المساعد الشخصي الرقمي

مشاهدة النسخة كاملة : متى أول دوره جاتك بعد الإجهاض !



ملكوت الرحمه
07-05-2011, 09:25 AM
السلام عليكم
.
.
:)


على نهاية الاسبوع هذا ان شاء الله أكمل شهر كامل من بعد الاجهاض .. ربي يعوض الجميع
لما سألت الدكتوره متى تنزل الدوره .. احس جوابها حيرني
قالت احتمال بعد 3 اسابيع أو 4 أو 5 أو 6 :confused:
ولو مانزلت تحتاج تنظيم :(


وللحين مااحس بأعراض انها ناويه تنزل على نهاية الاسبوع .. لان العاده يبدي المها قبل 10 - 11يوم :mad:


سؤالي ..
كل وحده أجهضت متى كان موعد دورتها !
وكيف كانت .. غزيره والا طبيعيه !
وكيف كانت الآلام !


نستفيد من تجاركم :)

aya2006
07-05-2011, 09:49 AM
اممم قبل سنتين الأجهاض كان بالأسبوع الخامس من الحمل وتم الأجهاض تاريخ 19_1 ماادري سنة جم بالعربي بس اللي اذكرة ان تاريخه الانجليزي 5_1_2010

ونزلت الدورة بعد 30يوم بالتمام والكمال وبعد 3أشهر حملت من جديد

طبعآ لمن ولدت كمان اعتبر اني ماارضع عشان كدا جاتني الدورة بعد33يوم بالتمام والكمال

وكانت الولادة1_1_2011 والدورة نزلت تاريخ 2_1_2011
والبقية انتي تعرفينها

رياح الغربه
07-05-2011, 09:55 AM
ياعلي لا تدكريني بها الكريهه
اني صار لي شهر بالضبط من نزل الجنين وبعدها ماجتني واحاتي خايفه متى بتجيني امي تقول بعد 40 يوم
يعني على حساب امي بعد عشره ايام :(

ترنيمة الصباح
07-05-2011, 02:30 PM
قولي آمييييييييييين
يارب ما تنزل وتحملي مباشرة واحنا معاك

المغتربة
07-05-2011, 05:18 PM
هلا ملكوته غناتي
الدورة توها جتني من كم ساعة ااااااف اكرهها
اني تقريبا قبلش بكم يوم نزل الجنين يعني تقريبا شهر والحين جات

المها عادي زي كل مرة لأني اموووت من ألمها فما احس الحين في شي زيادة او لأنها توها نازلة

الله المعين ان شا الله تكون اخر دووورة لش
وحشتيني مررررة زمان ماشفتش ^^ مختفية
اللله يووووفق لش حبابة

الحبوبة رشيدة
07-05-2011, 05:38 PM
الله يكون بعونكم ويعوضكم يارب

ملكوت الرحمه
07-05-2011, 05:43 PM
تسلموا حبايبي ..

aya .. تسلمي يعني جتش اليوم الثلاثين تقريباً :rolleyes: تمام

ترنيمة الصباح .. هههههههـ تتوقعي
مافي شي بعيد عن رب العالمين والله يرزق الجميع من فضله

المغتربه .. جتش !!!!
ترى انتِ قبلي بيوم بس :(
ان شاء الله تنزل باليوم الثلاثين ومااجنني يارب

galamor
07-05-2011, 06:15 PM
ياغناتي يا ملكوت


انا بعد ما اجهضت ما نزلت لي الا بعد شهرين ونقاط و الم قوي ووقفت بعدين من ذيك النقاط الى شهر رمضان وانا انظمها لان اعتفست فوق تحت
والى الان ما زلت اعاني اتمنى ترجع منتظمه زي قبل لا اعرس واحمل ..
والالم الان اذا نزلت كانه الم اجهاض قوي مره مره يمسك لي بطني بظهري برجليني ماقدر اقوم ولا شي واعتمد على الكمادات الدافيه لمدة يومين :(
وصح غزيره اول 3 ايام

والله يعوضنا جميع

وترا غناتي في ناس من بعد الاربعين مباشره تنزل لهم وناس بتمام الشهر وناس زي حالتي تعتفس فوق تحت

ملاذ الطير
07-05-2011, 07:15 PM
هلا ملكوت
اني نزلت لي يوم 38 من بعد عملية التنظيف

طهر !
08-05-2011, 02:31 AM
أني آخر مرة لما أجهضت جتني الدورة بعد ما أجهضت بشهر بالضبط

وعآدي تتأخر مو ضروري تجي بعد شهر

وتكون آلآمها طبيعية زي كل مرة يعني

والله يعوضنا خير إن شآء الله !

ذبحني الشوق
08-05-2011, 03:17 AM
هلا خيوه ..
شخبارك غناتي ..؟
:)

اني الدوره جتني بعد شهر كامل من الإجهآض ..
وجتني بـ آلآم قوويه ..
بس الدم طبيعي زي كل دوره ..

الله يعوضك ويعوضنا خيوه ..
وإن شآء الله مآتنزل لك وتبشرينا ..
=)

alnurse
08-05-2011, 10:26 AM
هلا بنوتات

متى يوقف دم الاجهاض يعني كم يستمر اني نزل من ليله السبت

وكل ماجاه يزيد

اني مابي اسوي تنظيف يارب ينزل من حاله

ذبحني الشوق
08-05-2011, 06:32 PM
خيه النورس بيضل وياش بـ عدد أيام الدوره ..
يعني دورتش 7 بينزل 7 ويمكن يزيد لش يومين بس مو اكثر ..
بعدها بينزل منش مثل البني تعتبر استحاضه ..
هذا اللي حصل معاي ..
وربي يعوضنا جميع بـ حمل سليم ثابت ..
=)

ملكوت الرحمه
08-05-2011, 08:17 PM
alnurse

زي ماقالت لش ذبحني الشوق .. اني دورتي 7 استمر معاي 8 ايام ووقف
وبالنسبه للافرازات البنيه .. اني ماصابتني لان امي عطتني " تحاميل ملح "
تلقيهم عند الجامع في القطيف
أستخدمتهم آخر يومين يعني على اليوم السابع والثامن لما خف الدم مرره ..
تحطيهم الليل وتنامي ولما تقومي يوم ثاني ينزل منش ماي خفيف ومعاه لون أحمر وبني


الله يعوضنا حبيبتي بحق محمد وآلِ محمد

جنا الروح
26-05-2011, 10:20 PM
اني هالسبت الجايه اكمل 3 اسابيع من سويت عملية التنظيف

ولحد الان الدم معاي وغزير

عطوني حبوب لانهم يقولو بعد عملية التنظيف بقى قطع داخل الرحم ماقدرو يشيلوها عشان الرحم مايتاذى

زهقت من الدم متى خلاص ينقطع !!

My lens
27-05-2011, 02:40 AM
جنا الروح ..


حمدلله على سلامتش والله يعوضش يارب ..
بس غريبة عملية تنظيف وللحين نزيف وغزير !! :confused:

شوفي خية اني لما اجهضت قالت لي الدكتورة بتطولي في النزيف وعلى ما ينزل !!
لاني كنت ماخذة مثبتات واجد وبجرعات كبيرة ..
بس اخذت لي من الجامع اعشاب لتنظيف الرحم بعد الاجهاض وشربتها
ويومين بس ونزل الا في بطني كله .. والله يعوض الجميع يارب ..
وما مرت 8 ايام الا الحمدلله ما فيه دم ولا افرازات .. استخدمت اخر يومين سابع وثامن تحاميل الملح الفارسي وطلعت كل الافرازات والبقايا وغيره ..

جربي روحي الجامع وقولي له ابغى اعشاب للتنظيف وهو يعطيش لانه يسأل ويعطي على حسب الحاجة ..

بالتوفيق يارب ..

galamor
27-05-2011, 02:43 AM
غناتي جنا الله يعوضك يارب

ومثل ما قالت ماي لينس وملكوت جربي الملح الفارسي بيفيدك كثيررررر

جنا الروح
27-05-2011, 12:51 PM
تسلمو حبايبي :)

اني مستغربه للحين ليش ينزل

خايفه داني مرررره اسمع ناس واجد اذا سوو عملية التنظيف مايحملو بسرعه

واللي زاد خوفي اللي باقي ببطني اخاف يأثر علي
اني بروح هالسبوع اسوي سونار نتاكد وان شاء الله خير

يبغالي اروح للجامع بس هو فوين بالقطيف ؟؟؟؟

وتحاميل دي :( اخاف :(منها يوم بيعطوني وياها قبل العملية خخخخ رفست الدكتوره هههههه

وصار وجها احمر وطلعت >> سوت فلم بالمستشفى:d

كل شي ولا التحاميل

galamor
27-05-2011, 02:49 PM
هلا غناتي جنا لا تخافي ولا شي


الجامع يصير مقابل سوق الخضار بالقطيف

واذا تبي رقمه عندي وانا حاضره لخدمتك

و التحاميل اللي نقصدها ملح فارسي هههههههه مو زي اللي بالمستشفى لا ذي انتي تحطيها بالليل وتنامي وهي تنظف الرحم

ولها فوائد كثيرررررررررر

جنا الروح
27-05-2011, 03:42 PM
هلا غناتي جنا لا تخافي ولا شي


الجامع يصير مقابل سوق الخضار بالقطيف

واذا تبي رقمه عندي وانا حاضره لخدمتك

و التحاميل اللي نقصدها ملح فارسي هههههههه مو زي اللي بالمستشفى لا ذي انتي تحطيها بالليل وتنامي وهي تنظف الرحم

ولها فوائد كثيرررررررررر



ياغناتي شلوى كلك ذوق ......:)

تسلمي حبيبتي اعطيني الرقم ..اذا مافي كلافه عليك

نشوف نجرب الملح ان شاء الله بس ادعو زوجي يرضى هههههه يقولي غير الادويه نو

:(

بحاول فيه ان شاء الله بس يقبل اجربه ويفيد:(:(

جنا الروح
28-05-2011, 03:44 AM
:(

صح بنات المستشفى ماقالي سبب ان الجنين مافيه نبض !!

يعني وشو الاسباب اللي خلت مايصير النبض

ولا سوو لي شي بعد العملية الا سونار

ان اتابع بالمواساه مع الدكتورة حنان الخولي بالدمام

يعني لاسوو تحاليل ولا شي

وشو تنصحوني اسوي من تحاليل وكدا

اشوف بالمواضيع تقولو تحاليل هرمونات وجراثيم وكدا :confused::confused:

صح ابشركم الدم اليوم صار خففففففيف الحمد لله

جنا الروح
06-06-2011, 03:38 PM
جتني الدوره هالثلاثاء اللي توها رايحه بالام قوووووويه وغزيره غزيره كني توني طالعه من عملية التنظيف

المشكله رحت الثلاثاء المستشفى سويت سونار قالو لي باقي قطع ومانزلتها الحبوب
وبيسو لي العمليه مره 2 :eek:
سوينا خيره طلعة مو زينه
واليوم 7 من الدوره
ويش اسوي برايكم احس متحيرة وكثرة التنظيف مو زينه
احس خااااايفه مره مره مره

جوريk
07-06-2011, 04:19 PM
اني من سقطت الحين صار 15 يوم بس ينزل مني دم بني فاتح
لحين ماتوقف
واني سمعت اني اللي يسوه ليهم عملية تنظيف يكون التبيض قويه
واني سويت عملية تنظيف
والحمدلله
الله يعطينا ياربي وكل المحرومات

الدلع بأسمي أنكتب
25-01-2013, 07:20 PM
اني بالعادة تجيني قبل الاربعين

وهالمرة أنتظرها تنزل وصار ليي أسبوع وأشويي أحس بعوراضها بالقوووة بس مانزلت

باقي علي يومين واطلع من الاربعين وقلت بحلل بعدها


الله يعوضش ويعوضني يارب ياكريم

عصفورة العصافير
26-01-2013, 01:56 AM
الله يعوضنا جميع يارب العالمين

أني يوم أسقطت 7صفر وللحين مانزلت
وكان الدم أغلبه قطع ومدتها 6ايام زي الدوره
والحين طبعا أحس بألمها الدوره بس ما اشوف شي نزل علي

أحس ما أبغاها تنزل واحيانا اقول لا ابغى ارتاح شوي عشان ظهري كنت اعاني منه بعد السقط



ويااااااااااارب ياكريم الله يعوضنا بالأحسن

كرزآ حمرا
27-01-2013, 02:48 AM
:(



صح بنات المستشفى ماقالي سبب ان الجنين مافيه نبض !!


يعني وشو الاسباب اللي خلت مايصير النبض


ولا سوو لي شي بعد العملية الا سونار


ان اتابع بالمواساه مع الدكتورة حنان الخولي بالدمام


يعني لاسوو تحاليل ولا شي


وشو تنصحوني اسوي من تحاليل وكدا


اشوف بالمواضيع تقولو تحاليل هرمونات وجراثيم وكدا :confused::confused:



صح ابشركم الدم اليوم صار خففففففيف الحمد لله


هلا اختي السبب الاول لتوقف النبض خلل بالكرسومات الوراثيه
او ان الجنين ما كان يوصله دمم بسبب التجلط
مايحتاج تحاليل تسويها اهم شئ الرحم نظيف
انتظري ست شهور اذا ما حملتي
سوي تحاليلل الهرمونات
والله يعوض عليش

زهرة الياسمين
27-01-2013, 08:03 AM
اي وحده تسقط وبعد الاسقاط تنزل الدوره على طول تاكل حبه الرشاد ينظف الرحم عدل
لان تبقى قطع الدم داخل الرحم
اني مثلكم سقطت وكل الشهر احس باعراض الحمل وبعدين تنزل الدوره واكتشفت ان القطع موجوده هي مسببه الالم من تنزل الدوره على طول مشروبات الساخنه وحبه الرشاد وش اقول اليكم نزلت بلاوي ولماتخلصي من الدوره جلسي على ملح خشن مع ماء ساخن لمده ثلاث ايام بشوفي كيف يصير الرحم وبترتاحي وفي الناس ماشاء الله حملوا اني من الرغم سويت عمليه ولاتنظف عدل الله يعوضنا ويعوض جميع المحرومين