المساعد الشخصي الرقمي

مشاهدة النسخة كاملة : كيف نتغلب على مخاوف الولاده !؟تجارب ونصائح



حياة قلبه
29-03-2011, 06:15 PM
بسم الله الرحمن الرحيم
فطرة كل أنثى بأن تصبح ام وماان يتحرك في احشائها ماان تطير فرحآ وتنتظره على احر من الجمرلتحمله على احضانها لما فيها من غزيره الأمومه التي تريد اشباعه بهذا الطفل
وعند قرب الولاده ربما تراودها افكار ومخاوف من الولاده
في هذا الموضوع اردت ان نناقش هاذه الأفكاروتجارب الأخوات الأيجابيه فقط ونعالجها وكيف يحين وقت الولاده ونحن نملك الشجاعه والقوه لتحمل كل ماسيمر بنا بنجاح لولاده ناجحه جميله
لامكان للسلبيه نريد ان ترتفع معنوياتنا
دعووواتكم

لحظة حلم
29-03-2011, 06:42 PM
ومن تجاربكن نستفيد

يالله افيدونا

تحيااااااتي لك حياة على طرح الموضوع المفيد
تحياااااااااااااتي

سمو ذاتي
29-03-2011, 06:54 PM
موضوع حلو خيتوو
انا بصراحة لما قرب وقت الولادة مافكرت بألم الولادة وتعبها
كل تفكيري باني امسك بنتي وكيف بيكون شكلها
وحتى لما جا وقت الولادة كنت ماسكة الجوال وارسل الى خواتي مراحل ولادتي خطوة خطوة
من فتح الكيس الى زيادة الطلق والى الولادة <<< فاضية ورايقة خخخخ
وطبعا لان نفسيتي كانت تمام ومبسوطة ومافي اي خوف صارت ولادتي من اسهل مايكون
وولدت وانا مبتسمة وفرحانة واول ماطلع البيبي واخذوه يغسلوه على طول اخذت جوالي وكلمت امي
اقول لها الحين البنت عندهم ولسه ماطلعوا المشيمة <<< خوش وحدة توها والد خخخخ
بس جد النفسية لها دور كبير في سهولة الولادة
واكبر خطأ ان الوحدة تسمع كلام الناس وان الولادة صعبة او انها تقرا في النت عن حوادث الولادة
او تشوف في اليوتيوب مقاطع لان هذا بيزيد خوفها وبتصعب عليها الولادة
واسأل مجرب <<< ولادتي الثانية كانت اصعب لاني سمعت ان الولد ولادته احر من البنت وظليت طول الوقت خايفة :(

ويلا بانتظار تجارب باقي الامهات :)

ماء الكوثر
29-03-2011, 06:57 PM
انا بكرية وخاايفة حدي ياليت الينات يقولوا تجاربهم
سمو ذاتي انتي فلللة بصراااحة ههههههههههههه

الذوق الرفيع
29-03-2011, 07:21 PM
موضوع حلوو خية ومفيد
من تجربتي من لما كنت حامل اقرا قصص ولادة وهيك بس ابدا مو متخيلة نفسي في نفس الموقف يعني اقرا واطنش وانسى اللي قريته كله و قلت اعيش كل شهر بحلوه ومره ولين وصلت التاسع افكر في الولادة ولما وصلت التاسع نفس الشي مطنشة وانصح كل وحدة تدخل شهرها لا تحاتي ابدا وتحط ببالها الولادة تجي فجأة بدون سابق انذار من تجربتي انفتح الماي وهني فكرت في الولادة ولما اشتد الطلق قلت خلاص ما ابي اولد باموت بس رجعت حطيت ببالي اني مو اول وحدة ولا اخر وحدة بولد وكلها فترة كم ساعة واشوف قمرتي اللي كنت متحمسة مرررة لشوفتها واقعد اتخيل شكلها في كل لحظة فهالشي كان حافز الي عشان اتشجع اكثر و بكذا كان احلى يوم بحياتي والحين نفس الشي متحمسة اشوف وردتي الثانية الله يبلغنا شوفتها بالسلامة يارب ..

سٍـُميتك غلآتُـِيُ
29-03-2011, 07:49 PM
انا بصرااحه من دخلت تااسسع كنت متحمسسه شوي للولاده وكيف شعور وهييك

بس كان عندي خوووف وكلها افكر قبل ما انااااام اتخيل حااالي وانا وياي الطلق

وكنت مرعووبه من كشششفيه بس لمن نزل الماي قلت خلاص قرربت .. وصرت كله خاايفه

وتعذبت مرره وصح نفسيه تلعب دور

فراشةجاسم
29-03-2011, 08:20 PM
اني طنشت الموضوع مع اني كنت خايفه بالقوه بس كنت اسلي نفسي واقول لو المساله تخوف مره وتقتل كان امة محمد مو كل يوم يولدوا خخح

تواصل
29-03-2011, 08:36 PM
موضوع حلو ومشجع يلا يبنات شجعونا اني ابي الخوف من طلق يروح ماني خايفه من طللعت لبيبي خايفه كلى من الالم طلق لانه يشبه الدوره واني ماقدر على الم الدوره ومن احين عندي رياح استقبال فبحاول افكر اني اصبر وان الالم عادي واهم شي شوفت ضناي سالم ومثل ماحلمت فيه

سِمات
29-03-2011, 08:59 PM
صحيح أنه الولادة متعبة بس تعب مُحتمل نقدر نستحمله ،،
أني كنت خايفه من الولادة وماكنت أتخيل نفسي أولد .، حتى كنت أقول خلني طول عمري كذه حامل بس ماابغى أولد ههه :d ..

الولادة ذكرى حلوة ماتنسى حتى لو كانت متعبة بقوووة

ابتسامة ألم
29-03-2011, 11:59 PM
النفسية أكيد لها دور مهم
وفي نفس الوقت حلو الوحدة تقرأ قصص الولادة علشان تاخذ خبرة ولا تروح زي الأطرش في الزفة
بالنسبة ليي طريقة التنفس وقت الولادة ساعدني واجد والأدعية والسور بعد
مع اني طولت واجد في الطلق لكن كل ما اشتد الألم اتذكر الولادات اللي قريت قصصها وكانت صعبة فاحمد ربي وكنت فرحانة لأني أعتبر الولادة انجاز مهم في حياة أي أنثى
أتمنى أفدتكم

أم سيد احمد
30-03-2011, 12:23 AM
مشكووورة خيتو على الموضوع ..
من جد احنا محتاجين له بالذات اللي اول مرة بيجربوا الولادة لازم تكون عندهم مخاوف شوي ..

سمو ذاتي .. صراحه ضحكتيني هههههه مبين ان نفسيتش كانت مرررره رايقه وان شاء الله الكل يكون كذا ..

اني ماجربت الولادة بس من الحين اذا يجيبوا طاري الولادة اقول مادري احسها ماتألم ولاتتعب ولو كانت الوحده تتعذب لهالدرجه ماكان هالناس والعالم كل يوم يحملوا ويولدوا ..
واهم شي نتوكل على الله ونفكر في اشياء ايجابية عشان معنوياتنا تكون عاليه ..

ويااارب يتمم لكل حامل شهورها على خير ونفرح بشوفة البيبيااات ..
ويسهل على التواسع يااارب ..
ويرزق المنتظرات ان شاء الله ..

دكريات لاتنسى
30-03-2011, 01:52 AM
من خلال ترجربتي لولاده الاولى صحيح كانت متعبة ولا كنت متخيلتنها كدا بس الحمدلله ولدت وشفت قمري قدامي نسيت الدنيا بما فيها

وهالمره على الرغم من معرفتي السابقة للولاده صحيح ينتابني بعض الخوف احيانا لكن في نفس الوقت متفائلة واتمنى اللحطة تأتي بسرعة وكلما اسمع احد ولد اقول متى اني اولد بعد

ووحده من قرايبي توها ولدانة تقول لاتولدي بغيت اموت مو زي الولاده السابقة بس اني بكل برودة اعصاب اضحك لا خفت ولاشي بالعكس اقول اليها السنة الجاية عندش غيره انشالله وبترجعي تعيدي الموال

اني الحمدلله متفائلة بالله وبأهل البيت انشالله ساعة ولادتي مايخيبوني يكونوا معي والله يسهل عليي وعلى كل حامل يارب

العـلا
30-03-2011, 11:13 AM
موضوع جى في وقته ..

الكل محتاجنه ..

والناس شغلتهم يخوفو بس .. :(

ان شاء الله كلنا نصير زي سمو ذاتي هههههههههههه


مشكورة وتسلمي ..
بانتظار ردود الباقي ..

حكايه بنكهة السكر
30-03-2011, 03:45 PM
بنات كيف ينزل الماي ؟؟
حتى لو في الشارع ينزل ؟؟
واجد لو تشونه
طمنووني الله يريحكم

كحيلة الرمش
31-03-2011, 12:13 AM
بالصراحة .. انا عندي خوف لكن مو من الالم ..
الالم انا متعودة عليه من السكلسل فا احس عادي . ابستقبل الالم برحابة صدر .. خايفة من شي واحد هههه اني اموت وانا اولدولاا اشوف البيبي >>خبلة حدي ...

احس اني مهئية نفسي للالم من الحين هههههه .. لان اغلب الولادة من اللي سمعته الم الطلق والم الطلق ساعات وخروج الروح من الروح ماتاخذ لها نص ساعة على حسب علمي وسمعي .. فأحس ان الالم والتعب بس من الطلق .. والله يسهل علييييييناا ..

وعلى فكرة متحمسة للولادة . عشان اتطهر من كل ذنووبي واصير طاهرة من اي ذنب . حالي حال البيبي..

الذوق الرفيع
31-03-2011, 09:00 AM
ايه بعد في نصيحة انصحها لكم
وقت الكشف حاولي ترخي نفسش ولا تشدي وحطي ببالك انها تقيس بصبعين بيقل الالم اني ما احسه ذاك الالم القاتل محتمل الالم يالم وقت الكشف وبس تطلع ايدها يروح الالم على طول
بالتوفيق

مـرح
02-04-2011, 07:31 AM
الله يسها علينا يارب

ودي أموت
02-04-2011, 07:40 AM
موضوع يرفع المعنويات
اني معنوياتي زيرو مع اني هذي بتصير ولادتي ال2 ما احس نفسي نسيت ال1 مع ان الرفرق اللي بيصير سنه و8 اشهر
الله يسهل ع الجميع

وربي أبيك
02-04-2011, 02:42 PM
ياوناسة الولاده
اناا يوم جيت اولد كنت رايحه المستشفى موعد
الا يمسكوني ويقولون ماتطلعين عدت وقت ولادتج وكنت ابي انحاش من المستشفى بس مافي مجال هههههههههه
المهم صعدت فوق الظهر ونمت بالمستشفى
اليوم الثاني جابو لي مستشار
وكتب لي المطلوب جات دكتورتي اللي ماحبها
وسوت اللي عليها بس دفشه كانت معاي افتكيت منهاا ولا شفتها مره ثانيه
العصر بدا لطلق يج يو جاني طلق انا حسيت بوناسه موب طبيعيه
مسكت نفسي وطلعت برا التمشى الا جا زوجي وقت الزياره وشافي هو اشوي وبيصيح وانا ميته ضحك احس وناسه وحمدت ربي ان جاني طلق لان بنات كثير يحطون لهم تحاميل بس خلاص سوو لهم عمليه
دخلت الغرفه جات حطت لي تخطيط فيه الم بس تحملت سويت عمري قويه
بالليل 12 تقريبن جاني طلق قوي بس يروح ويجي بالوقت اللي يروح اكلم جوال ولاجا اسكر
ولاراح اضحك ومشت السالفه ع هيك واللي جنبي ماقصرو معاي يارب يزرق اعيالهم بالذريه
وحده تقرا لي قرأن ووحده ادعيه جد جد ماقصروو
جات الساعه 7 ونص تقريبا الصباح رحت غرفة التحضير طبعان ماعندي صريخ ع الصامت حطيت نفسي
بس خايفه من الكشفيه + مو خايفه بس ماحبيتها
وانا رايحه غرفة التحظير الممرضه تبيني البس عبات وانا اقول لها مابي ترا البيبي بيطلع واهي غصب تلبسني اقول لها منو بيطالع بولد ااانااا
المهم لعبت عليها ولبست عبايه بسرعه
رحت اهناك يمكن نص ساعه مدري شحطت بالمغذي ودخلتني اولد
وبنتي طالعه دخلتها ثانيه وعشان الجراحه
وبعدها ولدت ع الساعه 8 و 16 دقيقه ولدتني ممرضه فلبينيه
اسمها المى وجبت بنوته ودقيت ع زوجي وقلت له
وتوته توته خلصت الحتوته
بدعائج وتمسكج بالله واهل البيت اهل يسهل عليج

الحور ستايل
02-04-2011, 03:04 PM
هلا حبابي كيفكم
اللي قربت ولادتها وهي بكريه لا تخاف ابدا وربي احساس حلوووو والنفسيه طبعا لها دور والمستشفى هم اللي انتي فيه والدكتوره اللي تولدك بالصراحه انا دكتورتي كانت تتكلم وياي وتضحك ساعدتني كثير وبس بيصير عمر ولدك فوق الشهر بتشتاقي للحمل الولاده مره ثانيه تجربه وايد حلوووه

اموووون
03-04-2011, 02:41 AM
خيتو سمو ماشاء الله عليش رفعتي معنوياتي بقووووة

الذوق الرفيع الله يخليش لش البنوتة ويقومش بالف سلاااامة

كحيلة الرمش اي والله صادقة الوحدة تتطهر من كل ذنوبهااا سبحان الله

الذوق حلوة نصيحتش خيتووو


بنااات حلو قاعدين ترفعو معنوياااااااتنا اله يسهل ع الجميع يااااااااااااارب

زهرة الرومانس
03-04-2011, 04:04 AM
انا بالسابع ودوم اقول شكلي بجيب سبيعي...

ودي اولد بالسابع ب يكون كامل...

مومحاتيه ألم الولاده....

متفائله انها راح تكون سهالات...

بس حاطه ببالي اني لازم بدل ما اصارخ من كل ألم...اني احبس صرختي واحط حرتي بالدفع

صراخي مابيسهل الولاده بيعسرها ..

<<<<الكلام سهل

امممممم

طيب ياحلوات اكتبوا لنا طريقة التنفس الصحيحه وقت الولاده...

عمري السمره
03-04-2011, 04:21 AM
بنات كيف ينزل الماي ؟؟
حتى لو في الشارع ينزل ؟؟
واجد لو تشونه
طمنووني الله يريحكم

اني عندي ثلاثه أولاد ولا مره نزل عليي الماي
بس أحس بزلازل وفي المستشفى هم يفتحوا كيس الماي
وعلى افتراض انه بينزل طبعا في اي مكان بس مو واجد
شوي

دانة بعين بحاري
03-04-2011, 06:55 AM
يعطيك الف عااافية خيتو حياه قلبة على الموضوع النااااايس

والله احنا الحوامل كلنا محتاجين لمثل هالمواااضيع *_^

كثروو منها بنات

دعواااااتي للكل ولنفسي بولادة مافي اسهل منها ^^

حياة قلبه
05-04-2011, 12:39 AM
الله يسلمكم
أشكر كل من ترك بصمتة الأيجابيه على هاذا الموضوع
وانتظر المزيد المزيد ؛)

دكريات لاتنسى
05-04-2011, 03:28 AM
تصدقو بنات صرت من دخلت الثامن بدا الخوف ينتابني احيانا اقول بموت واني اولد واحيانا اقول جان مايصير الي حاجة وقت الولادة ومن هدا الكلام الي يضيق الخلق

والي مفزعني الم الطلق لايطاق بصراحة عن جد تحس الوحده بتطلع روحها

يارب سهل عليي ولادتي وعلى جميع الحوامل

ادعولي لاني صايره احاتي

عروس العوامية 2009
05-04-2011, 04:10 AM
اني عن نفسي خايف حدي وامس بس حطيت راسي على الفراش
شفت اشكال والوان من الكاوبيس حق الولاده
وقلت للرجلي مسكين حسيته ما عرف ويش يسوي لي
بس حاول يهديني

فلاور
05-04-2011, 01:53 PM
للان مافكرت بالولادة مع انه ماباقي شي وفي اي لحظة يمكن يجي الم وتصير ولادة..
بس احاول اصبر نفسي واقول الالم كم ساعه وبعدين بس يطلع البيبي بانسى الالم كله...
واقول ما ابغى اصرخ, ابغى اكون هادئة ... واحاول اتعلم طريقة التنفس الصحيحة واذا جاني الم الحين اسمي بالله الرحمن الرحيم واتنفس بعمق ... وان شاء الله يااارب يصير الي ابغاه
موضوع جميل وتشكر صاحبة الموضوع :)

حياة قلبه
08-04-2011, 02:44 PM
الله يسهل على كل حامل ويرزق كل محروم
مانبي الموضوع خامل وياريت يتثبت اخت شلوى

اخر الوله
08-04-2011, 07:04 PM
الولادة لا تخوف ولا شي وكلها سهالات باذن الله
طول ما انتين حاطة في بالش ان في الم بتتالمي
بس خلي تفكيرش ايجابي وفكري بس كيف طلعي البيبي بصحة وسلامة
وكوني قوية قد ما تقدري
وان شاء الله الله يسهل على الجميع

أم سيد دانيال
08-04-2011, 07:18 PM
حتى اني ماكنت اسمع كلام احد...
وحتى لو الولاده تعور
مو اني لا اول وحده ولا اخر وحده تولد
بس كنت متخوفه من تعامل الممرضات والكتورات ليي
وكيف بظل بدون ماما و زوجي
كنت خايفه من الوحده

اني لما وصلت التاسع كان تفكيري بس كيف اولد عشان انزل الحمل الثقيل اللي في بطني

وبجد لما وصلت وقت الطلق هونت قلت ماابي اولد

اللي الطلق جاني من الظهر كسرني تكسر...

بس كان تفكيري متى اشوف ابني والحمد لله

Snow Angel
08-04-2011, 10:05 PM
موضوع حلو :)
بالنسبة لي مع إن هذا أول حمل لي وبعدني ماأولد .. قبل ماأحمل كنت من أسمع طاري ولادة أحس بطني يعورني وشوي وأصيح >> يمكن قبل كنت أقرأ وأشوف مقاطع فيديو فـ علشان كذا
بس لما حملت نسيت وصرت ماأفكر الا قليل (وساعات من الشطارة أحط مقاطع فيديو) وحزتها أخاف خخخ بس بنفس الوقت أقول متى أولد وأشوف البيبي :)
وقلت خلاص ماراح أطالع فيديو مرة ثانية والولادة سهالة من الله وتختلف من وحدة لـ ثانية
والآلامـ كلها ساعات وتنتهي ان شاء الله .. واللي تبغى تشوف البيبي حقها بتتحمل كل شي :o
الله يسهل ع الجميع ويرزق المنتظرات ياآرب

حياة قلبه
11-04-2011, 07:59 PM
منوريين
ويعطيكم العافيه ع مشاركاتكم
نبي الموضوع يرتقي اكثر
لان اشوفه يستاهل واتمنى من المشرفه العزيزه تثبته

شذى الأزهار
13-04-2011, 10:27 PM
مشكوره حياة على الموضوع الحلو :o
هذا أني الحمل الثاني لي ..
بولادتي ببنتي لما جى لي الطلق ذبحت روحي من الصريخ :eek:
صوتي يوصل الى آخر القسم واجهدت نفسي وتعبت مره ولما جى وقت الولاده والدفع ما قدرت ادفع
وطولت والدكتوره قالت خلاص اكسجين البيبي نزل وخافوا عليها تفطس وشفطوا لي بنتي لان ما دفعت..
بس إنشاء الله هالمره غير اتمنى ما اصارخ علشان لا تروح طاقتي ..
الله يرزقنا جميعاً ساعه السهالة..

شمعه وأنطفت
14-04-2011, 02:20 AM
موضوع رائع

وجا بوووقته

انا اول مرره ليي وقربت ولادتي

الله يسهل عليي وع جميع الحوامل

والله يرزق جميع المنتظرات


>>>متابعه

ياسمينا
14-04-2011, 09:14 PM
الولادة متعبة ومخيفة

مو حكاية نفسية ابد صدقوني

فيه درجات للالم وفيه درجات لتحمل الالم

فيه ناس الولادة عندهم متعسرة والطلق قوي طبيعي والالم شديد ومع ذلك تلاقيها صابرة ما تصرخ

وفيه ناس الولادة سهالات طلق ساعتين وولادة في دقايق ما شاء الله طبيعي رح تجي تتكلم عن الولادة انها شي سهل وممتع لانها تحكي من واقهع تجربتها هي والي تكون مختلفة عن واقع نسااااااء كثييير وقت الولادة

عن نفسي احاتي العملية من اول يوم عرفت فيه اني حامل

الولادة الطبيعية صح طلق وتعب موووت بس كل شي يهون لما تشوفي البيبي كل التعب يروح زي ما الكل يقول

لكن العملية معناها انك تصحي من البنج وما تقدري تمسكي البيبي وترضعيه لااااازم مساعدة احد يعدل جلستك في السرير ويجيب البيبي من سريره وتجربي اكثر من وضعية تقدري ترضعي فيها البيبي بدون الم العملية

بس اقول الحمدلله الم العملية شهر ويخف وبعدين يجي بس بشكل متقطع

الحمدلله على كل حال

احلى فراشة
16-04-2011, 06:50 AM
نسمع ونسمع ونسمع بس لما تجي للواقع اتوقع شعور مختلف
الكل يقول لانصارخي لانك بتتعبي أكثر واتمنى انا هالنقطه ماتصير عندي وآكون قؤيه
والله يسهل عليي وعلى جميع التوواسع يااارب
ومن توكل على الله فهو حسبه

حياة قلبه
16-04-2011, 01:51 PM
شذى الأزهار هالمره اتمالكي نفسك والله يسهل

شمعه وانطفت الله يسلمك زي لو نولد ونخلص بنحس ان سوينا انجاز وجبنا ملاك برئ
ياسمينا كلامك فيه من الصحه والله يكتب الافيه الخيرواحنا قدها وقدوود

احلى فراشه اي انا بعد اوقل زيش بس ماندري حزة الشده وش نهبب

الله يرزقنا السهاله يارب

ShY MooN
17-04-2011, 08:21 PM
اني في شهري الاخير .. وخايفة من الولاده مرهـ ..
بنت خالتي قبل شهر ولدت وتقول انه يعور واجد ..
دكتورتي تطمني وتقول انه الي تجي لها الدورة الشهريه قويه وتعورها .. مايالمها الطلق
لانه الطلق اقوى من الم الدورة بشوي .. واني الدورة لما كانت تجيني كنت لازم اروح المستشفى من الالم
ودكتورتي تقول التنفس هوالي يخفف الالم فلازم شهيق من الخشم وزفير من الفم ..
اتمنى اني ما اصرخ .. والصراحه اني من الخوف حتى في كل مواعيدي آخذ امي معاي ..

الله يسهل ع الجميع ان اشاء الله

أصيلة
20-04-2011, 09:01 AM
موضوع قيّم ويريح البال ..

ارفعوا معنويات الحوامل يابنات حواء ..

صدق الرسول (الكلمة الطيبة صدقة)

حياة قلبه
24-04-2011, 01:39 PM
منورين موضوعي مشاركاتكم
لاتقصروون

خير السماء
03-05-2011, 12:08 PM
وش الاذكار والادعية والسور اللي نقراها وقت الولادة وتسهل ؟!

الله يسهل عليكم دنيا وأخرة

MANGO
05-05-2011, 05:30 AM
كانت في بنت كاتبتهم وحفظتهم عندي الله يسهل علينا وعلى الجميع ياااارب


بسم الله الرحمن الرحيم
اللهم صلى على محمد وال محمد
السلام على الحسين .. وعلى علي ابن الحسين
وعلى اولاد الحسين .. وعلى اصحاب الحسين
.. السلام عليكم ورحمة الله وبركاته عزيزاتي..
حبيت اطرح لكمـ عمل مجرب من اقاربي شخصيا .. لتسهيل الولاده بعون الله ..
والعمل كا التالي ...
ماء .. و يقرء عليه :
دعاء جبرائيل ..
دعاء الثمانين ايه
دعاء القدح ...
وعند الشعور بالم الولاده يتم شرب الماااء ...
ويفضل وقت الولاده يتم قرائة سورة مريم من قبل الزوج ...
وايضا يفضل اكل تمره كل يوم من بداية الشهر التاسع ...
ونسال من الله العلي القدير تهسل كل عسيرر على جميع شيعة محمد وعلي
بحق محمد وعترة محمد

الجدة بتول
08-07-2011, 12:04 PM
الله يسهل على الجميع بس صدقوني البكريات اسمعي من هني وطلعي من هني لان الكلام مو زي الواقع وش الفايدة ادا خفتي وهلكتي روحش من الخوف يمكن الله يعطيش سهالة
اني عن نفسي اول ولادة كانت اصعب واالم ولادة وبصراحة شفت فيها الموت وكنت بعد الولادة انقهر من اللا يقولوا الم محتمل وتنسيه
الولادات اللا بعدها الحمدلله اسرع واسهل واقل الم واقدر اقول نسيته لكن الاول مانسيته لليوم لاني بجد شفت الموت
اللا حابة اقوله مو كونك جربتي ولادة سهالة انش تكذبي الناس اللا يوصفوها بالماساة وتقولي عنهم بس يخوفو لان الله قادر يعطيش ولادة تعلمش ان الله حق زي اول ولادة ليي
ولا ادا جربتي ولادة ماساة تفقدي الامل في المرة الثانية لان الله قادر يضوقش ولادة السهالة مثل اللا صار ويايي
يعني لازم نحترم تجارب الاخرين ادا انتين ولادتش سهالة احترمي اللا شافت الموت في ولادتها لان الالم يتفاوت والا ماكان حطوا جهاز يقيس الطلق ولو تسالي الدكتورة بتقول لش مستوى الالم يختلف وادعي ربش مايعطيش زيها
وادا كنتي ولادتش متعسرة الله يعينش من القهر اللا بتحسيه من الناس اللا توصف الولادة على انه الم محتمل وانش انتين تبالغي وكدابة لان اللا ماحس مايصدق
خدوا كلامي من وحدة خبرة ومجربة الولادة الموت ومجربة السهالة والله يسهل عليي هالمرة وعليكم جميع واني احس ان الله عطاني على قد نيتي لان عمري مااستهنت بالام احد خصوصا بعد ماجربت

مثل القمر
08-07-2011, 12:18 PM
ياعلي بنات واني اقرا ردودكم دمعت عيوني بس ليش مادري ههههههههه


ان شاء الله ربي يرزقني نونو جميل واحس فيه في بطني واولده على خير وسلامه


بس جد جد رحم الله والديكم كلامكم ريحني واني عندي ازمه من صغري فوبيا من الحمل والولاده والعمليات بس الحمدلله صارت عندي المراره وسويت مناحه لان جد فيني خوف مو طبيعي والحمدلله الحين صار عادي الوضع جدا وان شاء الله اجرب الحمل والولاده قريب واجي ابشركم ان شاء الله

دنيتي كلها حبيبي
08-07-2011, 04:45 PM
الموضوع مره حلوووو
اني هذا الحمل الثاني ليي بالحمل الأول كنت خايفه من الخياط وبموت مرررره كلما شافتني وحده ترا يعور الخياط ويذبح واني اموت من الابره المهم طبعا وقت الطلق سويت زلازل في المستشفى بصراحه كان الالم قووووووووووووووووووووووووووي مايحتمل كنت اصرخ من قلب تعبت مره ولدت اول يوم يالتاسع بس الحمد لله الي كنت خايفه منها الخياط والله العظيم ماحسيت حتى كنت نايمه وقعدت اقول ليها ويش تسوي تقول نامي اخيط كان بمواساه القطيف عند كرستينا والا يألم الطلق لكن الولاده الودحه يبغى ليها قوه الدنيا كلها عشان بس تدفع والحمد لله
ألحين حملي الثاني بصراحه خايفه لان وعدوني بعمليه وخايفه من القصطره مرررررررررررره مو خايفه من العمليه لان من قبل سويت عميله في ظهري كانت أصعب بوااااااااااااااااااااجد من كل العمليات

أم كميـل
18-12-2012, 02:26 AM
اني مااحاتي من الولادة كلها
الا الكشفيه والخياااط

والله يسهل علينا

بسكويتة حلوة
18-12-2012, 04:18 PM
اني ما خاف عادي هوه الم فترة وينتهي اصلااموت من الالم
في ولاداتي بس اهم شي نجيبهم سليمين وكل شي ينسى
الله يعطي الاماعدهم

وردة وردية
18-12-2012, 04:34 PM
احس بعدني الحين ما افكر في الولادة
احس لما اوصل الثامن نهايتو والتاسع الوحدة تبتدي تفكر
الله يسهل علينا يارب
ويعطينا ساعة السهاله في وقتنا

همسـ حنين ـــات
20-12-2012, 01:57 AM
الله يسهل على كل حامل

انا موعدي هاليومين ادعو لي الله يسهل علي انا بكريه ومتخوفه شوي

Bella ~
20-12-2012, 02:04 AM
اني عن نفسي مااكنت افكر ولا اخوف نفسي

واكثر من وحده قالت ليي الولادة مو حليوه

تذبح لكن مااحطيت في بالي
لأن اعرف من وحده لين وحده يختلف
وغير هذا ولدت مبكر بعد 11 يوم من الثامن
صار الموضوع فجأة نزل الماي و بدون طلق
اضطروا يعطوني طلق صناعي
ومع الألم كنت اركز على التنفس
ومر الوقت بدون صراخ
وكل شي يختفي بمجرد خروج الطفل

حبيبهـ قلبهـ
20-12-2012, 07:33 PM
على الرغم من اني اسمع عن الولادة واقرأ قصص بس متحمسة اجرب الشعور


لاني متأكدة ان كل وحدة غير والوحدة من حمل لحمل غير فكيف من وحدة لوحدة

واحلى شي الثواب والاجر الا بيصير لينا من اول مانحمل لين نولد ونربي وو :)

والا مو عاجبني سالفة الكشفية والخياط :mad:

بس عمتي تقول ماخيطوا ليها ابدا وكلهم طبيعي كانوا ماشاء الله فمتفائلة بكلامها

ولما احد يقول ليي لازززم ما اجيب خبر لان مو الكل نفس الشي

حتى لو كان من بين عشر ولدانين وحدة بس ماخيطوا ليها عادي يصير ويمكن اكون هالوحدة :D

والله يسهل على الحوامل بولادة سهالة ان شاء الله ببركات اهل البيت :)

بعد الروح
21-12-2012, 12:51 AM
ههههههههههه ذكرتوني
صار لي من ولدت شهر جاني الطلق يومين بس تحملت ورحت يوم ثاني والحمدلله صحيح الطلق متعب بس تحملت وصبرت اصل رحت واني مستانسه بولد خلاص برتاح وباشوف حلم عمرري اليوم واخدت في الولاده نص ساعه ادكر ولدت 5 ونص خخخ <<< طول الوقت اناظر الساعه ليش مادري وطول مااني اطلق اكلم خواتي ع الوات وقلت ليهم طبعا الالمن دق اخوي ع جوالي وسمع ان صوتي متغيروعرفوا اني اولد ههههه
ولدت وكلمتهم ع الوات اسولف واضحك حتى امي تقول قولوا ليها لاتسولففي هاذا الي يسموه قروب ههههه لايحسدوها يقولوامافيها شي هههههه
ولاجاني نوم في المستشفى ابغا اطلع ميتة وناسه هههههه بس جد ذكرى حليوه وباعيدها انشالله <<<<< كأنش حلفتي 8 سنين ماتبغي ههههههههههه

حزن روح
21-12-2012, 01:35 AM
عجبني الموضوووع

اني كنت أحاول ما أخووف نفسي .. لكن لما يهدروا خواتي أحاتي ..

وصرت أسأل عن كل شيء ... لكن كنت متحمسة مرة وهالحماس أكثر من الخووف ..

لكن اكتشفت ان الموضووع حليو ولحظات جمييلة ومابتتكرر مرة ثانية .. لأن أول ولادة .. وادري الثانيه بتكوون غيير

كنت خايفة من طوول فترة الطلق اللي اسمع بهآ للبكريات .. وأني وحدة كنت من الشهر الأول لحد ماولدت ما ارتاح >> دووام وشغل في الشقة

ولما نزل الماي اختلعت .. كنت في نهايه الثامن مادخلت التاسع .. وماتأخرت واجد في الولادة .

وماباقوول مايعوور .. بعوور بس يحتمل ... وكان كل همي ان ولدي يكوون بخيير ..

لكن اللي ماحبيته الخياطة .. ومن وحدة لوحدة يختلف لاتخافووووا

والحين لما اتذكر يصير نفسي اعيش الشي مرة ثانية :) لأن من جد لحظات جممممييييلة

والله يسهل عليكن في وقتكم وتشوفوا نونواتكم في حضنكم

سيزر
21-12-2012, 09:24 PM
اني كنت انتظر متى اولد وافتك بس خفت من الطلق وتالي خبروني عمليه وقعت على الورقه واني حدي فرحانه حتى كلمت زوجي واني فرحانه وهو استغرب مني بس وش اسوي امر لابدمنه

الهدى110
22-12-2012, 04:12 AM
مضى على ولادتي بمولوي البكر شهر الان
كنت مابين الترقب والخوف ولكن يفوقهم الامل بالله
وكنت اشاهد فيديوات للولادة من باب لا اكون مثل الاطرش بالزفة وحاطة ببالي انه الله مسهل الامور

رحت المستشفى بعد مافتح عندي 4 وكان فيني الالم من الظهر من بعد الكشفية كان مثل الم الدورة وزيادة ماكنت اصرخ بس اتعوصر منه وكنت اقول لزوجي امنيتي بس انه مااطول واني اتألم وفعلا الله رحم بحالي وماطولت ثلاث ساعات تقريبا من 10 الى 1:30 وعلى اساس الدكتورة بتجي تكشف علي الساعة 2 وكان تسهيل الله سبق جيتها ماحسيت الا بكل سهالة من الله فجأة حسيت بدفع الولد وقلت لزوجي ونادى عالممرضات وجوا هبة وحدة واني ادفع دقايق معدودة وطلع قمري عالدنيا

الي يحط حسن الثقة بالله عملا راح يشوف النتيجة

شمس المستقبل
22-12-2012, 07:15 AM
موضوووع حليووو

والردود حماااس

الله يسهل على كل حاااامل ويرزق المحرومين

جوداء
24-12-2012, 06:53 AM
الموضوع جميل ..

اني على وشك ولادة وخايفه ... رغم انها ولادتي الثانية َ!

في ولادتي الاولى اتعسرت بسبب اني كنت اشرب حبوب مثبته للسابع غير الجوع وقلة النوم والاكسجين الا حطوه ليي خلاني مخدرة صعبوا عليي اني ادفع ,,,!

لكن هالمره بتفائل ان شاء الله ولاباروح الا واني جاهزة لهالشي ,,

والله يسهل على كل حامل يارب

خوووخه
28-12-2012, 05:07 PM
والله هالموضوع مافي احلا منه
تشجعواا الوحدهـ ..
اقرااا واستانس واقول انشالله زيهم واذا تعبت وصار شي ثاني
اقعد اصيح واقول ليش اني غير وليش وليش خخخخخخخ
:
ربي يسسسهل علينا
وكل وحده بوقتها يآرب

بيآض حسن
29-12-2012, 03:06 AM
الله يسسسهل ع الجمييييع

احاسيس مرهفهـ
31-12-2012, 04:14 AM
الله موضوع جممميل
قريت الصفحآت ريحتوني بردودكم وآجد

لأني من النوع الجبآن الخوآف من المستشفيات
واكثر شي لآكن للحين خآيفهه منه واحآتيه الخيآط
اتمنى تطمنونآ زيآده كآن يرتآح بآلي من التفككير ...

ماء الزهر
05-01-2013, 04:04 AM
الله يسهل على الجميع يااااااااااااااااااااااارب

الإيثار
10-01-2013, 05:31 PM
الصراحه الواحد المفروض يكون معتدل لايخاف
ولايقول شي بسيط ؛)
انا حطيت في بالي ان كل شي سهل والي اسمعه مجرد دلع بنات
بس انصدمت بالألم ههههه
لذالك خلوكم معتدلين


بالنسبه للي يخافوا من الخياط اهو يعتمد ع خفه يد الدكتوره نفسها
عن نفسي ماحسيت بالخياط لان اتوقع اكيد عطتني شي حق لااحس

طـهر
10-01-2013, 07:14 PM
اني ويا الايثار نفس كلامها

ماتوقعت الالم كده بس طبعا ناس سهالات وناس يتعسرو في النهاية دي ارزاق

بس البكرية تخاف بس مو زي الاولدت قبل خخخ الحين اني زاد خوفي يمكن ادا حملت مرة ثانية باحاتي اكثر من اول

الخياط ماحسيت به بس بعدين تطلع البلاوي خخ بعد الولادة بس كله يهون عشان النونو فديته

frawla
14-01-2013, 01:26 AM
الموضوع جدا جميل ومفيد
ويرفع المعنويات
اني هذا الحمل اثاني في الشهر التاسع الله يسهل علي وعلى جميع الحوامل ياااارب
وبولادتي بولدي البكر قبل ماأولد سمعت قصص وااجد وقريت واااجد
بس حطيت في بالي شي واحد ان الولادة شيء محتمل والا ماكانت الناس تجيب كل سنه
والحمدلله ولادتي اعتبرها سهالات من رب العالمين
صحيح فيه اختلاف في الناس ومدى تحملها للألم
والحمدلله رب العالمين أعتبر نفسي قويه وماكنت أتخيل دا الشي
بس من جد يوم الولادة يوم لا ينسى
وان شاء الله تكون هالمرة بعد زي الولادة اللي فاتت

أنفاس
20-01-2013, 10:24 AM
رحم الله بطن رباك ياصاحبة الموضوع انا هذالحمل الثاني ليي بعد 7
سبع سنوات والله يسهل ياربي تجارب البنات حلوووه لانو فيها تفاؤل والحمد لله

princess-s
26-01-2013, 04:49 AM
الله يعطيكم العافيه
والموضوع جميل وردودكم ترفع المعنويات ،

بس لدي استفسار لان انا مخطوبه وابي اعرف شنو يعني الكشفية '$
يمكن تقولون عني غبيه هههههههه بس اول مره اسمع بهالمصطلح ..

دمتم بخير

Um-kawthar
26-01-2013, 01:47 PM
الكشفية: الدكتورة تقيس الرحم تشوف كم فاتح

princess cake
30-01-2013, 06:02 AM
الله يعطيكم العافيه موضوع جدا جميل
اني الله يتمم لي توني في بدايه الحمل بكريه
في نقطه حابه اتكلم عنها خصوصا للبكريات صراحه بعد ولاده اختي اللي اكبر مني كرهت تفكير بعض الامهات
امي خلت اختي تروح تولد على عماها كل تقول لاتخاف صحيح المفروض ماتخوفو الحامل بس على الاقل
يكون في تثقيف باللي يصير للوحده الحامل اختي حتى الماي ماكانت تعرف انه بينزل
ولما اختي راحت تولد اقول لامي المفروض تكلميها اشوي عن الولاده تقول وش اقول ليها انه الولاده
زلزال؟؟ يعني يا انه ماتعلموها شي يا تقولو زلزال
التثقيف مو التخويف حلو وايجابي ويسهل على الحامل
اسمحو لي اذا طولت عليكم بس حسيت لازم الام او الاقارب يثقفوا الحامل

ورود24
06-02-2013, 12:50 AM
مؤفقه الى كل خير