المساعد الشخصي الرقمي

مشاهدة النسخة كاملة : ياأمهات محتاجه خبرتكم



الابتسامه الحلوه
14-06-2010, 11:37 PM
السلام عليكم احبابي.....
عندي استفسار بسيط بخصوص الروضات
من خلال تجاربكم اي افضل روضه عجبتكم وحسيتوا بأهتمام لأطفالكم من حيث التعليم و......
انا في بالي روضه الرواد االصغار اسمعت عنها في المنتدى وقلت باروح اشوفها بنفسي
بس اذا عنكم روضات غيرها وتحسوها افضل رشحوها ليي

بس لاتقولوا روضه الطفل السعيد لأني شايلتنها من راسي

لاتبخلوا عليي بخبراتكم..... ورحم الله والديكم مقدما


ودمتم بود

ام جنى 3040
15-06-2010, 01:51 AM
تصدقي خية الامس كنت افكر انزل نفس الموضوع
لاني جربت روضتين و ما عجبوني ابد
وحدة يركزو بس في المهارات و الانجلزي و العربي ابد ميح
و الثانية ما عندهم مهارات و لا يراقبو الاطفال كثير
يعني ممكن يتركوهم فترة بدون معلمة
و تعرفي بعض الاطفال مش مربين فتصدر منهم تصرفات مش ولابد
و داني ادور
انا رحت روضة ابتسم بالمزروع عجبتي و احتمال اسجل بنتي هناك
روحي و شوفيها خية

و ياريت لو الامهات يفيدونا بعد اكثر
و شكرا على الموضوع خية

الابتسامه الحلوه
15-06-2010, 02:38 AM
هلا غناتي
اولا:مشكوره ع الرد خيه وشكله مافي امهات في المنتدى الا انا وانتي:)
ثانيا:ليش ماتدكري اسم الروضتين اللي وديتي فيهم اطفالك عشان الكل يستفيد واذا مو حابه تكتبي ارسليهم لي ع الخاص عشان لااتورط واودي طفلتي فيها

طيب خيه شي ثاني ارسلي ليي رقم روضه ابتسم وهل هي مبنى او شقه وهل شفتي تعليمهم بنفسش لو سمعتي بس؟
وماسمعتي بروضه الرواد الصغار هي معانا بالمنتدى وحاطه الأعلان واتصلت ليها ومدحتها ليي كثير بس ماابي اودي طفلتي اي مكان ابي مكان امن وفي نفس الوقت تعليم عالي جدا

هدرت وااجد:d

ولاشكرا ع واجب

الابتسامه الحلوه
15-06-2010, 02:43 AM
اسمحي ليي خيه مااقدر ارسل ليش ع لخاص

مشكووووره غناتي وماقصرتي
اذا ماعليش كلافه ارسلي ليي رقم روضه ابتسم مع اني اول مره اسمع عنها اسمعت عن وحده بنفس الأسم في القطيف
وياريت الأمهات يفيدونا

ملاك الغرام
15-06-2010, 04:10 AM
وأنا بعد مثلكم ابحث عن روضه بمواصفات جيده من حيث التعليم والأسلوب والتعامل مع الأطفال وتربيتهم التربيه الصحيحه يعني مو بس تعليم وحفظ وقرقر وهدره
ياليت ياأمهات تفيدونا

ام جنى 3040
15-06-2010, 04:18 AM
ارسلت لك خية على الخاص

ليال/ام سيد علي
15-06-2010, 08:06 AM
انا حاليا سجلت بنتي بروضة الانوار بتركيا

مرة تمام عجبني اسلوبهم واجد

سٍـُميتك غلآتُـِيُ
15-06-2010, 05:59 PM
..انا اختي مدرسه في روضه الانوار في تركياا .. والحمدالله ختي مرتااحه معااهم ومعلمات اخلاق حتى المديررره ويهتمو بالطلاب يعني انا اشوف اختي كيف تتكلم عنهم ..

نواررر
15-06-2010, 08:49 PM
السلام اني مثلكم حابة روضة لبنتي مهتمين و تعليمهم على مستوى
سمعت عن روضة دار القران لابتهاج الاسود مدحوها واجد بس لسه مترددة .........
ام جنى و يش الروضات اللي وديتي ليها بنتش و ما عجبوش؟؟؟؟؟؟؟؟؟ ردي علي بسرعة

ملاك الغرام
15-06-2010, 09:09 PM
هلانوار اذا ماعليش كلافه ارسلي ليي رقم روضه دار القران وهل هي مبنى لو شقه
وانتي رحتي شفتيها بنفسش وعجبتش لو بس اسمعتي عنها

الابتسامه الحلوه
15-06-2010, 09:18 PM
هلا احبابي مشكورين ع تواجدكم في صفحتي
ومشكوره ام جنى هذي الروضه اسمعت عنها بس استغليتها ب3000 وشوي
يامهات محتاجين مساعدتكم عطونا من خبراتكم قبل لااسجل طفلتي

نواررر
16-06-2010, 01:04 AM
هلا ملاك الغرام
روضة دار القران سمعت عنها بس ووحدة من قريباتي ودت ولدها وتمدح فيها واجد
هم كانوا في شقة و بينقلوا الى مبنى افاق المستقبل في المنيرة وبيكون فيه صيفي للروضة تقريبا بعد الاختبارات ان شاء الله باروح و اشوف بس ابغى ناس ثانيه تمدحها عشان اشجع و اسجل بنتي فيها

لعيون حبيبي
16-06-2010, 03:18 AM
اني بكره بسجل بنتي في روضه ابتسم في المزروع
الكل يمدحها .. وتعليمهم على مستوى .. ورحت شفتها بيت كبير وفيه قبو بعد

بنت عمي ودت بنتها السنه الي فاتت واشوفها استفادت واجد
وراوتني جدولهم الاسبوعي .. واوراق عملهم .. حسيتهم مهتمين
صحيح سعرهم غالي .. بس شسوي التعليم حاجه الواحد عادي لو دفع فيها واجد ..
كما انها اساس للمدرسه بعدين.
وانشاء الله خير

بنت مهدي
16-06-2010, 05:08 AM
اللة يعينكم صحيح الواحد يتعب شكلهم المدارس اريح

نواررر
16-06-2010, 12:26 PM
ممكن رقم روضة ابتسم و ين يصير مكانها بالضبط من المزروع؟؟؟
و بكم السعر 3000 ريال شامل المواصلات و المريول لو كيف؟؟
وهل التسجيل لسه ما اكتمل العدد؟؟؟وهل مكانهم بيت كامل للروضة لو مستاجرين جزء ؟؟؟
طولت عليكم ......... اللي عدها معلومات ترد رجاء وشكراااااااا

ام جنى 3040
16-06-2010, 05:20 PM
رقم الروضة خية 8540222-8540111
و السعر ما يشمل المريول و الموصلات

الابتسامه الحلوه
16-06-2010, 07:57 PM
مشكورين حبايبي ع تواجدكم في صفحتي وابداء ارائكم
يعني حاليا الأراء ع روضه ابتسم
يالله يامهات اعطوني من خبراتكم.......ومنكم نستفيد

لعيون حبيبي
16-06-2010, 10:58 PM
هلا اخواتي .. اليوم سجلت بنتي
في روضه ابتسم في المزروع على الشارع جنب حسينيه الرسول الأعظم
سعرها 3180 مع المريول وشنطه والكتب والوجبه طبعا
مع المواصلات تزيدي 300 ريال .. ادري انها غاليه بس انشاء الله تكون قد الكلام والمدح الي سمعته عنها .
تدريسهم رائع .. منهجهم متقدم ونظامهم نظام الفصول
يعني الاطفال يدخلو كلاس حاسب واذا خلصو يروحو كلاس انجليزي واذا خلصو كلاس رسم .. او مسرح .. او .. او
مايجلسو في مكان واحد .. يعلموهم ايضا قران واصول الدين.
انا عجبتني بس انتو تقدرو تسألو اكثر
اخر موعد للتسجيل 15 رجب .. لسى ماكتمل العدد
وارقامهم حطتهم وحده من الأخوات فوق.
واي أستفسار اسألو ماعندي مانع لاني سألت عنهم واجد .. ورحت شفتها مرتين
يمكن اقدر افيدكم :)

ام جنى 3040
17-06-2010, 01:27 AM
بعد بنات روضة ابتسم فيها حضانة يعني الامهات اللي يعملو او يدرسو
يقدرو يسجلو اطفالهم هناك و الحضانة الى الساعة 6
انا بنتي بسجلها حضانة بعد الروضة الى 3.30 يعني 3 ساعات يطلع 1500 و مع وجبة غداء يصير 2220
يعني يطلع كلة5400
صحيح يطلع غالي اشوي بس ما لقيت روضة و حضانه بهدي المميزات
اللي تعرف روضة كويسة و ارخص اشوي تفيدني و ياريت قبل السبت
لاني السبت بسجل بنتي
لا يكتمل التسجل و ما ياخدوها

لعيون حبيبي
17-06-2010, 01:59 AM
يالله خيالي المبلغ
هذا كل تيرم ؟؟
الله يعينك خيوو
حاولي تدوري غيرها وانشاء الله الأخوات يفيدوك *_*

ام جنى 3040
17-06-2010, 02:29 AM
ان شاء الله البنات يساعدوني
لا وازيدك خيو انا بسجل بنتي و ولدي يعني اثنينهم بصير مررة واجد

نعومة الصفا
17-06-2010, 11:30 AM
اذا احد منكم عنده معلومات عن مناها الابداع في الناصرة او جربها يفيدنا

الابتسامه الحلوه
17-06-2010, 04:10 PM
طيب بنات
ايش رايكم في روضه الرواد الصغار ؟
مين وده طفله فيها واي افضل الرواد اودار القران
اعطوني رايكم رحم الله والديكم

ام جنى 3040
17-06-2010, 11:07 PM
وينكم امهات
ساعدونا رحم الله والديكم

لعيون حبيبي
18-06-2010, 03:46 AM
اتمنى الاخوات يفيدوكم
انا ماعندي خبر عن روضه الرواد الصغار ولا دار القران !!!!

ليال/ام سيد علي
18-06-2010, 09:47 PM
ماسمعت عنهم للاسف *_^

ملاك الغرام
18-06-2010, 10:06 PM
يابنات طيب وين تودوا خواتكم وتحسوا روضاتهم تمام

افيدونا الله يرضا عليكم وينولكم مرادكم

تراتيل روح
19-06-2010, 01:11 AM
اخواتي اللي تكلمو عن روضة ابتسم تقصدو السعر لتيرم صح ؟

تراتيل روح
19-06-2010, 01:12 AM
اخواتي اللي تكلمو عن روضة ابتسم لتيرم صح ؟؟؟

تراتيل روح
19-06-2010, 01:13 AM
اخواتي اللي تكلمو عن روضة ابتسم السعر لتيرم صح ؟؟؟

ام جنى 3040
19-06-2010, 01:45 AM
اي خية صح يعني السنة تصير 6000 و شوي

نواررر
20-06-2010, 06:58 PM
روضة مناهل الابداع سمعت عنها
بنت حماتي كانت هناك و تقول حليوة بس هذا الكلام من سنتين ؟؟؟؟؟؟؟؟؟
يعطوهم اشياء مو زي الروضات الثانية زي تجارب الاحماض و القواعد بشكل بسيط بورق تباع الشمس و يستخدموا طرق جديدة للتعليم زي يعطوهم واجب في صفحة جريدة يحطو دائرة عللى الحرف اللي يدرسوه و هيك شيء؟........................
بس كانها زي ابتسم ب 3000 ريال

نواررر
20-06-2010, 06:59 PM
الاسبوع الجاي باعمل زيارة لروضة دار الفران واعطيكم اخر الاخبار ............

نواررر
20-06-2010, 07:00 PM
خطا مطبعي دار القران في مبنى افاق الشرق بالمنيرة

ام جنى 3040
20-06-2010, 07:31 PM
مناهل الابداع صحيح تعليم المهارات عندهم روعة
لكن ما يعلمو الحروف و الكتابة الا شي بسيط جدا
يقولو هدي الاشياء يتعلموها في المدرسة فما يركزو عليها مع الاطفال
انا عن نفسي ابي اهتمام في الاثنين التعليم و المهارات

نواررر
20-06-2010, 08:02 PM
خية ام جنى ابتسم تهتم بالاثنين التعليم و المهارات؟؟؟؟؟؟ لو بس تعليم
لو تركز على التعليم و عدها مهارات شوي؟؟

نواررر
20-06-2010, 08:03 PM
مناهل الابداع في الناصرة فيه و في الابداع روضتين مختلفتين اللي اتكلم عنها مناهل الابداع هي اللي تقصديها خية؟؟؟

ام جنى 3040
20-06-2010, 08:41 PM
انا اقصد مناهل الابداع
ابتسم تهتم بالتعليم و المهارات لكن مو مثل مناهل الابداع
لكن احسة مناسب بالنسبة الى اطفال

نواررر
25-06-2010, 05:21 PM
خية الابتسامة الحلوة ما خبرتينا اي روضة اخترتي

أم ولودي
26-06-2010, 04:14 AM
اشوف خواتي يتعاملو مع روضه جمعيه القطيف في الناصره

رحيق مختوم
26-06-2010, 04:15 PM
فعلا انا محتارة
اختي كانوا اولادها بروضة القطيف النمودجية مرة استفادوا اولادها بس ملاحظتها ان حسب المدرسة يفرق
ومدحوا اللي روضة التميز او الطفل المميز قالوالي انها عند مركز ابن سينا لطب الاسنان
انا محتارة فارجوا ممن يعرف عن هالروضتين ينصحني مشكورة

ام جنى 3040
26-06-2010, 08:21 PM
انا بنتي كانت في روضة القطيف النموذجية ما يعلموهم الحروف باهتمام ابد
حتى بنت خالتي اتخرجة منها تخربط في الحروف
و ركزو على الانجلزي اكثر من العربي بكثير
يعني كانو يعلمو بنتي 3 حروف انجلزي و لا حرف عربي الين قرب السمستر يخلص عطوهم كم حرف
و رقم واحد و اثنين و ثلاثة بس
لكن يهتمو بالمهارات
و حتى المهارات حسب المدرسة
بنتي معلمتها كانت لابس بها تهتم
بنت خالتي كانت ما تدقق معهم ابد

رحيق مختوم
29-06-2010, 12:58 AM
الف شكر عزيزتي أم جنى على الرد ما قصرتي
شكلي قررت على روضة الطفل المميز
ابغى اعرف عنها اكثر
وبعد بكلمهم هاليومين
تسلموا حبايب

فراشة الربيع
19-09-2010, 11:34 AM
خواتي أني سجلت بنتي في روضة منارات القطيف ماشاء يهتموا بالأطفال و تعليمهم بضمير ما يطلع الطفل الا عارف الحروف و عندهم أركان بعد
طبعا من تجارب أطفال عائلتنا أغلبهم درسوا فيها و ماشاء الله الكل يمدحها و أسعارهم حلووه مرره
نزلت أعلانهم بالمنتدى دراستهم راح تكون من العصر إلساعه 3 إلى الساعه 6 و نصف
هذا الموضوع شوفيه و أتمنى اكون أفدتكم
و لا تنسونا من الدعاء
http://3roosqatif.com/vb/showthread.php?t=60290 (http://3roosqatif.com/vb/showthread.php?t=60290)

اوتار السحر
14-10-2010, 01:42 AM
طيب من منكم سمعت عن روضة افاق الطفوله ؟؟؟؟؟ وويش رايكم فيها ؟؟؟؟؟