المساعد الشخصي الرقمي

مشاهدة النسخة كاملة : ديكورك علينا[ استفسارات]~>



برقع ذهب
10-07-2010, 01:12 AM
http://www.al-wed.com/pic-vb/823.gif

صباحكم / مسائكم
جوري وفل وياسمين

كثير منا يحتار وهو يبني مملكته الخاصه واصعب مافيها هي لحظة التزيين

حبيت نساعد بعض ونكون يد بيد

من خلال هذا الموضوع

الي راح يكون لجميع الاستفسارات حول الديكور والتصميم الداخلي للمنزل

من اصغر شيء في البيت الى اكبر شيء

الصبغ- الكنب- فرشة النوم- الجبس او الديكور- الارضيه- السجاد- الممرات - المكتبات

كل شيء محتاره فيه راح نحاول قد مانقدر نساعدك فيه


طبعا من الشروط:

1]ممنوع تكون الردود[موفقه- يسلموا على الطرح- موضوع جميل ... الخ الخ]
لان هدفنا المساعده وليس زياده عدد المشاركات يابنات:rolleyes:

2] حابه تكون تشاركني روح كوكو في هالموضوع لان موضوعها شاركينا في بيتك بينت لنا جميعا عن ذوقها الرفيع

3] ممنوع تنحط روابط لمواقع ثانيه عن الديكورات او حتى مواضيع من القسم

4] لكل عضو او عضوه استفسر/ت ماعجبها الديكور الي انوضع او الفكره الي عطيناها اياها ترجع وتطلب مره ثانيه وتقول مو هذا الشيء الي في بالي



انتظر استفساراتكم

لكم خالص ودي...~

http://www.al-wed.com/pic-vb/823.gif

روح كوكو
10-07-2010, 10:43 AM


فكره ولآ أروع وبمآ أنآ الموضوع اللآخر صآبهـ نوع من الفتوور,’

موضوع جميلجداَ ..

لـي عودهـ مع أول ديكور ورآح يكون الى الصآلهـ living room


brb


,

روح كوكو
10-07-2010, 12:59 PM
||| بآإك |||






أولاً رآاح أبدأإ بـ الجدرآن ...




الخآإرج عن المألوف...


,

أعجبتني طريقة المربعآت رغم بسآطتها
أراهآ معقده ممآأضفى شيئ من السحر
وخآصه الأضأه الصفراء المنعكسهـ

,


http://www.homedit.com/wp-content/uploads/2009/01/contemporary-wall-units-and-storage-systems-acercbis-italian-furniture.jpg






شيئآ من الغرآبه لكن فعلا جميل..:)

http://www.prettypatrol.com/design/modern-wall-graphics-decals.jpg




هدوء لآمتنآهي ;) فعلا أبدآآع,’


http://www.invitinghome.com/wall-decor/wall-decor-pic/modern-wall-decor.jpg



,


ألوان ترآآبيه ,’ أحسهآ تنفع للمرآات..



http://www.invitinghome.com/home-decor/home_decor_pic/art_deco_res.jpg



,

قمه في الأنآقهـ :cool:


http://www.designitalia.com/designitalia/PICTURES/WALL%20UNITS/snew_10g.jpg



:

ملكية الأسود’


http://www.decoration-pic.com/uploads/allimg/2008-12/22144356-2-14F5.jpg



,


روعـه الألوان الأساسيهـ

,


http://www.momoy.info/uploads/interior-design/September-2008/wall-mounted-2.jpg



,


http://www.tanglouie.com/yahoo_site_admin/assets/images/IMG_1028.326235238_std.JPG




بـرب

روح كوكو
10-07-2010, 01:13 PM
بآكـ

منوع~



,



رآقـي:D



http://myfortunekitty.com/wp-content/uploads/2008/03/dscf2001.JPG





لمسآت جمآليه :rolleyes:


http://cookefamily.org/living%20room%20wall2.JPG



,


http://cookefamily.org/DSC_0243.JPG


,


أصفر:)


http://www.idealhomemagazine.co.uk/inspiredecor/gallery/d/1923-5/IH-wall-3.jpg




أبيض وأحمر وآو ..:eek:


http://mochihome.com/wp-content/uploads/2009/06/euro_livingroom1.jpg



:

حلوة الألوان حبيته هوونِ..


http://www.gharexpert.com/mid/1125200863541.gif




,


لعشآق الزهري..:o


http://www.idealhomemagazine.co.uk/inspiredecor/gallery/d/2029-7/tropical-colours.jpg




,



كثيرا منآ يعشق الموف..~


http://inhometrend.com/wp-content/uploads/2009/10/living-room-with-pink-color-sofa.jpg



,

ورد وردي:D


http://lh6.ggpht.com/_9sGk5360YrQ/S1X9Y0qdXYI/AAAAAAAAEmc/lL1dsxQD19k/Country%20Style%20Living%20Room%20Decoration4.jpg



,


احمرز,,


http://inhometrend.com/wp-content/uploads/2010/02/Bright-living-room-design-idea.jpg



,


شي جنآن


http://trendfunnel.com/wp-content/uploads/2009/09/morrocan-living-room-decoration-style.jpg

روح كوكو
10-07-2010, 01:16 PM
أذا حصلت تفآعل رآح أكمل ان شالله

ادعو ليي بالموفقيه

وعد حسن
10-07-2010, 01:18 PM
اللهم صل على محمد وآل محمد

رقة مشاعر
10-07-2010, 05:44 PM
خيوو برقع يعني نحط صور ديكورآآآتـ
ونعلق بس
برجـع بعــــدين.... * _^ ok

برقع ذهب
10-07-2010, 11:53 PM
لا ياقلبي :)

مثلا انتي عندك ممر او مدخل بيت ومحتاره كيف تزينيه

واحنا نعطيك افكار

هيك :) عرفتي

او مثلا حطيتي سيراميك بس محتاره وش تصبغي اللون


~~~~ استفسارات~~~~~

رقة مشاعر
11-07-2010, 11:45 AM
آهــا ....فهمتـ
استفساري يقووول

اوكي انا نافذه غرفة النووم مرره كبيره وبشكل مستطيل والنوافذ الزجاجية جاي مثل شكل مضلع عن الزاويتين ومطله عالشارع مشمسه يعني....تطل على جهة الشرق

وفيها حركة زي مدري كيف اوصفها ...يعني النافذة مو جاية سيده عالجدار فيها مثل الرف زي هذي
http://albeet.hawaaworld.com/sites/albeet.hawaaworld.com/files/albeet/fckeditor/%D9%86%D8%A8%D8%A7%D8%AA%D8%A7%D8%AA-%D8%AA%D8%B2%D9%8A%D9%86-%D8%A7%D9%84%D9%86%D9%88%D8%A7%D9%81%D8%B0.jpg
شوو يناسب لها من ستاره ..قماش ...و موديل انا بدي شي ناعم وقماش ناعم ايضا
؟؟؟؟

وسلامتكم

روح كوكو
11-07-2010, 12:32 PM
حبيبتي انا رحت أيكيا مره جميليييييييييين

في منهم مشكلين و في منهم الساده بالألوان مختلف :)

رقة مشاعر
11-07-2010, 01:27 PM
روح كوكـو
انتي تقصديني ..؟؟؟
يعني رحتي ايكيا وشفتي ستائر جاهزة.... ________.....>>> ولامره راحتـ
كيف الاسعار؟؟

شكرا لكـ ِ

السديم
11-07-2010, 08:31 PM
اممم استفسااري يقول
عندي نافذه الصااله تطل على بيت الجيران شنو الشكل اللي يناسبهااا ... هي حاليا 3 مستطيلات جنب بعض والمستطيل اللي بالوسط هو اللي ينفتح بس ..
برايكم اغير الشكل او اخليه ...

برقع ذهب
12-07-2010, 02:42 AM
رقة مشاعر

بما ان شكل النافذتين جنب بعض وفي تحتهم الصندوق

فأحس ان يبي لها ستاره مافيها شغل كثير ويكون قماشها خفيف [ شيفون مثلا]
وسوي فيها حركه زي كذا مره حلوه

http://forums.graaam.com/up/uploaded18/492595_21249084761.jpg
في هالحاله لازم تظلليها تظليل كاتم عشان لاتكون اشعه الشمس قوية داخل الغرفه

او اذا كنتي تبين قماشها ثقيل تقدري تسوي زي هذا [ احسه يناسبس صاله او مجلس اكثر :)

http://www.annarodedesigns.com/Roman4.jpg


او ممكن تخليه مخمل وداخله شيفون وتسوي زي كذا الحركه الي فوق حركه الحديد بما ان شكلها مو مربع النافذه
http://photos.azyya.com/store/up2/090113235704BQsl.jpg

وهذه كمان حركه تناسب النافذه بس لاتخلي الرافعات بهالشكل خليها بهذا الي يسحب على جنب الخيط

http://www.ibtesama.com/vb/imgcache/26203.jpg

برقع ذهب
12-07-2010, 07:15 AM
السديم ..~

فكرة الـ 3 نوافذ ترى خطيره انصحك ماتغيريها

اما اذا عشان انها تظل على بيت الجيران
عندك كذا طريقه تقدرين تتفادين [ المواقف المحرجه ونظرات الاختلاس p: ]

اما انك تحطين فيها تطليل ويكون مو التطليل الاملس لان حتى لو كان غامق يبين في الليل مع تشغيل الانارات داخل البيت في نوع تطليل يكون زي المتموج يشبه الزجاج الرملي وتقدري تركبي زجاج رملي بدل الزجاج الاملس :)

او انك تحطين ستاره مثل كذا تكون مفصوله كل جزء عن بعض وتفتحين بس الجزء الي بالوسط لو حبيتي تسوي للصاله تهويه بالليل

http://www.housetohome.co.uk/imageBank/g/Green-living-room.jpg


دمتي بود..~

روح كوكو
12-07-2010, 12:51 PM
أإيوه يالغلآ أقصدك ..,

أيكيا مرهـ جنآن وأسعارهم مش غآاليه أبدا

من 300 واقل وفيه اكثر,,’

بس مودرن وفيه منهم المورد والمزخرف والسآدهـ

رقة مشاعر
12-07-2010, 01:39 PM
برقع ذهب يعطيك الف عافيه ياقلبي ....
ماقصرتي والله
الله يسعدكـ

رقة مشاعر
12-07-2010, 01:40 PM
روح كوكــو

هلا حياتي ....

ربي يسعدك .....مشكورة على المساعدهـ خيتوو

لجين فرحة حياتي
13-07-2010, 12:25 AM
موضوع يجننننننننننننننننننن حده مشكوره برقوعه وروح كوكو على تعاونكم الجميل معا الاعضاء

بقولكم عن صالتي وابغى نصائحكم بداية صالتي حالها حال القبر ظلمه لانافذه ولاشي برسلانها بني

غامق على فاتح وشوية رمادي المهم طينتها بصبغي ليها بني واني الحين جالسه افكر شنو اصبغها

رمادي لو بيج رحت جوتن وجبت الكتالوج وخفت اختار الرمادي وتطلع الصاله ظلمه بعد

نسيت اقولكم واضاءتها منتهيه سبوت لايت من لصغار انتو انصحوني شنو اعمل من صبغ واثاث

عندي اطفال <= ركزو عليها لاتختارو لي الوان فاتحه من الاثاث او الصبغه المطفيه

واتمنى احط حجر في جدار من الصاله والممرات .....انتظر نصايحكم وشنو يناسب لصالتي

اتمنى تدعمو لي نصائحكم بصور ولو حبيت اضيف لون جريئ شنو اختار ...اتمنى ماتعبتكم بطلباتي

والله يتمم ليكم على خير وتترسو شققكم كلها يهاااااااااال

سـوسـوهـ
13-07-2010, 12:26 AM
بناااااااات سؤااال ...
صالتي مفتوحة ع الصاالة الصبغ ابيض والمطبخ اسود كيف اسوي لون الكنب ...؟
افكرر في الأحمر وش رايكم ...؟

لجين فرحة حياتي
13-07-2010, 12:28 AM
نسيت اقولكم القوس الا في الصاله حابه احط له حركة مثل الستارة يعني خيوط او اي شي

وش رايكم وميزانيتي 10.000 من صبغ وجلسه وتلفزيون ومكيف سبلت .تهقون بيكفي هذا

كله وبعد ابغى حجر وخرابيط ههههههه

برقع ذهب
13-07-2010, 01:38 AM
سوسوهـ


بما انه المطبخ اسود والصالة بيضاء
اذا كان السيراميك ابيض او لونه فاتح جدا خلي الكنب اسود والاكسسورات حمراء
http://www.simplybedrooms.com/product_images/triton%20sofa%20bed%20sofa%20black.jpg


في لبمات عموديه مودرن لونها احمر في هوم سنتر بحدود 100 ريال ( يشبه للي في الصوره الي فوق بس عكس صاير يعني كان الاطار معكوس عن هذا واصغر بشوي)

وشفت كمان لمبه حمراء كانها شجر 400 وشوي وخطير شكله :)


كنب احمر
http://www.interiornation.co.uk/images/PenthouseRedLivingRoomSet1222157440.jpg


http://slimages.macys.com/is/image/MCY/products/7/optimized/454267_fpx.tif?bgc=255,255,255&wid=327&qlt=90,0&layer=comp&op_sharpen=0&resMode=bicub&op_usm=0.7,1.0,0.5,0&fmt=jpeg
الزيبرا مع الاحمر خطير :rolleyes:
وهذا اكثر شيء عجبني من ناحية القماش والديزاين للكنب :cool:
...~>
http://decor.elaana.com/elaana-full-798583985.gif
شرايك؟؟


دمتي بود...~

لجين فرحة حياتي
13-07-2010, 01:45 AM
يؤ يؤ يؤ برقوع وين ردك على استشارتي اني قبلها ومن سبق ليق ....امزح وياك

شوفي غناتي وش رايك بهاللون اقصد الأزرق الفاتح اعتمده
http://www.3sl3.com/up/upfiles/dkq73694.jpg

ولا هذا اللون

http://www.3sl3.com/up/upfiles/XOv72359.jpg

احس نفسي ضعت ماحب اكون كل يوم على راي رسوني على بر رحم الله والديكم والجبس شنو اصبغه وايت ولا بيج .؟

برقع ذهب
13-07-2010, 01:51 AM
غناتي مانسيتش بس قاعدة احضر لج كم ديكور

///

والكمبيوتر زفت تحمليني ومايصير خاطرش الا طيب :(

سـوسـوهـ
13-07-2010, 06:19 AM
ثانكس برقوعة غناااتي ماقصررتي
طيب وش رايك اخلي لون الستارة ...؟

برقع ذهب
13-07-2010, 09:19 AM
لجين فرحة حياتي [ آسفه على التأخير=$]


الميزانية 10 الاف وتبغين تسوين فيه / صبغ- كنب- ستاره- اكسسوارت - حجر
اول شيء عندك ممر وحابة تحطي فيه حجر / الحجر حلوو بس مكلف :) ماادري كم سعره روح كوكو تجاوبك عنه لانها حاطه في شقتها حجر :) وطبعا السعر على حسب شكل ونوع الحجر وكم متر عندك تبغي تحطي فيه
الصبغ قولي 2000- الكنب اذا فصلتيه بشارع التلفزيون او اخدتيه جاهز حده 3500
اكسسورات وزل ولبمات1000
ستاره 500-1000
بلازما صغيره 2000[ كارفور مسوي تخفيض :cool:]
مكتبه للبلازما بحدود 300 من ايكيا
والباقي اذا تحسيه يكفي الحجر والله ماادري كيف اسعاره بس اتوقع يزيد عن 10 الاف


ثانيه حابة تحطي ستاره على القوس ( حلوة الفكره) وبتعطي ديكور خصوصا انك ماتقدر تسوي الوان غوامق في الصبغ :)


الصبغ: افتح درجه في البيج المعروف بـ آوف وايت
خليه بنص لمعه لان المطفي راح يبين البقع عندك واللمعه الكاملة مو حلو بالمره [ رائي شخصي]
http://up.9ll9.com/out.php/i5490_1.jpg


وردي مع بني خطير [ سوي عكس الصوره بما ان الارضيه بنيه خلي الكنب فوشي والخداديات بنيه سادة او بيج ساده وخداديات بني مخطط بوردي] / الصبغ اما درجه فاتحة من الوردي او آوف وايت
http://www.makingarrangementsblog.com/wp-content/uploads/2009/08/Pink-and-Brown-Living-Room.jpg


اذا تحبي تخلي الكنب بني [ ماانصحك] لان بني وبني مارح يبين شكل الكنب وانتي براحتك :)
خلي الصبغ وردي وسوي الكنب الي 3 مقاعد بني وباقي الكنب قماشها فيها الوردي والبني
واختاري درجه فاتحة افتح من درجة البني للبرسلان


http://forum.sedty.com/imagehosting/138627_1271131107.jpg



ازرق وبني [ خطير ودارج هالايام للمجالس والصالات:cool:]


اصبغي ابيض والكنب خليه ازرق وخداديات بني / مع خداديات فيها ازرق وبني وابيض
[ خلي لون الكنب ازرق مو زي الي بالصوره :p بس اعطيك فكره عن تناسق الالوان]
http://imagecache.te3p.com/imgcache/bf941b38c30e949f2fbc672f44725796.jpg


[ moon love اعتذر لاني سرقت صورك كنبك بس مره عجبني :cool:]
....~>
http://up.ql00p.com/files/9htxfsdnpy6gkctp8ext.jpg


بما ان الارضيه بني خلي الصبغ ازرق او بيج والكنب ازرق والخداديات الكبيره بنيه
الكنب الجانبي
http://up.ql00p.com/files/eksmz382l0kxm3tux2uy.jpg


[ الآضاء ]
بما انها سبوت لايت عندك حلين
1/ اما تشتري ثريا كبيره شوي بس شكلها ناعم عشان يناسب شكل الصاله بما انها مودرن
2/ تشتري ابجورات جانبيه مودرن بيضاء وتحطيها بين الكنب [2] وتشتري كمان اضائات صغار
بس اختاري لون الاضاء مو الاصفر القوي ولا الابيض وتخليها جنب التلفزيون او تحت الستاند


لي back

برقع ذهب
13-07-2010, 09:41 AM
back

[ الاضاء]

حطي زي هذه في السقف ولاحظي لونها ابيض عشان تعطي مساحة ووسع للمكان بعكس الاصفر
http://www.comparestoreprices.co.uk/images/sp/spiral-ceiling-light-antique-brass-finish.jpg

الابجورات الجانبية زي ماقلت لك لونها لاابيض ولا اصفر عشان لايصير اللون قوي
وخليها مودرن وتشوفي زيها في ايكيا وهوم سنتر
http://4.bp.blogspot.com/_XGRz6uWGK3I/RauGxr_QGpI/AAAAAAAAALc/UoX7qeEDAxA/s320/light4.jpg

[ الممر]

اذا كان الممر ضيق خلي لونه فاتح وخلي اضائته قوي عشان يبين اوسع
وتقدري تخلي مرايات عشان يعطي شكل / او اطارات او لوحات صغيره بجانب بعض

http://wwwdelivery.superstock.com/WI/223/1764/PreviewComp/SuperStock_1764R-3369.jpg

مرايا
تقدري تاخدي مرايا كبيره بشكل مستطيل وتخليها طولي في الممر خصوصا لوكان الممر فيه مدخل الشقه الاساسي او تحطي مرايات متفاوتة الاحجام جنب بعض او تحطي مرايا فيها شكل حلو :)
http://www.islam.gov.kw/woman/admin/softs/topics/data/upload/1247093256.jpg

الستائر للمدخل

لاتخلي القماش كذا بما ان عندك اولاد :) خليه اما خفيف [ شيفون]مره ولاتسكريه لان ان سكرتيه مع لعب الاطفال خصوصا لوكانوا شياطين:D بيتمزع
اذا كنتي بتسكريه خليه مخمل وشيفون ورهيب يطلع مره تقدري تخليه الشيفون مفتوح والمخمل هو الي على الجوانب زي كذا ..~>
http://www.lunascurtains.com/pics/arch_drapes.jpg

موضه ستاير المداخل بهذا الشكل
http://onlinea1.com/vb/imgcache/4374.imgcache

آتمنى اني مانسيت شيء

دمتي بود ...~

روح كوكو
13-07-2010, 02:54 PM
برقووع مآقصرت فديتهآ ,’..

/

وانا صالتي رمادي نص لمآع وابدا مو غامق مرررررررررررره فاتح
بس بمآ انه البلاط بني ..ازرق الفاتح أحلى ..:)

\
بنسبة للحجر اذا ودك حطيه بالطوف الي يكون فيه التي في مع اضأءه نازله عليه
وخليه يكون بيج وانا راح أرويك صالتي وانتي ورايك ياعمري .,’

\

بنسبه للكنبـ سوسه سويه احمر ,’
ستاره يا ابيض ومزخرف باحمر او اسود..
أو
ستاره سودهـ او ستاره حمرا ومزخرفه ..

:
عندج ثلاث هاللوان ياقلبي ..~

:

لجين فرحة حياتي
13-07-2010, 03:26 PM
يجنن وذوق ماشاء الله ...مشكورين غناتي ورحم الله والديكم نخدمكم في الافراح :)

لي بآآآآآك .....بالتعليق

لجين فرحة حياتي
14-07-2010, 12:57 AM
بداية كل الشكر العميق لااختي برقوعه وروح كوكو ومجهود تشكرو عليه والله انكم اعضاء

مميزين ......صورت صالتي والسيراميك لكن لللأسف مالقيت وصلة اللاب توب :(

بكره ان شاء الله اروح اشوف اسعار الحجر علشان احدد ميزانيتي ....بنوافيكم بالمستجدات

لجين فرحة حياتي
14-07-2010, 05:47 PM
هذا نفس سراميكي بالظبط بس اني فيه شوية رمادي ...اقدر العب في الألوان

http://www4.0zz0.com/2010/07/13/11/861099142.jpg

هذا الكنب عجبني والوانها على مودي بس اخاف اجازف شفتو شلون اني متقلبه ...كل يوم لي راي ..الله يعين هالفقير الا عندي مااخلص الصالة الا باقي الشعر الا في راسه راح

لجين فرحة حياتي
14-07-2010, 05:48 PM
http://i29.tinypic.com/2h3vscn.jpg

برقع ذهب
14-07-2010, 06:02 PM
لجين فرحة حياتي اتوقع درجه البني اغمق
والكنب مره يجنن بس ...~> لونه على رمادي بني ورمادي مش زابطه
الا اذا بتسوي الكنب بني درجه فاتحة بيطلع مع الوردي رهيب وبما انه فيه درجه بيج او ذهبي خفيف خلي الصبغ بيج
عشان يطلع المكان انور واوسع :)
[ الكنب من جد روعه]

ماي عيني
18-07-2010, 03:14 AM
بنااات

في هاليومين أن شاءالله بنبتدي في الصبغ

وعندي سيراميك المجلس رصاصي فاتح ومحتاره ايش اصبغه ولان المجلس بحمامه له مدخل لحال وفيه باب بينه وبين الشقه لان للرجال المهم ان حمام المجس لونه رمادي وبيج واني ابي المجلس اصبغه اسود بس مو كله
بس محتاره كيف المهم اني اريد الصبغ الاسود الابيض او البيج او الرمادي


وش تنصحوني ووش يناسب من هالالوان
وكيف طريقه الصبغ اسويها؟


ياليت بسسرعه لان مافيه وقت افكر فيه

ولائية الهوى
18-07-2010, 04:39 AM
جيتو والله جابكم

يعطيكم العافية يا بنات على المجهود الرائع :D

أنا توني أريد أحط موضوع أبي أراء في الديكور

لأن تونا مخلصين في بيتنا من السيراميك

وجاء دور الأبواب والنوافذ والصبغ والمفروض اختارهم بسرعة :cool:



ونجي لأول حاجة أنا عندي مدخل واحد للبيت يعني فيه ممر ويودي إلى المجلس والحمام معزولين بروحهم
طبعاً محتارة لأني مقرره إني أسوي ديكور المجلس أندلسي بس المشكلة أن الحمام تبع المجلس مودرن :)
نص الجدار ابيض وفيه حزام برتقالي والنص الثاني أسود والأرضية سوداء واخترت أرضية المجلس بني غامق لأن زي ما قلت ليكم أريد أسويه أندلسي فهل عندكم مقترحات لشكل الجبس أو او طريقة الصبغ او غيره
ما أبي معتق ولا شامواة ولا غيره أريد ألوان سادة .... :p
وطبعاً بعد الممر اللي ندخل منه الشقة ندخل على الصالة وهي مفتوحة على المطبخ والغرف أرضية الصالة رمادي غامق وأرضية المطبخ رمادي فاتح جداً مايل للبياض أكثر وكنت محتارة كيف افصل ما بينهم بس
بعدين فصلت بينهم بحزام ستيل أريد مقترحات لجبس المطبخ والصالة وألوان الصبغ وشنو رأيكم هل أسوي جبس في المطبخ عشان الإطلالة تصير أحلى ولا فيه خيار أخر والصالة في السقف فيه ثلاث فتحات عشان
تدخل الشمس في البيت وطبعاً المطبخ نافذته كبيره مره وصايره توصل للأرض فشنو أفضل ديزاين للنافذة
وأريد أسوي ورق حائط في الجدار فكم جدار أسوي فيه ؟؟؟ :confused:
وبعدين راح اخذ رأيكم في باقي الأشياء واي وحده عندها صور إلى أبواب مودرن وأبواب زجاج للحمام
تحط لي الصور لا هانت ... :rolleyes:
ومشكورين مقدماً على المساعدة عزيزاتي .

روح كوكو
18-07-2010, 06:06 PM
لي عوده لررد

ماي عيني
18-07-2010, 07:49 PM
معقووله من الفجر ولاحد رد عليي =(

برقع ذهب
19-07-2010, 09:14 PM
متأسفه على التأخير
بس دوامات وحوسه سوري *.*

طريقه الصبغ: احس الساده افضل شيء
الازرق مع الذهبي جونان [ ازرق حبري والكنب ازررق وذهبي ودخلي فيه نقشات خفيفه من الرمادي داخل الازرق ] عشان يناسب السراميك
اما اذا كنتي تبغي اسود خلي جدار واحد اسود ورق جدران والباقي فضي لؤلؤي

وهذا ديكور اندلسي مره عجبني اخضر- احمر
http://alsary.com/vb/imgcache/2/96292alsh3er.jpg

أماليد
20-07-2010, 01:49 AM
الموضوع مره مره جميل ..

عندي كم إستشارة وإستحملوني شوياااات :o :

أني صبغت غرفة النوم بدرجتين من الوردي { الليدي }

محتارة في الجبس , هل أخليه أبيض أو لا ؟؟

للعلم الجبس رسوماته واااااجد ..

غرفة الجلوس , عندي جدار حجر والسيراميك خشبي و لونه بني غامق ,
وصبغت الغرفة بيج { ليدي كماااان }

محتارة بلون الكنب , شنو برايك ميكون لونه؟؟

وشكرا لكم جميعاً ..

الليدي سنتر
25-07-2010, 07:08 AM
الموضوع مره مره جميل ..



عندي كم إستشارة وإستحملوني شوياااات :o :


أني صبغت غرفة النوم بدرجتين من الوردي { الليدي }


محتارة في الجبس , هل أخليه أبيض أو لا ؟؟


للعلم الجبس رسوماته واااااجد ..


غرفة الجلوس , عندي جدار حجر والسيراميك خشبي و لونه بني غامق ,
وصبغت الغرفة بيج { ليدي كماااان }


محتارة بلون الكنب , شنو برايك ميكون لونه؟؟



وشكرا لكم جميعاً ..


خيتووو كيف شفتي صبغة الليدي حلووة ؟
لاني مقرره اصبغ منها
وياريت تعطيني رقم اللون البيج الي صبغتيه لاني محتاره مع كثر الدرجات ماني عارفه اقرر
واني مثلش مجلسي سيراميك خشبي ولونه غامق
واشتريت كنب من ديموس فرع الخبر
مره مناسب لسيراميك اذا بتروحي تشوفيه واسأليهم عنه لان لسه مانزلوه في العرض
هو في خشب بني محروق والجلسه جلد بيج فاتح وفي خداديات برتقاليه مررره يجننن وفخم
وبالنسبه لجبس برأيي خليه ابيض بيطلع افخم ..

وبالتوووفيق يارب

أماليد
26-07-2010, 05:42 AM
هلا خيتوو ..

الليدي الي إستخدمته بدون لمعه , لحد اللحين ما رحت الشقة بس من الصور الي شفتها مبين إنه حليوو ..

أسألك زجي وارد لك خبر عن رقم اللون ..

خيتو ,, وين يكون ديموس بالضبط ..

وإذا عندك صورة له وما عليك إحراج ورين صورة الكنب ..

{ من كل قلبي شكرا }

والله يوفقنا بحق محمد وآل محمد

الليدي سنتر
27-07-2010, 05:13 AM
هلا خيتوو ..

الليدي الي إستخدمته بدون لمعه , لحد اللحين ما رحت الشقة بس من الصور الي شفتها مبين إنه حليوو ..

أسألك زجي وارد لك خبر عن رقم اللون ..

خيتو ,, وين يكون ديموس بالضبط ..

وإذا عندك صورة له وما عليك إحراج ورين صورة الكنب ..

{ من كل قلبي شكرا }

والله يوفقنا بحق محمد وآل محمد


اهلييين :)

اني بعد ابغاه بدون لمعه الظاهر الليدي هو مايجي الا مطفي اساساً عشان هيك اخترناه
ياريت والله لو تعطيني الرقم لان بجد لحد الان محتاره وخطيبي جاب كتلوج ثاني ونفس الشي مو عارفه احدد قلت بخليه يسوي اليي عينات على الجدار اكثر من درجه وبختار ^_^

بالنسبه لديموس في فرعين الاول في الدمام مقابل مجمع الشاطي جنب مكتبة جرير والجديعي
الثاني في الخبر هو الي شرينا منه تقريباً قريب من شارع السويكت بس ماعرف اوصفه بالضبط وين
الصوره للاسف مو عندي ياريت لو عندي ماتغلى عليش
ماصورته لان بيجيبو الينا وشفناه في الكمبيوتر عندهم
اني قبل رحت شفت واحد يشبهه عندهم ولما رحنا بنشتري مالقيناه خلص الموديل وتضايقت مره وبعدين جابو موديلات جديده واكبر واحلى من الاول :)
على العموم فرع الخبر في واحد يشبهه معروض بس الجلد الي فيه مخروب متقشر مدري كيف يقول من المستودع بس عارضينه هيك يعني..
انتظري اسبوع وروحي يمكن يعرضو الموديلات الجديده في المحل ..
ولو اني مريت هناك بصور الش المعروض انتي تأمري أمر غناتي

اسفه على الاطاله خيتووو والشكر لك حبيبتي
وفقنا الله واياكم لطاعته ..

أماليد
27-07-2010, 10:14 AM
هلا عزيزتي ..

أول شي تسلمين تعبتك معاااي ..

وإسمحي لي تأخرت عليك بس تعرفي زحمة الناصفة ..

الرقم الليلة إن شاء الله بيكون هون ..

ونصيحه لك خليه يصبغ لك عينات أفضل

أني أحترت كذا مثلك واايد خصوصا إني مركبه حجر في الغرفة والسيراميك خشبي غامق بس أرتحت لما أخذت عينة من الحجر وضبطت اللون ,,

أتمنى الي بحطه لك يناسبك ..

كل عام وأنتي بخير ولا تنسينا من الدعاء ..

سكره !
27-07-2010, 03:23 PM
أتمنى تساعدوني يا بنات في إختيار الكنب المناسب للصالة
أني عندي جهة مصبغة الأحمر المخملي والبقية بيج سادة
وسياج الجبس بني على بني فاتح مثل كذا تقريباً
http://www8.0zz0.com/2010/01/12/18/502153846.jpg

ساعدوني في الألوان المناسبة للكنب وتأثيت الصالة
ووين ممكن أحصل كنب يركب معه

أماليد
28-07-2010, 01:46 AM
هلا خيتو الليدي سنتر..

هذا هو رقم الصبغ 06c33 , وأخذته من فرع جوتن الي في المجيدية , و تقريبا هو معروض في المحل ,,

موفقه ..

الليدي سنتر
28-07-2010, 05:31 AM
أهلين أماليد وانتي بخير وصحه وسلامه متباركه بميلاد الحجه عج
اني الي تعبتك معاي ,, مشكووووووووره حبيبتي
نفس الفرع الي رحته ان شاء الله بمر مره ثانيه وبشوف هذا الرقم
لان مو راضي يصبغ الينا عينات حضرت الفلبينوو
كل الشكر لك غناتي ماقصرتي معاي ياقمر ^_^

موفقين لكل خير ..

دانة ابريل
29-07-2010, 08:35 AM
اللي عندها صور كنب مودرن ويكون حلوووووو وغرف نوم مودرن تحط صور ضرووووري بلييييييييييز

أحـبـ روحكـ
02-08-2010, 06:58 AM
الموضووووع مره جميـــل وهادف وإني أول وحده أحس إني بستفيـد منه وإن شاء أفيـدكم:) ***أنـــــي غرفه نومي فيها نافذه والنافذه كبيـــره ديرو بالكم مو طويله عريضه <<<لاتقـــــــــولي:mad::mad::mad::mad::mad::mad::mad ::mad::mad::mad::mad::mad::mad::mad::mad: الموهم لون الجدار إلي في النافذه رصاصي شوي غامق ليدي بدون لمعه أوكي وباقي الجدران الباقين وردي بااااااااااااهت ياذوب ينحس له وأني الحين محتاره في لون الستاره:confused: علما بأن لون الفرشه أسوود وبتكون الستاره وراء السرير ***** طولت عليكم بــــــس ياليت يالغاليــن تفيدوني محتاااره كثيــــــــــر{{

غفران
04-12-2011, 06:21 AM
السلام عليكم

وتشكرين ع الموضوع الحلو وعندي استفسار بخصوص مطبخي مسويه الجدران سيراميك وردي وسط لاهو غامق ولافاتح والارضية ابيض مخططة على خفيف بيج ومحتارة بالدولاب شنو اللون الي يركب فكرت بالخشبي الفاتح مرررة والرمادي بس محتارة شنو اختار

برقع ذهب
04-12-2011, 07:58 PM
العفو غناتي..~
بما ان السيراميك وردي مخطط بأبيض وبيج..
..{ استبعدي الرمادي}..
اخدي درجه الخشبي الفاتح.. اومو لازم خشبي.. اختار احد درجات البيج اللي تتناسب مع الوردي اكثر}...
وسويه..
الرمادي بيعفس لك الدنيا.. بيصير الدنيا الوان.. { وردي وبيج وابيض ورمادي تخيلي الشكل عاد}..

غفران
05-12-2011, 05:08 AM
تسلمين والله على ردك السريع
بس ماعليه تحمليني شوي محتارة بين هالدرجتين ولا هاديhttp://im15.gulfup.com/2011-12-04/1323050434152.jpghttp://im15.gulfup.com/2011-12-04/1323050434541.jpg

برقع ذهب
05-12-2011, 01:56 PM
اني احس الدرجه الثانية مناسبة للوردي اكثر..
..{ بس مو على هالاساس تختاري خيوه}..
المفترض تأخدي عينة من الخشب .. وتروحي الشقة وترقبيها للسيراميك..
اذا حسيتيه.. نفس اللون.. {.. يناسبه يعني}..
اختاريه...

احاسيس مبعثره
05-12-2011, 10:37 PM
صبآيا ..
بسألكم وين القى المخدات الكبآر اللي ينحطو ع الأرض آن شآء الله فهمتو وش اقصد..!؟:$
لقيت بـ سنتر بوينت بس مليانين شك وغفصهـ..

برقع ذهب
05-12-2011, 11:34 PM
احاسيس..~
شفتهم في ايكيا.. حليوين.. وكلاسيك..
بس ماادري عن الاسعار..

أميرة الأحساس
06-12-2011, 06:41 AM
أحنـآ غرفة الجلوووووس كبيرة وايـــــــــــــــــــد من كبرة صاير جااي بالطووول يعني مو جااي مربع

فمحتاارين فيـه

السرميك لونــه بيج اهوو خشبي ماايل الى الاصفرر والضبغه سكــرري

لازم يبي لينا شي يعكس هل الالووووان

او احس كمااان يبي لينـآ كأنا نقسم الغرفه قسمين يعني مثـلا جهة كنب او جهـه ثانـيه شي ثااني ولا ويش راايكم؟

والاكسسوررات وشوو نضيف

ياليت اتكووووووون الالوآن غامقه

برقع ذهب
06-12-2011, 02:09 PM
آميره الاحساس..
بالنسبة للون.. بما انك تقولي تبي لون يبرزه..
..{ هو مايل للاصفر.. }... احس لو تحطي الكنب.. زاوية.. فوشي او احمر.. بيطلع خطير..
ولك حرية التحكم في لون الخداديات الصغيره.. يعني فوشي واصفر شيء مجنون...
...

الاكسسوارات.. [ عندك اللوحه القماشية.. تصير زي المنظر..].. بس هذه لو اخترتي كنب كلاسيك... او الوان كلاسيكية..
..{ في لوحات مقسمة 3 .. تكون لوحات خشبية.. ومودرن.. }...
اللمبات الجانبية.. الطولية.. تقدري تحطيهم بين الكنب... لو كان الكنب مفرق..~
..{ وحطي في بالك.. كل مازدتي الاضاءة.. حسيتي المكان اوسع}...
الطاولات على حسب شكلها.. كل شكل يعطي انطباع.. الزجاجي مودرن.. والخشبي كلاسيك..
لاتفكري ابداَ بالطاولة الدائره..
خليها مستطيل احلى..
او مربع.. ولك الاختيار.. لان المربع.. يخلي المكان ضيق شوي..
هي حلاتها في غرفة مربعه..

تقدري تقسمي الغرفة بما انها كبيره.. اذا كانت مفتوحه على المطبخ..~
تخلي زاوية منها.. فيها طاولة الطعام..

هذا انا
06-12-2011, 05:19 PM
http://myfortunekitty.com/wp-content/uploads/2008/03/dscf2001.JPG


هذا عجبني ابي اعرف اذا ممكن ايش لونه الجدار حاب اصبغ غرفتي هاليومين

برقع ذهب
06-12-2011, 06:19 PM
قصدك الجدار الثاني..
هذا من درجات البني.. { لونه مثل لون البيض البلدي}..
بس اني ماانصحك فيه كغرفة نوم.. خصوصا لو كانت الغرفه صغيره شوي..
بيكون كاتم.. وبتصير الغرفه اضيق..
وبتضظري.. تشتري الغرفة لونها فاتح عشان يبرز..

هذا انا
06-12-2011, 06:45 PM
قصدك الجدار الثاني..

هذا من درجات البني.. { لونه مثل لون البيض البلدي}..
بس اني ماانصحك فيه كغرفة نوم.. خصوصا لو كانت الغرفه صغيره شوي..
بيكون كاتم.. وبتصير الغرفه اضيق..

وبتضظري.. تشتري الغرفة لونها فاتح عشان يبرز..



يسلمووووووووووو برقع ايه حسيت انه اللون غامق لانه غرفتي صغيره مايناسها اللوان غامقه
تصغر زيادة بس محتارة في لون الصبغ:confused:

برقع ذهب
06-12-2011, 06:52 PM
طيب.. بما انها صغيره.. ولازم لون بارز..
والسكري.. مو حلو في غرف النوم كثير..
ايش رايك .. بالفضي اللؤلؤي..
واللون يبزر ترى مفرش السرير..{ اذا كان تركواز او فيروزي او فوشي.. بيطلع مع الصبغ واو}..
والغرفه مودرن اسود..
هذه صوره درجه اللون.. بس مو قصدي تصبغيه مخملي..
حتى لو صبغ ساده..بس لماع..
وتقدري تضيفي له.. رسم جداري.. مودرن.. او ملصقات الجدار من ايكيا..
اذا كان ساده يعني..

http://up.2sw2r.com/upfiles/7Gy14864.jpg

هذا انا
06-12-2011, 07:07 PM
طيب.. بما انها صغيره.. ولازم لون بارز..

والسكري.. مو حلو في غرف النوم كثير..
ايش رايك .. بالفضي اللؤلؤي..
واللون يبزر ترى مفرش السرير..{ اذا كان تركواز او فيروزي او فوشي.. بيطلع مع الصبغ واو}..
والغرفه مودرن اسود..
هذه صوره درجه اللون.. بس مو قصدي تصبغيه مخملي..
حتى لو صبغ ساده..بس لماع..
وتقدري تضيفي له.. رسم جداري.. مودرن.. او ملصقات الجدار من ايكيا..
اذا كان ساده يعني..


http://up.2sw2r.com/upfiles/7gy14864.jpg



يسلمووو برقع فديتج عجبني اللون وان شاء الله بصبغه الغرفه بس بسوي سادة وفيه لمعه
وباروح ايكيا ادور لي شي يناسب الجدار ;)

المغروورة
06-12-2011, 07:33 PM
واااو موضوع خطييير وانا محتاره بالكنب عجبني كنب ومحتاره لو شريته يزبط بالصاله او لا لانها صايره مثل الجهتين وخبرويني رايكم
هل يناسب ولا لا؟
وهذي صوره الكنب والصاله
طبعا هالكنب بشتري وحده 3 نفر والثانيه 2 نفر
بحط الكبيره جهه الكنب الموجود وبشيل الطاولاات الجانبيه
http://dc16.arabsh.com/i/03620/ey4vblf0hhfb.jpg (http://arabsh.com/ey4vblf0hhfb.html])



http://dc16.arabsh.com/i/03620/6m0xsnz1zpwh.jpg (http://arabsh.com/6m0xsnz1zpwh.html])



وهذا الكنب
http://dc14.arabsh.com/i/03620/oy778sszou5n.jpg (http://arabsh.com/oy778sszou5n.html)


http://www.dohaup.com/up/2011-10-31/admin1312659610.jpg (http://www.dohaup.com/)

المغروورة
06-12-2011, 09:01 PM
واذا الكنب مو حلوو انصحوني بشي أحلى لاني للان ماقررت وش أخد

هذا انا
06-12-2011, 09:18 PM
المغروره: الصاله جدا كلاسيك والاسود والابيض جميلين بس لازم تكسري اللون احلى انج تاخذي كنب زاويه

http://m002.maktoob.com/alfrasha/up/1777075054763482584.jpg


او هذا

http://www.monsterup.com/upload/1260184986217.jpg

المغروورة
06-12-2011, 10:33 PM
المتصل بيكون افضل عشان يكون مساحه أكبر للجلوس لكن انا نوعيتي بسرعه امل والمتصل مابقدر اغير مكانه بيضل ثابت وعشان كذا ببالي منفصل احسن والصوره الثانيه الكنب حلوو

برقع ذهب
07-12-2011, 12:23 AM
المغروره..~
اني بعد برائي المتصل اجمل.. على صالتك..~
بس بما انك تبي تحركيه شوي.. الاختيار اللي اخترتيه جميل.. الكنب ..
بس زي ماقالت لك هذا انا..
ضروري تكسري اللون..
لان الكنب رمادي.. والجدار ابيض..
لازم تحطي شيء بارز.. { فوشي- فيروزي- ازرق حبري}..

والجهة الثانية اللي لحالها.. تقدري تحطي لها كرسي انيق.. وجنبه طاولة.. وتلفون.. اللي يجي بشكل ديكور..

هذه شكل الكنبة اللي اقصدها..{ الفيروزية}..
وحتى تبين الصورة شكل الرمادي مع الفوشي والفيروزي..
ولك حرية الاختيار..

http://t1.gstatic.com/images?q=tbn:ANd9GcTV26AgWBwhmHkbG5Mt91YAASpqtFW5s K93M-Wt4KGOb41EnelosLZ7PNgw

المغروورة
07-12-2011, 03:57 AM
ايه انا بكسر اللون لازم بس اول افكر اصمم عالكنب وتالي بقرر ايش اللون الي بكسر فيه وحلوو الاختيار فوشي وفيروزي انا كنت ببالي بشتري تحف بالتفاحي والفوشي او العنابي بس
الحين غيرت رايي الفيروزي مرره حلو مع الفوشي وبحاول اشتري بعد مثل الكنبه الي قلتي فيها عجبتني

عسيريه ماتهاب
07-12-2011, 12:17 PM
موضووع خطير وااايد

عندي استفسار ..
عندي الشقه (الصاله مع المطبخ) مفتوح ..
وابي اصبع رمادي فاتح وفيروزي بس الارضيه محتاره شنو احط فيها السيرميك ؟؟

وابيها تكون مودرن شنو تنصحووني فيه

زيـزو
07-12-2011, 01:29 PM
أدري موضوعكمـ ديكورات

بس ممكن تساعدوني بـ الأصباغ:rolleyes:
عشان بعدين تصير عندي خيارات أوسع
http://3roosqatif.com/vb/showthread.php?p=2703748#post2703748

وشكراً مقدماً:D

برقع ذهب
07-12-2011, 07:52 PM
عسيرية ماتهاب..~
انا اتوقع انك تصبغي رمادي.. الكنب فيروزي..
السيراميك تبع المطبخ رمادي.. والدولاب فيروزي..
في هالحال..{ الارضية راح تكون رمادية}..
بس حطي في بالك.. اذا كانت الاضاءة خفيفه في البيت..
راح يكون المكان كئيب.. من كذا يبتعدوا عن الرمادي.. في الاصباغ..

من خلال البحث.. لاحظت ان الاصباغ المعتمده في الغالب.. الصبغ سكري.. مع تداخلات بسيطة مع الرمادي والفيروزي في نفس الوقت..

في هالصوره.. الصبغ رمادي.. والارضية خشبي فاتح جداَ..

http://www.decorpad.com/photos/2008/04/28/27b7ca7c912a.jpg


هذه خليط بين الرمادي والفيروزي والتركواز..
الارضية رمادية.. والسجاد.. تركواز.. الجدار والكنب فيروزي ورمادي وطالع حلو مره..
بس اتوقع ماتلاقي سجاد بسهولة..

http://im11.gulfup.com/2011-10-28/1319824280927.jpg
هذا مطبخ رمادي.. والدولاب فيروزي.. لاحظي الارضية سيراميك سكري..

http://im11.gulfup.com/2011-10-28/1319824279385.jpg


ولك حرية الاختيار.. اما السكري.. او الرمادي للارضية

برقع ذهب
08-12-2011, 03:34 AM
زيزو..~

غرفة النوم..{ مشمشي}.. جداَ خيار خطير..عجبني..
لون هادئ.. ويعطي الراحة..
مااحس يدخل عليه لون ثاني.. لانه بحد ذاته يعطي اكتفاء..
..{ بالنسبة للون خشب غرفة النوم.. اختاري البني المحمر.. او الاسود..
والمفرش.. بيج ومشمشي وعنابي.. طبقات..~ ناعمة..}..
بالنسبة لتداخلات الالوان..{ اعتمديها في الستاره.. مفرش السرير.. ومفارش الطاولات}..

http://a5.sphotos.ak.fbcdn.net/hphotos-ak-snc6/250202_223385257673922_100000073490675_962915_3279 744_n.jpg


http://front1.monsterup.com/upload/1305839008173.png


http://sphotos.ak.fbcdn.net/hphotos-ak-ash2/hs019.ash2/34305_140637952615320_100000073490675_397412_33722 96_n.jpg



بالنسبة لغرفة الملابس.. بما انك مو مهمتة.. اصبغيها اوف وايت.. لون مايتغير مهما تغيرت الموضات..

غرفة الجلوس.. او الصالة..
مساحتها صغيره.. { البرتقالي ماانصح فيه.. لون متعب للعين}.. وبيخليك مزاجية..

التركواز والرمادي.. احلى ..{ الخيار افضل}..
تقدري تدخلي ورق جدران خلف التلفزيون...
وهذا نموذج
http://www.designdecoridea.com/wp-content/uploads/2011/09/Turquoise-Living-Room-Theme.jpg

http://t3.gstatic.com/images?q=tbn:ANd9GcQ0FnqQnjNu2dnqzy3Y4PJAU338sHzxy A-mA8njPBshPHBRzukt9nE3yY0l4A


http://up.hwaro7i.com/uploads/hwa12773663581.jpg

المطبخ اذا كان مفتوح عالصالة..~ خليه يناسب الصالة..~

بالنسبة للمجلس..~ اني برائي انتي مارح تجلسي فيه..
وبما انه حاب يكون احمر واسود.. خليه يسوي اللي يبيه.. البيت لك انتي..
والمجلس له هو..~http://forum.z7mh.com/images/fisat/58.gif

وظلت فتره البنات في المنتدى.. العام تقريبا يصبغوا .. احمر واسود.. بس الاغلب غرف نومهم..
الصبغ خليه ابيض..~
والكنب اما اسود والاكسسوارات حمراء.. او العكس.. احمر والاكسسوارات سوداء..
وهذه بعض الصور...
http://www.hayah.cc/forum/imgcache/70975.png

http://t1.gstatic.com/images?q=tbn:ANd9GcQz4wPasp_IJm09_RWoGUvjMH2MLsEv9 Ud9LBSkDXEJTpL6TiH_ZLzlmSc0

http://www.shy22.com/upfiles/Lmj09206.jpg


الاخيره مره عجبتني..~

NoOnE
08-12-2011, 09:41 AM
سلام بنات

انا شقتي بعد ماسويت فيها ولاشي .. بس نهاية دا الشهر بروح اخذ سيراميك
ومحتاارة مرة وش الاشكال الي اخذها والالوان
الي للغرف كيف والي للمطبخ كيف .... الخ

عاشقة المهاجر
08-12-2011, 12:11 PM
خواتي
غرفة النوم فيها نافذتين جنب بعض يعني احتاج ستارتين وفمحتارة كيف اختار الديزاين ويكونو خلف السرير
فمو محتاجه ستارة طويله ,,,,,الغرفة الخشب محمر غزالي

وشكرا الى صاحبة الموضوع الرائع

زيـزو
08-12-2011, 12:52 PM
مشكووورهـ برقووع
يعطيش العافيه

وإذا احتجت مشورهـ مرهـ ثانيه ترى برز وجهي :p

روحي فيـه
08-12-2011, 06:18 PM
سلام بنات

انا شقتي بعد ماسويت فيها ولاشي .. بس نهاية دا الشهر بروح اخذ سيراميك
ومحتاارة مرة وش الاشكال الي اخذها والالوان
الي للغرف كيف والي للمطبخ كيف .... الخ


آختي حطيٌ ببآلك الالوآن مثـلآ سيرآميك ابيض ولا رمآديٌ
وبعدين روحي امآكن السيرآميك وممكنٌ هنآك اذا شفتيٌ تغيريِ رآيك
ويدخلُ مزآجك شغ‘ـلاتِ ^_^

آنا سويت هيك حطيت ببآليٌ ولم رحت آحترتُ وبع‘ـضِ اللي حطيتهم بباليٌ غيرتهمِ

روحي فيـه
08-12-2011, 06:21 PM
خواتي
غرفة النوم فيها نافذتين جنب بعض يعني احتاج ستارتين وفمحتارة كيف اختار الديزاين ويكونو خلف السرير
فمو محتاجه ستارة طويله ,,,,,الغرفة الخشب محمر غزالي

وشكرا الى صاحبة الموضوع الرائع


آختيٌ ممكن الستآئر الرومآنيه تجيٌ حلوه مع غرفِتك

باقة ورد
08-12-2011, 06:54 PM
اختي عاشقة المهاجر

اذا كان السرير رفيع جداً وسوف يخفي اكثر معالم الستارة فانصحك بالمودرن والستارة الي تجي عاديه بدون موديل متكلف ...
تقبلي مروري^^

برقع ذهب
09-12-2011, 10:56 PM
NoonE .~
الاغلب درجات السكري.. او الرمادي..
سواء في المطبخ او الغرف هذا السيراميك يعني..
والبعض يحب الخشب..

..{ واذا اخترتي السيراميك.. بعدين تقدري تقرري الاصباغ وش تكون}..

برقع ذهب
09-12-2011, 11:11 PM
عاشقة المهاجر..~
زي ماقالوا لك البنات خليها ستاره ناعمة جداَ..
زي هذا الموديل.. لون والطرف قماش ثاني..بس..
حسيتها انيقه رغم بساطتها..
اغلب الغرف اللي فيهم نافذتين.. كان الستاره بنفس هذه الطريقه..
وتقدري تشوفيهم بايكيا بعد.. وسعرهم حليو.. اذا تبي جاهز..
http://www.lakii.com/img/g1/Sep06/Lefym109110152.jpg

واذا للحين مقرره على انك ماتبيها طويلة..
الرومانية.. بسيطة.. وتقدري تتحكمي في طولها ..
هذا ديزاين..
http://t2.gstatic.com/images?q=tbn:ANd9GcQyqWINP8pb3GM6-1uTFlRBXpipsKwkUzdzeosDycpEBMdUTogOIg

وهذا ثاني..
http://migratingbird.co.uk/images/roman%20blind.jpg

MARYA
10-12-2011, 06:47 PM
هلا بنات ممكن تدلوني محلات تفصيلها حلو للستائر والكنب وويش الدارج الحين من موديلات للستاير اني مركبه ديكور للستاير بالجبس يحتاج اني احط قطع وزخارق لستاير والي عندها صور وموديلات جديده لاتبخل لاعلينا

برقع ذهب
10-12-2011, 07:22 PM
ماريا..~
الدارج الحين كلها قطعه وحده.. ناعمة جداَ...
يعني ياذوب انه.. يكون قطعتين ..
اما انها قطعه وحده simple .. وتكون الحركة في المسكات الجانبية..
او انها تكون رومانية بسيطة..

تقدري .. تشوفي ستاير ايكيا..
وتقدري تشوفي محل صراحة نسيت اسمه في الشارع اللي كأنك رايحة تركيا على ايدك اليمين هو..
وفي المقابل له.. محلات ستاير وفرش بعد..
اذا كنتي تبي تفصيل...

هذه نماذج من ستاير ايكيا...
http://rafat0004.net/vb/uploadcenter/uploads/03-2011/PIC-617-1299727177.jpg


http://rafat0004.net/vb/uploadcenter/uploads/03-2011/PIC-276-1299727175.jpg

عسيريه ماتهاب
11-12-2011, 03:33 AM
بنـــــات شنو تنصحوني صبغ الوان الصاله
عندي المطبخ مفتوح
وابي الصبغ بدون لمعه كأني سمعت بنت تقول الي بدون لمعه اسمه صبغ الليدي ؟؟

______

وهذا سيراميك المطبخ
حجر وفيه درجات الرمادي ودرجات الترابي
يعني عندي خيارات وايد للصبغ :D

<< ابي اصبغ رصاصي فاتح و كحلي شوي
و ابيها تكون مووودرن :rolleyes:

http://im12.gulfup.com/2011-12-10/1323563072681.jpg
شرايكم ؟؟

MARYA
11-12-2011, 06:48 PM
ماريا..~
الدارج الحين كلها قطعه وحده.. ناعمة جداَ...
يعني ياذوب انه.. يكون قطعتين ..
اما انها قطعه وحده simple .. وتكون الحركة في المسكات الجانبية..
او انها تكون رومانية بسيطة..

تقدري .. تشوفي ستاير ايكيا..
وتقدري تشوفي محل صراحة نسيت اسمه في الشارع اللي كأنك رايحة تركيا على ايدك اليمين هو..
وفي المقابل له.. محلات ستاير وفرش بعد..
اذا كنتي تبي تفصيل...

هذه نماذج من ستاير ايكيا...
http://rafat0004.net/vb/uploadcenter/uploads/03-2011/pic-617-1299727177.jpg


http://rafat0004.net/vb/uploadcenter/uploads/03-2011/pic-276-1299727175.jpg
شكرا على الرد ابغى اسماء محلات

برقع ذهب
11-12-2011, 07:17 PM
عسيرية ماتهاب..
حطيت لك نموذج قبل صفحتين.. اذا ماعجبك. قولي الالوان اللي في بالك.. عشان اشوف اي هي تزبط اكثر..

ماريا..
قلت لك ايكيا.. ومحل تفصيل يجي على ايدك اليمين كأنك بتروحي تركيا.. بس من جد مو ذاكره الاسم..
هذا احسن محل ستاير شفته وعجبوني اللي فيه..

عيون الغزلان
11-12-2011, 11:31 PM
مرحبا بنات حاليا انا وخطيبي نجهز لشقتنا نفرفر بهون وهون وللحين ماستقرينا على شي بس في افكار حاطتنها ببالي ,,
الصالة باخد جدار ورق جدران اسود ومرسوم علية زخارف رمادي وجدران الباقي اوف وايت لماعي وسط وجدار الي فيه البلازما بخلية رمادي الي يصير كانه سميت فيه لمعه خفيفة او يمكن بدون لمعه يكون ملمسة خشن شوي هو
الأرضية خشبية اوف وايت زي المخربش فيها ازرق غامق وبني الكنب بحط اخضر تفاحي والخداديات فوشي وابيض سكري وكم وحده سودا المطلوب ويش اخلي لون الطاولة؟؟ ومع العلم في قوس من الصالة يطلع لممر ويش اصبغ هالممر ويش لون القوس؟؟
غرفة النوم شفت لون ورق جدران مزخرف مشمشي مع اخضر فااااااتح جدا مدخل علية زي الذهبي مره فخم ودلخ بمخي مره المطلوب ويش اصبغ باقي الجدران وويش لون غرفة نومنا ابغيها كلاسيك بس مابغي لون بني في احد يعرف ورشات يفصلو بسعر رخيص ويضبطو الشكل الي ببالي ونفس الي بختارة وويش لون الحمام السيراميك حقنا مع العلم حمام الضيوف اخترت له الوان بيج مع لون مشمي غامق نوعا ما واطارات وذهبي وقلت المواد الصحيه المغسلة وجدي بحط لونها اسود,, لون ستاره غرفه النوم ويش اختارها والأسقف ويش تنصبغ بالعاده هي بتكون جبس بورد وشكرا لكل الي بيساعدني
الوان الابواب ويش اخليها

دلوعة ملاكي
12-12-2011, 12:06 AM
بنات ..
ما ادري وين احط هالسؤال ..
بس ابغى اي احد يعرف متى الماجد يسوي تخفيضات ..؟
لاني محتاجة اشتري طقمين مفارش
رحم الله والديها الي ترد عليي ..

روحي فيـه
12-12-2011, 04:14 AM
مرحبا بنات حاليا انا وخطيبي نجهز لشقتنا نفرفر بهون وهون وللحين ماستقرينا على شي بس في افكار حاطتنها ببالي ,,
الصالة باخد جدار ورق جدران اسود ومرسوم علية زخارف رمادي وجدران الباقي اوف وايت لماعي وسط وجدار الي فيه البلازما بخلية رمادي الي يصير كانه سميت فيه لمعه خفيفة او يمكن بدون لمعه يكون ملمسة خشن شوي هو
الأرضية خشبية اوف وايت زي المخربش فيها ازرق غامق وبني الكنب بحط اخضر تفاحي والخداديات فوشي وابيض سكري وكم وحده سودا المطلوب ويش اخلي لون الطاولة؟؟ ومع العلم في قوس من الصالة يطلع لممر ويش اصبغ هالممر ويش لون القوس؟؟
غرفة النوم شفت لون ورق جدران مزخرف مشمشي مع اخضر فااااااتح جدا مدخل علية زي الذهبي مره فخم ودلخ بمخي مره المطلوب ويش اصبغ باقي الجدران وويش لون غرفة نومنا ابغيها كلاسيك بس مابغي لون بني في احد يعرف ورشات يفصلو بسعر رخيص ويضبطو الشكل الي ببالي ونفس الي بختارة وويش لون الحمام السيراميك حقنا مع العلم حمام الضيوف اخترت له الوان بيج مع لون مشمي غامق نوعا ما واطارات وذهبي وقلت المواد الصحيه المغسلة وجدي بحط لونها اسود,, لون ستاره غرفه النوم ويش اختارها والأسقف ويش تنصبغ بالعاده هي بتكون جبس بورد وشكرا لكل الي بيساعدني
الوان الابواب ويش اخليها


آهليِن آختيٌ
القوس الليٌ بالصآإآله اصبغيِه اوف وآإيت

وغرفِه النوْم
اذا ما رآح يغلب الون المشمشي بـ ورق الجدرآن اصبغي بآقي الغرفه مشمشي

http://www4.0zz0.com/2011/12/12/01/210278980.jpg (http://www.0zz0.com)

وهنآإ ممكن تدخليٌ لون منهم بع‘ـدٍ

http://www4.0zz0.com/2011/12/12/01/194139468.jpg (http://www.0zz0.com)

وعن الورشِ : منج‘ـرةٍ شهآإب وحتى آسع‘ـآإآرهم منآإآسبهِ


وحلو آختيآرك الى الحمآإآم وآن شاء الله تلقي موآد صحي تدخلٌ مودكُ
آنا على خيرٍ بسوي الحمآإآم بـ شقتيٌ اسوْد
بسُ مع فرٍفرتيٌ آحسُ بـ تع‘ـبٌ مع الموْآد الصحيِه :o

والاسقفِ الاغلبُ اشوف تنصبغِ اوف وآيت
والابوآب آنا يعجبنيٌ بنيٌ محروقٍ
وآن شاء الله افدتك بـ شيء

روحي فيـه
12-12-2011, 04:15 AM
بنات ..
ما ادري وين احط هالسؤال ..
بس ابغى اي احد يعرف متى الماجد يسوي تخفيضات ..؟
لاني محتاجة اشتري طقمين مفارش
رحم الله والديها الي ترد عليي ..

آختيٌ اذا محتآإآجه مآإآرهـ هالايآإآم
عندكِ المتجرٍ الع‘ـآإم اسعآإآره حلوهِ :)

عسيريه ماتهاب
12-12-2011, 05:28 AM
عسيرية ماتهاب..
حطيت لك نموذج قبل صفحتين.. اذا ماعجبك. قولي الالوان اللي في بالك.. عشان اشوف اي هي تزبط اكثر..


مشكورره ماقصرتي والله تعبناك معنا :D
يوم تحطي لي النمادج ياطويلت العمر ماشريت البرسلان والا السيرميك :rolleyes:

والحين شريته :D والارضيه خذيتها سكري خفيف احسه يناسب كل شي
وحطيت لكم شنو بحط بجدران المطبخ حجر عشان تساعدينني بختيار الالوان الصاله :(

وحاطه في بالي دولاب المطبخ اسود و اثاث الصاله رمادي والخداديات لون فاتح :rolleyes:
بس لون الصبغ ابيكم تساعدوني فيه وابيه يناسب الحجر الي بالمطبخ مثلا فيروزي او ازرق او تركواز :p

مناقيش
12-12-2011, 03:49 PM
مااااشاء الله عسيريه ماتهاب عجبني سيراميك المطبخ الحجر ممكن تقولي لييي من وين ماخدتنه دا ما عليش امر

عسيريه ماتهاب
12-12-2011, 03:56 PM
مااااشاء الله عسيريه ماتهاب عجبني سيراميك المطبخ الحجر ممكن تقولي لييي من وين ماخدتنه دا ما عليش امر


تفضليه خيتوو لسى ماحطيته تو اليوم وصل ههههه :d
شريته من الحلفاء الي بالنابيه نفش شارع النخبه والدهان وجمكو بس الجهه المقابله
المتر بـ 47 :)

عسيريه ماتهاب
12-12-2011, 04:01 PM
بنات ..
ما ادري وين احط هالسؤال ..
بس ابغى اي احد يعرف متى الماجد يسوي تخفيضات ..؟
لاني محتاجة اشتري طقمين مفارش
رحم الله والديها الي ترد عليي ..

خيه مرت اخوي فصلت مفارش زواجها عند الكوثر في سوق مياس ومرره عجبني وسعره مناسب
انشالله اني بافصل مفرش زواجي عنده :p

thief
12-12-2011, 04:22 PM
بنات جدار المطبخ عندي مايل للبرتقالي الفاتح مع تموجات ابيض و الارضية أبيض مع تموجات بني خفيف محتارة في لون المطبخية ودي تكون فاتحة يعني من البيج و درجاته بس أخاف ما يركب بحكم ان الارضية و الجدار لونهم فاتح شوروا علي

مناقيش
12-12-2011, 05:13 PM
ههههههه تسلمي غناتي تركبيه وتتهي فيه حبيبتي واني متأكده حيطلع روووعه مطبخش عسيريه ماتهاب والله يوفقش ويقضي حاجتش

حكآيه أنثى.~
01-01-2012, 08:07 PM
بسألكم بناات
عادي ينحط باركيه في المطبخ
ولا تحسوه بيخرب خشب وماي
او بيصير كششخه

M!ss sweet
01-01-2012, 08:52 PM
توجد ديوانيه مثبته في قسم الديكور :)
الموضوع يغلق