المساعد الشخصي الرقمي

مشاهدة النسخة كاملة : يصير اولد طبيعي ... لكن ابي قيصري



عروس2009
01-05-2011, 10:56 PM
مرحبا
اليوم بتكلم بموضوع ادهشني صراحه وانا افتر بقوقل بمواضيع الولاده
لاحظت في مجموعة نساء ممكن تولد طبيعي ومافي اي مانع.. يمنعها من الولاده بصوره طبيعيه
لكن ... تقول : مستحيل نوووووووووووووو وييييييي
ابي قيصري ماااابي طبيعي


السؤال... معقوله في جذي عندنا
واذا انتي وحده منهم عطينا وجهة نظرج ... ليش؟؟؟
الله انعم عليج بنعمه عظيمه ليش تروحين للقيصريه؟

شاركوني برايكم

حساسه
01-05-2011, 11:20 PM
أنا سمعت إنه البدو مايرضوا طبيعي
لانه يخافوا على المنطقة عندهم تتوسع و بعدين رجالها يأخد وحدة ثانية هههه
....................................
بالنسبة لي طبعا" لا

حائرة بدنيتي
01-05-2011, 11:30 PM
الحسنه الوحيدة في القيصيرية انج تضمني سلامة الرآآس و عدم تآثر البيبي بافرازات عند الولادة من الام

بالنسبة لي ما في احسن من الطبيعي و لو صارت الظروف .. و نجبرت بولد قصيرية

لانه في انقاد ارواح .. و سلامة للأم و بيبي ..

دلوعه بس حنونه
01-05-2011, 11:34 PM
والله غناتي انا اسمع واجد هالفتره اللي يخافوا من الولاده الطبيعه ويقولوا يبغواعمليه مايحسوا بشي ....
بس بعض الاحيان اللي يسوي قيصري وهم يقدروا يولد طبيعي يكونوا عشان خلاص بيقلبوا الرحم عشان مايبغوا اولاد .....
الله يسهل علي واولد طبيعي انشاءالله صحيح الولاده مووووووووووت بس الله يسهلها علينا ...

أم الأقمار
01-05-2011, 11:35 PM
حقيقة انا

بالاول انفتح عندي الرحم 7سم وتعبت مره بعدين الحبيب اعترض من جهة الخلفيه وسويت قيصريه

بالثاني 8سم بس شفت ملك الموت عبر علي وسلم ووقف ع راسي حسيت باهوال القيامه والله

وانا اللي طلبت القيصريه

عاد الثالث قلت ع طول عمليه لاني تعبت بالاثنين والله وكلها الم ساعه ولاالم كل ساعه ولا6ساعات

وع فكره ناس واجد يطلبوها من اول مره

يقولون مايقدرون يتحملون الالم بس العمليه ماراح يحسون الا بعد العمليه وكلها الم يومين ولاثلاث

وصلى الله وبارك

دكريات لاتنسى
01-05-2011, 11:38 PM
بالنسبة الي طبعا افضل وبدون تفكير الولادة الطبيعية
والقيصرية من اسمها ترعبني رعب والقيصرية عيوبها واجد عكس الطبيعي
وانشالله يارب اولد طبيعي ويكون البيبي كامل 9 شهور

ماخليتو لي اسم
01-05-2011, 11:39 PM
انا احلم واتمنى اولد طبيعي وادعي ربي
بس الله كتب بالاثنين عمليه
واتمنى لو حملت مرة ثالثه اولد طبيعي بس الكل يحطمنى ويقولو مافي امل مايصير طبيعي
لزوم عمليه بس ماعلى الله بعسيير

أم محمد علي
02-05-2011, 12:01 AM
عمليتين سويت وكل وحده اعظم من الثانيه
نفسي اشم ريحه الطبيعي كيييييف ؟؟؟
حتى الطلق ما أعرفه
وهالناسات يطلبوا العمليه ما يدروا عنها الموت الاحمر على قولتهم <<< عذاااب
الله يسهل علينا وعليكم

الذوق الرفيع
02-05-2011, 01:04 AM
عن نفسي افضل طبعا الطبيعي اتعب كم ساعة لو عساني اطلق يوم كامل والحمدلله بس القيصيرية اخاف منها الله يرزقنا السهالة يارب واولد طبيعي
في ناس ترى يفضلوا القيصرية يمكن تستغربي اذا وحدة تقول ابغى اظل بنت بلا عملية توسيع !!!!!!!!!!

الفراشة الحمراء
02-05-2011, 04:09 AM
الحمد لله على كل حال

طبعا وبدون تفكير بختار طبيعي

الم ساعه ساعتين يوم ولا الم سنه لو سنتين

تحياتي

أم الفضل
02-05-2011, 04:39 AM
هلا وغلا
أني من أول ما تزوجت واني ادعي ان اذا الله رزقني وحملت ان شاء الله ولادتي تكون عملية
لان اذا جتني الدورة اشووووف الموت من الويع مااااااقدر أتحمل فأخاف من اوياع الولادة
والله استجاب دعائي وولدت عملية
احسها أهون من الطبيعي >> كأنها مجربة الأخت

MANGO
02-05-2011, 04:46 AM
الله يسهل عليناااا يارب بطيعي ودعوووووووووووووووواتكم من قلب لييي

رحم الله والدينكم ادعو لي لسه بدري علي بس مابي اخوف نفسي

الله يعطيني القوه ويسهل علي يارب في وقتي

حلا الوجود
02-05-2011, 05:12 AM
اهه لا دكروني ب الماسي الى حد الحين عندي اكتئاب بعد الولاده واسباب القيصريه اني انفتح عندي 9 سم ولدي تعبمن الطلق وشاء القدر بقيصريه ولا اتمنه حتى لاني نعبت ودخلت العنايه بعده وشفت الموت وكل ما ادكر يجيني خووووووووووووووووف ما اقدر حتى انام الى وحدي في شقتي وابغ احمل بس والله خيفه الله لا يدوقكم العمليه واهواله

ام علي*
02-05-2011, 06:03 AM
اكيد ماعلى الطبيعي واحساس الامومه وقت الولاده
والم كم ساعه ولا الم كم شهر بعد الولاده
واللي خايفين ان المنطقه تتوسع
بقدرةالله يرجع تقريبا تفس الشي بعد الولاده مع العنايه واستخدام الملح

ليلة بكى فيها القمر
02-05-2011, 06:22 AM
مع اني بعدني بنوتة مو مزوجة ولا مخطوبة:o بس بشارك
صحيح سمعت واااجد يفضلوا القيصرية على الطبيعي :eek:
وصارت ليهم فترة طلعوا فيها اللي تبغا تولد في تاريخ مميز تطلب قيصرية:eek: غباء

اني بعد صارت ليي فترة اقول احس كأنا الولادة القيصرية اهون من الطبيعي

ومرة كنت افرفر في اليوتيوب وطاحت عيوني على ولادة قيصرية ياعلييييي ماقدرت اتحمل داخ راسي سبحان الله الواحد مايصدق كيف بتعيش بعد اللي يسووه والله العظيم يقصوا قص والدم وواجد ومنظر مخيف

حتى وحدة كاتبه تعليق تقول ماصدق دا اللي سووه فيني :D:p
ادا ماتخافوا بحط الرابط للعملية القيصرية حاطين خلقة او شرشف ومفتوح الجزء الي بيشقوه بس

عروس2009
02-05-2011, 06:25 AM
أنا سمعت إنه البدو مايرضوا طبيعي
لانه يخافوا على المنطقة عندهم تتوسع و بعدين رجالها يأخد وحدة ثانية هههه
....................................
بالنسبة لي طبعا" لا

غريبة اول مرة اسمع ان البدو ما يرضو بطبيعي خبري الأمريكان :cool:
حتى البدو أنضمو للقائمة :p
واذا الرجال اعيونة زايغة مابيفيد معاه شي
نورت الصفحة بوجودك حبيبيتي

عروس2009
02-05-2011, 06:29 AM
الحسنه الوحيدة في القيصيرية انج تضمني سلامة الرآآس و عدم تآثر البيبي بافرازات عند الولادة من الام

بالنسبة لي ما في احسن من الطبيعي و لو صارت الظروف .. و نجبرت بولد قصيرية

لانه في انقاد ارواح .. و سلامة للأم و بيبي ..


صح كلامك
ولها العمليه حسنات كثير
بس كأهم نقطة انك راح تضمنين بإذن الله خروج الطفل بالسلامة
وان شاءلله الله يسهل الك وتولدين طبيعي

عروس2009
02-05-2011, 06:31 AM
والله غناتي انا اسمع واجد هالفتره اللي يخافوا من الولاده الطبيعه ويقولوا يبغواعمليه مايحسوا بشي ....
بس بعض الاحيان اللي يسوي قيصري وهم يقدروا يولد طبيعي يكونوا عشان خلاص بيقلبوا الرحم عشان مايبغوا اولاد .....
الله يسهل علي واولد طبيعي انشاءالله صحيح الولاده مووووووووووت بس الله يسهلها علينا ...

الله يسهل عليك ان شاءلله وتولدي طبيعي

عروس2009
02-05-2011, 06:36 AM
حقيقة انا

بالاول انفتح عندي الرحم 7سم وتعبت مره بعدين الحبيب اعترض من جهة الخلفيه وسويت قيصريه

بالثاني 8سم بس شفت ملك الموت عبر علي وسلم ووقف ع راسي حسيت باهوال القيامه والله

وانا اللي طلبت القيصريه

عاد الثالث قلت ع طول عمليه لاني تعبت بالاثنين والله وكلها الم ساعه ولاالم كل ساعه ولا6ساعات

وع فكره ناس واجد يطلبوها من اول مره

يقولون مايقدرون يتحملون الالم بس العمليه ماراح يحسون الا بعد العمليه وكلها الم يومين ولاثلاث

وصلى الله وبارك


الله يعينا يا اختي اني بعد الرحم فتح عندي 5سم بس مثل ما قلتي شفت ملك الموت عبر وسلم ووقف على راسي واني لأن كان الطلق طلق صناعي والظغط ارتفع ودرجة حرارتي وصلت مليون حتى في اثناء الطلق اخذو عليي تخطيط قلب اني اصلا مارفع ضغطي
اله جهاز التخطيط للبيبي كان ضاغط علي عدللل ومضايقني
مرررة:rolleyes:

دلوعة ملاكي
02-05-2011, 06:39 AM
عن نفسي اولد طبيعي .. واطول واني اولد ..
ولا اني اتعب بعد الولاده شهرين ..

الله لايضوقني و لايضوقكم اياها ياااارب

عروس2009
02-05-2011, 06:47 AM
بالنسبة الي طبعا افضل وبدون تفكير الولادة الطبيعية
والقيصرية من اسمها ترعبني رعب والقيصرية عيوبها واجد عكس الطبيعي
وانشالله يارب اولد طبيعي ويكون البيبي كامل 9 شهور

ان شاءلله يارب تولدي طبيعي والله لا يحوجك للعملية
بس بقولك شغلة ترا العلم تطور واغلب الناس الحين يولدون قيصيرية
بس الأهل الله يهديهم اهم يخافون ويبالغون بزيادة
اني حتى جدي اول مرة زارني قام يصيح لأني والدة قيصيرية :(
وخالي زارني ولما رجع بيتهم قال فلانة << كنت بكتب اسمي بالغلط خخخ
المهم قال فلانة والدة مو طبيعي قالو له لااا بعملية تأثر وقال ان لله والله انها ما تستاهل
يعني صحيح تعب بس ما حسيتها لدرجة رعب في رعب
وزوجي اتذكر بعد لما اتصل لأمة وحمواتي المتزوجين ما قال لهم شنو جبت
يقول لهم مرتي ولدت يسئلونة شنو جابت يقولهم بعملية وعلى قلبي مابقى شي ودموعة تنزل فديتة
حسيت بجد جد صار حزين وللحين لما اتذكر الي صار لي لحظة الولادة في المستشفى واجي اسولف معاه
ما يرضى يقول لا تطري لي هالسالفة لأن اتضايق عددل

عروس2009
02-05-2011, 06:56 AM
انا احلم واتمنى اولد طبيعي وادعي ربي
بس الله كتب بالاثنين عمليه
واتمنى لو حملت مرة ثالثه اولد طبيعي بس الكل يحطمنى ويقولو مافي امل مايصير طبيعي
لزوم عمليه بس ماعلى الله بعسيير

ماعليك منهم اذا انتي ماعندك مشاكل بالحوض و ولادتك كلها كانت بتكون طبيعي بس
للأسباب مـــــــــــــــا صارت قيصرية ان شاءلله تولدي المرة الجاية طبيعي
في ممرضة الله يذكرها بالخير كانت معاي لما كنت اتدرب
تقول مرت عليهم حاله في مستشفى القطيف المركزي كانت المرة والدة 6مرات بعملية قيصرية
وحملها بالولد السابع كان بالغلط وكان خطر عليها كثيييييييير
اهي طنشت المستشفى وكلام الدكاترة وتمم الله حملها بخير لين لحظة الولاده
جتها الام الولادة واهي في البيت ولا راحت المستشفى اله على قولتهم في الحظة الاخيرة
مادخلت المستشفى اله بطلعة الراس وطبعا الكل استغرب يعني شفتي
بعد 6ولادت بعملية قيصرية ولدت طبيعي
يعني احنا ما ندري عن المكتوب

رموش فوشيه
02-05-2011, 06:58 AM
الطبيعي صحيح تعب بس احسن يعني من اسمه طبيعي يعني اريح
بس القيصري للمستعصي

عروس2009
02-05-2011, 07:03 AM
عمليتين سويت وكل وحده اعظم من الثانيه
نفسي اشم ريحه الطبيعي كيييييف ؟؟؟
حتى الطلق ما أعرفه
وهالناسات يطلبوا العمليه ما يدروا عنها الموت الاحمر على قولتهم <<< عذاااب
الله يسهل علينا وعليكم

الله يسهل علينا ان شاءلله ونولد المرة الجاية طبيعي

عروس2009
02-05-2011, 07:14 AM
عن نفسي افضل طبعا الطبيعي اتعب كم ساعة لو عساني اطلق يوم كامل والحمدلله بس القيصيرية اخاف منها الله يرزقنا السهالة يارب واولد طبيعي
في ناس ترى يفضلوا القيصرية يمكن تستغربي اذا وحدة تقول ابغى اظل بنت بلا عملية توسيع !!!!!!!!!!


هلا والله بالذوق الرفيع نورتي الصفحة يالغلا
الحمدلله على ولادتك بالسلامة طبيعي
والله لا يحوجك ان شاءلله للعملية
وعلى طاري اضل بنت
اتذكر لما حماتي زارتني مادري شنو قالت بظبط وقلت لها
احسن عشان ابقى عرووووس وكانت موجودة ويانا وحدة من النسايب ولدانة بعملية مرتين
كذة نطت فجأة اله اتقول حتى اني بعد مثلك بعدني عروس وصار الي متزوجة 5سنوات
حسيتها هبلة بس تبي تقلللد :cool::eek::rolleyes::confused:

يااسمينه
02-05-2011, 09:26 AM
غريبه ؟ اذا الخوف تتوسع ومادري ايش في حلول
لكن مشاكل القيصريه كثيره والا تقول الم ساعه والا كم ساعه اسمحي لي غلط بالعكس الولاده الطبيعيه صح الم لكن1- ثواااب عظيم جدددا وهنيئا لكل ام قاست وتعبت وقت الولاده والله ان لها ثواب عظيم جدا
2-العمليه القصيريه البعض يظلون يتألمون بالاشهر مو كم ساعه !واعرف كذا وحده صابتها عوارض جانبيه منها الالام استمرت لعدة اشهر والبعض ينفتح عندها الجرح وهي توها والد تحتاج تتحرك عشان ترضع البيبي وممكن تغير له وتسبحه اذا كانت مثل حلاتي انا الي اسبح واشيل واحط اخاف احد يمسك البيبي اتخيل يطيح
غير كذا صديقتي كانت بتمووووت ودخلت العنايه كم يوم والسبب القيصريه صابها تلوث في الجرح وتعبت وااااجد وحتى البيبي ماصارت تشوفه لانها في العنايه ولا رضعته طبيعي
قريبتي انا رايحه ازورها ولدانه بعمليه الا موموجوده تعبت واااجد من العمليه والبيبي ماسكته الشغاله طوول الوقت وهذا حالها اغلب الوقت تعب والم ولا تقدر تمسك طفلها ..من تتمنى تنحط في مثل هالمواقف ؟مادري ليه يفضلونها ؟وفيها مخاطر غير الولاده الطبيعيه سبحان الله الوحده ترجع لصحتها بالتدريج والبعض تولد طبيعي وعلى طول تمارس حياتها العاديه تقدر تقوم وتتحرك عكس العمليه وماتسببه من مضاعفات البنج وغيره ..اذا شي من الله شي ثاني مكتور من ربي لكن من نفس الوحده !!

روز ستار
02-05-2011, 09:59 AM
السلام عليكم

في عدة نقاط في الموضوع حبيت اشارك واعلق عليها:

بالنسبة لسؤال الاخت نعم يوجد من يعمل عملية قيصرية رغم انها ممكن تولد طبيعي

السبب كماقالوا الاخوات والتفصيل ربما فيه احراج لكن اكيد بتفهموا

اكيد الولادة الطبيعية افضل لانها طبيعية وتحس الأم بالام الولادة وتعرفها فالشعور بعد التعب يكون جميل لما تشوف طفلها وترتاح ..والالم بيكون وقت الولادة وبعدها بفترة بسيطة وبيروح الا اذا كانت صحة الام غير جيدة فممكن تتعب شوي

اما القيصيرية فكأي عملية لها مضاعفات ...ولها اثار ومن اثارها بروز البطن (الكرش) اضافة الى وجود جرح دائم ...الخ

فالضرورة هي اللي تدعوا لاستبدال الطبيعي بالعملية

من تقول ان القيصرية تضمن ولادة طفل طبيعي : يمكن الكلام منطقيا صحيح بس بالنسبة للمؤمنين يوجد شئ اسمه توكل على الله ,,منذ بداية الحمل توكلي على الله وادعي انه يولد سليم ويسهل ولادتك ..وفي الحالتين اذا الله حافظه بيكون سليم ...

في وحدة سألت : وين الحل للتوسع ؟؟؟

ابحثوا عن تمارين اسمها كيجل .. سهلة بس يبغى لها تتعودي عليها وبتصيري تسويها في اي وقت حتى وانتين تشتغلي وواقفة وفي اي مكان من غير ماحد يدري ! تساعد على حل المشكلة

اني كنت مسوية محاضرة ايام دراستي عن التمارين للحامل وفائدتها فقرأت عن هذا التمرين وهو في الاساس كان يستخدم للمصابين بسلس البول لتقوية العضلات والاحساس عندهم فتعالج حالة السلس

بعدها اكتشفوا انها لها فائدة ايضا للنساء ...في نفس المشكلة اللي انتوا طارحينها


اللي تولد قيصيرية غصب عنها لاتخاف لان الوضع تطور وصارت اسهل من قبل

واللي تولد طبيعي وتقول شافت ملك الموت فهذا طبيعي ليش ماتدروا ان المرأة وقت الولادة كالمتشحط بدمه في سبيل الله ! يعني هي كأنها تنازع وروحها بتطلع

والرسول صلى الله عليه واله خبر ان اصعب شئ خروج الروح من الروح

واحمدوا ربكم سلم الله عليكم ملك من ملائكة الرحمن

وبعدين وينكم عن صرخة ياعلي ..انتون بس نادوه وبتشوفوا كيف تتسهل الولادة ...وصلوا على محمد واله والله يسهل على كل حامل وتولد طبيعي

ويرزق اللي ماعندهم ذرية ...

ليلة بكى فيها القمر
02-05-2011, 10:12 AM
صحيح ياسمينة
بغيت اضيف ان العملية ليها مضاعفات واخطار للي مفضلينها على العادي
بنت عمي ولدت قيصرية ويوم حملت بالثاني قال ليها الدكتور بعد بيولدها قيصرية لان قال ليها خطيرة العادي لان ولدتي اول مرة قيصرية ولو ولدتي طبيعتي احتمال ينفجر الجرح بسبب قوة الدفع
وطبعا كل شي بيد الله

والله لو اقول ليكم هالقصة ماتصدقوا يوم قالت لينا امي ماصدقنا قلنا مستحيل تالي صدقنا لأن سمعت من دكتور الضاهر قالوا آثار القيصرية تمتد لسنين طويلة
مابغا اخوف احد بس الله هو الحامي للجميع
المهم تقول امي ان وحدة جابت اولاد اكثر من واحد وآخر واحد جابته بقيصرية المهم ولدها الحين في ثاني ثنوي تقول امي قامت تحس بألام في بطنها ويوم راحت المستشفى قال ليها الدكتور ملتهب الجرح ماصدقنا بعد 17 سنة التهب غريب ويوم سألته كيف يلتهب بعد هالسنين قال ليها ممكن حدوث هالشي لان الجرح يلتأم خارجيا لكن من داخل يبقى والدليل يخافوا يولدوا طبيعي بعد قيصري حتى لو بعد مايكبر لكن كل شي بيد الله لو الله اراد خلاص يتم وطبعا امي تعرف دي المرأة
ومرت عمي ولدت بقيصرية وبنتها الحين تزوجت وجابت ولد وتقول للحين في الشتاء تألمها العملية

وصحيح زي ماقالت الأخت خطيرة لبعد سنين يتاثر الجرح من حمل الاشياء الثقيلة احتمال ينفجر

ســـحرالقوافي
02-05-2011, 10:44 AM
قلبتو عليي المواجع ..... الي يشوفني نسيتها
بعدني ما اطلع من الاربعين .. وللحين متحشسره
كان ودي اولد طبيعي بس امر الله
حوضي ضيق مره وهذا الشي خلا البيبي ما ينزل الحوض رغم التحريض
وبتالي ما فتح الرحم اصلا
واني اعاني من كلام الناس وهدرتهم اكثر من الم الجرح نفسه من اول ما بدو يزوروني حتى الاهل برغم اني كاسرة خاطرهم الا انهم تهموني اني انجريت ورى المستشفى وصدقتهم وانهم ما يبغوا الا الفلوس ..... الخ
واني ودي اذوق عذاب الولاده الطبيعيه اقلها اشوف ولدي وهو طالع مني مو .. بعد الافاقه يجيبوه ليي ويقولو هذا ولدش ...
وعن الي يقول ان الاجر بس في الولادة الطبيعيه يعني الي مسويه قيصريه الله حارمنها من الاجر

ما احس ان هذا الكلام منطقي .... لان انكانت الولادة الطبيعيه الم كم ساعه فالولادة القيصريه الم العمر كله عند البعض .. وحتى حمل الاشياء الثقيله يأثر عليها وعلى الجرح

الله يسهل على الجميع ويولدو طبيعي ,, والله لا يحرمني من تجربت الولاده الطبيعيه

الذوق الرفيع
02-05-2011, 11:43 AM
سحر القوافي
الحمدلله ع سلامتش اووف من كلام الناس اللي مايخلص اكيد قالوا لش هالجملة المشهورة " لو رايحة القطيف المركزي كان صبروا عليش "
القيصرية احيانا يتطلب الامر والوحدة مو بارادتها غصبا عنها واكيد لها اجر وثواب نفس الطبيعية اجل وين راح تعب الحمل وتعب الولادة وتعب التربية
الله يعينش وماعليش من احد كل واحد ماياخذ الا نصيبه .....

ملآكـ~
02-05-2011, 11:58 AM
أنا ولادتي الأولى جاني طلق لكن ولدي مانزل في الحوض فولدت بقيصرية واكتئبت لأني حسيت بالألمين الطبيعي والقيصري
وهالمره قالو لي تولدين قيصرية وتضايقت عدل لأن هالشي بيحكم على باقي الولادات وليلة مارحت علشان العملية صحت صياح وتالي رحت المستشفى
لكن هالولاده اهون من الولاده الأولى يعني ماتعبت مثل أول مره والكل لآحظ علي
بس أكيد لو بكيفي بقول أولد طبيعي ولآأولد بعملية
لأن ألم كم سآعه ولآ ألم العملية اللي يضل شهور
الحمدلله على كل حال

حكاية قلم
02-05-2011, 01:48 PM
عن نفسي افضل الطبيعي من اسمها طبيعي لانها هذا الوضع الطبيعي اللي ربنا خلقنا عليه
لكن تطور العلم والطب انقذ انفس واجد تخيلوا أول كانت المرة تطلق لين تموت ويموت جنينها لأسباب كثيرة
لكن مع التطور صارت الام بخير والجنين بخير يعني القيصرية لعند الحاجة بس اللي يطلبوها من غير داعي مااعتقد انهم بيحسوا حساس الام لما تولد طبيعي احساس رهيب ,,, ومهيب ,
الله لا يحرم احد الضنى يا رب ,,,
انا ما جربت القيصرية وان شاء الله مااجربها يا رب
بس من يحب اثر الجرح بالبطن
الولادة الطبيعية الجرح تحت ما يبان واللي يقول يتوسع اقول خرابيط
غير ما كثر اشياء واجد للتضييق
اللي تولد طبيعي تقدر تسوي رياضة بعد فترة بسيطة جدا
اما القيصرية لا اتحداها تسوي مسكينة تمارين البطن
اللي اضطروا يسوا لها قيصرية كانوا مضطرين
عشان ينقذوا الجنين مو عشان اختيار

دنيتي كلها حبيبي
02-05-2011, 02:05 PM
اني ولدت طبيعي ويالعكس ا\المكان ابد ماتوسع ماكأني ولدانه ولاشي بس المره الثانيه بتصير ولادتي عمليه لظروف خاصه

ســـحرالقوافي
02-05-2011, 02:16 PM
سحر القوافي
الحمدلله ع سلامتش اووف من كلام الناس اللي مايخلص اكيد قالوا لش هالجملة المشهورة " لو رايحة القطيف المركزي كان صبروا عليش "
القيصرية احيانا يتطلب الامر والوحدة مو بارادتها غصبا عنها واكيد لها اجر وثواب نفس الطبيعية اجل وين راح تعب الحمل وتعب الولادة وتعب التربية
الله يعينش وماعليش من احد كل واحد ماياخذ الا نصيبه .....
هههههه
كانش ويانا نفس الكلام بضبط قالوه اليي
وتصدقي اني كنت نويه اولد فيه من حملت الى وسط الثامن وبعدين جاني خوف منه ورعب
حتى الشارع الي يودينا له صرت اهاب منه
بس الحمد لله على كل حال ولحين احاول اطنش احسن ليي لان لا احد تعب وبيتعب غيري ولا احد دفع غير زوجي :d

دلوعة قلبه
02-05-2011, 03:14 PM
خيووووه
ذكرتيني بنفسي
انا بحكم دراستي ..حضرت ولادات وتعقـــــــــدت من الشي الا اشوفه
وخصوصا ان اول ولادة حضرتها كانت معقده والتوسعه الا عملوها مررة
وكنت اقول الى زوجي اذا حملت مستحيل ماابغى طبيعي ... ابغى قيصريه

بس الحين لما حملت وصارت السالفه صج وتحمست للبيبي
اتمنى اولد طبيعييييييييييي ..ابغى احس بالبيبي واشوفه اول ما يطلع واسمع اول صيحه له
وشلت فكرة القيصريه
مع ان الخوف لازام مسيطر عليي من ناحية الولاده الطبيعيه

أم الأقمار
02-05-2011, 03:27 PM
ترى يابنات العلم تطور والحين اللي يولد بعمليه حاله حال الطبيعي

موتقولوا الم شهور لالالا كلها اسبوعين وانتي راجعه البيت عادي وفي حبوب وحديد وادويه تخليك مثل الحصان

انا عن نفسي 3 اسابيع وقمت اطبخ لزوجي واذكر سويت له كبسة ربيان ههههههه

واللي يسوي العمليه من اول يوم يقول لك موكله تجلسين لالازم تمشي وتتحركي بس انتبهي من حمل شيئ ثقيل مره لمدة شهرين ع الاقل


واللي يقول الالم يستمر شهور ماعنده سالفه

وردة الوفــاء
02-05-2011, 03:30 PM
السلام عليكم

في عدة نقاط في الموضوع حبيت اشارك واعلق عليها:

بالنسبة لسؤال الاخت نعم يوجد من يعمل عملية قيصرية رغم انها ممكن تولد طبيعي

السبب كماقالوا الاخوات والتفصيل ربما فيه احراج لكن اكيد بتفهموا

اكيد الولادة الطبيعية افضل لانها طبيعية وتحس الأم بالام الولادة وتعرفها فالشعور بعد التعب يكون جميل لما تشوف طفلها وترتاح ..والالم بيكون وقت الولادة وبعدها بفترة بسيطة وبيروح الا اذا كانت صحة الام غير جيدة فممكن تتعب شوي

اما القيصيرية فكأي عملية لها مضاعفات ...ولها اثار ومن اثارها بروز البطن (الكرش) اضافة الى وجود جرح دائم ...الخ

فالضرورة هي اللي تدعوا لاستبدال الطبيعي بالعملية

من تقول ان القيصرية تضمن ولادة طفل طبيعي : يمكن الكلام منطقيا صحيح بس بالنسبة للمؤمنين يوجد شئ اسمه توكل على الله ,,منذ بداية الحمل توكلي على الله وادعي انه يولد سليم ويسهل ولادتك ..وفي الحالتين اذا الله حافظه بيكون سليم ...

في وحدة سألت : وين الحل للتوسع ؟؟؟

ابحثوا عن تمارين اسمها كيجل .. سهلة بس يبغى لها تتعودي عليها وبتصيري تسويها في اي وقت حتى وانتين تشتغلي وواقفة وفي اي مكان من غير ماحد يدري ! تساعد على حل المشكلة

اني كنت مسوية محاضرة ايام دراستي عن التمارين للحامل وفائدتها فقرأت عن هذا التمرين وهو في الاساس كان يستخدم للمصابين بسلس البول لتقوية العضلات والاحساس عندهم فتعالج حالة السلس

بعدها اكتشفوا انها لها فائدة ايضا للنساء ...في نفس المشكلة اللي انتوا طارحينها


اللي تولد قيصيرية غصب عنها لاتخاف لان الوضع تطور وصارت اسهل من قبل

واللي تولد طبيعي وتقول شافت ملك الموت فهذا طبيعي ليش ماتدروا ان المرأة وقت الولادة كالمتشحط بدمه في سبيل الله ! يعني هي كأنها تنازع وروحها بتطلع

والرسول صلى الله عليه واله خبر ان اصعب شئ خروج الروح من الروح

واحمدوا ربكم سلم الله عليكم ملك من ملائكة الرحمن

وبعدين وينكم عن صرخة ياعلي ..انتون بس نادوه وبتشوفوا كيف تتسهل الولادة ...وصلوا على محمد واله والله يسهل على كل حامل وتولد طبيعي

ويرزق اللي ماعندهم ذرية ...

روز كلامش دخل قلبي بصررراااحه..
وأحس أني تطمنت شوي من رعب الولاده...اهل البيت مابيخلونا إن شاء الله...
الله يسهل علينا وعلى كل الحوامل يااارب ياكريم..

أم الأقمار
02-05-2011, 03:38 PM
صحيح ياسمينة
بغيت اضيف ان العملية ليها مضاعفات واخطار للي مفضلينها على العادي
بنت عمي ولدت قيصرية ويوم حملت بالثاني قال ليها الدكتور بعد بيولدها قيصرية لان قال ليها خطيرة العادي لان ولدتي اول مرة قيصرية ولو ولدتي طبيعتي احتمال ينفجر الجرح بسبب قوة الدفع
وطبعا كل شي بيد الله

والله لو اقول ليكم هالقصة ماتصدقوا يوم قالت لينا امي ماصدقنا قلنا مستحيل تالي صدقنا لأن سمعت من دكتور الضاهر قالوا آثار القيصرية تمتد لسنين طويلة
مابغا اخوف احد بس الله هو الحامي للجميع
المهم تقول امي ان وحدة جابت اولاد اكثر من واحد وآخر واحد جابته بقيصرية المهم ولدها الحين في ثاني ثنوي تقول امي قامت تحس بألام في بطنها ويوم راحت المستشفى قال ليها الدكتور ملتهب الجرح ماصدقنا بعد 17 سنة التهب غريب ويوم سألته كيف يلتهب بعد هالسنين قال ليها ممكن حدوث هالشي لان الجرح يلتأم خارجيا لكن من داخل يبقى والدليل يخافوا يولدوا طبيعي بعد قيصري حتى لو بعد مايكبر لكن كل شي بيد الله لو الله اراد خلاص يتم وطبعا امي تعرف دي المرأة
ومرت عمي ولدت بقيصرية وبنتها الحين تزوجت وجابت ولد وتقول للحين في الشتاء تألمها العملية

وصحيح زي ماقالت الأخت خطيرة لبعد سنين يتاثر الجرح من حمل الاشياء الثقيلة احتمال ينفجر


خيه هو صحيح يخافون ع اللي مسوي قيصريه من الولاده الطبيعيه

هذا اذا الوحده حملت بعد سنه ولاسنتين

انا الدكتور قال لي لازم تعطي الجرح وقت علشان يلتام ويقوى اقل شيئ سنتين اوثلاث

اما اذا كل سنه ولاسنتين بتولدي فاكيد بعمليه لان يخافون ع الجرح من قوة الدفع


انا صار لي والده 6سنوات وعادي اشيل واحط وادف كنب واساعد زوجي اذا حب يصلح بالبيت واحمل معاه اشياء ثقيله

كل هذا يعتمد ع البنت نفسها

هل اعتنت بنفسها بعد العمليه وحافظت ع الجرح من الالتهابات خلاص صار الجرح مثل بطني وتساوى مع لون الجلد اللهم شيئ خفيف مايبان مره


امااذا هملتي نفسك ولااعتنيتي بالجرح سويتي له تنظيف ولاغيارات اكيد راح يلتأم ع ضعف ومع السنين والجلد يضعف راح ينفتح

أم الأقمار
02-05-2011, 03:39 PM
صحيح ياسمينة
بغيت اضيف ان العملية ليها مضاعفات واخطار للي مفضلينها على العادي
بنت عمي ولدت قيصرية ويوم حملت بالثاني قال ليها الدكتور بعد بيولدها قيصرية لان قال ليها خطيرة العادي لان ولدتي اول مرة قيصرية ولو ولدتي طبيعتي احتمال ينفجر الجرح بسبب قوة الدفع
وطبعا كل شي بيد الله

والله لو اقول ليكم هالقصة ماتصدقوا يوم قالت لينا امي ماصدقنا قلنا مستحيل تالي صدقنا لأن سمعت من دكتور الضاهر قالوا آثار القيصرية تمتد لسنين طويلة
مابغا اخوف احد بس الله هو الحامي للجميع
المهم تقول امي ان وحدة جابت اولاد اكثر من واحد وآخر واحد جابته بقيصرية المهم ولدها الحين في ثاني ثنوي تقول امي قامت تحس بألام في بطنها ويوم راحت المستشفى قال ليها الدكتور ملتهب الجرح ماصدقنا بعد 17 سنة التهب غريب ويوم سألته كيف يلتهب بعد هالسنين قال ليها ممكن حدوث هالشي لان الجرح يلتأم خارجيا لكن من داخل يبقى والدليل يخافوا يولدوا طبيعي بعد قيصري حتى لو بعد مايكبر لكن كل شي بيد الله لو الله اراد خلاص يتم وطبعا امي تعرف دي المرأة
ومرت عمي ولدت بقيصرية وبنتها الحين تزوجت وجابت ولد وتقول للحين في الشتاء تألمها العملية

وصحيح زي ماقالت الأخت خطيرة لبعد سنين يتاثر الجرح من حمل الاشياء الثقيلة احتمال ينفجر


خيه هو صحيح يخافون ع اللي مسوي قيصريه من الولاده الطبيعيه

هذا اذا الوحده حملت بعد سنه ولاسنتين

انا الدكتور قال لي لازم تعطي الجرح وقت علشان يلتام ويقوى اقل شيئ سنتين اوثلاث

اما اذا كل سنه ولاسنتين بتولدي فاكيد بعمليه لان يخافون ع الجرح من قوة الدفع


انا صار لي والده 6سنوات وعادي اشيل واحط وادف كنب واساعد زوجي اذا حب يصلح بالبيت واحمل معاه اشياء ثقيله

كل هذا يعتمد ع البنت نفسها

هل اعتنت بنفسها بعد العمليه وحافظت ع الجرح من الالتهابات خلاص صار الجرح مثل بطني وتساوى مع لون الجلد اللهم شيئ خفيف مايبان مره


امااذا هملتي نفسك ولااعتنيتي بالجرح سويتي له تنظيف ولاغيارات اكيد راح يلتأم ع ضعف ومع السنين والجلد يضعف راح ينفتح:cool:

lil bride
02-05-2011, 03:43 PM
أني لحد آخر لحظة واني اطلق .. خايفة من القيصرية
ولما وقف نبض بنتي قلت لا.. لا يقولوا لي بعد هالتعب قيصرية
وولدت طبيعي الحمدلله.. بس عانيت بعدها وااااااجد
وبعد ما شفت اللي شفته وأكثر من شهرين وأني نفسيتي صفر..
قلت ياليتني كنت ولدت قيصرية.. كان ماصار اللي صار
لكن قدر الله وما شاء فعل.. ولو كنت اعلم الغيب لاستكثرت من الخير
ولو القيصرية فيها خير لي كان اختارها ربي والحمدلله على كل شي

أحبه و أحب الا يحبه
02-05-2011, 04:03 PM
اني من قبل لا انخطب وقبل لا اتزوج وقبل لااحمل واني اقول ابغى قيصريه
كنت احس الولاده الطبيعيه الموت بكبره كنت خايفه مااشوف ولدي واموت , ماكنت متخيله ان طفل ممكن يطلع من هالمنطقه دي
بس ولادتي صارت طبيعيه والحمد لله احسن من غيري سهالات وقت الولاده < وربي حطني في الغرفه ويه وحده والده بقيصيريه نص الليل اسمعها تون من الألم مسكينه وكنت احمد ربي داك الوقت ان ولدت طبيعي
بس بعد الولاده الألم للحين وياي والا يقولو المنطقه تتوسع احس خراط اني احس المنطقه زي ماكانت اول واضيق بعد ولو كنت في وعيي والدكتوره تخيطني كنت بقول ليها لاتضيقي واجد :p

أح ــلام ملونه
02-05-2011, 04:34 PM
اني عندي طبيعي ولا قيصريه الله لايبلانا

احسه القيصريه عذاب والوحده تعاني خلني اطلق يوم كامل ولا قيصريه

lil bride
02-05-2011, 04:35 PM
اللي يقولوا تتوسع وما تتوسع.. جان الناس ماظلوا يجيبوا جهال وكان كل رجال عرس على مرته خخخ.. مو التوسع المشكلة
.. على العذاب والألم في منطقة حساسة.. والخوف من ان الجرح يلتهب او ينفتح .. أو يألم لما ترجع لحياتها الطبيعية، غير ملحقات الولادة الطبيعية الثانية
وطبعا القيصرية بعد ليها مشاكلها وممكن يلتهب الجرح بس الموقع خارجيا أرحم.. ويكفي ان مناعة البيبي ماتصير كويسة زي الولادة الطبيعية.. كل شي له حسنات وعيوب

خمسة الاقمار
02-05-2011, 05:00 PM
اني عندي الولاده الطبيعيه احسن من القيصريه الي من اسمها يخوف
يارب ان شاءالله جميع ولادتي طبيعي

غيم
02-05-2011, 06:00 PM
اني افضل الولادهـ الطبيعيهـ ..
الله يسهل عليي واولد طبيعي


اختي ولدت قيصريهـ .. مرتين لانها ماتقدر تولد طبيعي
الولادهـ الثانيهـ الحين صار اليها سنتين ونص
وهذاكي الى الحين تعاني من الم العمليهـ ..
واذا جاها الم الدورهـ اعظم واعظم
وهذا غير انها اول ماولدت صار اليها 3 شهور ماتقدر تقوم ولاتقعد
حتى بنتها ماتقدر تهزها

دلوعة حساني
02-05-2011, 06:03 PM
طبعآ الطبيعي احسن من القيصريه ب3 مراات
والله القيصريه يقولو تعذيييب انا لمن ولدت طبيعي والحمدلله
وكانت معاي وحدة بالغرفه قيصريه طبعآآ طوول الليل تصيح وتون مسكينه
وكل شوي يعطوها أبر مسكن بس اني اقوم اروح الحمام اتحرك اروح الحظانه
وهي وكل منسدحه يعني شوفو الفرق
الطبيعي
هو حتى لو صار توسيع تتم الخياطة وبعدين يرجع الطبيعي والحمدلله
اما القيصريه
تظل الخياطه باينه وتشوة المنطقه
الحمدلله على كل حال والله يسهل على جميع الحواامل يارب ويولدو طبيعي

ناقد محترف
03-05-2011, 02:53 AM
بما اني ولدت الاول قيصري
بقول الثاني قيصري و على بركة الله
و اذا تفكرو الطبيعي المها سهل غلطانييييييييييييييييين
مدام سوو فيي جرح خلاص ما ابغاهم يخربو مكانات ثانية

و العجيبة الكل يحسدني على القيصري ههههههههههههههه

ناقد محترف
03-05-2011, 02:56 AM
لحظة لحظة
اني ولدت قيصري و الم الدورة جدا عادي
و اني من ثالث يوم بعد العملية اقول و اقعد و احوس كله عادي ما فيي شي
صحيح تعذبت لما طلعت من المستشفى افتقدت ابر المسكن لكن تالي مشى الحال

من قال ان الطبيعي راحه و اصلا الجرح في ديك المنطقة بسرعة يلتهب لأنها رطوبة و دم و !!!!!!!!!!
حتى اذا جيتي تنامي مع زوجك بعدين بتتعذبي و تتألمي

روحو مناك بس قال طبيعي احسن

بسبووسه
03-05-2011, 02:59 AM
انا بصراحه عندي القيصرريه احسن من الطبيعي لعده اسباب من وجهة نظرري لاني ولدت قيصريه ومن خلال الي حولي اختي وحموواتي وناس وااجد اعرفهم ولدوو طبيعي شفت كيف تعذبوو لآن
اولآ/ان الطبيعي يطووول الجررح على مايلتآم خاصه ان المكان مسكر ما يتعرض للهووا ودائمآ بكوون رطب مع وجوود النزيف..
ثانيآ/ الوحده حتى الجلسه ما تعررف تجلس وكل مرره تدخل الحمام وانتوو بكررامه تموووت الف موووته ..
ثالثآ/ احس مصايب الولاده الطبيعيه اكثررر والوحده ما تصيرر زينه بسررعه هذا غيرر الم الكشف الي يذبح وكل شووي جايين يكشفوو تطلع روح الوحده وهذا غيرر البهدله الي تتبهدلها في هالمكان الحساس يعفسووه عفاس
والحين انا حامل للمرره الثانيه واتمنى هالمرره اولد بعد قيصرريه ولا اتعذب بالم الكشف والخياطه الي سمعت عنه كيف انه يقتل من الألم .. بس المشكله للحين اقنع زووجي اولد قيصرريه مو راضي وانا مابي يتكرر الي صار لي بولادتي الاولى واشوف العذابين وخاصة ان وقت ولادتي بتكوون بعد سنه وخمس شهوور من ولادتي الاولى يعني احتمال ينفتح الجررح فــ من اولها ابي عمليه وبلا عذاااب
انا بولادتي الاولى صاارت لي ظرووف بعد معاناه 16 ساعه لان الرحم مو راضي يفتح اكثرر من3 سم تخيلووو 16 ساعه واقف على 3 سم وشفت كيف العذاب في الكشف والله انه تطلع رووحي واخر شي قررو ليي العمليه وكنت وقتها طبعأ خايفه ما كنت اتمنى العمليه .. بس بعد ما ولدت صحيح كنت اصيح من الالم وانا في المستشفى لكن عطووني مسكنات وكلها اسبووع واحد وصررت عادي اقووم واتحرك عادي ..
وفي النهايه كل وحده ووجهه نظررها

بسبووسه
03-05-2011, 03:10 AM
لحظة لحظة
اني ولدت قيصري و الم الدورة جدا عادي
و اني من ثالث يوم بعد العملية اقول و اقعد و احوس كله عادي ما فيي شي
صحيح تعذبت لما طلعت من المستشفى افتقدت ابر المسكن لكن تالي مشى الحال

من قال ان الطبيعي راحه و اصلا الجرح في ديك المنطقة بسرعة يلتهب لأنها رطوبة و دم و !!!!!!!!!!
حتى اذا جيتي تنامي مع زوجك بعدين بتتعذبي و تتألمي

روحو مناك بس قال طبيعي احسن
هههههههه ضحكني ردش الله يغربل بليسش
اي بعد نسيت اقوول ان الم الدووره كان عادي جدا

هههههههه اي والله رووحوو مناك بس:p

دمعة فجر
03-05-2011, 04:08 AM
بس بعد الولاده الألم للحين وياي والا يقولو المنطقه تتوسع احس خراط اني احس المنطقه زي ماكانت اول واضيق بعد ولو كنت في وعيي والدكتوره تخيطني كنت بقول ليها لاتضيقي واجد :p


ههههههههههه والله نفس كلامي اقوووووووله

انا كل مااتذكر اقول كيفة ولدت طبيعي ماتوقعت كذا بصراحة ومع ان نفسي ابغى قيصري بس خفت يعطوني بنج زيادة واروح فيها غيبوبة ولا شيء ومااشوف النووونووو
وتحمست للطبيعي بس يوم جربته اتمنى مااذوق لا هذا ولا ذاك
عافت نفسي ههههههههههه

shori
03-05-2011, 07:03 AM
ما يهمني طبيعي ولا قيصرية ..أهم شي نقوم بالسلامة اني و البيبي
و صراحة حتى الطبيعي في البلد مو طبيعي..كله قص و خياط..لو برا ما عليه لأن قليل يقصوا و يخيطوا يعني هذا صحيح تقولوا عنه طبيعي

صمت البحار
03-05-2011, 07:35 AM
انا افضل الولاده الطبيعيه بس اذا الوحده انجبرت تسوي عمليه قيصريه ويش تسوي؟؟
خلاص مكتوب لسلامتها وسلامت البيبي .. وطبعا القيصريه مايسووها علطول
الا اذا كان في شي يسبب خطر على الاثنين...الله يسهل على الجميع يارب

حلم وتحقق
03-05-2011, 05:44 PM
حبيت اشارك معاكم في هذا الموضوع

الحمدلله على كل حال
اول ماحملت كان كله يجيني شعور اني بولد عمليه وكنت احاتي بس قلت ماعاد افكر وما ادري ويش يصير لبعدييين وعلى اخر شهور الحمل سمعت محاضره في الانوار كانت تلقيها دكتوره وكانت تقول اللي طولها اقل من 150 تولد عمليه لان يكون الحووض ضيق عندها ووخفت اولد عمليه
وكل ما اقول لزوجي هالكلام يقعد يعصب ويقول ماعليش من اللي تسمعيييه
مع ان الراس نزل الحوض بس كنت خايفه بس بعدين ماصرت افكر ووكلت امري لله اهم شي اولد بالسلامه

والحمد لله بالرغم من اني طووولت في الولاده تقريبا ظلييت يومين في المستشفى والالام الطلق تجي اقل من 5 دقايق وعلى اخر شي خلاص تعبت من الالم اقول في نفسي لو يقولون لي عمليه بقول اييي بس عشان ابغى ارتاح من الالم بس زي ماقلتوا القطيف المركزي يصبروا على الوحده
والحمد لله ولدت طبيعيي
اسمحوا لي على الهدره الطوييله

عروس2009
04-05-2011, 01:16 AM
نورتوووووووووووووووو حبايب قلبي
وناقد محترف ضحكني كلامك ههه

moca_caramel
04-05-2011, 05:22 AM
أنا طلبت قيصرية الصراحة
لأن حملي جاء بعد 6 سنوات
وبعد 3 اجهاضات
و تعبت في حملي كثير من مثبتات و ابر و قلق هذا غير محاولات الحمل الي كانت قبل ما احمل بولدي
كانت متعبة نفسيا وجسديا و ماديا و كل شي
كذا دكتورة ايدتني في اختياري للعملية
والحمد لله تعب اول اسبوعين بعدين تتحسن الاوضاع

أم علاوي و حمودي
04-05-2011, 07:13 AM
و الله اني جبت اثنين طبيعي الحمدلله
و الولادة الطبيعيه موووووووووووووووووت و عذاااااااااااااااااااااااااااااااااااب
مافيها شي حليو
و الحين حاسة بالرعب مرررررررررره من الولاده
و بعد هالمره ما افكر اجيب اصلا
و صراحه عن نفسي اعذر اللي يبغوا القيصري من نفسهم لأن الولاده يبغى اليها مهجه و صبر و ايمان قوي
منشان الوحده لا تفقد نفسها
بس عن نفسي ما تجرأ اطلبها لأن اخاف تصير لي مضاعفات و الا شي و اصير جبت البلا الى نفسي
و كل شي على الله
الحمدلله

حبيبي التوت
04-05-2011, 09:36 AM
الله لايذوق احد الي شفته
طلق من المغرب الى يوم ال2 الظهر
ويفتح الرحم 10 وتعب وعذاب واهانة وكشفيات :)
بعدين ولدت عملية الحمدلله ع كل حال
بس للحين ظهري يوجعني من يوم الولادة :o
وكل يومين رحت علاج طبيعي
الله يسهل ع الجميع بولادة طبيعة بدون الم قاتل
اني وحدة متعقدة وبقوة من الحمل والولادة حتى التربية صعبة بطلع
انتظروا بطلع بنفسي ..... شاكة بتنطرد من الموضوع تهدر واجد:p

lil bride
04-05-2011, 05:00 PM
حبيبي التوت
الله يعينش ويشافيش..
بس ترى حتى الطبيعي يجي فيها وجع ظهر والاهتمام بالبيبي بدون شي يكسر الظهر والكتف وكل شي فهذا يكمل على دا.. الوحدة تطلع من الولادة كنها مصدومة بتريلة
واني ولادتي ما بديت اخف الا بعد اسبوعين.. وهالولادة دخلتني على جراحين و3 طبيبات نساء واخصائي مسالك.. الحمدلله على كل حال
واللي يبغى يسوي لي عملية واللي يبغى يعيد جراحتي واللي يبغى يسوي لي منظار.. غير 4 مضادات في 3 اشهر ولازلت اعاني .. بس ربي اختار ونعم بالله
نصيحتي خليش المرة الجاية على العملية شفتي كبف عذاب الطلق ولعوزة الكشف مرة .. ما يحتاج مرة ثانية
<< اني اللي بنطرد الحين

بشاره
04-05-2011, 10:43 PM
والله يبنات كل وحدة حامل تقول هالشي
واني قلت هالشي
لكن الله مااراد
صادتني صعوبات واجد وقت الولادة والجنين في خطر
يعني كفرت يوم ولدت عملية ماكفرت
يعني الاتقول مستحيل لاتقول لاني قلت واخر شي ولدت عملية..
يعني كل واحد ورزقه في هالدنيا.

حبيبي التوت
05-05-2011, 09:48 AM
حبيبي التوت
الله يعينش ويشافيش..
بس ترى حتى الطبيعي يجي فيها وجع ظهر والاهتمام بالبيبي بدون شي يكسر الظهر والكتف وكل شي فهذا يكمل على دا.. الوحدة تطلع من الولادة كنها مصدومة بتريلة
واني ولادتي ما بديت اخف الا بعد اسبوعين.. وهالولادة دخلتني على جراحين و3 طبيبات نساء واخصائي مسالك.. الحمدلله على كل حال
واللي يبغى يسوي لي عملية واللي يبغى يعيد جراحتي واللي يبغى يسوي لي منظار.. غير 4 مضادات في 3 اشهر ولازلت اعاني .. بس ربي اختار ونعم بالله
نصيحتي خليش المرة الجاية على العملية شفتي كبف عذاب الطلق ولعوزة الكشف مرة .. ما يحتاج مرة ثانية
<< اني اللي بنطرد الحين

اني ماجربت العملية بروحها
جربتها بعد طلق وتعب وكشفيات ومحاولات في الولادة الطبيعة فتعبت موت :(
ونفستي دمار
صار لي سنتين ههه كل ماتذكر ابي اصيح :o
اني اطلب لو الله كاتب اولد المره ال2 عملية ان ع طول
يسوها الي بدون الطلق والكشفيات
اجر وعافية الحمد لله ع سلامتك والله يكتب الينا المرات الجاية ولادة سهلة:)

lil bride
06-05-2011, 12:22 AM
ايه ادري وش مريتي فيه.. مؤلم
بس اني من اللي شفته (بعد) الولادة.. تمنيتها قيصرية (مع) لعوزة الكشفيات و(مع) زلازل الطلق.. لأن كله ينسى.. ولا اني امر بـ بلاوي الجرح وغيره اللي مريت فيهم .. اللي بعد الولادة كان هو العذاااااب لي.. الشهور اللي فاتت كانت جحيم .. استغفر الله.. الى اول امس واني اصيح.. كل ما قول خلاص خفيت.. ماقدر.. والله الود ودي اطلب الجاية قيصري بس خلاص كان من اول .. اللي صار صار وخلصنا

الذوق الرفيع
06-05-2011, 01:12 AM
الله يعينش ليل
عارفة شعورش تعذبت اني بعد من الجرح بس الحمدلله على كل حال لان عندي الجرح تحت ولا اشوفه ولا يكون لاسمح الله ببطني واشوفه لان مررة اخاف ....
في النهاية كل واحد ياخذ رزقه والله يعين الجميع في الحالتين تعب ..

ملاكي الصغير
06-05-2011, 02:30 AM
من ناحيتي جبت ولدي في الثامن وقيصريه بسبب ارتفاع الضغط والحين عمره سنتين وشوي ونفسي احمل بس لخاف اولد عمليه لاني للحين اموت كل شهر ميت موته منها ومتعقده حدي اتوقع لو احمل مرثانيه امووت اخاف اولد قيصريه خاطري وكل احلامي وامالي اني اسمع صرخات ولدي اول ما يطلع حتى لصياح اصير وصارت لي حاله نفسيه بهالسبه دعواتكم الله يسهل علي بالثاني :(

lil bride
06-05-2011, 02:42 AM
الذوق
يارب تولدي هالمرة سعالات وتنسي كل شي وامانة ادعي لي في ولادتش تتسهل علي المرات الجاية
وهو الألم اللي يتعب ألم النفسية اكثر.. الله يعين

ملاكي
يارب تتسهل عليش الولادة الجاية بحق محمد وآله.. واطلبي تخدير نصفي اذا ممكن
عشان تعيشي اللحظة.. ولاتحسري حالش.. الخيرة فيما اختاره الله
هذاني طبيعي وطلعت بنتي ماتصيح ولا تتنفس اخذوها بسرعة قبل ماشوفها.. ماشفتها الا اخر الليل واني ولدانة العصر
هو طبيعي لو قيصري كلهم مشاكل والسهالة من الله ربي ييسر علينا وعليش

عالمي (حسين)
06-05-2011, 03:21 AM
الحمد الله طبيعي ... بالمه بوجعه شي جميييييييييييييييييل الحمد الله ربي العالمين


والله يخلي ابره الظهر والخياطه التجميليه ... ماخلو شي الاطباء

الي تخاف من الالم والي تخاف تتوسع

حبيبي التوت
06-05-2011, 09:09 AM
ايه ادري وش مريتي فيه.. مؤلم
بس اني من اللي شفته (بعد) الولادة.. تمنيتها قيصرية (مع) لعوزة الكشفيات و(مع) زلازل الطلق.. لأن كله ينسى.. ولا اني امر بـ بلاوي الجرح وغيره اللي مريت فيهم .. اللي بعد الولادة كان هو العذاااااب لي.. الشهور اللي فاتت كانت جحيم .. استغفر الله.. الى اول امس واني اصيح.. كل ما قول خلاص خفيت.. ماقدر.. والله الود ودي اطلب الجاية قيصري بس خلاص كان من اول .. اللي صار صار وخلصنا

ماتشوفي شر يالغلا
الحين بتعقد من سالفة الولادة هههه
والله اني الي تعب نفسيتي زي ماقلتي مو العملية
الطلق والكشفيات ولان ولادتي صعبة ظليت ساعتين وهو فاتح 10 وهم ماخلوا حاجة ماجربوها اهيئ اهيئ
ع امل اولد طبيعي ماتسوى عليي
لو ولدوني عملية ع طول بس هذا ماكتب الله لا اعتراض الحمد لله
جد كنت خايفة من الشق والخياط احس رعب حقيقي
امممم الله يعطيك العافية *
مي تؤؤ افكر بالعملية لان ماابي اشوف الي شفته من العذاب

حنان12
06-05-2011, 11:33 AM
مرحبااااا اخباااركم؟؟
واللهـ موضوعكم خطييييير جدا انا عروسة جديده لسى ما خلفت كنت حاطة في بالي اني ابغى اول قيصرية ما ابغى شئ من تحت احسه يألم عملية اريح بس بعد ما شفت الطبيعي والقيصرية قلت يااارب اني اول طبيعي لانو بحكم عملي شفت الولادتين واشوف اللي والدة طبيعي تقوم بسرعه من اليوم 2 اما اللي والده عملية في غرفه العمليات لما تتخدر يشيلو ملابسها ويفتحو بس البطن والرجااال واقفين ونسواان غير الطبيعي بس نسووووان وشوفي عاد لما يطلعو الجاهل يغافصو ويحطو ايدهم داخل البطن ويطلعو الجاهل مممررررررة يخوف اقول لما اكل المريضة قبل العملية تقول لي ابغى قيصرية وابغى هذي الدكتورة بعد ما اشوفهم يطلعو الجاهل ويخيطو بطنها اقول مسكينة الله يعينهاااااا والله هذا كوم وبعد ما تصحى من البنج كووووم 2 من الالم والوجع الذي يستمر لمدة سنة او سنوات غير الم الدورة اللي يجي اضعاااف غير الولادة الاوليه شق البطن 2 او 3 بالحرق >>>>>انا اللي بنطرد الحين لاتخاااافوووو من كلامي
يااارب يسهل على كل حامل وتولد طبيعي يااارب:))

عروس2009
07-05-2011, 08:15 PM
مرحبااااا اخباااركم؟؟
واللهـ موضوعكم خطييييير جدا انا عروسة جديده لسى ما خلفت كنت حاطة في بالي اني ابغى اول قيصرية ما ابغى شئ من تحت احسه يألم عملية اريح بس بعد ما شفت الطبيعي والقيصرية قلت يااارب اني اول طبيعي لانو بحكم عملي شفت الولادتين واشوف اللي والدة طبيعي تقوم بسرعه من اليوم 2 اما اللي والده عملية في غرفه العمليات لما تتخدر يشيلو ملابسها ويفتحو بس البطن والرجااال واقفين ونسواان غير الطبيعي بس نسووووان وشوفي عاد لما يطلعو الجاهل يغافصو ويحطو ايدهم داخل البطن ويطلعو الجاهل مممررررررة يخوف اقول لما اكل المريضة قبل العملية تقول لي ابغى قيصرية وابغى هذي الدكتورة بعد ما اشوفهم يطلعو الجاهل ويخيطو بطنها اقول مسكينة الله يعينهاااااا والله هذا كوم وبعد ما تصحى من البنج كووووم 2 من الالم والوجع الذي يستمر لمدة سنة او سنوات غير الم الدورة اللي يجي اضعاااف غير الولادة الاوليه شق البطن 2 او 3 بالحرق >>>>>انا اللي بنطرد الحين لاتخاااافوووو من كلامي
يااارب يسهل على كل حامل وتولد طبيعي يااارب:))


هلا فيك عزيزتي نورتي الصفحة
بس عندي ملاحظة بسيطة على كلامك اولها لما يشيلو ملابس المريضة والرجال واقفين ليش هم واقفين يتفرجو يعني ؟؟
هذي مهنتهم والي بيطالع لغير غرض المعالجة في ذمتة
وبعدين وش ضمنك لما تولدين طبيعي انك ما بتحتاجين دكتور يجي يكشف عليك ؟؟؟
انتي ممرضة واني ممرضة واكيد انك صادفتي هالموقف وحدة بتولد طبيعي واحتاجت الدكتورة تنادي دكتور عادي مافيها شي
وبعدين الم الدورة لا يجي أضعاف ولاهم يحزنون اذا انتي تتألمي من لما كنتي بنت
فهذا ما بغيرة لا زواج ولا ولادة طبيعي ولا ولادة قيصرية
واني اقول الولادة القيصرية عادي لو كنتي حاطة ببالك تجيبين واحد او اثنين او ثلاثة
بس اذا انتي او زوجك ناويين على اكثر من 3 فطبيعي افضل
والحمدلله على كل حال
امس اكلم بنت خالتي والادة طبيعي حتى الجلسة ما تعرف تجلس

barbie
07-05-2011, 11:15 PM
عن نفسي افضل الطبيعي
والله لايوريني القيصريه
عذاااب شهوور :)

عروس2009
08-05-2011, 12:35 AM
عن نفسي افضل الطبيعي
والله لايوريني القيصريه
عذاااب شهوور :)

الله لا يوريك وياها وكل شي قسمة ونصيب
محد فينا اختارها بس كتبت رب العالمين:)

arrisha
09-05-2011, 10:27 AM
الطبيعي افضل علي القول تعب شهر و لا تعب سنين

انا ولدت عمليه بحملتيني مرة تخدير نصفي و الثانية كامل

بس يا رب ترحمني و المرة الجاية طبيعي حتي لو توم صراحة في كلا الحاتين خفت و كرهت عمري و انا اخاف من البنج اصلا

بعدين الطبيعي الوحدة تقدر تعتني بروحها بمجرد ما تخلص الولادة بس اللي بالعملية هيهات

ام عقيل
09-05-2011, 03:38 PM
سلام عروسات ...
طبعا انا عن نفسي ابختار الولاده الطبيعيه لانها على الاقل
الم ساعات وبتنتهي وفترة الشفاء من الولاده الطبيعيه اسبوع
اقل شي اما القيصريه صحيح مافي الم ولاهوايل بس بعدين
تطلع البلاوي اذا تشحطت ليها العمليه وصعوبة الحركه وفوق
هذا يمكن ماتولد بعدين اله بعمليه ماتقدر تولد طبيعي والشفاء مننها عاد يطلب شهر
وكانت ويايي وحده يوم ولدت بولدي ولدانه قيصري تعور القلب
يبغوها تمشي مي قادره منها وطول اليوم تون .....
الله يبعد عنا وعنكم السوءبحق محمد وآل محمد

عروس2009
09-05-2011, 05:36 PM
نورتوووووووووووووووووووووووووووووووووووووو
والله يسهل عالجميـــــــــــــــــــــع

وربي أبيك
09-05-2011, 08:54 PM
هـع
انا للأسف طلق صناعي وكنت ماسكه عمري من اول ماحطو لي اول تحميله
بس عشان مايجون يكشفون
ومن وجهة نظري الطبيعي احلى بكثيييييييييييير من العمليه
وكل واحد ماياخذ الا اللي الله كاتبه له

سكيـنة
09-05-2011, 08:56 PM
أنا مجربة الإثنين ..الطبيعي رغم الأوجاع تحسي انج ولدتي صح وترجعي مثل ماكنتي بسرعة ..
في العملية كنت عاملة بنج كامل وبعد الولادة بفترة صابني نوع من الإكتئاب وأفكر بلحظة الولادة
القيصرية عيبها تخرب البطن حتى لو ماكان في كرش يصير فييها شي مثل المطبة مكان العملية :rolleyes:<<<خوش وصف ..وآلامها استمرت معي 20 يوماً خفت تدريجياً ..
وياأمهات ترى المكان يتوسع سواء عملية طبيعة أو قيصيرية لكن سرعان ماايرجع بعد التئام جرح القيصري أو الطبيعي ..وماننسى إن أكثر الولادة الطبيعية يتبعها تضييق أو عمليات تجميل لمن أرادت ..

وبالتوفيق

ام مريم
10-05-2011, 06:28 AM
اللي كاتبه الله يصير اختي مسكينه كان فاتح 5سانتي بس تعبت بنتها وصار النبض ضعيف ..صار بسبها انقاد ارواح بس ناس يعاندو وتصير مشاكل وكله سهاله من رب العالمين ..الله يسهل علي وعلى كل حامل يارب بحق محمد وال محمد..

حديث الكساء
11-05-2011, 08:12 AM
اللهم صل على محمد و آل محمد

أنا كنت أتمنى الطبيعي و كنت خايفة من القيصرية و لا أحب حتى طاريها بس قدر الله و ماشاء فعل

أنا جربت الطبيعي و الطلق الصناعي و القيصرية مرة وحده

جت الي الآلم من الظهر الى العصر و بعدين حطوا الي طلق صناعي و ظليت الى الفجر و انفتح الرحم عندي 10 سم و بعد هذا كله و بعد ما انفتح ظليت 4 ساعات و البيبي مو راضي يطلع و شفت الموت إلى أن قرروا عمليه خافوا على البيبي من قوه الدفع و هو مو راضي يطلع
بس اول ماقالوا الي قومي تحركي تفاجأت بأني حتى ما أقدر أقوم لأن عمري ماقريت عن القيصريه و الأشياء الي تجي بعدها و غير أني مااقدر ارفع نفسي حتى ما أنام الا على ظهري بس الحمد لله على كل حال


بس للحين أتمنى أشوف لحظة و لادتي و البيبي أول ما طلع اتحسر على هاللحظات



الله يسهل على الحوامل بولادة سهله يارب

أم فاطم
12-05-2011, 11:00 PM
الله ايسهل على الكل انا عن نفسي سووها لي مرتين واشوف الطلق يستمر معاي بالأولى 22 ساعة والثانيه اسبوع ولا يفتح الرحم بس الثالث ماراح أغامر واستنى الطلق اني الي بطلب قيصريه ومع كل هذا ينتقدوني ليه بتسوي كذه يعني يبغوني اخد العدابين

عمري السمره
13-05-2011, 10:45 PM
اني بعد أول ولاده ليي وكانت طبيعي وشفت فيها الهوايل
مره ثانيه وقفت عند الباب قبل لا ادخل جناح الولاده وقلت ليهم ابغى عمليه وهم مستغربين يقولوا ليش
لأن بصراحة ماني حابة اعيش الموت مره ثانية
بس ما رضوا بس الحمد لله طلعت سهاله

Aleena
14-05-2011, 12:10 PM
انا كمان ولدت مرتين عملية
بصراحة تعب مو طبيعي،،تمنيت اولد طبيعي..بس قدّر الله وماشاء فعل
العملية عيبها مثل ماقالت وحدة من الاخوات،،البطن يخترب شويات وتصير فيه كرشه ماتروح لا بتمارين ولا شي:(
والمها مو طبيعي،،يعني انا اظل اعاني لمدة 9 شهور من التعب بس يكون اخف من تعب اول الايام..
كل شي بأجره يارب..والله يسهل على الجميع وتكونوا بخير وعافية

عروس2009
15-05-2011, 08:15 PM
الله يعيـــــــــــــــــــــــن

أم الكتاكيت الحلوين
15-05-2011, 09:58 PM
مرحبا امهات :)
عاد هذي قلة عقل فيها اللي تطلب قيصري بدون اي سبب:o
يعني من اسمها طبيعي وربش مخلينها من هذا الطريق ليش تختاري غيره :confused:
انا عن نفسي الحمد لله ولدت طبيعي ثلاث مرات:rolleyes: ويوم اختي ولدت قيصريه عورت بقلبي اول مره اشوف وحده والده قيصري قدام عيوني كيف تتالم ومو عارفه تقعد ولاترضع البيبي الله يكون بعونهم اللي الله يكتب ليهم بها :(
تحياتي:p

عروسة حسون
16-05-2011, 04:03 AM
أصلاً أي وحده عاقله بتترك الطبيعي إلي رب العالمين مختارنه إلينا وتطلب قيصري !!! ..

لو هي أحسن كان ربش علم الإنسان أول ما خلقه على وجه الأرض كيف يطلع الجنــين من بطن أمه مثل ما علمه كيف يدفن موتاه ( الله يسلم الجميع ويحفظهم إن شاء الله ) ..

وربش ما أختار هالمكان إلاّ لحكمه أكيد ..
ما عليه تحملي هو حلاتها بألمها وتعبها وبعدين بس تشوفي كيف البيبي طلع من داخل بطنش وتسمعي صوته ( الله لا يحرم أحد من هالحظه ) بتنسي الألم ..

أصلا أنتين من يطلع البيبي بتروح كل الآلام لأن الولاده ما تألم إلي يألم الطلق أما خروج الجنــين هو إلي يخلــيش ترتاحي أصلا ..

وإذا على الخياطه أكييييييد تعب وتقتل لأنها في منطقه حساسه ومعرضه للرطوبه دائما وألمها ما يروح بسهوله وحتى المشي ما بتقدري تمشي ( إذا أهملتيه ) إما إذا عالجتيه أول بأول ما بتحسي له ولا كأنه موجود أصلا بعد ..
وترى حتى البطن منطقه حساسه وتعتبر منطقه مغلقه <<< حلاتش وأنتين كاشفه بطنش عى طول خخخخخخخخ ..

وإلي يقول يتوسع هو طبيعي ول قيصري بيتوسع شى إلا جبتيه وين كان مو في رحمش وماخذ مساحه وهو كل ما كبر الجنين كل ما توسع أكثر <<<< من عندي ( أظن ) بتتكفخ ألحين تكفيخ ..

ويا بنات أنتون إلي تخوفوا روحكم بزياده ترى الشغله مو مستاهله ..
أنتين حطي في بالش إنها عادي وبتصير عادي ..
وإذا حسيتي بألم الطلق سوي تمارين التنفس تخفف واجد لألم وأني مجربه .. لا صريخ ولا هم يحزنون لأن الصريخ هو إلي يتعب أصلا وتروح طاقش كلها و وقت الدفع يصير ما عندش طاقه تدفعي فيتعب الجنين .. ولا تعصي على روحش إذا جاش الطلق لأن هذا إلي يتعبش ويتعب الجنين بعد وتتعسر ولادش ..

وفي النهايه أبغا أقول إلي كاتبنه ربش بيصير بتولدي طبيعي بتولدي قيصري هذا كله عل كتبه ربش ..

طبعا ألحين أني يتكفخ وبتطردوني شر طرده بس ماعليه إلي عندي قلته والسلام ..
سوري طولت عليكم أسمحو ليي ..

لحظة حلم
16-05-2011, 01:54 PM
اني اكيييييييييد اتمنى اولد طبيعي مع اني اخااااف من الالم وماابغى اتألم

بس ان شاء الله الله كريم ويسهل علينا هالالم ياااااارب ويسهل الولادة

وذا مره مره نقدر ناخذ ابره الظهر ونولد طبيعي

الله يسهل علينا بس ويوفق لينا يالله

تحياااااااتي

عروس2009
17-05-2011, 10:00 AM
ربي يسهل عليكم يارب

ستديو الفرح
18-05-2011, 01:31 PM
في فرق كبير زي بين السماء والارض
انا جربت الطبيعي والقيصرية
القيصريه هلاااااااااااااااااااااااااااااااااااااااااااااااا ااك
الطبيعي الحمد لله من يوم ثاني لو ثالث تقدري تقومي وتقعدي وتمارسي حياتك الطبيعيه
الواحد منا لو يصيبه شق بسيط في ايده يموت من الالم مو بعد شق اسفل البطن ومن عدة طبقات والبنج اللي يدوخ
الله يسهل على الحوامل كلهم يارب

عروسة حبيبها
30-05-2011, 11:04 PM
لو يشوفو كيف ينشق البطن علشان الولاده القيصريه ماكان قالو يبغو قيصريه

خلف الله على هالعقل

الله عاطنهم نعمه وهم رافضينها
طبعا ماعلى الطبيعي والحمد الله رب العالمين

ومن قال اليكم ان القيصريه مافي الم تحس بألام ارياح كلهااااااااااا بعدين الله يساعدها ويعينها بعد الولاده من الام الجرح ومعاناته
الله يصبرهم بس

عروس2009
30-05-2011, 11:08 PM
يسلمووووووووووووووو عالمرور

سيزر
30-05-2011, 11:15 PM
والله في بنات واجداسمعه م يقولوهالكلام يفكروسهله القيصيرية وتالي معاناءة
بس من وجهة نظري الشخصية افضل الولادة الطبيعية ان ربكم رزقني بالحمل عشان صحيح احس اني صرت اممممم بكل معنى الكلمة....

هيام الحب
30-05-2011, 11:16 PM
اللهم صلي على محمد وال محمد
اني اول ولادة قيصري لان الرحم مافتح ووصلت الشهر العاشر وبتحميلات وتالي قررو قيصري
الثاني فتح عشرررررة سانتي وودوني غرفة الولاة بس برد الطلق والبيبي مو راضي ينزل وقررو قيصرية والله لووو ودي كت اولد طبيعي واتحمل الالم ولا هالعمليات بس الحمدلله على كل حاااال
ونقذووو ارواح بأذن الله

عروس2009
01-06-2011, 09:58 AM
كله أجر وثوواب ان شاءلله
والله يسهل على كل الحوامل ويولدون طبيعي

ترنيمة مطر
01-06-2011, 01:21 PM
انا ادعيييي ربي واتوسل ب ال النبي اوولد طبيعي حتى لو هي عسرره
وش احلى من هالاحساس بالدنيا ربي لايحرم احد


مو عشان شيء ولا عشان الم القيصريه
بس هذي الفطره الطبيعيه واحساسها غير ابغا اعيشه لحظه ب لحظه
ياااارب

وربي يعين اللي ولودوا قيصري ويجعل لهم الاجر ياكريم

فراشةجاسم
01-06-2011, 02:17 PM
اني اول مره ولدت طبيعي ومعاناة الطلق 4 ايام
وثاني مره قيصريه الجنين معترض وقتلت روحي من الصياح قبل العمليه لان بصراحه الكل خوفني منها والكلام اللي قريته عنها حسيتها موت
بس الحمدلله اصلا المها مو واجد بس ال3 الايام الاولى عيبها ان الوحده ماتقدر تمشي وتتحرك الا بصعوبه والجرح الوحده تخاف عليه كم شهر حتى لو التئم من الخارج 20 يوم الا الجرح الداخلي يقولوا 6 شهور
وماشاء الله علي تعبت في الطبيعي اكثرمن القيصري وقت الولاده:eek:
لكن لو حملت مره ثالثه ان شالله بدعي ربي اولد طبيعي

لان القيصريه ليها مضاعفات ومو كل مره تسلم الجره يكفي التخدير ورهبة دخول غرفة العمليات
و احلى شي ان الام تشوف ولدها بعد الولاده مو زي القيصري ماشفته الا يوم ثاني وبعد مالكل شافه قهررر