المساعد الشخصي الرقمي

مشاهدة النسخة كاملة : متى تنفك الخياطة بعد الولادة؟؟؟



النور المهدي
17-04-2011, 11:17 PM
السلام....
اني صار لي والد 25 يوم وإلى الان مانفكت الخيوط
فمتى يعني تنفك ؟؟ احس انها طولت ..

dal3
17-04-2011, 11:29 PM
وعليكم السلام
غناتي الخيط نوعين:
النوع الأول يدوب اذا تنقعتي بالمحلول.....
النوع الثاني خيط مايذوب لازم الذكتوره اتشيله ....
روحي حبيبتي المستشفى يشيلوا لك علشان لاينمو عليه الجلد ويصير شيلان الخيط مألم بقوه ....
هذي نصيحه مني ....

روحي تحبهـ
18-04-2011, 02:00 AM
عادي اني ماطاح الا بعد شهرين يايذوب ياطيح لحاله لاتحاتي

زهره البنفسج
18-04-2011, 02:41 AM
بصراحه انا ماشفته طاح ابد وعلى ما التام الجرح ظليت شهر

أم سيد دانيال
18-04-2011, 02:45 AM
اني طاحت الخيوط بوحدها
يمكن اخدت شهرين ونص على ما انفكت بالكامل

اتنقعي بماي وملح وبيبسوا الخيوط وبيطيحوا

صدق المشاعر
18-04-2011, 02:52 AM
اني ببنوتتي الدكتورة شالتهم بعد الاربعين الله لايبلاش
وبولدي شكلهم دابو او طاحو مدري بس ماشفتهم فيي وكمال الشهر تقريبا

الفراشة الحمراء
18-04-2011, 02:56 AM
هلا خيه

اني ظلوو فيني الى 54يوم يالله اللي طاحووو كلهم

لاتخافي

وااذا تبغي روحي الى الدكتوره تشيلهم اذا التأم الجرح

^_^

موفقه

سٍـُميتك غلآتُـِيُ
18-04-2011, 03:10 PM
حااولي تتنقعي بماي وملح الخشن مرتين في اليووم مع الكريم داومي عليه

وبتشووفي الخيوط طيح شوي شووي وحاولي لمن تتنقعي بالمااي يكوون دافي واييد وانتي

تفركي مكان الخياط بس بشوووووووويش

النور المهدي
18-04-2011, 08:03 PM
مشكورين اخواتي
بس اني بعد اسبوعين من الولادة رحت للدكتورة وماقالت بتفكهم لي
قالت لي اتنقع في ماي وملح مرتين في اليوم

ألماسة حساسة
18-04-2011, 08:30 PM
عادي خيه اني طولوا
اخذوا شهر ونص لين ماطاحوا

ياحبي لكم
18-04-2011, 10:26 PM
طيب خواتي تقدرو عادي عليها ماتحسو انها تضايقكم الخياطه انا لسه ماولدت بس خايفه منها وهل تألم؟؟
هل بعد انقطاع الدم اقدر امارس حياتي الزوجيه والخيوط موجوده؟؟

دلوعة حساني
19-04-2011, 01:46 AM
طيب خواتي تقدرو عادي عليها ماتحسو انها تضايقكم الخياطه انا لسه ماولدت بس خايفه منها وهل تألم؟؟
هل بعد انقطاع الدم اقدر امارس حياتي الزوجيه والخيوط موجوده؟؟

اهلين خيه لاتخافي ولا شي الخياطه ماتتساوى مع الم الولادة ولا بشي
بالنسبه للخياطه اني حسيتها تضايقني في البدايه ومااعرف اقعد على الارض
يعني لازم مخدة ومافيه الم وااجد بس تجيني حكة في المنطقه احيانآ والخيوط اني نزعته
بعد الاربعين وانزال مثل الشعره من العجينه :)
والدم اني انقطع عني بعد عشرين يوم من الولاده بس مامارست الجماع
الا بعد اربعين يوم من الولاده يقولك لأن الرحم مايرجع لوضعه الطبيعي الا
بعد اربعين يوم عاد كل واحد وصبرة
:)

عروس القمر
19-04-2011, 05:00 PM
لخيوط ساعات تدوب وتطيح بالفوطة وانتين ما تدري يمكن

ام زكي
19-04-2011, 05:40 PM
يمكن طاحو ولا شفتيهم لان مو لازم تشوفيهم اهم شي الجرح التأم

عروسه البحر
19-04-2011, 05:53 PM
اني في بالي نفس السؤال كمااان
لاني كملت الشهر احس الوجع الي في الجرح خف بقى الشد في جهه معينه منه يعني ادا طولت في الوقفه يألمني
وادا طولت كمان في الجلسه واقعد على مخده الى احين ما اقدر اقعد على الارض كلش
ولا ادري كيف هو الجرح ومااني صااخيه اطل عليه اخاف اتأزم
واتنقع في ماي وملح خشن والمويه اخليها دافيه مره لان ارتااح ادا تنقعت فيه ..
وكم يوم تنقعت في ديتول اخضر عشاان كل خووفي اناا تتجمع فيه فطرياات لو بكتيريا او يلتهب وارتااح كماان
بس ماشفت ولا خيط الا يوم سابع لي شفت زي الخيش بني وطوله طول فص الاصبع وخيطين بس مادري يعني هدا هم لو لا !!!
والله يصبرني واشووفهم طااحووو وارجع طبيعيه لان احياناا الالم يزعجني ادا جيت ارضع
وادا دخلت الحماام وانتون بكراامه احس بألم مو طبيعي توني دا كم يوم اول ما اولدت ادخل عاادي ما احس بشي واحين احس بألم فتره من الزمن وتالي يرووح عني <<<طبيعي دا الامر لو لا !!!
وسلاامتكم
:)

دلوعة حساني
20-04-2011, 12:39 AM
اني في بالي نفس السؤال كمااان
لاني كملت الشهر احس الوجع الي في الجرح خف بقى الشد في جهه معينه منه يعني ادا طولت في الوقفه يألمني
وادا طولت كمان في الجلسه واقعد على مخده الى احين ما اقدر اقعد على الارض كلش
ولا ادري كيف هو الجرح ومااني صااخيه اطل عليه اخاف اتأزم
واتنقع في ماي وملح خشن والمويه اخليها دافيه مره لان ارتااح ادا تنقعت فيه ..
وكم يوم تنقعت في ديتول اخضر عشاان كل خووفي اناا تتجمع فيه فطرياات لو بكتيريا او يلتهب وارتااح كماان
بس ماشفت ولا خيط الا يوم سابع لي شفت زي الخيش بني وطوله طول فص الاصبع وخيطين بس مادري يعني هدا هم لو لا !!!
والله يصبرني واشووفهم طااحووو وارجع طبيعيه لان احياناا الالم يزعجني ادا جيت ارضع
وادا دخلت الحماام وانتون بكراامه احس بألم مو طبيعي توني دا كم يوم اول ما اولدت ادخل عاادي ما احس بشي واحين احس بألم فتره من الزمن وتالي يرووح عني <<<طبيعي دا الامر لو لا !!!
وسلاامتكم
:)

هلا خيه الالم طبيعي بس حاولي لين دخلتي الحمام تقضي حاجتش في الافرنجي عشان الخياطة
لاتتمزق ولاسمح الله يعيدو الخياطه من جديد

نزف الحروف
20-04-2011, 01:09 AM
لاتخوفي روحك خيه احس وضعك مره
انا لما صار لي 15 يوم من الولاده كنت احس بالم مو طبيعي يخلينى اصيح من قوته لان الجرح التهب
كنت براجع عن الدكتوره اللى ولدتنى بس كان عندها زحمه وقمت رحت اقرب مستوصف وقامت تحوس في الجرح موتتنى قمت اصارخ وتبي زوجى يبقى برى بس ماصبر ودخل قالها وش بتسوى بالضبط اتخيلي انها قامت تفك الخيوط والجرح لسى مالتام وبهدتنى لان انفتح الجرح شفت الموت بذاك الوقت
بعدها رحت الدكتوره اللى ولدتنى ومره عصبت قالت مستحيل انشيل الخيط لان يذوب بروحه وغير كده لو اضطروا يشيلوه مايشيلوه والجرح ملتهب وخصوصا انى جسمى حساس وجرحى التهب واجد
اسفه عالاطاله لو خرجت برى الموضوع
بس لاتحافي ولا تحاتى خيتو

أحبه و أحب الا يحبه
20-04-2011, 11:48 AM
اني احس كل وحده وطبيعه جسمها وجرحها , ناس ينفك بدري وناس يطولو
اني بعد ماكملت 36 يوم كشفت عليي الدكتوره وقالت بقى غرزه وحده مالتأمت وكان في خيط واحد تحت الجلد , قالت ماينفع تشيله وتلعب فيني < كلامها
وعطتني حبوب و كريم ومطهر اتنقع فيه لمده اسبوعين
بعد اسبوعين رحت البطي وقالت ليي الغرزه تبغى تلتئم للحين مالتأمت !
و وصفت ليي غسول وكريم وملح خشن اتنقع فيه لمده اسبوع ..
وجى الأسبوع ورحت ليها وقالت الغرزه بقى منها نقطه مالتأمت وداومي عليه الا عطيتش وياه وتعالي الأسبوع الجاي ..
ولازلت أعاني .. !
بس حاولي تحافظي على نظافه المنطقه عشان لا يلتأم الجرح على التهاب وتعاني طول عمرش ..

aya2006
20-04-2011, 12:17 PM
خيه أستخدمي ماي وملح وكمان حطي ماي ومر بغرشة رشاش ورشي عالجرح عشان يتعقم
الماي وملح يخلي الجرح بسرعة يلتأم

وكريم ميبو احسن كريم لتليين الخيوط ويلتأم الجرح

حنونة بطبعي
22-04-2011, 07:46 PM
هلا اختي
اكيد خيوط الجراحه طول وماتطيح علطول
الخيط الاداخل الرحم يدوب لحاله بعد اربعين يوم
والا بره يدوب قبل
يعني على ماتطلعي من الاربعين
كل طاح الخيط الا داخل والا بره

أح ــلام ملونه
22-04-2011, 09:30 PM
اني صار لي 3 اسابيع واحس ان الخيوط طاحت

لان لما المس ماشوف شي عكس قبل كنت المس لخيوط عدل وموعدي بعد الاربعين

نشوف شنو تقول وكل هذا يعتمد على جسم الوحده

زينب المعبر
23-04-2011, 05:20 PM
اللهم صل على محمد وآل محمد

اخر الوله
25-04-2011, 06:50 AM
الحال من بعضه

سمر ليل
25-04-2011, 08:55 AM
خيه اني قعدت 40 يوم ياالله انفكت اهم شي تحافضي على نضافة الجرح
لايسبب لش بعدين حكه وداومي على التنقع وطيحو بسرعه
بالتوفيق يارب

حكايه بنكهة السكر
25-04-2011, 01:50 PM
أي جرح بنات ؟؟ و أي خياطه ؟؟ >> جاهله ترى

جـــــــود
25-04-2011, 02:43 PM
لخيوط تعتمد على طبيعة الجسم اني كنت اتنقع ثلاث مرات في اليوم ولا ذاب ولا طاح ولاخيط ورحت بعد ما كملت 36 يوم وشلتهم في المستشفى

النور المهدي
26-04-2011, 05:32 PM
مشكورين اخواتي
اني الحمدلله طاحت بعض الخيوط لكن اللي في بداية الخياطة لسه وان شاء الله تطيح عن قريب

النور المهدي
26-04-2011, 05:35 PM
أي جرح بنات ؟؟ و أي خياطه ؟؟ >> جاهله ترى
لازم بعد الولادة يسووا للوحدة خياطة لأن يتوسع المكان وهم يوسعوه فلازم يخيطوا

احبه مووت
27-04-2011, 02:56 AM
يمكن يطيحو بعد الاربعين
تنقعي بماي وملح طبي وحطي كريم وان شاء الله مايطولو

ياحبي لكم
19-07-2011, 01:39 PM
طيب بنات الا والده قيصيري ووقف الدم عنها هل تقدر تمارس الجماع؟
تعرفو الازواج واصرارهم ع هالشي؟؟؟؟؟؟؟الله يعين

ريحانة الجنه
19-07-2011, 11:19 PM
اني بنات صار ليي يمكن اسبوع ونص وطاح مني خطين ولحد الان كملت شهر و3 ايام وللحين مااشوف شي طاح
والجرح يألمني مرره بس لما المس الجرح مااشوف خيوط
الله يكون في العون

اموووون
22-07-2011, 08:22 AM
بنات اني صار ليي والد 4 ايام واخاف اطل على الجرح او المسه بغيت اسالكم
هم كم غرزة وكم خيط
وكيف اعرف انهم طاحو
وعادي اتنقع بماي وملح من الحين او لا

M!ss sweet
22-07-2011, 05:06 PM
كل وحده يختلف عندها البعض نوعم يذوب والبعض لازم ينشالو
وناس يذوب من حاله بس ييطول معاهم

M!ss sweet
22-07-2011, 05:08 PM
امووون.. كان سئلتينهم كم غرزه هم ؟ لماتلمسين الجرح من فوق بتحسي فيه شي ولمايطيحو بتشوفينهم او بتحسي انه راحو, وعادي تنقعي