Warning: preg_replace(): The /e modifier is deprecated, use preg_replace_callback instead in ..../includes/class_bbcode.php on line 2958
((قصص ولادة امهات عروس القطيف )) 6


12/04/17

 
 

 

 
صفحة 1 من 159 1231151101 ... الأخيرةالأخيرة
النتائج 1 إلى 10 من 1589
  1. #1

    تاريخ التسجيل
    Feb 2009
    المشاركات
    9,275

    افتراضي ((قصص ولادة امهات عروس القطيف )) 6

    السلام عليكم
    اخواتي الامهاات الجدد*


    الحمد لله على سلامتكم*


    هذا موضوع خاص بذكر قصص ولادتكم*


    والله يسهل عليكم

    ويرزقنا يارب





    قصص الولاده 1

    http://3roosqatif.com/vb/showthread.php?t=72458


    قصص الولاده 2

    http://3roosqatif.com/vb/showthread.php?t=85608

    قصص الولادة 3
    http://3roosqatif.com/vb/showthread....47#post3214347

    قصص الولاده 4*

    http://3roosqatif.com/vb/showthread.php?t=148012



    قصص الولاده ٥
    http://3roosqatif.com/vb/showthread.php?t=160806

    قد يتأخرُ الفرح وَقد تنقبضُ الصدور وَتنحبسُ السّعادةُ!
    لكنَّ الفرجَ حتمًا سيأتي بألفِ طريقة ولوْن،
    طالماً أننا نُؤمنُ بأنَّ اللّهَ قدَّر لنا كلَّ شيء لسببْ..

  2. #2

    تاريخ التسجيل
    Jan 2011
    المشاركات
    298

    افتراضي

    يسلموا جلامور والله يرزقش الذرية الصالحة يارب

    بفتتح هذا الجزء من قصص الامهات بقصة ولادتي

    بداية امس لما قعدت من النوم شفت عندي دم خفيف نازل مني
    كلمت زوجي كان في العمل وعطيته خبر
    لكن لان شفت الدم وقف قلت ماله داعي اروح المشفى الحين
    في جميع الاحوال عندي موعد العصر اصلا وبروح وبقول للدكتورة

    للمعلومة بس اني في الاسبوع ٣٩
    المهم كملت يومي عادي ورحت الظهر مجمع الظهران عشان اطلع منه زقت الموعد
    واروح المشفى
    رحت واكلت وتسوقت لحد ماجاء وقت موعدي ومرني زوجي في المجمع ورحت المشفى
    الدكتورة دخلتني عالسونار مباشرة لان كانت مشغولة عندها عملية فوق
    بس قلت اليها اني اليوم الصباح شفت دم مع مادة مخاطية
    قالت مافي مشكلة الحين اركبي فوق وخليهم يسووا لك كشفية عالسريع
    بعدها الدكتورة غيرت رايها قالت بس لك الكشفية هنا الحين ماتاخذ وقت
    بالفعل سوت الكشفية كانت تألم شوي بصراحة
    المفاجأة كانت ان الرحم كان فاتح عندي ٥ سم
    استغربت الدكتورة تقول ماحسيتي بشي
    قلت لها لا
    قالت لي اركبي ولادة
    تخيلوا عاد وجهي قلبت الوانه وقعدت اقول للدكتورة تمزحي اكيد
    تقول مافيها مزح فاتح ٥ سم لازم تركبي

    اني بصراحة كان ودي اطلع بس قلت بتوكل على الله وبركب احسن مما ان اني اطلع
    ويجيني الام طلق حزة الحزة ومادري ايش يصير وقتها

    ركبت واني وزوجي بعدنا مصدومين مو مصدقين الموضوع
    خاصة اني كنت كوول عالاخر وقتها امزح واسولف عادي
    ركبت وقالوا ليي بدلي وروحي وانتوا بكرامة الحمام
    قلت اوك
    بدلت ودخلت الحمام
    بعد شوي قالت ليي الممرضة بعطيش حقنة
    اني مافهمت الا لما جت تعطيني اياها
    عطتني حقنة شرجية عشان وانتوا بكرامة اتبرز قبل الولادة عشان لايصير شي اثناء الولادة
    والحمدلله اخذتها ومشت اموري
    بعدها قلت اليهم اني ابغى ابرة الظهر
    قالوا اوك
    وقعدت انتظر بعدها بساعة تقريبا جت القبالة قالت بتسوي كشفية
    وسوت طلع فاتح الرحم تقريبا ٦
    قلت اليهم ابغى ابرة الظهر
    قالوا مانعطيش اياها الرحم فاتح ٦
    بنعطيش ابرة مسكن وغاز تشميه يخفف الالم

    وقالوا ليي بنحط عليش طلق صناعي عشان ينفتح الرحم اسرع وماتطولي
    المهم عاد هم حطوا الطلق من جهة وبدأت قصة الالم

    بعدها بنص ساعة جت الممرضة وعطتني ابرة المسكن
    وقالت ليي نامي
    المشكلة ان الابرة مفعولها تخدير مو تسكين الم
    كنت كل ما احاول انام توها تغفي عيوني الا يجيني الم واقعد اتوجع

    بعدها جت دكتورتي وكان نهاية دوامها لكن مرتني وقالت ليي ان شاء الله ساعتين وتولدي
    ووصت عليي الممرضة
    تقول ليي نامي اقول ليها وين انام والوجع يزلزل
    كان يجيني كل ١٠ دقايق تقريبا
    بعدها من كثر ما اني اتألم واتوجع جابوا ليي الغاز عشان اتنفسه
    بصراحة ماسوا ليي شي ابدا
    ماكأني اتنفسه نهائي الوجع مثل ماهو يقتل
    جت القبالة وسوت كشفية قالت فاتح ٨ سم هذا بعد ساعتين من ابرة الطلق
    واني خلاص استهلكت طاقتي تقريبا
    حسيت ان الابرة حقت المسكن مخدرتني طول الوقت
    ماسكنت الالم بس خدرتني

    بعدها تقريبا بساعة رجعت القبالة وقالت خلاص الرحم فتح ١٠ وولادة
    وقتها عطوني ابرة مسكن ثانية
    من كثر ماخدرتني الابرة ماكنت قادرة ادفع عدل
    غير التوجع والصراخ من الالم حق الطلق كان تأثير الابرة فيي

    كانوا يبغوني ادفع يقولوا ليي ادفعي من تحت كأنك وانتوا بكرامة تتبرزي
    اني كنت احاول بس وقتها خلاص اني جسمي كان متخدر وتعبان من الابرة
    والالم والصراخ
    اللي قهرني ان الممرضة الفاشلة وكانت هندية تهزأني عشان اني قاعدة اصارخ
    تقول ليي لاتصارخي اكتمي نفس وادفعي
    جد كان ودي اهزائها بس من الوجع ماني قادرة
    كنت اقول لزوجي قول ليها تسكت عني مابغاها تكلمني
    وترجع تهزأني كل مرة اصارخ من الالم

    المهم صرت كل مرة يجيني طلق يقول ليي ادفعي بقد ماتقدري من تحت
    واني من التعب احاول بس جد كانت طاقتي شبه منتهية
    بقيت تقريبا نص ساعة او اكثر شوي واني احاول ادفع وادفع من تحت واحاول اني ما اصارخ
    عشان اوفر طاقتي للدفع والحمدلله بعد المعاناة شوي شوي طلع الراس
    وبعدها طلع باقي الجسم
    لاحظت واني في الدفع ان القبالة كانت تقص من تحت كانت تفتح الرحم بعد ماخدرت المنطقة
    فما حسيت وهي تقص
    والحمد لله وصلت بنتي زينب بالسلامة.
    لما ولدت طلعت المشيمة معاها وبكدا ما اعانيت من تنظيف المشيمة
    رجعت عطتني ابرة في المنطقة تحت وقعدت تخيط
    وحطوا ليي تحميلة مسكن بعد.
    الحمدلله ماحسيت ليها وهي تخيط

    والحين الحمدلله صرت احسن واجد
    وبنتي الله يسلمها بخير والحمدلله

    وعقبال كل الحوامل الله يسهل عليكم جميع بحق محمد وال بيته

  3. #3

    تاريخ التسجيل
    May 2009
    الدولة
    في قلب حبيبي
    المشاركات
    3,922

    افتراضي

    الحمدلله ع سلامتج وتتربى في عزج

    بس ماقلتي وين اولدتي

  4. #4

    تاريخ التسجيل
    Apr 2013
    المشاركات
    52

    افتراضي

    السلام عليكم ورحمة الله وبركاته

    بدايتاً مع حملي تنقلت فالمتابعه بين المواساه والمدلوح بعدين صرت اتابع فالمدلوح اول ماسوت سونار طوولت بعدين قعدت تسألني ان في احد من عائلتكم في توائم و و وانا مستغربه ليش هالاساله سالتها تقول في كيسين بس واحد فاضي او بعده صغيير مع الوقت نعرف بعد فتره قالت ان بس واحد والثاني ينزل مع الولاده
    كان وحاامي خفيف جدا الحمدلله عدو الشهور الاولى بسلام ودخلت الرابع وكان نفسي فولد والحمدلله ربي رحت اسوي سونار وقالت فيش ولد وبتدت الحياة الحلوه والتقضي الممتع فالشهر التاسع الوحيد الي حسيت فيه بثقل شوي وخلصت التاسع كامل وانا استنا أي بوادر الم أي شي ابد قاعده كدا هههههه دكتورتي الي اتابع عندها قالت خلاص خلصو مواعيدك عندي روحي المستشفى الي ناويه تولدي فيه
    بعدين رحت المستشفى قلت لهم ان خلصت التاسع كامل ولسى ماولدت كشفت وقالت بيعطوني بعد اسبوع روحي امشي
    كنت بولد بمستشفى القطيف المركزي وخلص اسبوع يمكن وانا ابد مافي أي شي بس كنت حاسه فاي وقت بيجي الم وخلاص ومهدده اهلي مايساافرو هههههه بعدين الله كتب لهم وسافرو وانا يدي ع قلبي مابي اولد ههه رجعو وبعد كم يوم زوجي خلاص لازم تروحي مستشفى قلت له ماحس بالم ولا شي واصر علي وقلت امري لله رحت وقالو فاتح 2 او 3 شي كدا قالو تنويم لان المشيمه ع اخر الايام تضعف يمكن ماتوصل شي للجنين وقلت يالله تنويم تنومت وجت دكتوره تسوي لي تحفيز ع قولتهم سوت لي مرتين يمكن المغرب واليل متاخر وقالت ان شاء الله مايجي الصباح الا والدة
    قعدت اتقلب ونمت كم ساعه وجو لي من الفجر تحاليل و و و قالو بيودوني غرفة الطلق وعطوني ابره الشرج وقالت بعد 5 دقايق روحي الحماام حطتها وراحت ابد يمكن نص دقيقه ولا انا فالحماام هههه وبتدا الطلق كان خفيف وهلكتني لاتتحركي عشان ينسمع نبض الجنين و طول الوقت فوق راسي وجا الضهر قالت بتسوي كشف طلع فاتح 4 وانا اقوول اووف لسى ماخلصنا بعدين زاد الطلق وابتدا الالم ع اصوله وكان الالم كله فالضهر يكسر الظهر كساار اخخ بسس
    بعدين كشفت طلع 8 هني خلاص اعصاابي تلفت والالم كل دقيقه يزييد ستنيت يهدا الالم كم دقيقه واتصلت لزوجي اشكي له هههه وقعد مسكين يصبرني وتوسلي باهل البيت وبالامام الرضا و و وسكرت بعد فتره كشفت قالت 10 ولادة وي جا الفرج وع طوول قالو لي قومي ع الكرسي ورحت للغرفه باارده حدها هههه وقامو يشجعو فيني ويالله وتقدري وقريب يطلع ويبين شعره و و وكل مادفع مافي فايده بعدين قالت لي الدكتوره يالله دفعي متواصل قاعده تتعبي الجنين كدا وانا خلاص احس ادفع بكل قوتي على الفاضي وقاعده ادفع وادفع وادفع الا يقولو لي خلاص ولدتي وجبت خفيف الدم رضا ربي يحميه ويحفضة وخلاص لمحته نفس ابوه حطوه على حضني شوي وخذوه وبتدا الخيااط وبعد ماخلصو رجعت الغرفه وقالو لي اسبحي وريحي بعد ساعه نوديك غرفتك خذت ملابسي وممرضه تبي تدخل معاي غصب ههه اقول لها اقدر مافيني شي قالت اوك خلي الباب مفتوح واذا ماتقدري توقفي اضغطي الزر قلت اوك وقفلت الباب ههه لان حسيت بنشاط مو طبيعي بعد الولاده وحسيت مصحصحه اخذت شاور ع السريع ولبست وبعدين مسكت الجوال ابشر العالم الا كلهم يدرو هههه زوجي اول ماولدت سال الممرضات وقالو له وانا على ماخلصت خيااط وسبحت الا منتشر الخبر جابو لي الاكل اكلت كم حاجه وريحت ع السرير
    الا جابو وحده جنبي يمنيه يمكن تعبااانه واقول يااالله قبل ساعه كنت مكانها وقعد ادعي لها واهي تقول ولدتي قلت لها ايه جبت ولد قاالت امانه تدعي لي تعباانه وقعد ادعي لهاا بالتيسير والسهااله ورحت غرفتي وزوجي مسكين يستناا وقعدت اقوله ويش صار ونتهت الزيااره بس جو ابوي وامي تحمدو لي بالسلامه وطلعوو وقعدت شوي بعدين رحت الحضاانه اشووف وقعدت اتامل ههه يوم ثاني طلعت المغرب بدون ولدي كان فيه الصفرة وقالو يمكن فتحه فالقلب وعاد تبتدي المناحة والحمد الله طلعوه بعد 4 ايام مافيه الا العاافييه وابتدت الافرااح مع مواليد اهل البيت فبدايه شعباان والحمدلله

  5. #5

    تاريخ التسجيل
    Nov 2010
    المشاركات
    1,632

    افتراضي

    فاطمه ،، قصتك عورت قلبي الف الحمد لله على سلامتك وسلامة زينبه

    ام رضا ،، قصتك ترفع المعنويات والف الحمد لله على سلامتك وسلامة رضاوي

  6. #6

    تاريخ التسجيل
    May 2012
    الدولة
    Qatif
    المشاركات
    496

    افتراضي

    الحمدلله ع سلامتكم ام رضا و فاطمه قرت الاعين
    فطوم وشو هذي الابرة اللي خدرتش كذا ماعرفتيها ؟
    ام رضا ماشاء الله عليش قحصتي التاسع كله خههههخ
    التعديل الأخير تم بواسطة fatima h rebh ; 21-06-2013 الساعة 04:14 AM
    7 . 10 . 1433

  7. #7

    تاريخ التسجيل
    Dec 2010
    المشاركات
    1,129

    افتراضي

    الف الحمدلله على سلامتكم

  8. #8

    تاريخ التسجيل
    Sep 2011
    المشاركات
    169

    افتراضي

    ألف الحمد لله على سلامتكم

  9. #9

    تاريخ التسجيل
    Jan 2011
    المشاركات
    298

    افتراضي

    الله يسلمكم ويحفظكم جميع

    ولدت في بروكير

    من ناحية الابرة قالوا لي ابرة مسكن وبس

    الحمدلله على كل حال
    وعقبالكم حوامل
    الله يسهل عليكم

  10. #10

    تاريخ التسجيل
    Mar 2009
    المشاركات
    2,973

    افتراضي

    الحمدالله على سلامتكم ويتربو الكتاكيت في عزكم ودلالكم يرب

صفحة 1 من 159 1231151101 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

جميع الحقوق محفوظة لمنتدى عروس القطيف

جميع الحقوق محفوظة لمنتديات عروس القطيف @ 2015