تجمع مرضى القولون

**تاجره الشرقيه** · 05-10-2011, 07:39 PM

السلام عليكم ورحمه الله وبركاته

اتمنى من كل وحده تدخل وتعاني من القولون تقول لنا وش تستخدم

وكيف تكون حالتها وقت الالم المزعج من هاذا المرض

اسأل الله العلي الاعلى رب العرش العظيم ان يمن علينا بالشفاء العاجل بحق محمد وآل محمد

**الحالمه** · 05-10-2011, 09:19 PM

هلا وغلا اختي دقيتي عالوتر الحساس
فعلا القولون شيئ متعب والمه فظيع
احيانا يكون في اسفل البطن والبعض
يجيهم على جنب كانه في الكلى
اني لما جاني رحت لاخصائية باطنيه وعطتني حبوب ومسكنات
داومت عليها لمدة اسبوعين تفريبا والحمدلله الحين مايجيني الالم الا نادرا
او اذا خبصت واكلت بعض الاشياء الممنوعه عنها مثل البقول والمشروبات الغازيه
الله يعافي الجميع يارب

**nooor2013** · 05-10-2011, 10:03 PM

ايه والله وهالمرض الي متعبني كل اسبوع لازم مستشفى ابر

الله يغير حالنا وحال الجميع

بس انا حاولت اكثر من حليب سائل بارد يخفف ويبعدني عن القولون

وابتعدت طبعا عن البهارت واللاكلات الدسمة

**تاجره الشرقيه** · 06-10-2011, 12:36 AM

ايه والله هاذا نقطه من بحر الالم الي يسببه

مو الم يادافع البلاء جنون في البطن انا والله ينتشر في جسمي كله

تتكسر عافيتي تكسر كل شوي يضرب في مكان حتى شكو عندي مراراه وسويت اشعه

كلى وكبد ومراره سليم بس الغازات لعوزتني محبوسه ومسببه لي مأزق ونفسيه اعوذ بالله

نسألك ياربي العافيه

دربكم العافيه يارب وبالنسبه للحليب خيه مايصلح ولا الاجبان بعد تزيد غازات

بس زبادي قليل دسم اكلي

ننتظر البقيه

**ربوبه** · 06-10-2011, 02:07 AM

يالله ربي يسااعدنا على هالقولون ..
انا صاار تعب في بطني وسبب لي امسااك ورحت المستشفى مضر وعطتني حبوووب وخف الحمدالله ..
بس من ازعل لو اتضااايق خلاص اتعب وااااااااااااااااااايد وبطني مااقدر منه .. والحين صرت مااكل اكل في بهااارات مع ان ي مااقدر بس احاول اخفف والسفن اب والبيبسي اخفف منهم بعد لاني مااتحمل ..

**nooor2013** · 06-10-2011, 02:22 AM

انا منعت نفسي من اشياء وايد

كله من القولون

اهم شيء مايجي لي لان يتعبني بقوووووة

**الذوق الرفيع** · 06-10-2011, 03:26 AM

عاد اني القولون لاااعب فيني لان طول الوقت معصبة من بناتي الله يهديهم
اول امس جاني الم تعبببت مرة وجانيي اسهال وانتوا بكرامة
الله المعييين

**تاجره الشرقيه** · 06-10-2011, 01:47 PM

نتقرب اليك يالله بني الرحمه ونسألك الفرج والرحمه يارب

صحيح القولون عالم ثاني انا والله تبهذلت حياتي منه احسه الموت

نزل وزني وصارت نفسيه زفت وصرت اكل بس مسلوق وبالموت لانه مايشهي بصراحه

والمصيبه انه ماله علاج نهائي ولا نعرف وش الحل وياه

حتى استخدمت عشبه السنا الي تفرغ البطن قلت يمكن يروح الالم نفس الحال

لاني اخذت العشبه وانا مو ماكله بعد مااستفذت شي

وطول وقتي اشرب يانسون ونعناع وبابونج

ياااااااااااااااااااااااااااااااااااااااااااااااال له شافينا جميعآ

**احاسيس مبعثره** · 06-10-2011, 09:26 PM

آآهـ القولون وماادراك مالقولون
اني وقت الألم معصبة وساكتة واخلاقي زيرو ..~
واللي يزيد الأمساك والأمساك يسبب بواسير والبواسير تقتل =( ..!
من فترة قرأت انه ماي الورد يخفف وجربته وخفف شوي
الزموته وهالسوالف بعد اذا كان عندك غازات القولون يفيد واجد ..
يعطيكم العآفيهـ ..~

**ياعاشقة الورد** · 07-10-2011, 07:00 PM

ااااااه بس منه

عشت معاه ايام الجامعه ايام صعبه لانكم عارفين الجامعه شد اعصاب وتوتر وكل اختبارات وغيره
فكان تاعبني بقووووووووووووووووووووة ومن اكل اقل شي بطني علطول يالمني

الحين حاولت اغير نظام حياتي كله

اول شي ابتعدت عن الحليب والشاي العادي وصرت كل اشرب شاي اخضر وحاولت اقلل من المعجنات والحاويات لانها سبب النفخه والالم
غير كذا مااكل اكل حار وابتعدت عن اكل المطاعم اكل على خفيف مرة
صرت اكثر من الماي واحاول ابتعد عن العصبيه بقد مااقدر وغير كذا ملازمه على شد البطن لما اكون فاضيه

والحمد لله احس خفيت عن اول كثييييييييييييييييييير (قولوا ماشا الله لايرجع لي هههههههههههههههههههه)

وقليل مرة اذا رجع لي القولون .

انتوا حاولوا تبتعدوا عن الاشياء اللي تهيج القولون حتى لو كنتوا تحبووووه اهم شي الصحه

وكثروا من الماااااااااااي هذه اهم نصيحه

والله يشافينا ويفكنا منه يارب

الموضوع: تجمع مرضى القولون

أدوات الموضوع

عرض

تجمع مرضى القولون

ضوابط المشاركة

جميع الحقوق محفوظة لمنتديات عروس القطيف @ 2015