(( تجمع امهات اطفال المستقبل 8 ))

[ام علووه]

مونيا


الله يخليهم لش
دمعت عيوني لما تكلمتي عن ولدش الكبير

الله يخليه ويبر فيش يارب ويهدي زنابو والصغار

[الذوق الرفيع]

مررحبا مامات اخباركم كلكم


من زمان ما شاركتكم بالتجمع ما ادري تذكروني ولا نسيتوني:d

اخبار اطفالكم ..

بنوتاتي ماشاء الله كبروا وحدة سنتين و7 شهور والثانية سنة و8 شهور ..
صاروا بالصلاة على النبي كنهم توأم وطول يومهم كل شباق وصياح دعواتكم الله يهديهم ..

[الذوق الرفيع]

المشاركة الأصلية كتبت بواسطة آنجل

مرحبا مامات
زنوب جننتني وش الحل معاها
هي الحمد لله هدأت شوي ولما طعمتها تطعيمة سنه ونص رجعت للصياح والحجايج
والحين كله تبغى تضربني ولابتزعل
طنشتها مافاد صرت اقول لها لا و عيب ولافاد صرخت مرات صرت اضربها ولا تهون
يعني تضربني اضرب ايدها ترجع تضرب عادي
وش الحل تكسر خاطري ما احب اضربها او اصرخ عليها بس تنرفزني عدل
بالذات وقت النوم متعلمه ماتنام الا لما ازقر عليها من اقول والحييييييييين تحط راسها وتنام
وما احسها تفهم لما اكلمها بالطيب ولاكأني اكلمها
والتعفيس والحوسه للحين مستمره مابقى شي ماخربته
تبغى بس العب معاها ((غميضه)) ههههه اتخشش عنها وهي تدورني وبس ماتحب العابها
حاولت اعطيها قلم تخربش بس ماتقعد من اعطيها على طول في فمها والدفاتر تشققهم
حتى اذا بقول لها قصه ماترضى تصرخ بس تبغى تعفس
اي وتطورت صارت تقول كلمات من اناشيد طيور الجنه :d
من تقعد من النوم تقول لي شو شو وتقول تيور (طيور)

يا حليلها الله يخليها حسيت حركاتها نفس هدوشتي المشاكسة
تشترك معاها في النوم اذا ما اصرخ ماتنام ونفس الشي بس اكلمها بالطيب والهداوة تزيد في الشطانة ويزيد تعفيسها وزيادة تضرب اختها او تتعيلف بها هههههههه

[أم عبداللهـ]

مرحبا مامات

اليوم الحسن كمل اربع شهور وبكرة بروح اطعمه وان شاء الله

تكون خفيفة عليه

[ام علووه]

ام عبدالله




توي من كم يوم طعمت علاوي تطعيمة الاربعه شهور
هي نفس تطعيمة الشهرين بالضبط

الحمدلله.كانت خفيفه عليه وماحسيت انه مطعمتنه
اللهم صل على محمد واله

ماسويت كمادات بس عطيته خافض حراره
و مسحت لزقة جروح ب فوكس شوي وحطيتها على التطعيمه

[حزن روح]

مونيا ماشاء الله

الله يخليهم.لك.وبالغة فيهم

حليييو.اسلوبش في الكلام

أني أحاتي تطعيمة السنة .. باقي عليها شهر وشوي

وطبعا وياها التحاليل >> هذولا اللي خايفة.منهم ..

المرة اللي راحت تطعيمة التسعة شهور قالت ليي كأنه ولدش اصفر .. قصدها لوننه مصوفر

خفت وياه فقر دم .. وطبعا الحين المفروض يآكل لحوم بس مايتقبلهم واجد .. يفضل يآكل كوسا

كمثرا .. مكرونات .. وإذا رز .. يحب الكبسة .. اللحم المفروم ممكن مع المكرونة لكن دجاج ما يرغب له واجد

[ام غايب]

هلا امهات اخباركم ويا جهالكم
امس طلعنا ويا زينبي ياعلي مادري ويش اقول احس بالبهدلة مو طبيعية ادا طلعت وياها لسوق
المهم نحطها بالعربة تقتل روحها من لصياح بس انشيلها تسكت وطلو الطلعة ياشايلينها من العربة ياحاطينها وتصيح عدل ادموع لدرجة اني لفيتها وجلست وياها على الكرسي بارضعها نامت بس حطيتها بالعربة قعدت
اقول لأبوها شكلي باحطها بالعربة وبادور فيها بالشقة عشان تتعود عليها هههههههههه
لانه من جد طاحت ايادينا من الحمال والمداور ابها

ماما الي سافرت ويا بتها او ولدها في عمر ست شهور ويش سويتو لانو نجهز اغراض السفر بنسافر ان شاء الله بعد شهر ونص مع انو زينبي طشونة مي ثقيلة بس الواحد يتعب وليش هالأختراع الي اسمة عربة مايسكتو فيها الجهال
احس روحي صرت احاتي ادا امس الوضع مو طبيعي ياشايلين ياحاطين

صح الحين هي قريب تكمل الخامس باقي عليها عشرة ايام بداية تسنين يعني لانه كل اشوفها تعض عض بأياديها
وتراري وايد

[الكاســر]

هلا مامات شلونكم


احنا بخير وجودي تمام ماعندها جديد



ام غايب حاولي تخلي بنوتتش في العربانه وتصير قبالش مو عاطتنش ظهرها وحطي ليها لعبه تسليها شويات وتمشي بها ومن فتره لفتره انزلي ليها العبي وياها وكلميها وسولفي ليها وشوي شوي تتعود

اني بنتي من عمرها شهر شريتها واستخدمتها بس مره وحده وتوني قبل شهر وشوي استخدمتها للمره الثانيه ودبحت روحها صياح بس اسبوع طلعات ومحاولات وتعودت عليها كله من زوجي يتكيسل يشيل العربه السياره ويفك ويركب فيها بس الحمدلله عدت على خير

[الشوق عطري]

مثل القمر

وآنتي أكثر وحشتيني آنتي والبطة جودي .. يآرب ويخلي لش جوجو
من ناحية مشاكسه حدهااااااااااااااا
ودلوعه بعد ^_^


دلوعة الغآلي

شخبآرش وشخبآر سيد هشووم فديته ..

منخشة ماتبيني


رقة مشاعر

بسم الله عليه قسوووم ..مايشوف شر ...

[أم عبداللهـ]

ام علوه حبيبتي ردينا ولاطعمناه حرارته مرتفعة