المساعد الشخصي الرقمي

مشاهدة النسخة كاملة : محتاره وموعارفه من وين اشتري



انسه ايات
25-08-2010, 07:00 AM
مرحبا بنوتات

ابغى اشتري اجهزه كهربائيه

من .. ثلاجه وفرن كهربائي .. غساله وجفافه

وابغى اخذهم الحين عشان التخفيضات بحكم ان الميزانيه اشوي ماتساعد

رحت الجشي اسعاره ماناسبتني غالي واجد وحسب كلام اكثر الاخوات هنا ان الضامن اسعاره حلوه وابو السعود

فـ حبيت اخذ خلفيه شوي

من اشترت اغراضها من الضامن او ابو السعود

وكم كلفوكم تقريبا..؟

وكم حجم الثلاجه والفرن والغساله والجفافه المناسب اللي اقددر اخذه ( في بالي حجم صغير او وسط )

افيدوني رحم الله والديكم ..

مفآهيم الح ـب ~
25-08-2010, 07:38 AM
اللهم صل على محمد وآل محمد .. ~

هلآ فيك أختي ..

أني بعد أقول روحي الضامن اضمن لك واحسن كمآن ..

وبآلصراحه ماخدنآ إلا منه ..


بالنسبه للأحجام نصيحتي أختي إذا تبي شي لك وللزمن اخدي شي كبير ..

مثآل :

أني ثلآجتي حجم 25 ماركه سامسونج ..

والفرن ـ والغسآله ـ والنشآفه .. جنرآل ..

واخدي غساله ونشافه كبآر عشآن يكونوآ لك وللزمن ..

بس الله يعينكم لآزم بكلفوكم وآآآآآآجد :(

أي استفسآآآر .؟

صدى الأيام...
25-08-2010, 08:49 AM
اهلين اختي اني اخدت من الضامن
اخدت الثلاجة ال جي 21 قدم حسيتها زينه
والغساله ال جي 10 كيلو بس فيه اصغر بعد اذا تبين اني اخدت 8 كيلو بالأول بعدين غيرت الى 10 كيلو
والجفافة سامسونج 10 كيلو بعد
والفرن جنرال اخدت

الحمدلله اخدناهم وخلصنا الله يسهل عليكم وعلينا ويرزقنا ويرزقكم
روحي الضامن ختي حلوة اسعاره

اتمنى اكون افدتك

اما بالنسبه لك يامفاهيم طلبتش بموضوعي ماجاوبتين لي لما سألتك كم كيلواخدتي الجفافة والغساله بعدين اخدت من عندي
سلاام

انسه ايات
25-08-2010, 07:51 PM
تسلمو خواتي ماتقصرو


يعطيكم ربي العافيه ان شاءالله

وربي يسهل علينا وعليكم :)

وردة ناعمة
25-08-2010, 10:04 PM
هلا غناتي

تونا قبل كم يوم ماخذين للبيت غسالة 12 كيلو بس ماعرف ماركتها وشو بـ 2000 وشوي من الضامن الا في المجيدية :)

موفقــــة ..

ملك روحي
26-08-2010, 04:00 AM
انصحك بالضامن اسعا ره حلوة وارخص من باقي المحلات
وبالتوفيق

فراشةالبيت
26-08-2010, 06:43 AM
هلآ خيتو...
أني توي السبوع الماضي ماخذين اغراضنا الكهربائية ولله الحمد
الله يسهل عليكم ان شاء الله
ويعينكم في الدفع
اني اخذت ثلاجة 25قدم نور كلفنيتر..29
غساله الجي 11كيلو..ب1250
ونشافة جنرال الكتريك 12 اتوقع مدري صراحة ب1800
وبراد ب600
ومكيفين سبليت واحد قري طن ونص2500
واحد سانيو طنين4000
ومكيف وندوو الزامل ب1450ريال فقط..
وعطونا هدايا واجد
مكنسة ومكوا وغلاية وخلاط كيك :)
اسعارهم يمكن اقل او اكثر بس هذول بالتقريب بس السعر النهائي هذا إلا بذكره وبس
طلعو علينا اغراضنا إلا ذكرتهم لج ب16080
بستة عشر الف وثمانيون ريال فقط..

فراشةالبيت
26-08-2010, 06:44 AM
هلآ خية نسيت ماقلت لج من الضآمن أخذناهم :)

moon2008
26-08-2010, 11:43 AM
اي الضامن احنا اشترينة من قبل الى البيت مرة روووووعة اسعارهم
بسالكم عرايس بدا التخفيض في الضامن لولا

Nejad
26-08-2010, 07:55 PM
اختي .. الباحه بالدمام .. اسعارهم حلوه
والوكاله ال جي مسوين تخفيض
صاحبتي شرت لها غساله وجفاف ومدري شنو الثالث .. بس ان ثلاثه في واحد بـ 2500 الباب من قدام

ريحانة علي
27-08-2010, 12:24 AM
خية اني زوجي كل اسمعة يقول ان اكسترى اسعاهم افضل شي
والله اعلم ونصيحة لا تاخدي مقاسات صغيرة يعني الغسالة والنشافة مو اقل من 8 كيلو
والله يوفقك

انسه ايات
27-08-2010, 07:50 AM
بنوتات

اني سمعت كلامكم ورحت الضامن وصراحه ماعليه كلام واسعاره افضل من الجشي وكل شي اخترته الحمدلله

وتسلمو كلكم ماقصرتو عساكم ع القوه دووم

الجمال اليوسفي
29-08-2010, 04:19 AM
صبايا ممكن تخبروني الضامن وين؟؟
بروح اشتري شجعتوني لاني وقت تجهيزات؟؟

الأحلام
29-08-2010, 07:12 AM
اختي .. الباحه بالدمام .. اسعارهم حلوه
والوكاله ال جي مسوين تخفيض
صاحبتي شرت لها غساله وجفاف ومدري شنو الثالث .. بس ان ثلاثه في واحد بـ 2500 الباب من قدام
كم سعر الغسالة والمجففة اللي اشترتها صاحبتك؟

ووين مكانها وكالة ال جي؟

انسه ايات
29-08-2010, 09:08 PM
صبايا ممكن تخبروني الضامن وين؟؟
بروح اشتري شجعتوني لاني وقت تجهيزات؟؟

الضامن اللي رحته في المجيديه مقابل الجشي ومعارض السيارات يعني في الشارع الثاني

سيدة النخيل
30-08-2010, 04:37 AM
انا اجهزتي من الضامن طلعوا عليي بـ18 الف العام من الرمضان اخذتهم وعطوني هدايه بعد

اخذت2 تلفزيون واحد بـ2700

وثاني بـ2650 كانو 32 بوصه توهم نزلين بس الحين ارخص طبعا

واخذنا لينا ثلاث مكيفات قري بعد طنين ونص حق الغرفه مادري كم سعره

والا في المجلس طنين

والا في الصلا سبليت اقري بـ2900 ظاهر استغفر دا مو من عندي السعر هههههههه

فرني وايربول امريكي بـ3500

وجفافتي وايربول بعد بـ1000 اشوي طبعا الجفافات ارخص مو غاليين يجوا

وغسالتي ال جي ماعجبتني ماتغسل عدل احس ام حوضين احسن القديمه بـ2700

وثلاجتي توشيبا بس مادري كم قدم

وميكرويف اخذنا لينا بانسونيك

كل ذا طلعا علينا بـ18 اتوقع وسوا لينا خصم وعطونا هدايه وطلعت لينا هدايه مسوا في رمضان
وهو حليو وينصحش وكل شيء متوفر

وعندش بعد الموسى الا جنب رانيا هدا بعد مره كشخه حتى اخلاق احليو

روزة حمراء
18-09-2010, 02:00 PM
موفقة يارب

وادي الكروشية
18-09-2010, 08:22 PM
هلا خيه الله يسهل امورك ويتمم لكم على خير

اشوف الضامن انسب مكان واني اخذت منه العام الماضي في رمضان
اللي شريته
غساله lg السعه 10 كيلو
والفرن جنرال الكترك
والنشافه واير بوول
الثلاجه توشيبا

وكلفنا بحدود 8000 وشوي

جو نو 22
07-10-2010, 05:12 AM
انصحك بالغسالة اللي تغسل وتجفف والبخار في وحدة
اخدت ماركة دايو بـ 2800
حلو استعمالها وطلعهم مجففين زي المجففة بالضبظ
تحصليهم في الخبر في ( الكترو ) وفي ماركات وااجد انتي وميزانيتكم

جو نو 22
07-10-2010, 05:14 AM
غسالتي اللي من دايو سعة 12 ك