المساعد الشخصي الرقمي

مشاهدة النسخة كاملة : قصيت شعري فكتوريا بس



zainab2009
02-03-2011, 01:31 PM
السلام
كيفكم بنات
الزبده باخش في الموضوع علطول
امس رحت قصيت شعري بكوفير وطلبت فكتوريا
بس قلت ليها ابغاها طويلة
يعني ماابغاها قصيرة
المهم قصت ليي
بس لمن رجعت البيت وغسلته واستشورته
حسيت القصة غلط
موعاجبتني مو اللي في بالي احس من وره على رقبتي الشعر
ومن قدام طويل واللي وره قصته سيده
هل هذي هي القصة للعلم احس ماادري احساس وره قصير وقدام طويل
للعلم وديت ليها صوره الصوره غير عن اللي سوتها
هل تتوقعوا ان طريقة اسشواري لشعري كانت غلط لن كويته بعد وخليته ممدد
ضايق خلقي احس شعري كله طاااااااااااااااااار:d
ابغى حل رحم الله والديكم

روحي بين يديك
02-03-2011, 01:42 PM
مااتوقع طريقة استشوارك غلط
للاسف القصه غلط انا لمارحت قصيت شفت وحده هناك يقصوليهم نفس اللي طلبتيها ب س الفرق
من ورى قصيربس زي المطبق بس مومطبق انشاءالله فهمتي علي والجزء الطويل بس القصه وهي تخيرك تبغيها اي جنب
وطويله كيف......
المشكله هالقصه مواي احد يضبطها......ماتقدري تروجعي تعدليها موبنفس المكان.....
اويمكن تبين عندك اذ طول شعرك شوي احيانا القص كذاحلات بس يطول شوي
موفقه

•~{همـس آلـورود ••
02-03-2011, 01:45 PM
اني قصيتها لبنتي في المااسة هي تكون من وراء قصير مدرج ومن قدام طووويل

بس اني قلت اليها ابغاها ع طويل مو تقص شعرها وااااجد

وضبطتها

احس الماسة يتقنوا القص عدل

zainab2009
02-03-2011, 01:49 PM
هههههههه
المشكله ياغناتي
انو مابقى فيني شعر ومستحيل اعدل فيها ويقصر شعري ازيد
بس هل اقدر اروح واخليها تساوي الطويل مع القصير اللي وره
وتصير قصة عاديه
ماادري احس يغوغو اليي الخصل الطويله من قدام
ندمت قد شعر راسي اني قصيتها للعلم شعري كثيف
وصايره الخصل القدمانية مره طوال بالنسبة لقصر الشعر من وره
احس لازم يكونوا متقاربين وحتى ان كانت القصه لازم تتقصر من وره
مو فرق شاسع

صبا الروح*
02-03-2011, 01:49 PM
اهلين خيتو
طبعا الفيكتوريا طريقتها انها اتكون قصيره ومنفوخه القصه
ومن قدام طويل وليها طبعا اشكال كثيره
ومو كل الكوافيرات يضبطوها
شوفي هالمثال

http://www.shamsqatar.com/up3/get-7-2009-pik1cf1e.jpg

zainab2009
02-03-2011, 01:50 PM
سمعت عن الماسه بس لني ماقد قصيت عندهم فمااتشجعت
اني قصيتها في ايمان اللي عند الشماسي
ماادري يمكن ماني متعوده على هالقصات او انهي ماضبتها
طيب بكم يقصوا الماسه

روحي بين يديك
02-03-2011, 02:06 PM
نصيحه خيتوه روحي عدليها بدون ماتقصرشعرك ووووواجد
طبعا اختاري كوافيرماتحب المقص هههههههههه بعضهم مايتفاهمويحشو......
في رانيا عندك تمارعجبتني ماتاخد من الشعروواجد تحاااااسب
عكس الثانيه تحب تاخدمن الشعروواجد

zainab2009
02-03-2011, 02:09 PM
طيب اروح اعدلها كيف ويش اقول ليها

روحي بين يديك
02-03-2011, 02:20 PM
جربي روحي كوافيرتعرف الى هالقصه وبتعرف تعدلها لك اكيد
ولاتضيقي خلقك كل شي يتصلح,,,,,,,,,

احاسيس مبعثره
02-03-2011, 03:58 PM
اني قصيت هالقصهـ وهي طبيعي بتكون قصيرة من ورا وطويله من قدام

مو بس القصهـ اليي طويلهـ كل الشعر اللي من قدام

احس قصتش عدله بس لسى ماتعودتي على شكلش :]

واستشوريها كلها على داخل ولما تجي تكوي اكوي الجزء الطويل اللي من قدام

عشان يصير ورا منتفخ احلى ..

ام الساده3
02-03-2011, 05:42 PM
لا تقصيه استشوري على داخل ولا تكويه
تطلع حلوه

أم ولودي
02-03-2011, 06:15 PM
اني قصيتها من 4 شهور ونفس الشي احس القصه مو مضبوطه يعني من وراء سيدا والقصه مدرجه بالطول
ولما افله يصير مو متناسق يعني المفروض يكون في تدرج من وراء الي قدام
نفس مشكلتش الظاهر

ومحتا ره ويش اسويه فيه ؟

اوتار الجنون
02-03-2011, 07:30 PM
اني بعد قااصه فكتووريـآ ..

في الماسة وحشت اليي شعري حش ..

كنت ابغى متساووي مع اليي وره بس من قدام الخصل نازلين

ولم رححت البيت اكتشفت انها قصته من وره يعني فكتووريا عدل ..

بس المشكلة ان احس ماخلت خصل من قدام طووال .. يعني اليي يشووفني

من قدام يقول كاريه ..

بس من ع جنب فكتووريا مو عارفة استشوووره ابدا ..

مركز نبراس
02-03-2011, 09:42 PM
شوفي حبيبتي القصه دي تكون من الجوانب اطول اما من ورى تكون اقصر وتصير زي المنفوخه

نصيحتي الش خلي شعرك يطول اشوي لو بعدين رحتي تعدليها لان كدي بيطير بقايه شعرك ويمكن ماتضبط

zainab2009
03-03-2011, 02:28 AM
خبررررررررررر عاجل
رحت قلبت قصتي من فكتوريا الى
هههههههههههههههههههههههه
الى شسمه طبقات من وره خفيفة ومن قدام شلال يعني شوي شوي وباقرع من التعديلات
لابي ولابهالقصة جلحت شعري
اخر مره واول مره
اجرب شي جديد
جيت باكحلها عميتها
شيفه اللي ليهم زاغر
عليهم بالعافية
كان شعري لنص ظهري
والحين صار لرقبتي هههههه
يالله نتجهز للصيف

حورآء ~
03-03-2011, 12:16 PM
جمييله فكتوريآ ..
بس مو آي آححد يضبطهآ حنآ نروح ععند سرآيآ - آيمآن
قصهآ يجنن وتضبط القصه للان خآلتي قآصتنهآأ فكتوريا طلعت شي
= )

swing
03-03-2011, 02:37 PM
اذا الي قصت شعرك شاطره بالقص روحي اليها وخليها تعدل القصه

النجمة الفضية
03-03-2011, 04:48 PM
الله يساعدش أختى صارحه الوحدة صارت تخاف تجازف هلايام

أميره
03-03-2011, 04:54 PM
هلا زينب
فهمت عليش,,,للاسف القصه غلط ورا
المفروض تاخذ شكل منحنى حول الراس وميلان سلس نحو الاسفل
سؤال اتجاه القص خلفي افقي او غير كذا؟؟
ونصيحه اتركيه يطول وبعدين رتبي القصه مره ثانيه
لان ترتيبها الان بيشيل من طول الشعر الي ورا
موفقه غناتي

مركز نبراس
03-03-2011, 09:33 PM
موقلت الك لاتستعجلي وخليه يطول شوي لان بيطيرو شعرك
اني صاحبة مركز وفاهمه لدي الشغلات وعلى كدي قلت الك لاتستعجلي

يالله خيرها في غيرها
الله يعوضك بشعر احلا يارب

zainab2009
05-03-2011, 08:30 PM
ههههههههههههههه
يالله تغيير ومنها شلنا نص الشعر
ابو العيال مايعلق ابد
واخر مره اجازف
وزي مايقول المثل كل طراق بتعلومة

أم ولودي
05-03-2011, 10:36 PM
يووو الله يغربل ابليسش
ياالله العوض بسلامتك غناتي وبكره يطول وتنسي

على فكره أنا رحت الى ايمان بسرايا وحشششششت شعري عدل

على كلامها الفكتوريا حلاتها قصيره ، ماعجبني شغلها واول مره واخر مره اقص عندهم

عروسة حسون
06-03-2011, 02:55 AM
مره ثـــانيه إذا بغيتــي تقصــي قولي ليهم قصوه على طوله ..
فهــم بياخذوا من الشعر شوي لازم ..
وإذا حسيتيه طويل بعد قولي قصي شويييييييييييييه ..
وبيطلع شعرش بالطول إلي تبغيه ..
ماينفع وياهم إلاّ هالطريقه .. إني دائما أسويها ويضبطوا شعري ..
ويلا خيو خيرها في غيرها ..

ملكوت الرحمه
06-03-2011, 04:19 PM
هههـ علقتيه للرقبه تغيييير خيتوووو عادي :d

بكره يطول ;)

عود كمبودي
06-03-2011, 04:53 PM
هلا خيه
الله يساعدش حاسه فيش نفس الموقف صارلي
رحت قصيت شعري فكتوريا عند ايمان سرايا مسكت شعري كله من ورا مره وحده و قصته و مو مرتب ولا متساوي و سوته منتف و من قدام على الجوانب طويل ولا صاير جاي بطريقه احليوه مع اللي ورا صار شعري يفشل
و رحت بعد كم يوم كوافيره ثانيه و اخدت وياي صورة قصه غير لأن طابت نفسي من فكتوريا و الحمد لله راويتها الصوره و ضبطتها عدل عدل للعلم هي فلبينيه و الله سوت شعري يجنن و اللي يعملو ليهم دعايات اردنيه و مغربيه ترى مو كلهم شاطرين

أم ولودي
07-03-2011, 01:43 AM
هلا خيه
الله يساعدش حاسه فيش نفس الموقف صارلي
رحت قصيت شعري فكتوريا عند ايمان سرايا مسكت شعري كله من ورا مره وحده و قصته و مو مرتب ولا متساوي و سوته منتف و من قدام على الجوانب طويل ولا صاير جاي بطريقه احليوه مع اللي ورا صار شعري يفشل
و رحت بعد كم يوم كوافيره ثانيه و اخدت وياي صورة قصه غير لأن طابت نفسي من فكتوريا و الحمد لله راويتها الصوره و ضبطتها عدل عدل للعلم هي فلبينيه و الله سوت شعري يجنن و اللي يعملو ليهم دعايات اردنيه و مغربيه ترى مو كلهم شاطرين

غناتي انقذيني بصوره القصه الله لايهينك
وين قصيتي ؟

عود كمبودي
13-03-2011, 03:10 AM
غناتي انقذيني بصوره القصه الله لايهينك
وين قصيتي ؟


اسمحيلي خيه من شوي بس شفت الرد اوكيه ارسلش على الخاص

عود كمبودي
13-03-2011, 03:21 AM
اسمحيلي خيه من شوي بس شفت الرد اوكيه ارسلش على الخاص

الفنانه عتوش
16-03-2011, 12:21 PM
الصوره الي حطتها الاخت صبا الروح هي الفتوريا الاصل

تقدري تقولي عنها كاريه فرنسي بعد

بس مثل ما قالو لك الصبايا مو كل يضبطها