المساعد الشخصي الرقمي

مشاهدة النسخة كاملة : اللي جربت الكلوميد والابرة التفجيرية وجابت تؤام ؟ تفيدني !!



ليال/ام سيد علي
05-03-2011, 03:32 AM
كيفكم امهات

حبيت استفسر عن الابرة التفجيرية هل تسبب الالام بالبطن واسهال وثقل ولوعة ؟؟؟

لان الدكتور عمل لي متابعة تبويض

ودورتي اخر شي كانت في الحج ونزلها لي بالدفستون

وعطاني كلوميد واليوم 13 منها شاف حجم البويضة 16 وعطاني

ابرة تفجير كوريومون 5000 قوتها

وقال الجماع يتم بعد 24 ساعة

وقالي في احتمال تنقسم البويضة وتتلقح وفي احتمال لا

واخدت دفستون من الجمعة لغاية 14 يوم لحد ما يصير حمل او تنزل الدورة

الدكتور قال احتمالية انجاب اكثر من جنين

لان سألني عندكم العائلة تؤام قلت ايه فقال احتمالية انجاب تؤام

سؤالي

في احد منكم جاب تؤام عن طريق الكلوميد والابر التفجيرية ؟؟؟؟؟

هل وحدة حملت من اول كورس كلوميد والابرة ؟؟؟

ويقال بان اكثر الانجاب يكون بنات لان الكلوميد يقتل الحيوانات الذكورية ويقسي بطانة الرحم

اللي عندها تجارب حول هذا الخصوص تفيدني ؟؟؟

دعواتكم بنات تعبت من انقطاع الدورة للشهور ادعو لي بالحمل السليم العاجل

أزهارالولايه
05-03-2011, 04:01 AM
هلا قمرتنا

انا راح اسدح لك تجربتي اول شئ ياطويله العمر تعالجت بالكلوميد ومانفع معاي بصراحه وبعدين تعالجت بالابر عندالدكتورة جليله اول ماداومت في مضر وعالجتني بالابر شهربس والحمدلله حملت ببنوتتي طبعا خيوو وقت تفجير البويضه راح تحسي بألام مثل آلام الدورة او اقوى اشوي مع مغص انا الحمدلله حللت بعديوم من تأخرالدورة وطلع ايجابي طبعا انا كنت حامل بـتؤام بس للاسف الثاني كان كيس بدون جنين والحمدلله الله رزقنا بأحلى شهودة بالدنيا كلها وحاليا افكر ارجع اتعالج بس انتي وين تتابعي خيوووو

الله يرزقك بالحمل التام الخلقه ويفرح قلبك بسيدصغير يارررررب

فراشةجاسم
05-03-2011, 04:14 AM
هلا خيووه
اختي جربت الكلوميد ومن اول مره على طول حملت وجابت توام بنت وولد
لكن احنا في العايله زي ماقلتي وراثة بعد للتوام
بس اللي اذكره ان اختي نزلت ليها بويضتين وطلعوا مايتشابهوا واجد يعني مو بويضه وحده وتالي انقسمت
وان شالله تكوني حامل وتجيبي تووووم يارب

ليال/ام سيد علي
05-03-2011, 04:17 AM
لا انا بس مرة اخدت الكلوميد من 2 يوم دورة الى 7 ايام

وابرة وحدة عند التبويض بس

وان شاء الله ماطول بالعلاج لان تعبت يكفي غياب الدورة بالاشهر تعل القلب

تعالجت عند دكتور عصام بالمواساة يتمهل ما يستعجل ويعطي وبس

ليال/ام سيد علي
05-03-2011, 04:24 AM
هلا خيووه
اختي جربت الكلوميد ومن اول مره على طول حملت وجابت توام بنت وولد
لكن احنا في العايله زي ماقلتي وراثة بعد للتوام
بس اللي اذكره ان اختي نزلت ليها بويضتين وطلعوا مايتشابهوا واجد يعني مو بويضه وحده وتالي انقسمت
وان شالله تكوني حامل وتجيبي تووووم يارب

يعني غناتي اول تابع وياها تبويض وشاف بويضة وفجرها بالابرة لو من الاساس شاف بويضتين

لان يفرق عفر

انا شاف بويضة حجمها 16 وقال احتمال تنقسم بالابرة واحتمال لا

واحتمال اذا انقسمت تتلقح كل البويضات ويصير حمل لاكثر من جنين واحتمال ولا وحدة تتلقح وتنزل الدورة

من بعد مفعول الابرة

ياليت اعرف غناتي

والله يسمع منش يرزقنا بتؤام معافين سليمين تامين الخلق والخلق سليمين الجسم والعقل

ليال/ام سيد علي
05-03-2011, 05:18 AM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليال/ام سيد علي
05-03-2011, 09:36 PM
بانتظار خبراتكم

آآآآآآآآآآآآآآآآآآآآآآآآآب

فراشةجاسم
05-03-2011, 11:54 PM
مرحبا
هي نزلت عليها بويضتين حتى الدكتوره قالت ليها هالشهر لو بتحملي احتمال تجيبي توام اذا تلقحت البويضتين
وحدد ليها بعد وقت اللقاء والله كتب وجابت تووم
وبس:o

جوريk
06-03-2011, 03:51 AM
ياي اني بعد نفسي اجيب تؤام
قولي احسن مستشفى يعمله
لاني ابغى احامل توي تاركه الحبوب

مفآهيم الح ـب ~
06-03-2011, 05:45 AM
اللهم صل على محمد وآل محمد ..

الله يوفقك ويرزقك الحمل السليك بحق محمد وآل محمد .. :)

حبيت ادخل وارفع الموضوع بدعوهـ .. :)

ليال/ام سيد علي
06-03-2011, 12:02 PM
مشكورين غناتاتي الا ردوا علي

الحين معقولة ولا وحدة استخدمت كلوميد وابرة تفجيرية وحملت من اول استخدام وتفيدنا بتجربتها ؟!!!

ليال/ام سيد علي
07-03-2011, 08:19 AM
وينكم يالنشامة !!!!!!!!!!!!!!!!!!!!!

أح ــلام ملونه
07-03-2011, 11:44 AM
ماعندي فكره والله

بس ان شاء الله يارب تحملي وتجيبي توأم بعد

موفقه

ليال/ام سيد علي
07-03-2011, 11:30 PM
ان شاء الله يسلموووووووو غناتي

الله يسهل عليش بوقتش وتقومي بالسلامة يارب

بنات الابرة مفعولها قوي علي صار لي يومين الترجيع يزيد من اكل

والحومة بعد وكل طول الوقت متخدرة وابغى انام

ردوا علي في وحدة جربت الكلوميد مع الابرة وحملت من اول استخدام ؟؟

وايش كان جنس المولود ؟؟؟؟؟؟؟

بليييييز لا احد يطنشني ه ـــــ ه

رقة الفراولهـ
08-03-2011, 12:26 AM
اللهمـ صلِّ عـــلى محمد وآل محمد وَ عجل فرجهمـ ..؛

بالنسبة لي استخدمتهمـ بس الله ما كتب .. الحمل بسبب ضعف كان بزوجــي ..

اخذت اول كلوميد .. وبعدين يوم 12 اخذت ابرة تفجير وحددت لي الوقت

ويوم ثاني كمان اخذت ابرة بنفس وقت اللي السابق .. وكمان صار في لقاء بعد كم ساعه ..

الأعراض اللي حسيتها .. بس عصبيه والم بعض الشيء ..

اللي اذكره وَ زوجي يذكره هي الانفعال اللي كان يتملكني بقوة ..

إن شاء الله يكون الأعــراض اللي ذكرتيها .. اعراض حمل إن شاء الله ..

اذكر وحده من اهلي كانت تستخدمـ .. منشطات وابر .. ومولدها الاول ولد والحمد لله ..وكانت تتابع عند دكتورة عزه بالصادق

وَ الله يكتب لك لك خير بحق محمد وآل محمد

احلام الربيع
08-03-2011, 12:29 AM
الله يرزقك ويرزق كل محرووم

عبير الروح
08-03-2011, 01:49 AM
ان شاء الله الله يكتب لك وتحملي هالشهر
اني استخدمت الكلوميد والابر بس ماحملت عليهم فتره طويله
واخر فتره استخدمت الابر للتبويض شهرين مع ابر التفجير وماحملت وتركتهم شهر وحملت طبيعي
امكن الحاله النفسيه ليها دور انتي لاتفكري في الموضوع خليها ع الله والي كاتبه الله بصير

ليال/ام سيد علي
08-03-2011, 02:40 AM
مشكورين ما قصرتوا

ماتوقع اعراض حمل بهالسرعة خخخخ

الابرة فيها هرمون الحمل بس اول شي جاني مغص واسهال ولوعة

وبعد يومين زاد الاسهال والابوال وانتوا بكرامة

والترجيع ابتدا من اول امس تقريبا وكل ماجاله يزيد >>اليوم سويت الهوايل بحمام بيت ماما

اني ارجح انها قوية الابرة علي

اني اخدتها يوم الاربعاء المغرب يعني الاربعاء الاسبوع الجاي احلل اذا مانزلت الدورة

بس اليوم باروح العصر او المغرب لان خلاص مو قادرة من الزوعة

اللي عندها خبرة بعد عن هالخصوص تفيدني رحم الله والديكم ه _ ه

فاقدة غالي
08-03-2011, 12:07 PM
ما اعرف خيه
بس حبيت ادعي لك
الله ينولك اللي في بالك

omhadooi
08-03-2011, 04:52 PM
ان شاء الله تحملي ... وترتاحي ....
بس ايش المشكله الي عندك علشان عطاك الكلوميد ... يعني بس ضعف تبويض
وسوى الك تحاليل قبل لو من اول شهر عطاك اياه ؟؟؟؟؟

دانة عمري
08-03-2011, 05:06 PM
ليول
كيف حالك صديقه
ما عليش شر غناتوه
وين أختي الابره في اي مستشفى
أني ها المرا بيعطوني وياها
بعد ما تنزل دورتي
كلوميد+الابره التفجيريه
الله يساعدش والله
هو لكلوميد أخذته لحاله ولعب فيني لعب شحال ها الابره
يعني راحوا فيها بيت أبويي هههههههه
الله يعطيش يا قلبي مرادش يارب
وتحملي ويثبته ربي وبالغه في عرسه
أدعي ليي الله يكون بعوني
وخبرينا عن كل التطورات علشان نستفيد خيه ورحم الله والديش ياقمر

zenah
08-03-2011, 07:37 PM
خيتو أم سيد علي.. شلونك، الله يوفق لك ان شاء الله وتبشريني بحملك بعد اسبوع
أني استخدمت الكولميد 3 شهور أول شهر اخذت ابر تفجيرية ودوفستون ولا صار حمل، والشهر الي بعد اخذت بس كلوميد، والتبويض يكون اوكيه لكن ما حصل حمل، الشهر الي بعده رحت لمستشفى المواساة عند دكتور عصام وقال ان عندي تكيس وعطاني جلوكوفاج واستخدمت الجلوكوفاج اقل من شهر واخذت نفس الشهر كلوميد وأبر تفجيرية وبعد الأبر التفجيرية بـ 12 يوم سويت تحليل منزلي وطلع فيه خط خفيف ورحت وحللت دم وطلع حمل والحمد لله
ولا ادري اذا كان السبب في الجلوكوفاج او لأن كثير يقولوا ان نسبة الحمل تزيد في المرة الثالثة من استخدام الكلوميد..
المهم ان في الاسبوع السادس من الحمل الدكتور قال ليي ان مبين عنده كيسين يعني تؤام ولكن في الاسبوع الثامن قال لي أن كيس واحد بس هو الي كبر والثاني بدأ يتقلص والحين اني في الاسبوع 17 وخلاص الكيس الثاني ما عاد ليه أثر.. ودعواتك لي بتمام الحمل وسلامته
ان شاء الله ربي يرزقك من اول شهر وبتؤام، اني كان عندي اساسا بويضتين لكن ما عندي وراثة تؤام فيمكن علشان كيدا ما اكتمل حمل التؤام الثاني
وننتظر لبشارة قريب

ليال/ام سيد علي
08-03-2011, 11:21 PM
يارب ياكريم دعواتكم

ام هدووووووووي اني من رحت له وقلت الدورة متاخرة من الحج اخر دورة وبحبوب على طول عمل اشعة وتحليل حمل

وشاف تكيس خفيف ووصف لي دفستون 3 ايام 4 حبات بالبيوم كمثبت او لنزول الدورة

ونزلت الدورة بعد 4 ايام واخدت الكلوميد من 2 يوم لمدة اسبوع حبتين باليوم

وقالي يوم 12 من الدورة اجي اشعة مهبلية عشان التبويض ولقى حجم البويضة 16 وعطاني ابرة تفجيرية

هالكتني هلاك واللوعة بعد مايحتاج والترجيع حدث ولا حرج

اليوم اتصلت عليه ان ترجيع ومغص ولوعة قالي استخدم سكوبينال حق المغص او باسكوبان

طبعا الابرة اخدتها يوم الربوع ووصف لي الدفستون اخده بعد يومين من الابرة يعني الجمعة 14 يوم حبتين باليوم

واذا طاف على الدورة اسبوع وماجت اروح عشان يسوي فحص دم واذا جت اروح له بنفس اليوم

مادري يمكن عشان يعيد التحاليل والوصفات من جديد

زهقت وربي نفسيتي دماااااااااااااااااااااااااااااااااااااار ه _ ه

omhadooi
09-03-2011, 12:17 AM
ولا تزهقي ولا شي .... نفس حالتي ... بس الغريبه انه ما عطاني كلوميد بس دافستون وسويت متابعة تبويض وطلع التبويض ضعيف بسبب التكيس الحين انا وقفت علاج ..... بنزل وزني وبعدين اشوف ايش يصير .... اصلا انا تعبت من ها السالفه وصرت ما احب امر جنب المستشفى

ليال/ام سيد علي
09-03-2011, 12:36 AM
ياغناتي اذا علا سالفة الوزن فوزني متفلقع بقوة وكل ماجاله يزيد 5 او 6 كيالوا بالشهر بحاله

يمكن من انقطاع الدورة

يوم نزلت الدورة اتوقعت يروح النفخ الا فيي لكن لا >>احلم خخخخخخخخخخخخ

صايرة برميل عدل والا يقهرني كلمن شافني يفكروا متوني حق اكل او راحة نفسية هههههههههه

omhadooi
09-03-2011, 06:54 PM
الله يعين على سالفة هالوزن ........... ضاق خلقي صرت ما احب اشوف المرايه بس شوي شوي ينزل انا بدء يزيد وزني من شعبان .... وبس تركت المانع زاد بعد علشان كده لازم ينزل علشان يروح التكيس وما ابغى احمل و انا على هالحال ..........
ان شاء الله تبشرينا بحملك يارب

الذوق الرفيع
09-03-2011, 07:50 PM
الله يرزقكم يااارب .....
بحق محمد و آل محمد ......
ويرزق جميع المنتظرين يارب

عبير الروح
09-03-2011, 08:07 PM
الله يعين على سالفة هالوزن ........... ضاق خلقي صرت ما احب اشوف المرايه بس شوي شوي ينزل انا بدء يزيد وزني من شعبان .... وبس تركت المانع زاد بعد علشان كده لازم ينزل علشان يروح التكيس وما ابغى احمل و انا على هالحال ..........
ان شاء الله تبشرينا بحملك يارب

خيتو ليش ماتقولي للدكتور يكتب لك الجلوكوفاج هو يستخدموه حق السكر بس افيد واجد في نزول الوزن والتكيس اني استخدمته في حملي الاول قعدت ست سنوات ولا حملت ومن استخدمته نزل وزني وراح التكيس لان هو ادا في دهون ع المبايض تروح
وحملت بعد استخدمه 6 اشهر مع الكلوميد والابر
تر الكلوميد لحاله ادا كان فيه تكيس احسه ازيد السالفه ويزيد الوزن
حاليا استخدمته من هدا الشهر كتبته لي الدكتوره وان شاء الله احمل بعد مده
والله يكتب لك الحمل

omhadooi
10-03-2011, 01:28 AM
خيتو ليش ماتقولي للدكتور يكتب لك الجلوكوفاج هو يستخدموه حق السكر بس افيد واجد في نزول الوزن والتكيس اني استخدمته في حملي الاول قعدت ست سنوات ولا حملت ومن استخدمته نزل وزني وراح التكيس لان هو ادا في دهون ع المبايض تروح
وحملت بعد استخدمه 6 اشهر مع الكلوميد والابر
تر الكلوميد لحاله ادا كان فيه تكيس احسه ازيد السالفه ويزيد الوزن
حاليا استخدمته من هدا الشهر كتبته لي الدكتوره وان شاء الله احمل بعد مده
والله يكتب لك الحمل
اخدت الكلوكوفاج ثلاث اشهر وصرت كل تعبانه وترجيع ولوعت جبد واخلاق زي الزفت خليني انزل وزني وارجع اشوف ايش صار مع التكيس ......... ان شاء الله الله يكتب الك وتحملي ..... واحمل انا بعد وافتك

fatemah_nor
10-03-2011, 01:58 AM
ياغناتي اذا علا سالفة الوزن فوزني متفلقع بقوة وكل ماجاله يزيد 5 او 6 كيالوا بالشهر بحاله

يمكن من انقطاع الدورة

يوم نزلت الدورة اتوقعت يروح النفخ الا فيي لكن لا >>احلم خخخخخخخخخخخخ

صايرة برميل عدل والا يقهرني كلمن شافني يفكروا متوني حق اكل او راحة نفسية هههههههههه

الله يعطيش العافية ليال
اممممممممم اذا وزنش يزيد بدون سبب والدورة منقطعة احتمال عندش خلل في الغدة اطلبي من الدكتور يشوف نشاط الغدة

مجرد حلم
10-03-2011, 03:34 AM
السلام عليكم جميعا

عندنا وحده بعائلتنا توها جايبه توأم وأحنا بعيلتنا ماعندنا
شكيت انها شربت كلوميد....بس ماأدري ....أشوف الأعراض اللي كاتبينها عن الكلوميد زي الأعراض الاجتها لوووعه وااجد وترجيع والنفسيه تعبانه وعصبيه
المهم أني لفت أنتباهي انكم تتكلموا عن التكيس
ياجماعة الخير عندي مشكله مع الدوره من ذو القعده ماتجيني تتأخر واااجد تطول شهر وأني في حياتي كلها مامريت بهالشي
صارت شهر ماتجيني ويوم رحت البطي عطتني حبوب تنزيل...وطولت على مانزلت ,,,وقاالت لي تعالي سوي أشعه ممكن لخبطة هرمونات بس مارحت بسبب الظروف
وتجيني لوعه ودوخه والأشوي زي الدوره وحراره بالجسم مع بروده ونومي زايد
محرم وصفر نزلت بالحبوب بس ودخلنا رربيع الثاني ومانزلت علي وهذاني من أسبوع عندي الام في شباني (أسفل بطني) مع صداع وقلة شهيه والام ظهر وحراره بظهري أفيدوني غناتي مو عارفه وش فيني وليش الدوره عندي كذا ؟؟

حساسه
10-03-2011, 03:44 AM
الله يرزقش بالولد المعافى الصالح

ليال/ام سيد علي
10-03-2011, 10:56 AM
الله يسلمكم تسلمو عالردود

بنات صحيح هو عطاني عشان التكيس دواء اسمه متفور 500

ونصحني استخدمه 3 شهور الحين صار لي شهر تقريبا

يقول فايدته يساعد التكيس عالنزول والسكر يخف ويخلي البويضة ترقق

ويساعد على نزول الوزن>>ماني شايفة نزول الكل يقول متفلقعة

omhadooi
10-03-2011, 11:32 AM
السلام عليكم جميعا
بالنسبه للكلوميد أسمع وااجد عنه بس ماجربته ولاأبي أجربه
التوأم حليوين بس ماأقدر عليهم
عندنا وحده بعائلتنا توها جايبه توأم وأحنا بعيلتنا ماعندنا
شكيت انها شربت كلوميد....بس ماأدري ....أشوف الأعراض اللي كاتبينها عن الكلوميد زي الأعراض الاجتها لوووعه وااجد وترجيع والنفسيه تعبانه وعصبيه
المهم أني لفت أنتباهي انكم تتكلموا عن التكيس
ياجماعة الخير عندي مشكله مع الدوره من ذو القعده ماتجيني تتأخر واااجد تطول شهر وأني في حياتي كلها مامريت بهالشي
صارت شهر ماتجيني ويوم رحت البطي عطتني حبوب تنزيل...وطولت على مانزلت ,,,وقاالت لي تعالي سوي أشعه ممكن لخبطة هرمونات بس مارحت بسبب الظروف
وتجيني لوعه ودوخه والأشوي زي الدوره وحراره بالجسم مع بروده ونومي زايد
محرم وصفر نزلت بالحبوب بس ودخلنا رربيع الثاني ومانزلت علي وهذاني من أسبوع عندي الام في شباني (أسفل بطني) مع صداع وقلة شهيه والام ظهر وحراره بظهري أفيدوني غناتي مو عارفه وش فيني وليش الدوره عندي كذا ؟؟
نفس الاعراض الي صارت الي وبعدين طلع تكيس ...... روحي سوي الاشعه و ان شاء الله خير يمكن بس لخبطة هرمونات ..... اهم شي لا تسكتي

مجرد حلم
11-03-2011, 02:40 AM
هلا أختي
اليوم نزلت علي الدوره نفس موعد ذاك الشهر بس هالمره بدون حبوب
هل يعني طبيعي لخبطة هرمونات أو تكيس؟

ليال/ام سيد علي
11-03-2011, 11:41 AM
غناتي مجرد حلم اكيد لخبطة هرمونات >>اسئليني بقه

اني الان سنتين تقريبا اتعالج انزلها بحبوب وتغبني كم شهر واروح ويعطوني حبوب تنزلها

وارجع اذا قطعتني احقر واذا نفسيتي تتعب اروح ينزلوها وهكذا

يعني قبل ماولدي يكمل 6 شهور بدت تتاخر باسبوعين اول مابدات تاخير

تالي من كمل سنة قامت تتاخر قريب الشهر

ومن فطمته افكر بتنزل منتظمة الا قامت تعفج شهر ايه وشهر الا بعده تحترم نفسها وتنزل

ومن قبل اول اللعام ماشفتها الا تقطعني شهر وتجي شهر الا وراه >>تقولي دوام شفتات >_<

وهاللعام قامت مصختها تقطعني بال3 الاشهر وماتنزل الا بالحبوب

دلع الشرقية
11-03-2011, 07:06 PM
هلا خيتووو
آني استخدمت الكلوميد بس ما استخدمت الابره
وآستخدمته ثاني يوم لدوره لمدة خمسة آيام وبعدين تركته وحملت على الشهر الا بعده على طوول
وبصراحه مادري كم واحد فيني آثنين لو واحد لان ماسويت الاشعه للحين

ويارب يرزقش الحمل السليم عن قريب يارب

ليال/ام سيد علي
12-03-2011, 07:55 AM
هلا دلع غناتي

يعني نفع معاش من اول استخدام هل كنتي قبل عندش لخبطة دورة وقلة تبويض ؟؟

اي اسبوع بالحمل الان انتي ؟؟؟

تقريبا بالاسبوع السادس يعني شهر ونص من الحمل تقدري تشوفي كيس الحمل

يلا شوفي واعطيني خبر

ان شاء الله تؤام اذا تبغي >>وعقبالي ما احمل وافتك من هالحوسات

الله يسهل عليش بوقتش

aya2006
12-03-2011, 01:44 PM
اممممم

ممكن أسألكم اللي جربو الكلوميد والابر التفجيريه هل يتم اخذ الكلوميد عن طريق الصيدلية من دون دخول للطبيب

لأن دي وحدة اعرفها عندها ضعف تبويض واني قلت ليها روحي المستشفى من جديد وحيدونك كلوميد جان تقول لي ويش رايش اخذه من دون مستشفى واني خايفة ان تسويها ويصير ليها شي كان زين لومانصحتها بهالنصيحة

دلع الشرقية
12-03-2011, 09:21 PM
هلا دلع غناتي
هلا فيش حبوبه
يعني نفع معاش من اول استخدام هل كنتي قبل عندش لخبطة دورة وقلة تبويض ؟؟
آي نفع وياي من آول مره آستخدمته .. وكانت الدوره مره متخربطه عندي عادي آنها 3 آشهر ماتجيني وعندي ضعف في التبويض
اي اسبوع بالحمل الان انتي ؟؟؟
آني الحين في الاسبوع 9 توي داخلته
تقريبا بالاسبوع السادس يعني شهر ونص من الحمل تقدري تشوفي كيس الحمل
والله قلت بروح بس الدوووام مو مخليني حتى آحك راسي وآرجع تعبانه وآنام
يلا شوفي واعطيني خبر
آذا شفت كم واحد بعطيش خبر ولا يهمش ماعني شاكه انهم آثنين وآنشاء الله شكي مايطلع في محله
ان شاء الله تؤام اذا تبغي >>وعقبالي ما احمل وافتك من هالحوسات
آذا تؤام بعطي آمي واحد لان ما آتخيلي روحي بواحد ميف تؤآم .. وربي يكتب لش الحمل قريب وترتاحي يارب
الله يسهل عليش بوقتش
يارب ياكريم

وآنشاء الله آفدتش خيتووو .. وآي آستفسار آني حاضره .. وربي يرزقش الذريه الصالحه بحق محمد وآل محمد الطيبين الطاهرين

دلع الشرقية
12-03-2011, 09:25 PM
اممممم

ممكن أسألكم اللي جربو الكلوميد والابر التفجيريه هل يتم اخذ الكلوميد عن طريق الصيدلية من دون دخول للطبيب

لأن دي وحدة اعرفها عندها ضعف تبويض واني قلت ليها روحي المستشفى من جديد وحيدونك كلوميد جان تقول لي ويش رايش اخذه من دون مستشفى واني خايفة ان تسويها ويصير ليها شي كان زين لومانصحتها بهالنصيحة

آيونهـ الافضل آنها تروح المستشفى .. علشان تعمل ليها التحاليل الازمه وعلى آسسها راح تحدد كم نسبة التوبيض عندها وآن كانت تحتاج الى كلوميد ولالا
وبكذا هي تاخده ومطمنه ما تاخده وهي ماتدري شيء عن الدنيا
وعلشان لو مافاد معها الا الدكتوره تكون مابتعه معها الموضوع لان مو لازم انها تحمل على طول من آول مره تاخده في ناس كثير ما استفادو عليه وفي ناس بعد ما اخدوه مره ومرتين وثلاث حملو عليه
فنصيحتي لش .. انش تقول ليها تروح المستشفى افضل

om zozo
13-03-2011, 03:12 AM
اني استخدمت الكلوميد اول مابدات العلاج بس مااستفدت منه وسبب لي تكيس في المبيض لانهم مايعطوني ابرة التفجير
وبعدها دكتورت مضر بسمه عطتني تقرير ان لااخذ كلوميد وان علاجي بالابر يكون
رحت عياده في البحرين متخصصه في العقم
وانا فيني تكيس شديد عطتني ابرة تفجير
بغيت اموت منها وقالت لي اشربي ماي بكثره (((طبعا توقيع وعلى مسؤليتي لانها تسبب اشياء واجد قالت لي )))
المهم لما رحت الموعد قالت لي لانه عندش تكيس شديد تعبتي خلاص اول نعالج التكيس
الحمدلله تعالجت وخفيت وعطتني ابر ماتعبت منها ابدا
وصار يطلعو لي ثلاث بويضات بس صغيره هههههههه
ومره طلعت لي بويضتين
بس جلست شهرين بدون علاج لا ابر ولاحبوب ورحت اليها سبحان الله صارت عندي البويضه حجمها 21 وقالت لي ان شاءالله بصير حمل عطتني ابرة تفجير وحملت ببنوتتي خساره ماجبت تووووووووم

الله يرزقش يارب وكل المحرومين اللهم بحق أم البنين أعطيهم مثل ماعطيتني

اسمحو لي على الاطاله

om zozo
13-03-2011, 03:22 AM
يقول فايدته يساعد التكيس عالنزول والسكر يخف ويخلي البويضة ترقق

ويساعد على نزول الوزن>>ماني شايفة نزول الكل يقول متفلقعة
اني عطوني حبوب سكر بعد وقالو بينزل وزني
مانزل اصلا بس حسيت روحي كله جوعانه
لكن حماتي وبنت عمي مره ضعفو ولا ادري شو القصه

ليال/ام سيد علي
13-03-2011, 01:55 PM
ام زوز اني قلت اذا ربي ماكتب حمل هالشهر باريح من العلاج شويات لحد الدورة الجديدة واشوف

مع اني تفائلت احمل من كلام دلع لانها زيي ضعف تبويض وانقطاع الدورة 3 شهور

وجربت الكلوميد مرة وحملت منه

ما الابرة المها مو طبيعي ماصدقت عديت الان 10 ايام من مفعولها

فما ادري استنى لحد موعد الدورة والا احلل منزلي هاليومين !!!

لان احس بمغص مو طبيعي والم بظهري وكل ابغى انام وجوع ساعات اطنشه

ودوا السكر لاحظته يجيب لي اسهال رغم اني اخده بعد الاكل

My lens
13-03-2011, 02:06 PM
السلام عليكم ..

الله يسهل أمورش ..
من رأيي انتظري لحد موعد الدورة وعادة يكون بعد 14 يوم من الأبرة التفجيرية ..
وانتبهي تسوي التحليل قبل لأنه بالعادة بيكون في ارتفاع في هرمون الحمل بسبب الأبرة التفجيرية ..

واعتقد اللي تحسي فيه من أعراض طبيعية مع ادوية التكيس إلي هي بالأساس ادوية للسكر ..
لأنها متعبة جداً من ناحية الشعور بالغثيان والاسهال والمغص والجوع الشديد والصداع ..

الله يرزقش يارب ويخلف على تعبش بالذرية الصالحة ..

ليال/ام سيد علي
13-03-2011, 02:28 PM
عارفة الابرة تاثيرها يطول بس الدكتور قال تاثير 5000 يروح بعد 10 ايام

وتاثير 10000 يروح بعد 14 يوم وانا عطاني 5000

واخدتها يوم الاربعاء بتاريخ 27 /3/1432

والدورة موعدها اقصد نزلوها لي تاريخ 15/3/1432

يعني مادري يصادف 14 يوم نفس اليوم اللي اخلص فيه الدفستون ويكون تاريخ 12/4

اني قلت باحلل نفس اخر يوم بعد الدفستون الا كل كملت اسبوعين من اخد الابرة

وقبل يومين من الدورة والا ايش رايكم ؟؟؟!!!

ليال/ام سيد علي
15-03-2011, 07:23 AM
بنات الابوال وانتوا بكرامة تزيد وصدري مرة يألمني بقوة

ومن اجلس من النوم ريقي ناشف واكون جوعانة حدي كنا من دهر ما اكلت

وبطني فيه شي عند اليسار مرة يالم

قلت باروح بكرة المستشفى لان المفروض مفعول الابرة راح من كم يوم

ليال/ام سيد علي
16-03-2011, 01:15 PM
رحت اليوم المواساة من 9 وماطلعت الا 12

ودكتور عصام مسافر مابيجي الا بعد اسبوعين تقريبا

وسوا لي دكتور هيكل اشعة كان يبغى مهبلية بس اني مارضيت سويت العادية

واخد علي تحليل حمل احتياط

طلعت النتيجة سلبي وقال مايقدر يسوي شي الا بموعد الدورة

اذا نزلت بيوصف لي كلوفاج لو تابعت عنده واذا تاخرت عن اكثر من اسبوع اروح له عشان يعيد التحاليل

خايفة هالشهر نفسيتي تتازم اكثر واحقر العلاج وتالي ارجع من جدة وجديد

نفسي تنتظم من غير حبوب وادوية تعبت وانتفخت وفوقها النفسية حلوة عالاخر

والله محتااااااااااااااااااااااااااااااااااااااارة ه _ ه

دانة عمري
16-03-2011, 01:46 PM
غناتي ليال
لا تضايقي روحش ولا شيء
ترى النفسيه تتأثر بسرعه بكل شيء
خلي كل شيء على الله غناتي
وإنشاء الله يعطيش مرادش عن قريب

omhadooi
16-03-2011, 02:38 PM
لا تضايقي نفسك .... كل تأخيره فيها خيره
حتى انا نفسي احمل هده غير هدرة زوجي وخواتي ... بس انا اقول كل شي بيد الله حتى لو اتعبت نفسيتي ما بيتغير شي الي الله كاتبه بيصير كملي على العلاج ... الين الله يكتب ... ولا تنسي الدعاء

على سالفة دكتور هيكل احسه ستغفر مو صاحي واجد بس الواحد ويش يسوي .... اصبري الى موعد الدوره وان شاء الله خير .....

عبير الروح
16-03-2011, 10:01 PM
الله يسلمكم تسلمو عالردود

بنات صحيح هو عطاني عشان التكيس دواء اسمه متفور 500

ونصحني استخدمه 3 شهور الحين صار لي شهر تقريبا

يقول فايدته يساعد التكيس عالنزول والسكر يخف ويخلي البويضة ترقق

ويساعد على نزول الوزن>>ماني شايفة نزول الكل يقول متفلقعة

زين خيتو استمري عليه هدا زين للتكيس
اني استخدمته من قبل وحملت لان زي ماقلتي انزل الوزن
وحتا الدهون الي حول المبايض تروح ويساعد البويضه
بس انصحك انتي بعد تخففي اكل وتعملي رياضه بتشوفي جسمك
صار احسن حتا بدون منشطات
تصدقي اني بس من شهرين حاولت انزل وزني مع تمارين
واني حالتي زيك هه تكيس والتبويض ضعيف والدوره مو منتظمه
ومن نزل بس 5 كيلو اليوم سويت اشعه ع التبويض
عشان شهر الجاي قالت بتعطيني كلوميد
استغربت الدكتوره تقول مره كويس التبويض
ومااحتاج منشطات ولا في تكيس ولا شي
سوي زيي وبتشوفي الفرق
وان شاء الله يكتب لك الحمل

ليال/ام سيد علي
17-03-2011, 03:54 PM
مشكورين دندون وام هدوووووي رفعتوا معنوياتي ونعم بالله

مع هالاوضاع الصايرة وين الوحدة تفكر او تحلم بحدث مستقبلي صرت اخاف احمل

والاوضاع في تدهور مستمر والله خااااااااايفة بقوة

وصايرة كل اصييييييييييح ومتضايقة

عبير تسلمي قلبوووووووو باحاول اسوي بنصيحتش

لاني امس قررت اذا نزلت الدورة باسوي حمية الى اجل مادري كم

لحد ما انزل وزني غصب طيب وهو كل ماجاله يرتفع بدون سبب واكلي هو هو مايتغير بس الوزن الا آآب

توكلت على الله فهو حسبي

fatemah_nor
18-03-2011, 08:12 PM
مشكورين دندون وام هدوووووي رفعتوا معنوياتي ونعم بالله

مع هالاوضاع الصايرة وين الوحدة تفكر او تحلم بحدث مستقبلي صرت اخاف احمل

والاوضاع في تدهور مستمر والله خااااااااايفة بقوة

وصايرة كل اصييييييييييح ومتضايقة

عبير تسلمي قلبوووووووو باحاول اسوي بنصيحتش

لاني امس قررت اذا نزلت الدورة باسوي حمية الى اجل مادري كم

لحد ما انزل وزني غصب طيب وهو كل ماجاله يرتفع بدون سبب واكلي هو هو مايتغير بس الوزن الا آآب

توكلت على الله فهو حسبي


ليال قبل الريجيم روحي سوي تحليل للغدة عالشان تعرفي اذا كان نشاطها طبيعي او لا لان اذا كان في كسل مابينزل وزنش ومابتنتظم الدورة

ليال/ام سيد علي
19-03-2011, 07:38 AM
فطوم ياعمري انتينا احبش
الغدة على حسب كلام الدكتور كانت طبيعية تقريبا
بس كان عندي ارتفاع شديد بهرمون الذكورة
وهذا سبب لي ارتفاع بالوزن وكرش وشعر بالذقن وتكيس وانقطاع الدورة
والحين استناها تشرف بس عشان اخمر بوزني واكاسره يمكن يحن علي ويروح من حاله
آآآآآآآآه نفسيتي ياخيوة مرة متازمة حدي الله يفرج علينا

fatemah_nor
19-03-2011, 09:53 PM
فطوم ياعمري انتينا احبش
الغدة على حسب كلام الدكتور كانت طبيعية تقريبا
بس كان عندي ارتفاع شديد بهرمون الذكورة
وهذا سبب لي ارتفاع بالوزن وكرش وشعر بالذقن وتكيس وانقطاع الدورة
والحين استناها تشرف بس عشان اخمر بوزني واكاسره يمكن يحن علي ويروح من حاله
آآآآآآآآه نفسيتي ياخيوة مرة متازمة حدي الله يفرج علينا


على عمري ليول اني بعد احبش
خيه اعرف وحده عندها نفس المشكلة والحل الوحيد عالشان ينزل الهرمون هو الحميه وانزال الوزن يبغى ليش ارادة قوية تنزلي وزنش عالشان يعتدل الهرمون وحتى الشعر بيروح بمجرد انش اتوازني الوزن ويعتدل الهرمون بس خلي ارادتش قوية وربي ينجح تعبتش

ليال/ام سيد علي
20-03-2011, 04:02 AM
اداني اليوم بنضم وياكم >>توها بس مشرفة المحروسة والالم ماقدرت انام منها اوتعيت من عز نومي

تصقعها غفيفة لا قطعتها راحة ولا وجودها راحة ههههههههههههههههههههه

يلا ان شاء الله ينزل وزني شويات هالشهر >>>متفائلة *_^

يبغى لي اروح له اليوم الصباح بس ما امبى ادوية انفجرت وتفجرني وتمتني زيادة *_^