المساعد الشخصي الرقمي

مشاهدة النسخة كاملة : عبايات بوكنان و عبيات بدون اسم ,!!



دلوعه شيك
19-01-2011, 07:28 PM
السلام عليكم جميعا

بسالكم بنات كم تتراوح اسعار عبايات بوكنان و بدون اسم ؟؟ وهل عندهم تفصيل ؟؟
لاني هذه المره ودي افصل من عند واحد من المحلين ؟؟

و هل في هذه الفتره عندهم تخفيضات ؟؟


اكون شاكره لكم ,,

وايت مسك
20-01-2011, 01:50 AM
هلا حبوبة

اسعار بوكنان السادة اللى مافيها شئ يعني لا تطريز ولا حركات من 300 الى 450 ريال
والمزخرفة عنده من 800 الى الفين ريال

بدون اسم العباية السادة من 300 ريال
والمزخزفة من الالف وفوووق

بوكنان ماعنده تخفيض فى هالوقت
وبدون اسم عنده خصم بس مو واجد عفر عشرين فى الميه

دلوعه شيك
20-01-2011, 02:03 AM
وايت مشكوره غناتي ماقصرتي ,,

وايت مسك
20-01-2011, 02:06 AM
شدعوة غناااتي
حاضرين للطبين
واي سؤال تبغي حاضرة000

دلوعه شيك
20-01-2011, 02:09 AM
طيب شنو احسن نوع قماش عند ابو كنان ؟؟
وهل ممكن تدلوني على اسماء محلات بالخبر شغلهم حلو و مرتب زي عبايات بوكنان ؟؟

الغفران
20-01-2011, 02:14 AM
خيييتوو انا جربت الاثنين

و من وجهة نظظررري

بدون اسم افضل يجيب موديلات و اقمشة جديدة دائماً و فيه فخااامة اكثر من بوكنان

لكنه اغلى من بوكنااان

,, الله يوفقك حبيبه

و ملبوووس العافية مقدما :)

دلوعه شيك
20-01-2011, 01:57 PM
الغفران تسلمين حبيبتي
راح اخذ جوله بين الاثنين ,,

أجرب حظي
20-01-2011, 02:40 PM
بدون اسم اسعارهم معقوله لان اقمشتهم في نظري حلوه
تقريبا 400 إلى 600

حبيت افيدك

بحر الدموع
20-01-2011, 03:01 PM
وين افضل فرع لبدون اسم تكون بضايعه متنوعه

دلوعه شيك
20-01-2011, 04:17 PM
اجرب حظي تسلمين
وهل 400 ساده ولا مع اشوي شك ؟؟

دلوعه شيك
20-01-2011, 04:18 PM
بحر الدموع نفس سؤالك ؟؟
وين احسن فرع ..

وهل عندهم تفصيل ,,؟؟ وهل عباياتهم عليه توقيع نفس بو كنان ؟؟

Princess Z*
20-01-2011, 05:54 PM
امممم إذا مو غلطانه يسوو خصم بس ع الجاهز
وبدون اسم أقمشته أرقى بس خذي لش طله ع محلات العبايات لأني أحس هالمحلين موديلاتهم قليله مافي تنوع

عيون حمود
20-01-2011, 06:30 PM
العكس بدون اسم فرع الي في الظهران اكبر شي احس عبياته حليووووه وانا سئلته قال اي عبايه جاهزه تعجبش جيبي قياساتش واسويها مقاسش عادي وعليها خصم نفس الشي قال

دلوعه شيك
20-01-2011, 06:42 PM
تسلمون افدتوني وماقصرتو كلكم

عيون حمود الحين عليهم تخفيض بدون اسم ؟؟

الألياذة
20-01-2011, 07:04 PM
بدون اسم ممتاز..
بوكنان ماجربته
موفقة غناتي

دلوعه شيك
21-01-2011, 02:20 AM
الالياذه مشكوره للمعلومه

بدون اسم هل حاليا عندهم تخفيض ؟؟
وشنو اسم احسن قماش عندهم ؟؟

سكينة العوامية
26-01-2011, 04:34 PM
جربت بو كنان و في ظرف شهر تسللت العباية و تذمرت فوق تحت هذا و انا مختارة قماش صالونا الاصلي !!

بدون اسم ماجربته ..

بس بعيد عن هالأثنين .. عندك الاختيار الأول عجبني مررررة .. من ناحية القماش و التفصيل المرتب ..

بس الكريستالات اللي في العباية صحيح سوارفسكي أصلي لكنه تركيبه عادي مش ليزر و طاح من أول غسله !!

و فروعه في الشاطئ مول و الواحة ..

seemoon1
12-02-2011, 03:52 PM
انا عن نفسي جربت الأثنين

بوكنان من اول اسبوع حالتها حاله

بدون اسم يعني اكثر بشوي استمرت شهرين وبدت تصير فيها ثقوب


من ناحية التفصيل رائعه
يعني انا اخذتها في التخفيض 400ريال ساده ما فيه ولا اي شيء

زميلتي من نفس الأسبوع تمزعت بشكل غير طبيعي

الجميل عليها ضمان سنه

كودي
13-02-2011, 01:04 AM
بو كنان تخفيضات
50%

ام علي2008
14-02-2011, 02:23 AM
ابو كنان قماشه احسن بدون اسم عبايتي شهر وتصير حالتها حاله ولاكنه جديده ابو كنان تدوم

ترانيم الولاء
14-02-2011, 03:04 AM
يادافع البلا حتى العبايات غاليين يعني حتى الضبعه إلاتبغى تستر روحه بخلقة عبايه لازم تدفع 400ماصارت حتى لو فيه شوية زخرفه 800والله أخرمره رحت أسوي لي عبايه من أسعارهم الزفتة حطيت لي زخرفه بسيطه من القهر سويته عند عبايات السندس وطلعت تفشل مايعرف يخيط عندك خياط المنار إلا بالجاروديه خياطه مرتب وحلو

MiiMii
14-02-2011, 03:06 AM
بو كنان كنت دايما أفصل عنده , كانت تطريزاته أحلى من الحين , الحين كلا حوسة و تطريزات غريبة تفشل
بس لا زلت مقتنعة إن تفصيلهم مرتب ولو شفت تطريزة عجبتني ممكن أفصل عندهم . وأفضل قماش جربته عندهم أسمه لمسات رهيب جدا جدا جدا جدا ...... العباية تدوم عندي بالسنة وأكثر ..
وأفضل فرع ليهم تعاملت وياه في مجمع الراشد ..

الاختيار الأول فصلت فيه عباية قبل أسبوع .. كان التفصيل والتطريز حليو و مرتب جداً .. و أتمنى الكرستالات ماتخترب . وقماشه حلو اسمه سيمون أعتقد ... نصحني فيه وقال إن أغلب الناس تسوي منه .. وأفضل فرع ليهم بعد في مجمع الراشد ..

أما بدون أسم ماجربته ولا أفكر أجربه حاليا خخ . لأن اسعاره أغلى من الاختيار الاول والتطريزات مشابهة لبعض

موفقة أختي . :)

عنقود عنب
14-02-2011, 03:17 AM
طيب افضل نوع قماش الى بوشيه عند ابو كنان

دلوعة باباتها
14-02-2011, 10:26 PM
بدون اسم توى مخلص التخفيض كان رحتي وسويتي *_^

متجر أم سارة
24-02-2011, 04:52 AM
أنصحك بأبو كنان أحلى

maziona
17-04-2011, 07:45 PM
بالنسبه لعبايات بو كنان اسعاره ارخص من الي قالوه البنات ..,

فصلت عنده عبايتين ثنتينهم كانو بـ 500 وشوي .. و الكم ناعم يا سوارفسكي بس او سوارفسكي مع مخمل ..

و اخر وحده كان سعرها بدون الكم بـ 260 تقريبا ..,


موفقه

بائعه الورد
15-03-2012, 11:28 PM
اليوم تو نى مفصل عبااه من بو كناان ماافيه شي سااده

ب 270 واحلى قماش عندهم وعملى يطول اسمه بو كنان

عطر الولايه
16-03-2012, 10:54 PM
أنا فصلت في بوكنان قبل ٥ سنوات ههههه
وبدون اسم كنت أتعامل معاه بس حاليا افصل بالسويكت
محلات واجد وتفصليهم مرتب جداً
عندك المملكه ونيو لوك أسعارهم فوق بس مميزين يعني من ٤٠٠ الناعم وطالع بس ذوق وفخامه
بنت الجزيرة وشمس مذهله ريماس إيناس آريام أصيله الوشاح الاسود على ماعتقد
الافضل وفي عندك مجمع الأحمدي بالسويكت في محل بس رائح عن بالي
هذول أنا جربتهم
وعندك توب بلاك ومذهله في فنسيا كمان مرتب تفصيلهم
روحي وخذي لك طلعه وأكيد مابتطلعي خالية اليدين
وبالتوفيق

التصميم الماسي
16-03-2012, 11:09 PM
هلا خواتي الي فصل عند ابوكنان بسعر.رخيص اي فرع رحتو انا توني مفصله عبايه ساده وموديله فرنسي وقماشه كريب صالونه ٣٨٥ ريال فرع الظهران

مجرمه
16-03-2012, 11:28 PM
بالنسبه لي صراحه شفت فرع بدون اسم اللي بمجمع الظهران فقط ماعجبتني
العبايات وحسيتها قديمه وغاليه ع الطل ورحت بو كنان بسوق الدمام مايفصل
فيها سدو مدري شنو يقول يخترب وعبايته مو غاليه لهناك بس ماعجبتني وبنفس
اليوم رحت بو حليقه اختي ماخذه منه عبايه جاهزه ب300ريال فيها شك وكرستالات
بالاسود بس فخمه جدل جدا وراقيه وللحين ماختربت ولا شي ولا طاحت منها فصه وحده

دلوعه شيك
16-03-2012, 11:44 PM
انا فصلت عند بوكنان فرع الظهران مول
وقت اللي رحت كانت تخفيضات الموديل فرنسي او كلوش وهي المفروض قبل التخفيض ب300 و اشوي
بس مع التخفيض سواها لي ب200 ريال
والقماش اخترت اميرة الورد لانه قريب من الفرسان
ولما سالته عن قماش كريب صالونه قالي هذا القماش و قماش بوكنان ماعليهم تخفيض اما قماش ثاني عادي
وقالي اذا بتفصلين بقماش صالونه اغلى بتطلع علي