12/04/17

 
 

 

 
صفحة 2 من 4 الأولىالأولى 1234 الأخيرةالأخيرة
النتائج 11 إلى 20 من 38
  1. #11

    تاريخ التسجيل
    Nov 2015
    المشاركات
    399

    افتراضي

    أني ما أبرر شخصيتها بس أقصد أقول لك أن فيه اختلاف بالشخصيات وكل شخصية ليها طريقة في التعامل

    لما تعرف ليها تكون عرفت إلى مفتاح شخصيتها وتعرف تتعامل معاها

    مثلاً كانت حولي شخصية عدائية لما عرفت أتعامل معاها تغيرت معاي وصارت تحسب لي ألف حساب وتخاف على زعلي وتنتظر في بعض الأحيان أن أكلمها وتعترف بنفسها أن تبغى تسمع رايي

    معرفة الشخصيات وكل شخصية وطريقة التعامل معاها مهم جداً

    فيمكن وأتوقع أنها بحاجة لشيء هي فاقدته بعلاقتها معاك وهو التقبل

    التقبل أمر مهم في العلاقة

    ومن الكلام إليّ قلته فهي شخص غير مقبول فيها فنفسياً كون عدم التقبل موجود ينشأ عنه عدم راحة وحتى لو ناوية تتغير هي نفسها نفسيتها تعبانة فبيكون صعب عليها

    بمعنى هي بحاجة أنك تتقبلها كشخص وتبين حبك ليها وتعدد الأمور والأشياء إليّ تحبها فيها

    وأن الأهمال كسلوك غير مرغوب فيه

    يعني تبين تقبلك وحبك ليها كشخص وتظهر انزعاجك منها بسبب الأهمال
    ومو تنزعج منها بشكل كامل وكأنك ترفضها وتحسسها أنها شخص غير مرغوب فيه


    *****

    الدفاع عن النفس

    هذا أسلوب كونك رجل طبيعي بتجي وبتدافع عن نفسك أن أنت سويت كل إليّ عليك ومو مقصر وإلخ
    أني ما ألومك بهذا الكلام ولا أهاجمك ولا أتكلم عشان تدافع عن نفسك وتبرر تصرفاتك
    بصراحة الله يعينك ويعينها بعد كون زواجكم مافيه انسجام ولا تفاهم يعني حتى هي مو مرتاحة مو بس أنت

    الهدف من تغيير زاوية النظر وبدل مايكون النظر عليها فقط يكون عليك بعد وأنك ترجع لنفسك يخليك هذا الشيء أكثر حكمة في التفكير والتعامل مع الأمور
    أني ما أقدر أقول لك أصبر وعاني وتعذب بحياتك وفي نفس الوقت ما أقدر أقول لك طلقها
    يمكن تتزوج ثانية وهي إليّ ماتصبر عليك مثلاً أو ماتدخل قلبها
    العقل يقول حاول إليّ بين يدك وحاول تغير نفسك
    بعدين شوف الوضع
    4 سنوات مو محسوبة كون طريقة صبرك خطأ

    في الأستشارة في العادة يحاولو يساعدوك بطريقة أن تصير واعي بنفسك وبالي حولك أكثر وتفهم الوضع وتتفهمه
    ما يتخذون قرار عنك
    أنت صاحب القرار وهذه حياتك والله يوفقك ويسدد خطاك.

  2. #12

    تاريخ التسجيل
    Sep 2014
    المشاركات
    24

    افتراضي

    بالتوفيق خيو
    التعديل الأخير تم بواسطة شوق7 ; 19-05-2017 الساعة 03:03 AM

  3. #13

    تاريخ التسجيل
    May 2017
    المشاركات
    12

    افتراضي

    للي سويته معاها تشجيع احيانا وصريخ ووعيد احيانا اخرى , ولا فيه انك تتنازل عشان تسكر الموضوع , كان عندي استعداد اقعد من الصبح لليل واحيانا نفس الموضوع يستمر ايام ما يتقفل ليييييين اوصل للي ابغاه ويا ويلها لو نتفق على شي وبعدها تسوي عكسه
    نتفق وماتلتزم ونتفق وماتلتزم
    حاورتها مره
    عنفتها مرااات
    فشلتها قدام اهلي مراااات بس فيها غباء
    وما اقصد اتنازل في هالامور
    لأ
    اقصد استسلم في امور النقاش لأن فلسفتها تجيب المرض يعني عادي عشان شيء تافه نقعد للفجر لأن للحين كلامي مو داخل مخهاااااا ونقعد ايام بعد !!
    وانا اشتغل 16 ساعه في اليوم قول مو فاضي للفلسفه الزايدة

    أخوي بكون معك صريح ، عادة لمن يطرح أحد مشكلة زوجية نحاول نشوف حل ونقترح ، بس إنت في وضعك هذا أي اقتراح ينفع !!

    كيف صابر على هالوضع ؟ زوجتك وضعها منتهي مرة..إذا كان نصحك ونصح أخواتك ووالدتك ما نفع وش ممكن ينفع معاها..

    والله لو هذي زوجتي ما تظل عندي يوم في الشقة ، خلها ترجع إلى الزبالة اللي كانت عايشة فيها.

    أخوي أنا مو هدفي أهدم بيت...ولكن من كلامك هذي وحدة ما نفع معها ولا إسلوب..

    نصيحتي إنت بعدك شباب في مقتبل العمر ، والعمر قدامك طويل إن شاء الله ، حرام تضيع شبابك وصحتك مع وحدة مو جايبة خبر أحد وعايشة حياتها.


    بالضبط انت اللي فاهمني
    وحده عدت معاها اكثر من مره واكثر من اسلوب
    واربع سنوات كااااافي
    انا لو عندي شغله عدله والله ما انتظرت ..
    بس الشكوى لله

    خلاصة الكلام إليّ فوق أنك تطور شخصيتك بطريقة تكون قوية وبشكل حازم أن تخلي الطرف المقابل يلبي طلبك بدون صراخ وبطريقة إيجابية بطريقة تلبي طلبك بدون ماتصرخ عليها ولا أنك تمحي شخصيتها وبالهداوة والحزم
    مو جربنا هالطرق وتعتدل وترجع نفس الموال ياخوي
    عشان كذ اجبرتني اجرب طرق ثانيه وثالثه ورابعه
    نتفاهم واصارحها وعارفه بكل كلامي لاني اعيد وازيدة واعيد وازيده
    وعارفه انها ترجع على نفس الموال صريح انا معاها وتعترف هي ..

    احس ان عقلها في شيء



    وأتوقع بنسبة كبيرة وبالرغم من حالة الأستياء أتجاهها أن تملك حيز في قبلك والدليل صبرك عليها
    فحاولوا تلاقوا حل بينكم يقربكم من بعض ويسد الفجوة بينكم لأن مثل ماذكرت أن احتمال كبير جداً أن حتى هي مو مرتاحة
    بداية الزواج مرتاحين هي خربت هالراحة من كثر ماتحرجني وكافي الاهمال اللي ماظل احد ماكلمها عنه
    الاهمال اللي ينفرني منها ومن القعده معاها
    واسلوب التفكير السطحي والكلام الكثير بدون فايدة والنقاشات العقيمه

    بالنسبة لأسلوبها ممكن شخصيتها قيادية وماتتكلم كثير أو إذا تكلمت كلمة ورد غطاها
    روووح اقرأ المشكلة انت مو فاهم صح الظاهر
    اقول لك ثرثااااره الكلام اللي يطلع .. يطلع !!
    ماتفكر قبل ماتتكلم
    ياما وياما فشلتني قدام ابوي لوما اسكتها ماتسكت ماينتهي الكلام

  4. #14

    تاريخ التسجيل
    May 2017
    المشاركات
    12

    افتراضي

    أني ما أبرر شخصيتها بس أقصد أقول لك أن فيه اختلاف بالشخصيات وكل شخصية ليها طريقة في التعامل
    أنتِ امرأءة وربما يؤلمك موضوع التفكير بالتغيير ..!
    وأعتذر توقعتك رجل في الرد السابق

    أنا كنت من المعارضين بشدة للزواج الثاني
    لكن سبحان الله ..
    انا ماعمري شفت بنت بهذي الطريقة لامن اقربائي ولامن اخواتي صرت احسد اناس
    اللي زاد الطين بله كذبها بسالفة الحمل ..
    أتحسر اشوف خواتي باجتماعاتنا مرتبين وكاشخين هي وش ينقصها عشان تسوي زيهم وتترتب ..!
    كل مره بيرتبوها !!
    رتبوها في البداية لما ماحسو بالاستجابة تركوها !!

    وقلة النظافة موضوع آآآخر !!

    أبغى افضفض ..! أروح وين ..
    أمي أبوي ..أختي ..
    شيء شخصي وما ابغى الجأ لصديق ..!
    وين ارمي الثقل اللي بقلبي اذا هي ماتستوعب ماتفهمني باردة وردها اقرب للامبالاه أو نائمة ..

    أحتاج إمراءة أخرى تغيير لي حياتي

    هذا الحل في نظري ..وأنتم ؟

  5. #15

    تاريخ التسجيل
    Nov 2010
    المشاركات
    1,632

    افتراضي

    اذا مو مرتاح ومتعدب نفسيا وجسديا خلاص ارحم بحالك وحالها ويسرعا لبيت اهلها واخذ لك فترة نقاهه وجمع من جديدوتزوج امن تقعد في هالضيم بتموت وانت مكانك

  6. #16

    تاريخ التسجيل
    Apr 2010
    المشاركات
    674

    افتراضي

    اتبع كلام محسن اشوف كلامه صحيح ..
    اعطيها شنطتها وعلى بيت اهلها وقول لها عندش شهر رمضان بطوله اقعدي في بيت اهلش وتدربي على الطبخ والنظافه وادا خلصتي اتصلي ارجعش !!!
    ولاتسمح لأي احد يتدخل ولاتتنازل
    هذي المشاكل تحتاج خطوة جريئة وكلمة ستوب كبيرة لانك استنفذت كل الحلول

  7. #17

    تاريخ التسجيل
    Apr 2010
    المشاركات
    511

    افتراضي

    في بعض الأحيان من كثرة الخلافات والمشاكل
    بين الزوجين ممكن الواحد يتغاضى او يغض النظر عن بعض الامور
    او بمعنى أصّح انه يتصبّر لكن لأجل شي معين يمكن يكون الحب ؟
    او وجود الاولاد ؟ او العشره نفسها تفرض هالشي

    بس بعد لنفسك حق واذا ماشفت هالحق وهالراحه الا بالانفصال فيمكن
    يكون هو الانسب

    اني مابجي اقول لك اصبر ؟
    او اذا مابتصبر طلق ؟ لا

    هي خطوط في حياتك انت حاطنها وتشوف الى اي مدى تقدر
    توصل وتقدر بعدها ترتاح

    الله يفرج عنا وعنكم بحق هذا الشهر الفضيل

  8. #18

    تاريخ التسجيل
    May 2012
    المشاركات
    446

    افتراضي

    اقتباس المشاركة الأصلية كتبت بواسطة كتاب مفتوح1 مشاهدة المشاركة
    أنتِ ا


    أتحسر اشوف خواتي باجتماعاتنا مرتبين وكاشخين هي وش ينقصها عشان تسوي زيهم وتترتب ..!
    كل مره بيرتبوها !!
    رتبوها في البداية لما ماحسو بالاستجابة تركوها !!

    وقلة النظافة موضوع آآآخر !!

    ؟
    انت ماشاء الله عليك ماظل احد في فريقكم والا من جيرانكم ماخليته يجي يعلق عليها وينتقدها.. جيشت اهلك كلهم يهينوها ويحرجوها مابقى عندها ماء وجه أصلا.. مشاكلك بينك وبين زوجتك تحلها بينكم مو تدخل اهلك كلهم ولا بكل جرأه تقول فشلتها قدام اهلي..
    اتفق مع دعاء امير في اللي قالته كله.. البنت مجروحه ومهانه ومتضايقه كثر ما انت متضايق ويمكن اكثر. انت لازم تعترف لنفسك بعد انك اسأت معاملتها لانك لو كررت نفس افعالك مع اي زوجه جديده مابترضى..

    هي اكيد فيها اخطاء وعيوب بس انت ماحاولت تصحح.. اسلوبك يدمر اكثر مايصلح.
    المرأه بطبيعتها تحب ارضاء زوجها لو كانت تحبه.. حتى لو فيها الف عيب بتظل تحاول.. بس انت زوجتك تعاند وهذا دليل على ان قلبها شايل عليك وعندها حق. طبعا اني شفت نماذج مقرفه من البنات واهمال يفوق الوصف.. الكلام اللي تقوله ممكن يكون صحيح.. بس اذا لك نيه اصلاح غير اسلوبك وياها. وخفف انتقاداتك .. يعني مو لدرجه حتى لو كررت لبسها تنتقد ليش انت وش تلبس ليها غير سروال وفانيله؟؟ خفف شوي الله يهديك.

    وكله كوم واللي يقول تزوج الثانيه عشان طبخها وتنظيفها افضل.. حسسني ان شغاله مانفعت الاولى استقدم الثانيه.


  9. #19

    تاريخ التسجيل
    Oct 2014
    المشاركات
    13

    افتراضي


    الله يعينك ويساعدك اخوي على المصيبة الى انت فيها

    راح اعطيك كذا ملاحظة واتمنى افيدك
    أولا :انا صادفتني اشياء كثيرة من الي انت كاتبنه في موضوعك وبالتحديد نقطتين , الاولىاني كنت دايماً اقارن زوجتي بخواتي و اقارن اهلها بأهلي و احس ان خواتي نازلين منالسماء وزوجتي جاية من الصحراء . فلما اتكلم عنهم قدامها احسها باقي شوي وتموت منالقهر فصرت ما اقارن ولا اجيب طاريهم نهائيا. فلازم تعرف اخويي ان زوجتك مو شرطتصير زي خواتك لان ببساطة التربية والبيئة تختلف فلازم تتأقلهم معاها . يعني كأنكلبناني بتاع اتيكيت وحركات و جار عليك الزمن انك تتزوج هندية ! فهل يصح انك تتابعكل صغيرة وكبيرة ! طبعا لا
    طبعا هذامثااال لتقريب الصورة فقط انك لا تقارن خواتك بزوجتك وحاول تتأقلم مع زوجتك وتوجدحلول ان امكن
    ثانيا : انامثلك من جهة (تنظيف وطبخ وغسيل ملابس) , يعني لو اعتمد عليها باضيع لانها كسولة مومثلي احب اشتغل طول اليوم وما اعرف اصصير فاضي وقاعد كله ع الجواال
    طبعا فيبداية الزواج كنت دايما اهدر عليها باسلوب شديد ان ترى انتين مو مخلوقه حق تقعديعلى الجوال 24 ساعة !!! واكتشفت انها ما كانت تسوي ولا حاااجة في بيتهم يعني لاتغسل مواعين ولا ملابس ولا تنظف ولا تدخل المطبخ , عكسي انا لاني سبق وعشت في غربةعزوبي وكنت اسوي كل شي من والى.
    طبعا لوانت مكاني وش بتسوي؟؟
    فصرت انا الى اغسل ملابسي واكويهم و اطبخ بعضالايام و اغسل المواعين
    لكنبذكااااااااااااااء و بهددددددددف ونحاسة زي ما يقولو
    كييييييف؟؟
    مثلا ,لما اغسل الملابس , اقوم اغسل ثيابي بس واخليها هي تتعلم تغسل ملابسها
    ولمااكون جوعان اشتري عشاء أو اسوي عشاء , بس عشان تحس على دمها , بعض الاوقات اتعشىلوحدي في بيتنا او برى و اقول ليها انا اليوم مسوي دايت , فاذا تمبي روحي انتينسوي لش عشاء
    وتدريجيا, الى ان صرت مثلا انظف جزء من الشقة واعطيها المكنسة في ايدها واقول ليها ترى انانظفت الصالة و الغرفة , انتين عليش كذا وكذا
    و فيالطبخ اقوم انا اسوي العشاء واقول ليها , المواعين غسيلهم عليش
    يعنيبالمختصر تقاسمت اياها الشغل و علمتها عليه الى ان صرات هي تعرف وش واجباتها المنزلية
    وبالنسبة للكشخة
    ياخياقعد اياها على ام بي سي او اي قناة وحر جبدتها , قول ليها شوفي هذي وشوفي ديك وشلابسة وكيف متعدلة ( هذا اذا باقي الاساليب ما نفعت) او قول ليها يا تتعدلي او بتزوج عليش متعة
    و فيالنهاية انت لازم يكون عندك جزرة وعصا ( هذا مثال مشهور ) يعني تقول ليها اذاكشختي و غسلتي المواعين باوديش البحرين او الكورنيش او مطعم
    و في نفسالوقت تقول ليها اذا ما طبختي ولا غسلتي ولانظفتي ( باخليش وبطلع ايا الشباب )

    جرب وعطنا النتيجة


  10. #20

    تاريخ التسجيل
    Jul 2015
    المشاركات
    30

    افتراضي

    اهلين اخوي
    اولا ترى معاناتك مبينة من كلامك
    وترى انت شاب زين متحمل وحدة ماتهتم والي يقولون ماسمعنا من الطرف الثاني ترى مهما بكون مافي سبب يدعي لمرأة بهالعمر تهمل شكلها انا بعمر زوجتك حاليا بالضبط تسع طعش ومتزوجة عندي الشكل اهم شي والمكياج الروج والمسكرا شبه يومي لان الحين البنات اهتمام موطبيعي بالشكل فالشي الي مستغربة منه كيف ناس بهالعمر ماتهتم لعمرها الحين ناس طاقين الخمسين* وماحد هامل شكله وغير كذا الادب والاخلاق تزين المرأة وتجملها
    وياليت بعد فوق انها مومهتمه لشكلها لااسلوب ولاطريقة كلام انا ماازيد عليك الوضع بس فاهمة وضعك وابي اوصل لك اني اقدر وضعك
    لدرجة موبس متعبته حتى اهله مشتغلين معاها وحالتهم حاله يعدلونها ويلبسونها
    واحس اغلب المشاكل فيها حلول احس انا عاجزة اطلع لك حل يعني لو حل بينفع معاها يمكن تغيير بحياتها او شي بس يبي لها شي قوي وشنو اهو ماادري صراحة
    بس انت واهلك خلوها تسوي تتحرك موانتوا وراها وتعلموها فوق انها طالعه من بيئة شكلهم مايعرفون بهالاشيا ويجي ناس وراها ورد الاخو الي قبلي حلو للتطبيق
    واذا مانفع بعد
    بس انت شاب وصبرت بدال السنة سنين وانا وحدة مومع التعدد لأي سبب لكن بمثل هالحالات التعدد من حقك وترى صج العمر يمشي لمتى على هالحالة
    انا جدا مستوعبة الالم الي أنت عايشه واتمنى لك حياة سعيدة بإذن الله
    التعديل الأخير تم بواسطة اراوي ; 31-05-2017 الساعة 10:00 PM

صفحة 2 من 4 الأولىالأولى 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

جميع الحقوق محفوظة لمنتدى عروس القطيف

جميع الحقوق محفوظة لمنتديات عروس القطيف @ 2015