المساعد الشخصي الرقمي

مشاهدة النسخة كاملة : من اين اشتري الى طفلي ؟؟



الصفحات : 1 2 [3] 4

عروسه البحر
18-01-2011, 08:10 PM
يسلموو دوااقه حبيبتي :)

دمعة فجر
18-01-2011, 08:22 PM
أم اريج يقولون الي تكرش يرجع جسمها طبيعي
:o انا من ولدت شهرين نزلت كرشتي شويات وثيابي يادوب تدخل ومتفائلة مابجي ربيع إلا شحومي طارت
فما راح استخدم شيء

بالنسبة للتوزيع انا اخذت شوكولاتة منوعة مارس وسنكرر وجالكسي ذي الطقة كلها بحجم كبير وعصيرات
وطبعا القهوة والشاي اما المكسرات محد يبغاهم لانهم 10 دقايق ويطلعون

عروسة زي انا اخذت مفرش فاتح مرررة واستخدمت هالفوطة وماتوسخ إلا جهة المخدة لانو ماعملت حسابي ههههههههه فضيحة
خذي احطياتش والله يعينش 4 ايام ويخف وربي يسهل عليش

عروسه البحر
18-01-2011, 08:26 PM
احس ضروووري هالفووط لان زي ماقلت ليكم المفرش فااتح
يسلموو حبووبه دمووعه وان شاء الله ترشقي قررريب :)

تواصل
18-01-2011, 10:22 PM
سؤال
احين اني بديت اشتري وصايره اخد كل شي من صفر لين 3 اطالع لي اصغر nB احسه صغير هل اشكل جديه وجديه ولا كلى اخد من صفر لين 3 ؟؟

lil bride
18-01-2011, 10:58 PM
تواصل
اذا بتاخذي نيوبورن.. خذي بس 3 لبسات.. مواكثر
لو طلع النونو صغنون واحتجتي زيادة اخذي بعدين او وصي احد يشتري

جـــــــود
18-01-2011, 11:23 PM
ام اريج اني سمعت في صيدلية الحسين مشد خاص بعد الولاده بس اسألي دكتورتش افضل قبل لا تشتري خيه

فقوعه حتى التقديم صرنا زي بعض

بالنسبه للتوزيع حق الاطفال ما اشوف عندنا يمكن فيه بس ولا مره رحت وشفت احد يوزع على اليهال

تواصل مثل ما قالت ليول لا تكثري نيو بورن اني اخذت بس لبسه والباقي من 0الى 3 وكم وحده بس من 3 الى 6

أم رؤى
19-01-2011, 01:31 AM
جود ..
احنا مثلكم ..
شاي وقهوة .. ومكسرات وشوكولاتة وعصيرات ..
وبيتي فور ... وأشياء الضيافة كلها ...
بس الناس صارت تشكل الحين على كيفها ...^^

يعني اني بوزع شوكولاتة ومكسرات مع التوزيعات والعصيرات ..
وامي طبعًا بتسوي شاي وقهوة أكيد ... وبقية الاشياء اذا جت بتتوزع
زي صحون البيتي فور علب البسكويت .. هيك ...

فكرت اوزع على الاطفال ، وشكلي اتراجعت .. بعدني افكر في الموضوع يعني !
الله يعين

ودي أموت
19-01-2011, 03:20 AM
الشوكلاته احلى شي الوليمه
بعده شوكلاين العادي مو حق المواليد
بعده باتشي بس الناس مايبغوه الا هو انا شريت بولادتي حق المواليد الكليو ب 200 فيه 70 حبه
البقيه ماجربتهم
المكسرات مانوزع احنا بس نقدمهم للناس مع حلى بيتي وتمر ومكسرات قمر الدين سمسم

http://center.jeddahbikers.com/uploads/jb12874482381.gif

توزيعات الجهال اني وزعت مرضعه واخل حلاوة
زي هذي بس التزين يختلف
الكبار توزيعاتهم غير عندي الصورة المرات الجايه احطها

بس هالمرة ماباسوي توزيعات ولا شي
بفكر بشي عادي

الذوق الرفيع
19-01-2011, 04:36 AM
احنا نوزع شوكلاتة و مكسرات وعصاير والاهل فواكه لان بيجلسوا وياي ع طول و بيتي فور وبقلاوة والتوزيعات ما اشوف ناس كثير يوزعوا

مناهل الحنان
19-01-2011, 10:09 AM
بنات عندي محمل مع اللفة وقبعه حابة ابيعة لان تكرر عندي نفس اللون (بيج)اللي حابة تشتري تراسلني على الخاص عشان ارسل صورة ....قلت مايحتاج احط الموضوع في قسم التاجرات لاني موتاجرة وهذا انسب مكان لان يخص مشتريات المواليد....على فكرة المحمل تفصيل بس اني شفته جاهز وشريته وما نتبهت ان عندي نفس اللون الالمارجعت البيت وشريته 235 ريال

عروسه البحر
19-01-2011, 03:51 PM
مناااهل حبيبتي ممكن الصووره حطيها والي تعجبهاا بتراسلش طواالي كدا اسرع !!
وكل العادااات تختلف ... اني حالياا بجهز للاطفال ربيان كوكتيل وعصير وبسكويت او اخلي عصير وبسكويت ولما يخلص عصير وكوكتيل ..

ودي اموت ::
عجبووني المرااضع شفتهاا بس مااعرفت وش اسوي فيهاا لان حجمها صغير
بس عجبووني

juwan
19-01-2011, 04:32 PM
بنوتات .. سنتربوينت وسيتي ماكس آخر 3 أيام تخفيضات .. عشان اللي حابه تروح قبل مايخلص التخفيض :)

M!ss sweet
19-01-2011, 05:10 PM
انا بولادتي وزعت شكولاة نوعين من باتشي ,, وجالسكي وبونتي وشلتة :d ونحط مكسرات

وعصير طبعا وشاي وقهوة وبيتفور

ماسويت تذكار وهاالاشيا ءاحس ماله داعي خرابيط

عروسه البحر
19-01-2011, 07:48 PM
مس مس
زين سويتي بس احلى لما تكون اول مولوده توزعي شي مميز :)
اني مااكنت افكر بس زوجي ناادر وسوينا هالشي ونقسم ترب ان شاء الله على خير ..

M!ss sweet
19-01-2011, 10:36 PM
الترب اكيد شي يختلف عن باقي الاشياء :)

مادري هههه اناماكنت حابة هالفكرة من البدايه نعومة سرير البيبي وسريري والغرفه نفسها للنفاس تكفي

:) الله يسهل عليش غناتي

عروسه البحر
20-01-2011, 08:41 AM
يالله يااكريم ويسمع منش الرب الكريييييييييييم
وربي يكتب لش الخير المرات الجايه بعد 10سنين ههههههه

الفقيرة إلى الله
21-01-2011, 12:23 AM
ممكن أحد يعطيني أرقام خياطات مفارش نفاس ومفارش مواليد <=== ماهرات وشاطرات
بشرط تكون أسعارهم طيبة <=== يعني موب غالين
حتى لو على الخاص


ويكونوا في مدينة سيهات
أنتظر ردودكم
الله يوفقكم

أم رؤى
21-01-2011, 05:57 AM
الفقيرة ...
فيه اكثر من وحده في قسم الأعمال اليدوية يفصلوا ،،
شوفي موضوعاتهم وبتلاقي معلومات كاملة عن الاتصال فيهم...
واعتقد Art my hand من سيهات ..

وعندش بيبي ستايل ، ع الفيس بوك ... من سيهات أيضًا ...
http://www.facebook.com/#!/profile.php?id=100001723573580

نــــوف
21-01-2011, 08:04 AM
أعتقد جمانه توها ولدانه عندها وحدها تفصل وتقول تفصيلها مره حلو
كآني انتظر ترسل لي الصور
بس عن الأسعار نسيت بس كأنها احسن من غيرها

أم رؤى
26-01-2011, 02:23 PM
جيت بحكي لكم تفاصيل توزيعاتي..

أنا قررت أوزع ترب ،، ومسابيح ترب
والله رزقني بإنسانة نيتها صافية وعطتني الحبة بـ ريال ..
اسمها زهرة الياسمين .. هنا في المنتدى ..
اخذت 80 تربة ، و120 مسباح .. طبعًا طلعوا عليي بـ 200 ريال ..^^

عشان تغليف المسابيح والترب
أخذت للترب قماش أخضر المتر بـ 10 ريال ... من سوق الأربعاء - القديح
وأخذت شرايط ذهبية ضعيفة جدًا ،، 16 متر بـ 5 ريال .. من سكينة للخياطة - القديح
واخذت أيضًا أكياس للمسابيح مع حبل بنفس اللون .. الأكياس 50 كيس بـ 10 أو 15 مااتذكر
والحبل 8 أمتار بـ 6 ريال ،، من الأفكار الذهبية - الدمام

والتوزيعات بتنحط في سلات
عشان تغليف السلات اشتريت:
قماش مخمل مكسر المتر بـ 15 ريال
اورجنزا المتر بـ 5
شرايط أنواع .. ساتان واورجنزا و طفولي وكل واحد سعر بس مااتذكر كم بالضبط
وورود صناعية نوع بـ 18 ريال فيه ماادري كم حبة
وباقة ورد بـ 10 أعتقد
كل هالأغراض من الأفكار الذهبية في الدمام

وبهذي المكونات كلها ... غلفت 3 سلات + تبسيين ...^^

والشوكولاتة
اشتريت 3 كيلو من جلاسيه المحل اللي جنب الوليمة على شارع القدس
بـ 270 ريال ... طلع عليي تقريبًا ... 245 حبة ..^^

ولتنسيق الشوكولاتة
اشتريت ورد .. 40 وردة بـ 18 ريال من الأفكار الذهبية - الدمام ..

وطبعت كروت للتوزيعات والشوكولاتة بالبيت ...
على ورق صور ..^^


وإن شاء الله أوافيكم بالتفاصيل التصويرية .. بعد ما أولد ..^^

رنيم الريم
26-01-2011, 02:47 PM
مرحبا بنات اخباركم
اني انشاء الله ببداء تجهيز الي نونوي ياريت تساعدوني في الاشياء الي اخذها وعدد الاشياء

ابتسامة ألم
26-01-2011, 04:32 PM
أهلين جميعا
بسألكم وين أقدر ألاقي دولاب حق البيبي وبكم أسعاره تقريبا أني أدور دولاب حق بيت أهلي يعني يكون صغير؟

:مـي:
26-01-2011, 11:55 PM
أهلين جميعا
بسألكم وين أقدر ألاقي دولاب حق البيبي وبكم أسعاره تقريبا أني أدور دولاب حق بيت أهلي يعني يكون صغير؟

هلا خيه اني اخذته من 70 الى 90 من الطفل الجميل

طبعا طقمته مع المفرش


وتقدري تختاري له شيء يختلف اذا حابه

وتقدري تفصلي اليه انتين نعنو تاخذي بس الهيكل الداخلي

وفي اغلب المحلات موجود ويكون خفيف

الطفل الجميل .. بيبي ستايل .. مولودي ..

:مـي:
26-01-2011, 11:58 PM
بنات ابي اعرف وشو المحلات الي لسه عليها تخفيض وباي مجمع ابي الى ولدي لسه عمره شهر

وابي اعرف آخر فرصه عليها عرض والله لا ورد تاغ كمان افيدوني رحم الله والديكم

أم محمد علي
27-01-2011, 12:56 AM
بنات ابي اعرف وشو المحلات الي لسه عليها تخفيض وباي مجمع ابي الى ولدي لسه عمره شهر

وابي اعرف آخر فرصه عليها عرض والله لا ورد تاغ كمان افيدوني رحم الله والديكم


أول امس اني في مجمع الظهران والليله رحت ابن خلدون كل المحلات تبع البيبيز عليهم تخفيض
بس الحقي عليه قبل لا تخلص البضايع كلها.. بس عالعموم نزلت البضاعه الصيفيه وتهبلل
اخر فرصه ورد تاغ ما رحتهم ولا أدري اذا خلص تخفيضهم او لا ..

غروب الشمس
27-01-2011, 10:22 AM
السلام عليكم
بنات ياريت تساعدوني اي افضل مجمع للتسوق تلاقي فيه جميع ماركات الاطفال ؟
اني رحت مجمع الظهران بس ماعجبني محلاات الاطفال بعيده عن بعض
ولافيه قائمه بالمحلاات عشان تدليه
سيتي سنتر البحرين ارتب بس ماحسيت فيه جميع الماركات وماماز اند بابازموجود في ستي سنتر البحرين!! ووين بالضبط

نــــوف
27-01-2011, 10:43 AM
وعليكم السلام
هلا وغلا غناتي
مارينا مول تلاقين أغلب المحلات بالطابق الثاني
ماعدا تاب الويا تلاقينه تحت فقط

وأما مجمع الظهران كبير وبتتعبي لين تحصلي محلات الأطفال فمكتوب قائمة باسماء المحلات وأرقام البوابات
بدورهم الك وبكتبهم
تختصري الوقت بس الله يعينك تدخلي من بوابه وتطلعي لبوابه

نــــوف
27-01-2011, 10:45 AM
تفضلي
لقيتهم لك بسرعه

البوابه (1) دبنهامز - ماركس وسبنسر
البوابه (2) زارا
البوابه (3) مونسن - نكست - مذركير -ادامز
البوابه (4) اوكيدي - اوركسترا - بمبكن باتش
البوابه (5) بي اتش اس - سنتر بوينت
البوابه (7) لندكس - كارترز -مكس
البوابه (9) اتش اند ام - جاب
البوابه (11) ماماز اند باباز
تاب الويا - سيرجنت ميجور

غروب الشمس
27-01-2011, 11:19 AM
تسلمي غناتي نوف :)
تعرفي اذا موجود ماماز اند باباز في سيتي سنتر البحرين ؟

أح ــلام ملونه
27-01-2011, 12:20 PM
ابتسامه اغلب محلات الاطفال عندهم الدولاب وسعره بــ 90 تقريبا

sweet tota
27-01-2011, 01:06 PM
تسلمي غناتي نوف :)
تعرفي اذا موجود ماماز اند باباز في سيتي سنتر البحرين ؟

نووو
في السيييييف ..

غرووب بأي شهر .؟؟

غروب الشمس
27-01-2011, 01:21 PM
مشكوره سويت توتا
اني ببدايه الخامس غناتي:)

M!ss sweet
27-01-2011, 06:43 PM
بنات ابي اعرف وشو المحلات الي لسه عليها تخفيض وباي مجمع ابي الى ولدي لسه عمره شهر

وابي اعرف آخر فرصه عليها عرض والله لا ورد تاغ كمان افيدوني رحم الله والديكم

كل محلات الاطفال عليها تخفيض

اخر فرصه ماادري بس رد تاغ البارحة كنت بادارين مول وفيه تخفيض اخر 4 ايام

العـلا
28-01-2011, 10:57 AM
اهلين .. بسألكم ..

ابغى محلات يبيعو الستارة الى فوق السرير ..

ابغى حليوين هههههههههههههه

وبكم اسعارهم تقريبا ؟

ابتسامة ألم
28-01-2011, 11:39 AM
أهلين
مشكورين اللي ردوا عليي
زين بسألكم آخر فرصة اللي في الدمام وين يصير
وبيبي ستايل والطفل الجميل وين يصيروا ؟ و اسمحوا ليي على كثر الأسئلة

رنيم الريم
28-01-2011, 01:15 PM
مرحبا صبايا
بنات متى تنتهي التخفيضات؟

غيم
28-01-2011, 02:03 PM
ابتسامة
الطفل الجميل موجود في عنج
وبيبي ستايل على طريق الدمام يصير قبل مجمع دارين مووول

رنيم
على حسب علمي اذا خلصت البضايع الافي المحلات

الســـ أم ــــادة
28-01-2011, 04:08 PM
يابنات شنهي محلات الاطفال اللي في مارينا مول وابي اسال عن عربة الطفل في حق شهرين لان مااقدر ادور بولدي طول الوقت حاملتنه ووين الاقيهم؟؟

lil bride
28-01-2011, 04:59 PM
ام السادة
مارينا فيه تاب الويا تحت
وفوق في زد - سيرجنت ميجور - جاكادي - وبمبكن باتش

واكيد فيه عربات تناسب البيبي من اول ما ينولد.. موجودين في سنتر بوينت.. ومحلات الاطفال هدية المولود وغيره

عروسه البحر
28-01-2011, 06:06 PM
حبوباات ممكن الي شرت شوكلاته تحط ليناا اشكاالهم واسعارهم ومن ويييييييييييييين !!!

M!ss sweet
28-01-2011, 06:24 PM
أهلين
مشكورين اللي ردوا عليي
زين بسألكم آخر فرصة اللي في الدمام وين يصير
وبيبي ستايل والطفل الجميل وين يصيروا ؟ و اسمحوا ليي على كثر الأسئلة

اخر فرصه مقابل الارنب الجائع ,, قبل مكتبة جرير


يابنات شنهي محلات الاطفال اللي في مارينا مول وابي اسال عن عربة الطفل في حق شهرين لان مااقدر ادور بولدي طول الوقت حاملتنه ووين الاقيهم؟؟

مثل ماقالت ليل برايد :)

والعربات في ماماز وباباز وشيكو صحيح ماتقدرين تمشين فيه انا بعد الاربعين ع طووول شريت لها من شيكو

وتناسب لعمر الشهور وحتى لماتكبر

lil bride
28-01-2011, 07:49 PM
مس مس
جيتي على الجرح.. عربات ماماز اند باباز يهبلووو بس الأسعار فوق

M!ss sweet
28-01-2011, 08:04 PM
مرة حليوين عاد انا احتاج لعربتين وحدة لشقه والثانية بيت اهلي الثانية قلت باخذها من هناك شفت كذا وحدة بالموقع جونآآآآااان لمااروح بشوف القاهم اولا


الحين فية sale عليهم ليوووول =)

lil bride
28-01-2011, 08:14 PM
مس مس
اهني ما يجيبوا اشكال واجد.. مرة رحت فرع في الرياض عنده اشكال والوان
ولقيت وحدة مع الكارسيت يهبلوا (واني ابغاهم مع بعض عشان لما انزل السوق احط البيبي مواجهني على العربة) .. وعليهم تخفيض.. بعد التخفيض 2500 بس اني ميزانيتي في حدود 1800
يمكن أقدر أضغط على نفسي وأدبر الباقي.. بس كنت اوريدي لقيت وحدة جراكو العربة مع الكرسي بـ 700 وشوي.. واللي جربوها كلهم يمدحوها... يعني باوفر 1000 ريال!.. فأوفر للبيبي أحسن.. وان شا الله بعدين اذا توظفت أرفه بيبياتي على كيفي :)

M!ss sweet
28-01-2011, 08:21 PM
ليوول هنا فاكل شي غير هنا التميز فالشوبينق خخخخ < :d
صحيح الابالبحرين كمان فيه اشياء اكثر من هنا الحين لمارحت فاالتخفيضض مافية شي يسوى ابد

عكس الابالبحرين لماجهزت بعض الاشياء فترة الحمل وقت التخفيض فية اشييييياء اكثر وغير واحلى

الله يسهل عليش يارب وتقومين بالسلآمه انت والصغيرونة :)

اروع الايام
28-01-2011, 08:25 PM
لو سمحتوا ممكن مواقع محلات الاطفال
حابه اشوف الكتالوجات وخاصة لو في الاسعارر

M!ss sweet
28-01-2011, 08:36 PM
اروع حبيبتي يمنع وضع روابط لمواقع ثانيه بالموضوع

سوي بحث باقوقل وبيطلع لك

اروع الايام
28-01-2011, 08:43 PM
مشكووره غناتي

بس للاسف كل شئ ممنوع هنا
يعني لو كانوا موجودين كنا استفدنا منهم بقووووووه

جـــــــود
29-01-2011, 04:44 AM
عروسة البحر
وبالنسبه للتوزيع في البيت باخذ كيلوين شكولاته بلجيكيه من عالم الحلويات
وباخذ من الوليمه الصينيه الي يجي فيها اتواع مشكله سمسم وحلقوم وهالشغلات لأنها احسها احسن من البقلاوه والبيتي فور بسرعه يذبلو واذا انأخذت كم وحده من الصحن اخترب شكل البقلاوه والبيتي فور وتحسي فشله تقدميه


الليله رحت بيبي هاوس وكنت باخذ مفارش جاهزه المره الي فاتت لما رحت وسألتهم قالو نفصل اي موديل موجود في المحل او انتي تجيبيه والقماش من عندهم او من عندي لكن مقاس المفارش ثابته ما اقدر اغيرها
واليوم لما رحت في واحد من جماعتنا تبع المحل قال عادي نفصل المقاس الي تبغوه ففصلت 3 من عندهم لقماش والموديل وخليتهم يزيدو في طوله وزيادة حشو داخله وقال بعد 5 ايام او اسبوع بالكثير استلمهم الواحد على 160 مع اللفه

وبكذا خلصت كل الاغراض الحمد لله باقي الولاده بس مو متحمسه اجهز شنطتي ما احس نفسي بولد الحين

عروسه البحر
29-01-2011, 09:52 AM
جوود ::
حلووه شوكولاته عالم الحلويااات ؟!!!زي الوليمه لو احلى لو اقل ؟؟؟
ودا اب والسمسم عجبني لان مغلف يكوون صووح !!لو اني رحت لحاجه فاانيه ههههههه
شكلي بقلد عليش وبشطب البيتفور والبقلاوه وزي ماقلتي ادا قل وتعفس تتفشلي تقدميه ..

وعليه بالعاافيه الامورر بالمفاارش اني خلصت منهم من زماان وافتكيت :)
خديت 6 مفااارش بلفااتهم وعندي 3 مالاات اختي الفصعوونه بخليهم للبيت

sweet tota
29-01-2011, 11:45 AM
كل محلات الاطفال عليها تخفيض

اخر فرصه ماادري بس رد تاغ البارحة كنت بادارين مول وفيه تخفيض اخر 4 ايام

هههههه حتى أني لمن رحت البارحه مكتوب آخر أربعه أيآآآم >>شكلهآ من زمان وهم يقولو4 ايام
ولآيفوتكم نزلـــوو البضآآعـــه الصيفيه بعض المحلآت ..
أحنآ بعز الصيف ينزلو الشتوي
وبعز الشتآء ينزلو الصيفي .:p

يابنات شنهي محلات الاطفال اللي في مارينا مول وابي اسال عن عربة الطفل في حق شهرين لان مااقدر ادور بولدي طول الوقت حاملتنه ووين الاقيهم؟؟

أييه أكيد ماتقدري متعب اني ادا حملته شوي بس ظهري واحس حالي بآطييح
وابوه اللي يحمله ويتعب ..بس كل في العربه لان متعببب ..

جوود ::
حلووه شوكولاته عالم الحلويااات ؟!!!زي الوليمه لو احلى لو اقل ؟؟؟
ودا اب والسمسم عجبني لان مغلف يكوون صووح !!لو اني رحت لحاجه فاانيه ههههههه
شكلي بقلد عليش وبشطب البيتفور والبقلاوه وزي ماقلتي ادا قل وتعفس تتفشلي تقدميه ..

وعليه بالعاافيه الامورر بالمفاارش اني خلصت منهم من زماان وافتكيت :)
خديت 6 مفااارش بلفااتهم وعندي 3 مالاات اختي الفصعوونه بخليهم للبيت

الله يسهل عليكم
اي هدي المغلفآآت لديييييييده
أبوي كآن كل يجيب منهمـ في ولادتي ..
خدي من هدآ أحسن طبعــآآ ..

الرومنسية
29-01-2011, 12:17 PM
الليله رحت بيبي هاوس وكنت باخذ مفارش جاهزه المره الي فاتت لما رحت وسألتهم قالو نفصل اي موديل موجود في المحل او انتي تجيبيه والقماش من عندهم او من عندي لكن مقاس المفارش ثابته ما اقدر اغيرها
واليوم لما رحت في واحد من جماعتنا تبع المحل قال عادي نفصل المقاس الي تبغوه ففصلت 3 من عندهم لقماش والموديل وخليتهم يزيدو في طوله وزيادة حشو داخله وقال بعد 5 ايام او اسبوع بالكثير استلمهم الواحد على 160 مع اللفه

وبكذا خلصت كل الاغراض الحمد لله باقي الولاده بس مو متحمسه اجهز شنطتي ما احس نفسي بولد الحين

يالله نستنى صور المفارش
وسعرهم واجد زين

الســـ أم ــــادة
29-01-2011, 03:31 PM
مشكورين وماقصرتو بس باباز وماماز وين هذي؟؟

lil bride
29-01-2011, 03:43 PM
أم السادة
في الظهران مول.. عند بوابة 11

M!ss sweet
29-01-2011, 06:20 PM
اي جميل شكل المغلف وزعت بولادتي معمول تمر كمان ....

جـــــــود
30-01-2011, 03:48 AM
عروسة البحر
والله خيه اني ما احب الشكولاته اصلا" ولا اكلها بجميع انواعها :(
واذواق بيتنا تختلف ناس تعجبهم عالم الحلويات وسعر الكيلو 100 وناس الوليمه وسعر الكيلو 95 وسويت قرعه وطلع الي عالم الحلويات :D
وقصدي بالسمسم ايه هذا لمغلف
اني بعدت من قبل اخذت 3 مفارش والحين فصلت 3 يعني 6 زيش:p

رومنسيه ان شاء الله اذا استلمتهم انزل صورهم من عيوني :)

شمعه وأنطفت
30-01-2011, 07:13 AM
بنآآت

بسئلكم التوزيعات الي من الوليمه

السمسم ..والتمر وهالاشياء..

كم اسعارهم.؟؟؟

عروسه البحر
30-01-2011, 09:33 AM
واللهي شمووعه ودي افيدش بس نسيت بكم ب لزيز اني دقت لسمسم منه روووووووووووعه
ويبغى لي عشاان اكل منه لزيااده الحليب وادرااره على قوله امي

شمعه وأنطفت
30-01-2011, 09:37 AM
تسلمي غناتي
وان شاءالله احد يجي ويفيدناا
ههههههههههه حسرتيني
صار نفسسسي في سمسم..

عروسه البحر
30-01-2011, 10:09 AM
الله يهدينا لازم اووصف الطعم خخخخخ
روحي حبوووبه له ودووقي ترى عنده شغلاات وايييييييييييد حلووه مغلفه وشكله يشهي للاكل

أح ــلام ملونه
30-01-2011, 01:19 PM
وين محل الوليمه وبكم؟

شكلي بروح وباخذ لولادتي بعد خخخخخخ

عروسه البحر
30-01-2011, 01:59 PM
حلووم الوليمه طريق سيتي مااكس القطيف المحل يكون قباله على الشارع الثاااني لوحته انارتها حمراا
دووقي منه احين وبتااخدي اكيد لولادتش منه :)

أح ــلام ملونه
30-01-2011, 02:13 PM
اها عرفته اني كنت شاكه هو لولا

يبي لي اروح هالمره واشوف عاد اني إذا عجبني شي اخذه اخذه خخخخ

مشكوره غناتو

شوق عيوني
30-01-2011, 03:17 PM
هذي مجموعه من المحلات للتجهيز للمواليد الجدد شفت الموضوع وعجبني وقلت انقله لكم 1- بيبي هاوس - الدمام
2- مملكة الطفل + الرواد الصغار - الدمام طريق الكورنيش بجانب مطعم الارنب الجائع
3- نظرة الطفل
4- سمينا بنفسك - الدمام
5- آخر فرصة - الدمام طريق الكورنيش
6- سيتي بلازا - الدمام والخبر
7 - مركز التوفيق - مقابل المستشفى المركزي
8- الحياة بلازا ( سماء – الرواد الصغار )
9- تاج الشرقية – الدمام – شارع الأمير خالد مقابل حلويات سعد الدين وجنب سوبرماركت الشرق الاوسط
10- قصر المهند - الدمام
11- طريق الطفل - الدمام بجانب محل سمينا بنفسك
12- سوق الحب (بنت الوطن – الأبي – نسرين – أيمن لانجري – روز لانجري" قمصان رضاعة" )
13- بيبي شوب - الخبر طريق الكورنيش بالقرب من سيتي ماكس واسواق التميمي
14- سيتي ماكس - الدمام والخبر
15- هدية المولود - سيهات والقطيف
16- طابا - الخبر
17- مولودي - خلي رامز على يمينك واتجهي باتجاه الكورنيش سيدة بتجيك الإشارة كملي سيدة بمجرد ما تعدين الإشارة هذي طالعي يسارك بيجيك محل مولودي
17- دادا باي
18- العيسائي - الخبر شارع البيبسي + مجمع الراشد
19- جاكادي
20- مذركير
21- اجواء الطفولة – الخبر – بالقرب من مستشفى المانع
22- سناء - الدمام خلف مجمع الواحة
23- 0 to 9
24- السعر المنافس - الدمام مقابل رامز
25- بي اتش اس في محمع الواحه وكذا مجمع بعد
26- نكست في مجمع الواحه
27- الطفل الجميل
29- شيكو
30- مركز الهرم
31-ماركس سبنسر
32- تابا لويا
33- ادمز
34- اوكسترا
35-ليدي بيرد في مجمع ابن خلدون
36-بريماما

شمعه وأنطفت
30-01-2011, 03:31 PM
شوق عيوني...

يسلمووو غناتي
ويعطييك العافيييه
اللكل اتوقع بيستفيد منه

zenah
30-01-2011, 03:42 PM
اخباركم كروشات..
ودي ابدأ اجهز لولادتي من الحين لأن ما ابغى ازحم نف-سي بعدين ما ابغى اشتري ثياب لكني ابغى اشتري حاجات الاستقبال، ودي اشتري سرير استقبال بسعر مناسب ما يكون غالي واذكر في محل بالدمام شريت منه سرير استقبال مرة جميل لونه ابيض وقماش كله ستان كان شكله فخم مع ان سعره كان حسب ما اذكر 120 يعني مرة كان رخيص لكن الحين اشوف غيروا المحل ولا ادري وين يبيعوا تجهيزات المواليد باسعار مناسبة ما ابغى اخذ اشياء غالية لان عندنا بنيان في شقتنا ولا ابغى نكون مرة على الحديدة فالي عندها خبرة تفيدني

عروسه البحر
30-01-2011, 06:04 PM
زينه حبووبه عندش محلاات وايد ادا تبي سرير صغنن مره وحلووو
روحي هديه المولود والطفل الجميل وبيبي هااوس وبيبي ستايل وموولوودي كلهم عندها دزاينااات صغيره وحليووه وسعرها متفااوت
والغزوي سنتر الي قريب من سووق ميااس عنده صغاار بس ستاره تترووون ب350ريال يكفي لحدود سنتين او سنه ونص

شوق عيوني
30-01-2011, 08:54 PM
الله يعافيش حلوووم


كروشات
في احد اشترى مفارش محامل من عند هاوس بيبي الاقبل الطفل الجميل هو
المحامل كله سوريه معظمها مدري زينين او لا

النور14
30-01-2011, 10:38 PM
الله يعافيش حلوووم


كروشات
في احد اشترى مفارش محامل من عند هاوس بيبي الاقبل الطفل الجميل هو
المحامل كله سوريه معظمها مدري زينين او لا


اختي انا شريت واحد من عنده سعره 85 ريال وما رضى يعمل خصم
اخترب علي وانا ما غسلته
بس استخدمته 12 يوم وشمل :mad:
ورميته وكان ودي اوديه اراويه اياه وقوله شوف تقول ما يخترب:eek:
بس زوجي قال يالله دافعه بله ل بيبي

ما انصحش تشتري من عنده
وفي مفرش ثاني عنده شفت يبيعو مثله في الاسواق المتنقله 45 ريال وهو يبيعه 85 ريال

انصحش تشتري من المرتضى
او الغزوي

او سنتر بوينت

شوق عيوني
30-01-2011, 10:55 PM
مشكوره النور

اييي اني بعد ترددت قلت اسأل البنات اول

بدال مااطلع فاضيه مايرضى رجلي لان
شريت من عنهد لفتين وطلعت


يلا دافعه بلا

mlake
31-01-2011, 02:26 AM
بنات وين الاقي بناطلين سكيني
مو لاقيه لولدي

ستيي ماكس مالقيت ولا سنترو بوينت
ابي محل اكيد يبيع حتى مادور كل المحلات

شروق الشمس الساحر
31-01-2011, 03:16 AM
لو سمحتوا وبن القى احديه بنات من عمر 3شهور اوياريت اتكون المحلات في القطيف

حلات الورد
31-01-2011, 03:38 AM
بنات وين الاقي بناطلين سكيني
مو لاقيه لولدي

ستيي ماكس مالقيت ولا سنترو بوينت
ابي محل اكيد يبيع حتى مادور كل المحلات

اهلين
أنا اخذت لولدي من GAP و كمان من vertbaudet

حبيبي التوت
31-01-2011, 09:42 AM
بنات وين الاقي بناطلين سكيني
مو لاقيه لولدي

ستيي ماكس مالقيت ولا سنترو بوينت
ابي محل اكيد يبيع حتى مادور كل المحلات


شوفي زارا اتوقع يعجبوك :)

أح ــلام ملونه
31-01-2011, 12:37 PM
شروق اغلب المحلات عندهم عندج ستي ماكس حلوين جزماته وبعد سنتر بوينت

والغزوي عنده

نــور دنيتي
31-01-2011, 06:58 PM
كروشات حابه اسأل محل carter's موجود في الراشد ؟؟ ولا بس الظهران؟؟

أم رؤى
31-01-2011, 07:51 PM
ملاك حسين
انا اخذت لبنتي بناطلين سكيني من سوق الثلاثاء،،
فيه ألوان عدة ،، ومع الغسيل مايختربو ابدًا ،، ومرة مرتبين وحليوين ...


شروق الشمس
الغزوي فيه .. سنتر بوينت فيه ، مونسون فيه ..^^


نور
انا امس رايحة الشراع مول ،،
فيه كارتيرز ...^^

mlake
31-01-2011, 09:10 PM
اهلين
أنا اخذت لولدي من gap و كمان من vertbaudet


شوفي زارا اتوقع يعجبوك :)


ملاك حسين
انا اخذت لبنتي بناطلين سكيني من سوق الثلاثاء،،
فيه ألوان عدة ،، ومع الغسيل مايختربو ابدًا ،، ومرة مرتبين وحليوين ...

مشكورين بنات:)
افدتوني ان شاء الله ربيع بروح واشوف
ام روئ
من زمان روحتي بس مافي للاولاد كثير
كلا بنات اكثر شي
عشان كذا ابغى مجمعات اريح
لاني قطعت ماروح الاسواق المتجوله

أحبه و أحب الا يحبه
01-02-2011, 09:02 AM
كروشات تنصحوني بمجموعه بيجون الصغننه ؟
البارحه شفت طقم فيه خمس حاجات , شامبو و بودره و زيت و لوشن وماادري ويش !

شمعه وأنطفت
01-02-2011, 09:50 AM
احبه..
والله ياختي كل ناس ليهم راي
ناس ينصحون بجونسون
وناس ينصحون بسميدبايد

بس عن نفسسي باخد جونسون
لانه جونسون فيه ريحه .
تحسيهاا حليووه ريحها لاطفال
بس الثاني مافيييه ريحه
هدا الي سمعته
ولاجربت شئ انا ^^

عروسة حسين
01-02-2011, 04:43 PM
الا سيباميد فيه ومرة لطيفة ريحته اخف من جونسون
وطبيه اكثر

مذركير الواحة تخفيضات طول السنة على الصيفي فقط

juwan
01-02-2011, 05:22 PM
بنوتات بسألكم ..
فيه احد اخذ مخدة الرضاعه من الهرم بلازا ؟؟

لاني امس رحت ودورت وسألت عنها ولا لقيتها !!


وفيه احد شاف مخدة الرضاعه في سنتربوينت هالايام وفي اي فرع.. لان كلا مخلصة ..
وشي ثاني بعد .. مخدة الحوامل احد شافها في سنتربوينت ؟؟

فقاعة صآبون
01-02-2011, 05:29 PM
جوآن أنآ شفت مخدة الرضآعة في سنتر بوينت الي في الدماام

تقريباً من اسبوع او اقل لما شفتها مو ذاكرة :p

M!ss sweet
01-02-2011, 05:30 PM
جونسون او غيره هو ع حسب البيبي اطفال ينفع معاهم واطفال يسبب لهم حساسيه مايقدرون عليه

انا عن نفسي استخدم لبنتي جونسوووون وواوكي معاها :)

juwan
01-02-2011, 05:41 PM
مشكورة فقوعه غنآتي ..
يبي لي أمرة هاليومين إذا مداني

زين ابسألكم بعد ..
فيه أحد جرب مرآضع دكتور براونز ( للي مايعرفها :: هـآذي تقلل الغازات عند الاطفال ) ؟؟
وهـآذي صورتها
http://profile.ak.fbcdn.net/hprofile-ak-snc4/hs348.snc4/41600_140327075983018_6744_n.jpg

~ Fatimah
01-02-2011, 06:00 PM
جوان

ما جربتها طبعاً بس سمعت ناس تمدحها

عن نفسي شريت فيليبس اللي مكتوب عليها bpa 0%

ومكتوب انها تقلل مغص الاطفال

كنت ابغى اخذ نفس اللي انتِ حطيتيهم بس مو متوفرين عندنا ويبغى لها طلب ,, قلت بما ان فيليبس تأدي نفس الغرض ومتوفرة اريح ^_^

juwan
01-02-2011, 06:11 PM
فطووم .. يعنووووو
ترى موجودين بـ سنتربوينت و تويز آر آص :)
وسمعت انهم بمذركير بعد بس اني ولا مرة شفتهم ..
وفيليبس ماكنت حاطتنهم ببآلي اصلا .. نسيت ان عندهم مراضع ههههه

أم رؤى
01-02-2011, 06:18 PM
أحبه
أنا جربت سيباميد وبصراحة ما أستغني عنه ...
لكن الآن بسبب الميزانية اشتريت مجموعة بايجون الصغيرة ،،
للتجربة
وتمشية حال زي مايقولوا،،
وإن شاء الله بعد ما أولد بشتري للصغيرة مثل أختها ، سيباميد ..^^

غروب الشمس
01-02-2011, 06:47 PM
جوان
مخدة الرضاعه أني شفتها في مذر كير
هي ومخدة النوم للحامل وكان في انواع ارخص
وحده45
المراضع استخدمتها مرة اخوي تقول تمام بس موعمليه
زجاج وتكسرو وصعب تنضيفها

juwan
01-02-2011, 07:00 PM
غروب الشمس .. مشكورة غناتي


مخدة الرضاعه ادري عنها موجودة بمذركير ومحلات ثانية .. و مخدة النوم للحامل بعد .. بس سعرها قريب الـ 400 على ما أظن
ومخدة الرضاعه مو اقل من 100 ريال .. عشان كذا ابغى آخذ رخيصة أخاف ماستخدمها واخسرها بعدين .. :)

والمراضع .. اممم صحيح يمكن يكون تنظيفهم صعب عشان فيهم زحمة من داخل خخخ .. ماجا على بآلي

عروسه البحر
01-02-2011, 07:11 PM
جواان ::
اني شفتها في سااكو وحليوه بس كاانت 129ريال قلت ماباخدها احين ادا اولدت يمكن اخدهاا

المراضع زين نبهتوناا بيهم فيلبس بااخد اجل لان اني ابي وحده صغيره لماي والسكر لبعد الرضااعه ما ابغى اعلمهاا على حليب صنااعي

~ Fatimah
01-02-2011, 07:31 PM
جوان

ما كنت ادري انهم متوفرين هني ,, بس شريت فيليبس ومقتنعة فيهم لأنهم بلاستيك ما ينكسرو وبنفس الوقت BPA free يعني اغليهم واعقمهم بكل وسائل التعقيم عادي





عروسة البحر

اذا تقدري تمري مذركير مسويين تخفيضات على مراضع فيليبس ,, الصغيرة بـ 23 بس

juwan
01-02-2011, 07:34 PM
عروسة ..
وشو ماي وسكر بعد الرضاعه ؟؟ مافهمت يعني .. تعطوآ البيبي كذا ؟؟
لوووويه ؟؟

أم رؤى
02-02-2011, 12:44 AM
جوان ،،

يعطوا الطفل بعد الولادة ،، مقدار بسيط من الماي والسكر ،،
يساعد على تخفيف الإمساك والمغص ...

وممكن يعطوه شاي الأطفال ...
وممكن يعطوه أشياء ثانية ، المشروبات الطبيعية (الأعشاب)
النعناع ، اليانسون ... كلها عشان تخفيف المغص والإمساك والغازات في الأشهر الأولى بالذات ...

طبعًا مو الكل ،،
لأن البعض يفضل التمر ... ومنقوع التمر ..^^
وهيك ..

احنا عندنا كل هالأمور عادية نعطيها الأطفال ..^^
وتريح معدتهم جدًا وتريحنا وياهم ^^

juwan
02-02-2011, 08:25 AM
مشكورة أم رؤى غناتي
كل هالاشياء ادري عنها .. بس الماي و السكر أول مرة اسمع فييه ^^

عروسه البحر
02-02-2011, 09:57 AM
زي ماقالت ام روروو الماس والسكر لازم عشاان لا يجيهم امسااك
وبنفس الوقت ينظف فم الطفل عن حليل الام الي يصير بلساانهم
تعودناا احنا امي هيك تسوي تاخد رضعه صغيره لماي والسكر وتخليه بعد كل رضعه تقطره شوي شوي في فم الطفل ..

فطووم ::
يبغى لي هاليومين اجل امر واشوووف

أمل بعيد
02-02-2011, 04:42 PM
بنآآآآت .. ابغى بيجامات لولدي ما حصلت عدلين اخدت له من سيتي بلازا و سيتي ماكس الغسله الثانيه يصغرو و خديت من مذكر كير الالوان يبهتوا بسرعه ولا ادري من وين اخد

سؤال ثاني في وين احصل الجنز السكيني الي يجي الوان لولدي

موفقين ..

Jumanh
02-02-2011, 05:26 PM
بنآآآآت .. ابغى بيجامات لولدي ما حصلت عدلين اخدت له من سيتي بلازا و سيتي ماكس الغسله الثانيه يصغرو و خديت من مذكر كير الالوان يبهتوا بسرعه ولا ادري من وين اخد

سؤال ثاني في وين احصل الجنز السكيني الي يجي الوان لولدي

موفقين ..


غناتي لا تغسليهم في الغسالة و لا تحطيهم في النشافة .. النشافة تصغرهم
جربي تغسليهم بـ ايدش , و شوفي يتغيروا لو لا

نــــوف
03-02-2011, 10:18 PM
بنات
بالنسبة للمراضع أني للآن ماشريت لأني ماأعرف كم وحده يبي الي
وكيف حجمها
لمن رحت لمذركير إحترت
وقلت بسألكم أبي أغتنم التخفيض اذا للىن تخفيض
وهل نآخذ بلاستيك او زجاج
أتوقع بترشحوا بلاستيك لنه أخف للبيبي

وووعروسه البحر:
إذا ماعليش أمر غناتي
مستحية أطلب *_^
ممكن أشوف تجهيزاتش للنونوه من المكسرات والحلويات
أنتظر رسالتش

~ Fatimah
03-02-2011, 11:59 PM
نوف

اني بقول لش اللي اخذتهم من المذركير

اخذت مرضعتين وحدة منهم أصغر حجم والثانية الحجم اللي أكبر

وبتلاقي على الكرتون تبعهم مكتوب ع الصغيرة 0+ واللي أكبر 1+ >> المقصود عمر البيبي

وماركتهم فيليبس ,, اخترتهم بلاستيك خفيفين عشان ما يتعرضو للكسر ومكتوب عليهم BPA free تقدري تعقميهم وتغليهم بدون ضرر

ومكتوب عليهم ان يقللو من مغص الاطفال ,, يعني تقلل من الغازات

كأني سويت دعاية لفيليبس بس حبيت افيدش :)

أم رؤى
04-02-2011, 02:44 AM
نوف
أنا المراضع آخذ زجاج ...
للتعقيم أكثر أمان ...^^
وفي البداية ما ممكن يتكسروا لأن انتين المسؤولة عن البيبي ،،

ولما يكبر البيبي ويصير يمسك المرضعة ويفهم ليها ...
اشتري البلاستيك BPA free عشان البيبي يتعود عليها وتصير اخف ليه..^^

ولو ما رؤى كسرت اول مراضعها كان استمريت على الزجاج للنهاية
بس كانت مجرمة ههههههههههه


نوف
غرت ،، برسل لش صور توزيعاتي ^^ ويش رايش؟

جـــــــود
04-02-2011, 03:46 AM
نوف انا اخذت مثل فطوم ايفنت من ماركة فيلبس لكن اخذتهم من سنتر بوينت وفيه نوعين منه واحد عادي والثاني عليه خط ذهبي وهو الافضل
واخذت طقم ب157 عباره عن 4 مراضع وسهايه وفرشاة تنظيف وبالتوفيق خيه

عروسه البحر
04-02-2011, 12:53 PM
نوف تم الارسال حبووبه توني اشووف الموضووع سوري على التأخير *_*

عروسه البحر
04-02-2011, 12:57 PM
بسألكم اي احسن الصيدليات في الاسعاار لان الاغراض الي باخدها واايد واخاف اطلع بفوق 500ريال كسار ظهر تعتبر
اني اقدر ارووح صيدليه البلسم بالشااطي
او المهنا بالتركياا
او صيدليه تاروت
صيدليه الحسين

اي وحده فيهم اسعارها معقوله لان فيه فرق وايد بالاسعااار
والفرق يكون بريالين والثلاثه في كل حااجه يعني تقدري تاخدي كم غرض بدالهم ؟؟

نــــوف
04-02-2011, 02:45 PM
أم رؤى
غناتي إنتين والله
رسلي أجل توزيعاتش >>>>> ههههههه قصدي الصور
لأنه ودي أشوف شنو تحطون
والأشكال طبعاً تشترونهم من الدمام صح؟؟؟
وعلى سالفة المراضع هم قال رجلي الزجاج وإنتي الا بتمسكينهم للنونو :d
بس آخذ ثنتين لأني ماأبي مجموعه
وكيف مقاسهم يالغاليه يعني شنو مكتوب عليهم مره رحت وإحترت طلعت بدون ماأشتري
وربي يخلي الك رورو والنونو الجاي


جــــــود
مشكوره غناتي على الرد
أني بروح هناك وبشوف على حسب أشتري طقم اذا الميزانيه اوكِ
أو ثنتين بس


عروسه
أم آيه ربي يبلغش بشوفتها قريب
تسلمين يالغاليه
>>>>>>>>>>>>>>>>>>>>>>جآري الرؤية

juwan
04-02-2011, 03:58 PM
عروسة البحر .. اني قلت ابآخذ الاغراض من صيدلية الحسين احسها انسب شي في الاسعار ..وكل شي موجود عندهم ..
الصيدليات الباقي مادري عنهم لانو ولا مرة رحتهم ..

مزيون بعثر كيآني
04-02-2011, 05:38 PM
بنات سآآآآآآآآعدوني:(:(
مره محتاره بولد واني بعدي ماخلصت:(


ماني عارفه ارسي على راي
رحت بن درع وفصلت سرير ومفرش ليي ودفعت فلوسه ورجعت غيرت رايي:( وشكلي بخسر عربوني 600 ريال على الفااااضي
ورجعت رحت هديه المولود وشفت وعجبوني ورحت اليوم باخذهم وغيرت رايي وطلعت بدون ماخذ شي
ماني عارفه وش اخذ وبرع بيبي هاوس ولا ادري ليش مشااوير على قله الفاضي
ساعدوني وش احسن شي
ابي مفرشي زي سرير النونو وووووين حليوين واروح اخذ واطلع بدون ما الفف راس رجلي معااايي===متحطمه حدي
ابي شي فخم وممييييز

تقى
04-02-2011, 06:19 PM
مزيون ليش شديه حرام تخسري 600 ريال مبلغ مو قليل خليش على اليي فصلتيه لان البيبي يبغى له مصاريف وبتحتاجيهم بعدين

اموووون
04-02-2011, 06:24 PM
هاااي بنات اني بعدي بالرابع بدري على شراي الملابس بس تحمست ورحت سيتي بلازا وشريت كم حاجة محايدة مع اني لسه ماعرفت جنس المولود بس احس التجهيز للبيبي وناااااااااااااااااااسه

مزيون بعثر كيآني
04-02-2011, 07:02 PM
تقى
احس اني موعارفه اقرر ورجلي يقول اي شي يعجبش اخديه مايعطيني راي عشان اعرف اقرر
محتاره شكلي بسوي خيره اخر شي خخخخخخخخخخخخ

مزيون بعثر كيآني
04-02-2011, 07:10 PM
اموووون لاتاخذي من الحين وبعدين اذا عرفتي جنس المولود بتشحني اكثر واكثر
انتظري شويات خخخ

اموووون
04-02-2011, 07:53 PM
ههههه بستنى بس جد احسه تحميييس بقووووة

اروع الايام
04-02-2011, 09:09 PM
طيب بنات وين تصير صيدلية الحسين؟؟؟؟؟؟

عرووسه
انا بعد حابه اشوف التوزيعات والعرشه اللي سويتيهاا
مرره متحمسه اشوفها

الأمل المنتظر
04-02-2011, 10:12 PM
اروع الايام صيديلة الحسين تصير عند مخابز السلطان في شار احد في وجه مجمع اسواق الزهراء

غربة امل
05-02-2011, 01:29 AM
سلام
ابغى افصل الي مفارش عند وحدة في احد يعرف
يليت تفيدوني

مناهل الحنان
05-02-2011, 10:00 AM
فيه مركز الانوار النسائي شفت لهم اعلان في منتدى سنابس حاطين صور واسعار المفارش اللي يفصلوهم لطيفين واسعارهم ما تتعدى 150 وكلمتهم قالو يفصلو حسب الطلب وعندهم جاهز

اني ناويه افصل عندهم بس محلهم بعيد في تاروت ....احس اني متأخرة في التجهيز للحين ما اخذت لا مفارش ولا لفات ولاقبعات....وين احصل قبعات قطنيه حليوه الوان هاديه وجميله (غير سنتر بوينت) لان اللي عندهم اوساع ولا يغطو الآذن كنهم قحافي

عروسه البحر
05-02-2011, 10:06 AM
غرووبه رووحي ركن الاعمال اليدويه وتلاقي لي يفصلوو هنااك استفسري منهم :)

عروسه البحر
05-02-2011, 10:08 AM
مناااهل ::
حبووبه الاسواق المتنقله مره مره حليوين خامتهم واني خديت منهم ومن بيبي هاوس وسنتر بوينت بعضهم يجي مقاسه حلووو

مناهل الحنان
05-02-2011, 10:20 AM
مشكورة غناتي عروس بمر سوق الاحد اشوف وبيبي هاوس لسا مارحته ....بروح عشان المفارش بعد

بس وين هذا ركن الاعمال اليدويه ودي اروح اشوف بعد ياليت توصفي موقعه ومشكورة

شوكلاتة
05-02-2011, 01:07 PM
امهااااات ووين احصل قبعات حليوووة ؟؟؟؟؟
لبنوتي عمر 3 شهور:)
ماابغاها عادي ابغاها حركااات

ليموونه
05-02-2011, 01:13 PM
عاد اول ماعرفت اني حامل

كنت راييحه مجمع الظهران

ومريت التوسعه لقيت محل ماماز و باباز

قلت ادخله اخذ فكره لااقل ولااكثر

والله بضاعته جنااان احلى من مذركير الي ماحبوو

واسعاره زينه ماعدا الملابس الاطفال غاليه شوي

عنده عربات فخمه وغرف اطفال وحتى ملابس للام

مسوي اركان

حبيته كثير هالمحل


تقريبا عن بوابه 9

فقاعة صآبون
05-02-2011, 01:28 PM
كروشآآت بسألكم سؤال

لان احس حالي مررة متحييرة

الحين مثلاُ لو بتروحو تشترو حلاوة من الوليمة او باتشي

تاخدو بالكيلو !!

يعني بدون الصينية ؟؟

طيب كيف بتوزعووووووه ؟؟

لان اني مو عارفة باتشي صينية صغيرة ومررة غالية يعني مايستاهل سعرها

ومو عارفة وش اسوي

فيدوني رحم الله والدييكم

M!ss sweet
05-02-2011, 04:02 PM
فقعوونه


عادي تقدرين تودين الصحن نفسة الابتوزعين فيه وتخلينهم يرتبونه لشش


انا خذيت من باتشي لولادتي جاهز بالصينية , بس لماخلصت وديناها مرة 2 وحطو شووكلاه

M!ss sweet
05-02-2011, 04:08 PM
امهااااات ووين احصل قبعات حليوووة ؟؟؟؟؟
لبنوتي عمر 3 شهور:)
ماابغاها عادي ابغاها حركااات

محلات الاطفال جاكادي

جاب

ماماز وباباز

اوراكسترا

مذركير

اوكايدي

أم رؤى
05-02-2011, 05:06 PM
نوف
الآن برسل لش الصور
اخذت وحده مقاس 120 مل .. والثانية 60 مل ..^^


فقاعة
أنا أخذت بالكيلو وأنا رتبت صينية وزينتها وصفيتهم فيها ،،
برسل لك الصور الآن ..^^

فقاعة صآبون
05-02-2011, 08:23 PM
مس مس

مشكوورة ياعمري على الرد وشكلي بسووي كذاا :)

,,

ام رورو تمت الرووؤية :p

بس اني ابد مالي خلق اسوي احس في محل اريح لي هههههههه

Tutti Frutti
05-02-2011, 08:35 PM
ام رؤى اذا ممكن ترسلي اليي صورة الصينية اليي زينتيها ورتبتيها
لاني افكر بعد كيف اذا باخذ بالكيلو كيف بقدمهم اممم
وشكرا

اروع الايام
05-02-2011, 09:05 PM
مشكووووووره الامل غناتي على الوصف
ان شاء الله برووح وباخذ الاغراض هالاسبوع على خيرر

بنات
انا شفت مراضع فيلبس
اللي قلتوا عنهم بمذركير ... على فكره مافي تخفيض عليهم
يقول التخفيض كان بس الاسبوع اللي راح
الكرتون حقهم يجي لونين
شئ اصفر وشئ ازرق
ويش الفرق بينهم ووين الافضل؟؟؟

جـــــــود
05-02-2011, 11:15 PM
مراحب صبايا
مزيون حتى لو كانت ميزانيتكم تمام بس حرام 600 ريال تروح خساره

مناهل اني شفت في بيبي هاوس قبعات قطن ناعمه وكذا شكل على 5 ريال بس ما اخذت لأني من زمان خلصت القبعات

اروع غناتي النوع الاصفر هو الافضل يخفف من دخول الهواء الى بطن البيبي فيخفف الغازات والمغص

الفراشة الصغيرة
06-02-2011, 03:35 AM
السلام عليكم

ممكن تعطوني ملبس زفاف لسن من 11 سنه الى 12 سنه

واريد حق بنت ضعيفه جدأ

مااريد حق بنت مليانه

اتمنى مساعدت الاعضاء

أم منتظر
06-02-2011, 04:23 AM
خيتو محل مارينا بمجمع المارينا حلوين
وعندج الغزوي فاشن
وان شاء الله الباقي يفيدونج

أح ــلام ملونه
06-02-2011, 07:10 AM
فقوع اني اقول سوي زي امرؤى وفكي روحج

اني قلت بأخذ توزيعات بحط فيها قرآن ونفسها بحط معاها الشوكولاته

عروسه البحر
06-02-2011, 09:36 AM
فقييييييييييييع اني بسوي زي ماقالت مس مس
عندي صينيه مالت بيت عيالي لزواجناا بوديهاا وبصفون الشوكولاته فقط فيهاا يعني بيطلع قيمه الكيلو فقط
او اخدي لش صينيه جااهزه وديهاا على دوووقش بتكوون

المراضع الى احين مااخديت الليله يمكن امر الصيدليه

juwan
06-02-2011, 09:58 AM
ابسألكم .. كيف اشكال الصينيات يعني ؟؟
لان اني عندي بس مادري يناسبوآ للتقديم ولا لأ ..
هم كانوآ حق حلاوة و ينصف فيهم بس يعني لو خلصت ربعها بيصير شكلها مو عدل .. فهمتوآ عليي ؟؟
لازم تكون معبيه .. خخخ

وثاني شي لو آخذت سمسم وتمر مغلف وهيك .. في شنو اقدمه ؟؟

فقاعة صآبون
06-02-2011, 10:06 AM
حلووومة وعروسسة مشكووريين ع الرد ^^

نفس سؤال جوان ابغى جواب هع هع

Tutti Frutti
06-02-2011, 11:15 AM
ههههه نفس تفكيري
احس ان الصينية بيصير شكلها مو اوكي اذا خلص ربعها مثلا

أح ــلام ملونه
06-02-2011, 12:25 PM
جوان تقدري تقدميه في سله مزينه حليوه

فقوع العفو

مناهل الحنان
06-02-2011, 01:49 PM
عروسة ياليت تقولي لي وين ركن الاعمال اليدويه اللي يفصلو مفارش ابغى وصف ورقم المحل اذا ممكن؟؟

أحبه و أحب الا يحبه
06-02-2011, 04:37 PM
مناهل الحنان

عروسه تقصد قسم في المنتدى هني مو محل :p

مناهل الحنان
06-02-2011, 04:44 PM
ههههه ...احبه واحب اللي يحبه خليتيني اضحك على روحي حسيت نفسي هبوول

مناهل الحنان
06-02-2011, 04:46 PM
بس وين احصل هالركن في اي قسم دورته في عالم التسوق وما لقيت

أحبه و أحب الا يحبه
06-02-2011, 04:49 PM
لا شدعوه غناتي :d
بس بتتعبي وانتين تدوري في ركن الأعمال اليدويه لان صور ومابتعرفي نوعيه القماش عدل فأنصحش تروحي المرتضى الا في سوق مياس مفارشه تفصيلهم اسباني واشكالهم حليوه أخذت من عندهم 2 ومقتنعه فيهم عدل
هذا هو القسم
http://3roosqatif.com/vb/forumdisplay.php?f=94

جـــــــود
06-02-2011, 06:12 PM
مناهل اذا تبغي مفارش تميل الى الساده بس في تفصيلها حركه خفيفه روحي المرتضى الي في سوق مياس واسعارهم تقريبا" بين 180 الى 240
واذا تبغي فيها شوية حركات واستكرات فيها دببه او ارانب وهيك شغلات روحي بيبي هاوس سواء اخذتي جاهز او تفصيل اسعارهم بين 160 و 200

بالنسبه للشكولاته اني بحطهم في توزيعات فما يحتاج ارتبهم بس السمسم وهالشغلات ما برتبهم بخليهم في سله مزينه

الفراشة الصغيرة
06-02-2011, 08:29 PM
لا اني ابي صور لانه عرس اختي قريب رحت مارينا معجبوني
ادا ممكن تعطويني من اي مجمع دارين مول او ستي مول او الشاطى بس لوسمحتو ممكن صور

عروسه البحر
06-02-2011, 08:33 PM
دونته::
المحل حبوووبه يصير في تاروت قريب من نادي الهدى
مجوهرات السلام حق جعفر
قولي له بس ابغى حلق طبي حق اطفال بطلعهم لش واختاري الي تبيه :)

فقاعة صآبون
06-02-2011, 08:40 PM
حركاات عروسسة حمستيني اروح اطلع ^^

ان شاء الله خلال هالايام برووح واذا عجبني باخد :)

دونته
06-02-2011, 08:43 PM
عروسه غناتي ,,,

اني نفسي في تعليقه مو ذهب يعني ممكن فضه حق مفرش النونو يناسب بنت او ولد

بس ابغاها حاجه حليوه ,,,, وفيها خرزه زرقا مثلا ,,,,

قلت يمكن احصل في لآلئ ,,

اروع الايام
06-02-2011, 09:00 PM
بنات غناتي
الحلق الطبي موجود بكل محلات الذهب
انا رحت اللي بمياس كلهم عندهم
واسعارهم بحدود 180 الى 200

أم رؤى
06-02-2011, 09:42 PM
بنوتات

الحلق الطبي الذهب .. موجود في كل محلات الذهب
وماراح تلقوه معروض ، تطلبوه من صاحب المحل ويوريكم التشكيلات الا عنده ..
واسعارهم تتفاوت على الموديلات والوزن
وانا ماخذه من حسن النمر ، ومن غسان، واخذت من سوق الذهب في الشريعة ايضًا ..

M!ss sweet
06-02-2011, 10:37 PM
جوان

السمسم عادي تقدرين بعد تشترين صينية حليوه حق تقديم

اناسويت هيك للمعمول

مناهل الحنان
07-02-2011, 12:19 AM
جود واحبه ...مشكورين وماقصرتو ..قريبا بمر المرتضى وبيبي هاوس ووافيكم بالاخبار

برقع ذهب
07-02-2011, 12:23 AM
التعليقه الفضه اشتريناها من فضيات الزهراء ايه الكرسي
وتناسب ولد وبنيه وعلقيه ببروش
امااذا كنتي تبغيها ذهب فمن محلات الذهب

ودي أموت
07-02-2011, 02:16 AM
بروشات الذهب حلوين
شريت من النمر اللهم صلي ع محمد
وشريت وحده 2 من دماس

بالنسبه للحلق اني لبستها بس اول كم يوم طبي وبعدين شريت اللي يعجبني لان الطبين صغار مرة

M!ss sweet
07-02-2011, 03:28 PM
صحيح بروشات النمر نايس

البارحة شفت كذا حاجه عجبتني فيييه بس مااخذتهم لانو بسوي لها بروش باآسمها و سويت لها سلسال بأسمها حليوة مرة

2008 Bride
07-02-2011, 07:29 PM
امهات وين الاقي هلهوبات لبنوته عمرها 3 اسابيع
واهم شي يكونوا ساده
غير مذركير ولون خاص

أم رؤى
07-02-2011, 10:08 PM
اي فرع من فروع النمر فيه بروشات؟
وويش البروشات الموجودة وكيف اسعارها؟



برايد2008
الهلهوبات تلاقيها في سنتر بوينت وسيتي ماكس
وتلاقيها في السوق المتنقلة...

2008 Bride
07-02-2011, 11:05 PM
مشكورة خيو ام رؤى

M!ss sweet
07-02-2011, 11:11 PM
ام رؤى

البارحة شفتهم في فرع الظهران

واليوم كمان شفتهم فامارينا .. اسعارهم ماسئلت بس اتوقع كويسه :d

M!ss sweet
07-02-2011, 11:16 PM
Bride


اناااخذت لبنوتي صغار من سيرجنت وجاكادي انا يجون قد بنتي لان ماشاء الله مافيها االاطول هههه

ودي أموت
08-02-2011, 01:54 AM
بروشات النمر نفس اللي بدماس لان هم تبع دماس
كل الفروع فيهم حتى اللي بمياس
يجوا ملونين
اسعارهم اتوقع يبدوا من 300 وطالع
بس بالمحلات اللي بالسوق ارخص من النمر

عروسه البحر
08-02-2011, 10:26 AM
بناات وين احصل مراضع فيليبس <<دورت كم صيدليه مافيه ماالقيت الا شيكوو وبيجون <<<عدلين دولا ابغى بس وحده اني !!!


<<<<سوري مو مكاانه معدره

عروسه البحر
08-02-2011, 10:30 AM
التعليقاات دونته ::
روحي محل الدهب وشووفي فيه فيهم حرزه زرقاااا كماان
اني قلت بااخد برووش فيه المعوداات بحطه في المفااارش
والحلق يتفااوت زي ماقالت ام رورو
بس اني اغلب الي شفتهم مااالقيت اقل من 250بس من جد حلووووين

فلاور
08-02-2011, 11:37 AM
مراضع فليبس "ايفنت" في موذركير و سيتي بلازا ولقيتمه في صيدلية الشفاء الي في نهاية شارع المجيدية
عندش بعد مراضع دكتور بروان جيدين... سوي بحث عنهم اول بعد

أح ــلام ملونه
08-02-2011, 12:21 PM
شنو احسن المراضع ؟

فلاور
08-02-2011, 01:23 PM
حلوومة
الي اعرفه افضل شي ايفنت من فيبلبس
و دكتور براون ... واني شريت النوع الثاني وهذي صورتهم وشريتهم من سيتي بلازا الدمام
وموجود منها بلاستيك و زجاج..

http://img251.imageshack.us/img251/8812/plargebottleswn4oz.jpg (http://img251.imageshack.us/i/plargebottleswn4oz.jpg/)

أحبه و أحب الا يحبه
08-02-2011, 01:31 PM
عروسه البحر
اني شريت الطقم الا يجي 4 مراضع + فرشه تنظيف + سهايه من مذركير وكان عليهم تخفيض من 140 اتوقع الى 115

حلوم
ماخليت موضوع في النت ماقريته على المراضع والكل يقول افينت :p

جـــــــود
08-02-2011, 01:53 PM
عروسة البحر
اشوف الي حوالي يستخدمو بيجون وايفنت واثنينهم تمام
وايفنت في نوعين اذا بتاخذي منه اخذي الاصفر اني اخذتهم من سيتي بلازا

أح ــلام ملونه
08-02-2011, 01:58 PM
مشكورين حبيباتي على الرد السريع *-^

~ Fatimah
08-02-2011, 02:04 PM
حلووم

احسن شي فيليبس " ايفنت " ود.براون

اني شريت ثنتين من فيليبس اخذتهم من مذركير , وحدة صغيرة مكتوب عليها 0+ والثانية اللي أكبر 1+

واخذتهم بلاستيك اخف واريح لا احاتي انهم ينكسرو

واهم شي ذا بتاخذي نوع ثاني وحبيتي تشتري بلاستيك يكون مكتوب عليهم BPA free أو BPA 0%

عشان تقدري تعقميهم وتغليهم وانت ِمتطمنة












عروسة

غناتوو تلاقيهم بمذركير وبسيتي بلازا

~ Fatimah
08-02-2011, 02:06 PM
سؤال بنوتات :

وين الاقي مفارش سرير اطفال حلوة غير المذركير وماماز اند باباز

وبحدود كم اسعارهم ؟؟

عجبوني اللي في ماماز اند باباز وفي كم شغلة عجبتني بالمذركير ,,, بس ابغى الف أكثر قبل ما اشتري

أح ــلام ملونه
08-02-2011, 02:09 PM
مشكوره فطوم

تلاقي اغلب محلات الاطفال موجود عندهم مثل سنتر بوينت والغزوي وبيبي ستايل وبيبي هاوس يعني محلات الاطفال واسعارهم في حدود 300او 400 على حسب لقماش

بس بيبي ستايل كانوا مفارشه غاليين ماذكر كم بس عجبوني

Tutti Frutti
08-02-2011, 02:12 PM
فطوم
اني عجبوني اليي في بيبي هاوس او بيبي ستايل اخربط بينهم هههه
واسعارهم على 500 ريال

نور عيني حسين
08-02-2011, 02:22 PM
سؤال بنوتات :

وين الاقي مفارش سرير اطفال حلوة غير المذركير وماماز اند باباز

وبحدود كم اسعارهم ؟؟

عجبوني اللي في ماماز اند باباز وفي كم شغلة عجبتني بالمذركير ,,, بس ابغى الف أكثر قبل ما اشتري

خساره تو يوم السبت مخلصالتخفيض على المفارش الي في مذركير انا توني ماخده واحد جديد لولدي الصغير

زهرة حسين
08-02-2011, 05:19 PM
مرحباا كروشااات

... من وين اشتري محامل للبيبي .؟؟ أبي أفضل شي .

M!ss sweet
08-02-2011, 05:58 PM
جاكادي & ماماز

عروسه البحر
08-02-2011, 06:07 PM
مشكورين حبيبااتي يبغى لي اروح سيتي بلازا واخدهم من هوونيك او اخد بيجوون من الصيدليه ..

أم رؤى
08-02-2011, 06:36 PM
أمهات ..

وين ألاقي أحزمة لبنتي؟؟
أبغى أحزمة حليوين وأنيقين عشان تكمل كشخة البناطلين ..^^

اخذت ليها اثنين من سيتي ماكس
بس ابغى اسود ،وأحمر وأبيض.. سادة يعني عشان يناسبوا كل شيء...

الفراشة الصغيرة
09-02-2011, 02:32 AM
وينكم ابي حل

juwan
09-02-2011, 02:54 AM
فطوم :: شوفي فيه مفارش في تويز آر آص .. نفس اللي ينباعوآ في موقع أمازون تقريبا" .. نسيت شنو ماركتهم

زهرة الحسين :: عندش جاكادي و سنتربوينت و المحلات العادية زي مال الله و بيبي هاوس و الطفل الجميل وهيك .. بس اسألي عن المفارش الاسبانية أو ماركة كومبارس .. لا تآخذي سوري ..
ماماز فيه محمل واحد بس و بالعادة يكون مخلص .. حلوو بس احسه يناسب الشتاء اكثر

:)

~ Fatimah
09-02-2011, 12:16 PM
يسلموو على الردود

تويز آر آص ما كان بالي اصلا ,, يبغى لي اخذ طلة عليه ^_^

ام فضول
09-02-2011, 12:40 PM
الفراشه ..عندك في مارينا ماحلات جزم حليوووين الابنوتات ..وعندك مذركير جابين جديدين جزم (ادخلي فيس بوك مذركير القطيف ...بتشوفي الجزم الجديده..خخ كاني هدرات واجد..

زهرة حسين
11-02-2011, 03:21 AM
مشكوورااات خواااتي ع الردوود

shmooe
11-02-2011, 05:03 PM
يعطيكم العافية ..

lil bride
12-02-2011, 12:51 AM
عروسة البحر
اني حاليا استخدم لبنوتتي بيجون وأفنت وثنتينهم ممتازين
وزي ماقالوا لش موجودين في مذركير وسنتر بوينت وصيدلية الدواء
بس في سنتر بوينت اغلى ليه ماعرفش

ناقد محترف
12-02-2011, 06:24 AM
سنتربوينت و الهرم بلازا و الحياة بلازا
و حتى رمز يبيع ملابس للمواليد
و تذكري انو مهما كانو الملابس غاليين
راح يكبر عليهم الطفل بسرعة و تخسريهم
و معظم الوقت بيكون ملفوف في قماطة قصدي بالبداية
و انا اختي الكبيرة ما قصرت معاي و عطتني من ثياب عيالها بعد

عروسه مغتربه
13-02-2011, 09:58 PM
بسم الله الرحمن الرحيم
اللهم صل على محمد وآل محمد الطيبين الطاهرين

سلام امهات سؤال وين يبيعوا في السعوديه ثوب ابيض صغنون حق ولد عمره 6 شهور وشوي
وبعد ابغى الطاقيه السوده تجي مخمل ومزخرفه بذهبي والسديري الأسود المزخرف بذهبي بعد

M!ss sweet
13-02-2011, 10:32 PM
بنات

الاجهزت غرفه للبيبي او مخططه شنو بتسوي فيها ؟

كيف سوت الصبغ .. الأرضيه .. وستارة النافذه وهيك واي فكرة فالغرفه نفسها

لأنو انا صار لي فترة جالسه اخطط كيف باسويها راسمة اشيا خيييياليه ابقى اسويها بس بيزبطونها ! :rolleyes:

هي اكيد مابتنام فيها الحين خخ بس بنعدلها

اناابقى اسوي شي سبيشل كل ماشوف اكسسورات لغرف البنوتات يجنوووون حتى شريت لها براويز وعفسات من الحين


الزبدة :D

بدي افكار ومن وين جهزتون ؟ كل شي وبالجبببس وكل شي

طقمها موجود اكيد الحين خخخ بس اشياء ثانيه

lil bride
14-02-2011, 12:21 AM
مس مس
اني غرفة البيبي.. كنت ابغى اصبغها بيج عشان استخدمها بعدين لأخوتها وألعب في الاكسسوارات
وغرفتها اللي لما تكبر بنك فاااتح.. وحصل خطا مطبعي خخ وانصبغت غرفة البيبي بنك فاااتح
وابغى اسويها نعووومة.. فما في فكرة معينة في بالي الحين الا حاجة وحدة
عند النافذة أبغى أسوي جلسة فيها وحدة تخزين ويمينها ويسارها ستارة نعومة.. باجيب لش صورة تشرح الفكرة

lil bride
14-02-2011, 12:28 AM
اني عندي دريشة الغرفة طالعة لبرا فتساعد
هذي الفكرة.. بس اني قلت وحدات التخزين بخليها مفتوحة واحط فيها ألعاب وأشياء آمنة للبيبي.. لأن تعرفي البيبيز يحبوا يلعبوا بالخزانات وتالي ممكن يسكرها على ايده
http://img818.imageshack.us/img818/7299/coolideasforpinkgirlsbe.jpg

وهذي الجلسة تجنن بعد
http://img153.imageshack.us/img153/204/kidsroom5.jpg

مناهل الحنان
14-02-2011, 07:29 AM
ما شاء الله يلل برايد الصور والافكار حلوة ....بس للأسف مافي مجال تتطبق عندي حاليا .. انشاء الله مس سويت تقدر تطبقها ... ربي يسهل ونبني البيت ونسوي فيه هالحركات

M!ss sweet
14-02-2011, 03:41 PM
ليووول

الفكرة حليووة عجبتني مرة الجلسه :rolleyes:

انا ابقى الباب نفسه لغرفتها اسويه يختلف عن ابوابنا

بعدين بجي وبوريكم اشيا نفس الابدي اسويها

بس اليوم عقد اخوي فامشغولة :D شويات

مشكورة ليول :)

lil bride
14-02-2011, 04:04 PM
مناهل
الله يسمع منش ويرزقنا من حلاله يا الله يا كريم

مس مس
اوه مرة حمستيني لأفكارش
أني غرفة النونو حاليا ما عليها باب..
ومفتوحة على الموزع حق غرفة النوم

أم التوأم
14-02-2011, 04:06 PM
بسم الله الرحمن الرحيم
اللهم صل على محمد وآل محمد الطيبين الطاهرين

سلام امهات سؤال وين يبيعوا في السعوديه ثوب ابيض صغنون حق ولد عمره 6 شهور وشوي
وبعد ابغى الطاقيه السوده تجي مخمل ومزخرفه بذهبي والسديري الأسود المزخرف بذهبي بعد

شريت لأولادي ثياب في عيد الفطر من محل اسمه الدبيسي موجود عندنا في الربيعية ...

عروسه مغتربه
14-02-2011, 09:05 PM
بسم الله الرحمن الرحيم
اللهم صل على محمد وآل محمد الطيبين الطاهرين

مشكوره خيه :)

lil bride
14-02-2011, 10:56 PM
مس مس الله يبارك ليكم.. توني انتبه
هالبنية شاغلة بالي

M!ss sweet
14-02-2011, 11:30 PM
ليول ان شاء الله يارب ,ماعليه ,, عندنا وعندش خير خخخخ

انا الباب نفسي اسوي هيك ونفس اللون مقارب لون طقمها


http://up.arab-x.com/Feb11/kij15367.jpg (http://up.arab-x.com/)

lil bride
15-02-2011, 01:28 PM
حلو الباب.. وطبعا اني بعد ابغى اخذ لبنتي غرفة نوم بيضا.. احس براءة ونقاء
أني كان نفسي أسوي كل أبواب الشقة أبيض بس زوجي ما أيدني
وتبع ديكور غرفة البيبي.. اني عندي الثريا عنصر مهم تسوي جو
تحمست ابدأ أعدل غرفة بنتي.. ان شا الله قريب عشان احط لش بالضبط وش اخترت

M!ss sweet
15-02-2011, 02:49 PM
ياربي ليول احس اذواقنا قريبه من بعضها :o اي اللون ابيض حليو مرة وخصوصا للبنوتات احس جممميل انا الحين مع الترتيبات طالع نايس

ايييي اذكر كئنو انت مرة حاطة صورة ثريا تبع غرف اطفال تسسئلين وين يبعيونهم ؟؟ لقيتين
اذا لقيتين وين ؟؟
:)

M!ss sweet
15-02-2011, 05:46 PM
هنا حليوة الارضيه طالعه


مع الصبغ الوردي لونة مميز وشكلو موسادة في شكل او ورق ؟

انا في بالي اسوي ورق



http://1.bp.blogspot.com/_0xin7eQw8Co/TKCE15RHp5I/AAAAAAAAAls/uEdODvIuhtY/s1600/%D8%AF%D9%8A%D9%83%D9%88%D8%B1+%D8%BA%D8%B1%D9%81+ %D9%86%D9%88%D9%85+%D8%A7%D8%B7%D9%81%D8%A7%D9%84. ..+%D8%AF%D9%8A%D9%83%D9%88%D8%B1+%D8%BA%D8%B1%D9% 81+%D9%86%D9%88%D9%85+%D8%B1%D9%82%D9%85+8.jpg



الستارة حليوة مع الموديل نفسة وحليوة فكرة جهه خاصه لتبديل وللملابس


http://img.hgtv.com/HGTV/2007/06/14/kidrooms8_HDIVD102_After_w609.jpg


ليووول

اختي فاغرفه بنتها مسوية حركة حليوة

كانت في نافذتين وسكرت وحدة وسوتها كئنها روزنه يعنو بس مربعه مكان النافذه موصغير وسط وفصلت لهاخشب كامل

مبطنه من داخل وهيك وفيها رفوف بس ع تدرجات صاير في صورة مقاربه بس موراضية تنتفح الصورة :mad:

والخشب انيييق مرة وصاير الشكل نايسسس مادري وصفي عدل اولا:D

lil bride
15-02-2011, 07:23 PM
ايييه.. لاحظت اذواقنا واجد تتشابه
الثريات لسه مادورت.. بس المحلات اللي في الدمام في شارع الامارة لقيت كم محل عنده شغلات حلوة واسعارهم احسن من القطيف.. بس حزتها كنت ادور لغرفة الطعام
اني نفسي في ثريا اللي تكون كرستال وملون زي دي:
http://www.ministyle.com.au/shop/images/Chandelier.png
او زي الاشكال النعومة اللي سألت عنهم ديك المرة
والارضية باسويها خشب ان شاء الله لكل غرف النوم
وحركة اختش مرة حلوة.. بس اني خلاص تشطبت الشقة مايمديني اشيل واحط الحين :)

M!ss sweet
16-02-2011, 12:33 PM
ايي شكلها حليو ونعووووم

يبقى لي اروح واشووف

الخشب انا مسوية جزء فالصاله بس الافالصورة عجباني ودرجاته لغرفه بيبي يمكن اسوي هيك

الذوق الرفيع
18-02-2011, 07:56 PM
امهات وكروشااات

اللي فصلت مفرش ولفة ياليت تقول من وين ولو تحطوا صور بعد لان ابي افصل مفرش ولفة وقبعة وتلبيسة رضاعة للبيبي ..

بس ابي شغل احد جربه يعني مرتب والقماش ما يتغير ..

قلت مابشتري جاهز كلهم بسويهم تفصيل طقم لان احس حلو يصير طقم كل شي يصير البيبي مرتب ..

عروسه البحر
19-02-2011, 10:43 AM
دواقه استفسري من معشووقه الي فصلت عنده مره حليو ومرتب
وان شاء الله يناسبش السعر

lil bride
19-02-2011, 01:14 PM
ذواقة
وعندش جمون قريبتها تفصل هذي الشغلات

أم محمد علي
20-02-2011, 12:24 AM
بنات ابغى اشتري لبنتي البدي او الجاكيت الخفيف اللي يجي من فوق الثياب << سيتي ماكس مليان زيهم بس حق كبار ......
يجوا قطنين .. في وين اشوف الوان والكم حقهم كامل او نص بس
ضروري بنات اللي شافتهم تقول ليي من وين
أبغاهم لعمر سنه ونص او سنتين

كحيلة الرمش
20-02-2011, 12:45 AM
امهات وكروشااات

اللي فصلت مفرش ولفة ياليت تقول من وين ولو تحطوا صور بعد لان ابي افصل مفرش ولفة وقبعة وتلبيسة رضاعة للبيبي ..

بس ابي شغل احد جربه يعني مرتب والقماش ما يتغير ..

قلت مابشتري جاهز كلهم بسويهم تفصيل طقم لان احس حلو يصير طقم كل شي يصير البيبي مرتب ..

ذووقه ..
انا فصلت مفرش كلفي بحدوود ال 400 وفي اسعار .
لونه ابيض . قبعة . و مفرش ولفة . بالصراحة ملائكي .

وعندها اشكااال والوان واسعار متفاوته بس اعتقد انها تبدا من 270 . الى 450 شغل رووعة .

غوادي
20-02-2011, 01:02 AM
الله يكرمكم كريم الحفاظ لمذركير يعني انتاجه مخفض من 45 ريال إلى 20 ريال وهو صراحة مره حليو فقلت اعطيكم خبر إذا ماانتهلى عرضه فرصه للأمهات وتاريخ انتهائه سنة وحجمه 300 مل ويكفي فترة طويلة يعني اللي بتولد واللي عندها طفل يلبس حفاظ استغلوا الفرصة هي الشركة أكيد لاعبة علينا وهذا واضح من فرق السعر و أكيد أكيد مستفيدة فخلونا أحنا بعد نستفيد نوفر في العلبة 25 ريال يعني لو بتاخدي كمية شوفي كم بتوفري
و ارفعوا الموضوع بالدعاء لاهالي البحرين بالنصر و لشهداهم بالرحمة و المغفرة

الغدير22
20-02-2011, 03:56 AM
صباح الخير ..
انا ودي اجهز اغراض ابصيدليه بس مب عارفه
وش اخد فى الا عندها خبر تحط لينا وشو هم بانضاركم .

الذوق الرفيع
20-02-2011, 04:31 AM
الغدير ..

اغراض البيبي :

رضاعات , مجموعة الاستحمام , حفاظ , شفاط انف , لوحابة تستخدمي سهاية للبيبي , مقياس الحرارة , اعواد اذن , مسحات طبية , بودرة السر .. امم هذا اللي في بالي الحين

اغراضش :

فوط صحية , كلوت استخدام واحد , قطن للصدر , اذا حابة تاخذي لش فرشاة اسنان و صابونة ومعجون حق المستشفى ...

هذا اللي ببالي الحين ..
موفقة

اروع الايام
20-02-2011, 06:43 AM
غوادي
مشكوره غناتي عالخبرر
انا اشتريت سودو كريم
وربي ينصرهم اهالي البحرين ويرحم الشهدااء

الغدير
اغراض النونو
مسحات طبية .. بودرة السر.. حفااظ
صابون غسيل الملابس للطفل لو حبيتي
مقياس الحراره
كريم الحفاظ .. مناديل مبلله
مقص اظافر .. اعواد اذن .. فرشة شعر ناعمه
فرشاة تنظيف المراضع
وطبعا مجموعه الاستحمام(( شامبو.. زيت بودرة الجسم.. لوشن .. صابونه .. غسول الاستحمام))
وجهاز تعقيم المراضع لو حبيتي
واذا مااخذتي كرسي الاستحمام اتوقع موجود بالصيدلية بعد

اما اغراض الام
مناديل قطن للصدر قبل وبعد الرضاعه
كلوتات الاستخذام الواحد
فوط صحية .. وفيه مرهم ميبو للجرح اتوقع

رنيم الريم
20-02-2011, 01:00 PM
مرحبا صبايا اخباركم عندي كم سؤال ياريت تساعدوني
ويش افضل ماركة رضاعات للاطفال وبرايكم كم رضاعه اشتري الى نونوي ؟
وين افضل مكان يبيع محامل الى البيبي ابغاهم يكونو حليوين وفي نفس الوقت مايشملو؟
وين افضل الاماكن حق الاسره؟
ابغى شبكات صغار بس في نفس الوقت يكونوا حليوين وكشخه اني اخذت تقريبا ١٢ بس كل الي شافوهم قالوا لي مابتلبسيهم وياه الا اذا طلع من الاربعين على الرغم الي اخذتهم كلهم نيوبورن
متى اشتري اغراض الصيدليه ؟
ولفات الى البيبي وين افضل مكان غير سيتي بلازا؟

M!ss sweet
20-02-2011, 01:14 PM
مراضع عنوني وحدة من شكيو وحدة من افنت .. اخذي 2 و2 صغار بس فالبدايه بتستخدمين الصغيرة اكيد

المحامل ..اوركسترا وجاكادي استخدمتهم لبنتي الامن جاكادي وتغسلو كم مرة ولاتغيرو

الاسرة ... مذركير جاكادي وماماز

شبكات .. الا في جاب ودبنهامز حليوين واللوانهم تجنن طفولين مرة وغالبيه محلات الاطفال فيهم

لفات .. اناااخذت كم وحدة من سنتر ومن ماركس سبنسر فيه وماماز الااخذتها مافي الاهي شكل واحد

بس مادري لسى او شكل ثاني

:)

اغراض الصيدليه اخذتهم اول مادخلت التاسع

lil bride
20-02-2011, 04:22 PM
رنيم الريم
مس مس ماقصرت وخلني اقولش من تجربتي
المراضع اني مرة مرتاحة على بيجون وافنت واغراض الصيدلية اخر الثامن او اول التاسع زين
والنيوبورن زين لأن البيبي يكبر بسرعة لا تاخذي اصغر
واذا طلع نونوش صغير زي بنتي عندش حفاظات بامبي مقاسهم اصغر من الانواع الثانية

حبيبة ك
21-02-2011, 08:01 PM
السلام عليكم ...
اني عضوه جديده في المنتدي :) وعندي استفسار بسيط بخصوص الطلب من النت
في عضوه اسمها جوان طالبه من مواقع امريكيه للبيبي ومرره عجبوني وابي وحده تطلب لي لأني ماملك فيزا وسمعت ان في عضوات هني تطلب بس ماعرف من هم:confused:
ياليت تسااعدوني ضروري وعندي سؤال للي جربت تطلب من مواقع امريكيه هل صحيح ان الشحن إذا بيوصل للسعوديه غاالي واااجد ؟؟
آسفه لأني طولت عليكم

فقاعة صآبون
21-02-2011, 08:19 PM
إن شاء الله تدخل جوآن وتفيدك حبيبتي

مووفقة

وآب لعيوونك :)

اخر الوله
21-02-2011, 08:21 PM
ما عندي فكرة ان شاء الله البنات يفيدونك

حبيبة ك
21-02-2011, 09:10 PM
مشكورين على الرد حبايبي...

عشقي حيدري
21-02-2011, 10:37 PM
فيه تاجرة اسمها المتميزة تطلب من المواقع الامريكيه

كحيلة الرمش
22-02-2011, 12:35 AM
انا كنت ناوية اطلب منهم . بس نفس الشي سمعت انه غالي واااجد الشحن ..
فإذا عندج احد في امريكا وبيزل قريب تعطينهم العنوان ويرسلونهم لهم وفي نزلة اهلج يجيبهم لج .
انا قلت بخلي اخوي يجيبهم بس للحين ماطلبت

حبيبة ك
22-02-2011, 01:30 AM
يعطيك العافيه اختي عشقي حيدري على الرد..
مشكورة كحيلة الرمش على الرد بس للأسف ماعندي احد في امريكا
مااااني مستجنه على ثياب النونوات اللي بموقع مسيز

baby tears
22-02-2011, 01:48 AM
مااعرف صراحة ان شاء الله يفيدونش

بس ابي رابط موقع مسيز اذا ماعليش امر

حمستيني ابي اشوف

ريحانة الحسن
22-02-2011, 02:06 AM
انشاء الله البنات ايفيدوش وتلاقي طلبش..

حبيبة ك
22-02-2011, 02:12 AM
يسلمووو خوااتي على الرد
وهذا موقع مسيز غناتي http://www1.macys.com/ (http://www1.macys.com/)

juwan
22-02-2011, 08:17 AM
حبيبة ك

مو كل المواقع تشحن بنفس السعر ..
و موقع ميسيز مايشحن لـ برى أمريكا

يعني ماراح تستفيدي منه الا اذا كان عندك أحد هناك عشان يشتريهم لك و يرسلهم ..
و نصيحة مني .,. لا تشتري الا اذا عندهم دسكاونت لان السعر يطيييح في الارض ..
و اذا تبغي تعرفي اي موقع و كيف الشحن حقة .. دوري على الـ International Shipping .. وشوفي طريقة الشحن

:)

مشاعر رومانسية
22-02-2011, 11:54 AM
حبيباتي

ابي محلات اشتري منهم مفارش لاني ماحصلت شي يعجبني الا واحد بس

مناهل الحنان
22-02-2011, 12:46 PM
انا بعد مثل مشاعر رومانسيه ادور مفارش (محامل) ولا لقيت شي اني حتى واحد ما اخذت ولا لفات ولا قبعات وباقي شهرين واولد....بقولكم المحلات اللي رحتها عشان اذا فيه محل مارحته قولو لي يمكن احصل شي يناسبني

بيبي هاوس الطفل الجميل والمرتضى وبيبي ستايل وهدية المولود وقباء وجود بيبي ...كلهم يتشابهو ومافيه عندهم شي ناعم وراقي او مميز
جاكادي مانزل الجديد والقديم اللي عنده حماتي وواجد من عيلتنا عندهم مثله ومن اللعام واسعارة ضاربة نارولو فيه جديد وحلو حتى لو غالي باخذة بس لسا ما فيه

اوكايدي واوركسترا سمعت انهم يجيبو مفارش ورحت لهم اكثر من مره ولاشفت عندهم

بابازاند ماماز ماعندهم الامفرش واحد للجنسين ومن اول ما فتح المحل وما عندة مفرش غيره

سنتر بوينت مفارشهم زينين بس اللي يناسبو جنس المولود اللي بجيبه مرة اخوي ومرةحماي ماخذين مثله ومن فترة
(ماعليه قصيت قصة حياتي)بس عشان اوضح لكم وين رحت وويش اللي يعجبني يمكن تشوفو في مكان حاجة زينه وتساعدوني وشكرا مقدما

lil bride
22-02-2011, 03:54 PM
مناهل الحنان
ما شا الله رحتي كل مكان..
اوركسترا يجيب اشكال مرة ظريفة.. بس بسرررعة يخلصوا.. قبل لا أولد بشوي.. كان عنده مجموعة
وعندش محل مال الله في مياس.. عنده محامل اسبانية نعومة.. بـ 180 ريال
وعندش .. في السيف في البحرين.. محل بريمامان.. في زينة.. << بس الاوضاع السياسية حاليا ماتسمح... عنده محامل مرة مميزين.. بـ 250 ريال

M!ss sweet
22-02-2011, 05:37 PM
مناهل

انا توني من اسبوع وكم يوم رايحة جاكادي الافامارينا ومنزل الجديد

واوركتسرا فية محامل لمارحت الفرع الافي الظهران في شكل واحد بس لسى اوخلصو مادري

واواكايدي شفت كمان من اسبوعين هيك تقريبا

مناهل الحنان
22-02-2011, 06:31 PM
ليل برايد مشكورة غناتي يبغى لي امر مال الله اشوف..واوركسترا على حضي كل ماروح مخلصين وبريما ماما عاجبني في الكتلوج واحد وكنت ناويه اروح اخذة بس الظروف السياسيه ماتسمح...وما يندرى بتسمح الظروف قبل لا اولد اولا..

مس سويت جاكادي نزل جديد واحد بس الوانه باهته واللي عاجبني في الكتلوج والوانه زاهيه لسا مانزله اول امس رحت قالي هاليومين بينزل بس هالكلمه من شهر وهو يقولها.....بس ياريت تقولي لي في اي فرع حصلتي مفارش عند اوكايدي واللي شفتيهم بناتي اوولادي ومشكورة غناتي وماقصرتي

juwan
22-02-2011, 09:05 PM
مشاعر رومانسيه
مناهل الحنان

المفارش في اوركسترآ يجننوآ بس اذا نزلوآ بسرعه يخلصووون ..
قبل فترة منزلين 5 موديلات جديده .. الحين ما ادري خلصوآ لو لآ !!

اوكايدي ينزلوآ بس بالاغلب مايعرضونهم لان محجوزين .. انتي اذا رحتي اسألي عنهم ..
اني آخر مره سألته اخذ الرقم و قال اذا وصلوآ بيكلموآ .. وليومش ماكلموآ ..
لان زي ماقلت لش اذا قلتي ليهم حجز يكلموآ بس اذا بس بتشوفينهم مايقولوآ لش
لكن مرة خليته يطلع ليي الللي محجوزين .. كان لونه وردي ونعوم حدده .. بس حسيته مطعطع زياده اعظم من اوركسترآ .. و ثاني شي سعره بـ 200 وشوي و حسيته مايسوى لذيك الدرجة..

جاكادي طبعا مايخلصوآ بس شوفي متى ينزلوآ الجديد خخخخ يبغى ليهم سنة

وعندك مال الله زي ماقالت ليوول .. بس المحامل اللي عنده من زمان صاروآ قديمين الحين .. لما سألته متى بيجيبوآ الجديد قال بعد شهر تقريبا" .. يعني اني مابلحق عليهم

و اذا رحتي بيبي هاوس و هالمحلات قولي له تبي تشوفي الاسباني لانهم احلى شي و افضل شي ..

و بالنسبة لـ بريمامان .. اني من زمان حاجزة عندهم واحد .. من اكثر من شهرين .. و قالوآ اذا نزل بيتصلوآ .. وكم مرة رحت البحرين بعدها ولا نزلوآ المحامل ..
يعني اقولك بس عشان لا تتحسري خخخ

نــــوف
23-02-2011, 01:25 AM
بالنسبه للمحامل خيه
أني مثلش ماشريت للىن ولا واحد
قلت بفصل الي أريح
رحت من كم يوم جآكادي بمارينا على اساس إنه نزل جديد
والصدمه
ماشفت الا واااااااااااحد فقط لاغير والوانه مثل ماقلتي باهته
والقديم أحلى بس مدري وين خشوه

الأحسن تشوفي الك موديلات حلوه وتوديهم لخياطه مميزه تخيطهم الك
أني بسوي هيك
نفس الا بجآكادي الا يكونوا من تحت مقوسين بس بألوان وقماش أني أختاره^_^

مناهل الحنان
23-02-2011, 08:03 AM
اخواتي جوان ونوف يعطيكم العافيه ....افدتوني بصراحه بالنسبة لاوكايدي ماكنت ادري ان بالحجز ولازم اسأل عنهم بروح وبسأل ...وبالنسبة لبريماما شفته بالكتلوج وكنت افكر ان موجود مو بالحجز حتى كنت ناويه اوصي اي احد من اهلي يروح البحرين يجيبه لو ما قدرت اروح بنفسي ...

شكلي بمر مال الله اشوف يمكن يمديني الحق على جديده

غناتي نوف كان ببالي اشتري اثنين وافصل اثنين لو ما حصلت حلويين وللحين ما حصلت شي فالتفصيل خياري الوحيد بس خايفة مايطلع مرتب وحلو ...بس لوفصلت وعجبوني بنزلهم ارويكم اياهم

juwan
23-02-2011, 08:31 AM
حبايبي اذا بتفصلوآ فصلوآ بدري ..
اني كنت ابفصل و اني في السادس .. بس اللي بفصل عندها مزحومة و مابتخلصهم الا نهاية التاسع .. عشان جذي هونت ..
:)

ودي أموت
23-02-2011, 11:49 AM
بالنسبه للمحامل خيه
أني مثلش ماشريت للىن ولا واحد
قلت بفصل الي أريح
رحت من كم يوم جآكادي بمارينا على اساس إنه نزل جديد
والصدمه
ماشفت الا واااااااااااحد فقط لاغير والوانه مثل ماقلتي باهته
والقديم أحلى بس مدري وين خشوه

الأحسن تشوفي الك موديلات حلوه وتوديهم لخياطه مميزه تخيطهم الك
أني بسوي هيك
نفس الا بجآكادي الا يكونوا من تحت مقوسين بس بألوان وقماش أني أختاره^_^

جكادي اللي بالراشد نزل جديد حتى ثياب نزلوا
نزل محامل صبيان وبنات بس هم نفسهم الموديل والقماش والشكل لا جديد ماشريت منهم ولا افكر لان عند الناس كلهم من سنين

مناهل الحنان
23-02-2011, 01:14 PM
ودي أموت((اسم الله عليش من الموت بعيد الشر))...جاكادي نزل جديد في المارينا بس مثل ماقلتي نفس الموديل القديم وباهت بس لسا في الكتلوج موديل ثاني جديد وزاهي وجميل لسا ما نزلوه هو مورد...

اليوم الصباح رحت مجمع الظهران عشان اشوف اوكايدي الا على حضي المحل مقفول بخشب مادري للصيانه ولا بيصير مكانه محل جديد... واوركسترا مافيه الا محمل واحد وما يناسب جنس المولود اللي بجيبه

ورحت سنتر بوينت اخذت 3 لفات بس لما فكيتهم بالبيت حسيتهم صغار مقاسهم 32في32 ما ادري بنات وشو المقاس المناسب اللي تعرف تقوللي....وبعد ياريت تقولو لي وين احصل لفات حلوة غير سنتر بوينت ؟؟

M!ss sweet
23-02-2011, 03:19 PM
..

مس سويت جاكادي نزل جديد واحد بس الوانه باهته واللي عاجبني في الكتلوج والوانه زاهيه لسا مانزله اول امس رحت قالي هاليومين بينزل بس هالكلمه من شهر وهو يقولها.....بس ياريت تقولي لي في اي فرع حصلتي مفارش عند اوكايدي واللي شفتيهم بناتي اوولادي ومشكورة غناتي وماقصرتي

اوكايدي الافالظهران ..

انا قبل ماولد شفت محمل عجبني فاجاكادي فالكتلوج بس مموموجود وقال بيطلبه واخذ الرقم وقال بيخبرنا

طول ومادق وحنا كلمناه وجابه

lil bride
23-02-2011, 08:16 PM
مناهل
اني اللي اخذتهم لبنوتتي 32 في 32.. واشوفهم زينين
وممكن تحصلي لفات في بمبكن باتش.. وممكن تطقمي وياها بربتوزات

وبريمامان .. تقدري تروحي و تاخذي علطول، بس صحيح احسن تحجزي
لأن المحمل اللي شريته من عنده كان منزل منه 11 حبة و8 منهم محجوزين.. يعني زين حصلت لي واحد

ودي أموت
24-02-2011, 12:20 AM
[quote=مناهل الحنان;1701694]ودي أموت((اسم الله عليش من الموت بعيد الشر))...جاكادي نزل جديد في المارينا بس مثل ماقلتي نفس الموديل القديم وباهت بس لسا في الكتلوج موديل ثاني جديد وزاهي وجميل لسا ما نزلوه هو مورد...
جكادي الراشد نزل المورد

أم محمد علي
24-02-2011, 01:31 AM
اني الليله دخلت جاكادي في مارينا وشفت عنده مفارش حليوين مررررررره اللي تقصدوهم الظاهر << المورد
بس حسيته مره صغير .

juwan
24-02-2011, 10:41 AM
اللفات اذا اكبر من 30 يعني مقاسهم زين ..

وتلقينهم في سنتربوينت و دبنهامز توني شايفه عندهم لفات يجننوآ بس شوي شتويين يعني طبقتين ..
و بمبكن باتش و مآركس آند سبنسر بعد كأن ينزلوآ لفات

بس المفروض انك تآخذي المحامل اول عشان بعدين تطقمي معاهم لفات يناسبوآ :)

M!ss sweet
24-02-2011, 01:42 PM
ماركس سبنسر فيه لفات

جوان صحيح الافادبنهامز حليوين بس شتوووين

حبيبة شاعر
24-02-2011, 03:23 PM
سؤال

وين يبيعوا الشحاطات حق اطفال لي فيهم صوايه :d

ابغى حق عمر سنه ونص الى سنتين

ياليت تسدحوا لي اماكن مضمون انها موجوده ؟؟

فراشه ملكيه
24-02-2011, 04:30 PM
اني فصلت لي 4 محامل وطقم سرير من شغل ايدي
ان شاء الله ادا خلصو صورتهم ليكم فيس قسم المشتريات طبعآ

جكادي بعض المحامل شكل فقط الي شفتهم اخفاف ويحتاجو الى حشوه بولاستر
حتى القماش خشن وبعظهم حلوين بس بسرعه يخلصو

أخر العنقود
24-02-2011, 05:36 PM
هلا أمهااات :)
كيفيكم
بس حاابه أسااالكم وين ألقي بدل رسميه أنيقه ونااعمه ماافيها عفسه وااجد حق أطفااال ؟؟
ياررريت ما طنشووني :p

مناهل الحنان
24-02-2011, 11:45 PM
حبيباتي واخواتي الحوامل وكل اللي ردو علي مشكورين وما قصرتو .....بس تمنيت قريت الرد اللي يقول ان جاكادي الراشد نزل الجديد المورد لان اليوم كنت في الخبر ولا مريته ....بس يالله بكرة انشاء الله اقدر امرة وبالنسبة للفات حصلت مقاس اكبر عند سيتي ماكس ونوعيتهم كويسة بس ما عنه خيارات واجد بس لفه عجبتني وفتحتها لقيت قماشها ناعم وخفيفه زينه للحر ومقاسها اكبر من اللي اخذتهم من سنتر بوينت

انشاء الله اصور تجهيزاتي وانزلها في قسم المشتريات بس بعد ما اخذ المفارش

مناهل الحنان
24-02-2011, 11:49 PM
بدل رسميه حصلت ولادي عند باباز اند ماماز واللبسه كامله مع القبعه وعجبوني مررة بس قبل فترة ما دري للحين موجودين او لا ...انشاء الله تلحقي عليهم

أخر العنقود
25-02-2011, 01:24 AM
بدل رسميه حصلت ولادي عند باباز اند ماماز واللبسه كامله مع القبعه وعجبوني مررة بس قبل فترة ما دري للحين موجودين او لا ...انشاء الله تلحقي عليهم

مشكوره أختي
عااد باباز أند ماماز ماافي الا مجمع الظهرااان ياالله نشووف يووم ونروح له مشكورره :)
وأنشاء الله بااقي الامهاات يفيدووني

عيون ملاك
25-02-2011, 10:03 AM
بنات من وين تشترو ثياب يكون صغار يعني حق مواليد وزنهم كيلوين

اروع الايام
25-02-2011, 11:18 AM
البدل الرسمية
كأني شفت في محل في الخنيزي
فوق اول ماتركبي الدرج

جوداء
25-02-2011, 11:33 AM
بنات من وين تشترو ثياب يكون صغار يعني حق مواليد وزنهم كيلوين


في مذركير أكيد تلاقي