المساعد الشخصي الرقمي

مشاهدة النسخة كاملة : ترشيح افضل مستشفى لتنظيم الدورة والحمل والهرمونات !!



ليال/ام سيد علي
04-10-2010, 09:05 AM
كيفكم صبايا وحريم ونسوان وكل شي *_*

زي ماهو واضح بالعنوان

ابغى ترشحوا لي افضل مستشفى اعدل فيه هرموناتي المعفوسة

مثل هرمون الغدة وهرمون الحليب وتكيس المبايض وتاخير الدورة وانقطاعها فترات طويلة

هذي المشاكل الا اعانيها وربي عالم بحالي

مين صابتها هالحالات وتعالجت بمستشفى وفاد حالتها تساعدني

لاني اريد اعدل الهرمونات وانشط المبايض لان بعد كم شهر ارغب بالحمل

وطبعا رحمي ما استجاب الى الحمل والدورة تنقطع عني كدا شهر

واخر دورة انقطعت عني 3 شهور ودخت مع المستشفيات

وهل تنصحوني بدل المستشفى اروح لمراخة ؟؟؟

واشوف هالشهر اذا تاخرت الدورة بعد المراخ اروح المستشفى

مرة متضايقة من هالسالفة وما ابغى افكر فيها !!!

روح البنفسج
04-10-2010, 09:44 AM
السلام عليكم خية..

الله يعينك ويساعدك.. وربي يشافيك واسمع عنك حامل قريب.. آمين رب العالمين ^^^

انا ياخية مثلك..في تأخر الدورة.. تأخرت الدورة عندي شهرين بالتمام والكمال وللحين مانزلت رحت المستشفى و

وبعد الدخوخات وووو وباقي لي تحليلين هرمونينين ماسويتهم .. قلت لها اعطيني منظم الدورة الا هي دكتورة وديدة خخ بالمواساه..

اسمع عن دكتورة ماريا كرستينا عندهم بس اني مادري ..هذه ثاني مرة اروح لدكتورة نساء ..؟ افادتي قليلة..

بس نصيحه.. روحي لمراخة واشربي منظم للدورة من المستشفى..؟

وخبريني سويتي تحليل هرموني .. هذا التحليل منه تعرفي السبب في تأخر الدورة

راح ياخذو منك عينتين دم والنتيجه بعد اربعة ايام..

ان شاء الله ماطولت عليك

بالتوفيق وبالشفاء العاجل ^^

أح ــلام ملونه
04-10-2010, 09:59 AM
والله ماعندي فكره ابدا

موفقه

شمعة الكون
04-10-2010, 10:05 AM
اني نظمت الدوره في مستشفى عنك عند الدكتوره الهنديه

تعالجت قبل في خاص وما استفدت شي

ليال/ام سيد علي
04-10-2010, 10:44 AM
منظم دورة الدكتورة مانصحتني فيه تقولي نظمي هرموناتش وبتنتظم دورتش بحالها

اما بالنسبة لتحليل الهرمونات وقت الدورة عملته برمضان ومارحت للنتيجة لان دكتورة خالدة بالمواساة قرفت جبدتي

وماني عارفة وين انظم هرموناتي واعدلها عشان حتى نفسيتي تنتظم >>كل اهلس خخخخخخخ!!!

thallj
04-10-2010, 12:15 PM
الله يعافيش غناتي
اني استفدة عند الدكتوره اكرستينا بالمواساه بالقطيف
عن تعديل هرمون الغده وهرمون الحليب وعطتني ابر
عشان تنزيل المبايض وبعدعلاج دام تقريبا ثمانية شهور
حملت بتوفيق رب العالمين الحمدلله ان شاء الله افدتك

ليال/ام سيد علي
04-10-2010, 04:39 PM
اهئ اهئ برضو المواساة اهئ اهئ

اني ملفي مفلوت هناك وزوجي يقول روحي ليهم واني ابغى افادات البنات وبشوف

اذا اجمعوا معظمهم على المواساة باروح وامري على الله

بس اهم شي اعرف المستشفى المعالج والدكتور المناسب الافضل لحالتي !!

thallj
04-10-2010, 04:49 PM
اني بيني وبينش ما احب المواساه
بس الواحد ويش اسوي ورى العلاج
واني ابى مستشفى اتابع فيه بس ماني
ملاقيه واحد مناسب وبعدني على المواساه
بس ناويه اغير وبس الاقي على طول راح اتركهم

فقاعة صآبون
04-10-2010, 04:53 PM
مآتشوفي شر غناتي

اني سمعت عن دكتورة اشجان في الروضة

وسمعت من بنات المنتدى بس صراحة ماجربتها ولا اعرف

بس حبيت افيدك بالي سمعته

ومووفقة يارب وان شاء الله تبشرينا بخبر حملش قرييب ^^

ام رسيل
04-10-2010, 10:07 PM
عندك الدكتوره اشجان بصرحه ممتازه في مستشفى الروضه
وعند ك الدكتوره مها غب مستوصف الذكير بشارع ابن خلدون بصراحه كل يمدحهم

ليال/ام سيد علي
04-10-2010, 10:12 PM
وين هذولا المستوصفات والمستشفيات خواتي ياريت تدلوني عنها لان ماقط عرفتهم

القلوب الطاهرة
05-10-2010, 09:28 AM
اني سمعت يمدحو في مسشفى الروضه في الدمام عند الدكتوره اشجان

حتى سمعت ناس راحو ليها شهرين ثلاثه وحملوووا

بس اني حاليا اروح مستشفى الزهراء لكن ماحس استفدت شي بس خراااابيط

وقلت هالمره بروح الروضه ^_^

الله يرزقنا وياش

موج الحزن
05-10-2010, 01:10 PM
انا بصراحة كنت اتابع في البطي عشان مشكلة تأخر الحمل عندي مع ان اني دورتي منتظمة بس ماكملت علاج بسبب تكاليف العلاج الي ماينتهي عندها والقت الي تنتظريه في الأستراحة على مايجي دوري والله العظيم اقعد6ساعات وبعدين يطلع اسمي من زود الزحمة
والحين انا فكيت نفسي اخذت تحويل من المركز الصحي وطوالي على مستشفى عنك عند اخصائي النساء الكتور عادل الجندي عنده زحمة واجد بس ماشاء الله بسرعة تخلصي واحس ان علاجه ممتاز انا الحين امشي على علاجه واذا استفدت منه وحملت باقولش اختي

ليال/ام سيد علي
06-10-2010, 09:25 AM
ايه دكتور عادل الجندي عجبني مرة واسلوبه مقنع ومريح

اني قبل لا يجيني النزيف والشك اني اجهضت رحت ومرة فادني وعطاني موعد 11 شوال

بس اني مارحت خسارة انزجمت وقضيت فترة العيد ولحد ماجت الدراسة كل بالنوم خخخخ

بس اني اخد لي زوجي حمض الفوليك 5 ملجم وماستدمته الا هاليومين

وما شاء الله احس الاستهبال والدوخة واللوعة خفت عن اول واجد

بس باقي اجيك عالهرمونات والله يسهل عالجميع

موتي ولازعل زوجي
06-10-2010, 11:22 AM
روحي مستوصف جمعيه مضر هناك الدكتوره جليله واجد يمدحوهاا

ليال/ام سيد علي
06-10-2010, 12:22 PM
الى الان اشوف الترشيحات الاكثر

ووصل اكثر الترشيح بين المواساة وبين مستوصف الروضة

بعد ابغى اماكن ثانية وياريت موقع المستشفى اذا كان مش بالقطيف والاماكن المعروفة

*مهاد*
06-10-2010, 01:01 PM
شوفي غناتي مشكلتش مريت فيها اني وتقريباً مثلي
اني دخت وتعبت من البطي الي مانفعوني بشي ومن المواساه الهبلان
خيوو اختصري طريقش ولاتفلتي فلوسش الا في محل قد الحمل
في حالتش اخصائيه ماتنفع خديها قعده الا ادا الاخصائيه عندها خبره في هالمجال مثل دكتوره اشجان
او انك تاخدي قشك وتقاريرك وتروحي مراكز الدكتور سمير عباس ... جد جد جد ومن غير مبالغ تحسي نفسك رايحه المكان المناسب
بس فيه شي العلاج يكلف واااااااااااااااااااااااااااجد بس راح تختصري علاج سنه في شهرين 3
انا حالياً اكتشفو عندي مشكله تافهه كل المستشفيات الي رحتها ماكتشفوها عندي
ربي يسهل لك ويتحملين قريب
وكل من يريد يارب
دعاكم لي بالذريه ....

ليال/ام سيد علي
06-10-2010, 01:49 PM
مهاد غناتي كم تكلفتهم تقريبا

طيب يمكن اني مشكلتي مش عويصة

اتوقع بس بتوصف لي دوا للهرمونات يخليها بالمعدل الطبيعي

وبهالحالة الدورة بتنتظم عندي والحمل بيكون متى مابغيت

ليال/ام سيد علي
07-10-2010, 10:15 AM
!!!!!!!!!!!!!!!!!!!!!!!

ليال/ام سيد علي
08-10-2010, 09:07 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

fatemih.d
02-11-2010, 01:33 PM
اممممممم صحيح ابغى معلومات عن عيادات سمير عباس

ليال/ام سيد علي
02-11-2010, 02:05 PM
رحم الله والديش رفعتي موضوعي لاني كنت برفعه اليوم

**********88888***********************

بنات ابغى اعرف وين اقدر اتابع التبويض ووين افضل مستشفى يعطي منشطات حق التبويض

والاستفادة والاستجابة سريعه مو علاج مطول على مافي اي فايدة

بنات عجلوا علي والله النفسية مررررررررررررررة

ولحد الان الدورة سبوعين ماجتني والالم والحالة حالة والله الشاهد

galamor
02-11-2010, 05:01 PM
هلا خيتو مثل ما قالو لك
مراكز الدكتور سمير عباس
والدكتوره اشجان
و الدكتوره هاله بالصفا
جد ذولا افضل شي
وصح في دكتوره اسمها رنا في مستشفى فخري ذي بعد مره تمام

روعة
02-11-2010, 05:21 PM
ماتشوفي شر خيتوة

مشكلتي نفس مشكلتش تقريبا
وعانيت 3 سنوات
لين رحت مستوصف الروضة عند الدكتورة اشجان
3 شهور وحملت ولله الحمد

موقع المستوصف
طريق مارينا مول
تمشي سيدا
بيصير على يدك اليمين فرع بنك ساب
لفي يمين
وامشي سيدا يصير المستوصف على يدك اليسار

موفقهـ خيتوة

zenah
02-11-2010, 06:22 PM
خية انا بفيدك بتجربتي السابقة والحالية
انا قبل اربع سنوات رحت لمستوصف مضر عند دكتورة جليلة وقالت لي ان عندي تكيس بسيط في المبايض واعطتني دواء منظم للدورة شهر وشهر ثاني بعد الدورة اعطتني كلوميد، واذكر انها عطتي دواء اسمه دوبرجين اكتشف مؤخرا انه لهرمون الحليب مع ان ما كان عندي هرمون الحليب، والشهر الي اخذت فيه الكلوميد حملت فيه الحمد لله والحين عندي احلى بنت وعمرها 4 سنوات
بعدها حملت مرتين بدون علاج لكن ما تم الحمل واخر مرة اجهضت في محرم الماضي وبدأت في لعلاج في شهر رجب ورحت لنفس الدكتورة الي عالجتني في حملي الأول وهي دكتورة جليلة في مضر كشفت علي لما رحت وكانت الدورة بعدها ما تجي وقالت ليي ان حجم المبايض سليمة وقالت اشرب بعد ما تجيني الدورة كلوميد من يوم ثاني الدورة ولمدة خمسة ايام حبة وحدة الكلوميد الحبة الوحدة ما نفع معاي وكان حجم البويضة في اليوم 12 من الدورة 13 وهي المفروض تكون على الأقل 16 فقالت لي اخذ حبتين الشهر الي بعده، وتأخرت علي الدورة وكان عندي امل كبير اني حملت ورحت المواساة لأنهم يسووا تحليل هرموني للحمل وطلع ما فيه حمل وسووا لي اشعة وقال لي الدكتور مو ذاكر اسمه لكن لهجته مغربي او جزائري ان عندي تكيس في المبايض وقال ان مو اي احد يقدر يكتشفه.. طبعا انا ما تابعت عنده اولا لأنه شككني في حالي بقوة وثانيا لأن المواساة عندي تجربة سيئة معاهم في حمل وهم سبب موت جنيني واسعارهم تكسر الظهر
فرجعت لدكتورتي بعد اسبوع وكانت لسى الدورة متأخرة علي وقالت لي ان مستحيل ان يكون عندي تكيس لأن المبيض حجم كويس وبطانة الرحمة جيدة وما فيه غير ضعف في التبويض اصريت انها تعمل لي تحاليل فعملت لي تحايل هرمون الحليب وتحاليل الغدة الدرقية والحمدد لله طلعت تمام
بعدها جت الدوورة بعد تأخر 10 ايام وكانت مرة ضعيفة حتى شكيت فيها فما اخذت كلوميد والشهر الي بعده تأخرت دورتي حوالي 5 ايام وبعدها جت بشكل طبيعي واخذت الكلوميد وكان شهر رمضان والحمد لله التبويض كان جيد خليت الكلوميد بشهر شوال لأن زوجي كان مسافر ولما رحت بذو القعدة قالت لي الدكتورة اني لازم اكمل دورة علاج بالكلوميد لمدة 3 شهور وبعدها تجرب شي ثاني
المهم اني طلبت منها اشعة الصبغة قالت ليي انها متعبة وانها ما راح تلجئ اليها الا اذا تاخر الحمل بالكولميد واني مقررة أن اروح هادا الشهر للدكتورة اشجان بالروضة حتى تشوف وضعي وتسوي ليي تحاليل الصبلتحاليل يبين ان ما فيه ولكن انا الاحظ ان صدري فيه حليب
اتمنى اكون افدتك بتجربتي.. وانا ارشح لك الدكتورة جليلة في مضر، ولو حبيتي تطلعي برى القطيف فروحي الروضة لدكتورة اشجان لأني سمعت عنها كثير والكل يمدح فيها

ليال/ام سيد علي
02-11-2010, 07:10 PM
مشكورين عن جد فرحتوني وطمنتوني



شكلي باقرر اروح عنك عند دكتور عادل الجندي لان لمن رحت بداية شهر الله قبل لا اجهض

قالي لازم متابعة تبويض لان عندي ضعف بالتبويض وممكن يعطيني كلوميد واني طنشت السالفة ولا رحت

ريم القطيف
02-11-2010, 08:29 PM
اني تعالجت قبل عند الدكتورة منال في عنك وحملت بعدها

الحين نفس الشئ الدورة قطعتني 3 شهور وداني حالتي حاله من الالم وانتفخت مرررره

رحت اخت لي تحويل امس من المركز الصحي ورحت عنك عطووني موعد يوم الاثنين مع الدكتور عادل ويارب خيير

وماتشووفي شر ام السادة

ليال/ام سيد علي
02-11-2010, 11:58 PM
امممم خلاص اجل بس احس الوقت مناسب ومابتنزل علي الدورة خميس وجمعة برجع احلل >>بدت الهلسة خخخ

وبعدها على طول باروح اجدد لي موعد عندهم ان شاء الله نشوفش *_^

zenah
03-11-2010, 01:32 AM
بنات انا ما كنت اعرف ان مستشفى عنك في دكاترة لمتابعة موضوع تأخر الحمل
انا الشهر الماضي سويت ليي تحويلة لمستشفى الجش ودخلت على الدكتور بالواسطات واعطاني موعد بعد عيد الأضحى قال للممرضة سجلي موعد بعد 6 اسابيع قامت سجلت موعد بعد 16 اسبوع تخيلوا.. فانقهرت ولا رحت حتى سويت التحاليل الي اعطاني اياها الدكتور.. لأني حسيت حالي زي الطرارة حتى دخلت لداك الدكتور غير الانتظار من 8 الى 11 ونص وبعدين ما استفدت غير ورقة للتحاليل في يوم 21 الدورة وشاف التحاليل والاشعة الي سويتها وقال ليي اني وضعي عادي ولا يخوف حسب تعبيره
شكلي بخذ حالي وبروح الى عنك اذا مواعيدهم قريبة وسريعة.. والله يوفقنا جميعا

zenah
03-11-2010, 01:34 AM
صحيح.. ما قلتوا ليي من احسن دكتور، او دكتورة هناك ؟

ليال/ام سيد علي
03-11-2010, 01:36 AM
اني جربت دكتور عادل الجندي مرة تمام ويتصبر على الوحدة ما يعطي دوا وبس

zenah
03-11-2010, 05:50 AM
خية ام سيد علي.. في مستشفى عنك يسوو لش متابعة كل شهر للتبويض بالسونار، ويعطوش الأدوية على حسابهم، ومواعيدهم قريبة ولا لأ..؟

فرح
03-11-2010, 11:00 AM
الله يكون بعونك ام سيدو ..
البنات شقيين بحياتهم الصحية :(
للأسف ما عندي خبرة وايد لأني بالعادة ما اتابع بمستشفيات هنا مدري ليش أخاف لو عساني انفلونزا خفيفة على طول اشقح البحرين

بس من بعد ولادتي حسيت بآلام وما قدرت اتصبر لروحة البحرين ورحت لدكتورة بسمة بمستوصف مضر وحسيتها تمام وايد وتهتم بقوة ,,
يعني من اول زيارة سوت لي كل التحاليل والحمد لله تشافيت بسرعة
عوضا عن ذا كله تعاملها جدا حلو ويشرح النفس ,,

ما تشوفين شر يالغلاآ وطمنينا عنج ,,

ليال/ام سيد علي
03-11-2010, 11:35 AM
فرح مشكورة قلبوووو مرورش ريحني

بس اداني على الله جالسة اصبر حالي اقول اليوم بتنزل او بكرة والالم يزيد وينقص ويروح ويجي غير اللام النفسي طبعا الملازمني طول هالفترة
*******************************

زينة غناتي مابعرف اني لسى ماتابعت عنده تبويض او شي لاني مادري حالتي بتطول او لا عرفتي

بس باروح وبابدي علاج راح اجي واكتب هني بالموضوع ايش يقولي طيب

zenah
03-11-2010, 03:33 PM
شكرا غناتي ام سيد علي
وان شاء الله ما تطولي وتحملي على طول وتفرحينا بحملش يا رب

ليال/ام سيد علي
03-11-2010, 04:38 PM
مشكورة غناتي عالدعوة الحلوة

يلا مو مشكلة احمل على هالشهور او لا

اهم شي الهرمونات تنتظم والنفسية تصير احلى واحلى وبعدين اروق للحمل

هموس
03-11-2010, 04:48 PM
خيتوو انا صار عندي لخبطه هرمونات تخيلي تعالجت شهر ونص عن دكتوره جليله وحملت على طول

واعرف بنات استفاادو حتى تقول لي الدكتوره يقولو لها البنات الي يتابعو عنها
الي يشوفك يحمل وجها بركه خخخخخ

وبالتوفيق ...

ليال/ام سيد علي
04-11-2010, 07:05 PM
هموس غناتي وين دكتورة جليلة وين اراضيها ؟؟؟؟؟

فرح
04-11-2010, 07:21 PM
لولو دكتورة جليلة بمستوصف مضر ,,

انتي للحين ما رحتي ؟؟ ترى داخلة اطمن عليج انا ,,

ليال/ام سيد علي
04-11-2010, 11:05 PM
مارحت >>الا يشوف وجهي يقول تخاف وتروح خخخخخخخخ

كل يوم اقول على اليوم >>>جالسة محلي متكيسلة >>سودانية منقلبة هع

تمام اذا بمضر قريب بعد

كنت اليوم باروح بس ظهري وجلست بالبيت حتى الليلة زواج قرايبنا وخواتي راحوا واني مكاني

موج الحزن
05-11-2010, 02:43 AM
بصراحة انا الحين اتابع في عنك مع الدكتور عادل الجندي على طول قلت ليه عندي 3أولاد وصار ليي 3سنوات موقفة ماجبت شي وللحين ماحملت على طول كتب ليي كلوميد وميتافاج بدون مايكشف عليي ولا يحلل ليي لو ماأنا طلبت منه يحلل ليي.........لكن أبتدى وياي العلاج في الشهر الي راح ولكن قبل لاتطلع نتايج تحاليلي المهم..طلعت نتايج تحاليلي سليمة بس الي مستغربه منه انه ليش عطاني الكلوميد والميتافاج بجرعات زايدة ذا الشهر مع انا انا سليمة؟؟؟؟؟؟؟؟؟؟؟؟؟؟؟؟؟؟والشي الثاني الي مستغربه منه ماطلب زوجي عشان يحلل وينعرف السبب من منو ؟؟؟؟؟؟؟؟مع ان بنت عمتي لمن راحت له عمل ليها هيه وزوجها تحليل ؟؟

ليال/ام سيد علي
05-11-2010, 05:34 PM
مادري اني لمن رحت بداية شهر الله

وعطيته نبدة عن الا قالوه لي المستشفيات ان كسل وتكيس بالمبايض

على طول سوا لي سونار

وعطاني موعد لبعد العيد عشان يشوف اذا حمل او شي غير لانها قاطعتني الدورة 3 شهور ونص

وبعد مارحت له نزل علي نزيف قوي واحتمال صار لي اجهاض لاني شفت بلاوي وي النزيف

لكن تو ولدي مكمل 3 سنوات وهالدورة من بعد ولادتي كل مرة نزيف اعظم من الا قبل

عالرغم من ولادتي الاولى صار لي بس يعتبر اقل

والدكتورة تقولي عادي وضعش وطبيعي >>>اكره الدورة يقوم يجيني نزيف ائ

باحاول ما اتكيسل واروح بكرة الصباح واشوف ايش يصير لي >>ظهري متيبس علي وصدري محتقن حده ومليان عروق خضراء

zenah
06-11-2010, 02:49 AM
اختي ام سيد علي، على طول يسوي لك الاشعة ولا يعطيك موعد ليها
وانتبهي لحالك، ولا تتكيسلي في الأمور الي تحسيها ضرورية ومهمة، لازم كل وحدة منا تهتم بحالها
الله يرزقنا جميعا ان شاء الله بحق هالشهر

ليال/ام سيد علي
06-11-2010, 12:51 PM
خليها على الله خيتوووووووووووووووو

الله المعين

سيزر
06-11-2010, 11:38 PM
اني عندي دكتورة جليلة الي في مضر رحت اليها وبصراحة ارتحت اليها بس مره عليها زحمه

ليال/ام سيد علي
07-11-2010, 11:01 AM
اليوم رحت عنك والدكتور مو موجود قالوا تعالي الاثنين

وان شاء الله ابدي علاج بس اشوف ايش يقولي اكيد بيعمل تحاليل

وبعدها يقرر اذا مافي حمل ينزل الدورة وابدا اعدل الهرمونات لان عن جد خلاص تعبت نفسيا

ريم القطيف
07-11-2010, 05:43 PM
هلا ام السادة غناتي ماتشووفي شر حالش زيي بكره موعدي اني الدكتور عادل فاكيييد موجود

اني بروح الساعه 9 ونص ان شاء الله اشووفش

ليال/ام سيد علي
07-11-2010, 06:01 PM
حركات اني بعد عطتني موعد 9 ونص خخخخخخخخخ

اتخيلي شكلي واني اسئل كل الحريم انتي ريم القطيف >>بيقولوا جنت واقعدت ههههههههههه

ريم القطيف
07-11-2010, 06:24 PM
ههههههههههه لا ليلول لاتسألي ولدي بتعرفيه رووحي شوفيه في موضوع ام في ورطه

ليال/ام سيد علي
07-11-2010, 10:59 PM
طيب خخخخخخخخخخخخخخخ

zenah
08-11-2010, 03:59 AM
بنات انا اليوم رحت عند دكتور عصام عزت بالمواساة
لأني الدورة جتني يومين ووقفت وعندي الم في خواصري فخفت ان فيي شي وبما اني اخذت الشهر الي فات كلوميد ولا حصل حمل خفت ان صار فيي شي، فما رحت لدكتورة جليلة في مضر لأنها زحمة
المهم انه أكد لي أن عندي تكيس ووراني اياه في الأشعة، وهوه صحيح كان مبين
الدكتورة جليلة كانت مصرة ان ما عندي مع اني كنت اقول ليها ان عندي اعراض التكيس وقالوا لي من قبل ان عندي تكيس
المهم انه اعطاني دواء الجلوكوفاج وقال لي استمر عليه لحد ما احمل، وقاعدة افكر اكمل اتابع عنده بما انه شخص حالتي واعتقد ان تشخيصه صحيح لأني مع دكتورة جليلة من 5 شهور وكل مرة اقول لها يمكن عندي تكيس تقول لي لأ، واشرب كلوميد ويصير تبويض كويس ولا يصير حمل
فمن جربت الدكتور في علاج التكيس وعلاج الهرمونات
انا جربنته من قبل في اجهاضي الأخير وكان في مستشفى المواساة بالدمام وهو الي كان يتابع حالتي لما تنومت للأجهاض وتعامله كان تمام وكويس ويشرح للمريض حالته بشكل مفصل ويعطي معلومات ونصايح
يعني اني طلبت اني ما اجري عملية تنظيف فاعطاني نصايح واعطاني موعد حتى يتأكد أن الرحم نظف بالرغم من اني طلعت من المستشفى على مسئوليتي لكنه اهتم بحالتي
ابغى اعرف كيف هو في علاج الهرمونات والتكيس

ريم القطيف
08-11-2010, 02:11 PM
هلا ليول
وش سوويتي في الموعد
اني مارحت لان زووجي تعبان اووف واني منقهرة لاني تعبانة

والله مو كاتب نشووف بعض الظاهر

summer rain
08-11-2010, 02:46 PM
اعرف وحده راحت سعد لها 6سنوات ماحملت واللحين حامل ..

ليال/ام سيد علي
08-11-2010, 05:09 PM
زينة انا جربت دكتور عصام موعدين اول مرة عمل اشعة وثبت عندي تكيس وراواني اياه

وعمل لي فحص الهرمونات بس رحت الموعد الثالث ودخلت على دكتورة خالدة وماعجبتني وقلت

ليها دكتور عصام قالي بعد الدورة سوي هرمونات وليومش

سويتهم 8 رمضان ولا رحت للنتيجة اصلا >> ماتطييق المواساة

تالي رحت عنك وقالي الدكتور مافيش تكيس والفترة قليلة بين المواساة وعنك

وقالي احتمال ضعف بالمبايش والاباضة بس مو تكيس

واذا مافي حمل ولا جتش مني لبعد العيد تعالي واني طنشت

وهالاسبوع رحت بعد ما تاخرت من جديد 20 يوم اف >>الالم الله وكيلش مضيق خلقي مرة

ومايندرى استنى اتابع واشوف قصتي

*************************************************

ريمممممممممم خخخخخخخخخخخ

اليوم من شفت الزحمة فكرتش من ضمنهم واستنى اشوف وحدة وياها ولدها خخخخخخ بس ماشفت

خلاص الاثنين الجاي لي موعد من جديد اذا مانزلت الدورة بس اذا نزلت هاليومين

اروح ليهم عشان التحاليل اللازمة

ماتشوفوا شر غناتي

**********************************

سمر رين

اسمع عن سعد حاجات عجب عدل

خصوصا حاجة سمعتها وعجبتني انهم ينظموا للحمل باكثر من جنين وبالجنس الا تبغيه >>> وااااااااو

zenah
09-11-2010, 01:32 AM
اختي ام سيد علي، اني مرتين اروح للمواساة ويقول لي ان عندي تكيس
اول مرة عند دكتور هيكل والاشعة سوتها دكتورة وقالت ليي ان فيه تكيس واضح
وكنت اتابع عند دكتورة جليلة في مضر وقالت ليي ما فيه تكيس وسوت تحاليل لهرمون الحليب والغدة وطلعوا طبيعي، وكل شهر اسألها اذا فيه تكيس وتقول لي مستحل لو فيه تكيس البويضات ما يوصل حجمها اكثر من 10 وانا اول مرة رحت اكشف كان يوم 14 الدورة وكان حجم البويضة 13
المهم اني هادا الشهر بعد 5 شهور متابعة مع دكتورة جليلة رحت للدكتور عصام وسوى لي الاشعة وقت الدورة وقال لي ان عندي تكيس ووراني اياه في الاشعة، وانا اصلا شاكة انه عندي لأن عندي اعراضه
المهم انه اعطاني جلوكوفاج بدون ما اسوي عنده ولا تحليل واخذته من امس ومخلي حالتي كأني حامل ببداية وحامها، مو طايقة حتى اشم رحة الأكل
وقال لي تابعي التبويض عادي عن الدكتورة، لكني يمكن اروح عنده في فترة التبويض حتى يشوف لي وضع التبويض

ليال/ام سيد علي
09-11-2010, 06:32 PM
اني بس المواساة مصر على التكيس ولمن رحت عنك بعد كم يوم من المواساة قال مستحيل تكيس اصلا

وعرفت ان المواساة على طول تكيس

بس كان قبل عندي تكيس خفيف طبعا مو بالمواساة تبع عيادة الشركة >>الحين قفلوا فرع القطيف ومتازمة مرة

ليال/ام سيد علي
09-11-2010, 06:34 PM
اف اتصلت من شوي للمراخة >>بعد ما اقنعت زوجي وبالموت رضى

الا هي تقولي لازم تحللي دم اول عشان اعرف مو حامل وبعدين امرخش

موج الحزن
09-11-2010, 07:01 PM
هذا دكتور الي في عنك كله يقول ليي مافيش شي لين انتفخ الرحم انتفاخ واضح حتى هو الدكتور لمس الأنتفاخ بعدين سوى ليي الأشعة وبينت في الأشعة ان معي تكيس من الكلوميد الي عطاني وياه سبب لي تهيج في المبايض وقال ليي الحين استخدم الكلوفاج عشان يروح التكيس بس قال ليي حبه وحدة باليوم

انتون كم حبه تاخدون باليوم من الكلوفاج؟؟؟؟؟؟؟؟؟؟؟؟؟؟

سميتكـ غلآْي
09-11-2010, 08:11 PM
اني معي قرحه عنق الرحم وتليف في المبيض واني الحين اتعالج في مستشفى الصادق وقالت الي الدكتوره لازم تعملي كوي بتبريد ابي الحين اسالكم بنات احد يعرف صار فيه دي الحاله وحمل بعد العمليه ضروري ردو ه

zenah
10-11-2010, 07:19 PM
اني المفروض اسوي تحاليل في القطيف المركزي الشهر الماضي، لكن مرة منسدة نفسي منهم
ان شاء الله هالشهر يوم 21 من الدورة اروح
اني كنت اتوقع ان عندي تكيس وبعد ما قالوا ليي دكتورين ان فيي تكيس صدقت الحين، ويمكن يكون من الكلوميد بعد لأني أول شهر اخذته تأخرت دورتي 10 ايام وهي ما كانت تتأخر قبل والشهر الي ما اخذ فيه كلوميد تتأخر دورتي
الحين اخذ جلوكوفاج حبتين في اليوم مع حبتين كلوميد من يوم خامس الدورة وان شاء الله ربي يكرمني بالحمل ولا احتاج لعلاجات زيادة يارب
الله يرزقنا جميعا

ملاذ الروح
13-11-2010, 04:05 AM
اني عن تجربتي مع الحمل تاخرت سنه على الحمل تعالجت بالصادق

وكل مره تقول شيء بس من اول مره قالت لي ان عندي هرمون الحليب بتتركه الى اخر شيء


وقامت كل مره تطول في العالج عشان المصاريف وقالت لي مثل الاخت سميتك غلاي ان عندي قرحه ولازم اكويها

فرفضه بعدين ادويه عن التهابات وما ادري ويش

بعد شهر عملت لي تحليل هرمون الحليب طلع مرتفع عطتني dostinexواستعملته لمدة شهر

في نفس الفتره كان عندي 3 جلاسات علشان التبويض والحمد لله كان تقول لي في ذي الفتره

البويضه نازله هنا لازم لازم جماع والحمد لله صار الحمل وبنتي كبرت

يعني الدكاتره لو على طول تقول الينا المشكله مش افضل من انهم يطولوه

والحين نفسي احمل مره ثانيه بس خايفه من العلاج مره ثانيه التطويل اني صدري مازل يطلع منه حليب يعني

قلت الى زوجي مافيني شيء اشتري الي الحبوب مره ثانيه مو راضي يقول لازم علاج

والله المستعان

سحر الخيال
14-11-2010, 09:22 AM
بالنسبه ليي توني بس من كم يوم رايحه مضر عند الدكتوره جليله
سويت تحاليل وبعدها ماتطلع نتايجها قالت بتشوف هرمون الحليب مرتفع لو لا
الله كريم

دلوعة حياتها
14-11-2010, 08:54 PM
انا بنت خالتي تعبت من المستشفيات

ومافادت معاها الا مستشفى الروضه اللي بالدمام عند الدكتوره اشجان والحين تنزل الدوره بكل شهر وبنفس التاريخ

نور وسط الظلام
19-11-2010, 03:41 AM
بنات من جربت اشعه الصبغه؟

ليال/ام سيد علي
21-11-2010, 04:26 PM
بنات اخباركم >>ادري مغبرة مرة

رحت الاثنين اللي راح وسوا لي اشعة وبعدين عطاني حبوب تنزيل الدورة واليوم السابع والاخير

ان شاء تنزل اليوم افتك واروح الاثنين لان يقول مو موجود الا الاثنين هالاسبوع

واخد مني تحليل حق هرمون الحليب واذا نزلت الدورة راح ياخد تحليل الغدة

zenah
21-11-2010, 05:36 PM
اختي ملاذ الله يرزقش ان شاء الله من دون علاج، لكن اذا كنت شاكة بهرمون الحليب روحي سوي التحاليل واقرأي حول حالات تأخر الحمل وبتصير عندش خلفية في العلاجات المقدمة علشان تقدري انتين تساعدي الطبيبة في تشخيص حالتش، اني اسوي كيدا واذا ما اقتنعت بكلام الدكتورة اروح لمكان ثاني والله يعينا على العلاجات وروحات المستشفيات، اني مليت من جلسات الانتظار في المستشفى الله يعينا ويعوظنا عن صبرنا خير
اختي سحر الخيال ان شاء الله تحاليلش تطلع كلها سليمة، ولو حسيتي انش ما استفدتي روحي عيدي التحاليل في مستشفى ثاني لأن تحاليلي في مضر كانت كلها سليمة وفي المواساة بين ان عندي تكيس فاستشيري اكثر من دكتورة
اختي دلوعة انا سمعت كثير عن دكتورة اشجان وكنت مقررة اروح عندها اسوي اشعة الصبغة لكن الدكتور عصام في المواساة نصحني اني ما استعجل فيها لأني مو محتاجة اليها حاليا
اختي نور الظلام ان شاء الله يفيدوش البنات الي جربوا الاشعة، انا لسى ما جربتها لكن الي اعرفه انها تنعمل للي شاكين ان عندها انسداد في قنوات فالوب وتنعمل غالبا للي عملوا عمليات جراحية قريب من الحوض مثل العملية القصيرة وعمليات فتح البطن فاذا ما كنت تعرضتي لعملية يمكن ما تكوني تحتاجيها
اختي ام سيد علي ان شاء الله تجيش الدورة ويرتاح قلبش وتطمني، وتكون هادي اخر دورة تنزل لش، وبالتوفيق خية

ليال/ام سيد علي
22-11-2010, 04:21 AM
يسلمووووو زينة عالدعوة الحلوة اني ابغى تنتظم كم شهر دخيل الله لو تتاخر اسبوع مو بالاسابيع والشهور عشان احمل وانا مرتاحة
وغير كدا ما احاتي الولادة والعفسة واني دورتي معفوسة وهرموناتي زفتة
اتمنى من ربي تنتظم وتصير خوش شي عشان النفسية اقلها ترتاح والجسم يخف الاحتقان والنفخة الا فيه >>قريب تنفجر

المسك الابيض
22-11-2010, 01:31 PM
عندك الدكتورة جليله في جمعيه مضر
واشجان في الروضه
عن تجربه مرة تمام

دلوعة حياتها
22-11-2010, 03:15 PM
زينه..انا رحت مستشفى المواساه وعلى طول عطاني اشعة صبغه بس مابروح اسويها

نور وسط الظلام
23-11-2010, 06:20 AM
زينه .. لا ما عمري سويت عمليات الحمدلله
بس لانو معاي ضعف بالتبويض ولما اخذت العلاج تنشط التبيويض بس ما صار حمل واحين بكمل 3 سنوات من الزواج
وقالت الدكتوره اشجان الا بستشفى الروضه انو لازم اعمل اشعه الصبغه عشان تشوف سلامه الانابيب وناه قناه فالوب المهم مرتين ادخل غرفه الاشعه واطلع بدون ما اعملها لان يعملوها بدون تخذير هي نفس الفحص المهبلي العادي وبعدين يدخلون انبوب رفيع شوي وفيه محلول الصبغه ويصور وا مرور المحلول في الانابيب والقنوات ادا مر يعني سليمه وادا رجع يعني في انسداد
طبعا انا خوووافه درجه اولى يعني الفحص المهبلي ادكر سويته بس مره وبالموت والصريخ
ولما تشجعت اسوي اشعه الصبغه ما اقدر على الحديده الا يفحصوا بها اموووت منها واطلع من الغرفه يعني مرتين افشل اني اعملها بحذ ذاته احبااااط اليي واجد
غير ان العلااج مره مكلف يعني كل شهر لازم يكلفني العلااج مع الادويه الف الى الى الف وشوي

ليال/ام سيد علي
23-11-2010, 06:17 PM
اف للحين مانزلت الدورة وخايفة حدي

بنت خالي خوفتني تقولي حتى لو سوا لي اشعة اكيد مببين له كيس ولا جنين هي صار ليها كدا

بس انا عملت تحليل دم عادي بالبطي وقالت مافيه ورحت الاثنين واعطيته النتيجة

وسوا لي اشعة والمفروض الحبوب 7 ايام و14 حبة مرتين باليوم

والاحد خلصت العلاج المفروض بالكثير اليوم تنزل

ماشفت شي بس احس بلووعة قوية

ليال/ام سيد علي
23-11-2010, 06:19 PM
اف للحين مانزلت الدورة وخايفة حدي

بنت خالي خوفتني تقولي حتى لو سوا لي اشعة اكيد ما ببين له كيس ولا جنين هي صار ليها كدا

بس انا عملت تحليل دم عادي بالبطي وقالت مافيه ورحت الاثنين واعطيته النتيجة

وسوا لي اشعة والمفروض الحبوب 7 ايام و14 حبة مرتين باليوم

والاحد خلصت العلاج المفروض بالكثير اليوم تنزل

ماشفت شي بس احس بلووعة قوية

واني طول فترة العلاج شربت دارسين وزنجبيل وزعتر

شكلي اخر شي يوم السبت ولازم اتحرك ان مانزلت خلال هالايام

حدها بعطيها 5 ايام يعني السبت اتحرك اي مستشفى لين مانزلت >>الله يستر

ليال/ام سيد علي
27-11-2010, 05:25 AM
بنات ابشركم نزلت الدورة يوم الخميس >>يوم الكشتة *_^

ورجعت المغرب وفلتت عمري عالسرير من الالم وطبعا بلعت لي بندولة ونمت ليوم ثاني الظهر >>منتهية

واليوم الوجع اهون لكنها ناشفة مو نزيف كعادتها توقعتها تجيني قوية

وباروح له الاثنين والاحد باروح للمراخة امترخ دعواتكم

جوار الروح
27-11-2010, 07:39 AM
الله يفرج عنش ويعطيش العافيه ياااارب

الحمدالله اطمنتي وطمنتينا عليش

وان شاءالله ذكرى وماتنعاد بلاء هالدورة والهرمونات والخربوطات

الله يعينا المبتليات المساكين

يالله كله بأجره والله المعييييييييييين

موج الحزن
27-11-2010, 05:31 PM
الله يعينش ويوفقك انا بعد انتظر نزول الدورة عشان اروح موعدي عند الدكتور عادل عشان هالشهر بيكشف وبيشوف ويش صار على التكيس والدورة خلال هاليومين نازله دعواتكم لنا

ليال/ام سيد علي
27-11-2010, 06:52 PM
جواااااااااروووووووو مشكورة قلبي ويسلموووو عالدعوة الحلوة *_^

موج الله يفرح قلبش ويطمنش وتنولي الا ببالش يارب ياكريم

ليال/ام سيد علي
04-12-2010, 11:28 AM
بنات رحت الاحد والاثنين والثلاثاء للمراخة وامترخت 3 ايام من الصباح

وقالت لي عندي املاح واجد وغازات

وماشاء الله بطني خف نص الانتفاخ واحس نفسي خفيفة بعد المراخ

galamor
05-12-2010, 02:30 PM
خيتو ليال

انا بعد اسبوع الجاي اكمل شهرين ما نزلت

شربتي دارسين وزنجبيل


ومنو المراخه اللي رحتي لها

ام فاطمة
05-12-2010, 05:18 PM
اني عندي بنتين وولد والحمد لله عمرولدي 4 شهور وطبعا مشكلتي مع الدوره من بعد الاربعين
اول مرة جتني 3 اسابيع دم خفيف بس اتحرك واستخدمت دافلون 500وقف الدم وبعدها جتنا الدوره 6ايام مستمره طبيعيه وبعد 10 ايام رجع الدم مره ثانيه بس دم لونها بني واحيانا زي الخيوط وانتون بالكرامه واني ارضع طبيعي 100%والله حتى نفسيتي تعبانه من هذا المشكله

أم الكتاكيت الحلوين
05-12-2010, 05:32 PM
الله يعينش ويعطيش العافية حبيبتي
بصراحة الوضع يازم كدا بس ليش ماتروحي المستشفى يسوو لش سونار يمكن في مشكله
هل تستخدمي موانع والله لسى؟

ماتشوفي شرررر غناتي

ليال/ام سيد علي
07-12-2010, 12:50 PM
اف امس كتبت الرد وطويل وطار لان انغلق المنتدى اهئ اهئ

الخلاصة

رحت امترخت عند ام محمد سويد 3 ايام

وكان رابع يوم للدورة

والدورة نزلتها بحبوب وصفها لي دكتور عادل عنك

7 ايام مرتين >>14 حبة

خلصتهم الاحد ونزلت الدورة الخميس>>يوم الكشتة

واستانست من المراخ حسيته فاد جسمي قالت لي عندي املاح واجد وغازات

وبالنسبة للموانع الا سئلتني استخدم العزل من ولادتي 4 سنوات

وطبعا طول هالفترة كان عندي ذمة وضمير بالعزل >>مايوم من الايام ولو بالغلط صار بدون العزل

وهذا الشي اتوقع عطاني مناعة ضد الحمل والدورة صارت تقطعني

والمراخة قالت لي اخلي نفسي بدون موانع واترك حركات الجماع تقول هذا الا يتعب الحرمة


بس كل مافكر اقول عقاب ربي لي لان يوم حملت على بتي قتلت حالي من الصياح تالي حمدت ربي

ومن ولدت على طول صار هاجس الحمل عندي

وسنة 1431 كانت للدورة كابوس استجنت دورتي وبنص السنة تركت حالي بدون موانع

واللي صار لادورة ولاحمل >>الحمد لله رب العالمين

جنة الهوى
07-12-2010, 02:29 PM
واللة في مستشفى ممتاز تعالجت فية كان عندى تكيس في المبيض والحمدللة حملت مستشفى الروضة دكتورة اشجان حتى يوم حملت من فرحتي جبت ليها هدية انصحش فيها مرة ممتازة ومرة شاطرة

جنة الهوى
07-12-2010, 02:33 PM
الدكتورة اشجان في مستوصف الروضة مرة ممتازة

ليال/ام سيد علي
07-12-2010, 03:01 PM
اسمع يمدحوها واجد

اللي فيه الخير يقدمه لي رب العالمين

عروس 2009
07-12-2010, 03:17 PM
الله يرزقنا ويرزقكم يارب

بحق باب الحوائج

ساقي العطاشى

omhadooi
07-12-2010, 03:25 PM
سلام بنات انا عندي تكيس رحت عند دكتور هيكل الي في الموساة احسه يفهم بس ما يعطي معلومات يعني ما تقدري تفهمي شي بعدين علشان اتأكد رحت الى دكتوره في تداوي ونفس التشخيص ونفس العلاج
طيب السؤال يصير اسوي متابعة تبويض واخد منشطات مع التكيس ؟؟؟؟؟؟؟؟
انا اليوم عندي موعد مع دكتوره كرستينا في الموساة بشوف ايش يصير ابغى احمل وافتك احس نفسي على اعصابي ؟؟؟؟؟؟؟؟؟؟

الذوق الرفيع
07-12-2010, 06:04 PM
الله يرزق الجميع بحق مصاب ابا عبد الله ع ......

ليال/ام سيد علي
07-12-2010, 11:16 PM
مشكورين جميعا

ام هدوي مادري الصراحة مافي الا المواساة شككوني بنفسي واجد واني ماطيقهم من الاساس

ومرتاحة من عنك دكتور عادل

والله يقدم اللي فيه الخير

وافوض امري الى الله ان الله بصير بالعباد

omhadooi
11-12-2010, 01:04 PM
رجعنا صبيا رحت المستشفى ....... طبعا ما قدرت ادخل على كرستينا بعد ما سويت الاشعة فا دخلت على دكتور عصام
استغرب ان صار الي تكيس مع اني حملت مرتين قبل بس هده امر الله
طبعا طلع التبويض ضعيف بسبب التكيس فا قال الي اسوي الاشعه بعد يوم الاحد والثلاثاء وعطاني برنامج اسويه من يوم ثاني الدوره بدايه بتحاليل واشعه وكله في جدول مرتب وانشاء الله خير احس نفسي خايفة مع اني رحت الى كده دكتور وطمنني يقولو هده شي ثانوي لاني حملت من قبل والله احس نفسي على اعصابي
دعواتكم

sosi
11-12-2010, 03:55 PM
بنات في احد جرب دكتور حمدان في المواساه ؟
انا كنت اتعالج عند الدكتوره فاطمة الزهراء ,, بعدين قالت بتسوي لي منظار
واني للحين ماكملت سنه من زواجي فخفت وحولت على الاستشاري :(
اذا احد جربه ياليت يقول لنا تجربته ,,

دعوأأتكم لان نفسيتي صايره زفت :(

omhadooi
11-12-2010, 09:56 PM
اختي sosi جربي دكتور عصام الي في الموساة في القطيف وادا ما كملتي سنه ما بيسوي الك منظار جربي شوفي لا تسلمي حالك الى احد الا ادا كنتي متأكده منه

ليال/ام سيد علي
12-12-2010, 03:29 AM
اني برجع اروح الى دكتور عادل بعنك لمن تنزل الدورة ان شاء الله تنزل بموعدها ماتطوفه واجد

sosi
13-12-2010, 11:37 PM
أم هدوي ,,
انا ماوافقت على المنظار قلت ليها ماابغاه لانه جراحه وسالفه :(
اني ابغى انظم الدوره اول وبعدين الحمل :(

ام سيد علي .. كيف مواعيدهم عنك ؟
بعيده ولا كيف ؟

ليال/ام سيد علي
14-12-2010, 04:25 AM
هلا سوسي

مواعيد عنك على حسب حالتش انا من الاثنين للاثنين كدا

والحين صار لي شهر مارحت خخخخخ لان دورتي نزلها لي بالحبوب

وعلى ماروح له عشان تحاليل الدورة الا بتكون قبل اخر يوم والمفروض اول 3 ايام من الدورة >>كل جدي يصير لي وي تحاليل الدورة

يا اخر الاسبوع عشان يطير موعد تحاليلي خخخخخخ

19 محرم على خير اتحرى الدورة >>ان شاء تنزل وما تتاخر او تطول يارب

مشاعركبتشينو
15-12-2010, 12:28 AM
مستشفى الدوسري بالخبر عند الدكتور زهير الكيلاني مره روعه لهالامور
وبسرعه تنحل مشاكلكم عنده بس اهم شي تاخدي موعد لان من الصباح والعياده زحمه بشكل فظيع وطمنونا عنكم

عروس 2009
15-12-2010, 10:24 AM
بصراحه احس المستشفيات يستغلونا والحمل ع مايكتبه رب العالمين

اني رحت للدكتوره لواء في سعد وقالت لي بكل صراحه

التكيس مايمنع الحمل بس يضعف حجم البويضه عشان كده يعطونا حبوب منشطه

ويتابعو التبويض وإذا ع حجم البويضه موشرط اهم شي موااقل من 16 تكون البويضه صالحه للأخصاب

ويفرق من وحده للثانيه احس المستشفيات بس من استعجالنا احنا

واذا وحده حملت مومن المستشفى ولا لأن الدكتوره شاطره والا شي

هذا لأنه رب العالمين قال كن فيكون

ألدعاء احسن وسيله رب العالمين قادر على كل شي

مومعناته ماننتبه لصحتنا بس مونروح مستشفيات وتتعب نفسيتنا وش الفايده من المتابعه دام نفسيتش زفت

عروس 2009
15-12-2010, 10:26 AM
أللهم ابعد عني شر من يؤذيني
ولاتحوجني لطبيب يداويني
اللهم لاتشمت اعدائي بدائي
واجعل القرآن الكريم شفائي ودوائي
بحق محمد وآآآآل محمد

ليال/ام سيد علي
17-12-2010, 09:51 PM
الله يقدم الا فيه الخير لنا وللجميع بحق مصاب ابي عبد الله صلوات الله وسلامه عليهم اجمعين

عشقي حسين
18-12-2010, 03:39 AM
الدووره غباتني 14 يوووم ولا فيه بوادر الى نزولها بس جاني المها وقت اللي بتنزل فيه وبعدين راااح وسويت تست وطلع سلبي

بنات من صار له زيي

نور الغلآ
18-12-2010, 06:33 AM
اني بس لان دورتي مو منتظمه احلل ويطلع سلبي
وانتي اذا كانت منتظمه روحي حللي دم احسن

omhadooi
18-12-2010, 07:20 AM
عشقي حسين
انا صار الي مثلك وبعدين رحت المستشفى اطلع عندي تكيس ونزلو الي الدوره بالحبوب
لا تسكتي وروحي شيكي وخليها تنزل وحللي يمكن يطلع حمل

omhadooi
18-12-2010, 07:23 AM
انا كنت ابغى اسأل ادا في احد سوى العمليه وحملت ؟؟ الدكتور يقول ماله داعي لاني عندي اولاد يعني حملت من قبل

ليال/ام سيد علي
18-12-2010, 07:54 AM
ام هدوي لا تستعجلي عالعملية

اني بالمواساة قالوا لي تكيس ومن رحت عنك قال مافي شي برحمش

يمكن ضعف بالاباضة او هرمون الغدة والحليب فيهم ارتفاع او خلل

وطبعا سوا لي هرمون الحليب والمفروض تجيني الدورة واروح له عشان تحليل الغدة

لكن جتني يوم خميس وكانت ناشفة لان بحبوب بعد انقطاع شهر وشوي

لان اخر دورة كانت 12 شوال وبالحبوب نزلت لي 19 ذو الحجة

بس الان شكلي عرفت علة دورتي اذا احس بارهاق وان دمي نازل ماتنزل علي الدورة وتقطعني

والحين صار لي شهرين مداومة على حمض الفوليك وان شاء الله خير يارب

مملكه الجمال
20-12-2010, 11:59 PM
السلام عليكم بنوتات

اختي ليال برفع موضوعش لان عندي سؤال ؟؟

سويت تحاليل الهرمونات و الغدد قبل سنه ونص تقريبا هل يحتاج اعيدها الحين ؟؟ مع العلم كانت نتايجهم سليمه الحمد لله

سؤال ثاني

وش رايكم بمستشفى بروكير في متابعه تأخر الحمل و من افضل دكتوره ؟؟

ليال/ام سيد علي
21-12-2010, 01:58 PM
هلا مملكة الجمال

اممم بالنسبة لتحاليل الهرمونات والغدد اكيد لازم تعيدي اذا الدكتورة تشوف هالشي يحتاج

لان سنة ونص واجد

اني هرمون الحليب لمن كنت اتابع كانت كل شهر تاخد لي وتشوف مستواه هو والغدة الدرقية

والحين ما رحت اتابع ولا شي

امس رحت الرعاية واخدت لي تحاليل ومن ضمنها حق الغدة لان تقول الاعراض الا فيي احتمال قوي

ضعف بالغدة الدرقية

مملكه الجمال
21-12-2010, 05:54 PM
تسلمي على الرد غناتي و ماتشوفي شر ان شاء الله

اني ناويه اتابع في بروكير ومايندرى بكم تحاليلهم

ليال/ام سيد علي
22-12-2010, 06:27 AM
على خير اذا تابعتي عندهم تعالي وافينا بالتفاصيل

يعطيش العافية

ليال/ام سيد علي
28-12-2010, 12:18 PM
اف بنات ما ابغى اهلس دورتي داك الشهر نزلت بالحبوب تاريخ 19 دو الحجة

وللحين ماشرفت ماكو الا وجع بمفاصلي قاص ركبي قص

واشرب اشياء ساخنة ولا اشوف شي

مشتاقهـ اضمك
28-12-2010, 03:50 PM
مرحبااا
شلووونكم ؟
انا اخر دوره جتني تاريخ 27 دي الحجه وبعد مروور 12 يوم من خلصت الدوره نزل علي دم والمني ظهري وبطني وهذا صار من 10 ايام ولما رحت المستوصف تبعنا قالت روحي الطوارى ولما رحت سوو لي تحليل الحمل وماكان حمل وبعدها طلعت من المشفى
فيه احد صار له كذا؟؟ عطوووني من خبراتكم
وعساكم ع القوه

مشتاقهـ اضمك
28-12-2010, 03:54 PM
سلامتك ليال وان شاء الله تنزل عليك الليله

ليال/ام سيد علي
29-12-2010, 07:32 AM
اتوقع حمل لا تستعجلي ولا تسوي اشياء لحد ما تتاكدي عدل

اني بحملي الاول عانيت وماثبتت اني حامل رسميا الا بالشهر الثالث

مايبين لي بالدم والمنزلي اسويه يطلع خط فاتح وغامق وهذا الا شككني خخخ

وحتى الترجيع والوحم بدا وهم مافي حمل وتالي حمل ضعيف وبالشهر الثالث وصفت لي مثبتات

مشتاقهـ اضمك
29-12-2010, 07:46 AM
انا لحد الحين ماسويت اختبار الحمل المنزلي قلت لما يجي وقتهاا ومانزلت الدوره بعدين بسووي
يعني انتي صار لك شديه نزل عليك دم وانتي حامل؟؟

وعساكي ع القوه

ام كوثر
29-12-2010, 07:58 AM
ام سيد علي

انتي تا بعي في مستشفى عنك عند عادل الجندي كيف هو تحسيه شاطر

اني اتابع هناك لكن عند الكتورة منل هندية وما ادري كيف هي اسحب الكلام منها والله تتكلم

سامحيني على التدخل

ليال/ام سيد علي
29-12-2010, 09:26 AM
انا لحد الحين ماسويت اختبار الحمل المنزلي قلت لما يجي وقتهاا ومانزلت الدوره بعدين بسووي
يعني انتي صار لك شديه نزل عليك دم وانتي حامل؟؟

وعساكي ع القوه


ايوة بالحملتين ينزل علي دم ساعات اوقات الدورة وساعات من اتعب شويات ينزل دم مو غزير بس يصير في دم

حتى صار اذكر عندنا بشهر 3 زواجات من الاهل واني كنت بالرابع ومن اطلع من الزواج لازم دم

واخر زواج انتبهت انه طلع لي دم واني هناك وجلست متوترة حدي وتالي رجلي ماخلاني اروح مكان خخخ

وزيدت علي المثبتات وعطتني دوا الطلق اسمه يو تو بار لان كان عندي اعراض ولادة مبكرة وطلق وعفسة

كني قلت قصة حياتي لئ خخخخخخخخ

ليال/ام سيد علي
29-12-2010, 09:28 AM
ام سيد علي

انتي تا بعي في مستشفى عنك عند عادل الجندي كيف هو تحسيه شاطر

اني اتابع هناك لكن عند الكتورة منل هندية وما ادري كيف هي اسحب الكلام منها والله تتكلم

سامحيني على التدخل

اي دكتور عادل شاطر وما يستعجل على العلاج الا اول يتاكد من الاعراض والنتيجة

اذكر اول موعد لي بعنك دخلوني على الهندية وماطقتها وتالي اخدتني الممرضة لدكتور عادل

ومنها صار علاجي عنده اشوى