واااجد
والحين قريب اخلص رونالاك 2 واخد روناجرو لعمر سنة

(وردة)
13-03-2011, 08:55 AM
اني كنت استخدم سيميلاك و سبب لها امساك
رحت الى الدكتور و كتب لها نوفلاك حق الامساك
صار لي يومين استخدمه

نزف الحروف
14-03-2011, 01:48 AM
انا مازلت على سيميلاك واليوم بنتي كملت الشهررر

والله يوم امساك ويوم اسهال وهي على طول ترجيع حتى من الطبيعي

شسوي معاها

بنت اختى مثل بنتك
استخدمت لها رونالاك لان رونالاك نباتي

ثانى شئ منوعوا اختى من انها تشرب حليب او لبن وبسرعه تحسنت بنتها
بنتها ترجع ترجيع غريب كأنها وحده كبيره يعنى ترجع كميه

بشاره
14-03-2011, 04:34 AM
استخدمت اول شي نوفالاك وفاد ولدي عدل لانه قريب لحليب الام وخفيف جدا
بس ماادري ليش انطفقت على راسي وغيرته لنان وسبب اسهال لولدي ذبحه زين الله سلمه
ورديت رجعت لنوفالاك
بس من كم اسبوع شفت حليب كيكوز 2 من نستله مدحته ليي وحده
وجربته مرة حليو حتى اخف من نوفالاك والحمد لله ناسب ولدي.

أم رؤى
14-03-2011, 09:03 AM
نزف الحروف
منعوا اختش نفسها من انها تشرب حليب او لبن؟
خف الترجيع عن صغيرتها؟ وليش منعوها تشرب حليب او لبن؟؟


وتنصحوني آخذ نوفالاك؟؟
فيه نوع ضد الارجاع؟؟

لأن بنتي ترجع بشكل مأساوي؟!

حزن المطر
14-03-2011, 10:21 AM
أني أستخدمت نوفلاك وبعدين غيرته أستخدمت بليميل بلس وماشيه عليه

احبه مووت
15-03-2011, 03:30 AM
كنت استخدم لبنتي سيملاك مرررة تمام
والحين سنه وشوي استخدم نيدو

ام جودي
15-03-2011, 07:56 AM
كنت استخدم بليميل بلسس كان حلو وغيرته الى رونالاك ولا تقبلته بنوتتي والحين سيميلاك وماشيه عليه الحممد لله وان شاء الله يزيد وزنها علييه يقولو يمتن

الفراشة الحمراء
15-03-2011, 09:02 AM
اول ماولدت استخدمت سوبراميل

وصاد ولدي امساااااااااااااااك بالخمسه الايام مايسهل

ورحنا به المستشفى وكتب له الكتور

بليميل بلاس

ومررررررررة تمام

^_^

تحياتي

ناقد محترف
15-03-2011, 09:59 AM
اني جربت لبنتي ثلاث أنواع حليب

أول شي يوم ولدت بنتي قيصري حطوها في الحضانة و كانو يرضعوها سيميلاك
و أني عفر على عماها ما أدري
يوم طلعتها من المستشفى شريت ليها بيبيلاك عل اساس امي ترضعنا ايه و احنا صغار
و بنتي على قلبي جاها امساك فضييييييييييييييييع

رحت بها المستشفى و الدكتورة عطتني نوفالاك الخاص بحالات الامساك
و أستمريت عليه ثلاثة أشهر مع أن العلبة غالية الله ياخدهم

و تالي راسي و ألف سيف الا أغير حق سيميلاك
لأن بنتي حدها ضعيفة و لا راضية تمتلي و أدري ان سيميلاك ثقيل شوي
علشان كده فيه اطفال ما يتحملوه

بس زبط ويا بنتي و راح عنها الامساك نهائياً و صارت تمام
و مالحقت افرح بخدودها شوي الا جا وقت التطعيم و المرض و تالي الاسنان
و الحبي و الشغلات هادي رجعت عسموق (( ضعيفة )) و الله قهر

و فيه شي ثاني بعد مرة و أني رايحة أطعمها جتني مندوبة مصرية حق حليب رونالاك
و هاك تمدح في حليبهم و قالت لي على سالفة الخنافس اللي لقوها بسيميلاك و ان صناعته امريكيه
و كدا يعني بس اني راسي يابس ولو ويش ايصير ما بعطيها غيره

رحت البيت و أسوي سرش= بحث عن حليب رونالاك
و أشوف ديك الحرمة اللي تتحسب عليه

تقول كانت مداومة عليه و تالي بنتها تأخرت في المشي
يوم ودتها المستشفى قالو عظامها لينة لأن حليب رونالاك مافيه فيتامين د d كفاية
و اذا ما طلعتيها في الشمس يعني بلوة


المهم ادري طولت بس حبيت افيدش و كل ياهل يفرق عن الثاني من ناحية التقبل للحليب
بس اذا شفته يقدف و مو مرتاح او منهد مرة غيري له الحليب

الذوق الرفيع
15-03-2011, 10:30 AM
اني استخدم رونا لاك وماشي تمام مع بنوتتي الحمدلله

سِمات
15-03-2011, 03:58 PM
بليميل بلس ..


:)

سحر المعاني
15-03-2011, 11:02 PM
بالنسبه لي استخدمت لبناتي سيميلاك اول شيء صار فيهم امساك وترجيع .

بعدين بعدين عطيتهم فبي ميلك مره ناسبهم وعدل بطنهم هههههه

واللحين استخدم حليب نيدو بصراحه مرتاحه منه جدا جدا بناتي من اول ماجبتهم وهم فيهم امساك لما استخدمت فبي ميلك خف بس يجيهم من فتره لفتره بس اللحين الحمدلله الحمدلله مرتاحه من النيدو طبعا بعد مايصير عمر الطفل سنه ياخذ نيدو لانه يغذيهم ويعطيهم فيتامينات ...

شكرا لصاحبه الموضوع ..

نور الغلآ
16-03-2011, 12:50 AM
استخدمت الى اطفالي نان

دلوعات
16-03-2011, 04:13 AM
افضل شي نيدو

زهرة اللوتس للتصوير
16-03-2011, 01:44 PM
انا استخدم رونالاك
كويس معاها
والحين عمره سنه
حابه اغير الى النيدو